صورة مصغرة لـعشقك جزائي الجزء 15

عشقك جزائي الجزء 15

3ichq 3ich9
رواية عشقك جزائي

قربو لشجرة وكلسا تاما هواا رااه تقاابل معاهاا وكلس ضحكااات ورجعات شعرها اللور كتفرنس 
غالي-غتكمليي تمنطااش فشهر خمسة سااك
سلمى-اه فاللخر 
غالي(حرك رااسو بااه )ممم باش نطيحو لعقد انشااء الله 
سلمى(خرجو عينيهااا)كيفاااش
غالي-ههه مالك ياكما تنادم معاك لحاال
سلمى-هئ لاا ماشي هاك مي يااك قلناا تانساليي لقرااية دياليي 
غالي-نديرو لعقد ديك السااع وكملي قرايتك شكون حبسك وزاايدوون اتكمليها معايااا 
سلمى-وباباا مغاديش يبغي اغاليي
غالي(عوج راسوو فيهاا)باباك معندو ميقوول احبيبة لقرار دياالك داباا غنمشيي داباا وغناخد شي دار على قدنا ونفرشووهاا وبااش نفرشوها بجوج خاص يكون بيناتنا لعقد باش تمشي على خاطرك
سلمى(كمشات عينيهاا)ب بلااتي بلاتيي كيفاش نمشيوو علاه فين غنسكنوو 
غالي-كازاا 
سلمى(خرجو عينييهااا)او ماال هناا اغالييي قراايتيي هنا ودارناا هنااا وكلشي هنااا 
غالي-مي انا عندك تمااا اولاا 
سلمى-وخة هكاك وشنو فيها ليجيتي وسكناا هنا واصلاا نتا معارفش فين غيجيك التعيين 
غالي-هههه سلمى دابا متلاا جاني التعيين فشي قنت بعيييد على دااركم شنوو غتقوليا لاا بعييد على داارناا اسلمى علاش تافقنا نهار اللول بليي داري انا ويااك تكون بعييدة على داركم ودارنا باش هكاا تحد ميدخل فينا وكازا راه غير ساعة هانتي فربااط فين لمشكييل بدييت فليكوول ليي قلت لييك ومنقدرش نخرج منهااا حييت رااه مزيانة وفيها الصاالير زويين كون لقييتها هناا كون جييت بلاا منتنااقشو فهاد المووضووع علاه انا شكون عندي فكازاا تااحد ميي بغيتك نتي تكوني معاياا فين مامشييت مفيهاا بااس تضحي بشي حاجة وخة ماشي شي تضحيية ميي باش نكونو بجوج
سلمى-او لمعهد 
غالي-لمعهد حالو سااهل بديري لتحااق بلمعهد لي تابع ليه فكازا وهانتيي بخيير 
سلمى(سكتات تاتلعب برجليهااا وبدا كيهز ليهاا فشعرهاا وهيا عاطيها بجنب) معرفت 
غالي(باسها فودنهااا وقال بهمس)مبغيتيش تكوني معايااا 
سلمى(تبورشااات من قربو ليهاا وحركات رااسها بااه)
غالي-انا هوا خووك وصااحبك وحبيبك ورااجلك وبابااك وماماك وجيرااان وصحابااتك هههه ديريني كلشيي احبيبتيي(باسها فكتفهااا)صافيي متفقيين على هد النقطة داباا مم (دور عليها ايدو وهورتها فجنبهاا تنقزاات 
سلمى-ههههههه صافييي اغاليي هههه(حطات ايدهاا بجوج على صدروو حيت زيرهاا عندوو او ولاا زجها قرييب لوجهوو )واخة لي بغيتيي 
غالي-ههه لي بغييت نتي مبغيتيش 
سلمى-تا انا بغييت ههه 
غالي-وخة الالة مسمار وطرقنااه ودااباا ندوزوو لصدااق 
سلمى-ديالاش صدااق
غالي-شعاال غتعطي لوالييد فيااا رانيي غاليي هههه 
سلمىى-هههههه(قرصاتو من حنااكو بجوج وكتجمع ليه فموو وهيا كضحك)معرفت ههه 
غالي(كيبغي يعض صبعها وكتبعدوو وكتلوى بالضحك كتجهل فييه بلا ميحس بغنجهاا لي فطرة فيها ماشي متصنعااه حتكاكها مع صدروو خلاه ميحسش كاع بلبرد والرييح لي مرة مرة كيتحرك )ههه غناكلك يهاد لبنت تكايسيي عليا شويية 
سلمى-ههه ممم(تكاتبغي تجمع الضحة وترجع تفرنس ملي تشووفييه من بعد مخربقات لييه شعروو ولا مرييش وكل زغبة شادة قنت لي طاح على جبهتو راه طاه وليي وااقف كل وحدة فقنت وها عينييها ناعسيين فييهااا شبه مغمضيين بشفاروو لكتاار لكحليين اما هوا ايديه مشاابكهم فجنبهاا ومتبع ايديااتهاا لي كيلعبو مرة فشعروو مرة فشفارو ولحيتوو
غالي-وجااوبي تلفتيينيي 
سلمى-مممم هه شحال كيطلبوو فصداااق
غالي-كل واد وجهدوو احبيبة 
سلمى-ههه اوى تانتاا عطينيي جهدك ههه 
غالي-مغيكفييش احبيبتيي مهما عطييتك غيكون قليل فحق بجهد 
سلمى-داكشي لي غتعطيني فصدااق راه غنفرشوو بيه الدار وشحال من حااجة
غالي-تت صدااقك اتاااخدييه ديري بيه لي بغيتيي اما الداار راه شوية بشويية نفرشوهااا 
سلمى-داباا الى تكاتبنا فشهر ستة لعرس مغنديرووهش فالصيف حيت يالله نتكافا مع الامتحاناات 
غالي-يلالة هي نتكااتبوو ولعرس فيين ما سخر الله ماشي مشكييل بينما نييت وجدناا على خاطر خاطرناا لعرس راه غير نهار وتيسااليي ولجات عليا انا بلااش(ضرباتو لكتفوو)
سلمى-كيما تا انااا درت بشروطك ادير بشروطيي 
غالي-الشرووط فيهم لعماريية ونشطح معاك فلعرس 
سلمى-مممم 
غالي(بطنز)اوى عرسي مع موشااا انا مجااايش 
سلمى(خنزرات فييه )غاليييييي حشوومة عليييك معامن غنبرز انااا 
غاليي(هيا كتهضر وهيا عينييه غير فشفايفهااا غيسطييوه وكيشووف فعينيها وكيضحك) هههه راه مكيعجبنييش ديك قوة لهرااج وصدااع اسلمى كلشيي كيشووف فيك بحال الا داير شي عرض 
سلمى-على قلبيي(دلات شنايفها )عفااك
غالي(غمض عينيييه كيضحك) جمعي فمك راه غنااكلو لييك هههه من اللخر هههه

سلمى(ضحكاات وحطات رااسهاا فوق كتفوو باسهااا فوق شهرخا كيضحك-وخة احبيبة لي بغيتيي شنوا خر 
سلمى-صافيي ههه
غالي-او واحد لحاجة اخرى اسلمى نتفاهمو علييهااا لقصيير مبقيتيش دوريي بييه بلا متقولي مبقيتش كنلبسوو راه كااااتلبسييه 
سلمى- وكنلبس عااادي اغالي فين بان لييك شي قصيير عاود 
غالي-داباا انا قلت لييك لقصيير متبقايش تلبسييه لبسي شي حاجة زويينة وفنفس لووقت مامزيرااش علييك ومبينة فصاالتك مبغيت تاحد يشووفهااا 
سلمى-راه حتى لي كتلبس لخماار ومكيبان والوو ويكهدروو فيها اغاليي 
غالي-معلينااا كون سعفتينيي ديريي درة وغنبقا تا انا مرتااح مي نتي معكسة وهاني غادي دقة بدقة تنوصلوو هههه مفاهمييين 
سلمى-وخة اسيديي هههه طلباتك اووااامر 
غالي-اوى داباا حنا مفاهميين وعسل عسل هههه
سلمى-ففف جاني لبرد شوية هههه 
غالي-نمشييو لطموبييل اصلا تحرك لبرد 
وقفاات كتسوس فلكسوة وهوا قدامهاا تمشااو مساافة تالطموبييل وهيا كل مرة تاخد ليهم سيلفيي عايشة السعاادة معااه وهوا راه مسااير هباالهااا ومرة يعنكشها مرة يخليها على خاطرهاا حل ليها لباب وركبات ومشاا لبااصتو حتى هواا جمعاات شعرهاا لفووق وبقاو زغيبات طايحيين على وجهاا وقدات لكاشكوول 
غالي-كيجيك شعرك زويين لجمعييتيه هاكاا 
سلمى-ههه ولكن انا ولفتوو مطلووق(حيدات لكاشكوول وبان عنقهااا هز ايدو وحطها على عنقها تنقزات)هههه ايدك باارديين 
اما هوا راه سكت كيشوف فيهااا وايدييه كتلعب فعنقهااا او حنكهاا ضور ليها وجها عندوو بجوج صبعاان وقال-جوتييم 
سلمى(ضحكات متوترة)هه حتى اناااا 
شافتوو كيقرب لييها بشويي وقلبها بداا كيضرب وايديها بداو كيترعدوو محساات بييه حتى حط ايدوو على جنبهااا ونفسوو تخالطات مع نفسهاا وهوا حال عينييه كيشووف فيهااا سرطات رييقهاا وحطات ايدها على ايدو لي فجنبهااا وصدرها كيطلع ويهبط مع نفسوو سخونة فعنقهاا طبع قبلة على عنقهااا وحاس بقلبها غيخرج من بلااصتوو لحيتوو لي كتقرصها وشفايفوو سخان على لحمهااا كل قبلة كتنسيييها فلي قبلهااا وكترجف بحال الى اول مرة يحط عليها ايدوو طلع مع ودنهااا وبااسها فلمكاان لمفضل عندوو فوق لخالة لي تحت ودنهااا 
وايدو راه متحركاتش من جنبهااا ولخرى وراا عنقهاا طلع فموو تالفمهااا متلهف عطشاان لييه داعب شفايفها بشفايفوو حتى تمكن منهم ونفسهم تخاالط بقبلاات عميققة كتعبر على بزااف تالشووق والعشق هز ايدهااا وحطهااا على شعروو مبنجة على الاخر فاشلة قداام استوطانوو على شفايفهااا ونفسها ورييقهااا 
اما هوا كون لقا لوققت يحبسس كون حبسوو وطول فاللحضة ليي مكيكههااش تسااليي ومكتسالي حتى كيحس بليي رااه ضرهااا وطيبهاا
هز فيها عينوو كينهج جبهتوو حرة وباينة فعينييه حابس رااسو بز زاما هياا راه مزنكة وقلبهاا كيتسمع فودنييه وصدرها كيطلع ويهببط بلا داتها لي من بعد موجة تااع الدفئ بدات ترجف حلات عينييها فييه وبتااسم ليهاا وايدو كتمسح جنااب فمهااا لي كيبرري برريقوو وتورد كتر
غالي-هههه مكنقدرش نصبر علييك هدشي لي عطا الله بلاصت تلتياام نصوم ستا ههه 
سلمى(ضحكااات مهبطة عينيهااا اماا هواا تكاا عليهاا مدخل راسوو فعنقهااا ومزير عليهاا بايدوو هزات ايدهااا كتلعب فشعروو ساكتيين بجوج
غالي(كيهضر مغمض عينييه وصوتو مرخيي) شحال بغييت هاد التعنيقة بالتمن
ضحكااات كتلعب بزغيباات على جبهتووو وهواا خدا راحتوو فعنقهاا ولمستهاا بنجااتوو مرة مرة يحس بقبلتهاا على جبهتوو ويتبسم 
سلمى(بتردد)غاليي
غالي-ممم 
سلمى-فالصراحة احم حسييت بخالتي بحال الى معاجبهاش لحاال
غالي-شكون خالتك 
سلمى-هههه خالتي كلتووم 
غالي(حل عينييه ورمش فعنقهاا عاد هز رااسوو قريب ليهاا وايدها مزال فوق لحيتوو كمش عينو فيهاا )شكون قالها لييك 
سلمى-حسييت وصاافيي 
غالي-غير كيبانلييك لحبيبة لوالييدة معندها متكوول فييك مرات ولدها توتة رطبة وحلووة 
سلمى-ههههه رطبة كااع حلوة لكوك انااا 
غالي-ههههه (بااسها من عنقهاا كيحك نيفو معاهااا)نتي الشكلاااط ولعسل نتيي ههه
تقااد فلكلسسة كيرجع فشعروو اللور وكيضحك تقادات حتى هيا فبلااصتهاا وجمعات شعرها لي تخبل وقداات لكاشكوول فعنقهااا اما غاليي راه جبد التيلي كيهدر مع دارهم لي وصلوو وكيسول فشامة كي وصلاات حتى قطع
سلمى-وصلوو 
غالي-من قبيييلة ههه (شاف فسااعتوو)فف دياا داز لوقت 
سلمى-نمشيييو 
غالي(عوج راسوو فييهااا وشد ايدهاا)مسخيتش بييك مي مزال تابعاني طرييق لكازااا 
سلمى-ففف كون غير جيتي هناا والله
غالي-وصااافي راه هدرناا مبقاش بزاااف احبيبة ونكونو فبلاصة وحدة(غمزهاا)غنتوحشك 
سلمى-ههه حتى انااا 
جرهاا كيضحك عنقهااا خاشيهاا فييه حتى شببع من رييحتها وحضنها عااد بعدها وبااسهاا بيين عينييهاا وديماراا الطموبييل فاتجااه داارهم طريق كلهاا شاد ايدهاا وكيتغزل بيهااا ويهدر معاهاا فرحانين مبهجيين محسوو كاع بطرييق تكانو واقفيين قبالت لفيلاا شافيها مسااخيش بيهااا –تهلاي ليا فرااسك وخة

سلمى(بحب)حتى نتااا 
شد ايدهاا بااسهاا وابتااسم ليهااا تكانت غتنزل وشدها من ايدهاا تضارت عندوو لقاتو رمى ايدوو اللور تحت لمونطوو وجبد منوو كرطوونة مربعة بلاا ومغلفة بلبابي فلبيض تبسمات ملي شاافتهاا تحطها فوق فخاضهاا 
غالي-كنت انحطوو فلخطبة مي مصلااحش بغيت نعطييه لييك 
سلمى –ههه شنو فييه
غالي-شي حاجة زويينة بحاالك احبيببة 
سلمى(شافت فييه وضحكاات وقربااات لييه لحنكوو وبااستوو وضحكات)شكراا 
غالي-علااش مبستينييش لهييه علاااش هااا هههه حشومة علييك 
سلمى-هئ ياك بستك
غالي-اناا لي كنبووسك الحبب نتيي كتموتيي (ضرباتو لكتفوو وخرجاات حشماانة كضحك هزات لكادوو وشيرات لييه بايدهاا كضحك عاضة على فمهااا وضحكاات ملي شافت باسها فلهوى وحطات ايدها على فمهاا كضحك
عايشه حالة حب معاك واخدانى وصعب انها تتكرر تانى
وبعيشها لو انت بعيد او قدامى
واخيرا الايام رضيو عليا اخيرا جة يا حبيبى يوم ليا
ارتاح من قسوة ايامى سبنى اسرح فيك شويه وانسى ايام ضاعو منى
نفسى عمرى يعدى بيا وانت بعنيك دول حاضنى 
وانا جنبك شايفه منك حاجه من ريحه ابويا 
حب الدنيا دى جواك ومعاك شايفه حنيه اخويا
وانت هنا معايا بدعى من جوايا تجمعنى الايام بيك ربنا يقبل دعايا

كل يوم بينك وبينى مش هيبقى يوم وعدى 
بكره يجى وتلاقيني نفس احساس النهارده
من هنا ورايح سنينى ناويه اعيشهالك بحالها
وانا صعب سنينى فى يوم تتعاش
اغير لانسان يستهلها
""اليسا""
دخلات لداار عاد هوا تحرك كيتنهد برااحة اما هياا فرحاانة بجهد وحلفات التبسييمة لتحيد من فمها دخلات معنقة لكرطوونة ولقات لهدرة فالصاالوون طلات علييهم برااسها كضحك
سلمى-العصاابة تجمعتو على خزييت هههه 
ديمنة-مجموعيين على تبركيك ههه جيتيي ادوااحة 
نجوى ومريم طاروو من جييهت الطبلة ومشاو عندها جرووها قبل متجااوب كل وحدة تاتسول فقنت وكينخضو فداك لكرطوننة باش يعرفوو اش فيهااا حتى وصلو لبييت وبدات كتعاود ليهم وهيا كتحيد فسبردييلتها
سلمى-احح على نهار دااز يختييييي هههه وخة كنت غنبول فسروالي مليي خرج عينيه فلولد ففف هههه كان كيحسابليا مكيعرفش يخسر لهدرة الساعاتي صدق مجعوور هي مبرد 
نجوى-هههه دوز على لواد لهرهوري مدوز على السكوتي وااا هياناري هههه 
مريم-حلي هد لويل نشووفو اش فييه راه بغينا نمشييو 
سلمى(كلساات مربعة لوسط كتحل فلبابيي ولقاات كرطوونة مكتوب فيهاا جواهر وتبسماات حيدات سكوطش من جناابها وحلاتها وريحة زوينة عاطية منهااا مع حلاتهاا بان ليهياا قراان فجنب متوسط لونو بييج فات فوقو تسبييح بنفس اللون وفجيهة لخرى توب صلاا وقرعة تاع لمسك صغيرة لوسط هيا لي عاطية رييحة زوينة من لكارطوونة هزاات التوب وسرحاتو وقربااتو لنيفها شماتوو)ههه ريحتهم واعرة
نجوى-ههههه كيدق علييك هداا 
مريم-ويااك تحلي علييه ههههه ويني راه دوقوو زويين فلكادواات الله اجييب لينا بحالو يختيي نلبسو عليه لخماار حق ربيي حبيبي ههه
وقفاات ولبساات اللبسة لي كانت فلبااج طوييلة وعريضة شووي وفيها شالهاا لاصق معاهاا جاتها زويينة وبيناات براائتهاا وجها الداائريي جاا معاه الزييف ولبييج جا مع لوونها القمحيي هزاات التيليي وصوراات رااسهاا قبالت لمرااية وسيفطاتها لييه وكتبات تحتهاا 
-شكراا حبيبيي 
حطاتهاا فوق سرير حتى توضى وتهز لقراان حتى هوا وبقاات مجمعة مع لبنااات وكتعاود على تفاصل لخرجة كي داازت 
اما غاليي دخل لداار توضى وصلاا لي فاتوو وجمع حوايجوو وتسيفط مع صحاابو وشد طريقوو لكازاا تبسسم ولمعو عينيه ملي شاافها بالزييف الاممنية لي عندو فبالوو ومغيرتاح تيوصلها ليهااا مبغاش يشرطها حيت عمر حاجت بزز تاتكون زويينة محتارم سنهاا ولمحيط لي دااير بيهاا وعاجبااه كيف هياا اما لادارت الدرة فرااه بتزييد تعجبوو كتر وكترر بدوروو ركب فلكاار فرحااان مداهاا كاع فطريي قامتا خلااص داازت مجمع معاهاا وكيضحك معاها مهامو كاع لبشاار ولا اش كاين فطرييق
حتى كاان وصل لكازاا مع الستة تاع لعشية ضرب فيه لغربيي باارد وضلام بدا كيطييح شد طاكسيي ومشا لداار للوحدة تانييي وسكاات قنطاتوو ومبقااش صابر عليهااا 

الايااام كيف ديماا كدووز وكل وااحد راه فشغالوو غارق كان غاليي فلكلااس بليل حتى جاه تيليفون بليي شامة ولداات فرح بجهد حيت تفكاات على خيير كمل لحصة بزز وخدا من عندهم يومااين يمشيي ويششوف ختو ويرجع 
وداكشي لي كان مجاا فين يصبح لحاال حتى كان وااقف قدام كلينييك الامل ف بني ملال لقاا مو تمااا وعمتوو ومعاهم صلااح كيتسناو يدخلوو عندها سلم علييهم وباارك لييهم ودخل عند ختوو عنقهاا بحب سخفاانة وبااس رااسهااا كيضحك معاهاا 
غالي-اسيدي الله بااارك ههه تربى فعزكم انشااء الله 
صلااح-اميين اخوياا لعقبا لعندك انشاء الله 
غالي-ان شااء الله ياربيي وهانتي الواليدة وليتي جدة لمرة التانيية هههه انس غتجييه لغييرة 
كلتووم-ههه الحمد لله غير ملي تفكات ليا بنتيي على خيير 
شامة(لغالي)كون غير جات معاك سلمى
غالي-ههه سلمى عندها الامتحاناات واصلاا هي سمعت لخبا رجيت من كازاا لهنا نيشاان 
شامة-هههه مزياان تشووف بنتيي ههه 
جابتها خدييجة فمانطة فلغووز مزال حتى محلات عينييهاا مشاا غاليي كيطل عليهااا نسخة طبق الاصل لشاامة لا فلبيووضة ولا شعر كحل
خدييجة-هانتووما كالك شاافت خالهاا وهياا تحل لعينيين بنت لخووينزة ههههه 
غالي(شافها حلات عينييهاا وشد ليها فايديها صغااار كيضحك)هدشيي صغيير بزاااف ههه
كلتووم-هههه علاه نتوما تزادييتو كبااار 
غالي(شاف فصلااح)ادنتي ليهاا بعداا 
صلاح-ههه ضاربنيي لبرد وخفت نمرضهاا تيجيي خاليي ويديير شغلوو 
غالي-جييت انا خاالهاا هههه (شدهاا من عند خديجة ملوية فمانطتهاا وكتسد فعويناتها وتحلهم ادن ليهاا وكبرر وقراا عليهاا المعوتيين عاد حطهاا فحضن شاامة)
بقاوو واقفيين تدخل الرااضيي وساارة وفاطمة وهنيية تسالموو وفرحة بتربيية وخرج غالي لبراا صونا لسلمى لقاها فلكلااص وجاوباات بهمس
سلمى-حبيبيي
غالي-لعمر دياليي صافاا
سلمى-ههه فرحااان اش كااين 
غالي-حداا لمعهد انا تخرجي عنديي
سلمى(خرجوو عينيها)اوييييليي ونتا عارف عندي ايكزاام 
غالي-ههههه غي كنضحك معاك احبيبة انا فبني ملال داباا شامة ولداات
سلمى(بفرحة)ربييي وينووو شنو ولدات 
سلمى-بنت ههه
سلمى-احح سعدااتهااا وهادو مغرقينا غير ولااد عهههه مبروك عليها احبيبيي تربا فعزهم ملي نخرج من لكلااص نهدر معاهاا صافيي
غالي-وكي الزيين 
قطع معاهاا ورجع لعندهم ماما سلمى راه كملاات ساعتين ديالها وخرجاات مهلووكة صونات لغاليي ودوز ليها شاامة باركااات لييهااا وقطعاات
كلتووم-معامن تاتهدريي
شامة-سلمى باركات لياا 
كلتوم-ممم ومكتعرفش تهدر معاناا (ميقات )صوااب اللارووب 
شامة(خرجو عينيها)ميي غيسمعك غالي
كلتوم(خرجات عينيها)ويسمع مالك كدبناا صوااب هدااا مقدراات تكوول نباارك لييهم ولاا نهدر مع عكووزتهاا 
سارة-شكون حشاها لييك تيي كلسيي وسكتيي 
خدييجة(وقفات حداهم)مالكم توشوشوو تانيي 
كلتوم-اربي اخديجة هدا صوااب منهار دفنوه مزارووه تعييط غي تباارك وتقوول على سلامت بنتك تفكاات وهيا هدراات حدانا ومقداتش تقوليها عطي التيليفون لمك تعطاهاا 
خديجة-وباااااز بااااز لي فيك ميهنييك وخة يدوزوها لييك فلعسل توحل بين ضرااس 
اما غالي رااه كانو مجمعيين قداام لباب مع صلاح كيباركو لييه حتى جايية ملييكة وبنتهاا احلاام وراهاا لي غير شافت غالي قدام لباب وتلونااات تمشا منها اللون وقفوو قدامهم وغالي كيهدرر 
ملييكة(منفخة)غالي لباااس 
غالي(شاف جيهتهووم وضحك)خالتيي بخيير اش خباارك(بااس ايدهاا وكيسولها على احواالها وهيا كتجاوب ومعاجبها حاال )احلاام ختي صافاا

احلام(بابتسامة صفرا بلا متمد ايده)لبااس الحمد لله 
غالي-الحمد لله 
دخلات خالتو وتبعاتها بنتها وهوا بقا على براا اما احلاام راه لضو شعل معاهاا محدوو كيغييب وهوا كيرجع حسن من اللول وفبالها كتقوول مكاينش لي يعمر لعيين من غيروو اما لقلب رااه فااض بييه 
دخلو لشومبر عند شاامة ولقاو لكل مجمووع سلمى على لحااضريين وكلسوو تنطقاات خدييجة وقالت-احلام امتا جيتي ابنتيي 
احلام(واقفة حدا شاامة وسااكتة)لحد لي فاات اخالتيي وغنرجع بعد غدااا 
كلتووم(شافت فختهاا)ملييكة مالك اختيي متجاوبيي موالوو
ملييكة- علاه نتي درتي فيها ميصلااح 
احلاام-ميي صافييي 
ملييكة(خرجات عينيهاا)لصاافي شربيه مصاافيش 
هنيية-هههه تي باقة هازة فخااطرك وتي راه متدي غير لمكتااب لييك 
ملييكة-يكما بنتي شاايطة علياااا سيد سيدوو يديهااا 
كلتووم-مليكة اش هد لهدرة مال ولديي كيجاااك 
ملييكة-ولدك خليناه لييك ورااك مدرتيي لبوجه خااوة لزمر(شافت فبنتهاا)شفتيي شامة وزييدي
سارة-ملييكة مالك فهاد لهدرة رااه مبغاااش مبغاااش منين ندخلووها لييكم غي ليي دوينة معاه يهز خناافرو لسمااا بحال الى حنا لي مشينا نجرييو نخطبووها ولي تقلق يسطح رااسو مع لحييط 
كلتووم-راااه مبغيييييتهااش ومحاملاهااش كااع وينيي هوا بغاهاا وكاليك منها نخلاااق اش نديير 
مليكية-مديري والوو ولدك هداااك تالخطبة مسمعتها غير من التيساااع خايفيين نخسرووهاا مديتو حد محضرتوو حد 
كلتوم(بدات كتسووط)مدينا حد 
مليكة-شغلكم هداااك ديوه ولا خلييو كيشتوني انا غي ساابقة 
شامة-ففف وباارااكا اخالتيي وامي وهنيونا واش مجاكم لحسااب تالسبييطار سوطكم كيتمع تالبراا 
ملييكة(كالسة فوق كرسي وجامعة ايدهاا وكتهضر منفخة) وشي وحدة زيينة هاديي 
هنية(لي كانت كتسببح)عندها زينها وزيين النااس ملقاتوو 
كلتووم-ما بيهااش 
احلام(لشاامة)درتو تصااور
شامة-اه 
احلام-ارى نشووفهم 
عطاتها تيليفونهاا وهيا وااقفة تاتشووف فتصااور شداتها لبكيية حييت من ديما كانت كتسناا هد لحضة معااه فاي تصويرة دوزااات كيبانو ليهاا ضااحكيين على جهد وفرحانين هزات عينيها فشامة وقالت-واش لي سميتها سلمى نييت
شامة(كانت كترضع فبنتها)ممم هاديك 
احلام كملات تصااور وبلا متحس كانت دخلات لكونطات تاتقلب على سلمى تلقاات نمرتهاا كوباتهاا وقلبهاا بيخرج من بلاصتوو وسيفطاتها فنمرتها ومسحاات لميسااج وحطات التيلي حدا شاامة وهزات صاكهااا
احلام-ميي يالله نمشييو 
مليكة-زيدي يالله 
كلتوم-ومتغبرييش 
ملييكة-لي بغاني راه دااريي باينة ومعرووفة 
سارة(بهمس)لخلااا اييخ (خلاتها تمشاات وشافت فيهم)اييخ بغات تلصق بنتها صحة يالاطييف 
خدييجة-اوى رااه لهدرة لي كضل مك تقوول بنتك لولديي بسييف مطمع 
سارة-طمع (عوجات فمهاا)الصااارحة انا كنت بغييت لييه غير مارياا زوييينة تبارك الله ولحجاااب يلالة هكا كديير فين تباان ديك لي خطب ولا احلام نييت 
هنيية-ياااعودو بالله من يا الشيطااان نتيي نهاار تموتي غتعلقيي من شفارك 
سارة(ضحكاات ولمطاات فمهاا)والله منموت تنغسلك اهنيية (ضرباتها خديجة لقفاهاا)
خديجة-وبرا ولبااس علييها عطييك لووبة ابنت لحراام متحتاارمي حد 
هنيية(كضحك)ا اخليي هد شقفة قبرها يلقاو فيه لحناااش على فمهاا لحاار 
سارة-اوى الله اخلينة فصبباغتناا(شافت فشامة)ارى نبخ لبنتك فايدها تشبه لياا 
شامة(باست بنتها)حجارك يشدووك اختي هههههه 
''
سلمى دخلات لداار وشمات رواايح من لكوزينة دخلات تاتجريي هزات لقفة تاع الطاجين تاتنقب فزيتوون وطلعات لبييتهااا حطات حواايجها وبدلات ب بيجامة بينوارها ومشاات هزات سعد تاتلعب معااه فجردة 
سلمى(شداه بين رجلييه كتهورت فييه)قول سلمى
سعد-ننن ننن 
سلمى-ههههه باغي ديماريي نتاااا لميمة شوفي غيقول سلمى 
رحمة-غتهدرو هد دري بزز يالله ست شهوور مهدي جا صبااحح قالييه قول تفوو علييك 
سلمى-ههههه حمااار هدااك (شافت فسعد)قوول سمىىى 
سعد(مداابز مع فمو ورييوك هابطيين وكينقز يخرج اولى كلمااتو)مممم مممما
سلمى(بفرحة)ماماا ماماا وقوول خلاااص
رحمة-يبقي سترر تي دابا تولدييهم

جبدات تيليفونها تاتصوور معاااه فرحانة بييه وهوا غير لااصقهااا تدخلاات ديمنة وموراهاا كمال ودراريي 
ديمنة-سعدوووشيي ماما جااات ههه 
ديمنة-غيقولييا انا مامااا ههههه 
ديمنة-بحال والو هههه 
رحمة-نوض نحط ليكم لغدا
ديمنة-هه لا هاني غنحطوو غير كلسيي 
كلسو مجموعين فالصاالوون وكمال كيسول كل واحد اش دار ليوماا 
سلمى-ماما شامة خت غاليي ولدات 
ديمنة-ممم مبرووك اش ولداات 
سلمى-بنت لي حلفتتوو تولدوها ليااا 
كمال-سمحيلينااا مرة خرى ان شاء الله هههههه
ديمنة(خنزراات فييه وهوا كيغمز فيهااا وكياا كل
كمال-حنزي فياا رانيي محزم وسط لعيالات 
ديمنة-ممم غير مجبت صاكي نعلق لييك 
مهدي-بابااا ضور معاياا بندير فطوكوبي لواحد روموو
سلمى-لعنداااك بيصرفهم تعبئاات 
اميين-اه ابابباا (وقف وهز لقمييجة وحل السنسلة تاع جيب وجبد منو شلا تعبئااات تاع عشرة درااهم وعطاهم لكماال)شوف اش لقييت 
مهدي(كيتحلف علييه) والله تهي كانت فيهم الربحة الوالييد 
رحمة-اش كتربح اولديي ونتا عينيك حوالوو غير بداك لمشقوف 
ديمنة-وصاافي تغدااو من لهدرة 
تغداااو مجمووعيين وهزات سلمى لمااعن غسلاتهم وطلعاات لبييتهاا بما ان ليوم مقارياش فلعشيية جبدات لبيسي كتحفض وتكتب حتى صونا ليهاا غاليي وشدات تيلي بكتفهاا كتهدر
سلمى-حبيبيي
غالي-لفنوون اش كديريي 
سلمى-ههه كنحمس 
غالي-هههه كتعرفي ليه بعدااا 
سلمى(بدلع)شنو احسابلييك كنعرف نطيب كلشيي
غاليي-عليها طيبتيي قلبيي 
سلمى-ههههه ممم مصورتيش ليااا لبيبيي
غالي-كانوو خلاتيي عندهاا عاد غندخل نشووفها باش نمشي لداار 
سلمى-ؤكي حبيبيي انا كنحفض
غالي-مزياان اوى امتا نوبتناا 
سلمى-ههه فااش 
غالي-فشي تزوييجا تقهرت بالتيليفوون باغيي نشبع عويناتيي 
سلمى-قرييب ان شاء الله ههه 
غالي-امتا امتااا غتكملي هد لعام وصاافيي شهر تسعوود يلقاك معاياا 
سلمى(خرجو عينيها)اويليي ههههه منيتك 
غالي-بنتي ليا مساخياش بداركم 
سلمى-بحال هكاك ههه ويني مزاال ماموجديين والوو 
غالي-كلشي غيوجد انشااء الله احبيبة 
قطع معاهاا ورجعاات لحفااضتها توصلاتها تصوويرة منوو فيها شامة ولبيبيي وكاتب تحتهاا سمو الاميرة شيمااء ههه 
سلمى(جاوباتوو)ههههه غزاالة وجات معاها امييرة هههه بوسها ليااا بزااااف
غالي-وانا شكون يبوسنيي منبقاش فييك
سلمى-هههههه بااسل 
غالي-ونتي حلووة سكر هههه
سلمى-خليني نحفض ههه
حطات التيلي ورجعات لحفااضتها توصلها ميساااج وهزاتو كضحك مع حلاتوو جمعاتهااا وكمشات ملامحها باستفهام كتقرا فلميسااج لي جا من النمرة غريبة

-عمرك فحياتك تهناااي بييه وكيف حرقتي قلبيي غيجي نهار ويحرقووه لييك 
كانت احلاام لي كتبااتو وهياا كترعد ودمووعها شلال محسات براسها تكتباااتوو وكلها كترعد سادة عليها فدووش غير شاافت لميسااج مشاا بلوكات نمرتهااا ومسحاات عينيهاا وخرجاات لقاات مها عند لباب مخنزرة
ملييكة-كتبكيي عليييه غا هوا ليي كاااين دابااا ربيي يجيب لييك محسن ولمخيير يااخدك 
احلاام-دعيتكم الله نتوماا سباب عمرتو ليا رااسيي بيييه اهئ اهئ وفاللخر مشاا خدا وحدة متشااور مع حد 
ملييكة-واش حنا كناا عارفيين غدور بييه شي وحدة ابنتيي وغاااصبريي داباا ربيي يفرجناا فييهم راك شفتي توحدة محااملااهااا خالتك راه ملقاتها تبات متصببح عفاا بنتيي بارااكا
احلاام-لي عطا الله عطاهاه دابااا ونهار اميي دكري ليا زوااج على فمك نقتل راااسيي 
خلاتها وااقفة ومشاات تاتبكيي وفنفس لوقت تنادم معاها لحال على لي كتباات نار لغيرة خلاتها بلا عقل لحلم لي سنين وهيا كتبني فييه فلحضة تبخر فسحااب
"""
اما سلمى راه قرات لميسااج كتر من خمسة لمرااات صونات لنمرة ولقات راسها مبلووكية بقاات شادة التيليي كتقرا وتعاوود توصلها ميساج من عند غاليي 
غالي-لمشة كتحفضي ولا مكونيكطية
سلمى-غاليي وصلني ميسااج فشكل من شي نمرة 
قرااه ودور ليها فلبلااصة من بعد مخرج من لكيليينيك وقال-اشمن ميسااج
سلمى-معرفت مكتوب فيه عمرك فحياتك تهناي بييه
غالي(كمش حجبانو(سيفطيه ليا نشووف 
بقات معاه فلخط وسكرينات لييه لميساج بالنمرة وسيفطاتهم لييه وشافهم وقال-معرفتيش النمرة دياالمن 
سلمى-كون عرفتها كنت غنقوولييك وبلوكاتني من لفووق(شدات جبهتهاا)هادي كتقصدك نتا اغاليي
غالي-هههه كيضاربو عليا لبنات سعداتي
سلمى(بانفعاال)غاليي واش كضحك علياا داباا هااا
غالي(عرفها تقلقاات)لا لاا احبيبة حاشاا فف انصوني لهاد النمرة ونشووف وخة 
قطع معاهاا وصنا لنمرة وتسنااا شحال تاتفتح لخط ومسمع والوو-الوو الوو تت فعايل تبرهييش (قطع عليهااا وددور لسلمى لي جاوباات فلبلااصة)
سلمى-هاا شكون
غالي-معرفتتش احبيبة خوي راسك منهادشي واخة
سلمى-وشفتي لافاصون بااش هدرات ونتا كتقولي خوي رااسك منهادشيي اغاليي كتهدر بحال الى كتحلف عليااا كيف حرقتي قلبيي غيحرقوه لييك غاليي يكمااا ديك خيتي معامن كنتيي قببل باقيي كتهدر معاهاااا 
غالي-اش كتخربقيي داباا اسلمى كتشكيي فيا ولاا شنووو 
سلمى-وشكووون فنضااارك بيكتب لياا هكااا من غير شي وحدة لي كانت عينها فيييك 
غالي(مسح على وجهوو بعصبية مباغيش يغوت عليهااا حيت راه حس بليي مكتيقش فيه لديك الدرجة)سيري اسلمى من بعد ونهدر معااك بردي شويي
سلمى-حلف بليي مكتهضرش معااهاا يالله حلف
غالي-وصلنا لحلوووف داببااا قطعي اسلمى مباغييش نخرجو لهدرة لبرااهش دااباا 
سلمى-داباا انا هضرتي تاع لبرااهش(طيط طيط طيط حيدات التيليي من ودنها ولقاتو قطع عليهااا توصلها ميسااج منوو )
غالي-ملي تبرديي نهدروو ديك السااع 
ضربات برجلهاا فلارض وكلساات معصبة ولبكيية واحلة ليهاا فحلقها تدخلات ديمنة هازة سعد
ديمنة-بب هاكي خوك بيت نمشي(شافت عينيها حمرين بغات تبكيي)مالكيي 
سلمى-والوو(ناضت شدات خوهااا)
ديمنة-عليا لمك اش كاين مناقشة مع شي حد 
وراتها لميسااج كشرات ديمنة ملامح وجهااا-شكون هد شوواية لي بغات تشويك 
سلمى-معرفتش اهئ اهئ
ديمنة(خنزرات فيها)لااش تاتبكيي لسمييت شي وحدة مرا تقرب لييك لبغات ديمنة تاع لفااك تخرج مرحباا 
سلمى-ماشيي هكااك تخاصمت مع غاليي وقلت لييه يكما لي كنتي معاها وقلت ليه حلف وهوا تقلق عند بالو مكنتيقش فييه (مسحات نيفهاا)تفوو كنتسرع 
ديمنة(هزات النمرة ودارتها فتيليفوونها وصوونااات لقتو طافيي ) صافي سكتيي لاش لبكا داباا لااش تبرديي وهدروو ففف فعايل تلخراا (حطات تيليفونها فجيبهاا ومسحات وجه سلمى)صافيي اعويناااتيي تكون هي شي حماارة ملقاات باش تبرد سمها بغات تسممك نتيي متديهاش فهادشي والنمرة لي معرفتيها متجاوبييش علييهاا صافيي متخلينيش مشوشة علييك 
سلمى(مسحات عينييها)صافي هي سيري اماما مغنجاوب حد اصلاا بنطفييه باش نحفض 
ديمنة-ؤكيي بب هانيمشييت 
خرجات ديمنة وهزات سلمى تيليفونها وطفااتو وحطات سعد حداهاا مرة تلعب معاه مرة تحفض وفاللخر تكاو بجوج باش تنعسو تصدقاات نعسات حتى هياا 
اما غاليي طلع ليه زعااف بجهد حس بيها معندهاش تيقة فيييه ومعصب من النمرة لي عياا يصووني فاللخر لقا رااسو مبلوكي حتى هوااا دخل لشومبر ختو باش يتسيفط معاها ويمشيي لدار يرتااح لقا كلشي خرج لقاتو معصب وباينة فييه 
شامة-غالي ماللك يالله كنتي نااشط 
غالي-الساعاتو لله اختي كاين غير ميعصبب ففف(جبد تيليفونوو وشااف فشاامة وجبد سكريين ليهااا )معرفتيش هد النمرة سيفطات لسلمى شوياا هدااا 
شامة(كمشات عينيها تشووف النمرة وقرات لميسااج غير شاافت النمرة شكات فلبلااصة وتلوناات

شامة(بشك)لا لا معرفتهااش
غالي(حط صباعو على عينيه معصب)ففف 
شامة-واش سيفطاتو لسلمى 
غالي(عينو فالتيلي دار النمرة فالنمبر بووك مطلع ليه والوو)تنمرة مامقيدااش سيفطاتو لسلمى(تنهد)
شامة-باااينة غتكون تعصبااات داباا نهضر معاهاا
غالي(تحناا باس جبهتها)مديريش فباالك احبيبتيي هاني مشييت ردي لبال للرااسك ولكتكووتة 
شامة-ههه ؤكيي سير رتاح شوي 
خرج غاليي وهزات شامة التيليفوون ومشات لواتسااب دارت سميت احلاام وطلعات نمرتهاا هيا النييت ساااطت وكتبات ليهاا-واش ساايط ليك لبرد فمخك اش داك تكتبي داك لميسااج لسلمى ومنين جاتك نمرتها كااع علااش درتي هاكا احلام علاااش كان كيحسابلي بعقلك 
سيفطاتو وتقراا فلبلااصة وكتبات لييها –يكما عرف شي حد بلي انا شاامة لقلتي شي حاجة منسمحش لييك عفاااك رااه والله معرفت اش وقع تكتبتوو 
شامة-الى صونا لييك شي حد متجااوبييهش احلااام نساااااي غالي نسااايه راه مديااالكش من ديماا كيعتابرك ختو لا غيير راه فحياتو وحدة وكييمووت علييهاا بهاد لمعنىى نتي بعقلك اصااحبتي وهد لفعايل ماشي دياالك ديها فقراايتك وربي غيجييب لييك محسسن ان شاء الله ؤكي احلاام 
احلام-ؤكيي وعفااك متقولي والوو والله تندمت لاش صايفطوو والله 
'''
اما غاليي ركب مع خووه وغادي مهواااش صونا ليها ولقات يليفونها طافي وزااد تعصب
الراضي-اش كااين
غالي-والوو والوو
وصلو لداار وغاليي بالو مرفووع كيصوني لسلمى ويلقا تيليفونها طاافي ويعاود يصووني تعيااا كلس بر محنيي على ركابييه فوق لكرسيي وقبالتوو محمد جابديين التيليي وداخليين لموقع بيع وشريي 
محمد-اش باغي تشريي
غالي-بلغة لوالييد هههه كنشوف غير فشي طموبيل لا لقيتهاا عييت بلكييران بجهد 
الرااضيي-كااينة واحد كلييو موديل الفين وتمنية بتبااع وغير بخمسة ونص 
غالي(هز راسو فييه)فين هاديي
الرااضي-كنت بغيت نبدل بيهااا نييت غير تناسيتهاا واحد السيد فلقرض لفلاحي بغا يبييعهاا وبااقة نقيية غير هوا مشا ليه الشووف كالييك 
محمد-هههه وبسيف هوا تيسوك بقاع لكااس 
غالي(حك لحيتوو)ميجيبهاش نشوفهاا 
الرااضي-او خمسة فيناهياا 
غاليي-نشووف لوالييد يسلفنيي ونبدا نرجع لييك كل شهر 
محمد-اياااااي اش كلتييي لوالييد بيعطييك خمسة يعطيك ولادو خمسة ويزييدك كلتوم وميعطييك لفلووس 
علال(جاي كيجر فبلغتوو وشاد فايدو انس)تحفا لييكم جرية وتجبدوو علال ديرو غا بحالوو
الرااضي-لي سمعك يقوول باني قصر فجنة 
علال(ميق فييه)الله اعميها لبووك 
غالي-بااا بغيت شي سلف
علال-علف تاع لحوالاا ولا لبكر 
محمد-هانتا مشا ليه تسمع ههههه
غالي-هههه وسلف لفلووووس طمووع الدنيا كي مسميهم نتاا 
علال(كمش عينوو )غاليي باغي لفلووس سلم شي يهوديي 
غالي-ههه ويني يراك قااصح وغي سلف نردوهم ليك مضوووبليين اعلال 
علال-شحااال هد السلف
غالي(غالب عليه الضحك كيحك فعنقو)غيير خمسة صاااافي
علااال-بريكاااات 
الرااضي-ياجوووور ههههه 
غالي-هادووك 
علال(كمش وجهو)ولاااش بغيتيهم
غالي-باغي ناخد واحد الطموبييل عييت بلكيراان وطرييق سير اوجيي غير بينما تيسرات الاموور ان شاء الله وغنرجعهم ليي كراه مغناكلكش فيهم 
علال-ممم وامتا تردهم 
غالي-عطينيي عام الوالييد هي يسخر الله نبدا نردهم ليييك عارفني ناكليك رزقك 
علال-وبااش كبرتوو ماشي فرزقيي
الرااضي-تاقاا الله اعلال رجل هنا ورج لهيه ههههههه 
علال(كيعب فيه)نننن ننن (شاف فغاليي)وخة غداا ونعطيهم لييك هوما لي كاينين والله يابووك ومتردهم تندعي علييك
محمد-ملي مغادعيهش كيف والوو 
علال(مشا كينكر)عمرو طلب نهار طلب طلبها كبييرة وشووف لييك ربيييهم وزييد شريهم فطنوبييل درتها تانااا 
غالي(ضحك)وينيي هد لوالييد صكع والله ههههههه
ضحك معاهمم وصوناو لمول الطموبييل وداروو معاه ورا صلاة لمغرب مشااو لجامع وسط لفيلااج 

اما سلمى فيقهاا غيير بكاا سعد حلات عينيهاا فييه مشعكة وشعرها طاالع حييت لقاها ناعسة وبداا كيجر فشعرها هزاتوو وخرجات تاتحك فعينيهااا وكتفووه نعساات بزاااف وشكات الليل مع نهاار لقات رحمة مضااربة مع امين ومهدي لي منوضينها غير على الريمود تاع التلفاازة
مشات لكوزيينة معندها خاطر لتحااجة دارت لسعد لحلييب فالرضااعة وقلباتها واش سخوونة وعطاتها لييه شدها جيعاان وتكاا عليهاا كيرضع وداتوو لرحمةة 
سلمى-لميمة شدييه نمشيي نحفض 
رحمة-ارى لياا لفنكوووش دياليي 
مهدي-ارااه لياا 
سلمى-تقرب لييه ندير فييك ايدييي بغيتي تهرسو من شي قنت 
مهديي-ههههه بسم الله الرحم الرييحم كي مريشة (دوز ايدو على شعروو لي طوااال)شوفي لمك رطووبة وزعووورة (قرب اميين لييه لي شعروو تهوا طوييل وطايح على جبهتوو)شوفيي شارووخاان صافيي سرورااات 
سلمى(ميقات فييه)لي واحل هي مع شعروو اش تسنا منوو 
رحمة-هههه طليتووه خضر شي نهار ندوز لداك لماريو نشعل فيه لعافيية حوايجكم كاع مشركيين تقول كتمشييو على ركابييكن 
اميين-ههههه لاموووووض اجدااا 
مهدي(ضربوو لرااسوو كيضحك)سير هز غير كرصونك الحامض تاتعرف لامووض 
رجعو لمضااربتهم تانيي لمخاد فجييه والتيليكونض فجييه وسسعد فحجر جداه كيشوفيهم وكيضحك والرضاعة فموو اما سلمى طلعات لبييتهاا وهزات تيليفونهاا موراالها طااايح بجهد ربعات فوق سرير قدام كتوبتهاا وشعلاتوو لقاتو غيطرطق ميساجاات وابييل من نجوى وغاليي مشاات تشو نجوىى وشدات معاهاا جمااعة 
نجوى-شكون هد لق''' نورييهااا شياط كيداايير دوزي ليا نمرتهاا 
سلمى-صافي راه مغاتجاوبكش 
نجوى-مصوناش ليك هواا 
سلمى-لاا غيكون وصلو لميسااج بلي حلييت تييلي حيت شداه لبواط فوكال شحال من خطرا 
نجزوى-ففف صافي تيبرد وهضروو قولي ليااا حفضتيي انا باقة مراجعتش والله تقهررت بلحفاضة راه قلت لييك انقلبهاا مسمن وبطبووط 
سلمى-هههه كنت تنحفض تضربتها بنعسة مع سعدووش عاد فقت الليل غنحفش حيت مغيجينيش نعاس 
نجوى-ههه نمشي نحفض بيزو ماشيغيي 
حطات التيليي وهزات لبيسيي تاتحفض وتنهد 
اما غالي رااه صلاا لمغرب وخرج كيقلب فالطمووبييل لي كان لوونها فلكحل صغييرة ومزال نقيية قياسوو يديباني بييهاا تيحن الله بقااا مع مولاها تخلاها بربعة ونص حيت مزاال خاصها لاصلاحااات جاب بيها دورة كبييرة هوا ومولاهاا وغالي ساايك بااش يعرف لموطوور كيف دايير ورجع بيها تالعند خووه 
الرااضي-كيجاتك فطرييق
غالي-مزيااانة لموطوور مزاال خداام وخفيفة متقيلااش 
رااه ديازييل مكتكونصومينش بزاااف والله تهي لوقت اما كنت غنخليها لبنتيي ويني طريق صعيبة اللهم الطوبيس ولا تسوك هيااا 
غالي-وخة اسيي رشييد غدا انشااء الله دوز فلافيزييت ونتكااتبو شنو قلتيي عنديي غير غدا وخاصني نرجع لكازاا 
-انا السبعة راه انكون فلافيزييت لي فولاد حمداان ندوزووها تماا ومن موراهاا نتكااتبوو ان شاء الله 
غالي(مد ليه ايدو)ولا علييه اللهم يسسر 
الرااضي-همزة هاديي تقول كانت تاتسنااك اتبدل ليها غي لكوساان وضربها ليها بشي صبااغة جديدة تولي جديدة
غالي-مبيهااش نعدييو تيجيب الله محسن 
الرااضي-ان شاء الله 
دخل لداار ولقاا دارهم حاطيين لعشااا فالصالة وكيتسنااو فيهم تعشاوو 
كلتووم-نساابك معيطو مبااركوو لشامة ما والوو هدا هوا صواااب مسلمونا فلبنت ما والوو 
غالي-هدرات سلمى مع شاامة قبييلة 
كلتوم-اوى ومها تهدر غير معاياا وتقوليا على سلامت بنتك عطا الله ميتكااال واااه الناس من بعييد وسمعوها وجاو بااركوو وهوما تا التيليفوون معيطو فييه 
علال-وملي دايرة هد لحالة عيطي نتيي النااس مزال النااس مزال يالله سيمانة هادي بااش عرفونا تي تالهدرة مهدرتي فلخطبة كي لعيالاات وبغاهم يعييطو لييك 
كلتوم-يديروو غير صوااب شامة راه غتكوون طفلت بنتهووم وتفكااات غي يسولوو 
غالي(سكت كيدور فراسوو تفيبرا التيلي فجيبوو جبدوو ولقاا ميساج بلي سلمى حلات تيليي شرب كاس تلماا ونااض)
كلتووم-ولينا كلمة جوج وينووض مبقا كاع حاملنا نهدروو
سارة-كوليي وسكتي كوليي 
كلتوم-كولي غا نتيي ما انا شربتوه ليا سم 
طلع غاليي لبيتو ودور لنمرتهاا كرس فطرف سداريي وتيلي فودنو كيتسناهاا تجاوب حتى شدات لخط 
سلمى-ويي 
غالي(تنهد)صافاا بردتي شويي 
سلمى(لا رد)
غالي(مسح على لحيتوو)شنوو غتبقااي ساكتة ولا صافيي قلتي داكشيي لي بغيتييي هااا لهاد الدرجة شكيتي فيااا وكتحلفيني مزااال واش باقي كنهدر معاهاا تنبان لييك ولد لحرااام 
سلمى(صوتها كيترعد وباين فيه لبكاا)انا مقلتش هاكااا هء هء 
غالي-ضريتينيي بهدرتك اسلمى بجهد وطلعتي لياا زعاااف عمري هزييت فخاطري من جيهتك حتى ليوم

كتمسح فعينيها ومع كل كلمة كتحس بلي فعلا جرحاتوو مسحات نيفها لي تحنق بلبكاااوقالت-سمحلياا هء هء 
غالي-عارفة شنوو درتي ولا لاا هااا وصلنا اسلمى لحلوووف لهاد الدرجة التقة مكااايناش بيناتنااا عارفااني غندييرهاا 
سلمى-محسيتش امتا قلتهاا هء هء مكنتش باغة نقولها والله تايقة فييك كتر من رااسيي 
غالي-هد لمرة فكري فهدرتك قبل متقووليهاا اسلمى حييت رااه صدمتينيي فييك 
سلمى-سمحليااا 
غالي-ففف (شد جبهتوو)استغفر الله سلمى حبيببة لعلااقة لمكانتش مبنية على التقة راه غير بحال الى كتبني فشي عماارة بلا ساسس بيجي واحد نهاار وغترييب ولكن لكانت تابتة على الصح رييح الدينياا والديين متزعزعهاااش وااش فهمتي اش كنقوول ولالاا 
سلمى(مسحاات نيفهااا)فهمت
غاليي-التققة لمشات راه تحاجة مكاتكوون باقيي هيا الساااس تيقتيي فييك عميية اسلمى عمريي تبعتك ولا قلبت موراااك ولااا تابعك بالاسئلة فين كنتي شنو درتيي حييت تاايق فييك وعارفك ماشي ديال داكشي وخة يحلفو قدامي منتييق ونتي اينفوواا وصلك ميسااج دغيا نويتيها فياا اناااا بحال الى لقيتييني مدور بيا لبنااات (تنهد)مبغيتش مزاال بحال هدشيي تعاود وشحال من مرة كنقوولييك بغيتي تنااقشي شي موضووع تاتبرديي وتحسبيي هدرتك لعصبيية ولهدرة لي ضر بنادم فخااطروو مغنفع فواالوو نهااائيااا صافيي داباا نوضي غسليي وجهك يالله 
سلمى-من صوتك مزاال مقلق منيي 
غالي-غسلي وجهك واجي نهدروو ابييل 
قطع معاهاا تسمع سميتو لبرا تاع لبييت ونااض حل لقاا ساارة 
غالي-نعاام
سارة-عندك سواارت تاع سطح ملقيتهوومش نتا لي طلعتي قبيلة 
غالي-تت بقاو فلباااب نسيتهووم 
سارة(مشاات)ناريي فيين عقلك فييين 
دخل لبييتو وحيد تجاكييط علييه ودخل تحت لمانطة حيت كاان لبرد اما ساارة هبطاات سخونة عند مهااا تاتعاود ليهاا
سارة-سمعتوو تيصبن فيها تصبااان
كلتوم-دخلت عليك بالله وعلاش 
سارةمعرفت شوف اش دااارت قاليهاا عرفيي اش كتقوولي والتقة لمشات راه مكترجعش 
كلتووم-مكرهت يفك معاهاا عاد نهناا مليي تلقااها وهوااا مبقااش كي كااان ولااو معاطيك كااع وجه نهضرو عليهاا ويهز نيفوو لسما مفيهم صواب لهياا لا مهااا 
''
بقا كيتسناا حتى دخلات وصونا ليهاا ابييل متكي رااسو وداير ايدو وراا عنقوو وضو شااعل تشد لخط وباانت لييه وفرنس فلبلااصة ناسي كلشيي اما هيا كان نيفها حمررودايرة بانضة على شعرهاا حيت مخبل ومامضوطش شدات التيليي وتكات فبلاصتها تاتشووفييه تاضحكاات معوجة رااسها حييت عوج راسوو كيشووف فيها بلا ميهضر 
سلمى-غتبقى غير تشووف
غالي(كيهضر تقييل وبحة صوتوو زادت لكلامو حب)وعلاه نقد ندير شي حاجة خرا من غير نشووف هههه 
سلمى(حكات عنقهاا كضحك لييه هوا لي بياكلها بعينييه )باقي مقلق منيي سمحلياا 
غالي-ششش نساااي كلشي مشا من باليي مليي شفتك داباا ولا داكشيي لا علاقة يتجبد (تقاد فبلااصتوو)صافاا حبيبة فين وصلتيي مع لحفااضة 
سلمى(ضورات لكاميرا لجيهت رجليهاا شلا كتوبة ودفااتر ولبيسي مسدود فلقنت )شوف غنشد بيهم الليل ههه 
غالي(كانت لايحة رجل فوق رجل مسرحاهم ولابسة كولوون فلكريي مزير على سيكانها ضفار مصبغيين فلغووز ولخلخاال باااين)هههه شفت شفت 
دورات لكايمراا عندها وصحكاات)شنو شفتيي 
غالي-هههه شي حاجة زويينة (حط ايدووعلى لمخدة وتكا عليهاا وشاد وجهو بصبعوو)لخلخااال يلالة كيعجبك
سلمى-هههه واش وريتك لمتوبة ونتا كتبركك فرجليي 
غالي-وشنوو ههههه نغمض عينيي انااا 
سلمى-هههه اه كيعجبووني بزااف وعندي بزاااف مي هدااا كيعجبني كتر 
غالي(رخا صوتو معاهاا)تانا عجبنيي
سلمى(هههه بغيتييه
غاليي-تت بغييت مولاتووو مولات لخلخاال كنعشقهاا اناا (بحب)امتااا تكوني هنا حدايااا
سلمى-قريييب ههه 
غالي-هد لقريب بان ليا مزال بعيييد باقة ربع شهوور باش تكملي تمنطاااش انزرب عليييك ليتنادم معاك لحاال 
سلمى(بدلع)حشوومة عليييك هههه 
غالي-(ضحك بتقاالة وعينيه كيتفحصوهاا)نتي لي حشوومة علييك وعييب عليييك لي كديريي فييا هههههه حني فحبيبك شويااا واه 
سلمى-هههه غالي هههه هي كتفووت تسعود تاع الليل تاتوليي هي سااارح 
رجع رااسو اللور كيضحك حيت راهب صح تيتبع لغزل والحب حتى كيبدااا يهدر بلا فرانااات رجع وجهوو كيمسح فعينييه )اوى عدريينيي هههههه رانيي هي دريوييش هههه 
سلمى-ههههه (كتلعب فلكييت فايدهااا وسكتوو مقابليين مع بعضيااتهمم تكسرات الصمت)مفيكش نعاااس 
غالي-طااار هههه منلقااهش حدااك ممم هههه (بغا يبدل لمواضيييع حيت بدا يصهد )غناخد غدا واحد الطموبييل بنوكازيون مي باقة مزياانة
سلمى-بصصح ولكن فلوسهاا منين غتجيبهم
غالي-غنتسلفهم من عند لوالييد هههههه راه سيفط ليك تصاور دابا شوفيهم وردي علياا واش عجباتك ولا نو باش نزعم عليها ولالا 
عجبهااا لحال بليي بغا يتشااور معاهااا شاافت تصااور لي سيفط ليهااا وقالت لييه-ممم لا معجباتنيييش متاخدهاااش

غالي(ضحك)وااااه اش معجبش نوارتي فيهااا 
سلمى(غمضات عينيهاا وهزات كتافها بطفولية)معجباتنيش وثاافيي
غالي(حك شعروو )والسيد لي دايريين معاه داباا نصدقو دراري صغاار 
سلمى(هزات كتاافها)معجباتنييييييش 
غالي-صافي وخةة حبيبة ميكون هي خاطرك 
سلمى-ههههه حلف مغتشريهااش
غالي-وعلاه نشري شي حاجة مباغاهااش 
سلمى-هههههه صافي هي شرييها هي كنضحك مع حبيبيي 
غالي(عض على فموو وسد عينوو)احح اربيي اش كديير فيا هد لبنتت باااك عندوو علاااش يتشرط 
سلمى(عجبها لحااال)وشنو احساابلييك انا رخيصة عندوو
غالي-وتا انا راه مرخيصااش عنديي وغلاوتك بدنياا المشييعكة دياليي هههه(سكت كيشووف فيهاا ورجع هضر)سلمى نطلبك طليبة 
سلمى-ممم شنوو
غالي-هضري مع لوالييدة وخة 
سلمى(هزات حجبانهااا)مالهااا 
غالي-هههه ماشي بضروري تكون فيها شي حاجة بااش تهضري اولى وزايدون راه عكوزتك لمفروض تسوليي فيهاا وتقربي منهاا متبقاايش بعييدة 
سلمى-غنحشم نهضر معاها والله مكنعرفهااش بزااف وحتى فلخطبة مهدرناااش ت
غالي-مالكي نتي داباا فاش غتهضري معاهااا مم راه خاصك تزعمي وتهضري معاهم متبقاوش بحال ضياااف باركي ليها زياادة لشاامة لمهييم تجي لمباادرة من عندك احبيببة وخة 
سلمى(بقلة حيلة)وخة مي راه معنديش نمرتهااا 
غالي-غنسيفطهاا لييك اكبييدة وهضريي معاهااا صافيي 
بتاسماات لييه وبادلها نفس المتساامة وقال-حلوى ابنت الناااس ههه كنموت فييك اناا 
سلمى-هههه وسيفط النمرة خلاااص 
غالي-هه وخة تاتهدري معاها ونصوني لييك 
قطع معاها وسيفط ليهاا النمرة تاع موو 
اما سلمى رااه شدات نمرتها ومعارفة اش تقوولييهاا ولكن مبغاتش تخسر ليه خااطروو ركباات نمرتهاا وصونات لييهاا 
عند كلتووم راه كانت فالصالة مجمعة مع ساارة لي قباالتهاا عينيها فلكرووشيي وهنية كتسبح ومغطيية تصونة تيليفونها فجييب الطابيلة لي فحجرها جبداتوو وكمشات عينيها معارفة النمررة
كلتوم-الووو 
سلمى(بدات كترعد)الوو خالتيي كلتووم لبااس
كلتوم-لبااس ابنتيي شكون معاياا 
سلمى-سلمى 
كلتووم-ااااه سلمى لباااس 
سلمى-لبااس اخالتي اسول فييك الخيير ونتيي 
كلتوم-الحمد لله ابنتيي كيدايرين داركوم 
سلمى-كلشي بخيير كيسلمو علييييك مبرووك زيادة عند شاامة يترباا فعزهم ان شااء الله 
كلتووم-الله اباارك فييك ابنتيي سلمي على داركم 
سلمى-اسلم علييك الخيير نخلييك داباا تصبحو على خيير وسلمي على لبناات وعمي علال
كلتوم-مبلغ تصبحي على خيير 
قطعات معاهاا وشادة تيليفون وسااارة تاتشوفيهاا وقالت-شي يهودي سلم 
كلتووم-معرت اش جاهاا تهدراات تصيبيي تكلها ليهااا 
سارة-صوتها مبعكك هههه 
فاطمة-هكاك كتهدرر ههه وليني لي اول مرة سمعها بيقوول فيها تبعكيك جاتني ضريفة انااا 
كلتووم-بنادم متعرفييه تاتعاشرييه 
اما سلمى رااه وجها ولاا سخوون صونا ليهاا غاليي وقال-هدرتوو ههه 
سلمى-اه هههه
غالي-هههه ومالها دابااا عضااتك يالله سيري تنعسيي احبيبتيي بونويي 
قطعات معااه وتخشات فبلاصتها تاتقلب على نعاااس اما غالي راه نعس على صورتهاا ومتنييها فيووم حداااه ''''''
شرا غاليي الطموبييل وخلصها كااش من فلوس لي تسلف دوز نهار معاهمم وشد طرييق لكازاا فاللوطو حييت تقهر بلكااار دخل لكازاا وزااول ايااموو بروتينيية وبليل راه كيستانس بصووتها وصرتهااا ويحلمو ويفكوو غي بوحدهم اما سلمى رااه وقتها عامر غير بلمعهد والدااار ولوقت كيدووز كيجريي وشهر خمسة وصل خمس شهور دازت بيناتهم غير تيليفوون وغالي خدام ليل ونهاار بااش يوقف على رجلييه وكيتسنا التعيين بفاارغ الصبر يجييه كل مرة يسوول استاد كان معااه وبااقي متعلن والوو
اخر ايااام شهر خمسة والامتحانات عند سلمى على الابوااب مكتخرج من بيتها غير لضرورة وهيا نجوى غارقين وسط لكتووبة بقاو هي ياكلووهم باش يتهنااو 
نجوى(لاحت دفتاار)عيييت بشي زمر اوه وخة نكونو غنحررو فلسطييين 
سلمى-اش بغات لالة خناتة
نجوى-شي كافي جنب لبحر ميمتك كرهت ديلمها شي قراية

سلمى-نمشييو ههه ولكن منتعطلووش 
نجوى(قفزاات )نوضيي نوضيي 
سلمى-لبسيي تنقولها لبابا راه ناعس فلبييت 
مشات تاتجري لبييت باها دقااات ودخلات عندوو لقاوتوو نااعس ومشاات كتسلت طلعات حدااه كتسد ليه فنيفوو وتحل ليه فعينييه 
كمال(حيل عينوو خااسر مشابعش نعااس)واش ملقيتي مديريي 
سلمى-باباا نطلبك طلييبة عفاااك 
كمال(حك عينو وشاف فيهاا)ممم
سلمى-نخرج انا ونجوى شوية حدا لبحر قنط ابابا فالداار والله 
كمال-وخة ومتعطليش 
سلمى(بصدمة)حلف حلف مكطنز عليااا هي نخرج 
كمال-هههه واش داباا قدي قدك نطنز علييك نوضي خليني نعسس راه مناعسش بليل ابنتي نوضيي وقوولي لدووك زواكات لي لتحت يسكتو راه كنسمعوم منهناا 
بااستوو بقوة فحنكووو وجبهتوو كضحك-اححح نتاااا وااعر نتا بوكووص 
كمال-ههه نوضي غطيريمني نعاس ومتمشيش
نااضت قاافزة سدات وراها لبااب ومشات تاتجري لبييت لبسات عليهاا شومييز خفيفة حيت بدا لحال كيسخن وسرووال مقزب ولااصق شوي بلزرق مع سبادري وشعرهاا كيرلي مطلووق على رااحتو ونجوى لبساات سروال طاي هوت مع شوميز قصييرة 
وخرجوو كيجرييو قبل ميتردد كماال بعدو على الحي وخداو طاكسيي تالحدا لبحر مع نزلوو صونا تيليفون سلمى وشهقاات لقاتو غاليي 
سلمى-ناري غالي غاليي 
نجوى-هههه قودتيهاا
سلمى(ضحكات وشدات لخط )حبيبييي 
غالي-ممم درتي شي حاجة بلا خبااري عاود يااك 
سلمى-هههههه علااش
غالي-ملي كطوولي هد حبيبيي كنعرف كاينة ان في الموضووع
سلمى-هههه فالصراحة خرجت انا ونجوى نتمشاو حدا لبحر او نسيييت معلمتك سمحلياا 
غالي-طوالوو ليك الرجليين امدااام وليتيي تخرجي بلا شواريي
سلمى-هد السااعة باقة مدمووزييل هههه 
غالي(ضحك متقل )وغي نتي لي باقة كتعطلي فيناا 
سلمى-هههه باقيي ليااا ربعياام بااش نكمل تمنطاااش
غالي-شرفتي اشنييولة هههه 
سلمى-هههههه قالها ليي قريب يدخل تلاتيين 
غالي-ههه بصحتيي (تاوب) استغفر الله
سلمى-واش كنتي نااعس
غالي-حبيبك مريييض وكيمووت وخاصو شي مسااج فصدروو بحال ديال اول مرة
سلمى(حشماات)هههه لاائح 
غالي(ضحك)ههه لائح كاااع وخة الالة نكمد بدواياات براكة علياا(كحب بعييد على التيليي ) اش لابسة ههه
سلمى-لابسة قميجة وسروال هههه والله مدايرة لمكياااج هاني غنصور لييك 
غالي-ممم زعمة كتسمعي لهدرة
سلمى-ههه وشنو بان لييك 
غالي-غير بلاتيي نشدك صبري عليي
سلمى(بدلع )ههه شنوو غديير
غالي-غنديير لي عمروو درتوو ههههههههه 
سلمى(دارت راسها مفهمااتش وبدات تضحك ودغيا بدلات لمووضووع)حبيبيي سير نعس شويية مغنتعطلش برا دغياا غنمشيي 
غالي-وخة ورضي باالك احبيببة 
قطع معاهااا عاد دخلوو لكاافي جنب لببحر كاي صديقااات مكايين هي الضحك والنشااط والسيلفياات دوزوو وقت لا باس به ورجعوو فطرييق كيتمشااو بما ان الدار مبعيدااش على لبحر بزااف قررو يمشييو على رجلييهم وداكشي لي كاان وصلوو لفيلا سخفاانين 
سلمى-فف دعيتك الله اندخل ندوش عرقت 
نجوى-ههه انمشي نهز كتوبتيي ونمشي فحاليي 
طلعو لفووق هزات نجوى لبيسي ديالها وكتوبتها وخرجا تاما سلمى دخلات لدووش ودخلات تحت رشااشة تحسااات بحال شي حد قااسهااا ضارت بجهد وعينيها كيحرقوهاا بالصابون وقلبها علاين يخرج من بلااصتو ملقاات حد ولخخخوف رجع ليها من جديد شللات بزربة ومداات ايدهاا لبينواار قباالتهاا لبساتو كترعد بلا متنتااابه لصابوون لي طايح فلارض مع لخطوة اللولة تهزاات وجا رااسهاا على لحااشية تاع الدوش تاتسمعات غوتهااا فارجاء لفيلا

مهدي لي كان فبييتو مقصر مع اميين فل بلاي تسمعوو غواتهاا ناض مهديي قافز ومشا كيجريي لبيتهاا لقاه خاويي ومشا لدووش كيدق
مهديي-سلمىى سلمىى مااالكي
رحمة جات كتجري-مالها ياك لباااس
مهديي-سمعتها غوتاتتت دخليي شوفيهاا راه كانت كدووش 
دخلات رحمة مخلووعة وحلاات الزااجة تاع الدووش بانت ليها مرميية فلارض ونيفها داايز بالدم غوتااات ودخل مهديي لاخيير هي شاافها هكاك خرج لبيتو كيجريي صوناا لباااه وموو
رحمة (تاتبكيي وتخبط فجنابهاا)اوييليي على بنتيي هء هء سلمىى سلمىىى(قدات ليهاا لبينواار على صدرهاا)
مهدي(جاك يجري قرب ليهااا )متقيسييهااش ها بااباا جاااي (كيحرك فكتفها مخلووع)سلمىىى سلمىى فيقييي
سمعو فران بجهد قداام الدااار وكان كمااال لي دخل بعال شي اعصاار لدااار ومورااه ديمنة صفراا دخلو لبيتها نيشااان دخل كيجريي لدووش بعد اميين خرجوو وقرب لبنتوو كيحاول يفيقها بدوون جدوى تخلع من الدم لي نازل مع نيفهاا ومغيبة من لفووق 
مشاات ديمنة كتجريي لبساات ليهاا شورط عاد دخل كماال هزهاا بلخف ولقمييجة بيضة من جيهت صدروو عمرات دم هبطات ديمنة كتجريي حلاات لباب اللورااني وشدات بنتها تاتبكييي وخلاو رحمة ودراريي صفريين مورااهم
كمال(فلمرااية)بااينة زلقاااات ففففف 
ديمنة-اهئ اهئئ (كتمسح ليها فالدم من نيفهاا ومتكياها على ركبتهاا)دغيااا اكمااال دغيااا ياربييي يااربييي 
دخلووها على وجه السرعة ليرجووونص كتحل عينيها شووي وترجع تغييب تانيي 
""
اما غاليي رااه شاد كلينيكس فايدوو مرييض واقف هي بزز وكيصووني ليهااا كتر من مرة والتيليي كيبقا يصوني تيسكت على خاطرو داق بييه لحااال كتر من نص سااعة باش قالت لييه ندخل لدار ونهدروو وداباا مكتجااوبش حط التيليي ومشاا صلاا لمغرب وعقلو معاهااا مع سلم هز التيليي وهوا مزاال كالس فوق السجاادة شداا راسوو لي بيتفركع علييه بصدااع كيصوني ويعااود او والوو 
دور لنمرة نجوى لاخيرة لي جاوباات فلبلاصة وقالت-نسيبييي ههه
غالي-نجوى واش معاك سلمى
نجوى-لااا انا عاد وصلت لدااار وسلمى خليتهاا بغات تدوش تلقاها باقة فدووش
غالي-نص سااعة هادي وهيا فالدووش 
نجوى-صبرر نعيط لمهديي ونجاوبك ؤكيي 
غالي-ؤكي متعطلييش عفاك 
دورات نجوى لمهديي وهيا فباب لعماارة لاخيير جاوبهاا غي بزز –لحماريي مالك مكتجااوب
مهديي-سلمى سلمى طااحت فف فدوووش وغيبااات (تاالف) اوووف 
نجوى(غوتات)اوييييلي 
قطعاات علييه ودورات لغاليي وهياا طالعة لداار تحط كتوبتهاااا مخلاتوش يهدرر وجاوباات مخلووعة-سلمى طاحت افلدووش وغيبااات وعمي داوهاا ليرجوونص حطات لبيسيي فلعتبة تاع لبباب وخرجات بلا ميشوفووها تانيي قطعات على غالي لي مهدر متكلمم حدوو جمع لوقفة داايخ بدل حواايجوو بلخف ومعرف اش لبس لبس سبرديلتو وهز سوارتوو او ورااقوو وخرج من الدااار عينييه حمريين بلبرد شد طرييق لربااط مع لمغرب 
في حيين ديمنة وكماال كالسيين كيتسنااو طبيبة تخرج وديمنة طاييح ليها الطونسيوون بغات تسخف تخرجاات طبيبة 
كمال-واش فاااقت هاا 
-كتفييق وترجع تغيبب غنديروو ليها السكانيير حييت باينة جاتها الدقة صعيبة على رااسهاا
ديمنة(وقفات)والدم لي خارج من نيفهاا 
-راه حبس ولكن كتغوت برااسهااا غنديوها داباا لفووق ايكوون خيير 
كلس كمال جنب سلمى على ناار تدخلاات نجوى وموراهاا سعااد غير بلبنطووفة ومونطو خفيف فوق لبيجامة 
سعاد-كيبقااات هااا 
كمال(مسح وجهو)غيديروو ليها سكانيير مقسحة فراسهااا
سعاد(دارت ايدها فووق رااسهااا )اربيي على بنتيي اربيي 
نجوى(وقفات فجنب تهيااا لاحمها مبوورش عليهاا عاد كانوو ضاحكيين ولااعبيين وبدات تلوم فراسها كون غير مخرجووش كون غيي متمشاوش )
كلشي كالس على اعصابو فلكولواار والاطبااء غادين جايين قباالتهم اما غالي رااه وقفووه جونداارم فطرييق على السرعة قيدوو ليه مخاافلة ورجع كمل طريقوو تبعد علييهم وزااد فالسرعة تانيي مع ادان لعشا دخل لربااط وقف فطريق وصنا لكماال على لكلينيك فين كاااين ومشا على وجه السرعة وقف قدام كلينيك اكداال نزل تاالف كيسول فيهم عاد طلع فين كاينين لقااهم كالسيين فلكرااسة كيتسنااو مع هز كمال عينوو شافوو وتعجب توصل دغيااا او وقف شافوو جاي صفر كتر منهم 
غالي(بلهفة مد ايدو لكماال كيسوول)كي بقااات فينهياا دابااا 
كمال-مزال مهبطووها 
غالي(دوز ايدوو على وجهوو كيدعيي فخاطروو بالو مشوش وقلبوو ضارو عليهاا )ففف 

كالس غاليي وراسوو تقييل علييه شاد جبهتوو او كيفيبريي برجلييه تجات طبيبة لمكلفة بسلمى ناض وااقف ومشاا لعندها تابع كماال 
كمال-امضراا 
-دلخناها لشومبر درنا ليها الرااديو دابااا نشوفهمم ونرد علييكم مكنضنش كاينة شي حاجة كغااف غيير الطييحة اترات علييها كضرب رااسك مع لحييط وكدووخ حسب لك طاحت علييه وبجهد لمهييم طلعوو لفووق (كانت غادية ورجعات )ااه (جبداات من جيبهاا سنسلة ولبرااصلي ولخاتم )هادوو حيدناهم ليهاا 
شدهم غاليي فايدوو وقال-واش داباا هيا بخيير ندخلو عندهااا 
-داباا هياا نااعسة مي تقدروو الدخلو عندها ماشي مشكييل 
وقفات ديمنة لي هي سمعات دخلو عندها وطلعات فدرووج كتجري وموراهااا نجوى اما غالي وكمال ركبو فالساانسوور 
كمال-تانتا كتبان مرييض
غالي-غير لبرد ماشي شي حاجة
تحل السانسوور ومشاو لشوومبر لقااو لفرمليية كتقاد ليها لغطا وديمنة حداهااا لاخييرة نااعسة غير شافها غاليي ضرب قلبوو وتبوورشات داتوو قرب كماال عندهاا ودااعب خدهاا وبااس جبهتهاا وغالي حداه هي كيشووف فيهااا كيفااش نااعسة تحلاات عينيهاا على وجه كماال وقالت بصوت ناعس-بابااا 
كمال-هانا ابابا حداااك بااش كتحسيي هااا كضرك شي حاجة
ديمنة-سلمىى اشك يضرك 
سلمى(مغمضة عينيهاا وكتهضر بتعب)فف فيا الدوخة بزاااف ورااسي كيضرنيي 
غالي(شد ايدهاا وعلى اترها حلاات عينيهاا )سلمى
كمال(تقاد فلوقفة وربت على كتف غاليي)بقاا معاها نمشي نهدر مع طبيبة نشووف 
غالي-واخة
ديمنة-غنمشيي معااك 
خرجوو وتبعاتهم حتى سعاد ونجوى بقاات قدام لباب اما غالي قرب ليهااا وتحناا باسها من جبهتهاا بحب وبااس ايديهااا 
سلمى-امتا جيتيي 
غالي-شش رتاحي نتيي احبيبة وخة
سلمى-راسيي كيحرقنيي بزاااف ففف
غالي(ماصاا ليها فجبهتهااا مغمضة عينييهاا ومكمشة حجبانها معااه)غيفوتك لحال غير رتاحيي (سكت شوي وهدر بصووت خاافت وحنين)خلعتينيي عليييك بزاااف والله 
سلمى(حلات عينها علييه وفرنسااات ورجعات سداتهم وكتهضر)كون موقعش هاكا مكنتيش غتجيي وانا توحشتك بزاااف 
غالي-كنت غنجي فلويكاند فلانيف دياالك السعاتي جبتيني بلا طوعيي اش غنديير هااا قلبيي مطوعنييش
سلمى-ممم 
غالي(دوز ايدوو على عينيها لي مغمضيين وفمهاا وحنااكهااا مدااعب وجهاا ترجعاات نعسااات جر عليها لغطا حتى لجيهت كتفهاا كانت لابسة لبسة بيضة ومنقطة تاع سبيطاار بغا يطل من ايدهاا تزيرات علييه 
سلمى-متمشيييش 
غالي(بتااسم)حدااك احبيبة 
بقا وااقف قبالتها كيداعب صبعانهاا تدخلات نجوى 
نجوى-نعسااات 
غالي-مممم
نجوى-هاهوما جاايين 
شاف غالي فسلمى وطلق من ايدهااا وبعد شويي وجات نجوى حداهااا تدخل كماال وديمنة ورااه 
غالي-شنوو قالت طبيبة
كمال-الحمد لله خرجات طرييفة وخة مقسحة شويي خرجات ليها شي دوى على ود لحرييق غتاخدو ملي تفييق وغتبات ليوما هنااا (شاف فسلمى)نعساات 
غالي-اه شوي داباا 
كمال-مزيان خليهاا عطاوها شي ديكالمون باقي ماتر فيهااا فف 
غالي(شد منعندوو لورقة)غنمشي ناخدوو ليهاا ونجيي 
كلس كمال تاالف –وخة اولديي 
خرج غاليي بجريي وركب فططموبييلتو كيقلب على صيديلية بيرمانونص حيت مشا لحاال لقاهاا ونزل خدا ليها دوى 
فاقت سلمى وتوكضاات شوي كتفشش علييهم كضحك مع نجوى وقالت-الله بنتهنا من لحفاضة هههه 
نجوى-قوديي ونتيي شي جبتيه من كازااا شيي من فم لباب احح تمن مهديي زاد صفار كتر مهوا مصفرط 
سلمى-احح علياا كتحبوونيي اختشيي 
ديمنة-غنمشي نجيب لييك متاكليي بااش تاخدي دوا دياالك ونشووف سعد راه كيبكي من قبييلة هانجوى غتبقا معاك
نجوى-نجوى هيا لي بتبووسها وتقووليها حبيبة كي بقيتيي (قرصاتها ديمنة)احح اييي ايي هههه صافي صافي انحضيهم ليديروو لبسالة فسبيطارات الناس هههه
سلمى- وجيبيي ليا منلبس راني ملطة ههههه 
نجوى(شافت فيها وضحكات)بااش يلقا ما يعبز (شافت فديمنة مكمشة عينيها فييها)بنهزر ابب 
خرج كمالل ومعاهم سعاد تمشي تبدل عليهاا وكمال غيوصلهم تلقااو مع غاليي فلباب تاع لكلينييك وقفوو كمال او وصااه عليها تيرجع عاد كمل هوا لعند سلمى زرباان تلقاا نجووى كتعاود فالنكاات
نجوى(شادة التيلي)سمعيي سمعي ههه قاليك واحد تزوج على مراتو بتخبيية وحملات قاليها الى شي نهار شدك لوجع عنداك تفرشينيي كاليها كتبي ليا مبركر ونفهم كالييك وحد نهار كان ناععس مع مراتوو وهوا يوصلو ميسااج شافو وهوا يغييب هزوه ولادو لسبييطار كيفيق يقرا لميساج ويغيب وهوما يهزو التيليي لقااو ميساج مكتوب فييه ربعة همبركر جوج بلبيض جوج بلا بيض ههههه 
ضحكااات سلمى مغطية فمهاا تباان ليها غاليي وشهقاات ولخرى كتشرح ليهاا فلبييض
نجوى-هههه افف جاتو من اللخر جوج بيسض جوج بلا بييض هههههه راك غادي فلخسراان ههه
سلمى(قرصاتهااا)
نجوى(ورات راسها بان ليها غاليي شاد الضحكة هي بزز وشهقاات)نسيبييي نتا هنااا ههههههه
سلمى-(جراتها بهمس)سيريي غسلي وجهك طلس بلبيض بصحتك لاوملييط هه هههههه

نجوى(تقدات فلوقفة كتهمس)نمشي نقلب ليا على شيي مول لبيض هههه نضبر على راسيي تلامرضت نلقا هي لي يدير لياا لقوييلب هه
سلمى(عضات على فمها حابسة الضحكة)ههه سيري فحالك 
خرجات كتفرنس وسلمى جرات عليها لغطاا على صدرها حيت باين مدايراش السوتيان وشافت فغاليي هاز شصاشية تاع دواا وصاك صغيير فلبييض مكتوبة فييه رفايلوو بتاسماات لييه وقرب ليها مليي نجوىخرجاات 
غالي-هههه هدشي علااش كتجمعوو هااا 
سلمى(غطات وجهاا حشمانة منوو وكضحك)هههههه 
غالي(حط الصاشياات حدا رااسهاا كيضحك وكلس فجنبهاا وحط ايدوو فجنبهاا وتحنا باسهاا فحنكهاا وشد ايديهاا وسط ايديه سخااان )كيبقاات نوارتيي 
سلمى-هه صافااا شويية 
غالي(تبسم ليهاا مرتاح حيت شاافها ضااحكة ومد ايدوو جبد بوااطة بيضة وضايرة عليها سينتا فلحمر ومكتوبة بيها رفايلوو شدات لغطة على صدرها كضحك وشدات لبووطة حلات السينة وحلاتهاا وجبدات منهاا كويراات تاع الشكلااط مغلفيين بلكوك 
سلمى-شكرااا 
غالي(قرص حنكهاا)بصحتك هي براي ليااا 
سلمى(تبسمااات لييه بحب وهيا كتحل فيهاا عضاات منها شويي وهزات ايدهاا عطاتو حتى هوااا وكتهدر وكتتاكل فيهم)حتى نتا كتبان مرييض مم 
غالي-تت مديريش فبالك غير شوية دياال لبرد دغيا يفوتنيي 
سلمى(لمطات شفايفهاا وضحكات لييه جايبة فشوشها علييه كلات حتى قرباات تخويي لكرطوونة وضحكاات)اففف فيا جوع تدخلت فيها ههه 
ضحك ومسح ليهاا جناب فمها من طريفات لكوك وتفكر لخاتم ديالهاا وجبدهم من جيبوو ركبهم ليهااا وتحنا قرب ليهااا ركب ليهاا السنسلة وباسها فعنقها بشفايف سخااان رجع ليها لحلقاات حتى هوماا عاد رجع لبلاصتوو لقاا وجها حمر 
بقااو كالسيين مدة تكحباات نجوى وتمات داخلة 
نجوى-ليزار يخفف(شافت لبواطة)اححح على رفايلوو ياربيي نطييح فدوش تاناا ويجيب ليا الله لي يفششنيي 
سلمى(كتلعب فاييد غاليي وكضحك)اجي خودييه وهنيناا تداباا راه توفييق لبغيتييه
نجوى(هزات لبواطة كتاكل وكتهضر)سمحل ليا انسيبيي وخة داك خونا فلكروونة ولد عمتك ميي راه جن لي فياا مكرهش يلوحو قدام طراموااي 
غالي(كحب بعييد ورجع كيضحك )بغيت غير نفهم هد لكره لي بيناتكم لااش 
نجوى- من عند ربيي حبيبيي نشوفوو قداميي بحال الى شت قباض روااح معنديش معااه شكلوو كدا مستفز 
سلمى-ملي كدخليي لمصرية كنعرفك حشمتيي ههههه (شداات رااسهااا)ااااي 
غالي(ضار عندهااا بزربة)سلمى مالكيي (حط ايدو على ايدها لي فووق رااسهااا)كيضرك نمشي نعييط لطبيبة
سلمى-لا لا بلاااش ضربني فرااسي بحال شي عرق احح 
نجوى-دعيتك الله بغا توحلي فينا هد جوج كركوباات
سلمى-لا لا فاتني داباا فف
غالي(قرب ليهاا)نعيط لطبيبة تشووف مالك 
سلمى(حركات راسهاا بلاا وهيا كتشوف فعينيه عامريين خوف عليهاا)صافيي مبيا والوو داباا 
نجوى-داباا شتي وخة نتي مرييضة هههههه حسدتك اعشيرتيي (شافت غالي ضحك )علمونيي نربط فميي شوي راه تران بلا فراان نصدق مزبلاها مع نسيبيي ونا مزاال باغة نتنااسب معاك
سلمى-ففف وسكتيي ضريتيني فرااسيي اصااحبيتي واك واك 
نجوى(لمطات فمهاا وكتاكل تخوات لبكيية) كتزادي فييك ضلووع مليي كيكون حدااك ابوو شنبات
غالي(ضحك)شنووو 
سلمى(خرجات عينيهاا فيهااا)سييري جيبي دورة فسبيطار سيريي
نجوى(خرجات كضحك خلات غاليي كيشووف فسلمى مكمش عينو فيهااا وقالت كضكك-مالك ههه
غالي-كيفاش تاني هد ابوو شنباااتي هههه كضوروو بيياا الطبلة يااك 
سلمى-هههه غير كنضحكو وصاافي(حطات ايدهاا فوق فموو وجرات زغب لحيتوو)هههه علاه نتا ماشي ابوو شنبات (بدلع جامعة فمهااا)شنيباتك زوينين 
غالي-مباغيش نعادييك مي نتي كتجبديينيي (جر ايدها وباسها فرااحتهااا بووساات مفرقييين مغمض عينوو فيهاا وهيا تسحلااتهااا) هدرتك وحلاوتك كتفشلنيي ممم(عوج رااسو فيهااا عينيه نااعسيين وتنهد كيفرنس)تقادا جهد ي ابنت النااس ههه راني كنضيييع اش قالت صاحبتك قبييل غادي فلخسااارن اسلمى هههه (عضها من ايدهااا كيضحك
سلمى- اااي ههههههه قسحتينيي (بغنج)ايدي غير رطيطباات نتا قااسح هه
غالي-ههه وعلاه نتيي غير ايدك لي رطبات كلك فرماااج 
سلمى-ههههه فيك جوووع نتااا
غالي-ممم ومكرهتش ناكلك (هز عينو فيهااا وضحك)برااي دغياا (داعب نيفهااا تسمع خطوات حدا لبااب وجمع لوقفة وسلمى كضحك علييه 
نجوى(دخلاات بجريي وبدات تضحك وضربات رجلها مع لارض)ااااااه بغيت نحصلكم ففف 

دخل كمالل او وراه ديمنة مبدلة عليهاا وهازة صاك صغيير فيه حوايج سلمى ولمااكلة لييهاا خرج كمال وغاليي باش تلبس على خاطرها وهوما مجمعيين على براا 
كمال-شفتك وصلتي دغيااا كنتي قريب هنا
غالي-لا لا كنت فكازاا طريق كانت خاوية شوية
كمال-كاينين لبراجات فطريق مشدك حد 
غالي-ههه توصلت لدخلة تاع ربااط او وقفوونيي على السرعة 
كمال-قيدو ليك شي مخالفة
غاليي-ههه وعلاه بغاو يتفااكو
كمال-ههه ميعتقووش(انشووف لورقة 
غالي(جبد غالي بزطامو من جيب اللوراني وعطاه لورقة قراهاا كمال وضحك ) تلتمياا درهم حرقتي لموطور نتاا نيت 
غالي-محسييتش (سكت وكمال كان مهبط راسوو على لورقة وضحك 
كمال-صافي هي خليهاا عنديي 
غالي(ميل رااسو بااه وتنهد داير ايدو فجياابوو وكمال قبالتوو مربع ايدوو حتى نطق كماال بالسؤاال لي كيتجنبوو هوا براسوو وقال-امضرا غاليي باقي مخرجش لييك التعيين 
غالي-باقيي 
كمال-مسوولتييش لاساتدة لي كانو معااك 
غالي-غير لبارح سولت بااقيي شي تيقوول فاللول تشهر غيعييطو حيت كايين خصاص فشي مدارس ولكن مزاال هد الساعة 
كمال-مم ايكون خير ان شاء الله 
حلات ديمنة لباب باش يدخلوو لقااو سلمى لبساات حوايجهاا سروال سورفيت كحل وتيشورتت نص كوم فلكرونة وعقيدا تنازليين تالتحت صد مزير عليهاا وجمعات شعرها لفووق وبان عنقهاا عجبااتو بجهد وعياا يهبط عينو عليها تاتبناان كيوت تبسمات ليهم ولبلاطو فوق رجليهاا كتاكل 
سلمى-باباا مبغيتش نبات هناا عفاااك 
كمال-تت ليوم غتبقااي هنااا وغدا صبااح انخجووك ابنتيي 
ديمنة-كون عرفتي هاكا كون كتلبسي صندالتك فدووش 
سلمى(ملي دكراتهاا وبدات كتلعب فلمعلقة فزلاافة ومعوجة فمهااا )فف فوراه عندي لحفااضة ولمتحانات السيمانة لماجيية
غالي-ليلة وحدة مدات مجاابت غتبقااي هناا صباح غديري كونتروول وتخرجيي لبييتك 
سلمى(دلات شناايفهاا وهبطات كتاافها تاتفشش وغالي عوج فيها راسو كيبتااسم وسرح بتفكيررو ملي كانت صغييرة نفس لحركاات ولفشوش هوما هوماا 
سلمى-نباتش بووحدي هنااا 
نجوى-معاك انا ولاا مكنقنعش بناادم 
كمال(تقدم حدااا)يالله كوليي من لفشوش وشربي دوااك يالله 
بقا عليها تاتعشااات وشرباات دواهاا وجمعو لوقفة باش يمشيو لحضااش هادي والزياارة سلاات بدات كتغبن علييهم وباها كيعنكش فشعرها ويضحك باسوها وخرجو وتبعهم غاليي لي كان سااكت مهضرش كاع 
سلمى(باسها فجبهتها وبغاا يبعد تشداتو من درااعوو)غالي مالك
غالي(تبسم)مالي احبيي والوو غير عياان شويي وصافي
سلمى-تت بيك شي حاجة ملي هدرتي مع بابا ونتا غي سااكت قاليك شي حاجة
غالي(تبسم)لاا مقال والوو (هز ايدوو ورجع ليها شعرها حدا ودنيهاا)نعسيي ورتاحيي وصباح غنجي عندك صافيي تصبحي عل خيير
تضار بغا يمشيي وشداتو تاني وقالت –غاليي
غالي(شافيهاا وهز ايدها بااسهاا وهمس ليهاا)عيوون غاليي مكاين والووو غير عيااان وراسي ضارني شوية مع طريق صباح غنولي بخيير وخة(رجع باس ايدها عادطلقها وخرج ودخلات نجوى 
نجوى-مالكييي شاردة انتي 
سلمى-معرفت بابا قال شي حاجة لغالي يااك ملي دخلو قبيل وهوا غي سااكت مرة مرة كيهضر
نجوى(كتاوب)نتي عارفة غاليي مزال مزاعمش على باباك وماشي من النوع لي غيبين مشااعرو قداام شيي حد محاافض بجهد ماشي بحال بابااك كيعنق مك قدااام امة محمد ويقوليهم مراااااتي شغلك هههه
سلمى-هههه وخة هكاك كيعجبنيي بهاكاا جاني مبدل شويي يمكن عندو شي مشكييل
نجوى(تخشاات حداها وتقاسمو مخدة وحدة)تالغدا وهضرو مزيان بيكون غيير عيااان فف نعسيي نعسيي 
سلمى-فففف فيك رييحت لعرق
نجوى(حكات مزيان تحت بيطانها ودارتو ليها فنيفهاا)راه مزياان لدوخة باااش تفيقيي مزيياان بلاتي يبدا لقنبووول تاع بصح هههه''''
اما غالي ركب فاللوطو ومشاا عند صمد لدارو لقاه كيتسنااه قدام الدار سلم علييه سلام حاار وطلعو لداار كيسولو على احوال بعضياتهم 
غالي-ليلى مكايناش
صمد-مشات تشووف دارهم غترجع غدا نيت 
غالي-مزيااان(تنهد وهوا كيحط فسوارت فالداار )نصلي لعشاا بعدا نسيتوو 
فرش السجادة فالصاالون وصلا لعشاا وسلم في حين صمد جاب اتايي وشي حلاوي تاع الداار وكلسو عليهم 
صمد-كيبقات سلمى
غالي-صافاا خليتها بخيير بعدا

صمد-وملي هاكاا علااش مراشقاش لييك 
غالي(حط لكااس ومسح على لحيتوو منهد)اوديي ففف باها كل مرة يسولني على الخدمة التعيين فين وصل امتاا(تنهد)
صمد-وبحالك بحال كاع الاساتدة لي قراو معااك عيطو لشي وااحد راه مزال
غالي(حرك راسوو بالايجاب)كااين لي اينوفاا كمل لفوغماصييون عيطوو لييه 
صمد-اوى راه باااك صاحبيي ولاات مجوووودة فهاد لوقت لمكاانش بااك ايدو واصلة بيطحنووك عاد شوف تشووف 
غالي-غنبان فعينيه بليي غير كنكدب وصاافيي قهروونا بكااين خصااص خصاااص وشيي حاجة مشفناهااا منهاار داز لينا الراط كل واحد عام بحروو كل نهار تنقوول ليوم يعيطوو او وااالو راه لمعيطووش فهاد شهر تلاحيتي لتووش 
صمد(حط لكااس وشافييه)بغيت نقوليك شي حاجة وعارفك مغتبغييش احم متشووفش مع نسييبك هواا معرفة وايدوو طوييلة فنهارك اصاحبيي
غالي-طمر اصمد طمر مفيا لي يتعصب معااك(رجع شعروو اللور وحط ايدو على حنكوو) خاطب بنتوو ونوض نقولييه افلان شووف دخل ليا واش كتفكر ولاا غي طالقها تسرح 
صمد-ههههه ياوديي برد را التعيين يوصلك يوصلك
غالي-بغيتوو دااااباا اصااحبيي موااعد لبنتتت وبااهااا مبغيتش نباان فعينو مساويي وااالو واش كتفهم علااش انا ست شهوور مجيييت غير على ود هاك باش نهار نجيي بوجهيي حمر 
صمد-ففف ايكون خيير اغاليي متعصبش رااسك (بغا يضحكوو وناض كيعنكش فييه هبط ليه راسوو لتحت وكيضرب فجنبوو)مكتبقااش بوكوص مليي كتكرضهم
غالي(ضحك بلا خاطر)هداا اصااحبيي ههه واش مغتكبرش
صمد-خوك شباب ههههههه نعلبوو لوقت كااع 
غالي(بعدو علييه وقااد لقميجة كيضحك)ههه حيد فحالك حييد ففف ونتا اش خباك مع لخدمة ترسمتي بعداا 
صمد-بزز تحرتوو عليا بلمزيان وينيي مامشاش غي هكاك 
غالي(تاوب)استغفر الله مزيان اسيديي برع ليا لمداام ههه
صمد-مزيراني بغات تساافر لطنجة ولكن لكونجي مزال مخرج لياا تالشهر واحد 
غالي-او صبر(تكا على مخدة وجبد التيليي وسيفط لسلمى طلعات شرطة وحدة عرفها نعسااات بقاو مجمعيين شويي وتكاوو طفا الضوو ونعسوو
'''
صبااح جديد داخل بشميششة ولحال بدا يسخن ناعسة سلمى فبلاصتهاا ونجوى فلفوطووي قريبة ليهاا مغطية كلها باييزار تالرااسها عكس سلمى لي لايحة لغطا ومكمش تحت رجلهاا شعرهاا مزلع فوق لمخدة او وجهاا فمها محلول وصدايف التيشوورت محلوليين وطالع على جنبهاا حالة فوضويية فاش هيااا تحل لباب ودخل غاليي هاز فايدوو بوكي ديال لورد بييض مشاا من جيهتهاا وقرب ليهاا وابتساامت حب واعجااب ضهرااات حط لورد حدا رااسهااا وحط ايدييه فجناب سرير كيتامل فييهاا واخد راحتوو فيهاا 
حين أنظر إلى حبيبتي وهي نائمة أراها هبة من السماء وحُسناً غير مألوف، أكاد لشدة ولهي أجلس على حافة السرير أتأملها طويلاً طويلاً حتى تستيقض
في حضرتها كأنني في حضرة الجمال متجسداً فيها. في الوجه، في العينين، في الشفتين، في القامة الممتدة كشجرة نخيل.
‏‏هز ايدوو بلا هوااه دوز صبعوو على انحناءاات وجهاا وناازل مع ايدهاا لي ضاارب فيهم شعاا وبانو زغيباات شهبيين خفاف نازليين مع ايده هرباات عينوو لصدرهاا وسرط ريقوو مضاارب مع راسووكتباان كاملة مكموولة قرب لحدا رجلييها وجبد ليزاار هارب من شوفت لحمهاا لي خلاا الصهدة فداتوو يعيا يبعد عينوو سرحو عليهااا توصلوو لكتفهاا وغطاهاا هز ليهاا شعرهاا من على عينييهاا وكيشووف فشفايفها ويتبسم هي وحدوو عاجبااه ومحمقااه تحناا مربع ايدوو فوق سررير كيشووف ويمتع عينييه فييه تصونا التيليفوون ديالوو وفيقهم بجوج من نعاسسهم سكتو دغياا ورجع شاافيهاا وهيا كتحك عينيهاا بطفووليية وتحك عنقهاا جمعات ايدهاا تحت حنكها وتبسماات وعينيها مزال متحلوو بووضووح –صباحوو 
غالي(هز ايدوو وهز وريدة بيضةة وداعب بيها عينييها وهياا كتكمشهم وكضحك)صباح النوور مغتفيقييش
سلمى(تبسمات وحلات عينييهاا فييه وكتهضر بصووت تقييل وخفيف خلاه يتسته معاه)امتا جيتيي 
غالي-غير داباا سعداتيي
سلمى-بااش
غالي-غيجي نهار ونبدا نصبح على هد لوجه ديماا وبلا منمل(تبسم ليهاا )
سلمى(حيدات لغطا عليهاا وهبط عينوو اما هيا مدات مجاابت شدات لوردة وشماتهااا اما هواا تقاد فوقف مقابل معااهاا وقرب بااسها جييهت ودنها تعوجات راسهاا شم ريحتها بحاال شي دوا يهدنوو ورجع بااسهاا وقال-تغطاااي شوي راه بزااف عليا هدشيي 
خرجو عينيها وقبل ميحيد رااسو من عندهاا هزات ليزار غطات صدرهاا تبسم ليها ولقاا وجها حمر ومخبيياه بوردةة جبد ليها حنكهااا وخرج قداام لباب بينماا قدات هيا حالتهاا 

خرج غالي كيضحك وهيا رااه حشماات ومركات ملي شاافت صدرها باااين ولعقادمحلوليين تالنص وباين الديباردو لتحت ضحكاات عاضة على فمهاا وهيا كتسد فييهم وكتقااد فشعرهاا هزاات وردة وسيفطاتهااا لنجوى فوق ليزاار تحيداتو على وجهاا مخسرة وجهاا 
نجوى-صبااح الله اش كايين 
سلمى-فيقيي الخانزة ريحتك تليق بنج والله ههههه (شمات رااسهاا)جاب الله جيت مدوشة اما نزيد شوهة على جوج 
نجوى-هه علااش 
سلمى-ففف ضهريي كيضرنيي عضامي كلهم ضارينيي اووف 
نجوى-راك مطايحاش على لبونج على الضس ابب 
سلمى(نزلات شاادة فجنبهاا من اللور وجلدة رااسها ضراهاا ولبلاصة علاش طاحت مكتقدش تقيسهاا قضاات حاجتها وغسلات وجهاا مقادراش تحناا سمعاات لهدرة عرفاات مها جااات وصوت سعد كيتسمع خرجات كضحك وشداتو من عند جداهااا كتبووس وتشم فييه 
سلمى-مم الله توحشت بب دياليي انااا اححح 
سعد-ننن ننااا دد
نجوى-هههه بيقول سميتيي انا اللولة داباا تشووفي
رحمة-كي بقيتيي الدوبة ريبتيي الدووش
سلمى(باستها كضحك)خمسة ولخمامس عليي هههه خير باا هداا ماما فين بابا
ديمنة-صبح خدااام جا طل علييك لقااك ناعسة ومشااا
سلمى-محسيتش بييه هههه فين غاليي 
ديمنة-كاين على براا زيدي تفطريي بااش تمشي لدار يالله 
فطرات سلمى مع نجوى وكتعاود ليها على صبااح بتوشويش وكيكركرو بلا تكركيير شافتها طبيبة وسنات على لخرووج سبقات ديمنة ورحمة لتحت ونجوى هزات سعد وتبعاتهم اما سلمى لبساات على التيشوورت قميجة هابطة شوي تفاديا لهدرت غاليي وهزات لورد كتشم فيه تدخل 
غالي-لورد كيشم لورد 
سلمى(دارت عندوو كضحك وحشمانة من لموقف لي وقع قبييل )مالك مدخلتيش من قبييلة 
غالي-شنو غنديير وسط لعيلات اناا نحاجي لييهم(قرب ليهاا وقرصها فحنكهاا)صافااا 
سلمى-ههه صاافاا فين مشيتي قبيل ملقيتكش براا 
غالي(حك لحيتوو)هبط لتحت نخلص لقييت باباك سبقنيي هههه
سلمى-مم قالت ليا ماما جا صبااح مشفتووش 
غالي-ممم نمشييو احبيبة
سلمى(حركات ليه رااسهاا وزاادت فجنبوو حل الساانسوور ودخلوو برك عليه بااش ينزل وتسد لباب وهوما سااكتيين هزات رااسها فيهااا وعوج راسوو فيها بمعنى مالك )هد سكات ديالك جاني فشكل 
غالي-متشغليش باالك المشة هه (غمض عينو وحلهم زعمة مبيا والوو)
تحل السانسوور ومشات سلمى من جيهت مهااا وقالت-ماما نتلقاو فالداار 
ديمنة-غيجيبك غاليي
سلمى-ممم 
ديمنة-وخة متعطليش 
تبسمات ليها وعقلهاا مشغول بييه وبهاد سكات لي ماشي من عادتوو مشات لعندوو وتبسم ليها ملي شافها جايااا حل ليها لباب من لدااخل وركبات حدااه 
سلمى-هربت ههه 
غالي-بقاي تهربي ديما وجي عنديي ههه 
سلمى(ضحكات وهيا كدير فالسمطة هزات رااسها فلمراية لوسط وبان ليهاا لبرااصلي لزرق ديالهاا وضحكاات)علقتييه جا زويين هنا 
غالي-تنلقاا بلاصتو ههه 
ديماراا اللوطوو فتجااه دارهم وسااكت وحتى سلمى محكراتش تصونا تيليفونوو ومجااوبش
سلمى-تيليفونك اغاليي 
غالي(جبدو من جيب وشااف النمرة او مشا لجنب او وقف)ويي مرااد صافااا 
_افين الاستاد ههه 
غالي-هد الساعة مشفنا والوو 
مراد-هههه دخل دخل لسييت 
غالي-فراسك نتا شي حاجة 
مراد-ودخل لسييت اصاااحبي بتشوووف كلشيي هههه الزردة هاااا ههه 
قطع معاه وسلمى كتشووف فييه كتسنااه يهدر اما هوا دخل لسيت من تيليي مبغاش يتحل لييه
سلمى-مالك غاليي
غالي(هز عينو فيهاا ورجع هبطهم فتيليي)صبرري اسلمى عفاااك ففف (تحل السييت وطلعات ليه لاليست تاع الاساتدة لتعينوو فلجهة فين دوزوو هاببط كيقلب على سميتو بريق النااشف وقلبوو بغا يخرج من بلاصتوو وسلمى متكيية على كتفوو وكتشووف معااه وهوا من التوتر كيطلع بلا عقل
سلمى-حبس حبس(غوتات تاتجر ليه فلقاميجة)واااااااااااااااااااااع غالييييييييييييييييييي تعينتييييييييييييييييييييي (طارت علييه بتعنيقة تطااح التيلي صمكات ليه ودنوو بالضحك

غالي رجع لفووق وبانت ليه سميتوو من الاساتدة المعينين مهدر متكلم من غير غوات سلمىى وتعنيققة لييه تطاح التيليي لتحت 
سلمى-اااااااااه تعينتيييييييييي وااااااع 
غالي(ضور عليهاا ايدوو فرحاااان كتر حيت كانت معاااه وعطاها غير لضحك مهدرش باقييي
سلمى(تقابلاات مع وجهو وبلفرحة بدات تبكيي وكتبووس فييه من كل قنت وترجع تعنقوو فرحانة ليييه وكانت عارفة هدشيي لييي مقلقوو نساات ضهرها لي ضاارهاا ورااسهاا تسلاات منوو وخرجااات كتنقز وكتغوت والطمموبييلاات جايين 
سلمى-غالييييييييي ولااا استاااااااد ااااااااااااه ههههههههههههه 
شافتو خرج بااش يشدهاا ومشاات طاارت عليييه عنقاتوو تاتهزااات 
غالي-واشش هبلتيي هههههه 
سلمى(بااستوو بقوة فحنكوو وبعداات)كنبغييك 
غالي(هز رااسو فسماا مبتااسم ورجع شاافيها)انا كتر دخلي لطموبييل لي داز كيشووف ههه
دخلاات كضحك وهوا قلب على التيليي وقراا لمعلوومات فين جاه التعيين وهياا حدااه باغة طير ليه التيلي تقرا تهيااا ضور عليهاا ايدوو وبااسها فراسهاا اما هيا خشات رااسهاا كتقراا 
سلمى-فين جات مديونة ليسيي ابن بطوطة ههه
غالي-جات فنواحي كازاا ففف الحمد لله ياربيي (تنهد )كنت خاايف لمنوفيش بوعدي مع بابااك 
كانت فحضنوو وهزات رااسهاا فييه وتبسماات-هدشيي علاش كنتي مقلق يااك كنتي كتقوول لي فيها لخيير بتوصل شنو بدل هدشيي
غال(عوج راسوو علىى جبهتهااا )نتيي اسلمى نتيي بغييت نديرك فدااري ونطلع رااجل مع باباك 
سلمى(شافت فييه ضاحكة)راجل ونصص حبيبيي انااا 
غالي(بحب)الله(طولهاااا هه)كيف خارجة حبيبي من فمك 
سلمى(تقدات فلكلسة جمعات شعرها كضحك)وشنوو غدير داباا 
غالي-غنخطف حبيبتيي شنو غنديير ههه غنمشيي نهدر مع باباك دابااا ومن موراها غنشد طرييق لكازاا نقااد اموريي (شافيهاا)ونجيي 
سلمى(وعوجات فمهاا)ولانييف دياليي 
غالي-تت لانيف تاعك جا بلحد وليوما لخمييس غنحااول نجيي 
سلمى-غير غتحااول 
غالي-يلالة نجيي بلهلا يطريه ليااا هههه
بقااو شوف فيا نشووفييك اطاجين لحووت حتى بغا يقرب لفمهااا وصونا تيليفوونهاا حتى قفزاات وبعد كيضحك ويحك فلحيتوو 
سلمى(باحراج)ممم وي ماماا لا لا هاحنا جاييين دابااا واش بابا كاين فالدااار ااه صافيي
قطعات معاهاا وحكات عنقهااا وبغات ضحك وحابساهاا وقالت-باباا كاين فلخدمة غتسناه تيجيي 
غالي-لا لا غنمشي عندو نييت نهدر معااه نوصلك لدااار وغنمشيي 
ديماراا اللوطوو ومشاا حطهاا قداام الدار وتسناها تدخلاات وكمل لكوميسااريية كيصوني لكماال لاخير جاوبوو وقال-وي غالي 
غالي-احم عمي صاافاا بغيت نهدر معاك لكان ممكن 
كمال-دابااا نييت 
غالي-اه داباا 
كمال-وخة جي عندي لبيروو وخة (حط كمال التيليي وشااف فلي كالس حداااه وعوج راسوو معاااه)تبارك الله علييك 
مهدي(مربع ايدوو فوق لقميجة لبيضة لمشركة من كم ومغطيي نص وجهوو )الله اباارك فييك اخونا
كمال-مضااارب (سكت وكمل)علىى بنت اش كنتيي كتقووول بغييت نسمع مزيااان 
مهدي(كيترعد)وغي غمض عيينك الوالييد واه زعمة عمرك ضاربتيي على شي بنت 
كمال-على مك 
مهدي-ومال مي ماشي مرااا 
كمال-واش داباا قد لقب قد سطل شكون تيسول شكوون هااا نتا باقيي تفراشك كطويه ليي كمك وباغي دير فيهاا شاروخااان (حك فشعروو )اش كنتي كتقووول هااا تفكرت لي قرب لمدامتي نعمي لمو لعييين صدقوو عامينها لييك ابريسليي (حيد ايدك حيد 
مهدي-وغيي خلنييا 
كمال-راه نووض نعور مك حيد ايدك 
مهدي(حيد ايدوو وبانت عينوو زرقة حالتو تشفييي لكرافااط ضايرة اللور ولقمييجة صدافها طاروو وتقطعاات )راه لمطحنا منووضوو 
كمال(هز ايدووو )هدا الله اولديي هدااا الله 
دق لباب وامر بالدخوول دخل غاليي ورما السلاام تشااف مهديي حال رجلييه ومسرحهم ومغطي واحد لعييين كمش غالي وقال-مهدييي 
كمال-لا لااا اشمن مهدييي هداا راه جاكيشاان ملي صلخوه الشفاارة 

دخل وسد وراه لباب كيضحك سسلم على كمال بلياد وداعب شعر مهديي وقال-شي مضاربة هاديي 
مهدي(هز فييه عينوو ومكمشهاا )شكون لي حدااك 
كمال(هز ايدوو وعطاه لرااس)طمر شوي يراه مزال متحااسبنا
غالي-مالوو اش واااقع ههه شكون دار فييك هاكااا 
مهدي-وااغير غفلونيي 
كمال-هداا بغايدير فييهاا رااجل ويبان قداام لبنااات بهاد لمفهووم صدق مفرج فييه امة محمد ومجرور تالعنديي هدشيي لي عطاا الله 
غالي(ضحك كيمسح فعينوو)لمرااهقة هيا هاديي 
كمال-اوديي غير لحكت وشبت بكريي (ناداا لى المن لي حدا لباب وقاال)جيب واحد شوي تاع التلج لهاد خينااا ومتعطلش تنفخ نحير غير مع موو 
ضحك غالي وهوا كيشووف فمهديي كيفرنس 
مهدي-عارف قلبك هشيشش الوالييد 
كمال(عوج رااسو فيه وحركو وشااف فغاليي)هاا علااش كنتي بااغي تهدر معايااا 
غالي-معرفتش واش وقتهااا توكان تكون بخيير
كمال-ههه ولااااافت هد لفعايل هي وارتهم بردت من جيهتهم غير قول اش عندك 
غالي-احم(تقاد فلكلسة) التعيين خرج ليااا 
كمال-هز حجبانو ومد لييه ايدوو)اسيدي مبروووووك خباار زويينة بعدااا ههه 
غالي-الله ابااركك فيك اعميي
كمال-فيين تعينتيي 
غالي-ف مديوونة 
كمال-وااااه بعدوك بزاااف وشنوو غدير فالسكنة
غالي-لاا دابا مع الطموبييل نص ساعة تاع طرييق ماشي شي حاجة والسكنة فكازاا ان شاء الله 
كمال-بمعنى اخر باغي توصل ليا بليي غتستااقرو فكازااا 
غالي(حرك راسوو بااه)الى بغا الله 
كمال(حط ايدو على فموو ولايد لخرى كيقرقب بيها فووق لبيرو تدخل الشرطي ومعااه ميكة صغيرة فيها التلج عطاها لمهديي وحطها على جنااب عينو وورجع شااف عند غاليي)هدشي فراس سلمى 
غالي-اه فراسهااا احم كنت قلت لييك بليي ملي يجيني التعيين 
كمال-(قاطعو)ديير لعقد يااك 
غالي-تماماا 
كمال-والداار وجدتيهاا 
غالي-ههه نتا عاارف الدااار انا بغيتها تفرشها على دوقها هياا انا مكنفهمش فداكشيي وباش الناخد الدار خاصها هيا تشووفهاا وتختاار فرااشهاا 
كمال-انا مغنقووليك والوو داباا تنمشي لدار ونهدر مع ديمنة وبينما سلمى كملات تمنطاش
غالي-زعمة قلت اناا تنين ان شااء الله نوجد وراقي غتكون ديك الساع كملات تمنطااش ونطيحو لعقد 
كمال-وخة ايكوون خيير ان شااء الله فلعشية انرد علييك نتا غتكون غير هناا 
غالي-لا لا غنمشيي لكازاا دابااا نقااد وراق خدمتي بعداا فهاد تلتياام باش نكون هوا هداك
كمال-وخة باش مكان نرض علييك بلييل غير وجد ورااقك على تيسااع 
وقف غالي ومد ايدو لكماال وقال- عارفك اتخااف على بنتك واناا عاد باديي من حقك مي يراه بنقوولهاا لييك ونعاودهااا غنديير جهدي وكتر باش تكون مرتاحة
كمال(غمض عينو وحلمهم ومد ليه ايدوو)الرااحة هيا كلشيي طريق السلامة 
غالي-شكراا 
خرج من لبيرو وحاس بهم الدنياا طاح من كتاافوو وخفاف لفرحة فرحتييين عندوو خلا ورااه كماال كيشووف فمهديي وسااهي فييه
كمالل-زربة خاااااااااااااااايبنة دارلينا هد نسيبك 
مهدي(حيد التلج على عينوو)تخويرة صايكونت سانك 
كمال(لااح علييه ستيلووات )لحمار لي حطك 
مهدي-نتااا واااع هههه صافيي العود 
كمال(وقف وجروو من قرفادتووو)زيد قداميي الدحش زييد (غادي وكيعطيه لرااس توصلو لطموبييل ومشاا لداروو فين كاانت سلمى كتعنق وتبووس فييهم ولفرحة مغرقاها تالودن

دخل كمال لداار وجاار مهديي من عنقوو تسمعوو سلمى لدااخلل كضحك وفرحاانة حرك كمال راسو وضحك لقا لباب الدخلاني محلول 
كمال-فيييينكم 
ضربات سلمى الطم وكتوشو مع نجوى وكيشربوو فلقهوة عاد تحلات ليها الشهية لماكلة ناضت وقفات ومشات عنقاات باهاا بفرحة وساكتة
كمال-اش هد الضحكة تاني هاا 
سلمى(حكات عنقها وتزنكات)هههه والوو (شهقات)ويليي على حالة ماماااااا جري تشوفيي ولدك هه
مهديي-بلاتي امقدم لحومة
كمال-باقيي لسانك مبغا يتعطب 
ديمنة(نزلات غي شافت ولدهاا خبطات جنابها )ويلي على لحمااااااار اش هد لحاالة لمك داروو فيك مبغاو هااا 
مهدي-(تخبا وراه بااه )وغفلووني 
ديمنة-مالك نتا معندك ايديين ضرب بييهم تدارو فيك هد لحالة ويلي ويلي على شووهة ولدي انا يخمجو ليه كمارتوو 
سلم-هههه لا لا مشبه ليك فوالوو 
كمال-واش عوااض تغوتي علييه حيت مضارب كالسة تقولي مالك معندك ايديين باش ضرب 
رحمة-كانو يقولوو ضرب لبرمة على فمها تشبه لبنت لمهااا وصدق لولد لي شابه موو 
ديمنة-اححح على لعوينااات كي دخلوو زيد قداميي ندير ليك شي حاجة لكمارتك مبقا فيها ميتلبق اولديي 
مهدي(كيتغبن)حكروو على ولدك اماامااا اهننن 
نجوى-ههههه رسم ولييك طرييق زيمباوبييو فكمارتك ههه
كمال(جر سلمى وحط ايدو على راسها تقفزات)باقي ضارك
سلمى-ااه شوية
كمال-اجي معاياا لجردة ابنتيي 
نجوى-وانا منجييش 
كمال-كولي تاتجي نوبتك تانتيي ههه 
خرجو لجردة وكلسهاا حدااه وقال-جا عنديي غالي قبييل خرج ليه التعيين 
سلمى-ممم فراسيي 
كمال-وفراسك تاني بليي بغا يسكن فكازا ماشيي هنااا 
سلمى(حركات رااسها باااه وسكتات
كمال-وغتولفي بوحدك تمااا 
سلمى(بدات كتلعب فكمام التيشوورت وكتسمع)معرفتش 
كمال-وملي معارفااش علاش وافقتيي على هاك كنت داير فباليي نعطيكم الداار لخرى سكنو فيها توكاان يوقف على رجلييه 
سلمى-وخة كاع كون بغا هنا مكاانش غيقببل وهوا تعيين فكازاا 
كمال-كان ممكن ندخل لييه وفنهارو يوليي هنا مكنتش بااغيك تبعدي بزاااف واصلاا تكازاا مكاينش طريق بزااااف لمهييم تكوني فرحانة (قرص حنكهااوهيا مهبطة راسها)وهدشي راه باين بلا سؤاال صافي سخيتي بيااا 
سلمى(ضحكاات)مزااال مغنمشيي علييك هههه(تكات علييه كضحك)عمري نسخا بيكوم 
ديمنة-هاي هايي اش هد الحب هنااا 
كمال-حسدتينيي دابا نبقا هي انا ونتي واحد نهاار ههههه نتلاو كي سي حسن مع خالتي حفيضة نكير صباح وعشيية
ديمنة-هههه ايييع لطيحتي سنان مبغيتش تانتخيلهااا هاا شنو تمااا 
سلمى-اندخل نشووف سعد وحشتوو 
ناضت سلمى وكلسات ديمنة بلااصتها وغمزاتوو-اش تما 
كمال-اوى يلالة غالي طلع لكلمة بكلمتوو ههه قاليك شديت التعيين يعقد عليهااا يفرش الدار يتزوج بيييها لعبها مزياان علي 
ديمنة-ههههههه وشنوو بغيتيي هاهوا وفى بكلمتو تانتا وفي بيهاا 
كمال-فرحااااانة احبيبة يااك وخة احم بنتك غتسكن فكازاا 
ديمنة(جمعات الضحكة)منيتك
كمال-من قاع نيتيي ولبنت باااغة وموااقفة يااست ووا قالييك تنين هداا يدير لعقد(تنهد)شنو بانلييك من جيهة مزياان لعقد ومن جهة غي ودعي لحكام فبنتك 
ديمنة(ضحكاات)اححح اوى راه تانتاا زربتي عليي فلعقد وشد دابااا جا لي جهلك شوي 
كمال-فف ماشي بحال سلمى راه وخة كاك مزاال صغييرة ونية بجهد وطايحة فييه مغنكرش بلي تهوا باغيهاا مي راه لحب مكافييش وخايف تلقا راسها بوحدها تماا ويتنادم معاها لحاال
ديمنة-(كمشات عينيها فييه)اوى اش نقول لييك تعت هي لي يسبك وخة شرفتيي نفكرك ولا نسيتيي هااا راه تا انااا جبتينيي غي وحديي هنااا كضل نهار كلوو خدااام وغي بوحدي كنبقااا عمري تشكييت لييك بليي قنط وبغيت نرجع لدارنا ومولفت لااا عرفتي علاااش حييت كنتي معايااا ومرتاحة وبخيير كيبقا لوحش لدارنا مي نتاا عمرتي هد لفرااغ وجا سلمى وتبعوهاا لفرقة وها لعائلة ولااات عنديي وكبييرة قدااش هههههههه(كتلعب فصدايف قميجتوو)ودكشيي لي غتولي تسلمى عارفة اتقنط بجهد فاللول حيت هيا عمرها سافرات ولا بقات بلا بينا ميي من بعد غتولف نخااف نوحل هي ماك نتااا كل مرة نرجع من طرييق
كمال-هههه عولي عليها راه مساخيش ازمر مساخييش وحدة لي عندي (مسح وجهووو) غفلن يغفلني 
ديمنة(ضحكات وحطات راسها على كتفوو وتنهدات)اودي كااع مقيوسيين هي صابريين هههه (تنهدات)دار لبنات خاوية راه بصح

اما غاليي فهاد يومايين قاد اموروو فالتعيين وداباا خاصوو يقاد السكن لي بغاه يكون قرييب لمعهم الصحافة لي فكازاا شااف جوج ديوور كلهم فموقع زوين يليق بالناس لمزوجيين ماشيي زوافريية حار بيناتهمم وحتى تمنهم كان مختاالف 
-ها شنو قلتيي اسييديي شووف هاديي مفوجة وكبييرة جوج بيوت وصالوون كبيير ودوش وطوالييط وكوزينة وقريبة لكلشيي وكاينة لي شفنا صبااح هادييك صغييرة بيت وصالوون وكوزينة وحمام وطواليط وناقصة على هادي فالتمن 
غالي-معرفتش بجوجهم مزيانين ولكن مدا بياا تجيي مولات الداار وتشووفهم
-اييه ماشيي مشكييل ولكن هي زرب شوي يراك عارف الصيف هداا والناس تاتبغي تكريي الطبلة وكدا نخلي ليك هد خمسيام تشاور فيها وجيبها نتا كاع تشووف 
غالي-ايكون خير ان شاء الله نمرتك عندي وباش مكان غنعلمك 
خرج وركب فطموبيلتوو وصونا لسلمى لي كانت كتغدا مع دارهم برااا وناضت لحمام كتهدر
سلمى-الوو 
غالي-حبيبة ديالييي شويرفة دياليي
سلمى-ههه نتا لي شرفتيي انا باقة صغيرة 
غالي-ههه وخة هه اش كديريي 
سلمى-ممم خرجنا بابا نتغداو على برااا راه لانيف ديالي زعماا (كتغبن)غالييي واش مغتجيج
غالي-ههه علاااش توحشتيني زعمة 
سلمى-شنو بانلييك تتت وعفااك جي خلااص
غالي-اصلا هانا فطرييق جاااي كملي غداك مع داركم حيت غدوزيي لعشية معاياا ديريها فرااسك 
سلمى(بفرحة)فين غنمشييو 
غالي-هههه علاش كتسوليي منحقي نخطف مراتيي
سلمى-(بدلع)مزااال مكتبتي عليي باش نولي مراتك 
غالي-قتلينيي بهاد صويت هي قتلي كلشي كتفدااا ههه مرااااتي مرااااتي اجي حيديها من فمي نشووف على دكر فمك ليوم منتفاكش معااه هههه (قطعات علييه وسيفطات ليه ميسااج )
-سلمى-لاااااا تنتزوجوو سدات مدام ههه 
غالي(جاوبها كيضحك)تانا مجايبش لكادوو تانتزوجو ونعطيه لييك اصا ميصلاحش نعطيه ليك داباا تنكونو تيت ا تيت هههه سيريي كملي غدااك هاني جاااي غير نوصل نصونيي لييك 
سلمى-ؤكيي 
رجعات عند درااهم وكملاات غداهااا ورجعو لدار لقاو مهدي لي مامشااش مكلف بالصالوون كلو بالونااات وملصق ونجوى من لكوزينة هازة طاغت كبييرة بصورت سلمى وفوقها تمنطاش ارقااام 
مهدي-وقوولي خويا مامهليش فياا 
سلمى(عنقاتوو)لحماااار هدشي لاش مبغيتيش تمشي تغداا
ديمنة-رااه رشاااويي لله فسبيل الله دار هدشيي ههه 
نجوى-وزمر طفي شمع راه ضروني ايديي وتمناي امنيية 
حطوها فوق الطبلةة وتمنات لي بغاات وطفات شمع وبدا مهدي واميين كيصفروو قطع كمال لكاطوو وعطا لكل واحد فطبسييل شوية تقلبووها كيف ديما تطلااس ومرامكةة بلحلوة شعرها كلوو رجع حالتوو 
كمال-هانتي شرفتي ودرتي تمنطاش هههه
سلمى-هههه دغيا دازت(عنقاتوو)
ديمنة-شفت هاد لانيف دايز بلا كادواات هههه اش هدشي نااشف 
مهدي(جبد من جيبووو بوااطة مغلفة)هاكي احبي انا اللول ههه 
شداتها من عندوو وحلاتها وكانت عامرة قطن لاحتها عليه كضحك
مهدي-ههههه عارف ختي كترعف بزاااف جبت لييك فحالة الطوارئ وداكشيي استهك قبل متهلك 
سلمى-هههههه عقل عليهاا 
نجوى-هااا لاتقولي نسييتك(جبدات بواطة صغييرة ملونة )
حلاتها سلمى ولاقاات بيها براصلي فلكحل او لوسط نجمة من النقرة ضحكات وعنقاتها كتبووس فيهااا 
امينتا انا غنعطيك كادو 
سلمى-ههههه شنو هوااا 
اميين(كان لابس شورط كلو جيااب مشا لواحد صغير فوق السمطة وجبد منوو دايئرة صغيرة ملفوف ب لبابي اليمينيووم)هكيي هههه
كمال-شنو هداك حجاااب 
سلمى(حلات لاليمينيوم ولقاات خمسة درااهم عنقاتو تهزاتوو عندها كضحك)اححح هادي غتبقا عنديي تاتكبر ونعطيها لولادك ههههه 
كمال-كادويااات تاع الحضانة هادوو 
نجوى-هههه هدشي لي عطا الله 
ديمنة-اجي اماامي نعطيي لكادو تاعي انا وباااك ههه
مشاات عندهاا وجبدات حلقاات تاع دهب محجريين وقالت-هادوو مشريتهمش هادو ديال ماما الله ارحمهااا من صغرك كنتي تاتقوليي بغيتهم حيت تيجبووك وداباا هاهوما ديالك حافضي علييهم (كلسات حداهاا وركباتهم ليهاا فوق طوانك تاع غاليي لاصقيين فودنهااا حجيراات عنقات مها لي عينيها تغرغروو بدموووع ومسحاتهم دغيااا 
سلمى-عمري نحيدهم والله 
كلسوو مجمعيين وهيا وسط واليدييهاا تصونا لباب وخرجو عينيهاا ناض مهدي يحل وهيا طارت لبيتهااا حيت كانت لابسة صاية حد الركبة وشوميز بلا ايديين 
كمال لديمنة-هانتيي شوفي لييك 
ديمنة-ههههه قاطعها فيهااا نوض ابب كب على كرشك لماا راك تخورتي هههههههه 
جاية احداااات احح اوكان ههه يتبع

حل مهديي على غاليي 
مهدي-افيين امتوليي
غالي(عوج راسو فييه وضحك)هههه كل واحد اش مسميني ولاا ههه 
مهدي-لهلا يورييك الواليد اش مسمييك 
غالي(ضحك كيمسح على لحيتوو )شنوو ههه 
مهدي(شاف موراه)ههههه لا لا خليك هاكا بوكووص 
غالي-هه شوية عينيك 
مهدي-هانييا تانتااا لمكليتيش لعصاا على شي بنت مطلعش رااجل هههههه سبقتينيي فلحرفة لاا 
غالي-هههه فعلا فعلاا كلم ليا بابااك 
كان باقيي كيضحك تخرج كمال هاز سعد فايدوو وكيضحك معااه وقال-اش وقفكم فلباب دخلوو 
غالي-ههه (مد ايدو سلم على كمال ) 
كمال-دخل من لباب ها سلمى هابطة 
دخل وكلسو فالصالون من بعد ملقا السلام على ديمنة ورحمة وحطو اتايي تنزلات سلمى هز عينو جيهت درووج وتفيكسااو فيهااا واش كل نهار كتزييد تكبر وتزيان ولاا غير هواا كيشووفهااا هكاك 
بسالوبييط كحلة تاع التوب لارج شوي وفووقها بوليروو مشبك فلبيض طويل من لايديين وسابدري بيضة وشعرها مطلووق كيرلي على رااحتوو بلا مكيااج بلا والوو من غير الرييحة لي خواتها كاملة عليهااا هبط عينوو محرج حيت طول الشووفة فيهاا 
كمال(كان مشغول بلورااق ل فايدوو)صافيي غدا مع ديك لعشرة جي عنديي ان شاء الله توراق سلمى راه موجوديين 
غالي-ان شاء الله احم سلمى واجدة
سلمى-مم 
غالي-ؤكي يالله اا نجوى يالله تانتيي 
نجوى-ههههه كطمع فيا ههه
غالي-هه لا معاك بصصح يالله مهدي تانتا لبغيتيي
مهدي-لا لاا بتفرج فيا امة محمد بههاد لعيييين ههه هي سيير 
سلمى-بصصح نجوى يالله معاناا عفااك 
نجوى-مكلبتو هي لموجووود نوضوو ههه 
كمال-رد ليهم لبال رااه كيتلقاو بجوج كيتستهوو ههه 
غالي-فامانتيي اعميي 
خرج غالي كيتسناا فيهم حدا الطموبييل تخرجات سلمى هيا اللولة عاضة فكمام ايدهاا ونص وجها مغطي بشعرهااا سها فيهااا وفضحكتهااا وهوا كيرمش توقفات حداه
سلمى-هيييو فين مشيتيي
غالي-ههه تلفتيني هي نتيي واش لي عندو هد الزيين ميسهاش فييه 
سلمى-ههه فين غنمشييو 
غالي-نبدلوو لجو شويي محد لجو مشمش 
جات نجوى كتجريي ركبات اللور كضحك وقالت-لمهيم ركبت فبل ميتنادم معاكم لحال وتخلييونيي هههه
ركبات سلمى لقدام وحداها غاليي لي كان بدوروو الانااقة ولبسااطة اهم شئ سرواال كحل وشومييز خزية بتوب باارد مزيرة من جيهت دراعو ومجمووعة 
نجوى(دارت لكييت)ديروني مكايناااش 
غالي(ضحك وحرك راسوو وشاف فسلمى وغمزها لاخيرة ضحكات وضورات راسها جيهت الزااج
سلمى-شفتك خرجتيي على لمديينة
غالي(بهمس)هارب بييك (رجع شاف فطرييق) ياك نتي لي قلتي بغيت شي انيف على الطببييعة هههه اوى هاهوا يلالة بعدنا حنا على لقهاوي ولمديينة كاع اصلاا صمد او ليلى تهوما كاينين
سلمى-هههه واش بصصح احسن حاجة والله هد لجو هي تاع لبيكنيك 
بعد مساافة وقفوو قدام طموبييل لي هي شافتهاا نجوى شهققات-علاش مقلتيش هد كحل لعفطة كااين اععع لخرجة خسرات صافيي
غالي(كيحيد فالسمطة )غنخلييوك نتي وياااه حتى ترطابوو ونرجعو ليكمم هه يالله هبطوو 
توفيق-ههه اللهم صلي على النبيي عاد كانت الدنيا زوينة دغياا تخنقات 
نجوى(عوجات فمها)شكون داها فيك العصييدة لبايتة 
غالي(شابك ايدوو مع سلمىى وجرهاا حدااه ومشا لكوفر حلوو باش يجبد لي جااب تجرهاا من خصرها عندوو وباسها فحنكهاا تقرصها بلحيتو لي طوالت شويي-توحشتك

يتبع ...