حبيبي الأصم الجزء 259

من تأليف كاميليا جود
2019

محتوى القصة

رواية حبيبي الأصم

عدنان بقا كيشوف فيه ... ورجع تنهد غير بدا يهضر اسد جمع داك ضحكة لي اساسها اصلا عصبية وعدنان كيقرب عندو 
عدنان : عارف بلي الاعتدار لي كيجلي معطل .. بحال سوارت مالقيتهم حتا طير الريح لبيبان ومابقاوش نافعين .... داكشي علاش مغانتعدرش ... معندو فاش ينفع ..... بغيتي تسمح هو هداك مايغيتش شغلك هداك ... مهم انا ( شاف فيه مطووول ) باغي خويااا ..... 
اسد تنهد وبدا كيقرب لعندو تاهو 
اسد : قالو ليا واحد نهار ... لي آذاااني ... نآديييه... وننتنقم منو .... ومنرحمووووش .. الله لي كيرحم ... واااانا ماشي إلااااه .... 
عطاااه بوووونية لحنكوووو تا ضااار وبغا يزيدو لوخرا وعدنان كالا يد اسد بدراعو قبل ماتوصل لحنكوو .. وبقا وجه عند وجه ..مقربين، بععد عدنان دراعو لي كان شاد بيها اللكمة وهو يعطي لاسد باليد لوخرا لكررشووو تازوااااه .... وزادلو لووججججهووو حتى ولا فمو كلو دماياااات 
عدنان : وحتى انا قالوليا .. انو فااااش نغلط ... مااعند تاواحد الححق يحساااابني .... حيت الله لي كيحاسب وانتاااااا ( طلع ليييه راسو كيشوف فيه واسد حاقد ) ماااااااشي إلااااه ....
اسد : ( ناااض تااهوو عطاااه لرقبببتوووو طيح ليه راسو وزادو بالمرفق ديدو هبط عليه لضضهرو تااعوووجووووو وبعد عليه كينهج ) مغاااانحاسبببكش .. وحتا نتا ماتحاااسبنييش على لي غااندير فيك .. ( كيمسح الدم من فمو بدراعووو ) 
عدنان : ( علا راسو غير بشوية كيحاول يوقف مزيان عوجليه السلسول تاجات الضبابة على عينيه ) دااايرها بصصصح اصاحبي راه هرستي لياااا ضههري ... 
اسد : ( تكا على الحيط كيتنفس ) منهار لول .. قتليك الحرب والعناد معايا ... مغتخرج منو بحتى نتيجة ... اما لخسارة ولا الراية البيضة 
عدنان بدا كيييضحك تاني باستفزاز وقرب عندو 
عدنان : مييكيهمنييش نكون الرابح ... كتر مكيهمني مور الحرب نخلي بصمممتي ( كيشوف ليه لدم ففمو ) مسح دم من فمك وشوف الجرحة لي غاتبقا تحتو ... كل ماشفتي راسك فالمراية غاتفكرني ...وهداك هو الربح عندي انا نبقا معشعش ليك فالراااس .. واااااقاد ليا الوقفة ... راه باقي ماسالييناش ... والحكم باااقي مصفرش ... وباقي معرنا الرابح ملخاسر .....
يلاه كمل كلمتو جمع معاه بكرووشي لحنك هبطو ليييه ... واسد تكعد ردها ليه فالبلاااصة و شبكوووهاااا بوونيااا .. ضربة فيه ضربة فلاخوررر ... تاااااولا وجههم كلوو دم وكدمات عاد بعدو على بعضياتهم كييينهجووووو و عدنان كييضحححك واخا وجهووو حاااالتووووو
عدنان : ( كينهج ) بررردتي شوووية ؟؟؟ زييييد مزاااااال ... زييييد ضرب وبرد ليا العافية لي شاعلة فيك من جيهتي ...ولا ياكما بايع الماتش و مسامح ليا فاللعب 
اسد : سمحححتليك فيه ... عرفتي علاش ؟ ...حيت مابقاتش بلاصة فوجهك تعوووج مزال ....
عدنان سكككت مدة ونطق : اللعب سمحتي ليا فيه .... وظلمي ؟ تاهو مسااامحو ؟ تيقني.... تاقلبي مابقاتش فيه بلاصة لي تحرق مزال ... كيما رحمتي وجهي رحم قلبي ..... 
اسد بدا يرمش فيه وبدا كيقرب عندو وعدنان راجع بلور كيدير لا بيدووو خلعو بداك الشووفات عارفو كيغفل .... 
عدنان : اهياااااا تكايس وماديرهاش بصح ... اهياااااا ( بقا راجع بلووور تاتضرب راسو فالحيط ) 
اسد : قتليك من قبل انا ماشي الله لي نرحم .....ولاكن واخا هاكاك ( فيكساه مع الحيط مزيااااان كيشوف فيه ) الله يساااااامح .....
عدنان بدا كيبتسم شوية بشوووية : مساااامح اذن ؟ 
كيرمش فيه كيتسنى جواب تاحسو هبط علييييه ببوووونية غفلووو ...تاااحس بسنانو تزعزووو وزادو وحدة فكككرشوووو ولوخرا لضهرووو وطلعوووو مججييفووووو تاكي علييييه وعدنان كيتخخخنق فيديييه ....
اسد : راه قتليك الله لي غااايسامحك .... انا ماااعليا غير نووووصلكككك لعندووووو وبيينااااتكم 
كالس كييجيف فيه وعدنان عينيه خرجوو تاددددفعووو عليه من يدو قبل مايخرج ليه الروح ....

عدنان بدا كيكحب وينهج كيييتنفس وشاااف فيه 
عدنان : واش باااغي تقتلني ولا ماااااالك .... بربي تااااانبصم عليها الى راك مسطي 
اسد : داخل فحرب مع مسطي وكتخاف من الموووت .؟؟؟!..
عدنان قرب لعندووو وجمممع معااااه تاااااني تاعواج ليه راااسو ورجع شدووو باش مايطيح وبدا كيشوف فيه ديريكت لعنيه ولاو عينيه حووومر 
عدنان : ماشي اي حرب ...هااادي ماشي بحال الحروب لوخرين ... الحرب الوحيدة لي ميمكنش تتآذى فيها ... هي الحرب مع خوك .... كيضرب وهو راد لبال لايقصحك ...... حيت كون عولنا نقتلو بعضياتنا دبصح ... كنا من اول ضربة جبنا الكاو .... 
اسد : عارفها بعدا ؟... الى غي كنفض عليك الغبرة ..ومامعولش عليك ! ..
عادنان : عااارفها ......وعارف خويا .. ولا قووووي كيف كاااان باغي وكيتمنى ...
اسد : هه! شفتي ؟.. كون كنتي حتى نتا قوي .. كنت غانجاملك حتى انا 
عدنان : ( طلقوو وبعد عليه كيضحك ) اوا كدب عليا وصافي ... كيف ما تانا غي كدبت ( ضررربووو على غغغفلة تااااطيحوووو الاررررض ضربة وحدة نزلاتو لارض ووقف عند رااااسو منتصررر واسد علا فيه عينييييه ) منين جاتك القوة منييين ؟؟؟؟؟... ونتا غير يشوف الواحد فعينيك ... تنسى الديب لي كنتي مخطط تعشا بيه ......وتخليه يتغدا بيييك ( مد ليه يدوو واسد دفعها ليه ووقف راسو كيشوف فيه ) 
اسد : عارف راسك بعدااا ديب ......
عدنان : مالك كتهضر عليه محروووق بحالا هاد الديب شمتك ؟؟؟ 
اسد : ومالك نتا كدافع عليه بحالا مو رضعاااتك ؟؟؟؟ 
بعد عليه ومشا لقرعة دالما كييخوي على وجهو وهي كتخوا فالارض ماء مخلط مع الدم غسل مزياااان 
عدنان : لاكانت مو مرضعاني ... نتااا راك بنفسك كتررررضعهم ..... ومسكنهم معاك فالديبو كاع ..... 
اسد : اوا خصك تشكرني ... كنحافظ ليك على سلالتك باش متنقارض ...
عدنان : مزيان ... تاناا شكرني ... وليت كنربي الحنوووشا ... ومحتااافظ ليك حتى انا على سلالتك .. نجيبليك شي واحد تربيه على يديك؟ .. يتعلم منك يقدف السم ؟.
اسد : لا بلاش .... ولداتلي ميميتي واحد باركا عليا .....

عدنان بقا غير كيحاول يبتاسم باش يبرد القمعة ..تاحسو نزل علبه بضربة لررقبة و لوخرا لضضهر طيحو تاهوو كااووووو طاح نيشان على ضهرو ناااعس فالاااارض كيتعصرر حرقااااتووو ديال بصصصصح .... ووهو واقف ملفوق كيطل عليه معوح راسو ويديه مور ضهرو .. ورجع حنا عندوو 
اسد : هادي باش تححححس ان هداك لي ظنييتي عمرو يآديك .. ومدتيليه يديك يوقف ... هو لي كيخطط يعطيك الضربة القاضية .....حيت ديما الضربة د الموت كتجي منعند الشخص لي نتا مامتوقعهاش منو .. اما اعدائك راك راااااد منهم البال .....معندهم مايديرو ليك .. حضي غير مع لي كيقولك...... انااا خووووك انااااا.... ( وقف مزيان وبدا كيفسخ بسنانووو للصقة دليكات وحيدهم ولاااحهم كيعوج فيدو.... ضاير على المعصم ديالو غير بااانضة صفرة ... كيدريها تحت ليكة باش مايتفكوش ليه يديه فشي ضربة ....وعدنان طايح الارض مقااادرش ينوض طااالق يدو كيتوجع ...واسد وقف عليه كيشعل فكاااارو وساط دخان) ماشي كلشي كيستااهل نحترموووه .. كاين لي كيستاهل سللللخة باش يلاه بحترررم كروووو .... ( ضربو بركلة ) تتتكككعد ( مد ليه يدووو وعدنان بدا كييضحك بقوة الحريييق وعينيه نجبدوووو هاض على شفااايفووو وطلع يديه لفمووو فسخ ليكااان لاحححهم وتكا يديه بجوج تحت راسو) 
عدنان : النصائح لي مطبقوهمش على راسك علاش كتنصح بيهم وحدين اخرين ؟ ..... هانتا دابا ماد ليا يديك ؟ واخا نصحتني غير دابا باش منمدوش يديناااا للي طيحناه.... باغيني نطيحك مرة اخرى ....سخنو عضامك ؟ 
اسد : ( كيكمي ) كااااين فرق بين تمد يدك ونتا تايق فداك الشخص انو مغايآذيكش .... وكاين فرق بين تمد يديك ونتا راد معاه لبال ... تكككككعد نوض خرج عللللياااا... 
مد ليه يييدو مرة اخرى وعدنان هز يدو دار راسو غايشد فيه وهو يلويييهااااا ليييه وجرووو الارض طيحو تاتلتخ راسو مع الحييييط وكلس شااااد عليه وعدنان بدا يضحك وتكا مع على الحيط شاد تاهو ضهرو لي قسمو ليه بداك للضربة ... واسد تنهد وكاد الكارو فيديه وبدا كيكمل عليه وواحد ماباغي بين لاخور انو انتصر عليه وخا طايحين بجوج .... واحد داير فيها مرتاح وعاجباه النعسة فالارض واحد داير فيها انو كلس غير باش يكمي ... وتاحد فيهم مامعترف لاخور انو هو لي طيحو ....
عدنان : ماراااااد الباااال ماواااالوووو اصاحبي .... وحبس عليا من الفلسفة قبل مانرد مك لشي غيبوبة اخرى 
اسد غير كيشوف فيه وطلع معاه داك الكارو مزيان وكالماه وعدنان خشا يدو فجيبو كيقلب تاهو على لباكية ديالو ..
اسد : اش رججعك لعندي ؟؟؟؟؟
عدنان : فخبارك ان خوك فنص ليل كيولي عقلو مرفوع عليه القلم !؟؟؟؟ ... فبلا متفاجأ من القرارات لي غاناخد فصباح حيت كلهم كنخطط ليهم فالنص اليييل ... ( شاف فيه ) وفنص ليل .. عرفت و فهمت اني مخصنيش نبقا نأجل التوبة و الاعتدار .... حيت ربي كاع مغايأجل ليا موتي .... وانا عارف ااني الى مت ... مكنضش واش غتسامحني ...
اسد : ماااالكم نتومااااا غي لي قرررررب يموت عااااد يتفكرني ويتفكر اش دار فيا و نبانليه فلبلاااان يجي يتسامح معايا ويجبد ليا فداك ولد القحبة دالماااااضي ؟؟؟؟؟؟. كتفكرو اسد غير فالاحتضار ؟ الشهادتين انا ؟؟؟؟؟ عزرائيل ؟ ياكما قالولكم عليا كفن ؟ كنابلكم تاتبغيو تموتو ؟ 
عدنان : ( مدة كيشوف فيه مبتسم ضحكووو ...مكرهش يخربق ليه فشعرو باااقي باغي يفششو ..... ملامحو باقي كيشفوهم ملامح اسد الصغيييور واخا كبررر وكتر منو فالجثة بصح كيحس هضرتو فاش كيتعصب باقا هضرة داك الطفل البريء هه) الى مت اش غادير اسد؟؟ 
اسد : ( رجع كيشوف قدامو كيكمي ) غاااندفنك اش غاندير ... ( ساط دخان ورجع شاف فيه ) مع المسلمين بعدا ولا مع ليييهوووود ؟؟؟؟؟؟؟

عدنان : هههههه بنتليك ييهودي ياك اليهوودي دبصح غاليدفن مك هنا نتا لول ... ( جبد من الباكية الكارو ديالو تاهو وهز لبريكة كانت طايحة تما شعل بيها وبدا كيسوووط دخان وكييهضر واسد عاد كيتممعن مزيان فصوتو كيداير وكيف ولاااا عاد حس براسو سمعو قبيلة كان مشغوول هه) واحد الخطرة ... معقلتش واش كنت فالثانوي ولا الاعادادي.... سولني واحد الاستاذ ... واش عايش بوحدي ولا مع العائلة .... قتليه ... عااايش بوحدي مع عائلتي ( شاف فيه مبتسم ) مزال لحد لان يمكن مفاهمش ... وحتا حد مغايفهم .... ولاكن نهار دخلت لهاد الدار ( رجع كيشوف فالسقف ) تبدل كولشي .. عاد وليت كنحس بعبارة .... عندي عائلة ... وداكشي علاش رجعت .. على قبل قسم ... سفيان .. يونس ومراتو وخت مراااااتو تاهي كتنسالي سميتها ... ولامار .... ماشي على قبلك غير كون هاني...
اسد : نووووض قوووود عليا .... ( ناص ووقف ) خررج منهنا ....نوووض 
عدنان بدا يضحك وقف عندو 
عدنان : روووولاااااااكس برووو .. روولاااكس ههه ... معندي فيين غانمشي غير تهنا .. يلاه جييت وباغيني نمشي ؟؟؟؟ الصوااااب عندك منداكشي 
اسد : ( لاح داك الكارو وجا كمش ليييه على وجهو مغززززف ) راه قتليك خرررررج علياااااا .....
عدنان : ( بدا كيحيد ليه فيديه) ششششششش بشوووووية عليك .. تنفس .... هههههه 
بعد عليه كييضحك وكيطمي فالكاااارو وديالو ويتنغم ....وضار كيشوف فيه ....
عدنان : فففففف شحال خااااايبة مرااااااتك تعرف ان رجع ليك السمع ونتا مخبي عليهاا ... والخااااايبة هي تعرفها من واحد اخرر وماشي منك .....
اسد طررطق فيه عينيييييه لا فهادي اول مرة يسااالي معاااه شي واحد وعدنان نفخ دخانو عليه 
عدنان : اشنووو .... نفرحححهاااا مسكينة ونقولها لييييها .....
اسد : ( قرررب ششنق عليه من حوايجو مغددد عروقو خرجو ) نتاااا باش عرفتيها ......
عدنان : ( حيد ليه يدو ) هههه ماشي غي نتا لي فيك الفضول بزاف .... حتا انا .. عزيز عليا ننبش فخصووصيااات لووخرين .... دابا يااااا تيما تشد فمك وتخيليني كااااالس فدار خويا لعزييييز... يا اما غانقول هادش لمراااتك ..... اش باليك .... هههه خايبة دخل فشي معركة ونتا عندك ماتخسر ياااك ههههه والاسوء هو عدوك يكون عااارف هادشي لي خايف تخسرو ههه 
باقي كيشوف فيه مخنزررر مزير على القبضة ديالو يلاه غايتلاح عليه حتا كدخل لاماررر لابسة سيرفيت وهازة عندها قسم وايس مع رجليهم وهي تشوفهم هاكاك وتصدمااات شهقااااات ببببججججهد وحطات قسسسسم وبقات شادة على قلللبهااا كتشوف فيهم مضروووبين ووولي زاد صصدمها هو عدنااان كاين ؟؟؟؟؟؟؟؟؟؟ واسد تبدل اللون فوجهو كيقول غاتكووون سمعات ! 
لامار : ع عع عدنااااان ؟؟؟؟؟؟؟؟؟؟ اش وااااااقع هناااااا ....اش هاااااادشي .. اساااد !؟؟؟؟
عدنان طفا الكارو ديالو وضحك ضحكة عريضة ومشا عنق اسد مزيررررر عليييييه وكارز على كتتتفو واسد واقف جامد كيف شي حجرة 
عدنان : واااالووووو غير كنا كنههضروووو ...... ورجرحنااا شووية وجهنا بالههضرة ( شااااف فيه ) ياااااك اااخووويااااا 
اسد : ( كيشوووف فييه مخننززرررر قرب يقتلو ) 
لامار : ك كي .... كيفاش كتهضرو ؟؟؟؟؟؟ لاكانت الهضرة هاكا ؟ الضرب كيفاش داااااير فبلااااااادكم ! ....
عدنان : ههه لا هذاك بوحدو كيخصو سيروم ... والكبص ... ( شاف عند اسد ) وبعد المرات كفن وسورة ياسين ههههه... ( شاف عند لامار ) امرات خووويا هه ....

مشات كتحري عند اسد شدات فووجهو كتحسس ضرابي وعدنان طلق منو ومشا هززز قسسم طيرها فالسمااا كيبوس فيها وتوحشها وهي مسكينة كتشوف فيه وتشوف فباباها معرفات شكون باها فيهم .... ولامار كاتقيييس فالشفة د اسد وتخسر سيفتها وهو عينيه غير على عدنان لي مامسوقش وباااين فيه فرحااان .... 
لامار : واش حماقيتووو وولا مالكم خوت نتوما ولا شنووو .. اش هاد الحااااالة شوووف وجهك .... ( ضارت عند عدنااان ) واش نتااا غبررررر تاااا تغبر وملي يقولها ليك راسك ترجع ..تجي تسلخ ليا انا فراجلي 
عدنان : ( قرب ليها وجهو وطالع ليه الموووود ) ومابقاتش فيك هاد الحالة لي دارها فيا انا راجلك ..... ( شاف فقسم لي هازها وباسها من نيفها ) شووفي باباك.. دار ليا ديييدي شوووووفي ... خايب هاد بااابك .قولي لييييه نتا خاااااايب ...
اسد دفع اليدين ديال لامار ومشا هز عليه قسسم عطاها لاماررر وجرو من يديه 
سد: زيييييد قدااااامي .... زيييد ... 
لامار : اسااااااد ... اساااد ماااااالكم .... فييين ماشيييين 
طلعو اسد جااااارو من حوايجووو مطلعو فدروج بسييف ولامار تابعهم كتغووت وفنفس الوقت فرحات لي رجع عدنان واخا عارفة الى اسد غايشحفو عاد يسمح ليه وماشي بعيد ينفيه لشي قنت يربيه تاني تاهو .... تاوصلو لباااب ووودفعوو تاكان غايطيح 
اسد : براااااا عليااا ... متعاااااودش تعتب هاد لبااااااااااب مزاااال .... 
عدناان : ههههههه شوووووف وكااااان ......
لامار : اسد تهههدنو وهضرو بالعععععقل ..... مديرش هاكاااا ... شووووفو وجهكم كي ولاااا ... درتو كي دراااري صغاااار 
عدنان : وااااايه .... كان خصك تشوفي كيييفاش تعصصصصب ملي قتليه غانقووول لامار بلي نتا(قاطعو تحت سناااانو )
اسد : عدناااااااان 
عدنان : نعام ؟؟؟؟؟ اااه بغيتي تقوووليا ندخل نغسل وجججهي .. هههههه وااخا علاش لااا ( جا داخل وداز حداه كيفقص فيه ) بلا متعدب راسك عارف الطريق للبييييت ..بلا متوصلني ... اه ويلا بغيتي دير فيا خييير كتر سيفطلي معاك شي فرملية ... ماباغيش نمشي لخطبة خويا مكرفص ... شوفها ليا تكون زوينة عفاك ويديها حنان ....
ضححك ومشا كيضور فراااسسسوو ولامار مافاهمة والو هادا باش عرف ليوم خطبة سفيان ؟ وعلاش كيهضر مع اسد هاكا ؟ ... طلللع فدروووج واسد مزيررر عللى يدوو حتى بانو العرووووق فكتفو وجهو ولامار مااافاهما وااااااالو زيرو من اليد لي كتحرقو ...
لامار : واش تقدر تشرررح لي اش وااااقع ؟؟؟؟؟؟ امتى جا عدنان ؟ وعلاش ضااااربتتتو؟؟؟؟؟ 
خلاها وزاد طلع فدروج بزربة وهي تابعاه ... تاتخطفات فنص دروج هي وقسم من التخة لي دار لباب دالجناااح و عدنان فشوومبر لوخررا كيضضضضحك ...ودخل لدوش حيت داك الشومبر هي لي كان كيكلس فيها ملي كيجي... باقي شي حوايج ديالو تما .... 
واسد دخل لدوش كيغغسل وججهو بالما بااررد ولامار حطات قسم وتبعاتو .. وواقفة عند راسو كتهرنن باغا تفهم شي حاجة وهو كيلوح لما على وجهو و عنقووو ....

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.