أحمد : كون هاني ادكتور مغاديش نخرج من عندو حتى يفطر
بعد مرور خمسة عشر يوم
مهدي : تعطل عماد اليوم.. مولف كانجيو كانلقاوه قبل مناا
إياد : دابا شويا يجي
الحاجة : تاصل بيه شوفو علاش تعطل هوا مولف أول واحد كايصبح عليهاا كانلقاوه واقف قدام هاد زاج شوف اشنو الحال بيه
إياد : واخا (جبد تيليفون كايصوني عليه)
مهدي : جاوب!؟
إياد : كون جاوب انبقا سااكت ؟
مهدي وانا غير سولت
إياد : الو عماد سافا ؟
عماد : الحمد الله
إياد : جيناا قبيلة لسبيطار ولقيناك باقي ماجيتي
عماد : وااه راني فطريق زحاام ..شويا ونكون تما
إياد : واخا (قطع) غير زحام فالطريق
الحاجة : ااه إوا صافي ملي هوا بيخير داكشي لي بغينا
بقاو واقفين قدام زاج كايشوفو فيهاا كيف العادة هادي 15 يوم وهوما على نفس الوضع ومكاين حتى شي تحسين نااعسة جثة فقط مكاتحرك ماكاتدير حتى شي إشارة كل يوم كايجيو ويبقار واقفين لساعات قدام زاج واخا مامايدخلوش ولكن كايجيو يوميااااا..
عماد الوحيد لي كايدخل عندها كايجلس معاها وكايبقا يتعاود معاها نهار كامل كايضل جالس عندها ماكايمشي لحتى قنت
تقريبا هادي شي 9 أيام باش خرج هوا من السبيطار عيااو فيه أحمد و إياد والحاجة باش يجلس معاهم غير حتى يبرا ولكن مابغاش هدر مع أنور و وصاه ياخد ليه شي دار صغيرة لي يجلس فيها مابغاش يمشي لوطيل وداكشي لي كان شاف ليه أنور دار زوينة وملي خرج من المستشفى جلس فيها ...
دخل مع باب المستشفى هاز فيديه بوكي دالورد فالاحمر ومشا نيشان لغرفتها لقاهم واقفين سلم عليهم وخدا الباس لي مولف كايلبس لبسو ودخل عندها حط داك البوكي بعيد وجلس فالكرسي المعتاد
عماد : (قبط فيدها وبتاسم ) تعطلت عليك ياك ؟ ماشي لخاطري احبيبة كان الزحام ف طريق .. ودزت خديت ليك الورد لي
كايعجبك.. (باس يدها من الداخل) واش مزال مابغيتي تحني فيا كل صباح كانقول اندخل انلقاك حالة عويناتك ..كل نهار كانقول غادي ندخل وغادي لقاها ضاحكة لياا فوجهي.. كل نهار كانقول اتهدر معايا بصوتها لي بنسبة ليا هوا دنيا ومافيها .. تاسيا فيقي خلاص تاسيا. ك..
سكت وتلجم لسانو ملي حس بصبعها تحرك وسط يدو وقف عن الحركة خاف يكون غير كايتهيأ ليه جمد ف بلاصتو وخرج عينيه كايتسناا يشوف وااش بصح حس بيها وفعلاا رجعاات حركاات صبعهاا وسط يدو ولا غير بكثرة ماهواا توحشها ولاا كايتهيأ
شاف نيشاان ف وجهاا لقااهاا كاترمش عينيها
عماد : ت. ت.. تا. تااسياا تاسياا حبيبة هههه حلي عينيك كاتسمعيني.. ههه تاسياا (طلق منها وخرج كايجري لباب غير شافوه هوما وقفزو خافو تكون واقعة شي حاجة)
عماد : مهدي سيييير كلم طبيب دغياااا
الحاجة : (فشلات) ش. شنو شنو واااقع
عماد : (بتاسم) تاسيا كاتحل عينيهاا
إيااد : اوااااه
ماحاوبهمش بكترة الفرحة رجع دخل عندها قبط فيدهاا وخلاهم هوما كاملين واقفين قدام زاج كايشوفو فيها وهيا كاتحاول تحل فعينيهاا
رجع عماد دخل عندها وهوما كاملين وقفو قدام زاج كايشوفو فيها وهيا كاتحاول تحل فعينيهاا
كايشوف فيها وكايقرب بشوياا وعينو كاتنتاقل بين فمها وعينيها متعطش يدوق أول قبلة من فم حبيبتو.. وحتى هيا غمضات عينيهاا وستسلمات ليه كاتسنا قبلتهم الأولى من طرفو
حط يدو على عنقها ويالااه ايحط فمو وهواا يتحل الباب حتى قفزات تاسيا ورجعاات لور
مهدي : اعوووودوووو بالله من الشيطان الرجيم استغفر الله العظيم تووومااااا شنو كاتديروو اوييييلي حييييي
عماد : (بنفاد صبر) ااااش جاااي دير هناااا
مهدي : انا كان يحسابلي جيت لسبيطاار نزووور واحد الأخت لي كان يحساب لينا مريضة وكااتموت ساعاااا لقيت راسي فشركة إنتاج لأفلام البورنو وهيا نجمة العرض
عمااااد : (وقف) خررررج براااااا حتى نبووووسهاااا ودخل خرررررررررج
تعصب عماد حيت ديما محرمينهاا عليه خصوصا مهدي خارج ليه فعودو كاايعصبو بالمزياان ماكاايكرهش يشدو يقسمو بسبب تصرفاتو ولكن مع دالك هوا الوحيد لي كايخليه معها .. إلى كانت عندو شي حاجة كايتاصل بيه ويقوليه اجي لعندها دابا
عماد : (شاف فيها) حبيبة هاهوما معاك علاين مانرجع
تاسيا : علاش فين غادي
عماد : عندي واحد الغرض نقضيه وانا معااك
تاسيا : ماتعطلش علياا
عماد : (باس فوق راسها) لا دابا شويا نرجع (تحرك من حداها و وقف على مهدي) ماتمشيش نتا حتى نرجع ماتخليهااش بوحدها
مهدي : هههه ماعرت لاش مكتحشموش كون غير هاداك لي تيرا بالقرطاسة هبط شويا وجابها ليك فمساسطك نشوفو هادا لي نتي فرحانة بيه واش باقي اياخدك ونتي بتلاتة ديال تقبات
الحاجة : هههههه ومااالو هوا كره تقبة زايدة يبدل غير طريق مرا مراا
تسياا : وااااش نتومااا ماكاتحشمووووش
الحاجة :لا حياء في الذين
تاسيا : دابا هادا ذين
الحاجة : ذييين وزييييين ابنيتي زييين والله
مهدي : حق ربي امي غااا جيتيني مي اماا ندوور بيك عزيز عليا هاد نوع ديالك لي ماعندو علاش يحشم هههه
الحاجة : اتااا ماتخممش ااه غير ضبر عليها وجيبها عندي ندير ليهاا سطاج
مهدي : لا اختشي سمحي ليا نتي اخلاقك فاسدة وبغيتي تفسديلي أم ولادي
الحاجة : (شافت ف تاسيا) ههه قالك أم ولادي
تاسيا : هههه سمعتووو و (سمعو دقات فالباب)
مهدي : (حلو) اهلااا أستاذ اهلااا
الأستاذ : ههه مهدي لباس ؟
مهدي : آلحمد لله
دخل سلم على الحاجة وعلى تاسيا كان أستاذ سميتو عاصم لبناني الأصل وخدام ف روسيا في التلاتين من عمرو باقي شااب وزوين كانو بنات المدرسة كاملين كايعجبهم ولكن هوا كانت ديما تاسيا لي عاجبااه وماقاالدرش يقولها ليها
عاصم : (عطاها بوكي دلورد) تاسيا ماكانش فخباري ليوم عاد جيت من الكونجي وقالو ليا اش وقع وجيت طاير
تاسيا : (بابتسامة) ماشي مشكل
عاصم : ( حال فمو فيها) كيف بقيتي ؟
تاسيا : بيخير الحمد الله
الحاجة : (نغزات مهدي) ضبر على شي سااروت سورت علينااا هاد الباب قبل ماايجي الإعصار
مهدي : ههههه للأسف ماكااينش
الحاجة : طلينااه خضر
عاصم : ههه مبروك النجاح بعدا كنت عارفك اتجيبيها حيت مشاء الله عليك عقلك خفيف وبااغيا تقراي
تاسيا : الله يبارك فيك
عاصم : عجبك الورد
تاسيا : هه و..
عماد : لااا مااعجبهاش ( دخل) شكون نتاا ؟
عاصم : انا (حط يدو على صدرو) انا كنت استادها
عماد : امم هانتاا قلتيها كنتي ؟ يعني كنتييي اما دابا مابقيتيش
عاصم : عفوا ؟
عماد : كيف سمعتي صافي تاسياا قطعات علاقتها بديك المدرسة وعمرهاا باقي اترجع ليها من الأحسن تقطو حتى علاقتكم بيها
عاصم : لاااا انا ماغانتيقش نتا غير كاتكدب انا كنت جاي نقوليهاا شحاال انا كانبغيها مايمكنش لقااها تزوجااات
الحاجة مهدي : 😱😱😱😱😱😱
عماد : شنو گلتي ؟
عاصم : ( كايشوف فتاسيا) انا جيت نقوليك بلي كانبغيك بزاف انا عارف بلي ماكاين حتى واحد فحياتك هادا. غي...
مازال ماكملش هضرتو وهواا يتجر من قرفادتو وتزدح مع الحيط وشكون من غيرو عماد لي العافية شعلات فيه ملي سمعو أش كايقول جرو وزدحو مع الحيط ومشاا ليه كيف شي بركان ونفاجر عليه كالاااه بيد وبقاا كايعطيع بيد الحاجة كاتغوت ومهدي كايفك وكل شوياا تجي فيه دقاا صبر حتى عياا ومشاا سد الباب باش مايتجمعوش عليهم نااس
اما تاسيا كاتحاول تنوض ومااقادراااش باغياا تبعدو عليه لاايقتلو وماقادراش تحرك جنبها عاطيها لحريق
الطبيب : تقدرو تخرجو واحد دقيقة (شاف ف تاسيا) تسرحي نشوف ليك
خرجو كلهم قدام الباب
مهدي : نااري خسر ليه الملامح ديال وجهو تقول عفط عليه ضيناصور
إياد : يستاااهل
مهدي : والعام كامل وحناا كانقراو عندو عمرو قال ليها ولا بين ليها شي حاجة
الحاجة : باش تعرفو مسخوووط .. دابا فين ايكون مشااا خوكم ؟
إياد : مااعرفتش ايكون خرج غير برااا حيت باينة تعصب ملي قالت ليه تاسياا بعد مني
الحاجة : انا انخرج نشوفو واش كااين برااا
مهدي : ههه وعندااك تلفي
الحاجة : هاها (تحركات) انا نتلفك ونتلف قبيلة منك
خرجات الحاجة مع باب المستشفى كاتضور فعينيها وكاتقلب عليه بان ليهاا جالس فوق وااحد الكورسي وشاد كارو كايكمي فيه تقدمات لعندو و وقفات عليه شافها ورماا الكارو من يديه وعفط عليه حتيييرما ليها
الحاجة : (جلسات جنبو وحطات يدها على ضهرو) مالك
عماد : (تنهد) والو
الحاجة : حاسة بلي بيك شي حاجة اولدي انا مرأة داااااياا وجايباا ف زماان وماغاديش تخفاا علياا انا عارفة ملي هاز فوق كتفك هموم كتيرا
عارفة بلي نتا مامرتااحش انا مااشي بزاف باش كانعرفك ولكن متأكدة بلي نتاا مهموم
خرجات الحاجة ومهدي من عند تاسيا وخلاوها حامية فيها البيضة كاتفكر فشكون هاد الزعرة لي بغات تطير ليهاا راجل
تاسيا : لا لاا مااايمكنش زعما بصح ؟ لا عماد مايديرهااش (هزات داك لعكر وصغرات عينيهاا) والله ويشوف فشي وحدااا حتى نحيد ليه الكلوة التانية ونشويهاااا
خدات داك لعكر وحلاتو هزات تيليفونها ودارت لكام لقداميا وضربااتها بتعكيرة حمرة نييييييت ديال ارااكاا من بعيد مدات يدهاا وطلقاات شعرها وسرحاتو غير بصباعها رجعات حطات لعكر وهزات لمخداا شويا وتوسداتهاا وهزات تيليفون كاتلعب فيه زعما... وهيا فالاصل عقلهاا كامل معااه.. فين ايكون دابا ؟ ومعااامن.. وشنو كايدير بقاات كاتخمم دخلات لفايسبوك وكتبات أسم خوها كيف ديما على الله يطلع ليهاا هاد المرة ولكن وااالو مااكاينش حسو..
تاسيا ديما كاتدخل لفايسبوك تقلب على عائلتها واش تلقا ليهم شي صورة ..كايطلعو ليها غير ولاد عمها وبنات عمتها و بنات الحومة كااتبقا تقلب فتصاور على الله تشوف شي واحد من أسرتها ولكن وااالو
خلعاتو ماكانش متوقع غادي تكون ردة فعلها هاكدا كان بغاا غير يضحك معااهاا وملي بدات كاتبكي توتر ماعرف مايدير تحناا جلس جنبها وقبط وجها بين يديه
عماد : ششش سمحي لياا ماقصدتش احبيبة غير بغيت نضحك
تاسيا : (كاتبكي) ش.. شكون هيا
عماد : لا لا (باسها ف جبهتها ) ماكااين حتى واحد عمرها كانت وعمرها تكون شي وحدا من غيرك (جلس جنبها ومد يدو كايمسح ليها دموعها) الحاجة غير كاتفلا عليك ماكااين والو من داكشي لي قالت هياا غير بغات تشد فيك انا ماهدرت مع حتى وحدا
عماد : (جرها عنقها خاشي راسها غ صدرو وكايبوس عليه) بصح بصح احبيبة نتي الوحيدة لي كانبغي ونتي الوحيدة لي دخلات لقلبي وستعمراتو نتي الوحيدة لي بغيت نكمل معاها حياتي.. نتي بوحدك.. غير نتي اعمري
تاسيا : (هزات راسها شافت فيه) انا اعماد منقدرش نتخايلك مع شي وحدة من غيري
عماد : (حط صبعو على فمها) شش حتى انا مانقدرش نتخايل راسي مع وحدة غيرك مزال ماعاارفاش شنو نتي بالنسبة ليا
تاسيا : (قبطاتلو فيدو وشابكااات صبعها مع صباعو) عاارفة والله عااارفة
عماد : لا (كايرد ليها شعر مور ودنها) نتي ماعارفة واالو
تاسياا : كااانبغيك بزااااف
عماد : (عينو على شفايفها) كانبغيك كتر
تاسيا : (تبسمات بخجل)
عماد : (كايهدر معاها بهمس ) هاد لعكر خاصو يتمسح
تاسيا : ..(كاتشوف ليه فعينيه ) اا
عماد : (كايقرب وعينو على فمها) لعكر.. خاصو يتمسح اتاسيا
هز يدو حطهاا على عنقهاا لي كاان سخون قرب اكثر واكثر حتى مابقا كايفصل بيناتهم وااالو
****
عامان .. مرا عليها يا مقبلتي
وعطرها لم يزل يجري على شفتي
كأنها الآن .. لم تذهب حلاوتها
ولا يزال شذاها ملء صومعتي
إذ كان شعرك في كفي زوبعة
وكأن ثغرك أحطابي .. وموقدتي
قولي. أأفرغت في ثغري الجحيم وهل
من الهوى أن تكوني أنت محرقتي
لما تصالب ثغرانا بدافئة
لمحت في شفتيها طيف مقبرتي
تروي الحكايات أن الثغر معصية
حمراء .. إنك قد حببت معصيتي
ويزعم الناس أن الثغر ملعبها
فما لها التهمت عظمي وأوردتي؟
يا طيب قبلتك الأولى .. يرف بها
شذا جبالي .. وغاباتي .. وأوديتي
ويا نبيذية الثغر الصبي .. إذا
ذكرته غرقت بالماء حنجرتي..
ماذا على شفتي السفلى تركت .. وهل
طبعتها في فمي الملهوب .. أم رئتي؟
لم يبق لي منك .. إلا خيط رائحة
يدعوك أن ترجعي للوكر .. سيدتي
ذهبت أنت لغيري .. وهي باقية
نبعا من الوهج .. لم ينشف .. ولم يمت
تركتني جائع الأعصاب .. منفردا
أنا على نهم الميعاد .. فالتفتي
****
غمض عينيه وحط شفااايفو على شفاايفهاا كانت أول قبلة ليهم خلاتهم يسافرو من هاد آلعالم.. لعالم فيه غير هومااا بزوج ..غير هوماا فقط وحبهم الأسطوري.. بقاا غير حااط شفايفو على ديالهاا ماحركهوومش ماا والو
هز يدو تانية وحطها على خدها وهوما مزال على نفس الوضع..
حس بيد صغيورة محطوطة على صدرو تما حل عينيه وباشر فالقبة.. قبلتهم الأول القبلة لي كان كايتسناهاا عماد بفارغ الصبر كان ديما كايتخاايلهاا شي حاجة لي واعرة من فمها ولكن إحساسو فهاد للحظة أكبر بكتبيييير من الي تخيلو
دامت القبلة أكثر من 5 دقائق عمااد ماحبسش كأنهو عطشان وكايروي عطشو من رحيق شفايفها
هوا لي كايبوس وكايحركها كيف بغاا وهياا ماعارفة ماتدير فقط تابعااه فشنو كايدير ومستسلماااا ليه
كانت قبلتها الأولى ..تحبسات النفس عند تاسيا وحاولاات تبعد راسهاا بدات كاتنساحب بشويا بشوياا حتى تفارقو شفايفهم
حنات راسها لي باقي بين يديه تزنكو حنيكاتها وكاتحس بالفرشات كايلعبو فكرشهاا ماقدراتش تهز عينها وتشوف فيه عكسو هوا لي بتاسم بجنب فموو ووالفرحة باينة فعينيه
مانطق بحتى كلمة جرهاا لعندو بشوياا وعنقهاا وزير عليهاا خاشي راسها فصدرو وكايبتاسم
صبح صباااح ناعس عماد وناعسة تاسيا جنبو محاوطها بيديه هيا لي موسداا صدرو ولايحة رجليها بين رجليه ومعنقااه من صدرو
واخا السرير ماقادهمش بزوج ولكن تزاحمو فيه وعنقو بعضياتهم هادي أول مرة من بعد ماهاجرو بلادهم كاينعسو مرتااحين كأنهو كل واحد معنق الموطن ديالو.. بدا عمااد كايحل فعينيه بشوياا
دازت يومين واليوم الثالث باش سافر عماد جالسة تاسيا فوق ناموسيتها فبيت إياد لي عطاه ليهاا وهوا مشا لبيت آخر عارفها كايعجبها داك البيت داكشي علاش قادو ليها وملي خرجات من المستشفى تحولات ليه
لابسة بيجامة سخونة دايرا طاقيتها لي كان كايدير ليها هوا هازا تيليفونها فيدها كاتسناا مكالمة منو تعرف شنو الحال بيه علاش ملي مشاا تقطعات خبارو علاش تيليفونو طافي قلبها مقبوط عليهاا بغات ولو غير خبر صغير تعرف واش هوا مزيان واس بيخير وعلى خير
دخلات عندها الحاجة لي حتى هياا خاايفة عليه خصوصا هيا عاارفة فين مشاا وعارفة خطورة الموضوع كاتصلي وتدعي معاه باش يرجع ليهم بسلام ومايحرقش قلبهم وقلب حبيبتو عليه
سجينة المجتمع الجزء العاشر
محتوى القصة
التنقل بين الأجزاء