تاسيا : ربع سنين ونتي كاتفيقيني على نفس الهضرة حتى حفضتهااا.. بغيت غير شي نهار نفيق وتقولي لياا صبااح الخير ابنتي.. كاتنعسيني بنگير وتفيقيني بنگير (شافت تيليفونها كايصوني) واخاا يااك بغيتي غير نوض أنا غادي نوض غير خرجي وسدي معاك الباب انهضر غير فالتيليفون ونجي
ليلياا : كترتي من هاد الهضرة فالتيليفون راه إلى حصلك خوك غاادي يدبحك أنا غير علمتك (لاحت ليهاا ساروت) سورتي عاد هضري الله يلقيهاا ليك
خرجات من البيت وتاسياا ناضت من موراهاا سدات الباب بساروت وجاوبات فالتيليفون
تاسيا : لاليااتي راه شادين الإجازة وخدامين على راسهم مااشي بحاالي أنا غملتوني حداكم
ليليا : كيف شتي لي قراو طفروه لبنات غير مضوييين كيف البلارااات فين تباني نتي وأول واحد جاهم توكلو على الله وعملو ديورهم و وليداتهم ونتي لي كيف شرويطاا غادياا وكاتمسخي جاك سييييد سيدهم وكاتشرطي
تاسياا : صبااااح الخير اماما صباااااح الخير وااش كل نهار تجبدي لياا نفس الموااااال راااه زواج ماااامزوجاااش غير تهنااي وهاداك لمقدم غير نساااايه وداباا الله يحفظك خليني نفطر على خااطري
هزات كاس من الشبكة وخوات ليهاا اتاي وقطعات طرف ديال الخبز وكبات ليها طبيسيل دزيت حطات كولشي فبلاطو وخرجات لصالون كاتفطر وكاتشوف فليكومونطيرات لي وصلوهاا على الصورة لي لاحت البارح
رضوان : (غوت بحر جهدو عليها) تااااااااااااسياااااااااااااا
مع الغوتااا مع لاحت الشطابة وقفزاات من بلاصتهاا ومعا ماكانتش لابسة صندالة زلقااات رجلهااا وطاااحت وماااااايجي راسهاا غير على واحد الطبلة صغيرة ديال الزاج محطوطة تماا
طاااحت الأرض جثة مغيبة ودمايتهاا سااايلة من راسهاا تقول مدبوحة
تهز قلب رضوان من بلاصتو ومشاا عندهاا طاير تحناا على ركابيه هز راسهاا بين يديه
رضوان : (فشل ملي شاف كمية الدم لي غارقة فيهاا) ت.. ت. تااسياا ختي فيقي.. فيقي عفااك ماتخلعينيش عليك تاااسياا (كايضرب ليهاا فوجهاا) تااسياا
عيط على دوك الفرملياات عاد جاو كايجريو جروهاا من تماا وعائلتهاا تابعينهاا
حتى دخلوهاا لواحد البيت وسدو عليهم جلس محمد ومراتو على واحد لكرااساا تمااك ورضوان غير غادي جااي قلبو مامهنيهش على ختو رجعات بيه سينتاا الور وتفكر كيفااش غوت وخلعهاا حتى طاااحت ودماياااتهاا سايلة قداامو
ضرب يدو مع الحيط على حر جهدو وبداا يبكي
رضواان : اناااا اناااا سباااااب غااادي تمووووت بسباااابي انااا لي قتلت ختي اناااااااا ليي غوت وخلعتهااااا حتى طاااااحت انااااااا
ناض باااه قبط فيه هواا و مو كايحاولو يهدنوه وهوما فالاصل رااه كتر منو
ليليا : مااتديرش فرااسك اوليدي هاكدا أهئ أهئ غير المكتاااب
رضوان : و إ ..إلى مااااتت. اا شنو ندير ختي وحداااا لي عندي الواااليد كانخاااف عليهاا من گاااع بنااادم و سدقت اناااا لي غااادي نقتلهااااا وااااااااا غااادي نحماااق
ليلياا : (كاتبكي) عفاااك اولدي ماااديرش فرااسك هاد الحاالة أهئ أهئ هياا مااغادي يوقع ليهاا واالو إنشاء الله
جرو بااه جلس وجلسو حدااه كايتسناو شي حد يخرج يخبرهم بشنو وااقع
تقريباا شي نصف سااعة وخرجات وحداا كاتجري عندهم غير شافهاا رضوان و وقف
رضوان : شنو واقع لختي
الممرضة : خااصناا الدم ضروري
رضوان : انا ويااهاا عندناا نفس الفصيلة اناا نعطيهااا
الممرضة : مافيك حتى مرض
رضوان : لا لا مافياا واااالو
الممرضة : اكي يلااااه معاياا
مشاا معاهاا رضوان خدات منو الكمية ديال الدم لي محتاجة ختو ورجع لعند واليديه
بقاااو جالسين تقريبا شي ساعة عاد خرج عندهم طبيب
رضوان : شنو وقع لختي
الطبيب : جاتهاا الدقة فالراس درناا ليهاا خمسة ديال الغرزات .كنا محتاجين الدم والحمد لله لي لقينا عندكم نفس الفصيلة
محمد : كيف هياا داباا.. واش فاقت
الطبيب : لا باقي حيت مزال مامشاش منهاا البنج ولكن بغيت غير نعرف فيييين نتومااا وااش عايشين معاهاا ؟ فين نتوماااا البنت كااتموت لقيناا عندها فقر الدم الحااااد
وااااااش نتوماا ماعاايشينش معاااهااااا
محمد : ماااعمرهاا تشكاات من شي حااجة
رضوان : الحااد ؟
الطبيب : إييه اسيدي الحااد يعني كون بقات بهاد الحاالة كانت غادي تكون من عداد الأموات
قطعاا مع عماد ورجعات تكات بلاصتهاا كاتخمم فحياتهاا وكاتقول كون ماتت شنو كاان ايوقع ؟ واش كانو ايحزنو عليهاا ؟ وااش كون ماتت كانت اترتااح ؟
شنو هوا الهدف ديالهاا ؟ شنو دورهاا فهاد الدنياا ؟ ملااات من هاد العيشة لي كل يوم كايشبه خوه حتى تغييير ماكاين فحياتهاا كل نهار كاتفيق تمشي لطواليط وترجع تفطر تبدل حوايجهاا وتعاون مهاا وتتغدا وترجع تسد عليهاا البيت ياا تنعس ياا تكونيكطاا كل نهااار كل نهاااار كل نهااار.. مزال اليوماا كاين شوياا ديال التغير هاهياا فالسبيطار وشافت وجوه جداد هه
غفات وهياا كاتفكر ماحساتش بشحاال ديال الوقت نعساا حتى كاتحس بشي واحد كايفيق فيهاا بشوياا بشوياا
بدات كااتحل عينيهاا وغير فتحاتهم تصدماااات و نااضت قااافزة حتى جاتهاا ضوخة وقبطاا فراسهاا
تاسياا : اااي
عماد : كااتطيري
تاسيا : كيف درتي دخلتي وهياا الزياارة ممنوعة
عماد : هه حتى حاجة ماصعيبة
تاسيا :(كاتشوف فيه) عماااد كبرتي
عماد : أربع سنين ماقربت ليك هاكداا وهضرت معاك مباشرة
تاسيا : كانشوفك غير من بعيد اليوماا جيتيني مبدل
عماد : شنو تبدل
تاسياا : كلشي فيك وليتي راجل
عماد : ههه انا ديماا راجل المكلخة
تاسياا : توحشتك بزاااف
كايشوف فيهاا كيف ضعاافت توحشهاا بزاااااف تااااسيا حب حيااتو عمرو فكر يبغي من غيرهاا.. كاايتألم ملي كايشوفهاا معدباا وكاتعاني فحياتهاا عياااا يتقاااتل يلقاا خدمة و يخرجهاا من لي هياا فيه ولكن الغالب الله.. وكايتألم أكثر ملي كايعرفهاا كاتبغيه وكاتعزو ولكن فحااال خوهاا فقط.. ومع ذلك ماااعمرو فكر يخرجهاا من حيااتو بالعكس كايفكر يغير ليهاا الفكرة ديالهاا مع الوقت يدخلهاا لحياااتو
كاااايتسناااا وكايتمناااا النهاار لي تولي فيه تاااسياا حب طفولتو.. مراااتو وحلالو وأم ولادو
عماد : حتى اناا توحشتك بزاااف (قبط فيدهاا) واخاا نعنقك
بلامااا تجاوبو وبلااماا تفكر جوج دالمرات تلاحت فصدرو معنقاااه ومزيراا عليه وحتى هواا عنقهاا وحط رااسو على شعرهاا مغمض عينيه وكايشم فيه
عندهاا كاااع ناس خايبيين وفينماا كان شي راجل رااه باغي يغتااصب ليهاا بنتهاا مرضااااااتهاا بهاد الافكار لي كاتحاول تزرعهم فيهاا من لي كانت طفلة صغيرة وهياا كاتسمع مهاا كاتقوليهاا نفس الهضرة ماتيقييييش ماديريييييش ماتفعلييييش
عندهاااا گاااااع الناااااس خايبييين
حطااا داك التيليفون من يدهاا وتسرحاات ف فراشهاا كاتقلب على النعااس وفعلاا ماشي بزااف حتى لقااتو وغابت ف عالم الأحلام ديالهاا
صبح الصبااح ماشي كيف لي قبلو هادا صباح مغاير عند تاسيا لي ماناعسااش ف فراشهاا ومافااقتش على صوت مهاا كاتغوت
هاد المرة فاقت على صوت الممرضة لي كاتحركهاا بشوياا وكاتحاول تفيقهاا حتى بدات كاتحل عينيهاا
الممرضة : صااح الخير
تاسياا : (مشقلباا بنعاس) صبااح الخير
الممرضة : جيت عندك قبل ماتفيقي خفتك تنوضي وتاكلي شي حاجة قبل ماناخدو ليك الدم
تاسيا : لا اصلا كون فقت ماكنتش اناكل حيت علمني الطبيب
الطبيب : حتى أنا ماعندي مايداار داباا ولكن قبل تسرحي فوق ناموسية ونبغيك تخوي قلبك كااامل أي حاجة ضاارك قوليهاا
تسرحاات تاسيا فوق النااموسية ودار ليها مخدا مور ضهرهاا وبدااااااات تهضر من أول يوم ليهاا ف الإعدادي وشنو كايطراا ليهاا مع دارهم وكيفااش ماكايخليوهاش تنفس
.. الحماااام هوا الاخير كاتوصلهاا مهاا حتااال قدامو.. هضرات ليه على كيفااش خوهاا سلخهاا قدام المدرسة و التلاميذ وكيفااش دار ليها الفولار صحاااا كيفااش كايقلب ليهاا حوايجهاا وتيليفونهاا كيفاااش منوع تقول لأي رااااجل كيفمااا كان صغير ولا كبير حتى سلااام كيفااش مانعين عليهاا لخروج... هضرااتلو على كيفااش كاتجي هياا الأولى فالقسم عاوداات
ليه كيفااش تلاقاات بعماد و ولاات كاتعتاابرو خوهااا واكتر عاااودات ليه كيفااش شراا ليهاا أول تيليفون فحياااتهااا عاودات ليه كيفااش كايحاامي عليهاا.. هضرااات حتى على تسنيم وكريمة لي تقتلو وبسباابهم جلسوهاا من المدرسة.. هضرااااات وهضراااات وهضرااات ودموعهاا سااايلين والطبيب قابط ستيلو و ورقة وكايسمع ليهاا بهتمااام
سلاااات هضرتهاا وهزات راسهاا شافت فيه بعويناتهاا لي كايبريو بدموع بتاسم ليهاا وجبد من جيبو كلينيكس عطااه ليهاا مسحات دموعهاا
الطبيب : ( مد يدو ) أنا أحمد طبيب نفسي
تاسيا : طبيب نفسي ولكن كيفااش ؟
أحمد : ههه ماتستغربيش طبيب كيف عرفتيني ..وطبيب نفسي بزوج (شاف فيدو) انبقاا ماد يدي ؟
تاسيا : (تداركات الأمر ومدات يديهاا) اه اه هه متشرفين
أحمد : ملي شفتك عرفت بلي مورااك حزن كبيير.. (تقاد فالجلسة) ولكن سمعيني أنا كبر منك بزاااف وبزااااف صدقيني هادشي كامل غادي يفوت حيت طبيعي الأخ يخااف على ختو خصوصا وحدا بحاالك جميلة مشاء الله و فسن المرااهقة يااتااسياا ..غير هياا طريقة بااش كايعبر عن خوفو هياا لي غلط ف غلط فغلط اناا معااك فأنك تحرمتي من مرااهقتك وتحرمتي من دراستك وتحرمتي من بزااااف دلحوايج ولكن مااتحرمتييييش من مستقبلك حيت بإمكانك عااد تبداي تبني فيه
تاسياا : لي قدي شدو الإجازة وخدمو.. وأنا عاد ندخل لتانوية ماانقدرش ادكتور
أحمد : اولا أنا ويااك وليناا اصدقااء حيدي ديك دكتور و زيديني فالقائمة جنب عمااد هه واخاا أنا شاارف
تاسيا : ههه حاشة ادكتور
أحمد : شنو قلنااا
تاسيا : ههه شنو انقوليك
أحمد : ههه قوليلي عمو
تاسيا : واخاا عمو
أحمد : شنو قلت اتخرجي من هناا وعليك بصبر اتاسيا حيت غادي يجي نهاار وغادي تااخدي فيه كاامل حريتك
تاسيا : إمتاا ؟ حتى نكبر ونشرف كااينين شي حواايج إلى فات عليهم الفوت ماكاايبقاا عندهم معنى
أحمد : لا هادي فكرة غاالطة لي كانعرف انا إلى عندك شي هدف غاادي تحطيه قدااامك ومااشي مهم المكان ولا الزمان إمتاا ايتحقق.. المهم هواا انكي تحققيييه
تاسيا : رتاحيت بزااف فااش هضرت
أحمد :(شاف ساعة لقاا مشاا الحال) يلااه ابنتي نعسي ورتااحي حيت غداا غادي تخرجي من هناا (مد يدو لجيبو وجبد كارط ڤيزيت) هادي كارط ديالي فيهاا مكان العيادة ديالي وفيهاا نمرت المكتب (جبد كارط تانية) وهاادي نمرتي شخصية تاصلي بياا بااش يطلع عندي رقمك وااخاا
تاسياا :(قبطاتهم) واخاا شكراا بزااف
أحمد : العفو ابنتي تاصلي بياا فأي وقت غادي تلقاايني فجنبك
خرج طبيب من تماا من بعد ماتمناا ليهاا ليلة سعيدة وحتى هيا ديك الساعة تخشات ف فرااشهاا ونعسااات
.........
صبح الصباااح جاو عندهاا دارهم وجابو ليهاا لفطور فطراات جا طبيب علمهم بلي غادي تخرج وعطااهم الدوا لي يتبعو ليهاا وماايقطعوهش ديال فقر الدم ..ودعهم وخلاهم كايجمعو ليهاا حواايجهاا باش تخرج
..
وهاااااهياا داباا جالسة فبيتهاا من بعد مارجعات من سبيطاار هاازاا تيليفونهاا وكاتعيط ل عمااد وتعااود ولكن مااا من مجيب حتى تعصباات ورماات داك تيليفون ونعسااات
دازت أكثر من سمانة لي بداات كاتبراا فيهاا تاسيا ورجعات صحتها من ناحية الدقاا لي فراس اما حتى فقر دم باقي كااتعالج عليه
.. ولات كاتنوض وكاتعااون مهاا ورجعاات لروتينهاا مع خوهاا غير صدااع والغواات ونگيييير كيف العادة
تاسيااا على اعصاابهاا حيت مااكااين حتى خبر على عمااد ليل ونهاار كاتاااصل بيه ولكن واااالو تيليفونو خارج التغطية تخلعااات عليه والأفكار السوداء بدات تتسلل لعقلهاا ..
فهااد السمانة هضرات مع الدكترو أحمد مراا وحداا باش سجل رقمهاا وقالت ليه بلي رجعات لحياتها كيف ديماا لغوات ونكير وبلي مااكاين حتى خبر على عمااد وهوا بدورو كايصبرهاا وحاول يعطيها نصائح تفيدها
كيف كل يوم فاقت تاسياا على صوت مهاا كاتغوت عليهاا باااش تفيق
جالسة فبيتهاا من بعد ماقتلهاا خوهاا بلعصاا خلاهاا مليوحاا فبيتهاا وخرج سورت عليهاا وداا ساروت فجيبو
وقفاات من الأرض بزز بااش كاتجر رجليها حتى وصلات قدام لمراية وغير شافت وجها وهياا تبلوكة عينيهاا بقاو مفيكسيين فوجهاا لي تبدلو ملامحو منفوخ و كولو طبااايح زرقين
ناضت جبدات مقص من لمجر وتحنات على ركابيهاا حيدات داك ليزار من على النموسية وبانت واحد لبلاصة مخيطاا بخيط اسود مابااينااش مزيان إلى ماقربتيش وحققتي ماتبانليكش
ضربات داك الخيط بلمقص وحيداتو وخشاات يدهاا كاتقلب حتى قااست شي حاجة
كان تيليفون لي جاب ليها عمااد قبل اربع سنين وخباتو ملي شراو ليهاا دارهم تيليفون... هزاتو ورجعات لغطاا كيف كان
جلسات فوق الناموسية وكاتطلب الله يخدم وتلقاا لاكارط باقياا ماخداوهااش ليهاا
بركات على البوطون شحاال وماشعلش وبركااات عوتااني وبقاات شحاال عاد شعل حمدات الله وشكراتو ملي لقااتو بااقي خداام على الأقل تنبه عماد من خوهاا
محمد : (ركلهاا) ماااكاااين ماااتشرحي ليااا من ليوم مانتي بنتي ماااا أنا باااك وهنااا اتبقااااي محبوسة ماااعمرك تحلمي تشوفي شمش مرااا خرااا السلكوطة
خرج وخلاهاا مليوحة تماا كاتبكي وتندب ..بغات تعرف حاااجة وحدا ..شنو دارت فحياتهاا ؟ شنو الذنب لي رتاكبات حتى كاتعااقب هااكدا ؟ علاش ولدوهااا اصلا ..واش باش يعيشوهاا فالجحيم . بعد المرات كاتقول الموت أحسن حل.. يمكن ديك السااعة اترتااح وغاادي يعااقبهاا لي عندو الحق فأنهو يعاااقبهاا..
بقاات جالسة فالأرض متكياا بضهرها على ناموسية وجامعاا رجليهاا عندهاا حااطاا عليهم راسهاا وكاتبكي فصمت
حسات بصوت تيليفها كايزنزن وناضت بشوياا عليهاا حيدات داك لغطاا وخشات يدهاا جبدات تيليفونها كان قطع ولكن ديك السااعة عاود تااصل
عماد : اكي انصيفط ليك غير تعبئة أنا انقطع وبعد ربع ساعك انعاود نتااصل بيك
قطع عماد وهياا ناضت وقفاات قدام لمرااية شنو اتدير فهاد الدم لي كرم على وجهاا وماخلاوهااش تخرج حتاال طواليط بااش تغسلو وماعندهاا حتى كاس ديال الماا باش تمسحو عارفااه ايشوفهاا هاكدا ايسعر
سمعات تيليفونهاا زنزن هزاتو لقات زوج ميساجات واحد فيهم ديال عماد دخلات ليه قراتو هوا الأول
اكتيڤاتهاا كيف طلب منهاا وجلسات كاتسناه يتااصل وفعلاا من بعد ربع ساعة كيف قاال طلعاات ليهاا ابيل فواتسااب تنفساااات مزيااان عاد حلات لكاام
.......
ملي تاصلات بيه وعرف شنو طرا ليهاا ..تقلب ليه المزاج أكثر ولا ماش على بعضو مرض ملي كايتخاايلهم كايضربوها كايتخاايلها كاتبكي وتطلب فيهم كاايتعصب وكااايكره راااسو حيت يديه مربطين
ولكن هااادشي كاااامل حااااجة وملي شاف وجهاا فالكام حااااجة تااااانية
ماقدرش يهضر حس بلساانو تربط ماقدرش ينطق كلشي فيه سكت إلى قلبو لي كايحس بيه كايجري ومتسارع مع الزمن.. بكترة ماضرب كايحس بيه ايوقف
تاسيا : (طاحت ليها دمعة) عمااد
تسناتو يجاوب ولكن ردت فعلو كانت حاجة تاانية
.. قطع حيت مااقدرش يزيد يشوف فيهاا
كان جاالس فبيتو بدا كايحل فالقااميجة لي لابس حيت خنقااتو حس بروحو كاتزهق وبزز باش كايطلع نفس و يهبطهاا
وقف وعينيه خااارجين كايتنفس بجهد خرج من بيتو بزربة داز من حدا دارهم وخوتو لي جالسين فصالون شافو حالتو مااشي طبيعية
مشاا لكوزينة عز كاس دالماا كايشرب فيه حيت تخنق تبعاتو مو وختو وخوه كبر منو
الأم : عمااد ولدي مالك
عماد :(حاط يدو على عنقو وماكايجاوبش)
الأخ : عماد يااك لابااس
عماد : بعدو (كايدفع فيهم) بعدووو بعدو تخنقت
الأم : (بخوف) مااالك اولدي شنو وقع ياااك لابااااس
عماد : (غوت) مااااالااااااابااااسش مااالااباااااااسش (طاح على ركابيه) وااامااااالااااباااسش هيااا مااشي بيخيييير كيفاش أنا انكون لابااااس (قبط فيد مو) شنو ندير شنو ندييييير عفاااك هضري قولي ليااا كيف ندير نخرجهااا من تماااا رااه قلبي كايتحرق
الاخ : عمااد كاالم اصااحبي وقوليناا أش وااقع ليك
الأم : (كاتبكي) غير قولياا شكون هيااا اوليدي ونجيبهاا ليك
عماد : (ضرب لكاس لي فيدو مع الارض) وااامااااتقدريش ماااااتقدريش (عينيه حمرين وطاحت دمعة سخونة على خدو) مااااحدي أنا مزااال بلا خدمااا بلاااا وااالو مااايمكنش نخرجهااا من تماااا ( وقف و قبط فيد مو) خااصني نخوي هاااد لبلاااد الوليدة
الأم : أهئ أهئ لا مااانخليكش تمشي تحرق وتحرق قلبي علييييك اولدي ماااانقدرش
رجع خطوة لور وقف شاف فيهم كاملين من بعد خرج من تماا بزربة وهوماا تابعينو كايجرو فيه ومو كاتبكي لبس فرجليه أول حاجة لقااهاا قدامو وزاد مع طريق
سجينة المجتمع الجزء الثاني
محتوى القصة
التنقل بين الأجزاء