دازت أربعة أيام غير ف الجرا والتوجاااد من طرف الحاجة بوحدهاا... جاو عائلت إياد ماماه وباباه كلشي موجود واليوم باليل الحفلة
جالسة هياا فبيتهاا وكاتمناا نهار يطوال ومايوصلش ليل ماكرهاااتش كون مادارو لا حفلة لا والو ماباغياا تشوف حتى واحد. وكيفاش ادير تقابلهم بهاد لوجه لي ماقادرش يضحك. كيفاش وحدا فخطوبتهاا. وأسعد نهار عند لبنات. هيا حزينة وباين على وجهاا عدم الرضى
تدق الباب وناضت قادات الجلسة
تاسيا : شكون
أحمد : هادا أنا ابنتي
تاسيا : ( وقفات) دخل اعمي
تحل الباب ودخل احمد بابتسامتو المعهودة لعندهاا
أحمد : تاسياا علاش ماهبطتيش تغدااي
تاسيا : غير مافياا لي ياكل
احمد : جلسي بغيت نهضر معاك
تاسيا : (جلسات) نعام
أحمد : (جر كورسي جلس قدامها ) مالقيتش فرصة نهضر معاك.. تاسيا بغيتك تصارحيني
تاسيا : باش
أحمد : شوفي ابنتي أنا أكثر واحد عارف باش كاتحسي انا اكثر واحد شاهد على قصة حبك ليه.. أنا عارف ماغاديش تبغي وعمرك تبغي غيرو. عارف قلبك عامر وفيه غير هوا بوحدو الله يرحمو .. كيفاش هاد القرار ديال زواج من إياد اتاسياا. علاش كاتضغطي على راسك.. أنا عارف بلي هادشي فوق من خاطرك..
تاسيا : صافي اعمي أنا قررت (بغصة فحلقها) غادي نتزوج ب إياد
أحمد : هادشي لي كاتديري ضلم لراسك.. إياد عاود لياا كولشي.. ترااجعي وخلي الحاجة تمشي تعيش معاياا أش غادي يوقع كااع
تاسيا : (شافت فيه) مانقرش.. نتا وأنا وكولشي عارف شنو كاتعني لميمة ل إياد مايقرش على بعادها
أحمد : حتى نتي كاتعني ليناا مابغيتكش ابنتي ديري شي حاجة لي نتي مابغياهااش
تاسيا : غير كون هاني هاداك العقد مااغادي يبدل والو واصلا مزال ماكانفكروش دابا غير درنا الخاطر ل لميمة وصافي
أحمد : نتي تعرفي ابنتي.. بغيت غير نقوليك شنوماا كان قرارك أنا معاك وعمري نخليك
تاسياا : (عنقاتو) عارفة
تحل الباب ودخلات الحاجة هازة فيديهاا شي حاجة
الحاجة : ههه أحمد أش كاتدير هنا
أحمد : مابقاا حد يشوف بنتو
الحاجة : هه هاهيا بنتك و مرااات ولدك كااع شكون بحاالك
أحمد : ههه
الحاجة : أنا جبت ليك ابنتي لكسوة لي اتلبسي ليوم بليل سيفطهاا ليك إياد وداباا شويااا غادي تجي لي غادي تقاد ليك
تاسيا : كون غير خليتيني الميمة نلبس ونقاد راسي بلاماا يصاوب لياا شي واحد
الحاجة : شش مايمكنش نتي غادي تكوني مراات إيااد رجل أعمال قدو قداااش هههه وتقوليلي نقاد بوحدي. لا..
أحمد : خليهاا على راحتهاا الحاجة
الحاجة : وعلاش أنا ماتخليونيش على راحتي
تاسياا : (قبطات من عندهاا الكسوة) صافي وااخاا على راحتك
الحاجة : أنا انهبط ونتي سيري لبيت إياد فيه دوش رخي عضامك .. وغادي نسيفط ليك وحدا تعاونك
تاسيا : هادي بلاااش الميمة غادي ندوش راااسي
الحاجة : اااففف عزيزة عليك تمااارة واخا صافي لي بغيتي
خرجات الحاجة وأحمد من عندهاا خلاوهاا تما.. مشات هزات بيجامة والحوايج لي اتحتاج فدوش وهزات تيلفونهاا وخرجات مشات لبيت إياد بلاماا دق دخلات حيت عارفااه ماكاينش
مشات نيشان للحمام دخلات حطات حوايجهاا وسورتات الباب عمرات لبينوار بلماا وخوات فيه زويوت لي ترخي عضامهاا.. شعلات شموع وطفات ضواو.. حيدات حوايجهاا وتخشاا فالماا وهزات تيليفونهاا وطلقات الأغنية لي كانت طول هاد الأيام الونيس ديالهاا فينماا كاتوحشو كاتطلقهاا.. وتتفكر ديكرايتهاا معاه.. مايمكنش شي نهار ماتفكروش مستحيييييل.. قلبهاا وعقلهاا ديماا معاه.. كاتطلق الأغنية وكاتفكر ملي كان كايحط راسو جنب راسهاا ويغني ليهاا..
شحال كانت فرحانة معاه شحال حلمات بنهار لي يتجمعو تحت سقف واحد فلحلال.. ولكن الدنياا ماحناتش فيهاا من نهار عقلات على راسهاا وهياا فالمشاكل.. وحتى داباا ملي مابقاوش عندهاا المشاكل لقات راسهاا مامرتاحااش.. واخاا هربات واخا هادشي لي هياا عايشة فيه داباا.. قلبهاا ماهااانيش.. عرفات بقيمة فراق دارهم ملي تشردات توحشاتهم وتوحشات عماد كثر..
مزال دارهم كاتقول غادي يكونو بيخير غادي يحقدو عليهاا وغادي ينساوهاا ولكن غادي يكونو عاايشين.. ماشي بحال عماد مابقاش عندو وجود.. حتى قبر لي تترحم عليه ماعندوش هادشي كايزيد يعدبهاا كتر وكتر ..
مرخياا فالماا وكاتسمع الأغنية لي ولات حاااافضاها عن ظهر قلب كيفااش لا وهياا أعز أغنية عند محبوبهاا..
مسترخياا كااتحاول تبعد ولو شوياا على الواقع لي غادي تعيشو هاد اليلة.. كاتحاول ماتفكرش فشنو جاي وشنو ممكن يطراا من هنا لقدام .. كاتحاول تاخد ولو غير وقت قليل بينهاا وبين ذيكرايتهاا لي مخليينهاا صابرة
عماد : واااه اصااحبي عرض ولكن دابا سيد ايكون مشغول راه عندو الخطبة مااشي عيد ميلاد
أيوب : وهادي هياا الفرصة اصااحبي غادي يكونو رجاال اعماد ولبوليس.. أكيد غادي يكون عارض على غير شكون وشكون ماعرفتي تتصادف مع شي واحد لي يلقاهاا ليك فالبلاصة
عماد : (شاف فيه عاقد حجبانو) زعما ؟
أيوب : وااه اصااحبي غير يالااه نمشييو
عماد : (من بعد تفكير) اكي يالااه نلبسو
أيوب : أنا انمشي لشومبر ديالي نبدل ونجي عندك نمشيو
عماد : يالااه
خرج ايوب مشاا لبيتو لي كان مقابل مع بيت صاحبو حيت خداو جوج غرفات قراب لبعضياتهم
خلا عماد ناض دخل لدوش دار دوش خفييف وخرج نشف راسو وجبد شنو يلبس قميجة فالابيض وكوستيم فالاسود لبس سباطو ودار ساعة فيديه.. ونظاظر خشاهم غير ف
لقااميجة مشاا قدام لمراية كايقاد شعرو لور هز ريحة ورش جوج رشاات.. سمع الدقان.. مشا هز تيليفونو وحل الباب لقاا أنور واقف وحتى هوا مسكسف على الحالة ولابس كوستيم فالازرق
ايوم : مشيناا
عماد : مشيناا
تحركو من تماا هبطو وقفو قدام باب الاوطيل حتى جابو ليهم كل واحد وطوموبيلتو..
ركبو وتحركو عماد لي سابق وداير العنوان فGPS كانت طريق طويلة شوياا غادي وطالق أغنية.. وشكون من غيرهاا هياا نفسهاا اغنيتو المعتادة.. .. شاد طريق وكايغني معاها. الأغنية الوحيدة لي ملي كاتبدا مايقرش مايغنيش معاهاا.. مايمكنش ومستحيل حيت كايحس براسو كايغني ليهاا ومعاهااا
طريق طوالت وطوالت ولكن أكيد ايجي لوقت لي ايوصلو فيه.. وداك الوقت وصل..
وقفو قدام باب الفيلا كانو طومبيلاااات كتار كانو حتى الصحافة على براا ناااس كتار وغير لحديد لفريع
بلاصة عماد الوطو وهبط وسد الباب .. وقف موراه أنور وحط يدو على كتفو
أنور : يلاه نذخلو
عماد : (بقاا شحااال وهوا كايشوف فالڤيلا) يالااه
تحرك هواا وعماد دخلو مع الباب نيشان فجردة لي عااامرة بناس غير شكون وشكون باينة من لباسهم
دفع أنور وخرج من تمااا ماكايشوفش قدامو غير منظر وااحد لي هوا إياد قابط فتاسياا وتاسياا كاتضحك ..كيفاش هادشي البنت لي عام وهواا يقلب عليهاا.نهار غادي يلقاهاا غادي تكون خطوبتهاا. عقلو تبلوكة ماقادرش يفكر النار شاعلة فقلبو ماقادرش يستوعب اشنو شاف
ركب فطوموبيل ماتسنااش أنور كسيرااا بأقصى سرعة لوجهة ماعارفهااااااش فين
غير غااادي ومصدوم قلبو دقااتو متسارعين ويديه مامتحكمش فيهم عينيه مارمشوش ماوقفش حتاال قدام لبحر بلاصة وهبط من لوطو مخنوق كايحل الصدفة ديال القاميجة وكايتنفس بزربة
وقف قدام لوطو وبقاا شحااال وهواا سااكت فالاخير غوت بحر جهدو وبداا كايضرب فلوطو
عماد : اععع علاااااش اتاسيااا علاااااش. عااااااام عااااااااام بدلتيييييييني فعااااام علاااااش شنو درت ليك بغييتك من قلبي اعععع لاااااا ياربي أش درت فحياااتي ياربي (شاف فلبحر وبداا كايجري لعندو وصل وبداا يضرب برجليه فالما) نتاااااا نتااااا لي فارقتيناااا نتااا سباااااب نتااااا نتاااااا لي بعدتيها عليااا (جلس وسط الما) علااش اتاسياا أنا هادشي كامل درتو على قبلك (طاحت دمعة من عينو وخفض صوتو ) كولشي على قبلك كولشي
.....
إياد : شنو عندهاا
احمد : شنو وقع لتحت
إياد : ديتهاا تتعرف على شي اصدقاء لياا من المغرب غير وقفات ماعرفتش مالهاا بقات مخرجة عينيهاا وفلحظة طاحت للأرض
أحمد : هادشي فشكل
مهدي : (مسند ضهرو على الحيط وساهي) تكون كاتعرفو زعما ؟ حيت حتى هواا تفاجئ
إياد : شكون عماد
أحمد : عماد ؟
تاسيا : (بدات تفيق) اا راسي
احمد : (مشاا لعندهاا) تاسياا.. بنتي حلي عينيك باش كاتحسي
تاسياا :( كاتحل عينيهاا بشويا) ع. عم
إياد : تاسياا
تاسياا : (حلات عينيهاا وضوراتهووم فالبيت مزيان وهياا تقفز) عمي احمد أهئ أهئ أهئ عمااااد أهئ أهئ عماد اعمي عماااد عاااااااااايش شفتو شفتو والله شفتو شفتو هواااااا شفتو والله عماااد والله حتى عمااااااد كان قدااامي عماد اعمي عماد كان هناا عماد مااااماتش عمااد
احمد : تاسياا واش ابنتي رجعات ليك نفس الحالة..
تاسياا (كاتضرب فجنابهاا) ولاااااا ولاااااااااا عمااد مااااامااااتش عماااااد كان معاناااا قبيلة
أحمد : بنتي شنو كاتخربقي
مهدي : هياا ماكاتخربقش داكشي لي قالت هواا لي كاين (شاف ف إياد) ياك صااحبك سميتو عماد ومن المغرب
إياد : (مصدوم) اه
تاسيا : شتيييييييي هواااا والله أهئ أهئ هوا هواا والله هواا ماماتش والله والله عااايش اعمي عايش عماد ماماتش ههههههههه أهئ اهي كان هناااا كان قبيلة هناااا شفتو شفتوووو بعينيييي شفتو كاااين لتحت كاااين والله مااامااااتش
هبط مهدي لتحت بزرباا كايقلب عليه ومالقااهش سول عليه لعساس وقاليه مشاا.. رجع طلع لعندهم غير حل الباب لقاا تاسياا واقف كاتسناا
تاسياا : هاا فين هوا ؟
مهدي : مشاا
تاسيا : مشا ! لا فين لااا لا ماخصوش يمشي لاااا أهئ أهئ ماااخصوش يمشي خاصو يرجع ماخصوش يمشييي (بغات تخرج وقبطها إياد عاقد حجبانو )
إياد : بدلي حالتك ويالاه نديك عندو
حاطة راسهاا على زاج ديال طوموبيل مراا تبكي مرا تضحك طريق طوااالت بنسبة ليهاا بغات غير وقتاش توصل لعندو تشوفو قدامهاا بغات غير وقتاش توقف قدامو وتلاح لصدرو مزال لداباا مامتيقاش بلي هوا كان قبالتهاا غير صباح كانت تترحم وكاتبكي عليه وفلعشية لقاتو واقف معاهاا شي حاجة لي ماتدخلش لعقل
تاسيا : علاش طريق طويلة بزااف
إياد : الله يهديك اتاسيا راه يالاه خرجناا ومزال لوطيل لي كان قالي أنور بعيد
تاسيا : ببف زرب عفاك
إياد : راني غادي بسرعة غير صبري ههه
تاسياا : ناري متشوقة نشوفو
إياد : ههه حمقة
من بعد وقت طويل اخيرا تاسيا وصلات قدام الاوطيل لي فيه جالس عماد
غير بلاصة إياد وهبطات كاتجري دخلات خلات إياد تابعها ماوقفات حتال عند الاستقبالات
عماد : مامتش ؟ واااااااكون غير مت كون غير مت وماااااااجاش هاد نهار
إياد : نتا فاهم كولشي غالط
عماد : (ضربو بونية جابو للأرض حتى غوتات ) نتاا داباااا راااااجل ..رااااااجل لي جايب خطيبتك عندي راااااجل نتاا
تاسيا : (تحنات عندو ) إياااد إيااد
إياد : (صابر) ماطراا والو
عماد : (تزير ملي شافهاا خافت عليه) خرجو
أنور : سيرو
إياد : تاسياا ختي وع
تاسيا : (قاطعاتو) حنا انمشيو ولكن قبل خاصك تعرف أنا وإياد بحال لخوت نتاا فاهم كولشي غلط
عماد : (قالب وجهو) خرجو
تاسيا : (كاتبكي فصمت) يالاه ا إياد
إياد : لا خاص..
تاسيا : يالاه نمشيو ا إياد
إياد : واخا أختي يالاه
بقات شحال وهياا كااشوف فيه وهوا عاطيها بظهر واقف كولو فازك بلماا فالاخير قبطات ف إياد وخرجو من تماا
عماد : (ضار متبع ليها لعين وعاقد حجبانو )
أنور : عماد صراحة أنا جاتني بصح مابيناتهم والو شوف كون كانو بصح بيناتهم شي حاجة ماكانش يجيبهاا حتال هناا
عماد : (قلب وجهو ) انا طالع لبيتي
أنور : عماد وقف سمعني عمااد ..
طلع لبيتو حل ودخل متدمر سد الباب وجلس موراه ضم رجليه لعندو وحط راسو عليهم قلبو محروق توحشها وماكرهش يعنقهاا ويضمها لصدرو.. ولكن فلحظة كولشي
.. شنو دنبو فهادشي كاااامل عاش عام فالعداب ماخلا حتى قنت ماقلبو عليهاا دخل فلحرام على قبلهاا غير باش يعرف فين هيا وشنو الحال بيها دار المستحيل باش يوصل ليها وفالاخير يلقاهاا نهار خطوبتهاا علاش الحياة كاتلعب معاه هاكداا
تحرك من تماا شاد طريق حتى وصل لدار بلاصة لوطو وهبط حل ليهاا الباب وهبطات وهياا حادرة راسهاا قبط فيهاا وعنقها من كتفهاا ودخلو لقا مهدي وأحمد كايتسناوهم فالباب
مهدي : ها شنو. د
إياد : (غمزو) جيب لتاسياا كاس دلما
تاسياا : مابغيتش أنا غادي نطلع لبيتي
أحمد :(مابغاش يسولها حيت من منظرها باين الجواب) بنتي ماكليتي والو نهار كامل
تاسيا : (حدرات راسها وطلعات) مابغيتش
بقاو متبعين ليها لعين بثلاثة حتى طلعات عاد ضارو عندو
أحمد : شنو طار مالهاا هاكدا
إياد : جرا عليها
مهدي : شنووووو
أحمد : واش عماد نيت
إياد : اه هوا
أحمد : مايمكنش يجري عليهاا
إياد : إوا راه جرا عليهاا
مهدي : حماااااار هادا علاش يجري عليهاااا
إياد : فاهم كولشي غالط يحسابلو خطيبتي وصراحة انا عادرو حيت أي واحد بلاصتو غادي يفهم هاكداك كنا كانبانو بحال آي زوج مخطوبين .. شفت حالتو كاامل فازگ وعامر رملة باينة فيه مؤزم حتى هوا ومصدوم
احمد : فين كاين هوا
إياد : ف اوطيل
أحمد : شمن اوطيل
إياد : اوطيل ***جالس هوا وصاحبو تما
أحمد : أش غادي نقول تاسيا مسكينة غير من مشكل لمشكل إمتا غادي تهنا
إياد : وايه كانت غادي تحماق
احمد : لمهم دابا يصبح ويفتح
إياد : مشاو ناس
أحمد : من بعد ماطاحت تاسياا ماشي بزاف وكولشي مشاا فحالو
إياد : حسن نيت
احمد : الحاجة كانت كاتسول عليك قلت ليها ديتي تاسيا دير شي تحاليل
إياد : واخا أنا انطلع نشوفهاا
.......
ناعسة ومكمشة على شكل جنين ودموعها شلال فرحانة وقلبهاا غادي يطير بالفرحة حيت مماتش وباقي على قيد الحياة وفنفس الوقت قلبها مجروح حيت جرا عليهاا كاتفكر بلي كان جاي يحظر لحفلة مكانش عارف بلي هياا مولتها كان جاي ينشط عكسها هياا لي ديماا حازنة عليه . كان لابس زوين وصحتو مزيانة.. كيفاش حتى ماوصلش ليهاا علاش ماقلبش عليهاا.. علاش ماجاش عندهاا تساؤلات كتيررررة كاتضور فراسهاا ومالاقياش ليهاا جواب كاتبكي وخايفة يكون قلبو عمر بغيرهاا.. خايفة يكون نساهاا. خايفة داكشي لي كاتحس بيه يكون بصح.. ديك الساعة غادي يتزادهاا عدااااب فعداب..
إييييه علاش ديماا دنياا غادية فالاتجاه المعاكس ليها ..عيات بتفكير مابقاتش قادرة هموم دنياا رشاتهاا وماخلاتش فيها
عيااات وعيااااات من العداب بغات حتى هياا ترتاح بغات تعيش كيف ناااس.. باركة داكشي لي عاااشتو.. بعد المرات كاتحمد الله حيت باقياا واقفة على رجليهاا وبكل قوتهاا العقلية حيت شي وحدا بلاصتهاا أكيد أتكون حماااقت مافيهاااش ..ولكن هياا لا باقياا واقفة وكاتحارب من أجل مستقبلها يكون احسن من ماضيهاا
دازو تقريباا 3 ساعات تناصص ليل وهياا غير متكياا وكاتبكي وتخمم فيه سمعات دقات وماجاوباتش ..ولكن رجعات سمعاتو
تاسيا :(مسحات دموعها) شكون
: (الصمت ودقان)
تاسيا : شكون
: (الصمت)
ناضت من بلاصتهاا بشوياا عينيهاا منفوخين وباينة كانت كاتبكي حلات الباب وهناا كانت الصدمة قلبهااا فرفر ملي شافتو واقف قدامهااا.. قدام بيتهاا واقف وكايشوف فيهاا وموراه أحمد لي غير حلات الباب بتاسم ومشا
بقات كاتشوف فيه مصدومة وهواا كايشوف فيهاا شوفاااااات كلهم شوق
عماد : (زاد خطوة) تاسياا
تاسيا : (الصمت ودمعوع)
عماد : (زاد خطوة تانية) تاسياا
تاسيا : (الصمت)
عماد : توحشتك
مع اخر كلمة شهقااات بلبكاا وتلاااحت على صدرو عنقاااااتو وكاااتبكي وتزير عليه وهوااا كتر منهااا طاحت دمعة من عينيه وزير عليهااا كتر وكتر هازهاا من الأرض
الحاجة : انا لي انخرج عليك ؟ راه نتي لي اتخرجي على راسك بداك سهير معاه. ولكن صاافي أنا واللهلا خليتك باقي تسلكطي معااه حتى يضرب عليك العاقد وديك ساعة خرجو وقتماا بغيتو ودخلو وقتماا بغيتو أما داباا أنا مسؤولة عليك منوووع داك ضوران معاه
تاسياا : ياربي شداتني ضوخة
الحاجة : هضرتي اصلا كاتجيبليك ضوخة وعارفاها ماكاتعجبكش
عماد : (غادي للباب) شوفي ماتنعسيش حتى تاكلي شي حاجة باش ماتمرضيش
تاسيا : هه واخاا
عماد : تصبحي على خير
تاسيا : بونوي
صبح صباح فاقت تاسياا بكري وقولو مانعساتش من الفرحة.. ملي مشاا عماد وهياا كاتحمد الله على رجوعو.. كل شوياا تتقلب ف بلاصتها وتفكر شنو اتلبس صبااح ؟ فين غادي يمشيو ؟ واش تجمع شعرهاا ولا طلقو ؟
كاتسنا صباح يصبح بفارغ الصبر ماقدراتش تنعس بالفرحة ناضت بكريييي هزات بيجامة ولحوايج لي تحتاج فدوش وخرجات مشات لبيت إياد قالت غادي يكون ناعس حلات الباب بشويا باش ماتفيقوش ولكن لقاتو واقف كايسد صدايف ديال القميجة
عماد : نساااي مابغيتش نتفكرو لي فااات صافي من ليوم عمري نفارقك (بتاسم) أجي نصورك باش تبقاا عندي (رجع لور وجبد تيليفونو ) يالاه تقاادي هههه
تقدات فلوقفة وبتاسمات وصورهاا ما صورة ما زوج شبعها تصوار ومشاا عندهاا وتسيلفاو بزوج عجباتو وحدا من صور كانت هياا بايساه فحنكو وهوا معنقهاا بيد دارهاا فالشاشة ديال التيلفون
عماد : انفرشو لهيه ونجلسو نفطرو راه جبت معاياا كولشي
تاسيا : واخااا
جبد عماد من طوموبيل واحد ليزار فرشو جنب واحد شجرة وجبد داكشي لي جاب معاه
تاسيا : ولكن انا دابا قرايتي ومانقدرش نقولها للحاجة بهاد البساطة خاص وقت
عماد : (شاف فيها وطلع حاجب) ولمعمول ؟
تاسيا : نكمل هاد العام هنا ويكون خير
عماد : نتي وااش مرضتي عرفتي شحاال باقي ويسالي العام
تاسيا : مابقاش بزاف غير شي اربع أشهر
عماد : وربع شهر جاتك قليلة ؟
تاسيا : لا والله أنا ماكرهتش نمشي معاك من دابا ولكن ماجااتش غير لقيتك ورجعتي ونقلب على نااس مايمكنش (قبطات فيدو) عرفتي اعماد دوك ناس دارو فيا خير كبير والله
عماد : أحسن حاجة يمكن تكون وقعات فحياتك هيا انك بقيتي هازا لاكارط ديال دكتور أحمد
تاسيا : لا
عماد : أش
تاسيا : (جراتو من دراعو وتسندات عليه) احسن حاجة وقعات فحياتي هياا نتااا
عماد : هههه إمتا تعلمتي هادشي
تاسيا : من نهار دخلتي لحياتي غير ماكنتش كانقدر نعبر على مشاعري إتجاهك
عماد : اااه كون تعرفي شحال من حاجة كنت باغي نقولها ليك ولكن ماكنتش قادر كان يحسابلي بصح كاتعتابريني خوك وماعنديش مكانة فقلبك
تاسيا : ولكن صدقتي واخد قلبي كامل
عماد : هههه لا لا غير قولي شكون علمك
تاسيا : (دفعاتو) يييخ سير بعد ماتخليني حتى نعبر على خااطري
عماد : ههه عبري عبري مشحاال وأنا نتسناك تعبري
تاسيا : عرفتي ماكانتش عندي فرصة فين نسولك من إمتا وليتي كاتبغيني
عماد : (تكا على شجرة) من أول نهار شفتك فيه يعني قبل مانقراو بزوج بعااااااام
تاسيا : وعلاش ماقلتيهاش ليا
عماد : بزاف ديال الأسباب ..
تاسيا : كنتي كاتحامي علياا وكنتي مكاتحملنيش ندخل عند الحرس العام وفينما خرجت ولا جراو عليا كنتي كاتبعني مكتخلينيش بوحدي
تاسيا : نتا غطستي فالبحر وبقات فيها ريحة لكدوب لاش
عماد : تفو ماتصلاحش معاك الرمنسية نتي
تاسيا : ههه (شافت فيه) عماد ماعاودتيليش كيف تعتقتي وكيفاش وصلتي هنا
عماد : (جلس) أجي حدايا نعاود ليك
عاود ليهاا كيفاش حتى نجاا من الموت عاود ليها كيفاش رجع للمغرب وعاود ليهاا كيفاش جلس مدة وهوا كايحاول يمشي فنفس الباطو يلحق عليهاا ولكن فكل مرة كان كايحصل حتاال واحد نهار ومشا فباطو آخر وكانت الوجهة إسبانيا عاود ليها كيفاش هضر مع أنور ومشاا لعندو فرح حيت كان يحسابلو حتى هياا تماا قلب حتى عياا بدون فائدة نساا بلي كل باطو والوجهة ديالو. نسااااا وماطاااحتش ليه على الباااال حتى فكرو أنور وقالو يمكن داك الباطو ماكانتش الوجهة ديالو هناا
دخلو شك وخداا تيليوفن أنور ودخل قلب على الباطو وعلى الوجهة ديالو وتماا كانت الصاعقة ملي لقا الباطو كان إتجااه روسياا
عاااود ليه بزااااااف وبزاااف عاود ليهاا على العداب لي عاش وهوا بعيد عليهاا وكيفاش مكايديهش نعاس بالخوف عليهاا فينما كايحط راسو على لمخدة كايقول فين غادي تكون شنو طاري ليهاا وشكون ضاير بيهاا؟ شنو كتاكل شنو كتشرب؟ عاود ليها على العام لي فااات كامل إلى حاجة وحدا خدمتو معاااودش ليهاا فاش خدام وماعندوش الفكرة انهو يعاود ليهاا مبغاهاش تعرف وتضيع صورتو فعينيهاا .. خاف يعاود ليهاا وتكرهو وعلاش ماتكرهوش وهوا اصلا ولا كاره راسو ..
تاسيا : (بتاسما ) هادشي لي عشتي أنا عشت كتر منو ب بزااف اعماد
عماد : (قبط يدها وشاف فعينيها) عارف اتاسيا عارف وغادي نعوضك على كل دقيقة عشتيهاا خاايبة
تاسيا : إنشاء الله و.. (صونا تيليفونها هزات تشوف لقات إياد وجوبات) الو
إياد : تاسيا بيخير
تاسيا : الحمد لله ونتا
إياد : بيخير قوليلي فينك نتي
عماد : (قلب وجهو) بفف
تاسيا : احم أنا مع عماد
إياد : شوفي راه جيت لدار والميمة سولات عليك وقلت ليها خارجة مع صاحبتها وحلفات عليا نمشي نجيبك
تاسيا : ايوصلني عماد
إياد : أنا راني خرجت وخصنا ندخلو بزوج باش لميمة ماتشك بوالو
عماد : (سمع كولشي) اري تيليفون
تاسيا : اا.
عماد : اري تيليفون
تاسيا : إياد هاهوا عماد بغا يهضر معاك
إياد : اكي دوزيه
عماد : (قبط تيليفون مخنزر) مزال مغاترجعش
إياد : أحم ولكن ملي تبغيو ترجعو قولوها ليا نتلاقاو قدام الباب
سجينة المجتمع الجزء السابع
محتوى القصة
التنقل بين الأجزاء