حبيبي الأصم الجزء 264

من تأليف كاميليا جود
2019

محتوى القصة

رواية حبيبي الأصم

لامار : هههههه مالك اماما 
رقية : تت تي .... تي هدا منين جا 
اسد غير كيضور راسو ملامح الصدمة على وجهها جابلو الضحك ..... 
لامار : شكووون ؟ تشيرتي ولا مالك راه مكاين حد هههههههه
رقية : تي هااهوووو وليبييييدي ( ناضت عندو ) ولييييييييدي حبيبي واااااااككككف كووداااااامي ( دموع كيهبطو ليها ) الله يااااااااربي ( كانت غااااتسخف واسد عطا دغيا قسم لامار وشدها وهي تعنقوووو مع قصيييرة عليه يلاه راسها جا شوية فوق كرشو وكتتتتتبكي و تضحك ) 
رقيو : الله على ولييييدي وبراااااا لياااااا الله على ولييييدي واااقف على رجييييلاتو الله على وليدي وحاااال عويييييناتو ..... الله يا وليدي وضحك لياااااا .. الله ياااررربي الله 
اسد : هههه الحاجة علاش كتبكككي ( كيمسح ليها دموعها ) 
رقية : دمووع الففررررحة اولدي ها كول ليا واش واكف كودامي ولا كيتخاااااايل ليا 
لامار : ( ناضت عنها ) لاااا اماما متخاااايليش ...راه فاق وبرا دابا ...خليتها ليك مفااااجأة ....
رقية: ( شيرات عليها كانت غانتفها كون ماهرباتش ودراري ميضحكووو ) ويشوييييني فموووفاااجاعاااتك .... عاد سولتها قبيلة ياولدي وماكتلي والو وخلات كلبي محرووووووق كندعي ونلعن فتواسل ودابا كتقولي الموفاجاعة ....( علات يديها لسما ) وااااااا حمدتك ياااااااااربي وشششكرتك لي رجعتي ليا ولديييييي اش بغيت من دنيا مزاااااال بغيت غاصحيحتو وصحيحة بنتي وصحيحة ولداتي وصحيحة بنتي قوييييسم وصحيحتي و( قاطعتها لامار ) 
لامار : وصحيحة لكبيرة جارتنا وصحيحة مول لفرااااان وصحيحة واحد غي داااايز ... قاتلك مابغيت والو هادشي كامل ومابغيتي والو تي شووووري الحاااااجة لا تغمقيشاااااي
رقية : تي وااااااش بنتي ولا ضررررتي ققققطعي عليااا حسسسسك خليني فرحانة بوليدي السبع دياااالي ياااا جرااااانة ( اسد كيتفقص بضضحك غي لداهل ماباغيش يبين غايطرطق ولا حممرر ) يا طييير ليل ...موكة تشوفتك تحمد الله على كماارتها يا عينين لكيييساااان ياافم المشمااااش ياافورمة العوووودة 
لامار : (كضحك وكتنعكش فيها ) رااااك كتغزلي بيااااا الحاااجة على هاد لحسااااااب ههههههه

عطاتها بقرررصة تالزغاتها وكلساااااات تاني كتخنن وتبكي وتنخصص واخا كضحك قلبها طايب ماتيقاتش الى واقف قدامها ولامار كلسات عنقاتها وتاهو كلس حداها من الجيهة لوخرا ودراري تجمعو عليه فرحانين حيت عندهم عزيز ) 
اسد : صافي الحاجة مابيغانش البكا دابا ....
رقية : الله وهضيييرة وليدي وكنسمعها فوووديني .... الله على وليدي رجع ليا صحيح فصيح ....وكانو غاايرزيييونا فييييك الكككفرة بالله ..... كنت نشوف بينتي كتموووت كوووودامي ومنكد ندير ليييها ....واااالوو الحيببة ديالي عينيها نشوووفووووو بالبكاااااا وقويييسسسسم ضل تعيييط عليك ومافهمها مسيكنة ديالي غا باه باه باااه وداااااك ليلة ومغاتنساااااش ليلة لي رزااااونا فيك .... غصة فقلبي تغصات.. كنت عااااالمة واخا كاتليا راكم فلعمرة ربي مهناااانيش .... 
لامار : وصافي ااماما هاهو حداااااك ... راه فاق شحال هادي ...غير عاد رجعنا من السفرررر .... 
رقية : ( طيرات معاها قرررصة تاغوات وقسم كضضحك ) كتقوليها بووووجججهك حمررررر ياعود ااسبببببسي ... شفتي اولدي شششفتي ....تامشيتي لميرييكان عااااد فييقوك تقول حنا معننا لا حامض لا بصلة لا ماورد ....لمغاربا ديالنا كيعرفو يفيقو ابلييييس من الكرنة ديالو و ويفيقووو الجنون والملووك فوق المجمر و ووليدي حاااااارو فيه ... الغوايبوبية قالك ....مكاينش الغوايببوبي كدهم ... دايرين كي مسامر الكيييف الله يحضر سلامة .... والله ياوليدي ومتساااالني حلوووف ... كون غاااررر ساااعفوني كنت نجيب البصلة و الفااسووووخ ونفييق وليدي كيدردك ..... وهوما مضورييين ليك ااسلوووكا كي البارابوووول تقول غايشعلو بيك التلفااازة ... خيط هنا وخيط هنا خيط هنا ... وكل مرة يجيو يدكو براااا ... يديك ولاو اولدي كي البغريييررر .. طرزوووك طرز الرباطي ها قوة الخيوط بلا فايدة .... ها خنشة كتقطر منهنا ها لوهخرا كتقطرر مليهيه .... دارو لوليدي الكوووطاااكوط ... غايغرسو فيك العنب الله يلكيليها ليهم .... ( لامار غير شادة على راسها واسد كالس وشاظ على حنكو خاشي صبعو صغيرر فموووو زعما متبع معاها هو راه غايتفقص بضحك ولا حمررر وعينيه لمعووو قرب يضحك بدمووووع وكيتنخصص غي لداااااخل وهي كتهضر من نيتها ودراري كيتفركعو بالضحك ) مالك تي شادة على راسك كدبت عليهم ؟ على ماشي بقاو واكفين عند راسو كي جدارميا مانفعوه ماشفعوه يجيو يكنشووو فالورااااق غايدوزو عليه الامتحاااان الله يعطيهم ددددقة 
لاما : مادعيش اماما مادعيش 
رقية : وااااسيييري بغيتلهم الهزاز يهزهم مايحطهم ... الحيرة فداك الخرقة البيضة وسناطات و فاليزاا دالوراق فاليد وهضرة بالفرانسيسسية ...تيغوا بغسوكالاسيون زابيطورلاسيون .... بغيتليهم الضر .... هاهو مشا وليدي عند لميرييييكان هاااوفيقووووه ليا ( اسد مافهمش كاع علاش كتهضر معارفاش لامار بلي قاتليها ديناه لامريكا فاش كانو فاليخت ) ياااااا سيرووووو يالميريكااااااان بغيتليييكم غاالعززززز واااخا كفاااااررر.... الكفرة عندنا حنا لي وليدي ناعس هوما يكنشو فوق راسو كيحسبو ليه شفااارو ... ويهللو بالفرانسيسية كيزيدو ينعسوه .. تلقاي غا داك الخنشة دالما لي كانت عند راسو فيها شي عجججب كيسسهطوه بيه بااااش ماافيقش ليهم ... حاااااسيدينو حااااسيدنو واكف ليهم فالحححلق وليدي ... ملي دخلت نحط لوليدي الحرمل عند رااااسوووو جراو عليا وبداو بهزو داكشي بطراف صبعانهم تقول دايرة تما الباااارود ... مابغاولوووش الخيييرررر
لامار : هههه وماما الله يهيدك طفاي شوي خلينا نتهاودو معاك ههه حشووومة عليك مالهم اش دارولو 
رقيو : تي سيري سيري غاشافوه شاد عيونااتو وليدي مسيكين لي الله يرررررضي عليييه هاو دارو فيه مابغاو ... ولااااايني نتي يااابنت الهم يامخلات كرشي لي مخلتنيش ندير شغل يدي .. شتي كون جبت افقي يقرااا علييييه وكيتب شي بركة حسن من تكناااش دوك مسامر الكيف .... ونفوسخ الداااااررر وتشوفي كون مناااااضش يدردك ..... تي قزليلي شدارولو الميركاااااان باش فيقوووه ؟
لامار : هههههه غاقاسوه وهو يفيييييق 
رقية : اوا شتي القرااااااااية .. هادوك هوووما لي قراو .. مالهم للطبااا ديالنا مايعرفوش يقييسوووو ؟؟؟؟ وكون كانو نيييت العرب ديالنا طباااا مايسميوهمش على سمية الطوووبات ..... شوف الميراكن كيعيطلوهم دراكطوووور ...(شافت عند ولدها ) شناهي هاديك اوليدي 
اسماعيل : لو دوكطوغ اماما 
رقية : ايييه هاديك غاتسمعهاااا تحس بالشييييفاااا والقراية .... الطوووبا قااالك .... والله مانتيييق فيهم هوما لي مرضووووووه وزادو كملو عليه ..... الله يلكيهالهم كحلة زحلة

( عنقات اسد ) ويييخلي ليا وليدي ويحفظو ليا ... نوووض داااابتااا نوجد لوليييييدي بريريد اتااااي بكشكووشتو ونكلس نشبع من وليدي .....ادااااك جدددرة واااقويسم ( قسم مشغولة كتنتف فشي عققيق فالمخاد ) اجججي لعندي البقة بنت لبقة اجي عند حناك (هزاتها) اجي ينعل خنااايزك تانتي غاطلعي كي مك شووووف جدرة مادتهاشاي فيا كاع .... 
هزاتها عندها ودخلات لكوزينة و واسد بقا غير متبعها كبيتسم صوتها جاه بحال صوت لامار رقيق ومسرسر .... جاتو فشكل فاش ولا يسمع هضرتها خصوصا ملي سمع اش كانت كتقول فلول .... تاكد مية فالميا الى ان الامار من انتاج رقية .... ولاماررر بداااتت كضحك وضار عنها 
اسد : عاد عرفت فيمن شبهتي ههه .... انا كنقول منين كتجيب داك الهضرة 
لامار : اويلي يااااكما شفتيييييها 
اسد : هههه .... امييييين اااجي حدايا 
جا عندو امين وكلس كيسولهم على قرايتهم تاجات رقية وقسم كاع رونات ليه لكوزينة كولشي جبداتو وكلسات طبل فالمرااامط وطناجر ستفاتهم قدامهم ومربعة فالارض ورقية خاطرها وااااسعة خلاتها تعلللب .... وهزات داك صينية وخارجة تااااا اسد قفززززز من بلاصصصتوووووو... حسابتوو غير شكون كيغوت ... هي غااا رقية جايا كتتتزززززغررت بصييينية وطالقة الحلوق حسابتليه غااااا ترفكعات شي حاجة ... كان غايسكت ليه القلب عااااد فهم هاد الحركة لي كانت كدير بلسانها اش كاتععننني غمض على عينيه تمنى لو يرجع صمك غير على ماتسااااالي .....حس بودنيه غاااايتصمكو مابغات لاسككككت تزغريتة مسرسرة ... هاد الصوت ماسمعو من طهارة ديال سفياااان .... بقا مصغررر عينيه مكرررهش يشد ودنيه .... تاسكات رقققيية من تزغريتة عااااد تنفس ودنيه بقاو كيصفروووو ... وحطااات الصنيييية وكتشالي بديها 
رقية : اللهم مصلي علييييييك ارسووووول الله اللهم مصيييييييلي علليك رسوووول الله .... الملائكة يدوروو بيك اوليدي ويحححفظوووك ويحمييييييوك .... ربي وملوووكا يدروك قرة عنيييييييهم وينجييييوك ليييييناااا 
لامار : اميييين 
يلاه غاتبدا تاني هوو يشدها 
اسد : صااااف صاف الحاااجة ... خوووي اتاي خوي .... 
كلساااات مع الصييينية و قسسسم مرونة دنيا لداااخل راسو تشق عليييه عارفها الى دايرة الاوركيسترااا لداااخل ... وغمز لامار تنوض تجيبها قبل ماتفركع ليه الراس بصداااع مكرهش يولي يطفي ودنيه ويرجع يشعلهم ... عاد عرف العالم شحال ضاااااخب ...
قسم دايرة الجوق بالمغغارف و رقية كتزغرت واتااااي كتخوى شرررررر فالكييسااان وتلقب وتعاود ... تاجات لامار هازة عبيدات الرما دبنتها فيدها كلساتها يلاه غفلات عليها شوية كانت غاتقلب داك الصينية فلخر شدها هووو كتصقر عندو كتخاف ... ورقية كتعطيهم كيسانهم..... وكلسو كيشربو اتاي وهي جابت فراقة دالحلوة والفواكه الجافة .... وفرحانة كل مرة تنوض تدعي معاه ومرة تبكي مرة تضحك ....وكلسو كيتهاودو على لخطبة
رقية : اوا عيشة ماقلتليشااااي! .. نوض امروان اوليدي جيبليا داك المشقوووف تكون صونااات ومسمعتهاشاي .... 
لامار : علاش غاتقوليك راه عارفة عندك لخبار .... 
رقية : ودااك الصكع دمبااارك بغا ؟ 
لامار : اااه قاتليااا راه بغااا ... 
رقية : مممم على هو يقول لا فين يلقا نسيييب بحال سيدي سفيااان الهمة والشااااااان والزيييييين والطولة وتجريدة والعنين كيطيحو زرزور من فوك السور .... وخوووه تباركالله مشاء الله ...يحميه الله كي السبع الله يحجبووووو ... فين غايلقا بحالهم خصو يدير خمسة على فمو ويتركن ولاكن اصبااااااار هانااااا طالعة ونتححزم ليييه وتشوف واش يتمتم ... هذااااك انا لي كنعرفلوووو وقاريا ليه صوااااريه ولله معايا مايتزعزع انا طالعة ليه .....
اسد كان ملهي مع واحد روجيستر جابوليه اسماعيل كيخص قرايتو بصح كيسمع اش كتقول وغير كيضور راسو ويطلب حسن لعوان لهاد مبارك .... وهو يجيب ليها مروان تيليفون وبعداااتووو على عينيها وكاتصغر فيهم كتشوف 
رقية : ايييييه اييييييه والله الى صووونييييط ... ( خرجات ودنها من الزييف ولات كتبان كي الفراعنة وبدات كتصوني وناااضت كتهضر بجججهد احتمال عيشة تكون كتسمعها من الدواااررر ) ااالوووو وااااعويسشششة واتي مباااارك ومسعووووووود اخووويتي ( دخلات لبيت كتهضر )

ناضت رقية تهضر ولامار شافت لساعة فتيليفونها 
لامار : حبيبي نخلي معاك قسسم غير غاتبرزطني 
اسد : وي خليها غانهبط اما وياها لبحرررر .... قسااااام اجي لهنا ....شديييها راه غاطيحها عليهااا مااافينا لي يتخلع .... 
ناضت هزاتها عنها كتقرص فيها ترصا و رقية خرجات وكلسات حدا اسد كتسولو واش لفاصمات بقاو فيه ملي كان مريض وتحقق ...حيت كاتشوفو داير لسقات فوجهو وفوق حاجبو وتحت شفتو ....دغيا غمقات عليها لامار بلي بسباب الاكسيدون بقاو فيه ...كلسو شوية واسد مشا هو بنتو .. وهي بقات كتسنا تا جا سفيان موراها ... وخرجووو يتقضااو مشا لشركة ديالها جابت اححسن ليبوكييه دالورررررد ... ولي غايدخل لعريس بوحدو فالححمررر ... وسفيان غير تابعها مفاهم والو مكيفمهش فهادشي ... هزات الورررد وخرجووو كيدوروه فطموبيل 
لامار : اجي شريتي لخوااتم ؟. 
سفيان : ( وراهم ليها) يعجبوها 
لامار : وااااعررررر .. ( كان خفيييييف وفيه ديمانودااا لماعة ) واش خدييتيه على اسد ؟ شفت عندو هاد لموضيلات فاش مشيت داك نهار 
سفيان : اه راه مشيت لتما خديتو ... دغيا وجدوه ليا .... على قياسها 
لامار : صافي دابا خضنا الووررد البلدي تاهو .... معنديش هنا غانشميو نتقضاوه ... وووالححنة و( قاطعها ) 
سفيان : ولاش الحننة ؟ صافابا ! عندنا عرس؟
لامار : خصها دخل فالخطبة .. غير وراق ماشي مطحونة مغاتفهمش هادشي نتا ديماااري وماشي شغلك زيد انا غانوريك فين تمشي ....اجي بعدا وجدتي طيافر 
سفيان : مكان لاش الامار راه غير هضرة هادشي واقلة ديتندار فالعرس 
لامار : راه هااادي خطاااااابة اسفيان فيها كيكون هادشي ...قتليك زيد وماشي شغلك..جيران فاشيكونو كيطلو من القنات يشوفو حياة شنو جايلين ليها ويخضرو عينيهم ...ديماااري قتليك 
سفيان : هاااااهوا زايد ( كيديماري ) وحاولي على خوك ههههه.. 
لامار : ( كتحسب غير فراسها هو صايك ) طيااافررر فالكرونة الملكية ...مممم الورد جبناه ... لي بارفان شوية يوجدهم لي ...خصنا العطر الطبيعي ... ممم اش كيخص اخور ياربي ... ليييبييييجو .... ااااه حقا لي بيجو شريتهم ؟ 
سفيان : غانمشيو دابا باش تختاري مكنفهمش فهادشي 
لامار : ناااري شحال معطل ..كون خدتي كولشي على اسد 
سفيان : عندو داكشششي غالي الخاتم خديتو تما بثلاثة دالمليون باغا تسيزي خوك ....
لامار : وعلاش كتتتخحححلص؟؟؟؟ يعرفها والله مااايبغي
سفيان : حمقة نتي؟ لاباغ دالمارياج دمررررتي خصني نشريها انا ...علاش خدام وكنقيل شاد فطيارات لكاندا والاشهارات باش يخلص عليا خويااا...مرييييضة نتي ... واخا نكون مخدامش كاااع نهز الكراطن ونشريها من جيبي ..... 
لامار : نااااااري على نفاخة فيكم مالها اش فيها ... دابا لابغا يعطيك كااادووو لااا 
سفيان : الكادو بوحدو والواجب ديالي بوحدو .... وهو راه عاارف هادشي وعارف طبعنا كيداير مغايتقلقش مني ...حيت كون شفت راسي مغانقدش لمسؤولياتي وحقوق المراة عليا كاع مغانبغي نتزوج ....
لامار : مهم خليني نفكر باش مانسا وااالو ....قرآن كرييييم ضروري عنداك تنساه ... الحلوة التمر ...... ففففف غانتعطلوووو باقي شلا مايدار 
سفيان : وايه مشا لحال ....
لامار : اجي بعدا عدنان جاي يااااك ؟
سفيان : اه راه كان معاياااا قبيلة ... ضروري يمشي علاش ماشي خويا ... 
لامار : وغي سررربي سسربي باش لحقوو

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.