.. يييه هاهياا خمس سنين مشات. وجاياا خمس سنين خرا ..عاوتااني نفس لكمامر ترشح ملي باع بقرة.. كيفااش كاتصوت على واحد ماعارف حتى يقرا.. هاعلااش كانقولو هاد لمدينة شبعو فيهاا شفراا.. عندهم رباااح إلى ماصوتيش إلى ماتسوقتيش ..غادي يعجنوهاا بيناتهم ونتااايا لي مابدلتيش.. بسبابهم باقي وسط حفرة ماتگعدتيش.. من داباا هز راسك ماتعاودش تحنيه ..
تاسيا : باركة باركة شكون سمعك احبيبي
مهدي : غادي نغنيوهاا ليوم وغدا وغدا وخاص كولشي يسمعهاا راه بصح وليناا عايشين غير مع الشفارة فديك الحفرة
إياد : (هابط مع ضروج شعرو فازك وكايمسح بفوطة باينة عاد فايق) وأنا كانقول مالو هاد الأيام النقط ديالو عالية
تاسيا : (شافت فيه) إوا باش تعرف راه إلى نجح غادي يكون غير على ضهري
مهدي : علاش لكدوب وفين عمري سقطت أنا
إياد : (جلس بلاصتو) صباح الخير
تاسيا : صباح نووور
إياد : شفتك فقتي بكري ماخلاتكش لميمة تنعسي ولا شنو
تاسيا : بحالااا علمك الله فيقااتني كيف العاادة
إياد : ههه اتكون طلاتك حيت سهرتي معايا
تاسياا : كيف العادة ماتعاوديش تخرجي معاع بليل ونتي بنت وكدا وكدا وإمتااا نشوفكم فدار وحداا وداك تخربيق ههه
إياد : (هز كاس كايشرب ) ههه سلكي معاهاا
تاسيا : داكشي لي درت غير بدات وأنا نهرب
مهدي : (كايضحك) وكون غير تزوجتو نيت وهنيتوها
تاسيا : (تبد مزاجها وشافت فمهدي بنكسار وهضرات بشوياا ) هاد الفكرة محيداهاا من بالي عمري غادي نفكر نتزوج.. كانت عندي هاد الفكرة قبل عام ولكن داباا صافي مابقاتش حيت ماعنديش الحق..ماعنديش الحق نرتابط.. (وقفات) حيت أنا مرتابطة بذكرياتو
مشات من حداهم بزربة ومهدي عض على شفااهو لتحتانية
إياد : (تير عليه ب معلقة) داك السان خاص لي يشعل ليك فيه العافية
جالسة جنب الناموسية وحاطة يدهاا على وجهاا كاتبكي.. داز عام على فراقو عمرهاا مانساتو كل نهار كاتفكرو وتفكر أيامو وذكرياتو.. وتفكر تضحيتو وكيفااش مات على قبلهاا.. .. كاتكون ناعسة حتى كاتشوفهم فلمنام كايرميوه فلبحر وكاتنوض قافزة كاتبداا تغوت .. بزز باش قدرات تبعد عليهاا هاد الكوابيس.. بمساعدة إياد لي ماخلاهااش حتى نهار ديماا معاهاا فكل دقيقة ..ولكن صورت عماد وحب عماد باقي فقلبهاا ..و واعدات نفسها غادي تبقا وفياا ليه حتى تموت وعمرها تكون لغيرو
تحل الباب ودخل وسدو موراه ومشاا لجنبها وجلس وبقا ساكت لتواني عاد نطق
إياد : (جا من موراهاا وحط يدو على كتف تاسيا) هه هاحناا مجموعين فدار وحداا الميمة اش بان ليك
الحاجة : باركة علياا من تفلياا مال راسكم قاسح تزوجو والله امنيتي نشوفكم مع بعض
إياد : (شاف ف تاسياا لي مزيراا) لميمة غير خوي راسك من هادشي كنت كانحلم تكون عندي ختي لي حتى أنا نبقاا تابعهاا ف زنااقي وهاهياا عطاهاا لياا ربي نسااي شي زواج أنا وتاسياا خوت
جرهاا وهوا كايضحك وهياا كتر منو خرجو لجردة فين محطوطة طوموبيلتو حل ليهاا الباب ركبات وعاد ركب هواا وخرجو من تماا غاديين مجمعين مع العلم انو إياد ماعندوش مع ناس بزاف وحدودي بلا قياس
ولكن تاسياا حاجة خراا كايرتاح معاهاا بزاف هياا الوحيدة لي كايبقاا معاهاا بسوااايع وماكايملش عزيزة عليه كتر من لقيااس هياا مخبئ اسرارو فينماا كايحتاج يعاود لشي حد كايجي لعندها حيت فعلا كايعتابرهاا ختو
ولكن فواحد الحضة حبسات ديك الاغنية وبدات اغنية خراا لي غير سمعها إياد وهوماا يخرجو عينيه بغاا يمد يدو يطفيهاا بزربة ولكن قبطاتهاا ليه
إياد : ماكنتش عارفهاا غادي تبداا
تاسيا : (بتاسمات بحزن) غير خليهاا توحشتهاا
إياد : متأكدة
تاسيا : وااه
كانت الاغنية لي كان كايغني ليهاا عماد ديال سامو زين أنا ليك.. غمضات عينيهااا وبدات كاتغني مع الأغنية وهياا كل كلمة كاتقاال كاتدخل لاعماق قلبهاا.. كاتغني بكل إحساسهاا عااايشة معاهاا عايشة مع الأغنية كأنهم الكلمات مكتوبين عليهاا .. وكانو عماد لي كايغني ليهاا..
مهدي : تقولي غير نتي لي غادي تنجحي وصافي يالاه نخرجو فحالناا
تاسيا : بغيتي تخرج خرج حتى نسالي ونلحق علي
هز مهدي كتابو وخرج وخلاهاا كاتكتب.. مايمكنش تخرج بلاماا تكمل دروسها كيف ديمااا ...بقات محنياا على لكتاب وكاتنقل بشوياا بشوياا حتى دخل الأستاذ
الأستاذ : هء تاسياا نتي مزال هنا
تاسياا : مزال ا أستاذ كانقل هادشي
الأستاذ : (وقف قبالتها) ماشي غير هادشي حتى الدروس ديال ليوماين لي فاتو شوفي شكون يعطيك كتابو ونقليهم حيت داز عليك ضرس مهم خاص دروري لي يشرحو ليك حيت غادي يتحط فالامتحان بغيت نقوليك خودي من عند خوك ولكن عارفو ماغاديش يكون كاتب هه
تاسيا : هه اكي صافي غادي ناخد على شي واحد اخور
الأستاذ : اكي مزياان يالاه باي باي
تاسيا : (بابتسام) باي
تقدم الأستاذ هز واحد لكتاب من فوق البيرو وخرج رجعات كملات كولشي عاد ناضت وقفات دارت كتابهاا فصاكها وخرجات من تماا نيشاان فين كايكون مهدي وكليكتو كايغنيو راب وكايديرو لهيب هوب
وقفات عليهم لقاتو حاط يدو على كتف واحد خيتي أول مرة تشوفهاا معاه وكاايغني
تاسياا : (كاتعيط) مهدي مهدي.. وااامهدي
ماسمعهااش وهياا تمشي حتال عندو
تاسياا : وااالمرض مالك صمك زيد يالاه نمشيو فحالنا
مهدي : تسناي غير شوياا
تاسيا : لا هياا لا خاصني نمشي بااش نحفض
البنت : شكون نتي بعداا لي كاتهضري معاه هاكدا
تاسيا : (رجعات خطوة لور وطلعاتها ونزلاتها) شكون نتي لي كاتدخلي فشي حاجة ماكاتعنيكش
البنت : (حطات يدها على كتفو وتعلقات فيه) أنا حبيبتو وماغاديش يمشي معاك غادي يبقااا معاياا اكي باي
تاسياا : حبيبتو وبزعطاا أنا راه ختو
مهدي : هي هي هي كاالم كاالم مالكم
تاسيا : (شافت فيه) أنا مشيت لحقتي عاليا مرحباا (شافت فيها) وإلى بقيتي معاهاا مرحبتيين
مشات وخلاتهم واقفين ومهدي مايكونش من لعاكزين ماخلاهااش تزيد حتى خطوة ولحق عليهاا وخلاا لخراا منشورة تماا كاتشوف فيهاا وكاتكزز على سنانها مفقوصة
تاسيا : (دفعاتو) سير تزمر أنا كانهضر معاك ونتاا كاتفلا أنا ماحملتهاااش يييخ
مهدي : ههههه صافي صافي واخاا لي مابغاتهااش ختي ماعندي ماندير بيهاا حتى اناااا (جرهاا عنقهاا من كتفهاا وغاديين) واش نمشيو لدار
تاسيا : لا ديني عند إياد لشركة
مهدي : واخاا زيدي الالة
لابس توني فالاسود وناعس على ضهرو وحاط يدو تحت راسو وكايشوف ف السقف كايخمم كيف ديماا فيهاا وفحياتو لي تبدلات 180 درجة فظرف عاام كولشي تبدل فيه شكلو لي ولاا صحيح وجداب وأي بنت تتمناه ولا حتى شخصيتو لي ولات قاصحة وماعندوش مع الضحك وكترة البشار ..الحاجة الوحيدة لي باقياا هياا هياا وعمرهاا تتبدل.. حبو ليهاا وقلبو لي كاينبظ بسميتهاا.. ..سهاا وتفكر آخر نظرة كان شافهاا فيهاا كيفاش كانت خاايفة وكاتطل عليه ودموعهاا شلااال تفكر داك اليوم المشؤوم لي عمرو فحياتو مغادي ينسااه
فلاش باك
طاح وغطس فالماا لي كان باااااارد أكثر ملي ممكن يتخيل.. قلبو كايضرب بزربة تخلطو عليه الأحاسيس ..
ولكن من حسن الحظ كان كايعرف يعوم ضرب برجليه وطلع لسطح المااء كان يالاه بدا كايطلع نهار يعني باقي ضلام شوياا
بدا كايضرب بيديه ورجليه وكايشوف فالباطو غادي وكايبعد .. ماعندو كيف يدير يوصل ليه وحتى إلى وصل ليه كيف ايدير يطلع راه من سابع المستحيلات .. ستسلم لقدرو وعرف بلي هاديك هيا نهايتو هوا دابا وسط لبحر شحالمااا عام غادي يعياا حيت اليابسة باقيااااا بعيييييدة.. كايعوم وماعرفش الاتجاه لي غادي فيه غير غادي وصافي خايف يخرج ليه شي عجب من تماا يسدق فاطر بيه كل مرة كاتجي شي موجة لي كاتهبطو.. ماكانش يحسابلو وسط لبحر غادي يكون بهاد شكل المخيف لماا كايسرفق فيه ولكن واخاا هاكدااك كايحاول يعوم.. دازت وقت وعيااو يديه ورجليه مابقاش قادر يزيد يحركهم.. شهد فخاطرو وغمض عينيه وترخااا فوقو.. مخلي الما كايديوه و يجيبو مستسلم لقدرو
ولكن فلحظة سمع صوت بحال صوت محرك ديال شي قارب
تهز قلبو ورجع تقلب على كرشو وبان ليه قارب صغير بحال ديال الصيد قريب ليه.. بدااا
كايغوت وكايضرب بيديه فالماا على الله يسمعوه.. ومن حسن حظو شافوه وقلبو طريق لعندو حتى وصلو ليه ..
كان راجل كبير شويااا ومعاه ولد باينة كانو كايصيدو.. وقفو عليه وتصدمو كيفاش هاد وصل لهناا تقدم الولد ومد يدو بداا كايجر فيه حتى طلعو وتلااااح مجبد تماا فمو زرق وكايترعد بلبرد ..
هز راجل واحد الكبوط ديالو وتحناا عندو حيد ليه داكشي لي كان لابس لفوق ولبس ليه داك المونطو وهوا مستسلم ماقادرش حتى يتحرك ولا ينطق
أنور : وااش نتاا لاباااس راه ماشي انا لي كانعرض عليك حضورك مهم تماا هادشي لي قال شاف.. ونتا عارف كايتيق فيك اكثر مناا كاملين ودايرك يدو ليمناا
عماد : (رجع حل لباب) خرج احبيبي بغيت نرتاح
أنور : هاهواا غادي وعنداك ماتجيييش
وقف بموطورو قدام الشركة ديال خوه نزلات هياا وحيدات لكاسك من فوق راسها وسرحات شعرهاا بيديهاا ورجعات نضاضر فوق شعرها
تاسيا : نتا ماغاديش تدخل
مهدي : لا عندي مانقدي غير سيري
تاسياا : اكي على خاطرك يالاه بسلامة نتلاقاو فدار
مهدي : اكي باي
تحرك مهدي وخلا موراه لعجاااج تقدمات هياا دخلات مع باب الشركة وكلشي عارفهاا ..لي دازت من حداه كايسلم عليهاا .. مشات لاسونسور وطلعات لطابق لي فيه لبيرو ديال إياد بانت ليهاا السكورتيرا لي على برا ماشي هيا نفسهاا لي كانت.. تقدمات لعندهاا بابتسامه وهضرات
عماد : واااش أنا لخاااااطري غادي نخلي ديلمووو هادشي كامل ونمشي نقلب عليهاااا
أنور : ويااك اعماد ويااك نتاا عارف بلي لي دخل لهاد العالم ماكايخرجش منو إلى وهوا ميت ماتغامرش برااسك وتحاول تخليهم فنص
عماد : أنا عااارف ولكن خااصني نمشي نقلب عليهاا
أنور : صافي بقات غير سمانة ونسلمو داكشي .. ومن بعد سير فين بغيتي ياك غير هاد البيعة لي شادتك
عماد : إيه
انور : ولكن علاش مانطلبوش المساعدة من شي واحد معروف تما وعندو نفود يعني دغياا ايتعاونو معاه وغادي نلقاوها ماشي بحالنا حناا غير موزعين رجالك وصافي إلى كان شي واحد عندو نفود أكيد ايكونو عندو أصدقاء مت المخزن يعني اتسهال عليك القدية
عماد : شكون هادا لي عندو نفود
انور : نقولوهاا لصاحبي إياد
عماد : إياد ؟
أنور : و إياد داك الولد لي جا ديك المراا عندنا عقلتي عليه
عماد : (صغر عينيه) هاداك عندو نفود ؟
أنور : وعلاه راه صاحب شركات ومعروف ف روسياا وحتى هنا ف إسبانيا .. عرفتي الله يعمرها دار كنت تلاقينا أنا ويااه هناا نيت..ياك حتى نتا وياه تصاحبتو ماعندكش نمرتو ؟
عماد : (هز كاس وسيكي حطوه ليه) عندي ونسيتها
أنور : إوا تاصل بيه راه مايرضهاش فوجهك
عماد : اكي حتى نمشي لدار ونهضر معاه
تناصص ليل وهوماا باقي مجااااوش واقفة الحاجة قدام البااب هازة تسبيح ومعصبة كاتسناهم غير وقتاش يدخلو..
واقف جنبهاا مهدي كايحاول يهدنهاا
مهدي : الميمة الله يهديك واش هوما دراري صغار اتبقاي تابعاهم راه إياد غادي يتعصب عليك
الحاجة : هضرتي ديمااااا كايلوحوها موراا ضهرهم عيت نقوليه ماتخرجهاااش معاك بليل يحساب ليه الدنيا سااايبة
مهدي : الميمة راه روسياا هادي مااشي المغرب راه عاادي إلى خرجو بليل
الحاجة : ملي هواا كااعما باغي يتفارق معاها ونهار وليل مع بعضياتهم ومااااكايفرقهاااش يتزوجهااااا ويهنيييني فين غاااادي يلقااا بحالهاا فين
مهدي : ياربي تصبرني ..أولا كايبغيهاا وكايموت عليهااا نتي عاارفة بلي عزاات عليه وماكايتفارقش عليهااا ولكن راااه بحاااال ختو فهمتي.. ماشي كايسهر معاها وكايبغيهاا داك الحب لي نتي فبالك..وثانيا تاسيااا واعدات راسهااا عمرهاا غادي تزوج حيت قلبهااا عاامر فيه غير داك الولد الله يرحمو وعمرهاا اتبغي غيرو
الحاجة : هادااااك مااات وشبع موووووت االله يرحموووووو مابقاااش عندو وجوود خاصهاا تشوف مستقبلهااا وحتى إياد خاصو يتزوج وماغاديش نتهناا إلى وهوما مزوجييين فهمتي
مهدي : انا من هادشي كاااامل قتلني غير البرد يالاااه ندخلو حتى يجيو
الحاجة : بغيتي تدخل سير أنا هناا غادي نتسنااهم وم..
إياد : ( ماعجبوش كيفاش كاتدخل فيه) راه كانت معاياا
الحاجة : (كاتغوت ) عرفتهاااا معااااك.. ولكن شكون نتااا.. اا شنو كاتجيهاا ؟ علاش غادي تبقاا معاك فزناااقي لهاد الوقت واش مشاركين شي دم ؟
إياد : (ضار شاف فتاسياا حابسة دموعها تعصب وأول مرة يغوت عليها ) لميييييمة صااااافي سكتي وااااش ماااعييييتيش من هادشي لي كاتديري فيه.. وليتي منكداهاا عليناا فالداخلة ولخارجة واااش مابغيتيش تفهمي أنا وتااسياا عمرنااا ماغادي نتزوجووووو فهميهااااااا دخليهاااا لعقلك سمعتي نسااااينااا حيديناا من باالك وغير تهناااي غادي نبقاااو نخرجو وقتماااا بغينااا وفين بغيناااااا وغادي تبقاااا بحااال ختي حتى نموووووت فهمتي صاااااااافي باركة عيييييقتي ديهااا فراسك شوياااا
ضار عند تاسيا ليحادراا راسهاا ودموعهاا شلال وقبط فيدها وتحركو من تما خلاو الحاجة واقفة مصدومة ومهدي حداهاا حتى هوا مصدوم من خوه لي عمرو تجرأ غوت على جدااه حيا هياا عينيه
طاح تسبيح من يدهاا بقوة الصدمة شداات على قلبهاا وطاحت للأرض على طولتهاا
غوت مهدي بحر جهدو حتى سمعوه ورجعو كايجريو وقف إياد مصدوم من منظرهاا وهياا مجبداا فالأرض وماعااقلااش تحناا بزربة لعندهاا وهز راسها حطو على رجليه
مهدي : (قبط فيها وبتاسم) نعسي وماديريش فبالك أختي صافي
مشات تاسياا من حداه ودخلات لبيتهاا وسدات الباب موراها تحركات بخطوات بطيئة حتال ناموسية وجلسات على طرفهاا غمضات عينيهاا وحطات يديهاا على وجهاا ندمانة وكاتبكي عتابرات هادشي كامل لي وقع هياا سباابو.. كاتقول كون ماخرجاتش معاه كاعماا كانت الحاجة غادي تمرض كون سمعات لهضرتهاا كاعماا اتوصل لديك الحالة
كاتبكي وملي كايبداو يطيحو دموعهاا كاتبداا تفكر لقديم وجديد كولشي كايجي فبالهاا بقات هاكداك حتى فشات قلبهاا ومن بعد ناضت بدلات حوايجهاا وتلاحت ف فراشهاا وهيا كاتنخصص
صبح صباح ف دار إياد ماشي كيف العادة.
مولف هاد الوقت الحاجة كاتكون فصالون هازاا تسبيحهاا وحاطاا لفطور قدامعاا كاتسناهم يفيقو.. ولكن ليوم العكس كل واحد مخشي فبيتو
الحاجة لي فايقة ومتكياا مابغاتش تهبط باش ماتشوفش وجهو.. مهدي لي ناااعس ماعاقلش.. وتاسياا لي حتى هياا باقياا ناعسة...
إلى إياد لي لابس توني وجالس فلباالكو ليل كامل ماجاهش نعااس غير كايفكر ..أول ليلة كاتبات جداه مقلقة عليه أول مرة ينهض فيها ويخليهاا تقلق منو
تنهد و وقف من بلاصتو تحرك وخرج من البيت فتجاه بيت حبيبتو وكولشي بالنسبة ليه .. وصل و وقف قدامو.. بقاا لتواني عاد دق ودخل
شافتو الحاجة وهيا تقلب وجهاا وعطاتو بضهر
إياد : لميمة
الحاجة : (الصمت)
إياد : لميمة
الحاجة : أنا ماااميمت حد خرج فحالك مابغيتش نشوف وجهك
إياد : (تقدم و وقف قدامها) سمحي لياا الميمة عفااك ماعرفتش كيفااش خرجات مني ديك الهضرة
الحاجة : لمهم هوا انها خرجات ولباقي ماكايهمش.. صبر علياا اولدي غير اليوم غداا أنا انشد أول طيارة وغادي نمشي وعيش نتاا هناا كيف بغيتي
إياد : سمعيني اتاسياا لميمة بغات تمشي فحالهاا غداا بغات تمشي وهياا ساخطة علياا.. آنا غادي نبقاا نعتابرك كيف معتابرك دابا. ولكن خليناا نقولو ليهاا بلي صافي قررنا نتزوجو غير بااش تسمح لياا وماتمشيش.. (قبط فيدهاا) فكري عفاااك فكري إلى مشات هياا حياتي ماعندهاا معناا فكري فياا اتاسياا
تاسيا : مانقدرش.. لا مانقدرش
إياد : شوفي أنا غادي نخرج دابا وغادي نرجع عندك ملي نجي.. نلقاااك فكرتي وقررتي وكيفاا كان قرارك أنا غادي نحتارمو وماغاديش نزيد معاك الهضرة
تبسم ليهاا وخرج فحالو وخلاهاا ف دوامة ماعرفاتش كيفاش طاح عليهاا هاد الخبر الصادم مكانتش دايرا حساب لبحال هادشي شنو اتدير داباا هياا واعدات راسهاا و واعدات روح عماد بلي عمرهاا تكون لغيرو.. وهادشي كااامل عارفو إياد كيفاش حتى فكر يطلب منها هاد الطلب الصعب
فبلاصة خاوية جنب لغابة دنياا كاتصفر مكاين حد من غير 4 ديال طوموبيلات كحلين كبااار واقفين مستفين جنب بعضياتهم
هبط منهم عماد لابس كولشي أسود ف أسود و كاسكيط حتى هياا كحلة ونظرات
وقف قدام لوطو وهبط حداه أنور وقف جنبو عاد تحلو البيبان ديال طوموبيلات لاخرين وهبطو منهم رجااال كولهم لابسين كوستيمات ف الأسود
بقاو ساكتين ولبرد كايضرب تقريبا شي خمسة دقائق وهوماا يبانو ليهم طوموبيلات جايين جيهتهم
تقاد عماد فالوقفة وحجبانو معقودين.. ماتقوليش هادا هوا عماد لي كان قبل عاام تبدل بزااف كولشي فيه تبدل هوا براسو عمرو كاان يفكر يخدم ف المافياا ولكن.. لا كولشي تبدل عماد ملي جاا لهاد لبلاد لقاا غير صاحبو لي صارحو فاش خدام.. ماتقبلهاش غوت عليه وسبو. وتخاصم معاه. وخرج كايقلب على خدمة مابغاش يخلي أنور يعاونو لا يلقاا خدمة ولا باش يلقاا تاسياا.. قال غادي نعول على راسي وماغاديش نتبع لحرام.. حتى الماكلة لي كايجيي أنور ماكااانش كايبغي يدوق منهاا... قلب وقلب وقلب ولكن مااالقاااا والو مالقااش لي يخدمو خصوصا ماعندو لا وراق لا والو
حتال واحد نهار مشاا مع أنور لديسكو لي كاينشط فيه تماا فين تلاقاا مع الشاف ديالهم لي عجبو عمااد من الشوفة ..
حاول يدخل معاه فماواضيع.. ولقاا اصلا أنور معاود ليهم عليه.. حيت حتى حاجة ماكاتخباا... قرب حداه وقبل ماينطق بحتى كلمة قاليه فودنو بلي غادي يلقااا ليه تاسياا ..
كان عماد مستعد يدير اي حاجة غير باش يلقاهاا .. ومن تماا بشوياا بشوياا حتى ولااا معاهم.. ف ظرف يوماين رجعووه من الأغنياء دار وطوموبيل ورجاال تابعين ليه ولفلوس غير
مشتاا .. ولكن مع دالك لقا راسو ماوصلش ليهاا دخل معاهم غير هاكداك مالقاوش ليه تاسياا.. ولقا راسو مايقدرش يتراجع ويخرج حيت وحل ولي عطاااا الله عطااااااااه ...
هبط راجل يكون كبير شويا فلعمر صلع وكولو وشاماات هاز سيكار فيديه وهبطو موراه رجالو..
تبسم نص تبسيمة وتقدم لعند عماد
الراجل : بلا شك نتا عماد
عماد : هوا
الراجل : سمعت عليك بزااف هه دخلتي لهاد العالم ودرتي بلاصتك فيه بزربة.. سميتك سابقاك.. (مد يدو) كريس.. انا كريس
الراجل : حتى نتا فلوسك موجودة (عيط لواحد من دوك رجال) ارا دوك صيكاان
مشا واحد من رجالو جاب جوج صيكاان كبااار حلهم كانو عامرين فلوس
شير عماد لواحد من رجالو تقدم وبدا كايقلب فدوك لفلوس
ملي سالة هزوهم لطوموبيلتو وحطوهم ورجال هاداك تقدمو حلو طوموبيلات لي مع عماد وبداو كاينزلو فسلعة لي كانت سلاح حتى سالاو
عماد : الله يعاون
الراجل : هه نو مزاال غادي نتشااوفو بزااف مزاال
وصلات لعشياا وكل واحد وفين مخشي نهار كامل حتى حد ماشاف لاخور كل متكي وكايفكر فهمو..
الحاجة : لي كاتبكي حيت غادي تمشي وتخلي حفيدهاا وطرف منهاا.. لي عمرهاا بعدات عليه ديماا معاه من نهار عقل وهياا جنبو ..وخا القرار كان صعيب عليها ولكن لي عطا الله
عطاه
مهدي لي غير فطر وخرج مشاا لمدرسة ومن تماا لعند صحبو يبدل آلروتين
إياد لي ملي خرج من عند تاسياا مازال مارجعش
وتاسيا لي سادة عليهاا نهار كامل وهياا تخمم وتبكي ماعمرهاا توقعات غادي تتحط فبحال هاد الموقف.. عمرها ظنات إياد يطلب منها طلب بحال هادا.. وهوا أكثر واحد عارف حالتهاا ونفسيتهاا وعارف بلي عمرهاا تبغي ولا تدخل لحياتهاا راجل من غير عماد
سمعات دقان فالباب وقفزات من بلاصتها عرفاتو غادي يكون هوا ..قالت دخل وفعلا كان هواا دخل وسد الباب موراه
إياد : تاسياا سافا ؟
تاسيا : الحمد لله ونتا
إياد : نقولو مزيان
سكتو لتواني وتاسيا غير كاتضور فعينيهاا وحتى إياد ماقادرش يهضر
إياد : احم شوفي بغيت غير نقوليك بلي شنوماا كان قرارك ..راه ماغادي يتبدل والو كوني أكيدة حتى حاجة ماغادي تتبدل وعمرني نتبدل عليك و..
تاسيا : أنا موافقة
إياد : (صدماتو ) شنو
تاسيا : أنا موافقة ا أياد نتا ولميمة درتو معاياا خير كبير مايمكنش نخليكم تفارقو وأنا بيدي الحل.. مانقدرش
خرج إياد من عندهاا وهوا فرحان مخليها موراه واقف وغير تسد الباب تلاحت على ناموسية كاتبكي حيت القرار لي خدات كان فوق إرادتها ماقدراتش تقول ليه لا وهوا دار معااه غير المزيان دخلهاا لدارو وعتابرهاا وحدا منهم دخلهاا لمدرسة وأي حاجة بغاتهاا كاتلقااهاا قدامهاا عطاهاا قيمة. فالوقت لي كانت فاقدة الأمل هوا خدا بيدهاا وعاونهاا.. وهياا عارفة شكون جداه بالنسبة ليه وسعادتو واقفة على قرار منها داكشي علاش يغات ترد ليه ولو غير شوياا من داك بزااف
تاسياا : سمح لياا اعماد أهئ أهئ أهئ سمح ليااا سمح لياااا احبيبي أهئ أهئ سمح لياااا ماكانش عندي حل أهئ أهئ أهئ هومااا دارو فياا خير أهئ أهئ مايمكنش نجازيهم ونفرقهم أهئ أهئ كانواعدك حتى حاجة ماتبدل هاداك العقد ماغادي يغير والو أهئ أهئ ماغاديش يبدل حبي ليك. أهئ أهئ حتى واحد مااايخاد بلاصتك أهئ أهئ حتى وااااحد اعمااد حتى واحد احبيبي
خرج من عندهاا طاير مشا لبيت جداه دق ودخل لقاهاا باقيا كيف خلاهاا مسرحاا وكاتخمم ولبلاطو حداهاا ماكلات والو ملي صبح الصبااح وهياا على نفس الحال وغير شافتو قلبات وجها..
الحاجة : اجي اجي عنقنق فرحتيني اليوم الله يفرحك ههههه
تبسم وتحناا عنقهاا وحتى هياا عنقااتو وبقات كاترضي عليه..
خرج من عندهاا وخلاهاا طايرة بالفرحة ناضت بكل نشاط بدلات حوايجهاا وهبطاات لكوزينة قالت ليهم يوجدو عشاا معتبر بهاد المناسبة وقالت لوحدا من الخدامات تخرج تقاد الجردة حيت بغات لعشاا يكون فيهاا
..........
من بعد ساعاات.. الخدامات كايحولو و كايحطو فوق الطبلة والحاجة معاهم كاتعاون فيهم.. كولشي موجود خاص غير هوماا يهبطو.. الفرحة باينة فعينيهاا من ديماا كاتمناهاا مرات ولدهاا من نهار تعرفات عليها .. وليوم هاهوا داكشي لي بغاتو كايتحقق
دخل مهدي مع الباب كان ضلام شعل ضو وشاف فيهاا لقاهاا جالسة فالناموسية و وجهاا حمر عرفها كانت كاتبكي
مهدي : نقدرو نهضرو شويا
تاسيا : اجي جلس
مهدي : (جلس حداهاا) واش بصح
تاسيا : شنو لي بصح
مهدي : واش بصح داكشي لي قالت لميمة
تاسيا : اه
مهدي : كيفااش اه.. كيفاش بصح اتزوجو
تاسياا : اه امهدي اه اه
مهدي : كيفاش وافقتي.. انا عارفك مايمكنش توافقي غير هاكداك
شنو طرا اتاسياا
تاسيا : (بداو دموعهاا كايسيلو) أهئ أهئ وافقت حيت مانقدرش نفرق بين إياد وجداه أهئ أهئ ممانقدرش نفرقهم من بعد الخير لي دارو معايااا أهئ وافقت باش يبقاو مجموعوين أهئ وافقت باش إبقاا إياد مرتاح أهئ
مهدي : وفين راحتك نتي.. اا . فين راحتك علاش ماتفكريش فرااسك اتاسياا أنا عارف بلي هاد القرار لي خديتي إعدام بنسبة ليك فين حبك لعماد
تاسيا : أهئ أهئ صاافي سكت امهدي أهئ سكت وافقت باااش نسني ديك الورقة فقط.. ماغاااادي يتغير وااالو حتى حاااجة ماااغااادي تغير عماد عمرو يخرج من قلبي وعقلي.. ايبقاا فيهم حتى نموت وحتى حد ماااغادي ياخد بلاصتو
مهدي : شنو غادي نقوليك أختي من هادشي كامل أنا كاتهمني غير راحتك (عنقهاا) بغيتك تبقااي غير على خااطرك وحتى حاجة ماتقلقك.. خاصك تعرفي بلي أنا ديماا معاك فأي قرار خديتيه
تاسيا : (معنقااه) شكرااا بزاااف شكرااااا
مهدي : لا شكر على واجب وماديريش فبالك حيت حتى إياد راك عارفة معزتك عندو
تاسياا : عاارفة
مهدي : لمهم انخليك تنعسي دابا ترتاحي حتال غداا
تاسياا : واخا تصبح على خير
مهدي : ونتي من أهل لخير
صبح صباااح فاقت تاسياا من نعاسهاا ماعندهاا خاطر مشات لحمام غسلات وجها وقدات حاجتهاا ومن بعد رجعات لبيتهاا بدلات حوايجهاا وقادات شعرهاا وشوياا ديال المكياج وهزات صاكهاا وهبطالت لتحت
سجينة المجتمع الجزء السادس
محتوى القصة
التنقل بين الأجزاء