طعات شميسة كاتعلن على صباح جديد ونهار جديد فحياة كل شخص وفحياة حتى تاسياا.. يوم جديد ليهاا بلا عماد يوم جديد وحيدة فيه مامعاهاا حد وهاكدا خاصهاا تتعود ..
ليل كامل وهياا فايقة ماغمضاتش عينيهاا قلبهاا كان ايسكت بلخلعاا فينماا سمعات شي تخرشيش كاتجمد ونفس ماكاتبقاش تطلعهاا.. فالاخير كايصدق شي قطة ولا شي كلب..
شكراتو وخلاتو جالس وتحركات من تماا كاتقلب كيف دير تجيب ماتاكل غادياا مع الشوارع حتى وصلاات لوسط لمدينة دنياا عامرة وناس غادياا جاية العمراات كبار والمحلات وريسطورات كولشي موجوود ولكن شنو غادي دير كيفاش غادي تاكل وهياا ماعندهاا حتى ريال شكون ايبغي يعطيهاا شي دغمة ديال الخبز.. حيت مابقااتش قادرة تزيد تصبر على الجوع أكثر
وقفات قدام مطعم صغير كاتشوف من الزاج ناس جالسين كايتغداو مع عائلاتهم ولبنات مع صحاباتهم ناشطين وضاحكيت كااتشوف كاااع الناس عاايشين هانييين فرحانين وحياتهم طبيعية إلى هياا مكتوب عليهاا العداب مكتوب عليهاا تعيش كاتعااني من صغرهاا
عياات تشوف وتفكر فشي طريقة لي تدخل تاكل بيهاا فكرات وفكران وفكرات وفالاخير مالقاات حتى طريقة ..
تجمعو دموع فعينيهاا ملي تسدو البيبات فوجهاا تفكرات عماد وكفاش كانت كاتنعس حتى تعياا وتفيق تلقاا فطورهاا وغداهاا موجودين
اما دابا ماعندهاا حتى حل وماتقدرش تدخل وتطلب هادي حااجة مستحيلة كاتفضل تموت بجوع وماتمدش يدهاا لبنادم
إييييه اتااسياا مااشي غير أجي وقول غادي نهرب من دار ماشي غير أجي وقول العيشة فالزنقة أحسن مااشي سااهل بنت تفكر تعيش فالزنقة كان يحسااب ليك غادي تلقااي وسادة من ريش نعاام كان يحسابليك غادي تلقااي ليزار من لحرير تغطااي بيه.. كان يحساب ليك غادي تفطري بشنو تشهاا خااطرك.. كان يحسابليك حياتك غادي تكون أفضل كان عند بالك لي فزنقة غادي يعاملوك أحسن من داركم.. غاااالطة وبزااف لقيتي غير الضس توسديه ..مهماا كان كايبقاو عائلتك إلى قصاو عليك غير من خوفهم عليك.. حبسوك تحت جناحهم باش مايجيش نهار وتعيشي لي كاتعيشيه داباا غوتو عليك ومنعو عليك الصحابات منعو عليك تخرجي وتتحاكي مع الناس حيت عارفين بلي الذئاب البشرية في كل قنت ..
هادشي كولو مازااال ماستوعباتوش تاسياا مزاال حاسبة بلي عائلتها هوما السباب فكلشي ..بصح هوا السباب حيت ماكانوش عارفين يعبرو عن حبهم وخوفهم عليهاا. ..إلى بطريقة وحداا وهياا أنهم يقمعوهاا فكلشي يحبسوهاا ويسجنوهاا تحت جناحهم
ماكانوش عارفين بلي خوفهوم عليهاا كان كايضغط عليهاا.. وكان غادي يجي نهار لي تنفاجر فيه.. كان لااابد باش تنفااجر ولكن الطريقة باش نفاجراات تاسيا غلط فغلط.. هربات من حياة ماعاجباهااش ومامقتانعااش بيهاا لحياة اكفس من لي كانت فيهاااا بكتييييييييير
تمدات ليهاا يد فيهاا طرف ديال الخبز حرفي
هزات عينيهاا مع ديك اليد حتال راس لقاتو نفس الشخص لي عطاهاا تيليفون باقي هاز قرعة ديال الشراب فيديه سروالو مقطع وباين
فيه حتى هواا من ناس لي عايشيين فالشارع
الولد : خودي
تاسيا : (بخوف) اا. ل. لا م. مابغيتش
الولد : (تبسم بسخرية) غير خودي ماغاديش نأديك ماكانعضش
بقات كاتشوف فيه وترجع تشوف فديك الدغمة ديال الخبز فالاخير مدات يدهاا وخداتهاا من عندو غير قبطاتهاا وطاحت عليهاا كاتااكل بلهفة ..الجوووع ومااايدير
بقاا واقف قدامهاا كايشوف فيهاا حتى كلاتهاا كاملة ونطق
الولد : حتى انا كنت ناعس فديك الجردة شفتك ملي تخشيتي وتدرقتي ماكاينش لي غادي يأديك تما كوني هانية
تاسيا : (تصدمات وخاافت)
الولد : ماتخافيش أختي حتى أنا بحالك عايش فالزنقة .. ماتعاوديش تنعسي تحت داك الكرسي
تحرك من تماا غادي وهاز القرعة فيديه خلاهاا واقفة مشوكية كان عند بالهاا غير بوحدهاا فديك الجردة وماشافهاا حد عند بالهاا تخبات من أعين الناس ولكن كانت غااالطة ...وفووووق هادشي نااعسة على قادوووووس
قرب يضلام الحال ورجعات تاسياا لفنس الجردة فين باتت البارح دخلات وهياا كاتقلب بعينيهاا عليه خاايفة منو.. واخا دار معاه المزيان صورتو بداك الشراب وبداك المنظر كاترعبهاا ولكن ماعندهاا حتى حل من غير هنا .. ماعندهاش فين تبات.. وفين اتخباا
مامشاتش لنفس الكرسي هاد المراا كيف قاليهاا مشات لكرسي مقابل معاه وجلسات فوق منو مابغاتش تخشا من داباا حيت باقي الحاال
تكمشات فديك تجاكيط وريح كايضرب فيهاا قتلهاا البرد وماعارفاش شحال ديال الوقت غادي تبقاا متشردة فالزناقي تسرحات فوق الكرسي علاين ماتخواا دنياا وتخشاا تحتو وماحساتش إمتاا خداتهاا عينيهاا ونعساات ماعقلاتش شحال ديال الوقت نعسات وداتهاا عينيها حتى كاتحس بشي يد كاتلمس ف فخاضهاا.. نسات بلي هياا ناعسة غير فالزنقة وبلي هياا هربانة عند بالهاا غير مهاا بغات تغطيهاا.. تقلباات على جنبها لاخور وعوتاني حسات بديك اليد باقياا كاتلمس فيهاا حلات عينيهاا وغير ضربها البرد تفكرات فين هياا وفين ناعسة
قفزاات من بلاصتهاا جات واقفاا لقات قدامهاا واحد الولد ماباينااش فيه شمكار ولكن بايناا فيه سكران
رجليهاا فشلو عليهاا ملي شافتو قدامهاا قلبات عينيهاا بان ليهاا ليل ودنياا كاتصفر رجعات شافت فيه كيفاش كايشفو فيهاا وعينيه كايطلعوهاا من رجليهاا حتال راسهاا
تاسياا : أهئ أهئ أهئ الله يرحم الولدييين طلقني أهئ أهئ بعد منيييي اععععع عتقووووووني
الولد : ششش غير سكتي ماغادي يسمعك حد بلاماا تغوتي كاتصدعيني غادي نخلصك مزياان غادي نتهلاا فيك
تاسياا : واااااااااعتقونييييي (كاتضرب) بعد بعععععد وااااابعد مني
إييييه شكون غادي يسمعك ياااتااسياا جمعهاا بنص جات طايحاا على ضهرهاا وتكاا عليهاا سد ليهاا فمهاا بيد واليد الثانية بدا كايهبط ليهاا سروال.
حاولات تقاومو ولكن كان أقوى منهاا عيات تدفع ولكن كأنهو صخرة فوق منهاا كاتدفع وتبكي وتغوت لدرجة صوتهاا بح ولكن ماااا من مجيب من غير صوتهاا لي كايتردد فودنيهاا هبط ليهاا سروال لي لابسة ولاحو لجنب وهياا روحهاا بغات تزهق كايسد ليهاا فمهاا باش ماتغوتش غير باش ماتصدعوش أما ماكاين حتى حد لي غادي يسمع غواتهاا فهاد القنت
فيييينك اعماد داكشي لي خفتي منو يطراا قدامك هاهواا كايطراا موراك كنتي خايف عليهاا من ذئاب تنهش فلحمهاا داكشي علاش ضحيتي براسك على قبلهاا ولكن فينك دابا باش ضحي مراا تانية بروحك عليها ..فينك أجي تشوف حبيبتك كاتغتاصب ..اجي تشوفهاا وهياا كاتطلب المساعدة ومااالقااتش لي يعاونهاا مالقاتكش جنبها باش تحامي عليهاا كيف مواالف..
كايسد ليهاا فمهاا باش ماتغوتش غير باش ماتصدعوش أما ماكاين حتى حد لي غادي يسمع غواتهاا فهاد القنت لاح سروال فجنب ومد يدو كايجر ليهاا فلكيلوط وهياا كاتركل وتبكي وتغوت ربي لي خلقهاا ولكن ماحنش فيهاا بدا كايجر ليهاا فداك سليب وكايحاول يبوسهاا وفمو خانز شراب.. حتى سماااعت شي حاجة تهرسات فوق راسو وهوا طاح مجبد عليهاا
هزات عينهاا وإذا بها كاتلقاا نفس الولد لي عطاها تيليفون وعتقهاا من جوع وااقف قدامهاا وفيدو راس ديال القرعة مهرس تحناا جر هاداك من فوقهاا ورماه لجنب وغرس فرجلو البقاية ديال ديك القرعة حتى ضورات تاسيا وجهاا
بدات كاتكحاز بجنب عريانة حتى وصلات مور الكرسي كاتحاول تغطي راسهاا وكاتبكي مة
تاسيا :(بتاسمات) شكرا بزاف نتا الوحيد لي عاونتيني فهاد لبلاد مالقيت حد
الولد : (كايشوف قدامو) وماغادي تلقاي حد أختي.. كون غير بقيتي فبلادك
تاسيا : نتا ماعارف والو
الولد : (كايشوف فنقطة معينة) لي عارف انني ضيعت حياتي كيف كاتضيعيها نتي دابا
تاسياا : شنو جابك هناا
الولد : (بقاا ساكت شحااال فالاخير نطق) حتى أنا بحالي بحااال بزاااف ديال الشباب قريت وشديت الإجازة وقلبت على خدمة فبلادنا السعيدة.. قلبت بزاااف حفيت رجلي ولكن والو.. خاص يكون باك صاحبهم باش تخدم.. عيت ماندخل فالمظهرات. وصداع و المشكل فالاخير قررت نحرق على أساس نبدل حياتي. ولكن لقيت حياة اكفس ..(شاف فيهاا) ماكاينش لي غادي يعتقك عند بالك بصح كاينة الخدمة وغادي تعيشي أميرة .. كاع لي كايحرقو راه بحالي وبحالك كايتمرمدو فزناقي مالقااين حتى كاس دلماا
تاسياا : (تفكرات عماد وسهات ) كون كان معايا كاعماا كنت انكون فزنقة... هوا كان ايدير المستحيل باش مانعيش هادشي لي أنا عايشاااه دابا ماكان حتى حد غادي يتجرأ عليا
الولد : سفيان (شاف فيها) أنا سفيان
بعد 15 يوم
جالسة قدام لبحر كاتشوف فيه كيفاش كايباان عادي و زوين وريحتو منعشة كيفاش ناس مستمتعين بالمنظرة ديالو وبلماج العالية لي فيه ..
هادشي كايشوفوه كاااع الناس من غيرهاا هياا لي كاتشوف فيه كأنو مجرم قتال. وكأنو حبس.. يعلم الله شحال حابس وسطو من شخص ..شحال سارق من طفل لمو. ومن راجل لمراتو. ومن أب لولادو.. ومن حبيبب لحبيبتو..
سرق روح تاسياا وخلاهاا مقابلاه ومابيدهاا ماتدير كاتشوف فيه ماكرهاتش تضارب معاه ولكن كيفاش ؟ ماكرهاتش تقتلو ولكن أش اديييير ماعندهاا جهد ليه هادي 15 يوم وهيا على حالهاا كل يوم كاتجلس قدامو بساااعاات وساعات فصمت غير كاتشوف فيه وكاتحس بيه حتى هوا كايشوف فيها كأنو متواجهين مع بعض
لاحت عليه داك الخبز و وقفات كاتمشاا وهواا وقف بزربة تبعهاا
سفيان : وقفي وقفي المرض ينعل ديلمي انااا لي مانعرفش نهضر واا وقفي
تاسيا : (وقفات) أش خصك
سفيان : تفو على كمارة وحلتيها ليناا صافي راه غير كانضحك كيف ديماا
تاسيا : ماتعاااودش تضحك معاياا بالموت.. وإلى متي الحمار شكون يجيب لياا الخبز ويعس علياا إلى نعست
سفيان : كان عند بالي بقيت فيك الله يعطيك العداااااااااب
دايراا لقب ديال تجاكيط و وشادة فدراعو مخشيا فيه من البرد وهواا خاشي يد فجيب ويد هاز بيها القرعة لي ماكاتخطاهش وقابطين طريق كايتمشاو حتى وصلو لبلاصة فين كاينعسو كانت دار مهجورة ورايب فيهاا نص.. كل ليلة ماكاتنعس تاسياا حتى كاتشهد لاتريب عليهاا وتبات ماتصبح..
دخلو كانت خاااوية وباردة كولهاا حجر و وسخ ..تقدم سفيان شاد لبيل ديال تيليفون فيديها
سفيان :خليك هناا
خلاهاا واقفة وقلب لقنات ديال ديك الدار كيف العادة باش تجلس على راحتهاا وماتبقاش فارعة ليه راسو..
مالقاا حتى حاجة من غير شي قطوط تما خلاهم ورجع عندهاا جبد ليهاا واحد نص مانطة كانو غير لقاوهاا مرمياا فرشهاا ليهاا
سفيان : صافي غير نعسي ماكاين والو
تاسيا : بفف شي نهار تريب علينا هاد الدار
سفيان : ماعندناش البديل
تاسيا : لبرد بدا كايدخل بزاف
سفيان : كح كح اه بدا كح كايدخل
تاسيا :(صغرات عينيها) مالك مريض
سفيان : (كايكحب) كح كح لا كح مامريضش
تاسيا : ومالك ياكماا ضربك البرد
سفيان : لا كح مافياا والو (بقاا كايكحل كايكحب وشاد بكرشو وهياا قبطات فدراعو مخلوعة عليه وكاتسولو ماالو ولكن ماكايجاوبش شداتو ديك الكحبة ومابغاتش تطلق منو حتى ولاا كايكحب دم ديك الساعة خرجو عينين تاسيا بالخلعة
بدات كاتحل عينيهاا وأول حاجة شافتهاا هياا لقرعة لي ف فم سفيان
تاسيا : تفو صبحناا على الله
سفيان : نوضي تكعدي ريحتك عطات بنعاس
تاسيا : (تكعدات وسندات ضهرهاا على الحيط حداه) ضروني جناابي
سفيان : داباا لحمك يقصاح وغادي يولف على الأرض
تاسيا : ماعمري غادي نولف هاد العيشة تقهرت
سفيان : (شاف فيهاا) عاودي تاصلي بداك الطبيب على الله
تاسيا : لا ماغاديش نتاصل عيت نعيط وكل مرا كاتقولياا هاديك خيتي نفس لكلام
سفيان : رااه سمانة ماتااصلتي غير ديري على الله
تاسيا : ماتبززش علياا صافي يمكن مابغاش يشوفوني ولا نساني اصلا بلاما نبقاا تابعاه
سفيان : نتي ماخااسرة والو عاودي تاصلي
تاسياا : وليت كانحشم من هاديك خيتي كل مراا كانقول ليهاا وتقول لياا نفس الهضرة
سفيان : (جبد تيليفونو) جربي غير هاد المرة
تاسيا : واش نتا ماكاتفهمش صباااح هادا
سفيان : اري نمراا أنا نشوف
مد ليهاا تيليفون وقيدات نمرا لي ولات حافضااهاا وعطاتو ليه حطو على ودنيه وبقااا كايتسناا وماهياا إلى تواني وتفتح الخط وهوا يزرب وحط تيليفون على ودنها ودار ليهاا الاشارة باش تدوي.. (حطها فالامر الواقع )
تاسيا : الو ختي
أحمد : تاسياا هادي 3 أيام وأنا كانتسناا الإتصال ديالك
تاسيا : كانو باغيين يزوجوني وتجبرت نهرب أنا فروسيا دابا
احمد : صافي شوفي بعد تلات أيام غادي نجي لتماا واش هادي نمرتك
تاسياا : لا نمرت واحد الصديق ديالي
أحمد : خليهاا عندك وقولي لياا فين كاتباتي
تاسياا : فالزنقة
أحمد : انعطيك نمرا ديال واحد الشخص خدام فواحد لبنكاا وغادي يدير معاك فين تلاقاو غادي يعطيك شي فلوس أنا انرسلهم ليك وغادي يديكوم لوطيل باتو فيه هاد تلات أيام على حسابي حتى نجي لعنذك اكي أنا غادي نكون هضرت معا السيد واغادي نعطيه هاد النمرة باش يعرفك
تاسيا : (قربات تبكي بلفرحة) شكرااا بزااف ادكتور الله يعطيك ماتمنيتي فخاطرك الله يرحم ليك الولدين
أحمد : ماشي مشكل ابنتي لمهم أنا انقطع وغادي نسيفط ليك العنوان
تاسيا : واخا شكرا
قطع معاها وهياا ضور عنقات سفيان بغيت نقول شنقات عليه حتى جيفاتو وبدا يكحب
سفيان : كح كح ازبل تفو على ميكروب مالك كاتعنقي فيا كنت فالحج
واقفين قدام وحدا من أكبر البنوك ف روسيا من بعد مارسل ليهاا أحمد العنوان.. قابطة فيدهاا تيلفون وجنبها سفيان هاز القرعة كيف العادة
تاسيا : دابا إلى تاصلت شنو انقوليه راني حشمت
سفيان : حشمتي! وملكي غاديا تخطبيه لياا.. لاش اتحشمي ياك السيد قاليك غادي يهضر معاه وغادي يعطيه نمراا يعني غادي يكون كايتسناك.. هضري وباركة من تلواز لخاوي
تاسيا : واخاا واخاا غير سد ديك الخربة عندك بفف
يالاه هزات تيليفون بغات تهضر وهوا يصوني فيديهاا حتى قفزات
تاسيا : شد شد مانعرف شكون كايصوني عليك
سفيان : شكون ايصوني علياا أنا ماكايعرفني حد وماكانعرف حد جاوبي نتي غادي يكون داك الدكتور
بركات على الخضرة وجاوبات وقالت الو
الرجل : (بالانجليزية) الو تاسياا
تاسياا : اه شكون معاياا
الرجل : تاصل بياا الدكتور أحمد باش نعطيك شي أمانة وكنت كانتسناك ولكن تعطلتي واش راكي فمدينة تانية نجي عندك
تاسيا : أحم لا لا أنا قدام البنك
الرجل : اه مزيان إوا دخلي
تاسيا : (شافت راسهاا فواحد لمراية ديال واحهز العمارة قدامهاا كيفاش مبهدلة ) اا لا إلى كان ممكن تخرج مانقدرش أنا ندخل
الرجل : واخا ماعنديش مشكل أنا نخرج
قطع معاهاا وماهياا إلى تواني حتى بان ليهم راجل يكون ف أواخر الأربعين لابس كوستيم وشعرو شايب وقف كايضور فعينيه حتى بانو رليه وعرفهم غير من منظرهم حيت قاليه أحمد راه جالسين غير فالزنقة ..تبسم ليهم ومشاا لعندهم
الرجل : تاسياا ؟
تاسيا : اه هيا اناا
الرجل : ( مد ليهاا يدو سلم عليهاا وسلم حتى على سفيان) لاباس ابنتي كيف بقيتي شوياا
تاسيا : الحمد الله
الرجل : مانطولش عليكم نتوماا باينة فيكم عيانين وأنا مزال غادي نرجع الخدمة تقدرو تتفضلو معايا
تاسيا : فين
الراجل : انوصلكم لوطيل لي غادي تجلسو فيه حتى يجي أحمد
تاسيا : ( شافت ف سفيان) اه واخا انمشيو
تحرك راجل وهوماا موراه حتى وقف حدا واحد رونج حل لباب لتاسيا طلعات لور وهوا و سفيان ركبو لقدام وتحركو.. غاديين فطريق وكايسول فيهم وفأحوالهم حتى وقفو قادم وطيل رااقي
نزلو وتاسياا علات عينيهاا بان ليهاا وطيل كاامل زاج وديكورات على برااا ياااسلااام
الراجل : زيدو دخلو
تقدم قدامهم وهوماا موراه دخلو مع الباب وتاسياا حشمانة من راسهاا حيت كااملة مبهدلة حالتهاا حااالة ونيت بصح كولشي كايشوف فيهم ماعمر هاد الاشكال دخلان عندهم الاوطيل..
تقدمات كاتحل فبيتهاا بساروت.. ضارت وبان ليهاا باقي واقف موراهاا
تاسياا : شنو كاتسناا سير لبيتك
سفيان : اندخل معاك بعدا وديك السااعة نمشي
تاسيا : ببف على لسقة
حلات الباب ودخلات كاتضور فعينيهاا وكاتشوف فالبيت كيفاااش مرتب ومنضم وزوين.. بانت إبتاسامتهاا وفرحات حيت أخيرا غادي تهنا من نعسة فوق الأرض ومن البرد والخوف ومن التشرد لي كانت فيه
سفيان : صافي أنا نخليك انمشي لبيتي ندوش توحشت المااا
تاسياا : حتى انااا توحشت لماا حالتي حالة تگلكت وليت ملسقااا
خرج سفيان وبقات هياا كاتضور فداك البيت من قنت القنت وتكتااشف دخلاات لدروش لقات أي حاجة اتخصهاا محطوطة تماا فرحات حيت أخيرا اتحيد هاد لوسخ من عليهاا
مشات طلقات لما فلبينوار وتسناتو حتى عمر مزياااان وخوات فيه واحد باندوش بريحة شكلاط حتى ترغواا مزيان عاد حيدات حوايجهاا كاملين ودخلات تسرحات فيه
حسات براااااحة وترخاات شحال هادي ما لحمهاا قاص الماا توحشات شي حاجة سميتها نقاا ..تسحلااات داك الما الدافي وبقاات فيه تقريباا شي ساعة وهياا غير مرقداا فيه
فالاخير ناضت جابت مشطا و شومبوان وحلات داك شعر لي من نهار عفطات فهاد لبلاد مادازت فيه المشطا ..مخبل مزياااان ومسخ
بدات كاتحل فيه بشوياا بشوياا ومعدبهاا حيت طويل كل شوياا كااتخوي عليه الماا باش يتفك.. بقاات مضاربة معاه حتى مابقااش
غسلاتوو مزيااان مراا وجوج وتلاااتة حتى حسات بيه تنقاا عاد جمعاتو سفنجة وهزات دوزات صابون مزيااان على لحمهاا وتشللات ولبسات بينوار وخرجات من تماا.. كأنها وحداا جديداا لقاتهم مزال ماجابوش ليها لحوايج لي قال عليهم سيد.. مشات لفوق الناموسية وتسرحاات على كرشهاا وحطات راسهاا على لمخداا وغمضات عينيها وتبدل مزاجهاا و وحلات ليهاا البكية..
حلات عينيهاا وطاحت دمعة كاتجري ملي تفكرات بلي هياا بوحدهاا بلا بيه.. عمرهاا نساتو ولا غادي تنسااه ..ومايمكنش تنساا أغلى شخص على قلبهاا.. الوحيد لي ضحاا على قبلهاا .. الوحيد لي برهن ليهاا بلي هياا أغلا من روحو.. ماهماتوش حياتو قد ماكاتهمو هياا .. عنقات لمخدا لي حداهاا ورجعات غمضات عينيهاا ونطقات بدموع
تاسيا : عمري نسااك اعماد عمرني نخرجك من قلبي الله يرحمك
بقات متكياا وكاتبكي حتى سمعات دقان فالباب .. ناضت هاكداك بلبينورا.. حلاتو ولقات بنت هازة شي صيكان
ناسيا : مانقدرش أهئ أهئ ماااقادرااش نخرجو من بالي أهئ أهئ حتى دقيقة ماااكايرتاح عقلي من تفكير فيه أهئ أهئ أهئ غااااادي نحماااق اسفيان أهئ أهئ أهئ غادي نحمااااق بلا بيه.. كل نهار قبل مانعس كانتخااايلو واقف كايغني ليااا أهئ أهئ أهئ ماقاادراش نتقبل بلي ماااااات أهئ لا مابغااتش تدخل ليا لعقلي
سفيان : (عنقها وكايدوز يدو على راسها) شش صافي ماتبكيش شش أختي صبري غير كاتمرضي رااسك.. كل نهار نفس الحال.. هادشي لي مكتب عليه وعليه الله.. ماعندك ماديري..
: تاسيا
ضارو بجوج لجيهت صوت لي نطق سميتهاا وكان الدكتور أحمد واقف قبالتهم..
أحمد : (بتاسم ومد يدو سلم عليه) ااه متشرفين كان عند بالي معاك داك الولد لي كان كايجي عندك لسبيطار
حنات راسها للأرض وزيرات على عينيهاا وعلى يدهاا.. فينما ضارت وشنو مادارت شعرهاا هضرتهاا لبسهاا أي كلمة كاتفكرهاا فيه حيت أي حاجة دارتهاا ولا قالتهاا عندهاا معاه شي ذكره ..
شاف أحمد ردت فعلهاا ومافهمش مالهاا. تقدم خطوة وقبط ف دراعهاا
أحمد : مالك ابنتي ياك لاباس
تاسياا : (علات فيه عينيهاا لي كيف الجغمة ديال الدم) عماد مات
أحمد : الله أكبر ماكانش يحسابلي ابنتي البركة فراسك والله يعوض محبتو صبر. إمتا مات
تاسيا : (دموعهاا متسابقين) ملي كناا حاركين لاحوه قدام عيني فلبحر أهئ أهئ (قبطات فيه) لاحوه ادكتور قدامي والله أهئ أهئ ماقدرتش نعتقو وماقدرتش نغوت ماقدرت ندير والو هوااا ماات قدامي.. مات باش نقدر أنا نعيش أهئ أهئ كووون غير داني معاااه أهئ أهئ (بدات كاتبكي بجهد) حتى لمووووت ماقبلااتش عليااا أهئ أهئ مشاااا وخلاني هنااا بوحدي
أحمد : ششش تاسياا كاالم ابنتي الله يهديك شش ماديريش هاكدااا فرااسك
أحمد : سفيان غادي نديه يتعالج باش يرجع ليك أحسن من هاكداا
سفيان : شكرا ادكتور عمرناا نساو ليك هاد الخير
تاسياا : الله يجازيك بالخير عمرناا نساو هادشي ليدرتي معانا
أحمد : ماتقوليش هاكدا ابنتي حتى أنا عندي وليدات مانبغيهمش يتكرفصو ولي نبغيه ليهم نبغيه لولاد ناس ..لمهم خاصناا نمشيو داباا
تاسياا : (شافت ف سفيان) غدا غادي نجي عندك
سفيان : ولفتك
تاسياا : حتى أنا
أحمد : غداا غادي نجيو عندك بزوج إنشاء الله حاول تنعس وترتااح فكر بلي غادي تعاالج وغادي ترجع صحتك وغادي تخدم وتزيد لقدام وترجع لبلادك ونتاا هاز راسك
سفيان : إنشاء الله ياربي
أحمد : يالاه خلينااك على خير
سفيان : الله يعاون
تاسياا : تهلاا فراسك اكي
سفيان : واخا حتى نتي رضي لبال لراسك
تاسيا : اكي بااي
سفيان : (بابتسامة ) باي
وقفات لوطو قدام ڤيلاا كبيرة.. كلاكصوناا أحمد وتحل الباااب ودخلو مع الجردة وتاسياا غير كااتشوف ..بلاصة لوطو وهبط منهاا وحتى هياا هبطات .. حنات راسهاا وكاتفرك يديهاا مع بعضياتهم حشمااانة حيت أدخل عندهم.. ماجاتهاش تدخل و بسم الله سلام سلام أنا جيت نجلس عندكم.. إلى مراتو مابغاتش.. ولا بناتو ماجاتهمش على الكانة خاافت.. تدخل ومايتقبلوهااش ولكن ماعندهاا حتى خيار آخر
أحمد : (وقف قدامها)أجي ابنتي مرحبا بيك
بتاسمات ليه وتقدم أحمد صونا فالباب وحلات ليه مراا كبيرة شويا فلعمر لابسة بيجامة طويلة ودايراا فولاار على شعرهاا غير شافتو وبتاسماات ليه وحتى هوا ضحك وسلم عليهاا
الحاجة : وغير سمحي لياا راه ماعندي فراناات ..وفين هياا مك كاينة هناا
تاسيا : (حدرات راسها ) لا فالمغرب
الحاجة : اه مزيان جيتي عطلة
تاسياا : (طاحت دمعة من عينها كاتجري) هربت من دارنا وحركت لهاد لبلاد
شهقات لحاجة وحطات يدهاا على فمهاا ..عاودات ليهاا تاسيا قصتهاا من الأول حتااال لخر كاتعاود وتبكي وتشهق وتمسح دموعهاا بكم البودي.. وحتى الحاجة كاتبكي معاهاا
الحاجة : (عنقاتها) شش ابنتي شش صافي قطعتيلي قلبي كااع هادشي داز عليك ونتي باقياا صابرة.. صافي ابنتي الله يرحمو و يوسع عليه مسحي دموعك الله يرضي عليك
تاسياا : أهئ أهئ مانقدرش اخالتي أهئ أهئ مانقدرش قلبي شاعلة فيه العافية واخا نضحك واخاا نهضر واخاا كولشي قلبي عالم بيه غير الله
الحاجة : (حتى هياا كاتبكي) ستغفري الله ودعي ليه برحمة نتي من اليوم بنتي آنا ماغادي يخصك حتى خير ديك الأيام لي عشتيهاا ف الزنقة نسايهاا حرقيهاا من عقلك
تاسياا : أهئ أهئ أهئ الله يرحمو
الحاجة : أجي ابنتي طلعي تنعسي ترتاحي شوياا
تاسياا : واخاا
قبطات فيها الحاجة وطلعو لفوق كان كولواار كبير وفيه بيوتا تقريباا 6 ..تلاتة مقابلين مع تلاتة وصلات لواحد وحلاتو ودخلات ..
ودخلات تاسياا موراهاا.. كان بيت مااشي كبير بزاف ولكن منضم ونقي
الحاجة : هادا بيتك من اليوم
تاسيا : احم خالتي هاد الدار ديال ولد ولدك ياك
الحاجة : اه
تاسياا : ماغاديش يتقلق إلى بقيت معاكم
الحاجة : ههه لا ماغاديش يتقلق حيت داري واصلا هوا ماكايكونش بزاف
تاسياا : واخاا
الحاجة : يالاه تصبحي على خير
تاسيا : ونتي من أهل لخير
خرجات الحاجة وخلاتها واقفة كاتضور فعينيهاا تقدمات خطوا وجلسات فوق الناموسية كاتخمم.. حيدات ديك الباندة من شعرهاا حيت ضرهاا وتكات .. وداتهاا عينهاا
ضرباتهاا الفيقة حيت تزيرات وبغات تمشي لطواليط ناضت مشقلباا من بلاصتهاا لبسات فرجليها واحد لبانطوفة كانت تما وخرجات بشوياا كان ضو خفيف.. ماعرفت منين دوز وفين غادي تلقاا طواليط وليل هادا ..
ضورات وجها وبدات اخمم واش هاد لبيبان لي هناا فيهم شي طواليط.. حيت إلى بقات غير زوج دقايق غادي تطلقهاا على راسهاا
تقداما للبيت لي قدامهاا ودارتهاا فيد الله دقات دقاا خفيفة وملي ماسمعاتش الحس حلات.. كان بيت مختاالف مافيهش ناموسية فيه غير فراش فالأرض مامعلق حتى طابلو غير تلفازة كبيييرة معلقة فالحيط..
ولكن كاين باب تاني تماا..
ستنتجات بلي غادي يكون هاداك هوا الحمام.. تقدمات وحلاتو وفعلا كان الحمام.. حمدات الله ..ودخلات قدات حاجتهاا عاد رتاحت.. غسلات حالتهاا ولبسات سروالهاا ويالاه غادي تحل الباب وهوا يتحل وتدفع حتى ضربهاا فوجهاا.. حنات راسهاا وقبطات ف جبهتهاا
تاسياا : اااح أي أي رااسي راااسيح
: شكون نتي شكاديري فبيتي
تاسيا : (رتابكات وهزان راسها) سمحليا. غير مالقيت... نتاااااااااا
إياد : (تصدم) نتيييي
بعد مرور عام
كاين واحد المثل أنا شخصياا كانأااامن بيه بزاف لي هوا (وتستمر الحياة ) بزاف مناا كايطرا ليهم شي مشكل اولا كايوقعو فشي مصيبة لي كايقولو هادي لخرا لينااولكن لا تستمر الحياة.. شحال من وحدا مات ليهاا الأب اولا الأم ديالهاا ولا الأخ ولاا حبيبهاا كاتخنق وكاتقول صافي ماغااديش نقدر نعيش بلا بيهم بلا داك الشخص الحياة ماعندهاا معنى ولكن لا تستمر الحياة ..الحياة كاتستمر البنات حيت ربي خلق شي حاجة سميتهاا النسيان لي بيهاا كاتستمر الحياة.. لي بيهاا بنادم زايد القدام ..
فبيرو كبيرو كولو خشب مور كورسي من الجلد جالس شخص قوي البنية كتفو عرااض وعاطي وجهو للحيط لابس كولشي كحل وقابط فيدو شي حاجة لي هادي عام ماحطهااش كايشوف فيهاا وحجبانو معقودين
تحل الباب ودخل شخص.. لي عارفو هوا الوحيد لي كايدخل بلاماا يدق تقدم وجلس فالكرسي لي قدام البيرو وهز واحد ستيلو
: كبيدة غير ضوري شوفي فيناا هه
: انوض نفرعك نتاا
: ماعيتيش ونتا قابط ديك الطاقية
اعماد
عماد : (ضار عندو مخنزر) ونتا مالك
أنور : مامليتيش من تقلاب
عماد : وعمرني ماغادي نمل حتى نلقاهاا
أنور : عاام ونتاا كاتقلب
عماد : وغادي نبقاا نقلب حياتي كاملة
أنور : لمهم شن.
يالاه بغاا يهضر وهوما يسمعو دقان فالباب قال عماد دخل.. ودخل راجل تقدم ناحية عماد
عماد : شنو
الراجل : ك. كيف ديماا اسيدي مالقيناهاااش
عماد : ( وقف) هاد الهضرة مابغيتهااش كاتفهم مابغيتهاش غادي ترجع نتا ورجااال وقلب روسيااا كااااملة.. قلب قنت بقنت.. ماااشي سوقي قلب دااار بدار قلب كوووولشي أنا عااارفهااا تما ..خرج داباا فحالك
خرج راجل ورجع عماد جلس بلاصتو وضرب رجلو مع الأرض
أنور : حاس بيك مربوط هناا
عماد : خاصني نمشي نقلب عليهاا رااسي
أنور : هياا ايكون حساب ليهاا متي
عماد : (تنهد) مانعرف شنو الحال بيهاا فين غادي تكون فين كاتنعس وشنو كاتاكل.. (سهاا قدامو) هياا خوافة .. ماعندهاش مع ناس ماعارفاش هاد الحياة كيف دايراا (شد راسو) غادي نحماااق ملي كانتخاايل بلي غادي تكون فالزنقة.. كانتخاايل ولاد لكلب ضاايرين بيهاا
أنور : ببف كون غير كانت هنا كون لقيناهاا طايراااا
عماد : راه كان يحساب ليناا هاداك الباطو جااي لهناا ماكناااش عارفينو غادي لروسياا..
أنور : صافي ماديرش فيالك اصاحبي غادي نلقاوهاا كون أكيد غادي ترجع ليك
عماد : (ضار بالكرسي جيهت الحيط قابط فيديه طاقياا لي كان كايديرهاا ليهاا) إنشاء الله
غمض عينو وبداو ديكرايتهاا كايبانو قدام عينيه كيف شي شريط.. تبسم وهوا كايتفكر ملي كان كايحط راسو جنب راسهاا وكايبداا يغني ليهاا ... هادي عام ماكاينش نهار لي ماكايقلبش عليهاا عيااا بتقلاب واخا هوا ف إسبانيا.. بعد المرات كايقبط طيارة وكايمشي خصيصا لروسيا كايقلب فالشوارع قلب فسبيطارات حتى الحبس قلبو ولكن حسهاا ماكاينش.. كايضطر يرجع ويخلي رجالو منشورين تما وعمرو مل.. حيت متأكد غادي يجي نهار ويتجمع مع حبيبتو تحت سقف واحد كيف كانو كايحلمو
. داكشي لي كان باغي وقع ولا لابااس عليه دار لفلوس وسلطة فوقت قصير كولشي لي كان كايتمناا تحقق ولكن حتى حاجة ماعندهاا معناا بلا بيهاا
سجينة المجتمع الجزء الخامس
محتوى القصة
التنقل بين الأجزاء