فاتي:علاه هي سمتالة وسكتي..ولايني اش بندير ماشي ديالي نقطع هضرة ولد ميمتي على قبل مرا واخا راه هو لي ماد يديه علي
مباركة:اوا لمبيتيش تقطعي هضرتو هي لمشيتي طلبتي منو سماحة ومن مرتوو راه غلطتي نييت
فاتي:اوا على وعدي وسعدي ولايني ها زجهي وها ديالكم الى ميبان عيبها راني ماشي بنت سيدي يووسف
مباركة:نوضي نوضي فحالك
فاتي:(وقفات)نطلع ندوي مع عثمان ونعيط لحميد اجي ليا
وبالفعل خرجات تتمشا بشوي عليها مع الكرش مثقلاها ..طلعات فدروج بشوي تا وصلاتاىهم دقات فباب وتسنات شوي عاد تحل لباب من طرفو هو لي كان لابس هي شورط ..ستغرب وعقد غوباشتو وقال:مك راه لتحت
فاتي:اوا لوااه اخوياا..لديرش ليا فيها ضيف حيد خليني ندخل
دازت فيه مدرمة ودخلات فحين هو بقا محافظ على تغوبيشتو سد لباب وتلفت ليها هي لي جلسات فوق تليق وقالت:باقي مهداك الله تهبط كواريك وتهضر مع ختك
عثمان:من نيتك نتي؟؟شكون لي غالط
فاتي:بجوجنا
قاطعها بنرفزة؛لحبس لوااه..تجنعي شوي ونتي دايراها قد راسك وتتهضري
فاتي:مدرتش اعثماان..هي زلقات
عثمان:داكشي متيزلقكش..تسحابك بتشوهبها هي راه شوهتي هي خوك بيحسابهم هي مراجلش..انا يادلي مداخلا ليا هضرتك من تا شي قنت ولايني هي ...هي افاطمة زهراا لاا
فاتي:(وقفات)واخا اسيدي انا لي غالطة زانا لي ضلمتها وانا لي ممزياناش وجايا نطلب سماحة منك
فاتي:واقلة..ياله انا نزل لتحت ندوي مع ديك زنوبة تاعكم
ضرب ليها شعرها:زيينب هههه نزلي وهي بشوي نسمعك قلتي شي هضرة ولا حشيتي فيها شي هضرة المرا جايا نقلب عليد وجهي بمرة..راه غشيمة مديالش ديك الطيابة تاعك
عوجات فمها وقالت:واصاافي سير
دازت تضحك فرحانة انها تصالحات معاه..احسن حاجة ففاتي هي متتفوتش خوتها ومها يمكن حيت عارفا راسها عندهت هي هوما وعاد حيت مزروعة فيهم ديك الغريزة الاخوية لي تتخليهم ميتفرقووش على بعضهم
رتاحت نسبيل ونزلات لتحت على وعدها وسعدها تطلب سماحة من لالة زينب واخا مباغاش مية فالمية ولايني على قبل علاقتها بعثمان قالت تدير لما منين ادوز
دخلات لدار العربي هازا جلايلها تصلدفات مع وئام وقالت :فين زينب
وئام:اش بيتبها؟؟(بشك)خلي ليلة دوز بخير
فاتي:انم فينها مرات خوك
وئام:راهيا فلكوزنة تتغسل الماعم على قلبها
دازت فيها ومشات للكوزبنة فين كانت زينب مشمرة على قفطانها وجامعا شعرها بشالها لي مغطي هي نص ونص لاخر باين..كانت قربات تسالي فاش دخلات عليها وقالت:قربتي تسالي
تلفتات لمصدر صوت ولقاتها هي ..ولات هي تتبرق تتحاول تستوعب اش قالت..فلخر قالت:باقي اختي
وقفات حداها وقالت: مالكي اختي عليها تغسلي ليهم ماعنهم
زينب:(باقي محرجة)هي مع عيات لالة
فاتي:اوا نتي معيتيش
زينب:هءء لا ماشي مشكل
عم صمت وهي تقول فاتي:انبات عندكم ليووم
زينب:مرحبا بيك اختي
فاتي:اوا المهم هي باش متبقايش شادا فخاطرك مني(حطات يديها على كتفها)تطلع ليا القردة للقصبة ونولي هي تندربز فالهضرة هه
شافت فيها زينب وقالت:ماشي مشكل اختي
فاتي:(حطات يديها على كتف زينب)المسامحة صافي هه
زينب:(بابتسامة)دنيا هانياا اختي
فاتي:براكا علينا من هاد ختي ههه سالي وياله نطلعو للفوق
ناضت مباركة تبدل هي زوىام مخلينها تتقلب فالتصاور تاني دايرا رجل على رجل
خرجات زينب لابسة بيجامة حد الركبة مبينة السيقان ونص كم..جارا صندالة بعدما مسحات ضفارها من صباغة..دازت توضات وصلات لي فاتها عاد.خرجات لقات عثمان مريح مع ختو وقالت:اشندير للعشاا
عثمان:(حط يدو ورا ظهرها)انا مافياش
زينب:ونتي افاطمة زهرا
فاتي:ممم ربي ديري لينا شي طويجين يكون بحال تاع داك نهار لي طيبتي فاش مرضات مي
ضحكات تاتكمشو عينيها وبدات تتحيد تا بقات بشورط وديباردور وهو يبدا تيقرب تا بعدات وقالت بصوت متخافض:عههههه عرفتك ديرها حشوومة
سد لباب بيدو وقال:اجي قالاك حشوومة
زرب عليها وجرها من دراعها تا تخشات فيه لصقها مع ثلاجة وبدون سابق انذار تلاح عليها ببوسة معنفجة شرك ليها فيها كلشي..قبلة وتلميسة وتعبااز
قبلها لجهالة ويديهم مشابكين تيبوس واقول مابست تا تحلات لبه وولات معنقااه مكاين هي بوس ياما تبووس ومن الفم للعنق لفتخة صدر للفخاض تا حسو بحرارة جسمهم كطلب بما كثر
تلاحمو باليوسان تا ولا سيد بغا يقلع ليها حوايجها وهي توقفو تتنهج خاشيا نبفها فصدرو وقالت:عثماان برااكة
هزات فيه عينبها حشمانة وشعرها تخربق شوي بلا حوايجها لي كلهم تجرتلوو..بتاسم وباسها بلطف فجبهتها وقال:بحالا عمري قستك ههه واش هاكا تيكون لعام لول تجواج ههه تيولي بناظم جاهل
ضحكات بصوت منخافض حشمانة منو ويدها على صدرو وقالت:هههه معرت
عثمان:ههههه اودي..صبر معاك نمشي نغسل وجهي
زاد تيحرك فراسو بحالا تيقول الله يهديني..مخليها تتفرنس وتسرح فشعرها ديما شادعا فشي قنت مقنتها وكيجيبها قراسو تقدر حالتو تجيه فاي وقت وفاي بلاصة وابدا اضور بيها من هنا ولهيه وابوس من هنا ولهيه
لاحت عليها لبيحامة دغيا وصايبات شال عاد.هزات حوايجعا داتهم لبيتها ودازت عندهم هوما لي مريحين..بتاسمات وسلمات على حميد من اليد بحياء وقالت:خويا حميد لباس عليك
حميد:(باحترام)براك الله وفيك أختي
جلسات حدا عثمان وجا عندها انس وقال:هاني جييت
هزاتو فحجرها وقالت:مرحباا بيك
قرصها من حناكعا وقال :ههههههه اييي حناكك زوينين
ضكك عثمان وجر ليه حناكو:كي تاع الطبال يااك هههه
انس:ههههخ اه
دوزو ديك الجليسة هي هضرة وجيب من هنا ولهيه وزينب متتشاركش بزاف فالحديث حيت ممطلوقاش قدام حميد حدها لقرصها عثمان فجنبها تاتفافا وتحبس ضحكة
تا طاب لعشا وعطات ريحتو فدار وناضت تتحط العشا فحين عثمان نطق:تجعدي جيبي الما تشريب
وئام:مافبااش عييت
عثمان:تهزي جيبي الماا تشرييب ونتي عاطياها هي لنعاس
ناضت تتسوط معاجبها حال جابتو وحطاتو بنطرة عاد حابت زينب طاجين والخبز..بداو الماكلة لي طاحو فيها عميين وبزاف حميد لي موحش ماكلة دار طاح فيه عما متلاش نااض
مباركة:(تسوخرات اللور)الله على طااجين ههه يعطيك صحة ابنيتي
فاتي:احححح الله
زينب:(بخجل)بصحتكم
مسحو داك طاجين وناضت هزاتو وجابت ديسير وريحات حدا عثمان لي باشر كيقشر ليها تفاحة واهضر مع حميد فحين فاتي هازا تيلي تتوري لوئام لحوايج اما انس راه خمر على رجل جداه لي بدورها تتكمع
حط ليها تفاحة كلاتها وشافتهم فاتي وهي تنغز وئام زعما شوفي ونطقات لوخرا بصوت منخافض:ويلي هادشي هي شوي ماشتي فاش تيدخل من الخدمة واسلم بالوجه بوسة هنا ولهيه وتاهي تتعرض ليه ههه وشي مرات تتكون تتهضر مع مي ونلقاه تيشوف فيها
فاتي:شلاااا فففف سبعيام تالمشماش دغيا دوز
كلاو داك.ديسير والاغلبية كمع وهي تنوض زينب جمعات داكشي للكوزينة زبزربة جمعاتها خلاتها ناضية عاد مشات تتحط لفراش لفاتي على قبل ولدها..
مسات عليهم ودازت لبيتعا ملقاتش عثمان كان فلحمام حيدات شال ترخف شعرها وهزات كريم تاليدين تاع نيفيا دهنات يديها وهو يدخل هو وقال:نعسوو
زينب:ااه
جا موراها حاضنها وقال:وحنا منعسووش ممم
زينب:هههه هاحنا نعسوو
عثمان:لا نعسوووو(طولها)ههههه(شد يديها كيدهن ليها لكريم)ضروري من هادشي
زينب:هي باش ميحراشوش ليا يدي هههه
عثمان:(هز يديها باسهم)اخويا راك رطب بلا قيااس هههه
دار ليها طريق وناضت لاوية ليزار مخلوعة وتلفانة معرفات متلبس ولا متهز وهو تيضحك واحك عينيه..فلخر قرب وشدها من خصرها وفال:هزي شي حاجة لبسيها تا تسالي ودوشي ههه
ضحكات ليه متوترة ومشات تتلقك حوايجها من لبيت من هنا ولهيه ولبساتهم بزربة متسوقاتش ليه هو لي هي تيشوف حيت ممولفاش ليها تتعرا باريحية حداه..
سالات وقالت:فينها
عثمان:فسيجوور ههه
خرجات زربانة خفيانة ومشات تتزرب هي شافتها وقالت بفرحة:ايناااا
عثمان:مال خالتك حسابها مزوجين تنتعلمو الطياب هههه تنعيشوو الحياة احبيبي
زينب:ههههه واصافي براكاا تانكونو بوحدنت
ضحك وبدا كيهر قيها:والى مبيتش اختي
بدات تتهرب لبه وخافت تضحك بجند واسمعوها..تزنكاات وحشماات تتحاول تبعد فيه تا سكتها بقبلة حميمية زكات فيها اطرافها على لحركة وبادلاتو القبلة تتفرنس تا تقطعات من طرفو وقال :كون ما مك كون ننن(بقا لاصق عليها تيهرها فحنكها بلحيتو ويديه خدامين وهي تتعوج ليه وتضحك معاه بشوي عارفاع تتعجبو الملاغة..قبلة فحنكها نرة وففمها مرة تا شبع وباسها فعويناتها وقال:ياله كملي لفطور..نهاونك
هنا تاهو تفركت بضحك وطارت عليه سدات ليه فمو معلقة فيه تضحك هي الاخرى بشوي خافت اسمعووها
زينب:حراام عليك اعثماان ههه
زاد تيضحك وحيد ليها يديهت وقال:ههههه حيدي الله يمسخك
زينب:هههههه قتلتيني بضحك دي معاك صينية انا نهز هادوو
هزها تاهو وسبقها وتبعاتو تاهيا بالبلاطو كبير فيه زيت زيتون كاشير فرماج وزبدة..مع شافتهم عيشة خرجو عينيها وتصدمات من انه هاز الصينية بقات هي تتشوف وحشمات وتتسنا مباركة تهضر
حطو لفطور ورجعات جابت الخبز وجلسات مبتاسمو فحين عيشو هي تتخنزر فيها
كبات مباركة القهوة وبداو كيفطرز وكيهضرز الا عثمان لي ساكت تيفطر ومطمر..
سالاو ونطقات مباركة:زينب دي مك تحيد حلابتها باش ترتاح
عيشة:(هزات جلابتها تت دارتها تحت باطها)محشمتييش ابنت الحراام هااا اوييلييي على غدايدي(تتندب بيد وحدة)واش اعبااد الله الرجل قد.سخط واهز معاك صينية هةيولي هاويلي على شووهتك اعيشة
عيشة:بسييف لسييف..واش اعباد الله الراجل تيدخل الكوزينة..فين عمؤك شتيني انا مدخلة باك.لكوزينة ولا فاطمة مدخلة راجلها للكوزينة
زينب:ايناا راه
قاطعاتها بغضب:هاويلي بنخرج على دارها باقي تا مكملات فيها شهراين..بيت ليك دقة
زينب:(تغرغرو عينيها)واا يناا راه عثمان فشكل
عيشو:شووفي انا لي عارفا العجيزاات..واش كاينا شي مرا اتقبل على ولدها ادخل لكوزينة ..الى كان بيدخل هو لكوزينة لاش مزوجااك هي بييه
كانت بغات تنطق وتقوليها اينا رله ماشي خدامة وهي تسكت حسن ليها لتجيد عليها نحل..فحين مباركة حيدات جلابتها تتنكر..علقاتها وقالت:تا البيت اعباد الله مجامعاه هااويليي هاويلي على تربيتي مشات خلة
فاتي:عفاا سخنيه ليا الله يعطيك ستر بنفيق انس الى تعطل فنعاس تيعذبني فليل
زينب:واخا اختي واخا
مشات فاتي تتمختر للصالة ودازت فيقات ولدها
فحين زينب سخنات اتاي ورجعات تتكرس العجينة تا سخن اتاي..دارتو فبللطو وداتو مع الفطور حطاتو ليها ورجعات تكمل شغلها..والعرق كينزل من جبهتها وعاد مناعساش مزيان..دوش هو لخر مدوشاتووش من الجنابة
عجنات ونصباات بزربة فحين فاتي مريحة دايرا رجل على رجل جنبها وئام وانس تيفطروو وعيشة مجمعة مع مباركة فالزمان
تا جات زينب ريحات حداهم مع ذلك فرحانة بمها..فطرو لويساتها وبقات هي مريحة عادي فحين مباركة ناضت باش توضا..وهي تنطق عيشة بالشلحة:نوضي جمعي لماعن ذبان تججكج عليهن
زينب:هااء واخااا
ناضت هزاتهم وعيشة دايرا فيها الصارمة لي تتنصح فبنتها بغات تبان قدام نسابها ..اما فاتي مهفهمات والو وهي تهز حاجب وقالت:لالة عيشة علمينة الشلحة نعودو نفهموو اش تتقولو
اما فاتي دخلات طويلة عند حميد لي شافها وستغرب:فين لغدا
فاتي'ها زينب اتجيبو ليك اترض ليك بيض وفلفلة.
حميد:واش افاطمة زهرا من نيتك..مرات خوك توجد ليا غذاياا
فاتي'واش فييها بحال هتك ماالك
سكت ماقال والو وجلس كيتمازح مع انس تا جات زينب حطات ليه طويجين صغير في ه اش طيبات مع صينية تاتاي ..حطاتهك بحياء وتاهو تحرج وقال:سمحي لينا برزطناك معانا
زينب:دنيا هانيا اخويا ماشي مشكل
جلس حميد تياكل وعجبوو داكشي دخل فيه كول وعرض ومع فيه جوع معقلش..اما فاتي عيطات لزينب وقالت:اجي اجي نوريك واحد توب تجلابة بيناخدوو
ناضت زينب حداها تتشوف معاها وتقوليها عي زوين زوين..تاسلا حميد وناضت هزات الماعن وهو تيشكر فيها واعاود..حشم منها
هزاتهم تاني وغسلاتهم من جديد وها العصر تا يوذن..ردات ليهم الما تلوضو وناضو توضاو وصلاو وحطو تراميهم للارض تاني كينشو من صهد وزينب مزموتة فشال مع كاين حميد..
دخل عثمان من جديد بكري وناضت عندو تستقبلو..تسالمو بالوجه من حديد شيءلي ثار انتباه حميد..شاف كيفاش ناضت تلقات ليه وسلمات عليه وشدات تيلي وسوارتو وقالت:على سلامتك
نباركة:خليها تساراح من صباح وهي من هادي لهاديك مالها هي محنية
زينب:ماشي مشكل اخالتي انعاونها
مباركة:ياهاد البنت جلسي تساراحي
زينب:والله الى هانياا اخالتي ماشي مشكل
وقفات تتفادى صداع كون اخليوها هي فالهنة ميهضروش فهادشي قدام مها لي تتعتابرها زينب قنبلة موقوتة خافتها تنطق بشي حاجة ولا تشكا منها وتفركع عليها وتشوه للهم تسلك الشوكة بلا عنب
ضحكات بخجل وحركات ىاسها بلاحول..وبدا تاني مجمع معاها وتيتلاوط عليها بحالا جالس فراس درب مفوج عليها تضحك تتقول مضحكت..هي بشوي باش ميسمعوش..مرة انوض ابوسها مرة الوح ليها شي كلمة تا وجدات داك الكاسكرووط علل حقو وطريقو..بقهوة وحليب مسمن بغرير وكيكة تشكلاط وشي كريصات تيجيبهم عثمان من زنقة
ياله بيهز البلاطو وهي تحبسو وفالت:لا لا هي سير انا نجيب كلشي
زينب:لا لا يللش انا نجيبو هي سيير عفااك
عثمان:خليني نهزهم عليك
زينب:(باصرار)لا لا هي حطهم
ستغرب وداز سابقها وهي تابعاه بصينية حكاتها مزوقة وتبعاتها الباقي..عمرات الطلبة مرحبين بعيشة لي هي تتفرنس
فاتي طاحا تاني عمية فالماكلة ظع حاملة دغيا تتجوع..حميد حديث ولا حرج مكاين هي الله يعطيك صحة السيد مشهي ماكلة دار..اما مباركة تاكى وترضي..فحين عثمان كيامل بصمت..تاناض هز كاء تالقهوة وخرج عارفينو بغا يكمي ومحكروووش
حميد:الله يعطيك الخير اختي برزطناك
زينب:بصحتكم مكاين تا تبرزيط
حميد:الله يكبر بيك..فاكمة زهرا ياله نوووضي
ناضت بلا هضرة بلا كلام لبسات عليها ولبسات لولدها وتوادعات معاهم من جديد ومشات لدارها
ريحات زيني تتشرب فالقهوة على خاطرها تادخل عثمان حط الكاس وريح وريحة الكارو عاطيا منوو..تيتفرج فالجزيرة
تسالا كاسكرووط ونطقات عيشة:ساله جمي الماعن ازينب
زينب:بلاتي اتكمل وئام
وئام:انا سالييت
عيشة'اوا نزضي خلاص راه وليتي معجاازة كثر ملي كنتي(شافت فمباركة تضحك)حسن عوانك لاش صابرة هي سمحي لينا عقل صغر وكان
هنا عثمان ضور عندها وحهو مقندش وعقدهم فيها معاحبووش الحال
رمقها بنظرة مغوبشى وهي تتشوف فمباركة مجمعة معاها فحبن هو طلعات فيه الهضرة ونزلات وتتبان ليه عينين زينب مغرغرة..شافت فيه بترجي باش مبهضرش عارفاه معندوش علاش احشم..وهب تنطق مباركة:لواه لواه الالة عيشة..زينب ماشي هي حادكة راه فاتت الحداكة لهيه..تبارك الله طيابها لي ذاقو عندي اشكرو من راجل بنتي شكرووو
عيشة:اوا هي قلناا..معرفتب لوقت اش مخييا
نطق عثمان بنظرة جدية:وحتى كون مكانتش تتعرف تطيب ماشي مشكل اخالتي..تجوجت بيها باش ندير معاها دراري ونعيش انا وياها ماشي نجيبها خدامة
مباركة:(حشمات)اوا شتي جيل درووك
عيشة:(حشمات)الله يسر اوليدي
مجاوبهاش كتفى اشوف فتلفازة عاقد غوباشتو ولي فوق العافية هي زينب بي هضرة مها تطلع وتنزل فيها..معرفاتها شنو تتحاول تدير..واش تبين راسها مرباتش ولا توصيهم عليها ولا شنو
بقا فيها الحال والغصة حلفات لدازت..مباركة حسات بيها وحطات يديها على ظهرها مبتاسمة:عطيتينا النقرة ااصافية..انا بعدا كون مانت عندي بنية بحالها منضيعهااش منزوجهاش نخليها حداياا..تبارك الله زين والحشمة..كلشي اقولها فيها زينة(عنقاتها من كتفها)لي شافها تعجبو(بغات تلطف الجو)شتس فاش نزلنا اخطبة تاع بنت العربي شافتها مت العريس قالت ليها كون مكنتي مزوحة كون جوجتك لخويا هههه
ضحكات عيشة وقالت:مزهارة هي هههه بحال باها
هنا عثمان ضور وجهو لعندهم مخرج عينيه وقال:هادشي مفراسيش(عقد حجبانو)امتا وقع؟؟
زينب:هءء مم
قاكعاتها مباركة:نهار خطبة امبمة..واقلة هي ضحكات
حرك راسو بسخرية:ضحكاات؟؟
ناض من حدانم كافر وطالعا عليه..هضرة مها مستفزة وزادتو هضرة مو هو طلعات ليه الكرافس لفوق راسو..اما زينب كتافات لتبسيمة لحماتها دليل على شكرها على مدحهة
عيشة:وا مسخيتش بيها ولايني ضروري تدير دارها وراجلها ووليداتها باش تا لمت منبقاش مشوشة عليها
مباركة:بطولة عمرك ان شاء الله تاتشوفي ولاد ولادها
عيشى:(شافت فزبنب)امدرا كاين شي؟؟
زينب:(بعدم فهم)شمن شي
عيشة:شي وليدات
زينب:(تحرجات)حمم باقي
وئام:باقي عليهم الحال ويلي عاد تززجوو
مباركة:واهو مدى بينا اولدو لبنا شي خنفووس نلقا هي معامن نلعب ولايني باقي تتقرا متقدرش عليهم
زينب:ااه داكشي
عيشة:القراية هي بتدير ليك المستقبل زعنا؟؟معرفت انا اش عاجبك فيها والله...مشت تا نفع فيها ضربي طريق على قلبك وتجي وصاافي
مباركة:الى من جهة ولدي راه ميقول والو بالعكس هو ازعمها تقراا
عيشة:اوا لي بان ليكم
بقات زينب عينيها فتلفازة خصها على شوي تدمع..متتعرف راصها واش مع مها ولا شكون؟
معرفاتش شكون ااحماة فيهم..واش لي تدافع عليها ولا لي تتغرق ليها
سالات وئام كاسكروطها وهزات زبنب الماعن داتهم تغسلهم وتتنهد معندها خاطر ولا تا حاجة..بات هي تمشي تنعس وتبعد من سيط مها..
كملاتهم ونشفات لكوزبنة ياله اتخرج وهو يدخل عثمان مدواش معاها حدو هز لما شربوو وبقا كيشوف فيها واقفة تتشوف فيه بنص عين ولمعة فعينيها تدموع..حط لكاس وحرك ليها صبعو باش تجي..وبالفعل توجهات لعندو تتلعب بصباعها ..جرها دارها وسط صدرو ودوز عليها يدوو معنقها بحب ومزير عليها
وهي بكثرة ما مهمومة هاد نهار لقاتو ملاذ لاحزانها..دوزات يديها على كرشو وعنقاتو وتسرسبو دموعها الواحدة تلو الاخرى..حس بيها تتبكي وزير عليها مخنزر محاملش البلان وقال كيزفر:فففف نم الكحل..هي حشمت منك اما نجاوبها
زينب:هءهءهء بقا فياا الحال هءهءهء بحالا انا معجازة ومتندير والو(هزات فيه وجههة مدمع وشفتها تحتانية تترعد)بصح متندير والو
عثمان:(شد وجهها بين يديه)زيينب..فهاد زواج كاين انا ونتي مكاين تا شي حد اخر..انا ثافي وانا عاحباني هاكا كيما بتكوني قابل بييك كيما تانتي هازا ليا هبالي تانا قابل بيك(باس جبينها قبلات متكررة)واش البنت لي تفيق قبل مني توجد ليا الفطور وتفيقني بضحيكة واخا عارفاني تنفيق خاسر ضارب سبعة فربعة وتتيقا ضاحكة ليا..تبزز علي ناكل باش كضرنيش معدتي..توصلني تالباب وتقوليا الله يسر..نجي مدكدك وتصايب ليا ماكلتي وتلقا ليا ضاحكة وتتقولي ليا متديري والو(عنقها من جديد)انا عندي تديري كلشي ومافيك تا عيب..وتنبغييك هاكا كيمت نتي
زينب:(بصوت متعب ومغنغن)وعلاش هي تتقوليا متندير والو هءهء جاب ليا الله بحالا انا لي منسواس
عثمان:(زفر)شهاد الهضرة تاني تاع لق**** ..قسما بالله الى كون مشفتيش فيا كون سمعتها لمنقي من خيارها..تكون مك ولا جدااك..مك على راسس وعيني تجي مرحبا بيها تجلس شحال ما بات..تسكن ظعانا بمرة معنديش المشكل ولاكن باش تبقا تنقص منك قدامنا كاممليين مبلانش..مفهمتهاش اش تتحاول تدير ومعرفتش علاش مسكتيهاش..كون نتي هضرتي مكنتش انا نوض نهضر
زينب:(تترعد)اش نقول ؟؟هءهءهء هي هاكاك دايرا متنقدرش نقوليهل شي حاجة اعثماان هءهءهء(حلات فمها بتنفاجر بلبكا وهو يجرها سد ليها فمها بيدو وخشاها بحضنو)هءهءهء
عثمان:شووووو صافي سكتييي
بكات زينب بحرقة فقلب غثمان لي محتاضنهت وخلسها على راحتها تا شافها نقصات فلفوليم وقال:صاافيي سكتي احبيبي ..
زينب:هءهء عييت معرفتهاش لاش تدير معايا..
عثمان:تقول لي باات نتي عارفا راسك براكة عليك
مسح ليها وجهها من دموع وطبع قبل فعويناتها وقال:صافي متبكييش
زينب:فففف
مسحات على وجهها وتنهدات براحة فكات شال وتحنات على لفابو تالكوزينة غسلات وجهها ومسحات على ححبانها وطبعا مفارقهاش هو..قربها ليه خشاها فحضنو وقال:كلشي تيدووز ياله زيدي لبسي عليك نخرجوو شوييي
زينب:هااء حشومة اعثمان كاينين وعاد اينا
عثمان:هي باش تنفسي شوي نهار كامى ونتي فدار
زينب:(حركات راسها بنفي)لا حشوومة اتبقا تهضر هي تتمشس ونخرجو
بتاسم وعنقها بيدو وقال:صاافي ياله
خرجو من الكوزينة ورجعو لحداهم وهي تنطق عيشة:جمعتيهم
زينب:ممم
جلسو وريحها حداه هاز تبليكوموند فيدو كيقلب فالقنوات مدوز ساعة فحين لوخرين مجمعين اما هوما مرة مرة اهضرز مع بعضهم بشوي تا دازت ديك الجليسة ووصل وقت العشا لي طيباتو زينب وحطاتو ليهم وجلسو مجموعين عليه تيتعشاو فصمت الا مباركة لي تترحب بعيشة
سالاو وناضت زينب تهزهم وهو يحبسهل عثمان وقال موجه كلامو لوىام:تهزي نتي
وئام:لفين
عثمان:جمهي هادشييي ياله
وئام:(تتغبن)ولاا راه عيييت
خزر فيها بجهد ومتلاش عاود الهضرة زهي تنوض تتنفخ وتجدب هزاتهم بتنطار معاوداتهاش معاه فخين زينب نطقات بشوي بوحدو لي يسمعها:عثمان كون هيي
تلفت ليها خزر فيها وهي تسكت اما عيشة تضور راسها..جات وئام جمعات طبلة بنفخة وتتخزر فعثمان لي ممسوقش ليها
ناض خرج عارفينو طالع اكمي وهي تنطق عيشة:حشومة ابنيتي حشوومة نوضي عاوني لوستك
مع الفجر فاقت عيشة على صوت الموذن تتقطر بالعرق..ناضت تتعجز وتحك راسها..لبسات بلغتها وخرجات لقات صقيل من غير ضو فطواليط لي ضارب من واحد شقيقة تلباب فلحيط لفاص ليه..تحل باب طواليط وبانت مباركة تتستغفر الله
عيشة:صباح لخير
مباركة:صبااح النوور(تتصايب خرقتها)بتصليي
عيشة:اييه لجات على خاطرك
مباركة:اجي نعطيك الما
دخلات لدوش وجدات ليها لما فسطيلة وقالت:هاكي انا نمشي نصلي
عيشة:الله يقبل
دخلات عيشة للطواليط تتشوف فيها وتفليها..متوضات تا بىككاتها مزيان..لي شافتو تقيسوو..عاد توضات وخرجات تتشهد..لقات مباركة موجدة ليها الصلايى شكراتها وصلات الفجر وجمعات صلاية تا سمعات الباب تحل كان عثمان لي دخل من جامع..مشاف لا هاه لا هوه مشا ديركت لبيتو حيد لفوقية وتخشا حداها هي لي غارقا فنعااس مفرقا رجليها ومع لابسة هي سليب دار بتسانة شريرة وقال:اعوذ بالله هههه
عنقها من جدبد وبعد عليها ليزار حيت صهدها لقا تحت شعرها فازك بالعرق بقا نيبوس فيها ففوجهها وفعنقها تارجع غفا براحة
اما عيشة راه نعاس مجاهاش لانها مولفا متنعسش مور الفجر تتمشي تحلب ولا توجد الفطور..بقات تتقلب من هنا ولهيه مغمضة عينيها وتتسناهم افيقو بفارغ صبر
طلع صباح بشمش جديدة سخونةوصهد كيشوط..مع سبعة تصباح كانت زينب تتحرك بلاصتها قهرها صهد تا حلات عينيها متضايقة من صهد وزادها تا قربو ليها صهدها
بقات حالا عيتيعا شوي وشافت فيه لقاتو مخشي فيها بتاسمات ومدات يديها لشعرو تتلعب فيه مبتاسمة فرخانة انه فحياتها..بتاسم وسط نعاسو وقال بصوت باح:صبااح الله
ضحكات يشوي وقالت:صباح الخير ههه مكنتيش ناعس
حل عينيه بشوي فيها وخشا وجهو فعنقها وقال:لا..صليت ومدانيش باقي تنفيق وننعس
زينب:(تتفرنس بشوي ويديها على يديه لي سارحة فحسمها)عثماان
سد ليها فمها ببوسة طويلة وبدا كيطلع فوقها والوح ثقلوو عليها بشوي بشوي واقبل هنا ولهيه اجر عاد شفة وهاد الحنيك ويدو مرة تقرص بشوي تا تأوه ليه وازيد.تيفرنس عليها..غرق لبها عنقها بلببوسان والمداعبات..وفمعا كلاه تاولا حمر..خشا يدو تحت ديباردور قاصد.صدرها لي هازاهم حمالات صدر ودغيا حيدهم وتمكن منهم..
سيد كان باغي هي يبوس صدق فما أعمق ومع تتضحك ليه وزعمات شوس ولات تتحط يديها على ظهرو بخالا تتعنقو وتجرو لعندها مبقاش تيشوف قدامو
حيد ديباردور وتمكن منها بقبلات فرنسية ومداعبات فهضاب جسمها بدون ماينسى جبال صدرها الفتي..كل انش فجسمها عطاه حقو تا من صبع لهر فرجليها..غرق فيها ومبقاش بغا يخرج
اما هي عاطياها هي لتوحويح بشوي بصوت مائل لغير مسموع ومع رقيوق تيجي فوذنيه كي شي قطعة موسيقة
تعالات الالحان فالبيت وولات النوطات المسموعة هي تنهيداتها وخركاتها فاش كيضرها وبعض كلماتو فوذنيها لخاسرين ميخليهل حمرة كثر من جهنم لي هوما فبها بصهد
كملات رحلتهم الاستكشافية لتضاريسها باشباع رغبة كل واحد فيهم فسفر فجسم الاخر..لبى رغبتوو وكذلك رغبتها ..هز راسز فيها وقال غامزها:سبقتيني هااه ههه تمجهدتي احمادي
شافت فيه سخفانة وغطات وججها بيديها حشمانة تا حيدهم ليها وباسها بين عينيها وقال:هههههه تعلمتي هااه ههه
تلاح حداها صولو وهي كذاك وجرات ليزار دغيا ..لايحا رجلها على رجليه ونطق:هي البوسان لي باقي متتزعميش فيه هههه بيت هي شي نهار نتي لولة تبووسي
زينب (بصوت متخافض)تنحشم اعثمان
ضحك بشوي وقال كيمسح على ظهرها:متحشميش ههه عادي بييسة خفيفة ضريف(هز ليها راسها وباسها)بحال هاكا حلوة تتجيب هرر
عثمان:هرر هذااك ههههه(باسها فحنوكها)تنحماق على مك هههه صباح زين هذاا بادي بكوية ههه على تبجاق العينين
ضرباتو بشوي لصدرو وقالت:اعيااا هههه
عثمان:هههههه اهياتا بشوي راه من ضباح ونتي تتبربصي تفوتي فيا شي دقة ههههه رىه شغلي كولو حداك
ضحكات بخجل وكمشات وجهها وسط ليزار فحين عو عاد مزاد تحاك معاها وبدا كيهضر هو وياها وجاهم مقربة..بوسة من هنا ومن لهيه مكاين هي الله يعطيك صحة تا قنعو من بعضهم عاد قالت:انووض نوجد لفطور
عثمان:متدوشيش هو لول
زينب:ااه ندوش
دوز يدو على ظهرها العاري من تخت ليزار:مندوشوش بجوج زعما؟؟
خرجات من البيت موردة وفرحانة ومزال لحمهة مبورش من لمساتو المثيرة ..دخلات لدوش دوشات وتوضات عاد تفكرات مدخلاتش حوايجها..لبسات بينوار تاعو حيت عارفا تاحد ميكون فدار فداك صباح..ساعا معامن هي مع لالة عيشة لي مركدات مشافتو من الفجر..بحالا كانت عاسا عليها هي شافتها شهقات بشوي بجهد لي تسمعها هي زينب وقالت:هااويلييي
زينب:هءء خلفتيني اميي(زيرات على لبينوار)
عيشة؛(تتقرب ليها شادا حنكها)هاويلي على لمسخوطة فين كنتي؟؟هاويلي واش بوحدك بي عايشة دروك تشوفك عجوزتك واش متتحشنيش
زينب:(حنات راسها محرجة)مفاق حد ايناا
عيشة:هااويلي اش ولدت..سيري سيري لبسي حوايجم الله يمسخك ..مدوشا على صباح مالك الصهد عليك هي بوحدك
كملات زينب مشيها ودخلات للبيت لقاتو مقلوب بريحة الكارو من طرفو..خسرات سيفتها لا شعوريا وهو ينطق؛اتخنقي
زينب:ماشي مشكل
عثمان:تنساا وتنكمي هنا
توجهات للماريو باقي تطلع فيها هضرة مها:لا ماشي مشكل..هي على وئام تدخل للبيت بزاف
ناض وقف بعدما طفا الكارو فالطفاية لي متتخرجش من البيت:اش تدخل دير وئام فبيتك
زينب:(تتجيد حوايجها)معرت..هي الى صيفتها تجيب شي حاجة
خشا يدو فجيب شورط ووقف حداها عريان ناشر عليها دوك البادر وقال:دابا وئام تتصيفتيها وتتنوض تجيبها ليك..لباقيش تخليها تدخل راه تتفنكش تتقلب على تيليفونك
زينب:منقدرش نحبسها اعثماان والله
عثمان:(شد يديها فيها سليب )متحبسيهاش ولايني تيليفونك غبريه
زينب:مزال مابيتي ترضو ليها
حرك راسو بنفي وقال تنشوف اش دارت فالقراية
شافتو تحنة عند رجليها وقال:مناوياش تلبسي
تسدمات ورجعات خطورة لور وهو يهز راسو لفوق مع كان مقرض وقال:مالكي
زينب:هءء اش تدير اعثمان
عثمان:تنخراا ههههه ولبسيي خلااص
حشمات وبظاو ركابيها تيترعدو معمرو لبسها..خشات رجليها وبدا كيطلعو ليها تا وصل حد لبينوار وطلعو تاهو ولبس ليها سليب..هز فيها راسو لقاها حمرة وحشنانة وقال: اشفناا كااع التفاح هههه
مد يدو حيد ليها حزام لبينوار ولاحو فالارض وهي توكد وغطات صدرها لحمر..فحين هو عمر عينو فدوك.طبيعات الحب لي فلحمها بلا شعور رسم بتسامة وهز سوتيان وقال:اححح عليك ههه عمرك تبراي وقتمة اتقاداو نعاود ندير بحالهم
حط ذقنو على كتفها بعدما خشا سوتيان على كتافها وسدهم ثم طبع قبلة خفيفة على كتفها وقال:شعرك ايضربك فيه لبرد..فكريني خر سيمانة نشري ليك شي حاجة باش تنشفيه
زينب:هءءء لا بلاش اينشف
عثمان:اتهزي شي نرض هاكا وحنا صباح وعشية لاعبيين هههه
زينب؛(بخجل)واخا ههه سير دوش
غمزها وقال مقرب قاصد احاصرهل مع الماريو:تتجري علي احبيبي هاا..انا مسخيتش
زينب:(حطات يديها على صدرو وشعرها فازك)حمم لا هي خفتك تعطل على خدمتك
خط صبعو على دماغو وقال:ديال راسي مخدام عند حد ههه هي طلقينا خلاص ههه
ضحكات مدورا وجهها وقالت:واحشوومة هههه سييير
عثمان:اححح على حبك هي تاع لي يشدك ادير ليك تخلاط تاع طيحان
ضحكات على هضرتو ورومانسية عندو ديما مرتابطة بالماكلة..وتيضحكها فاش تيبدا اعبر عليها واشعر
مشا خارج هاكاك ممسوقش مشافش عيشة لي كانت فلبيت مكاودة مع جيهة بيتهم شافتو ةهي تغطي عينيها وبدات تتستغفر الله وتعيب
عيشة:هاويلي هاوسلي على هاادوو اويلي
فحين زينب كملات لبسها تتفرنس نسات تاني اش قالت مها..نشفات شعرها وحمعاتو بمقبط بلا مدير والو مع صهد..خرجات للكوزينة وبدات تتوجد فالفطور تسخن مسممن وتعمر قهوة وتجبد كباسل جداد باش ترحب بمها تا دخلاات عليها مها باقي ممستوعباش ريحات فكرسي ساكتة تا ضارت زينب ولقاتها وقالت:ايناا
بتاسمو لبعضهم ومشا هو لعملو فحين هي رجعات لكوزينة تتحاول تجمع اكثر مايمكن من نفس باش تقابل بيه مها..وهي فكريقها خرجات مباركة من بيتها تتفوه..بتاسمات فوجها:صباح الخير اخالتي
ضحك عثمان وضربو راسو:اهياا وكد اصحبي ههههه نمشي دروك نقابل لحوانت ونجي نشوفها من بعد..تهلا تهلا مبرووك.عليك
براهيم:الله يبارك فيك هههههه لعقبة ليك
هز عثمان يديه فشكل دعاء وقال:ياربي امين هههه
مشا عثمان تيضحك على صاحبو مخلي براهيم تيفرنس بوحدو دوزي من حداه احسابك هي حمق..تا خرجو ليه اسماء ناعسة بعدما نقاوها ونضاوها..كانت ناعسة بقا تابعهم تا دخلوها لبيت بوحدها..بتاسم وقال نوحه كلامو للممرضة:فين البنت
الممرضة:نغسلو ليها ونجيبوها
حرك رلسو ومشا باس اسماء فراسها زفوجهها كامل فرحان مقداتو فرحة فحين عثمان رجع شاد.طاكسي للحانوت حيت لموطور فدار براهيم ودوز الابيل لزينب لي تعطلات باش تجاوب
زينب؛اعثمان
عثمان:مالكي تعطلتي
زينب:هي مع كنت فالكوزينة
عثمان:هانيا الامور عندك
زينب:الحمد لله ونتا
عثمان:بخير عيطت ليك بيت هي نقوليك راه اسماء ولدات
زينب:(بفرحة)حللف هههه هههه الله على سلامتها اش ولدات
عثمان:بنت ههههه الى جيت مع الغدا نديك تشوفيها واها
دركات ما أ مكن ليها الغدا ودارت شلايض وكذلك العصير يعني وجدات غديوة زوينة..مجاتش فين تكمل تا كانت وصلات وقيتة تعثمان ..لي دخل هاز فيديه المياكي لقى سلام وريح:اخخح
مباركة:مبرووك على اسمااء
ضحك عثمان وقال وهو نايض:مولدات تا يراهيم كلا العصا تماباقي قد هههههه مكاين هي تصرفيق
ضحكات مباركة بصوت عالي وقالت:ولد الحمق ههههه
عثمان:ههههه مت بضحك..فيمها زينب
مباركة:ههههه فالكوزينة
مشا تيضحك للكوزينة لقاها ياله بتخرج ومع حشمانة منو حيت قالت حبيبي..شافتو عضات ففمها وهو يجرها دغيا كلاها مع الحيط وطلق خامية تاع الكوزينة ولاح عليها ثقلو :اشنو درووك هاا ههههه
نطقاتها بهمس يادوب سمعها هو وتبع طريقة شفايفها فاش نطقها..كي كملاتها نقض هليها بقبلة حميمية حلوة تيفرنس وابوس فيها تا مبقا قد..شرك ليها فيها كلشي وقال نهار تعيطي ليا عثمان نطحنك هههههه قولي ها حبيبي
زينب:ههههه واخا (مسحات على كتافو)كيبقات اسماء
عثمان:(باسها فنيفها)سوليني على براهيم وكاان هههه
زينب'هعهه علاش
عثمان:كلاااتووو عصاا ههههه تضور وتعطيه
ضحكات بجهد:هههههه حلف بالله ههههه
عثمان:سيدة تتوجع وانا ميتة بضحك هههه
زينب:هههه ناري مسكيين
عثمان:بيتها فييه هههه ولايني فرح فاش ولدات ليه بنية ههه
زينب:الله يكبرها فعزهم
دار شعرها ورا وذنها وقال:لعقبة لينا تاحنا تولدي شي بنية وتشوفي لما نفرح
زينب:اميين هههه نحط الغدا ونمشيو
عثمان:خهههه حطيه حطيه(باسها حدا فمها)حطيه ولا نحطك انا
حركات راسها ومشات للبيت حطات الفلوس فالماريو لي تيخيبي فيه هو فلوسو..زرجعات تتوجد الغدا..عطاتهم اغسلو ومشات تتحط الغدا والشلايض والعواصر عاد جا عثمان كيضرب فالباقيات مهضرش تا سالاهم عاد هضر وقال:تهليتي فينا تاني امدام ههه
زينب:هههه زعما ممولفاش نصايب هادشي
مباركة:رجال ياكلو تايعياو وانكرزو
داق عثمان اول ندغة وقال:لالا معندي منقول هههه زوين
سكتات زينب مالقات باش دافع تا عيط عثمان باسمها ومشات لعندو وقالت بغير خاطر:نصايب شالي
شافتها غيشة لابسا دجين وشوميز وهي تخرح غينيها وقالت بدون شعور:هااوييليي اتخرجي هاكاك
عثمان(شاف فيها)علاش مالها
عيشة:(حطات يديها على حنكها)اويلي اوليدي اش هاد الحالة واش مرة مزوجة تخرج هاكا
زينب:(تزيرات)ايناا
عثمان:لالة عيشة راه لابسا حوايجها زعماا
عيشة:سمح ليا اوليدي ولايني هادشي ميقبلوو حد..معندناش حنا لبنت لي تلبس هاكة وتخرج وهي مزوجة ويلي فين سترة وفين الحشمة
مباركة:اواه لالة عيشة راه لابسة حوايجها مستوىين
عثمان:(ناض)سترة هي هادي ماشي نخشيها فجلابة وصابو وشال عاد تبان مزوحة..لعيب لعار هو لخرجات نبينة شعر ولا مزوقة لوجه(بجدية)هاكا مزياان ومسلكني تاناا انا لتحت ازينب
مداتها ليها وشداتها بحب تا دمعو عينيها وزاظت تتبكي
زينب:علاش تتبكي هه هاهيا الحمد لله بخير وبصحيحتها
براهيم'تبكي على عمرها هههه
اسماء:(باقي تدمع)تتشبه لييك تفوووو هءهءهؤهء
ضحك براهيم بجهد وهز يديه بنصروقال:الحمد لله ههههه شتي شتيي هههه بيتبها تشبه ليك ونتيايرا كي عواا
ضربو عثمان لضهرو:وااباااز اصاحبي راه حشوومى سيدة ياله والدة وتتقول ليها هاكا
براهيم:(ضحك)ههههه هي مطلعها عليهاا
توجه عند مراتوو كيفرنس حيد ليها البنية وقال:واطلفييها ههه
عطاها لزينب وجلس حدا اسماء عنقها وباس راسها وقال:واش اعباد الله مبقا حد اضحك مع الخايبة تااعووو هاا(عاود باس راسها)هاد زين كولو راه هو لمن تتشبه البنت هههه
شافتهم زينب وحشمات خانية راسها للبنت تتشد.يديها تا وقف عليها عثمان بدون متحس..دار يديه وشد يد لبنية لي كانت حمرة وتتجبد يديها وعينيها مسددودين..بتاسم ناسي غضبوو ..شافتو هاكاك وقالت مبتاسمة:تبي تهزها؟؟
عثمان:لا هه نخافها طيح
براهيم:اهيااا ولله وتطيحها تا نطيح انا وياه فلمصايب
عثمان:هههه بوحدك لي والد ههه دابا نولدهم واعريين عليها
براهيم:هي لطلقتينا للفراجة هههه
عثمان:ان شاء الله التوام دابا تش وف
اسماء:الله اخويا راه ساهلين بالفم اما الفعل قاسحيين
زينب:ههه اويلي تخلعت من دابا
عثمان:(باس البنت من يديها)متخافي والو (بصوت منخافض)نتكايس عليك
بتاسمات تا طلعو حناكها وحنات عينيها فالبنت
اسماء:تلاعندااك ولدي مرة وحدة ولتعاودييش اححح اربيي لمووت
عثمان:عرفتب اختي احسن حاجة درتيها هي فاش بربقتي براهيم
براهيم :ههههههههه ناري منساهاش لييك الى مرضبتها ليك راني حماار
اسماء:تهههههههخخهههه عصبني هههههه
زينب:صرفقااتو؟؟
جاوبها عثمان تبضحك:عطااتو تا مابقي قد..انا كنت تنقول عليك ضريفى ودريويشة سااعا واكواكوااك ههههه وامول طاكشي قالت ليه نجنعك معاه
براهيم:باش تعرف راه كلهم لفعاات هههه
عنق عثمان زينب وقال:لا اخويا ماشي كلهم هههه انا شديتها دريويشة شوف هي نتا
براهيم:تريطت انا هعهههه
ضرباتو اسماء لكتفو وقالت:باااز هههههه
بتاسنات ليه زينب وعجبها الحال انه شكرها قدامهم تيولي احسسهل انه فرحان بزواجهم
براهيم:معلووم هههه مكاين هي سبوووعاات متخافش ههههه
بقا محمعين من هنا ولهيه واهضرو واضحكو ومرة مرة براهيم اتشاد هو واسماء واشيعو عليهم ضحك تا غوتات البنية بغات ترضع وهو يخرج عثمان برا رفقة براهيم مخليين زينب تتعاونها فانها ترضع..تا جاو عائلتها هي وبراهيم فرخاانين ودخلو عندها العيالات اباركو من هنا ولهيه واشوفو البنية واسبحو الله
جو من الفرح والنشاط والبركة فرحانين بانه تزاد عندهم حفيدة..تا حان الوقت وستأذن منهم عثمان رفقة زينب باركو من جديد وخرجو مشادييين اليدين وساكتبن تا طلعو لسانسوى عاد نطق:واش نتي داك شعر هي تيطل(مد يديه كيردو)الله يهديك
زينب:تيزلق شاال اعثماان
بتتسم ليها وقال:هاهو صايبنااه
خرجو من سبيطار غير كي دخلوو ..بعدا بنفس مرتاح..طلعها وراه ورحعها للدار بصمت مهضرووش يمكن حيت باقي شوي نرون فعقلو..حطها وشافت فيه :متتطلعش
عثمان:نضرب طليلة على لمحل ونرجع
زينب'وااخاا
تا كانت طالعا جرها من يديها وقال:محتاجة شي حاجة
زينب:لا هي رجع بخيير
بتاسم ليها ومشات ومتحرك تا دخلات عاد تحرك هو لخدمتو اما هي طلعات لدار تتحيد شال تاعها دقات وحلات ليها وئام مشافتش جيهتها بتاتا وحسات بيها زينب مقلقة وهي تسرطها وريحات حداهم وقالت :ففف شمش سخونة
مباركة:كسدايرا لباس عليها موكدة شويا
زينب:الحمد لله شوياا..واحد لبنية اخالتي شهوة على مزويناتها
مباركة:لبعلووك تاهو ولد هههه
زينب:واايه هههه زويونة والله سلمو عليك نيت دارهم
مباركة:مرحبا بسلامهم
عيشة:,لعقبة ليكم انا نزل عند دار عمك نشوفهم باش غدا نشد طريق فحالي
زينب:فين بتمشي جلسي ياله جيتي
عيشة:اوا خليت رقية بوحدها مجاتش
زينب'واجلسي بعدا هي شويي شي يوماين خرا
عيشة:لا منقدرش
مباركة:مسخيناش بيك جلسي مزاال
عيشة:الله يبارك فيك والله الى منصيبش(وقفات)انزل عند عمك
ناضت مباركة وقالت:انزل معاك تانا نيت شحال ماشتهم
ناضت زينب تبظل عليها فحين هوما نزلوو وبقات وئام تتسوط من الملل وهي تنوض عند زينب دخلات عليها تتبدل وقالت:زيينب نطلبك
زينب:مرحبااا
وئام:عفااك هضري ليا مع عثمان اخليني نخرج شوي
زينب:تتملي فدار؟؟
وئام:(تغرغرو عينيها)ااه والله تا عييت ملييت راه المرض ..لا قراية لا خريج لا سفر لا تيليفون بقا ليا شوي ونشنق رااسي(طاحو دموعها)
شافتو سكت وستانفات كلامها:راه بتمرض فراسها..عثمان راه صعيبة عليهل تنشوف هي من راسي انا فاش كنت عند ختي..قراناتي شادين تيايفون وتيهضرو مع صحاباتهم..مرة اخرجو مرة اتجمعو اتعاودو واخا معندهمذ كاع علاش اتعاودو واخا اتعاودو هي على النااس المهم مفوجيين..هي دابا نتا حابس عليها كلشي لا صحابات لا تيليفون لا خريج..سطاح هوولخر متطلعش ليه وكون كانت شي وحدة ضاسرة كون فاش تتمشي لخدمة تدير لي باات
عثمان:(مسح على لحيتو بعصبية)نتي مكنتيش تتصاحبي مع شماكرية مكنتيش تتجيبي لموسخات لدار..ختي ازينب كانو شكال ولوان تيجيو عندهم ها لبنت ها امرة وكنت ساكت تنقول صغيرة..ختي كانت تتلبس هي لمقزب وهي عامرة وقصيرة دغيا تتبان ومع ذلك تنقول متشي مشكل وئام هاديك ولايني باش نكون جاي ونشوفها مع حمار ز*** خارجين من اقود بلاصة فمراكش تيدخل ليها هي لي بيبروفيتي فاابناات(بعصبية)ختييي عبز فيها دتك ولد القخبة تااا شبع وتقولي ليا نطلقها..نتي مهضرتيش مورا راجل ختك ازينب باش تقارني حيانك بحياتها
زاد من البيت مخليها واقفا تتعاود للماريو اما هو خلاها..تنهدات وبعدات زغيبات على جبهتها من توترعا..جمعات لحوايج لي تنشرو فالبيت وحلات شرجم عاد خرجات من البيت والوجهة لكوزينة..وسمعات صوت التقرقيب فالحمام عرفاتو هو لي فيه
سخنات الما وبدات فتحضير القهوة الكحلة تاعو كي تيبيها..وعمرات ليهم هوما قهيوة عادية..بدات تتقطع الحلوى لي مصايبا وتحطها فطبسيل فاش دخل عليها لقا القهوة موجودة هزها بلا متحس بيه وخرج ماحسات تا كانت سمعات حس خطواتو وعرفاتو هظها..تنهدات وصايبات صينية ليها ولوىام هزاتها ومشات لصالة زكيف توقعات لقاتو شاد.تيليكوموند..مشافش جيهتها كااع وحجبانو باقي معقودين
فحين هي رجعات تعيط على وئام لي رفضات تاكل ورجعات أدراجها حداه..كتافات بقهيوة صافي والصمن سيد الموقف من غير صوت التلفازة لي مشعول..هزات تيليفونها من فوق واحد الحيط صغير تتقلب فيه وعينيها عليه هو لي تيشوف فتلفازة ببرود..حنات راسها بعدما تنهدات وطلقات كونكسيون بداو تيدخلو لميساجات لتيليفونها فالواتساب مع شحال مع حلات مكاين هي تر تر ترتر تا سيد بلهلا احزقو ليه شاف جيهتها قاطب حجبانو وقال منفخ:ديري ليه لفيبرور
سمعات كلامو ودارتو وهي تقول:نزيدك القهوة
عثمان:(ببرود)لا
خلاتو على راحتو واخا واكلها فمها وجانب فخاطرها ممرتاحش حيت مهضرهاش..مجلسوش كيف موالفين تبجمعو واضحكو وابوسها هنا ولهيه..ماشي عوايدو
كتافات بصمت وخلاتو على راحتو..هبطات راسها فتيليفون تتصفح فالفيس بوك تا لقات راسها مدخلينها فالكروبات تللبنات ولي مأجوتيها هي فاتي لي ولات عندها مؤخرا...تيطلعو ليها كروبات البنات ها لي تتسول على بوىكابي ها لي بغات تغلاض عا لي بغات تنقص الوزن..هالي معصبها راجلها ها لي تتحط تصاورها هي وباه وتقول انا ولا هو..العديد من المنشورات خلاوها تسرح فتيليفون ومن ننشور لمنشور تقرا وتعطي رأيها هي بينها وبين راسها بلا متكتب تا شيد تنوا..هز حاجبو تيشوفها منغامسى فتيليفون وحس بناقوس خطر تيضرب جيهتو..سيدة متتهزش تيلي حداه ومتتهزوش كااع ..ساط وحمحم وقلب القناة زاد صوت وسيدة ولا على بالها تا نطق بعصبية:رااه حالسيين معاك زعما
شافت فيه مفزوعة وقالت:هءء
عثمان:(باينا فيه معصب)واقلة جاعد حداك ولا معاجبكش
حطات تيلي دغيا بلا متسد الكونكسيون وقالت:ااه سمح لياا
قلب وجهو معصب بحالا كان تيتسنا هي علاش اغوت وافجر عضبو فاش قالت ليه شكون قاليك مكنتش تنهضر..بقا تيتفرج وشوفة فالشاشة ولعقل تيخمم بعيد اما هي سقلات وبقات تضور فعينيها..هزات شوي تالكيكة كلات منها فصمت وعينيها تتهرب لييه ديركت..تاهت تيشوف بنص عين مدوااش ونيفوو مبجق دليل على غضبوو..
جلسات عاطيا بجنب لعثمام لي كشافش جيهتها..خوات ليها القهوة وناض هو للبين مخليهم تيشوفوو..هز كاروه وبريكة وخرج عارفينو مشا اكمي..
زفرات وئام بغضب وقالت:مشية بلا رجعو تفووو على معقد
زينب:متديش عليه دابا معصب
وئام:امووت كااع بوحدو لي معصب..امشي اخراا
سكتات زينب مالقات متقول وفضلات تلتازم صمت ومن الاحسن ليها متدمخلش فمشاكل لا يحمد عقباها..
ماهي الا دقائق نزل عثمان بعدما كما داز توضا ومع قولة الله واكبر هز فوقيتو ومشا لجامع اصلي فحين هي جمعات الماعن وغسلاتهم ورجعات لبلاصتها لقات وئام هزات تيليفون مقالت والو حدها ريحات تتفرج فلي كان
شويا هو دخل هي حسو بيه لاحت وئام تيلي فوق تليق وطمرات ..امة هو دازيركت لبيتو مهضر ماتكلم
دازت ديك العشية فضمت تا حد مدوا وصقيل فدار تا أذن العشا خرج اصلي وشاف فزينب ببرود وقال:اش بيتو للعشا؟؟
زينب:حم لي بيتو نطيبوو
عثمان:مخصكم والو من برا
حركات راسها بنفي ومشا مخليها تتفكر فهاد لكراكتير لي عطاه الله..تيكون زوين حلو الى سمعتيه تينكت واضحك تقولي هذا راه كوميدي مي ابسط ااحوايج كيشعلوه كيخليك تعاودي النظر فتصرفاتك معاه
دخلات مباركة وعيشة من عند فاضمة وجلسو معاهم تيدويو واديو واجيبز فالهضرة تا عاود رجع لقى السلام ومشا لبيتو معتاكف فيه ليجيدو شي حد وانوض ادير شي زبلة بفمو
وهي هاديك ناضت وجدات هي العشا ونصباتو ومشات تطل عليه لقاتو هاز تيلي..حمحنات زعما راه دخلت ساعا مهزش راسو وعاودات خىجات بقا فيها الحال..
بقات معاهم مريحين وعقلها مرفووع تا طاب العشا وحطاتو ليهم ومشات تنادي عليه لقاتو متكي داير يديه على عينيه وصهد تيشوط فيه..نطقات بصوت هتدئ:عثماان عثماان
حيد.يديه وحرك حجبانو وهي تقول:نووض تعشاا
ناض بلا هضرة بلا كلام وضرها تعاملو..باارد بزااف معرفاتو مقلق منها ولا عليها ولا على وئام..ناض غسل يديه ونضم ليهم ساكت وعاقد سبعة فربعة..حطات العشا وتجمعو ليه تياكلو مجمعين الا هوما بجوج..مرة مؤة تشوف فيه وتلقاه مخنزر وتحني راس وتاهو تيشوف فيها بنص عين فاش اعيق بيها واطمر..متيحملش اتناقش معاها حيت تيتحاهلها وتيصدق جارحها
ناض وقال :الله يخلف
زينب:مكلتي والو
حط يدو على كتفها وداز:هي بصحة
مخلا ليها باقي متقول بقات هي تتشوف ومحلات ليها ماكلة باقي هي تتنقب..
سالاو وهزات الماعن جمعاتهك وعقلها مرفوع وراسها دايخ معرفاتها شمش ولا دوخة ولا شنو..
كملاتهم ومشات لبيت صغير هزات ليزور حطاتهم لمها وقالت:ايناا ااتنعسيي
نباركة:هي حطيهم ليها نكملو جمووع وننعسوو
بتاسمات ليهم وفالت:تلاقيتو
مباركة:ههههه مو جمووع
زينب:الله يمسيكم على خير
الكل:تصبحي عل خير
هزات تيليفونها ومشات لبيتها عيانة وراسها بيضة تتحركو بزز..دخلات لقاتو طافي ضو هي لفايوز لي مشعول ومتكي هو تتبان فيه عي سكيطة..مباتش اشعل عليه ضو خلاتو مطفي..حطات تيلي فوق كوافوز وطلقات شعرها وتوجهات للفراش دخلات حداه وضارها خاطرها من برودو..مقداتش تا تقوليخ افلان مالك
تكات على ظهرها جارا ليزار وصمت بينهم تاواحد مناعس وتاواحد مهضر
تا غفات هي بلا متحس وتقلبات على يمينها جتت فاص ليه..حس بيها نعسات من تنفسها لي نتاظم ومد يدو لشعرها داعبو شوي وتحنا تا باسها فراسها ثم رجغ لوضعيتو وغمض عينيه كيقلب على النعاس لي حلف لجاه..منعس تالشي لوحدة تليل عاد غفاا..وفاق تاني على صوت الاذان تيأذن..نفض العجز وشعل ضو تالفايوز ضرب فيها لقاها نااعسة وعنقها معوج..صايبو ليها وناض توضى وخرج صلى ورجع تاني انعس بهدووء
طل الصباح عليهم وفاق هو قبل منها على صوت الغيفي ستغرب انها مفاقتش مولفة تفيق قبل منو..محكرش وناض من بلاصتو قاصد الحمام غسل سنانو وجدد الوضو ورجع البس عليه وعينيه تتهرب ليها بشكل غير طبيغي معرف راسو مالو معاها..واش موحشها ولا ندم حيت مدواهاش ولا معىت شنو..لبس عليه وحط.ليها لفلوس حدا راسها لتخصها شي حاجة وهي مجايبا لدنيا خباار ناعسة بتعب
هو خرج وعيشة ناضت حامعة الوقفا تقول حاضيااه هي خرج دخلانوعندها وبدات تتبركك فالبيت مزيان وتعوج راسها مع اي حاجة وتجمع فالتعاليق..شافتها باقي ناعسة وهي تشعل الاسطوانة تاعها :هااوييليي وحدي باقي ناعسة مصيفتا سيد بلا فطوور هاويلي وحدة رجعات ولوخرا تبعها
مشات ليها مغددة وبدات تتحرك فيها بعصبية وتهضر بصوت منخافض دايرا بحساب راه ناعسيين:نوووضي واهيااتا زينب زييينب نوووضي
مشاو للصالة جلسو خوات ليهم قهوة ولداو كيفطرو فحين هي متانعات بتاتا خدات هي كاس تابقهوة وراسها شاداه بيديها باين فيها العيا..سالاو وناضت بغات تهزهم وهي تحبسها مباركة وقالت:هي جلسي انا نهزهم
زينب:لا اخالتي(بتعب)هي خليهم
ناضت هزاتهم وهزات معاها تا مباركة لي حلفات متخليها تغسلهم صدراتها للبيت فين كانت عيشة واجدة تسمعها خل وذنيها
عيشة:جيتي وخليتي لمرا كبيرة تغسل المااعن
زينب:(شدات راسها)واا ايناا راه نباتش وعاد مريضة نطيح على وقفتي
عيشة:(حركات راسها)انا راه تنعرفك كثر فيك العجز
سكتات زيمب كاتماها تاني بين ضلوعها..نفس الهضرة ونفس الموال ونفس الاحاديث معجازة فنيانة معكاسة منحوسة وغيرها من الالفاظ كيحفرو فيها..ناضت عيشة بفضولها للكوزينة لقات مباركة سالاتهم وتتحط.دقيق تعجن وقالت حشمانة من راسها:سمحي لينا الالة مباركة شقينااك هي مرضها خايب
مباركة:(تتحط لخميرة)لواه لوااه..راه داري تانا ههه هي تتهز علي كلشي تشقا بلاصتي وتدير ملشي مافيها بااس..
حطات داكشيمن يديها ومشات هزات الحليب فيضاتو دارت فيه سكر وقالت:نديه لبها تشربو لتطيح فيها سخانة جووع
عيشة:الله يدير بحسابك
داتو ليها لقاتها متكية مكمشة وتعافرات معاها تاشرباتو ورجعات تكات من جديد معاقلاش اش ضاير حداها كل مباغا هو تنعس
فحين مباركة رجعات للكوزينة تتعجن وتجمع مع عيشة وطيبات الغدا دارت العدس..وزينب متكية وعظامها مهلوكين لي قلبها من هنا اقلبها لهيه..كيما تكات الصداع والراس قرب اطيح..حسات بايزار خفيف تلاح عليها حلاتوعينيها لقاتها مباركة لي مسحات على ؤاسها وقالت:كون هي تاكلي شويا ابنيتي
زينب:(بصوت متعب)مقديتش اخالتي..ننعس وافوتني الحال
مباركة:عفاا ابنتي هي كابري كولي هي شوي تا الى شربتي شي دوا تلقاي علاش تشربيه
زينب:والله مقدرت
غطاتها وقالت:نعسي نعسي والى بيتي شي حاجة عيطي
حركات ليها راسها وىجعات تكات محاساش وكل مرة تقلب المخدة باش تلقا البلاصة ااباردة..بقات هاكاك من هنا ولهيه..تقلب هنا وتقلب لهيه تا نعساات شويي مداريااش
وصلات والوحدة ونص ودهل عثمان هاز لمياكي فيدو كي العادة وتيسمع صقيل فدار من غير وئام لي شادا تلفازة..قشع زينب ناعسة وهو يعقدهم:مالعا ناعسة درووك
وئام:(بنفخة)مرييضة
لاح امياكي من يديه بزربة معرفاتو وئام كي دار تا كان وقف عند.راسها تيقلب فيها:كيفاش مريضة؟؟(تيقيس لحمها)خليتها مزيانة ..زينب زينب زيينب
خلات عينيها بشوي تتسرط ريق بزز شافت فيه وقالت:عثمان
عثمان:مالكي؟؟اش ضارك.هممم
زينب:والو هي ضرني رااسي
مد يدو بهوس لراسها:مسخونااش..واقلة ضربك البرد
وئام:(مبلقة عينيها)جيب ليها شي دوا تشربوو
حيد ليها ليزار تيقلب فيها وايدو مفرقاتش يديها مخلوع:البرد لي ضربط..تدوشي ازينب وتخلي الشعر معري(دوز على شعرها)نوض نجيب ليك.دواا وافوتك الحال
حركات ليه راسها بالايجاب مقاداش وهضر بقا تيشوف فيها بندم بقات فيه دايرا كي شيي مشة فاخر ايامها لا تحرك ساكن وقال وهو كيبوس راسها:اتولي مزيان اجي نديك للبييت تساراحي ونمشي نجيب ليك.دواا
زينب:مقديتش والله
مسمعش ليها دغيا هزها بين يديه قدام وئام لي مصدومة من هاد.كمية الخوف عليها..داها للبيت حطها فيه وغطاها بايزار وتحنا باسها ففمها:مرضتي ةحبيبي مرضتييي(دوز على شعرها)كلتي شي حاجة
تعاونو عليها بجوج تا جعدوها وهي عينبها مسدودين مفيها لي يتحرك..بدات تتشربها مباركة شوي بشوي وهي مهدودة تا شربات نص وهو يدخل عثمان مدرم هاز الدوا فيدو وقال:نعطيها هاد دوا وافوتها الحال
شافت فيه بتعب كانها تتحاول تربح شفقتو وبالمقابل رمقها هو بنظرة ندم واشتياق محس براسو تا كان قاصدها وجلس جنبها..دوز يدو على ذراعنها حاضنها وهي الاخرى حطات راسها على صدرو متعبة
عثمان:كملي الصوبة ازينب باش تشربي الدوا
كحبات شوي وقالت:مافيااش
شد الصوبة من عند مباركة وقال:واخا هي حاولي خاولي ممزيانش تشربي دوا على جوع
زينب:(كتنين)مافيااش نننن
عثمان:مي شي كاس فاش تشرب واحد.لخنيشاات
ناضت مباركة للكوزينة جابت ليه اش بغا فحين هو بقا كيدوز يدو على خدها حرارتها عاديو ولايني عيانة..خلطات ليها ساشياات وشربوهم ليها بزز تتشرب وتخسر فوجهها ودمعة عند عينيها بغات تنزل..معرفاتها عيا ولا هم ولا شنو عندها
مسحها عثمان بزربة ودارها فحضنو مغطي ليها وجهها عليهم وقال:مي هي سيرو انبقا معاها
مباركة:واخا انحط ليك غدااك اوليدي
خرك راسو وناضت هي وعيشة لي تتشوف بحزن..متتحملهاش تمرض حيت سخانتها خايبة بزااف وتتبقا مرضة راسها معاها
اما عثمان بقا معنقها ساكت تيحس بيها تتبكي ومعارف مالها..زفر وقال:واصافي زينب الله يهديك بتبراي
خرجان وجهها من حضنو عامر دموع وقالت:عيييت هءهءهء
عاود حضنها وقال:مكاينش لي يعييك احبيبي(باسها فراسها)رتاحي مع راسك باش افوتك الحال(زير غليها)هاني معاك
وبالفعل بقا معاها متحركش كيدوز على راسها تا حس بيها تحركات عرفها ممرتاحاش..حط ليها راسها على لمخدة شاد فيدبها او بالاحرى هي لي شادا فيه وعينيها شبه ناعسين
شافها غمضات وهو يبوس يديها وقاد عليها الليزار..تدق لباب كانت وىام لي قالت:عثمان نوض تغدا
عثمان:واخا
طلق من يديها وهز شالها بدا كينش عليها شوي تالبرد وعينيه علبها ناعسة براحة مبقاتش تتقلب..
خرج زافر ونفسو ثقيل..تيشوف نصفو تاني نريض وهو مقادر ادير والو من غير اجيب دوا..كون اكون نو بلاصتها كان ارتاح عارف جسمها الهزيل ميتحملش
لقاهم حاطين الغدا جلس بغير خاطر تياكل هي انقب وصافي اعمي الجوع لاغير..وناض موراها للحمام بلا ميكمل ماكلتو..توضا ورجع عندها للبيت تفقدها من جديد..وصلى الظهر عاد ناض وعينيه عليها..
خرج من البيت تينادي مو لي كانت فالكوزينة وخرجات:نعام اوليدي
عثمان:عينيك عليها الواليدة(باس راسها)بقاي تطلي عليها لتفيق ولا شي حاجة
مباركة:واخا كون هاني هي سير
عثمان:والى وقعات شي حاجة صوني علي واخاا
حركات راسها بالايجاب وخرج محاملش اخليها مي عارف الحانوت وحانوت براهيم بالو كولو معاها..لي دارها تطيح فبالو..دازت ساعة وعيط على مو سول عليها
اما هي كانت ناعسة براحة جهد ثلاثة تسوايع..فاش حلات عينبها كانت الشميشة باقي سخونة لاحت عليها الليزار بعدما حسات براسها موكدة شوي..ماشي كيف قبل مي ماشي مية فالمية برات
خشات رجليها فالكلاكيطة وناضت تتجمع فشعرها..خرجات من اابيت ومحسو بيها تاوقفات عليهم فالصالة
شافوها وهي توقف مباركة شدات فيها:شوياا ابنيتي
زينب؛(بتعب)شوياا الحمك لله
جلسات بين مها ومباركة وحطات عيشة يديها على ضهرها وقالت بحنان:هي المرض لي هدك ابنيتي(جراتها لحضنها)اتشربي دوا وتبراي ابنيتي حنيني
دورات زينب يديها على مها محتاجة حنانها فهاد لحظة لانها عارفها حنانها تيبان من المرضة لمرضة وقليل فاش تتمرض هه
مباركة:نجيب ليك ابنيتي ماتاكليي هاا
زينب:لا اخالتي ماقديتش
مباركة:(بابتسامة)عفا بنتي هي كابري وكولي شوي متبقايش بجوع
هيشة:كولي شوي تشدي راسك
زينب:والله مافياا
خلاوها على رلحتها مستحلية نعسة فحضن مها لي ميمكنش اتعوض بشي حتجة..كانت خايبة تتبقا مها كانت زينة راه مها
وئام:هييه المسخوطة حمقتي لينا عثمان ههه كاع متغدا فخاطرو
عثمان:واكوليه بعدا هو باش نعاود نعطيك دوا..الماكلة بتجيك باسلة ففمك
قشر تفاحة وبدا تيقطعها قطع صغيرة وتيعطيها ليها ففمها واتسناها تا تاكلها وتمضغها وتسرطها عاد.امد اللوخرا مستاغل الوقت تيشوف فيها..تا سالاتها وعطاها البنان بزز وقال:نزيدك
زينب:(بعياء)لا
تحنا باسها فراسها بين عينيها وقال:انعطيك دوا
ناض جاب كاس فيه الما دار ليها فيه دوا وعطاه ليها مع قبلة فراسها وقال:ياله دروك نعسي
بتاسمات ليه وقالت:شكراا
مجاوبهاش وضار احيد حوايجو فحين هي تتشوف فيه بحب وشوق ..كل نهار كتزيد تحبو كثر وكثر وازيد عشقها ليييه وازيد اصرارها انها مغلطاتش فاش تزوجات بيه
قدما كان راجل صعيب وعصبي وخايب ومعندوش ااطبيعة ولكن انفوا اقابلك بحب ونتي مريضة كضظري تعايشي مع كلشي
الى مكانش غيوقف معاك فاش تمرضي ومتبقا عندك تا قوة باش تحركي هي بلاش متبنا هاد العلاقة
غمضات عينيها تتقلب على راحة فحين نو بدل عليه وخرج صايب قهوة كحلة ليه وىجع حداها متحركش ...كيجغم واقيسها فراسها كل شوي..اتلف من هنا لهيه تا أذن المغرب وناض توضى لبس فوقيتو وهي باقا ناعسة ..خرج اصلي وتصادف فااباب مع فاتي وحميد جايين عندهم..بتتسم وقال:مرحبااا
فاتي:اوا نتوما قطعتو رجل قلنا نجيو حناا
عثمان:هه مرحبا طلعو انا بنمشي نصلي..حميد ياله
حميد:لقيتيني بنحطهم ونزيد
حط انس فالارض شدات فيه فاتي وطلعات تتنهج فدروج موصلات تا كان نفسها داق..
دقات لباب وحلات ليها وئام لي تعلق فيها انس
فاتي:ياختي متسولو موالو
مباركة:زيدي زيدي نتي باقي عندك ركابي انا رشااو لياا
دخلات تضحك سلمات عليهم وجلسات ناشؤة رجليها وقالت:لالة عيشى نتي باقي هنا تسحابني مشيتي
ناض وقف مفهموه فين غادي تا شافوه راجع بكاس تالما وهي توحل لفاتي وعيشة اما وئام سرطات القهوة حركاتها ففمها..
عطاها الما شرباات.الكاس كولو وقال كيضحك:كانو سادين عليك هههه
زينب:شحفت ههه
عثمان:نزيدك؟؟
زينب:براكا
بتاسمات مباركة مع راسها وتدعي الله ايسر ليهم اما عيشة حلفات لباقي شافت جيهتهم وحميد مبتاسم وتبشوف هاد الحب لي بينهم هو..نظرة زينب لعثمان تمناها هو شي نهار ففاتي واخا هي بضحك..سي تتبغيه وتتبين ليه مي ماشي ديما وهو كيما قالت هي هشيش تيبغي لي يبين ليه
حط الكاس وكمل ماكلتو هو وتا الهضرة دازت على منوال اخر..تا سالاو وزينب بدات من جديد تاتعيا وبانت فيها ..ىدات ليها مباركة لبال وقالت:ياكما شدات فيك سخانة تاني
زينب:ففف تتنقول طلقاتني وتعاود تشدني
عثمان:(قاس جبهتها)نوضي نوضي نعسي شوي تساراحي
زينب:واخا..(شافت ففاتي)سمحي لبا انخليكم
نطق حميد:الله اودي دنيا هانيا اختي الله يشافيك
ناضت برفقة عثمان لي ولى داير كي خيالها..داها للبيت مهدودة من جديد وقال:غدا لمافاتكش الخال نديك لسبيطار..ماشي عادي تطلقك وتشدك
زينب:(تكات)اححح واخاا
غطاها وشد يديها وقال:نعسي احبيبي ترتاح
غمضات عينيها مهدودة تتقلب على نعاس وهز هو شالها تينش عليها بيه باش متصهدش
فحين برا ناضت عيشة لطواليط وهي تنطق فاتي بزربة:فقيهها صحيح ههه
مباركة:نكارة الخير فاش تتمرض هي راه تيدير ليك نيني امومو ههه
عوجات فاتي فمها بلا مبالاة مخلية حميد.هي تيشوف..يمكن هو تيعاملها حسن كاع من معاملة عثمان لزينب ولايني هي مشايفاش هادشي..هامها فقط ناس شنو عندهم..البعض منا مكيشوفش شنو عطاه الله فنعم ديما تيشوف انه معندوش وكيقلب على الخصاص فين القاه تا كيعاقبنا الله وكياخد منا النعمة لي عندنا
اما عثمان بقا عند راسها كينش عليها تا حس بيها ترخات عرفها نعسات ومع ذلك ستمر فالبرد لي تيدير ليها عارف صهد قاسح عليها..تا رتاخت فنعسة وهو يتوقف وناض من بلاصتو خرج لقاهم باقي جالسين ريح ونطقات عيشة:كيبقات اوليدي
خرجات مخلياهم تيضحكو تا سدات الباب وعم ااصمت بيناتهم وتمات تاني داخلة بروز ومعاها عيشة..وقفو عليها تا كلاتو بزز عليها وعطاها عثمان الدوا ورجعات نعسات ..خرجو هوما وقال:مي بلاش متسناوني لعشا مابيتش
زينب:بتبات بلا عشاا
عثمان:مافياش
قاد عليها الغطا وناض تيقلع فحوايجو تاني قهرو صهد تا ولى هي بالبوكسر عاد.جا حداها تخشا وجرها عندو حاضنها بذراعو حاط راسها على صدرو وتيلعب فشعرها..حسات براسها فديك لحظة فامان..شافتو دار معاها شي حوايج الاب فقط لي تيديرهم..خاف عليها وبقا عند راسها..هي براسها عارفا عثمان ماشي عناب وقليل فين تيحزر مي فاش شافها فلحظة ضعف مترددش ولو لحظة احيد داك القناع تالخشونة لب لابسو ولبس قناع الرجل الرطيطب كي الملج ههه..بين ليها بلا ميحس ان صحتها غالية عليه..قبل كانت تتمرض وتبرا ولكن هادي مرضات فيها وحباتو من جديد
بدون وعي مدات يديها للحيتو تتحكها بحب حس بيها وقال:منعستيش؟؟
زينب:لا..(تتلعب فلحيتو)عثماان
عثمان:الحب؟
زينب:(بحب)شكراااا
عثمان:علاياش؟؟
زينب:(حكات لحيتو بحب)على كلشي..معمري حسيت براسي عزيزة عند شي وعندي قيمة عندو(طلعات راسها باستو فحنكو وهو مصمر)تنبغيييك بزااف
قلب عينيه ليهل مصمر تيحلل اش قالت وشيئا فشيىا بدات الابتسامة تتبان على فمو ختمها بضحيكة صغيرة وقبلة على شفايفها خفيفة وقال:ىاه انا لي تنمووت على طاسيلة مك ههه الخنفووسة لوخراا(زير عليها)تا ونتي صفرة هي ديال الماكلة
ضحكات بشوي وغمضات عينيها تتقلب على راحة لسخانة جسمها وهو بدورو كيداعب ذراعها بشوي ويلعب باطراف شعرها تا غفات تدريجيا ونتاظم نفسها..طل عليها وباسها فجبينها ورجع نو الاخر تيقلب على نعاس لي مافيهش ولكن مباش اخليها تنعس بوحدها
*****
هل جربت العشق؟؟
****
على صباح الباكر فاقت زينب بعدما شبعات نعاس وناضت من حدا عثمان لي كان تقلب على كرشو ولايح عليها يديه..محاصرها..بتاسمات بحب وهزات يديها حطاتها على ظهرو العاري حيت حيد تيشورت فليل..بتاسمات وهي تتنس عليه البرد شوي تا عيات وناضت براحة بعدما نقزات المرض..لبسات كلاكيطة ديالو كبيرة تيبانو فيها رجليها كي لبرا..خرجات من البيت تتجمع شعرها وتفوه..دازت توضاات ومشطات شعرها عاد توجهات للبيت صلات الفجر لي مفاقتش ليه..حيدتت شالها ودازت للكوزينة لقاتها على غير عادتها باقي ماعن العشا ممغسولينش ومرجة لارض..تنهدات وقالت توجد الفطور هو لول
بدات بحيوية تتوجد تسخن هنا وتحط هنا وتطيب هادي وتعمر ديك..من هنا لهنا بحيوية غير مسبقة يمكن حيت عاد باريا من المرض
وجدات فطور على حقو وطريقوو مبتاسمة تتسناه افيق..عاد دازت للماعن تتغسل فيهم وتنقي دنياا..مع شللات يدبها مع خرج عثمان من البيت حفيان كيحك فعينيه عريان من الفوق..شافها عاطيا بظهر تتجمع الماعن وهو يغوبش وتوجه ليها محسات بيه تاقفزها بصوتو الصباحي:اش تديري
زينب:(تلفتات بابتسامة وقربات باستو فحنكو ودوزات يديها على خصرو معنقاه خلاتو حال فمو)صباح الخير
بقا واقف مكتوف الايدي معارف ميقول..صدمااتو المرض فورماطاها..ستغرب ودوز يدو على كتافها وقال بهدوء عكس لي هضر بيه قبل:زينب واش باقي عيانة؟؟
زينب:(هزات فيه راسها )صباح الخيير وليت بخير
طلقات منو وقالت:بيتي تفطر
عثمان:(باقي حال فمو)هننن زينب شويا لباس
بتاسمات ليه تا طلعو الحنيكات لي تيحمقوه للفوق:وازيد تفطر راه ولبيت مزيانة تنحس براسي بخيير
شافها غادية جيهة طبلة وجرها بزربة وملامح الغباء على وجهو:واش هاد لمرض روداك ولا شنو؟؟فين الحشمة اهياتا
بريق عينيك الجزء 16
محتوى القصة
التنقل بين الأجزاء