طلعات فالطيارة الخاصة والصدمة مزال مأثرة عليها ، مشات مباشرة لغرفة نوم فالنصف الاخير من الطائرة وجلسات فطرف السرير بينما اوجين غادي جاي حداها .. حطو ليها المساعدات ولادها حداها وهي تخشا بيناتهم عنقاتهم بجوج وجلسات كتبكي حتى دخل عليها اوجين وقال
ماجاوباتش عليه واكتفت بالبكا وتنخصيص على ولادها بجوج ، طارت الطائرة فالسماء وبدات رحلتها مباشرة لتشيلي الرائعة بجبالها وصحرائها وجليدها وبراكينها وقراها واراضيها الخصبة الخضراء وطبيعتها الخلابة ومدنها الجميلة ، وضمها لمجموعة كبيرة من السهول بجانب الجبال المميزة اللي تمكنك من رؤية المنطقة بالكامل من أعلى نقطة، وايضا المحيطات والغابات اللي كضمها باتاغونيا والتى كتنال إعجاب السياح وكتنجح فى جذب الآلاف من الزوار إلى تشيلى وجعلتها واحدة من أهم الوجهات السياحية المشرفة فى أمريكا الجنوبية.
وتمتاز المنطقة بالطقس الممتع الجميل وهناك تجد المناظر الطبيعية الخلابة التى تناسب محبى الهدوء كما تتيح لك إلتقاط الصور المميزة، وتضم المنطقة عدد كبير من الكائنات ويأتى على رأسها: البطاريق الجميلة التى يحبها الأطفال والكبار .
حطات الطائرة رحالها وحيات الارض ووقفات . ونزلات نجمة مريضة متعبة .. النفسية مدمرة شادة فيد اوجين ، بمجرد ما ضربها هواء المنطقة اللي نزلو فيها بمطار صغير فمدينة صغيرة بزااف ..حسات براحة وارتياح كأنها هربات لأخر الدنيا فين غتنسى كلشي وتبدا حياتها من جديد . طلعات فسيارة دفع رباعي كبيرة جلسات اللور حدا المساعدات ديالها وبدات تأمل ملامح اطفالها وتنهد . وترجع دور تشوف فالزاج وتمنضر فالجبال الخضراء والطبيعة اللي دايزين منها . وصلو حدى بيت كبير من دايرة بيه حديقة بالورود والطبيعة وسط الغابة من ختيار اوجين باش ترتاح قيه النفسية بعيد على صخب المدينة . نزلات كذبل فعينيها بتعب وتستنشق الهواء النضيف ودخلات للبيت لداخل وجلسات كتنهد وتعاود شدات ولادها عندها كترضعهم وتبوس يديهم وتمسح على شعرهم بنعومة في حين بقا اوجين فالخارج كيهضر فالتيليفون ويتفقد الامر .
قطع تيلي ودخل عندها قال :
ماماتش ... غير كوني هانيا ... باااقي حي وخبارو منشورة فين ماشيتي
اوجين : ماشوهك ما حتى حاجة ... ولاكن توقعي منو اي حاجة ... حاليا كيقولو باللي تعرض لمحاولة قتل اخرى كما كما سبق ليه وتعرض ليها ودخلو موضوع الاختراع فالقضية وقالو باللي بسبابو و مزال مهدد . . . نتي ماجبدوكش ... ومكاينش اللي غيفضحك قد راسك ... صافي باقي حي مول سيع رواح ... وزمزيان جيتس هنا ترتاح نفسيتك شوية... (تنهد) كن صبرتي حتى نتجمعو .. كان باغي يبيع لينا ونتهناو منو ونتي زربتي
عقدات حجبانها وقالت : كان باغي غير يشوفني ... يشوفني ويتشفا فيا لا غير ... عطيتو الاوراق .. عطيتو كولشي وضحك عليا مرة اخرى اهىء اهىء
اوجين : ابنتي سمعيني ... نتي نفسيتك مهلووووكة ... مرييييضة مساليا خاصها وقت ودوا والراحة باش ترتاح .... حاولي تنساي كووولشي ... انا جبتك هنا باش ترتاحي ... ها وليداتك معاك محتاجين ليك ... عطيهم وقت .. قابليهم ... شوفي مساكن شحال صغار ميقدرو يدرو حتى حاجة ... ونتي ماماهم خاصك توكليهم تحضيهم وتعتاني بيهم وتعطيهم الحنان ... واخا تشوفيهم هاكا صغاار كياكلو وينعسو .. مزال يبداو يضحكو ليك ... يتجاوبو معاك ... يلعبو معاك ... وغتحسي ديك الساعة احساس اخر زوين .. هادو حسن ليك من البشر كاملين ... غير هادو راه تعيشي معاهم الحياة السعيدة
ابتاسم اوجين وقال : ويبداو يتخشاو فيك نتي وينعسو حداه وكل مرة منين يجروك ويبوسوك .. غتشوفي شحال كيبغيوك ... وكيبغيوك بصح ... وهادو هما اللي تيقي فحبهم ليك ... هادو هما اللي غيبكيو الى خليتيهم وميقدروش يعيشو بلا بيك ... ويفرحو الى ضحكتي ليهم ... ولاكن خاصك تعطيهم الحنام والحب باش يبغيوك حتى هما
ابتاسم اوجين وقال: واهاكا مزيان ... خليك مع وليداتك .. راه دغيا غتلقايهم كبرو كيتجراو ويتخباو عندك ... وانا خليني نرجع نشوف حريرة الشركة ... خرجي سوقها نتي خليني انا مني ليها .. نتي هنا غتبقاي حتى تستعقلي مزيان وتعرفي راسك شكون وشنو كديري وترجعي عقلك عاد نشوفو شنو نديرو
جالس فالسرير كيهضر فتيليفون مع امو ويقول
- ماوقع ليا والو ... غير لكدوب ... وا غير لكدوب انا صحيح فصيح غنسالي الخدمة نرجع من السفر .... فين غتجي عندي فين ؟ انا خدااام ... راه غير الاشاعات وصافي ... انا ماضربني حد .. انا غير دخل فيا واحد طاكسي من الجنب تقسحت فيدي وصافي ... وراني خداااام ومسافر ... يالاه اما غير تهناي ... واخا انا غنرد البال راسي .. غير رتاحي ليا نتي وماتهزي هم . ردي لبال لسلمى ومموع تخرج بلا خباري .. يالاه بسلامة عليك .
ساط وقال : كتعصبيني ... مكترديش لبال لتصرفاتك معايا ... بحال دابا ... عرفة باللي مي مريضة فيها السكر و كَلتي ليها اه ضربوه ... علاش ما عرفتيش تكولي ليها شي حاجة اخرى باش متخلعش.. كون تكروازا ليها السكر ومشات فيها نتي اللي غترضيها ليها ؟ هاااه؟ (عقد حجبانو بغضب) مالي انا كنطيح غير فيهم مالي ؟ مالكم ماباغييش تقادو معايا تا وحدة فيكم ما تحمر لوجه
جويس : شكون هادو ؟
زياد : بنرفزة) مانعرف .... عرفتي شنو ... ياك انا راجلك ... واسيري خرجي صدري ليا الصحافة من الباب مابغيت نشوف حتى واحد تما .. ومايصورني تا واحد . يالاه سيري
جويس : واخا ... ايوا شنو نقول ليهم ؟
زياد: قولي ليهم مزال معطل هنا يقدر نزيد واحد السيمانة باش يمشيو حتى للسيمانة لهرى ويجي.. باش نخرج غدا على خاطري انا
زياد : الله يخليك ... مابغيتش هادشي يخرج فلجرائد .. مابغيت حتى واحد يعرف شنو وقع
الطبيب : غير تهنى ... خدمتي نعالج المرضى فقط ... خليك ترتاح شوية
خرج الطبيب وبقا زياد متكي كيرنش بتتاقل عيان وكيتنفس بهدوء ... شوية هز تيليفون ديالو ودخل شاف صورة نجمة وبقا ساهي فيها ويشوف .
خرجات للباب لابسة بينوار موف بارد قصير وبانطوفة فرجلها كتشم الهواء حدا الباب ... ربعات يديها عندها كدوزهم على كتافها مغمضة عينيها وتستنشق الهواء ، خرج اوجين لابس كوستيم وقال
- بنتي ... كي صبحتي ؟
حركات راسها بالايجاب وقالت : بايتة كنحلم فلكوابيس
اوجين : شنو حلمتي؟
نجمة : جوج مرات وانا كنحلم بيه ... مرة كيخنقني ... مرة خدا ليا ولادي ... مي الحمد لله ... واخا الكوابيس فقت مرتاحة شوية
تنهد اوجين وقال : شحال من حاجة كنشوفوها بعينينا كتجينا ساهلة ... وفاش كنبغيو نطبقوها كتصعاب علينا .. تجربة قاسية دزتي منها وتعلمني منها وخديتي درس ... التقة لا ... ثم لا ثم لا ... غلطتي معاه المرة الاولى كان خاصك توقعي منو اي حاجة ... سرقة اختراع راه حاجة ماشي ساهلة... واللي درتي ليه صعيب ينساه ... لقاك نية ولقا عندك فراغ داكشي علاش ستاغلك ، اما بالنسبة لصاحبتك ... فالغيرة سبب كافي يخليها دير معاك اللي درات ... ماشي اي واحد ضحك ليك فوجهك تحسبيه حبيبك .. صاحبتك تلقايها دابا حسداتك على المكانة ديالك ... الثروة ديالك .. الجمال ديالك كتشوفك ناجحة واللي بغيتيها وصلتي ليها وهي مزالة . عادي جدا تحسدك وتبغي تكون حسن منك .. هادشي علاش خدات منك اللي كتبغي وبغاتو لراسها هي . وغتكون فخورة بداكشي اللي دارت وكتحس براسها درات انجاز وباللي حققات نجاح وبينات لراسها انها حسن منك وفضلها هي عليك نتي
تنهدات وحركات راسها بتتاقل وقال: لااالا ... زياد كن معطاهاش فرصة ماتقدرش تاخدو ... هوا لقها لصالحو باش يزيد يحطمني ... زياد مابغاهاش ... زياد ماكيبغي حتى وحدة ... زياد كيبغي غير راسو فقط ... دار المستحيل باش يدمرني .. خدم جميع الطرق ونجح فتحطيمي .. لدرجة قبل يتزوج ثدام العالم وهوا شخصية معروفة والكل غيكتب عليه .. من مغنية وممثلة ماشي من مستواه غير باش يدمرني ... وكن كانت جويس شي وحدة اللي فاسدة فمواقع اباحية كان يقدر يتزوجها ... ممكن علاش لا ... المهم عندو انها صاحبتي واقرب الناس ليا ... وماشي بعيد تكون عاودات ليه على الخطة اللي درنا باش تقربني منو ... نتوقع منها اي حاجة .. حيت ميمكنش يعطيها وجه غير هاكاك ويقبل بعلاقة بحال هاديك لو ماكانش باللي هي صاحبتي وختي فنفس الوقت.
اوجين : ويقدر يكون كيبغيها حتى هادا احتمال ...
قاطعاتو : لا ... ا اوجين .. زياد مكيبغيهاش ... ميمكنش يكون كيبغيها ... كن فعلا كان كيبغيها ميضحكش عليا انا ... كن بدا معاها من الاول وقدام عيني ... علاش يوهمني انا بالحب والغرام ويصدمني فالاخير ... تقدر هي تكون كتبغيه ... ولاكن هوا مكنضنش ... هوا درس للخطة ديالو مزيان باش يحطمني ماديا ومعنويا ... كن كان تما شي حب ما وهمنيش انا ويلعب ليا على الشركة وعلى مشاعري ويوقف قدامي فالاخير ويصدمني ... هادشي كامل اللي دارو زياد .. دارو باش انا نتقهر ونموت ونتحطم
تنهد اوجين وقال : انا طولت معاك الجلسة هنا ... خاصني نرجع نشوف شنو واقع ... خليك هنا ترتاحي شوية ... ردي لبال لوليداتك راه محتاجين ليك
حركات راسها بأسى وعنقاتو .. عنقها حتى هوا وودعها ومشى خلاها واقفة كتنهد حتى عيات ودخلات لداخل لبيت النعاس عند وليداتها وتكات حداهم كتشوف فيهم ودوز يدها على حويجاتهم بحنان حتى فاق ليها الولد بغا يرضع وهزاتو عندها رضعاتو ورضعات البنت حتى هي وجلسات مقابلاهم ومقابلة التيليفون والذكرايات والماضي وكل مرة دخل تشوف تصاورو وتبدا تقارن بيه وبوليداتها وتشوف نسبة الشبه بيناتهم .
خرج من المستشفى مضمد مغطي بكاب اسود .. معاه جويس والناس اللي كيرافقوه ديما .. طلع فالسيارو بسرعة قبل ميثير الانتباه ومشا مباشرة لدار مو حتى دخل عليها فاجأها وجرات عندو كتعنق وتبوس فيه .. باس راسها حتى هوا ونزلات سلمى كتجري عندو عنقاتو فرحانين برجوعو
الام: كي بقيتي ؟ شوية؟ شنو كيرضك الحبيب؟
زياد : مكيرضني واااالو ... مزيااان بيييخير وعلى خير
حرك راسو وقال بابتسامة : مكاين حتى مشكل...الله يخليهم ليك
نجمة : امين .. شكرا
مشات وبقا هوا واقف موراها كيشوف شوية وكمل الركض ديالو فاتجاه الغابة . خرجات للبحر ورمالو البيضاء الناعمة وحطاتهم فالارض كيتمشاو على رجليهم ويطيحو ويعاودو ينوضو ويجلسو يلعبو .. بقات كدور بيهم وتجلس بعد المرات تحت المضلات الخشبية وبعد المرات تحفر معاهم فالارض .. شوية تلفتات عند المربية وقالت
- سيري جيبي ليا فوطة نمسح ليهم باش نمشيو بحالنا .. جلسنا هنا بزاف وبدا البرد كيتحرك وحتى الامواج دابا ماصالحينش للسباحة . الجو تقلب
ناضت المربية مشات ووقفات نجمة شاداهم من يديهم بجوج كيتمشاو وقرباتهم من الماء شوية باش تشلل ليهم من الرملة وتشلل رجليها حتى هيا ... جلسات ليها البنت فالماء بغات تلعب وهي طلق من يد الولد باش توقفها لاكن تصادفات مع واحد الموجة صغيرة جايا طيحات ليها الولد وجراتو معاها لداخل كيتقلب ويتشقلب وسط منها . تلفتات نجمة شافتو غادي كيودعها وبدات تغوت باغا دخل تابعاه وهازة البنت فيدها كتبكي .. صفار وجهها بغات تحماق وهي كتشوف فيه كيتغطا بالامواج ويرجع يبان فيه شوية وغادي كيبعد وماعندها كي دير تبعو بالبنت .. طتحت على ركابيها فشلانة كتغوت بأعلى صوت وتبكي بغات تسطا ، لاكن سرعان ما داز حداها نفس الشاب بسبرديلتو والكيت وتيلي و حوايج كيجري وتلاح لداخل وتهز فوق الماء كينفض راسو وهاز فيدو الولد وجارج بيه مخلوع كيحرك ليه فكو والماء كيخرج من فمو وهوا سخفان فيديه . خرجو عينيها فاش قربو ليها وجرها من يدها فشلانة مقادراش تنفس للرملة وطاح على كابيه كيفيقو وهي كتبكي وطيح وتنوض حداه . كان البحر خاوي فيه ناس قلال متباعدين بمسافة .. جات عندها المربية كتجري هازة الفوطة وهزات البنت
ومشات كتجري حفيانة ونص حوايجها فازكين تبعاتو لمستشفى صغير قريب
من المنطقة ودخلو زين دارو ليه الاسعافات الاولية وخلاوها هي واقفة فلكولوار كتبكي وتمشي وتجي بلاصتها حدا الشاب وتقول
- الى مشا ليا ولدي غنموووت ..غنموت منقدرش ... منقدرش نعيش بلا ولدي اااهىء اهىء اهىء
الشاب : شرب غير الماء وصافي ... عادي دابا غيخرجو ويقولو لينا راه فاق ومزياان
بدا كيصبرها ويهدئها لاكن هي مقدراتش تستحمل وبقات غادة جايا كتبكي وترجف حتى طاحت فالارض مغمى عليها ، بدا الشاب كيحاول يفيقها ويضرب فحناكها وهي عينيها مقلوبين طايحة فالارض وكتردد بصوت تقيل
- زيين.... زين ... زين
بدا كيعيط الشاب يمين يسار على شي واحد يجي عندو وهوا شادها مخلوع ماعارف ما يدير حتى لحقو عليه الممرضات هزوها دخلوها لغرفة حداه .. وفنفس الوقت خرج الطبيب بابتسامة بشرو وقال
- الولد فاق .. ماوقع ليه والو .. شرب شوية ديال الماء وصافي .. غيبقا عندنا هاد الليلة حتى تصفا الرية ديالو ويمكن ليكم تديوه ... نتا الاب ديالو؟
قال الشاب بارتباك : اا؟؟ لا ؟ ... جات معاه مو ولاكن سخفات .. نقدر نشوفو ؟ انا اللي جبدتو من الماء ؟
الطبيب : ممكن تشوفو ولاكن خاص شي واحد فواليديه يكون حداه باش ميتخلعش وهوا بوحدو .
الشاب : غتفيق مو وتجي عندو ... دابا دخلوها لهاد البيت
قال الطبيب في حيرة : ضاروري تكون معاه مو دابا .. الولد مخلوع .. حلي عينيه بدا كيشوف معارف والو ومكيعرف حتى واحد
الشاب : الى سمحتي . . . غير نطل عليه
الطبيب : تفضل
دخل الشاب للغرفة الصغيرة لقا الولد ناعس كيشوف فجنابو ويبكي بوحدو .. دايرين ليه الاكسيجين فنيفو وابرة فيدو ومغطينو .. وقف حداه الشاب بابتسامة وقال
هبط راسو بابتسامة كيحك رقبتو ورجع شاف فزين وقال بابتسامة
- صاحبي ... نتشاوفو من بعد اوك البطل
شاف فيه زين بنص عين مخبي ورجع دور وجهه لاسق فنجمة ماخلاهش تهز ضهرها .. استادن الشاب بغا يخرج وهي توقفو نجمة وقالت
- انا نجمة ...
تلفت الشاب بابتسامة وقال : متشرفين ... انا جوزيف
واقف كيهضر فتيليفون بعصبية وغادي جاي فمكتب كبير فيه سيارته القديمة محطوطة قدامو دايرين بيها سناسل مدهبة . وقف حداها كيسوط وقال
- الى مارفعتش عليها دعوة عادشي مكيعنيش نسيت ليها فعلتها ... مزال حسابها معايا ما صفا و غنجيبها نجيبها واخا تكون فطرف الدنيا
- ضحك اوجين وقال: عارف راسك ماغتربح والو من مور الدعوة ... محاولة قتل فقط ماشي قتلاتك .. ويمكن ليها تخرج منها بغرامة مالية عادي .. هادشي علاش تقدر ماقدرش ترفع عليها دعوة
ضحك زياد بسخرية وقال : حساباتي كنصيفهم بيدي ... وعااارف كفاش نصفيهم ... نقدر ندير ليها فضيحة عمرها ماتنساها ... والعالم كامل يسيق ليها لخبار ... علاش بغات تقتلو؟ علاش ضرباتو ؟ شنو بيناتهم ؟ وهنا غيبداو الاسئلة مالا نهاية والصحافة كتقلب على السبب ... ايييوا وديك الساعة اسي اوجين غيبدا شي يجر شي ... ها العلاقة اللي بيني وبينها ... ها السرقة والنصب والاحتيال والكدوب والاتهمات اللي تاهماتني ... وها تيكنو صونغ تفضحات باللي فيها وطاحت لا هيا لا مولاتها ... اما انا الى فخباركش ماعنديش مشكل نفضح كولشي ... زايد ناقص اللي بغاو يكولو يكَولوه ... ماغنطلع مغنهبط و ومغنتأثرش بالفضايح شنو ما بغا يكونو ... طموبيلاي مبيوعين سوا كنت زوين ولا خايب ... هي اللي ضايعة
قال اوجين بنرفزة : شنو بغيتي منها دابا شنو ؟ تعويض؟
ضحك وقال : تعويض! ماعندي مندير بيه ... بغيتها هي ... تجي عندي ... وتعتاذر ليا ... وطلب مني السماحة
قال اوجين بسخرية : فوق داكشي كااامل اللي درتي بغيتيها تجي وطلب منك السماحة؟ ههه
زياد : ااه ... تجي عندي وطلب السماحة مني وتقدم اعتذار ... ماشي ضرباتني بالقرطاس وغبرات حساب راسها هربات ... نجيبها نجيبها الى بغيت ... ولاكن ماعنديش الوقت باش نبقا تابعها ..
قاطعو اوجين : لا باااينة ماعندكش الوقت ... ونتا راسك فيه غير هي وماعندك مايدار من غيرها
زياد : كن درت فيها راسي كن ساليت معاها شحال هادي ... ولاكن مزال عندي بيها الغرض وباقي متسخيش بيها خهه... مزال غنقتلها شوية بشوية حتى تبدا طلب مني نغفر ليها ... ودابا وصل ليها المسج ديالي ... يا اما تجي تعتاذر ولا ...
قال اوجين بغضب : ولااا شنو؟ حساب ليك حنا ساهلين ليك ولا حيط قصير هه! يالاه وريني شنو عندك؟ ... وحتى انا كنواااااعدك ... ههههه كنواعدك غنعطيك ضربة اللي تخليك تنسا شكون نتا وشنو وراك وشنو قدامك ... دير دابا اللي بغيتي ... وانتاقم كما بغيتي .. ومتنساش باللي هادشي كااامل غيتقلب ضددك ومزال غتندم على كل حاجة درتيها ... حيت حنا حاولنت نصلحو الغلط معاك ... وهي طلبات منك السماحة شحال من مرة ... ونتا مابغيتيش وكتمادا فهادشي ديالك ... خليك وتفكر كلامي مزيان و ..
قطع عليه زياد بانفعال وضرب تيلي مع البيرو وبدا يسوط مخرج عينيه بغضب
خرجو عينيه وقال بانفعال : ما مراتييييش ... بدلي الساعة باخرى حسن الله يحفضك قبل مانكَول ليك شي كلمة ضرك فخاطرك ... بدلي الساعة باخرى
بقات واقفة والدموع محجرين فعينيها تصدمات فيه .. تصمرات شوية وهي تقلب ضهرها مشات غضبانة وزدحات الباب وراها
مسح على وجهه كيسوط وهوا جالس قدام الحاسوب لعشية كاملة ويدو فكو كيشوف فالحساب ديالها .. من داك التاريخ اللي كان جامعهم معاودات حطات صورة ليها ... بقاو غير صورها القدام طالع نازل كيشوف فيهم تا عيا وهبط الشاشة زدحها ودار بالكرسي بالجهد وناض خلاه كيضور بلاصتو وخرج من المكتب مهدن شوية على العصبية اللي كانت فيه فالصباح . جبد تيليفون من جيبو وهوا طالع فالسيارة وفتح الخط
هاد الجملة بقات كتكرر فالأذان ديالو لانه سبق وسمعها من فم نجمة وخلاتو يرجع بالذاكرة اللور ويغوص ويتذكر افعاله والاحتياطات اللي كان كيدير معاها وهي كتيق اي حاجة بعيون مغمضة .
جويس : بيبي يكون مني ومنك ازياااد
شاف فيها بدون تركيز .. مشوش بين الماضي والحاضر ... حط يدو على جبهتو ورجع شاف فيها وقال بعد صمت
- جويس ممكن تسمعيني؟
حركات راسها وقالت : اه انا كنسمعك تكلم
قال بعد تفكير : مابغيش الولاد اجويس ... مابغيتش نجرحك ولاكن ... ولاكن هاد العلاقة ديالنا فاشلة من اولها ... مامرتاحش فيها اجويس وحتى نتي يمكن حاسة بيا وعارفة هادشي
بقات مصدومة كتشوف فالجنب والدموع محجرين فعينيها وفمها كيترعد حتى سكت عاد تلفتات وقالت كتبكي
- كتبغيها؟
استغرب وقال عاقد حجبانو : شكون؟
تنهدات ومسحات دمعتها وقالت : نجمة
قال بهدوء : لا
جويس : بتأكيد ) كتبغيها
حرك راسو بسخرية وقال : اخر وحدة نبغي هي نجمة ... حيديها من بالك
شافت فالجنب وضحكات بسخرية والدموع نازلين وقالت
- تقدر تكدب على راسك ... ولاكن ماتقدرش تكدب عليا (شافت فيه ) زياد ... فاللحضات الحميمية اللي كتجمعنا ... شحال من مرة عيطتي ليا نجمة ... نفكرك ؟
ساط بسخرية كيدبل فعينيه وقال : هضرة خاااوية اجويس ... يمكن حيت كنت انا وياها على علاقة ... عادي كتوقع
ردات بانفعال : ماشي عادي ازياااد ... ماشي عااادي
غمض عينيه وقال ببرودة : هضري بشوية ... بلا شوهة
نقصات فصوتها وقالت : ماشي عااادي ... حتى وحدة متقبلها هادي ... هادشي معناه باللي كتشوف راسك مع نجمة ماشي معايا ... شنو اللي عندها هي معنديش انا ؟ واش هي مرى وانا لا ؟ شنو اللي فيها ومافياش انا؟ شرح ليا
زياد : هادي هضرة خاوية ... شكون جبدها دابا ؟ ماجيناش نهضرو عليها ... كنهضر على العلاقة ديالنا ... علاقتنا فاشلة حاولي تفهميني
جويس : وعلاش تزوجتيني علاش؟ علاش ؟ درتيني طريق باش تنتاقم كيما بغيتي ؟ صافي ساليتي انتقامك وبغيتي ترميني ؟
قاطعها بغضب ونرفزة وقال : فاش ستاغليتك ؟ شكون اللي ماصدقش ؟ شكون اللي باع عشرة 15 لعام ولا ماعرفت شحال بيناتكم على قبل عام ديال المعرفة ؟ شكون اللي طلع استغلالي ؟ شكون اللي استغلت صاحبتها اللي حاسباها بحال ختها وباعتها لعدوها وهي عارفة علاياش ناوي ليها ومشات عاودات ليه على الخطة اللي دايرة هيا وياها باش يتقربو منو .. شكون اللي فشات الاسرار وخانت العشرة ؟ نزيدك ولا براكة ؟ هاه ؟ ... شكون اللي الاستغلالي هنا ؟ شكون اللي غدرات صاحبتها وخدات بلاصتها نهار عرسها؟ يالاه جاوبي... انا بغيت غير نعرف ... شنو دارت ليك نجمة حتى درتي ليها هادشي كامل ؟ ... فراسك واحد الحاجة ... فراسك باللي صدمتيني نهار عاودت ليك على شنو دارت ليا و عاوتي ليا نتي على شنو ناوية ليا هيا .. باغا تقرب مني باش ترجعني للشركة .. وزيييد وزيد .. وزادت الصدمة ديالي فيك فاش اقتارحت عليك ناخد حقي منها وقبلتي بكل فرح !!! ماترددتيش حتى دقيقة بحال الى قاتلة ليك شي واحد ! وكنتي متحمسة باش تفكعيها وتسالي معاها ! نتي ديال العشرة نتي ؟ هه .. اللي باعت عشرة 15 لعام تبيعيني حتى انا ... كفاش نتيق فيك ونرتاح معاك ونتي ماعقلتيش على صاحبتك اللي دوزتي معاها العجب ... انا ومنقدرش نبيع عشيري ومدار ليا والو ونصدمو فحياتو ... انا الى درت هادشي عندي دوافع واسباب وهي جبداتني وعندي معاها حساب خاصني نردو ليها .. ماشي بحالك نتي ... عطيني سبب مقنع يخليني نتقبل شنو درتي فيها ... ويخليني نرتاح ليك ونتيق فيك ونأمن ليك ... يالاه جاوبي ... ولا معندكش باش؟ .. خاصك تعرفي باللي كنشمأز منك اجويس ... كنكَول انا خايب ومنسواش ولاكن نتي طلعتي كتر مني ... انا الى ماسويتش عارف راسي علاش..ولاكن نتي علاااش؟ .. نتي اااكبر غدارة على وجه الارض وتستاهلي القتيلة على شنو درتي ... كن كنتي بنت الناس ... (شار بصبعو ليها وهوا واقف ) واخا نكَوليك عاونيني تكَولي ليا هاديك صاحبتي وتمشي توقفي جنبها وتحميها مني ... ولاكن اللي مولف بالغيس مكيشوفوش على جلدو . (حيد الخاتم ) ها زواجنا .. سالينا وماتعاوديش توريني وجهك (بغا يمشي ورجع وقف) ااه .. واحد الحاجة ... واياااك ...يكوليك راسك تلعبي بيا ... راه نلعبك على صبعي ونتي عارفاني منسواش ... حياتك نخرج ليك عليها سمعتي ... ها ودني .
زاد وخلاها جالسة مصدومة ومشا بحالو للدارو .. دخل لبيت النعاس ديالو هوا وياها يالاه بغا يحيد القميجة ورجع هز حوايجو وخرج منو و مشا لبيت اخر وسد عليه بدل فيه ودوش وتكا كيخمم اللي كامل حتى داه النعاس .
صبح الحال وصبح فقبو كبير ديال الشركة فين مستفين جميع سيارات سبايدر الجديدة اللي غتصدر ، واقف مع الموضفين ديالو حدا موديل جديد محطوط كيبري وكيدرسوه ويتناقشو عليه حتى تمات جويس جايا بلا مكياج وتحت عينيها كحل لابسة ميني قصير وكتقرب بالطالون اللي كيتسمع الصدا ديالو ... هز عينو شافها جايا وسد الملف وقال
- صافي سيرو نتوما شوفو خدمتكم ... من بعد ونكملو الهضرة
استأدنو مشاو ووقفاا قدامو فقمة الغضب وقالت
- انا ماموافقاش ازياد على هاد الطلاق ... كقابلاش
دار يديه فجيابو وقال : شغلك هاداك ... واقفي .. ماتوافقيش .. المهم عندي هوا العلاقة صافي سالات
قطع ومشا مكسيري مع شارع خاوي فنصاص الليل كيطير بسيارتو الكحلة بحال الشبح نيشان للبحر ووقف السيارة ونزل كيتمشى فوق الخشبة وسط الماء دايرين بيها اليخوت كل يخت معلقة عليه راية فشكل وسمية حتى وصل لليخت الرمادي ديالو فين معلقة عليه راية امريكا و لقا رجال ديالو واقفين تما .. طلع كيتنهد من التعب ودخل كيحل صدايف القميجة وهبط لغرفة النوم بدل حوايجو ولبس شورط قصير وصندالة وطلع لفوق مشا نيشان للثلاجة لقا واحد من رجالو كيدور كما موالفين وقال
- نفسخو الحبال اسيدي؟
حل الثلاجة فالمطبخ وقال : لا مزال كنتسنا شي حد ... جبتي داكشي اللي كَلت ليك عليه
الكارد : معلوم السي زياد ... كولشي هنا
تكا على الثلاجة كيشوف فيها وقال : اممم .. مزيان ... جبدهم من هنا وجيبهم ليا للطبلة ... راشقة ليا هاد الليلة ومابغاي صدع مابغيت مشاكل.. وحتى التيليفونات ماعندي مندير بيهم هاد الساعة .. واللي بغاني ولا سول عليا انا مامساليش
مشا هاز قرعة فيدو وخرج جيهة البحر من الضفة الاخرى داليخت وحطها على الطبلة وجلس تسرح فوق الكنبة متكي راسو اللور مغمض عينيه وناشر يديه .. الساعة اليدوية فضية كتبري فيدو والسنسلة فالنعق رقيقة فضية كتلمع والبراسلي فاليد الاخرى تاهوا .. الوشام فالدراع والمعصم وتوحيمة صغيرة عبارة على نقطة فالحلق ديالو الوسط ومتكي كيشم الهواء ، بدا كيحطو ليه الشراب اشكال وانواع ويقادو ليه الطبلة .. عمر واحد الكاس ولاح فيه الثلج وجلس كيشرب فهدوء ويسمع لصوت البحر ورجالو منتشرين فاليخت كامل كيدورو بحرية ومرة مرة يدخلو للكوزينة يضربو كويسات ويبدلو لبلاصة ويكميو مدوزين لعشية حتى هما مجمعين وعاصرين كل مرة فقت . بدا زياد يتنغم وبدات لادوص كطلع ليه .. ناض شعل الموسيقى فاليخت ورجع جلس ساهي كيشوف جيهة البحر .. شوية جبد تيلي ومشا مباشرة لصورة دالنجمة وجلس كيشوف فيها ساهي معبس حتى سمع صوت البنات والطاولون كيقرقب وكيزيد يقرب وناض وقف بابتسامة متفاجأ كيرحب بصاحبو كراش مول الكريشة .. راجل خمسيني اشقر وغليض شوية بشوش ببدلة سوداء جاي ومعاه 3 ديال البنات .. ها السمرا ها البيضاء .. ها الشقرا .. فاتنات و مثيرات كيضحكو معاه
جلس زياد منفوض فوق الكنبة والشورط طايح والمالصون ابيض كتبان السمطة ديالو وقال كيشوف فيهم
- الى كانو غيحشمو يبقاو فالكازينو حسن ... خلي لينا غير اللي مكيحشموش
ضرب كراش فخدو العاري حتى تسمعات وقال
- انا راه جايب معايا اللب ديال البنات ... حيد عليا الزبل ... هادو راه الفنات ... ليليا موديل هي مايا ... ايوا و لينا مغنية .. فنانة صاعدة .
بداو الفتياة كيشوفو فيه باعجاب ويضحكو مع بعضياتهم جالسين عاجبهم راسهم وكل وحدة كتبين المفاتن ديالها والجمال ديالها .. ابتاسم كيشوف فلينا الشقراء صاحبة الشعر الناعم وقال
- طربينا نسمعو صوتك شوية
ابتاسمات لينا كتمايل وقالت : والى عجبك ؟
كراش : الى عجبو غدا الصباح تولي مشهورة .. ف 24 ساعة تشدي بلاصة ريهانا جولي
شاف فيه زياد كيضحك وقال : واقيلا شربتي بزاف فلكازينو ههههههه ... والله زعما الجلسة بلا بيك فالصو
كراش : اااه .. فكرتيني (غمزو ) فين المدام ؟
زياد : اينا مدام ؟ علاش مالي انتى تزوجت؟
كراش : اينا مدام ! جويس اصاحبي
زياد : لا لا سالا الفيلم .. اصلا كنا مخطوبين ماعمرنا تزوجنا
بدات كنغني وتلحن وتعبر وهما كيسمعو .. شار بيدو لرجالو حركو اليخت دخل وسط البحر ورجع نشر يديه كيشوف فيها قدامو ويتأملها من راسها لرجليها وهي كتغني مصغر عينيه ساهي ساهي فيها حتى سالات وبدا كراش كيسفق عليها و هز قرعة خوا راسو وخوا لزياد ..
- الو اوجين ... لالا قلت ليك انا منزيد هنا حتى دقيقة ... كرخت البحر وكرهت صوتو وكرهت ريحتو وكان غيدي ليا كن ما لطف الله و واحد السيد جبدو كن راني دابا حمقة كنهضر بوحدي ... لا واااالو منزيد هنا حتى دقيقة . . . مابقيتش حاملة نجلس هنا ... ويلي ! وليت نفيق مخلوعة فيا الموت ونعس فيا الوساس .. كنبات مدابزة مع الامواج وكنشوف ولادي قدامي كيفرقو وانا مكتفة ... مرضت وكل ليلة كيبداو يجيوني كوابيس كنفيق قلبي كيضرب غيسكت بالخلعة ... لااالا غنرجع ونكمل حياتي ا اوجين .. شحال قدي نبقا هاربة .. صافي الحمد عندي وليداتي هما الحلاوة ديال هاد الحياة مكيهمني حتى واحد اخر ... تفوت غير ولادي وتجي فاش ما بغات .. تمشي الشركة ولا تجلس انا كيهمني دابا وليداتي مكتهمني حتى حاجة اخرى ... انا غنوصل للدار نتاصل بيك ... شكرا .. بسلامة
قطعات تيليفون وحطات الشنط فالجنب .. لبسات حداء رياضي وخرجات كدور بوحدها فالطبيعة وتمشا وتقلب على بائع الازهار حتى لقاتو ومشات مباشرة لاوتيل فين نازل جوزيف وطلبات تقابلو ، نزل عندها بابتسامة فلحين سلم عليها وشاف فالورد باستغراب
نجمة : جوزيف .. انا جيت نشكرك على داكشي اللي درتي ليا ... كنشرك بزاف وانا مدينة ليك بحياة ولدي
شد الورد وقال : هادا واحب مكاينش علاش تشكريني ... رجعت لوبيتال هادي اسبوع نطمن على حالة ولدك مالقيتوش قالو ليا خرجتيه لغد ليه .
حركات راسها بالايجاب وقالت: خرجتو حيت كان حسن ليه نديه للدار ... وبقيت مقابلاه هاد الاسبوع كامل حتى برى وبدا ينسى شوية الخلعة .. وجيت نشكرك
جوزيف : ماتحتاجيش تشكريني ... انا و زين دابا راه رجعنا صحاب صافي ههه
ابتاسمات وقالت : و الحامي فنفس الوقت ههه ... ولاكن زين دابا غيمشي
جمع جوزيف الضحكة وقال : فين ؟
نجمة: غنرجعو بحالنا لوس انجلوس ... كرهت هاد البلاصة ومقادراش نزيد نبقا فيها بمرة
جوزيف: بهاد السرعة ؟
نجمة: ماعندي ماندير ... منقدرش نبقا هنا ... على الاقل حتى نسا ونرجع نبغي البحر كما الاول .. اما دابا صافي كرهتو ورجع صوتو كيخلعني ... غنخلي ليك الكارط ديالي والى حتاجيتي اي حاجة انا فالخدمة .. شكرا ليك بزااف
شد الكارط فيدو شافو وقال بدهشة : صاحبة شرحة تيكنو صونغ!!!
ابتاسمات وقالت : تماما ههه
عاود شاف فيها بدهشة واستغراب وقال : انا مع اكبر سيدة اعمال فالعالم ومافراسيش!!! ولاكن ... سمحي ليا .. كفاش معرفتكش وانا فايت شايفك عبر صفحات الانترنت !!
ابتاسمات وقالت: يمكن متوقعتيش تقابلني شخصيا ... كن شفتيني فهيئة سيدة الاعمال كنتي تقدر تعرفني ببساطة ... ولاكن الصدفة اللي خلاتك تشوفني فهاد البلاصة وبهاد الطريقة خلاتك متوقعش نكون انا هي نفس المرى
استغرب جوزيف وقال: لا ... اللي ماخلانيش نتوقع تكوني نتي نفس الشخصية هما وليداتك بجوج .. انا كنعرف الانسة صونغ جانغير ماعندهاش وليدات !! وما ... احمم ماشفناهاش فشي علاقة زعما عاطفية من غير الخدمة !
ابتاسمات وقالت : كنتي تقدر تكدبني كاع كن صادفتيني من قبل .. حيت كنت قصيت شعري حتى لودني ودابا طوال .. كنت ديك الساعة واخا نحلف ليك ماتصدقنيش ... حيت هادي فترة طويلة بزااااف ماحطيت صور ليا فشي صفحة ولا درت ندوة صحافية.. على العموم ... انا هيا صونغ جانغير وحتا انا مرى عادية بحالي بحالي بحال غيري ميغركش المضاهر ... المهم الكارط ديال عندك .. الى بغيتي اي مساعدة تاصل بيا ... اه متقلتيش ليا طبيعة العمل ديالك ؟
عطاتو تيليفونها كتب فيه رقم الهاتف ديالو وودعاتو بابتسامة ومشات للدار دوزات الليلة مع ولادها وصبحات الصباح شادة طريق العودة
وصلات لدارها بلوس انجلوس اخيرا وحطات رحالها ترتاح .. ووجدات لولادها غرفة نوم بجنب الغرفة ديالها اللي من الساعة فاش جات وهي مترددة دخل ليها ، لاكن فالاخير جمعات القوى ديالها ودفعات الباب تحل بشوية ودخلات بخطوات بطيئة .. مع كل خطوة كتخطيها كتذكر اللحضات والكلمات والحب واللي كانت كتعيشو مع زياد .. كفاش داك الضعف كامل اللي كانت كتشوف فعينيه وهوا معاها طلع كدوب ؟ كفاش لديك النضرات ودوك الكلمات اللي نابعة من القلب فالاخير طلعو كدوب ، لهاد الدرجة متمرس وكيتقن التمثيل؟ !!!!
تجمع الحزن مرة اخرى فعينيها وهي كدور فبيتها بشوية .. كل ركنة كتفكرها بحاجة ... وحتى الاسطوانات ديالها كاملين اللي كانت كطلق رجعو كيذكروها بيه وباللحضات اللي كانت كتعيشهم معاه سواء فرحانة او غضبانة ... ضاحكين او مدابزين ، تنهدات بعمق كتنخصص ومع نزول الدمعة على خدها سمعات صوت اوجين كيهضر بالجهد ويضحك مع ولادها ، مسحات الدمعة بالزربة وخرجات عندو بابتسامة عنقاتو وبدات كتبكي وتفرغ جميع المشاعر المتراكمة فيها بعذر زين
عنقها اوجين وقال: صافي نساااي ... نساي اي حاجة خايبة .. تفكري الحاجة الزوينة اللي تفرحك ... واش حنا غنعيشو غير فالنكد والكأبة .. ما نديرو حفلات ما نديرو سهرات مانعيشو افراح ؟ كاع الناس غارقين مشاكيل ولاكن كيخلقو لراسهم واحد الجو اللي كيفرح وينشط باش ميزيدوش يمرضو ... خلينا نخويو شي فين يزيد شي
هزات راسها فيه كتنهد بابتسامة وقالت : عند الحق ... ونيت كاينة مناسبة اللي خاصني نكوم فرحانة فيها
ضحكات وقالت : الختان ديال زين ... غندير ليه حفل ختان وغنعلنها للعالم كامل ... بغيت نعيش .. انا كنستاحق السعادة .. واولادي كيستاحقو السعادة وعيشو حتى هما .. شحال قدني نهرب ونتخبا ... انا ماردتش علاش نتخبا ... وعلاش نضيع حياتي وعلاش نخاف . الناس طال الزمان ولا قصار غيعرفو عندي وليدات .. من الاحسن نعلنها انا حسن ما نخلي كل واحد يألف عليا قصة
اندهش اوجين وقال: شنو!!! وكفاش غتعلني عليها ؟ راه هادشي غيجبد عليك الصدع مع زياد ويبدا يتنوى ويحسب غير بوحدو
نجمة: انا مغنبينش ولادي للناس .. ولادي حاجة كتخصني انا بوحدي .. نشوفها انا بوحدي ونلمسها انا بوحدي ... غنبان للناس غير انا .. وعارفة كفاش غنشرح الامر وكفاش نخلي الناس تفهم داكشي اللي باغا . اما على زياد فمغيشك فحتى حاجة حيت كان داير المستحيل باش منحملش منو .. وانا غنزيد نتبت ليه هادشي اكثر باش منخليهش يفكر بزاف ويألف قصص فراسو . جا الوقت ا اوجين فين خاصني نواجه الواقع ديالي ومنبقاش هاكا مكتفة ... جا الوقت فين خاصني نرجع نوقف على رجلي من جديد كما وقفت عليهم من بعد موت اغلى انسان على قلبي واللي كنت كنقول موحال نقدر نعيش من مور موتو ... ولاكن قدرت نوقف على رجلي .. وعاودت تكسرت ... وكما قدرت نكمل من مور موت بابا .. غنقدر نكمل من مور الطعنات اللي تلقيتهم من اسوء ناس اللي مابقاو كيعنيو ليا حتى حاجة دابا .. على قبلي انا حيت نستاحق نعيش . وعلى قبل ولادي اللي ماعندهم حتى دنب وعندهم حق يعيشو احسن عيشة ... غادي نرجع الشركة وغادي نكمل شنو بديت من النقطة اللي وقفت فيها
تنهد اوجين وقال : غير بشوية دقة دقة عليك راه الزربة خايبة ... وداك خيينا ماشي شي واحد اللي ساهل ويتخاف منو ... ماديري الحاجة حتى تأكدي منها
تنهدات وقالت : الطريق كاملة وانا جايا كنفكر ونخمم ... قلت علاش منبدلش شوية وندير شي حاجة تنفس عليا .. وفنفس الوقت نحافظ على شركة بابا اللي فنا عمرو فيها باش نجحها وزاد بيها القدام .. ماشي ساهلة عليا نضيعها ونضيع تعب بابا بسبب واحد ميسواش
حركات راسها وقالت : لا منقدرش .. مستحيل نتقبلها وصعيب .. شكون يقدر يستحمل الخسارة .. مغنخليش زياد يخسرني الشركة ومستحيل نتقبلها ... وفنفس الوقت صعيب نخرجو منها حيت الغرض ديالو فالشركة وفيا ... واخا نعرض عليه فلوس الدنيا كاملة مقابل الاسهم اللي عندو ديال شركتنا مغيردهمش ليا ... بلعكس هوا مستاعد يعطي كتر باش يبقا شاد الخيط مع الشركة ويجلس ليا فيها بحال المسمار .
اوجين : هوا حاليا غابر ملهي مع شغلو ... وكنشوفو خدام على موديل جديد لسبايدر ومامساليش ومكيجيش للشركة ومكيدير حتى حاجة ... مكيقدم مكيوخر هاد الساعة ومن نهار تضرب مابان فيها .
تنهدات وقالت : كنشوفو .. كل مرة فبرنامج ... كل مرة ندوة صحفية .. كل مرة ربورطاج عليه وعلى العلامة تجارية ديالو .. خدام على راسو وطالع بسرعة فائقة ... وانا العكس ديالو .. كنهبط بسرعة فائقة والى بقيت هاكا غنتمحى وسميتي غتنسى
اوجين : اول حاجة بعدا .. خاصنا نعاودو نقادو امور الشركة ونشكلو ادارة جديدة وفريق جديد وقوي ... عاد نبدا نرسمو المنهجية باش نخدمو .
نجمة : انا لقيت اللي يقدر يخدم فالشركة ... واحد الشاب طموح ومدينة ليه بحياة ولدي ... غنجربو ونشوف ... واي اجتماع ولا خدمة غنديروها بيناتنا بلا منعيطو على زياد ... خليه نشوف بلاصتو فالشركة شكتسوى .. باش يعرف راسو غير زايد ناقص معندو حتى رأي ... ياك عندو غير الثلث من الاسهم ... انا اللي عندي اكثر وانا اللي نقرر شنو يصلاح وشنو ميصلاحش
اوجين : اااه واش داك الشاب اللي قلتي ليا عتق زين
نجمة : اييه هوا ... انا فكرت وقلت نشوف القدرات ديالو ... بما انه عتق ليا ولدي فعندو واحد الجانب انساني هادشي اللي قلت ... نتاصل بيه يجي ونقتارح عليه الخدمة معايا كمساعد ديالي فالاول حتى نشوف القدرات ديالو وديك الساعة الى كان مزيان علاش لا ياخد بوسط زوين فالشركة
اوجين : اوك ... حتى انا هملت شغالي وقابلت الشركة ديالك كثر من راسي ... جا الدور ديالك باش تهزي الحمل شوية
مسح على راسها وقال : ماتقوليش هاكا .. نتي راكي بنتي . . . يالاه رتاحي ووجدي راسك
.باغي نشوفك قوية ... جبل .. كما كنت كنشوفك ديما ... وفكرة تبين ان عندك وليدات خليها حتى ترصي امورك فالشركة عاد نوجدو للحفلة ديال زين وديك الساعة نفجرو المفاجأة
ابتاسمات وقالت : كلشي غيتفاجأ .
اوجين : اصلا متفاجئين بالغياب ديالك ... دابا غيتفاجاو اكثر بالضهور ديالك ... غير هوا ردي بالك مع زياد ... راه منوي غير بوحدو وغيتزيد يتنوى ويبدا يدي ويجيب فراسو كما قلت ليك .. وانا هاداك التخمام ديالو والتفكير بزاااف كيخلعني ... الى مجاش فيها نيشان غيفهما عوجة ... وفكلتا الحالتين مامزياناش لينا حنا حيت غيبدا يحفر لينا وهادشي مابغيناهش... مابغيناش نويوه يفهم شي حاجة حنى فغنى عنها ويفهما كفس كاع من حقيقتها
نجمة : لالا انا هاداك عاشرتو وحفضتو ووليت عارفاه كفاش كيفكر ... غير كون هاني انا عارفة شنو غندير
جالس فالبيرو خدام مشغول ومركز ومنهمك بين الاوراق والملفات، كيمضغ المسكة بفمو مسدود حتى جاه اتصال وهز السماعة بلا ميهز راسو جاوب... شوية ابتاسم وهز راسو كيضحك
قطع ورجع للخدمة ديالو كملها وخرج بحالو للدار مباشرة دوش وبدل وتريح ولبس دجينز وسمطة وقميجة نص كم زرقاء ومشط الشعر وخرج طلع فالسيارة مباشرة لكازينو كبير جامع الطبقة الراقية فقط بالحراس فالباب كيمنعو دخو اي واحد كان .
دخل لداخل وسط الاضواء والطاولات والنساء مقزبات كل وحدة كتنسي فالاخرى لابسين ملابس باهضة فالثمن ورجال بلكوستيمات كل واحد جايب اموالو يقمر بيها .. بدا كيشوف يمين يسار حتى بان ليه كراش جالس كيضحك وحداه كاس مشروب وكيلعب فواحد الطاولة ، مشا وقف عليه وحط على كتفو كيضحك وقال
كراش : اسيدي على هاد الكلمة ... هانا نتنازل ولعب بلاصتي
زياد : ويلا مشاو ؟
كراش : كتفائل وعارفهم مغيمشيوش
جلس زياد على الطاولة معاهم ووقال
- واخا سيدي ... نجربو ... كفاش كتلعبو هادشي ؟
كراش : الموزع غيشرح ليك اللعبة كااملة ... ولاكن ختار اشمن لعبة تبغي تلعب ؟
زياد : شرح ليا باش نفهم
كراش للموزع : شرح ليه طريقة اللعب ... السيد جديد معانا ههه
الموزع : بغيتي تلعب على هاد الطاولة ولا هادي
زياد : واخا شرح ليا الطريقة عليهم بجوج
شار الموزع صاحب البدلة الرسمية والبابيو فالعنق للطاولة اللي حداهم وقال
- هادي لغبة الرولين ... كيبوح الموزع الكرة وسط العجلة وكتبقا دور حتى كتوقف .. الى وقفات فالرقم اللي نتا ختاريتي كتفوز .. والى وقفات فرقم اخر كتخسر
زياد : اممم... وهادي اللي جالسين عليها ؟ بان ليا هنا الرامي بحال الكارطة ؟
الموزع : هادي لعبة البوكر ، لعبة جماعية مختالفة على لخرى ... لخرى كتلعبها نتا بوحدك .. اما هادي كتلعبها مع الجماعة وتقدر توصل الجماعة حتى ل 10 ديال الاشخاص وتقدر تلعبها مع واحد ..
بدا يشرح الموزع حتى سالا وقال زياد
- غنلعب هادي حسن
كراش : علاش هادي بالضبط ؟
زياد : هاديك لخرى مابانش ليا فيها ... كتعتامد على الزهر وانا زهري مكوز ...
بدا الموزع كيفرق الكرط وبدات اللعبة مع زياد واربع اشخاص ..كل واحد مركز مع وراقو وكل مرة يخسر واحد ويحط الاقراص ديالو الوسط اللي عبارة عن اموال بعدد الاقراص حتى بقا غير زياد و واحد الا الاشقر مكيضحكش .. حما الطرح بيناتهم وبداو الناس كيقربو يتفرجو .. فجاة ابتاسم زياد ابتسامة شيطانية وكشف على الكرط ديالو ورجع تكا بالكرسي اللور وبهاكا انتهت اللعبة بفوز زياد وبدات التسفيقات عليه وربح مبلغ كبير خلا كراش ينقص من الوزن بالفرحة وجلس يشرب ويقنع فزياد يزيد يلعب ، وبالفعل عاود زياد اللعب ونجح المرة الاولى والثانية والثالتة و البنات بداو كيدورو بيه ويتجمعو عليه حتى مابقا حد باغي يلعب معاه . وبقا جالس كيشوف فالكم الهائل من الاقراص كيضحك وقال
- شنو دابا تقصم معايا؟
عنق كراش الاقراص عندو وقال : تستاهل هههه
زياد : هانتا دابا ماخليتي لينا معامن لعبو ... فصراحة لعبة ممتعة عجباتني ... خود نتا الفلوس وخليني انا لعب ههه
كراش : وشوووف بعدا شكون يتحداك ويبغي يلعب معاك
زياد : داااابا يبان شي واحد تايق فراسو وشابع لعب ... ونيت باش يحما الطرح .. نخاف غير نخسر ويمشي ليك كوولشي هههخ
- انا لاعب
هز زياد راسو كيضحك بعفوية شاف الصوت منين جاي وهوا يجمع الضحكة في حين كراش ضحك وقال
- جيتي معطل ... هادي هي غنغلبك غدا ههه
تقدم راجل كبير فالسن اصمر البشرة عيونو عسلية وسيم وكشرو شوية باينة .. طويل القامة ومقرع .. لابس بدلة رمادية وسنسلة غليضة فلعنق وخاتم الذهب كبير فصبعو الصغير .. ابتاسم ابتسامة جانية في حين عبس زياد وهز حاجبو وتكا للور على ضهرو كيشوف فيه ساكت ويطلع ويهبط
الشخص : . وزع لينا خليني نشوف فلدة كبدي علاش قاد ههههخخخ
جلس الشخص بكل تقة وابتسامة مكشوفة كيشوف فالزياد اللي بدورو داير صبعو على خدو وكيشوف فيه
الشخص : علاياش غتراهن اكبدي؟
عبس زياد باشمازاز وناض وقف قال : مكنقمرش المعلم غير شوف ليك شي واحد يقمر معاك
شدو كراش وقال : لالالا جلس اصاحبي مالك واش خفتي منو ! باك انا اللي كنراهم بفلوسي صافي لعب معاه وريه اللعب على اصلو كي داير
هز عينيه بجدية فكراش وقال : كولت ليك انا مكنقمرش ... الكازينو عامر قمايريا ... وزايدون انا مكنلعبش مع شي حد مكنعرفوش
ضحك الشخص بسخرية وقال : اييه !!! ومنين جيتي بالسلامة؟ نزلتي من السماء؟ ! ... ولا صافي درتي لفلوس ورجعتي مشهور متبقيتيش ترضا بينا؟
خزر فيه زياد وقرب وجهه وقال : اه ... عجباتك؟
ضحك الشخص بسخرية وقال : سير ... الى معجبكش الحال سير ... حيت عارف راسك خاسر بحال ديما
ضحك زياد وقال بسخرية : شوف شكوون كيهضر ! ههه عارف راسي خاسر من ديما هه! كما نتا عارف .. ولاكن اللي مازال ماعرفتيهش هوا انا ماشي حمار كنتكَيد هه ... رحم الله من عرف قدر نفسه ... خليت الراحة المعلم
بغا زياد يمشي ووقفو الشخص وقال : ماعليش ... سير دابا حتى لمنبعد ... وسلم على زوبيدة وكوليها مزال غنجي نشوفك
تلفت زياد بغضب وقال : مي بعد منها ... سمعتي ... هانا كنعلمك .. خليك بعيد عليها حسن مانقلب وجهي عليك .. راه مغنعقلش عليك سمعتي
الشخص ببرودة : واخا اكبدي ...
قاطعو زياد بغضب وقال : ما كبدكش .. فوتني عليك ... راه منصلاحش ليك ... هانا كنعلمك ... فوتني حسن ليك .. داك زياد اللي كتعرف مشاااا ... هادا اللي قدامك مكتعرفو مكيعرفك وحسن ليك فوتنا بلا منغلط فيك
الشخص : ومالك تعصبتي غير برد بشوية عليك ... انا غير توحشت زوبيدة وبغيت نطل عليها فيها شي حاجة ؟
حمار وجهه زياد وبدا يترعد عليه بغضب ، شدو كراش وقال كيتسائل
- فين كتعرفو ؟ واش كتعرفو ؟ شكايجيك؟
نتر زياد يدو بغضب وقال : شداني نجي كاااع ونقرب لهاد المرض تفوو
العنكبوت الجزء الثامن
محتوى القصة
التنقل بين الأجزاء