لامار منطقات بحتى كلمة وتقادات وهو حط البلاطو على واحد المخدة على رجليها .. وبدات كتااااكل و ناض مشا لبااالكون ... واقف وكيشووف لسمااا مخنوووق .. عاد رجع معاه الحال ... كيحس براسو السباب فكولشي هادشي لي طرااا ليهم ... مزير على داك الحديدة بيييديه.... لانو هو لامهم غير حيت مابغاهمش يتعدبووو على والو ... غير مكيعرفش يعبر ليهم نيشااان على انو خاف عليهم ومكيعرفش يقول كلمة شكر ويعبر عليها .... تعصب غير خوفا عليهم هومااا كون وقعات ليهم شي حاجة ... حيت شاف لامار كانت غاتغتاصب وعدنان وسفيان علم الله من عندمن تسلفو ... غاتجيه ساهلة كون لقا الشركة ضاعت على يلقاهم عاناو هادشي كامل ... بغاهم مرة اخرى يخدمو عقلهم فاي حاجة ... باش مطراش ليهم شي حاجة قبيحة مع انو مقدر كاع اش دارو على قبلو .... غير واقف وكيسووووط و لامار كتاكل وعينيها عليه .. عرفات راسها مكانش عليها تقولو داك الهضرة وهو غير تخلع عليها ... دابا غايكون محمل راسو الذنب كامل وهو ماشي لخاطرو دخل لداك الغيبوبة .... تعشات وحطات داك لبلاطو وبقات غير كتشوووف فيه ... تابان ليها جاي حيت مابقاش كيسمع تقرقيب بالفورشيت ... عرفها سالات وابتسسسسم ليييها ..
اسد : كليييتي كووولشي !!! ( حركاتلة راسها بآه وطل على لبلاطو ) يااه نعسي دابا ترتااحي ..... وماتفكري فوالو غير رتااااحي ... لابغبتي اتا غانعس بعيد معنديش مشششكل ( كسسحس براسو هو لي كيآذيها حيت بسبابو وقع ليها هاكاك بقوة ماتوحشها نقدرش يمنع راسو عليها فالجنس عياها وكملوها بداكشي فديبو .. كيحسابتو عندها القوة ديالو ) يلاااه نعسي القطيطة وغمضي هاد العوينات بحال بنتك ...( كيغطيها )
باسها فراسها وجا ماشي وشدااتو من يدو وضار عنها وهي عينيها دمعووو
حياة : ( كككتغزز فشفايفهها ويديها كيفركو فبيجامتها كطلع فيه شووووية عينيها وترجع تهبطهم ) غ غير .. ك كنبكي ... غير على شي حاجة وصافي
اسد : كتخص سفيااان ؟؟؟؟؟
حياة : ( سرطات ريقها حاسة بالتوتر حداااه عندو واحد الكاريزما صعيب ينسجم معاه الواحد دغيااا كيشوف للواحد فعنييه تاكوترو مامتيقاش الى راه جا يهضر معاااها ) ص صراحة ا اه .. م من واحد الجيهة و وصافي ب بلا متشوش م ماشي شيحاجة
حياة : لل لاا لا اسي ا اسد ماشي هاكاك ... ب بالعكس .. ا انا ( كتهضر وعينيها فالارض لقاتها فرصة يمكن يقدر يتفهمها هو مدام جا هضر معاها خصها تطلق معاه بحال اريج ورتاج حيت تاهي يمكن غاتولي وحدة منهم وسفيان فلبالكون غير فووقها وكيتسمع ليه كولشي ) ا انا غ غير ...ت تناقشنا ش شوية وصافي ... ح ح حيت قالي غ غاتجيو تخطبوني
اسد : اهاه ؟وماموافقاش ولا شنو ؟
حياة : ( كتعيا تقوا ولاكن هضرتو كتخخخلعها ) ل لااا لا ماشي هاااكاك ... م مواافقة م من شحال هادي
اسد : وراه هاد البكا ديالك هادشي علاش كيدل ... ماشي من عادتي ندخل فعلاقات خوتي .. مي لاكان الامر غايضر سفيااان نبغي نعرفو ... ( بااانتليه غير ساكتة مافهم والو خاايف تكون مكتبغيهش تاهي بحال سارة و تعدبو فحياتو باراكا غير مقاسا يونس ... ولات عندو فووبي داكشي باش داير ليها استنطاق بااش مايطيحش سفيان فنفس داكشي لي طاح يونس .. خصو يعرفها واش باغياه تاعي ولالا والامر زعجو حيت تااالخووتوو مامفاكش ) واش تقدري تجاوبيني راه كنتسنااا ؟؟؟ غاتبقاي ساكتة؟ لاعندك شي حاجة قوليهااا قبل مانديرو شي حاجة رسمية ...
حياة : ( طلعات فيه شوية عينيها ورجعات هبطاتهم هرفاتو غايكون فهمها غلاط تاهو وكتعلن فراسها اش هادشي كدير فيه واش هوما مكبرين بيها وهي عاطياها هنا لبكااا اش غايضنووو غير ماباغاش سفيان وقررات تهضر باش ماتخليش الشك وسوء الفهم وتخسر علاقتها معاهم ) لاا اسي اسد مكاين واالو م من هااادشي بالعكس انااا راه م موافقة نتزوج بسفيان وهداك هو النهار لي غايكون الاسعد فحياتي .. غ غير ب بغيت نقول زعما ممرحبا بيكم ......غ غير اقتراح مني ...زعمااااا ب بلا ماتعدبو حتى لدارنا ... ا اجيو غير عند خالتي الحاجة ق قريب ليكم ...
اسد : ( علا حاحبو ورجع تنهد يمكن بدا يفهم سبب بكاها ) وعلاش ؟ على مكنعرف تافين ساكنة نتي قريب ... اولا ؟
حياة : ا اه و ولاكن ط طريق شوية م مكرفصة . وومابغيتكمش تتعدبو تالتما وصافي و وقسم باقا صغييرة د داك الجو يقدر يضرها م مع الصهد .
اسد : ومالو داك الجو ؟ مكبرتوش فييه ؟
حياة : ااااه ك كبرنا فيه..ولاكن ق قسم مامولفااش وهي تربااات ف فجو نقي و وكولشي معقم .. غ غاتمرض وصافي م من احسن ب بلا منعدبكم تالتما و( كتهضر متوووترة )
اسد بقا غير كيشوف فيها لامار معاودة ليه كولشي عليييهااا شحال كتبغي سفيااان وشحال صبرات على برودوو والطنز ديالو و بلي قاسات فطفوولتها مع تزويج القاصراات و حتى كيف عاايشين وكولشي عارفو ووجابليه عادل كاع تفاصيلها وشحال هوما دالخوت وعلاقتهم مع باها عااارف كولشي عليها وببرائتها و عفويتها والحشمة ديالها والنفس لي فيها وباغا تخدم وتقرااا وتهز راسها عجباااتو لخوه حيت هي لي غاتصلااح ليه ... والاهم من هادشي كامل عااارف بلي سفياااان باغيها ولامار عاودت ليه كولشي وهداك هو المهم عندو .. وعرفها دابا غاتكون حشمانة بدوار ديالهم دغيا فمهمها مدوزهاااش عليه بهاد الهضرة ...وتنننهد مهبط فيها راسو حيت قصيييورة جاتو بحال بنتو قسم ....
اسد : حياااة سميييتك ياك ؟
حياة : ( حركات راسها بآه )
اسد : شوفي فياااا
حياة طلعات راسها بشوية فيه كتفرك فيديهااا و قلبها غايسكت حشمااااانة منو ....
اسد : نتي فين تزاديتي ؟؟؟؟
حياة : ف فف ... فدوارنا ...
اسد : وفين كبرتني
حياة : فداارنااا
اسد : اذن راه باين منين خصنا نطلبوك ...
حياة : ا اااه ب بصح .. غ غييير م مافهمتنيش .. ماشي شي حاجة زعما ا الف مرحبا ...غ غير مابغيتكمش تعدبو تالتما وصافي و كيف قتليك طريق صعيبة شووية والجووو مصصهد غير غاتمرض ليكم لبنت
اسد : ( بقااااات فيه كيحسها حشمااانة ومابغاش تبين واخا هاكاك شوية دالكراامة كطلع فيها وتهبط ) ا اه داكوغ .. دونك غاتمشي دابا تفرشي الطريق ديالكم بزرابي و ديريليها نتي الرخام حسن ... وكليماتيزي داك البلاصة باش متمرضش قسم ...شي حاجة اخرى ! اه اطونسيون يكون التراب مكنعرفوووش نتمشاو عليه ...
حياة : ( ماعرفاتو واش كيهضر بصح ولا كيطنز ) ت تستاهلو كتر اسي اسد
اسد : واااااش عندك شي عقل ولا لا ؟؟
حياة غير مهبطة راسها وكتغززز فشفااايفها ...
اسد : واش نتي باغيا خويا تكملي معاه حياتك ولا لااا؟.( سفيان كيسمع وكارز على لحديدة كيتسناها تجاااوب )
حياة : ااه ....اه باااغياه ...
اسد : وراه تاهو باغيك ... اذن فين كاين لمشكل ...
حياة غير مهبطة راسها كتموت غير بوحدها حسابتها مافاهمهاش ...
اسد: حياااة ...( طلعات فيه عينيها جاها عيط ليها بجدية وبقات ترمش فيه ) فاش شي جوج كيقررو الزواج ..لي خص يشغل بالهم هو واش يقدرو يكملو الحياة مع بعضياتهم .... واش هاداك هو الشريك المناسب ليهم .. ..واش بااغينو .. واش قادين على لمسؤوولية .. الى كان جوابهم بآه ..مكيفكروش فين غايتخطبو ولا فين غايتزوجو ... حيت داكشي مدايمش ليهم عندو غير نهارو وداااايز ....هوما لي دايمين لبعضياااتهم .. شحال من واحد داها من وسط القصصررر .. ووطلقو فصباح .. حيت هو شاف غير لمنييين غايتزوجها مشافش لراسو واش باغيها .. وحنا كاع معندنا هاد النوع ..... هاد الهم هزيييه مع لي كيشوفو لجياب لوخرين شنو فيهم ماشي معانا حنا ... حنا كنشوفو لي غانكملو معاه حياتنا ويربي ولادنا ويصبر معانا لاتقلبات بينا دنيا ... ولا الى طحنا شي نهار فلفراش ... حيت ملي كنمرضو وكنبغيييو لي يسهر عند راسنا ... خصنا نلقاو مرا ماشي باب دالقصر!! ... وسفيااان باغي يتزوج بيك نتي .. ... ماباغيش يتزوج بداركم ولا الطرييق ولا الجو ديالكم ... راه نتي معامن غايقضي حياتو ..... دونك الى غاتقادي شي حاجة قادي راسك غدا لخطوبتك به ... ماشي تقادي طريق والدار ... ولوحي عليك هاد الافكار وطلعي تنعسي ...وحنا ماشي فضائين ولا جايين من الشمس .. تاحما ناس عادييين بحالنا بحالكم .. تزاادينا على تسع شهور و غانموتو ونتدفنو تحت تراب بكفن بيض كااااملين مكاينش فرق ...
حياة : ( حساااات باحساس غريب تملكها مكنتش متخيلة اسد غايدوي معاها بهاد الطريقة وبدات غي كترمش ) ا اه بصح .. و ولاكن غير قلت زعماا.. معرفتش ( غلبها البكاااا ) ز زعما ه هو مولف فشككل .. ل لاباس عليه ... و ونتوما ماشي بحالنا عايشين .. يي قدر م مايعجبكومش فين ساكنة .. حنا غ غير على قد الحال و غي ن ناس دالعروبية ( طلقات الشششهقة ديالها داابكا .. وسفيان شاد على راسو اش هاد الافكار عنها عااارف اسد غايكون تقلق من هاد الهضرة حيت عارفو كيداير ولاكن جاه دااااير معاها الخاطر وعاطيها وقت وكيشرح ليهااا وخا موانلفش يهضر بزاف مع لي مكيعرفهومش مي حسو حسبها وحدة منهم وهادشي رييح سفياان ... )
اسد : ( شافها هاكاك تاني كتبكي والهضرة لي قالت وكيفاش حاكرا راسها ومشا كلس حداها مممددة مخليها تبكي على خاطرهااا وتنخصص ... تاسمعها سكتاااات وخشا يدة فجيب لافيست جبد كلينيكس عطاه ليها وشداتو عليه حشماااانة منوو كتمسح دموعها تاسمعاتو نطق وحبسااات كتسمع ليه وهو كيهضر بصوت خافت وحنين باغي يخفف عليها هاد الهم وتفرح نهار خطباتها بحال جميع لبنات لانها باقا صغيرة وستاهل تفرح براسها خصو يحيد منها هادشي ) واحد الفترة من حياتي شحااال هادي ... مكانش عندي فين نبات ... ولا حتى اش ناكل ... وملي كان كيضرني جوع ... فنضرك فين كنمشي ؟ ( حياة شافت عندو باستغراب واش كيهضر على راسو ؟ كيفاش يضرو الجوع ؟ على واحد بحالو يججيه جوع ! وهو كيهضر وكيشوف لسما بحالها ) كنمشي لعروبيات ... حيت هوما الناس الوحيديين لي كانو كيفتحو ليا باب دارهم . ... وقسم لي خايفااها تمرض عندكم .. ماماها واحد نهار تاهي ملي كانو كيتشدو فوجهها لبيبان ..... كتفتحو ليها باب داركم نتووما ... وماماك شحال تهلات فييها راه منسااتش خيركم ويلا سمعاتك كدوي هاكا غاتقلق منك ... وهي فرحااانة غير امتى تجي عنكم ... داك الدار لي نتي حشمااانة منهااا واحد نهار كانت هي الدار ديال الخيييررر فوجهها مراتي انا ...ومتتبغينييش نمشي نشوفها ؟؟؟؟؟
حياة : ( بنبرة دالبكا والارتياح ) ل لااا الف مرحباااا ف فوقتاش ماابغيتي ... و وتا يووونس تاهو الى ك كانت كتعجبو م مرحبا بيكم
اسد : خصك تعرفي ان سفيان ويونس ملي كانو صغار .. الهم الوحيد لي كان عندهم هو انهم مكانتش عندهم تاهوما عروبية يمشيو ليها فالعطلة بحال صحابهم .... يعني نتي هاد العروبية ماباغياش هاد الخوت يمشيو ليها ...هوما كانو كيتمناااو يكون عنهم شي حد تما يمشيو عندو وينساو شوية الظلام لي عايشششين فيه.... ( حيااة بقات غير كترمش وتشوف فيه فلول مكنتش كتقدر طلع عينيها دبا لسقوو فيه .... مامتيقاش الى اسد لي كيقول ليها هاد الهضرة ومتواضع بهاد الشششكل ) ...داك لبلاصة لي نتي حشمانة منها .. حنا كنهزو بيها الراس .. والخير لي فيها مغاتلقايهش هنا ... حيت هي عندها اكبر كنز .. هو القناااعة ... وعايشين بلي قسم الله وفرحانين .....
حياة : ( ببرااءة وشوفات استغراب ) و واش بصح ك كنتي كتتتتجي لعروبية ؟؟؟؟؟؟
اسد : وماااالها لعروووبية ؟ ....راه كنت كنجي ... وكنت كنمشي لدوك لسوااااق ديالها ونبيع تما لي كان ... كنهبط لداك ااسوق لي حداكم كيعمر بالاربع والسبت ياك
حياة : اا اااااه بالاررربع والسسسبت ... واش كنتي كتتجي لييييه؟؟؟ حححلف تاكنتي كدخل لداك السوق ؟؟؟؟؟؟( بعفووووية نسات راسها كاع دغيا تطلقات معاه حيت اسد غير ليمكيعرفوش لي مكيزعمش عليه .. ماهو شخص بسيييط وعادي ... جاها الععججججب منو ) حححلف الى جيتي لدواارنااا ؟
اسد : علي راسك ... حنا معندناش لي كيهبط الراس ... ومعندناش لي كيشحم من دار لي كبر فيها ...
حياة : ( علات راسها وكتمسح دموعها ) و واخاا ص صافي .. م مغانعااااودش سمح لياااا
اسد : تواعديني !
حياة : وووعد ... ك كنواااعدك ... سمح ليا عفاك الى قلت هاد الهضرة و ونتوما ماشي بحال هاكا ... غ غير ا انا بحال كاع لبنات .. مكرهتش تكون عندي بلاصة مزيانة تليق بالمستوى ديالكم وتخطبوني منها ... ح حيت ا انا ماتربيتش بحالكم .. معنديش الثقة ف فراااسي .. حيت تربيت فواحد المحيط لي مكخليكش تيق فراسك وديما كيحسسك انك شي حاجة صغيييرة ... وكيعاملونا بحال شي سلعة امتى نوجدو باش يزوجونا لمن مكان .. دابا لي شفت سفيان طالبني لزواج ... م متيقتش راسي الى غانتزوج بالراجل لي كنبغي وانا طول حياتيي عارفة مصيري زواج تقليدي ( اسد كيسسسمع ليها باغيها تفش قلبها ترتاح ) مااااتقتش خفت طرا شي حاجة لي تمنع هادشي ولا نتوما مايعجبكمش مستوايا مهم مايكونش عندي هاد الزهر كامل ... ا انا عارفاه راجل فيه كولشي لي تبغيه لبنت ويستاهل احسن وحدة ولاكن م مكايناش لي غادي تبغي سفيان وتخاف عليه قدي ... سمح ليا عفاك اخويا اسد ( كتهضر وتبكي وتنخصص ) ... خصني نكون فرحااانة بصح .. سفيان عندو الحق .. لي جازاني الله بناس بحالكم ... غ غير بغيت تانا بحال كاع لبنات تجيو تخطبوني من دار مقادة وموجدين كولشي .. و .. ويكون بابا تاهو حااااضضضر ... ( كتبكي بحرقة) و ويررضي عليا ... وو ... ويوقف معايا ويتسمى عندنا راجل فدار ... ه هادشي لي ب بكاني اخووويا ...
اسد : ( تنننههددد مطول ) غانعاود نقولهالك للمرة الالف حنا بغيناك نتي ... يكون باباك ولا مايكونش ... علاش سفيان فين باه ؟ انا فين اهو ؟ لامار فين هو باباها ؟ سارة فين باباها ؟ كلنا عشنا محرومين منو ماشي غي نتي ومع دالك قدرنا نعيشو ونتزوجو ونكونو عائلة ....
حياة : وولاكن انا بابا ب باقي فالحيااااة ... غير ميتمنا فيه ... م مكرهتش يكون حاضر ... طول حياتنا وحنا محرومين من اللمة دالعائلة ... على الاقل يكون معاياا غداا( كتمسح دموع داك كلينيكس ولا سااارد )
اسد : هانتي غاتقلقني منك دااابااا ...( نااض وقف ) نووضي غسلي وجهك وسيري تنعسي .... ولوحي عليك هاد الافكار كان باباك ولا مكانش .... نتي غاتولي وحدة منااا ... ويلا كنت تحرمتي من الاب والعائلة ...داك لباااب ( اشار لباب د دارو ) مفتوحة لاي واحد محتاج لعائلة
حياة علات فيه عينيها دمعاااانين مكرهاتش تنوووض طير تعنقووو غير حشماااات .... عزاااازز عليها بزاف وعاد حسات بلوخرين علاش كيبغيوه وكانو مخلوعين عليه نهار مرررض ... اذن هاكا هو داااير ؟ بدات كتببسم شوية بشوية و اشارت ليه بواخا برااااسسسها وشكر كبييررر واضح فعينيها وتاهو ابتسم ليها ومشاااا طلع ... وبقات غير متبعااااه حيد عليها هم كبيييييررررر وارتاحت وتكات معلية راااسها لفووووق كتحمد الله على هاد المكتاب
طلع اسد لبييتووو ... وسفيان لفوووق فلبااالكون وغير كيتنهد ماعرف وااش تبقا فيه ولا يتقلق منهاا لي كتفكر هاكا ... عحبو تصرف اسد معاها كيزيد يتأكد انووو ماشي خسارة فيه يعطيه روحو ماشي غير يتعب على قبلو ... زوين بزاف يكونو عندك خوووت واااقفين معااااك بلا متطلبها منهم ... بغا يهبط عنها ولاكن غير غااايزعف عليها على هاد الافكار مكيحملش هو لي كيحشم من شي حاجة عطاها لو الله ولا من دااارو لي تربا فيها .... عدوه لي مكيرضاش بمستواه .... ولاكن واخا هاكاك عدددرهااا .. وهز تيليفون وكتب ليها مسج .... ومشا لسرييرو كيحاول يغمض عينيه ينعس
اسد تاهو دهل لجناحو لقا لامار داها نعاس شاف لدوا لقا معنهاش شي حاجة دابا بليل كلهم دصباح ... ومشا قادها ففراشها وحيد ليها تيليفون من يديها ... ومشا حيد حوايجو وتخشا تاهو ففرااااشو غير كيييتنهد يخفاف شوية تاحسها تخخشااات فيه كي شي قطططة براااسسسهااا جابتليه الضحكة وجبدها عندو نعسها على صدرووو ...كيبوس على راسها تاداه النعاااس تاهو ......
جااا صباااح جديييييد على قلعة الروووكاااان .. كولشي صااابح جابد عليها من غير حياااة لي مداهاااش النعاس ...كتسنا غي امتى نهار يطلع تصوني على ماماها تعلمها ....غير دااارت السبعة دصببح بدات تصوني ليها
حياة : ماما .... مكاااااين لاش انا عارفاه مغايبغيش يعاونك .. عرضي عليه وصافي الى بغا يجي ويكبر بيا قدامهم الى مابغاش ضبر راسو ...
عيشة : انوضي الله يجيبك على خيير هاداك دكريييلو عالفلوس وبلاك من طريييق .... يعرف هوك الناس جاييين يخطبو فييييك جلابتو فوق ظهرو يبيعها نتي باقا مكتعرفيهش ....
قطعات عليها وحياة بقات غير كتتتنهدد هازة الهم مربعة فوق سريرها رتاج ناااااعسة .... وعيشة طاااارت بحال لبرق على جلابتها لبساتها وبدات تزطم فبناتتها ينوضو دغياااا ... ومشات جرية وحدة لدارر فين ساااكن راجلها ومراتو ... وبدات تدددق فواحد الباااب دززنك قربات تربيها ومرات راجلها جااييية كتعععقد فورااانتها فوق راسها
طامو : هاااااناااا جااياااا.... هاااااااو .... هرسوووووه نتوما ححححسن .... ( فتحات ليها لقاتها عيشة وهي تربع يديها ) ياااااك لابااااااس ... مالك هاجمة على الريييق والفرارج باقين كيودنو .... شي بنت تاني طططجت ؟
حبيبي الأصم الجزء 255
محتوى القصة
التنقل بين الأجزاء