حبيبي الأصم الجزء 251

من تأليف كاميليا جود
2019

محتوى القصة

رواية حبيبي الأصم

اسد بقا غير كيشوف وكيضور عينو عليهم واحد وااااحد ومخخخسررر سيفتووو فحالتهم لي كتلوح القلب ... ورجع ضار عند عادل بمعنى شهادشي كيضن لكارد ديالو لي دايرين فيهم هاد الحالة ... وعادل غير شافو كيشوف فيه هبط راسوووو ...اسد مع حافظ عادل ..غير داك الحركة لي دار فهم منها انو معندهومش دخل فهادشي .... ورجع كيشوف فيهم ويحقق واش يعقل شي حد ... خوليو مربوطين يديه على واحد ساارية و عينيه عيااانييييين و لسانو مدلي وحوايجو مقطعييين وفاصمة بيين فخادووو بحالا لابس ليكوش تحت سروال كتبان منفوووخة ... ووحدين مجموعين فواحد بلاصة بيهم شي 6 كاملين اجاانب واحد رجليه مقطيعييين واحد معلقين ليه السيروم حيت عندو ضربة قوية فصدرو ولوخرين غير مضروووبين ومغرزين شي لكتفو شي لصدرو شي ليديه وكيشو فو فيه بالننجججدة .. وقلب عينو لرباااعة الاخرى تاني شي 25 واحد عقل فيهم غير ليون حييت ديجا شايفو فواحد الفيديييو ولوخرين ماعرف تاحد وخا تايكون كيعرفهم مايعقلهمش فهاد الحالة مغووووفلين ... مهبيييطييين راااسهم كيترعدووو حالتهم حالة وتاهوما مضرووووبين كلا وفين كانت جاتو الرصاصة دالمساعير ... و قلب تاني عيني بانليه طارق فواحد الساارية مربوووط لي منظرو اشمأزووو ... سروالو فااازززك وفوق حاجبو مغرزز بسباب الدق ديال سفيات خربق ليه لافيشور ديالو ...يا حسرة على لي كان غير الانااااقة والفخامة ولا كي شي جرتيلة ... وكيشوف فاسد بالترجي و تمسكييييين ... اسد تشوووكاا فبلاصتو وااقف ... ااااه عارف انو محتفضين بيهم ولاكن فهاد الحالة مطااااحتش على بالو !!!!! كان جاي فعلا انوووو ليوم يخرج فيهم كاع اعصااابو ولاكن ملي شااافهم هاكاااا تصدم! واخا هاكاك ناااارووو مبرداااتش عليهم ... حييت بسباااابهم مرتوو بكااات .. وهو فسبيل دمعة من لامار يحرق كولشي ... يبكيها هوو ويسكتها ولي بكاها ينحييييه ... بوحدو لي عندو الحق يبكيها .. بسبابهم بنتو كانت غاتربااا بلاا اب ... بسباابهم عاناو خوتو شحااال وماشبعوش نعاس لدرجة زروقية تحت عينيهم باقي مابغات تحيد بسبابهم تسع يام نافي راسو وسط لبحر كتعلم يتمشى بحالو بحال بنتو ...ورررجع تنننهددد... وواحد الكارد جااابيليه كررسي وكلس داير رطل على رجل مقااااابل معاهم وكيشوف فيهم وهوما كيسرررطو ريقهم بحالا كيتسناو مصييرهم شنو هو .ويطلق القاضي الحكم واش السراح واش المأبد ولا الاعدااام .. وهو كيشوف معاهم ويعووج فعنقو مغددد وماباغييييش يبين .... وجات لاماررر وقفات عند راسو وجاابو كرسي لسفيااان كلس حداه مفرق رجليه ومربع يدو كيشوف عنهم والفيلم كيتعاود فراسو ... كيقول فراسو واخا يشعل فيهم العافية مايبردش قلبووو ... حيت لي عناواه بسباااابهم عمرهم عاناوه .... وكون مات اسد وقتلوه كانو داك ساع غاايعانيو ديال بصح
اسد : ( مدة كيتفرج فيهم ويطلع ويبهط وصوت ديااااب مالي المكاان ... من بعد تنحنيحة قاد فيها الكلسة ... نطق بالانجليزي ببرووووود ) مغاااتشرفوووناش بسيادتكم ؟؟؟؟!

كوولشي سااااكت وكييرممشوووو ماعااارفين اش يقولو ...تاااحد ماانططق... منغير وااحد نطق بالانجليزية ...
- عععفااااااك اسيددددي لمااا طلقنا منهنا كنترجااااوك ونركعووو عند رجليييييك ...مستعدين نفدو اش ما طلبتي .... حنااا مكنعرفوووكش ومعندنا معاك تا عداوة كون عرفناك هاكا منقربوش عليك حسابتنا غير شخخخص عادي .... حنا غير تخلصصصنااا باش نفدو الاوامير عفاك اسيدي عندنا ولاد صغار يبقاوو يتامى 
لامار : ( بحقد ) والبنت لي كنتو غاتخليوها يتييييمة مافكرتوووش فيهااا همممم ؟؟؟ معندكم معاه تاعداوة و علاش كنتو غاااترزيوه فحياااتو ...
- حنااا غي عبد مأمووررر الاالة و مستأجرييييينا ...طططلقني اسيدي وكنواعدك مانبقاش معاهم انا كاااااع ونهز ولدي ونمشي من البلاد ومنقربش لاجرام مزااال .. غير طططططلقني وعيطيني حيااااة جدييدة 
اسد : شكون نتا بعدا؟؟؟؟ .... 
- ا .. اناا .. انا كنت مع لي جاايين باش يخطفوك .... تيقني اسيدي مدرت ليك انا والووو كاع ماضربتك بطموبيل مادرتليك منوم ممدرت والو ... هدااا هادا هو لي كان كيعطينا الاوامير وهو لي كان كيتواصل مع العصااابة دعقارب السفن ( كيششير لصاحبو لي مقطعين رجلييه )
- ( واحد اخور كلشي بغا يدافع على راسو الصراع من اجل البقاء ) حتى اناااا مدرت والو اسييييدي كنت غير فطموبيل كاااالس بحالي بحال هاد رجال ديالك ( لكارد ) كنفدو غير اش تقاال لينا ومكنااااش باغين نضربوك كاع ولا نآديوك ...هدا لي دار هاااادشي كامل ... عفااااااك اسيدي لاما طلقني عندي ام مقعدة ككككنصرف علييييهاا ويلا بغيتي قادر نوض نقتلهم ليك كااااملييين انا مانع تاشي حد ومغانبقاش معاهم لاعطتا حياة جديييدة ...
اسد غير معلي حاحبو وشاف عند هادااك لي مقطعين رجليه وباقي كيهضر ببرود
اسد : شكون مسيفطكم !! 
هاداك شاف عند الرباعة لخرين لي مشدودين غييير لقطاطعية ولاكن هنا ولاو يبانو كيف الفيران واسد شاف عنهم وهوما كيتححلفو على هاداك يسسسسكت والخوف متمركز فعينيهم اما لاخور اليأس فوجهو عارف الى مصيرو القتل ...
لامار : ( قاستو يطلع راسو فيها وشااف عندها ) هادو هنا هووما لعصابة ليكان معاهم عدنان .... ( مشاااات حداهم وشيرات لل ليون واسد خاشي صبعو صغير ففمو على عادتو كيتشرف بمعرفتهم ) هادا ليووون .. كان صاحب عدنان وهو لي توسط ليه مع العصابة ( كتعاود غير اش عاود ليها عادل واسد عرفو حيت هو لي كان محمل اسييل ومخلا مدار فعدنان ) وملي عدنان خرج من العصابة هاد شماتة خاف على راسو من هادااااا .. هادا لي كتشوفهنا ( شيرات لواحد القررررع مححححقد عينييييه مارااااضيش موالف هو كووولشي وراس لكبير ديالهم كاملين ولي مايقدروش يتعزعو حداه ) هدا هو لبوووس دياالهم... هداااا لي كيترعدو منو .... وقال خخصني نجيب عدنان باش ميقتلني ... وباش يجيب عدنان خصو يزيرو بخوه .... وقال اجي نسيفط ليه هادو ( شيرات لوخرين ) ينوموه ويهزوه حيت مايقدورش عليه وهو فايق ... ويصوروه فشي مستودع ويطلقووووه ... و عدنان يوصلوه تصاورك ويجي عنهمم باش يطلقوك ...
اسد : مممم ... ( شاف عند ليون ) وباش عرفتني خوه !!!
ليون : كك .... ك كنت عارفها وصاااافي 
اسد : بغيتي تقول اسسسييل ...

ليون : ل لاااا ... ه هو لي قالهالي ههو عدنااان 
لامار : فهاد الحاااالة وباااقي كتكددددب !!!!! ... نقد غير رااااسك ....
اسد قلب عينو عند طارق شاف فيه مزيان بحالا تايقولو بعينو خليك نتا حتى لتالي ونرجع ليك .... وشاف عند خوليو 
اسد : وهدااا اش كدير هناااا ...بصفتو اش؟؟؟؟؟
لامار شافت فخويليو وهي تبسسم بشر وسفيان غير كيشوف ويدعي السلامة موحال يخليه عايش .... ولامار كتفكرر نهار قالليها داك الكلام وطيح بيهااا وردها عاهرة .... كانت حسات بالحكرة حيت راجلها لي يحميها مكانش ... ودابااا هاوا جاااا ومعنها مناش تخااااف ....وهي تمشي توقف حداه .... وهو قرب ييييبكي كيترجاهااااا ماتقول ليه والو 
لامار : خوووليو .... كليون .يالك .... 
اسد : عرفتو ...اش جا كيدير هنا تاهو !!! 
لامار : جا برجلييه ... بغااانا نضايفوه ( شافت عند اسد ) هداااا تفلا عليا ا اسد ... جااا للمغرب هو وشركاؤو ملي وصل موعد شيكاتهم يتخلصو ... درت معاهم اجتماع نتفاوضو ونوصلو لشي حل يرضيهم كيف كاع الناس لي بعقلهم وكلهم وافقو وتاهو وافق .. كولشي قطع شيك ديالو .. وهو ماقطعوش .. تصوووور اش بغا فالمقابل باش يقطعو؟؟؟؟؟؟؟ 
اسد طلع خااااجبو هاد المرة ديال بصصصصصح وشاف لحجرو ورجع شاف فيه ....وباين وجهو داااك البرووووووود ... عارفين البرود داسد فاش كيواجه شي مصيبة ويبببرد اش كيتبعها ؟ ... وكيشوف فوجهو جاتو الضحكة وبدا يضور راسو ويحححك فسناااااانو بداك الضححححكة ديال خزييييت حمااااااارو عينيه مجااااتش كاع على بالو كيتخيلووو غير وهو كيطلبها من لامار كييييييبغي يحمااااااااق ... وهنا نااااض وقف كااااع كيحااااول يبرررد شوية حيت عرقووو طرطقووو كيبانو بااااارزين فيديه وعينيه حمااااارو ....مشاا بشوية لعندو وقف حدا رجليه 
اسد : ماي واايف ؟؟؟؟؟ ممم !!! ماااي واااايف ؟.؟؟ 
خوليو : ( بالبكااا) سسسمحلي ااااسيدي عفاااااااك ... ر راه غير ... م مكنتش فوعي 
لامار : ككككتتي فوووعييك برااااكا من الكدوووووب 
اسد : ( شاف عند لامااارررر عنيه محقديييين داتو غااااطرطق ولاكن مبين غير البرووو د ودوا بننبرة منخفضة ومكااااالميا ) قرررب لييييك ؟؟؟؟؟ ( لامار غير ساكتة وكااااتشوف فخوليو تااازعزعها بغووووتة بجججهههد نقزاات فالسمااا ) وااااااااااش قاااااااااااااااااااسك

لامار : (تتخططفات وهداك لي قطعات ليه رجلو كان كيموت منها بالخوف غي شافها كيفاش كترعد حدا اسد عرف الى اسد فين تبان هي ادن.. ) ل لااا لااااا م مقاااسنيش ولله مقاسني واش حمق نخليه يقيييسني ... لا مدار ليا والو ...حبستو هنا قبل مايفكر يدي شي حاجة .... والله ماااقاسني ... 
اسد عاد نقص شوووية وغمممض عينو ولاكن الناارر باقا شاعلة ورجع شاف فيه وهداك كيترجااااه بعينيه...
اسد: خرررررجي 
لامار : ل لااا م مابغيتش غير خليني 
اسد: ( ضار عنها ) بااااقا واااقفة !!! 
بدات كترمممش ومشاااات خرجات بصح بقات غير تما فلباب ...
وعادل قرب عندو .. واسد واااقف كيشوف فخوليووو وداير يدو فجياااابو و البروووووود طاغي على وجهو ..حتا خوليو ولا كيضنووو بصح باااارد ماعرفو اش تحت راسو كيضور .. وهو كون يطل على لداخل ديالوووو يتصصصدم .. جهناااام شاعلة ... وبقا كيضورررر عليييه بداك المعنى ديال منين نبداك حتا وقف موراااه وشاف عند عادل ... عادل عارفو بغاه يعاودليه تفاصيل حيت كيتواصلو مع بعضياتهم غير بالعنين ....يلاه بغا يهضر هو يقاطعو 
اسد : ليييبسينغ ... ( يعني هضر بشفايف ) 
وكلس موورر خووليووو على واحد الكرسي وخوليو كيجبد عنقوو يضور عندو خيفاان يديرليه شي حاجة ولا يغفلو بشي رصاصة منلور ....وعادل كيهضر معاه غير بشفايفووو وتاحد مافاهم اش كاين حيت مابغا حد يعرف الى كانت شي حاجة ماشي تالهيه طرات على مراااتو ... وهو كاااالس مربع يدووو وكولشي كيبللق بععينيه وهو عارف انو عادل لي مغايخبي عليه والو وهو لي عارف تفاصيل دكووولشي ...
عادل : لا اسيدي غير تهنا مادار ليها والو ... من بعد الاجتماع هو طلب منها فالبيرو انو ييي..... .. مهم انو يقضي معاها ليلة باش يقطع الشيك .. ومدام لامار كانت خايفة على الشركة انها طيح .. وفكرات تحتال عليه وقاتليه انها قابلة ويجي عندها هنا لمنطقة .. وعلماتني باش نشدوووه فور مايقطع شيك ديالو ...( اسد غير معلي حااااجبووو وكيشوف اش كيقول هو كيعاود واسد كيتخيل لفيييلم والعافية كتتتششخد فلدااخل ديالووو وتحرق فيه و مزيرررر على سنااااانووو ) و من بعد بصح جا لانو تاق بيها ... و كلس غير فجردة رفضات دخلو لدار .. ( اسد بمجرد ماكيتخيل انو طرا هادشي فغيابو عقلو باغي يخرج من بلاصتتوو ... ولامارر برا كتدعي الله مااايتقلقش عليها ) و تفاوضات معاه غير فجردة قنعاتو يقطع الشيك بحكم الى قطعو عاد تلبي رغبتو وهو عينو كانت فف ( مجا عاادل فييييين يييكمل هضررروووو تاكان اسد عووووج ليه عنقوو من موراه هرسو ليه وتطرطيييقة تسمعات ليهم كااامليييين غير مزادتهم لادوز د الخوووف وطااح الراس د خووووليو ... ضررربة وحدة مزادوش ..قتلووو مقدش مزال يصبرررر ......ولاكن فوجهو مباااااارد بحالا مدار والو وخوليووو طااااايح وراااسو تقلب ليه لور وعاض على لسانو وعنيه مقلوبين مات فبلاصتو ) 
اسد : (ببرود رجع ربع يديه وتكا ) كمل ....

عادل بقااا غير كيشوووووف وااخا مولف معاه ولاكن كييتوتر فهاد اللحظات ... وبدا غير كيسرط ريقووو وسفيان عاد قاد الكلسة لانو هادشي لي كان باغي ليه منلول انو يموت .... وكون ماقتلوش كان غايقتلو هو ... 
عادل : مم ممما ( كيحاول يقاد كلمة لانو كيهضر غير بشفايفو خصو يفهمو لانو توتر قدام هاد المنظر وهو كيخااااف من الموت والقتيلة وبدا يجمع فراسو باش مايبينش الخوف ديالو ويهضر عادي خدمتو هادي ) اااحممم منبعد ماقطع الشيك .. فورا ششدوه لبوديغارد وجابوه لهنا ... و ومدام لامار ... ب باش تعاقبو طلبات منا ااننا نحطو شريحة د اللححم على لبينيس ديالو ... ونطلقو ديااااب .... بصح باش يبقى حي دغيا سعفناااااه ونقدناه .... ( سفيااان شاف اسد تغير فوجهو تمنى لو كان تهو كيفهم لغة شفايف يعرف اش واقع ) 
اسد : ( غير كيشوف ووومكمش ملامحو ورجع قاد الكلسة مزياااان ونفض فيديه عااااد حس بيهم حرقوه بسباب داك لوية لي دار لراس خوليو ورجع شاف فعادل ) نعام ! عاود هادشي لي قلتي ! 
عادل : ق قلت اسيدي انو أمراتنا مدام لامار باش ن 
اسد : شششكوووون !!! 
اسد : م مدااام لامااار اسيدي 
اسد بقل مدة كيرمش لامار ؟ لامار سمية مراتو !!!! ورجع شاف عند عادل .. 
اسد : رجججع عاااااود تاني اش قلتي ؟؟؟؟؟ ( كيتأكد وكيقول يمكن عير مفهمش مزيان ) 
عادل : ( عرفو راه ماتيقش هادشي ورجع تنننفس يهضر من جديد وخايف لايضور ليه تاهو حيت كيبان فاااااااقصي درحات العصبية ديالو وتا لونو تبدل وخا لوخرين كيبان ليهم مبررد ومكالمي بصح عادل حافضو الى غوت مايخافش منو كيخاف الى سكت وقطع الحس ولا ضحك ) ق قلللت ليك اسييييدي ان مدام لامار فاش جبناه و وباش تشفي غليلها وتنتقم منو .. امراتنا ااننا نحطوو فيلي ديال للحم الاحمر فوق من الاعضاء الدكرية ديالو وطلقو ديااااب 
اسد وووسع عييييينو دااااير واحد الشووووووفة ديال اش كيقول هدااا ؟؟؟ ويرجع يتفكر لامار شكون ... واش هي علامن كيدوي ولا كاين شي وحدة اخرى ! حيت لي كيعرف هو راه غير الى طفا عليها شي واحد ضو على غفلة تموت .. سراق زييييت يطيح فيها خمسة كيلو! ميمكنش كديوي على لامااار .. كيشوف فيه ونظرات الصدمة باااااينين على وججججهو 
اسد : هي طلباااات هاااادشي!!!!! 
عادل : ا اه اسيدي .... ونفدناه ..سمعا وطاعة 
اسد : لاااامااااااار !!!!!
عادل : اه اسيدي .... مدام لامار ... 
اسد : وهي كتشووووف !!!!!!! 
عادل : ا اااه اسيدي .... و وراه اصلا .. ه هي لي قطعات الرجلين لهاداك لهيه ( اسد قلب عينو دغيا عند هاداك كيشوف ليه لرجليه مووووووسع عينو) وااااااات!!!!!!! 
عادل :ح حيت هو لي ضربك بطموبيل اسيدي ونهار شديناهم جات تشوفهم وقطعاتليه رجلو بيديها والسيف الكهربائي قالت هوما لي كانو مكسيرين 
اسد : نوووووو!!!!!! اررر يوووو كرااايزي ؟؟؟؟ لاماااار ؟؟؟؟؟ نوووووو ..
كيشوف فهاد لي مقطعين رجليه وحال فمو كيفاااااش غاااتكون قطعاااتهم بيدييييهااا !!!! وهي كتشوف !!!! ياك مكتحملش الدم ؟؟ واش هاظي عي لي خاف عليها وقالها تخرج باش ماتشوفش الى قتل خوليو وتبات فالكوابيس!!!!!! لي اصلا هي براسها دايرا ليهم كاااابوس ...حل فموووو ديال بصح وشد على راسو كالاتو الكاسكيط وردهااا لوررر بواااحد نتتتتررررة كان غايطرها ... وبقاااا كيضورر فراسو ويعلييه ويعض على لسااانو كيحاول ما امكن يبببررررررد حيت قرب يغووووووت بججججججهد وشاد على عنقووو كيعوج فيه .... لامار لي كتخاااف من ظلهاااا دايرة هادشي ؟؟؟؟ ماقددددرش يستوووعب .... وشاف عند عادل كيرمش بحالا كيتسنى شي صدمة اخرى 
عادل : سعفنااه اسيدي ... و درنا كاع اش نقدرو عليه باش يبقى بالحياة ...و .. وبصح نقدناه وعاش... غير مكانش يمكن ليه ينتصب مزال (شاف فيه مييييت طايح ) ب بغيت نقول مغااينتصبش مزال..... 
يلاه كيهضرو هي دخخخل لاماررر لي فيها مامهنييييها ...
لامار : اسسسد خلينيييي علاش نخخخرج 
اسد شاف فيها ورجع تكا على لككرررسي مزيااااان وربع يديه .... 
اسد : لااا لا دخلي دخلي .. شكووون هدا لي قالك خرجي ؟ .... سمحيلينا فهمناك غالاط امدام .....انا يمكن لي خصني نخررررج ...

لامار : اء ع علاش ؟؟؟؟؟؟ (شافت لعند خوليو فداك الحالة وشدات على فمها ) 
لامار : قتلتيييه ؟؟؟؟؟؟ 
اسد : ( باستغراب) تخخخخلعتي ؟؟؟؟ 
لامار : اا ء ل لا .. م مماشي تتخلعت و ولاكن 
اسد : ولاكن اشنو؟ ... انا راه غير رحمتو من داكشي لي كنتي غاتخليه يعيش فيه ....
لامار شافت عند عادل عرفاتو غايكون عاودلو اش دارت و سرطات ريقهااا كتدعي الله يحفظ ...حيت بااانليها معصب بزاااف ....ومشات كلسات حدا سفيان مخشيييية باش تايلا ناض ليها مايخلييهش يضربها ... واسد طلع راسووو لفووووق غمض عينيه كيتنهد وحدة وراااا لوخراا ... فاش شاف لاماررر قدامو كترررر مااابغاتش دخل لراسو الى داك المخلوقة دارت هادشي وكيزيد يتعصب كيقول مدام دارت هادشي كااامل اذن راها قااسات ديال بصصصح حتى ماااات ليها القلب وصلات لهاد الدرجة .... خصوصا خوليلو لي عدباتو بهاد طريقة ... اذن غايكووون وصلها لاقصى ما تقدر تتحمل .. غايكون هااانها وجرحهااا وهو مكاينش ... ميمكنش لامار دير هادشي الا لاكانت شي حاجة لي مكيستحملهااااش قلبهاااا وشعلات فييها العاااافية ... اش دارووو ليييها فغيااابو ؟ ... اش وقع لقلبها حتا مات هاكا .... مغمض عيييينو ومزيررررر على يديه وسناانوو كيتغزززو لداااخل ولاماررر كلها كتهززز بالخوف وتدعي الله يخرج هاد ليلة على خييررر ... وهو وووقف كييييتنفس مابغاتش دخل لراسو كاع الى دارت هادشي كامل وقطعات لواحد رجليييه ... اذن قلب هاد البنت كيفاش كان ؟ شاف فخوليووو هاكاك طايح وزاااادد ضربوو برجليه حيدو من طريق يدوز .. وبدا كميشي ويييجي و راسو غايطرطططق تاااااجمع مع واحد طططبلة تمااا لسقها من الحيييط ولامار شدات على ودنييها فرررشششخها وكولشي تخططططف ولاو كيترعدو كيتسناو مصيرهم تاهوما وكيقولو مصاب يكون غير بحال خوليو ارحححم ليهم ..
اسد: ( معلي راسو كيشووف للفوووق وكيهضضررر معصور ) خرجوه عليا من هنا .... 
جاااو الكاارد كيجريو كيفسخو ليه سلاسل ومخرجينو واسد كيشووف فيه باااقي ماااااابررردش قلبوووو على واحد كان طامع ليه فالشرف ديالو وفمرااااتووو وردها ليه عاااااهرة ومشااا حيدلوهم بييييين يديهم وسفياااان وقف مشا عندووو ...بدااا كيييجيف فيه بحالا باغي يقتلو جوج دمرات ولامار شادة على فممهاااا كاترررعد ... واسد كيييتججنن على عننقووو لي اصلا مخلخل وكيجججججججيف ويضرب بالبووووونيات فصدروووو يشق ضلووووعووووو ولا حمررررررررر معصوووررررر يقدر يدوووووز كولشي حتااا لشي واحد يرد مراتو عااااهرة ماااااايقدرش حتااا يتخيلها وزادو ردوها وحش من لفووووق .... كيتخيل كون داهااا بززز ولا اغتصببها كيبغي يطرطق .. سفيان كيبعدو عليه وهو كييضضررب فيه ويججججيفو ولامار كتتتتتبكي خلعاتها حاااااالتوو .... تاابرد جنونو وطططلقو كيييننننهججج وبعد عليه ضررررب رررجلو مع واحد لسارية كيحاول يبرد وهوما خرجوه دغيا وسفيان مشا عندو 
سفيان : برددد اصاحبي هادشي را فاات 
اسد : م مراااتي .. ( كينهج ) مراااتي اسفياااان .... مراتي انا يشوف فيها بشهههوة ؟؟؟؟؟ 
سفيان : رااا مادر لبها والو 
اسد : ولاكن فككرررر ...و مجرد تفكيررر يفككررر انو يقدرر يكون معاهااا فبيت واحد ماااااااامنحقوووش .... رااااه ااانا غير كنتتتخيل المضوووووع كنننبغي نتسطاااااااااا ( لامار كتكبيي بججهد خلعهااا ) حاااااااس برااااااسي تشششششششمت ( طارق كيسسسسمع ويسنى تاهو نووبتو وكيتمنى تجيه شي سكتة قلبية دابا يموت حسن ما يحضر ليه كيقتلو ) اااستغل غيااااااابي ولد لقحححححححبة لقااااهت بوووووحدها ( غوت بجهد لكارد ) مااااااايدفنو تاشي ححححدددد قطعووووه عطييييوه لديااااب .... ماااايتدفنش يغيتووو يتشرح ويتقطططططع ويتلاح ليييييهم .... 
لامار : ( كتقرب بشووووييية منو و كتبكي ) ا اسسسد ع عفاك ... م ماديرش هاكا .. ر راه ماشي كيف كضضضن 
اسد : شششششششش نتي بدااااات سككككككتي باااااااقي موووصلت ليك ... من لووول كوون خدمتي داك العقل ماااتوصلييش لهادشي كااااامل ملووووول الاماااااااررر ...( كيقرب عندها وسفيان غير تابعو خايفو يضربها ) ياااك انا ملول كنقووليك ديري لييسبااااس بينك وبيين ولااااد القحاااب باش مااايضسر عليك حد ... باينا غاتكوني عطيتيها لضضضضضضضحك معاااهم تاااااضضسسسرررر وجيتيه ساااهلة .... غاااتنكككري ؟؟؟؟ حسابتك مكنننعررررفكش 
لامار : غير باش نقققنعهم ا اسد
اسد : ( بالغوااات ساااااعر ) ومااااااااتقنعي ليا حد انا هاد ااشركككككة لي غاتجي على ظهر شششرفي الله يعطي لبوووها الغاااااراااااااق .. هاد ااشركة انا لي غاتجي على ظهر واحد يتشهاااا ليا فمرتي نححححححرققققها 
لامار : ( بعدااات خايفة وسفيان واقف وسسسطهم وهي لسقات فضضهرووو ) ا اسد ... و و الله ماشي كيف كضن تعاملت كيف كنتعامل فخدمتي وصافي 
اسد : قطططططططعي علياااااا حسسسسسسسسك دابا قططططططعيه

سكات لامار كتنخصص وضار عندهاا سفيان 
سفيان : سيري الاماررر لدار ... هضرت معاك سيري
لامار : غ غي خليني عفاااك .. بغيت نبقى
سفيان : خخرجي على لاقل لبراااا ... 
طلعات عينيها فاسد شافت فيه لقاتووو مطلع راسو لفووووق كيفورر ....وسكتااات ومشات خرجات لباااب ...واسد كيضوررر وشاد على عنقووو تخخحنق بقوة الضغط ... وحيد داك الكاسكيييط لااحها وكيفتح فصظايف دشووميز حيت ملي كيتعصب كيتنفخو ليه عضلاتو وكتضيااق عليه.... وصدرو طالع هباااط كيييييينهج .... وواحد الكارد جابليه قرعة دالما فنحها خواها كاملة عليه ارا غير ييييببرررد ... كيخوييها على وجهو وعنقوو وراسووو ... ورجع لاحها وكيطلع راسو ويمسح يديه لماا من لحيتو ... 
سفيان : بببررررد دابا ماتنساش صحتك ... لامار دارت غي لي خصو يدار ونا فخباري كولشي وعاودات ليا كولشي نهار قاليها داكشي وجابتو لهنا ... 
اسد : وخليتتتيها هاااا ؟؟؟؟ وختليتيهاااااا ( جمع معاه بوونيية تاكان غااايطيح وشد راسو وقف ) 
سفيان : واش بببغغيتي نديير ؟؟؟؟؟ كان لااااابد مايييتقطع داك الشيك 
اسد : تتتتقططططع رووووووحكم .... لهلا يققققطع جد والديييييييه الله ييييعطي لهاد الشركككككة لغرااااااق هي والكلاااااااخ دياللللكم ... 
سفيان : وداباااا غييييير برد رااااه مطرا والو ومقربش ليهااااا كاع... شفففتي تايقسها بيدو ماقاسهاش 
اسد : وقاااسهاا بعقلوووو .... بعععقلووووو اسفياااان .... وراه غير يفكررر فيها شي واحدددد نحيد ليه دااااكرتوووو 
سفيان : ودايا غيييررر برررررد .. لي طرا طرا السيد خدااا عدابو لي كيييييستحححق ونتاااا قتلتيه كاع
اسد : ( كيهضر ويعععض فشفايفو وينهج ) مبررررردتش اسفيان مببببررررررردتش .... 
سفيان : واش غااااديير ليه كتر من الموووت ؟ راه اصلا خدا العقاااب وكتتترررر ... لامار عدباااتووو باقبح حاجة يتخيليها الرااااجل 
اسد : عبرااااااات على لقحبة دموووو ....لقاااهاااا بووووحدها الزاااااامل جاتووووو ساهلة 
سفيان : الله يهديييك اسد واش كتخاف على لامار راها قادة بعععشرة منو .. غييررر بررررررد دابا وسمع مني 
اسد مشا وكلس على واحد الكرسي وهادوك غير كييشوفوووو وكيتسننااااوه يبرد باش ماايردش عيهم حرو ويدير ليهم كتر مدار ليه.... وبدا كيييييتنهد ومرة مرة كيشرب المااا ... وشاف عند هادوك العصااابة لي استأجروهم بااااش يخطفوه وجا وقف حداه عادل كيوريهم ليه وكل واحد ومهمتو شنو كاااانت .... لي مقطعين ليه رجليه وكان صايك طموبييييل عندو علاقة وطيييدة مع العصابة لوخرا .. اما لوخرين غير رجالو ... 
اسد : طططلق لوووخرين ... خليه ليااا هو 
لووخريييين فررررحوو حيت هضر بلانجليزي فهموه .... وبداووو كيبتسموووو بحالا جاهم الفرج والكارد كيحلوو ليهم السلاسل بسوارت وطلقوهم وجاو عندوووو تلاحو على رجليه وهو ناض على لكرسي وبعد رجليه ... 
- شكرااااااااا اسيدي شككرااااااااا ليك عمرنا نساووو ليييييك هااااد الجميييييل ... مغاااانرجعوووش معاهم مزااال سمح ليييناااا مكناش باغين نآديييييوك سمح لينا عفاك ....
اسد بدا كيشوف فيهم كيفاش طايحين لارض واشار لعادل يقرب عندو
اسد : سيفطهم لمركز التكوين .... ثلت سينين تما وزيدهم مع الكارد .. مابغيتهومش بخرجو المغرب ... لي عندو شي ولاد سيفطو موراهم يجييو ليهم ... ( داك المركز بحال الحبس ..تما غايبقاو كيتكونو ويتعلمو قوانينو تايوليو مع الكارد التابع ليه ) 
عادل : حاضر اسيدي

هزوووهم الكااارد وخرجوهم وبقاو ليه غيير لوووخرين وبدا كيمشي ويجججي ويحك فلحححيتو ... وهداك لي مقطعييين ليه رجليييه يااااائس من الحيااة عااارف الى هو سبابهم كاملين وندم عل نهار لي كسيرا فيه وضربو .... ومشا لعند ليون علا ليه راسووو وليوووون ولاو عنييييه بحال شي قط ضعيييف وبدا يلمح ان فمووو فشيشكل ... واصلا هضرتو جاتو بحال التنفنيف مكينطقش الحروف مزيان .... وحل ليه فمووو لقا لسانو كاااع مششووووط وللثة تاهي ...ولاكن الكارد كانو دغيا جابو الممرضين سعفوه ودواواه ... و خسسررر سيفتوووو فداك المنظررر و ليون كييقول عالله يحن فيه .... وضار عند عادل باستفساررر !!!! 
عادل : ( جاه منلخر ) مدام لامار اسيدي 
اسد طلقوو وغمض عنيه شد على راااااسسسو لا هادي بزاااااف .... وضور راسو للحيط لي مقابل معاه شاف فالكاميييرااات ورجع شاف فيهم 
اسد : واجدين تتسجيلات ؟ 
عادل : اه اسيدي واجدين راهم مع تقارير 
اسد : عطيني نشوف ( مد يدو يعطيه لطابليط وعطاه ليه عادل ) اشمن نهار بضبط ؟؟؟؟
عادل : لو كاطوغز 
اسد كلس على واحد الكرسي وبدا يقلب فتقارير دنهار 14 تاطلعهم ودخل لتسجيل لكاميرا الخاصة بديبو ولونصااا وبدا يفوت فاللقطات تاوصل للقطة لي دخلات فيها لعندهم .... وججهها عمرو شافو فدااااك الحالة.... كاااتخلللع ... كانت شبه وحدة ميييييتة و الشر فعينيهاااا وكيبان حزززززن كبييرررر فملامحها و ذاااابلة ومعععصبة .. وشافها كيفاش تعاملات معاهم وشنو كتقوووول وشنو دارت فيهم داك نهارررر وشد على عينو لاح داك الطاابليييط وغرس راسو بين يديه كيحمل فراسو الدنب انو بسبابو ولات هاكااا .... عاارفها قووووية ولاكن مضنش توصل لهادشي ... معرفش واش يتقلق ولا يعجبو الحال .. هو مابغاهاش توسخ يديها بدم حتى حد ولاكن كيفكر وكيحط راسو فبلاصتها كان غايكون كلااا من لحححمهم بدم بارد كون ضربوها هي ..... كيقول مزيان لي بردات بعدا جنونها .... وصراحة عجباتو فيهم ولاكن واخا هاكااااك مخصووووش هي توسخ يديها ... صدماااتوو فنفس الوقت ريحااتوو ...بلي مايقدرش يديرها بيها شي واحد مزال ووصل لداكشي لي كان باغي يزرع فيها .... كيزيد يتأكد ان مكانتو فقلبها كبيرة لي خلاتها يتعماو ليها العنين لهاد الدررررجة ... غير حبها ليه لي خلاها دير هاكا ... مكانش كيضن غايكون عندو شي شخص لي يدير عليه فعيابو هادشي ... تاعرف لامار وخووتووو .... كيشوفها كيفاش تعاملات معاهم ولاكن معاه كتقفقف و ترعد و تمسكن .... ماناقص والو فانوثتها ولا فعفويتها ... باقا هي هي .. ولاكن تأكد ان نهار يقلب عليها شي واااحد غايلقاها تأكد ان فعلا موراه لبوووءة وخا مكتخدمش عقلها ....
علا راااسو وناااض رجع عندهم كيشوف فيهم وليووون كيتمسكن زعما شوف اش دارت ليا ....واسد كيشووووووف فيه ويتفكرررر كااااع فعاااايلو .... وشد ليه وججهو عندو بيييد وحدة قربووو ليه ... كيتغززز علييييه بجنون 
اسد : بااامكاني نطلقكم حتى نتوما ... بصح حسابي لي معاكم قديم ماشي جديد .. وحتا كون ماجيتوش لعندي كنت غانجي انا لعندكم .....ونتا بالخصوووووص ضروري مغاتعاقب على نهار لي فكرتني تنسب ولدك لخوووياااا ...
ليوووون وسع عيييينييييه هنا عرفو صاااافي هادا مسااااهلش ...وسفيان عارف القصة عاودليه عادل كلشي كااالس ومربع يديه كيتفررررج ... 
اسد : ااااااش دار ليييك عدناااان ( كيزير ليه على فكووو)
ليون : ( كيهضر منفنف بسباب لسانو المحروق كون ما اسد كيسمع كاع مغايفهمو ) ننبوووووس رجليييييييك ااااااسيدي ونمشي نعتترف لعدنان بكوووولشي .. راه مكنتش باغي نسمح فولدي .. نسبتو ليه غير باش مايتفارقش مع اسيل 
اسد : لي يلعب ورا ظهرووو ... بحالا لعب ورا ظهري انا .. ووولي كيلعب ورا ظهري انا ... ( غمزو ) مغااايعجو حااال .... مراااتي وخووووتي خط ححمر اشمااااايت ...غااااتعاقبو على نهاررر لي فكرتووو تقيييسو فيه عدناااان... وعلى نهار لي خليتو مرتي تووووسخ يديهااا بدمكم وخوتي يهزوووو السلااااح ويدخلو لاوسخ لبلايص يقلبو عليكم ... كتمسكن عليا وتورني فلسانك .. حسابتك غانعاقبها حيت دارت فيك هاد الحالة ؟ نتا لي خصك تعاااااقب لي خليتيها دير هادشي .... وغااااتعاقبو كاملين على نهار لي هزو فييه خوتي الصغااار السلاااااح ( ضربو ببنوية تاعوجلو حنكو ورجع جججيفووووو بيديه ولاخور كيييتخخخنق ) كوووون كان عدناااان هنا .. كون سلللمتكم لييييه يقتلكم بيدييييه ... ولاكن كيف نااااب عليا ...غااانوب علييييه ....

طلقو وشاف عند داك البوس وداك العصااابة لي مخلوووووعين ...هو معندو معاهم تاشي عداااوة ولاكن كيفكر ان بسبابهم مستقبل خوه كان غايضييييييع ... وكانو باغين يقتلوه من لفوووووق ... تاكيبببغي يحححن قلبو على لوخرين ويرجع يققققسسحو حيت عااارف كاع خباراتهم وشحال دارو دالحوايج لعدنان باش يبقى معاهم وعارف مزيان انهم هوما لي قتلو جدااااه فسبيطار وهادشي معارفوش عدنان غير حيت كان غايخرج باش مايدخلهاش فهادشي وقتلوها باش مايبقاش ليه شي خيار اخر يكيطي عليه العصابةة .. وخااا اسد معندوش معاها مي كتبقى الجدة دعدنااان لي كان بقاتلو غير هي ورباتو ... عااااارف عليهم كوووولشي .. دااااك البوس مابقا عندو وجه يننننطق مزاااال غير مهبط راااااسووو وحالتو حالة .. وداز عليعم مرووور الكراااام ...تااوووصل عند طااااارق .. لي غي شافو بدا يبكي كيف شي ووليييية واسد عووووج معاه راسو بداك المعنى ديال ويييينووو .. تسالالو لكلام ... حالتو عطاتو لخبار اس غايقوول مزااال ... لبول ساااايل معاه ووجهو صفررر وهو عارفو من الللول اكبرر خوااااف بصح مسنطح .. ورجع دار يدو فالجييييب كيشوف فيه ويتنهد ....
طارق : ع عععفاااك عفااااااك لاما رحححححمني ... عفاااااك ... ع على وجججه عممممي .... ع عفااااااك ....... نن نولي خ خداااام ع عندك غغ غير رحمني 
اسد : ششششششش تا كلمة .... حتى كلمة .... نتاا بدات معندكش الحق تهضضضررر ... 
عطا بضهرو جا ماشي ....وهي تبان ليه لامار دخلات تاني مهناهاش خاطرها بغات تشوف اش كيديير حيت شافتو طلق النص ... 
لامار : ( جاو عينيها فعينيه ونطقات بخوف وتوتر ) ا اسد!
اسد : ( مد بدووو عندهاااا بمعنى اجي وجات عندو جرها من يدها وتقلب لعند طارق معنقها ) اش قاليك نهار دخلتي لشررركتك وسط الاجتماع ممم ؟
لامار : ( كتشوف بحقد فطارق) .. نخرج ...قاليا نخرج ... وناخد موعد عاد ندخل 
اسد : حكررررك يااااك 
لامار : ( بدااااات كتحس بواحد الامااااان زوين وكتحرك راسها بآه ) 
اسد : ( مهبط راسو عنها كيشوف فيها ورجع شاف فطارق ) اشنو بغيتي نديرو ليه ممم ؟؟؟؟؟ ..
لامار : مم .. معرفتش ....غير تصصصصرف ....
اسد : ( شاف فيها وعلا ليها راسها عندو ) نطططلقو 
لامار : ( شافت فطارق وكتفكر كاع اش دار ) لاااا .... 
اسد:دااكووغ ....
جرررها من يدها وخرررجو تاوصلو لباااب .. والكارد لور كييسمع اش غايقول عليهم وااش غادير معاهم ...
سفيان : غاتخليهم هنا ؟؟؟؟؟؟ .
عادل : اشنو نديرو معاهم اسيدي 
اسد : ططططلقهم ...
لامار : شنوووووو ؟؟؟؟؟؟
اسد : مااالكي ! ....ماشي من حقهم يرجعو لديووورهم ..... ونتوما دايرين ليت تازمامارت فالدااارررر ..( شاف عند لامار ) ددوي آ الفررررعون ... 
لامار : راه يستااااهلو كتررر ا اسد ...ماتطلقهومش ... راه بسبابهم دوزنا الجحييييم 
اسد : ( شاف عند ليكارد ) سيرررووو طلقوهوم ... 
هادوك فرحوووو وبداو كيضضضحكو حيت كيسمعوه واقف غير فلباب ....وليكارد ماشين عندهم واسد ضااررر موراه .... لقاهم ماشيين عند دوك رباعة وصفرررر ليهم وضارو عندو 
اسد : راه انا قلت طلقو دياب ..... ماشي لكلااااب ...
لامااار : اااء!!!!!!!! يااااك قلللتي غاطلقهوووم يمشششيو لديورهم 
اسد : وضاااارووري يمشيو على رجليييهم ؟؟.؟؟؟

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.