شريك القرن 21 الجزء 20

راضية: صوني لسفيان يجيب ليها شميعات(قويلبات) وبومادة لفمها تبرد عليها لوجع.. 

ريم: ماشي حتى نديها لطبيب؟ 

راوية: غير السنان هادو أبنتي گوليه يدوز للفارماسيان عند عبد الحفيظ راك عارفاه طبيب يعرف وشتا يعطيه.. 

بقات ريم شحال كتشوف وكدورها فراسها عاد هزات التيليفون تهضر معاه مخلية راوية كتراري بـ ليليا لي شدات ليها يديها وخشاتها ففمها كتحاول تعضها باش تبرد حرقتها.. 

سفيان وريم ماطولوش مزال فخطبتهم بكثرة ما فقصوهم فدوى وأنير بالحب والغرام قدامهم.. دارو عرس على الخفيف وقبل مايدور عليهم العام ولدو حتى هوما بنيوتة هي لي منوضة ليهم القيامة ليل ونهار.. سكنو مع راوية فدارها بحكم أن سفيان اخر واحد فولادها لي بقى معاها وما قدرش يكري ولا يشري فحال خوتو ويخليها بوحدها وهي نيت داكشي لي باغا وبالفرحات عليها يگلسو معاها.. ونيت عمرو عليها وداروها فوق راسهم.. 

جمعات الگوزينة وخرجات منها كتمسح يديها ففوطة وهو يبان ليها تاني شانق على ليون وكيضحك.. 

فيونا: لا لا لا قُصي.. طلقو (مشات كتجري حيداتو ليه من يديه) تسطيتي؟ حشومة وين هدا ما كنديروش ليه ديدي (عنقات ليون مسكين وباستو) اي يا الكبيدة كيتعدى عليك.. 

قُصـي (غير شافها عنقاتو وخرج قنوفتو وبدا يبكي تاني) 

فيونا (طلقات ليون): سير هرب للفوق سير راه مجرم هذا.. (حضاتو حتى بعد وعنقات لاخر) زيد عندي الخانز.. 

قصي (قرب عندها كيمسح فيها خنونتو ودموعو وكيبكي من نيتو) 

فيونا (كدوز يدو على ظهرو وهو حاط راسو عليها): صافي.. صافي ا baby كتقطع فالقلب.. (هزاتو وناضت كتبوس فيه وتحزرو) الحب ديال أنا😽 لعّمير.. (كتعيط من الدروج) أنير 🗣️ 

أنير (وصلها صوتو بعيد): أ گليع گلبي.. 

فيونا: أنمشي للدار شوية ونرجع.. 

أنير: واخــا 

فيونا: إلى تعطلت أجـي.. (وهي هابطة) مهم باشما كان نعيط ليك فالتيليفون.. 

أنير: واخا أ دلالـي..

سدات ورا ليون لي تبعها كيلعب بين رجليها وقطعات الشانطي كتهضر معاه وكيجاوبها بـ همم وكتعاود ليه نفس الحاجة وهي غادية حتى قطعات الشانطي ودفعات الباب وطلعات..

كانت زينب يالله بدلات لبسات سورڤيط وخرجات كتجمع فشعرها مع سمعات حسهم طالعين.. 

زينب (ضحكات كتتسناهم يوصلو عندها وغير وقفات حداها فيونا بغات تاخد من عندها قُصي ساعا لصق ليها عليها وكرم عليها بيديه): رواح عند ماما أولدي.. ماتوحشتنيش؟ قُصي.. أحبيبي رواح عندي..

فيونا (كتضحك): والله لا طلقني.. راه كنگوليكم ولدي أنا 😹 (باستها فحنكها وعاوداتها لخرى)

زينب: الخانز.. كي راكي نتي لباس؟ ما دارلكش الصداع؟ 

فيونا: شي نهار يقتل ليا ليون البعلوك ويرزيني فيه 😒

زينب: من شبه أخاه فما ظلم هههه 

فيونا: بربي حتى نلوحو ليكم من الشرجم.. (هز راسو عليها وخرج قنوفتو تاني.. شافت فيه وبدلات ملامح وجهها متأثرة بحركتو) لا لا لا ماشي نتا.. (رداتو على كتفها وشافت فزينب) ظالم وقوي.. 

زينب: ههههه كُنت نتوحم غير عليك حتى جبتك فشيبي خليتيها نتي 😂

فيونا: ههههه أخخ مالك شكون فحالك جبتي التوت (باستو وعاودات عاد بعداتو عليها شوية كتحاول معا يمشي عندها) سير عند مامي أحبيبة حسومة هي وحسيتك.. 

بقات كتسايس معاه حتى خداتو من عندها وهو كيشوف فيها باغيها هي.. ديما فاش كتكون كيضربها ليهم بنكرة والى بغاوه يحاشيها ليهم خاصهم حتى يجريو عليها.. متعلق بيها لدرجة كبيرة تگول ماشي غير ختو.. عدبها الوحم وعدبات معاها فيونا لي جاها عليها.. كل مرة مفيقها فنص الليل وفالبرد غير باش تگلس معاهاا ولا تبقى تشوف فيها وتهضر معاها وخا غير شوية وما كان قدام لخرى غير تصبر عارفاها ماشي لخاطرها حتى بدات تدريجيا تطلق معاها وتتعرف عليها وعلى شخصيتها.. 

ديك الفترة تقربو من بعضياتهم.. لقات راسها بلا ما تحس رتاحت ليها وتوطدات العلاقة بيناتهم كثر بالمواقف لي جمعاتهم.. وبالتدريج وبشوية بشوية لقات فيونا فزينب الأخت الكبيرة لي ما عندهاش والصديقة الوقت لي تفرض عليها بُعد سيدو ومالقاتوش حداها وخا كتهضر معاه بالساعات ولكن ماشي نفس الاحساس فاش كيكون الشخص حداك.. عوضاتها نسبيا ونقصات عليها حدة فراقو لا هي لا منصف لي ضاعف اهتمامو بيها كثر من لي كان كيدير قبل من زواجو باش مايعاودش يطيح فنفس المشكيل معاها ومايخليهاش تحس بلي بقدوم خوها ولا ختها غتتبدل شي حاجة فحياتها مزال حتى وصل وقت قدومو وكانت أول وحدة استقبلاتو بين يديها وخا كانت خايفة تشدو من صغر حجمو وخايفة أنها تأديه.. كان قُصي لي سماتو بشرى رغم أنف الجميع هههه المهم تسمي وربي كبير سبب جمعتهم كاملين مرة أخرى من بعد عرسها.. دارو ليه السبوع غير فدارهم وغير بحضور أقرب المقربين.. عاودو دبحو ليها حتى هي على سميتها التانية معاه.. دارو ببركوكش وتاقنتة لي كيحتافلو بيه فهاد المناسبة حسب تقاليدهم فوجدة وداز الفرح كيما دازو فراح خرين..

زينب لي كانت رجعات تقرى وخا حملات جاهدات نفسها ودوزات اخر اختبارات الدكتورا فال عبة لي كانت متبعة وخا كانت فالشهور اللولة من مور الولادة عافرات حتى وصلات لشنو بغات وخا كان على حسب صحتها صبرات دوك الأسابيع القليلة عاد تفرغات لولدها لي رغم انشغالها ماكطلقو الا للضرورة.. الكتاب فيد وقُصي فيد.. من بعد تسناتو حتى شد فراسو شوية وفطماتو عاد ناضت دوزات فورماسيو ديال الطب البيطري وباش ماتتحاكش ليه مع الرجال والزمر زير منصف راسو وحل ليها كابيني صغيورة.. بالحويجات الأساسية حتى تكمل هي تجهيزها.. وعلى قبل ولدها كتخدم غير الصباحات لي أغلبيتهم كيكون فيهم ناعس حيت كتسهرو فالليل وماكينوض حتى كتقرب تقريبا تجي فديك الوقيتة يا كيكون مع ختو ولا مع باباه مهم نظمو حياتهم مراعين لبعضياتهم ومساند كل واحد فيهم لاخر.. 

زينب (مگلسة قُصي على رجليها وكتشوف فيه): راك جيعان؟ نصاوب الماما ياكل؟ أ ماما؟ (شافت ففيونا) تغديتو؟ 

فيونا: سي.. 

زينب (برزطها قُصي لي معافر وكيتجبد باش يوصل ليها وهي تمدو ليها): روح لعندها أخويا ها هي.. 

فيونا (عاجبها لحال شداتو من عندها غير خداتو الخانز حط ليها يديه على حناكها بجوج كيحيدهم ويردهم وشدهم بصبيعات ويحط عليهم فمو): راه يالله شرب الصوبة غير خليه..

زينب: أنير ماراهش هنا؟ 

فيونا: كاين.. راه فالدار.. قُصي (كيدور وجهها عندو): گغغغغ.. افـاااه نوونـّـا (باستو) 

زينب (سكتات شوية عاد هضرات): نوضو معايا الكوزينة نطيب شي حاجة لگوطي.. 

فيونا: زيدي.. منصف مزال ما طلعش؟

زينب (تحركات من حداها وتلفتات تجاوبها): فت عليه ملي كونت طالعة لگيتو مشغول گالك راه يوجد شي كوموند ديال شي أوطيل عاود.. 

فيونا (ناضت هازة البعلوك): أووق.. 

زينب: ماشفتيهش نتي؟ 

فيونا: عطاني قُصي فاش ضرباتو الفيقة كيبكي فالباب ومشى.. 

زينب: يكون مرون دروك.. 

فيونا: واييه.. 

دخلو لكوزينة.. قربات لبوطاجي.. گلساتو فالجنب ووقفات وسط رجليه مكالياه وهي حاطة يدها ورى ضهرو.. 

زينب (كتشوف فالارض هنا ولهيه): فين راه ليون؟ ماجبتيهش؟

فيونا: فين غنجيبو وهاد الجن فايق.. 

زينب (كتتحرك من هنا للهيه وتشوف فيها كلما جات تجاوبها): ياك.. وماشي حرام عليك.. وشتا راه يدير له مسكين.. 

فيونا: ماكيدير ليه والو.. غير مرة يقجو مرة يجبّد ليه ودنيه كل وحدة لجيهة ومرة يبغي يعضو.. 

زينب: ههههه ماكيعرفش.. غي يبغي يلعب معاه هههه غير خليه الى سراتلو شي حاجة نداويوه ليك..

فيونا: واااااو ولى مونيكة عيشورة.. لقيتوني مبرية فيه مايقدرش يقيسو داكشي لاش دايرين فيه مابغيتو نتي وولدك 😒

زينب: ههههه ووشتا خوك غي فابور؟ 

فيونا: ألا بصح.. زيدي شدي عليا هادشي ديالك 

فيونا (بقات مكالياه غير بيدها وبعدات شوية بالضحك وهو خسر وجهو تاني كيستعد باش يبكي قطعليها قلبها وعاودات قربات) يخخ كتقطع فالقلب الزمر ههه 

زينب (جبدات كتوجد وتلوح عليهم عينيها): ههههه مانحتاجش نهضر أنا قاضي الغرض لراسو..

فيونا (خشات وجهها فعنقوو كتبوس فيه وكتشم فريحتو الطفولية): أخخخ على ريحة 😽😽😽 لكبــايدة 😻 الله ياربي شحال بنين 😋

زينب: باركة راكي غادي تكمليه هههه

فيونا (مكملة فشنو كدير): ماشي سوقك.. (هزات راسها) قُصي گوليها ماشي سوقك گوليها.. 

قُصي (بقا كيشوف فيها شحال كيفكر عاد دار عند زينب وزاد): قُــوقَك (نطقها وبدا كيلعب بلسانو برى فمو)

فيونا (تشتتات بالضحك): هههههههههههـه واع ههههههههه غنموت أعباد الله 

زينب: هههه واه واه راهم يگولوها ولديهم ويدورو عليك.. 

فيونا: وشكون گالك ولدك.. (بعزات ليه حناكو مع بعضياتهم حتى خمجات ليه فمو ونزلات عليه بالبوسان) هدا راه لحميشة ديالي.. مسيرناتي هدا.. احح الله 😽

زينب (حبسات الحركة حاطة يديها على جنابها): شوف لك الخانز كون أنا لي راني نديرهالو كون راه يبكي 😠

فيونا (حبسات وضماتو عندها): هههه علاه أنا هي نتي..

زينب: واه أ تريكة منصف واه ههههه ريضي.. كوليلي شتا نصايب؟

فيونا: لي عجبك أنا براكة عليا غير هاد الكاپ كيك لي كناكل فيه دابا...

زينب: هههه 

منصف خلال هاد المدة لي دازت خدم على مشروعو كثر.. كبرو ووسع النطاق لي كان غادي عليه قبل ومنو وسع المساحة حتى هي فاش كرى الماگازات ديال دارهم دسفيان وضمهم للريسطو.. كثرات عليه لاشارج ولى كيتعامل مع لي طريطور والأوطيلات.. كيقصدوه الناس لي كيبغيو الطبخ الايطالي المتقون فمناسباتهم سواء مع الأجانب ولا غير بينهم.. تعرف بزااااف فوجدة بجودة شغلو.. احترام للوقت والمواعيد. المعقول لي فيه وطريقة تعاملو مع الناس زيادة على تواضعو مع كلشي..

وبعد عدة ساعات من المشي والمجي بين هادو الخرين فالمطبخ الداخل وفبليصة منفاصلة على البلاصة فين كيطيبو لي مكلفين بطلبات الزبائن دوز نظرة أخيرة على الطلبية لي وجدو تحت اشرافو.. علبوها.. تسنى حتى تأكد من تسليمها بيديه لماليها عاد غسل وتم خارج لبرى.. حل الباب الفاصل بين الريسطو والدار وطلع.. 

مع الدخلة وصلاتو ريحة أتاي ملقم كيما كيعجبو.. 

منصف (داز للكوزينة): تسنيتونا بكري.. 

زينب (هزات راسها جيهة مصدر الصوت لقاتو قرب حداها): جيت؟

منصف (تحنى باسها فحنكها): مشيت.. 

زينب (بتاسمات وضربلتو غير بالضحك وبشوية)

منصف (شاف فيها بنص عين عاض على قنوفتو التحنانية وهو متخطيها وغادي جيهة ولادو لي كيشوفو فيه ودور وجهو عندهم قبل ما يخاطب قُصي): السبع.. 

قُصي (شافو جاي عندو وهو يشدها من شعرها لي مطلوق قدامو بيد ومن طريكوها بيد لاصق فيها)

فيونا (شدات دغيا منين ناتفها): لعــار 🤦🏻‍♀ خليوني غا حتى نمشي فحالي..

منصف (باسها فراسها وهبط حنكو ليديه كيدگو بلحيتو باش يطلقها): طلقها أفار الدگيگ ينعل بوك.. (خطفو من يظيها دغيا وقربو لوجهو كيبوس فيه ويهرو وهو كيهرب من الشوك لي كيحس بيه على لحمو ويغوت ويضحك) 

فيونا (كتشوف فيهم ويضحك): البجغوط ههههه 

منصف (حبس وشدو بيد وحدة مدوزها من صدرو وكرشو): الستة هادي.. (شاف فبنتو) فيناهوا أنير مغديش يجي.. 

فيونا: ماعرفت.. بلاتي نعيط ليه.. 

أنير (من الباب): ها راه.. (ها هو) 

قُصي (طالق يدها جيهتو وكيفركل ويتجبد ويتعصر): اووووو 😓 فووفــاه.. 

فيونا (هزات راسها جيهتو): عمرك طويل.. 

قصي (يالله جات دايزة من حداه غادا عندو جرها من شعرها مغوبش): أعععععع 😠

فيونا: أي (رجعات دغيا) واهياناري.. طلقني المجرم 🤦🏻‍♀

منصف: هههههههه

فيونا (شدات يدو وباستها باش تفكها): طلق أبابا طلق.. طلق الله يرضي عليك.. 

قصي (عاد وصل لشنو بغا.. حط كفوفو على حناكها): نانانّــا.. 

فيونا: غنعض حسك ههههه 

حل يديه على جهدهم وعنقها كيضحك عاجبو الحال.. ماقداتش تقاومو وتقاوم حركاتو الشريرة فاش كيبغي يوصل لشي حاجة عنقاتو وشداتو من عندو عاد كملات طريقها.. يالله وقفات قدام أنير لي كان متبعها.. حط ظهر صباعو على حناكها غير بالريط كيلامسهم بحنان ومع عاطياهم هي بالظهر حتى حد ماغيشوف.. 

وفاللحظة لي هو بداتو غارق فنعومة ملمسها وعويناتها لي كترمش فيه وفنظراتها لي كتذوب حس بيد قُصي الصغيورة شدات فيديه وجرها من عليها ساخط.. 

قُصي (عاقد حجبانو بعصبية): نــو 😠

أنير (شاف فيه محاول يغوبش بدورو رغم الضحكة لي شاداه): مالنا وشتا كاين؟

قُصي (من نيتو): ديـدّي 😡

أنير (خربق ليه وجهو بيديه): راها مرتي گبل ما تكون ختك 😒

قُصي (كيشر بصبعو لراسو ومزال عاقد حجبانو وكيشوف فيه باستياء): نِيَـاني 😠😠😠 

فيونا (شداتها الضحكة جمعات ليه حنيكاتو بجوج وباستو): النميس لاخر هههه

أنير: وگوليلي صغير ماراهش يفهم 😏

فيونا: هههه بسلامتو 🤭

أنير: ريضي نوليو لدار ونتفاهمو 😈 

فيونا (كتشوف فيه بحب عاجبها الحال): تفاهم معاه هو نيت أنا شنو درت هههه (قصي كيجر ليها وجهها وراسها عندو) هممم (شافت فيه) أشنو؟ 

قصي (فاش دارت عندو مد ليها فمو جامعو على شكل بوسة) 

فيونا: ههههه جن (باستو) 

منصف (من موراها هاز لبلاطو): حيدو من الباب.. (الوقيتة لي كحزات خلات ليه منين يدوز خطفو أنير قصي مي يدها)

أنير (شدو شانق عليه ودار تابع منصف): رواح لهنا.. راك تغيضني.. أا؟ (كيهر فيه فكرشو) وشتا دروك؟ 

تبعاتو فيونا بعينيها حتى داه ودخلات وصلات مع زينب لي باقي عاد گلسات حدى أنير.. غير بانت ليه بعد ما كان لهاه بالهضرة والتجابيد بدا يتحرك جيهتها باغيها.. 

أنير: يا دينك.. الناس راهم يحصلوا مع نسابهم قبل الزواج وأنا راني حاصل معاك وراه 😒

فيونا (كتشوف فيهم بجوج وتضحك): هههه أجي baby أجي.. أجي العمير.. 

أنير (كيحس بيها كتستفزو.. مدو ليها وتحدر شوية حدى ودنيها): بربي وماتسّكتي حتى ننــ..

فيونا (قبل ما يكمل هضرتو هربات عنقها لي تتهر من قربو ونفسو لي ضربات فيه): أنـيــــر ههـه زگـا.. 

أنير (بعد وجهو كيضحك)

منصف (قاطعهم جار قدامو البلاطو): أتاي ولا قهوة؟

أنير (شاف فيه دغيا مني سمع صوتو مانو ثار انتباهو وبعد صمت ماتعداش تواني قليلة جاوبو): أتاي.. 

فيونا (كتشوف فقصي لي كيحاول يتكى وسط يديها.. على خاطرو حتى سالا عاد بعدات نظرها عليه متساىلة): امتى غيرجعو؟ 

زينب (مادة ليها الطبسيل): السيمانة لي راها جاية يمكن..

فيونا: غيهبطو فأنگاد؟ 

منصف (كيشرب فكاسو): ولا فكازا.. مزال ما بان.. 

فيونا (باست كف يد قُصي لي كان كيدوز على وجهها حتى تتصادفات مع فمها): خاصني نعيط ليهم.. 

منصف: سولو عليك غير الصباح.. 

فيونا: حتى نمشي للدار ونعيط من الفيكس الى عيطت دابا يسحاب ليهم غير حيت گلتوها.. 

منصف: واه حسن.. وأري ليا ولدي ورتتيني.. 

فيونا (هبطات عينيها جيهتو لقاتو كيحلهم فيها بزز): هاهو.. الى بغا غير خودو.. 

(زادت عنقاتو حاطة حنكها على راسو)

گالس وسط الدخاخن.. الصدااع.. صوت الموسيقى من جيه وهرج الناس لي كتحاول تحاور بعضياتها وكتضطر بسباب ارتفاع النغمات تغوت لعلها توصل الفكرة لي كتعبر عليها.. كيهز فرجليه بحركات متماشية مع الأغنية.. فيديه الكوكطيل لي كيشرب فالعادة بنسبة قليلة من الكحول.. ساهي كيفكر كل شوية كيردو واحد فلكليكة لي گالس وسطها فاش كيخاطبو وكيوجه ليه الهضرة حتى رجعات حداه أسما.. 

أسما (مع شدات بلاصتها مع مالت جيهتو كتجعوق حدا ودنيه): ça va tjrs Simaou؟ (لباس) 

سيدو (شاف فيها بنصف ابتسامة باهتة): oué ça marche .. (اه مزيان)

أسما (بكل أنوثة): tu viens on dance ؟ (تجي نشطحو)

سيدو (شتت نظرو عليها): shui trop fatigué.. Pour une autre fois peut être.. (عيان بزاف.. خليها مرة اخرى.. يمكن)

أسما (مني دار زادت قلصات المسافة كثر كتحاول تجدبو عندها بطريقة غير مباشرة): Stp.. Vas-y (عفاك.. يالله)

مع غيعاود يشوف فيها باش يجاوب مارادش البال لاقتحامها خطوطو الحمرا تفاجىء بقرب وجهها ليه.. باقي كيشوف ويفكر اش يدير واصلات حركاتها المثيرة كتبادلو نظرات يخليو تحط لي قدامك ولي وراك مدوزة صبعها على جسدو ببراعة ورقة متمكنة من خطواتها باش توصل ليه.. ويالله غيخونو وعيو وينساق ليها ردو خيال داز من قدامو.. كأنو طيفها.. كأنها هي.. نفس الشعر القهوي المتأثر بأشعة الشمس.. نفس القد والطول.. نفس لون البشرة.. لا ونفس الضحكة رغم أنو لمحها غير من الجنب لسرعة تغييرها لمكانها.. ناض بلا مايشعر مخلي لخرى بلاكة تابع حدسو وقاصد الجيهة لي كانت فيها.. غير جات عينو عليها من جديد تخطى الناس لي قدامو وخا كان الزحام وحط يدو على مرفقها حتى دارت عندو باش يتصدم بشخص تاني غير لي اعتاقد.. 

سيدو (بخيبة أمل): pardon.. (استسمح) 

البنت (تنترات منو ورجعات لحال سبيلها)

سيدو (تم راجع فحالو.. مع عاود گلس هز داكشي لي خلى وم بما فيه الجاكيط ديالو وجمع الوقفة تاني مامستحمل زمر حتى حد مزال)

أسما (تبعاتو كتهضر): ça y est؟ tu pars ؟ (صافي غتمشي؟)

سيدو: Oué

أسما: je t'accompagne؟ tu semble faché ! (نمشي معاك؟ كتبان مقلق!)

سيدو (مبرزط): ne gâche pas ta soirée.. je dois immédiatement lors que j'rentre (ماتخسريش سهرتك.. غنعس ديريكت فاش نوصل)

قبل ما تزيد شي كلمة تحرك من حداها مدرگ وجهو بكاسكيطتو وحادر راسو.. خلى السكوطر ديالو تم وتمشى على رجليه مخلي داك البرد والهوى يضرب فيه حتى وصل لفين ساكن وطلع لبرطما.. دفع الباب وتلاح فأقرب بلاصة لقى باغي غير يسد عينيه ويغيب.. 

فنفس الكلوپ لي كان فيه قبل.. كانت ومازالت فأبهى حلتها.. بمكياج هادىء بارز ملامحها باتقان.. كعادتها لابسك كسيوة سبورتف واخدة فيها راحتها وگالسة حاطة يدها على كتف واحد فأصدقائها لي مكالي مرافقو بفخاضو باش يقرب للطبلة.. كتطل من مور كتفو على الرامي(الكارطة) لي كيلعبو.. كتضحك بالقياس وتجمع مع هادو ولخرين.. مستمتعة بوقتها وضاربة الدنيا بصباط..

بعد مانعس النميس بين يديها وبعد ما طالت گلستهم لي ماحسوش بالوقت فيها حتى مشا الحال.. ناضو فحالهم.. دقائق قليلة وكانو فدارهم كيوجدو راسهم باش يدخلو بلايصهم يرتاحو من تعب تحركاتهم على طول النهار.. 

مقردة مقابلة مع واحد فالمجورة ديال الطابيلة لي حدى راسها كتقلب فين وتعاود حتى نطقات رافعة صوتها.. 

فيونا (دورات وجهها جنب): أنيـر.. فين الشوكولا لي كانت هنا؟ 

أنير (حبس شنو كيدير وجاوبها): وشتا لي فين راه؟ تكوني كملتيه.. هودي جيبي من لي لتحت..

فيونا (وهي كتنوض): ماتهضرش فالطواليط.. 

أنير: مانجاوبكش؟ 

فيونا: نتسنى أحبيبي حتى تخرج.. 

أنير (هز الفوطة كيمسح لحيتو لي بقى فيها لما وتم خارج): لي عطى الله عطاه.. 

فيونا (وقفات سامحة للشوميز دونوي النواغ الطويلة لي لابسة بپينوارها يتطلقو.. ملفتة جيهة الطواليط كتشوف فيه جاي جيعتها): ونااء جيبليا الشوكولا.. 

أنير (كيشوف فيها وكيتقدم بخطوات ثقال وكيحيد فتريكوه فنفس الوقت): وشتا بغيتي؟

فيونا (دارت حابسة الضحكة): وا الشوقلاااااط هههه

أنير (دور وجهو جنب وهمس كيضحك): خلى دار الشر.. (قرب حتى ما بقى كيفصلو عليها غير سنتيمات ووقف) بركاك من الحلاوة.. 

فيونا (تعلات حتى شابكات يديها ورى عنقو.. معلية على طراف صباعها وكتشوف فيه بتمسكين): عـافـــاك.. 

أنير (حط يد وحدة أسفل ضهرها جارها عندو كثر): براكة غير كاسك.. 

فيونا (كتتحايل عليه): وهداك مافيهش السكار.. 

أنير: أصلا نتي حلوة وشتا باغيا تزيدي؟ (تحدر دغيا وخطفها هزها على وقفتها من تحت فخاضها) لحفى عاود 😒

فيونا (مع الهزة هبطات راسهة تشوف فيه.. يديها مزال على كاتافو): وراه كاينش البرد ههههه 😹 (حركات يدها ردات بيها شعرها لي هبط كامل فاش هبطات راسها كتشوف فيه لور)

أنير (رافعها بيديه من أسفل مؤخرتها): غير ما راكيش تحسي بيه أعمري فاش تولي الـ😉 وتتوّجعي.. 

فيونا (بدلات الموضوع بمكر كتضحك): وا بغيت شوقووولـ..

أنير (قرب شوية مزال عندها وسكتها بقبلة): راكي نتي الشوكولا بروحها.. 

فيونا (زادت وساعت باتسامتها عاجبها غزلو واستغلالو أي فرصة باش يلوح ليها فحال هاد الكليمات لي كيسكتو ليها القلب.. بعدات عينيها على عينيه واستقرات بيهم على طرف حاجبو ممررة صبعها بمراعاة على أثر متبقي من جرحة): أخخ على على هاد الحجبان لي كل مرة كترجع مفرگع فيهم واحد..

أنير (كيتمشى جيهة الناموسية): هذا هو الفري أعمري.. وشتا غادي نديروا!؟

فيونا (بنوع من الترجي): تكايس الكبيدة ديال أنا عفاك ☹️

أنير (باس يدها لي حاطة عليه): إن شاء الله أحْبِيبي.. (دار كفو ورى ظهرها حتى حطها بالشوية وبقى حداها متكي.. نصو الكبير عليها)

فيونا: ماقادة على خلعة أخرى والله العظيم.. 

أنير (حط كفو على خدها): ماتخافيش.. مايسرالي والو.. 

فيونا (هزات يديها حالاهم ليه فحال الدراري الصغار) 

أنير (بتاسم ابتسامة جانبية خفيفة وتحدر عندها مخليها تعنقو وباسها فالكتف لي حدى فين خشى وجههو): لعّمر.. 

فيونا (كرزات عليه شاداها البكية): واعدتيني ياك؟

أنير: عاهدتك أگليع گلبي (زاد قرب من عنقها كيتنفس براحة.. دقائق قليلة وبعد راسو باش يهبط عليها ببوسات بالجهد فينما جاب ليه الله وكيهر فيها)

فيونا (كتفركل بين يديه غتتسطى بالضحك): وااااع ههههههه أنيــر هههههه وااا زگا الزمر هههه يخ يخ خي هههههههههههه 

ماغيرو السنين فالحريگة وفشقاوتها والو من غير الحنان لي عوضها ربي بالدوبل مني رزقها براجل فحال أنير ومـو لي ولات كتحس بيها كثر من مها ولو أن مها رباتها وبقات معاها لحد الان ماكانتش غتعزها ودير عليها لي دايرة عليها عائشة لي ولات فدوى هي ضو عينيها.. قرات عاماين فالBTS (ماشي الفرقة🤦🏻‍♀) حتى شدات شهادة التقني العالي فـ l'Architecture عاد كملات فالـ Artisanat (الصناعة التقليدية) دوزات العام اللول وراها فعامها الثاني غير العام لي بقى ليها مزال على l'ingénieurie..

أما أخضرنا الوسيم إخضرارو حبس بالفعل تدريجيا من مور ماتسلل حبو لقلب لي استعمرات حياتو وسكنات روحو وكيانو ما كان اضطراب واختلال وتعطال وتداخل توقيت تحولو غير بداية بطول وزولان اللعنة منو.. ولي ما كتاشفوه الا مور مدة طويلة وغير بالصدفة بعد ما أصرت فدوى باش يركزو معاها..

{ وَواللّحظة الّتِي سَيبطلُ فِيها هِيَ لحظَة اهتِـزَاز ورَنيـن وانسِـجَام وانعطَـاف بيْنَ مَوضُوع اكتشفتِ فيـه النَفسُ ذاتَها وحقَائِقهـا وأسرَارَهَا الَدفينة.. سيبطلُ حينَ تَجِد مَنْ يُحبك عَلَى مَا أَنْتَ عَليه.. 

وأنتَ فِي أسوَءِ حَالاَتك. }

كان فعلا المفاد من الجملة لي وصلاتو فغابة بوعرفة على لسان داكشي لي خرج ليه على هيئة بنية صغيرة أن السحر الأسود ولا إن صح القول اللعنة لي لازماتو من نعومة أضافرو غتزول نهار يصادف الحب الخالص.. حب الروح قبل الجسد والشكل.. نهار غيلقى لي يشوف فيه بنفس نظرة الإعجاب لي كيتلقى وهو على هيئتو الطبيعية حتى وهو متسيف ومتحول لكومة البشاعة واليع لي كيولي عليها من مور منتصف الليل... 

ولقى وخـا عانى بزاف وداق بسبابها المراار.. تعزل لمدة طويلة وحارب بنفسو باش قدر يروضها تتماشى مع المحيط ديالو.. فشل مرااات ومرااات وحتى فقد الأمل فمرة ويأس من حالو بانت فحياتو واقتاحماتها بلا مقدمات.. اكتاسحات قلبو وسكنات روحو وكيانو بلا ما يحس.. ونهار عاق براسو وفاق للويل لي طاح فيه حاول يبعد عليها ما أمكن خوفا عليها من الأذى لي ممكن يتسبب ليها فيه قبل كلشي.. من أنو يبان قدامها بداك الشكل وأكثرية من أنها ترفضو وماتتقبلش الأمر.. بعد حتى عيا وكل مرة كيبعد فيها كيلقى راسو قرب كثر.. وغرق كثر.. وبغاها كثر..

وحتى كان تراجع ظنا منو أنها ماباغاش قربو ونافراه لقى راسو عتارف بحبو ومشاعرو اتجاهها قدام براكين غيرتها عليه لي فجرات فكمارتو.. كان ولد الناس وختار يدوز من الباب بدل الشرجم وحللها عليه وحلل قربها راحم نفسو من ضميرو لي كيأنبو كل مرة عنقها ولا باسها وهي ماشي من حقو.. بشوية بشوية استقروا تحت سقف واحد وبداو يبنيو فحياتهم مع بعضياتهم خطوة خطوة حتى وصلات وقيتة نهائيات البطولة العالمية لي مشارك فيها ولي دازو جولاتها فالصحرا.. غادر أنير الديار المغربية متوجه للأراضي لي غتتقام عليها.. وعلى غير المرة لي سبقات رافقو هاد المرة يوسف بوحدو حيث شي ربطاتو القرايا.. شي كان خدام وشي تلهى مع شغالو.. 

فاش وصلو للبلاصة المحددة دازو من نفس الترتيبات.. نفس المراسم والأجواء غير التاريخ والمكان لي تغيرو.. حتى اعتلى هو وخصمو الحلبة تحت هتاف الجماهير وتشجيعاتهم ونطالقات الجولة.. 

كانوا فالمغرب مجموعين كلهم فالصالة التحتانية ديال دارو.. عائلتو.. ريم.. سفيان.. حسام ومرتو.. وعائلتها.. جاو كلهم عندها يونسوها ويتفرجو فالكومبا معاها بلاصة ما كلا يضارب مع الترددات دالقناة لي غيتعرض فيها باش يشدها فجيه.. وحتى على قبل داك الجو العائلي والحماس وباش يحسو بلي راهم لهيه معاه.. كلشي كان غادي مزيان.. كلهم گانو على أعصابهم حاضيين تحركاتهم.. دقة فيه دقة فلاخر من بعيد فانتظار الضربة لي غتحسم الجولة وتخلي واحد فيهم يحكمها.. بدا كيسخن الطرح ومع توالي الضربات وحدتها وزادت التقاربات بيناتهم سال دم كل واحد فيهم حتى ولا يبانو وجوههم حمرين كيتقاطرو بالدم.. شدات فيونا راسها مامستحملاش المنظر وفنفس الوقت ما قادراش تحيد عينيها عليه.. هي عارفة هدا هو حال الفري فايت ولكن فاش حضرات قبل ودغيا سالا الماتش بضربة قاضية لصالح أنير رتاحت ونسات المرض ومايجي منو عند بالها ديما غتكون القضية ساهلة عليه.. بقاات متبعااه بنوع من الخوف.. كتحرك رجليها بتوثر وكتهزهم فبلاصتهم دون توقف.. ضاغطة على راسها وخا مامستحملاش تشوفو فديك الحالة ومتبعة تعابير وجهو لي ما كتبشرش بالخير.. ملامحو ساخطة.. كيبان كاعي وواصل للطوپ.. ومع تشبكات كثر بيناتهم وتعالات أصوات الجماهير ماعرت شنو طرى حتى مشى البث ومشات معاه الصورة.. وبين الصدمة وعدم استيعاب شنو طرى نزلات دمعتها.. قلبها كيضرب فالتسعمية.. تكوانسات ثواني قبل ما تفهم أن القناة وقع فيها شي مشكل شي لي قطع عليهم الزمر.. ماحساتش حتى لقات راسها ماسحة دمعتها خافياها وهازة الفيكس وكتعيط ليوسف وتعاود.. يوسف لي فغرق الصداع والزحام والغوات مركز لا يكون شي خطأ فالتحكيم أخر حاجة كان غيدير وخا يسمعو هي يجاوب.. برد ليها الما فالركابي وشداتها السخفة.. 

الوقت لي ماقدر حتى حد يهضر ولا يغوت بالعصاب لا تسمعهم عائشة من الطاج الفوقاني ولي بعد مارفضو تگلس معاهم عيطات لراوية تونسها.. 

سفيان بوحدو لي تحرك وجر الـ pc كيقلب فالمواقع لي يقدرو يكونو باثينها مباشرة ونيت بعد دقاىق طوال.. طول من الشهور اللخرين لي دازو لقى أخيرا واحد.. بالحق كان فات الفوت.. تعلن على الفائز.. تتوج وغادرو لا كاج.. بقى فالصورة غير الجمهوور ولجنة التحكيم لي كانت كتحاول تتسل بين داك الحشد الهائل لي كان مالي المكان..

خيبة أمل كبيرة اعتلت وجوههم وگلسو بحسرة كيتسناو التيليفون يصوني.. طوالت المدة وزاد القلق هوما كيتسناو والطرف الاخر عند بالو بلي شافو النتيجة.. حتى بدا صبرهم ينفد عاد صونا بورطابلها.. شافت فالمان ليبر لي شادة فيديها كتمشي وتجي بيه وشافت جيهة الطيل لي لايحة فالجيهة لخرى من الطاج عاد لاحتو من يدها ومشات تجري تجاوب.. خايفة يخيب أملها ومايكونش هو لي معيط.. ماطمنات حتى لمحات سميتو وجاوباتو بلهفة.. طمنها بصوت عيان ومبحوح عليه وعلى حالو.. علن ليها على النتيجة لي كانت فصالحو وعلى البطولة لي كانت من نصيبو.. بكات حتى بردات وهي كتهضر معاه.. كتسمع فصوتو وكتحاول تهدي فراسها.. كلسات فوحدة من الدروج لي كيطلعو للفوق على ما كمل معاها عاد دوزات ليه باه.. وعنقها منصف كيطبطب عليها.. 

ماقدر يحضر لحتى احتفال ولا زمر.. الغد ليه شد هو ويوسف الطيارة ورجع فحالو.. غير خرج لقاها كتتسناه فالمطار.. هبط كاسكيطتو مدرگ وجهو ومشى لعندها شوقو فايت شوقها لداك الجيه.. 

قبل مايوصل تلاحت عليه خانقاه وغير بعدات شوية شدات وجهو بين يديها باش تشوفو غرغرو عينيها..

عاد عرفات علاش مابغاش يسفط ليها تصويرتو ولا يدوي معاها أپيل ڤيديو فاش عيط ليها فالليل من مور ما خوات الدار وبقات غير ريم باش تبات معاها.. قلبها ضرها من الشوفة فيه وبلا ماتحس صدرات صوت ألم كأنها هي الموعتة.. باس ليها راسها ويديها كيسكت فيها.. حط كفوفو بجوج فوق حناكها كيحاول يحبس دموعها لي كيسيلو بوجع ووالو.. فاللخر ضمها مغرقها تحت قبضة يدو وسلم على لخرين لي معتادين على الوضع وخرجو كاملين من المطار.. ريم.. سفيان وسيدو.. عاد يوسف هو اللخر.. طلع للطموبيل وتوجهوو لدار باه فين استقبلوه مجموعين فخورين بيه.. كلشي فرحان الا فدوى وعائشة لي قلبوها ليه گنازة وندموه لاش تلاح ليها گاع.. 

دوزو النهار وسط العائلة وتفرقو فالليل بعد ماتعشاو مع بعضياتهم.. كل واحد مشى فحالو.. استفردات بيه.. وبعد لوم وعتاب وبكاء هستيري حتى كان غيخرج ليها عقلها واعدها ما باقي يشارك فحتى بطولة مزال كيما كانت.. عاد قدرات ترسى وتسكت.. تكمشات وسط منو شانقة عليه كتتنخصص وتشم فريحتو وغفات.. 

ونيت كانت تقريبا هاديك هي آخر مرة ليه من غير الى غفلها بشي حاجة خفيفة فالكلوب.. كيرجع ليها بيديه مورمين بعد ما كيكون جندخ شي حد.. ولا تغفل وتفرگع ليه حاجبو من شي جيه فحال هادي يوماين ولا تلتيام..

أنير (مرر يديه على ضهرها من تحت الشوميز دونوي لي طلعات ليها تحت الماطلا لي مغطيين بيها وحاضي تعابير وجهها بعد ماحيد الشعر عليه): صباح البغو.. 

فيونا (متكية على كرشها يد لايحاها على المخدة جيهة راسها والخرى خاشياها معاها تحت لغطى.. كتحاول تحل عينيها بصعوبة): هممم..

أنير (بتاسم وقرب كيحرك ليحيتو على حنكها بلعاني): نوضي أعمري.. راني جوعان.. 

فيونا (هزات كتفها كتحاول تحبسو حتى صدقات مدگوگة فيه): وا أنير واهـاني فقت زگـا 😖

أنير (كيزيد يتحرك ويبوسها بوسات خفاف): لمن راهم يگولو زگـا؟ 

فيونا: وا الـزمر 😭

أنير (بعد وجهو شوية): وشتـاهو🤨؟

فيونا (دغيا حلات عينيها متداركة شگالت): العمـر.. (بقا مطلع حاجب ومنزل لاخر كيشوف فيها) وراه عندهم نفس المعنى لهيلا.. (تحركات حتى دارت على على ضهرها تحت يدو لي كان حاط عليها وبتاسمات وهي كتحط يديها الصغار على وجهوو) وا طنبغيك أنا أبنـادم.. (حبسات ضحكت كتدوز صباعها على حجبانو) يخليلي المخنزر ديال أنا.. 

أنير (حرك راسو شوية لهيه وهنا): ديلمها كي راها تاكلي راسي.. 

فيونا (تعلات شوية حتى وشدات فيدها لخرى وبدات كتهبطو عندها): وتاكلك كلك.. مالك ماشي ديالها.. 

أنير (حط يدو جنب باش مايهبطش عليها ثقلو وجاوبها بنصف ابتسامة): ديـالها..

فيونا: اوا هكاك.. (عضات لسانها كتضحك عاجبها الحال)

أنير (شحال كيشوف فيها وفتفاصيلها شوية بشوية حتى تحدر باسها وتنهد): نمــوت فجدك 💔

فيونا (قلبها غيسكت): خليني نوض قبل ما تموت ليا بالجوع.. 

أنير (خشى يدو تحت ضهرها وزيرها): شتا بانلك نفطر بيك؟

فيونا (هازة فيه عينيها وكتتفشش): هههه وراه فيا پيپي.. 

أنير (طلقها باستسلام): روحي.. 🤦🏻‍♂

فيونا (تگعدات حتى باستو وعوداات هربات من حداه كتتعوج بمكر وتضحك)

أنير (متبعها بعينيه عايق بفعايلها): خلى دار شرك ههه

🦄🦄🦄 قضات حاجتها ودازت للدريسينگ بدلات عاد رجعات للبيت لقاتو قاد الگوڤر لي وكيرش ريحتو جيهة المرايا.. هزات المرايا كتمشط يالله خطى خطوات ووقفاتو.. 

فيونا: وا بلاتي نهبط معاك..

أنير (وقف ودار ماد دراعو)

فيونا: ناء هزني.. 

أنير: رواحي المجنونة ههه..

فيونا (حطات المشطة دغيا ودورات يدها على خصرو كتفرنس حتى وصلو للدروج سبقها هبط شي درجات حتى طلعات فظهرو وهزها من مؤخرتها وهبط.. حطات حنكها عليه ونطقات) نفطرو فالطراس أحَـابيبي؟

أنير: ماشي راه البرد.. 

فيونا (هزات راسها): لا راه بدى كيسخن الحال.. 

أنير (سكت تواني كيفكر ودور راسو شوية جنب عندها): نفطرو أعمري..

فيونا (باستو فضهرو وعاود حطات راسها)

*** دخل للبيت لي كان مظلم عليهم.. ومن الضو القليل لي كان داخل بانت ليه البعلوكة كتتحرك وكتفركل بلاصتها.. ضحك ومشى هزها من بلاصتها.. 

ليليا (شافتو وهي تفرح وبدات تشكي عليه): غغغغغ.. غغغغر.. 

سفيان (دار سبعو على فمو وهمس): شششـ 🤫 دروك تفيق وتوريك كيفاش النسا راهم يشكيو.. صهطي خليها ترگد.. 

ليليا (فحالا هماتو وهكاكا كملات فعتابها ولكن بصوت ناقص ههه وخاشية صبعها ففمها كتغض فيه وتتغدد): اغغغووو.. اغغ 

سفيان (ضحكاتو فنفس الوقت كيحاول يسلتها عليها قبل ماتفيق): ههههه ماديتي منها غير النگير.. رواحي يالضاصرة نمشيو عند حناك.. 

راوية (دخلو عليها الكوزينة): راها نايضة ولا نوضتها؟ فوقاش جيت نتا بعدا مادرتش الحس؟

سفيان (باس راسها): غير دروك جيت.. رگبت لكيتها نايضة.. 

راوية: مزيان غي ملي مانوضاتش مها.. كون راه خلاتكم بلا رگـاد عاود.. سمعتها تزگي.. 

سفيان (كيحيد لليليا يدها من فمها ويعضر): غير بالرگاد أما راه دارت ليها الدوا.. راها فاتت العام ماعرفتش وقتاش تهنينا من هاد الكسرة لي راها دايراتهالنا كل ليلة.. 

راوية: صبر اولدي وشتا دير؟ هادو هوما البز يسحابلك راهم ساهلين ولا؟

سفيان: راحنا صابرين.. (باس ليليا) ياك أبابا؟

ليليا (كتحاول تشد شعروو وكتضرب بيديها بشوية): اووووو.. اووه اااا 

سفيان: واه لبوك ضربي 😒

راوية (دارت ككتكمل تنقية الخضرة): بسلامتها.. 

ريم (دخلات عندهم ماشابعاش نعاس وقفات حدى راوية باست ليها راسها): صباح الخير.. سمحي لي والله ماكديت نوض.. 

راوية: راني عارفة أبنتي.. عارفة بحقهم غير رگدي رتاحي.. 

ريم: الله يطول لينا فعمرك ويخليك لينا.. 

سفيان: أمين.. 

ريم (تلفتات عندو): ونتا شتا دخلك؟ 

سفيان (مع ليليا): ها ماماك غتبدا عاود.. 

ريم (غنزرات فيه حيت كينعس وماكيعقلش عليها ودارت كتاخد داكشي لي شادة راوية فيديها): أري نكمل عليك.. 

😈😈😈 شادة فيديه حتى هبط على رجليه أخر درجة وزاد معافر.. جامع فمو وعاقد حجبانو كالعادة تگول زايد مخنزر.. تمشات هي وياه حتى دخلو عند منصف.. دور عينيه حتى شافو فين وهو يبدى يحرك فيدييه لي شاداه منها ويجرها حتى تفك منها وطلقاتو وزاد بوحدو.. وقف عند رجليه وجر ليه سروالو كيحركو.. هبط راسو منصف وهو يبان ليه بسالوپيطو الصغيور كيشوف فيه ويتسنى.. هزو كيضحك ودار عندها جيهة الباب.. هزات زينب يديها بجوج وحركات ليه راسها باستسلام مغلوب عن أمرها.. ضحك ومشى عندها يالله وصل نطقات.. 

زينب: مابغاش يگعد.. كالك يهود عندك راسو..

منصف (شاف فيه): كطير أصاحبي ههه.. صافي غي خليه.. 

قُصي (حط عليه راسو.. صافي وصل للي باغي): بـا بــّاه.. 

زينب: نطلع نكمل داك طعام( كسكسو)..

منصف: أحح على الحداگة 😍 

زينب: شُفت؟ 😇

منصف: شفت الكبيدة.. قربي نبوسك

زينب: كون تحشم ههه

منصف: مالي كنشفر (جرها عندو حتى باسها فحنكها)

زينب: هههه

منصف: يالله طلعي فحالك..

ماعاوداتش معاه الهضرة.. تسناها حتى مشات ورجع حط قُصي فالكرسي ديالو طويل دالدراري الصغار دايرو ليه عندو تم ودار حاضي شكيديرو وراد معاه البال.. مرة مرة كيبدا يعيط ليه ويضرب بالعيبات لي عاطيه ملاهي بيهم فوق البارتية البيضة لي قدامو باش يلفت انتباهو ويجي يجمع معاه.. كيدير ليه خاطرو ويتلفو ويدور تاني على ما رصى كلشي وجر كرسي گلس حتى هو حداه..

منصف (قرب حتى باسو فعنقو)

قصي (هرب لحيتو لي دگاتو بنفس الشوفة الحادة وحط يدو على عنقو): ديدي.. 

منصف: قرحاتك؟ ههه

قصي (هز راسو بـ اه وهو كيشوف فيه): تـاتك.. 

منصف (حط يدو على يديه الصغيورة لي باقا فوق عنقو وهضر): صافي اولدي أخر مرة.. 

قصي (مد ليه يديه باش يهزو ويتفك من الربطة لي مربوط)

منصف: لا غير خليك ماعندك فين تنزل.. 

قصي (بدا كيخرج فقنوفتو): پـاپـّا.. 

منصف: هاني أبابا حداك شوف شنو عندك هنا.. (كيحرك بيديه اللعبة لي قدامو) شنو هدشي؟ وريني كي كدير ليه.. 

كان كيشوف فيه حتى تدهشر مع اللعبة وتشتت انتباهو.. دغيا غمق عليه منصف ولهااه بالهضرة واللعب باش مايهبطش ويصدق لاهي ليه هو نيت گاع لي خدامين تما.. هادشي التحت أما فوق عند الناس لي يالله طفات عليهم الشمعة وفايقين.. طلعو بلاطواتهم للدوزيام وخرجو بيهم للطيراس حتى قادو الطبلة ووجدوها وگلسو كيشربو فكيسانهم ويفطرو هوما وليوون لي غادي جاي حداهم.. 

فيونا (لايحة عينيها قدامها جيهة المحابق لي غرسات هي وياه): فكرني نسقيهم فاش نسالي.. 

أنير (گالس قريب ليها وحاضي مع ليون لي فوق الطبلة لا يقلب شي حاجة): واخا أعمري..

فيونا (شافت فيه): ماغتمشيش لكلوب ياك؟

أنير: مزال حتال بلاتي.. خاصك شي حاجة؟ 

فيونا (حاضية معاه بنص عين بلا ما تبيين): لا غير سولت.. (خلاتو حتى هز من الكيك الصغار فوقها السكار گلاسي زايد نغزة.. الكيك فيه ولكن هي زادتو كثر بلعاني.. قربها غياكل منها وهي تصوط عليها حتى طار السكار وعمرو.. يالله غيستوعب شنو دارت بدات كتضحك من شكلو عضات من الكيك لي فيدو دغيا وهربات)

أنير (فثواني وقع داكشي خنز وهضر): ديلمك.. (مسح وجهوو وشاف جيهتها) رواحي لهنا!! 

فيونا (ماقادراش تجمع الضحكة كتحرك ليه غير راسها بلا) 

أنير: نوض؟

فيونا: ههههه صافي هاني.. (رجعات عندوو بشوية.. كتقرب ورادة معاه البال لا يغفلها ونيت داكشي لي دار)

أنير (غير قربات جرها بالخف.. مافهمات كي دار ليها حتى ولات كالسة عندو ومخمج ليها حناكها مع بعضياتهم بصباعو): وشتا دروك؟

فيونا (كتهضر بزز): هههه حق مولانا ما نعاود ههههه وا طلق غتفش ليا حناكي ههه 

أنير (طلقها وعضها من حنكها نيت غير بالشوية): مجنونة.. 

فيونا (حطات يدها بلاصة العضة بتبوحيط): أحححح.. عنحسك وعتتيني.. 

أنير (بلعاني): وعكتك!!

فيونا: وعتتيني هههه وصافي.. 

أنير (حط وجهو وسط عنقها من الجيهة لخرى غير لي حداه وغمض عينيه): ها هو صافي.. 

فيونا (هزات يدها لي حداه وحطاتها ورى عنقو فمؤخرة شعرو وبقات كتدوز صبيعاتها بشوية وكتلعب برجليها لي مهزوزين من الأرض فصمت تام حتى كسراتو تاني): baby.. 

أنير (بلا كايتحرك ولا يهز راسو): اممم؟

فيونا: بغيت نعوم.. 

أنير: فهاد الجو؟

فيونا: وا فالپيسين.. 

أنير (باسها بشوية حتى بورشها) 

فيونا (ميلات رسها شوية جيهتو مبتاسمة): كمل فطورك قهوتك غتبرد.. 

أنير (باقي حاط راسو على كتفها شد طراف كابيتشوها حتى قاد سنسلتو وسدها بشوية): ماتبرديليش غي نتي أگليع گلبي.. 

فيونا (شدات ليه راسو بجوج يدين.. هزاتو قابلاتو معاها وگلسات كتبوس فيه وتعاود بالجهد): نتا راه الحب نتا.. (كتحرك يدها على لحيتو وتشد حناكو بين صباعها وكتعاود تبوس) لكبيدة ولقليييّب 😍 

أنير (شد ليها راسها وباس هو هاد المرة ففمها مجنن): ريضي نفطروو..

فيونا (قادات گلستها فوق رجليه وخلاتو كياكل ويوكلها معااه.. سكتات شحال تاني وهضرات): توحشت قُصي..

أنير (شرب من كاسو على خاطرو وحطو فوق الطبلة عاد شاف فيها): وأنا توحشت نشوفك بوحدك.. (شاف فيها مطولا وكمل هضرتو) ماگُلت تهنيت ولفت لليون الأرض والوسع جاني ماكفس منو..

فيونا (كتدقق فيه وفتعابير وجههو باعجااب): مغيــاااار 

أنير (ركز فعويناتها): ومن حقي..

فيونا (كتحاول تخفي ابتسامتها): من حقك.. 

بدا كيصوني تيليفونها.. جرو أنير طل على شكون وعاود دفعو ودور وجهو كيصوط 🤦🏻‍♂.. 

فيونا (عضات على قنوفتها لتحتانية حابسة الضحكة هاد المرة وبلا ماتقرب الطيل ولا دور جيهتو سولاتو): شكون؟

أنير: سيدو عاود.. 

فيونا: عاود ههههههه سعدك فيهم غا هوما 😹

أنير: راكي تشوفي.. نتهنى من واحد يجيلي لاخر.. بصح ليوم والله لا حلمو بيك.. (ناض جمع الوقفة هازها بين يديه)

فيونا: واااهيانـاري هههه وا بلاتي نجمع غا الطابلة.. وا أنيــر 🙆🏻‍♀ 

ماحطهاش وماهبطها حتى دخل للبيت ووگف عليها حتى بدلات وبدل موراهاا بالخف ونزلوو.. ركبو فالطموبيل وماوقفو حتى وصلو لتافوغالت.. ضربو دورة وسط الطبيعة وطلعو حتال المغارة لي تما شادين فيعضياتهم وهبطو مشاو لزگزل.. دخلوو لجيهة العين شربو منها وتراشو بالشوية دالما وهوما كيضحكوو ورجعو لبرى خداو طبيلة صغيرة وگلسوو.. جابو ليهم طاجين تغداو بيه وبقاو تما مدوزين لعشية كيتعاودو ويجمعوو.. معنقها أنير بدجاكيطتها.. ولايح هو وياها عينيهم على شنو داير بيهم.. منها بدلوو جو منها ريحو نفسيتهم وأعصابهم بعيد على الناس والعائلة.. الراس فالراس.. عاد شدو طريقهم للدار.. طلعو.. جمعات فيونا فالدار لي غتجمع.. حطات التخربيق لي جابو معاهم من برى.. تعشااو.. طرفات الكوزينة وطلعو لبيتهم متلفها غا بالفن فشكانت بغات الصبااح وهكا داز نهار آخر من أيامهم الروتينية العادية والنهار جر خووه حتى وصلات وقيتة القرايا تاني.. وبدا العد العكسي لامتحانات اللخر دالعام..

فيونا (صايگة طموبيلتها المكيورة حتى وقف الحمار لي قدامها على غفلة.. مع فرانات وراه دغيا تسمعات الخبطة.. دوزات يديها على جبهتها رادة شعرها لوور وهي كتصووط وفكاات السمطة ديالها باش تنزل): يخخ على نهار 😾 (هبطاات ورجعاات لور كتشوف فطموبيلتها وطموبيلة الزمر لي ضربها من اللور فاش فرانات على لي قدامها.. يالله هزات راسها فالشيفور لقاتو غادي راجع ليها فحالا ماواقع والو) وااا الشريف.. (ماعارها حتى اهتمام مع كتباان مكلمنة.. وهي تعااود تنطق) وااا السمحمد واااا بگر علال.. 

السيد (عاد دار): راكي تهّضري معايا ولا؟ 

فيونا (كتطنز عليه): هاه الى جات على خاطرك.. 

السيد: واه گوليلي؟ 

فيونا: لا نتا نيت لي غتگول لياا!! غتخلصها ولا كوسطا؟ 

السيد (داير راسو بريئ): وشتا لغادي نخلص؟ 

فيونا: خلى دار عشتك.. 

السيد (مع بريب لطموبيلتو وقف وبدا كيهضر بيديه والكوستيم زعما): الوطو ديالك مخسرة ولوطو ديالي حتى هي ادا كل واحد يصاوب صوالحو.. 

فيونا (بصوت مافيه ذرة انوثة): شنـاااهواا؟ كدوخ نتا وقيلا.. ياكما بنت ليك فالغووز؟ 

السيد: Non c'est grave je peux pas te parler pardon.. (لا بزاف مانقدرش نهضر معاك سمحي ليا) (تم غادي باغي يركب)

فيونا: pardon هو نتا.. راه t'es obligé ماشي كنتشاور معاك et puis on sais tous parler en français ce n'est pas quelque chose de rares يعني غا بشوية عليك (خبطات يدها لالكاپو) وبربي لا تحركات هاد القشواشة من هنا حتى يجيو البوليس باش نشوفو هاد الفهامة الخاوية بشحال كطيح (سمحليا هو نتا وراه بزز منك ماشي كنتشاور معاك وگاع كنعرفو نهضرو بفرونسي ماشي شي حاجة غابرة...) 

السيد: راه نتي لي وگفتي على غفلة.. 

فيونا (سدات طموبيلتها اوطوماتيكمو وجبدات التيليفون من جيبها باقا بنفس التخنزيرة لي كانت مخربقة كمارتها مني هبطات ودوزات لاپيل): ايه وما سامعش بمسافة الأمان؟ (بضحكة استهزاء) فين مدوز الپيرمي؟ فلاربعة الغيس 😾 

السيد (مني شافها حاضية صواريها وماغتتضمسش ليه سد الباب وقرب عندها): ريضي غي نتفاهمو.. 

فيونا: بربي لا جات هضرتي على هضرتك.. سالينا گبيلة وراك ضاربني من اللور يعني وخا نكون انا نيت غلطت قانونيا نتا الفوتيف (فالتيليفون) فينك؟.. جي عندي أنا فشاريع زنكوط (قطعات دغيا دورات عينيها فالناس لي واقفين دايرين بيهم كيشوفو شنو واقع ووجهات هضرتها لواحد فيهم) شوف اخويا الله يحفظك واش كاين شي بوليسي فالرومبوان القداام.. 

الدري (بغا فيه الخدمة عجباتهم فيه): واه نشوف لختي هي اللولة.. 

فيونا (خنزرات فلاخر بتحدي): الرضا.. (سمعات صوتوو وسط صوت الكلاكصون والروينة لي دايرة بيهم)

... : شتا تما؟

سفيان (كيشوف فالضربة)

فيونا (تلفتات عندو وهي كتصور الماطريكيل ديالو والكسيدة): والو غير تفكرتك نتا فالاسورانس توقف ليا على هاد الويل حتى نقيدو هاد الكوسطا ليوماا.. 

السيد (ماشي شي راجل كبير عندو غير ديك ستة خمسة/ستة وثلاتين هكاك.. قرب عندها وبغا يدخلها بطريقة خرى مستغل بعد سفيان لي كيقلب فداكشي وكيعيط فالطيل): هاكي رواحي دِّي (نعطيك) النيميرو نتاعي.. ولغايلي ونديرو كافي ونصايبهالك بلا ماندخلو حتى حد أخر (غمزها)

فيونا (بقات كتشوفيه وكتتسناه شغايصنع.. خلاتو حتى كمل وشنقات عليه من الكول ديال الشوميزة): نزيدو التحرش حتى هو؟

مع دار سفيان لقاها شانقة عليه وخا قصر منو حبس الضحكة وتمشى جيهتهم جا البوليسي حتى هو مور الدري لي سيفطات وزمطاتو تماا حتى كملو گاع الاجرائات القانونية لي خاصة باش يتكلف بمصاريف الإصلاح فحضور البوليسي لي وقفات وخا هي كافية وموفية عاد تزعزعات ليهم من تماا هي وسفيان.. 

سطاسيونات قدام الدار.. حلات دخلوو.. لقاو أنير گالس ولي هز راسو من على تيليفونو مع الحلة دالباب.. 

أنير (عقد حجبانو وعاود شاف فالساعة وفسفيان لي خاصو يكون باقي فخدمتو)

سفيان (جاوبو بلا ما يهضر): مرتك أخويا راه بزاف.. 

أنير (تگعد على المجدة لي وراه): وشتا صاري؟

سفيان (كيضحك): دارت كسيدة العافية الزرگة وتشانقات مع لان (الحمار) لي ضربها.. 

فيونا (بهمس مسموع): اللقوة.. (هزات راسها وهي كتحيد السبرديلة لي بقات) هو لي فيه لا فوط لهيلا.. 

أنير (كيقلد الكلمة لي كتظل تكوليه): هـا وضربيه؟

فيونا: وتا راه هو لي گالك كولا يصاوب صوالحو؟ بنت ليه مناكل التبن أنا؟ 😒 (گلسات حداه)

أنير: لا راك تاكلي النعمة.. (شدها من عنقها) علاش ما لغيتسليش؟ 

سفيان: جوج بيكم راه بزاف.. براكة غا هي.. عاودولي عربطات عليه.. كان ناوي يسلت يسحابلو شي كيليميني ساعا ندماتو الحريگة.. 

فيونا (حابسة الضحكة): جا حتال رحبة فليو وبغى يعطس.. كون مشيتي نتي كون خليتي عشتو وصدقتي مخلص السبيطار ولاسورانص 

أنير: غير طلقيها لمك.. شي نهار نعلقك فديك الترية راك تشوفيها.. (يالله غتبدا تمسكن بملامح وجهها جرها عنقها) وااه راني حافظك.. 

سفيان (ناض جمع الوقفة): سيادنا السلام عليكم..

أنير (شاف فيه): صافي مشيتي؟

سفيان: مني سلتت بكري نمشي نخرجهم شوية.. 

فيونا (قلبات جنابها حتى لقات شنو بغات ولاحتهم ليه): هاك.. 

سفيان (دغيا تلقا ليهم لقاهم الكونطاك ديال الطموبيل): الرجولة.. 

فيونا (ضحكات ليه مغمضة عينيها بمعنى هانيا)

أنير (ما تسناهش حتى سد الباب.. زير عليها وزاد درلعو لخرى خاشيها فيه وباس راسها عاد رخفها شوية): كي دوزتي؟

فيونا (هزات راسها كدور عويناتها على وجههو): مزياان.. باقي غدا والسيمانة الجاية مزال.. ☹

أنير (كيدوز يدو على شعرها): قربتي.. وخا ماراكيش عاجباتني.. 

فيونا (خرجات عينيها كدور فيهم جامعة فمها وقاطعاتو): مابقيتش عاجباك؟

أنير: الحالة لي راكي فيها.. مابقيتيش تاكلي..

فيونا (خسرات وجهها): مافياش بغيت غير نعس😪

رواحي نطلعو نصايب ليك غير شي حاجة خفيفة على ماتبدلي.. 

فيونا: فلان (🍮) عفاك

أنير: واخا أعمري.. 

بقى معنقها حتى هزات صاكادوها وطلعو.. هي كملات حتى الفوق لبسات سروالها دالسورڤيط حتى هي وتيشورط وخرجات مع كتوبتها.. لقاتو فوق الفوطووي بصوندويش على مايبرد ليها شنو بغات.. عضات منو بزز جوج عضات وخلاتو وغرقان كتوجد حدااه وهو كيتفرج فماتشاات الفري فالتلفازة..

كل مرة تبدل الگلسة وهو لايح عليها عينو.. دازو ساعاات.. حط ليها فلان.. كلاتو والوراق فيديها وكملات حتى قرب نص الليل عاد طلقات من داكشي.. تكسلات وتاخرات حداه تخشاات فيه حتى نعساات.. 

الغد ليه تاني نفس الشي.. داها حتى دوزات وردها ومشى لكلووپ حتى سالا ورجع.. وغير شافتو مدات ليه يدها حتى جا عنقهاا وگلس حداها.. لقاها تاني ما واكلة والوو.. صلوب ليهاا وجا گلس حداها مخليها تتكى على ركبتو وهي كتحفض..

بقى كيلعب ليها فشعرها وفوجهها ووهي شادة الكتاب فيديها حتى غفات وهزها بلاصتها.. 

وكل مرة فين.. مرة تگلس تپريپاري فوق النامويسة حتى كتتشبح.. مرة برى فشي بيت.. مرة لتحت فالصالونات.. ديك السيمانة كلها لي بقات ليها هكاك دوزاتها.. هملات راسها بزااف وهملات صحتها.. كتدخل غير كتدوش وترجع لوراقها وتوجادها.. أما حتى الماكلة مابقاتش كتتسوق ليها حتى كيبززها عليها.. لدرجة ولات غير سخفانة وشاداها الدوخة.. وبسيف وهي واقفة على الخوى.. ضعافت ونقص وزنها بشكل ملحووض شي لي خلعهم عليها وخا عارفين اش شاطنها وخصوصا أنير لي ولى شاك أنو جاها فقر الدم گااع.. 

وقف كيتسناهاا قدام ليكوول حتى بانت ليه جايا جيهتوو.. حلات الطموبيل مني وصلات عندو وطلعات.. باستو فحنكوو تحت أعين بنادم لي ديما حاضيهم وگلسات براحة كترد النفس فحالا كانت كتجري.. 

فيونا (حسات بيه كيشوف فيها.. تلفتات عندو وفهماتو اش كيتسنى): مزياان.. جاوبت تقريبا على كلشي.. 

أنير: الحمد لله

فيونا(تكات برتيااح على ضهر الكرسي): اوووف عاد تهنيت 😪

أنير: على سلامتك (عاد تحرك من بلاصتو ما وقف حتال قدام الكابيني ديال الطبيب لي كيعرفوه عائلتهم)

فيونا (هزات راسها على كتفو حتى كيبان ليها الشارع): هاء فين حنا؟

أنير (حيد الصمطة): رواحي أعمري.. (هبط ودار حل عليها على ما حلات داكشي وكتشوف فيه مافاهمة والو.. حتى نزلات شد ليها فيديها وتم غادي للعمارة)

فيونا (غير شافت البلاكة لي معلقة وهي توقف مخسرة وجهها): وا لا ولا ولا.. وا مافيا والوو والله.. 

أنير (حاكم يدها وسط يديه): عارف أعمري نشوف غير هاد الشهية شتا فيها.. 

فيونا: وا ماكنحملش ريحة الويل🤦🏻‍♀

أنير (بنصف ابتسامة): رواحي ابنوتتي.. 

طلعها بزز.. قاس ليها الطبيب لي كان راجل كبير نبضات قلبها غير من يديها.. الضغط وغيرو.. ونيت عطى احتمال كبير لفقر الدم نتيجة سوء تغديتها.. خدى منها الدم باش يتأكد ويخرج ليها الطريطمو ديالو.. وخرجو رجعو للدار.. 

مع وصلو لقاو زينب واقفة قدام باب دارها فيديها قصي شاداه صحة.. نزال فيونا هي اللولة وقطعات عندهم وقبل ما توصل اضطرات زينب تطلقو باش تخليه يمشي عندها.. تحدرات فيونا خلاتو عنقهاا وكابراا هزااتوو وزادت عندها.. 

فيونا: زينوو.. مالو؟

زينب (كتسلم عليها): كسر دنيا باغي يجي عندك.. عيت نگوله ماراهاش هنا ووالو گالك يوقف حتى تجي.. 

فيونا (وسط بوساتو لي كتتلقى باستو حتى هي): لقليب.. صافي ها هو عندي حتى تجي ليه.. (داتو فيديها)

زينب: واخاا

كان أنير باقي فالباب كيتسناها.. حتى دخلات عاد سد وطلعو الفوق.. لقاو المرى لي كتجمع ليهم الدار وكتعاون فيونا كاينة.. 

فيونا (باست ليها راسها): الحاجة كي دايرة لباس؟

الحاجة: الحمد لله أبنتي.. كي راكي نتي؟

فيونا: الحمد لله.. 

الحاجة: تغديتي؟ 

فيونا: مافـ.. 

أنير (قاطعها): مزال عاد.. 

الحاجة: راه الغدا واجد.. 

أنير: غير خليخلي عليك.. أنا نحط ونطلعو لفوق.. تغديتي نتي؟

الحاجة: واه أولدي.. 

فيونا: هانا طلعت أنا وقصي الفوق باش مايرونش الدنيا.. 

أنير (تلفت عندها وهو داخل الكوزينة): واخا أعمري.. 

دخلات للبيت.. حطاتو فوق الناموسية ودخلات للدرسينگ ساعا ماجات فين تهز شراوطها حتى لقاتو موراها كيدور فعينيه.. جاب ليها الضحكة رونات ليه شعرو وبجغات ليه حناكوو وهراتو بوسان عاد طلقاتو وبدات تلبس.. هي تطلع سروالها وهو يهبطو حتى قردات عاد قدرات تلبس الفوق.. كملا وجراتو تاني لبرى.. تلاقاو أنير طالع هو وليوون.. حط البلاطو وتغدا هو وياهاا وقُصي لي عاود معاهم الغداا ومعافر باش ياكل بوحدو.. جمع هو نيت داكشي لي فوق الطبلة يهبطو ودفعاتها فيونا جنب بعد ماغسلات هي والبعلوك يديهم وگلسوو فالأرض كيلعبوو.. 

خارج من جيهة الريزيدونس لي ساكن فيها حتى كيصوني تيليفونوو.. جبدو وجاوب ما ان شاف سميتها.. 

سيدو: خلى دار الشر.. نسيتك.. واه.. واخا ستنايني راني جاي.. 

قطع ورد الزمر الجيبو مبدل طريقو وشاد أول طاكسي قدامو.. وبعد ما وقف قبل للضرورة نزل فمحطتو الأخيرة.. خلص السيد وتم طالع للطيراس دالكافي لي هبط قداموو.. جا داخل وغير وشوشو ليها بقدوموو دارت أسما وتوجهات عندو.. سلمات عليه بلا بيز ووبأنوثثها المشتتة كالعادة.. عطاها كادوها وقربو عند الشلة كيضحكوو حتى بدات كتتلاشا ابتسامتو شوية بشوية فاش جات عينيها فعينيه وهي نفس الشي.. حدر راسو وعاود هزو لعلها غير تشابهات ليه ولا غير تهيء ليه كالعادة.. لعلوو غير طيفها لي ولى ملاحقو طيلة هاد الشهرين لي دازو من نهاار الليلة لي شافها فالديسكوطيك وتبعها ومع تودرات ليه فالزحام سحاب ليه غير ماشافش مزيان.. هز راسوو مرة خرى كيتأكد.. وعكس گاع المرات لي سبقو قبل كانت هي.. بضحيكتها.. ملامحها الحادة.. وشوفاتها الجريئة.. خفاو صدمتهم دغيا كابحين ارتباكهم بهاد اللقاء لي ماكانوش كيتوقعووه.. ولقلة عددهم سلمو على بعضياتهم ومن باب المجاملة سولو على الأحوال والعائلة من بعيد لبعيد..

هو گالس مركن براحة كيما ولات عادتو هاد تلت سنين لي فاتت مكتافي بدورو كمتفرج فداكشي لي داير بيه.. حداه أسما المستمتعة باحتفالها بيوم قدومها لهاد الدنيا.. وهي.. فالجيهة لي ماقابلة معاهم.. گالسة وماگالسة.. تعابير وجهها كيوحيو على عدم راحتها ماشي غير دابا بسباب النظرات لي كتحس بيهم كيجيو عليها مرة مرة.. هداك احساس ولى كيرافقها كل ما قرب حداها Jean ولا قرب عندها بأي شكل من الأشكال وخا غير فحال دابا نيت وهو لايح يدو ورا ظهرها وخا ماقايسهاش.. وفاش نگولو Jean راه ماشي أي واحد.. لطالما كان فنظرها لسنوات طوال المثال الحي لفارس أحلامها.. لا شكلا ولا مضمونا.. كان كيعجبها بزاف وتخبطات حتى عيات باش تلفت نظرو وتشد انتباهو ليها وكثر من هكاك يكون ليها باش فالأخير يجي حدث صغير يقلب موازينها ونظرتها للأمور.. سلسلة مواقف بسيطة ما خدات من فاعلها حتى مجهود خلاوها الزعورية تولي تجيها باسلة.. وتفتح عقلية بنادم وعدم غيرتو عليها تجيها نقص فالرجولة.. الرجولة لي بالنسبة ليها حاليا كتقتاصر على الرجل المغريبي.. ولات كتدقق وكتراقب وتدقق فأدق الحويجات حتى بسال طعم گاع لي كان كتستمتع بيه قبل وبهات كل ما كانت كتشوفو زوين.. وحيت عارفة راسها ماغتقدرش توصل لاش باغا ومن المستحيل تحصل عليه حاولات تتأقلم مع الواقع الحامض لي هي فيه حتى كيفاجأها القدر وكيحطو قدامها بمسافة ماتزيدش على جوج ميترو.. أش كيدير هنا؟ أش جابو؟ أش علاقتو بهاد الناس لي هو وسطهم.. مالقات حتى تفسير ومالقات فيديها مادير غير انها تخبي فضولها وغيرو من الأفكار والأحاسيس حتى يدوزو هاد الساعتين على خير.. 

من البروميير حبس أنير الڤيسوز لي كيفيكسي بيه شي مسامر دواحد اللعيبة مع البلاكارات حتى تأكد بلي كاين صوت دالصونيط نيت.. هبط حتى حل ليهم الباب وتم طالع هو وياهم.. 

ريم (يالله وصلات البروميير تلفتات عند أنير): فين راها؟ 

أنير:تلگايهم لفوگ هي وقصي.. 

دخل وهو وليون لي غير لاسق فيه بحظور الجنين وخلاها كملات بوحدها هازة وبنتها فيديها.. طلات عليهم لقاتها ناعسة فالأرض.. داتها عينيها من العيا.. وحداها قصي گالس حداها كيدوز يدو على حنكها وشعرها ويشوف فيها ساهي.. غير حس بيهم ودار دغيا.. شاف فيهم عاقد حجيانو وعاود شاف فختو كيحرك فيها بشوية ويعيط.. 

قُصي: ففـوفا (كيحركها)

فيونا (ديرونجاها): هممم.. شوية ونكملو خليني أماما نرتاح شوية.. 

ريم (جاوباتها داخلة): أنوضي النعاسة.. 

فيونا (حاات فيها عينيها بزز بابتسامة): نتي هنا..

ريم: ومك عدنا هههه 

فيونا (تگعدات شوية مكاليا بمرفقها): لا صافي فسدت ليك أخلاقك هههه

ريم (نزلات حتى سلمات عليها وخلاتها باست ليليا وگلسات بلاصتها): اواه هههه رديتيني كازاوية بالسيف..

فيونا: ههه لا هادي كيگولوها العروبية (دور ليها وجهها عندو زايد نغزة فالتخنزير ماحملهاش تبوس لبنوتة) 

قُصي (حتى دور وجهها عندو وحط صبتو على راسو): صـاي.. صـاي.. 

فيونا: مالك نت؟

قصي (حاط ليها حنكو على فمها وشاد ليها حناكها بيديه): ننـا.. (أنا زعما)

فيونا (باستو وعودات): ههه الزمر (ناضت گلسات وجراتو عندها) أهياناري على هاد الولد.. (معنقااه هزات راسها فريم) صاڤا؟ 

ريم: أرانا.. نسلكو.. 

فيونا (فحالا تفكرات شي حاجة): أجي.. شنوو ليوما؟ 

ريم: الخميس.. 

فيونا: وااع.. كنت غننساهم 🤦🏻‍♀ أنيــر 🗣️

فالجهة لخرى.. كانت زينب مستغلة الفرصة وقالبة دنيا.. جابدة تمارة على راسها وعلى منصف لي كل مرة تگوليه يهز ليها بلاصة ويخوي معاها قنت حتى تخملو وتجفف تحت منو وتمسح وتقااد.. كتوجد وتعاود.. ماطلقاتو فحالو حتى قسمات ليه ظهرو على جوج.. رجع للريسطو ودخلان هي للكوزينة تاني كتخربق فيها وتعجب.. 

*** الموسيقى على الجهد والضواو.. شي كيشطح شي مجمع شي واقف.. كل واحد شنو كيدير حتى وصل فالأخير وقت تقطاع الگاطو.. ناضو تجمعو على الطابلة الكبيرة لي دخلو كلهم بما فيهم سيدو لي جات جراتو أسما من يديه.. وقفو وغناو ليها وهي كتترطط عليه عاد دازو للحلوى.. وهوما فداك الزحام ضرب على Jean لي كان معنق صونيا وهي ضاحكة ووخاا ضحة بزز من بعيد كتبان عادية.. بتاسم ابتسامة جانبية وحدر راسو ودار فحالوو.. باقي غادي سمع أسما صوت كتعيط ليه.. 

سيدو (تلفت وتسناها حتى جات عندو): وشتا؟

أسما: où vas tu ؟ (فين غادي)

سيدو: نروح.. 

أسما: c'est pas encore terminé.. (سكتات شوية وزادت) Stp (مزال ما سالا هادشي.. عفاك)

سيدو: أسما 😒

أسما: واخا.. Tu rentres à la maison ؟ (غتمشي للدار)

سيدو (كيجاوبها ومتحاشي يشوف شي حاجة.. لي بغا يفهموو راه فهمو): واه..

أسما: اوا attends moi pour dix minutes.. je t'accompagne.. (تسناني عشرة الدقايق.. نمشي معاك)

سيدو (باغي غير يتفك): تلگايني لتحت.. 

أسما (مني ماگالش ليها لا تعلات حتى باستو فحنكو) 

هادشي كامل داز على مسامع صونيا لي ما كانت بعيدة عليهم بزاف ومع الموسيقى ناقصة كانت الهضرة والكلمات مفروزين وواضحين.. بقات متبعاه بعينيها غير من التحت لتحت حتى غبر ودارت كتشوف فأسما لي ماطولاتش بزاف واعتادرات لگاع لي حاضرين متحججة بوقوع حالة طارئة عندها وتبعاتو.. لحسن حظها لقاتو صبر نيت وتسناها.. لاحت ليه الساروت وطلعو للطموبيل ديمارى وزاد ساكت.. 

أسما (كتحاول تجبدو): ça va tjrs ؟

سيدو (شاف فيها وعاود شاف قدامو): شتا بان ليك؟

أسما: je ss pas pourquoi ماعندكش مع les gens.. (ماعرفش علاش ما عندكش مع الناس) 

سيدو: ماعنديش مع لي مارانيش نعرفهم.. 

أسما: Et sounia ؟ فين تعرفها؟ 

سيدو (مركز مع طريقو): c'est une cousine

أسما: mmm.. Une cousine qui cherche à savoir si on est amoureux 😏 (من العائلة وهامها تعرف اش بيني وبينك)

سيدو (تلفت فيها ودار كمل طريقو ماباغيش يبين): ça m'interesse pas (ماكيهمنيش)

أسما: وا مالك كاعي.. C'est mon anniversaire comme même.. (عيد ميلادي هذا زعما) 

سيدو (مد يديه زاد فالموسيقى وضحك ضحكة خفيفة داير ليها خاطرها)

عجبها الحال وگلسات تشطح حداه مستمتعة.. زاد دار بينا شوية فالشانطيات عاد وقف قدام العمارة.. وطلعو حتال قدام الباب وتفارقوو.. هي دخلات للبرطمة لي ساكنة فيها مع واحد صاحبتها تونسية وحتى هو دخل لبرطمتو لي مقابلة معاهم..

داز الليل فوجدة هادي كالعادة.. كل واحد سد عليه باب دارو حتى صبح الصبااح.. وغير كل الصباحاات كان صباح حامل معاه ريحة المسك الطيبة الفايحة من حوايج مصطفى وبشرى لي يالله جابوهم منصف وأنير من المطار.. كان محدد يرجعو من العمرة سيمانة قبل ولكن فضلو يزيدو يامات خرين فداك المقام الشريف.. تلقاو ليهم فالباب بالصلى على النبي والزغاريت.. رشوهم بالما زهر فرحانين بيهم وبرجوعهم عاد طلعوو هما وياهم والجيران والناس لي جاو يستقبلوهم.. فرحة وصداع وروينة.. ثمر دالحج والمسابح والعنبر والمسك والما دزمزم.. ما خلاو ما جابو معاهم.. ماطولوش الضياف بزاف فالگلسة ومشاو مخلين معاهم غير المقربين.. 

تغداو وتجمعو على صينيات دأتاي والحلوة كيجمعو ويسمعو تعاويد بشرى على المناسك لي أداو أما حتى مصطفى كان ملهي كالعادة مع حفادو.. معنق فدوى من جيه وشاد قصي فوق رجليه من جيه آخر.. كيعنق فيهم ويبوس من شدة اشتياق ليهم وهوما ماشي قل منو من شدة افتقادهم ليه ماتزعزعووش من حداه كيجمعو معااه ومامسوقين گاع للي داير بيهم.. 

من موور صلاة العشا لي صلاو مصافين فالصالة جماعة تعشااو وتفرق المجلس.. راجع فطموبيلتوو بعد ما وصل والديه.. صايگ وكيفكر.. مرة مرة كتضهر بتسامة خفيفة على شفافوو.. كيحك على لحيتو بطريقة رجولية ويمشطها بصباعوو ساهي.. عاد عرفو ملامحوو الراحة ومابقاوش متشنجين ورغم أنو تحرك بزاف وطلع ونزل على طول النهار ماكيحسش نهائيا بالعيا ولا بالتعب.. هز تيليفونوو فاش شاف راسو مابقى ليه غير مسافة قليلة دوز نمرتها وما ان تحل الخط نطق.. 

أنير: هوّدي أعمري.. 

فيونا: واخاا.. (باستهم دغيا وهربات على قصي غير بالريط ونزلات.. لقاتو واقف فالبااب)

أنير (حط يدو على كتفها وقطعو الشانطي): عيتي؟ 

فيونا: مادرت والو أصلا.. بقيت مجمعة مع صطوف النهار كامل.. 

أنير (دور الساروت كيحل): حسلك گاع.. (حسن ليك)

فيونا (دخلو كيحطو فصبابطهم): أصلا كانو كلهم نايضين (تفوهاات) وأصلا أصلا فيا الموت دالنعااس.. 

أنير (ببرود مصطنع): طلعي ترتاحي.. 

فيونا (كانت سابقاه للدروج حتى نطق وتلفتات): وانت؟ 

أنير: غير روحي.. راني نعرف طريق البيت.. 

بقات كتشوف فيه شحال حالة عينيها على وسعهم مافاهماش مالو على غيروو هو لي گلس مامسوقش ليها كيقلب فالتيليفوون.. وقفات حتى عيات وطلعات مخلياه على راحتو..

حيدات كابيتشوها فالطريق على ما وصلات لبيت النعاس.. تنهداات بتعب ودفعات البااب بالشوية باش تستقبلها تستيفة ديال الشموع الكبيرة لي كتكون فكيسانها🕯 مضويين البيت كامل بللي فيه.. دوزات عينيها عليهم عاضة على قنوفتها لتحتانية ودخلات حتى متاجهة للكرطونة الصغيورة والبوكي دالورد لي بانو ليها محطوطين على الناموسية حدى ليوون مكسل.. حطات الطيل والطريكو من يدها وهزات الورد حتى شماتو على خاطرها واستمتعات بجمالو عاد رداتو فين كان وخدات البوكس 📦 كتحاول تتوقع فدوك التواني القلال لي غتستغرق باش تحلو شنو يقدر يكون وسطو وشنو غتكون مفاجأتو ليها.. حيدات عليه الغطى بالشوية كتكتاشف اش فيه..

تلاشات ابتسامتها وتشنجات حركتها مصدومة من داكشي لي قدامها.. كتشووف وتسد عينيها وتعاود تحقق فيه الشوفة باش تتأكد من سلامة نظرها.. رجفات يديها وهي موجهاها لأول قطعة قريبة ليها ولي كانت عبارة على طيسط عليه كتبة.. قرباتو ليها باش توضاح ليها كلمة +yes لي مكتوبة عليه.. هزات راسها فيه هو لي واقف فالباب.. لايح تقلوو على الكادر ديالوو كيراقب فيها وفردة فعلها اتجاه الفكرة لي كيحاول يوصل ليها.. 

ماطولاتش بزاف ورجعات تركيزها للبوكس وما فيه.. وحيت رجليها ما بقاوش هازينها گلسات فطرف النموسية حاطاه على رجليها واخدة الايكو من قلبوو ومتبعاه التقيشرات الصغيورين الكيووط لي كانو معاهم.. غرغرو عينيها باغا تفهم شنو باغي يقصد بهاد الجيسط لي دار؟ شنو زعما باغي منها baby؟ 

بصح هي ما رافضاش القضية وهادي حاجة أكيدة ولكن عمرها جات فبالها ولا فكرات فيها.. خصوصا أنو فهاد الثلث سنين اللخرة لي دازت وعلى طول المدة كان تركيزها كولوو على قرايتها.. تحقيق أحلامها وأهدافها لي مخططة ليهم ومستقبالهم لي كيبنيوه بجووج...

عمرهم جبدو الموضوع ولا تناقشو فيه رغم أنهم عمرهم استخدموا شي طريقة للوقاية والاحتياط منو ولا عمرها جات ففمها ولا شربات شي pilule💊.. وقدام صدمتها الظاهرة تحرك أنير من بلاصتو جيهتها مقرب عندها وقرد حاط يدو على رجليها لي جامع وسط رجلو.. كيتفحص ملامح وجهها والتعابير لي مرسومة عليهم.. فهم فلمحة البصر أنو ذكائها خانها هاد المرة ومافهماتوش ومع الروينة لي كانت والزحام حتى من مشيتهم للطبيب مشات من بالها ومافكراتش ولو للحظة فاحتمالية حملها خصوصا انها ما استعملات حتى طيسط ولا دارت إيكو وكانو الحويجات لي بين يديها غير أدوات شراهم أنير هكاك باش يستعملهم ويعلن ليها الخبر بطريقتو.. هبطات دمعتها كاسية خدها ببطء.. حتى حبساتها يدوو.. 

أنير (مسحها وياقي كيشوف فيها): والدموع علاش؟ 

فيونا (حنات راسها وعقلها خدام)

أنير (زاد ممازحها): وليتشي أنتشى حساسة (وليتي أنثى حساسة)

فيونا (هزات فيه عينيها مبتاسمة بزز منها من الطريقة لي نطقها بيها): تشرملتي ههه

أنير (بادلها الابتسامة): لعبو عليك الهرمونات المجنونة ههه (باسها ففخضها لي قدامو)

فيونا (تحدرات عنقات راسو لي مهبط على ركبتها وحطات خشات صباعها فشعرو ونطقات بتردد والشك بدا كيدخلها): واش..

أنير (قاطعها هاز وجهوو بفرحة ظاهرة فصوتو): راهو جاينا baby صغيور أعمري.. 

فيونا (بقات كترمش عينيها لثواني عاد دخلات قنوفتها لتحتانية عاضاها كتستوعب شنو كيگول): واايلي؟

أنير: وايلي على وايلي ههه 

فيونا (غوبشات): واماتبقاش تعيب هضرتي 😾

أنير (شد فيديها وباسها كيضحك) 

فيونا (مامتيقاش): واش متأكد؟

أنير (شاف فعويناتها لي كيبريو من أثر الدموع): واه

نزلات عينيها جيهة كريشتها وقربات يديها بشوية وبتردد باش تحطها عليها.. اكتفى أنير بأنو يراقبها بصمت ويتبع حركاتها.. كانت هادية كتتحسس مكان جنينها عل شحال عاد هزات يدها ومسحات بظهرها طرف عينيها.. كانت فعلا مفاجأة ليها وكون بقات سوايع تتوقع كانت اخر حاجة طيح فبالها.. ما ردها من سهوتها غير ليون لي ناض وجا كتحك عليها باش تدوز يدها عليه وتغلغل صباعها ففروو..

أنير: نوضي بدلي كسوتك.. (ناض وقف ومد ليها يدو) ولا رواحي.. 

أنير (شدات فيدو لي كتتسناها ووقفات باش يجرها للدريسينگ وليون تابعهم حتى وقف قدامو وهز وحدة من لي شوميز دونوي حطها جنب ودار عندها مقرب)

فيونا (كتشوف فيه شغايدير حتى بدا يفك ليها فحوايجها): لوااه.. ماشي لهاد الدرجة 🤦🏻‍♀

أنير (خدام بيديه وكيجاوبها): وكثر.. حمدي الله راك فوتي ls exams دياولك أما حتى lpréparation ماكُنتي تكمليها.. 

فيونا (قاطعاتو): أجي باش عرفتيها حگا؟

أنير (خشى ليها اللعيبة فراسها باش يطلقها فوق لي سوتيان): كونا لبارح فالطبيب لا؟

فيونا (عقدات حجبانها): يخخ.. نسيت.. 

أنير (رد الپينوار): بلاش هدا.. 

فيونا: okeey.. (مشات خارجة مخلياه يبدل حتى هو.. مشات لقدام لمراية وگلسات كتمشط شعرها باش تجمعو) امتى مشيتي الصباح بكري؟ 

أنير (خرج غير بسروال السورڤيط وداز للطواليط): لا من مور ما جينا من المطاار.. (سكت شوية وهضر بنبرة حادة على لي قبل) فدوى 😡

فيونا (غمضات عينيها وعضات قنوفتها مني تفكرات الشعر لي ماحيداتش من البلاصة لي كتدوز الما فالپينوار): نسيت والله حتى نسيتو الصباح فاش نضت ومالقيتكش ولقيتها لعشرة 😒 عقل على شنو درتي فكرتيني.. 

أنير (خرج كيمسح وجهو): كُنتي ناعسة مرتاحة مابغيتش نفيقك.. 

فيونا (حبسات القطن لي كانت كتدوز على وجهها وكتمسحو ودارت شافت فيه): ديتونيش معاكم خاسميتك 🙄 

أنير (بتاسم وقرب حتى وقف موراه وتحدر خشى وجهو فعنقها بايسها بوسة بطيئة): وتقدري.. 

فيونا (بعدات مبورش وجاوباتو دغيا): لا 

أنير (رجع قاد وقفتو): لعّمر ههه 😍

فيونا (كتشوف فيه من المراية غادي للناموسية وكيضحك عليها): بفو عليك.. 

أنير (حيد لملايا حتى دخل بلاصتو): إصبري على داك الفم لي مابغاش يحيد ديك بفو عاود 😒

فيونا: ههه راه نتا لي خايب.. (رشات من بارفانها ومشات حداه) 

أنير (سرح ليها يديه باش تكى عليها وليد لخرى حاطها على ليوون لي كان حداه من جنبو التاني): ممم عارف.. 

فيونا (تكات عليه وخشات راسها فعنقو.. كتحرك باش تقاد بلاصتها وكتتحاك على لحيتو): خايب وبزااااااااااف 😻

أنير (كيموت على تمخشيشها فيه): واه لمك... 

فيونا (بعد دقايق زگات ومن بعد السكات لي عم نطقات كاسراه وخارجة من تخميماتها هازة راسها فيه): دابا.. (شاف فيها وهي تسكت شوية عاد كملات بصوت يالله مسموع غير ليهم بجوج) زعما حتى أنا كرشي (هبطات راسها فيها قايساها) غتتنفخ وتكبر؟ 

أنير (بابتسامة جانبية): وااه.. 

فيونا (ببرائة): غيكون فيها bébé صغيور؟ 

أنير (مسايرها): واه.. 

فيونا (تنهدات): ولكن واش غنقدر عليه؟ (هزات راسها فيه) 

أنير (بقى ساكت كيشوف فتعابير وجهها)

فيونا: كان كنقابل قُصي ولكن فاللخر راه كتجي ماماه.. يعني ماشي فحال ديما (سكتات ماعارفاش واش قدرت توصل شنو بغات تگول) فهمتيني ياك؟ 

أنير (جرها باسها فراسها وبقى ضامها عندو): عادي أعمري غتولفي.. 

فيونا (سكات شوية تانس وزادت): أنير.. 

أنير: واه.. 

فيونا (بتخوف): ماغنتوعتش ياك؟

أنير: خاطيك من داكشي باقي بعيد.. دروك ردي لبال غير لروحك ولولدي.. 

فيونا (سكتات تاني حتى خرات بسؤال اخر وطلقاتو): شنو غنسميو.. (هز راسو غيشوف فيها وهي تحبس الضحكة) احم هاني سكتت 🤐

أنير (جرها عنقها كثر وهو كيشوف فيها بنص عين): فبالك شي سماوات؟

فيونا: نوو.. نتا؟

أنير: دروك نشوفو بزوج (بجوج).. 

فيونا (دورات يدها لخرى على خصرو): باش حسيتي فاش عرفتي؟ كي كانت لـ réaction ديالك؟

أنير: تبلوكيت.. (هزات راسها فيه وبابتسامة كتشوف انفعلات ملامحو) بقيت غير نشوف فيه.. مع كُنت زربان معول نطلع ندي(ناخد) الروسيطة نتاع الدوى من مور مانعرف شتا عندك حتى كنلقاه يگولي مدامتك حاملة ومع صاحب الوليد تحشمت معاه گاع.. 

فيونا: ههههه وماخرج ليا والو؟

أنير: لا حتال الصباح ونمشيو لـ genico..

فيونا: واخـا..

أنير (زاد بابتسامة): بصح قلبي تخطف.. 

فيونا (تگعدات شوية وتقابلات معاه وهي باقية متكية حداه غير جزء منها محطوط عليه): أنا باقى مامتيقا..

أنير (مد يديه كيبعد خصلات شعرها وكمل): تهزيت من لداخل كيما راه يسرالي من تكوني گبالتي وتشوفي فيا كيما هكا.. 

فيونا (بقات كتشوف فيه مزال وبتسامتها غير ماكتزيد توساع فاللخر ما قدراتش تقاوموو وحطات يدها على لحيتوو وقربات بايساه المرة اللولة جنب فموو والتانية فشفافوو): كنبغيك أنا 💚

أنير: بزاف ولا شوية؟ 

فيونا: بالجهد هههه

أنير: وأنا نموت فدين مك.. 

فيونا: هههه أخخخ على الحروشية.. 

أنير (جرها من مؤخرتها معليها عندو كثر): ووشتا رانا نلعبو؟ 

فيونا (كتتبوحط): أي بشوية.. 

أنير (بشيء من الخوف): وجعتك؟

فيونا: نوو ماتخافش.. 

أنير (هز راسو شوية كيعضها فحنكها بالضحك): راكي جايباتلنا فديوة صغيورة؟ 

فيونا (بحركات كلها أنوثة بين يديه وبعفوية مستقبلة عضاتو لي ولاو بوساات): أممم.. 

أنير (حبس وزيرها فحضنو): بغيت بزااااااااااااف 

فيونا: ههه بلاتي نتفك بعدا..

أنير: كلشي عند الله قريب..

فيونا: ونعم بالله.. 

فصباح النهار لي موراه.. وبعد ما ناضو وقضاو روتينهم العادي ديال كل نهار هبطو مشاو عند الطبيبة.. السيدة نيت لي تبعات معاها زينب حتى ولدات.. 

طلعو عندها واستقبلاتهم ونظرا لأنها ديجا عندها التحاليل لي دارت قبل اكتفت بأنها تعاود تشوفهم وتدوزها لليكوگغافي.. تمشات هي وياها جيهتو وبعد ما كانو سابقينو تقدم أنير مد ليها يديه حتى طلعات استقرات فوق الپياص وبعد سامح للطبيبة تشد بلاصتها حداها ووقف كيتسنى.. 

دارت ليها الجيل على كرشها وحطات ببطء لاپراي.. 

يتبع.. 💚

الجزء الأخير