شريك القرن 21 الجزء 11

ضحكاات ليها زينب ببرائة حلات بلاستيكة كبيرة حدااها وهزاات لمووس بداات كتحل فالكرشة بشوية بشوية.. كل مرة تكب عليها لما طاايب واگلس تكرط وتنقي.. 

عااد رجع ففيوونا لوون ووعااد قدراات تتنفس مرتااحة.. عتقااتها وداارت معاها فووق المزيان لدااك الجيه.. بقات كتشد معاها وتمد ليها حتى سالااو تحت نظراات منصف لي حاظيهم وتعمد يديير هاد الفيلم لبنتوو باش يحااكها هي وياهاا عارف مرتوو قلبها كياكلها وماغيسخاش عليها تخلها هكااك.. 

أما فاتي فا كملاات زمرها.. غسلات يدييها وجاات حدا ولاادها لي گالسيين خااصرين فالطبلة حدى بااهم كيفطروو بزز.. گلساات حتى هي حدااهم من بعد ما بااستهم.. 

فاتي: صباح الخير.. (لاحظات أنهم قالبين وجههم) فين مبروك العيد ماما؟ 

أيمن & ديلارا (ربعوو يديهم گاعيين) 

فاتي (عقداات حجبانها): مالنا شتا كاين؟

ديلاراا (ورات وجهها تخشات فباهاا)

أيمن (مخنزر): مافيقتيناش نشوفو بابا كيدبح الحولي 😡

فاتي: هااء وياك حضرتو لحبيبو منصف (خالو).. 

أيمن (هز كتافو): بغينا ديالنا.. 

فاتي: ياك حولي حولي 😒

أيمن: لا بغيت نشوف بابا.. 

منصف (كيضحك عليه): واغا علمني كون خليتو دبح بلاصتي أصاحبي 🤣

أيمن (هز كتافو مغوبش)

فاتي: داك الساعة مني جيت فيقتك كون راك فقتي.. 

ديلارا (دولات غير وجهها شوية عندها من بعد ما كانت خاشياه فبوراي): أنا مافيكتينيش..

فاتي: بصاااح؟ وشكون كان يبوس فيك؟

بورااي (قاطعهم): bu gün bayram ayib bu sefer geçti, bir dahaki sefer inşallah, annene ozulmeyin artık.. ليوم ايد.. هشومة.. (صافي دازت.. المرة الجاية ان شاء الله.. ماتبقاوش مقلقين من ماماكم.. ليووم لعيد حشومة)

أيمن & ديلارا (دقة وحدة باستياء): baba ☹️

بوراي: kono kapalı (سدات مدام) Salma Bassir😹

ناضو مغلوب عن أمرهم عند فاتي لي فاش سمعااتو دوا معااهم هزاات نيفها لسما وگلسوو يحزروو فيها ويبووسو..

فبلاصة خرى.. فلخرجة دمدينة وجدة.. فدااار كبيرة شادة هكتاراات الأراااضي.. محاوطة بجرادي واسعة جامعها صووور كبير.. فاصلها على لخلاوااات لي جنبها من كل جييه لبعدها على المجمعاات السكنية..

مني كتدخل ليها لدااخل وحتى ماكيبقى يفصل على لبني الا كيلمتراات معدوودة كتلقى ملاسق مع الگاازو زليج مزلجيين بيه الأرض على مقربة من دريجاات قنطرة صغيرة كتعبر من فووق بيسيين.. ماشي بيسين عادي كيما موالفيين نشوفوو مجمووع بلاصة وحدة ومتاخد شكل مستطيلي ولا دائري.. نووو.. البسيين هنا كان على شكل وااد داير على الداار كاملة.. 

فاش كتدووز ديك الگنطرة المتوسطة الحجم ولي منها بزاف على مداار لبيسيين كتلقى مساحة لا يستهاان بها عااد كتوصل لحيووط الڤيلة ولا نگولوو القصر الصغيير لي كانوو على شكل زااج نازل من السقف للأرض ساامح بالرؤية من الجهتين بريدوااات فالجنااب كيتسدو عند اللزوم.. 

كاااين الطااج اللول ولي معروووف كيكوون فيه الصالوونات على وسعوو مفرشيين بفراش بلدي مية فلمية مغربي رغم عصاارة لبني.. گوزينة كبيييرة عااد الطااج أخر فووق منوو جامع بيووت نعااس مع وسيعاات بيهم گليساات للجمعة.. وفاخر شي كاين طيراااس.. 

لوور دياال الداار ولا نگولوو بابها لاخر غير لي فالواجهة فاش كتخرج منوو كتلقى باياساات ولحديداات لي نورمالموو دايرين بالبسين من الجيهة لخرى على دورتوو فحال دالبالكوو جاين حتال تما وحابسيين باش يقدروو يعوموو زياادة على حجموو لي وسع من لبلايص لخرين.. قدااامو گازوو قابط مسااحة ومزين فجناابو بورد ونباتاات مزروووعة مزينة دييك الجريييدة.. 

زياادة على پُوطُووَااات ددوو بشكل كلاسيكي وعتييق وعصري فنفس الوقت مفرقين ومبدااعدين بيناتهم عاطيين ديكور زويين وكيسمحوو بالرؤية بوضووح فالليل..

وقف فالبوااابة البراانية كامييوو صغيير شوية حتى حل ليه العسااس الباب اوطوماتيكموو وخلااه دخل.. يالله غيعااود يسدوو تماات جاية طوموبيلة أنير تابعااه.. حتى وصلوو الدااخل ورى الدااار عااد وقفوو..

نزل يووسف هو لول من حداا الشيفوور راجع لوور عند الدرااري لي مع موول لكاميوو.. نزل لحدييدة حل عليهم.. مدو ليه الدرااري لخدامين مع السيد نييت لي جايبهم.. عطااه يوسف لراجل كبير شوية وشااد مزاان فراسوو هو نيت لي كيرد لباال لداار هو ومرتوو ومگبلينها.. مدوو ليه فيدييه من بعد مالقااوه واقف كيتسنااهم مع علي ومرتوو.. بعااد شوية على عائشة مت أنيير لي كانت گالسة فبلاصة مضرگة بباش وفيها گلسة مهزووزة شوية على الأرض بعييدة على الپيسيين.. قداام طابلة حاطين ليها فيها گااع اش غتحتااج.. من ماس وقطباان وعطرية وغييروو.. 

دااز أنير على بااه وعنقوو ومشى ديريكة عندها كيشووف فيها بحب عكسها هي لي كيطل علييه غير بنص عيين وقاالبة وجهها لجيهة لخرى.. منفخة علييه رغم شووقها ولهفتها فشووفتوو.. وقف قداامها مبتااسم من تصرفها الصبيااني لي كتستقبلوو بيه كل مرة فااش كيجي كردة فعل على غياابو عليها وقلة جيااتو باش يشووفها رغم أنها عارفة سببو وعادرااه بالحق القلب مايشااور.. كبدتها ومحرووقة من حرماانها منوو.. 

تحدر بااس ليها راسها وهي مدورة وجهها عليه وقرد عند يدييها كيبووس فيهم ويدوي.. 

أنير: وشتى ماراكيش موّحشتني؟ 

عائشة (زادت هزاات نيفها لسما)

أنير (سكت شحاال كيشووف فيها وزااد): مابغيتيش تشوفي ولدك.. 

عائشة (من فوق قلبها): ماعندي ولاد 😞

أنير: وااه.. أوهو راجع منين جا.. 

ناض داار راسوو غادي حتى وقفاتو يديها.. داار كيضحك لقاها كتشوف فيه مسكينا ودميعاتها نازلين.. حزاات فيه وكره گاع لاش يضحك معاااها.. صدق مبكييها نهار لعييدد.. تحدر عندها وعنقها ضاامها عندوو وكيسكت فيها.. 

أنير: ينعل لي يتشغل عليك 💔 شووت.. (دوز يدو على خدوودها وعاود عنقها كيدوز يدوو على ظهرها) لعيد هدا.. سكتي راه يجيني علي يصدق فارعني يگولي بكيتي مرتي.. 

عائشة (بتاسمات): فين كونت؟ تعطلتي.. گاع هادشي غير عند مصطفى؟

أنير: لا.. دبحت لواحد لمرا گبل.. المهم رواحي نقربك.. 

عائشة (ممتانعة): غير خليني راه يبان كلشي من هنا..

هز يدها حتال عندوو باسهاا ورجع عندهم.. كان يوسف هبط حتى لحولي لاخر وتحاسب معاهم خلاهم يمشي فحاالهم..

قلب كاسكيطتوو لوور وجر وااحد فلحوااالى.. تكااه.. وخلى علي دوز علييه.. غا علقوو فوااحد المخطااف لاسق فحدييدة غلييضة طويلة كيسلخ فييه وتكى يووسف حولي با دريس لي هو الراجل لي كان معااهم.. خلاه جا دبحوو وگلس يسلخ ليه فييه.. حتى سالااو وخوااو فاادهم بجووج فين مداات ليهم هنية مرت دريس نيت والبنت لي كتعاونها باش تكلفوو بيهم.. الوقت لي بدا علي يشوي حدى عائشة ويضحك معااها.. 

يووسف بحكم أنو داارهم برى وأنهم خاصهم يطلعوو لبطوولة فهااد اليومين ضطر يعيد معااهم أصلا هوما كاااملين بيهم فدااك الخير مافايتيينش عشرة دناس بلكثير بلي عايشين معااهم.. 

گلساات هنية تما فالأرض مع البنت كيغسلوو فالكرشة وقلبوو فلمساارن قداام عائشة لي كاانت حاضيااهم من بلاصتهاا.. ماكتقدرش تتحرك بزااف ولا تنووض بسبااب الروماتيزم لي مأثر ليها على ركابييها..

حتى قرب عندها علي مااد ليها الكبدة والرية مشويين قطعااتهم هي ويااه يقدااادو بيهم بوولفااف.. 

تم راجع أنيير ويووسف ديك السااعة نيت من بعد ماا دوشوو من الدماياات لي عمرو بيها حاالتهم.. بعباياات مرخووفين علييهم باش يگلسوو مرتاحيين.. 

فنفس الوقت نييت تم طاالع سييدو من الدووش حتى هو مطلع فيدييه ليوون لي كان كيغوت فبييت فيوونا باغي يخرج.. 

غير شاافتو فيوونا نفضاات يدييها من دااكشي لي كانت شاادة مع زينب بتوتر ونااضت دغياا عندوو.. 

فيوونا (غادا جيهت سيدوو): عنداااك تحطوو.. 

سيدوو (باستغرااب): علاش؟ وشتا؟ خفتي يتوسخ؟ أنا نغسلوو.. 😒

فيوونا (شدااتو من عندوو وقبل ما تدوي نطق منصف)

منصف (كيضحك): يتوسخ هههه والله ويتطلق حتى تبقى بلا بولفااف 😂

سيدوو: وااايلي 😯 ماتگولهاش هههه 

فيوونا (معنقااه فيدييها): واللاهيلاا 😹

بشرى (كتنگر): الملهوف لاخر 😒

مصطفى: خطيه عليك (خليه عليك) جيبيه أفدوى لهنا.. 

تماات غادية عندوو شادااه فيدييها حتى وقفاات حدااه.. مد ليه طريف ديال القلب فيدييه.. قرب ليوون نيفوو كيشمشم فيه حتى عرف اش داكشي وبدا كيااكل من يدييه.. وفيوونا حاظيااه كتضحك.. كل مرة يزيدو شوية حتى حيدوو لبناات ديك المرجة ولوسخ.. ناضوو هبطو تسييقة حتال لتحت وحطوو فالطبلة عااد طلقااتوو.. گلسوو كلااو مجمووعين فالضحك.. حتى كملوو نااضو تفرقوو.. شي هبط لكوزينة وشي هبط لزنقة لتحت.. مخليين الرجاالة لفووق وليوون حدى مصطفى صخف بكثرت مادكاات دكاات فيه فيوونا دايرة ليه خاطروو.. كتحيدوو منها وتعطييه هو ياكلوو..

نزلاات فاش تفرقوو لدووش هو اللول حيداات عليها دااكشي دغياا.. بالخف.. لبساات شورط دياال الدرااري وااسع عليها خزي وتيشوورط لفووق بيض حتى هو مهرهر عگدااتو.. ضرباات كسكيطة كرامييل ونزلاات تبعااتهم.. لقاات سيدوو وسفياان ومهدي جامعيين شي خشباات كباار والفاااخر.. حاليين القادوووس ماغاارقش بزااف.. حاطينهم فيه وكيحااولو يشعلوو لعاافية ويطوو.. 

كالاااو بحجراات من الجنااب.. حطوو فوقوو غطا القادووس لمشبك.. ماوصلاات لقااتهم حاطين حدااهم صناادق.. ريوووس والكرعييين والفراااقش.. شي فالأرض شي فالسطوولة.. وبااديين يشوطو فيهم فدييك العاافية.. شاديينهم من گروونهم كيقلبوو فيهم بوااحد بوااحد..

تخشاات وسطهم كتضحك.. عااجبها الحاال.. 

قرب عندهم مهدي لي مشا جاب راس واحد الجاارة عيطاات ليه.. مابيها راس بيها نو لي عاجبهاا وكتتعيوج عليه وتتليوى.. 

مع وگف حط الراااس شااف ف فيوونا ونطق..

مهدي (باستغراب): هْبْلْتْ؟ وشتا راك ديري هنا؟ تشواط ماشي دالنسا.. 

فيوونا (هزاات فيه عينييها بشوفت من نيتك أولد العبد ودارت عند سيدوو حدااها من مور ما شداات راس من گرنوو): أرا أرا ديك الجنوية..

سيدوو (مد ليها لعجب كيضحك): صداقك غاالي ابنت العم هههه

فيوونا (خدااتها من عندوو وجراات الراس عندها كتكرط بيهاا باحتراافية ماخايفة گااع من شنو كديير): وشنااهو ههه الضحك فييه اللعب؟

سفياان: اللعب لي فيه الضحك ههه

فيوونا (رداات كاسكيطتها اللور عاجبها رااسها): ههههه 😹 

وگف مهدي غير كيدور فعينييه بينااتهم ماحملش مخوو.. فينما كيبغي يدير شي خطوة ولا يقرب ولا غير يثير اهتمااامها كيصدق حاط راسوو فموااقف بايخااااا وكتصدق قاامعاه..

بقااو عاصريين تما مرونيين الدنيا وراديينها كولها حمووم صوووتها واصل لااااخر الدنيا حتى كملوو وسالااو عااد طرفوو تم وحاولوو يجمعوو شوية ديك الحاالة وحيدوو الزبولاات.. حتى يجييو يجمعووه ماليين الكاميوو.. 

تعاشااات لعشية وغربااات الشميشة.. والتقلية لي كانت مردوودة كطييب.. تحطااات وتكلااات.. كل واحد فين صد حتى وصلاات لوقيييتة.. 

گالسة لالة عائشة فصالووون فالدخلة دياال لڤيلة.. لابسة قميس خفييف فلگري بارد وفيليير مواتيييه.. وجهها صبحان الله عاكس الطيبة لي فقلبها وبياضو.. مامحتاجة لا ماكيااج لاواالو مقيبييلة ومسراارة.. گالسة على ناار كل ساعة كتعيط لهنية كتسولها فين وصلوو واش وجدوو.. مرة مرة كتطل على داكشي لي كيقاادو فالجردة ويصايبوو..

دخل عندها علي من جيهتهم وجا قرب عندها كيدوي معااها وشااد ليها بخااطرها.. 

الوقت لي مصطفى گالس فالطااج اللول كيعيط ويعااود عصبووه ولا هوما بغااو يتجمعوو.. بلكشاايف باش شدوو بلايصهم فالطموبيلات وزادوو قاصديين داارهم دأنير..

بشرى ومصطفى صايگ بيهم سيدوو.. بااه وموو فطموبيلتهم.. عااد منصف حدااه فيوونا وزينب لوور..

ضربوو كعطة دياال الطرييق عااد وصلوو.. حل ليهم العسااس البااب وتموو داخلين طموبييلة مووور لخرى حتى حبسوو قداام لبااب.. زينب وفيوونا لي جاو أول مرة غا حاليين فمهم فديكوور عكس لخرين لي ديجاا شايفيينو.. 

خصووصا فيونا لي ماتوقعااتش تكون زعما دارهم هكاا لهاد الدرجة.. كتعرفوو على أنو انساان عاادي خداام ومسير أموورو.. مِيسوور اه مي ماشي لهااد الدرجة.. خصوصاا انو بدااك التواضع وبيييس.. واحد بلاصتوو راه ما يتنفسش.. غير من برى وكتباان الداار خطييرة بدااك الما لي دااير بيها ودااك الشكل عااد من لدااخل علام الله كي غتكون..

ترجلوو متقدميين جيهة الباااب.. وهي باقة كتدور عينييها وكتكتاشف لبلاااصة.. أصلا كتموووت على كل ماهو تقليدي وليه علاقة بالترااات.. بهرها التصمييم وعجبها لأقصى حد.. قربوو يسالييو خطوااتهم جيهة البااب حتى كيحلوو علي مستقبلهم بابتسامة عريضة كتوخي على فرحوو بيهم وبمجيتهم عندوو.. مزاال عند البااب كيتساالمو وكيبااركو لعييد مرة خرى بعد مادوااو فالتليفوون الليلة لي قبل حتى لحق عليهم سفياان ووالدييه وكملة الجمعة.. تعالااات أصواات ضحكاااتهم ومزحاااتهم.. حتى وقفاات عليهم هنية كتخبرهم بلي عاائشة سيفطااتها لعلي باش يدخلوو يحيدوو من لبااب.. 

تقدموو عندها فاش بانت ليهم من بعد ماوصلو لاخر الكلواار لمحلوول على الصالاااات لي گالسة فوحدة فيهم.. 

سلموو عليها وااحد واحد حتى وصلاات نوبة فيوونا.. تقدماات عندها بخجل وتحدراات باستها من حنيكاتها بجووج ومن شدة ماكتدخل لخاطر بايت ليها كتى راسها.. وعااائشة متبعااها وكتشووف فيها وفتفاصيلها البريئة.. من شدة اعجاابها شدااتها فيدييها وگلسااتهاحدااها كتسول فييها بنضراات اهتماام.. 

عائشة (هزاات راسها فيهم.. كانو بدااو كيگلسوو ودارت عندها): بنت منصف نتي وياك؟

فيونا (بأدب غالبة عليها الحشمة وبعفوية): ااه.. 

عائشة (دخلاات ليها لخاطرها غير من الشووفة): تبارك الله 😍 ماشااء الله زيينة.. 

فيوونا (حدرات راسها): بارك الله وفيك.. عويناتك لي زوينين..

بقاات عائشة كتتفحص فيها عكس فيونا لي دخلاات فحواايجها وغرقاات فيهم من شوفااتها.. كانت لابسة جليليبة فلبلوو غواا سامپل قصيرة فحال التريكو تقريباا.. قصيرة من القداام وطويلة شوية من اللور بمجدوول.. فحاال الخيط عاگدااه جامعها من خصرها.. مبيناها بعقلها وكبر من السن دياالها الشوية.. بستة وستين كشيفة باش لبسااتها لبشرى حتى تحايلااات عليها وشحفاات.. وحتى خلاتها تلبس معاهاا سبرديلة وتجيين بلاصة سروال التووب لي كاانت جابدة ليها معااها..

مكحلة عوينااتها لگري ومقادااهم.. وشعرها مصايبااه كالعاادة وجامعااه لوور جمعة عاادية بااش مايبرزطهااش.. المهم حمقاات عائشة لدرجة ولات غا رادة معاهاا لبال وحاضياهاا.. 

جابت هنية الصينية دياال اتاي وبلااطواات ديال الحلوة.. حطااتهم وحيداات البوكي دالورد لي جابوو معااهم طرفااتو وخرجاات لجردة..

جمعوو شوية على دااك لبريرييد وقشبوو مقربيين عند مصطفى الطبلة هو لي كيكب ليهم بحكم هو كبيرهم.. 

علي كبر من ولدوو شرف غير بشي أعواام.. مهم ولااد الجيل ومني ماات بات علي لي كاان صااحب وهو كيتاابرو ولد من ولاادو..

رجعاات عندهم هنية خبرااتهم بلي يقدروو يخرجوو لبرى ومشاات.. خلاتهم ناضوو جمعوو الوقفة يبدلوو گلستهم.. 

ناضت عائشة مسكينة كتكاابر ضاغطة على نفسها حتى وقفاات.. لاحظاات فيوونا صعوبة تحركها وشداات فيها معااوناها توقف براحة.. بتاسمات ليها عائشة فاش حساات بيها شداات فيها فنفس الوقت كانو كيشوفو فيها باغيين يتقدموو عندها باش يخرجووها بالحق متاانعاات بحكم فديوة معااها.. 

تناقصوو شوية بشوية حتى بقاااو غير هوما بجووج كيزيدو غير بشوية دقة دقة على عائشة بخطواات بطيئة.. 

باقيين على وضعهم تم جااي السي السيد.. بخطواات ثقيلة.. باقي لابس عبايتوو الواسعة.. شاافهم من بعييد وبداات بتسامتوو توسااع شوية بشوية.. 

تلف ماعرف علايااش يركز شوفااتو.. على شنو لابسة.. كي جااها البلديي واللوين لي واتاااها.. أصلا هي بيبضة ولي لبسااتها كتجيها غزاالة.. ويركز لا على شدتها لموو والخااطر لي كتباان داايرة ليها والضحيكة لي كتخااطبها بيها.. شاداا يدييها باش تقدر تورك عليها تعااون بيها وهي كتزييد واليد لخرى دايراها من موور ظهرها مكالياااها.. 

قرب عندهم على غفلة منهم بجووج.. ومع وقف مرر يدييه مسرحها بحناان على يدييها لي على ظهر موو بايس عائشة فرااسها.. 

هزوو فيه راسهم بجووووج.. مهزووزة فيوونا حتى من لدااخل بسبااب حركتوو وريحتوو لي عطاات ومارداتش ليها لباال لانشغاالها..

عائشة (بضحيكة): لحبيب ديالي 😍 فين كُنت؟

أما فيوونا حلاات عينييها فييه وهو كيشووف فموو ويدوي معااها.. فلحيتوو لي خفف شوية ونقص منها وفشنوو لابس وكي جاااه..

كيباان كي شي عرييس.. الشفييرات.. حجباانو لغلااض.. النويف وشفيفااتو لي كيباانو غووز وسط لحيتوو.. الحروشية كتنقط منوو.. 

كيهضر مع موو وحاس بيها كتشووف فيه.. حرك يدوو حتى هبطها شوية حاطها على ظهر ميمتوو وخلى غير صبع واحد على يدييها باش مايبينش.. فكل الاحواال رااه ظهرها وغتحس بيه شنو دااير.. 

أنير (هز ففيونا راسوو): فديوة.. لبااس؟

فيوونا (رجعاات من سهوتهاا مزنگة كتحس لصبعوو لي كيمررو على يدييها): همم.. الحمد لله 😇

أنير (تفحص وجهها بحب وشر كيضحك عليها وشاف ف عاىشة.. كانو وصلو لبااب): نهزك؟ 

عائشة: بلا مانعدبك أولدي.. 

أنير (هب يدوو لتحت ولخرى تحت رجليها وهزها دغيا): الدروج صعاب عليك.. 

زاد بيها عاابر ديك القنطرة لجيهة لخرى.. تابعااهم فيوونا من اللور حتى وصلوو لگلسة لي مصااايبين فووق الگااازوو.. سدااادر مغربية تقلييدية دايريين بطبلة دالزااج واصل لمستوى اللحوف.. على شكل فطوياات عندهم الظهر باش يكالييو لمخااد حيت ما كاينيينش لحيووط..

ماكاانش لفرااش عالي بزااف.. نورماال.. قريب لييه حاطيين زريبية مودييرن بمخااد كبيير كيتگلس علييهم ومن الجيهة لخرى جوج حدييدات طواال واقفيين محطووطة علييهم حديدة خرى ناقصة عليهم شوية فالعرض مخشية فيها السقيطة د الحولي كاااملة صحييح كتشوى فووق العوود معاونيين بفييخراات..

حطها فووق الحاف حدى بشرى بشوية علييها.. باس ليها راسها عااد بعد عااود سلم عليهم ورحب حيت الصبااح فاش كان عندهم كاانو مرونيين وحتى هو مسخسخ بارك ليهم غير العييد.. حتى دااز عليهم داار معااهم الصوااب ومشى گلس حدى سفياان وسيدوو فووق الزربية فالأرض.. مكاالي بلمخااد ومقاابل مع فييوونا لي تخشاات حدى منصف وسقلاات كدور فعينييها.. 

قداام عينيين عائشة لي دايرت التحقيق لبشرى كتسول وتعااود علييها.. شكون مها وكيفااش وعلااش وفحالاااش.. عارفة منصف والد ولكن ماسحابهااش بنتوو تبارك الله قد هكداا.. 

وقداام عينيين زيينب حتى هي لي شاافتهم الصبااح وهوماا واقفيين ديك الوقفة فالدرووج..

شافتوو فاش يالله هز راسوو من على كتفها وهي حاالة فيه عوينااتها مصدوومة ودااايبة فيه.. فهماات بلي بيناتهم شي حاجة وخا مابينااتش.. 

شووف فيا ونشووف فيك اطجيين الحووت.. فوسط هضرتوو وانشغااالو مع الدراري.. كطييح عينييه علييها.. وفنص هضرتوو كيكمل وهو كيشووف فيها.. عينييه لاصقيين علييها.. كيشدوو فيها وماكيبغييوش يتحركوو.. كيكمل هضرتوو وينااقش فالموضووع وهو كيشووف فيها وحاضييها وهي شاادة فدرااع منصف ومخشية حدااه.. محلفة علييها بشرى ماتتخشى ليها وسط لعزاارا عند النااس براكة غا النهاار وماطاال وهي معااهم.. شبعاات فيها قريص قبل مايجييو باش تتبت وماتحشمهااش.. 

شداات الأرض وبقاات حدى بااها لي ماغتقدش تنوضها من حدااه.. گالسة كاالم مرة يدوي معااها مرة تبوس لييها يدييها.. وكيهضر معاا الجماعة ويغمز فزينب غا بالرييط.. 

أما فيوونا أول مرة تشوفو لابس تقليدي.. عجبها بلا قيااس.. كتعيا تهرب عينييها وما يجييوش عليه ولا اراااديا كتلقى راااسها كتتسارى فتفاصيلوو وكتقلب فملاامح وجهوو وتفاصييلو.. حتى كيحصلهاا وكتجمع راسها ودير راسها غا جا وجهها فوجوو.. 

حطاات حنكها على كتف باااها بهدووء وهو يكلينيووطي تليفووونها.. 

دوراات فيدييها تشووف.. لقااتو ميسااج وصلها من أنيير.. هزاات فيه راسها لقاااتو كيدوي مع الدرااري مشغوول.. حلاااتو لقاات مسيفط ليها :

[ توحشتك.. ]

توردوو خدوودها وزاادت تزنگاات مبتاسمة.. طلعاات فيه عينييها.. دور عينييه عندهاا غمزها وعااود شااف قداامو.. 

زاادت تكمشاات فمنصف لي حس بيها وداار باسها فراسها وحط كف يدو لخرى على حنكهاا..

كل مرة ينووض علي يقلب دااك الحولي ويرجع عندهم.. ضحكم وصوووت قهقهاااتهم واااصل لساابع سماا أما حتى الناااس راه بعااد كل البعد عليهم.. گنس مخلووق ماكيدوور جيهتهم وحتى الى داار غيدوور من برى حدا الصوور بعييد على الداار..

عجبهم الجوو.. دييط الطبييعة والگاازو.. والهوا النقي لي گاالسين فييه.. ستمتعوو بالگلسة.. أصلا هدا حاالهم كل عييد.. ضرووري ما يتجمعوو فاخروو..

على داااك الحاال حتى طااب عشاااهم وحطووه تجمعوو عليه بشلااايضو وعواصروو وديسيروو.. ضايفااتهم عائشة أحسن ضيافة.. بفرحة بااينة على وجهها كتوحي على استنااسها بحظورهم وتعماارهم علييها.. 

تهزااات الطبلة تجمعاات وجابت ليهم هنية موراهاا قهوة.. حتى كينطق مصطفى مسول أنيير وسط الهضرة.. 

مصطفى (باهتمام): فوقاش البطولة؟

أنير (سقل كولشي): 29 من هاد الشهر.. 

مصطفى (طل فتليفونوو كيشوف التاريخ): بقى ليها تلتياام..

أنير (شرب من الكااس لي كان عند فموو بشوية وحيدوو): وااه..

مصطفى: وقتاش تروحو؟

أنير: لخمييس.. 

مصطفى: الله ييسر الأموور.. (سكت شوية وعااود زااد) فين راهم دايرن لفتتاح؟

أنير: الدااخلة..

مصطفى (بتعجب): والله؟ يفتاتحو فالمغرب؟

يوسف (جاوب بلاصتو): وايه.. يْبَدِّيو من هنا.. يفوتو (يدوزو) شي كومبات عاد يكملو فبلدان خرى..

سفيان (ليوسف): انا راني غادي.. وگولي نسيت ماقطعتش ليك معانا..

يوسف: نتا غير مابغيتش تشارك 😒

سفيان: هبلت نتا هههه باغيني نموت.. براكة عليا غي البطولة الوطنية..

بات سفيان: وشتا الفرق؟

سفيان: خاطيني 😅

أنير: غير مابغيتيش تزعم ههه

سفيان: نشوفو شتا يدير Shrek بعدا هههه

سيدوو: أوااه يا بردك هههه

سفيان: ماتحظرش؟

سيدو: مانيش عارف والله..

يوسف: ضروري.. نخليوه بوحدو ولا؟

سيدو: أني ندير جهدي.. 

أنير: تضيع نص فعمرك الى ماجيتش معانا.. 

سفياان: اوااه.. خصوصا راه يلعب أخر ماتش ليهم فالمغرب.. تسمى (يعني) منها حجة منها زيارة.. راهم يعاودو على الجنوب ملييح (زوين)

أنير (دور وجهوو من مور ماكان كيشووف فسفياان ونطق كيدق عليه مخبي ضحكتو لخفيفة باش مايبينش): تروح معانا حتى ريم يمكن..

دور علييه سفياان وجهوو داير راسوو ماسامعش ومارادش الباال.. 

أما فيوونا گعداات راسها گااع طاالقة ودنيها على مصاارعهم مركزة كثر وكدور فعينييها من قنت لقنت مدوراها فراسهاا.. مرة مرة تطلع عويناتها لعند بشرى لي فينما تفكراات تشووف فيها وتتحلف لاتزبلها غير بشي جيسط تصدق حارجة راسها أما كلهم معاودين ليهم على فدوى وعارفينها دارت بلاصتها وسطهم لدرجة مخلياهم كل مرة يجبدوها فالهضرة فتعاويدهم فاش كتسمح الفرصة.. 

فااتت لحدااش وبداو كيعيااو ورغم أنهم ماسخااوش ببعضبااتهم اضطروو يتفرقوو ويشدوو طريق العودة باش يرتاحوو من لعياا ويوجدوو راسهم لتفصاال السقيطاات.. 

بعد مروور 5 أيام..

مطاار أنگااد الدولي 💚

سيدوو: فوتي (دوزي) من هنا الحريگة.. والله الى جا فيها نيشان حريگة نيت ههه

فيوونا: جر الشانطة وزيد الزمر.. باش غنعرف أنا واش بنت ليك كنقز بين لوندن ونيو يوورك كل ساعة 😒 

سيدو: اوا الى ماراك تقشعي (ماكتفهمي) والو لصقي گبالتي (حدايا) ماتبقايش غي تدّفشي (تخربقي)

فيونا (وقفاات ودارت عندوو ماددة من بعد ماكانت كتقلب ودور فراسها على منين خاصهم يدوزوو): السيمحمد 😾

سيدو (كأنو ماداير والوو): ممم؟ رواحي نسقسييو (نسولوو)

فيونا (غددها): واااع 😖 يااربي تصبرني..

أقرب وااحد حدااهم من الناس لمكلفيين فالمطراات مشااو عندوو سولوو.. نعت ليهم شخاصهم يدييرو بالديطااي ومنين يدوزوو وكيفااش.. حتى فين يلقااو اي ديطااي.. شكرووه وزادوو دوزو حوايجهم من لبارااي من مور ماتأكدو ليهم من لاكارطات دياولهم ولي بيي عااد گلسوو قداام طابلو كبير حاضيين وقت طياارتهم وطالقيين وذنيهم كيسمعوو فصووت المضيفة دلاكووي..

فيونا (سكتاات حتى عياات ونطقاات بدجر): صوت واحد عند جدهم.. فمرجان فالطران فالطراام.. يخخ

سيدو (كيقلب بعينييه لايبان ليه شكون كتدوي فالميكرو): أحااا علام الله كي راها داير.. من صوتها تبان توتة 😍

فيونا (شافت فيه بنص عين): لوااه قرنيعة (قوقة) خليتوها نتوماا 😒 ختفوو مصنع العنب متنقل 😏

سيدوو (شدها من قرفادتها): دين مك 😂

فيونا (كتتفك منو): طلق مني أ ايخاان 😾

🎵🎶 🗣️ المرجو من المسافريين.. ركاب طائرة الخطوط الجوية الملكية المغربية الرحلة رقم 856 المتوجهة الى مطار الداخلة التوجه الى الطائرة من خلاال الممر رقم 4، شكرا.. 

Les Passagers du vol 856 de Royal Air Maroc destination aéroport Dakhla veuillez se déplacer vers l'avion via la porte numéro 4, merciii 

فيووونا (حبسوو الحركة حتى كملاات): نووض.. 

سيدو (مابغاش يتحرك): ريضي بلاتي.. حتى تقرب تقلع.. 

فيونا: واش باغي تركب فيا السكااار؟ (كتجروو من يدييه) تگعد المرض شهمتيني 😤

لاح تقلوو فوق الكرسي مامسوقش.. مخليهاا تجر فييه وتعاود مغددة.. 

النداااء التاني.. والتااالت.. 

سخفها ولا هي قداات عليه حتى كيسمعوو :

النداء الأخير لرحلة رقم 856 المغادرة الى مدينة الداخلة.. المرجو التوجه الى الطائرة عبر البوابة رقم 4

فيونا (نترااتو ودارت جارة شانطتها الصغيرة): ضرووري من الشووهة 😒 بفوو.. 

سيدو (ناض بشوية هاز صاكادو دياالو وتبعها): هههه 😂🤣

فيونا (بنص عين مفقوصة): كحز عليا لهييه 😾 الحيماري لاخر.. 

سيدو (قرب لايح يدو على كتفها): الحب نتي 😂😍

فيونا: بغيتلك حبة فداكشي 😒

سيدو: هههههههههههه 🤣 ياسافلة 

خرجوو لساحة لكبيرة لي برى وسط الناس لي باغيين غاديين ليها.. حتو وصلوو عندها وطلعو كيقلبوو فورااقهم على نوامر الكراسة لي مقطعيين.. كانو الكراسة مفرقيين صف من جووج بلايص على طول الجنااب بجووج والوسط صف اخر من ثلاثة دلبلايص ملاصقين.. من الزهر جاو حدى الشرااجم..

مع شدوو بلايصهم وقفاات عليهم لوطيسط كيتعلمهم يطفيو تيليفوناتهم ولا يقلبوهم لموود أڤيوو ويربطوو أحزمتهم..

طلعها سيدو وهبطها كيعبر فيها اش لابسة وكي كتتعوج حتى سالااات الهضرة وتماات دايزة من حدااه هازة نيفها لسما ووقفها.. 

سيدو (بكل ثقة وصرامة): pardon.. (سمحي ليا)

المظيفة: ouii Monsieur ( نعام اسيدي)

سيدو: pouvez vous fermer ma ceinture s'il vous plaît.. (تقدري تسدي ليا السمطة عفاك)

فيوونا (كانت كتشول فيه اش كيصنع.. غير سمعااتو اش بغى دورات راسها جيه الشرجم حاطة صباع يدها على جبهتها)

المظيفة (بابتسامة): avec plaisir 😊 (بالتأكيد)

تحناات كتقااد ليه وتصاايب وهو كيشووف فيها ولد لحراام من فعايلوو ويستكشف.. حتى بعداات.. 

سيدوو (همس ليها): راها دايرة yves Saint Laurent 😍

فيوونا: واهياناااري حتى من الريحاات حفضتيهم الله يحظر السلامة 🤦🏻‍♀

سيدوو (كيشوف فديك خايتي كدور مزال على الناس لي معااهم فالطيارة وكل مرة تتلفت عندو تشووف فيه): ههه 😎

فيوونا (حاظية مع لبلان): شوفليك لخوينزة 🤭 حتى هي ما ساهلاااش.. 

كان تسد البااب وفدييك الأثنااء نيت وهوما منشاغلين بداكشي بداات الطيااارة كتزيد القداام وتتحرك.. گااع الثقة لي كانت واثقة فيونا فراسها بداات كتتلاشا مع انقباااض بطنها والخلعة اللا ارادية لي بداات كتنتاابها.. لصقاات يدها على جناااب كرسيها كارزة عينييها وعاضة على قنووفتها التحتانية لمدة حتى سمعاات قهقهاات سيدوو ىي مشتت حداها بالضحك.. 

فيونا (بداات كتحل غير عين وحدة كطل عليه): ؟!

سيدو: هههه طلعنا صافي 🤣

فيونا (حلات دغيا عينها لخرى وجمعاات يديها قداامها فحالا ما كانت گاع خايفة): طوزز ومن بعد؟ 

سيدوو (حل فالصمطة دالكرسي وناض): ولا من قبل هههه

فيونا (كتشوف اش كيدير): فين غادي؟

سيدو (قاد حوايجوو): نبوس 😈

فيونا (دارت كتقلب حتى شافتها فين واقفة كتتسنااه وعاودات دارت عندو باشمأزااز): ختفوو.. 🤢 

سيدو: دروك نگوليهم يجيبو ليك الشيكولا

فيونا (دوراات عليه عينيها مخنزر لجيهة لخرى): 😒

من بعد ساعتين وخمسة وربعين دقيقة.. بالضبط فمطاار الدااخلة.. واقفين مجموعيين كيتسنااو فيهم حتى بانو ليهم جايين.. سيدوو كيضحك حتى غيحمااق وهي قالبة وجهها على الفعاايل لي جمعهم وصرفهم ليها.. 

واقف بشمووخو المعتااد مسرح يدييه قداامو.. كيسقي عويناتو بشوفتها.. وهي جاية كترد فشعرها لوور مبعدااه على وجهها فاش كيهبط علييه.. هازة صاكادوو صغير ومخليا سيدوو مضارب مع شي لاخر.. حتى وصلوو لممر لخر وبدااك كتقلب عليهم ويديها فتليفوونها باش تعيط الى ماكانووش.. 

جرها سيدو جيهتم بعد ما استقرات عينو عليهم وهو كيشير ليها موريها بلاصتهم.. 

هزاات راسها دغيا كتشووف شكون كااين.. بتاسماات ما ان جاات عينيها فعينييه وخشاات تليفوونها فالصااگ غاديا عندهم بفرح..

مداات يدها ليوسف هو اللول.. من موراه سلماات على سفياان فلوجه وعنقها دغيا وطلقها خايف هلى عظاموو هو وريم لي كانت واقفة وسطهم بضحيكة خفيفة.. عاد وقفاات قداامو حابسة ضحكتها.. حل ليها يدييه عاد تقدماات عندوو بخطواات صغاار.. حتى مابقااش كيفصلها علييه بزااف وجمعها عندوو ضامها لجيهة قلبوو.. حادر راسو خاشييه فعنقها وشعرهاا.. 

مدوزها يدها فووق كتاافو لعرااض.. يد مطلوقة جيهة ظهروو ولخرى محطووطة على مؤخرة راسوو معنقااه عندها.. ناسين العااالم والدنيا والنااس لي دايرين بيهم..

ريم (كتوشوش): نموت ونعرف وشتا بين هاد الزوج 🤭

سفيان: ههه غي الى مابغيتيش تّفهمي 😂

يوسف: دروك يسّمعكم ههه

سيدوو: خطيكم منو دوك يبدا يربرب علينا تاني.. 

ريم: ههه ا وااه هههه رواح نسّبقوهم للوطو (طموبيل)

زادوو هوما اللوليين وخلاوهم تما يالله كيبعد أنير باش شد وجهاا وسط يدييه كيدوز بصبعوو على حنكها بحب وكيدوي..

أنير: جيتي مرتاحة؟

فيوونا (حركات راسها بالايجاب): سي.. 

أنير ( بقى كيشووف فيها للحظات وعاود جرها عنقها كيحاول يروي شوقوو ليها.. على شحاال نطق بهمس فودنيها): راني نتوحش دين مك.. 😍

فيوناا (مع سمعاتها فراشااات بطنها تراقصوو رغم العنف الخارج من هضرتو الرومانسية من حروشيتها صبراات شوية وجاوباتوو بنفس الطريقة): ههه وأنا 😻

أنير (بعد تاني ببطؤ حتى طلقها وجرها من يديها معااه وهي حابسة بتاسمتها): رواااحي..

تمو خارجيين تابعيين الخووت لي فاش تفكروهم مالقاوهمش حداهم حتى وصلو عندهم برا لقاوهم حدى الطموبيلات لي كرااو كيتسنااو فيهم لاهيين بيناتهم.. 

يوسف وسفياان وريم فاش شافوهم ركبوو فوحدة و أنير حل لفيونا بااب لخرى حتى طلعاات.. عيط على سيدو مشا معاهم وزاادو طموبيل من مووور ختها..

كانت ديك الساعة العشرة ونص دالليل.. هزووهم ديركت لأوطيل لي حاجزين ليهم فيه لي منظمين للبطولة العالمية.. محيحيين فالشوارع الشبه خااوية ويتسااابقو.. گلبوو لمدينة.. 

حتى وصلوو وسطاسيونااو حدا Westpoint Dakhla بالظبط.. نزلوو كيعيطوو لريسطو نيت كيدوموندييو على بيتزا يجيبوها ليهم ل العيبات لي شاديين..

دخلاات فيونا حطات تخربيقها.. طرفاات جنابها ولبسات سروال سورڤيط خفييف وتيشورط محيدة عليها الجينز لي عنكشها وخرجاات كتقلب عليهم وتعيط فالطيل حتى طلوو عليها من بيت سفياان.. مشاات عندهم لقاتهم مفرشين فالارض ومليوحيين هوما وعشاهم والمونوبولي monopoly كيتسنااو فيها.. 

تخشاات حدااهم كتفرنس باش يبدااو.. فرقوو الرمووز باش غيلعبوو وفرقوو لفلوووس وگلسوو على البيع والشرا فالأراضي لمرسوميين على دييك الالكارطوونة لي مرسوم عليها الأراضي والمصالح ولي گار ديال الطراان.. شي يتسلف من البانكة شي يوقف على البلاصة لي شاري لاخر ويخلصو.. شي يكمل گاع لوان الأراضي ويبدا يبني فالديوور والأوطيلاات ههههه هادشي كامل غا فلعبة وغا فميطرو دالأرض ولي يسمع صوتهم وتجاحيدهم والهيلالة لي دايريين يحلف عليهم الى منوضينها على مشارييع دبصح..

كيحركو الدادووس ويهزو لورااق ويجاوبو.. شي شاد كرشوو وشي قاني على شي.. حتى قرب ينتاصف لييل وجمع أنير وقفتوو مفرق عليهم ممتلكاتوو.. 

أنير: خاصني نرگد (ننعس) نرتااح.. تصبحوو على خير.. 

كلهم : وانت من أهل الخير.. 

أنير (لفيونا لي كان بينو بينها جوج دالناس): نوضي براكة عليك.. كُنتي شادة الطريق..

فيونا (قلباات قنوفتها كتشووف فورااقها) 

أنير (مد ليها يدييه): أصلا داكشي حراام 😅

سفيان (هز فيه راسو): واه من دابا شوية كونت تسبح 🙄

ريم (كتضحك): والله ايلا.. گعد معانا مزاال 😁

فيونا (شافتها دواات ومع أنير كان گالس حداها دغيا شدات فيديه وجمعاات الوقفة): أصلا الطرح حماض.. يالله 😐

أنير (ضحك أنير ضحكة جانبية مخليها تزيد قداموو.. غامز ريم لي فهمات ردة فعلها وعرفاتها باقي دارها راسها من أول مرة تلاقااو..) 

سيدو (طاح عليه الضيم): حتى أنا جيت معاها والله 😞 شي حد يجري عليا الله يرحم الولدين.. (حبسو الضحكة وحتى حد ماجاوبو) وخا غي بالضحك 👀.. غي طلقوها ازريعة القنب 😠

تقلبو حدااه منشوريين كيكروو الوقت لي كانوو لخرين خرجوو فحالهم.. غاديين فصمت وسط الضوااو لكاسرة ظلاام الليل.. حتى وصلوو لشومبر ديالها هي وريم.. حلاتها ووقفو فالبااب.. 

فيوونا (هزاات عينيها فييه): غتنعس دابا؟ 

أنير (خرج يدو من الجيب ووراها ليها كان لوونها بدى كيتبدل) 

فيوونا (زيراات على فمها بأسف قبل ما تنطق مبدلة الموضووع): الكومبا غدا؟

أنير (جمع يدو عندوو): وااه..

فيونا: en forme ؟

أنير: ضرووري.. 

فيونا (بابتسامة): تكايس عليه لا تقتلوو.. ههه 

أنير (كيطل عليها جنب): راكي خايفة عليه هو كثر ما راكي خايفة عليا؟ 

فيونا (بثقة وهي كتشووف فيه): عارفااك علاش قااد 😻

ترسمااات على وجهوو ضحيكة بحب بيناات سنيناتو وهو عينييه فعينييها.. 

حطاات صباعهااا على يديه من تحت كوعوو نزلاتهم حتى وصلات لمعصم ديالو وشداات مطلعااه عندها كتشووف فخضوريتوو برقة.. تفخصاتوو بعينييها وزادت قرباتو عندها حاطة قنينفاتها على العرووق ديال معصمو نيت.. لعرووق لي كيديو ديريكت لقلبوو.. بايسااه تما بحنان.. تكوانسا وهو كيشوف فيها شنو كدير.. وحدة بجمااها وكيااتها خاصها تكون شبعانة عياقة واخر حاجة تفكر دير هي هادي.. قرب عندها ودقات قلبو كيزيدوو.. أصلا ماكبقاوش منتاظمين فاش كتكوون حدااه وعاد ما زادوو دابا.. قلص المسافة لي بيناتهم وما ان حيدات فمها على يدييه قبل راسها بشوية مطول فالبووسة مستمتع بريحتها.. 

وقاتلها ببارفانوو ونفسوو الصخوون.. 

ريم (من مورااهم بعفوية.. كيبان ليها غاهو واقف): حبيبي باقي مارگدتي؟

أنير (بعد خطواات راجع باللور داير عندها وخاشي يدوو فجيبوو): مزال.. 

ريم (كضحك وتجري عليه): يالله يالله.. رووح گبل ما نلغى لعائشة.. 

فيونا (قلبات عينييها ماحاملاهااش) 

أنير: هاهو غادي.. (يالله شاف ففيونا غيدوي وجراتوو ريم معلية عندوو ولايحة دراعها على عنقوو) 

ريم: زييد هههه (حتى بعدو شوية ووشوشات ليه) كون جات عليك ماتتزعزعش من تم 😂

أنير (حيد من يديها): راني نگلب مك هههه (دار جيهة فيونا لقاها دخلاات فحالها وعاود شاف فيها) يا دينك 😠

ريم: غدا وتشوفها.. رووح 😂🤣

حرمااتهت عليه وزاد حاقد عليها كيسب ويعااير.. دخلاات ريم تبعاات فيونا.. لقاتها عاقدة حجبانها لسما.. طالع ليها لبعر فووق راسها.. يالله غتحاول تدوي معاها وتلطف الجو بيناتهم.. دخلات لبلاصتها تغطاات عاطياها بظهرها.. كتماات ريم ضحكتها وتكمشاات حتى هي فالناموسية لخرى.. 

صبح صبااح النهاار التالي.. نهاار أخر مباراات فالدااخلة.. كتجمع بين البطل المغريبي ومنافسوو الاجنتيني.. أخر أمل للمغرب فالبطولة العالمية من بعد ما تقسى المغربي لاخر لي كان مشاارك حتى هو..

يعني الحمل بقى على عاتقوو.. وبلادوو كاملة معولة عليه.. يايربح ويتأهل لدور لي بعدوو يا يتقسااو كيما كيطرى كل عاام..

حلااات عينييها على اشعة الشمس لي دااخلة ليهم لشومبغ وصووت دحكاااتها لمتقاااطعة من كثرت ماكتحبس فيها النفس.. 

كمشااات عينييها مخسرة وجهها باقا مابغا تفيق وباقاا ماشابعة نعاااس.. عااد مزااد على الصووت رغم محاولاات ريم أنها تكتموو.. ضوراات فيوونا وجهها جيهت الصوت تشووف شدااكشي.. لقاتو أنير جاار ليها رجلييها حتى وصلات لنص الناموسية وكيهر فيها بيدوو لخرى لتحت گااع درجليها علاياش كتوقف وهي كتفركل بغا يخرج ليها لعقل.. كينتااقم من شنوو دارت ليه ابارح.. 

خصرات وجهها وعاودات دارت قداامها.. 

أنير (شافها فاش تحركاات.. طلق ريم وتمشى جيهتها): هانتي فيقتيها ههه 

ريم (صاخطة): وأنا گولت لك زعق (ضحك) معايا 😠 

أنير (وصل حدا فيونا وحنى راسو حطو على عنقها مكالي بيديه فوق الناموسية) صباح النووور.. 

فيونا (بورشاتها لحتو وزيرات عليه بين كتفها وحنكها): صباح الخير.. 

أنير (كيهمس ليها): بوشتا بغيت تفطري؟

فيونا (حطات يدها على حنكو لي من الجيهة لخرى): لي كان.. 

أنير (هز راسو شوية وخشااه فعنقها كيشم ريحتها.. باسها بلا صوت وناض): 😘

تنهدااات تنهيدة طالعة من الأعمااق من بعد مابعد من حداهاا وتم غادي خاارج.. 

تجمع هو والدرااري فوق الطبلة فانتظاار يلحقو عليهم.. كان رسيطوو محلوول وتقريباا گاع طبالييه عامرين بسبااب الاكتضااض لي فلوطييل على قبل ليڤينموو لي كتعرفو لمدينة لاول مرة.. كيبانو ليك مختلف الأجنااس والأعرااق.. كل وحدين من بلااد.. عرب ونسارى جايين من بلداان متباعدة.. 

تزادو عليهم لبناات.. فطروو فنشااط وبدااو الاستعدادااات.. جمع يوسف وأنير گااع داكشي لي غيخصوو ولي غيحتاج وشدو طموبيلاتهم دييركت لبلاصة لي كيدوزوو فيها الكومبااات..

وصلو للقاعة المغطاات.. كانت كبيرة ببني قهوي غادي لحمورية لي معروفين بيه بنياان لمدينة.. وباااب كبييير من زاااج..

مع الدخلة كان درووج كباار كنزلوو لتحت الوسط مقابل مع البااب وفالجنااب حدا كل حيط دروج خرين مفرقيين كيدييو ديريكت للمدرجاات لي فووقهم كراااسة دبلاستييك كيگلس فيهم الجمهوور باش يتفرج بوضووح.. معلقيين بلازمة كبيرة مقربة الصورة لنااس لبعااد ولي ماكيبان ليهم.. لوقت لي كينزلوو الدرووج لخرين لتستيفة ديال الڤيرتياراات مطرفيين فواحد القنت عااد بيباان كيوصلووك لتيراان كبييييييير وواااااسع.. هو فالأصل مخصص للباسكييط وباش يتماشى مع متطلباتهم حيدو اي حاجة غتجعزهم حتى يردوها من بعد.. قداادو الحلبة مهيئين ليها الأرض والجناب باش دايرة.. 

هاد الاخيرة يعني الحلبة لي غيتبارااو فيها كيما سبق ذكرت من قبل.. فحال ديال البوكس غير هي دايرة ماشي مستطيلة ولا مربعة وبلاصة لاستيكات ولا ماعرفت اش داك العجب واش بونج ولا شنو لي م دورين ديك لبلاصة لي كيتقاتلو فيها المهم دووك لحبااال كيكوون بلاصتهم گريااج شااد من لتحت حتال فووق فاايت طوولهم.. 

فواااحد من الجناااب مسرحيين طبلة طويلة للجنة الحكم.. وزيادة على الحكم لي كيكون معاهم وسط الكومبا كيكونوو ربعة خرين مفرقيين على قنات الحلبة مبعدين شوية باش مايوقعووش فالخطأ وتكون الشفااافية.. 

المهم هبطوو كاملين مع الدرووج ودخلو معااه گلسوو تسنااوه حتى بدل ورجع عندهم كيضحك بلمتهم علييه ومساندتهم باش مايحسش راسو بوحدوو.. فعلا حسسوه بأهميتوو والا شكون باقي يشد عليك كيلوميترااات دالطريق هاد الوقت غير باش يكون جنبك..

سفيان (شافو جاي): بهاد الفورما أصاحبي ناوي تغلبو؟ من نيتك؟

ريم (جاوباتو قبل ماينطق أنير): راك تقلب على خلاك 😂 بغيتيه يْبْدِي بيك 🤣

سيدو: هههههه أنا مانفكش 

سفيان: يخ معامن عايشين ههه خصكم غي لفراجة.. 

فيوونا: أجي أدونكي أجي نحامي على خويا 😹

سفيان (ناض غادي لحداها): بغض النظر عالسبان لگيت فيك الخير هههه

يوسف: هههه عولنا تهزو ليه المعنويااات بكري ههه

أنير: ههههه زريعة القنب (قاطعو الدقاان فالبااب)

يوسف: أنا نفتح.. 

خل لبااب لقااه واحد فالمسؤولين على البرنامج دالبطولة كيعلمو بلي اللجنة وصلاات ومابقااش بزااف باش غيعيطوو على المشاركيين باش يستعد.. شكرو يوسف وعاود رجع عندهم.. 

يوسف: رواحو نوصلكم فين تگّلسة مابقاش بزاف ويلغاولو.. 

سيدوو (ناض هو اللول عندو سلم عليه سلام رجولي): خوو.. راك غاية.. عارفينك علاش گاد 🤢💪

سفيان (حتى هو نفس الشي): Shrek هههه راك عارف مانحتاجش نهضر.. 

ريم (هزاات يديها لفووق جاية عندو وهي حالاهم كتضحك حتى عنقااتو): البطل ديال 😍 كورااج.. مولفين ببطولات المغرب بغيناها عالمية دروك.. 

أنير (كيبتاسم.. وريم مهنقااه هز عينييه ففيونا لقاها هبطات راسها كتتجنب الشوفة فيهم): إن شااء الله.. (حتى بعداات عليه وعااود نطق) فيوونا.. (هزات راسها فيه ببتسامة ضاغطة على راسها باش ماتبينش وهو يعاود يشوف فلخرين) روحو سبقوها.. تجي دابا.. 

خرجوو وهو يحيد التيشورط ديالوو دغيا مخلي غير الشورط لي غيلعب بيه باش لوح علييه الكاااپ على شكل ضرابوو كبيير من لفووق ويخرج..

لاحو فووق كتافو وقرب عندها.. حساات بحركتوو جيهتها وعاوداات هزاات راسها فيه من مور ماكانت مضورااه غااضة بصرها على عضلاتوو الباارزة.. وما ان جات عينييها فعينييه ضحكات ليه ضحيكتها لي كتدوبوو وكتخلييه بلا عقل.. 

يالله غيسولها مالها نطقاات مقاطعااه.. 

فيوونا (هازة راسها فيه): هو كيگول ليك Shreek وأنا غنگول ليك Hulk 😻.. 

أنير (طلق الضحكة من مرو ماكان غير مبتاسم راد راسو لوور حتى بانت ليها ضرسة لعقل): هههه من حقك يا لمشيشة.. 

فيوونا (بجدية كثر): حنا كاملين هنا معاك.. تايقين فيك وعارفينك علاش قاد.. وماهما كانت النتيجة ماغيتبدل والو غتبقى نتا الرابح فعينينا.. غتبقى نتا ال king وتيتيزنا الأخضر..

أنير (مركز فعينييها كثر خاطي خطوة القدام حتى مابقى كيفصلهم والوو): كيهموني غي عينيك نتي.. 

فيوونا: 😳

تزنگاات.. جات تهبط راسها وهو يقرب ليها كثر حتى تخالطو أنفاسهم.. حدرات عينيها غتسخف يالله كتستوعب كلمااتو زااد كمل علييها قربووو.. قلبها كيضرب فلمية وتمنين حاشا واش يكوون غا التسعيين كتحس بيه غيسكت بكثرة ما كيضرب وترها.. وحتى تنفسها مابقااش منتااظم.. 

جرها من جنااب خصرها لعندوو.. وااضع كفوفوو على أسفل منطقة فظهرها.. ماتنحارفوش بزاف السيد شادها ببرائة هههه قربها عنددوو..

ومع حركتوو حطاات يديها بلا ماتقصد على صدروو العاااري وماجاات وحدة فيهم غير على قلبوو لي دقاتوو گالوو لدياولها ماكتعرفوووش.. 

فيونا (رغم استسلامها التام ليه كتقاوم): أنيير.. 

أنير (دايب فيها وفأنفاسها): هممم.. 

فيونا (كتدوي بزز): بلا بسالة.. 

أنير (بتاسم.. وجاوبها بهمس وهو محدوور عندها كثر من لي كان كيقرب لشفايفها): لبسالة هي نبعد بلا ماناخدها.. 

مع أخر كلمة باس قنينفاتها بشوية وبحنااان وبعد شوية مخلي ليها فين ترد النفس حاس بتوترها بين يديه ورجفتها.. يالله غيعااود ياخد وحدة خرى سمع الدقاان فالباااب.. وصوت يوسف كيعيط بسميتو بشوية.. غمض عينييه مفقووص ماعند جد بووه زهر.. تراجع شوية حتى كان غيبعد وعاود باسها مرة خرى قبل مايدير ظهرو مرغم ويخرج.. 

ماجاات تعاود تفيق من الصدمة والاحسااس الفضيع لمتملكها حتى عيط عليها يويوو حتى هي باش يوصلها عند لخريين لا تتودر فالزحااام.. 

طلعها لصفووف اللولة گلساات حدااهم شاداااها اللقوة ورجع هو دغيا عند أنير لي واقف فالدخلة كيشووف فالأجوااء وكيتسنى يسمع سميتوو..

القاااعة عمرااات على اخرها.. مظلمينها وطاردين الضو دالنهاار مستبدلينو ببروجيكطوراات باش يسلطوو الضو على الحلبة كثر.. وزيادة على بلاصة اللجنة التحكييم زايديين كراسا للجنة المنظمة وممثليها فجميع البلداان زياادة على الصحاافة والشخصياات المهمة الحاضرة.. 

عيطوو للخصم ديالو هو اللول.. عااااد جا الدور ديالووو.. 

🗣 " أنييير الشرااااا اااااااااااااااااابي " 

تسمعااات سميتوو فالبيفاااااان لي معلقيين فارجاااء القاعة.. تلاااها تصفيييرات وغوااات الجماهيير شي كيعيط بسميتوو شي كيعط ب Shreek شي كردد شعاراات تشجييع.. منتاظريين ظهوروو.. 

تقدم هو بدوروو بخطواات تابثتة كتبين على مدى تقتو فنفسوو.. شاامخ بجسدوو الضخم وابتسامة الجداابة وسط الغرق ديال الكميراات لي كينقلو البث المباشر فالاداعات والمواقع.. 

خطوااات متابعة على نفس الريتم ووصل لكااج (حلبة لفري فايت) لي كانو جنابها گاع عامررن بالمصوريين..

دخل هو ويوسف لي دغيا رجع عندوو.. محيد من عليه الكااپ.. وستقروو حدا الحكم.. خلى ليهم الوقت فين يديرو البروديج دياال الفم واللعيبة ديال اليدين لي هي بروطيج على شكل ليگات ولا بانداات مامغطيينش اليد بشكل كاامل ورجعوو عندوو.. 

ماهي الى دقااائق معدووودة وعلن بداااية النزااال.. 

تحركو بخطواات عند بعضيااتهم كيجسوو النبض.. كيقربو ويعاودو ببعدوو بزربة منتاظرين الفرصة المناسبة.. مركز كل وااحد فيهم مع لاخر.. 

فعادتوو أنير ماكيهجم حتى كيدرس تحركاات لي قداامو ويكتسنى ديما البادرة تجي منوو وداكشي لي كااان.. الخصم الصربي فقد صبرو وباااشر بالهجووم باليدييه.. الضربة اللولة صدها بطلنا يالله غيعاود يرجع لوور باش يعاودو غفلو بوحدة خرى ومن الزهر لمكوز هاد المرة جاتوو فوجهوو.. وياااااااااا ويلتاااااااه.. من أكره الحوااايج عندوو يقيسو شي حد فكماااارتو من مول لعقل تحول للوحش المعهووود.. ماخضرش غير صعر وظلااامت مرآااه.. سودت الدنيا فعينييه.. مع قاسو مع تحكم فراسو متماالك نفسوو.. دار كولوو ومع الدورة تعلى ورفع رجلييه حتى رفعها وعطاها ليه لكمارة سرفقوو بيها.. لاخر كان متأمل يزيدوو ساعا دعقوو مني تحرك بدااك الشكل ومع ثقل رجلييه جابتوو ديك الضربة للأرض..

ماكفااتش أنيير.. ناض دغيا تلاح عليه كيبرد فغدايدوو مع وصل جيهتو لاح عليه يديه خابطو بيها.. كيبان لييك لاخر تهز فوق الطابي بسنتميترات وعاود تخبط معاها.. وحدة وجووج وتلاااتة.. دقاات متتالية غوت الحكم ب its over معلن على نهاية المباراااة..

لصالح الشرابي ووااالووو.. علااه هو بغا يحشم ولا يحبس.. وتگووول حتى تلاح وسط منهم مفرقهم صحة.. كيقلب فالحاالة دياال الصربي لي عمر ليه وجهوو بالدم مرشووش لي علام الله منين خارج نيفوو ولا فموو ولا ماعرت فين جاابها فيه.. 

عااااد وقف أنير مبعد وعاااد رجعات ليه حااسة السمع وبدا يسمع فالحيحة لي منوضييين.. الجمهووور كامل مهزووز كينقز ويغوت ب: واااااااااا المغررررب زطاقااااطااا.. واااا لمغرييييييب 🇲🇦 

فرحتهم مايعطيوها لحد.. ودالمدرجاات مابقااتش سايعاهم.. كانو واثقين فبطلهم أكيد مي ضرووري من شوية التخوف خصووصا من موور ماتقصى لاخر ومهما كان تااني المغاربة ماشي فحال لحلالف دالهييه.. يعني حطو احتماال يخسر حتى حنتهم تاااني وتأهل لدووور لي بعدوو.. 

ماعرف يوسف منيين جااه تلاح علييه عاطييه الضراابووو ومعنقووو.. حتى وقف الحكم شادوو وهو Anderson معلن للمرة التانية فوز أنيير بالاشااارة.. هااز ليه يدييه مبين الأمر.. 

وما ان سالااو التقااط الصور.. جروو يوسف باقي جااعر مخرجوو غادي بييه الڤيستيير.. 

فيوونا لي قلبها باقي مازگاا من فعاايلوو فيها غاشاافت المنظر ديال لاخر فاش ضربوو تهزااات من بلاصتها مخلووعة عليه.. طاارو الفراشاات من كرشها وتحول خفقاان قلبها لهلع علييه لتصدق طارية لييه شي حااجة.. مارجعاات فيها الرووح حتى ناض خلى ضاار بوووه وطااارو عليها الدراااري بجووج كل واحد من جيهة كينقزوو بيها من فرحتهم.. ثواااني من الصدمة عاااد استوعباات.. رجعاات فيها الروووح ورجعاات ليها ضحكتها..

نقزو لباريير لي قداامهم دغياا ونقزوو بنادم مخشيين وسط منوو حتى صلوو لعندوو.. كان أنيير نزل من لكااج.. وريم لي عيط ليها يوسف قبل توجد ليه لبواطة ديال الاسعافااة الأولية دغيا راجعة من الڤيستياار.. مع قرباات عندو هو وأنير بانو ليها الدراري غاديين عندوو سابقاهم فيوونا فالاتجااه لي جاية فييه هي نيت.. تسارعاات فمشيتهاا وقبل ماتحط فيونا يدييها علييه جراتوو ريم دغياا غادية بييه مهربااه باش ماتوصلش لييه خااوية ليه الطرييق قداامو باش يدوووز دغياا..

كوون غير ماجااتش عينيها فعينيين لخرى كانت غتگول جراتو حيت ماشافتهااش وهي مادة يدييها جيهتوو ومادارتهاش بلعاني.. لا وحتى هو دور وجهو من جييهة لي هي فيها وماشافش فيها حتى الشووفة ماعر وجودها حتى اهتماام وهكااك تماات غادية عندوو.. باش تصدمها ست الحسن بديك القمعة الخماسية الأبعااد.. مافاهماش علاش؟ باشمن حق تجروو عليها هكااك؟ 

الدراري ماردووش لبال لشنو طرى.. فاتها سفيان بعفوية وجرها سيدوو معاه وهو غادي حتى وقفوو تبووتها وداار.. 

سيدو (باستغرااب): ؟

فيونا (محبوسة فيها النفس مارضاتش): يالله فحاالنا..

سيدو (ماسمعهاااش وقرب عاطيها ودنيه)

فيوونا (بصوت أعلى): يالله نمشييو..

سيدوو (بعد مافاهم والو وكيغوت باش تسمعوو): وشتا؟ دروك؟ بيك شي حاجة؟ 

فيونا ( تنتراات من يدييه وعطاتو بظهرها مبعدة)

ماقشبل واالو.. دور وجهو جيهت لخرين لي غبرو وعاود شاف جيهتها غادية كتحاول تخرج من دااك الزحاام.. مالقى مايدير غير أنو يتبعها باستسلااام.. 

طلعاات دوك الدرووج دايرة بنااقص من الزمر كامل فمرة گااع.. معقودة ليها فحلقها.. عينييها غرغروو.. مع خرجاات وقفاات أول طاكسي صغيير كان داايز.. ركباات وزاادت قداام عينين سيدوو لي يالله لحق علييها.. وفيين غيلقى هااد الطاكسي بااش يتبعها.. طاارت هي وبقى يتسنى من موراهاا حتى جاا طاكسي اخر على شحاال ركب فيه ورجع لاوطييل لا عل وعسى لقاهاا تم..

أما هي.. بقات ساكتة حتى حط الشيفوور السيد لي كان قبل منها ودار عندها كيسول فين غادية.. ماعرفاات ماتگول ليه.. ماكتعرف حتى بلاصة فالداخلة وعمرها ولا عتباتها.. شافت حتى عياات ونطقات بزز طالبة منو يحطها فشي بلاصة قريبة لبحر..

نزلاات من الطااكسي كتلعن فراسها على النهااار لي فكرات فيه تجي لهنا ولا تبعوو ولا تتفرج فيه گااع حتى يولي لي يسوى ولي مايسوااش يدير ليها هااد لفلاشااات..

حيداات سبرديلتها وتقاشرها كتتمشى فوق دييك الرملة متحسرة على الحالة لي دارت لمنصف باش يخليها تتنزل..

خانوها دميعاات نزلوو بحرقة كاسيين خدوودها.. ضربات مساااافة متحملة حراارة الرملة السخوونة لي كتعفط عليها متأملة تطفي نار الحرقة لي فدااخلها..

مشى بالها مع تاني يووم عييد من موور مافصلوو لحولي ونوضوو لعجااجة بالكوطلييط.. وهي گالسة حدى صطووف رادة ضهرها لوور مربعة يد وليد لخرى مكالياها بيها وخاشية ضفارها ففمها كتلعب بهم وكتوشووش هي ويااه.. 

فيوونا (بخيبة أمل من مور هضرتها الطويلة معااه): ماغيبغييش.. ☹️

مصطفى (كيلعب على أعصابها): جربي..

فيونا (حيدات يدها من فمها كتدوي بيها وبصوت كيسمعو غاهو وياها): هاهو گال اه.. خاصني لي يمشي معايا.. مايمكنش بحدي.. (شافت جيهة سيدو لي باقي بوحدو نازل على الطابلة) حتى داك الزمر مايبغيش يتزعزع من هنا.. 

مصطفى: سّيِّييتي؟ (جربتي)

فيونا: كيعصبيني 😒

مصطفى (شاف فيها بنص عين): نهضر معااه أنا.. خاطيك..

فيونا (وسااعو عينييها): حلف 😻

مصطفى (حرك ليها راسو باه)

فيوناا (تلاحت عليه باستوو كارزة عليه) 

منصف (كان بعيد عليهم بشي ميطرو هكاك مع هي قاجااه دار حصلهم وهو يصغر فيها عينييه): أهااه.. يا الخااينة 😠

فيونا (نقزات من بلاصتها غادة عندو كتحبوو من بعد ماكانت مربعة رجليها فوق اللحوف لي دارو فالسطح فالأرض): رااه الحب نتوما بجووج 😝😹

منصف (كيضحك): لالا يا أنا يا هو.. 

مصطفى: راك تقلب على الصخط.. ههه

فيونا (تشووف فهداا وتعااود فلاخر): نااكل لهريسة 🙄

منصف (صدر ليوون لي طلع حداهاا صووتو وهو ينطق ميت بالضحك عليها): ههه تكلمي.. 

فيونا (جراتو عندها وناضت هربانة): هدا لله معاكم ههه

تعاشاات لعشية وهي باقة كتقلب على كيفاش تتحايل على بااها.. كل مرة تجي حتال عندو تعفق وتبووس حتى تبغي تدوي وتتراجع.. خصوصا أنو طالبها هاد المرة كبر من المعتااد..

حتى وصلات لحدااش د الليل.. نزلاات لطااج لول كطل علييه وتزعم فراسها.. حتال اخر لحظة.. حتى كانت غتطلع راجعة فحالها ورجعاات دخلاات عندوو.. كان منصف شااد الطيليكومووند وكيقلب فالاداعاات كيقلّب على شي فيلم يشتاهل يتفرج فيه.. گلساات حدااه فووق الفطووي كتلعب بصبااع يدييها وهو كيشوف فيها غا بنص عين وكيتسناهاا حتى قرباات عندوو على خاطها وعنقاتو تاني عاد بعدات مخلية يديها علييه.. 

فيوونا (كتتمسكن): بابااا.. 

منصف (حاط يدييه على ظهرها): غا مني بابا ماشي لواليد باين لعبون.. 

فيوونا (يالله غتجاوبو رجعات زينب من الكوزينة جايبة معاها لحليب والسيرو سبور لحمر ديال الرمان.. وهي تسكت) 

منصف: گولي ليا؟

فيونا (شافت فزينب لي كتكب ليها هي وياهم وعودات شافت فيه): من بعد.. 🙄

منصف (بلعااني): دابا ولا بلاش.. 😈

فيونا (بعداات عليه بنفااد صبر): وامنصف 😾

منصف: طلقينا 🤭

فيونا (تقادات فالگلسة مكالية ظهرها بالفطوي.. ربعات يدها ودوات بنفاخة وطفولية فنفس الوقت): بغيت نمشي نتفرج فالبطولة 🙎🏻‍♀

منصف: ضربيني ضربيني.. 

فيونا (عاوداات گلسات على رجليها مقابلة معااه): واااااا عافاااك ☹

منصف (كيطل عليها من لتحت لتحت): هدا هو الطليب فبلادك؟

فيونا: وا من الصباح وأنا كنبوس فيك 😪

منصف: اوا بلاش علييك.. 😌

فيوناا (عودات قرباات كتبوس فيه وتدوي بين وحدة ولخرى): بروجوولة 😽 سيتوبلييييخ (s'il t plaît) 

منصف (عاجبو لحاال گااعما دار عندها مخليها كتحزر)

فيوونا: منصييييييف 👊 وبابااااا عفااك احبيبي.. 

زينب (بقاات فيها.. حطات يديها على دراعو لي منجيهتها معاوناهاا): خلييها.. عفااااك 🙏

يتبع.. 😈