حل لكادو تاعو ولقاا طموبيل بالتيليكوموند ضحك وناض بااس غاليي وسلمى ومشا كيلعب بيها فجردة اما سعد راه شد اللعااب لي كان بحال لبوزل وبداا كيركب فييهم مع مهدي فوق الزرببية وسلمى حداهم كتلعب معاهم نساات غاليي توحشات غي خوهااا في حيين كمال وغاليي شبعوو هدرة
سلمى-مامات فين لميمة واش مشاات
كمال-مشات لباارح سهييلة عيانة شوية ومشات عندهاا
سلمى-هااا
ناضت سلمى لبييت باش تبدل وخلات غالي وكمال كيهدروو وباغي يجبد معاه موضووع لعرس ديمنة مشات لكوزينة تجات سلمى مبدلة عليها ب بيجامة بسروالهاا قصيرة وكيووت في حيين غاليي جمع لهدرة وقال-سي كماال فالصراحة بغيت نقولييك بليي كنفك ران شااء الله يكون لعرس فشهر تمنية
كمال(حط لكااس وتقاد فلكلسة)نعااام شهر تمنية ديال هد لعام
غالي-تماما
كمال-ماشيي دركتيي علياا هدشي دقة وحدة اغاليي خلي بعداا شهر ربعة بينمااا سلمى كملات لعام جاي هناا
غالي-غنديرو لعرس وغتمشي معاياا سلمى لكازاا وفلقراية راه غتوليي تجيي هناا قلت ليهااا لمعهم لاخر مبغاتووش كي هاد لعام كيف لعام لماجيي ضنك مكاينش لااش نتسنااو كتر
كمال-مبقاا والوو لشهر تمنية شهراااين دغيا كدووز
مني منك وسلمى وديمنة واقفين فلكوزيينة كيهدرو وكتعاود ليها على الدارر وشنو خاصهاا ولي فيهااا وباينة لفرحة فعينييهااا وجدو لغداا على حقو وطريقوو ومشات سلمى جمعاات الصينيية توقفها كمال
كمال-كلسي اسلمىى شويي
سلمى(شافت فغالي وتلوونات وكلسات)نعاام
كمال-نتي قادرة تشدي طرييق كل نهااار باش تجي تقرااي هناا لمعهد لي تم مالوو
سلمى(كتغبن)مبغيتووش اباباا واصلاا راه غير سااعة تاع طريق ماشي شي حاجة كتييرة
كمال-سلمى يا اماا تصبرو هد لعام تاتكمليي ولاا تقراي فلمعهد لااخر اما باش كل نهار تشديي طريي قراه صعييبة عليييك وماموافقش علييهااا اما حسن تفيقي بخاطرك وتمشي تقرااي وترجعي بخيير ولا تبقااي تسناايي وتران كيتعطل والسخط تاع لحوادت فطرييق تحد مغيكون فخاطروو لا انا لا ماما لا غاليي اللهم ابنتيي شوفي لي ينااسبك من غدا نمشيي نهز وراقك نديهم لكازا ولاا صبروو تال عام لماجيي انا مغنزيدكم هي الله اسخر
شافت سلمى فغاليي لي سااكت كيشووف فيها اش غتقوول خلاتهم فلوسط بجوج-معرفتش
غالي(عرفها مغتفاكش )حم ماشيي مشكييل خليها تجرب فاللول تاتشووف واش غتسلكهااا الى مقداتش راه دير انتقاال لكازاا وانا راه نقدر نساليي خدمتي ونجي نديهااا
كمال-نتوما داباا غير كتقولوو مي من بعد اتعرفو اش كديروو وخة لي بغيتيي بداي هناا ولمقدرتيش كملي لهيه
غالي-بيزو حبيي يالله دخليي هاني مشييت (باستو من حناكو بجوج متوقعهاش مي كتعجبو ملي تاتبوسو على غفلة شد طرييق لكازا وهيا دخلاات لداار كدوز لوقت مع خوتها وديمنة وكمال كيهدروو على لعرس لي جاهم من حيت لا يدروون____________________________
لوقت كيدووز ولياام ديغياا كطييير دخل سيدنا رمضاان وكل واحد فيهم فقنت وسلمى مكاينش نهار لي متشريش فييه لمااعن ولحوااايج ولغطااا تولاا بيتهاا عامر اما غاليي كيجي جوج مرات تا لتلاتا فالسييمانة كيتقدا معاهاا لي بغااات وكدير بحسااب راه يالله بااديي وغاديين بحسااب لفلووس لي عندوو بغات تعاون بصداقها ومخلاهاااش وخلاتو لحوايج خرى رمضااان والصهد وهوما من مرجاان لمحالاات تاوع تجهييز يشوفوو هاديي ويرجعو لهاديي مكاينش نقااش بيناتهم اصلا عاطيها كامل الاختيارااات تختار لي بغات هوا غير تابعهاا معضم لوقت تاتكون معاهم تنجوى فالاخيير كياخد لي شرات ويدييه لدار يحطوو تاتجي ليي هاما داكشي تقييل راه غياخدوه من تمااا
الاياام الاخيرة من رمضاان كانت سلمى فداارهاا فلكوزيينة كتستف فلماعن لي خداات ونجوى حداهاا كتعطيهاا تحط تماا
دخل لكارطوونة تاع التلفاازة وكيقاد فلخيوطة لي خارجيين من لحييط باش يركبها نيشاان تدخل توفيق هاز فايدوو كرطوونة مدها لسلمى وسلم على نجوى بايدوو ومشا كيعاون ف غاليي
هز غالي تمرة ومشا لكوزينة وهوا كيقسم فيها وجا لسلمى من ضهرها وحاوطها باييد تهزات رااسهاا وعطاها نص تمرة فمهاا والنص لاخر كلاهااا
بااسها فحنكهاا وقال-لعمر دياليي نتيي حلوة ابنت الناس حلوة
سلمى-ههه فطرتي تانيي
غالي-هههه بغيت نطلع السكر شوي راه هبط هههه
بعد عليها وهز لبلاطو تاع لعصيير وهيا مورااه هازة لبييض حطاتوو كلسات كتشرب فلماا عطشانة اما هوما كيصلييو
نجوى-كيبقاو هي الشياطين حدا الطبلة هههه
سلمى-ففف راه شدني جووع تاناكل ونصلي
تجمعو على الطبلة وكل واحد اشك يهز بالضحك واللعب تدوزو فطوورهم لخفيف ضريف هزو لماعن عاد توضاات وصلاة لمغرب ومشات لكوزينة كتغسل فلمااعن توقف حداها غالي
غالي-سلمى ورا لعشا انمشيي انا وياااك نشووفو بيت نعااس
سلمى-صافي وخة
من بعد مرتاحوو خرجو كلهم بلباس صلاا لجامع على رجليهم مع قرييب صلاة سلمى هي لعشاا وخرجات تاتسناا فغاليي يخرج حتى شاافتوو جااي مبتااسم كتهبلوو بالزييف كيطييح عليها السر وتاتباان زوينة بيييه
غالي-اش هد النور كلووو هااا
سلمى(قدات الزييف)التعنااب حدا جاامع رجوع الله الفقييه ههههه
غالي(درعهاا بايدوو وغادين باتجاه الداار)يلالة مراتي حلاليي ومن بعد انمشييو لدار نبدل بعداا ونمشيو صافيي
حل غالي لباب وقال-تسنيتو لفقييه تاتعشاا هههه اش هد التعطيلة
نجوى-هد صاحب متعطيهش السخرة بيتلفها لييك لعار يعقل هي فين كيحط رجلييه ههه
سلمى-هههه نوضتوها تانيي
نجوى-منايضة منايضة غير نهرووها حسن ههههه
من بعد مدة حطات سلمى الطاجين لي قداتو هيا وغاليي طايب بالضحك ولبساالة ولااحض بليي هي كيحط ايدو عليها كتبغيي تسلت منو بايي طيرقة كانت تعجب ليهااا وجابت ليه الضحك وطمر تجمعو على الطااجين مع جوج تليل داروه سحوور وعشااا ومنعسوو تادن لفجر وصلاوه مجموعيين عاد كل واحد فين لاح رااسو سلمى ونجوى فلبييت ودراري فالصالونن
نهار جدد مشمش على صباااح شدو طرييق لربااط وركبات نجوى مع توفييق مخليا سلمى وغالي شاادين طرييق بوحدهم مرة يهدرو مرة يسكتتوو توصلوو لدار نزل تسيفط معاهاا وكمل طريقوو لبني ملال لدارهم يدوز معاهم نهار اللخر فرمضان ويعيد معاهم مع جوج كان دخل لبني ملال لقا لعافية شااعلة صهد وحلقوو نشف فلبلااصة عكس رباط وكازاا وخة سخونة ماشي بحاال
اما سلمى راه مجمعة لتحت مع خوتهاا وكتعاود لمهاا على شنو شراات
كمال(كيحنزز فييه من لفووق لتحت وكيشرب فلحريرة)علاه نتا عندك لعضام ونتا كطرطا كي لاستييك اش باغي تربيي تصحة متكساابهاا
مهدي-ناخد لبروتيين والله تنعجببك موراا لعييد عنديي ماتش فلمحمديية دور معاياا
سلمى-ربيتي تراسك بقا هي الصحة(ضربها لضهرهاا تعاوداتو)وبااااااااباااا
كمالواش غتهنيونا ولاا نوض نجمعكم
ضربوو سقييل وبداو كيدابزو هي بعينييهم وتعياااب تاتسالا لفطووور على خييروكلسووو كيهضروو على غدااا اش غيكون فييه فين غيمشيوو واش غيديروو وهكاك غاليي لبس فوقيتو لبيضة ورش رييحتوو وهز الصلاية على كتاافو باش يختم رمضاان وصلاتوو وفطريي قراه التااصل بكمال وعرضوو باش غدا ان شاء الله يجيييو عندهم ومكان من كمال الا لمواافقة
داز اخر نهار فرمضان عند سلمى وغالي عادي..وجات ليلة العيد لي فيها كل واحد كيوجد وكل دار مغربية كتوجد لهاد نهار لكيير عند الله
كانت سلمى وديمنة ككل النساء المغربيات كيوجدو الحلاوي لي غيتحطو غدا..ويهضرو
كملات سلمى المصايبة للحلوة مع مها وتيهضرو واضحكو فحين كمال راه مجمع مع مهدي وشاد عندو سعد
اما فدار غالي راه كانو تاهوما تايوجدو للعيد وللعراضة خاصة فاش علمهم غالي بلي بيجيو..
كلثوم(بعصبيية)مالها اش فيهاا لتقدييت ليها من عندي ضروري تحضر ولا هيا مدينيية خافنا نحشمو بييه
فاطمة-امي راه ماشي داكشي لي قصد غاليي ولكن هيا راه بنت لوقت بغات تختار على دوقهاا وصاافيي
كلتوم-داخ ليا الرااس معاهم والله عول تجي تانيي طالقة شعر ومجيرة لوجه بحال نهار تكاتبوو محشمت مرمشاات هكاك صدرها باين من لقفطان لااصق علييها محشمت من رجاال
سارة:اوا نتوما لي بغييتوو..تجي درووك هي وهجيجها وشوفي الشقا لي بيتزاد عليك..خصك فطورهم وغداهم وعشااهم ومع هوما دايزة ليهم النفخة شوي ميرضاوش ياكلو اي حاجة خصك المحمر والمجمر
كلثون:(حطات من يديها الحلوة)ياربي اش هاد الدعوة تسلطات علي كون دابا بنت ختي منهزش الهم نحط ليهم لي حطيت
سارة:اوا باش نعرفي المجامر فاش تيتحركووو
فاطمة(عوجات فمهاا وتنهدااات)متزيديش فيه اساارة تانتيي
يوم العيد..عيد الفطر كتبو الله عليناا وعطاه لينا فرحة..فاقت سلمى نع الصباح على تنغنيغ سعد لي بات حداها..بتاسماات وهزاتو مع نسمات الصباح لي متسللة من شرجم بيتها..هزاتو تتبوس فيه وهو تيطلق عليها ريوكو واضحك
فالاخير ناضت دوشات ليه ولبساتو حويجاتز عيارة عن جبادوور صغيرة بزااف جاتو واسعة شوي وحطاتو فوق سرير تتهصر معاه وتبدل عليها تادخلات ديمنة لي مبتاسمى:صبااح الخييير
ديمنا:اييي على هاد البنت شحال حلوة ههههه مبارك العيد..لبسي لبسي بنمشيو نصليو(طلات على سعد لي هي شافها بدا كيمد يديه باش تعزو)ههععع فركوووسي هههه
هزاتو تتبوس غيه وقالت:حح عليا والدة زيين اناا
دخل عليهم كمال لي كان لبس عليه جبادور كحلة مخيطة بالرمادي مع بلغة فىجليه ناقص اللحية وراش ريحتو تايبان وسيم رغم تقدمو فالعمر
كمال:واشنو ياادلي راه انا زويين ههههه
ديمنا:(ميقات فيه)شلااا ههههه
دخل عندهم وباستو سلمى فحنوكو وقالت :عيدك مبروك ابابا
كمال:الله يبارك فيك ابنتي..شنو شتك ملبسنيش
سلمى:ياله فقت..لقيتوني بلبس
شد سعد كيبوس فيه وقال:ياله زيدي اديمنة تانتي لبسي نمشي نفيق داك العجل
خرجو مخلينها مبتاسمة وفرحانة وكيف لا وحياتها غاديا فمستوى عال لعال..معاها واليديها وتزوحات بلي حب قلبها وعشقوو..علاش لي متكونش فرحانة
وعلى ذكر غالي باقي مكملاتش لبسها كان تيلي كيصوني..هزاتو شافت سميتو وجابات بابتسامة:حبيبي
غالي:نوارتي هههه مبارك العيد
سلمى:الله يبارك فيك احبيبي..تانتا مبارك عيدك
غالي:معرت شنو لابسا حبيبتي هههه
سلمى:(بدلع)ههههه منقوليكش هههه
ضحك وقال:ههههه هي شي كارثة
سلمى:هههه لا لابسة البلدي ههه
غالي:اوا صوري نشوف هاد لبلدي
سلمى:ههههه لا خليك تاتشوفها من بعد
غالي"ههههه عارفاني كيحمقني فيك البلدي هههه
سلمى"اوا هليها مفاجئة ههه
غالي:واخا الالة مصبر نصبر..ياله احبيبة مبارك عيدك..باركي لداركم تاهوما نتلاقاو عند الغدا
سلمى:وااخاا
غالي:كنبغييك
فرنسات وقالت:تانا
كملات تبدلاها ولبسات حلابة بثوب لي خدات ليها كلثوم..قصدات تخيطوو بيه باش ملي تمشي تعرف كلثوم بلي راه عجبها
جلابة زوينة جايا على فصالتها ممزيراش عارفا غالي مكيعجبوش المزير..سرحات شعرها لي كان ديجا مسرح على طولو.. ولاحت عليها شال دارت ماسكارا جبدات شفارها وعكر خفيف لاغير..رشات ريحتها المفضلة عند غالي وخرجات برا لقات عائلتها الصغيرة مجموعة..ديمنا بجلابة تاهيا وشال هازا سعد حداعا مهدي لي باقي تيتفوه ملبسينو بزز جابادور تاهو وامين لي كذلك بجابادوور فالابيض عاجبو تلحال..مشا طار على سلمة تاهزاتوو وباستوو..
خرحات العائلة مجموعة اصليو صلاة العيد ويزوروو لحباب وصحااب ..وكذلك بالنسبة لغالي وعائلتو كانو كلهم متأنقيين ومقادين ومصايبين على حقهم كلشي لابس الجديد والتقليدي وكيباركو لبعضهم لعيد
فطر مع عائلتو فجو عائلي بامتياز لا يخلو من ضحك والهضرة والحب الاسري
تانطقات كلثوم:معاياش بايجيو هادوك؟؟
غالي:شكون هادوك؟؟
حرارة بني ملال وصهد كلتووم ولحرب لبااردة في الحدات لماجية سخنو التفااعل شويي هناري ههه
غالي:شكون هادوك؟؟
كلثوم:مراتك و نسااابك
علال:عايلتعا عايلتها اعوجة الفم
ميقات فيه وقالت:اييه هادوك
غالي:(معجبوش الحال)مع الغداا ديك الجوج اكونو هنا
سارة:اوا نوضو ياله نوجدو ليهم كيشتي هوما ميرضاوش باي حاجة
شاف فيها نغوبش وناض من حداهم زاعف مافيه لي يهضر معاها واتخاصمو نهار العيد حيت عارف لسانها باري منها
علال:(مغوبش)فمك كي فم لفعة تيسوط هس بسم الله يعطيك غبارة لنتي لمك متعرفو عيد متعرفو عواشر
كلثون:مالعا اش قالت
علال:تقالت ليك لا نتي لا هي خزييت هنتيي خديتيي هدييتك تاع رمضااان الله اتبعكم لبلاا
ناض تاهو مخليهم بوحدهم فالطبلة مع راضي ومحمد لي تينقيو ليهم وذنيهم
اما غالي راه خرح لبرا كيهضر مع سلمى لي دوزات لي كمال وكيبارك ليه العيد
دوا معاهم ماملين وتوخر مع سلمى لي عطاها وقتها وتغزل بيها كيف العادة فالاخير قطع ورحع دخل للدار بعدما تهدن شوي مهضرشحدو مشا ريح حدا جداه كيهضر معاها واحمعو
اما العيالات راه فالكوزينة مشمرين على دراعهم كيوجدو الغدا من هنا لهنا واخا محاملينهمش ولكن دم وجههم مخلاهمش ميوجدوش
وعند سلمى راه كانو كيهزو فحوايجهم لي محموعين لانهم غيباتو اما سلمى راه بتبقا تاتشري دهازها لذلك خدات لي يكفيها
ركبو كاملين مع ديك العشرة وشدو طريق لبنس ملال وسلمى كتكونيطا مع غالي فرحانة لانها اول مرة غتزور دارهم.. طوالت طريق وعياو الدراري ومهدي هي تينكر اما سعد راه ناعس فحضن سلمى وامين مكمش فكرشها تاهو ناعس مدخلو لبني ملال تال ثلاثة واراك للشياط تاع وسط نهار فبني ملال لي معروفة بصهد..مع دخلو لبني ملال وقف كمال عند لبلاكة فين دار مع غالي تلقااه وااقف مع شاافت سلمى الطموبييل ضرب قلبها على التسعيين هيا كطل
تخرج من الطموبييل بلبديي جاي علييه وعاطييه رونق خاااص وجاه لزرق غامق واعراللحية ليي قوات وكحلة بلا شعرو لي طواال فهاد رمضان حيت مكيقيسو لهوا لا لحيتوو تيفووت خرج عندوو كماال وسلم علييه نزلات ديمنة تهيا سلم عليها بطرااف ايدوو عاد توجه لحبيبتوو لي هي شاافها سكانااهااا تاني فلكريي جات تاتهببل وكتزيد تحمقو فلبلدي كيجي مع فصالتهاا خطير مد ليها ايدوو صافيي وشد سعد بغا يبوسوو لاخير هي شااف اللحية كحلة خاف وبدا كيبكيي
مشا لطموبيلتوو وركبوو وتبعووه تدخل لطرييق بين الارااضي ودار او وقف قداام شجرة كبييرة قدام لباب دايرة الضل على طرييق حاط فيها هوا وخوه طموبلاتهم وت كمال حط طموبييل حدا لقاو لباب ملحوول على كملوو وعلال كيتسنااهم يدخلوو بقمييجة صيفييه وسروال توب ولبلغة فرجلوو على طبييعتوو سلم على كمال بالاحضان كيرحب ويعااود سلمات عليه ديمنة من ايدوو عاد جات سلمى ومهدي حتى هومااا سلمات عليهم وباست ليه ايدوو وهيا شادة سعد مفارقهااش
دخلات سارة هازة الصينية كتشعل بكيساانها تاوريهم فحنة ايدهااا مقادة لحالة ودايرة نضاضرها تشووف سلمات عليهم واحد واحد وباركات ليهم لعوااشر تدخلاات فاطمة تهيااا نفس الشئ تسالمات مع سلمى بحرارة تقوول صحاباات من زماان وهدشي كلوو كيدوز على عينين غالي لي كالس ومتكي على مخدة وحاط ايد على فخضو مجمع معا رجاال
تحطات الطبلة عاامرة ها لفااكية لحلااويي ولحريشات صغار تاع لفراان كلشي متول ومن صنع ساارة لعسل والزييت والزبدة كلشيي محطوط هي الطبلة كتشبع لعيين دور غالي الصينية عند بااه باش يكب وكملوو جمووعهم على طريق كيداازت والاجوااء هاكاا وسلمى كتنقب شبعانة هي لفرحة كاهماهاا
فكوزينة عند سارة وكلتووم كانو كيشويو فلحم وجوج طواجن كيطيبو على لفااخر وكاميلة فيها دجاج محمر والسفة مقابلاها فاطمة فوق لبووطة والدلااح مقطع ومستف فطباسل كباار تاع الديسيير فوقهم لعنب ولفوواكه لموسمية
سارة-واش هداك التوب هوا لي عزلتي ليها فلخطبة
كلتوم-هواا جات لاابسااه بعدااا
فاطمة-تالخياطة قداتها لييه جاتها فنة
كلتوم-سكتونا من لهدررة وسربيوو لغدا هنا لعصر قرب يودن يالله
الراضي-شغلهم هداك شتيه هوا غير مسووق ليهم لبنت تاتبان دريويشة مبيهااش وتغالي راه ميمشيش لمنوالاا تي ضربي لياا على عمك ههه ولا كيشكر ليل ونهار فيهم هههه
بدا سعد كيبكيي داق بييه لجو تمااا وهزاتوو سلمى خرجاتو من الصاالة باش يهضرو بخاطرهم تاتبعهاا غاليي قدام لباب وقال-اجيي خرجيي يضربو لبرد لجو برد داباا
سلمى-وخة
لبساات بلغتهاا وتبعاتوو بعدو على الدار وسط الطبييعة وشجر ترماان داير بييهم ولكرمووص ولمزااح عاد جنان تاع اليمون على جيهة طريق دنياا خضرة وكتفتح النفس وزادها جو لمغرب شاعيرة وانس
سلمى-واااو الدنيا واعره هنا والله
غالي-زادتك وعارتك بييك ههه
وقفوو بعاد شويي وكيضحك مع سعد لي حلف يشووف فيه غير كيطل
كلتووم-ههه الطبييعة زييينة يطلع ليك الدم تخرجيي غيضربك لبررد وترجعيي
ديمنة-ههه والصرااحة انا باباا ملي كان كيبغيي يتهنى مني كان كيصيفتنيي لجيي فلعرووبيية كيدوزها علياا الله ارحموو
كمال-هانتاا اعلال خرج واحد جوج معيزات لسلمى تسرحهم ليي كراه كيعجبووها ههههه
سلمى-لا لاا ههه كنخااف منهم
علال-علاا هيا رخيصة نعطيوها لمعاز تسرحهم اودي دابااا ولات لعرووبية غير بلفم كلشي طور فييينهما ديوور تاع بكري غير بطوب ولحجرر زيد درووك جليج لفوق ولتحت
الرااضي-كون مدرتيه نتا كوون تسطيتيي
علال-لاااا انا مدرتوش نتوما لي درتوووه متيعجبنييش يكونو رجلييك سارديين تبغي تمشيي تاتجي على رااسك هههه
كمال-هههههه اوى راه لوقت مبقاتش كيف كااانت كلشي طور
علال-كل وقت وقتهااا اوى المراااا مكاين عشاااا
كمال-لا لااا الله اجعل لبركة اسي علال هادا هوا لوقت
غالي-علاااش فين غاديين
سلمى(بهمس)ياك قلتي لياا غنباتوو
ديمنة-راك عارفة بابااك مكيبغيش يباات عند النااس غناخدو شي اوطيل ومن تما غنكملو لعند جدك
جاتها فشكل تبقا هياا ويمشووي هوماا وشداتها لبكية بحال الى ايمشيو ويخليوها مرة وغتبقاا وسط نااس يالله باغا تعارف معااهم احساس فشكل تكون مولف داركم ويجي لوقت بااش تولي تولف بعدهم وقفات ديمنة وكمال لي عياو يشدو فيهم باش يباتوو السعااتي كان مصر خرجو لبراا كيتسيفطو معاهم وسلمى كتعنق فسعد وتبووس وهوا نااعس اما كون فايق كون رونهم تاتمشي هيااا
سلمى-مليي نبغييه انديروو وغير فالزنقة مزال ماشي فالداار
سارة-هههه يختيي سبحان مبدل الاحوال
سلمى-علااش
فاطمة-معرفتش ههه كلنا جاتنا فشكل ملي غاليي بغا بنت مدايراش الزييف وكداا ههه شي مرات كنا كنقوولوو غياخدهاا دايرا النقااب ولكن القلب مكيشاور
سارة(ميقات)نعسي نعسيي اشويك نتي وداك لقلب لي عندك
شافت فيها سلمى ودورات رااسها لعند فاطمة لقاتها كتقوليها بلهمس متديهاش فيهااا بقاوو بلحتيت فاطمة وسلمى تاتنااص الليل وهوما غير على طفولت غالي وزباايلوو تكل واحد غفاا وخة مجهاش نعاااس تبدل عليهاا لجو وبايتة شنيولة كتقرص فيهاا والصهد الصهد تعرقااات بغات تلوح حوايجها وتفكرات ملابسة والوو تحت لكنضوورة بقات هكاك تغفاات اما غالي رااه ناعس فسطح من حر الصهد لي كاين فالداار
صبح صبااح مزال الشمش مطلعاات فاقت فاطمة مع لفجر هيا وكلتووم اما سارة جابدة عليهاا عجناات وخلاتها تخمر وطلعات لبيتها تبدل حوايجهاا عاد فاقت سارة ونضمات ليهم بااش يوجدوو لفطوور وسلمى راه خاامرة عاد بدات كتحلم وجاهاا نعااس رجال راه فااقوو وفطروو لفطور اللول مع صبااح وبدات اعماالهم اليومية كيف ديماا وكلتووم راه الربعة تاع صبااح تاتفييق من عادتهااا حتى غالي كان فبيتوو شاد القراان كيقرا من بعد ما صلى باسوو ونزل لابس تيشوورت بيض مع سروال كيطمة وداير ايدو فجيب كيجر فلكلاكيطة تاع صبع داز لكوزينة صبح علييهم ولقا مرت خوه كتسمن ضحك معاهم شووي
ومشا لبيت جدااه كيف عادتوو وتفكر بلي تا سلمى ناعسة تم حل لباب ومتجي عينو غير فيهاا مغطية بايزاار غوز ودايرة ايدها تحت رااسهاا وناعسة برااحة تبسم ودخل عند جدااه لي كالسة مربعة وكتسبع هي شافتو ودورات راسها كتفرنس
هنية-لاش جااي
غالي-ههه منشوفش ميي
هنية-احيانة علييك الغداار
دغل وتحناا على راسهاا باسهاا وكلس متكيي جنبو على مرفقوو كيهدر مع جدااه وعينييه كيشوفوو فيها هيا لي مكاينااش هنا كااع سارحة عجيلاتهاا
حلات عينيها تشاافتوو قدامهاا كيفرنس وكيشووف فيها وكيهدر مع جدااه مزال مستوعبااات فين هيااا تهدر
خرجاتت لبراا لي مع صبااح صاابحة شااعلة بصهوداات غير انس لي كيلعبب قدام الدار بلبيكالة لي مزاال متعلم ليهااا كيكلس ويدفعهاا برجلوو وهيا مقاابلة معاه كضحك وكتعاونوو يركب وكدير معاه لخااطر تشافت جيهت لباب لقاات غالي متكي علييه وكيتفرج فيهااا بزربة هبطات رااسهااا لعند انس كتلعب معااه وهوا رااه مجاش لجيهتهاا
تححط لفطوور على براا تحت شجيرة مضللة ومفرشيين تحتهاا بلفراشاات ولمخااد جرات سلمى مخدة كلساات عليهاا حدا هنيية مقابلة مع غاليي لي شااد كرسيي ومكلس انس فوق رجلوو وكلتوم مكلفة بالصينيية حطات فاطمة طبسييل تاع لمسمن مدهب كيشهيي ولمرافقات دياالوو وبدات كلتووم كتفرق فكيساان اتاايي وشااف فسلمى لي عرفها مككتشربووش وقال-فاطمة مكاينش لحلييب
فاطمة-كاااين غير محطيتوش حيت كلشي كيشرب اتاااي
غالي-سلمى مكتشربووش
فاطمة-هئ مقلتيهااش
سلمى-لا لا صاافي بلااش والله
غالي(وقف)هي فطريي انمشي نجيبوو
حشمهاا بجهد ومقدات تشووف فيهم من غير فاطمة لي شافت فيها وضحكااات اما غالي راه ناض لكوزينة سخن لحليب لي فاايض ودار فييه نيسكافيي وجابوو حطوو ليهاا قدامهاا
سلمى-شكرا
اما ساارة راه هي كتشووف وتعوج فوجهاا وكتشرب فاتاااي
فطروو بلا رجال لخريين حيت فطروو صبااح ومشااو لخدمتهم كملو فطوورهم وبقااو كالسيين جنب الطبلة تقاالت كلتووم-راه لعشية غنمشييو لعند واحد لخيااط
غالي(كمش عينو)اشمن خياااط
كلتووم-اوى باش يشد ليها لعبااار ويتخيط دهازهاا
غالي-لااا عطا الله لخياطاات
سارة-تت راه هوا لي كيخيط زوين كاع فبني ملال هوا عندمن كنخيط انااا وراه معااه وحدة هيا لي كتشد لعبااراات
غالي-لييوم زعما غيوكونو حاليين
سارة-هواا راه عندوو كلشيي غيبقا غير داكشي لبسييط فينما تقدييناه
ضحك عليهاا ملي شاافها دورات رااسها علييه كضحك تدخلات موو حدااه وسارة ركباات اللور حدا سلمى وانطالق بييهم لمدينة لي معضم الناس مزال سااديين محاليينش غير فئة قليلة لي حالة بقات كتنعت ساارة توقف قدام محاال كبيير فيه دو ايطااج كاع دهاز لعرووسة فييه داكشي علاش مساادش حييت الناس تاتبغي تقداا لعراساات
غالي-دخلوو نتومااا انبقاا انا هناا
نزلات ساارة وتبعاتهاا سلمى جبد غالي لفلوس وعطاهم لموو وقال-هاا باش تقدااو لخصاتكم شي حاجة قوليها لياا
تخنقاات بجهد او وجها ولاا حمر وعنقها تشد من اللور وهوما كيحطو ويستفوو ويعطيوها تقيس بحال شي مانكااه بلا مياخدو رايهاا جات اسية خددات ليها لعباار لقفطان فجوهرة بالرااندة وجلابة بقفطانهاا فلكروونة مشاات جيهت الصيكان تاتشووف فصندالة عالية فلبيض وصاكها عبارة على بووشييط طويلة شووية وساامبل تجات ساارة وهزات صبااط تاوع لعراايساات لي تيكون فيهم صقلي يا اما بيض ولاا صفر ب صاكهم وقالت-قيسيي هاداا
سلمى(كمشات حجبانهاا)لااا مكيعجبوونيش كيجيوني عرووبيين لكنت انشري شي حاجة ونلبسها نهار واحد هي بلااش(هزات الصندالة)عجباتني هاديي وصااكهاا كيتلبسو فكلشي ماشي غير مع لقفاطن
سارة-بشحال ارضوان هادي
رضوان-هيا وصااكهاا خمسميات درهم راه كاليتيي زويينة هادييك
سارة(شافت فيهااا) شوفي خوديي ليك منهادوو لي يمشييو فدهاااز فهمتيي واش حيت ماشي نتيي لي كتعطييهم من جيبك متشوفييهش سااكت لييك تنووضي تحلبيييه هدشي لي دينا ليك لمخيرة هنا متشرييه وزايداها بصندالة بعشرالااف واش تاتفكريي لييه ولاا باغة هي تباانيي وتزمريي متمريضينيش فمخيي عفااك
سلمى(تاتبكيي وضرباتو لصدروو بعداتتوو وكلساات)اهئ اهئ هياا بصح مباغينيش هي مبزز علييهم ياااك هي وتنقوول انا مالهم من لخطببة مهدروونيش كنت تنقول هي كيجيب لياا الله
وقف طالع لييه الزيييت كيتفركع فرااسو حل لباب وردخوو ونزل فيين كانو مجمووعين فالصاالة وحاطيين دهااز فوق الطبلة تيقلبوو فييه تدخل عليهم وشااف فساارة وقال-واش هدشيي لااش مسييفطك هااا اش دييك لهدرة تاتقولي ليهااا واش نتيي مريضة شوية لااا
كلتووم-ياك لباااس مالك
غالي(شافيهاا)اش قلتو ليهاا لي خرجات بغات تموت من لمحااال واش كاينة شي بنت فالدنيا تاتبكيي نهار بتختار دهاازهااا شريووو ليها لي بغاااات اش قلت لييك اميي اشش علااش انا كنوصي من صباااح لبغات شي حاجة شريهاا وهنيييو السووق لااش تاتشدوو لعكسس لاااش
ساارة-مشاات خوات ليك لمزييودة من درووك
غالي(شاافيهااا)نتيي بغيت غير نفهم اش عندك فدااك لقلب الله وعلم اشنو لي معاجبكش فيهااا شنووو (زاد فحدة صوتوو تاتخلعاات شيماء وبدات تاتبكيي)تكون كيمبغاات صفرة ولاا حمرة واش شغل شي حد انا لي غنتزوج بيهااا ماشي شي حد
كلتوم(عمرها شافتو هك ولات هي كتساايس)اش كلتي ليها نتييي اللفعة
سارة(بلغوات)واش غير لي ملقاا ميديير يجي يخراا عليي اناااا هعوموو بحركم نعل لي بااقي تسووق لشيي حد اش قلت ليهاا اناا كااع تنخمم لييك غادياا لصنداالة بعشرلاااف وخة تكون كطبعهم متشرييها لفشوش لخااوي
شامة-نعلوو الشيطااان ويليي واش كاين شي حد كيداابز على دهااز راه فاال خااايب
حركات راسها باه ومشاات هزات لكسوة وخرجاات لدوش لبسااتها وغسلات عنقهاا من الدم وبدلات يلينيكس لي عمر تدخل غالي لابس علييه هبطو بجوج شاد ليها فدرااعهاا براسو مبقا عندوو خاطر لتا حاجة حل ليها الطموبيل ورجع عند موو خدا من عندهاا لفلوس لي شااطو ليهاا خشاهوم فجيبوو ومشاا شد طرييق لبني ملال مع غرووب الشمش شدها طوالة توصل لبني ملال ودخل فنطااق لفيلات فريااض السلاام عاد وقف قداام كلينيك حل لباب ودار عند سلمى بالزربة حل عليهاا وشد ايدهاا ودخلوو لريسبونصابل فين كانو جوج بنات كالسيين
غالي-فف عفاااك لمدام رعفات ومبغاش يحبس ليها الدم
-ميكوون بااس اط نعيط على دكتوور اجييو معايااا عفااك
عيطات على طبييب وداتها لغرفة لفحص تجااي طبيب ناشط كيدندن كبيير فلعمر ولابس لبسة فلزرق دخل ولقا سلمى كالسى على لكرسييوهازة رااسهاا دار ليكاات وجاا عندهااا كيضحك-الله الله شي حيط هداا خرجتي فييه
سلمى-لاا كنرعف بزاااف(غلب عليها لبكااا)وداباا مبغاش يحبس هئ هئ
-انحبسوو والديييه هي متبكييش ههه (شاف فغاليي حدااه)انكويي لييها لعرق يااك باش يحبس
سلمى(شهقاات)لا لا عفاااك كنخاااف هئ هئ غنتحرق
غالي-غي تهدنيي اسلمى مغتحرقييش
-راه غنكوييه بلييزر مخفتيي وااااالوو دداكشيي دغياا متحسييش بييه (شاف فغاليي)وخة تخرج اولدييي وخلينيي مع لمريضة لبكااية
غالي-هادي عين اسردوون معرووفة هناا غتلقاايها عامرة حيت مبردة فهاد الصيف كلشي كيهبط ليها كاين لي كيجيب غدا ولا عشااه ويكلس هناا
سلمى-وريتيها ليا فتصااور ولكن فينهوا الشلال
طلعو فوق قنطرة وتحتهاا لمااا وشجر ولكازوو ولكرااسة طالعين فدريجات تهزات رااسها فجبل لي مقابل معاهم وقالت-وشنو تمااا ديالاش داك الضوو
غالي-(هز رااسوو )هدااك هوا لقصر
سلمى-نطلعوو ليه
غالي-نوو خلي تال بنهار منقدرش ندييك لتم فهاد الليل تيكون لمنضر زويين ميي لبراهش عطاهم الله
بدا كيبان لييهم الشلالات صغاار لتحت طلعو درووج والدنياا عامرة وشطييح من بعييد كل واحد مقصر كيبغاا حتى وقفوو قدام الشلال لكبيير لي كانت الناس حداه تاتصور قرب ولييه وطلاات وحسات بلبروودة ونداا كيطييح عجبها ضواو تم ولخضوورة
سلمى-اش باقي لفووق
غالي-تماا فين كاينة لعيين لي كتكب فهادشي كلووو لي شفتي ههه
سلمى(جراتوو)هه جي نشوف عجبني هنااا وااعر
طلعو تاني تالفووق سواقي تاع لماا كتكب فالشلاال ولفووق كانت لعويينة تاتكب ومنها النااس تاتشرب شدات سلمى كاس وشرباات لقاتوو بااااارد وحلو عكس لما تاع الروبينيات تيكون فيهم لكلور عطات لغالي حتى هوا شرب وحط للولد جوج دراهم فالطبسييل وجرها حيت لصقات مزال باغة طلع تاني لفووق فين كان هي شجر وهوما غادين بان لييهاا راجل كيبيع لبراصلياات تاع لخييط من صنع ايدو تيكتب فيهم سمياات جراتوو تانيي
غالي-كاين لي كيجي يتصوور هناا تا شاامة تصورات هنا نيت غير لي بغا ماشي كلشيي
سلمى(بقات كتشووف فيهم كيتصوروو ويتبووزاوو وفرحانين)شهاوني فلعرسات ههه
غالي(بهمس)هاهوا قرييب عرسك ارا متشهاي ههه
سلمى(هبطات راسها كضحك وصورهاا كالسة فلحيط لي كيطل على شلال ساهية لتحت جاتها زويينة ورجع عاود صورهاا فحضنوو عاد هبطوو ورجع صورها تاني عند شلال تاتبووزا وتخرج فلساانها وهوا غي كيضحك عاجباه بهبالهاا وملي مشداتش فخاطرها كتر
رجعو ادراجهم مساخيااش بلبررودة ركبو فالطموبييل ورجع ادراجو حيت مبقا لقدام هي جباال دخل لمديينة لي تهياا عامرة كلشي خارج فهاد الصهد وقف قدام لمحال لي تقداو منو صباح وشافت فيه سلمى وقالت-لاش جينا هناا
غالي-غنشووفو داكشي لي بغيتيي ونرض ولييه داكشي لاخر
سلمى(ساطت)غالي واش كتفكر صااافي راه تداكشي لي خدااو زويين
غالي-مي نتي مبغيتيهش وداباا غتنزلي اتختاري لي عجببك
سلمى-غاللي انا مبغاش صداااع ومبغاش نشد الضد مع شي حد الللي عطا الله عطاه درووك تحاجة مغترجع اللور صاافي غالي(تنهد)حبيبة راه غير مرة وحدة غنتزوج ماشي عشرة وتانتي هكاك بغيتك تاخديي كلشيي على رااحتك ودوقك
سلمى-لااا مغناخدش باقي دهااز بلا متحااول من اللول خلي ماماك لي تختارو بلا منجي اناا ونصدقو فهادشي كلوو
غالي-داباا بغيتي تخليني تا انا بخااطريي نزلي خوديي الصندالة لي عجبااتك عفا حبيي وخة
قيساتها جاتها عباار مع رجيلاات كان كالسة وكتقيس فيهاا وتحناا غاليي على صبااع رجلييه وسد ليهاا لبزيييم فجنب وهز راسوو فيها كيضحك-هز رجيلات عندك حلوييين المشيشة ههه
سلمى(عوجات راسها بدلع )غاليي هههه
طلق من رجلهاا او وقفاات شادة فايدوو وكطل على الصندالة كي جااتهاا وكتاخد رايوو فلاخيير تصااوب مع مول لمحل وخداهاا هيا وصااكها عاد رجع لخااطر والضحكة وحفرة الزين لي تاتهبلوو
كلتووم-عفرييتا هادي ويني راه انا براصي خلعاتنيي كتشرشر بدماياات باطلها شحال حاار الله ابعد بلاها على بلانااا
شامة(دخلات)شكون هاديي
سارة-سيري شوفي صحيبتك اش شراات
شامة-صندالة وصاااك فلبيض عاد وراتهم لياا فنين
سارة-حلفي بالله بنت لحراااام مامشات تشرااتهااا تبحليسس يختيي
كلتوم-هادي السانتييم متخليه لييه
شامة-رااجلها اويليي واش منيتكم ويلي الشيطان لتزيدوش فيه
سارة-بزعط لرااجلها لخلا وجلاا
ف حين سلمى من ورى مورات الصندالة ل شاامة حطاتهاا ومشات لدووش غسلات عليهاا وشعرها لي مشا السوشوار بلماا هزات سيرووم رشاتو بييه باش ميتشوكش بلجو ناشف ودخلات لبييت حيدات لكسوة ولبسات السرواال يالله بغات تلبس لفووقاني تحل لباب تشهقات وغطات صدرها بتريكو تلقات غاليي كيشووف فيهاا
سلمى-ففف وخرج خلينيي نلبس
غالي-علاش ههه انا منشوفش زعماا
سلمى(حشمااات بجهد ورجعات اللور تلقاات لماريو موراهاا وغالي قباالتهااا حط ايدو فوق لماريوو فوق راسهاا وبغا يجر تريكوو لي مخبية بيه صدرهاا )تت غاليي ولاا
غالي-مبغاش نقيسوو خليني هي نشووف بعداا
سلمى(حركات رااسها بلاا )تت
ضحك وحط ايدو فوق لخيوط تاع السوتياان والديباردو اول مرة يشووف كتافها عرياانيين نزل بوجهوو وبااسهاا فكتفهاا وطالع مع كتفها بوساان تلعنقهاا وكيشم فشعرها ويتنهد دور ليها وجها عندوو وطاح على شفاايفهاا مبقااش بغا ينووض بااقي (هز راسو بمشقة الانفس كينهج لقاها مزيرة على داك التيشوورت بغات تقطعوو عض على فموو وقال-لهاد الدرجة كتخاافي منيي ولا غير كيجيب لياا الله
سلمى(بتوتر)هاا نن لاا لاا علاش انخاف منك
غالي-شوفيي نتيي (قرب ليهاا وباسها فحنكهاا وداعب نيفو مع نيفهاا)واش غنكلووها غير بوساان همم مغتحنييش فينا زعمة
بقاا كيشووفيهاا شحاال عاض على جنب فموو وصباعو كيخبطوو على لماريوو كيتسناهاا تهدر تعياا وتنهد وقال-لبسيي حواييجك
خرج هوا دخل لدووش وهياا لبسات داك تيشوورت دغياا وصلات عليهاا لي فاتهاا دخل لقاهاا كتصليي مشا هز لفووطة مسح لحيتوو وشعرو باش يصلي هز سجادة خرى وخرج لبيت اخوور خاوي صلا على خااطروو في حين سلمى هضرات مع دارهم ابييل فيدييو وضحكاات معاهم تعياات عاد نزلاات لقات غالي نزل شافتوو كالس قدام لباب فوق لكرسيي ومحنيي كيلعب مع شيماء لي قدام رجلييه ويكعنكش فيها فشعرهاا كلساات سلمى حدا شامة تجات فاطمة حداهم
شامة-(بهمس)اش بقيتو كديروو لفوووق تعطلتو ممم
سلمى-هه والوو والله هي صليينا
فاطمة-اش صليتو النوافل ههه
سلمى-ههه والله مكاينة شي حاجة
فاطمة-ولكانت كاع راه رااجلك الهبييلة تصيبيي محنااه لي صاابر عليك تالداباا
شامة-هه الله اجعلني نتييق ميمكنش ديما بجوج فكازاا
سلمى(حشمات)واش حماقيتتو هه باقي لحاال (شافت فشاامة)ياك نتي درتي لعقد وعلا شحال باش تزوجتي
فاطمة-هههه هادي راه نهار تكاتبوو طير ليها لبلاكة
سلمى(شهقات )حلفيي ويليي وملكم متصبرو تالعرس
شامة-قالياا يالله نشرييو لخااتم ومشييت معاه تصدقناا دايرين شي فشي ههه مي تاتكون بحلاوتها فلعرس تاتكوني عيااانة ومعصبة كيقتلووك هي بجووع الله احفض ملي كيجي الليل تاتغي هي تحطي رااسك تنعسيي
سلمى(شافت فغاليي لي كيهضر مع خوتو بعييد ومشافش جيهتهم كاع بلا متحس قالت-يكون تقلق
شامة-شكون
سلمى-لا والوو هههه
بدات كدور فراسهاا بمعنى عقنا بييك قلبوو لموضووع وهيا تاتفكر غير فيييه اما ساارة راه تاتاكل زريعة فلبييت تاتفرج هيا ومها فشي فييلم
شدها جوع وناضوو لكوزيينة كلات شوية من لعشاا لي خلااو وهوما كيهضروو دخل تغاليي تهواا تعشاا معاهاا بلوقفيية وبدا كينقي فالدلااح كيهز عينوو فيها بتقالة كيلقاهاا تاتشووف فيه وترجع تبعد بلا ميهدروو ولبنات اللور حاضيين الدييكور وكيفرنسوو لبعضيااتهم
هز كاست لماا وخرج من بعدما قال تصبحو على خيير ليهم كامليين بقاات سلمى هي تاتشووف فرشوو لبنات لفووق بتلاتاا فالدار لوسطانية باردة شويي كل وحدة نعساات ولدهاا وشدوها لجمووع دارو سلمى لوسط وكالسيين عليها
غالي(ضحكاتو وهيا جرااه فدرووج تكالااها مع الدرجة كيضحك وقال)وانا مكنحمقكش معليااش الله انا هههه
سلمى(بدلع)تنتاا كتحمقنيي
غالي-ممم شنو كيعجبك فياا
سلمى(ضحكاات )كلشيي شعرك عينييك ولحية مم فمك ههه
غالي(قرب ليهاا)هيا لعطيتينا باش نبداو صباحناا ههه
سلمى-حبساتو فصدروو كضحك وهوا كيقرب ويها كدور فراسهاا تبااسهاا بزز عليهاا وتاتهدر بزز من وسط فموو)ويااله دينيي بارااكاا واش مكتشبعش
حبس كيضح وكان مزيرها عندوو يالله بغا يعاود يبووسها تشااف مرات خوه وساارة لي خرجوو عينييهم وححشموو دفعاتو سلمى من عليهاا حمرة كي مطيششة وهوا رااه حك لحيتوو وعطاهم طرييق بااش يدوزوو دازو لبناات من وسطهم هازيين شبكة تاع لحوايج ينشرووهم وتابعااهم شامة كتفرنس عرفاتهم حصلو
شامة-صبااح لخيير هههه
غالي(ضربهاا لرااسهااا )ديروو لحس شويي ههه
اما سلمى راه حشمات بجهد وتزنكاات وعطاتها غير لضحك عاضة على فمها تجرها غاليي من كتفها ونزلوو –حمدي الله محصلناش سي علال ههه غيشنق علينا ديال بصحي الله نمشيوو تشوفي لعود
نزلوو لتحت وصبحوو على كلتووم وهنيية وتمشا معاها بلا ميشد ايدهاا تمشاو لجييهت علال لي كان كيشمش فلعود وكيمشط ليه ضحك غالي وقال-مشط ليه مزياان حشومة يبقا موسخ
قربات من لعود لي شافهم وبدا كيهز فراسوو عجبهاا نقيي ولونو زويين وعندو زغب طايح على عينييه وعنقوو طوييل وقالت-وااعر
علال-كيبقيتي ابنتي شوي
سلمى(وعينيها فلعود)بخيير اعميي واش دياالك هدااا
علال-ايييه(ضرب لعود على فجنبوو)راه ملي كان صغيير وهوا عنديي
غالي-تربيتي عليه لكبدة
علال-وعلااه لاا هههه (شاف فسلمى)تركبيي
سلمى-حلف ههه وميطيحنييش
غالي-لطيحك ضربييه ههه منهناا تعرفي معزتك عند سي علال خلاك تركبي فوق لعوود
قرب غالي للعود وهزها من خصرها تركباات وتعلاات ولعود زاكيي حيت محاسش بخوفهاا منوو وتهوا تكالماا
غالي-ههه كلشي يهون على ودك الزيين مديريش فباالك خديت شي بركة من عند الرااضي نقضييو بيها توكاان نبدا الخدمة وغنبدا نرجع ليهم شوي بشوي (شافيها ورجع شاف فطريق)غير هوا بيت نعاس هوا اخر حاجة غنشرييو حتى نكملوو من بعد
سلمى-صافيي ماشي مشكييل
غالي-غير بااش يبقا ليااا باش نقضييو من بعد (هز ايدها بااسهاا)ميي غنعوضوو هدشي من بعد
ابتاسمات لييه وكملوو طرييق تدخلوو لكازاا مع وقيت لمغرب طلعو لداار وحلهاا وطلع ليها حوايجهاا وخرج بالزربة رجع عند السيد لي داير معا هاما سلمى رااه خرجات لحواايج من لبييس ولمخااد لصالوون بقات هي لماطلة تيجيي يهزهاا وضرباتها بتجفيفة لبييت وحلات لبالكوون باش ينشف تصونا ليها غالي وعلمها بليي جايبوو
كلسات فوق لبوطاجي كتلعب برجليها وكتهدر مع مهاا مجمعيين تسمعات لباب تحل ولهدرة مخرجااتش تشاافت غالي وشي ولد معااه كيدخلوو فلبيباان ولكوافوزاات جوج صغار عاد لكبيير تاع لمرااية وراس تناموسيية وسدادر علاش تحط لمااطلة عاد لمااريية وبيباانوو خرجو لمااطلة وحطوو وبدا لولد كيركب فلمااريوو وغالي كيركب فالراس تناموسية مع جنااب وكيحط فلمجوورة بلاايصهم شي ساعة وهوما كيركبوو تولااو عرقانيين لولد هي ركب لمااريوو وعاون غالي تهز لماطلة رجعها لبييت دور معااه وشكروو وخرج مع سد لباب لاح غالي تيشوورت لي ولا مرقع بلعرق
سلمى(طلاات لقاتو مشاا ودخلات لبييت لقات لماريوو مسبووغ فلكريي والنموسية حتى هياا ولمراياات نقاياا تقول بااقي جديد عمرو تستعم حسات بقبلة فراسها وهمس لييها بحب وقال-عقبة لجديد ان شاء الله
سلمى(بفرحة )ههه ان شاء الله وخة هكاك تهاداا عجبني زويين والله
غالي-فف داباا نمسحووهم غير من لغبرة تاع الشينيوور
بلفرحة عليها شمراات كتمسح وتعاود تجفاف فلارض وغاليي كيركب فطاجيراات لي مسحاتهم فلمااريوو وكيمسح لبلايص لي موصلاتش لييهم حطات لباليزة دياالوو فوق لماطلة وبداات كطويي وتحط فلماريوو لقوامج بوحدهم وسراول بووحدهم وشورطات كدالك وفاخر لباليزة لقاات شي حاجة مغلفة بلبابي كادو فلبيض كمشات عينيهاا وداكشي كيتخشخش هه معرفات اشناهواا تدخل غاليي وشافت فيه
عشقك جزائي الجزء 17
محتوى القصة
التنقل بين الأجزاء