شريك القرن 21 الجزء الثامن

من تأليف Rayhane Regragui
2019

محتوى القصة

رواية SHREK القرن 21

فيوونا (بهمس): ختفوو.. الرذيلة على المباشر 😖
منصف: كي درتي ليها؟ (زعما دغيا سالاات)
فيووونا (كتشير لموراها وهي كتشووف فيه): نرجع منين جييت؟🙄
منصف (دار راسو ملهي مع داكشي لي فيديه): قادي الطبلات الله يرضي علييك.. 
فيوونا: واطلق ليا عقييل 😏
منصف: راه لبيسي رااه نتي.. 

مشاات ليه ديريكت طلقات شنو بغاات.. أما واحد زينب من المرگة مابقااتش هزاات راسها.. تشوهاات.. 

مهدي (تم راخل): اعمييم.. تبارك الله عليك.. تگول كونا فطالياان.. 
منصف (هز فيه راسوو من بعد ماسمع صوتو لي قاطع سهوتوو): يااك بعدا..
مهدي (وقف حدااه مكالي بالكونطواار): أوااه.. (لفيوونا) نعاونك؟
فيوونا (بهمس): ها لعنب بدا تاني 😒 (جاوبااتو) غا عطي الراحة لراسك..

كملاات شكاديير.. ووخا عياات ماتميك وتطنش خلاوها ماليها زعجووها نظرااتو وتتبعو لييها حتى ولات كتسربك باش تحيد من لبلاصة لي هو فييها گاع..

فيوونا (حطات داكشي من يديها): غنطلع.. ليون تحبش بزااف.. 
منصف: ماتتعشايش؟
فيونا (حلات التلاجة): ناخد غا شي حاجة من هادشي.. 
منصف: وخاا.. 
مهدي: تصبح على خير.. 
فيوونا (داارت راسها ماسمعاتووش حتى بدات طالعة مع الدروج وبدات تنگر): يصبحك على الشووك ان شاء الله.. التامل لاخر 😾 يخليها سلعة.. 

دازت الكوزينة.. هزاات معاهاا ماكلة ليوون وكملات للفوق.. 
دخلاات لبييت.. لقاتوو غادي جااي بانزعااج.. ومخلي ليها 💩 قدااشناهي فووق الرملة دياالوو.. 

فيوونا: أهياناااري ياوليدي 😷 شهاادشي 😰

حطاات الطبسيلها وطبسيلوو من يدييها وهزاات دااك لعجب نقاتوو ليه.. يالله ردااتو بلاصتوو حساات بيه حدا رجلييها.. كيهز يدوو🐾 ويحطها علييها ويحيدها ويعااود باش تشووفوو شنوو بغا..

فيوونا(دارت عندو): مالنا؟ شكاين.. 

بدا يدوور على رااسو ويمشي ويجي جيهة الباب.. تبعااتو تشووف ماالو هو يخرج من البييت غادي لدووش وكيدوور يشووف فييها واش بااقا موووراه.. 
شداتها الضحكة.. فهماتوو علاش كيقلب.. بقاات تابعااه حتى وصل حدا البااب ووقف كيشووف فيها.. 
داارت يدها على جنااابها ووقفاات كتشووف فيه شغيديير.. وقف مكالي على البااب وكيغوت.. مرة مرة كيحرك وحدة فاطرافو ويضرب بيها البااب.. 

ليووون: ميييو🐈 ميييو..

شاافت حتى عياات وحلااتو ليه.. دخل سبقها ونقز للبينواار.. 
طلقاات ليه الما حتال فين خاالصوو.. سدااتو.. جبدات شامبواانو ومشطلتوو ومشاات تجيب ليه فووكة..
فطريق رجووعها لقاات مهدي طاالع لتم.. قلباات عينييها جنب بفقصة وشافت فيه.. 

فيونا (مغوبشة حركاات ليه راسها بشنو): ⁉
مهدي: فخاطري نهضر معاك.. 
فيونا (بغات تصدرو): مامسالياش.. كندوش لليون.. 
مهدي (بمكر): نعاونك؟
فيونا (باستهزاء): مالو فيل؟ راه غا مش.. 
مهدي: ههه فاش تسالي أني فالصالة لي هنا.. 
فيونا (زادت وخلاتو): يكون خير 🙄

بقى حاضيها من اللور حتى دخلات لدووش وزدحاات لباب.. 
أما هي عوجات فمها ومشات تلعب مع ليوون.. بشوية عليها حتى سالاات ولاواتو عندها ففوطة معنقااه.. 
جراات اللعيبة لي حابسة بيها لما وخرجاات دييركت لبيتها.. 
حتى دخلات ووصلات للنص ورجعات دورات السااروت علييها.. 

فيووونا (بعصبية): مرض كي دااير 😾 يخ..

مشاات لطيليكومووند طفاات لكليمة.. نشفاان ليووون مزياان وهي كتمرمد فييه وسط ديك الفووطة وعاوداات هزااتو.. مشات لوااحد من لمجورة جبداتو هزاات منو وحدة من الصمطات دياالو دالعنق.. دارتها لييه وبااستوو بالجهد.. 

فيوونا: كبيييدة ديالي 😽 احح عل ريحة 😻

طلقااتو فوق الناموسية.. وتجبداات جراات تيليفوونها.. وديييريكت لعند سيدوو.. 
واتساب:
"خوك سخن عليه راسو ولا مالو؟"، فيونا
(من مور ديايق قلييلة)
"مالو؟"، سيدوو
" شداتو لي ماكتعلم 😾"، فيونا
"وشتا دار ليك؟"
"ماالك؟!"،سيدو
".. 
باقا يالله غتبدا تكتب وهو يصوني عليها أبيل.. 📲📲📲 وما ان جاوباتوو حتى خرجوو كشاكشوو..

سيدو (بذعر): شتا دار لعبد ربوو؟ شتا واااقع ليك.. 😡
فيونا: جاي كيتزكك علياا فهااد الليل.. ماعرت علاش كيقلب 😒
سيدوو: خصرتي الشعيبية.. 😏
فيوونا: علاه هاد وجه الزلط يخليك تفرز اش كتطلق.. خراا
سيدوو: طلعي فحاالك من حدااه.. 
فيوونا (مغددة): راني فبيتي اعبااد الله 😖
سيدو: وشمطلع ال*امل لتم؟ 
فيوونا: داكشي لي كينحاول نگولييك من الصبااح.. 
سيدوو (كيحك فلحيتوو بعصااب): گطعي گطعي..

قطع معاها وصونا علييه.. غاادي جااي فالبيت كيتحرگ حتى جاوبو.. 

سفيان (بحدة): شتا راك تحاول الدير؟ 
مهدي (كيضحك بطنز): وشتا راني ندير؟
سيدو: شوصلك عند فدوى فهاد الساعة؟ هادشي لاش هودتي عندهم؟ 
مهدي: ونتا شدخلك؟ 
سيدو: ريض.. أنگولها للوليد ويجاوبك.. 
مهدي: اا... (يالله جا يجااوبو هو قطع عليه سيدو)

زير على تيليفونوو.. وتمشي جيهة بيتها..

وصل حدا الباااب ووقف.. واثق من نفسوو.. عنثر زماان هههه.. 
كانت گلساات هي باقا كتدوي مع سيدوو فواتسااب هو وسفياان حتى سمعاات سط نغماات الموسيقى لي طاالقة دقاات متتالية.. 
بتاسماات بتسامة جانبية وخرجات من لابليكااسيوو ومشاات ديريكت لبلاص لي أپيل.. ديريكت دوزاات نمرتو.. 📞📞📞

فيوونا: أباباا.. 
منصف: مالك؟ 
فيونا: ياك كتصيني ماندير حتى فضيحة فشي حد؟
منصف (قاد الگلسة من مور ماكان شبه متكي): اش تما؟
فيونا: هاد خونا لي واقف حدا الباب كيقد علياا يا غيهبط فحالو يغنخرج نوريه الوجه الاخر.. 
منصف: هانا طاالع.. 

قطع وجااه فلبلاصة أپيل اخر.. 📞📞📞

شَرَف (بات سيدو ومهدي يعني خو منصف لكبير): السلاام وعليكم.. 
منصف: وعليكم السلام.. لباس عليك؟ الأمور هانية؟
شرف: حمدين شاكرين.. داك لحمار سيفطو مايباتش تم..
منصف: لقيتيني طالع ليه.. 
شرف: المهم من بعد ونهّضرو.. تصبح على خير..
منصف: هو هدااك.. وانت من أهلوو.. 

قطعتاني ونااض قالب سيفتوو تسعيين درجة.. خلع زينب لي كاانت كتتفرج حدااه وخلاها غاا كتدور فعينييها مافاهمة واالو..
طلع عاقدهم كي الصاعقة لي كتهدم أي حاجة گداامها.. گاع داكشي لي فيه ضحك وحناان وتفهم طاار وولى كيباان كي الاعصااار لي غيدخل فأي حاجة جات گداموو وغيضرب فالأخضر والياابس.. 
وصل لفووق لقى مهدي كيتحرك جيهة الدروج على اثر صووت طلووعوو لي كان كيحدث.. 
كمل الدرووج ووقف بوجه حااقد گداموو.. 

منصف (بقسوة): غنبرگم (غنهضر) معاك لوجدية باش تفّهمني.. غاتدردب عليا وتهز اللوطو ديالك وتتهَز من گبالتي گبَل ما نخياب كثر ونتا راك عارفني وشتا راني نسوى.. 
مهدي (يالله غينطق حبسو خاايط يدو مع الحط لي حداهم)
منصف (عينيه ولاو حمرين): بلا ماتخليني نسولك وشتا كونت دير هنا 😡

قداام شوفات المخلووق لي قدااموو ولي كون لقى كوون غززو مالقا مايديير غير أنوو يخضع لأوامر ويمشي فحالوو بلا مايزييد الطين بلة.. 
أصلا داارهم غير فوجدة نيت يعني غاا بغى يبقى.. ومنصف ماعارضش حيت حاسبهم ولادو حتى هو وكيعتايرهم كلهم خووت.. ولكن مني صدر من فيونا داك التصرف وكان موقفها من مهدي هكاك أكيد فالموضووع ان وأكيد ديرونجاها بشي تصرف ولا قلل عليها الأدب.. علاش سيدوو كتظل مجمعها معااه مخشية هي وياه فالبيت ولا فشي قنت ولا كيلقاهم سهرانين على شي حاجة حتى غلبهم النعااس وبقااو ملاوحيين فالصالة.. هادشي فاش كانوو كيتجمعوو فالصيف فالسعيدية ولا فاش كيمشي عندهم سيدوو.. 
يعني وحدة متفتحة ومربيها على أن الدراري فحالهم فحال لبناات باش ماتكبرش فنفسها انو فينما يتجمع دكر وانثى كيكوون غير للعيب وقلة لحياا وسااامح ليها تكون صداقاات مع الدرااري ماداام راسمة خطووط حمرة وكتعرف توقف كل واحد عند حدوو.. علاش لي ماغتبغيش تگلس مع ولد عمها لي هو ولد عمها وأقرب ليها الا الى فعلا مارتاحتش لمعاملتوو ولا علم الله اشنوو تم.. 
سمعاات الهضرة لي گااال ليه من البيت.. هبط لاخر وبقى منصف حدا الدروج كيدوز يدييه على وجهوو.. وكيستغفر الله.. 
تسمع صوت السارووت كيدوور.. حلات الباب.. تلفت عندها حتى وصلاات عندوو وتعلاات باستوو فحنكوو بالجهد.. 

فيوونا (بفخر): يخليلي السبع دياااالي 😽😻 ههههه
منصف (كيشوف فيها بنص عين): شفتي شحال كتكوني زوينة فاش ماكتاخديش حقك بيدييك.. 
فيونا (بغروور): غاجاني معرفة أما كوون كفييتو 😹
منصف (قدراات تضحكوو): لمك هههه
فيوونا (باقاا معنقااه جنب): ماتگول واالو لهدييك 😏
منصف (بنص عين وبصوت غليض): فدوى 😒
فيوونا (تقلقاات وحيدات منوو): صاافي صااافي هاهي غااادا 😞
منصف (عاود جرها عندوو.. عنقها وباس ليها راسها): تصبحي على خير الكبيدة ❤
فيوونا (بادلاتوو العناق): تصبح على خير القليب ديال أنا 🖤

نزل هو لطااج اللول ورجعاات هي لبيتها.. 
تلاحت فووق الناموسية على كرشها.. جرات لمجر جبداات منوو أجوونداا وستيلوو وحلااتهم.. طلع ليوون حدااها كيلعب.. 
وهي ساااهية فداكشي لي قداامها.. تفكرات فاش كانت واقفة كتقراها فالورقة لي معلقة فالحييط ولي حاملة الكلماات المبهمة لي نطقاات بيها المخلووقة لي شاف أنسر فغاابة بوعرفة على شكل بنت ضغيرة قبل ماتختفي بشكل فجائي وغامض.. حسات بيه واقف حدااها.. 
دارت عندو شافت فيه ورجعاات شافت فالورقة.. 

فيوونا: وَالحظَة التي سَيبطُلُ ففِيه.. كيفااش مافهمتش؟
أنير (سكت شحال كيفكر مستاغل سرحانها وهي كتفكر عاد جاوب) ماشي مهم.. (سكت لثواني وزاد) من عادتنا أنا وسفيان فاش كنساليو قراية شي كتاب وكيرسخ فبالنا شي مقتطف كنحتافضو بيه.. 
فيوونا (شافت فيه بعدم تصديق): لي قبل منوو فينهم؟
أنير (تفادا يشوف فيها جاوبها وهو مشتت نظروو): مع الوقت كيذبالو لورااق وكنضطروو نحيدوهم.. 
فيوونا (كتحقق فيه): من اينا رواية هادي؟ جاني الفضول نقراها 🤔
أنير (بهمس): فضولك هو لي غيخرج علينا.. 
فيوونا: همم؟ 
أنير (باغي ينسيها): حتى يجي سفيان وسوليه.. 
فيوونا: أوكاااي.. 
(سكتاات شوية عسنييها باقيين على الورقة) أنا غنزل نعااونهم شوية.. حتال من بعد.. 
أنير: واخا.. الى حْتَاجتو شي حاجة لغايلي.. 
فيوونا: أوكيي وااخا 😊 (تحركات شوية)
أنير (وقفها): ريضي نهبط معاك.. 

تسنااتو حتى هز تليفوونو وطفى التلفاازا ونزلوو بجووج حتى وصلها للباب وشاافهاا دخلات عااد سد..
أما هي ماداارت گاع جيهت الريسطو.. طلعاات كتجري جبداات لاجونداا وكتباات العباارة فيها قبل ما تنسى منها شي كلمة..

رجعاات من سهوتها.. كتشووف فيها تاني وكتحااول تربطها مع لحواايج لي كاتبة قبل..
فراسها سؤاال وااحد وهو شنوو لي غيتبطل؟!

أكيد هاد الجملة ليها علاقة بداكشي لي شافت ديك الليلة.. وأكيد ماغيبرد ليها خاطرها حتى تلقى أجوبة تشفي غليلها وتشبع الفضووول لي قتلها.. 
حطاات راسها على يديها لي مسرحاها حدا لكتااب وبقاات كترمش فعينيها فداكشي لي قداامها بتثاقل حتى غفاات.. 😴

14h🕑
15h🕒
16h🕓
17h🕔
📲Zeen.. Malu malu.. 🎶 Sahii ouala 3la baluu.. Darabni bjamaalu.. 🎵

فيوونا (جاوباات بصووت غالب علييه النعاااس): اممم 😴
أنير (بعد التليفون على ودنوو شاف فيه وعاود ردوو): وااايلي.. ماتگوليليش راكي مزال ناعسة ههه
فيوونا (كتتكسل وتتبغجن): هممممم ااه.. شحال الساعة؟ 
أنير: الخمسة.. ههه خمرتي.. 
فيونا (تقلباات لجيهة لخرى): واييه.. ماخدمتيش؟ 
أنير: قضيت لي عندي ورجعت.. نوضي نوضي طلي.. 
فيوونا (باستغراب): فينك؟ لتحت؟
أنير: وااه.. 

جمعاات الوقفة.. حوايجها وشعرها مخربقين.. قاداتوو دغيا بيديها وهي دايزة من حدا لمراية ومشاات حلات الشرجم بيد وحدة ويدها لخرى باقة شادة بيها التيليفوون.. 
وما ان باان ليهاا شهقااات.. 

فيوونا (بقلووبا فعنييها): هيييييييه 🙀 نووووووو واااااي 😻 ماتگولش ليا ظاكشي لي فبالي!!
أنير (هاز راسوو فيها وهي فالشرجم وكيضحك على ردة فعلها): ههه لبسي وهبطي الهبيلة هههه 
فيووونا: هههه هانا زاااية 😻😹 
قطعاات وطاارت لبلاكاار.. هزاات أول سرواال وتيشورط بانو ليها.. لبساتهم دغياا هوما وتقاشر قساار.. 
حتى من وجهها ماغسلاتوش مع الزربة.. حدها هزاات لي لانجيط مسحاتوو بيه قاداات عينييها دغياا ونزلاات..

فيوونا (هابطة فالدرووج وكتعيط): منصصف.. منصصصصصف 🗣
زينب (جاوباتها من الطاج اللول): رااه لتحت.. 

عوجاات فيوونا فمها وكملات طريقها بلا ماتجاوبها.. مامساليااش حتى وصلات لتحت.. لبساات سبرديلتها.. جمعاات شعرها لي عنكشها بلاستيك ودخلات عندو.. لقات شي ناس قلال شي جوج طبلات لي عامرين وهو كي جد ليهم أش طالبين..

فيوونا(بصوت ناقص): منصف.. أحمبااك عطي مععاك ليوون شي حاجة ياكلها انا يالله فقت.. 
منصف (مرة يشوف فيها مرة يشوف فشنو كيصايب): هاد ليون غيبقى يتسناك نتي؟ راه حطاات ليه زينب صبااح ماكلتو.. 
فيونا: مداام je sais tout (مدام كنعرف كلشي) 😑
منصف: يهديك الله.. 
فيونا: وخا ديرها ليا فعسيلة مادووز 😒
منصف (بدل الموضوع): فين غادا؟
فيونا (بطفوولة): مشي مع أنيير هنا ونرجع 😇
منصف: هاد أنير غنقطع مك من الحالة المدنية ونعطيك ليه يهنيني منك فمرة 😏
فيوونا: واللهلا كانت ليك 😈 هههه (باستوو دغيا وخرجاات)
منصف (كيحرك راسو لليمن وليصر): هههه برووصي..

تسلتاات دغياا وخرجاات كتفرنس.. لقاااتو فووق سكووطرو لكبيير لكحل لي موقفووو وگالس مكالي عليه.. لابس سرواال كحل وتجاكيط من ديال لماطر.. شااد الكااسك ديالوو فيدوو وشعروو ولحيتوو مخربقة.. 
داير ضحيكة كتذوب لحجر.. 
تمشاات بثقاالة حتى وصلاات حدااه ووقفات.. 

أنير: صبااح الخير الكوالا🐨 هههه
فيوونا (غوبشاات كتتبوحط): صبااح النووغ 😾
أنير (كيحقق فملاميحها لي باقي طاغين عليهم علاماات النعااس): ههه ماغتسلميش عليا؟ 

قرباات عندوو.. حطاات يديها على كتفوو وتعلات شوية.. حط يدوو حتى هو على جنبها مقربها ليه كثر.. 
حطاات شفايفها بحركة بطيئة على حنكوو لي مغطيااه اللحية.. حاطة يدها على الحنك لاخر.. دايخة بريحتوو لي ولات فينما تشمها تحس بارتفااع خفقاان الدم فجسمهاا.. 
ما ان عاوداات بعداات نطقاات دغياا مخبية ارتباكها..

فيوونا (بتوتر): فين غنمشيو؟

أنير (كيشوف فاش لابسة): تمشي هكا؟ (تدارك الأمر فلبلاصة) غيّفرعك البرد.. 
فيوونا: اطط نجيب شي حاجة.. 
أنير: روااحي رواحي.. كاينة جاكيطتي فاللوطو لبسيها.. 
فيوونا: أوكااي.. أنجيبها..
أنير: هير خليك.. 

وقف حل بالكونطاتك من بعييد.. مشا هزهاا من لوور ورجع حطها فووق كتاافها ورجع بلاصتوو.. وقبل ما يگلس هز الكوساان وجبد كاسك أخر.. داروو ليها فووق راسها وهي كتسد فالدجاكييطة.. حتى قاادو ورد كاسكوو عاد مد ليها يدييه.. 
شدااتها وطلعاات من مووراه.. 
ديمارااا.. دارت يدها بهدووء على جناابو قابطة فحوايجوو.. 

أنير (دور وجهو جنب): شدي مزياان.. 

زيداات فيوونا يديها مزال لقداام ومازاعمااش.. حس أنير بتوترها.. دار قداامو ويالله زااد كسيرة بنغيزة زاايدة بلعااني.. شي لي خلاهاا تزييد تلصق علييه وتعنقوو بالجهد.. بتااسم بتساامة جانبية بشر وزااد..
طاار من تم حاشا واش يكوون هدااك صوگاان.. 
غاديي معلق.. كيتلوى ويدخل وسط الطموبيلات ويلعب فالطريق.. يدووز لهدا من هناا ولاخر من لهييه.. جاال گااع الشواارع وخيط گااع الزنااقي وفيوونا من مووراه.. معنقااه وعااجبها الحاال.. لا من ناحية مسارية ولا من ناحية معامن وكيفاش.. معنقااه ومستمتعة بقربووو.. مرة تقابل معاه الطريق ومرة تبقى حاضية عباد الله..
دورها وجدة گااملة زنگة زنگة.. شي ساعتاين ولا كثر وهوما كيدووروو عاد مشى فاخر المطااف لغابة سيدي معافة.. كاين واحد الجبل تما فييه صخرة كتطل على وجدة كااااملة من فووق..
حبس ووقف السكووطر حتى ولى مكالي راسووو من بعد ماحيدات فيونا يدييها علييه.. 
نزل هو وقف وتكى عليه.. أما هي فكتفت بأنها تقلب رجليها بجووج لجيهة لي واقف فيها وبقاات گالسة مقلزة لفووق.. 
مخشية فدجاكيطتوو وجامعة يديها بجووج وسط رجليها.. 
بقاااو ساكتيين شحاال كيشوفوو فمنظر الديوور من الفوووق.. حتى مطاار أنگااد كيباان من تم.. كل واحد فيه واش شاغل بالوو حتى تسمع صوووتو.. 

أنيير: وشتا تما؟
فيوونا: همم؟ واالو.. 

أنيير (شاف فييها وعاود دار قداامو): بعض المراات.. بزااف دالمراات كيصعااب علينا نشوفوو قيمتناا فعينين الناس لي دايرين بينا مهما كان كبرها.. ومهما داروو على قبلنا يقدر تصرف واحد بسيط كان ولا لا كيخلينا نفكرو ونظنوو أننا ماكنعنيو ليهم والوو.. 
(بدااو كيتعقدوو حجبانها وكتسمع ليه باهتماام مركزة مع كل كلمة كيگوول) يقدر يكون قراارو بالزوااج جاك ثقيل وماگديتيش تتحمليه وتقدر تكون حتى سرعتو فيه اثرات عليك ولكن هدا ماكيعنيش أنو ماكيهموش اشنوو كتحسي.. 
(دار شاف فيها) عارفك باقا ماتقبلتي الوضع.. (سكت شوية وزااد) ماكنشوفهاش أنانية نتي غير مولفة بوحدك وصعيب عليك التغيير.. مع الوقت غتتأقلمي ومع الوقت غتفهمي علاش تصرف هكدا..
حتى فاش خبى فاللول.. ويقدر يكون ما خبااش غير تعطل باش يگوولها غالبا غيكون غير من خوووفو عليك ومن أن يجرحك بالأمر.. يقدررر حتى يكون كيگلب على شي طريقة باش يوصلها ليك بلا مايأثر على نفسيتك غير الحظ ماساعفووش وعرفتي بدااك الشكل.. 
ديما تقدر تكوون حقيقة الحاجة عكس داكشي لي كنشوفوو ولا لي كيباان لينا.. داكشي علاش لي نبغي نگولييك.. عطي فرصة للوقت يبين ليك علاش لحوايج غالبا ما كيمشيو بمنحى غير المنحى لي كنبغيو.. خلي الأقدار تتصرف ماعرفتي حكمتي رب العالمين فين كاينة.. [وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ ] صدق الله العظيم.

كيدوي ويعبر بيديه وبحركاات رجوولية وحروشية خاارجة على المألووف.. تعابير وجهوو حتى هي معااونااه.. عااود داار عندها لقاهاا كتشووف فيه بعينيين مغرغريين.. قااطعة النفس بقى ليها غير شوية وتبدى تتنخصص.. 

أنير (زااد بنبرة صووت حنينة وهو مبعد شويه على السكوطر وداير عندها): ونتي ماشي بوحدك.. أنا ديييييييما هنا.. معااك.. (زاد بضحيكة خفييفة) أنا ودونكي وسيدوو وحتى ليوون.. وأكيد منصف كيمووت عليك راك عارفاها.. 
فيوونا (مع جملتوو اللخرة حدراات عنييها سامحة لدمووعها يهبطوو)
أنير: اوووووش.. (مد يدييه كيمسح لييها الدمييعات بطرف صبااعوو وحادر راسوو كيطل عليها) ماتبكييش.. 

عااد ما زاادوو وزاادت فوتيرة لبكى بصمت.. حط كفوو كامل كيمسح وجهها وجرها عندوو خاشييها فحضنوو برااحة عكس لمرة لي فااتت فاش كاان متحول ومقدرش يعنقها..

وقفاات قدااموو.. يديها مجموعيين حاطااهم بجووج فوق صدروو.. فحيين هو ضامها لييه.. محاوطها بيدييه لكباار ومحاصرها وسطهم.. 
حاطة جبهتها على عنقوو وراسها على صدروو وكتبكي بغصة وكأنوو ورك ليها على الضبرة وشدها من يدها لي كتوجعها.. خصووصا أنو جبدلها الموضووع لي كانت كتفكر فيه نيت وهي ساااهية فديك الاطلالة.. عاارفة أن كل كلمة گالها عندوو فيها حق ولكن نفسنا كتطغا علينا والموضووع كبر من جهدها وطاقتها.. تحطاات أمام الامر الواقع والحاجة الوحيدة لي بقاات فيديها وراها كديير فيها وهي أنها تتمرد وتعبر على رفضها وتطرجمو على شكل أفعاال شيطانية كردة فعل على احسااسها بفقدانوو شوية بشوية.. حيت وخا كتلاهي راسها قدر الامكاان ووخا كتحااول تشغل بالها وتفكيرها الا أن قلبها كتعشل فيه العاافية كلما بانت ليها زينب مقربة لييه وكدير داكشي لي مولفة هي ديروو وخا باكرااه وعگز.. 

نيفها حماار بكثرة لبكى.. خلاها أنير على راحتها تخوى قلبها باش ترتااح.. كيدووز يديه على ضهرها بشوية وحركة راسوو كتخلي لحيتوو تدووز وتتحك على وجهها لي مخشي فعنقوو.. 
راحة وحناان ودفىء.. ومع ريحتوو ودقاات قلبوو لي حاطة حدااهم راسها.. كتحس بيهم كيدربوو فقلبها هي لداااخل شي لي خلاها تحبس لبكى وبعث فرووحها الأماان.. 
حس بهدووئها.. سحب وحدة من يديه من مور ظهرها.. بقى شادها غير بوحدة ولخرى بدا كيداعب بيها بلطف وحب دراعها العريانة غير بطراف يديه بعد ما كانت حيداات تجاكيطتو مع الكاسك ملي وصلوو..
كمية مشاعر لا توصف قداام دااك المنظر لي كيطلوو عليه ودااك الغروووب لي مقابلهم.. وداك الشجر لي كااسي المكاان.. 
على شحااااال.. مدة فعلا طويلة لي قدرات فيها تستجمع نفسها.. عاد بعداات راسها علييه وتقابلات معااه.. 
وما ان شاافها بدا يضحك.. 

أنير (جبد كلينيكس مسح ليها نيفها): مخننة ههههه 
فيوونا (بصووت مغنغن): لي يبغييك يبغيك بخنونتك ماشي حتى تمسحها ههه 
أنير (شد ليها حنااكها بجووج بكفووفو ونزل عند وااحد فيهم ببوسة جنوونية): هبيلة ههه 

فيووونا (بابتسامة بريئة): عاارفة.. 
أنير (عاجبااه طلاقتها معااه): ههه مشينا؟
فيوونا: مشينا.. 😇

هز الجاكيط عااود لبسها ليها وسدها تحت نظراتها لي كتتفحصوو بكل اهتماام.. 
كمل ودااز للكاسك سدوو ليها عااد داز لكاااسكوو.. شد بلاستوو وعاونها طلعاات من مورااه.. هااد المرة مادوى ماگاليها تشد فيه.. داار جنب مهبط راسوو.. خدا يدييها بجووه فيدييه وجرهم عندوو حتى حس بيها لاسقة فضهروو ومعنقااه حتاال الحد.. خلى يديدااتها على صدروو وزااد.. 
بتاسماات هي وتبتاات يدييها فلبلاصة عليه معنقااه وحاااطة حنكها على ظهروو الضخم.. 😻

الطريق لي جابتوو ردااتوو.. بالحق لبلاصة لي وقف فيها ماشي هي لي كانت متوقعة فيونا أنهم غادين ليها.. 
نزل مخليها مورااه فوق السكووطر.. حيداات الكااسك وحركاتليه راسها كتستفسر على فين جااو.. بتااسم وجاوبهاا.. 

أنير: ماخرجتكش باش نبكييك.. (شاار بيدييه لمورااه) فرييز وشنوو؟ 
فيوونا (عااد انتبهاات أنهم زاقفيين قداام ڤينيزيا أيس): مييييو😻Emii هههه ونوگا وبيسطااش بلكرييم..
أنيير (كيقااد شعرو): وشتا هاد مييو عاود؟
فيوونا: هههه بلاني ليوون🐈😹
أنير (حرك رااسو لليمن وليسر): ههه شوكوولا لا؟ 
فيوونا (زاادت شوية لقداام وهبطاات رجل حطااتها فالأرض): نااء ماكتعجبنيش فلكلاص..
أنير (مد ليها الكاسك): هاني راجع.. (بهمس) وخاا غديري فينا الوييل.. 

داار مشى دخل.. وما داازش بزااف حتى باان ليها راجع هاز فيدييه جووج ديال لي بول🍨 دياال لگلاص فوق منهووم طريفاات صغاار ديال لي فخوي.. 
وصل عندها.. مد ليها دياالها وخدا من عندها الكاسك قلبوو فوق لي حاطة حاطة حداها.. 
بلا ماتنطق دخلاات فيه طوول وعرض ناسية رااسها فين هي.. كتتبنن كالعاادة.. كتاكل فيه بحب وتصدر أصواات بدوون شعوور.. مارادااش لباال للعينين لي غياكلووها هي بلاصة لگلااص..

ماسالا ليها دااك لگلااص حتى سالا صبروو معااه.. 
عااد رجعاات السيدة للحيااة ولأرض الوااقع.. هزاات فيه راسها.. لقاات عينوو عليها وكيحرك فگلاصوو بشوية لي يالله واكل منوو غير شوية.. 

فيوونا (مستغربة): مااعجبكش؟
أنير (كان كيشووف فشنيفاتها..ولاو غووز ببروديهة لگلاص وهمس وهو كيشتت انتباهوو عليها): أودي عاجباني حاجة خرى ومالاگي ليها جهد.. 
فيوونا : واااا أنيير.. 
أنيير: وشتا؟
فيوونا: فين تبلونطيتي؟
أنير: مزال گادة تزيديك؟
فيوونا: نوو براكة عليا.. 
أنير (حرك نييفوو وحجبانو مخسر وجهوو بطريقة رجولية): حتى أنا صافي..

حطوو ورجع عندها كيمسح يدييه.. لقاهاا حتى هي كتمسح جناب فمها لا يكون فيها شي حاجة.. 
وقف قداامها وحط صبعو تحت دقنها هاز وجهها عندوو كيقلب فيه.. 

أنير (من بعد ما تفحصوو): مافيك والوو.. 
كانت هازة فيه فيوونا عينيها حتى سالا ومداات ليه يديها بجووج هازااهم عندوو.. فهمها أش بغاات.. ترسماات على شفاافوو ابتساامة حلوووة وقرب عندها محدوور باش قدراات دير يدييها فوق كتاافو وعنقااتوو.. خشا هو وجهوو هو بين كتفهاا وعنقها.. دافن فيها رااسو.. مستمتع بريحتها الطفوولية ونعوومتها ودفئها..

فيوونا (بحناان): شكرا.. بزاااف.. وعلى كلشي.. 

حرك راسوو بلعااني فبلاستوو شي لي خلاها تتهر وتحس بالقشعريرة والتبوريشة.. 

فيوونا (كتحاول تسلت وتهرب عنقها): ههههه أنييير ههه.. وااع 😹
أنير (هز راسوو ميت عليها بالضحك وطلقها بهدووء): هههههه ياگيلع گلبي.. 😍💚 (هي فاش كتزعزع ليك شي حاجة لي سونتيمو)
فيوونا (مافرزااتش اش گاال): ههههه.. 

رجعوو فحالهم.. للزنقة لي ساكنين فييها.. وماا ان دخلوو لقااو سفياان وااقف كيتسنااهم لتحت كي الرااس المقطووع.. 

مع وقفتهم خبى داكشي لي فيديه فجيب سرواالو اللوراني بلا مايبين.. 
نزلوو حدااه.. 

سفياان: ساعة وأنا نلغالكم الفتيليفون وتگول واحد فيك لا بغا يجاوب.. 😒
أنير (بمورال طالع): خطني عليك.. ههه (فوتني)
فيونا (جبدات تيليفونها كتقلب فيه): ماسمعناهش مع الطرييق..
أنير : وشتا صاري؟ (شنو واقع)
سفياان (جا يجاوبوو وكيشوف ففيونا): والوو.. غيير.. 
أنير (صونا لييه التيليفوون جيدوو وشااف شكوون): ريض.. (مشا بعد عليهم شوية وجااوب عاطيهم بالظهر)
فيوونا (جاها فضول تعرف شكون معيط فنفس الوقت كتدوي مع سفياان بالشوية): ماالك؟ (كتشوف فأنير وطل وكدوور عندوو حتى تفكرات وشافت فيه شوفت الموت حالة عينيها بحمااس) ماتگولش ليا داكشي دالباارح!! 
سفياان (بشوية ورااد البال ليحصلهم أنير.. جبد لبواطة من جيبوو ومدها ليها): واااه.. روواحي تشوفي گدااش يا دينك.. (حل علييهم وهوما يطيروو واحط الجوووج) 
فيووونا (صفااارت باللخلعة وااشمئزااز وطاارت من حدااه هربانة): واااااااااااع 😳 شد لحراام اولد الهم.. كيطييييير 😖🤢

ماقدرش سفياان يصبر ويشد راسوو.. تفرگع عليها بالضحك.. خصوصا أنو حسابلوو ماكتخافش منوو فاش طلبااتو يضبر ليها عليه.. فكانت ردت فعلها صدمة بنسبة ليه وشدوو لفوورير.. طلق قهقهااتو حتى وصلاات لأنير وداار جاار عندوو فيونا لي كانت هرباانة باتجااهوو.. 

أنير (بقلق من منظرها): وشتا؟ مااالك؟ (فالتليفوون) صافي خليو داكشي كيما هو.. شوية ونجي.. 

قطع وعاود شاف فيها.. جرها عندو كثر حاط عليها اليد لخرى بتيليفونها وتلفت عند سفيان كيخنزر.. 
تم جاي عندهم بعد ما طلق لحزااق فحالوو بنفس الحالة.. ماقادرش يجمع الضحكة.. 

أنير: وشتا دَرْتْ ليها؟ 😠

سفياان (غيخرج ليه عقلوو بكثرة الضحك): هههههههههه وووع ههههههههه طا.. هههههههههههه
أنير (كيتسنااه يطلقها): 😑
سفياان: هههههه طاار عليييها ههههه گريييلووو ههههه 🤣🤣🤣🤣🤣
أنير (كيطنز): وعندْك تمووت 😒 
سفيااااان (حتى كيبغي يسكت وكيتفكر منظرها ويعااوض يتفرگع تاني): ههههههه 

خشا أنير التليفوون فجيبوو.. هزاات عليه راسها.. شااف فيها وداار اليد لي كان فيها تيليفونوو على حنكها كيمرر صبعو الكبير عليه بحناان.. 

أنير (بينوو وبينها.. حابس الضحك): صافي ماكاين واالو ههه.. (عاود دار جيهت سفياان وداارت معااه مخلية يدييه على حنكها) دوونكي بعد من فيوونا هههه.. 
سفيااان: ههه 

والأول مرة تسمع سميتها الحقيقية ويعجبها الحاال.. ضحكاات وميلاات راسها جيهت صدروو كتتبوحط وتتمخشش فيه مستغلة الفرصة ومامسوقااش لاش كتتصرف هكااك.. لي عارفة أنها كتزيد ترتااح فقربوو كثر من أي بلاصة خرى.. 
زااد جر ليها وجهها بيديه وباس ليها راسها من فووق وهو كيضحك ونطق من بعد ما عاوداات بعداات.. 

أنير: روحي (سيري) طلعي كوولي أنا لغاولي من الخدمة.. 

حركاات راسها وبقاات واقفة حتى دخل.. وداارت بجووج خطواات عند الباب.. 

سفياان: مابقستيش باغاهم؟
فيوونا (خنزرات فيه بطفوولية): 😾
سفياان (كيتفلى): أنجيب ليك فار 😂
فيوونا: باش طلقوو عليا تاني؟ والله لا بقيت تقت فيك 😒
سفيان: ههههههههه بربي الى انت بزااف 🤣
فيوونا: 😝🙄 

سداات لبااب ودخلات خلاتوو باقي كيضحك عليها وعلى فعاايلها.. 
طلع انير فحالوو دغياا دخل دوش فجووج دقايق وخرج لبس دغياا سرواال اخر وتيشوورط لاسق عليه.. نشف شعروو بالفوطة.. هز تيليفوونو وسواارتو.. نزل لكوزينة خدا معااه عاصير شربوو فطريقوو لطموبيل وزااد.. 

وصل لشااارع الاماام مالك بالتحديد قداام لكلووب دياالو Oujda Fitness وسطااسيونا.. 
لكووب وكيما ماسبقش ليا دكرت من كبر فيه تلاتة ديال الطبقاات من الغير الطابق الأرضي لي فيه غير الاستقبال والبيسيناات كاين الطاج اللول فيه الاسطتيت esthétique والصوونا وحتى الكوافير.. 
الطااج التاني الجيم وگاع لي ماشين الخاصين بييه.. عاد الطااج الثالت لي متخصص غير لفري فايت free fight.. محلوول على وسوعيتوو.. دايز فواحد الجية بلي صااك ديال البوكس وبلاصة خرى مديوور فيها حلباات دالمصارعة مصغرة نوعا ما كتشطبة للي كيتنازعوو فيها فالبطولات ولي كتختالف على حلبة البوكس بگريااج كيكوون دااير بيها.. 
كانت ديك العشرة هكدااك.. تم دااخل.. وهي تجي عندوو ديك البنت لي عيطاات ليه كتجري.. 

شهد: مسيوو الشراابي.. (بتلعثم) اااا.. والله حتى ااا كلشي طرى فرمش.. 
أنير (قاطعها بصرامة): فين راهم؟
شهد (بخوف): لفوگ.. فالطاج التالث.. 
أنير (سبقها حااقد عرف من تفتيفها أن الموضوع كبير): يوسف معاهم؟
شهد (تابعاه كتحاول تجاري خطواتوو لكبار): واه اموسيوو.. 

ماعقلش كي داار لدوك الطرووج حتى لقى رااسو واصل لعندهم.. مثقل خطواتوو.. كيدوز عينيه على لبلاصة بابتسامة جانبية.. حتى وقف فين مگلسين واحد صعصع ودايرين بيه من بعيد.. على راسهم يووسف مربع يدييه وكيمرر صباعوو على لحيتوو..

أنير (متحكم فراسو): وشتا طاري هنا.. 
نطق واحد من الگارد لي مسؤولين على الأمن دلكلووب: سي الشرابي.. السيد (دار خنز فلحمار لي گالس) طلع بغا يطريني.. گالوو ليه بلي الطاج محبوس على حساب البطولة وبدا يزگي (يغوت) فاش طلعنا حنا عاد ما زاد يربرب و..
الشخص (جا ينوض مكشكش): يا دين مك علاش راك تقلب؟ على خلى عظامك.. 
يوسف (قاطعوو بضربات على كتفوو بالجهد حتى رجع گلسو على اساس كيهدنوو): ريض.. (تسنى (حتى يسالي زعما))
أنير (ضار جيهتهم بشووفاات دلقتيلة ورجع شاف فالگارد): كمل احسن..

الگارد (حنى راسو للأرض): مد يدوو بغا يدابز اسي أنير كونا ما تدخل سي يوسف.. 
أنير (دار عند الحيوان): غتزيد شي حاجة على هضرتو؟
الشخص (بتهكم): گاعدين فمحكمة ولا.. حاط فلوسي جاي نطريني لاش يوگفني رانا نلّعبو هنايا؟ 
أنير: أاا الشريف.. معلگة گداش تما بلي كاين تداريب.. زيادة على ذلك محطوط اعلان فالسيط.. ولا ماعجبكش الحال هز جوج فرانك ديالك ولباب عرض من كتافك ماتتجبدش (ماتتنفخش) ليا هنايا على عباد الله 😠
الشخص (نااض وقف كيغوت): واش عرْفت روحك معامن راك تهضر؟ 
أنير (بيروود لي ستافز لاخر.. مكتافي غير بتخنزير): شكوون غاتكون فملك الله؟ 
الشخص: مهاب لعلج ولد الفارووق 😠
أنير: ومن بعد؟ 

زااد قرب عندو مهاب مكشكش وشير بواحد السيري.. هادك لي كيطرينيو بيها كتكون على شكل كيلوات وكيهزوو كل وحدة فيد.. كانت حداه فاش كان گالس كيحرك فيها بيديه بالعصااب.. وفاش نااض هزها معاا.. 
شير بيها حتى شرشمااات لمراية لي جات فيها وشتتاتها على طولها..

مهااب (كيغوت): أنا غنوريك من بعد يا ولد البرضيل (ولد الدعارة)
أنير (مع الترشيمة مع الكلمة اللخرة جن جنوونو وكحاالت الدنيا فعينييه): دين مك راهي سايبة 😡 (زاد عندوو وفرمشة عين عطااه لوجه حتى طيحوو) ينعل ال*امل بوك ياولد ال**** 

جا يوسف كيجري تابعينو لي گارد باش يشدووه ساعاا اش غيشد.. غااا الريح لا هو لا هوما.. تنتر منوو دغيا.. فاداا لخريين وطاار على الحماار لي مزاال داايخ بحر الضربة.. هبط عليه هادي تنفع.. هادي تضر.. مافكووه منو غا بالكشاايف.. 

أنير (باقين شادينو): صافي الزمر طلگوني حتى نتوما 😡 (شاف فلي مبعدين لاخر) خرجو عليا المرض يرووح ي*ود فحاالو.. 
(نفض راسو.. يالله غينزل وعااود داار) الصبااح ترجع ديك لمراية كيما كانت.. (قبل مايجاوبووه تم هاابط)
يوسف : ولا عليك.. (هز حجبانو مورك على فموو وتوجه بهضرتوو لشهد لي كانت واقفة حداه مخلوعة من منظر أنير) عرفتو مايّصبرش ليه.. 
شهد (باقى مصدومة): أَوويا.. عمرني شتو معصب لهاد الدرجة.. 
يوسف (خفض نبرت صوتو): وأنا عمرني شفت فحال هاد الجماال خايف.. ( عنيبة🍇😹)

حشماات شهد.. تزنگاات وتسلتاات من حدااه مخليااه كيضحك بلا مايبين على شكلها.. عاد داار يفك ديك لحريرة.. 
أما أنير فنزل ديريكت فحالو.. هز طموبيلتوو ورجع لداار.. دخل لايح سواارتو وگاع داكشي لي فيديه فاش وصل لبيتو.. عاود دوش باش يبرد عليه راسوو عااد نزل يجيب لما.. كانو سالاو لقرااعي دباهية لي عندوو لفووق.. دخل لتلاجة هز شنو بغا وتم خارج كيشرب.. 
داز من حدا مراية معلقة فالحييط بلدية بطاجيرة كتكوون تحت منها بنفس الديكوور.. ورجع راسم على شفايفوو باتسامة خفيفة.. دا معااه لبااندة ديالها من تما.. بااندا ماش لاستيك.. هاديك لي كتداار لقداام دالشعر فحاال البوندوو.. ورجع للبيت تلاح بلاصتوو.. 
تحت ضوو الفيووزة الخاافت.. وضو القمر المكتاامل المتسلل من الشرجم المحلوول.. شااد ديك البااندة فيدييه وكيمرر عليها صبعوو بهدووء.. 
كيتفكر لحظاتوو معاهاا.. تسيطيتها وحمااقها وحركااتها فاش كيكونوو مجموعين.. خصوصا هاد الفترة لقصيرة لي داازت ولات كتعمر معااهم بزااف.. تفكر التعنيقة لي عنقااتو.. دفئها وحنانها ورقتها لي كيخبيهم تشيطينها.. قرب اللعيبة لي فيدييه.. شم ريحة شمبوانها وبرفاانها لي باقيين لاسقيين فيها وتنهد تنهيدة من القلب.. متدكر اللحظة لي سولاتوو على العباارة لمتعلقة بالسحر الأسود لي قالب حياتوو سفاها على علاهاا.. 
كاان بامكاانو يصاارحها.. ولا وساهل عليه يگول ليها على الموضووع.. ولكن و من بعد.. هاهو گاالها لمرة اللولة اش ستاافد.. أكيد مايبغيش يعاود نفس الغلط ولا نقدروو نگولوو يعاود يتعامل مع الأمر بنفس الطريقة ويتسنى نتيجة خرى..

على الأقل المرة اللولة ماكانش كيبغيها وخرج بأقل الخسائر.. مي دااابا الوضع مختالف.. الانسانة لي حدااه كتهموو كثر من أي حد اخر وفي أي وقت دااز.. اولى ليه ماتعرفش ويحتافض بيها حدااه على أنو يخسرها بسباب شي حاجة فحال هكااك.. بغض النظر انها حقييقتوو.. 
وخا عارف فقرارة نفسوو أن فدوى غيير وأنها تقدر تتستقبل الأمر بحفاوة وبترحيب خصوصا فاش كيتفكر ردة فعلها فاش شافتوو أول مرة.. بالحق هو مباغيش يشوف فعينيها نظرة شفقة ولا استعطااف فاش يعاود ليها ولا يشرح ليها السبب.. باغيها تبغيه كيما ولى هو كيمووت عليها.. هادشي لي ستنتجوو من مور صراعو مع نفسوو واستنكاروو لحقيقة المشاعر لي كيحس بيها جيهتها.. عيا وهو كيحاول يقنع راسوو أن هاد المرة فحالها فحاال المراات لي سبقووها وانها مجرد شعككت مشااعر عابرة غتمشي لحاال سبيلها وغتبرد مع الوقت.. الحاجة الوحيدة لي بدلاات رأيوو هو ماحد الأيام كدووز ودووك المشاعر كيزيدوو يتبتوو والرابط لي بينوو وبينها عااد ماكيزييد يقوى..
صحيح أنه ماعارفش هي باش كتحس جيهتوو.. ولكن كيلتامس ارتيااحها ليه من طريقة معااملتها ليه.. وحتى فاش كيلاحظ ردة فعلها مع ناس خرين وكيقارنها بتصرفاتها معااه.. أكيد رد الباال بلي حاطااه فقائمة المقربين.. كتتصرف معاه بطلاقة وأريحية كيما كتتصرف مع منصف وسيدوو لي عارفوو خوها وصديق طفوولتها.. عكس حساسيتها من مهدي رغم صلة القرابة لي كتربطها بيه..
ولكن واش مشاعر ولا اعجااب ولا مجرد معزة باقي مامتأكدش.. لعل الوقت كفيل بتوضيح حقائق الأموور.. 
وجعوو راسوو بكثرت التفكير وبدى يغفى مع ضهوور أول علاماات التوحش 🤢💪

مدة قليييلة.. ومن عز نووومو فيقوو الصووت الڤيبروور دتيليفووونو لي كيصووني ويعااود باصراااار..
📲📲📲
مد يدييه بلا مايكلف راسوو ينووض ولا يحل عينييه.. ورك على الله حتى حس بالڤيبروور حبس وحطوو فوق ودنوو.. 

أنيير (بصووت غليض غاالب عليه النعااس): ألوو..

فغرفة من البني لكبير والبلدي لي رغم ترميموو حافض على تقليديتوو.. وفمكتبة عتيقة كتحمل كم هائل من المجلداات والكتب القديمة لي نصها مابقاش منوو نسخ.. مكتب بكراسة كباار مقاابلوو فوطووي ديال الجلد بعيد على الرفوف لي كاسيا لحيووط.. گالس بهبة ووقاار.. منزاعج من المكالمة لي عااد جااتو ولي كانت كفيلة بأنها تقلب ميزااجو..
شاف فالساعة ورجع تاني نَظروو للتليفوون لي باقي فيديه.. ودوز نمرتوو.. المرة اللولة.. الثانية.. الثالثة.. الرابعة عااد جااوب بصووت غليض غاالب عليه النعااس..

أنيير: ألوو..
علي (بصوت غالبة فيه الصرامة): وشتا داكشي لي سمعت؟
أنير (على نفس الحال ويلا مايحل عينيه): عاودو ليك كلشي؟
علي: عاودولي غا واش دْرت نت 😡
أنير: اوا سولووه علاش ووشتا دار.. مايمشيش يشكي غابشنو بغا.. ماغنمدش عليه يدي غير هكاك.. 
علي: داكشي لي گولت للفاروق حتى أنا.. على أين مانسمعش شي حاجة فحال هادي تعاودات.. 
أنير (باصرار): الى وصلني شي قليل الترابي تاني راني نعاود نربيه.. مانواعدكش.. 
علي (مابغاش يضغط عليه.. عارفو ماكيجبدش الواحد): الله يهديك اولدي ماخاصنا صداعاات.. 
أنير: تصبح على خير الواليد.. 
علي (باستسلام): وانت من أهلوو.. 

قطع أنير معااه ورجع غط فسااابع نوومة مامسوقش وماعايرش الموضووع أهمية.. على عكس علي لي بقى بالوو معااه.. وخا عارفوو قاد براسوو ومايتخافش عليه الا ان الولدين الله يسمح لينا منهم مهما كبرنا كيبقى قلقهم علينا فحال اول نهار شدونا بين يديهم الى ماكان كثر..

أما الحريگة.. ما ان دخلاات طلعاات دوشاات تحيد ريحت ليصونص لي لسقاات فيها.. بدلاات ونزلاات تاني لعند منصف لريسطوو.. لقاات زينب معااوناه وهازة عليه شوية دالتقل على ما يجيب دراري ثقة يتكلفوو ليه بالمشرووع فحال لي دااير فكازاا.. 
جراات كرسي فلكونطووار لدااخل وگلسات.. 
دخلاات زينب من مورااها مداات لمنصف داكشي لي كان فالفراان وتوجهات ليها بالهضرة..

زينب (طلات عليها بثقة): فيك الجوع؟

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.