صورة مصغرة لـحبيبي الأصم الجزء 256

حبيبي الأصم الجزء 256

habibi 7abibi l2asam
رواية حبيبي الأصم

فيلا الايسماعيلي 10 دصبح ...
نفضات حياة عليها داك الغطا لي طلب منها الشرع بقوة ماتقلبات فيه ليلة كاملة منعسات ماشافتو تامن لفلوس فيقات سارة بكري تمشي لبوسط تسيفطهم لماماها تاتعطيها هي حيت المنطقة بعيييدة شوية على لمدينة ... وجرات بالطوفتها دخلات مشطات شعكاكتها وغسلات وجهها وبقات تشوف فالمرايا وتغزز فشفايفها تابدات تبسم شوية بشوووية 
حياة : (شدات على عينيها ) هاااااح دابا غااااايولي راااجلي ... غاانولي وحدة منهم تا انا ؟دابا انا سفيااان غابقا معايا طووول حياتي ... يااااااااربي قلبي غايخرج من بلاصتو ... حبيبي غاااايولي رااجلي اوووووف ( بدات كتشوف فراسها ولات حممممرة بالفرحة ولاكن واخا هاكاك باقا هازة للهم لماماها خصها تمشي تعاونها ... ) نمشي نفيقو .. علاش اش فيها ياك غايولي راااجلي .. منها تانصالحو على ليلة د لبارح على داكشي لي قلت ليه ... هو مسكين سيفطلي مسج وانا لا ... نمشي دابا عندوووو .. مالها اش فيها... ( سمعات من موراها تاقفزات )
رتاج : رجووووع الله ( كتحبد وتفوه مبوقة بنعاس ) 
حياة : ااااااي خلعتني .. 
رتاج : شفتك كتهضر مع راسك انا لي تخلعت لاتكوني تسكنتي فهاد الدوش ... ياااا قضي يا خلينا ندخلو نقضيوووو ...
حياة : دخلي دخلي سااااليت .. مالكي ناييضة بكري ماموالفالكيش 
رتاج : شكون خلاك تنعس .....خصني عاد نمشي نوجد لبيت ل البكرة دختي وراجلها فدارناا بغاو يكلسو تما و نمشي نتلاقهم فالمطار ... 
حياة : اااه اوا صاااافي ... تستاهل منك كتررر مسكينة 
خرجات لبرا ورتاج دخلات لدوش .. وحياة حلات لباب كطل واش مكاينش اسد ولا يشوفها شي حد داخلا عندو ... ومشااات بالخف غير حلات لبااااب ودخلات شداتها موراها ... ومشات بشوووية تطل عليه مكيبانش ليها بقوة المخاد .. داير واحد نعسة مبببعثرة كل رجل وفين مليوحة .. وناعس على كررشووو و معنق المخااااد وحاطهم بين رجليه لابس غير شوووورط قصيييرر حمر كاع طايح .. ومشااات قريبات غير بشووية كطل عليه بانليها غااااارق فالنعاااااس ... وكلسااات حدااه وبقات كتفرج فيه .. شفارو طااايحين كلهم عنهم شفااار طوااال ورثهم على ماماهم ... وجامع فموووو صابح ليه حمممررر ... وسلسلة فعنقووو كاع ملوية عليه ... وطااالق الفورمة على ااسرير ... وشعرو كاع مخررربق ... وهزاات يدها بشووووية كتقيس ليه فششعرووو وتضحك مامتيقاش الى غاتولي تفيق على هاد الوجه حياتها كاملة ... وهي تقرب بشوووووية لعندو باستو فحنكوو ... فوق لحيتو ... وطلعات راسها .. بقا فيها تفيييقو ... وبقات غير كتمشط على شعرو بيدها وهو كيعوج فراسو كيحس بشي حاااجة .. وبدا يحل فعيييينيه بحال الغمزة مقادش يحلهم فالشعا ديال الصبح ومعععلي حاجبو مخخسسررر ... شافها و دار فيها واحد الشوقة د الاستغراب واش كيحلم ! وهي كتشوف فيه بوجه بشووووش ومبتسمة 
حياة : صباااح الخيييررر 
سفيان : ( بصوووت مدعدع بنعاااس ) حياااة؟؟
حياة : مممم حياااة .... مابغيتينيش نجي نصبح عليك ؟ 
سفيان طووول فيها الشوفة ورجع غمممض عينيه وخشا راسو فالمخدة وهي بدات كضحك
حياة : شششنووو زعما مقلق مني ... سفيااااان ( كتحركو ) وااضوررر عندي ... ياااك هادا هو لي غايولي راااجلي 
والو مابغاش يضور عندها خاااشي راسو فلمخدة 
حياة : سفيااااان ... وشووف فيااا ... ياك خطابتنا ليوووم ... وعلى الاقل غي صبح علينا ...سفيااااان ... صافي سمح ليا على لبااارح راك عارف عقلي على قد الحال ... وبعد مرات مكنركزش مزيان فشنو كنقول ...( والو شافتو مضارش ) مااابغيتيش دوي معايا ... نمشي فحالي ؟؟؟؟؟ 
مردش عليها وهي تهبط راسها بشوووية تالودنيه وهمسات وهو مزير على عينيه قبل لاينوض يخلطهااا نقطة ضعفو عنقو وودنيه ...
حياة : هانا غانمشي ... جيت غيير نقوليك .. بلي كنبغييييك بزاف ... وفرحااانة حيت غاتولي راااجلي وحلااااالي ... وكنتمنى من الله يقدرني نكون ليك الزوجة لي كتحلم بيها .... كنبغييييك يا احسن حااااجة طرات فحياااااتي 
قربات جيهة حنكو وبااستووو بشوووية يلاه بغات تنوض تكان شدها .. وججرهااا طيحها على السرير وجا فوقها عينيه بااقين مجبدين بنعااااس ومكيضحك موالو غير يكشوف فيها ويرررمش عينيه غادين وكييتعسلووو

بقات كتشوووف فيه مباشرة لعينيه ومبتسمة بحب كبيييير اعجاااب ... وفرحة .....غير عينيهم لي كيهضرو مع بعضياتهم .... غرقو فبحر نظراتهم وكل واحد كيقرا منهم اش كيقولو .... سهااا كيشوووف فيها وفرحان لي اخيرا غايستقرر تاهو ويكون عائلة مع المراة لي كيبغي ..فلحظة طاح عليها كااامل خاااشي رااسسووو فععنقهاااا وبقااا ساكت وهي هزات يديها وحطاتها فوق راسو ...كتداعب هصلات شعرو بين يديها وساااااكتة مخلياه على راحتو وها مثقل عليها ... تاسمعاتو ....ببحة صباااااحية وصوت خااااافت ....
سفيان : كنت كنحلم ديما ... بمراتي كيف بغيتها تكون ... كنت باغيها مميزة على لبنات كاملين ... كنت باغيها طبييييعية بلا زواق ... وتكون وااعية ... والاهم حجبانها مكتقيسهمش .. ومعمرها بغات شي واحد قبلي .. بغيتها يلاه تفتتح بياااا قلبها ...ونا نختتم قلبي بيهااا ... وخا عمرو تفتح لي شي وحدة من قبل .... بغيت نكون اول واحد فحياتيها وتكون اخر وحدة فحياتي ... لمن ماكنت نقول هاد الهضرة كيضحكو عليا ويقلولي هاد لبنت مكيانش فالكون ....وانا كنت مآمن انها كااااينة فهاد الكون وعايشة فشي بلاصة .... شوفي نتي فين ... وانا فيييين ... وكيفاش لقاتنا الاقدار .... بغيت نبين لكولشي .. انها كاينة ومكتوبة غير ليا ... هروبها من زواجها ماشي صدفة ... ومجيتي للنغرب عند خويا ماشي صدفة ... خدمتها عند بنت خالتها ماشي صدفة ... هادو فقط تخطيطات المكتاب باش يجمعنا مع بعض ....( حياة غير كتسمع اول مرة تسمعو كيهضر هاكا ويعبر ومغمضة على عينيها لي كيتعمرو بدموع ماعارفاش علاش ) بغيت نبين لكاع لي قالولي هاد لبنت مكايناش ...انها كاينة ... فلول كانت عايشة غي فعلقي دابا ولات عايشة فقلبي .. سميتها حيااة و وزينااات ليا الحياااة ....
حياة بلا شعوورر هزات يديها وعنقااااتوووو مزييرة عليييييه وكتنخصص بالبكاااا وهو خلاها على خاكرررهااا تابنتلو رخفات وبدات تسمح دموعها بيدها عاد تهلا عليها شوية بشوية وبدا يمسح ليها ومبتسم .... 
سفيان : علاش كتبكي ؟ 
حياة : و وو والو .. غير معرفتش علاش 
سفيان : هههه ( هبط باااسها فعينيهاااا مطوووول ورجع شاف فيها وكيحيد شعر على وجهها ) علاش لبارح مرجعتيش عندي .... 
حياة : ( بفشوس) وااحييييت نتا جريتي عليا 
سفيان : وهاديك هضرة يقولها الناس ممم ...؟؟؟؟ ولاكن الهضرة ماااشي دابا ماباغيشونخسر ليك الخاطر فهاد النهار ... ولاكن دوز هاد الخطبة على خيررر وغانوري لجد وااالديييك مزياااان شنو هي تحشمي بدواركم ....
حياة : سفيان انا ماشي بغ( شد ليها على فمهااا ) 
سفيان : ششش دايا غيرررر سكتي ... نساااي .. مزال غانتحاسبو منبعد ... 
بقات غير كترمش فيه بعويناتها وحيد يدو على فمها ساااهي فيها كتقتلو بداك الشوفات 
حياة : سمحلياااا ....

قالتها وهي كتشوف مباشرة لعينيه ......سفيان غير ابتسم ليها بحب ...وبدا كيقرب لعندها هبط كيبووس فييها فكل انحاء وجهها فوق عينيها وجبهتها وشفايفهاااا غير وصل ليهم مابغاش يطلقهم تاكيقول باركا ويرجع تااااني تاجهلاااتوو وبعد ...وشاف عندهها 
سفيان : اش كتساااالني جايا تاني على صباااح تعدبيينااااا ... كرفصتيييييه بربي تامكرفص معاااك 
حياة : هههه مالي قتليك قرب ليا ... نتا لي كديرها لراسك 
سفيان : حبيبة نعلمك من دابا راه ندير لاكط والله عليك لاعقلت .. اوووو نبقا انا هاااكا بزااااف ... 
حياة : وااندوزو الخطبة ويكون خير هههه 
سفيان : اودي باااليا نتي لي غادوزيها عليا وانا مكنصبرش 
حياة : اااجي بعدااا ... شفتك مطلبتنيش لزواج كاع .؟ .. دغيا دخلتي طول وعرضض ... زعما منستاهلوش حناااا شي ليلة شموووع وتكلس على ركبتك وتمد ليا خااتم ونحششششم عااد نقبل ونشد على فمي زعما تفاجأت ... 
سفيان : هههههه كتفرجي فالمسلسلات بزاااف احبيبة واقلة هههه نقصيهم راه غايخرجو عليك 
حياة : ماشي غي لمسلسالات ... تا اريج قاتليا هاكاك دارليها يووونس ....
سفيان : وهاداك سميتو يونس .. وانا سميتي سفيان ويونس من صغرو وربي عاطيه واااحد الخاااااططررر منداااااكشي ... سيري سولي بنت خالتك واااش تحنا ليها اسد على ركبة مد الخاتم هههههههه ... راه هاداك بوووحدو هو لي رومانسي شوية فينا .... ( جبد ليها شفايفها )وومرة اخرى متعاودييش تقارنني بشي حد لا لواه هاداك دار ونتا لا .. انا ازين ديالي معنديش مع هاد تخربيييق ... نعلمك من دابا 
حياة : وزعماا منستاااااهلش 😒
سفيان : تستاهلي كتر مي هادشي لي عطا الله قبلي على لموجود هههه 
حياة : ممممم اصلا انا زهري ديما معوج يييخ حرام واش فيك درة درومانسية وانا كيعجبني الراجل رومااانسي 
سفيان :ووجايا عندي انا ههههه ... حبيبك رومااانسي غير فالفراش... حاجة اخرى باااقي مكيعرفش ليها هههه تاتعليمنا شوية بشوية نعجبك ... مثلا نولي نوجد ليك لفطور ؟ 
حياة : اااااه مع وردة حممرررة 
سفيان : اوووه ونجيبو ليك لفرااااش ياك 
حياة : ( كتبستم ) اااااه وتوكلني بدييييك ... وتكلس حدايااا ووندير فيلم ... 
سفيان : اه ونوض نوجد ليك تااالغدا تاهووو 
حياة : ااااه ويجي طيابك زوين ونتغداو ةنمشيو نخرجووو ... وتعرض ليا للعشا بالموسيقة وشمووع ونشطحووو ...
سفيان : اووه ولاغدا تاني نعاودو نفس الشي
حياة : ااااه دييييماااا وكول حياتنا نعيشو هاكا ..
سفيان : ساليتي ؟ ونوضي احنينتي تالغدا ونتخيلو حاجة اخرى .. 
حياة : ( ضرباتو لصدرو ) علاش كتتتقمع علاش ... مالها اش فيها لادوزتي نهارو بطولو معيا 
سفيان : وشكون غايخدم على والديك؟ ... ملي هاكا احيبية كان عليك تدي شي واحد مسالي قبو بيطالي يبقا مقابلك نهار كااامل يفطرك بااشعر ويغديك بالزجججل وموتي معاه بالجوع هههه عمري قلبك وخوي معدتك ههههه 
حياة : ( بدات كضحك وعنقاتو ) وانا مابغيييتش اابيطالي ... بيييغيت سوووووفيان 
سفيان : وتاا سفيااان كون داك شي حد من غيرو .... كون حيدك ليه من يدو ( هبط بااااسها ففمها مطوول كيتننغم ) حبيبك غايعرف يفطرك غير هاكا .... شفايفو حسن من طوسط هههه
حياة : اووووو تااايق فراسك 
سفيان : اكيييييد ...واش غي اجي وخلي حياة تزيرررر عينيها وتطراسي ليك ظهرك بظفااارررهاااا
حياة : ( زنكها ) رااااه غير حيت كتقصحنيي فشفايفي وتزيدها بالعضان 
سفيان : شووف وكاااان ... حيت تفصاح انوااااع ااحووووب 
حياة : انا غانوض فحالي حسن ليا 
جات نايضة ورجعها 
سفيان : غاتصقري لارض ولا نشتت والديك

حياة : ههه على مشرمل كيداير ... ( بدات تخبش ليه فعنقووو وتبحلس ) مهم راه غادي نمشي دابا لدارنا علمت ماما وقااتلي اجي عندي عاونيني ... ياك غاتجيو ل لليل؟ 
سفيان : ووي كنضن للعشا حيت اسد عندو لقاء صحفي هاد العشية ... وراك عارفة مغايتفاكش بككري ... دونك للعشا ... فين غاتمشي نتي دابا صقري لارض 
حياة : وراااه غاتجيو تخطبوووني ماشي غانجي نخطب راسي معاكم ....خصني نكون تما ماشي ماشي جااااية مع لخطااب اولي وحدي ....
سفيان : صافي خلني نكمل نعاسي دابا( شاف لتيليفونو ) تااالجوج وفيقني نديك .... 
حياة : اشمن جوج راه خصني نعاااون ماما 
سفيان : اش غتعاوني ؟ راه غير عشا عادي بييناتنا عنداكم ديرو شي حاجة .... اطووونسيوووون 
حياة : واايه واخا هاكاك نعاونها مسكينة صااافي راه قلتليها غانجي .. غير خليك ناعس غادي نركب ونمشي 
سفيان : ( هبط باسها بجهههددد تاااطيب فمها وزااااادها بعععضة بجججهد وهي كتفرررركل عاد طلع وشدات على فمها غزها ) يخلبييلي الحووووب ديالي انااااا ... الله ينعل توااااااسلك .... فين غاتركبي فين ؟؟؟؟؟ مغاااتقليش شوية وتشدي الارض 
حياة : اااااااااح اووووف متعاودش تعضني هاكا ......وراه غير مابغيتش نععدبك مالك .... وصافي ملي باغي توصلني .. نووض وصلني دابا 
سفيان : ماشي دابا باغي مزال نخرج انا وياك خودي اش غادي يخصك لداركم عاد طلعي ... 
حياة : مخصنا والو اسفياااان وزايدون سيفطت لفلوس لماما صافي ...
سفيان : وعلاش كتصرفي من عقلك ؟ دااابا غير غاتكلف راسها وصافي حنا يغينا غير عشاااا بسييييييط بيناتنا ....الاهم هو نتفاهمو .... 
حيااة : ومالنا هنا غانشويو الحوالا ... واااانوووووووض اصلا توووحشت ماما 
سفيان بعد عليها وتكا طالق يديه وهز كيشوف لساعة 
سفيان : باااقي لحال الحياة ... 
حياو : وعفاااااك نوووض ... خصني نمشي 
هز ليها يدهااا عندو ...ومد يدو لوخرا لطابل دونوي هز واحد الخيط كان تما كيديو فيدو ... وبدا كيضورو على صبعها 
حياة : شكاديرر 
سفيااان : ششش 
عبر ليها صبعها وقطع داك الخيط بسنانو وخلاه تما 
سفيان : خديت غير عبااار صبعك باش الخاتم يجي قدك 
حياة : اء ؟ واااش غانركبوهم لبيوم ؟؟؟؟ ياك قلتي غاتجيو غير تهضرو 
سفيان : اوا خاتم وصااافي مافيا لي يبقا كل مرة داير حاجة .... هاد نهار الهضرة بوحدها ..نهار الخطبة بوحدو امتى غانتزوجو حنا ؟ ... 
حياة : اوا ملي لقضية فيها تركاب الخواتم اذن خصني نشري شي حاحة لبسهااا 
سفيان : وداك شي علاش كنقوليك تنساي شوووية 
حياة : لااااا نتا غير وصلني وفلعشية دابا ندوموندي شي حاحة من شي موقع 
سفيان : (زعف عليها ) حياة مغانخطيناش من هاد العككككس ... صافي هضرنا معااااك سمعي على هضرة وحدة 
حياة بقات غي كترمش من داك زعفة لي دار ليها وتكمشاااات دموع تجمعو فعينيها وشاف عنهت وتنهد وجبها عندو غير عنقها وهي طلقهم 
سفيان : مكتفاكيييييش احبيبة كتللصصصقي ...( كيبوس على راسها وهي كتبكي ) ماانعاودش نزعف عليييك .. وصافي سكتييينا ونتي خصك غا علاش تبكي ... حيااااة 
حياة : ( كتسلت منو ومزير عليها وهي كتنخصص ) خ خليني نن .. نمشي 
سفيان : ( باسه فراسهاا ) وصافي متبكييششش محسيتش براسي انا هاكا داير ...انا نوض دابا ندوش ونلبس عليا ونوووصلك عند ماماك غير تهناااي .. ( هبط راسو لعنها ) على خااطرك ؟ 
حياة بقات كتجنع فالبكية ديالها وتمسح دنوعها وخركات راسها بآه ...وبااااسهااا ففمها وناض يدوش ... وهي متبعاه بعينيها تادخل لدوش عاد ناضت طوات ليه فراشو وقدات ليه سريرو ...وخرجات تلبس حوايجها ... لبس تاهو سرفيت وكاسكيط ... وخرج عندها لقاها لابسة من الحوايج لي كيشري ليها مستورين وانيقين .. اصلا هي الى مرا تمشي بالمقزب لداور ينحرها باها ههههه .. وشدات فيديه وهبطو هو كيهضر مع واحد المحل يوجدو ليه اش بغا قبل مايوصل ...
ومشا ركب هو وياها يفطرو هو لول ... اما رتاج كانت مشاااات لفيلا ديالهم تقاد لبيت لختها غاد تمشي عنهم لمطار ... 
فجناح اسد ولامار .. 
بداا كيحل اسد عييينو شوية بشوووية على تنوعييش وشي حد كيضرب فوجهو ... وفتح عينو لقا غي شي رجلين كيضربووو فيه صغييييورين بويوضيييين ..... كانت قسسم ناعسة عليه بصح بالمققلوووب راسها على صدرو ورجليها فوجهووو كتلعب وضرب فيه وهازة رضاعة كتععضضض فداك المصاصة ديالهااا غي لقاتها قداامها كتبرد فيها جنون حيت رضعاتها صباح بكري وبقات حداها ...وكتشوف لسقف وكتهضر بووووحدهااا وتخررربق وتعض فداك مصاصة 
قسم : ممممميمممم ميااام بببييي ( كتتعععض وتغني ولا معرفت اش كدييير )
بدا يضحك تااتجبدو عينيه و كيحيد ليها رجليها على وجهوو وهي كضضرب وتنووووعش ...

يتبع ...