رتاج: ( بعدااات عليه وتنترات من يديه متحكمة فراسها بزز ) واش نتا شوييية مريض فعقلك لا ؟؟؟؟؟؟؟ انا مجييييتش على قبلك وماعارفاكش تاواش كاين وكون عرفتك هنا كاع منججي ....
هي كتعرعر هو كيشوف فيها بهدوء بااااغيها تغوت موال ويشبع من ملامحها وهو معصبين .... وبدا كيقرب لعنها خطوة بخطوة وهي بدات تسرط فريقها داك النظرات لي كيدير فيها وترووووها ....تااااتقابل معاها وهبط شوية راسو لعنها .... ودوا غير بالهمي والنفس ديالو ضربات فيها يخونة تاعمضات عينيها مع هضرتووو
عدنان : علاااش مكنتيش غاتجي ...ممم ؟؟؟؟؟
رتاج : ب ب ببعد مني ... ( بعدات عليه ومشات كترد فشعرها لور وضارت عندو مطلعة فيه صبعها) ماشي منحقك طلللعني لهناااا .وماشي منحقك تاتهضر معايا بحال شي واحد كيعرفني ...نتا غريب وغاتبقا غريب ... فمتعداش مكانتك ...واصلا انا لي حمقة تابعاك .....
جات مااشية وهو يدشها من يدها ورجعهاااا كيحاااول يبررررد وماااايتعصبش حيت ماشي فصالحو فهاد اللحظة .....واخا مابينش على وجهو غضبو من داك الهضرة الى ان الشدة لي دارليها فدراااعها وكيفاش مزير عليها وضحات كلللشي ...رجعها قدااامووو وبدات كتشوف لصبعانو كيف بقاو مطراسين فيها وطلعات فيه عينيها غير بشوية دخلها الخوف غير لقاتو كيشوف لعنها نباشرة بدات تلعب بعينيها هنا وهنا ... وهو كيتفرج فيها كتعجبو فاش كتولي دير هاد الحركاااات ديال شي قطة مشاكسة ....وبدا زايد عنها بدون شعور ..تابع غير الرغبة ديالو لي غادوب عليها ....وهي راجعة بلووور مامهبطش عينو عليهااا مفيكسهم فيها ... بحال شي واحد شااارب وماحاسش براسو شكايدير ...نفا كولشي نفا لمنطق نفا مخاويفو من علاقتها نفا نهار استهزآت بيه بالعملية لي دارت ليه والكلب لي على سميتو نفاا كولشي ...وتوطن غير عينيها ... بغا يبقاو فيهم موااااطن بلا حتا حق ... عبيد مسلسل ماعندوش مشكل ... فضل عبيد لعينيها على حر وبعيد عليها ... ملشي تلغى فلحظة .....وتنفا ..... لسقها مع الحيييط وهي ماباغاش طلع عينيها فيه ....باش متضعااااف وعينيها يفضحو شوق قلبها المخبي .... وهو كيشوف فيها باغي يخشيها فقلبو ويشد عليييها ....باغي يهزها ويهرب لشي بلاصة بعيدة على المنطق .... وهز يدو كيحد ليها الشعرر على وجههااا وهي قلبها كيضرب بججهد مابقا عنها سيطرة عليه .... كتحكم فكولشي الا فنبظاتو .. لي مكيخفقو غير ليه وتحمد الله ان القلب وسط الجسد مخبي ... ماكون كان على برا كون فضحها زماان .. غمض عينيه بنفاااااذ صبررر وبنشوووة اخطر من اقبح المخدرات ....هبط باااش يبوووسها ويطفي نارو ويعلن انتصارو ..... ورجع ححس برااسو اش كيدير ...وبعد عليييييها قلبووو كيضرب بحالا كان هاز شي ثقققل .... ومشا كلس على سرير وعلا شعرو بيديه لووور ...وهي عينيها دغيا مشاو لداك لوشاااام حيت محيد جاكيت .. وبدات كترمش بعينيها ديما داك الوشام كيضيع ليها كاع الخطط ...ويضعفها .... وهو شاف فيها ...
عدنان : ( كيقرب عندو تاوصل ليه كيشوف فعينو) هاهو غايمشي ... بصح دييير فبااالك .... ( ضربلو فراسو ) دير فبالك ا اسد .. بلي مغانتخلاش على خويا ... نهار تحتاجني غاتلقاني حداك .... ومغانتخلاش تا على هاد الدار و لي فيها .... فبلا متعصب ملي تلقاني كل شوية جاي لهنا نشوفوهم .... الى كنتي غاتمنععني منك .. ماتمنعنيش من خوتي لوخرين نشوفهم مجموعين ...وماتمنعنيش من بنت خويا .... لي معاها كنرجع دكرى ديالك ونتا صغير ... دكرى ديال داك الولييد لي كنت ندير ليه الشومبوان فعينيه ونشوفو كيترحق... نضحك تانعيا ونغسل ليه ......ولي كيلقاني كنراجع ويوقف عند راسي كستناني نقطع ليه ورقة من دفتاري يرسم فيها ... ولي كان كيتلاقاني لباب كيجي يشوفني واش شريت ليه شي حلوى ملي كنت جاي من المدرسة ... وملي كانساها .. كيدير نفس التقليقة لي نتا داير دابا على وجججهك .... وغير نهزو ونعنقو ينسى ونوضو لعبو ... وحتا نتا تيقني الى عنقتك دابا غاتنسا كولشي ... ولاكن انا ماباغيكش تنسى بالعناق ... باغيك تنسا بإرادتك ( تعمرو عينيه بالدموع واسد غير كارز على سنانو ) عنداك يحسابتك كبرتي فعيني ؟ بااقي صغيير ... وغاتبقا ديما صغير وعمرك غاتكبر .. غتبقا دييما خويا الصغييرر ... لي كنت دخل لبيتو ومانلقهاش ونحل بلاكار ولقا طبقة ديالو خاوية .... ونمشي ناكل ولقا كرسي ديالو خاوي .. وندخل ننعس ولقا بااصتو حدايا خاوية ....( عاض على شفتو حابس شي حاجة فيه لاتنهار كيهضر ويتووقف مدة كيكتم ويرجع يدوي) مكنلقا لي يجر عليا لغطا ....ولا لي ينوضني فتلاتة دصباح يقولي جيعان نوض رغب ماما تعطيني ناكل .... وكنبكي فعز داك الليل تاكتحرق السنا لبكايا ....( هبط راسو مدة كيعض على شفافو ورجع طلع عينو كيلمعو) مكفاهمش انهم حرموني منك ..... زادو كرهوني فيك .... كرهوني فالحاجة الووحيدة لي بقاتلي فهاد دنيا ... كرهوني فهاداك لي نهار تزاد تحط فيدي .. علاش دارو فيا هادشي ؟ علاش خلاوني نعيش طول حياتي منبود ؟ .....علاش بعدوني على الوالدة ديالي ... علاش تربيييييت بوحدي
اسد ولاو عنيه حوووومررررر ووجهووو تبدل فيه اللون ومزززير على يدو وعدنااان جبد شي حاجة من جيبو وهز يد اسد حطها فيها واسد هبط عينو شافها لقاها بااطو صغير مصنوووع من عواد ديال سنان ( كوردون )
اسد : ( ننهد مطوول بصوت مرتفع وتنحنح يبعد داك تبحبيحة د الحزن لي خربات ليه الصوت ونطق عيان ) ولا راك وفيتي بوعدك ...غير بلاصة ماتشريه ... غرقتيييه .... ( كيشوف لداك لباطو فيديو وطلع عينو فعدنان) الباطو لي تمنيتو ...ولي بنيتو وخدا ليااا سنين من عمري غرقتيييه .... و ااباطو لي خدا ليا غي سيمانة ونا كنصاوب فيه حااافضتي عليه ... اشمن عقل هدا عندك كتخدم بيه ؟
عدنان : مكنضنش واش هداك لي غرقت غايكون عندو قييمة كتر من هادا ؟ ....
اسد بدا غير كيتنهد ورجع شاااف فيه
اسد : كون كنتي غير معارفش بلي داك الباطو كان حلمي من صغري .... نعدرك ... ولاكن باش نغرق احلام خويا الصغير لي تعب فيهم بوحدو بقلب بارد ... ومقال حتى وصل لداكشي وتعدب وسهر كيخدم .... باش تجي فلخرر تخطط طيح ليه كولشي ..... وتزيدها تلسق ليه ولدو ماشي ولدو .... كيف كان غايكون مصير قسم كون تفارقت انا وماماها ؟ ... كيفاش كانت غاتسمح ليك نفسك تخليني نعيش بعيد على بنتي ؟ اشمن قلب كان عندك ونتا كتفكر دير هادشي ؟ ماشي حتا فالبرااني فخوووك .... فخووك اعدناااان ( هبط راسو كيضورو بالنفي ورجع طلعو كيشوف فيه ) سمعيتي اش قتليك قبيلة ولا نعاودو ؟
عدنان : غاااانمشي.. غااانمشي متخافش ...
اسد : هي دابا
عدنان : وامتى قلب خويا يسامح ؟
اسد : نهار طلبها منو ....
عدنان عارفني مكنعرفش
اسد : .... بررا ...
حنا راسو عدنان عااارف الى صعيييب يسمح ليه بسهولة .... وخرج ....واسد ضرب واحد لفاااز مع الحيييط ....هببط لقا غير لامار قسم... سفيان كان طلع لبيتو يقاد راسو ولحيتو حيت مابقاش بزاااف يمشيو ... وعدنان مشا هز قسسم عندو وكيبوس فيها ويهضر معاها كيحاول يضحك معاها واخا عينيه كيبان فيهم حزن كبير
لامار : عدنان ؟ مالك مع رتااج ؟ خرجات كتبكي
عدنان : ككتبكي ؟؟؟؟؟ علاااش مالها ؟؟؟؟؟
لامار : مطنزش عليا اعدنان كانت معاك وهبطات كتبكي
عدنان : والله ماعرفتك علاش كاتهضري .... .. كان مزيانة ؟ واش كان كتتتبكي ديال بصح ؟؟
لامار : راه قتليييك كتبككككي وخرجات كتجري ....
عدنان : ( تنهد ) بننتي سيري عند ماماك ....بلاتي صوني عليها شوفيها مالها وواش وصلات مزيان .... بسلامة
لامار : ( شدات عليه قسسم ) غااتمشي ؟؟؟ ( اسد كيطل عليهم ملفوق شاد فالحديدة )
عدنان : مممم ... بصح ماتخافيش غانرجع
لامار : انا عارفاك ندمان اعدنان على كولشي ووليتي واحد اخور وتبدلتي ... ولاكن راه لي آديتيهم معاارفينش هادشي.... ونتا ماباغيش تبين ليهم ولا حتا تعتدر .... هادشي لي مابغاش يتفهم لي فيك بلاصة ماتصلح اخطائك كتزيد فيهم .... راه خصك يعرفوك تبدلني اعدنان ماشي غي زايد فيه .. على الاقل اعتدر
عدنان : الاعتدار مكيصلح تاشي حاااجة انا من ناس لي يلا اداني شي واحد وجاني واعتدر غير بمو مغايعجبنيش الحال ... كنبغي الندامة والاعتدار يبانو فافعالو .. وتيقني هادوك لي اداتيهم بزاف تاهوما ماكيهمهومش الاعتدار ديال الفم . غير كيطلبوه زكارة حيت عارفيني مغااانديروش ... كيهمهم الفعال كتر من الهضرة الامار ....
حبيبي الأصم الجزء 262
محتوى القصة
التنقل بين الأجزاء