شريك القرن 21 الجزء 16

خرجوو من تم بنفس الحمااس.. دا معاه أنير الحريم وخلى رجال كلا مشا لشغلوو.. 

ركباات عائشة حدااه لقداام وطلعات فيونا موراه هي وبشرى.. مرة مرة كيهز فيها عينيه والبسمة ما مفارقاش وجهوو.. 

وقف طموبيلتو فشارع محمد الخامس جيهة ساحة سطاش غشت.. فالجهة لخرى من لمدينة لقديمة باش يسهاال عليهم لحاال يوصلوو لجيهة الصياغة على قبل عائشة لي ماتقدرش تتحرك بزااف بسبااب رجليها.. هبطوو وماهي الا جووج دقايق ووصلوو لجيهة الذهايبة وماليين النقرة.. دخلو من بعد مالقااو السلام وجاب السيد لي ديجا كيعرفهم لعائشة كراسا باش ترتااح هي وبشرى لي ونساتها الوقت لي الدري لاخر جبد لأنير وفدوى تستيفة دلخواتم دالمرياج وگلس كيشكر ليها كل وااحد ويشرح ليها باش مصنووع وكيفاش وعلاش.. 

هو كيهضر وهي دايرة ليه خاطرو كتشوفيه وتتسناه حتى يسالى مامركزاش مع انير لي حاط مرفقو على كنطواار وحاضيها كيقرى تعابير وجهها.. حس بضجرها وعلى غفلة منها مد يديه حتى حطها على يدييها لي كانت مسرحة فوق الزااج وشد فيها.. طلعاات عنيها فيه.. كان الولد كمل كلاموو بتاسمات لأنير وعودات شافت فيه مخصرة تعابير وجهها شوية.. 

فيونا: ماكايناش شي حاجة simple كثر وخفيفة عفاك؟

الولد: كاين تقريبا گد هاد لكبار بشكال خرين.. هادو لي راكي تشوفي هوما لي خفاف (كينعت ليها بيديه) هادا وهدا وهداا..

فيونا (تلفتات عند أنير تاني مخرجة قنوفتها): مانقدرش نبقى دايراه الى هكا..

أنير (شافيها لدقائق بنفس النظرة.. عض على سنانوو قلبوو غيخرج من وسط صدرو وغنقز عندها.. فخوور أنو تزوج بيها وأنه ختارها بين لملاين باش يبغيها.. فرق كبيره وبينها وبين غير اخر مثال كان معااه كيشوف فيها وكيحس ان جمال ملامحها ماكيعكسو غير صفاء روحها ونقائها من الجشع والطمع.. تقاد بلاصتوو.. هبط لمستوى يدها لي شااد قبلها عااد ستقاام مجاوبها ومتولي زماام الأمور): نديو واحد آخر ديال الذهب لبيض كيما يعجبك وتقدي تلبسيه ديما، واشا هي هادا ضروري يكون..

فيوونا (شافت فيهم مرة خرى بحيرة ونطقات): واخاا.. الى ضروري ختار نتا واحد من هاد الثلاثة عفااك..

أنير (شااف جيهتهم هز وااحد وقربوو عندهم): وشا بانلك فهداا؟ 

فيونا: مزياان.. 

أنير (ركبو ليها فصبعها وردو ليه): نقصو ليها شوية..

دخل يقاادو وخلاهم كيعزلوو فالتاني وفخاتموو حتى هو حتى كملوو وسالاو وراوهم ليهم عااد جا دوورهم هوما فالباقي وتما وحلوو مع لالة مولاتي لي بالطبعها ماكتحملش الاكسيسوارات التقاال ومشاارجين وماعندهاش حتى مع الصفورية بزااف والذهب من اصلوو.. سوااو معاهاا يمان عاد خلاتهم خداوليها سريتلة وشي تخربيق اخر.. 

كانت وجهتهم التالية الداار.. بغاغيين يحتافلو بيهم بديك المناسبة.. 

أنير (سطاسيونا عند البااب.. ومع حلات بشرى البااب لي حداها دار هو عند فيونا): رواحي حداياا.. (نزل يهبط موو لي دارت عندو فاش سمعات صوتو بتلقاائية) 

بشرى (سبقاتهم حلات باب الدار وكتشوف فلحريگة اش باقا واقفة كدير تم من بعد مانزلات وسدات الطموبيل): فدوى.. ؟ 

فيوونا (تلفتات عندها): همم.. ؟ 

أنير (هز راسو عندها حتى هي وقبل ما تسولها جاوب): غادي نديها معايا.. نريگل شي صوالح فالخدمة و نوليو..

بشرى: واخا أولدي.. 

عائشة (شافت فيه): ماتتعطلوش الله يرضي عليك.. 

ومى ليها براسوو ودخل حتى طلعها ورجع عند حبيبة القلب.. دااز لجيهتوو وركب.. عينييه كيبوحوو بلي مازال مانطق بيه اللسان.. تحدر حتى جر السمطة گادها ليها عااد زاد ضام صبيعاات يديها لي حامليين خاتموو بصبلعوو وحاطعم على البواط أڤيطييس وهو كيصووگ..

مسافة الطريق ووصلو لكلووپ.. دخلوو لمووبل ضامها عندوو.. حاط يدوو على خصرها وخاشيها تحت دراعوو شي لي خلى كلشي يتلفت ليهم مستغربين ومتعجبين لمدى قربو ليها والحميمية لي باينة عليهم شي لي مامولفينووش فيه.. عمروو زعما سبقاات ليه.. وحتى فاش كانت كتجي معاه شي وحدة كائنا ما كانت كيفصلوو عليها نص ميتروو على الأقل.. 

وسط تبرگيگهم وشوفااتهم الشبعانة تساؤلات وفضوول طلعوو لجيهة المكتب ديالوو لي كان مسدوود..

وقف بحركة منو السكرطيرة لي كانت جاية عندوو تخبروو بالأوضااع من بعيد.. بعد من فيونا شوية حتى ولا حاط يدوو مسرحة على أسفل ظهرهاا وحل البااب مسبقها قداموو..

خطوااات قليلة وحبسااات بلاصتها.. شاافت فداكشي لي محطووط فووق الطبلة وعاوداات دارت شافت فأنير تلفتات تاني تتأكد من صحة لي بان ليها قبل ما ترجع تتقابل معااه هازة يديها بتعابير متأثرة وتعنقوو..

تحدر عندها خاشي وجهوو فشعرها وعنقها.. كارز على خصرها وضامها لصدرو بالجهد.. فرحة وراحة وأمااان ودفء.. كيتنفس بثقاالة مبتاسم فنفس الوقت مامتيقش أنها ولات ليه ديالتوو.. ملكوو ومرتو.. حلالاا طيبة.. حمل ونزاح عليه وعلى صدرو وحتى داك تأنيب الضمير لي كان كيحس بيه فاش كيقرب ليها مغلوب عن أمرو تهنى منو.. Rayhanee Regraguii ✒

لا تقل عنه هياماا وعشقاا.. ماعارفة تبكي ولاتضحك.. ماغيسالي هادشي ديالوو حتى غيسالي ليها دقات قلبها معااه لي مابقاش عارف يضخ بهدوء ولا عارف يرجع لنبضو الطبيعي.. 

رد لبااب عليهم برجليه حتى سدوو وزاد بيها لقداام دااخل وهو مزاال معنقها حتى وقف حدا الطبيلة لي كان فوقها خشبة على شكل دائري مغطية بغطا نصف دائري من لفووق.. زجاجي شفااف كيسمح ليك تشووف شنو وسطها.. ووسطها نيت كاينة وردة كبيرة غووز 🥀 نازل منها وريقاات طايحيين ومحطوطة حداهاا بواطة مسدودة بواحد السينتة.. (اللعيبة كاملة فحال ديك الوردة لي فقصة الجميلة والوحش وديك الوردة فعلا كيما كتتشرى هكا كتبقى حتال عشر سنين نظرا لظروف المناخية لي مهيئين ليها الناس لمصايبينها فلبواطة) 

ما ان تبت بعداات شوية علييه شافت فيها ماتمالكااتش نفسها وقربات ليه تاني 😻.. تعلاات شوية على صباع رجليها تبوسوو فحنكوو.. غفلها دغيا دور وجهوو عندها حتى جات ففشفاايفو.. حشمها ومالقاات غير تدور يديها بقوة على عنقوو مرة خرى.. حتى حسات بيه هزها على وقفتها لعندوو كبوس فكتفها لي حدى وجهوو وشعرها وكيتنفس ريحتها.. على شحال عاد وقفها بلاصصتها.. 

تقادات معاها كتشوف فيها وفشكلها باعجااب 😻 حتى قاطعها صوتو.. 

أنير: ماتحليهاش؟

شافت فيه بحنيكات منفوخين على اثر ابتسامتها قبل ما تحط يديها الصغيورين على الزاجة وهزاتها بشوية..

حطاتها جنب.. تحدرات شوية على لوردة شماتها بضحيكتها البريئة عاد هزاات لبواطة بنفس البطء وهي كتهز فيه مرة مرة عينيها.. جرات الجنب د Ruban لي داير عليها وحلاتها بشوية حتى وضاحت صوورة اش فيها لداخل وحطات ظهر يدها على فمها وهي كتحقق فشكل الخااتم لي كان على شكل تااج بحجيراات صغيورين وناعميين وهي كتقرى فالعبارة لمكتوبة على قطعة ذهبية حدا الوردة.. 

[ Until the last petal falls ? 🥀 ] 

بمعنى "حتى سقووط أخر ورقة؟" كاان بهااد الحركة كيحااول بطريقة غير مباشرة وبطريقى دكية كيما ختار نهار عتارف ليها بمشااعروو يعرض عليها الزواااج ماداام هاد الخطواات كاملة لي خطااو كانو بشكل تقليدي وستقصد يخطيهم حسب الأصوول.. لكن أكيد مايهونش عليه يدوزها ولا مايطلبش منها تكمل معااه حياتو بطريقة كتليق بيها.. *✒Rayhanee Regraguii* وهااهو الأمير كيكمل عبارتو وهديتوو لي كانت قبل يومين ولي كانت من الوحش لجميلتوو وكيهديها گااع أياام حياتو..

تراقبه في دفء تململه البطيء جوارها، 

وحضوره الهادئ المربك، 

بمحاذاة أنوثتها،

مأخوذة بكل تفاصيل رجولته.. 

لطالما دوختها تفاصيل الرجولة،

تلك التي لها كبرياء الإيحاء وذلك الاستفزاز الحميمي الصامت الذي تشي به ذبذبات لا علاقة لها بالفحولة، 

تلتقطها الأنوثة..

وتقع في عبوديتها النساء.

#fiona🥀

فيونا (خانوها دموعها للمرة لمليون قدام معاملتو ليها ومراعاتو لكبيرة لتفاصيل التفاصل.. هزات فيه عينيها مغرغرين وحركات ليه راسها باه مجاوبااه): until the last petal falls 💚

أنير (شد من عندها لبواطة كيشوف فعويناتها وكيقاد ليها الخاتم فواحد من صباعها لخرين ماهامش فين قد ما مهم الجيسط مادام خاتم زواجها كان أصلا فيديها): Until the last breath💚 [حتال اخر نفس]

(حط يدوو على وجهها مدوز كف يدوو على حنيكاتها ماسح دوك الدميعاات لي يالله هبطو) 

فيونا (هزاات يديها لعند مرفقوو شدااتو منوو منزلة عينيها لتحت)

أنير (حنا راسو جنب عندها): مايهونش عليا نشوف دموعك أحلالي 😍

مع أخر كلمة گال انقض على ثغرها بحب ومجمووعة أحاسييس مطرجمة غاالب عليها الاطمأناان وطعم الحلاال.. فرااحة باس شفاافها والتاهمهم وبالو هاني ولي زاايد فرحتوو محاولاتها لملحووظة فأنها تجارييه وتروي شوية من شووقها ليه رغم خجلها لي حااس بيه بقوة.. 

دابو فدفىء حركات بعضياتهم ولمساتهم لمتبادلة.. غايبين على أي حاجة تقدر تكون دايرة بيهم.. لاغين وضيفة أغلب حواسهم.. سامحين لمشاعرهم بووحدعا تتولى الموقف بتفاصيلوو.. 

يد مسرحة على ضهرها حاكمها جيهتوو ولخرى باقا على حنكها كيحرك صبعو لكبير عليه بحناان 😍 أما فيونا كانت شادة فأكثر حاجة كتسالي معاها فالعالم.. لحيتووووو مغلغلة يديها وسطها كتتحسسها مأخودة بسحرها وسحر رجولتوو وتأثيرو عليها..

توقفوو بصعووبة حتى حد فيهم ماساخي بلاخر.. 

ردات يدها على معصم يديه مهبطة عينيها من الخجل.. تنفس أنير بعمق بعد شوية حتى شااف فييها ورجع باسها فنيفها بشوية.. علات عينييها لمستوااه تلاقات ديريكت نظرااتهم.. 

أنير (بضحكة جانبية): الجاذبية عيونك.. نيوتن يروح يزمر 😈

فيونا (ميلات راسها حشمانة عاضة على لسانها لبااين.. ماعارفة باش تجاوب الزمر)

أنير (عض على قنوفتو التحتانية كيحرك راسو ويتحلف عليها نوعا ما): ياا گليع گلبي أنا 😍 (قرب تاني باسها وعاود فحنيكااتها وهي كتضحك عااد جرها جيهة الفطوي لي مقابل مع البيروو) رواحي گبل ما ناكلك رواحي هههه 

فيونا (شاداها اللقوة غير طدور فعينيها)

أنير (غير گلساات صونا الفيكس.. مشا هز لمان ليبغ.. رجع حداها.. دوز يدو موراها جارها عندو وجاوب): وااه.. دخليهم.. 

تحل لبااب دخلاات هند هازة رجيسطر كبيير حطااتو قداامهم ونساحباات فحالها محاولة ما امكن تبرگگ..

فيونا (هزاات راسها): الخدمة؟

أنير (شاف فيها بنص عين): ريضي.. (جرو على رجليه بيد وحدة وحلوو كيوريها شفيه) تختاري دابا ولا حتى نوليو لدار..

فيونا: غير خلي حتى نكونو مجموعين.. حتى هوما غيبغيو يعطيو رأيهم حشومة.. 

أنير (سدوو ودفعوو.. تكى على ضهر لفوطووي وباس ليها راسها): واخا احبيبي.. 

فيونا (تنهداات وراسها على سدرو): أنيغ..

أنير: وااه أمدامتوو؟

فيونا (شافت فيه مبتاسمة كتحاول تتيق) 

أنير (عرف راسو رونها تاني جر يدها باسها ونطق): مبرووك علينا أعمري.. 

فيونا (خبات وجهها خاشياه فصدرو)

حدا الصينية دياال أتااي لمحطوطة فووق الطبلة.. گالسين مجمعيين ومن موور مدة صحييحة نيت سمعو صووت لخطااوي فالدرووج.. 

بشرى: فديوى؟

فيونا: أَ مِيمة.. 

بشرى (علاات صوتها): الصلااااااااا والسلااااااااام علــــى رســــــــول الله.. 

زينب وعائشة: إلا الجااااه الى جااااااه سيدنا محمـد.. اللـــه مع الجاااه العــــالي.. 

بشرى: أورووووووووووراااااي..

دخلوو سابق أنير شااد ليها فيديها حتى وصلوو عندهم.. مدوو ليهم لبلااطو لي فييه لحلييب والتمر مستقبلينهم بييه وزغارييتهم تسمعاات حتاال راس الدرب.. 

عشقوو فالنبي وعاودوو عااد دخلو گلسو واخدين من عندهم لكطالووگ ديال الدعواات دلعراساات باش يختارو لي غيطبعوو.. قلبو وعاودو ومن مور مفاوضاات كثيرة زگااو على ري وااحد وختارو كارط عادية بااج فيها بواطة خارج منها قصر🏰 وعرسان (Photo👇) وهو لي شافوه غيتماشا مع العرس فكرو فيه ولي قدرو يتگادو بيه مع لحريگة لي ماعجبهاش لعجب..

تناقشوو.. دااكروو.. حطوو النقاط لكبيرة وتافقو اش غيگاد كل وااحد وخرجو من بااب واسع.. 

تعاشااات لعشية.. خوااات الداار وبقااو فيها غير ماليها.. گالسيين على نفس موضووعهم.. شادة بشرى ورقة وستيلوو وكتحاول تشوف شحال من واحد غيجي من طرفهم باش تدير بحسابهم.. باقين كلهم دايريين بيها.. كل مرة يتفكرو واحد ويدكرووه ومع فيونا عندها مع الأسرة الملكية السعيدة هوما يجبدو وهي شادة حدااهم تيليفوونها مكونيكطيا وكتنگر.. حتى وصلات بالهضرة للعبد الحق ولدها لي فكازاا وبناتوو.. 

بشرى: مانيش عارفة فوقاش يشدو الطريگ مهم مع لفجر ولا حتال بنهار.. 

فيونا (گلبات عينيها وتلفتاات عندها هاد المرة): مانخليوش حتى يدوز الزمر ونگولو ليهم كلشي جا على غفلة 😒؟

بشرى (خنزرات فيها): وااه شتا بانلك حتى حنا بلاش منا؟

منصف (شدها من قرفادتها): ياااك لمك..

فيونا: هو راه حتى أنا مابغيتش نحضر غا أصريتو عليا لهيلاا 😹

مصطفى: ههههههه شا من نيتنا زوجنا هاد لبزة؟

فاطمة الزهراء (وقفاا عليهم هي وبوراي): لهيلا من نيتكم وفغيبتي عاد..

فيونا (شافت جيهة الباب دغيا): هييييه 😳 فااااتي 😻

فاطمة الزهرة: وااه أ الجنية هاديك 😠

فيونا (طارت عليها): واااع أحسن حاجة درتي فحياتك بالروووجلة ههههه

بشرى: بالاكي(حيدي) خليها تدخل من الباب بعدا.. روااح أبوراي ولدي رواح نتا بعدا.. 

بوراي: Ben mi؟ (أنا)

فاطمة الزهراء: Evet sen هههه

فيونا (قاجاها كتبوس حنكها): أحح الحب نتي 😽

سيدو (جر ليها شعرها من مور فاتي): تزوجتي يا لبعلوكة 😂

فيوونا (خنزرات فيه): زگااااااا المرض😾

فاطمة الزهراء (تلفتات عندو كتوشوش): صهر عليها راها تمشي تشكيك لراجلها 😂

سيدو: اوياااو.. ههههههه

فيونا (بصوت مسمووع): شنو دابا زعما؟ دورتوني 😾

تهزوو عليها بالضحك كامليين.. تسالموو گلسوو كيتعاودوو على كي دااز داكشي دالصبااح وكي وصلوو لخرين من سفرهم وكي دارو حتى جاو بلا ولادهم.. طاالت گلستهم كالعاادة فحالهم فحاال عائلة أنيير لي بقااو غير تما حدااهم حتى يساليو الروينة لي عليهم والتشوشيير ديال العرس.. ناض علي عيان من حداهم طلع فحالوو لبيت خلاهم فلمرااح.. 

حس بيد ميمتو على دراعوو.. شااف جيهتها شدها وتحدر باسها فيها مطول.. نطقاات راضية علييه.. بقااو شوية مزاال تما فالضوو الخافت لي شااعلين عااد تبعووه حتى هوما يرتاحو..

📩 أنير: حلالي 💚

✉ فيونا: صبااح نوغ..

📩 أنير: صباح الخيير.. يالله فقتي؟

✉ فيونا: نو كنفطر.. 

📩 أنير: بالصحة والراحة أروحي.. 

✉ فيونا (بتاسماات): يخليك ليلي.. 

فاتي (كتشوف فيها بنص عين): أصبحان الله 😏

فيونا (هزات فيها راسها): بقاي حاضياني هههه

بشرى (دخلات لكوزينة): غا باتو توشوشو وصبحو ليا راگدين حتال لعاصر.. 

فيونا: 🤦🏻‍♀

فاتي: نووووض أنا فحالي.. 

فيونا: الهرووب التكتيكي 😒

فاتي (هزات تيليفونها وزادت سالتة): 😝

قصداات بشرى الطنجرة طلاات عليها وحركاتها وجاات خارجة مخليا البعلوومة عي وزينب تما كتمسح فلمااعن وتردهم لبلاصتهم.. 

كملات فيونا.. طرفاات الطبلة وقرباات لشرجم تطلق الريدوو باش ما يبقااش داخل الشعا بزااف.. 

يالله فكاات لعگدة لي جامعيينو بيها طااحت عينها على عريس لغفلة يالله سد الطموبيل وغادي للباب.. باقاا متبعااه بعويناتها حتى كتبانليها عويد دالند نازلة الدريجات من جيهة الدار وغادية عندوو.. *Rayhanee Regraguii✒*

عقداات حجبانها كاشوف شداكشي.. كتحقق فيها وكتحاول تتفكر فين فايتة شايفااها.. 

لاحظات زينب لي دازت من حداهاا شرودها ووگفات حداها كتطل بدافع الفضوول.. 

ماجا فين يطيح لفيونا فبالها بلي الأخت هي لي ديك عوة دنهاار كانو طالعين لسعيدية ياماات عرس باها فاش جرها گدامها وكال ليها غيتجوجوو حتى بانت ليها طارت عليه عنقااااتو.. 

فيونا (علات حاجب وهبطات لاخر مافاهمااش شدااك لزفت)

زينب (حالة حتى هي فمها): شا راني نشوف.. 

فيونا (ببرودة): لا واش عنقااتو؟

زينب (مركزة): لا واش راني نحلم؟

فيونا (هو حيد ليها يديها وكحزها عليه وهوما باقين مكوانسيين): لا ماكتحلميش.. بصح نيت 😳

زينب: راجلك أاا االمبهدلة 😱

فيونا (تلفتاات بالزربة): شناااااااااهواا؟ 

زينب: وشتا؟

فيونا: اش هاد الزعامة دالزمر؟ (نتراات الزمر طلقاتو وحيدات من حداها طالعة ليها) فوتي ساحتي الله يرحم الولدين😾

زينب (ملات من نفس الفيلم كل مرة): باراكة افدوى.. 

فيونا: شنو لي باركة شنو؟ شباغة؟

زينب (قرباات لجيهة لي واقفة فيها): عيقتي.. كثرتي گاع.. ماشي 

فيونا (قاطعاتها صاعرة): واعطيني التيقاار كتفهمي العربية؟ (جراات شي طبااسل حدااها) بعـــدي مااااااااااانــي 😾

زينب (مبردة جرات حتى هي الشقوفة لي جيهتها) ها لخرين حتى هوما..

منصف (طلع دغيا على صوت التهراس حط شانطة من البگاج دالوفد لي وصل ودخل عندهم): شدااكشي؟

داروو بجوجهم دقة وحدة قافزيين بصوتوو.. 

فيونا (قلبات عينيها مفقوصة كتتسناها تشكي عليه وتتبوحط)

زينب (تنهداات بطولة بال): فت (دزت) حداهم وتجرو.. 

منصف (قرب عندها كيطمن): ياكما جات فيك شي حاجة؟ 

زينب (شافت ففدوى ماباغاهش يبدي اهتمامو باش مايزيدش يكبر المسافة بينها وبينها): لا راني مزيانة.. 

فيونا (خرجات من حداهم كتتنطر)

منصف (تبعها بعينيه): مالها؟

زينب (بتاسماات محاولة تلطف الجو): غي الخلعة دالعرس ههه

منصف (خطف منها بوسة): ههه أجي نجمعو هادشي قبل ماتطلع الوليدة.. 

تحنااو على الزمر كيجمعو فييه الوقت لي هبطاات لخرى دغيا لتحت وما كاان ناقصها غير هوما شدوها الصفرطات كيتبجغنو ويتبعكو عليها.. ماجااو فين يكملوو سلامهم ويطلقوها تسلم على عمها ومرتوو حتى هوما.. خرجاات لزفتة تشتف على جدها لقاات يدها والصحراا.. الدرب خااوي.. فيه غا الطموبيلات مباعدين ومن بينهم دأنير لي غبر ليه الاثار.. خنزراات معوجة فمها وطلعاات فحالها مقندشة للبيت ماحاملاش راسها.. دخلات گلسااات فطرف الناموسية جامعة رجليها وسط ركابيها.. تنهداات بديق نفس.. كتتفكر المنظر.. باينة من لبلان لي دار قدامها والتمثيل أنو كان بينها وبينو شي حاجة.. لا ولكن ماداار هكااك الا وابغى يصدرها ويسووسها.. بالحق مااا يخليهاش تعنقوو 😾 لااااش غتعنقوو لاش لاش 😿 علاش حتى تحط عليه يدييها.. مرض.. زادت كملاتها لخرى لي جات حكاات على الضبرة.. ماكتبغيش تتحاك معاهاا ولات موقراها لأقصى درجة مبعدة من الصدااع فنفس الوقت كترد عليها فاش كتبغي شي حاجة مي لي ستفزها هو الكلمة لي گاالت والزعاامة لي زعمات عليها والتمادي لي تماداات معاها.. مهما كان راهم مامقاربينش لدرجة تخليها توصل معاها لديك الدرجة..

قاطع تفكيرها وتفركيلها مع جناابها ليون لي تخشى من تحت دراعها كيطل عليها ويتجبد.. هااز راسو كيشمشم.. حدراات عينيها وراسها عندوو باستو ففمو.. 

تدق البااب وتحل.. دخلات زينب بملامح جدية وردات لبااب موراهاا.. قرباات حتى تقابلات معاها مكالية بالحييط ومربعة يديهاا.. سكتاات شوية وهضراات.. 

زينب: شوفي افدوى.. عارفة مراكيش باغياتني.. وانا عاذراك مرانيش نحاول نبزز راسي عليك ولا تفرض عليك تتقبلي وجودي.. حتى أنا غير ترغمت على الوضع وحتى أنا تجبرت عليه ولكن فاخر االمطاف اقدارنا ماشي بيدينا، بيد الله سبحانه و هو لي كايكتب علينا شحال من حاجة مهما استصعبناها.. (سكتات شوية عاد كملات) تيقيني ماعمرني فكرت ولا نفكر شي نهار ندخل بينك و بين باباك ولا نبعدو عليك.. ومهما كان بغيتك تعرفي و تتاكدي انو عمري ناخد بلاصتك عندو.. اكيد نتي أغلى وغتبقاي ديما قرب.. الكبدة ما كتعوضها حتى حاجة ومعزتها وغلاوتها كبر من أي حاجة فهاد الدنيا.. من جيهة خرى لي جامعني بمنصف احترام كبير ومعزة.. بعيد على الطمع ولا الاستغلال.. عادي تفكري هكاك لفرق السن لي بيني وبينو وحتى أنا بلاصتك كنت نگول هكاك ونتصرف فحالك داكشي لاش كنت نسكت ونلقا ليك العذر ولكن ماتتمادايش.. فرق كبير بين يكون الواحد كيراعي ليك وبين يكون ضعيف الشخصية.. والى كتشوفيني نهضر معاك وخا كتصديني ونتغاضى على لحوايج لي كديري كوني أكيدة بلي غير حيت راني ماجاياش هنا باش نتحارب ولا باش نعيش دور مرت باات السندريلة.. وغير حيت ماليها حتى معنا نتقاطعو بلا سبب ولامنهضروش وحيت أنا كبر منك كنتصرف على حسب سني وكناخد بعين اعتبار انني أنا لي هزيت استقرارك.. مني كنظن بلي غلطت.. 

فيونا (دوزت يديها على وجها بديق وقاطعاتها بلا ماتشوف فيها): أنا لي ماكنسواش.. سدي الباب موراك عفاك.. 

زينب (ساطت بفقصة وخرجاات فحالهاا)

يالله جرات ليوون لي باقي كيلعب فوق رجليها وتكاات هي ويااه فووق الناموسية خاشية فيه وجهها بدا تيليفونها كيصوني.. تگعداات جراتوو ورجعاات الوضعهاا.. طلعاات ليها سميتوو وهي تلوحوو حداها بلا مبالاات متجاهلااه باغاا تبقى غير بوحديتها بعيدة على كلشي.. ضرها خاطرها وبقاات فيها غصة غيرتها وجنونها لي ماخرجات..

لتحت كان الهراااج والأصواات المتعالية لي كتولي فگاع مجاامع العائلة كلا مجمع فموضوع فجيه وكلهم فنفس لبلاصة.. ساعاات قليلة ووصل لوفد لاخر حتى هوو.. شرف ومرتو وولادو باش تكمل لگلسة..

هابطة من بيتها.. لايحة عليها گندورة طالقة شعرها مخبية بيه ملامحة وجهها لمشعككة.. الدخلة دالطااج تلاقاات مهدي طالع مع الدروووج..

فيونا (شافت فيه ودرات قدامها) 

مهدي (باستهزاء): لالة لعروسة.. ههه ياك ماكونتيش تفكري فالزواج.. 

فيونا (قلباات عينيها بلاصتهم وكملات خطواتها متجاهلاه كان ناقصها غاهو فلحسااب)

سيدو (خارج من الكوزينة هاز كاس حتى بانت ليه هو يجرها معاه معنقها): التوت..

فيونا (مهدودة راسها غيتفرگع.. شدات فيديه لي دور على عنقها): حْبيبي.. 

سيدو (باس راسها): شتا فيك؟ 

فيونا: ضربني البرد.. يمكن.. 

لاجدييد من الغير الصواباات الصوابااات وكل مرة يجبدو خبار واحد من لمعارف والعرس وكيفاش ووقتاش وعلاش وكلا يلغي بلغاه وكلا يعطي رأيو ويبغي يفرضو وكلا يفتي شنو خاص يكوون.. فرعو ليها الطنطوون دراسهاا.. 

⌚11h..

وقفااات طموبيلة منصف صايگها سيدوو قداام محاال كبيير.. هبطات فيوونا من حدااه وقفات تسناتو حتى جا شداات دراعوو عاد تبعو وبشرى وفاتي وبناات عمها بجووج لي هبطو ودخلو سابقينهم..

گلسوو مقابلين مع النگافة.. كيجيبو ليهم لبناات لي معاها التكاشط واللبسات ديال لعرايس بأكسيسواراتهم باش يعزلوو منهم لي بغااو..

صونا تيليفونها.. وبنفس الحركة لي كتعاود من لبارح طلات على سميتوو.. فغوياتوو وبقاات شادااه فيديها لي حطات تحت حنكها كتشوف فبشرى كتخيط وتفصل غابوحدها.. 

سيدو (راد معاها لبال): مخاصمين؟

فيونا (شافت فيه): هاا؟

سيدو: أنيير.. 

فيونا: مالو؟

سيدو: راكم مدابزين؟ 

فيونا: نوو.. ماكاين والو.. 

مريم (قربات ليه وطلقاتها مستغلة الفرصة): ياكما ندم حتى خداك؟

فيونا (كانت حداها من الجيهة لخرى.. دورها عندها غا صوتها لمستفز): شدخل حمارتك لأسبوع الفرس؟ 

بشرى (بالجهد): وااا بنتي.. رواحي تلّبسي..

فيونا (هزات راسها فيها.. خنزراات فالزمرة وناضت عندها كتقلب فشنو ختارت ليها): سبعة؟ صافي؟ غير هادو؟ 

سيدو (كيضحك غا بالريط)

بشرى: نزيدو وياك؟ 

فيونا (تحنات حدا ودنيها): من نيتك؟ تلاتة بلبسة الحنة ولا والله لا برزت ليك 😾

بشرى (من تحت سنانها): ياحوجي أنا باغا تشوهني😱 ولبلووزة.. 

فيونا: أخر كلمة وديري لي عجبك😾

بشرى (كتحاول تسايرها بلل مايبينو): غي قيسي بعدا دروك..

هزاتهم فيونا بلا خاطر وهي تبان ليها البنت جايبة الطالوناات دارت شافت فبشرى كتصبر راسها بزز وزادت.. لبس وحط.. قيساات حتى سخفاات.. فاللخر ضربات لجداها كلشي فالزير وختارت وحدين خرين على دوقها ووخا عياات تتحايل معاها وماخلااات باش غمقاات عليها ني ما طااب.. دارت غا ماگال ليها راسها ونيت ثلاتة داللبسات مازادتش عليهم.. 

عزلوو معاهم أكسيسواراتهم وتافقوو على الوقت والبلاصة وعلى گاع التفاصيل وناضوو فحالهم.. 

مع الخرجة وسطاسيونات طموبيلتو حدا ديالتهم.. 

فاتي: أنير هدا؟

بشرى: واه.. 

أنير (نزل سلم بيدو على بنات عمها وسيدو وعينو عليها): سلام.. 

بشرى (باس ليها راسها): كي راك اولدي.. 

أنير: الحمد لله.. (تحدر سلم على فاتي بلوجه عااد باس حنيكاتها) ساليتو؟

فيونا (قالبة وجهها): ممم..

بشرى: نمشيو دروك؟

أنير: واه.. 

سيدو (حل لباب): أنا نولي لداار.. 

فيونا (شافت فبنات عمها لي بقاو مبندين): حتى مريم ومروى غيمشيو معاك.. 

مروى (خت مريم لكبيرة مهم بنت عمها حتى هي): ماعليش باقين باغي نتساراو غير خليه يمشي..

فيونا (دارت عند بشرى مخنزرة)

بشرى (تدخلات): ماماشينش نحوصو.. رجعو لدار مع سيمحمد.. 

مريم & مروى (ماعجبهمش لحاال مايديوهمش وزادتهم جدااهم بالقمعة قداام أنير ماحملوهمش ولا حملو راسهم)

أنير (شد يديها وجرها سابقهم لطموبيل) فين راه تيليفونك؟

فيونا (وراتو ليه فيدها) 

أنير: صو.. 

قاطعتوو بشرى وفاتي لي تبعوهم وطلعوو.. شارت ليه براسها متسببة بيهم وتسلات حدااهم.. دارو فيها خير نيت مني جاو.. طلعوو وزادوو كل مرة كيوقفو فبلاصة حتى كمل تقديتهم كاملة من طاق طاق لسلام عليكم بما فيها دهازها ودفوعها لي غيجي وغيرو..

حطهم عند البااب.. مخلين كلشي فالكوفر.. ووخا لاحظ البروود فتعابير وجهها وخا مافارقوش يديهم يدين بعضياتهم الا انو مالقى كي يدير يستفرد بيها أصلا غير وصلو ووقفات فحلقهم بشرى غير بريط خايفة لايصدقو غافلينها ومسبقين الفرح بليلة وحتى هو عيطو ليه يطلع يشووف الروينة فالداار لخرى ويحط داكشي لي هاز معااه.. برد على راسوو وگال يمكن يكون الاحداث لي تراكمو مأخرا هوما لي عياوها وغيكون حتى للزحاام لي ماعندهااش معااه دور فتعبها وغرق حتى هو فشنو تابعوو..

فلبييت گالسة فاتي فووف الناموسة مقابلة معاهاا كتاكل فالشكلااط وكتضحك على الطريقة لي كتمشي وتجي بيها وظهرها متني.. 

فيوناا (لاحت الزبل من رجليها): عنديلمي أنا لي دايرة راسي فيك.. 

فاطمة الزهراء: أغي كملي اصاحبي قربتي تتعلمي.. 

فيونا (مشات لبلاصة التعلاق فالدريسينگ كتقلب.. فالكرطونات لي لتحت): تعلمي هي نتي والله لا جا فرجلي.. تصطيتوو نتوما برب ماعرفتوو عرس ولا عقووبة 😾

بشرى (دخلات مع النگيير): كياا وعدي 🙆🏻 نندب؟ لا واش نندب؟ 

فيوونا: جدبي أ ميمة حسن.. شهمتووني أووو😾 براكة غير قزيبتي لي غطييب بلگلاس 😒

فاطمة الزهراء: راك تباني قصيورة عليه هههه

فيونا (دارت عندها): من نهار عرفني وأنا بهاد الطول.. 

بشرى: غير سيّي أبنتي الله يهديك (جربي) 

فاطمة الزهراء: واه.. راك دغيا تولفيه..

فيونا (طاحت فعلاش كانت كتقلب حلاتها ووراتها ليهم): شتووها؟ والله غيرها مايجي فرجلي.. 

بشرى (شداات راسها تاني): الله ياربي🙆🏻 باغيا التموتني.. الله يا مولانا وشتا درت فحياتي.. الله ياسيدي.. 

(تسمع الصونييط.. مشات طلات هي لي واقفة جامعة تغبانها دغيا) أنير.. شتا بغا فهاد الليل؟

فاطمة الزهراء: هههههه أويلي على وشتا باغي.. ومرتوو لي حداك 😂

بشرى: گعدي بلاصتك.. ماكاين بو مرتو حتال مور لعرس ماراناش سايبين 😠

فيونا (باقا مربعة فبلاصتها قدام لبلاكاار): هانا أختي 😳 أهياناري فحالا شتيني طايرة عندوو.. منك ليه (بهمس) درتي فيا خير..

بشرى (مشاات هابطة)

فاتي: وشتا تما؟

فيونا (تنهداات) والو..

فاتي: حتى مانكونش نعّرفك..

فيونا (عودات ليها على اش شافت بلا ماتدكر زينب وبلي ماجات فين تهبط مع وصلو لخرين لقاتو دخل فحالو)

فاتي: لا بالحق ماشي فعايلو.. 

فيونا: وأنا گلت ليك شي حاجة.. عارفاه كي داير.. 

فاتي: وفين راه المشكل؟

فيونا: عنقاتو 😭 بغيت ليها الگرض

فاتي (باللحن): ههههه مغياااارة والى گاالو مغيارة.. تيراراا 🤣

فيونا: جاوباتك هي نيت وگالتلك عندي علاش نغير 😌😒

(تدق الباب وخا محلوول وتلفتو جيهتو)

زينب: فاتي تكلمي للحاجة..

فاتي: خاصها شي حاجة؟

زينب: ماعرفتش أختى گاتلي لغايليها..

فاتي: واه هاني مهَودة

فيونا (بتردد): أنير باقي لتحت؟

زينب (بلا ماتشوف فيها): راهم فريسطو رجال بيناتهم.. (دارت فحالها قالبة وجهها)

فاتي (غمزات فيونا بمعنا مالها)

فيونا (هزات كتافها كارهة)

فاتي: لا حالتك ماعاجباتنيش.. ريضي نولي ليك دروك..

دفع للبااب ودخل كيهز الريدو وكيحل فالشرجم باش يدخل الهواا ويتنفس البييت.. عاد رجع عندهم كيحاول يفيقهم.. كانت منشورة فاتي وفيونا فوق الناموسية ومخشي وسطهم سيدوو معنقاه فيونا من جيه وفاتي متكية عليه..

منصف: نوضوو الخميرة.. واا زريعة القنب..واا حرب الڤيطناام 😠

فيونا (حلات عينيها بتقالة): ابابا.. 

منصف: براكة عليكم.. نوضو حشوومة دوك النااس لي گالسين بوحدهم لتحت.. 

فيونا: لعرس حتال غدا 😒

منصف: الله ينعل حسك.. 

فاتي: مالها راه تكدب ولا؟ 

منصف: تگعدي نتي عند راجلك قبل مانگلب بوك.. 

فاتي: مصطفى 🗣️

منصف: هههههه دابا ننن 

فيونا: ههههه شحال الساعة؟

سيدوو: لوحدة ونص.. 

سيدوو (كيدفع فيهم وهو كيتفوه): وا نوضوو خليونا نرگدو 😴

فاتي: يانلعبو كاملين يانحرمو اللعب.. نووض..

فيونا (ناضت خرجات لدوش): 😹

بشرى (طالعة فالدروج): فااادوى 🗣️ فاااااطمة الزهراااااااا 🗣️🗣️

فيوناا: أاا؟ أ ميمة؟ 

بشرى: وهوّدو باش تمشييو لحماام..

فيونا: شمن حمام؟

بشرى: حمام لعروسة..

فيونا: 🤦🏻‍♀

فيونا: مابقيتش عروسة أنا صافي كنسااحب.. 

بشرى: اوى لوااه ماشي حتى الحمام لا..

فيونا: بلاتي نغسل وجهي ونرجع لعلو يكون كابووس ونفيق منوو.. 

بشرى (كملات طريقها): فاطمة الزهراااااااا.. وااه العزري حتى هو راه هنا.. مزياان.. شتا راك الدير وسط لبناات؟ 

سيدو (دار على كرشو مغطي راسو بالمخدة): نقطع يدي الى هادو بنات 😪

منصف (باس لمو راسها وتم خارج): هههه 

بشرى: فين راك هارب؟ رواح راه بنتك شيباتني.. 

منصف: بيناتك حطيت سلاحي معاها شحال هادي.. 

فيونا (وقفات مع كلمتو اللخرة كتجر حناكو): نتا راك الحب هههههه

منصف (جرها عنقها): بنوتتي ❤

بشرى: وااه.. اوا وصلها الحمام الله يرضي عليك.. 

فيونا: الله لا عتبتو.. 

بشرى: شوف ليك لميسخة

فيونا: هههه اللهم وسيخاتي ولا الدنوب

بشرى: وشتا هاد الدنووب؟ 😠 راه يكون خاوي.. نكريوه.. وعاود هادو هوما العادات والتقاليد براكة غير الصوالح لي حيدتي.. 

فيونا: عاهاات هادو ماشي عاداات.. (هزات راسها فباها) واامنصف وهضر أصاحبي.. (رجعات شافت فيها) أصلا غنسخف ليكم😒

منصف: ههههه كتخنق الوليدة بلاش عليها

فاتي: غنمشيو لسونطر بيوتي أماما غير خليها ههههه 

فيونا: بالرجووولة.. 

سيدو (بصوت غليض ومخنوق): واصهطو علينا (سكتو)

بشرى (هزاات صندالتها ومشات ليه)

سيدوو (غفلاتو حتى نقز): أي النعاالة لا.. النعالة لا (الصندالة)

تهزوو عليه بالضحك موور مانااض هاارب لبرى وهي تابعااه.. ناضت فاتي من بلاصتها حتى هي كتتعگز.. باست منصيف فحنكو وهي تجرو فيونا.. 

فيونا: حق مولانا حتى طيح روح ليوم.. 

فاتي: خويا لمك.. 

فيونا: بزعطة سيفحالك 😝

منصف: هههه زيدي نهبطوو.. 

فيونا: بلاتي نبدل ونجمع نوجد داكشي لي بغيت باش نهبط فمرة.. 

منصف: وخاا ابيبي..

فيونا: 😽

منصف: وعيطي لراجلك راه دارت ليه بشرى الحصار لبارح عارفاه كيحشم منها وستاغلاات القضية ههه 

فيونا: ههه وخا..

منصف: شنو دابا؟ هانتي غتجوجي نحرمها على حسك حتى أنا؟

فيونا (هزاات راسها كتتبغجن عليه): ههه 

منصف: ههه بعلوكة.. (لاح عينييه وهي تبان لييه الكرطونة) مال هاديك غتلبسيها؟ 

فيونا (باقي شادها): نوو حتال غدا.. 

منصف: ماتگوليش ليا فالعرس؟ 

فاتي (كتمسح وجهها بالفوطة): ماعرفاتش تزيد بالطالو..😯

منصف: 🤐

فيونا (طارت سدات ليه لموو بيديها بجوج قبل مايهضر) 

فاتي (صغرات فيها عينيها): كُنتي تزعقي عليا (تضحكي) فعرس منصف كُنتي لابساتو.. 

فيونا: لا نزلي گوليها ليها.. نزلي فرشيني.. لا والله حتى تنزلي.. 

منصف: ههههه

فاتي: 😑

فيونا (حطات راسها على صدرو): شريتيلنا الصدااع 😹

بدلوو.. سيفطات فيونا لأنير ميساج بشو غدير وطفاات الطيل لاحتوو فلمجر.. *Rayhanee Regraguii✒* هزوو حوايجهم معاهم فصيكان صغاار كل وحدة بوحدها سدوو البيت بالساروت ونزلوو لتحت.. 

فطرو هو االلول..

فيونا (وقفات حدا بشرى جيهة البوطاجي.. بصوت ناقص): حتى وحدة فهاد الجنيات ماتبعني 😒

بشرى: والله وماكاين شي جنية گدك 😠

فيونا (شربات اخر جغمة فالكاكاو وحطات الكاس فالبوطاجي قدامها): مهم 😌

فيونا: يالله.. (شافت فبنات عمها لي كيتغامزوو مقابلين مع زينب مغوبشة) زينب ماغاداش؟

زينب (هزات فيها راسها ماعرفاتش حتى فين ومابغاتش تبين): غير سيرو نعاون لحاجة.. 

بشرى: غير روحي راهم معايا هدى ورجاء (عيالات شرف وعبد الحق)

فاتي: نوضي أصاحبتي.. 

مروى (من مور مانغزاتها مريم): وحنا؟ ماشي بنات عم لعروسة زعما؟

فيونا: ماغادينش للحمام 🙂

فاتي: أصلا مريزيرڤيين قبل ماعندنا كي نديرو.. (صونا التيليفون) رواحي أزينب.. منصف راه يستنى..

*فالطموبيل***

منصف (طلعات حداه فيونا وركبو لبنات لور.. تلفت عند زينب): غتمشي معاهم؟

زينب: واه.. فدوى لي بغات.. 

منصف (دار قدامو مبتاسم.. هز يد فيونا وباسها وزااد)

فيونا (جرات ليه يديه حتى هي باستها وباستوو فحنكو بالجهد)

زااد من تم وفاطمة الزهراء كتنعت ليه حتى وقفوو قداام لبااب.. 

دخلوو ل SPA.. وقفوو فريسيبسوو عااد دخلو ماكاين لا ريزيرڤاسيوو لا والو غير صدرو لخريين.. 

دخلوو گومااو لپو موغط (الجلدة الميتة) 

دارت فيونا ايپيلاسيوو طوطال.. مسااج وجاات تخشاات حدااهم كدير فالبيديگييغ.. لقاتهم سبقوها ودازو للمانيكيير..

من موو ما سالاو ليها ضفارها دازوو ليها لوجهها ماسكاات وسواان ونطويااج حتى كملوو ونقاوه ليها كثر ماهو نقي من كثرة ما أي قشروو فالكوزينة كديرو لكمارتها.. ماخلات قشور مطيشة ماخلات قشور بنان ماخلات.. هادشي من غير الماسكاات لي كتصايب.. 

مرخية ولبناات موراها فووق الفطوياات مجمعيين.. مرة مرة كتشاارك معاهم بشي كلمة ولا جووج..

تعاشاات لعشية عااد هزو رحيلهم من تمااا داهم خدااو طاكووس حيت مامغديينش وردهم سيدوو فحالهم.. 

طلعوو لقااهم مجمعيين على برااد ديال أتااي.. تخشااو وسط منهم وعطااوها لتطباال والتقشااب ماداام ماكاينة حنة.. كيباان ليك كلشي فرحاان.. خاشينها عيالات عمامها بجووج وسط منهم.. كتضحك ورادة بالها مع شكيدوور من تغامييز.. 

ماطولووش بزاف فالگلسة بحكم أنو العرس غيكوون بنهاار وناضو كل واحد لبلاصتوو..

كيضحكوو.. مخشية فيونة تحت لغطى وسيدوو ووفاتي فوق الناموسية مقابلين معاها حتى جا ليهم منصف جرى عليهم وفرتك الجقلة.. 

گلس جنبها متكي على اللور ديال الناموسية وجرها عندوو عنقها.. شحااال وهو مجمع معاهاا.. كيلعب ليها فشعرها وينصح فييها.. شحاال حتى حس بيها غفاات بين يدييه.. ماسخااش بيها وماقدرش ينووض ويخليها واخر ليلة ليها فداروو هي هادي.. أكيد مزال غيشووفها وأصلا غتبقى غير حدااه بالحق غتمشي لداارها حتى هي.. دار راجلها.. ماغيبقااش عندو لحق يدخل يفيقها كل صبااح ويجرهاا من رجليها.. عااد حس بغصتها مني تزوج.. غرغروو ليه عينيه مشيشتو لي مولفها تحت جنااحو فرمشت عيين غتخليه وتتزوج.. زير عليها كثر فحضوو وطلع رجلوو جنبها مقرر يباات تم لعلوو يشبع شوية منها قبل مايصبح لحال..

دوز يدوو وسط شعروو سامح للما يتغلغل بين خصلاتوو.. مخمض عينييه ومستقبل دوك القطراات لي كتنهامر عليه دفعة وحدة.. 

ومن مور لحظة شرود.. تنهد بتتاقل.. كمل بان دوشوو وخرج لايح عليه پينواروو.. 

هز بعدم اهتمام سرواال وتيشورط لبسهم.. نشف راسوو ووقف قداام لمراياا بكل رجوولة وضخامة رش الديودوغوو والبارفاان ديالوو ونزل..

عند فيوونا لي جمعات السامسونيط ديالها وهزااتها هي وكرطونتها فيد وليون فيد وتماات هابطة مع الدرووج غير بسروال دالسورڤيط وكابيتشوو واسع وكبير وپالطوفة مريحة فيها رجليها.. 

ماحد الدرجات كينقصوو والصوت كيزيد يوضاح..

مروى (بضحكة واطية): هاهاهاااااي أجي أمي نوريك دار خوالي..

مريم: واللهيلا.. 

زينب (واقفة كتشوف فيهم ماشي خايفة منهم مي حشمات ضياف زعما)

فيونا (دخلات مخنزرة): شكاين؟ اش هاد لغوات؟

مروى: أجي أختي تشوفي هههه ولى البراني يورينا شنو نديروو..

فيونا (مخسرة وجهها): يعني؟

مروى (كتشعل العوافي): مرت بابااك.. 

فيونا: فين البراني فالموضوع؟ گلتيها بفمك.. مرتو.. كيما هي داروو راه دارها حتى هي.. من حقها تگول؟

مروى (كانت كتتسناها تأيدها دعقااتهاا): دار جدي هادي.. 

فيونا (قلبات فيها قلبة لغدايد): بزعطة.. دار جدك طلعي ليها لسعيدية.. ومن هادشي كامل غنخسر عليك جووج كلمات احتارمي راسك ولا غنتبرهشو كاملين ونتي عارفة وأنا عارفة.. (زادت خنزرات فيها وشافت فزينب) يالله أزينب باش تلبسي.. حتى توصي سيدو على شنو بغيتي..

فاتي (كانت كتهضر فالتيليفوون وقطعات مني سمعات لغوات): شتا كاين؟

فيونا (غادية لدروج): غا بنادم كيسخن عليه راسو مرة مرة وكيتفاوت على السطر.. راه أنير كيتسنى سربي.. 

لتحت.. حلات الكوفر مني نزلات حطات فيه داكشي من يديها ودارت للقداام حلات لبااب وطلعاات وليوون فيدها.. 

دار مراقب حركاتها بلهفة وشووق اليوماين لي ماشافهمش فيها.. هزات فيه عينيها متلبكة فايتاه غابالصبر.. قرباات باست خدودو بدفء.. سلماات عليه ماجات فين تبعد حتى جااو لبناات تاني.. 

فاتي(شادة فيه): صباح الخير أنسيبي ههه

أنير: صباح النور.. (موجه كلامو حتى لزينب) كي راكم؟

فاتي & زينب (دقة وحدة): بالحمد لله..

فيونا (كتشوف فيه غير بالرييط مبتاسمة)

أنير (دوز يدوو على ليوون وديماراا.. 

بحركاات رجولية كأنها محسووبة.. شااد لڤولوون وحدة محكم فييه بلا أي مجهوود.. قلب فالشيين حتى طاح فعلاش كيقلب وزااد شوية فالصووت)

🎵🎶 عيطولي لمدامتي راني مواحشا.. وهاهاها واهاهاهايي واهاهاهايي

عمروك عليا و بعدوكي فتانية.. وهاااا وهاهاهايي وهاهاهايي

ياو هايي.. داولي الكبيدة.. اليوم عليا بعيدة

خلوها تنساني.. و انا مغبون نعاني

يا شداني نهدر.. مشات ليا العمر

ناري طلعات تقدر.. يانا على غيابي..

ونتي لي باغية.. و نتي لي باغية.. ونتي لي باغية تمشي مني و ماتوليش

ياودي و هانية ياودي و هانية.. ياودي هانية غير سير و ماتنسانيش.. 

شادين الطرييق ومرة مرة يتلفت جيهتها.. ياكتجي عينيه فعينيهاا.. ياا كيخطف فيها غير الشوفة.. كيمعني عليها بالعلالي على القطعة لي تقطع عليها ولي ماعارف شكون كان ليه فيها حيلة وسبااب.. قداام لخرين لي كيتغامزو عليهم..

وصلوو أخيراا لبلاصة العرس.. لي فضلوها على القااعة.. دخلو بالموبيل حتال الباب لدااخل.. هز ليها أنير داكشي ديالها من الكوفر.. سلمو على عائشة لي كانت واقفة مكرهة مع بشرى والطريطور والنگافة وطلعوو لفوق.. 

لقااو لكوافورة فالصالة حاطة الطبلة ديالها بروفيسيونيل دالميك اب.. بورطابل لي كتتهز وكتتحرك بأريحية.. بمرايتها شاعلين فجنابها البولات وبگااع لي غتحتاج.. معاها ريم تما وشي بنات كيعاونو النگافة داخلين خارجين من البيت لي حداهم ولي فيه حاطين اللبسات ديالها وفيه غتبدل..

أنير (مد لريم من يديه وجر فيونا لي كاان شابك يديه مع يديها راجع لمنين طلعو.. نزل درجة دار عندها): حطيه فبيتنا.. راه توريه ليك ريم باش مايتلفش.. 

فيونا: وخاا.. (سكتات شوية وزادت) ماتخلي عفاك حتى واحد يطلع بغيت نحيد لكاپيتشو..

أنير: واخاا أحلالي.. 

فيونا (باااسها فحنكها حتى بورشها): ههه..

تسنااتو نزل ورجعاات عندهم.. دارت كي گال ليها وسيفطاات ليوون حيداتو من يدهاا عاد نقصاات عليها لحواايج.. بداو ليها بالمشيطة عاد دازوو ليها للمكيااج لي ما عيقووش ليها فيه تحت الحااحها ونگييرها.. ندمااتهم وولاو طالبين معاها الشرع وفاللخر كملات لي تووش راسها ونااضت خلات لخرين يصاوبوو حتى هوماا.. 

عيطوو لنگاافة.. لبسووها التكشيطة اللولة باش غتدخل بيضة بسفيفة فالذهبي بلي اكسيسواار لي كيجيو فوقها والتااج.. لبسووها سبرديلتهاا ودخلاات بشرى.. 

بشرى (شافت فالكرطونة محلوولة): بقيتي حتى لبستيها.. ماعرفتك تعرسي ولا تهّربي.. 

النگافة: مالگيت ليها جهد.. حلفت.. 

فيونا (عنقاتها حاطة راسها بين كتفها وسدرها): الحنانة.. 

بشرى: غير خلوها.. (ضماتها كتدوز يديها عليها بقلة حيلة) الله يرضي عليك.. (خرجو النگافات وخلاوهم) ديري عقلك أبنتي.. راكي تكّبري.. تزوجتي وراكي ديري دارك.. ردي بالك على داك ولد ناس.. عارفاتك مرة ونص گادة بروحك وبصوالحك.. حتارمو بعضياتكم وتعاونو على الزمان الله يسهل عليكم.. وحنا راحنا ديمة هنا گبالتك بلاصتك راها ديما وسطنا حتى حاجة ماراها تتبدل.. (دمعوو عينيهاا حتى هبطااتهم)

فيونا (بعداات عليها كتنش على عينيها لي غرغروو حتى هي): الله لا يحرمني منك ويطول ليا فعمرك أمِيمتي.. 

بشرى: روحي بعديييني.. 

قبل ماتزييد تضعف كثر خرجاات فحالها هرباانة كتخبي فمشاعرهاا وتطرجمهم غواات وخصاام عليهاا هي لي عارفة أن تصرفااتها ماهوما غير حب فيها وفمصلاحتها.. *✒Rayhanee Regraguii* ديماا عتابرااتها ماماها لي ماعندهااش وخا منصف كان مغرقها حب الا أنو حنان بشرى عليها كان غيير.. 

مسحاات طرااف عينيها بصبيعاتهاا وتحل لبااب مرة خرى.. 

دخل مولااي السلطاان بكومپلي كحل وتيشورط لتحت.. بخطواات تقاال.. وبكل نخوة وشهاامة كيتقدم جيهتها.. كيحقق فيها كيف جاات وكيتفحص تفاصيلها باهتماام مأخوود ببساطة ذوقها.. عارف ماكاين لي يفرض عليها شي حاجة..

بدورها كانت كتبتااسم على شنو لابس عجبها الستيل.. 

أنير (وقف مقابل معاهاا وشدها قربها ليه): توحشتك أعمري.. 

فيونا (هازة فيه راسها): وأنا.. 

أنير: كي .. (تدق البااب)

فيونا (حدراات وجهها على ظهر يديها كتضحك عليه ديما قاطعين هضرتو فنصها): ههههه خاصنا نزلوو.. 

أنير (مفقوص): ليا الله.. رواحي.. (هبط صبااعو مع يدها حتى شابكهم مع صبيعاتها وخرجوو لقااو ريم لي كتدق.. والنگافة وبشرى عااد جايين.. غير وصلات عندهم شداات قلبها)

بشرى: أحوجي أنا.. كُنت فوحدة وليت فجوج.. حتى نتا أوليدي؟🤦🏻‍♀ فين راها الشوميزة والگرفاطة؟

أنير: ههه (جرها باس ليها راسها وتحرك قبل ماتشدهم تما)

تبعاتهم ريم.. زينب.. فااطمة االزهر.. بشرى والنگافااات كيصلييو على النبي ويعااودو حتى خرجوو على برى ورى داار حتى فاتو الجسر وهزووها فالعمارية.. 

سد الصدفة ديال الڤيسط ديالو كيشووف فيهم كيقاادوها فبلاصتها باش هزوها وتهز معاها قلبوو خايفها تفلت ليهم ولايصدقو مطيحينها.. زيدووه قداام العمارية وتمو غاديين مبعديين على الداار.. قاصدين المساحة لكبيرة لي موراهاا ولي فييها تكلف الطريطوور ووجد الطبلااات بكراسااهم وغيروو.. 

قربوو دايريين بيهم الدقاايقية بين الشجر وودخلو وسط وجووج صفووفة مفرقيين دالحضور لي كانو كيتسناو فيهم بتكاشطهم وبلوزااتهم ولبسهم التقليدي ولي بداو كيرشوو فيهم بالما زهر ما ان وصلوو عندهم من غير لخرين لي كانو شادين عويداات صغاار فطرفهم سينتة دالتوب كيحركو فيهم جيهتهم بفرحة.. تحت تزمااار الدقااايقية والصلااااااااة والسلاااام على رسوووول الله.. 

وَرُغْمَ أَنَهَا تَملِكُ خَارِطةَ طَرِيق العَوْدَة .. إِلّا أَنَها وَ بِكَامِلِ إِرَادَتِهَا إخْتَارَت تَيْهاً أبَدِياً 👰🏻🧔🏻💚

حبسو نهاية الطريق لي كانت حتال اخرها بحجر متبت فالارض.. نزلووها بشوية مبتااسمة لنااس لي كشيروو ليها.. وللكاميرة لي متبعاهم.. مد ليها أنير يدوو ببتسامتو المعهودة.. شداتها ووقفات بسهوولة أصلا مامتقلة بواالو.. مرتاحة نسبية من ديك الناحية.. مرتابكة غير من كثرة الانظاار والعينين لي موجهة ليها مع شوية ديال الخلعة من لي جااي ومن لي هي فييه.. مزاال مامتيقة فين هي ولا مدى حقيقة الاحداث لي كتعيش.. 

خدى يديها فيدييه مرة خرى وتمشى هو وياها فووق الگاازو حتى وصلو للبلاصة لي برزوو فيها..

توالااو النااس لي كيجييو يسلمو عليهم ويبااركو ليهم.. ومنهم لي كيتصور معااهم..

مرة مرة يقادو ليها تكشيطتها ويقادو ليهم يديهم كل شوية كتجي النگافة تقاد ليهم يديهم وتوريها كيفاش تشد فيه حتى فقصاااتها.. 

فيونا (عيطاات لفاتي غا بعينييها جات عندها) 

فاتي (تحدراات عند ودنيها): الحب شتا كاين؟

فيونا (من تحت سنانها وهي كتضحك): غتعاود تجي ديك خنشة الشمرتل تعلمني كي نشد فراجلي حق مولانا حتى نوض فحالي🙂

فاتي (تشتتات بالضحك): هههههههههه هبيلة دروك نهضر معاها 🤣😘 

أنير (حاضيها بنص وكيضحك مع مشاات فاتي بااس يديها وبقى يدوز صبعو علييها)

فيونا (شافت فييه.. تلاقااو نظرااتهم وهي تبعد عينيها بارتبااك)

أنير (تحنى شوية عند ودنيها): وكي سرات قضية التليفوون؟ (يالله تهز جات التشووف فيه وعاود نطق) أوااه.. تعّقلي نهار كُنا ماشين للسعيدة فعرس منصف؟

فيونا (جمعاات الضحكة): ممم.. 

أنير (كعاود ليها من نيتو): هاديك لي كُنت واگف معاها ملي هُوَدتي.. جات يوماين هادي عاود باغيا تبارك.. 

فيونا (شافت فيه قبل مايكمل مخنزرة وهزات راسها تجاوبو فودنيه كيما دار على حسااب صوت الغنى لمجهد): علاش تخليها تعنقك؟ 😾

أنير (هز راسوو مكرشخ بالضحك على الطريقة باش هضراات ماسحاابش ليه شافتو.. حتى حبس على خاطروو ورجع كدقق فحجبانها لي عاقدة وفمها لي جامعة بطريقة حلوة عاض قنوفتو التحتانية على شحاال ونطق): يا دينك واليوم ناكلك.. 😍

فيونا (دوراات وجهها مهربااه منو): 😳

وقفاات عليهم بشرى كتصلي على النبي هي والنگافاات حتى ناضوو طلعوو.. جرااو على العريس لبس الجبادوور و بلبسوها هي قفطاان دياال الموبرة فلخضر الملكي ديااال الحنة بطرحتوو صغير وتااجو ونزلو تاني.. 

كيبانو ليك غاديين بجوج وسط دوك الشجيراات لي ما سامحيين غير شوية ديااال الأشعة تمر وتلامسهم.. بكل رااحة وعفوية وبخطواات هادئة كيخطييو متمسكيين بيدين بعضياتهم مرة مرة كيدوور يشووف واحد فيهم فلاخر بكل حب وهيااام.. حتى من دقاات قلبهم كيحسو بلي كلشي كان غيسمعها لولا صوت الموسيقى المرتافع.. 

عاونها راد ليها لباال كيقااد معاهاا حوايجها حتى شداات بلااصتها ووسطاسيوناات عااد مشى..

🎵🎶 يالله يالبنات قولوو لجيرانااا.. يجيبوو الزغراتااات الليلة ليلة الحنة..

🎶🎶 حبيبي غدا يجيبلي هدية.. دفووع وعساوة ودقايقية.. 

🎵 كلشي يفرح معانا وأنا فالعمارية 👰🏻

جاات النقااشة قداامها حطاات ليها مخدة مطروزة وخداات يدها عندها.. 

كتهضر معاهاا فيونا وكتوصي فيها دير ليها غير صبيع صغييور خفييف وماتكثرش ليها.. وقف عليها منصف بااس راسها وگلس حدااها فرحاان بيها.. 

تبعوو سيدوو وقف من الجيهة لخرى.. هز يديها ليسرية باسهاا ليها وووشوش ليها فودنيها قالبينها ضحك مامسوقينش لشوفاات مروى ومهدي لي مقاابلين معااهم وماحاملينهمش أما حتى مريم ماكانتش مساالية حاضية غا أنير فين غادي ومنين جاااي وشكيديير.. 

يتبع ...