شريك القرن 21 الجزء 18

وقفوو فالرومپواان لكبير وتسناو حتى جات coa تاني وركبو.. ماحطاتهم حتال حدى واحد السونطر كوميرسياال فحاال لمول صغير غير هو مامغطيش فيه غير لمگزاات لكباار والوسط منو لسماا مامسقفش.. كملوو على رجليهم حتى وصلو لييه.. وما ان تمو داخليين بدات الشتاا كتنقط.. 

دارو فدوك الماركات من وحدة لوحدة.. أنير لي داز من حداها كيجرها معاه.. لي جاكيط.. كابتشوات فالشكال وفحالهم تريكوات بلا سنسلة وبلا قب.. برودكانات سبرديلات.. استغل الفرصة مادام جاو جاو ونيت الشتا فطريقها شرى حوايج دالبرد ليه هو ياها على دوقها.. 

خارجين من اخر محل يديه تقريبا عامرين عكسها.. خشى ليها فراسهاا طاگية وجر ليها القب فوق منها وجرها لسيبر مارشي لي تم.. خلاو رحيلهم على برى ودخلو باش خداو التخربيق دسپانيا من فرومااج ومعلباات والشوكولا وشيپسات وتخربيق قبل مايتاجهو ديريكت لطريق الرجعة.. 

جرهاا عندو حاضنها تحت جناحوو رغم أنو مثقل بداكشي لي هااز حتى فاتو لفرونطيرة ووقفو حالين االطموبي.. حطو فيها گاع لي فيدهم.. ركبوو مع بدا كيطييح الظلام.. ودعو مدينة الناظور مغادرينها وراجعين أدراجهم..

🎶ديرولهــا لعقل بلـي

راني نبغيها ومزال هي عمري

راني معاها انا فيدال جامي شونجي يااا

راني راني راني 

نقلهالك اون جنرال هي عمري 🎶 نخمم فيها ليل ونهار مشي غرضي

ياحاجا بيزار مشي نورمال حياتي بلا بيها🎶 يا صحابي وجيراني وفاميلتي گــاع يعرفوها

سكنتها قلبي ودخلتها داري وسميتها المدام.. يــا والله نيتي نعطيها اسمي ندير معاها الـدار يا يا يااا 🎶💚

بالطاگية فووق شعرهاا المطلووق مخشية وسط كابيتشوه بعد ماحدياات القب.. حاطة راسهاا فوق كتفو ويدها فيدييه على لبوااط أڤيطييس.. متبعة حركة السويگلاص والقطراات لي كيطيحو على الزاجة القدامية.. كتسمع للكلمات ومرة مرة كتحس بيه باس ليها راسهاا بحناان.. ✒Rayhanee Elmahdi Ahmed Regraguii

خشات يدييها فجيبها تجبد التليفوون لي حساات بيه كيڤيبري.. نقصاات شوية الصووت بنفس اليد بلا ماتتحرك وجاوباات.. 

فيونا: أحبيبي.. الحمد لله.. راه ماكانش الريزو لداخل داكشي علااش.. نوو راه شادين الطريق.. (بعدات شوية الطيل على ودنيها شوية) فين وصلناا؟

أنير (عينيه مرة عليها مرة على الطريق): بركان..

فيونا (فالتيليفون): سمعتيه؟ غير تعشااو عيانين والله.. أميين تصبح على خير.. واخاا حتى أنا كنبغيك😽 

أنير (تسنى حتى قطعات): وأنا؟

فيونا (جمعاات فمها وهزاات راسها عندو حاطة دقنها على كتفو وجامعة ضحكتها)

أنير (خطف من قنينفاها بوسة دغيا): خلى داار شرك 😍

فيونا (تخشات فيودو): غتقلبنا ههه 🤭

فالداار عند منصف.. من مور ما قطع مع بنتو رجع للصالوون فين گالس كلشي.. بشرى وصطوف وعبد الحق ومرتو وبناتو.. اما حتى من شرف وولادو من مور العرس مشاو لداهم..

هضر منصف مع زينوبة باش تحط لعشى بما أنهم ماغيتسناوش فدوى وأنير وگلس حدى الضياف لي عاد تزادو عليهم ديك لعشية متبادل معاهم أطراف حدييث عادية على الحال والأحواال والجديد فهاد الفترة لي داازت وماتشاوفوش فيهاا تحت نظرات مصطفى المتأثرة.. 

سطاسيونااو قدام باب دارهم.. هبطاات حاضنة الشاسياات دماكدو لي دازو جابو معاهم عشاهم منو.. تضارباات مع الساروت حتى حلات البااب ودفعاتوو بشوية خوفا على ليون لي كيتسنى ورااه ولي بقى مع المرى لي مولفة كتجي تجمع ليه الداار وتخملها.. حطاات داكشي من يدهاا وهزاتو راجعة بيه عند أنير.. 

فيونا: تهلات فيك الحاجة أبيبي؟ هاا؟ توحستينيي مامي.. (باستوو ووقفات حدى الكوفر)

أنير: غير دخلي أعمري على البرد.. 

فيونا: غير عطيني ننقص عليك شي حاجة.. 

أنير (هز يدها باسها ومد ليها غير شي حاجة خفيفة): طلعي أدلالي هاني وراك.. 

سبقاتو بخطواات.. سد الكوفر خاويه كامل فيديه وتبعهاا.. تسناتو دخل وسداات وراه لبااب عاد حسبو الدرووج.. 

طلقاات ليون.. حيدات حوايجها الفوقانيين تعشااو هو اللول عاد دات لبلاصتيكاات دالكوزينة دخلاتهم حطاتهم فيها وبدات كتفك فيهم حتى حسات بيه وراهاا.. دار يدوو معاها وردو كل حاجة بلاصتها.. خرجو لمرااح خداو الباقي فيدهم وطلعو طافيين الضواو وراهم.. ديريكت للبيت.. خلاو الساشيات كيما هوما فالبلاصة لي فيها الدريسيينگ حتال من بعد.. دخل أنير دوش بالخف وخرج.. لقاها مخشية بلاصتهاا وليوون متكي على رجليهاا.. كتخربق فالتليفون من موور ما طرفات حالتها حيت باقا فلپيريوود.. بدلات حويجااتها وجمعات شعرهاا بطريقة مهملة لفووق.. 

بعد لغطى وطلع حداهاا كيشوف فيها شنو كديير.. 

مع گلس وهز يديه تگعدات شوية حتى دوزها وراها وتكاات عليها..

أنير: شتا فيها؟ 

فيونا (مركزة مع شنو كدير): كنصيفط لمنصف التصاور.. 

أنير: عنداك تصيفطي ليه شي وحدة من ال.. 

فيونا (دارت جنب عندو حابسة ضحكتها): نائح 🙈 ماتخافش هه

أنير (عضها فحنكهاا بالشوية.. مد يدو هز تيليفونو لي مبرونشي فالشارج وعاود تقاد فگلستو جارها عندو كثر بيدو لي حاط على خصرها): سيفطيهم ليا انا.. 

فيونا: واخاا 😇

أنير (ميل راسو خشاه فعنقها وتنهد كيشم فريحتها الفنة): سربي.. 

فيونا (هرها بلحيتو ونفسو وشفيفو لي تحركو على لحمها): اححح.. ولا ههه 

أنير (بلعاني بنفس الطريقة): شتا لي أحح؟ شتا درت؟ 

فيونا (كتفركل باغا تتفك منوو): واااع هههه ولا ولا ههه زگاا 😹

أنير (كيضحك وكيزيد يتحرك باش يهرها كثر)

فيونا: هههه أنييير هههههه حرام علييك.. غاتصد ماشية شي كارثة 😹😹😹

عند منصف لي كيشوف فالتصاور لي وصلووه بابتسامة.. گالس فوق الناموسية فبيتها.. حاط مخدتها على رجليه ومكالي بيديه فوقها.. كيفكر بشروود حتى سمع صوت الحركة.. 

هز راسو جيهة البااب وهي تبان ليه جاية جيهتو.. من مور ما غسلات لماعن ومشات البيت مالقاتوش.. عرفاتو غيكون طلع لبيتها كعادتو هاد اليومااين وان صح القول من نهار تزوجات.. بقى كيشوف فيها حتى وصلات حداه وگلساات مدورة يدها على ورا ضهروو من لتحت.. 

زينب (شافت فتيليفونو): ولاو؟

منصف: اه.. 

زينب (شافت فيه): توحشتْها؟

منصف: وايــــه.. 

زينب (حطات يدها على شعرو لي مكتاسحو الشيب كتلعب فيه بلطف): حتى هي تكون توحشاتك.. غدا إن شاء الله وتشوفها.. 

منصف (هز يدو دورها عليها معنقها عندو وتنهد قبل مايهضر): إن شاء الله..

زينب (بدات كتدوز فالتصاور والطيل باقي فيديه): جاو زينيين 😍

منصف (باسها فراسها فوق شعرها وهي دايرة)

زينب (دارت عندو): حتى مليلة راها تبان زينة.. 

منصف: دابا نديك ليها أحبيبة..

زينب (باستو فحنكو بالجهد): الله يخليك ليا ❤

منصف: ويخليك ليا.. (عود باسها.. سهى شوية كيفكر فكبدتو وفالوضع لي هوما فيه ومزال ماقدر يولفو ويتعود عليه) يالله نزلو نعسو..

زينب (حركات يدها كتطبطب عليه حاسة بلي ضارو): يالله ترتاح.. (ناضو من تم وهبطو بهدووء فحال لي طلعو بيه)

ولم أقع في الحب، لقد مشيت إليه بخطى ثابتة مفتوحة العينين حتى أقصى مداهما..

إني واقفة في الحب لاواقعة في الحب،

أُريدك بكامل وعيي. 💚

دايرة جنب جيهتوو.. مكالية بكوعها لي حاطة على المخدة ديالها وكتشوف فتقاسيمو وهي كتلامسهم.. 

كان مسترخي على الاخر.. مستلقي على ظهرو.. مدور يدو من تحت خصرها ومغمض عينييه مستسلم لحنانها الفايض عليه..

خلعها فنصاصاات ليه وفاقت قافزة مني حساات بيه كيتحرك بانزعاج غير معتااد.. وزادت تأكدات بلي كان فعلا كيحلم حلمة خايبة مني سمعاات أنيينو كأنو كيتألم بشي حاجة فاش ترخفات من بين يديه وشعلات الفيوزة لي حداهاا.. 

دوزاات كفها على راسو وشعرو كتسمي الله وتقرا عليه فالمعودتين وآية الكرسي بصوت مسموع حتى حل عينيه..

على اثر تلاوة سورة البقرة لي طالقة.. كتحرك يدها على لحيتو وخدودوو ونصف فوجهو المخضر بنوع من الخوف على حالتو لي مابقات فاهمة فيها والو وتحولو لي تخربق ومابقاش حتى كيكمل ولابقى ليه وقت مگاد.. وحتى باش تسولو ماقدراتش تجبد معاه الموضوع عارفاه حساس بالنسبة ليه.. 

فوسط حيرتها وتفكيرها دار على جنبو جيهتها وتخشى وجهو فصدرها مزير عليها كي شي دري صغيور هارب لحضن مو.. تقاداات حتى هي وزيرات عليه مغلغلة صباعها فشعرووو كتحركم حتى حسات بيه غفى.. 

فالصبااح.. صبااحهم هوما لي هو لحداش من دون الناس.. فلبروميير كيفطروو.. أنير گالس كياكل وهي حدااه حاطة راسها على كتفو مبوقة بالنعااس.. بزز باش تحركات ليه من بلاصتها بعداا.. مرة مرة كيطل عليها ويبتاسم حابس ضحكتو.. كلا وسالا وهي باقة على حالها.. هز زلافتها دالكوفليكس فيدوو وبدا كيمد ليها لفمها بمعلقة بمعلقة بلا مايتحرك ولا يدوور.. حدو كيشوف فيها بنص عيين حتى كمل.. 

حط داكشي من يديه وجر شي ورااق كانو حدام من الجيهة لخرى لقدامها.. 

فيونا (شافت فيهم ملامح وجهها باقين خاسر): ديالاش هادو؟ 

أنير (ماجاوبهاش.. هز تيليفونو كيخربق فيه ملهي مع ليون لي حتى هو كيفطر حداهم)

فيونا (قرباتهم عندها كتقلب فيهم حتى قرات سميتها وصدماتها تحتها سمية المؤسسة وديالااش): وااااع أنيييييير😰😭 (وقفاات وتلاحت عليه معنقااه بالجهد)

أنير (غفلاتو حتى رداتوو شوية اللور): هههه 

فيونا (بعدات وجهها شوية عليه): مانسيتيش 😿

أنير: الى نسيت صوالح مرتي شكون يتفكرهم؟ 

فيونا (شدات ليه حناكو بجووج وباستو فواحد فيهم مطولة)

أنير (خلاها حتى سالات): مانيش باغيها تم.. 

فيونا (دارت راسها مافهماتش وبغاات تتسل من يدو)

أنير: راكي تهّربي لمك ههه 

فيونا: هااء ونوو ياك غنمشيو لكاغفوغ Carrefour.. 

أنير: هممم (حرك راسو بمعنى وأنا نتيق)

فيونا (حبساات ضحكتها مخبية زعماا وشداتو من يدوو كتنوض فيه): طلع تلبس بينما غسلت هادو دغيا.. 

أنير: غي طلعي نتي انا نديهم.. أنا دغيا نلبس.. 

باست ليه يديه لي كانت شادة وطلعات عارفااه غيغسلهم معاه.. كمل هو وتبعها.. لقاها قدام لمراية كديير فالريسييل.. لابسة تيشورط بيض كم مفضفض خاشيااه فسروال تجين طااي اووط ووخا جاي واسع شوية على طولتو الا ومبين فصالتها.. داز من حداهاا كيطلع ويهبط حتى دخل جيهة الدريسينگ وعاود رجع طل عليها.. 

أنير: راهم يعجبوك كابيتشواتي؟ 

فيونا (تلفتات عندو ما فاهمة والو): شنو؟ 😳 

أنير: لي كابيشوو دياولي..

فيونا (كتسد فالريسيل وهي كتشوف فيه): مالهم؟ 

أنير (عارف الجواب غا كيستدرجها): راهم يعّجبوك؟ 

فيونا: سي.. 

أنير (خلاها ودخل فين كاين الدريسينگ)

فيونا (دورات عينيها فبلاصتهم عاقدة حجبانها): علاش؟ 

ماجاوبهاش.. دغيا بدل حوايجو وخرج عندها هاز واحد فيدوو.. وقف قدامها وحلو حتى خشات يدها فيه وقادو على شعرها المطلوق وكتفها وشد فيها وهبطوو.. 

حطات الورقة لي كانت فيدها دالمستلزماات لي غيخصوها فقرايتها.. گلساات فالأرض كتلبس فسبرديلتها على تقاشر طالعين شوية طوال وفيهم زواقة فالجنااب.. 

خشى رجليه فالصبااط مبتااسم كيعجبو ستيلهاا والحماق لي كدير مامسوقاش للبشار ورأيو فيها وفاش لابسة.. 

هزاات راسها كتبعد بيدها شعرها لي هجم على وجهها وهو يعض على شفتوو السفلية كيحرك فراسوو ومد ليها يدو باش يعاونها تنووض.. 

تأكدات من تيليفونهاا هزاات ليون عنقاتوو.. شد فيها أنير وخرجو مع البااب.. 

يالله غاديين جيهة الطموبيل وقفهم صوتوو لغلييض.. 

يعقوب: فدوى..

مع سمعات الصوت تسعقاات.. كرشها تهزات من لداخل ويديها بردو عليها.. ماعرفات شداك الاحساس لي هبط عليها.. شداتها فحال الخلعة.. دورات وجهها بالعرض البطيء لمنين جاي كتتمنى من أعماقها يكون غير تشابه ليها مع صوت شي حد أخر.. ولا يكون غير جاب ليها الله وحتى حد ماعيط من أصلو.. ولكن للأسف ظنها ماخابش.. بان ليها مكمل مشيتو جيهتها وراه منصف.. هادشي لي قدرات تركز علييه.. 

وقف يعقوب قدامهم ومد ليها يديه بضحكة جانبية باش يسلم عليها وهو كيتفحص فيها بعينيه بشوق..

يعقوب: Ça Va bien؟

أنير (بتباث وبحركاتو الثقيلة المعهودة واقف حتى يكملوو حس بيها زيرات ليه على يديه)

فيونا (ماكلفاتش راسها تطلق من أنير.. خلاتو بلاكة وكتفت تجاوبو ببرودة متداركة الوضع وهاز راسها بثقة): الحمد لله.. 

يعقوب (شاف فيدو باحراج وجمعها): سمَحلي.. (شاف فأنير) راجلها ياك؟ سلام.. 

أنير: وعليكم السلام.. 

يعقوب: أنا ولد عمها.. يعقوب..

منصف (مفسر كثر): ولد خويا طه الله يرحمو..

كلهم تقريبا (بصوت واحد): الله يرحمو.. 

أنير: متشرفين.. 

يعقوب: هي (شار للبنت لي معاهم) صونيا بنت طاطا مليكة.. (شاف ففيونا) عقلتي عليها؟

صونيا (شارت ليهم بيدها مني توجهو ليها بأنظارهم): 👋🏻

فيونا (شافت فمنصف)

منصف (فهمها): كانو باغين يحضرو للعرس ومالقاوش طيارة قبل.. فاش ماتعشيتوش معانا لبارح بغاو يجيو يشوفوكم ويباركو ليكم.. 

يعقوب: واه.. exactement ولكن الى مشغولين ماعليش.. 

فيونا (بابتسامة صفرة): لقيتونا غادين ل Carrefour.. وشكراً على الجيسط.. 

يعقوب (قاطعها باغي ينتاهز الفرصة): حتى حنا كنا باغين نمشيو لي.. (حبس كأنو غير زلقات ليه وماقاصدش يگولها باش يمشي معاهم) 

أنير: رواحو معانا ماعليش.. 

فيونا (هزات فيه راسها دغيا): 😳

أنير (هز يدها لي باقا مزيرة عليه بيها باسهاا): 😘

هبطات راسها وسكتات وخا ماحملاتهمش يلسقو فيهم.. حل أنير الطموبيل بالكونطاكط باش يطلعو وبقا واقف كيتسنى فيونا لي عنقات منصف بيد وحدة وباستوو.. دوات معاه دغيا.. بغات تخلي ليهم ليون ساعا خافت عليه من دوك العقروشاات.. تفارقو وطلعو.. تقادو فبلايصهم.. 

عنقاات ليون ملاهية معاه حتى بانت ليها يد أنير تمدات ليها.. شدات فيها وهزات فيه عينييها.. غمزها بضحيكة.. شاف قداموو وزاد.. 

ف Carrefour.. دافع الشاريو قدامو فيه ليون وهي حداه حاطة يدها على دراعوو بارتيااح كثر.. مجمعين تفكرو أول مرة جااو ليه بجووج واش وقع.. كيهضروو ويدورو ويجمعو فالتقدية لي خاصاهم فالداار.. وراهم يعقوب مركز معاهم وكيسجل تصرفاتهم ويستنتج من كل حركة بيناتهم نوع زواجهم وعلاقتهم.. معصب ومفقووص وفنفس الوقت كيحاول يتحكم فأعصابو ويضبطهم باش مايبينش ولا يزهق منو الشراار دالبركان لي داخلوو متجاهل تبلبيل صونياا لي كتعبر مني دخلو حتى تواراو على أنظارهم.. استغل الفرصة وداز شرى حتى هو شي لعيبات كدليل على صدقو فاش گالهم بلي بغا يجي.. 

من مور ماكملو من بلاصة لمشااش دازوو كيقلبو على بلاصة لكتوبة والادوات.. حالا فيونا شاسية فيها طريفات صغار فحال الكونفليكس ولابيمو كل مرة كتمد منها ليوون شوية.. 

وصلو للرفوف لي باغيين.. جبدات الورقة من جيبها وبدات كتهز داكشي لي فيها والاساسي لي خاصها.. هي كتهز وحدة من الحاجة وهو كيزيد منها جوج خرين ويجر معاه اي حاجة كيبان ليه أنها تقدر تحتاجها باش تلقاها واجدة عندها فالدار.. ستوقفااو امبريمونط صغيرة كتبرونشا غير مع التيليفوون.. هزها كيقلب فيها وفلي أوپسيوو ديالها قبل ما يحطها فالپانيي ويتبع فيونا لي مارداتش البال لتوقفو.. 

تتقدم بخطوات عندها قدام تستيفة دالرواياات.. كانت هازة شي ثلاتة كتقلب فيهم حتى نطق كيقرى عنوان احداهم.. 

أنير: ولن تجدي رجلا كأبيكِ..

فيونا: همم.. (هزات راسها فيه كأنو عاد وصل لمسمعها شنو گال ولاعاد تحلو شيفراتو فعقلها.. بتاسمات عينيها فعينيها وجاوباتو بلمعان غريب فيهم وبنبرة كلها فخر واعتزاز) أنا وجدت 💚

أنير (ضحك وتحدر مقرب عندها كيبعد الشعر على وجهها ويشوف فيها شوفات غياكلوها بحوايجهاا): تعّرفيني نشد روحي عليك بالسيف.. 

فيونا (زاادت هزاات راسها مكمشة نيفها وفمها فحال خنيفسية دالدراري الصغار وكتفرنس)

أنير (جمع ليها حنيكاتهاا بصباعوو حتى تبغجو هوما وفمهاا وحتى كاان كيبوسها فشنايفهاا وقلب الدورة لحنكهاا مجنن بحركااتها): العّمْر 😍

فيونا (غير طلقها خشات يدها تحت دجاكيطتو ودوراتها على ظهرو): لقلِيَب

يعقوب (بخطوات بطيئة): كملتو؟ 

فيونا (تلفتاات جيهة الصوت وعاودات هزات راسها فأنيير باقا مخشية فيه مخلياه يجاوب)

أنير (حدر راسو حتى هو عندها): مداامتي باقي خاصها شي حاجة؟ 

فيونا (كتشوف فيه بعشق و فكيفاش تعاملو وشخصيتو كتقدر تمتص أي شعور سلبي دخلها): نائح.. 

أنير (من قدرش يقاوم كمية لكيوتنس لي بين يديه.. تحدر باس نيفهاا قدامهم مامسوقش كعادتو وهمس ليها): ناكلك 💔.. (شاف فيعقوب) واه.. ساليتو نتوما؟ 

يعقوب (بابتسامة صفرة خافية فقصتو): وي.. (صونا ليه تيليفونو.. كانت بشرى كتزرب فيهم على قبل لغدا فاش قطع شار بيديه لوراه) حنا غنسبقوكم للتحت.. 

مشاو نيت.. داز أنير وفيونا لاكيس بشوية عليهم حتى خلصوو ورجعو فحالهم للدار.. خلاو كلشي فالطموبيل وطلعو لدار باهاا يتغداو هو اللول.. 

من موور ما سلمو عليهم دخلو للصالة.. فيونا طلات عليهم فالكوزينة وطلعات وليون حدا رجليها لبيتها لفوق.. باقا فالدرووج دوزاات النمرة وتسنااتو يجاوب..

فيونا: عشيري.. 

سيدو: وشكوون تفكرنا ههه كي راك غايا؟

فيونا (دخلات وردات موراها لباب): فينك ماغتبانش؟

سيدو: راغاتلي شوية هدا بشرى ناكل الرفيسة وندوز.. 

فيونا: راني أصلا تم حتى أنا.. فاش توصل طلع عندي لبيتي لفوق؟ 

سيدو: وشتا تما؟ ماعجبتيليش.. 

فيونا (گلسات حدا الطابل دونوي كتجد شي تخربيق وتردو): حتى تجي أسيدوو.. 

سيدو: هاني طرييگ..

فيونا (قطعاات)

يعقوب (دق فالبااب ماتسناهاش حتى ادنات ليه ودفعوو شوية حتى دخل وردو وراه)

فيونا (هزات راسها جيهت مطلعة حاجب ومهبطة لاخر): خير وسلام؟

يعقوب: بغيت نهضر معاك.. 

فيونا: هاد الهضرة ماغتخرجش الى كان الباب محلول؟ 

يعقوب: وأش فيها الى تسد الباب كنعض؟ 

فيونا: فحال داكشي.. (بحدة) حل الزمر ويكون حسن الى هبطتي فحالك كاع.. 

يعقوب (حلو باستسلام غير بيده بلا ما يتحك أصلا كان واقف حاط ضهرو غا على الحيط لي حداه): لهاد الدرجة ماباغاش تتجمعي معايا فبلاصة وحدة؟

فيونا: علاش كان عندك شك؟ 

يعقوب: اه

فيونا: اوا قطعو دابا باليقين.. 

يعقوب: توحشتك أفدوى

فيونا (دارت رجل على رجل وجاوباتو باستهزاء): ماعلماتكش ماماك تحتارم مرات الراجل؟

يعقوب: اش هاد قلة الادب لي وليتي كتدوي بيها؟

فيونا: ماكاينش شي قلة ادب كثر من هادشي لي كدير فيه دابا.. 

يعقوب: ماكنتش عارف بلي نتي لي تزوجتي.. 

فيونا: هانتا عرفتي اولد عمي 

يعقوب: علاش هاد البرود كامل؟ عمرك كنتي معايا فحال هكا؟

فيونا: شكون نتا بعدا راه ولى فيا الزميمر؟ (جا يدوي وقاطعاتو) خليني محتارماك على وجه الدم لي بيناتناا ✋

يعقوب (بقا كيشووف فيها مصدوم من هاد الجفااء)

سيدو (من البااب): الحب.. (مع لاخر مضرگ بالحيط ماشافو حتى دخل) يعقوب؟ (تبلوكا حتى عنقو لاخر كيسلم عليه) 

يعقوب: فين أولد عمي؟

سيدو (كيشوف فيها مصدوم): هاحنا.. وقتاش جِيت؟ 

فيونا (قلبات عينيها باشمئزاز)

يعقوب: لبارح فلعشية وصلنا مافخباركش؟

سيدو: ماگالوليش.. 

يعقوب: ماشفتيش صونيا لتحت؟

سيدو: طلعت طريگ (ديريكت) على سلامتكم.. (مشا گلس حدى فيونا)

يعقوب (سكتو حتى فهم راسوو): مهم أنا غنزل.. (دار فحالوو)

فيونا (بصوت شبه مسموع): الطريق لي تديك ماتردك 😾

سيدو: شتا جابو هدا؟

فيونا: عاد طفات عليه الشمعة.. گالك العرس.. 

سيدو: اا.. 

بشرى (من لتحت): فدوى.. فدوى 🗣️ هودي تتغداي.. 

فيونا (بالجهد): هاني جاياا أ ميمااا.. (شافت فسيدو) نوض أخويا نوض قبل ماتبدا تنگر 🙆🏻

سيدو (ناضو كيطبطب عليها): ههه توحشتك مك يا لهبيلة.. 

فيونا: حتى نتا 😒

سيدو: ههههه متگوليهاش 

فيونا: ايخان تفوو

نزلو لعندهم مع القصرية لي تحطاات.. خنزرات فالزرمة لي مقابلة مع أنير وگلسات حداه مامسوقاش للاخر لي لايح عينيه عليها بحصرة.. واصلة فيه للعضم من جيهتها خصوصا من موور الهضرة لي دازت بينو وبينها ولس زادت حكات ليه الملح على الجرح ماشي غير حطاتو.. 

نهار هضرات معااه مروى باش يجي يحضر العرس اكتفت أنها تگوليه غير عرس بنت عمك ماحدداتش ليه شكون فيهم وطبعا هو مشى بالو مع مريم ختها مستبعد تكون فدوى المقصودة.. 

اصراارها خلاه يفكر فالموضووع منها نيت يشوف حبيبة القلب.. ورغم ان مو مابغاتوش يمشي عندهم ويوصلهم دار لي فراسو ونزل.. وما إن حط رجلو فالمغرب تصدم صدمة حياتو.. اخر حاجة كان يتوقع أنها ديرها رغم لي وقع هادي عاماين هي تتزوج ولا تربطها شي حاجة بشي حد أصلا.. 

كان يعقوب وختو باقيين صغار فاش مات طه بسبااب الطونسو لي طلع ليه وبوشا ليه عرق فالراس.. ووخا عيات بشرى ومصطفى يقنعو فمرتو مور لعزو تبقى معاهم ختارت تمشي عند واليديها لفاس رافضة أي مساعدة منهم رغم علاقتهم الطيبة معاها مكتافية بزيارتها ليهم كل ما سمحات ليها الفرصة مدية ليهم حفادهم يشوفوهم ويشمو فيهم ريحة ولدهم لي ترزاو فيه.. 

توالاات السنيين.. صيف مور صيف كيتجمعوو مع گاع ولاد عمامهم فالسعيدية بما فيهم فيونا لي كانت كتصغر يعقوب بخمس سنين.. كيلعبو ويتبحرو وخرجوو كاملين.. 

عام على عام حتى لقااو راسهم كيكبروو.. كتبرز شخصياتهم وميولاتهم لي كتقربهم لوحدين وكتبعدهم على خرين على حسب العقلية.. 

شد يعقوب الباك وسيفطاتو ماماه برى باش يكمل تخصصو وهكاك مابعدش بالعكس زادت توطدات علاقتو بسيدو وبفيونا كثر.. كيعيط ليها بالسوايع ويسيفط ميساجات ويسول كل شوية حتى لقى اعجابو بيها تحول لحب وولى يتسطى عليها.. 

اهتماامو بيها وشخصيتو لي كانت كتبان ليها فداك الوقت زوينة غيير زينو الخارجي.. حبو لي كان كيبينو كل ما سمحات ليه الفرصة حركو مشاعرها تجاهوو وحسات براسها حتى هي كتكن ليه شي حاجة خصوصا أنو كان محتارم راسو ولازم حدودوو.. مادازش بزااف وتخرج وبما أنو ففرانسا ومن المتفوقين شدووه تم ووظفوه ديريكت الشي لي خلاه يفكر يستقر نيت ويكمل دينو وخا باقي صغير.. گال لمو بلي بغا بنت عمو وما بغاتش ليه متحججة بأنها يالله بعلوكة بنت سطاش العاام وداصرة ماكتحشمش زيادة على مها لي ما عندهااش.. ماشرفهاش هي بنت القاع والباع تاخد لولدها ملقطة على قولتها وخا عندها باهاا.. التجأ لجدوو تدخل هضر معاها باش تخليه على خاطرو يختار شكون ما بغا وهكاك ما بدلاتش رأيها وولات يالالة هي لي عرگات عليهم وكبراتهم ورباتهم وأدرى بمصلاحتهم.. مابغات حتى حد يتدخل فيهم ماحشمات ما مرگات ومادارت بحساب المراعية لي راعاو ليها ولا احتارمات كبر سن السيد لي كيهضر معاها ومكانتو وهنا ناض ليها منصف وسمعها لمنقي خيارو وكملات فاش عرف هضرتها على بنتو.. تفرگت عليها تفرگيعة ربانية طعطع عليها بالبياان ومن ديك الوقيتة ليومنا هدا وهوما مقاطعين لاهي كتوصلهم ولا هوما حاسبينها حتى واش كاينة.. البنت كتعيط لجدها وجداهاا بالتخبية والدري من دوك ليام مابقى بان اثر حتى من التيليفون قليل فاش كيعيط وماكيهضرش مع فدوى گاع مع أنها عمرها ماكانت كتفكر فالزواج ولا كانت باغااه.. هو لي گال وهو لي جبدو وهو بنفسو لي نهار مابغاتش ليه ميمتو وعند أول رفض غبر.. 

وجاي دابا بوجه حمر گالك توحشها.. الوحش هو لي غيخلي دار عشتك أحبيبة 😹

فاجئهم خبر قدومو وهكااك كيبقى ولدهم ماغاديش يحبسوه ومدام جاي وعارفو عرسها الا وصافي غيكون نسى القضية.. وداكشي تسد وسالا ديك الوقيتة نيت يعني ماكان لاش يفكرو فيه ولا يجبدوه وعلى داك الاساس تصرفو.. 

حطات يدها فالقصرية وهي تجرها دغيا من السخونية كتسووط عليها.. بتاسم أنير حداها هز الدغمة حتى بردهاا ومدها ليها لفمهاا.. شافت فيهاا عاضة على شنافتها التحتانية.. ردات شعرهاا ورى ودنيها وقرباات كلاتها من عندو.. باقا كتمدغ فيها حتى كتسمع بشرى.. 

بشرى: اويلي على فگايعي.. نوضي من تما جيبي ليك معلقة خليه عليك الراجل ياكل فخاطرو 😠 

فيونا (هزات عينيها مع سمعات صوتها بان ليها حتى لاخر كيشوف بنص ابتسامة وبسخرية خلاتها حتى سالات وهزات كتافها بتمرد): ناء غير خليه يوكلني.. 

بشرى: والله يا.. 

مصطفى (تدخل مقاطعها): خطيها عليك هههه

بشرى: مالها باقة بزة باش يوكلها 😒

مصطفى: بيناتهم ههه

فيونا (خرجات ليها لسانها وخدات تاني من يدو متجاهل الزمر لي قدامهاا وبنات عمها لي كتحس بيهم غياكلوهاا بعينيهم ماحاملينهاش): 😝

كملو داك لغداا وناضو فحالهم وخا عياو يشدو فيهم أنير بغا يمشي يرتاح.. هز ليون وسبقهم فالدروج حتى تبعاتو هي ومنصف معانقين.. 

منصف: مني دفنوه مابقاو زاروه 😒 (غبرات زعما)

فيونا: حتى تمشي ديك قشبال وزروال.. 

منصف: غدا غيشدو الطريق..

فيونا: تعطلوو لعرس سالا قرن وزمارة هادي.. 

منصف: هههه هازاهم على ضهرك؟

فيونا: نقصو علينا الاوكسيجين لهيلا.. (وقفوو حدى أنير) 

يعقوب (وتم هابط وراهم للباب ببوكس كان جايبو ليها قبل مايعرف بلي زواجها ومعاه شاصيا كبيرة فيها الكادو دالزواج.. مدهم ليها): هادو ديال العرس.. 

فيونا (شافت فيه ببرود): علاش عدبتي راسك؟

يعقوب: ماشي شي حاجة..

فيونا (خداتهم من عندو شاداهم من الطرف باش مايقيسهاش): شكرا اخويا.

أنير (كيشوووووف خاشي يد فجييب وليد لخرى فيها مشهم)

يعقوب: عفوا (دار رجع فحالو مخبي ملامح وجهو لي تبدلو ماحاملش تگوليه ديك الكلمة)

فيونا (حطات داكشي لي عطاها حدا رجليها وعنقات باباها ماعايراه حتى اهتمام): توحشتك 😿

منصف: حتى أنا أبنوتتي 💔 الدار خوات بلا بيك.. 

فيونا (هزات فيه راسها فحالا تفكرات شي حاجة): فخبارك غنبدا القرايا بعد غدا؟ 

منصف: فخباري.. خدا من عندي أنير لوراق باش قيدك.. 

ضحكاات ورجعاات عنقاتو كتشوف فأنير لي كيبادها نفس شوفاتها قبل ما تبعد ويخرجوو فحالهم داخلين لدارهم مدخلين معاهم داكشي لي شرااو.. 

طلعوو الفوق.. حطات الكادو مع خوتوو ودخلات للكوزينة كترد كل حاجة بلاصتها فينما ماعرفاتش فين دير شي حاجة تعيط لأنير لي طلع يبدل علييه وتسولوو.. 

بانت ليها ببواطة يعقووب.. مشات حلاتها وهي تلقاها عامرة شكلاط وبيسكوي وتخربيق من لي كيعجبها.. دورات راسها ليمن وليسر باستهزاء.. جبداات السطل دالزبل كباات فيه كلشي وتبعاتو كرطونتو وسدات.. 

هبط أنير عندها لقاهاا كدور تماا بسروالها مزير وشعرها لي كيتلاوح ويضرب فضهرها.. تلاح فوق الفوطووي هاز الطيليكومووند حاضيها من بلاصتوو.. كيمتع عويناتو بخيروو.. حلالا طيبا هههه

سالاات ودارت خارجة عاد لاحظات وجودوو تم.. قرباات حدااه وهو متبعهاا حتى تحدرات عليه بالعرض البطيء باستو فلحيتوو على أمهل من المهل معنكشااه بشعرها النازل على وجهوو.. يالله ستحلاهاا وتحرك طامع فحاجة خرى جمعات الوقفة جارة الكاپيتشو ديالو لي كانت لابسة وكان محطوط حدااه وزادت.. 

أنير (شمتاتوو سلتاات قبل مايشدها): رواحي لهنا فين غادا؟

فيونا (دارت مع الدرووج مابقات كتبان ليه): نبدل ههه 

أنير (ضحك عارفها بلعاني كدير فيه هكااك): هودي معاك تيليفوني أعمري.. 

فيونا: واخا.. 

قربات طريكوه لوجهها وخشاات فيه نيفهاا متنفسة بعمق كتشم فيه ريحتوو لي كتدبح قلبها دبييح 💔.. حطات طليفونها.. رداات شكانت لابسة لبلاكاار.. بقات غير بحوايجها دالتحت.. سوفيطما وكولوون على البرد لي تحرك.. هزاات بينوارها ودخلات تدوش.. 

گاالس هو لتحت كيقلب من قناة لقنااة.. ماعجباتو حتى زمرة وهو يقلبها يوتييب حتى كيسمع صوت تيليفونو.. نقص الڤوليم كيتأد.. كيصوني كيصوني حتى حبس.. ماكاملاش دقيقة عاود تاني وحس فيونا مقطووع.. شاف حتى عيا لبس فرجليه ونااض طالع بشوووية عليه لي بغا يموت يموت.. دقة دقة حتى وصل للبيت.. 

خرجات بپينوارها بعد ما مسحات شعرها دغيا من الما.. مشطاتووو وخلاتو هكاكااك هابط على كتافهاا حتى تسشورو كتزرب باش تهبط ليه طيلو لي كسر دنياا.. مع الخرجة غادا قاصداه بان ليها داخل حاط يدو على عنگرتو كيحرك فيها ومهبط راسو للتحت.. 

يالله بدات كترجع بخطوات صغار وبلا حس اللور هز عينييه وبانت ليه.. تقااد فوقفتوو كيحقق وكيستوعب اش قداموو.. كيشوف فيهاا بمعنى حصلتك مع ابتسامة شريرة عااد بدات كتترسم.. 

تحرك غادي عندها.. فطريو مد يديه على تيليفونوو بهدوء وورك عليه حتى سكتوو وطفاه فمرة بلا مايحيد عينو عليها عاد كمل خطواتو.. هو كيقرب وهي كترجع وترمش فيه عينيها ببرائة حتى مابقاش ليه بزاف ويوصل عندها وغدرها الحيط تاني.. مع بغات تسلت وتدخل من باب الدووش لي كانت واقفة قريبة ليه غفلها وحبسها بيدوو لي فيكسا على الحيط من جيهة خصرها.. 

بعيد عينيه على عينيها لي كان مفيكسي فيهم الشوفة وهبط راسوو كيدقق فشكلها وسط البينوار دالدوش لي لابسة لافت انتباهو لما لي مزال كينزل منها ملامس بشرتها الناعمة.. حرجها حتى هبطات عينيها مهرباهم.. حول نظرو لوجهها.. لحنيكاتها لحميمرين بسخونية الدوش.. شفيراتها لي مزاال فازگين وكترمش فيهم بتوتر محاولة ما أمكن ماتشوفش فييه من شدة خجلها من قربو وهي مالابساش.. 

زاد قلص المسافة لي كتفصل بيناتهم حتى ولاو رجيلاتها وسط رجليه وحطات يديها على صدرو لي من شدة قربو لقلبها مابقاتش عارفة كيفاش تتنفس براحة.. زادوها أنفاسو مني تحدر شوية مقرب لوجهها وحركة يدو لي تحطو أسفل ضهرها مقربينها ليه كثر.. مبنج بريحتها ومخدر بأنوتثها الطاغية الطفولية لي ماحتاجتش منها العناء.. بساطتها وطبيعتها وردة أفعالها العفوية.. خليط من مذهبات العقل الجائز تعاطيها.. لا وادمانها گااع.. 💔 

رفعات يديها بشوية كتتحسس الطريق لسبب هلاك قلبها.. لحيتوو.. ما ان لامسو شفايفو شفايفها كتبادلو فنفس الوقت قبلاتو المعبرة بشكل ماا فديك اللحظة بالدات على مدى قوة مشاعرو اتجاهها واشتياقو ليها..

بعد شوية مخلي ليها مسافة صغيورة باش ترد النفس لي تقطعات فيها.. كفو على خدها كيتحسسو بصبعو ابتاسم ابتسامة عريضة كتعبر على مافداخلو قبل مايهز ليها وجهها بطراف صباعو باش تشوف فيه.. 

أنير (غمزها): وشتا الهرابة 😉؟ 

سرط القط لسانها.. وقدام نظراتو الدافية اكتفت تزير على شفايفها حابسة الضحيكة كتشوف فيه شوفات بريئة كأنها ما دارت والوو.. زادت حدة ضحكتوو من شكلهاا وفعايلها قبل مايهبط راسوو خاشيه فعنقها كيتنفس من عبيرها ريحتها لي كتشبه لريحة لي bébé فنظرو.. وشرع فتقبيلها بحنان رجولي ومزيج بين المراعات والحروشية.. 

هزاات يديها فوق كتافو معنقاه مستسلمة لحبو المتدفق عليها رغم أنو كيهرهاا وكيجيب ليها التبوريشة بملمس لحيتو.. 

حكمها أنير وحكم قبضتو عليها رافعها من الأرض على وقفتها وتمشى بيها جيهة الناموسية.. 

$$$$$$$$$$$$$$$$$$$$$$$$$$$$$$$$$$$$$$$ (من وصايا جودي السبع 😹😈)

مخشية فحضنوو.. ظهرها على صدرو.. جامعها بدراعو لعندو ومعنقها بكل قوتوو.. كيحس بيها كتتنفس ببطيء وهدوء.. بعد وجهوو من وسط شعرها لي كان خاشيه فيه وهضر ببحة خافض صوتو وكاسر داك الصمت..

أنير: گبيلة.. فاش كُنا فالسيبرمارشي گولتيلي نتي لگيتي راجل كي باباك.. كُنتي ديريلي خاطري ياك؟ 

فيونا (على اثر كلماتو حركات راسها ودارت حتى ولى حنكها عند وجهو متلقية سؤالو وجاوباتو بهمس): نوو.. قصدت هضرتي.. 

أنير (سكت شوية كيفكر عاد زاد): وشتا ما درت ووخا نفني حياتي مانوصلش لشتا دار على قبلك.. 

فيونا : ماشي من ديك الناحية.. قصدت الشخصية.. الرجولة.. ردات فعلكم.. وطريقة تعاملكم مع الامور والمواقف وحتى معايا.. ديما كنحس بيكم كتفكرو بنفس الشكل وعندكم نفس العقلية.. زيادة على كمية الأمان لي كنحس بيها غير معاكم بجوج والراحة لي كنرتاح حيت عارفة بلي كتخافو عليا وماغنحتاجش ندافع على راسي مادام حتى حاجة ماتقدر توصلي بوجودكم.. (بعد ثواني) فهمتيني؟ 

أنير (كيشوف فوجهها لقريب منو ومن مور ماحلل كلماتها نطق): واه أگليع گلبي.. 

بااس حنكها عاجباه نضرتها فيه وفطبعو.. هز راسو شوية ونزل عليها ببوسات صغار مفرقين فين ماجاا بسم الله خلاها تتكمش فراسها وفلغطى لي مغطين بيه مزنگة من الحشمة رغم داكشي لي داز بيناتهم..

هبط أنير التحت بعد ما خرج من الدوش ولبس حوايجوو هاز تيليفونو فيدوو كيدوز نمرت بنت خالتو لي كانت كتصوني عليه حتى هضر معاها وقطع جبد من لفريگو واحد اللعيبات فحال لي كوكيط والفريت.. شعل على الزيت تسخن وجبد الفروتة.. 

مادازش بزااف دالوقت حتى دخلات للطاج هي وليوون.. بتقاشر صخان طالعين حتى قربو لركابيها مع تيشورط واسع وكبير مغطي النص ففخاضها والشورط دالتوب لي تحتوو.. منشفة شعرهاا المطلوق وماشطااه.. مكتافية ايلاينر خفيف بارز عويناتها.. هبطاات الريدو سادااه مادام طاح الظلام ودخلات عند أنير للكوزينة بمشية عادية.. 

لقاتو حدا المولينيكس.. باستو عضلات ضهرو البارز بحب ومشات للمقلة كتطيب فعشاهم.. قادو فطباسل وهوما كيغسلو أي حاجة ستعملو.. وخرجو لمراح فين كياكلو عادة.. 

حطات فيونا أخر حاجة بقات فيديها على الطبلة ومع گلسات حداه فوق الفوطووي.. خسرات وجها من الألم لي حسات بيه..

أنير (رد ليها البال): راكي باقا تتوّجعي أعمري؟

فيونا: غير شويكوكة.. 

أنير (كيرد ليها شعرها لوور بصباعوو): دروك نهود للفارماسيان نجيب شي پوماد تنقص عليك لحريگ.. 

فيونا (مدورة وجهها جيهتو): واخا.. حتى تتعشا.. 

أنير (قرب عندها وحط شفايفو الصخان على جبهتها باسهاا): رواحي تاكلي..

تعشااو فراحة وسلم العالم والدنياا.. مرة مرة تمد الماكلة لليون لي حاطاليه فوق الطبلة حداهم.. ومرة مرة يوكلها أنير حتى هي حتى سالااو وصل معاها لماعن فوق الطبلة وخرج.. 

غسلات داكشي.. مسحات يديها وجات خارجة كتعيط على ليون باش يتبعها.. وصلات لفين معلقة الورقة لي مكتوبة فيها العبارة دنهار بوعرفة ووقفات.. شافت فيها دقايق قبل ماتمشي تجيب ورقها دلي نوط فحالهاا.. تحنات على الطبلة حتى كتبات فيها ولصقاتها فوق لخرى.. بتاسماات كتشوف فيها قبل ماتطلع هي ولدها الفووق..

أنير (جبد سوارتو كيقلب على باش غيحل يالله غيطلع فالدرجات وهو يسمع صوتهم)

سفيان (قاطعين الشانطي لعند أنير وكيهضرو بالجهد ياش يسمع معانيهم): وشا خصهم لمزوجين فالزوافريا كيفنا أصاحبي؟

أنير (غير سمع صوتوو حبس ودار عندهم كيضحك)

سيدو : راك تشوف أخويا.. غير يجيبو لمرا لداار يگّلبو وجهم.. يگّفلو على روحهم تموت ماتشوفهّم.. 

يعقوب (تابعهم من اللور خاشي يديه فتجاكيطتوو.. كان واقف معاهم قبل مايبان ليهم السي لعريس)

أنير (لسفيان وهو كيسلم عليهم): تشوفني ليوم وغَدوا؟ بزاف هههه

سيدو: وااه السيد ولا عليه لحكام هههه 

سفيان (شادين فيه): ههه تبانلي غاياا.. زواج زين على هاد القيبال..

أنير (بنص بتسامة حافض طنزهم): ههه شتا خطيتكم نهار بغيتو ديرولنا فيها دراما ولا؟ 

سفيان: گلبت علينا وجهك گالا.. 

سيدو: من هادشي كامل بغيت نشوف غا بنت العم.. 

أنير (بغروور فارض كلمتو): مرتي ماهيش للشوف.. وتصبحو على خير راها بوحدها لفوگ.. (دار غادي للباب)

سفيان: منين يجينا الخير؟ ينعلبو لي يطول الخطبة عامين.. 

سيدو (جروو): ههه رواح لغبينا راهي فينا كاملين.. (زاد شوية ودار كيقلب على الزمر لي معاهم) تقرد تما ولا؟ (تبقى)

يعقوب (قاطع تفكيرو): هاني وراك.. 

سفيان: العشرة هادي الخوت نطلع نرتاح شوية.. صابحين نضربو الكورفي عاود..

سيدو: الله ييسر خوو.. 

سفيان: خليتكم على خير.. 

يعقوب: تهلا.. 

دخلو هوما من بعد مامشى عند منصف لريسطوو.. گلسو معاه شحال حتى بدات كتنقص الرجل شوية ونقصو لكلياان وهبط صطوف وبشرى وزينب.. معاهم صونيا باش يتعشااو عندو تما بعد مامشى عبد الحق ومرتو والعاقصات دبناتو لي ماحالفهمش الحظ فالفيلم لي بغاو يصنعو.. 

فقصهم.. وحسو بالشمتة.. تمحنو فاقناعو باش يجي غا هكااك على الخاوي.. 

مقابل سيدو مع صونيا SouŃita Gaûûar El مرة مرة كيهز فيها عينيه بلا قصد هي لي كاعما معبراه من أصلوو.. كل تفكيرها وجوارحها مع الدارجة لي ماكتسمعها حتى كترجع للمغرب وزاد فتركيزها كثر اللكنة واللهجة الوجدية لي ماكتسمعهاش بزااف خصوصا فالأعوام اللخرة فاش تقطعات صلة يعقوب ومو بعاىلة باه الله يرحمو.. 

مرة مرة كتخشي يدها فمقدمة راسها باش تقااد شعرها القهوي والمتوسط الطول اللور.. متبعا بعينيها الممزوج لونهم بين العسلي الفاتح والخزي كل واحد فيهم فاش كيهضر ويورك على مخارج الحروف.. كتخونها ابتسامتها بلا ماتشعر فاش كيطلقو شي كلماات.. منظرها من بعيد وبتحديد من فين گالس كيشد النظر.. خصوصا لونها الحنطي لي زادو البرونزاج دالصيف اثارة رغم لبسها العادي والمحتاارم لي كان عبارة على تيشورط سامبل كم مع براسليات ديال الجلد فيدها وصباغة كحلة فضفارها.. مارد الباال لراسو وللا وعي لي محكم فتفاصيل تحركاتو الصغيرة وقت انشغالو بالهضرة حتى سالا لعشى وسالات گلستهم وتجماعهم.. نفض الاحتمالات لي جاو فبالو وناض.. من امتى وكانت صونيا من النوع لي يقدر يعجبو ولا يلفت انتباهو.. ماشي يالله غيعرفها وخا ماينكرش أنها تبدلات وزادها النضج نغزة ولكن.. لاا 

طلع فحالوو كيخربق فالطييل ويجاوب اللائحة الطويلة والعريضة ديال حبيباات الاوطيل دقلبوو متناسي الخزعبلات لي ماعرف شكون وسوس ليه بيها..

بعد ما خلى الدراري وراه دخل فحالوو.. دخل لبروميير لي باقي فيه الضو شاعل.. مالقاهااش لا هي لا تيليفونو لي خلى فسن كان گالس.. دوز دجاكيطتو ليدو لخرى وزاد باش يطلع.. بغا يطفي الضو وهو يبان ليه أش دارت.. تقابل معاها عاقد حجبانو باهتمام كيقرى فالعبارة لي مكتوية بخط يدها بتمعن.. 

[ i've seen the ugly parts of you & i'm still staying- fiona💚] 

(لقد رأيتُ الأجزاء القبيحة منك وما زلت باقية- فيونا💚)

بتاسم غامراه كلماتها فقلبو ومدفية صدرو واحساسو.. سهام لبغوو ضربوه فگليبوو وزادو طيحوه كثر ماهو طايح.. كمل طريقو للبيت عندها.. دفع شوية باب الطواليط لي كان محلوول.. كانت واقفة كتحك فسناانها قدام لڤاپو ومرايتو.. حط ليها الپومادة وهضر.. 

أنير: نگادها ليك؟ 

فيونا (حبسات الحركة): 😳 (شربات من الكاس شللات فمها من الدونتيفريس وجاوباتو دغيا) أويلي لا 🙊

أنير: ههههه 

ضحك على ردة الفعل لي كان كيتسنى من مور أش گال ولي كان كيقلب عليها ورجع للكوزينة.. 

كملات من سناانها.. حطاات يدها لباردين على حناكها لي حمارو كتتحسس حرارتهم..

جمعاات شعرها وحلات الزمر حتى شافت كي غدير ليه.. استعملاتو وخرجات تلاحت فوق الناموسية.. 

رجع أنير بكاس الحليب فيه التمر لي موالف كيصايب ليها.. حطو حداها باش تشربو ودخل يقضي حاجياتو قبل ما ينعس..

سالا وتمشى جيتها.. كانت متكية شبه گالسة كدوز يديها على ليوون لي ناعس فوق صدرها وكتمرر فيها وسط فروو.. 

طلع حداها على كرشوو مغووبش.. دفع ليون مراعي لضعفو وصغر حجموو وحط راسو فالبلاصة لي كان عليها لايح دراوو على خصرهاا.. 

فيونا (بدات كتضحك بلا صوت): 🤭

أنير (حس باهتزازها وهز وجهو شوية جيهتها): رانا نتسابقو هنايا ولا؟

فيونا (طلقاتها): غير ليون هداك والله ههههه

ليوون (بدا كيصدر أصوات معبر على الانزعاج والاستياء مني حيدو عليها)

أنير: نتي ديالي وحدي.. 

فيونا (حطات اليد لي متكي من جيعتها فوق راسو معنقاه بيها فنفس الوقت خشاتها فشعروو وكتشوف فليون لي طلع فوق كتفها وتخشى فعنقها كيتحكك عليها باش يتقاد تم): دياالك أگليع الگلب ديالك بوحدك.. 

أنير (گاع راسو كامل محافظ على يديها فوقو): عاودي ليها.. 

فيونا (أصلا قلبها من هزوز من حظورو ومعدتها مقلوبة من قربوو ومسارنها مشانقين من هضرتو وزاد كملها بهاد الشلل لي كيشلها فاش كيحك على الضبرة ويزيد يقرب بملامحو الشرقية الكحلة.. دوك الحجبان لغلاض والعينين القهويين واللحية المطراسية والشفايف لي مخبيين وسط منها.. جاوباتو بهمس بزز): ديالك؟ 

أنير: لا لخرى.. 

فيونا: گليع الگلب.. 

أنير (كيبادلها نفس النظرات المدققة فالتفاصيل الغير مملة غير كملات الكلمة انقض على شفايفها بقبلة قوية تهدأ من روع الشعور.. فصلها بمشقة النفس وهمس قبل ما يرجع يحط راسو على صدرها مرة خرى): نتي الروح ونتي الكبدة.. 

فيونا (مالقاتش كلماات.. يديها بوحدهم قدرو يجاوبووه بضمهم ليه كثر فحضنها كأنها باغا تخبيه فقلبها لداخل)

🕔🕕🕖🕗🕘🕙🕡🕛🕜🕝

صبح الصبااح.. تحرك أنير منزاعج من الشعى لقليل المتسلل من تقيبات الريدوو كيحل فعينيه باستيااء.. تلفت ضرب على الساعة عاد شاف فلقطيطة لمكمشة بين يدييه ومجموهاا وسطوو.. باس ليها نيفها وبدا كيحرك وجهو ملامس وجهها باش يعنكشها.. 

فيونا (مبرزطة): همممم 😴

أنير: نوضي أحلالي تابعاك لقراية.. 

فيونا (حلات عينيها لي كيتلصقو بزز شافت فيه وعاودات قرباات خاشية وجهها تحت دقنوو كاتشم فريحتو وتتمخش فيه)

أنير (بصوت مبحبح): ورواحو نتوما قنعوني بلي ماراهاش قطة ههههه

فيونا (حركات يدها لي كانت مجموعة معاها على صدرو ودوراتها عليه من ضهرو كتضحك وهي مگلوبة نعاس): ههه 🙈

أنير: نوضي العّمر باش نوصل ونمشي حتى أنا لخدمتي.. 

فيونا (هزات فيه عينيها كتحلهم بزز كأنها تفكرات شي حاجة): أجي.. بصح نتا غا مدرب تما فلكلوب؟ (سكتات ثواني وزادت) والبيروو!! 

أنير: هههه لگلوپ راه ديالي.. 

فيونا (قاطعاتو): كذبتي عليا 😳

أنير: غي ماهضرناش عليه وصافي.. قليل فاش ندرب شي حد أنا خصوصا الوقت البطولات.. (شاف فيها لقاها كتدورها فراسها.. هز راسوو وتحدر على حنكها كيخلطها بوسان)

فيونا: ولا واا لااا.. أنيير.. باقاا ماغاسلاش وجهي.. 

أنير: ومالو وجهك وشتا فيه؟ هاا.. 

فيونا (كتفركل وسط يديه): هههه وااا زگااا.. 

أنير (رخف عليها شوية مخليها تهرب وجار مخدتها حط عليها راسو كيضح)

خرجاات من الطواليط لقاتو لبس حوايجوو.. مشاات لناموسية قاداتها ودخلات لدريسينگ مخلياه كيسد فساعتو قدام لمراية.. 

بدلات.. هزات صاكادو صغير فيه مسائيلها وهبطاات تبعاتو لتحت.. جرات الكرسي لي حدااه عند الرخامة لي خارجة من البوطاجي وگلسات كتاكل فشنو لقاتو موجد مع الشوكولا وأنير مرة مرة كيمد يديه يبعد ليها الشعر على وجهها حتى كملو وخرجو شادين فيدين بعضياتهم.. 

ديرييكت ل l'ecole لي غتقرى فيها.. دخل معاها فحال شي واحد جايب بنتوو حتى قاد ليها أمورها اللخرة.. خداو التاريخ و l'emploi وردها لعند باهاا على ما يقضي شغالو حتى هو فخدمتوو.. 

باستو فحنكو قبل ماتنزل وتسناهاا حتى هو حتى وصلات لداخل عاد زاد.. 

حطات شكيكيرتها فوق واحد الطبيلة عالية فالريسطو لداخل ووقفات حدا الكرسي الطويل لي گالس عليه بعد ما غفلاتو ببوسة فحنكو وعنقاتو من اللور كتهضر معاه.. 

فيونا: فين أعشيري؟ 

منصف: الحب ههه 

فيونا: توحشتك 😭

منصف: اممم.. ماكتوحشينيش فاش كتكوني حدا راجلك 😠

فيونا: غرتي أكبوور والله حتى غرتي 😹

منصف (داير راسو مخنزر): غا نتي لي تغيري 😒

فيونا (باستو بالجهد): كنبغيك أنا ههههه (عوجات راسها على كتفو كتطل عليه وتضحك) 

منصف: فين أنير؟ 

فيونا: مشى لكلووپ.. 

سيدو (من وراها): مرت الراجل.. 

فيونا (تلفتات عندو): هههه ولد العم.. 

سيدو (جر كرسي حداهم): وشتا البعلوكة؟ غي تزوجتي گلبتي وجهك 😏

فيونا: أه ياخويا (حابسة الضحكة) زوجي قرة عيني ماكيبغيش ندوي مع الرجال 🤭 

سيدو: نتي والمشة لي تزو..

فيونا (قاطعاتو): تدوي ترعف بربي حتى نكولها ليه هههه 😹

سيدو: البزة 😒 (هز راسوو كيطلع وينزل صونيا لي تمات جاية)

فيونا: 😝 (دارت كتشوف اش تار انتباها وهي دور عندو هازة حاجب ومهبطة لاخر وهي باقا حاطة يدها على كتف باها)

سيدو (فهمها): ريضي.. 

فيونا: شوف وكان؟ 

منصف (هز راسو على الروجيسطر لي كيكتب فيه): مالكم.. 

فيونا: والو.. ميمة مشات؟ 

منصف: لا مازال.. راها مع زينب الفوق.. 

صونيا: فدوى.. (دارت عندها فيونا) ça va ؟

فيونا: ça va الحمد لله.. نتي؟ (سلمات عليها)

صونيا: ça marche.. ماجابتهاش الفرصة البارح نهضرو.. 

فيونا (هضرتها بالعبار تگول كتخلص عليها): واييه.. 

صونيا: توحشناك.. 

فيونا: يتوحشكم الخير.. 

يعقوب (التاحق): صباح الخير.. 

(جاوبوه كاملين الا فيونا): صباح الخير.. 

يعقوب: مشينا؟

صونيا (موجهة هضرتها ليها): غتمشي معانا افدوى ياك؟

فيونا: نو.. ماكاينش راجلي ماعندي فين نزيد.. 

سيدو: سمعت أمنصف شتا راني نسمع؟

منصف: كااانسمع أولدي كنسمع.. باها وماحكمها هكا.. 

فيونا (رجعات عنقاتو كتضحك) 

صونيا: عفاك عيطي ليه گولي ليه يخليك تمشي معانا.. تونسيني وتشوفي معايا شحال من حاجة بغيتها ونيت نجمعو شوية.. 

فيونا: نو غير سيرو بصحتكم ماغيبغينيش نخرج بلا بيه.. 

سيدو (كمل عليها): صافي خَلوها على راحتها.. 

صونيا (خنزرات فيه.. ماشي سوقو زعما): Ok comme tu veux (وخا كيما بغيتي)

يعقوب (دارت ليه النقشة وسبقهم ماحاملش راسو عاد تبعوه هوما)

فيونا (رجعاات يديها بجووج على منصف معنقااه وكتحركو)

منصف (بينو وبينها): علاش مابغيتيش تمشي مايغاگوليك والو أنير.. 

فيونا: نو مانخرجش معاهم الى ما كانش.. 

منصف: علاش؟

فيونا (حركات كتافها بلامبالات)

أمين (واحد فالدراري لي خدامين فالريسطو): السي منصف.. 

منصف (تلفت عندو)

أمين: واحد الدقيقة عفاك.. 

منصف (ناض وگلسها بلاصتو)

فيونا (بقات كدور فعينيها هنا ولهيه فالناس لي كاينيين ولي عاد كيجييو حتى وقفات حداها زينب.. هزات راسها مني حسات بيها) 

زينب (كتشوف فمنصف مقلقة): راه معطل عاد؟

فيونا (شافت فين كتشوف ورجات نظرها ليها): يسول فيك الخير.. 

زينب (فحالا فيقاتها.. دارت عندها): كي راكي؟

فيونا: الحمد لله.. مالك؟

زينب (سكتات شوية وزادت): أاا.. لا والو غي ملي يسالي وگوله راهم يلغاوليه من الفوگ.. 

فيونا: تسناي هاهو غيرجع دابا وگولي ليه.. 

زينب (زادت عقداتهم): لا غي گوليهالو (زادت ماخلاتها حتى تجاوبها باه ولا لا)

فيونا (هزات حجبانها كدور عينيها بلاصتهم)

منصف: مالها؟

فيونا: ماعرت.. درتي ليها شي حاجة؟

منصف: وتگوول.. علاش مالها؟

فيونا (خرجات قنوفتها التحتانية كتعبر على انها ماعارفاش)

منصف: غتكون غا بشرى گالت ليها شي حاجة..

فيونا: فحال x.. راه باغيينك الفوق.. 

منصف: زيدي قدامي.. (جرها معااه وطلعوو.. لقاوهم كيحطوو فلغداا)

مصطفى: القطة.. 

فيونا: حبيبي 😻 (مشات باست ليه راسوو وحناكوو)

مصطفى (گلسها حداه معنقها): راه يبانلي نولي لسعيدية مني خويتي علينا الدار.. 

فيونا: نووو غير گلسوو هانا جييت.. 

مصطفى: اوااه يا البدالة جيتي.. كون يحسابني هاكا گاعما نوافق.. 

فيونا: هههه تقاااولَبتي الحاااج 🤣

مصطفى: ياحنااك هههه

بشرى (جايبة الطبسيل): مالها حناها؟

مصطفى: الله يعمرها دار..

فيونا: ها الما طاااب ههههه والعنب وجد شكون گاال؟😹

مصطفى: ههههه 

فيونا: فين مايونيز ديالي لي بالربيع والتومة؟

بشرى: فالتلاجة نوضي عندها.. 

زينب (حطات لبلاطو اللخر من يدها.. جا وجهها فوجه منصف.. غمزها وهي دور عليه وجهها)

بقى غير كيشوف فيها.. معجب لحالها ولتغير تصرفاتها هاد الايام اللخرة وخا كيگول مع راسوو غيكون غير من الزحاام ومن كثرت بنادم لي المتوافد عليهم وتمارة لي تزادت عليها بالخصووص أنو عارف ميمتو حتى هي بخبيزتها وفعايلها حارين مابغاش يزيد يحكر حتى هو.. 

باقي غارق فتفكيروو جاتها حالتها ديال الطواليط تاني.. ناضت بلا هواهاا ليها تقضي حاجتهاا راسها ضارها ماعارفاش واش ضاربها البرد وشدها حريق البولة ولا مصارنها لي مرااض ولا وصلات لهاد الحالة غير من الوهم والخوف لي ركبها نهار لقات فحوايجها التحتية بقعات ديال الدم بلا سبب وففترة بعيدة على دورتها الشهرية.. أفكاار بزاف تقوقعات فراسها أكبرهم احتماال تكون عاگرة وماكتولدش وماتقدرش شي نهار تجرب الشعور بالأمومة ولا تحس بيه.. طلقاا الما على يديهاا كتغسل فيهم كتحاول تنعل الشيطان بگاع الطروق الا أنو فات الفوت وتمكن منها وزرع فيها وسواسوو.. 

گلسات فيونا حدا بشرى الوقيتة لي راجعة فيها زينب.. قربات عندهاا ونطقاات محاولة تخفض صوتها..

بشرى (لفيونا): دخل عليك؟

فيونا (مافاهماش): فين؟ شكون هدا بعدا؟؟

بشرى: راجلك! 

فيونا (بعدم تصديق مستنكرة شنو كتسمع): كيفااش؟

بشرى (قلبات عينيها بنفاد صبر): رحتي زعما؟

فيونا: شكون گالها ليك 😳

بشرى (هزات نيفها لسما بغرور): راها باينة..

فيونا (باقا مصدومة مخرجة فيها عينيها): وااااهياناري ماتفلتي حتى حاجة الله يحظر السلامة.. (سكات شوية حتى تفكرات لي طرى لتحت وزادت) أجي.. مال مرت ولدك؟

بشرى (بنفس نبرة الصوت كيوشوشو بيناتهم): مالها؟

فيونا (بعدات شوية كتشوف فيها): كنسواك يااء.. 

بشرى (شافت فزينب وومات لفيونا بماعرت غير بفمها)

فيونا: بلا فرطة 😒

بشرى (دغيا قلبات فيها): ريضي نجيب النعالة..

فيونا (هربات من حداهاا): ناري ياختي كتتگلبي كي الزماان ههههه

مصطفى: ههه لگيتوني نگول راهم طولو..

منصف: لا لا ماتيق كااع ههه

مصطفى (حرك راسوو يمين وشمال كيضحك عليهم): لا حول ولا قوة الا بالله.. (هز راسو فزينب لي غير ساكتة وساهية) كولي ابنتي بسم الله.. 

بتاسمات ليه من بعد ما لاحظات انو كيهضر معاهاا وبدااو ييتغدااو فجوهم المعتاد لي ماكيخلاش من الضحك وشد فيا نشد فيك.. 

تعاشات العشية وادن المغرب گااع.. كل واحد فيهم كمل روتينو اليومي ورجع لشنو كان كيديير.. 

گالسة فيونا فكرسي عالي.. حاطة مرافقها بجووج على الكنطواار جيهة لاكيس.. مقابلة تقريبا مع بابااها لي مرة مرة كيتكلف بيها (لا كيس) فنفس الوقت ماساداش الطريق على الناس لي كيبغيو يخلصوو..

يدها تحت حنكها رادة البال مع السااعة كتتسنى غير امتى يجي أنير حتى كتحس بشي حد گلس فالكرسي لي حداهاا من الجيهة الخرى البعيدة على منصف.. 

يعقوب: فدوى.. 

فيونا (تلفتات شافت فيه ورجعاات دارت قدامها ونطقات بصوت شبه مسموع): مسينا على الله 😒

يعقوب (كيحاول يلطف الجو بيناتهم): صاڤا؟

فيونا (بلا ماتزيد تشوف فيه): حسن منك فهاد الساعة..

يعقوب (باستياء): حتال امتى غنبقاو هكا؟

فيونا: حتال يوم الدين ان شاء الله 😇🙏

يعقوب (استغرق مدة طول كيحقق فيها قبل مايزيد يهضر): علاش تزوجتي؟

فيونا (عكداتهم وخنزراات تخنزيرة ديال الزمان): لا واااقلة زدتي فيه؟ 

دفع أنير باب الريسطو بهدووء كيقلب عليها بعينييه حتى استقرو انظاروو عليها وتوجه لفين گالسة بملامح طبيعية عادية.. 

مع كتخنزر فيونا فراس الحمار

حسات بقدومو وضرباتها ريحتو للنيف.. دارت مع وقفتو.. شاف فيها بتبااب.. تحدر باسها فحنكهاا.. بادلاتو بوستوو فالحنك المعاكس.. شاف فيعقوب لي مد ليه يدييه.. 

سلم عليه أنير مقرب شوية مزال عندوو الوقت لي دورات فيونا يدها ورى ظهرو حاضناه وحاطة راسها على صدرو القريب ونطقات.. 

فيونا (بطفولية): مدامتك توحشاتك 😻

أنير (حط راحة يدو على ظهرها كدوزها عليها الوقت لي يدو فيد لاخر غير سمع شگالت حدر عينو فيها وتحدر باس راسها): توحشتها كثر عمري.. 

فيونا (بتاسماات وهزات فيه راسها بعد ماستمتعات زيادة على جرعة الحنان لي وصلاتها بالنار لي متأكدة أنها شعلات فلاخر لي حداهم)

أنير (يالله حدر راسو كيلامس بنظراتو ملامح وجهها لي غابو عليه هاد الساعاات اللخرة وحط أطراف صباعو على خصلات شعرها سمع صوت منصف موجه ليه)

منصف: نسيبي ههه

أنير (هز فيه راسو وسلم عليه وسول كل واحد فيهم لاخر على أحوالوو)

فيونا (كتشوف فباها باقا مخشية فحضن أنير حتى سكتو عاد سولاتو): تغديتي؟

أنير: والله إلى عاد.. 

فيونا (بعدات عليه شوية وشدات يديه حتا نزلات وجراتو بهدوء باش يگلس بلاصتها): بلاتي نصايب ليك شي حاجة..

بقات يدو فيديها وهي غادية مبعدة عليه حتال تفارقو اخر اطراف يدهم باش تدخل ورى الكونطوار.. 

تقابلات معاه بعد ما جمعات شعرها بشبكة ديال الراس لي كيديرو تما الداخل تفاديا من أنو يطيح وسط الماكلة..

ضرب أنير على هداك لي حداه غير بنص عين وعاود ركز على فيونا لي جرات قدامها من داكشي لي موجدين قبل الخدامة ووقفات كتقاد ليه فما ياكل.. 

منصف (حط دراعو على كتافها): اش داكشي؟

فيونا (دورات وجهها عندو): لأنير.. 

منصف (شاف فيه): فين كنتي أولدي شحال هادي؟

أنير (ضحك حتى بانو سنيناتو)

فيونا (عقدات حجبانها): علاش؟

منصف (حابس ضحكتو عاجبو فيها الحال): هو لي عرف لحسك 

فيونا (زادت غوبشات وخرجات قنانفها): راه غنگولها لباباا 😾

منصف: گوليها حتال مك ههه 

طلقهاا ورجع عند الدراري مخليها فشكانت كدير.. مرة مرة تهز فأنير عينيها الضاحكين بلا مايحتاجو لابتسامة ثغرهاا غير نظراتها كانت كافية مقابل شوفاتو المتشوقة ليها ولي مافارقوهااش حتى كملات وحطات ليه طبسيلو بعد ماطاب مافيه.. 

ضحكات ضحكة جانبية فاش بانت ليها بلاصة يعقوب لي ماحساتش بيه ايمتى ناض خاوية.. 

فيونا (گلسات حداه)

أنير (هز يدها باسها ببطء عاد شاف فيها): شكرا.. عدبتك

فيونا: مادرت والوو..

أنير (قرب الفورشيطة عند فمها تاكل هي اللولة): كي فات نهارك؟

فيونا (تسنات حتى خوات فمها وجاوباتو): عادي.. تغدينا وهبطت مع منصف هنا تسنيتك.. 

أنير: تعطلت عليك أعمري.. 

فيونا (سكتات شوية): فين مشيتي؟

أنير: الكلوب.. كان خاصني نگاد معاهم حسابات هاد الغيبة لي غبت وشي صوالح خرين.. 

فيونا (بحنان): عيتي؟

أنير (بطبقة صوت أخفض): بزااااااااف.. 

فيونا: كمل باش نطلعو دوش وترتااح.. 

أنير (مد يدوو عند يدهاا حضنها وكمل ماكلتوو وهو كيحرك صباعوو على صبيعاتها ويلامسهم)

الفووق فالداار.. من موور مارجعو من الخرجة وحطات ليهم بشرى دارو كاسكرووط دخلات تاني هي وزينب لي كتعاونهاا للكوزينة *✒Rayhanee Elmahdi Ahmed Regraguii* وخلات سيدوو فالمرااح كيتفرج.. عفواا ساهي فصونيا بلا مايرد الباال والتلفازة لي كتتفرج فيه.. كتتحرك بطبيعية منفاعلة مع التيليفون لي شادة فيدها وكتخربق فيه.. 

ولي وصلوو من كثرة استعمالها لكلاڤيي أنها كتشاطي مع شي حد وشادة الجمووع..

استقر فالگلسة حدااه طاالع ليه الزعف.. طاج من فين كان بعد ما خنقاتوو الفقصة.. 

يعقوب (كيشوف فالتلفازة): شكون لاعب؟

سيدو (بقاو عينيه عالقين عليها حتال أخر حد ممكن وهو كيدور وجهو عندوو): مم؟.. (وصلو السؤال بعد تأخر زمني) براكنة و الفتح..

يعقوب (مع بنت خالتو): Sounita quesque tu fais ؟ (شنو كديري)

صونيا (بلا ماتهز راسها على التيليفون): parler à Jean.. (كنهضر مع جان)

يعقوب: رجع فرانسا ولا مزال؟

صونيا (بلا مبالاة): همم.. 

سيدو (خنزر فيها وقلب عينيه فالتلفازة عاقد حجبانوو)

دازت شي ساعة هكااك على نفس الحاال.. عيطو لمصطفى لي كان گالس فالصالة شاد مصحف فيديه كيرتل القران بصوت منخافض وحطاات بشرى الطبسيل دالعشا ومقبلاتوو.. 

غير بداو يقادو الطبلة ناض سيدوو فحالوو منفخ.. 

بشرى (وقفات الحرطة متبعاه بالشوفة): لفين اسيمحمد؟ رواح تتعشى

سيدو (غادي بلا مايدور): ماخاصنيش.. 

بشرى (كتنگر): وأنا لمن مطيبة هاد الشي كامل 😡

نگراات حتى عياات كعادتها وسكتاات حتى كلاو لي قسم ليهم الله.. 

من موور ما سالا حتى أنير وگلسو شوية مزاال مع منصف مونسينوو طلعو فحالهم لدارهم.. 

دخلوا للبيت.. حط سوارتو والتيليفون وبزطامو فوق الطابل دونوي الوقت لي مشات فيونا لدريسينگ تاابعها ليوون كيتحكك مع رجليها.. خشات صاكادوها مع خوتوو.. حيدات الطريكو والسروال لي كانت خارجة بيهم.. سمعات صوت حركتو وصوت الپوانية لي دارت.. 

فيونا (شافت جيهة الدخلة دالدريسينگ): نوجد ليك الدوش أ أنير؟

أأنير (ثواني قليلة وجاوبها خافض صوتو البااح): رواحي دوشيلي أعمري.. 

حسات بالدم طلع ليها لحنيكاتها واستقر.. تبثات بلاصتها شوية عاد تحركاات بالكلوون نيت لي كانت لابسة تحت حوايج الزنقة هو والايكس الفوق.. هزاات بانضة وخرجات عندوو وهي كتجمع فشعرها باهماال.. لقاتو واقف كيتسناها حدا البااب.. وصلات عندوو حط دراعو على كتفها معنقها حتال الداخل.. 

حيد حوايجو مخلي غير الكالسو على ما جبدات ليه لي برودوي ديالوو.. وگلس قدامها فالپينواار علاماات التعب باينة على وجهوو.. قاداات الما طالقااه على يديها حتى اعتادل عاد رداتو بلاصتو الفوق وخلاتو هبط عليه خايفة يجيه صخون.. خشات صباعها فشعروو كتدوزهم وسطو بكمية حناان أم على ولدها الصغيور.. خوات الشامپوان كتغسل فيه غير بيديها وكتحك فروة راسو بصباعها كنوع من المسااج باش تريحوو .. *✒Rayhanee Elmahdi Ahmed Regraguii*

جامعة فمها بضحكة مكتومة عاجبها استسلامو بين يديها وكفاش نخليها دير فيه مابغاات.. كسر دنيا ليون حدااهم.. كيجر فطرف كولونها بضفاارو ويعاود باغي يتخشى حتى هو فالما.. فيه مايطلع ولكن خايف لا تغوت عليه.. حاولات تبعدو شحال من مرة ووالو.. شافت حتى عيات وهزااتو خرجاتو برى بزز وسدات الباب.. رجعات عند الموسيو ديالها.. شللات ليه راسو ودازت للي بَعدوو ههه.. كمية الاحراج والحشمة لي كتحس بيها بوحدها.. باقا ماولفاتش الوضع ومزال ما تأقلمات مع الحواجز لي لغاو بيناتهم.. 

خوات الجيل دوش فكيسة مكورة وحطاتها على جسمو الأسمر الضخم العاري.. كدور عينيها هنا ولهيه خايفة تجي على شي بلاصة وتزيد تحرج كثر.. فنفس الوقت محاولة تتفادى نظراتو لي مفيكسين عليها وعويناتو لي متبعين كل حركة كدير.. كيرمش فيها بتثاقل مستشعر اهتمامها ومراعاتها فشنو كدير رغم علامات التوتر لي باينة عليها.. 

كيحس بيدها كتنتاقل بين كتافو وظهرو بدفىء.. لاحظ وتيرتها لي تقالت وخفة يديها لي نقصات فاش وصلات لصدروو وتمات هابطة.. كأنها كتتحسس فتقاسيم بطنو المطراسي وكتتلمس لي زابدو المحسوبين فيه.. ومع محنية شوية باش توصل لمستواهم معنكشة مع الزغيبات لي تحررو وهبطو على وجهها.. تقلصات المسافة بيناتهم وهي محدورة.. بقى كيفصلهم غير سنتيمات قلال لدرجة كتحس بنفسو السخون كيضرب فيها.. رسم نصف ابتسامة على شفافوو على تلبكهاا الظاهر.. مرر نظراتو بحب على شكلهاا ومفاتنها لي باين نصهم.. هبط عينيه لجيهة يدها لي على جسمو وحط عليها صباعو كيلامسها ببطء مميت.. طالع شوية بشوية لفووق.. 

غمض عينيه وقرب كيستنشف ريحتها حاط نيفو على عنقها قبل مايتبعوو شفافوو.. سرطات ريقها بصعوبة كتحس قلبها كيضرب ف180.. حاولات تبعد كردة فعل مبورشة من شنو داار.. ولكن كان سرع منها.. لحظات قلال وجرها لعندوو بخفة وبحركة غير متوقعة تحت الما لي كان هابط عليه.. 

$$$$$$$$$$$$$$$$$$$$$$$$$$$$$$$$$$$

قاد منصف عليه المانطة من مو ماتخشى بلاصتو ودار جيهتها.. من حركتها المعنكشة ومحاولتها تتبث على وضع واحد عرف أنها مزال فايقة.. خشى يدو فخصرها وحط راسو على راسها معنقها.. بعدات ليه يدييه عليها وكحزات مساخرة عليه.. 

منصف: زيــنب؟! 

زينب (مغمضة عينيها بألم راسها غيتفرگع عليها): تصبح على خير.. 

منصف (بقى مكوانسي واقف على حركة وحدة هاز حاجب ومهبط لاخر): أش داكشي؟ شكاين؟

زينب: فيا النعاس..

منصف (على حالو عقد حجبانو وكيشوف لثواني عاد نطق مبعد): أهاه.. واخا

زيرات قبضتها على المخدة حابسة دموعها ومحاولة ما أمكن تكتم أنينها لي قرب يخرج على سيطرتها ويوصل لمسامعو هو لي تكى فجيهتوو حال عينيه فالسقف مخنزر.. كيفكر وكيحاول يسترجع الأحداث لعل وعسى يعرف سبب هاد الموقف لي واخدة منو.. 

كمل دوشو بوحدوو وخرج عندها مسفح.. غير بسروال السورڤيط بوحدوو.. لقاها واقفة قدام الناموسية وسط ضو الفيوزات الخافت لي شاعلين بوحدهم فالبيت.. مدوزة شعرها جنب وكتنشف فيه من مور ما لبسات حوايجها.. وقف موراها وحدر راسو جيهة التحت ديال عنقها والمنطقة لي تقريبا فبدية منتصف كتافها وباسها بوسات متتابعين.. 

فيونا (تبورشاات ونطقات بلا ماتشعر): أحح.. أنيير 🙈 

أنير (تگاد فوقفتو كيضحك عليها بهدوء): العمر دگلبو دأنير 😍

فيونا (دورات وجهها كتشوف فيه بجنب عينيها جامعة فمها وضحكتها حتى تنفخو حنيكاتنا)

أنير (زادت وساعت ضحكتو حتى بانو سنيناتو): يا دينك (خطف بوسة من قنينفاتها بالخف وزاد جيهة الباب كينشف فراسو) 

فيونا (متبعاه بحب): غيضربك البرد.. لبس شي حاجة.. 

أنير (من عند الباب): دروك نولي أدلالي..

حطات ظهر يد وحدة على حنكها كتتحسس سخونيتو وابتسامتها واصلة لسابع سما.. قلبها كتحس بيه كيضرب فكرشها ومسارنها مقلوبين وشادين قنت اخر.. ماقادراش تستحمل هاد القد ديال المشاعر وهاد الحب المدفگ.. شي حاجة كثر من أنها تكون كتبغيه.. تصرفاتو ورجولتو طريقتو فالتعامل معاها ومراعاتو ليها.. بزاااف.. وماكيزيدو غير يغرقوها فيه كثر وكثر.. كل مرة كتگول بلي مستحيل تقدر تكن ليه شي مشاعر كثر من هكاك وكل مرة كتحنتها الكمية الكبر لي كتتزاد وكتنهال عليها فالنهاار لي يليه.. تمشات باقة بابتسامة على وجهها كترمش عويناتها بحركة ثقيلة نتيجة الأحاسيس لي غامراها.. كتلعب بخصلة من شعرها الطويل وتدورها على صبعها ساهية كتتفكر لمساتو وقبلات لي كيوصل ليها شعورو بالتملك والهيمنة لي كيختالجو كل ما جات بين يديه.. 

دخل للبيت على صوت السوشوار لي كينشف شعر فيونا.. لمحات غير طيفو من انعاس صورتو فالمراية.. حبسات أصلا كانت تقريبا سالات.. جمعاتو وتحدرات شوية باست ليون لي كان طالع فوق الكوافوز كيلعب بالخيط دالبريز لي كيتحرك مع حركتها.. بعدات وجهها على أحد أطرافو لي كيتحسها بيه.. جمعات داكشي لي فيدها ومشات جيهة الناموسية قبل ما يهبط يتبعها.. لقات أنير حاط ليها كعادتو كاسها فوق الطابل دو نوي ومليوح على كرشو عيان مدور وجها لفين كانت وبالكاد كيحل عينيه.. هبطات لحنكوو باستو بالجهد قبل ماتهز عصيرها وتشرب منوو.. 

فيونا (كتحاول تفرز شنو فيه.. عاودات داقتو ونطقات): ماشي لي كتصاوب ليا ديما.. 

أنير (بصوت غالب عليه النعاس): لا هدا فيه الكرگاع واللوز و.. (تحبس صوتوو)

فيونا (زادت شربات حتى بقى قل من النص وقربات حاطة يدها على راسو ودوات بشوية): ندير ليك مساج؟ 

أنير (جاوبها وهو على حالو): رواحي.. 😪

فيونا (طلعات فليسپاص الصغير لي حداه ودارت يدها فظهرو)

أنير (بلا ما يتحرك): طلعي الفوگ أعمري..

شافت فيه بتردد قبل ما تتحرك وتدير شنو گال لها.. استقرت أسفل ضهرو ببطء وسرحات يديها كتضغط على كل بلاصة دازت عليها محاولة ترخف تشنجاتو.. ومنها حجة منها زيارة.. كتلعب وتلمس تقاسيم عضلاتو العارية لي باقة كتفوح منها ريحة الجيل دوش.. كتشوف فأنحاء جسمو بحب.. واخدة راحتها مدامها موراه وماعندو كي يشوفها ويحصلها وتصدق حشمانة.. 

رتاح تحت تأثير يديها وتدليكها وبشوية بشوية بدا يترخى.. مدة طويلة عاد حس بيها كتتحرك باش تهبط ظنا منها أنو نعس.. وقبل ما تنزل حرك يدو وحطها على فخضها باللور متبتها بلاصتها.. عاد هضر.. 

أنير (بلا مايحل عينيه): خليك.. 

بقات حاطة كفوفها قدامها وسط رجليها حدى فين گالسة شوية عاد بدلات وضعيتها وتكات فوق ضهرو.. حاطة حنكها وسط كتافو.. خشات يد جيهة صدرو واليد لخرى لي فالجيهة لي عاطي ليها وجهوو رفعاتها جيهة شعروو.. شدها أنير وباس قلبها بشوية عاد طلقها مخليها ترجعها لوسط خصلات شعروو كتلعب فيهم ببطء شديد وحنان فايض.. مبتاسمة فنفس الوقت وعاجباها النعسة فوق منوو.. تنهداات براحة وسمحاات لجفونها حتى هي يتسدوو.. 

*** بعد مروور يومين.. 

فالطريق لي كتدي للسعيدية.. تقريبا الدخلة ديالها وبالتحدييد فالبلاصة الحدود مع الجزائر ولي بوقوفك فيها كتطل فالضفة التانية فين كاين الدرابواات ديالهم عالين بالتوازي مع أعلام بلادنا المرفرفين فالسما.. 

طالعة صونيا فوق الصور لي تقريبا كيوصل تقريبا لنص طول الشخص الى كوقف حداه.. سدات سيور كونڤرستها لي تحلات وحطات يدها حداهاا كدور عينيها فأرجاء البلاصة تحت أشعة الشمس الساطعة رغم أن الحال بدا كيبرد.. بدجين عادي وبودي x بيض فوق منو طريكو كمام بالقب وكيتحل بالسنسلة.. جايا سبورتيف توبها فحال الصوفة دالحولي گرونة مامصايباش باليد كيتباعو هكاك فلي مارك مهم.. دايرة فمقدمة رأسها بانضة بيضة نيت فواحد الشكيل انثوي زويون رادة بيه شعرها لور.. 

تمشى جيهتها سيدو بعد نفاد صبرو مني عتبو البااب ومع وقف حداها مد يديه جر الطرف ديال البودي لي لابسة طلعوو حتى غطى النص من صدرها لي كان متجاوزو وسامح ليه يبان..

صونيا (مافهمات والو وماعرفات منين تسلط عليها): mais t'es fou ou quoi ؟ (واش تسطيتي)

سيدو (عاقد حجبانو): جمعي روحك..

صونيا (مخرجة فيه عينيها): سوقااك؟ 😡

سيدو (بحدة كثر): مايكونش سوقي مني ماتكونيش خارجة معايا ومحسوبة عليا.. ديك الساعة گّلعيهم كاملين گاع شكون راه يدها فيك 😡

صونيا (هبطات وقفات هي گاع وما قصيورة عليه وكتخرج فيه عينيها منظرها كيضحك): حتى حد ما من حقو يتدخل فلبسي.. 

سيدو (العافية غتخرج من عينيه): يتفرج فيه الغادي وجاي ونّسّكتو!! ماراناش رجال ولا؟ 

صونيا: ترجـ.. 

يعقوب (وصل عندهم باقي تيليفونو فيديه): مالكم؟ 

صونيا (خنزرات فسيدو.. ضربات فلاخر وزادت لطموبيل)

يعقوب (شافيها حتى بعدات وهضر): اش وقع؟

سيدو: راها تدفش😠 (كتخربق) خطيني.. 😒 (عطى بوجهو للضفة لخرى)

يعقوب: يالله كنتو صحة سلام.. (ما جاوبوش) يالله نرجعو فحالنا على هاد الحساب.. 

دار سيدو خنزر فالكليكة دالدراري لي كانو مگابلين معاها وحاضيينها حتى جمعو عينيهم ورجع ركب بلاصتو حتى طلع يعقووب وزاد قالب الطريق للدار.. كل ما شاف فالمراية عل حساب السوگان كيلمح جزء منها.. مربعة يديها ومقرنصة هازة شوكتها.. كيزيد يخنزر فيها ويتلفت لشنو كيدير.. 

فالدار.. بهالات كحلة ظاهرة تحت عينيها.. شادة مخدة بيد واليد لخرى تحت حنكها هي والطيليكوموند.. كتحرك رجليها بتوتر وعدم ارتياح ظاهر.. ساهية فالتلفازة ومامركزاش مع داكشي لي شاعل فيها.. ماتبدل والو بينها وبين منصف فهاد اليوماين لي دازو من غير الهضرة لي تقطعات بيناتهم فمرة..

ردها من شرودها غير احساسها بشي حاجة ماشي هي هاديك أسفلها.. ناضت بالزربة للطواليط ويا ريتها ماقلبات.. لقات لبيريود لي تعطلات عليها شوية وكانت متأملة أنها ماتجيهاش باش تتبث ليها أنها سليمة وممكن تحمل خدلاتها وجات.. بلا ما تشعر كساو الدمووع خدودهاا فصمت.. طرفات حالتها وخرجات بدلات حوايجها وقادات أمورها وهزات تيلفوونها كتعيط لمرت خوها.. وقبل ما تفقد اللأمل فأنها تجاوبها تفتح الخط.. 

.. : ألو..

زينب (محاولة تخبي تأثير البكا على نبرة صوتها): ألو.. كي راكي لباس؟ 

.. (بصوت مرتافع موجهة هضرتها لولادها حداها): ريض أولدي.. جمعي أكوثر الأدوات باش يوصلك باباك لسوايع.. الحمد لله أزينب ونتي..

زينب: الحمد لله.. راكي لاهية بلا مانصدعك حتى تسالي ونعاود نصونيلك.. 

.. : وخا أحبيبتي.. ردي البال لروحك.. 

زينب: إن شاء الله.. (قطعات وزادو هبطو دموعها مع تزيرة لي تزير عليها قلبها.. مشات هاد المرة للفيكس ودوزات لابيل نمرة من النوامر لي مقيدين فيه قبل).. 📱📱📱 

فاتي: ألوو الحب.. (كتتسنى شكون يجاوبها فيهم)

زينب: فاطمة الزهرا كي راكي؟ 

فاتي: صاڤا زيزو.. نتي كي راكي؟ كي راه منصف وفديوة؟

زينب: الحمد لله.. راكـ..

فاتي (مع بوراي): evet askim geliyorum (أحبيبي هاني جايا) واه أزينب شنو كُنتي تگولي؟

زينب: راكي لاهية؟

فاتي: لگيتيني فAzda (سيبر مارشي) أنا وبراك رانا نتقداو.. 

زينب: بالصحة والراحة.. نخليك حتى دخلي.. 

فاتي: واخا 😘

ردات المشقوف بلاصتو بانكسار.. حاسة براسها غيتطرطق الى ماهضراتش مع شي حد ولا خرجات ماضارها.. شي حد أي حد من غير منصف.. حطات كتفها على الحيط مكاليا بيه نسبيا.. تالفة بيها الحلوفة ماعارفة فين تصد.. 💔

فكوزينتها.. بعد ما سالات بكري وردها أنير للدار.. شاعلة الشوفاج وكدور غير بملابسها الخفيفة المعتادة.. كتصايب باش يديرو الگوطي وشي تخربيقة للعشا.. غادا جاية بين الثلاجة والفراان والبوطة حتى كتسمع صوت الصونيط مع اصراار كبير من الشخص لي كيستعملو.. نقصات الموسيقة لي طالقة فالبلازما برى وهبطات لتحت كتمسح فيديها ففوطة صغيرة ديال الكوزينة.. وصلات عند البااب وحلاتو غير شوية على البرد حتى كتلقى زينب واقفة قدامها بحالة يرثى لها.. 

فيونا (تغيرو ملامحها للقلق): مالك؟ (هزات فيها زينب عينيها بعد ما كانت حادراهم بأسف كبير كانها كتحاول توصل ليها أنها مابغاتش تصدعها ولكن ضطرات مرغمة مني مالقات أمامها حتى خيار اخر) دخلي من الباب..

زينب (تقدمات حتى تجاوزات الباب دموعها حالفين بحلوفهم ما يحبسو)

فيونا (سبقاتها بخطوات كتشوف جيهتها مدهشرة): أجـي نطلعو لفوق خليت البوطة شاعلة..

زادت قدامها طالعة بتقاشرها الف حاجة وحاجة جات فبالها وملقات حتى تفسير لحالتها.. وقفات حدى لي فوطووي حتى خلاتها شدات بلاصتها هي اللولة عاد گلسات حداها تانية رجل الفوق ومخلية لخرى هابطة باش تقدر تتقابل معاها.. 

زينب (محرجة.. مانطقات بحتى كلمة غير دمووع فدموع)

فيونا (شافت فيها ختى عيات وسولاتها): مالكي أزينب واش دارت ليك الميمة شي حاجة؟ (جاوباتها زينب بحركة راسها.. لا) وشنو؟ منصف؟ (كان ردها مطابق للول) واش كضرك شي حاجة؟

زينب (لا رد.. زيرات يدها على طرف حوايجها)

فيونا (تنهداات صايطة بالجهد كتحاول تطول بالها.. ناضت حتى جابت واحد اللعيبة دكلينيكس حطاتها قدامهاا وكاس دالما عطاتو ليها فيديها وعاود گلسات حداه كتتسناها تسترجع نفسها وتهضر) 

زينب (على شحال عاد قدرات تدوز جغيمات معد دين دالما مع حلقها.. نقصات من الدموع لي وخا انخفضات و تيرتهم ماحبسوش ونطقات رغم أن نيفها مخنوق): بغيت نطلق.. 😢

فيونا (بصدمة كثر): اويلي 🙀 مالك هترتي؟

زينب (شدات راسها وسط يديها) 

فيونا: لا وااش كدوي من نيتك؟! 

زينب (كتتنخصص): مانيش قادرة مزال.. 

فيونا (بدا كيبان عليها الانفعال): أش كتخربي؟ شوية لبااس (جرات ليها يديها باش تشوف وجهها) واش فايقة لراسك أش كتگولي؟ 

زينب: حرام نظلمو معايا..

فيونا: اش غظلمي؟ حبسي ازينب وهضري معايا كي بنادم ما تجعريش أصل مي 😾

زينب (تنخصصات من أعماقها وجاوباتها بنفس نبرة صوتها): مانيش نولد 😭

فيونا (كتشوف فيها وكتحاول تستوعب): كيـفاش؟! مافهمتش؟ 

زينب: هادي مدة ولي غيگل راها مروناتني.. تجيني بلا وقيتتها.. نبولتي حتى هي معدبتني كل شوية خاص نوض لطواليط وراسي مفروع راه يوجعني النهار كامل.. هاد ليام التوالا بطات عليا كلت نگد نكون حاملة ونكون غير نتخيل وما بيا والو ولكن يالله هبطات لي.. يعني بصح مانيش نولد وعمر يكون عندي بيبي ولا يجي شي نهار يلغالي شي حد ماما.. من جيهة خرى عاود منصف.. ضروري ماغيبغي يولد عاود مانقدرش نكون أنانية ونخليه رابط حياتو بوحدة عاگرة ماهي صالحة لحتى حاجة 😭 

الطريقة باش كانت كتدوي زينب والنفس لي كتتقطع فيها.. القهر الظاهر عليها من تعابير وجهها وحركاتها بقات فيها وقطعات ليها فقلبها ما لقات ما دير من غير أنها تجرها عندها وتعنقها كتطبطب عليها حتى حسات بيها بردات على قلبها وبدات كتسكت.. بعداتها عليها شوية شداتها من يديها وجراتها معاها

فيونا: نوضي غسلي وجهك بعدا وجمعي خناينك باش نتفاهموو..

داتها غسلات واستغلات الفرصة طلعات دغيا جابت جاكيط ديالها.. بدلات تقاشرها بوحدين رقق ورجعات هزات الطيل من الكوزينة طفات على لي كلشي وقفات عليها.. لقاتها يالله كتمسح فالفوطة.. شدات فيها حتى رجعو لفين كانو گالسين ووقفات.. 

فيونا (كتشوف فيها متأثرة بوضعها): واش متأكدة من داكشي لي گلتي.. 

زينب (بأسف): واه.. 

فيونا (كتشوف فيها بتشكيك متأملة انها تتراجع على جوابها)

زينب (حدرات راسها باقا التنخصيصة كتطلع فيها وحركات راسها ببطء): غالبا.. (شوية وزادت) ماعرفتش.. 

فيونا: باش عرفتي راسك عاگرة؟

زينب (شافت فيها): راهم يجيولي نفس الأعراض..

فيونا (دوزات يدها على وجهها وصاطت كدور فعينيها وكتفكر فشي لعيبة فاللخر ديپلوكات تيليفونها ودوزات لاپيل): 📱 وي سيدو.. فينك؟ ... تشوف ليا أخويا الله يحفضك ديك صاحبتك الgynécologue ؟.. لا لا ما بيا أنا والو غير بغيتها على شي حاجة من بعد ونشرح ليك مهم خاصني نمشي عندها وعارفة راسي ماعندي كي ندير بلا رونديڤو... ماكاينش أنير طامعة فيك غا نتى حشاك تديني (شافت فزينب وباقا مركزة معاه) غير ننزل ما تتعطلش ياك؟... بالروووجولة.. يرضي عليك أولدي.. (قطعات وتوجهات ليها بالهضرة) غنمشيو للطبيبة ونشوفو هاد الحريرة أجي.. (تمو هابطين كدوز مرة خرى لاپيل هاد المرة لأنير باش تعلمو بلي غتخرج) 

📱أنير: البغو 😍

فيونا: حبيبي ديالي.. نقدر نخرج نقضي واحد الغرض؟ 

📱أنير (بقلق): ما صاري ليك والو أعمري؟

فيونا: نوو ماتخافش.. غير زينب عيانة شوية وخاص لي يمشي معاها لطبيبة..

📱أنير: ريضي نجي نديكم.. 

فيونا: غير خليك بلا ما تديرونجا كاين سيدو يوصلنا ويردنا معاه.. نيت كيعرف واحد الجينيكو مزيانة.. 

📱أنير: واخا.. تولي وصونيلي.. 

فيونا: Okey babe 

(قطعات وتسمع الكلاكسون برا) ها هو جا سيمحمد.. 

جراتها معاها حاسة بيها مرخية وياىسة لدرجة كبيرة.. بلا مايسلمو عليه طلعو وديريكت للكـابيني.. ومع المعارف كيديرو ليك طريق فالبحر مع وصلو دخلو عند الطبيبة.. گلسو معاها غير بجوجات.. شرحات ليها زينب حالتها.. الأعراض لي كيجيوها والحالة لي كتمر بيها.. فحصاتها الطبيبة ومع عندها لابوراطوار تم فالعيادة دارت ليها التحاليل كاملين اللازمين باش تشوف واش نيت عندها عقم ولا لا.. 

يتبع.. 😣😴