شدات من عندها بوطة ومشاو بجوج لطموبييل وحدة حاضية ولخرى حالة لبالييزة لقات لي بغاات سليبات سلمى لي عاد حطاات هزات واحد منهم ورجعات كلشي كيف كاان وسدو لباليزة حطو لبيض وسدات الطموبييل ودخلو حطو سوارت خبات داكشي فميكة وهزات لفلوس لي عطاتها مهاا وقالت-الى محيدت ليها داكشي لي فرحانة بيييه منتسماااش بنت لكلبة موكلااه
اما سلمى وافة قداام لمرايااا حالتهاا حاالة بمعنى الكلمة مشا لما من لوجه الصاالة قطعاتهااا حالتها هملاتهاا شعرهاا تشنتف ومشاا لبريق منوو ملقات متمشط فيييه
-داباا غنشدوها عندنااا واحد تلتياام سيمانة على حسب تولي صحتهاا بخييير درنا ليها غسييل لمعدة وغتبع دوااى تيدوب داك لميكرووب سيفطا ليها التحاليل لنلقوو شي حاجة خرى حيت صحت بنتكم مكتعجبش
كلس كمال فاشل شاد راسوو وديمنة حداه تاتبكيي وتندب على بنتهاا
ديمنة-هئ هئ الله اربي هدشي فين كان مخبي ليهااا وخة نكونو ساددين عليها ميوقع ليها هاك
كمال(كيشووف قدامو وعينيه لاصقين فنقطة وحدة متحركش منها باقيي تجمع لوقفة دغياا عرفاتو ديمنة ناوي على شي حاجة شداتو من دراعوو وقالت-فين غاليي
كمال-غنسالي هد لق''' لي دخلت بنتيي ليييه برب لمعبوود يبقا فيا عرق واحد كيضرب لبااقي رجعاات ليييه (خبط ايدو مع لحييط)بنت وحدة لي عنديي غنضيعها من بيين ايديي نعل ز''' بووه
غالي(حيد التيليفون من ودنوو مشوش كتر وزاد فالسرعة شوية وهوا علاين يدخل لربااط )ياربيي تلطف ففف
دخل لربااط ومشا لكلينييك لي فيه نعسات سلمى اخر مرة عرفوو ولقا الطموبيل تاع كمال قداموو خرج وصووناا لكمال معارف اش وااقع قطع علييه تشافو خارج وجهوو حمر من لكلينييك مزال مهدر غاليي تلقاا كمال كشاكشوو خارجيين
كمال-وااش هكاا عاطيييك بنتيي هاااا واش سااخي بنتي باش تكرفصوو عليها كيما بغيتوو
غالي-عمي فهمني اش وااقع
كمال(بلغوات)ماا عم حد مااااا عم حد بنت وحدة لي عنديي حيدتهااا من لحمي ومديتها لييك كيف شي وردة (اشاار بايدوو لكلينييك)دوووز تشوووف كيولااات دااابلة ميتاااا
غالي(سمع ميتاا طاح ليه لما فركااابيي بغاا يدووز فكمااال تجرو من دراعو)فيين سلمىى فينهايي الله اخلييك نشووفها ونهدروو عفاااك
غالي(كينهج)سي كمال نبعدو منهناا ونهدرو بخااطرنااا بلا غوااات حيت مغنوصلو لتاا حل
كمال-مبقاا بوو حل اسيديي لي لقااكم غيفرقكم ونبينا عليه السلام
غالي-فنضرك هداا حل تفرقنيي عليهااا
ديمنة-غالييي عييت نداافع وندير مبررر ولكن راه من نهار دخلتو لهاد زوااج وهيا اللور اللور مبقاااتش باغة صاافي كل واحد فيكم يشووف طريقوو
غالي-سلمىى مراااتيي وتااحد مغيحدها ليااا نكلسوو اسيي كمال اطاابل ونشرح ليك لمشكييل من اللول ونتاا فهم
كمال(باقي تيقوول مرااتي (مسح على وجههوو )كوول كنسمع (شاف فديمنة)دخليي شوفي واش يخلييك داك لحماار تشووفيهااا بقا هي يحسنيي تهوا على بنتي منشووفهااش
مشات ديمنة داخلة بقاات كطلب فطبيب لي تهوى صديق لعائلة بزز خلاها تشوفهم كيحاسبهم على حاالتهاا المتدهورة لابع حد دخلات لشومبر لقاتهاا ناعسة جسم هزييل ضلوعها تحسبييهم عينيها دخلوو وجها مشاا شااحب السيرووم فايدييهاا وناعسة كلسات حداها تاتبكي وتقوول مبكييت وكتحسر على لوردة لي كانت فحضنهاا ومداتها لايد خرى
اما غالي راه بلغدايد خوى لمزييودة كاملة لكماال بلاا ميحشم ولا حتى يقوول بااهاا خلا كمال هي كيشووف معرف ميقوول
غاليي-عميي راه درت جهديي معاهااا مكنهضرش مخليها على خااطرهاا قلت يمكن ستريس تاع لمتحانااات ولاات كلمة جوج كتشعل كلمة جوج تاتبغي تخلق مشكييل من والوو عيييت معاهااا كوليي غتمرضيي كولييي ديتها لطبيب مخلييت مدرت معاها ولي فراسها فراسها خليتها على خااطرها مبقاتش كدخل لداار تالعشيية ومكنقوول والوو غير باش تبقاا على خاطرهااا جيت نهدر معاهااا صدقناا منااقشييين وعليها جاات
كمال(تنهد كيحك فعينوو)هدشيي كلوو واقع علاش معاودتييش لياا من اللول علااش خليتو هدشي بعييد علينااا كاع مكنا غنوصلو لهاد لموااصل
غالي(رجع شعرو اللور متحسر )عمري ضنييت غنوصلو لهادشي كنت تنقوول مسالة وقت وغترجع كيف كانت من قبل غير كضحك خاصها غير فين تلعب وفين تخرج (عض على فموو مدور راسو لجيهة لخرى ساد عينييه كيتنهد تصونا تيليفونوو مرارا وتكرارا بلا ميخرجو من جيبوو
قطع عليهاا الارض كلهاا كدور بيه داز فكمال لي كيسوولو اش واااقع مجاوبش جبد لكونطاكت من ديبو بلكشاايف مامتحكمش فايدوو حاول مامرة ماجوج يديروو فلباب غمض عينييه باش يحاول يتحكم فشوية لعقل لي باقيي صااحيي حل طموبييلتوو وركب ودورها فلبلاصة وفمو غير ميمكنش
شافوو كمال هكاك عرف القضية كبييرة وحالتوو خلاتوو بلا هواه يتبعوو ليصدق مجبد فطرييق هز طموبيلتو هوا الاخر وتبع غاليي لي كان غادي بلا عقل ريقو نشف وفبالو غير يكدب هدشي لي تقال عاد دااباا
دخل لكازا بلا مينتاابه لكمال لي ورااه وقف قدام داروو وحل لباب وطلع كيجري بلا ميسد طموبييلتوو حل لباب تاع الدار وخلىى السارووت فلباب تطلع كمال دفع لباب بشوي سمع لخبييط خداوه رجلييه تالبييت لقاه جار لماريو من واحد لقنت ومحني على ركابييه كيجر فواحد لقنت تاع زلييجة كانت مشقة بقا عليهاا تحيدهاا ولقااا لي عمروو طاح ليه فلبااال
كان عاطييه غالي بجنبو كالس على ركابييه شد راسوو بايدوو وسمح لدموعوو تهبط دمووع لخبيبة الانكساار لجرح الغمييق امك تم امك تم امك تقتل رااسك بيدييك وميكونش لي قتلك مك لمراا لي ربااتك كبرااتك يجي نهار ودير ايدها فايد الشيطان بااش تخلي حياتك وتهدمها كيف بنااتهااا
كمال مقربش دموعوو كانت كافيية تورييه بليي مو سباب هدشي كامل كيبغي يهدر ويرجع يسكت رجع ادرااجوو فقلوو شااعلة عاافيية مبغاتش تطفاا وعينيها مناويينش خيرر شدها طرييق وحدة تالربااط ونيشان لكوميسارية
اما غاليي خرج من الدار فمو ناشف عينييه حمريين كتافوو طايحيين ركب طموبيلتوو ومشاا نيشان لعند عبد الرحمن نزل مهدود ودق فلباب تاحل علييه عبد الرحمن الاخير شاافو هكاك تخلع
عبد الرحمن-ياك لباااس غالي اش واقع
عض على فموو وجبد من جيبوو لحجااب وقال –لقيتوو فالداار
عبد(هبط عينو لايدين غالي لي كيترعدوو وغير من شكلوو عرفوو دفع لباب التااني لي كيطلع لدار لفووق واشاار لغالي بااش يطلع)ولاا يفلح السااحر حيت اتى
لخنااجر كيدكوو فقلبوو كي السم شكون هد الساااحر مييي طلع لفووق سااكت فين كان الحاج فبييت مفرش فزربيية حمرة وهيااضر بيضيين مزلعين فارجاء لبييت بلا لكتوبة تاع القران والسنة والحدييت كلشيي فواحد الركن كالس شاد التسبييح وقدامو القراان فخلوتوو تهز عينوو وشاف غالي دخل مد ليه ايدو سلم علييه وكلس متكي على لحييط مهدود
-لقيتيي شي حاجة اولديي يااك
مد ليه غالي لورقة وشدها من عندو كيدكر الله وهوا كيفك فيهاا وقال-لاااا حول ولا قوة الى بالله حسبي الله ونعم الوكييل حسبي الله ونعم الوكييل فالاعمال الشيطانيية شكون بغا يفرق جوج تناااس لا حول ولا قوة الى بالله
جاب عبد الرحمان باانيو صغيير ومعااه اورااق السدر وقرعة تاع لماا من حدا لكتووبة حط لورقة لوسط فلبانيو وبدا كيكب عليها لماار وغالي مهدر متكلم غير كيشووف وهوا باقي كيفكر بليي واحد واكلااه كي غيقدر يكوول ليهم بلي ميي مولاتهااا تهوما مسولووش
عبد الرحمن ربت على ركبت غالي وقال-يكون خيير مديرش فبالك ان شاء الله يتفك هد السحر وترجع لميااه لمجاريهاا
غالي-مزال واااحد
عبد الرحمن-فين كاين
غالي-واكلاااه
-توكااال (حرك راسوو)لاا خحول الله نفكو هدا بعدااا ويحن الله اولديي نطلبوو ربيي يجيب الشفاا
جهد سااعة وديك لورقة مرطبة فلما والحاج كيقرا عليهاا اياات من القراان حتى داابت داك لكتبة لي فلورقة ورطاابت وهبطات لتحت ورقة بيضة
عبد الحمن-هد لماا غتخوييه فشي بلااصة مكيدوز منهاا حد والدار ترقى لربعين يوم كيف قال ليك لوالييد تبقى مرقيية مدخلها لا موسيقى ولا محرماات غيخدم فيها غير لقراان لا غير
عمر لييه داك لما فقرعة مخلى ولو قطرة وحدة ومدها لغاليي خرج شادهاا وشد طرييق داارهم وصل لباااصة خاوية وتمشى مساافة وضلام بداا كيطييح رش داك لماا تمبقاا فييه والوو ورجع ادراجو لطموبيلتوو وكمل طريقوو لداار
لقا لباب محلول والراضي واقف عند لباب هي شاافووفمو بيض وجهوو صفر عرفها غتنوووض نزل من الطموبييل بلا ميقول تكلمة تلقا لييه الرااضي حاابسوو
الراضي-عفااك اخويااا دير عقلك غالليي شووف فيااا غاليي رجووع الله اصااحبي رجووع الله
غالي(دفعو معصب)قود عليااا هد السااعة راه فيا لي يفرع كلشي
على غواتوو خرج علال حفياان من بعد مكان تيصليي معرف ميديير دارت بيه الدنيا واش يخبيي كلتوم ولا يحبس غالي لي كشاكشوو خارجة تدفع الرااضيي خلاه طاايح وجااي عينيه خارجيين كيخلعوو شدوو علال من جييه والرااضي تاابعو تغوت
عيااو محامين علييه بتلاتاا مخلاوهش يتحرك جيهت لباب وفاطمة شفاتو حالتها وبدات تاتبكي مع هنية لي سمعو غواتو وكيطلوو عليه من الشرج ماما كلتووم راه مكرهاتش عزراين يوقف عليها فهاد اللحضة بكات وندبااات وجها كلو شرطاتو وشعرها نتفاتوو
غالي(كيطلب ويرغب وكينهج)غي تخرج عندييي وغير تخرج راه مغعنضربهاااش مغنقيسهاااش والله مغنلحكهاا غي توريني وجههاا نشووفهاا
علال(عينيه دمعوو وهوا عيا يطلب فييه من ديما غالي هوا لحنين فيهم وخة توصل ليه لعضم من جيهتهم من ديما هوا الدروييش وعمر شي حد قالها فيه ناااقصة)لكنت عزيز عندك اولدي نعل الشيطااان راه عطيتهاا وتبرييت منهم بجوج
الرااضي(كينهج)عطيتهاا تمقدات اخوياا وهرباات من صباح مرجعااات
خرجات كلتوم من لبييت لي مقابل معااه تاتبكيي وشادة ايديها بجوج فوق صدرهااا وشعرها خارج من جناب عكفتهاا-ولديي هئ هئ اناا مزااوكة فيييك الشييطان غرنييي اولديي غرنيييييي ودرت ايدي فيدييه
غالي(قرب ليهاا خافت يدير فيها شرع ايدو من عينييه لي خارجيين خبط فصدروو تاتفزعاات)اش درت لييك امييي اااااش (بلغوات)اش درت فملك الله اكلتوووم تديري فياا هد لحاااالة لاا سمااحة ليييك(زعزعها من كتاافها تمشاات وجات وغوت تحلقوو جف)قتلتيييييييينييي اميييي هادي اللخرة ليك معاياا (سكت شويااا وهدر)امتاا كلااتووو هاااا امتااا(نخضخضها )جاااااوبيي
كلتوم(بلبكااا)عفاك اولديي (باست كتفوو
غالي(طاحت دمعة من عينو وهوا مخرجهم فيهااا)هدريي خلاااص
''''
فلوقت لي تناقشات سلمى مع غالي على ود سارة لي ضرباات سعد ومتغداتش معااهم تما وقع لي وقع
سارة-هادي تهبط ليها جنااب لي فايحة علينا بييهم غير هيا لي عندها صدر ولقزييبة بنت لحارم هدشي باش متلفااه واجي لمك درووك
كلتوم(بخوف)عنداك الصكعة ياكل منو ولدي راه نموت لييك
سارة-لااا غير تهناااي
'''
طلق منها مصدووم وقال-كون هي قتلتينييي ومتلحكيهاااش (شد راسوو بهستيريية)دعيتكم الله حسبي الله ونعم لوكيييل فييكم حسبي الله ونعم الوكيييل فييك اكلتووووووووم
كلتوم(كتشهق بلبكا وتاحد مقرب)هئ هئ سمحلييا انا مزاااوكة فييك راه الشيطان لعب علياا (طاحت على ايدييه وهوا متحركش كيحس بيها كتبووس بايدو وكطلب فييه متحركش دموعوو خانتوو ومسحها بضهر ايدو وبعد عليها خطوة اللور وقال
غالي-ما نتييي مييي ما اناا ولدك لكان السخط من عندك اناا قاابل ببيييه معمرك فحياتك دكريي سميتيي ولدك ماااات ونتي لي قتلتييه
كلتوم(بلغوات مبغاش طلق من رجلوو)ولاااا ولاا نموت انا مامووت نتاااا هئ هئ عفاااك اولدييي راه نموت لمشيتييي نمووت
جرهاا الرااضي من على رجلوو وهيا كتبجد ليه بغات تعنقوو السعاتيي حبسهاا وغادي نازل تسمعوو صوت طموبيل تاع لبولييس وقفاات نزلوو منها جوج وموراهم ديمنة وكمال لي نزلات كتجري من طموبييلتو عينيها كيشووفو غير ضلااام دازت فغاليي تاتبكيي وكتغوت على كلتووم طلعاات وطلعو وراهاا كمال ورجالوو
علال(ولا كلو كيترعد القضية فيها لبولييس شاف كماال وقف مقابل معااه شاف كلتوم طايحة فلارض تاتبكيي لي غير شافتهاا ديمنة وبغات طير عليهاا تحبسهاا محمد )سيي كمال الله ارحم بيها لواليديين
كمال-لوكان تشوف حالت بنتيي نتا لي غتجيبها لياا بيدييك فيين بنتك (تقلب بعينييه وغوت )فينهياا
ديمنةغوات وبكا كتجبد لمحمد )خليني نقتلهااااا بغات تقتل بنتييي هئ هئ يالشيطااانة يالسحااارة يا عديمة الضمير تفوووو عليييك هئ هئ دعيتك الله خرجتي على بنتييي (بدات كتقمش فمحمد تعضاتوو فاايدوو وطلقاات مع جراات كلتوم من شعرهاا دفعهاا الراااضي لي غير شاافوو كمال جاي لييه
علال(كلس فلارض شااد قلبوو حاسب لما داز من تحتوو وهيبتو مشاات فلبررد اما كلتوم رااه طااحت كشاكشهاا خارجيين ضارو بيها لبنات فاطنة وناديية اما هنية ملقات جهد تطلع خرجات لبرا تاتقلب على غاليي عياانة ومقاادرة تمشااا دارت جهد فوق جهدها وخرجاات تلقااتو فطموبييلتوو كالس مصدووم شافهاا ونزل حالة ليه ايدها لي تلااح فيهم بحال شيي دريي صغيير جاتو الضربة قاااسحة اضعاااف متخيلهااا
يا عزيزي اترك دموعك على قطعة من قمااشي
وبكيي فالدمووع لم تخلق لنسااء فقط
وان تسااقطت دموع الرجاال
فحتما سقطت الدنياا عليه بقسوة
كان خاصو حضن يقوليه راه كلشي غيتقااد لقاهاا السند ليه من صغروا لام لي ولات بالنسبة لييه الالة والتانيية فوحدة درف دمووع صامتة على كتفهاا تارتااح
هنية(مسحات دموعهاا)الله ايااخد فيهم لحق هئ هئ كيف بغاو يفرقوو بين الراجل ومراتوو (زادت تاتبكي)الله يااربي على بنت ومتستااهلها يااربييي اش دارت ليهم اشش
غالي(مسح عينييه بحلا الى مبااكيش وبااس ايدهااا)خاصني نمشيي اميي تهلاي فراسك راه نتي لي بقيتيي ليااا
باس راسها بحرارة وركب فطموبيلتوو متسوق كاع شنو بغا يدير كمال بلبوولييس ولداخل لي كان مروون بلغوات وطليب ورغييب وكمال عينيه فكلتوم بغا يوريها اشك يسوى ولبووليس وراه كيتسنااو غير كلمة منو
علال(تلاح على كتف كماال كيبووس ويزاوك)انا مزاوك فيك اخوييا داكشي لي خدات كافيهااا
ديمنة-مكافيهااااش غتمشيي فين تربىىى باش تعرف تحط ايدها على بنات ناااس وبنتي اعبااد الله كتموت فلكلينيك بسبااب هد بنت لحرااام لي معندها قلب على ولدهااا هئ هئ وربيييي اش من دنب دارت هد لبنت تاتخد هدشيي
كلتوم-الشيطان ولد لحرااام هئ هئ
ديمنة (بغات الطير عليهاا وحابسهاا كمال بايدو من كرشهاا تجرتلاات باغة غير تاكلها وتبرد سمهااا )سكتيييي ياشيطانة سكتييي
طاحت كلتووم للمرة التانية وهد لمرة غيباااات تاتجمعو عليها ولاادهاا وعلال تيسخط عليها ويعااود وديمنة تاتغوت عليهاا –بغييت لييك لموووت لمووت وتجيني خباارك السحاارة يالشيطاانة وطلقوونييي هئ هئ وطلقني اعبااد الله نبرد قلبيي وطلق اكماااااال
تدعق كمال بكترت الطلييب تاع علال او ولادهااا اشاار لبولييس باش يهبطوو ويمشووييو او وجه هدرتوو لعلال-على وجهك اسي علال السلام علييكم نسوبيتنا هنا سالات الله اعونكم(شاف فكلتوم)بغيتي ولدك هاهواا خليناه لييك ودنووب بنتي غيخرجوو فييك وغدا قدام الله غتاخد حسابها منك
جر ديمنة لي باغة ترجع ليهاا جرها لطموبييلتوو ركبها وسد عليها لباب وهيا باغة تخرج تسخفات على خااطرهاا وفشلات كتنهج
في حين كمال ديماراا طموبيلتو لعند بنتوو لي مليي فاقت وهيا كتسول علييهم خوالهاا لي هي سمعو لخبار كلشي جا كيجريي ومقالو ليها والوو
اما ساارة حطها لكار فمراكش فين دايرة مع فؤاد نزلات تاتقااد فزيفهاا ومشات لريستو فين كيعمر لقاتو كالس كيكميي شافها او وقف سلم عليها وقال-شنوو بغيتيي علاش مبرزطاني هد شهرااين بجي جي خلاص اش كاين اساارة واش انا منخدمش
متسوقش لهدرتهم ودخل كيقلب فلبييوت كاامليين وصلاح هي تيشووف وشامة مصدومة تي حل هد لبييت ويدخل لهااد لبييت الدار كلها فلاهااا معرفوو مالوو كان غادي خاارج ورجع شااف فختوو محرك صبعو قبااالتهااا
خلاهاا تاتبكيي مامولفش يهز عليها صوتو ولا حتى يخرج فيها عينييه معرفاات مالوو حدها صونات لساارة الاخييرة لي مكتجااوبش ورجعات صونات لدارهم لقاات الدنياا مقربلة كتر وكتر وفمهاات اش واااقع كلساات بدورها تاتندب على الشوهة لي طاحو فيهاا
شد غاليي طرييق لرباااط وتفكيروو كلوو فيهاا وف موو اش من وجه بقاا عندوو وهوا لي نفسوو حاارة ومكيبغيش بنادم يشووف فيه نااقص كيغايديير لهاد لفضييحة لي دارت لييه موو مع نساابو ربعة سواايع دازت فطرييق تيليفونو مسكتش من ليزابييل تاع خوتوو مبقا باغي يدوي مع حد
''
سلمى(كتشووفيهم كيتلفو فيهااا حسات بشي حاجة ماشي هيا هاديك من لغبرة لي داار كمال ودييمنة فخطرة وحدة-نجوى قولي فين مشااو معنديش جهد نهدر
حطهاا على سرير حاول يحكمها وهياا كتهرب لييه راااسهااا وكضرب برجليها وكتغووت مقدرووش يدكو ليها تبراا حيت خافووها تهرس من كترت التركاال تدخل كمال كيجريي بعد طبيب وتمااات فحضنوو تاتبكييي وتغوت بحال الى مات ليها شيي حد
ديمنة الاخيرة طاح ليهاا الطونسيوون فلكولوار من غواات بنتهاا
كلشيي تروون وتحاجة مبقاات على حاالهااا تهدنات سلمى ورجع وقادو ليها سيروم اخر فايديهاا وجها حمر وكمال محني عليهاا متحسر علييهاا حابس دموعو هي بلكشاايف تيمسح على وجهااا باس جبهتهاا بحب وبقاا حداهااا شاد ايدها مرة يبووسها مرة يمسح عينوو
-سيي كمال يارييت تبعدوها من لمشااكيل فهاد لفترة باش متبقااش تعاود ليها هد لحااالة ومن الاحسن تشوف ليها شي طبيب نفسانيي بااش ترتااح وتخرج لي فقلبهااا
غالي(تنهد)لكانت هاديك بنتك راه تا انا مراتيي وكتعني لياا بزاااف ومقهوور عليهااا ومقادرش نسمح لرااسي حتى نشووفهااا ولا نشووف فشي حد ولا حتى فييك حيت لي دارت هدشي ميي ماشي شي حد غرييب
كمال(شافييه مخنزر)مبااقييش نشووفك قدامي اغاليييي مبااقييش نشووفك قداام بنتييي ساليتووو ساليناااا سير شووف حيااتك وخليهااا تشووف حياتها مخدات منك غير لمرض ولبكا منهاار سناات على ديك لورقة وهياا اللور اللور ودابااا اسيديي لي غنطولووه نقصرووه بنتييي طلقهااا والله اعاوناا او يعاونك ولاا لحبس لمخيير مك غدوز فييه حيااتهاااا
متصدمش من لهدرة حيت كان متوقعها اكتر مامتوقع يهدروو نحن وتنهد حرك راسوو بالايجااب وقال-تبراا سلمى هوا اللول ولي قالتوو غنديروو السلام عليكم
مشاا لطموبيلتوو وركب كمال حتى هوا معصب مشا لداروو اما غالي راه شدها تالبحر وفعقلو غير دكريات زويينة معاهاا طاحت فبالوو اول مرة شافها فلبحر من موراا مكبراتت اول قبلة جمعاتهم اول علاقة تشاركوهاا لي كانت اللولة ليهم بجوج نقاشاات لي محدها كتزييد وهيا كتقوى
الليل طوييل ولجو مغيم على قلبوو نعس بمشقة الانفس وهوا مقاابل مع لبحر فالطموبيل لبلااصة نفسها لي وقف فيهاا ونعس فيهاا نهار مشاا يخطبها وترفض
''''
طلع صبااح شاعلة لعاافية بشمش حلات عينييها كترمش بسرعة تدكرات لواقعة وبدات كتربط شي مع شيي هدشي علاش كانت كدابز معاهاا على لبيت متسدووش وتهديداتهاا باش تفرقهم بقات كترمش فديمنة لي ناعسة عوجة فوق لفوطووي تاعواج راسهاا وفااقت كتالم
هزات عينيها فسلمى لقاتها كتشوف فيها بدون ملانح تدكر شوفة ميتاا وبااردة جمعات لوقفة دغياا متبسمة لسلمى وجات كتربت على حنكهااا
ديمة-ماما ديالليي كي بقيتي احبيبتيي مم باش كتحسيي فيك جووع
سدات عينيها وحلااتهم نافيية هضرتهااا ورجعات غمضات عينيها فخرة بقات واقفة حداهاا ديمنة كتدوز ليها على شعرهااا تدخل كمال وموو وحفيضة بلفطوور
اما سلمى راه ولات كتشووف فنقطة وحدة وعينيها بوحدهم كيجرييو بدمووع شافت فايديهاا ولقاات لخااتم حيداتوو من ايدهاا كتشووفييه تدخلات ديمنة شافتها هكاك وقربات جيهتها مدات ليهاا لخاتم بلا كلمة وضارت عطاتها بضهر
اماا غاليي رجع لكازاا وداخل لدار هي بزز تلاح فوق السدااريي بحال شيي سجين كيتسنا فلحكم لي غيخرج لييه راضي بايي حاجة غتقولهاا حتى طلااق لرتاحت فييه غيسلم امروو حيت لوجه لي يدافع بييه مبقاااش لوجه باش غيباان قدامهاا ويقوليها ا فلانة لمشكيل ماشي منيي مكاينش ردع كلشي ليييه ولي قالوهاا فييه عندهم حق استسلم تماماا لمصيير لي بااين من داباا
اما ساارة راه باقة بحوايج ديال لباارح نزلات فكازاا وشدات طاكسيي تالداار فؤااد طلعات كدق وتقوول مدقييت تحلات ليهاا مرة لباب كتعنكر وقالت-ياك لباااس مالكي فدقان لبوليس
سارة-كلمي لياا فؤااد
-يكما كالو ليك خدامة عند باااك اش بغيتيي فؤااد
سارة-شغلك (بدات كتغوت)فؤاااااد فؤااااد خرج عندي هناا ياا شماااتة (بدات كدق فلباب بجهد تدفعاتهاا لمراا لي كانت غليوضة شوي ولابسة كسيوة تاع الدار قصيرة وطالقة شعرهاا لاشقر )حيديي لنتف مك تانتيي
-هاي هاي على تنتفينيي واش كتحلوو رجلييكم تاتعياو وبغيتو صداقة ولا شنوو
سارة(طرشاتهاا)نعل لكلبة تاع مك سكتيي انا لالااك
-انوري لمك شكوون لالاات لخرىى يالقح''
طارت عليها بنتيف وسط لعماارة ولغواات ولحيحة لوجه تقمش وتاحد مهبط كاع ديور نصهم خاوي كيعمرو غير فالسفاريان فصييف تنتفاات ساارة بجهد ولخرى وجها تقمش توحدة مخلات حقهاا ولخدامة جرات تعيط لفؤااد لي جا معييط لقاهم منااتفيين جر سارة دافعهاا وجبدها معاها بطرشة وقربهاا عندوو
فؤاد-اش مزال بااقة هااا اش بااغة مزاااال
سارة(دفلاات علييه فوق وجهووو وجمعاتهاا معااه بطرشة ولقمييش من لفووق والسباان ولمعيوور )تقت فييك يالكلب ياا جيفة وضحكتي علياا الله اخرجها فسلعتك الله اخرجها فخوتاتاك يشماتة الله اعطي لمك لمووووت
فؤاد-ههه الله ارحمها ميي ميتاااااا قبل متزاد جلاخة بحاالك انا مبززت لييك تقل'' باش تجي تحلي عليياا كابيينتك هناا دابا جوج كلمات غتقوديي منهناا ولاا وجهك(جمعوو ليهاا بايد وحدةة)نخسروو لديلمك
سارة(كتبكيي)حرام عليييك هئ هئ تزوجني وطلقنيي ديك السااع غير باش ميتسمااش ولدك ولد لحراام
فؤاد-تمشي تقودي لااا سيري لصقيه فشي واحد بحاالك مامساليش لكلباات بحاالك غير لي جاا يدخل
جر لبنت من ايدهاا دخلها لدااخل كضحك وسد وراه لباب بقاات موراه تاتخبط فلباب تعيااات وغوتات تعيااات وقالت-مزاااال غتجيبك لياام افؤاااد راه انا ليي راابحة ولد اما نتاا مراابح تخريية خليك من وحدة لوحدة ياا ز''' تاشينهار تمووت فوقهم تفوووو عليييك
فراقك مر لا يستطعمه أحد سوى أنا،
أشعر بأن أقدامى لا تطأ سوى الجمر،
وحين أكون مع الآخرين وتتطاير منهم الضحكة
أرسمها على وجهى مجاملة لهم
دازت اياام لي متبدل فيهاا والوو غاليي نعازل نهاائياا على شي حاجة سميتها بناادم كيمشي يقريي ويرجع لداار يدوزو فلقراان ولعشية الصونتر كيدرووه رجليه بطريق عاد كيرجع يطييح مهدود طافي التليفوون مجاايب خباار لحد
اما سلمى متكون قل منوو بلكاد كتجاوب على نصف السؤاال وكتسهى من جديد خرجات من سبيطاار بنفس محطم الكل بااغي يدير ليها لخااطر وهيا راافضة تهدر مع أي واااحد رافضة تشووف فاي وااحد دخلت فمرحلة الاكتئاب وباغة غير تنعس وتسكت رغم بزاف تناس كيبغيوها وضايين بيها باغة غير تنفارد برااسها فقوقعتهاا وتغمض عينيها بدواياات هاربة من التفكيير ومن الاشتيااق ومن لحسرة على مافاات
دخلات نجوى بلا مادق فلباب هزات سلمى عينيها وهيا ففراشهاا مجموعة لوسط وكتشوف فالتلفازة لي شااعلى بلاا صوت فبيتهاا سدات من وراها لباب وحطات صندالتهاا وطلعات تخشات جنبهاا فلفرااش كتشوف فالتيفيي وبغات تجبد حواار ممكن تهدر فييه
نجوى-من غير سحوور (تنهدات)فنضرك نقدر نوفق بين قرايتيي وهوا ميمكن شانا هدرت معاااه فهادشيي معرفتش اش غنقوليك اسلمى ولكن جاتني فشكل نتزوج بييه من مورا هدشي لي وقع فعائلتوو او غاليي ليي معرفتش فين غيكون مصيركم نتي ويااه
سلمى(بقات كترمش فيها من مورا متدكرات سميتوو سيمانة هادي متسمعات سميتو ولا حتى سيرتو على لسان شي حد)ماشي كلشي بحال بحال
نجوى-وخة هكاك وليت مترددة فزواج اسلمى وبان لياا غنفسخ هد لخطبة قبل منصدقو فحوايج خرى مزال باغة نقرا باغة نخدم بزااف تلحوايج باغااهم تبعت لحب ونسييتهم ولكن حالتك جاتني بحال شي طرشة فيقااتنيي ورجعاتني اللور شوية (تكات على كتفهاا) نسااي هدشيي اسلمى راه عادي يوقع تجربة وداازت متوقفييش حداهااا
سلمى-ماشي لخاطريي انجوى حاسة برااسي ضعت بزاااف وتسرعت بزاااااف فزوااج عام تاع قراايتيي ضااع بحال الى كبيت لما فالرملة كنت تندابز فلحفاضة بااش نجيب بنقطة واعرة فاللخر كلشي تبخرر
نجوى-لعم جايي غتعوضيييه ان شاء الله وغيكوون حسن من هاد لعام لمهيم نتي خاصك تبرااي وتولي بخيير وترجعيي ديك سلمى ليي ناشرة زينهاا على بنات الدرب احح على لمحاسييد هههه(قرصاتها من حنكهاا))وتي ضحكي راه كاع غنموتوو
كان كمال كالس مع لفاميلة فالصالون كيهدرو على هدشي نييت تسمع الصونتي فلباب وناض يحل لقاا راجل بحيتو لبيض وهوا اب عبد الحمن ومعاه عبد الحمن بنفسو كمش كمال وجهو فييهم
كمال-سلاام
عبد الحمن-سي كمال معقلتيش علياا يمكن ديجا تلاقيناا
كمال(شافوو وتفكروو)ممم عرفتك كاين منقضييو
الحاج-جينا على ود بنتك
كمال(تنهد)بنتيي غنداويها الراااسيي اسيديي الله اجييك لخير
عبد الرحم-سيي كمااال ماشي سااهل فهاد لوقت تلقاا رجل ديين تيقة خودها من نصييحة ماشي أي واحد تجيبوو يرقي بنتك سول كازاا كلهااا على لواليد وشووف اش غيقولوولييك حنى هنا ماشيي باش نتنااقشوو حنى هنااا فطرييق لخير لاا غيير
تنهد كمال وقال-وخة دخلوو
دخلهم لصالون اخر وصداع اميين ومهدي واصل لعندوو تقابل مع الصالون لي كالسيين فيه كامليين وخنزر فيهم تا شي تخشا فشي وضربوو الطم
دخل لصالة لخرى وسد لباب لي كان كولييس وناضت ديمنة كتسنط
كمال-شنو لمطلووب منيي اسي الحااج
الحاج-نشوفوو بنتك ونعرف واش بيهااا ومناش كتشكاا
كمال-مبقاات بغات تشووف حتى وااحد اسيديي
عبد الرحمن-عيط عليهاا ويكون خير اسي كمال عهد الله غترجع بنتك كيف كانت بمشيئة الله
طلعات عندهاا بلكشاايف باش ناضت بدلاات وتوضات ولبساات عبايتها ديال صلى وتقااشرهاا ونزلات مهدودة محاملة تشووف حد دخلات عليهم لصالون حشماانة رمات السلام وكلسات حدا باهاا
الحاج-بنتي كي بقيتي شوية
سلمى-الحمد لله
الحاج-الحمد لله ولاا يصيبنا الا مكتبه الله لناا ربيي بغا يمتااحنك واش غتقنطي من رحمتوو همم
سمى(حركات راسها بلاا وبدات تاتبكيي)
الحاج-شوفيي ابنتيي ربيي معطاك امتحان الى باش يعرفك واش فعلاا مؤمنة بييه ماشي بااش تنسااي الله وتسدي علييك وتسديي على عائلتك وعلى رااسك وتمرضيي خاصك تكوني قويية وتغلبيي على لمشااكيل بااش ربيي يفرجها علييك
تنهد كمال كيشووف فيها وهوا كيمسح ليها على ضهرهاا استانف الحاج كلامو وقاال-بااش كتحسيي قولي لياا باش نعاونك
سلمى(مسحات عينيهاا)مخنوووقة ومباغة نشووف حد كارهة كلشيي هئ هئ تحاجة مبقات تاتبان ليا كيف كاانت
الحاج-لا حول ولا قوة الا بالله زيدي وشنوا خر باش كتحسي فدااتك
سلمى-كضرني لمعدة ديمة ومكنقدرش النااكل بحال شي حاجة واحلة ليا فحلقيي ونفرت من كلشيي
جبد من جيبوو زيف بييض صغير لوسطوو كان فييه طرف مربع تاع لمسك لحر نااض ومدوو لكماال وقال-كيعبك لمسك
سلمى(حركات راسها بااه )
الحاج-خوديييه وقبل متنعسيي كل ليلة غتوضااااي سمعيني ابنتيي غتوضاااي وغتمسحي بييه اطراافك كلهاا ورا ودنييك فالسرة ديالك تحت نيفك فصبعاان رجلييك فلعورات ديلك كل ليلة غتقرااي جزء من القراان وغطلبي وغتنعسي مطمنة مغيبقاوش الاحلاام لي كتحلمي بييهم كيف سبق لزوج ديالك قالهاا غتنعسي مطمنة وخة
شدات لمسك فايدييهاا وقال ليها باش دير شوية تحت نيفهاا وداكشي ليدارت بداا كيقرا عليهااا ومحدو كيقرا وهياا كتبكيي وداتهاا شااعلة بسخونة ولمعدة مروونة عليهاا بغا يشدهاا كمال من كتاافها واشاار لييه عبد الرحمن باش يخليهاااا
قراا عليهاا تسخفاات بلبكااا وبدات تاتبرد شويية حبس وبدا كيردد عليها بعد الايااات وكل مرة يوقف ويسولهاا واش بااقة معاااه
الحاج-باش حسيتي ابنتييي رتاحيتي شويية
سلمى-شوية (مسحات وجهااا) حاسة بداتيي سخوونة بزااف او عراقييت عاد معتي مقلووبة
الحاج(شاف فكمال)الحمد لله لمس لي خفنا منوو مكاااينش ولكن هد الاعرااض لي عندك الى معالجتيهم كيطورو لمس لان لمس منين كيدخل من العيين والحسد هوما لي كيخلييو لجن يطمع فالانس حيت عين خاايبة شاافت فييه داكشي علااش ابنتيي بدااااي ترقيي نفسك بنفسك بهادشي لي قلت حسيتي بقلك مخنووق بقااي ترددي المعودتاان واستغفري قدما قديتييي باش تفرج علييك العين عليناا عليناا حق ماشي كلشي كيدكر الله وتاني حاجة كليتيي شيي حاجة هياا مرضااك وخاصك تعالجيهااا
الحاج-عشووب غنجيبهم ولا تشريهم نتاا غتخلطهم مع لحلييب وغتشربهم على الرييق باش الى كانت شي حاجة غتصفاا من داتهاا نهااائياا بادن الله ولكن كيف قلت ليهاا تحااافض على صلااتهااا وقراانهااا باش ربيي يسر ليهاا
كمال(حركو راسو بالايجاب)ان شاء الله
الحاج(نااض)بعد غدا ان شاء الله غنجي فصبااح متكوونش فااطرة
خرج معاهم كمال تالباب الداار وشدوو طريقهم على رجل تخرجو من لفيلاات ولقااو غالي وااقف ملامح غير مرتااحة حيد لكييت من ودنوو وتنهد ملي وقفوو حداااه
عبد الرحمن-سمعتي كلشي على ودنييك نتمناو خير
غالي-كيدايرة هيا فصحتهااا
الحاج(بابتسامة ربت على كتفوو)غتكوون بخيييير بحول الله وتانتااا ديير لي قلت ليييك كلشي غيوليي بخيير شوية ديال صبر وغترجع لميااه لبلاصتهاا
حرك راسو بالايجااب وطلع لطموبييل وصلهم
مر شهر بااياامه والحاال ك ماهواا كل واحد فيهم فجييه
سلمى ليي بدات حالتها كتحسن من مورا الحصص لي كدوزهم شرباات لعشووف لي جاب ليها الحاج مخلطيين فلحلييب تقيااتهم تمقدااات كان دكشي خيوووط طاحو منهاا استمراات على هد لحاال كل مرة فالسيمانة حتى ولاا تقية ديالهاا عاديي وداتها صفااات ولاتك ترتاح ملي كيقرا عليها عكس لبكاا والصهدة ولات كل ليلة قبل متنعس كتقرا القران وتنعس علييه ودير لمسك لطراافهاا وكتنعس مامنة وكتفيق مرتااحة
بدات صحتها كترجع مع دواياات لي كتااخد وخة لمورال زيروو وقليل فين كتهدر ايامها كلهم فلبييت لا خرووج لا درووج داز شهر رمضاان هوا الاخير وليووم عيد لفطر كان ناعس حداها سعد لي فاق بكريي كيفيق فيهااا وكيبووس تكيخلي وجها فاازك
حلات عينيها فييه وضحك عليها وبقاات كتشووفيه وهيا كتدكر
غالي-رمضان قرب غندوزو انا والحب دياليي
سلمى-هههه نتا لي غطيب لفطوور
غالي-زعمة راه خاصك تفششي رااجلك فاول رمضان ليه وتبرعييه شهيووات هههه
سلمى-مممم وشنو غتجيب ليا فلعييد
غالي-شي مش يونس موشااا هههه اجي لحسك اجي
عنقهاا فوق لبوطاجيي كيعض فيها من عنقها وكدفعوو تصرفقهاا سعد بلغوات حيت مبغاتش تكلم لييه
كمال(بااس رااسهاا وخرج مع امين ومهديي جارهم لمصلى لعييد دااز ماشي بحال الاعياد لخرى نشااط وفرح اما عند غاليي راه كان غادي فاتجااه لمصلى وفجنبوو الرااضيي
الرااضي-والله تالعيد مخير عندكم هناا
غالي(شافييه)مفيا لي دويي الرااضيي ومعرفتش انا علاش مصبح عليا على النبووريي
الراضي-باغي نعيد مع خويااا فيها شي اشكااال تاتجري عليي
غالي(تبسم لييه ورجعها تنهييدة)لعيد عند مالييه
الراضي(ضربو لكتفو)دابا ربي يفرجهااا اخويااا
غالي-ديك خيتي عندك عليها شي خباار
الراضي(غوبش)سباح الله لاش داكرهاا كون عندي عليها خباار كون نحرت مهااا
غالي-طوال زمان ولا قصاار غتباان فين مكاانت
صلااو ورجعوو لداار لقاو فاطمة لي جاو باش يدوزو لعييد معااه موجدة طبيلة على حقها وطريقها ومجفة الدار ومنقياهااا وينيي معارفااش بليي قدما بانت ليهم مضوية هوا بانت ليه مضلمة كلس معااهم كيحاولو يتلفووه على لي غارق فيه شهراين هادي بلا جدوى كيحااسب راسوو كل دقيقة على لي وقع حتى مرض داز عندو رمضان نصوو هي فجاامع مكيدخل لداار حتى كيادن لفجر غير باش ميحسش بلوحدة والحنين
شهرااين مشاافهاا ولاا عرف عليهاا شي حاجة ومباغيش يقرب ولاا يبان فوجهم ويسمع هدرة خرى على موو حس بليي وجهو طاح فترااب وتحاجة مغتهزوو وفضل الامور تمشيي كيف بغاو هوما توحشها بجهد وبلااصتهااا خااوية مبقاش قادر يشووف حتى فتصااورها لي كل مرة شافهم كيشدو تانيب الضمير بحال الى هوا لي سحر
فاطمة-غااالي غاليي
غالي(هز راسو فيهاا)ممم
فاطمة-قلت ليك واش نزيدك اتااي
غالي(وقف)لا الله اخلف غنهبط شوييية نقضي شي غرااض ونجي
مشا بدل علييه بتيشورت صيفيي بلو مارين وسروال دجيين وسبادريي وخرج هز طموبيلتو ومشا لبلاصتوو لي ديما كيوقف فيها قباالت لبحر منو لهوى ديال سيدي ربيي يضرب فيه تيعيا ويرجع ادرااجوو
فيحيينه وما لداخل مجموعين على الطبلة كيهدرو من غيرها هيا كدهن طريف تاع لخبز بالشكلاط لسعد وسااكتة كتفطر فييه
كمال(حك لحيتوو)فكرتي فلهدرة لي لقناا لبااارح بليلل شنوو قررتيي
تفكرات الموضووع لي هدروو علييه لي كان مفاده قضيتها مع غاليي وشنو قررات تنهدات بدييق وهياا حايرة بين افكارهااا ولكن عقلهاا كيقوليهاا حبسيي وكملي حيااتك بلا بييه وقلبها مزاال كيحن لييه
سلمى-خلي لياا وقت ابااباا مزاال مبغيت نشووف تاحد ولاا نخرج
كمال-حولت لييك وراقك كلهم لهناا (جبد من جيبوو ورقة)شووفيي انفووغماصيوون كويزينيي غيبداو فهاد شهر هدااا اشنو بان لييك نسجلك كيعجبك ومنها تلفي لوق شوية فيها ست شهوور
سلمى(شدات لورقة كتقرا فيهاا )معرفتش
كمال-ماشي نهار كلوو غير ساعتيين فنهار مزيانة ليك احبيبتيي جربيهااا
مهدي-هيا غنتبرعو شهيووات تانيي هاي هايي الناس غتمجهد علينااا
سلمى(تبسماات )صافيي وخة نشووف نجوى لبغات دخل معااياا ونمشييو نتسجلوو
كملو فطورهم عاديي وكلسو فالصالوون ساكتة كتلعب مع سعد فالزربيية تدخلات نجوى بجلابة بلديية سلمات عليهم وكلسااات
نجوى(شادة لورقة)مزيااانة والله ندخلو ليها اش فيها نمشي نهرف على عبدوو ههه
سلمى-تانا عجباتنيي
نجوى-سلمى يالله اختي نخرجو عفاااك اش بان ليك نعيطو على غزلاان ونمشييو نضربو دويرة عند لبحر(شافت فكمال)عميمي نخرجوو
صمد-كاين غير فالدااار نجيو عندك ونيت تشووف سي اميير هه
غالي-جي مرحباا اصلا كاين الراضي ومراتوو
صمد-اوى هيا لجيتي لدار راني كالس مع خوك داباا هههه
قطع معااه ومشا لداروو مع حل سمع لبكا ديال دراري صغااار تبسم وسد ورااه لباب تناض صمد عنقوو باارك لييه وبارك ل ليلى لي ولدات فشهر لي ناض فيه صدااع ومقدرش يمشي عندهمم شد دريي بين ايدو وبااسو فجبهتوو وكلس كيوغوغ لييه
صمد-لكمن شاابه هاا غا انا سبحان الله
غالي(تبسم وباس ايد امير)مشابه لح هدااا زوين علييك
ليلى-ههه ياك بعدا خويااا شفتيي
تبسم ليهم ورجع سكت كيلعب معاه تعمر لييه التيشورت ديالوو بالتقيية ومدوو ليلى ونااض بدل علييه بتيشوورت اخور تلقاا صمد واقف عن لباب واشار ليه بعينيه باش يخرج ورااه
استادن منهم خلاهم كيدويو وخرجوو لبراا مشوش عند بالوو شاف سلمى وجايب خبار عليهاا
غالي-هاا يا لبااس مالك
صمد-شووف هد لهدرة لي غنقوول راه مفرااس حد ومبغيت نقولها لا لخوتك لا لوالوو
غالي-سربي اصمد اش كااين
صمد-ملي كنت راجع من بني ملال درت لمرااكش
غالي-اوى
صمد-باانت لياا ساارة(شاف عينيه خرجوو)شووف الله ارحم بااك تمشي دير شي موصيبة
غالي(بلغوات)فييين فين شفتيهاا
صمد-غاليي الله ارحم بااااك تهدن مبغيتكش دير فيها شيي موصييبة تمشيي فيهاااا قلتها حييت مرضت وانا مخبيهاا وتنشوفييك هكاا
عطاتها ساارة غير لبكاا ندمااات ولقات رااسها بووحدها لا حنين لا رحييم دفعهاا تجات كالسة ودفل عليهاا وقال-باااركة خديتيي جزااائك لي فييك يكفيييك شوفي كيديري تلقااي مع الله
خرج مخليهاا تاتبكيي وتمسح فنيفهاا لي كيشرشر وكتندب على لي طاحت فيه ولحفرة لي حفرات غرقات فيهاا هيااا وقف غاليي فدرووج وكلس فالدرجة شااد راسوو كيخمم ورجع وقف حال لباب وسمعها مزال تاتبكي وصاحبتها تاتسكت فيها ترجع وقف حداهااا وشافيها مخنزر
غالي-شكون هدااا
سارة(كتبكيي)هئ هئ واحد فكازااا كالياا غنتزوج بييك وفاللخر هئ هئ
غالي-ضحك عليييك ياااك تستاااهليي تستااهليي النحيررة من عندي انااا بغيتو كون قتلك كنتي تبقاااي فياا ونبرد من جيهتك وينيي دابااا كرهتك وبلااصتك حطيت فيها حجرة بحالك بحال مك لدرت شي حاجة داباا على ود دااك لي جا وسطكم باز لووجهك (مسح على وجهوو)فين كيسكن هد خيناا وفااش خداام
سارة(كتبكيي)مبغيت منو والو اخويااا صافيي
غالي(بلغوات)مخوووكش انااا هد لخير لي غندير ماشي ليييك لدااكشي لي فكرشك اما نتي وياااه جهناام وبيئس المصييير فووتوو هيي كريي دعيتك الله اساارة دعييتك الله كيف شتتي لديلميي حياااتي عمرك تهنااي فحياااتك تفوووو على الدم ليي تشاااركت معاا طااسيلت مك تفوووو
سكت كيترعد عليهااا عطاتوو لعنوان ولبنت هي كتشووف فييه خافت تهضر يشركها معاهااا وتصدمات ملي شاافتو كيخسر لهدرة لختوو عرفاات دعوتهم حارة وهيا لي مفراسهاش اش وااقع فراسها غير حمل ساارة قررات ترجع اللور بيناتهم عطاتو ساارة لعنوان ولكارط تاع خدمتوو باقة عندها كانت ديجا حيداتها ليه من لبزططام فيها كلشيي شدها من عندهاا بزعفة وبغا يخرج تطاحت على ركابييها قدااموو
سارة-غاليي انا مزااوكة فييك راه لمسمحتيي ليااا عمري نرتاح فحيااتيي
عطاه لعنوان فين غيكوون وبعد غاليي على لمديينة شوي او وقف عيط لرااضيي لي جا فطموبيلتو مفاهم والوو عاود ليه لباان كلو لي وقع غوت تعياا وسب وعرعر فلخر تكاالمة بلكشاايف وركب فالطموبييل كيتسناا ف فؤاد يشرفهم
فؤااد-اييه هواا انااا (قرب بغاا يمد ايدوو تلقااا غالي دخل فييه بوونية ومع على غفلة زلق فلحجر وطااح )وشاف فغالي)واش معارفش رااسك معامن
غالي-مععامن مع نعييوة كيضحك على لبنااات هااا(شدو من لكوول ولصقو فطموبلتوو كيدخل لييه فبونية وراب ونية مغيدد كان خاصوو فين يخويي مشاكيلوو وصدق فؤاد مخلص عليه وعلى غيروو)دويي الكلبب هاا
فؤاد(تعصب وهز ايدو دخل فوجه غاليي تبعد عليييه )شكوون نتااا هاا جاي هاجم عليااا مكااين مخزن
الرااضي-لمخنزن اولد لحراام هوا لي غندييوك لييك باش تعلم دير ايدييك فبناات الناااس اجلااخة
فؤااد-يكما نتوماا من جييهت ديييك ساارة ايدييي انا مضربتهااش على فمهاااا فاش تنعس معايااا هياا لبغااات وتحلاات وزايدوون شكون ضمن ليااا راه كانت معايااا ملقيتهااااش بنت
فؤااد(بداا كيشووفييهم الى قال لااا غيعجنووه وهوا كل واحد فييهم عاامر غير دقة من الرااضي لي ايدييه قااسحات بلخدمة ولفلااحة تجيبوو منشوور شهرااين اما غالي بااينة فعينيه حااقد على لوضعية ومعندو ميخسر)ص صاافي هيي طلق اصااحبيي (دفع غالي علييه وودفل الدم لي تجمع فموو )
الراضي جاي ليييه وحبسوو غالي وقال-تنين وطلع رااجل غير مرة فحيااتك راه نلقاك نلقااك هاا
دفع الرااضي لطموبييل خلى فؤااد كيلعن ويسب على نهار ليي دخل فييه فغولااصيون مع ساارة ركب فطموبييلتو مغييدد هوا من النوع لي مدوز حياتو غير فزهو والنشااط مباغيش يتربط ولاا يربط طاالقهااا ولاعب بلفلووس او واكل عقووول لبناات لبهلاات
رجعو فطرييق وغالي شااد كلينيكس كيمسح فنيفوو والدقة فجنبو عاطيااه صدااع والرااضي ولا حمر وعرق جاي وتيسب فساارة مخلى لاا فيها غير لنسااا
طلعو لداار لقاو صمد مزال كيتسناا هي شاافو وجهوو عرفوها مضااربة مبااغي يهدر مع حد داز نيشان لبيتوو وسد لباب وكلس لايح التيشوورت وجنبوو عاطييه صداااع تكاا على لمخدة وحس براسو ناعس على شي حاجة قااسحة تهز وجبد لكادر تاع تصوريتهاا بقا كيضوفيهاا شحال وديك ضحيكة لي توحش ولي كيشوفها وكيرتااح تنهد بعمق وحطهاا فلكوافووز حدا راسوو وغمض عينييه
بلكشاايف جرات نجوى سلمى تالجيهت لبحر لبساات كسوة صيفية موردة طويلة وفووقهاا قميجة تاع دجيين وشال خفيف بلون صيفيي خارج شعرها من لقداام هازة صندالتهاا وكيتمشاو فوق الرملة لفاازكة وكيلوحو لحجر فلبحر كلسوو فكافيي مقابليين مع لبحر
نجوى-سلمى معطاتنيش خااطري نتزوج بولد عمتوو لنفرض طلقتوو واش غيبقا حياتو كاملة بوحدوو مغيتزوج مغيديير ولااد مغتجينيييش نمشي عند مرتوو ولا يجييو عنديي اسلمى فهمينيي
تهز قلبهااا على هد لكلمة وتغرغرو عينييهاا دغيااا وبهطاتهم مضببات كدور فكسها ورجعو سكتوو من جديد ودخلات لقوقعتهاا بينها وبين نفسها تانيي عياات وناضو شدو طاكسي لداار سااكتييين وطلعات لبييتها بجرييي تخرجات ديمنة من لكوزينة وقالت-مالهاا
نجوى-معرفتش اخاالتيي والله
--
وصل تنين ونزل غالي لمرااكش وهدر مع ساارة في حين الرااضي هبط لداار وجاب ليها ورااقها لي غتحتااج وعطاهم لغالي مباغيش يشووفها مزاال لقاا فؤااد تهوا تم عند لعدوول تجمعو كامليين تكاتبوو بزز وعينيها بااكييين وهيا كتشووف فغاليي لي وخة دارت فيه لعجب لمتعجب فكر فيهاا ندمات اشد الندم وحسات بليي ضيعاات اجمل هديية عطاها ليهاا ربيي ''الاخ'' لي كيوقف معاك وقت لحااجة ليي كيداافع علييك وليي كيديرك فمرتبة كبييرة ويدافع علييه لقتضى لحال برووحوو كانو دايرين ليها قيمة كبيرة وخصوصا هواا لي كان كيحتارمها وملي تمرد عليهاا مرضااتش ودارت لي داارت وضرات راسها قبل مضر الناااس بكات تعيااات وهوا كيسنيي كشااهد على زواجهاا حط ستيلوو وشاف فيهااا وخرج من لمكتب تاتبعااتو شداتو من ايدوو وتنتر منهاا دغياا
غالي-درت لي عليااا ماشي على ودك على ود لي فكرشك نتمناا تكوني ام مزياانة حييت مكنتيش اخت مزيااانة نطلب الله غير هدشيي لي درتيي ميرجعش لييك صرف من ولدك ولا بنتك الله اعاونك
دراتوو من دراعوو كطلب فييه-غاليي هئ هئ عفااك اخويا الله ارحم ليك لواليديين هئ هئ شووف انا مستااعدة نمشيي نبووس لسلمى رجليهااا بااش تسمح لياا هئ هئ الله اخلي لييك معز علييك سمحليااا عفااك سمحليااا
غالي(مسح على وجهوو وشافيهاا)فينهيااا سلمى هااا فينهيااا خليتوها ليااا لا نتي لاا مك كرهوتووها فيااا باغة طلبي سمااحة طلبيها من رااسك لدااباا ونزيدك ما خو حد اناا ما ولد حد
خلاهاا وخرج مشا لطموبيلتوو مامسوقش اش غيوقع ليها من بعد تحمل مسؤووليية اغلااطهااا
طلع لداارو من جديد لدار لي خااوبيية ومفيهاا حد كلس يرتاح من طرييق لي طوييلة وجبد تيليفونوو بزاف تلميساجااات كل نهار كيتسيفطو فنمرتهاا بدوون كلل عرفهاا بدلات نمرتهااا وبدلات كلشي بحال الى متقوليه صاافي نساانيي بغا غيير اشاارة وحدة منها باش تخلييه يقرب من جديد ملقاا تخيييط
تكون نساتوو زعمة كتفكر فيييه ولا صاافي محاتو من عقلهااا ومبقاتش باغيااه نهائيااا شهرااين دازت مشدهاش لحنين لييه وخة غير تسمع صوتوو بنمرة مخفيية تصوني وتقطع او حتىى فوكوونط مكانش عندوو مع لفيس ولا ديما حالوو على امل تسيفط لييه بحال كيف بدات قصتهم تقطعات خبارهم على بعضياتهمم
اما كلتووم راه طاحت مرييضة بلعصاااب محيلتها لولدهاا ولاا لبنتهاا ليي مشااات مبقاتش كتنووض من لفرااش عاطياها غير لبكاا ونديب على ولاادها فجو ج وكتزيدهاا نادية بحشياان لهدرة من لفووق كشي سااق لخبااار بلي كلتوم وبنتها سحروو لغاليي مكاينش لي مدااش سرهم سي علال ولا كيمشي لجامع ويسمع لهدرة ويطمر و لبلاصة لي تكون فيها هيااا ميكونش فيها هوااا فرق معاهاا لفرااش ولا هوا فبييت وهياا فبيييت لهدرة مقطووعة بينهم وبيين غاليي مكيهدر مع حد باغيي يبقا بووحدو وينساا شوية ولكن جرح كان فلقلب وصعيب يتنساا وخة يدوزو اعوام ماشي غير شهورة
سلمى بدات كترجع رااسها شويي تسجلات فلمدرسة ديال الطبخ هيا ونجوى كل عشية كيمشييو وكتجيي ترون لي تعلمات فلكوزيينة داز شهر اخوور لا برية لا تلفوون علييهم كالسة فبيتهاا وشادة تيليفونهاا لي بدلات نمرتوو تصونا الريفيي عندهاا بدكرى زوااجهم الاولى لي ملحقووش يكملووها مع بعضيااتهم بقات شحال كتشووف فالتيليفوون وطاحو دمووعهاا كي لحجر على خدودهاا دورات لنمرتو ب بريفيي ودغيااا قطعااات وطفاتوو وقلبها كيضرب توحشااتو وتوحشت حنانو وقلبوو لكبيير توحشاات كل حاجة فييه ولكن خوفهاا قوى وغير كتفكر لي فات كتبدا تبكي تاتنعس وفقلبها كيتوو لي عمرها تبراا..
بعد اصرراار الكل على نجوى ومنهم سلمى لي شجعاتهاا بداات فتحضيرات لعرس لي غيكون مباشرة من بعد لعييد لكبيير لي مبقا لييه غير اياام قليلة تشغلاات معاهااا من لخيااطة لحواييج لميكااب ولمااعن مخلات حتى هياا مشرااات
نجوى-خاصك تمشي لخيااطة تشووفي قفطانك واش تقااد
سلمى-لا لا راه وجد ورا لعيد غنجيبوو شنوو باقي خاصك فالداار
نجوى-كلشي تقدينااه مبقا ولاوو ففف مستريسياا والله
سلمى-مالكي داخلة على لحرب اصااحبتي راه غير نتي ويااه وحطيتو الشرووط انك تكملي قرايتك وتخدميي
نجوى-تهوى بخبييزتو تشرط تعيااا
سلمى-لمهيييم حطيتو النقط على لحرووف كون مكيبغييك مغيصبرش ونتي كل مرة تقولي لييه الله اعونك
نجوى(شافت فيهاا بغات تهدر وسكتات )ممم
لعييد لكبيير وصل او صدق توفييق معيد مع غاليي والرااضي وفاطمة ف الدار بيضااء وخة لعيد نااقص مدوزينو باش معطى الله
الراضي-مبقا فيا غير محمد هد لعام يدبح بووحدوو ههه
غالي(تبسم وهوا كالس فوق كرسي فسطح وهوما شاديين لحوليي لي تشركو فييه بغاو يدبحوه وفاطمة بعييدة كتشووف هيا وانس لي فرحان ملي دوز لعييد عند عموو
توفيق-نوض اغالي تدبح
غالي-دبح لباغي تدببح (مسح على وجهو وتااوب )مفيااش
الرااضي-ونووض اصااحبي نتاا دبيحتك زوينة راه غنمحنووه تانيي
في حين سلمى دوزاتوو بحال الى مكاين لعييد لا نص فدار جدهااا شحال تاع لبز ولهدرة وصدااع وهياا فالصالة كالسة بكسوة صيفيية قصيرة حد الركبة وشادة تيليفونهاا وفوق منها شرجم تاتلااحت فوق حجرها رجل تاع لحوليي وغوتات ناضت قاازة تلقاات مهدي غادي كيجريي وقالت-تفوو علييك الحمار سيفطاتها عليه تجاتو فضهروو ورجعات لبلااصتهاا كتسب فيييه
تفكراتوو وسرحات بخياالها لبزاف تلحضاات وقعوو شدها لحنين ليييه وقلبها عروو نسااه ولا عرف غيروو نمرتو لي حافضاها عن غيب ركباتهاا وخفات نمرتهاا ودارتو فودنهااا كلها كترعد وقلبها كيتخبط
فلمقابل كان كيسمع هي سكاات تجاها الرد من عندوو بصوت حنين بحالوو مرخيي بحال الى تبنج حييت حس بليي هيااا تنهد وقال-لخاايبة كلات ليك موشا لساانك ممم
قطعات علييه ولاول مرة ضحكااات ورجعات فيها الرروح شوية اما هوا راه بحال الى قطعتي علييه لما وضو وحتى لهوى ملي مسمعاتووش صوتهاا تبسم بجنب فموو وجبد لبراسلي ديالها كيدور فييه بين ايدوو...
هكاا داز عيدهم باجواء تاتفتقر لللحب وبعض اللحضات الحميمية كاينن لي فرحان كاين لي كيدوزها غير بزز بااش يبقاا عايش وصاافي
قرب لعرس لي مخلاهمش يدوزو لعيد بخاطرهم وبداو فتحضيراات سلمى رجعاات باش تكون مع صحبتهاا فتحضيرها من لكوافوورة لهادي لهاديي باش تكون فاحسن حالة ضارو بلحاالة قدات سلمى التقطيعة لشعرها مفقصة على شعرها لي ضااع دارت لاا صيير ودارت سوان لوجهااا باش يرجع كيف كااان جابت قفطانها الازرق ملكيي من عند لخيااطة وشرات ليه بوشيطة وصباك فكحل
لبسااات ومع عطاتها غير لماكلة ونعااس بدات صحتها كترجع وخة ماشي بحال اللول مي جاها لقفطان صداااع مع الشدة لي دارت بينها كيووت وطفوليية بدون كترت صباايغ فوجهاا
جا بات نجوى داهم مع غرروب الشمش كلشيي وااجد ولعرس بدااا وصلو لقاعة لي كان فاستقبال نجوى عائلتو توفيق وهوا متقدمهم هزات سلمى عينيها وشاافت انس
نجوى-نزليي
سلمى-هاا لا لا تاتنزليي وغندخل صافي سيريي اجوى راجلك كيتسنااك
شافت نجوى تعياات ونزلاات وبقات هيا فالطموبيل لي زاجها مضلم زاد بالططموبيل لباركك ونزل ونزلات حتى هيااا كتشووف فييهم تشدها اب نجوى من كتاافهااا وقربها ناحيية لجوق كيشطحهاا وهيا عينييها كيقلبوو وكيفلييو وسط النااس تاتلقاها باهاا حتى هواا وقال-هاي هايي والد اختي الزيين
سلمى-علاه بنتمن اناا هههه
كمال(دارها فحضنوو وفرح بضحكتهاا)بنتيي اعبااد الله بنتيي ههه الناس تاع لكويباااا انقراا علييك ليضربووك بلعيين
تلغات بتساامتها وجات بلاصتها باتساامة بااهتة ملي تفكراتو نهار قال نفس لجملة فعرس خووه رجعات تبسمات لباها ودخلوو من ورى لعروسة ودقايقيية دخلو لقااعة وركبات نجوى فلعمارية مع عريسهاا ولحيحة نااضت واقفة سلمى فباب لقااعة شادة طراف قفطانهاا قدامهاا وكتسيفط فلقبلات لنجو لي تهيا هكاك حتى قشعات شاامة تبسمات ليهااا وبادلاتها لخرى بنفسهاا ومع بيناتهم بنادم بزااف تقربووش
وقفات طموبلتو شحال قدام لقااعة ودخل داير ايدو فجياابوو من بعد ربع شهوور عاد تحطو رجليه فربااط من جديد عينيه كانو كيتحولوو من جيه لجيييه هوا كيقلب بعينييه مباغييش يدخل تالعند رجاال باش ميتلقااش مع كماال جاع ندو توفييق كيجريي
سمع لييه وسلم امروو او دخلوو شوية لدااخل وسلمى كالسة حداا نجوى فلبرزة شاافت شاامة ناضت كتزرب بدا قلبها كيضرب ناضت بلا تاكلمة كتقلب بعينيه تبانت ليها شامة معنقاه وعاطيهاا بضهر داخت وفمها نشف معرفات واش ترجع اللور ولا تكمل ضارت بيها لاارض وبغات الضور تاتعكلات وجات على قززيبتهاا وحطات ايدها على الشوك تاع لورد تغوتات
طلق من شامة ودور رااسوو دغياا تلقااهاا كالسة فالاارض وشاادة ايدهااا لي دازت بالدم من الشووك محس براسوو تكاان عندهااا
شدهاا من خصرها وقفهااا بلا حتى كلمة وتيقلب على وجهاا وسط لا فرونش لكتييرة وهيا مهبطة رااسهاا تهزاتو فيه بحال الى ضربهم الضو بجوج بملامح متاالمة من رجلهاا لي تلوات وايدها لي دقة الشووك قااسحة وهوا راه شوفتو فاضحااه بليي مشتاااق ليهاا
كيف اخبرك بأني مشتاق لكَ.
. بالطريقة التي تجعلك لا تجد من الدروب الا طريقاً واحداً إليّ...!
كل ما في الحكاية يا جوهرتيي انيي مشتااق لك حد البكااء حد الالم حد النوم بدون وعي
أقتربي مني كأنه الشيء الوحيد الذي تستطيعين فعله، أقتربي إلي كأنكِ تائهه و كأني الدليل
شافت فييه كلها كترجف اشار ليهم توفيق فين يمشييو وشدهاا كتعتر فجلايلها بدموع لي فعينيها حاضي معاهاا تدخلوو لجردة وراا لقااعة فضلاام تكات على لحييط كتبكيي ومغمضة عينيهاا قفزات مليي حط ايدوو على وجهااا وحلاات عينييها لي حرقوهاا بلكحل
سلمى-هئ هئ خلينيي نمشيي عفااك
غالي(بصوت خافت كان قرب ليهاا شم ريحتها وهوا يدووخ)مبغاش تشووفينيي اسلمى شنو درت لييك هاا (زادت فبكاهاا)شش بااركة متبكييش دموعك هوما لي مرضووني فصحتي اسللمى
نفاجرات فلبكاا وبغاا يحط ايدوو عليهاا يجرهاا عندوو ودفعاتوو شد راسوو من اللور عاض على فموو كتقتلو بهاد لكيية كيعرفها واصلة بيهاا لجدر نزلات مع لحييط على شادة وجها كتنخصص تحناا عندهااا مكسوور من كل جيييه مشتتت وقال بصوت بااين فيه لحزن لدرجااات
غالي-هدري اسلمى ضربينيي غوتيي عايريني لكان هدشيي يغيبرد شي حاجة فيييك نتي عارفاانييي كنبغيييك وتحاجة متبدلااات وعمرهاا غتبدل عارفك مجرووحة وعطييتك وققت بااش تفكريي على خااطرك وتعرفيي لي ينااسبك نتيي (دوز ايدوو على راسهاا)تا اناااا غير متهوم فهاد روينة كلها اسلمى مدرت لا بيدي لاا برجليي ربع شهوور دازت علياا فلعداااب نتييي لقيتيي علامن تحطي الرااس وتبكيي وانا لقيت رااسي بوحديي مني لحيوووط (مسح على وجهوو فضلاام وحس بيهاا بدات كتنقص من بكاهااا)قولي لياا غير كلمة وحدة اسلمى راه كنموت بلا بييك
سلمى(بتنخصيص)مبقييتش قاادة اغاااليي هئ هئ عفااك سير منهناااا هئ هئ صعيب ترجع شي حاجة لبلااصتهااا والله هئ هئ نتا مشفتيش حاالتيي كيف كاانت هئ هئ دزت من لموووت فكات شعرها بعصبيية سمحت فشعري وكنت غنسمح تفحياتيي وشكوون سباااب مك اغاليي هئ هئ مك شنوو درتيي ليييهم غير قولياا فااش اديتهم فاااااش
بعدات علييه وتمشاات بلا حتى كلمة كتمسح فوجهاا وكل مرة يعتر بيها الطالون مشاات كتجريي لبييت لكوافوورة لقاتو مسدود ودقاات تحلو عليها لقاات نجوى كتلبس فاللبسة اللخرة شهقات ملي شافت وجها مجلخ بلكحل الاخيرة هي شاافتهاا ومشات ترمات فيها تاتبكييي
شامة-اشمن وجه غنسلم عليهاا نقوليها سمحيلياا على مدارت ميي فييك
فاطمة-ففف باز ليها والله بقات فيااا باقة صغيرة اش دارت لييهم تضيعوهاا
في حيين غاليي خرج لبراا كيضرب فيه لهوى وسااهي فلارض كيفكر فيهاا وكيرمش توحشها وتوحش فشوشهاا ودلعها علييه وحركاتها الطفوليية معااه ولا باغيي غير نقااش بسييط ويصالحهاا بتعنيققة ومداعبة وغزل ولكن هدشي كبر من انه يسالي فيوم وااحد..
خرج توفييق كيقلب عليه لقاه سااهي
توفيق-واش نتا داروك كارض على الطموبيلاات دخل تعشاا
غالي-معندو منين يدووز لخير لي دير فيااا اتوفييق جيب لياا نمرت سلمى
توفق-واخة صبرر
دخل توفيق فين كانت نجوى كتعشى معاا لبنات لعائلة لمقربين وسلمى وشوش ليها فودنهاا وناضت حداه من بعد ما مد لييها تيليفونوو كتباات لييه النمرة تاعهاا وحتى لفيس جديد ومداتو لييه ومشا كيجريي
توفيق-هاك هاهواا وزادتك تالفيس ديالها جديد كادو غير طلقنا لفراجة احبيبيي
ركبات فطموبتوو ومشاوو وبدات الناس كتفرق وكل كيقصد داروو غادية سلمى لعند مها فالطموبيل توقفااتها شاامة
شامة-مقلقة مني حتى انا مم
سلمى(حركات رااسهاا بلاا وبقات سااكتة
شامة-حاسة بييك اختي والله وحدة فبلاصتك ديير مكتر ولكن نتي بنت الناااس ولكن راه غالي مسكيين معندو دنب فليي وقع كون تشووفي حالتو نهار عرف عمري شفت خوياا تيبكيي اسلمى تالداك نهاار سلمى اختي خوياا كيبغييك كتر من راسوو وربي لي عالم كيدوز هد ربع شهوور بلا بييك
كات سلمى مهبطة راسهاا وكتمسح فنيفها بكلينيكس وقالت-شامة نتي راه معاارفااش مناش دزت هئ هئ قراايتييي سمحت فيها اشاامة ضااع عام من حياتيي غير هكاك غير كولي لياا كون معرفووش بهادشيي غنبقا حيااتي كلها نتعدب تنمووت وانا معاارفة ماليي هئ هئ واش جربتيي اشاامة تكوني كتحماااقي على راجلك فلحضة تكرهيه وتعيفي منوو لا قرب لييك هااا جربتيي تهربي من دارك لي حلمتي بيهاااا جربتي تموتيي الف خطرة فنهااار اشااامة
شامة-سمحيلينااا اسلمى الله ارحم واليدييك مي وختي الله اسمح ليييهم راهم كيحصدوو ليي وقع ساارة حملات مع داك لحرامي وهرباات من الداار فخطرة ومي مرميية فلفراش بلفقسة دياال غاليي لي تبراا منهم كاامليين وخلااهمم (دمعو عينييهاا)الله اخليليك معز علييك اسلمى كرهينيي تا اناا لبغيتيي منقولش لييك حتى احح ولكن خويااا اختيي خويااا مدنبو بواالو فهدشيي ومعدب بحااالك مباغي تاحد يسوول فيييه ولا يهضر معااه ربع شهور اختيي مهضر تا مع بااا ولا مع جدا لي مرضااات قطع مع كلشيي فكريي اسلمى الله اخليييك
ديمنة(عيطات ليهاا)سلمى يالله نمشييو ابنتيي
سلمى(هزات راسها فيها وحركات راسها بااه وتسالمات مع شاامة لااخيرة كطلب فيها بشتا الطررق)بسلامة اختيي سلمي على فاطمة وقوليها تسمح ليااا معندييش الطاقة لي نهدر والله
شامة-عارفة اختيي ومديناش علييك ويني شوفي من حالتو عفاااك راه لخليتييه غيضييع تهوا بحالك
سكتات مهدرااتش وبقاات كتشووف فصباح لي غادي وكيطلع توصلو لدار كطييح بنعااس طلعات نيشاان لبييتها او كل واحد دخل لبييتو
كمال –يكما تلاقاات بييه
ديمنة-مبانش لياا فلعرس كاين غير خوه وختوو
كمال(كيحيد فلفييست)كون سمعات منيي تمشيي ليوم قبل من غداا تفك من هاد زمر كلوو وتهني بالي وباالهاا لااش باقة كتفكر
ديمنة-الله اهديك اكمااال لببنت باقة كتبغيييه ماشي سااهل عليها تمشيي تفااك معااه ماشي غير عطاتني لخاتم صاافيي رااه حيداتو من قلبهاا تا انا راه الدابزت معاك ولحت لييك لخااتم شنوو قلتي لياا رااه بااقة فباااليي كلتي ليااا ماشي غير لحتي لخااتم راه لحتيني تا اناااا متنسااش هدشيي وعطي لبنتتك وقت اكماال وهد لقرار خليها هيا التااخدو وتقتانع بييه بنتك عندك مقاايسهااا حد والله اجعلها متاخد لقرار تادوز عشر سنين
اما سلمى حطات حوايجهاا وتوضاات وصلاة لفجر ودخلات لفرااشهاا كتفرج فتصااور لي خداات شافت فلفييس ولقاات انفيت باسم غساان بقات شحال كتشووفيهااا لقاتو نفسو مخلي ميسااج مكتوب بلفرونسيي –السلااام
سلمى(بقات كتشوف فلميسااج وخرجاات منوو تصونا تيليفونهاا بنمرة جديدة عليها فزعااتهاا وجاوباات)الوو الووو
قطعاتت ورجعات حطات تصويرتها هيا ونجوا فسطوري تالع لواتسااب يالله بغات تحيد لكونيكسيوون طلع ميسااج فلفييس من نفس الشخص فييه-غير جاوبييي مالكي دافعة كبيير راه مكنعضش....
سلمى(ضحكات وتقلبات على ضهرها وكتبات)همم شنو بغيتيي
غالي(قراها هوا الاخير وضحك)والوو غير نهضر معاك وصاافيي
سلمى-عطا الله معامن تهدر بنت ليك غير انااا
غالي-سيي بوحدك لي بنتي لياا ولي غتبااني ليااا
سلمى(عضات على فمهاا مبتاسمة)بغيت نعس ونزيدك مكنهدرش مع رجاال
غالي-علااش فحياتك شي حد
سلمى-ونتا ماالك
غالي-تا انا فحياتيي واحد لبنت زوينة وغزااالة وضحكتهااا تخليك هي سااهي فيهااا ربع شهوور مشفتهاا نهار شفتها مكرهتش ندخلها بين ضلوعي ونقوليها بلاصتك هنااا ماشي فبلاصة خرى
طلعات ليه في وخلاتوو كيتشوى بوحدوو ورجع كتب ليهاا-سلمى عطينا فرصة عفاااك ربع شهور كنتسناا غير فرصة لي تولي بخيير باش نهدروو(مجاوباتووش)لكنت باقي عزيز عليك وخة غير شويية غير شوية اسلمى خلينا نتلقااو ونهدروو ولقرار لي خديتييه مغنحاسبكش علييه (رجع سيفط ليهااا تاني)جوهرتي
سلمى(كتبغي تجاوب وترجع تمسح لي كتباات غير شافت جوهرة ودخلاات وبقات تاتشوف تعياات وقالت)منقدرش اغالييي داكشي لي عشت خاايب خايب بزاااف
غالي-فكري فلحاجة زويينة لي عشناهااا هممم تفكريي افراان تفكريي نهار كنت مريض وجيتيي عندي همم تفكريي اول خرجة لينااا فلبحر مقاادرااش خلينا نبداو من جديد مغنبزز علييك والووا سلمى
سلمى-شكون هد غساان بعداا
غالي-ولدنااا كي لقااتنا جوهرة غيرجع يجمعنا غساان ولمبغيتييش غنفرش تحت بييتك ولا حدا لعسا سراه لغيري مغتكونيش
سلمى(تنهدات)خلي ليا وقت اغالي متضغطش علياا حتى نتااا
غالي-عااارف بابااك باغيك تفرقيي معاياا واش هدشيي ليي باغة اسلمى مبقيتيش باغاانييي كتشووفيي حياتك معاياا مبقااتش كتشووفي بلي غيجي واحد نهار وتكملي بلا بيااا وتبغي شي حد من جديد هاا جاوبينيي اسلمى ونعطيك عهد الله منجي فطرييقك باااقيي لمنتيش باقة باغاانيي فحيااتك انا باغييك اسلمى كنحماااق علييك وصعيب عليا فرااقك عارفك تاتبغينيي وعارف لي دزتي منو صعييب
سلمى-هانتاا قلتيهااا كنبغيييك ولكن لي دزت منوو خاايب بزااف مكنطلب والوو اغالييي عطيني غير وقت وفهمني يراه هدشي صعيييب صعييب بزاااف
دازت سيمانة فيها رتاحت سلمى من لعياا تاع لعرس ورجعات طاقتهاا كانت كالسة تاتفر تصونات ليهاا نجوى وجاوباتهاا
سكاات على الطبلة حط ليها لحييمة قداامهااا وتبسمات حابسا الضحكة في حيين لعينين كيتغامزو علييهم وكيضحكو بهمس اما غالي عاد تحلات ليه الشهية وهياا حدااه مكرهش داك لغدا كيسااليش من تحت الطبلة حط رجلوو على رجلهاا عادتوو لي ولفهاا معاهاا ضروري يتلمس رجيلااتهاا تقفزاات وبرك عليها باش متبعدش
سلمى(حطات ايدها على فمهاا واحلة ليهاا وهزات لماا شرباات )حمم
نجوى-كولييي اصااحبتيي
سلمى-لاا صاافي الله اخلف شبعت
بغات تجر رجليهاا وزير عليهاا غفلاتوو وجرااتها بزز تاتسطحات مع الطبلة وطاح عليها كاس تاع لموناضة على سروالهاا تناضت قاافزة
ضحكااتو سدات عينيها لي كيتلصقوو بدمووع تحسات بشفايفوو على فمهااا شدات ليه فالتيشوورت وغمض عينيه هوا الاخر ودكرى اول قبلة جات فبالهم بجوج كان القصة كتعااود من جديد بشفايفوو تدوق اتار دموع على شفايفهااا كان بغاا يعرف غير احساسهاا بقربوو كيف غيكوون صدق طاامع فلعسل ومشتقااته
لاصقهاا معااه مزير على ضهرهاا كيتسمعوو غير شفايفها ملي كيمصهمم وكيتزلقةة بريقوو ولحيتوو لي كتقرصهاا حيت طوالت وغطات لييه حتى فمو من لفووق
غالي(هايم فيهاا)لغالية على غاليي (جر ليها زغيباات ورى ودنيها وكيهدر بهمس)حسيت بييك بحال الى اول مرة نبووسك
..بغات تهز راسها صدق سابقها هازو ليها بصباعو من جهة ذقنها وقبل ماتهضر او حتى اتلاقاو عينيهم دغسا زرب عليها وطار على فمها لي توحش قبللتو وباشر من جديد تيقبل فيها بشهوة ويديه تايطلعهم لجيهة عنقو وتاهيا طالبا عليها..دورات يديها على عنقوو وهو يجهل عليها ولا طالب كثى..حط يدو على فخاضها تيتحسسهم من لفوق جاهل وفمو تيحبد فشفايفها محسات بيه تا زير على خصرها ودورها تا لصقها مع الباب المسدود..مخلاش ليها فين تفافا .
حط ايدو على خصرها تيزير عليه بحب غادي فنفس الريتم مع فمها تابداو يه تيطلعو لجيهة صدرها هي شدو وهي تأوه ليه حيت شحاى ما قاسوو..وزادت حدة حرارتهم بجوج..تا ضرها فصدرها وبدات تتدفع فيه عاد وعا وبعد فمو ونزل يديه مي باقي شادها عندو حانية راسها تتسمع فيه تينهج..بعد علسها ووقف حدا لافابو حاني راسو كيرجع نفس
بعد عليهاا كينهج مخلي فمها كان على شوي ويطيروو بكترت لمصاان تولاا حمر بااين كان كيتبااس بداا كينهج وكيبوس بعينيهاا وحنااكهاا بحب
غالي-كلشي غيرجع كيف كاان شفتيي (باسها فودنهاا)
سلمى(كتقاد فشعرا حشماانة)تعطلنا فدووش صافي خرج اغاليي داباا
ناضو مشاو لدار طريق كلها سااكتيين لقاو كمال كيلعب مع ولاادو فالصالوون سلمو علييه وطلعات لبييتهاا معارفة اش ديير ولاا اش تعمل
في حين غاليي كان وصل لكازاا شاد جنبوو ليمن لي ورلاا كيضرو مؤخراا بلا قيااس وكل مرة ينغزوو لاح سوارت بزعفة وكلس فالصاالون تيفكر هوا برااسو مبقاش حامل هد الداار ناض توضى وصلا لعصر لي فاتوو وخرج مشا لجاامع يصلي لمغرب ويدوز فيه وقت باش يرجع هدشي كلو غير باش ميبقااش كالس فالدار بوحدوو
رجع لداار تعشاا عشا بسييط اوملييط مكملهااش وكلس شاد تيليفونوو صونا ليهااا جوج مرات كيبقا التيليفون كيصونيي حتى كيطفاا ويرجع يسكت شاف تعيا وناض لبييت يتكاا لاح حوايجوو بصهد ونعس على ضهرو مقابل مع نجوم تصونا تيليفونو وقطع
هزو ولقاهاا هياا تبسم وكتب ليهاا –حبيبة دياليي
سلمى-يكما نعستييي
غالي-بوستك طيرات عليا نعااس
سلمى(ضحكاات وهيا كالسة ففراشهاا وحداها سعد فوق جراعهاا كيبغي يخربق ليها فالتيليي وكتحيد ايدوو )ممم
عشقك جزائي الجزء 27
محتوى القصة
التنقل بين الأجزاء