يامنة الجزء السادس

من تأليف Sana mina
2019

محتوى القصة

رواية يامنة

يوم كان حااااافل جدا بالنسبة ليها ...جاوها احداث متتالية واحد تابع لاخور ...كيف يعقل ان العقل يستوعب ما يجري ...دخلات نيشان وسط المافيا وسط صداع وقلة راحة والخوف والموت فاي لحضة ...حياتها الي كانت تتحس بالمان وهي وسط باها وفحضن جداها عايشة روتينها بين المدرسة والطياب وشقا والفياق بكري والمسؤلية الي هازاها من صغرها ...طفولتها ونعومة اضافرها معاشتهمش كيف البنات العاديات ...ولكن رغم ذلك الا وانها تربات على الاحترام ومبدا نسمع هضرت لي كبر مني ومنتجاوبش ...
ممكن تكون تربات عليها او ممكن يكون طبعها من الاساس هاكاك تخلق فيها ...ولكن واش هادشي الي بدات كتعيشو غايكبرها ويوعي عقلها وشخصيتها ؟ او غاتبقا هي هي وتربي الي محيطين بيها ؟ 
سالا من هذاك وضار عند رجالو امرهم باش يهزوه يديوه من تما ويتفاهمو معاه باش يتعلم ...دخل لدار وهو يهز شكارتو ولاحها عليه وسد الباب ودخل حتى لشوي وجا فلاديمير دق عليه وعطاه الدوا الي جابو ليه ...وشرح ليه شنو يدير ...
دخل نيشان لكوزينة عمر كاس كبييير ديال لما بغطاه وحطو فالبلاطو جنبو زوج كيسان ومعيلقة ...حط ساشية حداهم ودخل لعندها حط داكشي فوق طابلة الي تما جبد واحد سيرو حطو ومشا ليها ...
فؤاد "كلس عند راسها مفيقهاش وعارفها متقدرش تنوض او لتفادي ديك كثرة الهضرة باش تفيق وفر على راسو وحط ايديه تحت راسها وهزو شوي قاد لمخدة تحتو حتى تقاد ...حتى حلت عويناتها شوي وخا محاساش ...
كب سيرو فمعيلقة وعطاه ليها ...حست بيه وهي تحل فمها بشويييي حتى شرباتو
يامنة "جاها مرررر ...غمضت عينيها وسرطاتو بزز " : اعمممم اففف ...
جبد ساشية ديال انتيبيوتيك وخلطها فنص كاس ديال الما وعطاه ليها شرباتو ...كان مذاقو حلو مخلط بريحة فليو الشي الي غطا ليها على لمرورة حتى شرباتو ...
فؤاد "مد ايديه لباكية لمشاور وجبد منها واحد مسح ليها فمها ورجع غطاها وهز داكشي وخرج بدوووون نطق اي كلمة من فمو " 
اهتمام فؤاد ممكن يكون من نوع اخر نوع احساس بالمسؤلية ان في عهدته بنت و بنت عمو ومن الفوق طفلة باقي صغيرة معارفة والو ممكن جدا يكونو هذو هما الاسباب الي خلاه يهتم بيها حاليا وخا قاصح بزاااف وطبعو صعب جدا…
مشا لكوزينة حط هذاكشي ومشا لصالون رجع لبلاصتو ...حس براسو تزيييييير بزاف وهو فوضع مقادرش يتحرك مضطر يتريث حتى يتوصل ل شنو بغا عاد يقضي غراضو ...مقادرش يخرج لنايت الي كيمشي ليه باش يسهر ويرفه على راسو ومن ناحية كثرة السجائر الي كما مبقاتش قدات ليه ....
حك على شعرو بعصبية حط ايديه فوق رجليه مشابكهم وكيلعب بصباعو ...كيفكر يفكر يفكر حتى وصل بيه تفكير لافان وهو يهز ايدو وخبطها فوق طابلة حتى ضغطت ...

#ازرو....
رجعو الدراري من فاس من بعد ما سالاو اشغالهم ومن بعد ما توصلو برسالة خوهم الكبير الي سلم ليهم الشركة بكلشي ليها وتنازل ليهم على كلشي ...بهاد التصرف ورسالة الي وصل بهاد المعنى كانه وصل ليهم رسالة كبييييييييييرة بعدة معاني وهما وشطارتهم ...ولكن اكبر معنى هو انه بهاد التصرف حشاها ليهم بالمعنى العام ديالنا ...هما وشطارتهم باش يجتاهدو ويقدرو يزيدو بشركة لقدام ويزيدو بمجموعة رمسيس لقدام واحسن ويرجعو ثقة ديالو 
الي فقدوها بتصرفهم وطعنهم ليه فضهرو والشي الي متقبلووووووش وكان لهاد التصرف قرارات كثيرة وتوابع كثيييييييرة ....
كالسين بزوج فالمكتب ديال يوسف الي فالبيت عندو ...حاط رجليه المريضة مسرحها فوق الكرسي مقابل ليه وصهيب جالس قدامو ...
يوسف "تكا راسو على الكرسي بتعب " : اااااياي عييييت ...
صهيب : وشكون قاليك خرج نتا بيتي طير كون راك مركن فناموسيتك شاد ليك تيليفون ولا شاد شي سلسلة تتفرج فيها وتصنط لعضامك… راهم تشتتو ...
يوسف : كنت هاز الهم باقي خاطري مريض من جيهتو بقا فيا والله حتى بقا فيا ...
صهيب : نعل واالديك الحمار وا شنضلك الحبس وبقا فيك ؟
يوسف "بغا يفقصو ": غزاا فيا ...
صهيب : صافي صباح نشنضل حبك باش تقوليا الله يبارك فعمر سيدي عهههه ...
واحد شوي حتى دقت عليهم نجود ودخلت ...
نجود "وجهها باقي فيه الحزن " : وليداتي تعشاو ؟ 
صهيب : اييييه اش دايرة لينا من هاد ليديدات ...
نجود "ابتاسمت شوي " : كل الي حب خاطركم اولادي ...يوسف نجيب ليك عشاك هنا ...
يوسف : لا ميمتي انا نهبط معاكم ...
صهيب "شاف في مو " : الوليدة واش عيانة ؟ بنتي ليا ماشي هي هاديك ؟
نجود "سبقتها دمعة " : كنصوني ليامنة مكتجاوبنيش 
يوسف : مشات لموسكو الوليدة يعني الخط غايتقطع ديال لمغريب ...
نجود : لا خدينا ليها كارطة دولية دايرة بحساب هادشي بغيت غير نسول فيها و "حذرت راسها " وفيه 
يوسف : بيني وبينك خلي سيد مع مرتو منو ليها يقتلها يعايرها يضربها منو ليها والى جينا لواقع من حقو والى مبغا الي يدخل فيه صافي خليوه عليكم قرر صافي مع الوقت كلشي غايتقاد ...
صهيب : ولكن ماشي لدرجة يحلف ميبقا يعتب علاش معندو خوت معندو واليدين ؟ علاش هادشي ...
يوسف "شاف ف نجود " : حيث خداو قرار هو مباغيهش وعارف عندو اخطااار كثيييييرة والوليد عارف هادشي وقمر بالبنت متستاهلش اش ذنبها ....
نجود : هادشي علاش بغيت نسول عليها راه معندها حد تما هي وياه راس فراس الله عالم بيها ياكما مريضة ياكما حايفة غير تواصل معايا غادي تقاد امورها راها وحدها ويتيمة ...
صهيب : وملي يتيمة فكرو فهادشي عرفتي ذنب اليتيمة الوليدة راه خايب على كل ليها الله وفؤاد ماشي بداك سوء الي ياذيها في حالة وحدة الى حكات نحاسو راه مغاديش تاقا شرو ...

تعشاو فديك الوقيتة هبط يوسف وصهيب تبعو نجود لتحت وتجمعو كاملين فطابلة تعشاو جميع فجو باقي فيه شوية الحزن والقلق واكثر شيء احساس بالذنب من جهتها الي حسو براسهم ارتاكبو غلط كبيييير انهم رماوها ليه بهاد المعنى لاحوها لرجلين الجحيم ...الحاج تعشا عشا قلييييل غير باش يشرب دواه لا غير واعتاذر ومشا نعس على غير عادتو ....ونجود كلفت البنت تجمع الماعن وهي مشات لبيتها تجرب اتاصل بيامنة وخا عارفة الوقت عندهم تعطل جربت اتاصل بيها فواتساب الي دارتو ليها فتليفون كيطلع ليها مداخلاش نهائيا داك نهار ....حتى زادها قلق فقلق...
اما واحد زوج الي ضاربين بات مات دنيا بركلة وخا تشلخو جمعو عضامهم بسكات هههه ...كالسين فجردة كيشربو فبراد تاع اتاي مشحر ومنعنع على خاطر خاطرو بحسب الطلب ديالهم كيف كيعشقوه ومن ايديات الوليدة نجود ...
يوسف "حاط رجليه بزوج فوق الكرسي مسرحهم وشاد كاس اتاي مشحر وقاصح ...شرب رشفة ": متمت تااا اااااح الله ...
صهيب "حتى هو " : تتتتت ااااح على دكة من داكشي الرفيع تاع الناس العميقين ....
يوسف : اييييييه تنشوا ليا مع راسك تنشواااا الحمد لله متطردناش ...
صهيب : حمد لله ...اجي واش داك خوك السلگوط تتسول عليه شي ...
يوسف : و لا حفات ليماه جرية يدير شي زبلة الشوا الي غانشوي والديه مشواه ليه فؤاد ...
صهيب : في نضرك فؤاد زعما غاااا زعما وكان يقدر يتراجع من هنا لقدام ويرجع كيف عادتو ...
يوسف : هو ماشي مستحيل ولكن صعيييييب ...
صهيب : الفجلة مغاتشوفش دارهم اويلي راه الحبس المؤبد وفي بلاد الروس اصحبي تا راه غورباتشوف ما وقع ليه هاكا ...
يوسف : في نضري انا من احسن مدام خذا هاد القرار يعني الوليد راه من هاد ناحية لخطة ديالو الي تقدمات ...فؤاد غايضطر ينقص من داك الخطر الي عايش فيه ويدير بعين الاعتبار ان عندو مسؤلية زوجة غايتقسم ليه ضهر ...
صهيب : زوجة عهههههه من قال فؤاد تكون عندو زوجة ايييييييييه قاهر قلوب العذارة جات بنت الالفينات جمعت بنات تسعينات والثمانينات الي ميتين عليه بنص ...
يوسف : بنات تمانيات غا لا مبغاو يحشمو بنات تسعينات نازلة عليهم مساكن لعنة دنيا ودين ...
صهيب "تكا راسو من بعد ما كمل كاسو " : ايييييه كون ما مريض كون راني شاد ركنة مع شي خوينزة فداك نايت ولا مقصر فشي قنت ...ييييخ حسيت براسي فحال زبيدة فدار دايرة زيف حياتي 😑....

اصبح يوم جديد بمدينة موسكو...
ملي عطاها دوا شرباتو نعساااااات من فرط تعب الشديييييد وتعب الصدمات وتعب المرض والتفكير والارهاق ...حلت عينيها في صباح بكريييييييييي باقي شمس كتعطي معالم الشروق ...حست بالعطش قتلها ...ضورت وجهها ورايها كتحس بيه ثقييييييل وفمها مر ...لقات كاس ديال ما كبير عند راسها وحداه كاس ديال شريب ...ناضت بشوية عليها حتى كلست عينيها منفوخين ...كبت ليها كاس ديال لما شرباتو ...
انتابهت لدوا الي عند راسها تفكرت ليلة امس... ناضت بشوية حتى لفاليز الي قدامها جبدت منها بيجامة جديدة ومشا لدوش حيدت عليها هاديك الي كانت لابسة الي خنزت ليها بريحة العرق وسخانة ...كملت ولاحت الوسخ فالسلة وهي تمشي غسلت وجهها ...
يلاه خرجت من دوش حتى حبست لقاتو واقف كيشوف فيها ....
يامنة "حدرت راسها " ...
فؤاد "طلعها وهبطها من لفوق لتحت بتخنزيرتو المعهودة ونطق بسؤالو ليها " : مزيانة ليوم ؟ 
يامنة : همم ااه "حطت ايدها على راسها ونطقت بعفوية " راسي كيضرني ...
فؤاد : رجعي لبيت شوية وغايجي لفطور ...فطري وشربي دوا الي عند راسك ...
يامنة : امم ؟ واخا ..."تمات غاديا بشوي شادة فراسها وكتحك فيه حتى دازت من حداه شوي وهي توقف " 
يامنة "من بعد تردد كبييير عاد نطقت " : بغيت نهضر مع ماما ...
فؤاد "طلع حاجب ونزل لاخور من كلمة ماما ..." : شكون !!!! 
يامنة : ماما نجود ...
فؤاد / حتى نرجع ونجيب ليك تيليفون جديد وهضري معاها رجعي نعسي فبيتك دابا ...حتى يجي لفطور وخرجي تفطري ...
جاوباتو براسها وهي تمشي دخلت لبيت رجعت تكات حتى دق الباب وجابو ليهم فطور وهو كان ديجا موجد ماكينة القهوة دار كاس فيه قهوة مخلطة ليها وكاس اخور ديال لحليب في حالة احتاجت ليه ...
عند الباب واقف مع فلاديمير ...
فؤاد : تيليفون جديد واجد بكلشي ليه من دابا شوية يكون عندي ...
فلاديمير : ايه وخا ..
فؤاد : زيدو الحراسة بزاااف هاد النهار ...
فلاديمير : كون هاني ...
فؤاد "قرب ليه حتى لعند وجهو " : خليهم على خاطرهم بلا ضرب بلا تهديد وجد طوموبيل غانمشيو نيشان لملهى ...
جاوبو براسو ومشا دار شنو قاليه وهو دخل حط داكشي وقادو ومشا لبيت دق عليها ...
فؤاد : جيبي معاك دوا وخرجي ...
يامنة "وقفات " : واخا ...هزت البلاستيكة ولوات عليها بينوار البيجامة وخرجات لعندو لقاتو كالس فوق طابلة كيكمي ويشرب فالقهوة ...وشاد لجريدة…
شمات ريحة الكارو مجهدة بزاف عليها حتى دخلت ليها مع الحلق وبدات تكحب واصلا صدرها مخنوق ...
يامنة : كحكح كحكح ...
هز فيها عينو وهو يشد لكارو وطفاه ...كلسات فكرسي ولقات قدامها كلشي محطوط بعض ما تشتهيه نفسها ...ولكن داكشي الي مغربي مئة بالمئة وبلدي مكاينش ...
فهاد اللحضة بالذات حست بحنيييييييييييين لبلادهم دوارهم ...خبز سخون ولا الخبز البايت الي كيعجبها تاكلو مع زويتة بلدية وكاس اتاي ولا قهوة معطرة بعطور سوق الي كيجيب باها وزويتينات كحلين الي كتصايب من ايديها ولا كوفيتير الي كياخذ ليها باها من سوق اشياء بسييييطة كانت كتاكلهم عندها كيوزنو ذهب ...فلحضة ساهات وهي كتفكر حتى سمعت تحنحينتو لقاتو طوا لجريدة وناض وقف وتم غادي كيهضر عاطي بضهر ....
فؤاد : فطري وشربي دوا ...

مشا لصالون جبد حوايجو الي غايحتاج باش يخرج وهزهم فايدو ومشا لدوش دوش مزيااان وخرج نشف راسو ورش ديودرنت ديالو الي كاينة فدوش لبس حوايجو تما وخرج لصالون لبس تقاشرو وصباطو ...وقف كيقاد فسمطة سروال حتى سمع دقان الباب وهو يمشي فتحو ...لقاه فلاديمير ...
فلاديمير "مد ليه تيليفون الي وصاه عليه " : هاهو واجد بحسب الطلب الي بغيتي وبالاختيارات الي طلبتي ...
فؤاد : مزياان "شير ليه بصباعو باش يقرب ليه عطاه وذنو قاليه شي هضرة وشي توصية يجيبها ليه " ...
فلاديمير : شوية ويكون عندك المقاس الي بغيتي ...
فؤاد : متغلطوش فداكشي الي غايكتب فيه ...
ابتاسم ليه وخرج سد الباب فؤاد ومشا كمل لباسو ودار لفردي ورا ضهرو كيف العادة ....لبس فيستة ضرگ بيها الفردي ...وخرج لعندها لقاها كتشرب فالقهوة وكتاكل بشوية ...
وقف ليها عند راس طابلة ...حط الكرطونة ديال تيليفون ....كحزها لعندها ...
فؤاد : هضري معامن بغيتي ...فيه كلشي 
يامنة "بفرحة " : واخااا ...
فؤاد "حط ايديه فوق طابلة ...لعب بشفايفو شحال عاد نطق ..." : تصرفي عادي فدار ...كلشي كاين مغاتحتاجي لوالو ...
يامنة "شافت فيه وحركت ليه راسها " ....
نقر بصباعو نقرات خفاف وهو كيفكر وكيشوف فنقطة بعيدة ...جمع الوقفة وخلاها فالبارطما على راحتها ...خرج من الدار وسد الباب بساروت ...الوضع غايكون مؤقت ريتما يصفي الحساب الي راه ناويه فراسو ومخطط ليه تخطيييط وكابح الغضب ديالو حتى يدرس كلشي من جميع الجوانب ....فقبل ميتزاد عليه فرد جديد كان كيتصرف عادي ولكن من هنا لقدام كلشي غايولي يحسب ليه الف حساب عاد يتصرف وهادشي الي كيخليه يتجنن اكثر ....

كملات فطورها على راحتها وشربت دوا الي قدامها ...شربات سيرو هو لول عاد تبعاتو لاخور وهي تنوض جمعت داكشي الي تما وداتو لكوزينة ...حتى غسلت داكشي ونقات دنيا عاد مشات كتجريييي لبيتها باش تهضر مع نجود ودارهم ...اول شخص دوزات ليه اتصال كانت جوديا الي لقاتها على اعصابها كتسنا حتى جاها اتصال من رقم جديد ...
نجود : الو ...
يامنة "باشتياق " : مامااااا ...
نجود "بفرحة عاد حست براحة " : بنتي الحبيييبة على سلامتك ابنتي ..وصلتي ابنتي ...من البارح وانا نعيط مكتجاوبيش ...
يامنة : بدلت تيليفون عاد جاب ليا واحد جديد وهضرت معاكم ...البارح كنت مريضة ...
نجود : خير ابنتي ياك لباس ...
يامنة : ضربني البرد وجاتني سخانة والكحبة ...
نجود : الله يابنتييييي الحبيبة وعندك شي دوا ؟ ديري شي حاجة تحيدها عليك ...
يامنة : عندي دوا خداه ليا البارح عاد شربتو وهضرت معاك ...
نجود "باستغراب " : شكون خداه ليك ؟ فؤاد ؟ 
يامنة : اه ...هو الي شربو ليا بليل مكنتش كنقدر نوض …
نجود : سبحاااانك يا جليل ...اه ايوى مزياان ابنتي ...غير لجو تبدل عليك والبرد قاصح تما …ياك كلشي مزيان عندك مخاصك والو هضرتي مع داركم ...
يامنة : غاد نهضر معاهم فاش نسالي معاك ...
نجود: ايوى مزيان عندك واتساب ابنتي فيه ؟ ...
يامنة : اه فيه كلشي كاين وحتى ويفي كاين تاحاجة مخاصاني ...
نجود : فؤاد جاب ليك تيلفيون ودار ليك فيه هادشي ..؟؟ 
يامنة : اه ...
نجود فهاد اللحضة كانو معاها دراري كالسين عند طابلة الفطور ولان الوقت عندهم مزال ابكر فاش عيطات ليها وعرفتها بقاو كالسين حداها حتى يطمانو عليها ...قطعت معاها من بعد ما سالات الهضرة وهي ضور عندهم قالتها ليهم ...
صهيب : دابا هو الي شرا ليها دوا ؟ 
نجود : اييييه ...
يوسف : عادي جدا راها مريضة ومحداها حد من غيرو شنو غاتسناو يلوحها من نيتكم كتستغربو ؟ 
نجود : شرا ليها تيليفون ودخل ليها فيه كلشي وعطاها لحرية باش تهضر معامن مبغات ...وشربها دوا بنفسو وبايديه ...وبقا سهران ليل كلو عليها...
صهيب "خرج عينيه " : دااااااااخلنا عليك بالرب العالي الجليل ...
يوسف : شربو ليها بايدو وبقا سهران مقابلها ؟ 
نجود : اييييييه ...
يوسف : سبحاااانك ياا جليييل ...
صهيب : ان لم تقل سبحان الله فاعلم ان الشيطان منعك 😎....

نهار كلو وهو غايب ونهار كلو وهي فالدار هضرات مع باها وجداها الي مكملت معاها الهضرة حتى كانت روحها غاتخرج بالبكا ولكن ضروري من دعوات الرضى من عند الوالدين وتوصيات من هنا ولهيه فا هذا شيء طبييييعي جدا ...وناضت مشات لدار كتكتاشف فيها … دخلات لصالون ...
بقات تشوف فيه وتكتاشف حتى بانو ليها حوايجو فوق الفاليز مستفين ومقادين ...باقي الاغراض الخاصين داهم معاه باش متنتابهش للاشياء خطيرة هو عندو اشياء روتينية كيهزهم معاه ديما ....دازت من حداهم مقلبتهم ما فرتتهم خلات كلشي كما عليه بقات كتشوف غير فصالون الي عجبها وديكورات ...وخرجات مشات لكوزينة تشوف اشنو فثلاجة باش تصاوب غذاها ...حلتها لقات كلشي كاين الي تحتاج موفرو ليها ....بقات تفكر تفكر تفكر حتى طاحت عليها فكرة وبما انه فالفطور لقات نقص كبييير وافتقار لاكل المغربي البلدي ....
تفكرت نصائح نجود ونصائح زهور الي قراتها ووعاتها ان اقرب طريق لقلب الرجل المغربي اول شيء هو معدته وبما انه فؤاد مفتاقر لاكل المغربي الي قالت ليها نجود عزيز عليه خاصة البلدي ... ومشات حتى قلبت على المقادير واش كاملين بالضبط ...لقات كلشي كاين من طرف تالطرف ...ولان دار سخونة بزااف وهي مولفة تشقا كتهز سروالها عند ركبة وتلبس بوط ديال لميكا ...هزاتو حتى حتى بانو سيقانها بلقييين ومبطبطين و هي اصلا شكلها مبطبط ...ملقاتش لبوط طبعا لانها فروسيا اكتفات غير ببانطوفتها وحيدت لفوقي ديال بيجامة وخا مريضة ...بقات غير بتيشرت وسروال على شكل كولون وهي تبدا ....
شمرت على دراعها ومشات جبدات دقيق وزيت والمكونات الي تحتاج باش دير تريد ( الرفيسة ) ممكن يكونو مكونات ناقصة وممكن يكونو كاملين الا دجاج البلدي مكاينش فاستاعنت بدجاج الروسي …ويبقى السؤال الي تبادر لذهنها هنا ....واش لمقادير كاملين لمساخن ؟؟هههه

وصلت العشية ...قدام نايت او النادي الليلي الخاص الي موالف كيجي ليه ...بلاثات يارة سوداء رباعية دفع بجهد حتى تحكو. روايد فلارض ...خرج هو وحدوووو فقط منها ...لبس الفيستة وتوجه ناحية الباب ودخل ....
زدحة خدامة عالجهد ...تم داخل حتى مشا كلس فوق الفوطوي فبلاصتو ...جبد سيجارة وشعلها وبدا يكمي ...عينيه مكيرمشوووووووش فهاد لحضة واحد ثورة فيه لداخل والي حك نحاسو فهاد لحضة يفرشخ لملتو لمخ والمخيخ ...جا لعندو السرباي جاب ليه فودكا سيك وحداها قرعة اخرا باش يخلط ...وطبيسلات ديال لقطعة ...
حط السرباي مشوار وحط فوقو كاس خوا فيه الفودكا ويلاه بغا يخلطها حتى حبسو بايدو وشير ليه بصباعو باش يمشي حطها ومشا واحد شوية حتى تمات داخلة البنت الي فعمر اواخر العشرينات نفس البنت الي كانت فالكنيسة باسم ماريااا ...شعر بني طويل عينين عينين خضرين زوينة بزاف وطولتها ملفتة ...
ماريا "بان ليها فؤاد وهي ضحك من قلب قلبها حتى بانو سنيناتها " : هههه اوو فؤاد ..."عضت فشفايفها ومشات لعندو " ...
فؤاد "شافها جايا ولكن مبينش بالي راه مديها فيها ...ماريا بنت احد اكبر التجار فالمافيا وبينو وبين فؤاد مصالح وخدمة وصفقات معروف غير بكنيتو الي هي جيفيتوف ..." ....
ماريا : فؤااااد " هبطات باش تسلم عليه بغات تبوسو فحنكو وهو يبعد وخنزر بجهد ولكن مكيشوفش فيها " ..."حدرت راسها من القمعة وكلست حداه " ...
فؤاد "كيكمي ويعض فضفرو بسنانو ومرة يهز الكاس ويشرب " ...
ماريا : فؤاد امتا جيتي من المغرب ؟ متوقعتش غاتجي بسرعة من تما ....حيث كتبقى بزااف تما ...
فؤاد : لارد ...
ماريا "قربت ليه حطت ذقنها على كتافو لقاتو سخوووون كيفور " : همممم توحشتك من اول ليلة لينا مبقينا كلسنا وحدنا منعاودوهاش ...
فؤاد "شرب اخر ما تبقى من الكاس حتى ناض جمع الوقفة ...طرطق عنقو يمين وشمال ...غمض عينيه وخدا نفس عميييييييييق حتى عض مزياااااان في فمو ونطق " ....تبعيني ....مشا وهي تنوض بفرحة تبعاتو ....مشا لسيارة وركبت معاه دارت سانتيغ ورك عالكسيراتو وطار نيشان حتى لوطيل ...طلع هو وياها لفوق لشومبر ...
ماريا : امممم هههه دخلات لغرفة كتماااايل ...فرحاااانة بجهد حتى لاحت صاكها وحلت سنسلة لكسوة الي لابسة لاحتها بقات غير بدوبيييس كحلين....
فؤاد " حيد الفيستة من بعد ما جبد منها شي حاجة حتى قادها وبدا يحل فصدافي القميجة حتى بغا يحلها كلها حل صدايف الكمايم وطواهم مزيااان ...قرب ليها " ...
بدات دوز بصبعها على وجهو مييييييتة بالفرحة انها غاتكون هي وياه فوق سرير واحد يجمعهم عرااات ليلتحم اجسادهم لكن هيهاااتت ...
محست غير بصلية عطاها ليها لحنك بضهر ايدو حتى تصور ليها خط ديال دم محبوس فحنكها ...
ماريا "شدت حنكها وغوتت" : ااااااااي ...يلاه بغات تهضر وهو يعاودها لجيهة لاخرا تصرفيق ماشي بالكف وانما بضهر ايدو بقا يصلي فيها حتى طاحت لارض ...
ماريا "شدات حناكها بايديها كتبكي مفهمت والو " : علااااش اهى اهى ...
مشا ليها شدها من سعرها ولواه لواه لواه حتى جر ليها جلدة ديال راسها الي بغات طير ...بقا يصرفق فيها يصرفق حتى طار ليها دم من منخرها وفمها دايزييين ....
فؤاد " قرب ليها ايدو عند كماارتها وعينيه خاارجين حمرييييين ...وراها ايدو وهي تقشع خاتم ديال زواج الي كيوريه ليها " ...: لو ما بيني وبين باااك خدمة كنت قتلتك عندك زهر محتاج باك .... ...فكري تقربي لجيهتي باك ميشفعش ليك ..."وراها الخاتم حتى لعند عينيها وهي تقرا اسم كاتيوشا فيه " ...هذا مكتوب فيه اسم لالااااك... خبطها بيه لوجه ...
دفعها بجهد حتى تخبط ليها راسها مع لارض ...

فاش كيتطاول الواحد ولا كيزيد فيه بمبدا الحب او العشق ف كينسا راسو بزاااف حتى كيوصل بيه الامر انه يتكلخ بهاد المعنى وكيتعماو ليه العينين ....ولكن فاش تتكوني كتعشقي الواحد وكيحساب ليك غير نتي الي فحياتو كتجي وقيتة وكتصدمي فشي حاجات كنتي نتي غافلة عليهم وتعماو ليك عينيك عليهم فخلال هاديك الفترة الي كان كيبان ليك فيها غير معشوقك ♥️...
خبطها بالخاتم لوجه حتى بانو ليها نجوم ودفعها بجهد حتى تخبط ليها راسها مع ضص حتى تسمعت الخبطة وسخفت ...
ناض كيشوف فيها بتخنزيرة فهاد اللحضة مكرهش يفرشخ ليها راس ولا قرطاسة وحدة تجيبها مكلاطيا مع داك ضص بموتها ولكن مصالح ديالو كيحتمو عليه بعض الاحيان يحضر عقلو بزز منو لو معندو مصلحة كان غير ولكن طبع ديالو غامض فحال نسر مكتعرفش اشنو تحت راسو غير هادشي كااامل ....
ساس ايديه وحدر كمام القميجة عقدهم ومشا هز الفيستة لاحها عليه وخرج من شومبر هبط وخرج من لوطيل فاتجاه البارطما الي خلا فيها ملاك بريئ مدارها لا بيديه لا برجليه ...

#فلاش_باك....
خرج من دار من بعد ما سد الباب بسوارت ...ضار جيهة رجالو شاف فيهم حتى هزو راسهم بعنى رادين البال ..ومشا دخل لسانسور حتى هبط وخرج عند باب العمارة لقا فلاديمير كيهضر فالفون وشاد فايدو بواطة صغيرة حمراء ...غير حس بيه جا وقطع ضار لعندو ...
فلاديمير "مد ليه البواطة " : هاهو سي فؤاد ...ابروتشالنوي كالتسو ...( خاتم الزواج)...مكتوب فيه اسم كااتيوشا ...بحسب الي طلبتي بالضبط وبالكتابة الروسية ...КАТЮША...
فؤاد "شد من عندو البواطة حلها ولقا الخاتم كيف وصاه بالضبط قرا شنو تكتب فيه...حيدو من بواطة ودارو فالفيستة ...شد البواطة وضربها لفلاديمير لخنشوش بجهد حتى بان ليه البرگ...حك نيفو مزيااان ورجع خنزر فيه كيهضر ومكيشوفش جيهتو عينيه فنقطة بعيدة ..." : خليك هنا متحركش من هنا حتى نرجع ...
فلاديمير : وخا سي فؤاد ...
فؤاد "شاف فواحد جيهة ديال واحد البوديكارد واقف بقا كيشوووف فيه ودار ليه اشارة فهمها هو وياه فقط ...خبط على كتاف فلاديمير ومشا ركب فسيارتو وطار بيها لوجهة فين غادي " ...

#عودة .... 
جاي من لوطيل شاد طريق العودة لبارطما فين خلاها ...جاي منير بطوموبيل حتى وصل لعند الباب ديال لعمارة ...لقا فاستقبالو فلاديمير ...هبط من سيارة ضار هنا وهنا كيشوف فالبوديكارد الي كانو موزعين ولكن بعاااد على السكن .. وجناب العمارة ..سد سيارة وتخطا فلاديمير ومشا طلع فسانسور حتى وصل لطابق ...حل الباب بالساروت ودخل ..

انك تكون عايش وسط واحد المجتمع الي وخا قلة الشي الا انه متوفر ليك كلشي ...المغرب بلد عرييييق وعضيم من ناحية الاكلات ويعتبر من اوائل المطابخ العالمية ...نضرا لغناه بالاكلات والشهيوات اللذيذة...يعني وخا يكون معندكش وفقييير فحياتك ...غير بالي كان تصنع اكلة مخيرة ...وهادشي الي وقع ليامنة عند بالها غاتلقا كلشي موفر ...لقات المكونات تقريبا شبه كاملة ...يعني الدجاج ،،الربيع الثوم ...الدقيق ...الزيت ...هادو هما المكونات الي حاضرة ...
يامنة بقات تقلب على باقي المكونات ولكن ملقاتش كلشي كامل مئة بالمئة مع الاسف ...في حياة فؤاد شاب زوفري ديال راسو مولف بالخدم الي كيوجدو ليه الماكلة ديالو كلشي موجود فالفيلا فين سكنة الاساسية ديالو ...البارطما بالنسبة ليه معندوش فيها الخدم كيشري الاكلات الجاهزة ولكن من جات هي وصاهم يوجدو كلشي ولكن مع الاسف كلشي بالنسبة ليها هي مكاينش ...
كان الضن ديالها شيء ولكن ضنها خاب ...وهي عند بالها كلشي كاين تماما ...طبعا كلشي موجود ولكن كلشي عند المغاربة وكامل ليس بموجود في هذه البلاد ...وهي الحاجة الى كانت ناقصة كدير بناقص …
دخل هو وسد الباب سمع تقرقيب عرفها فالكوزينة ...مشا دغيا لصالون حتى حيد الفردي وحيد حوايجو ولبس تيشرت بيض وسروال سورفيت ديال قطن فالاسود ...هز الفون ديالو طفاه ...وخرج من الصالون حتى مشا لكوزينة 
هو فديك لحضة دخل بالحس كيف عادتو وهي مدهية فالكوزينة مسمعاتوش ومحساتش بيه ...حتى تم داخل وداير ايديه فجيابو بتغوبيشتو وتخنزيرتو وضحة الي غايبة على قاموسو ...وصل لعند باب الكوزينة حتى وقف طلعها وهبطها من رجليها الي عريانين وهازا سروال عليهم وخاشياهم فبانطرفتها طالع كيشوف حتى لدرعينها واستقر على شعرها الي هزاتو لفوق ...خدامة كتحرك فداكشي الي قدامها ...
حنحن وهي طير لسما ونزلت اول حاجة دارتها بدات تهبط فرجليها ووجهها ولا حمررر ولات كتفتف وضور بجنابها ...
فؤاد "مخنزر " : عريانة كلك ونتي عاد مريضة ؟ 
يامنة "شابكت ايديها وحدرت راسها كتلعب بشفايفها وهاد الحركة كديرها غير الى ملقات متقول وحشمت "...
فؤاد "ضار جيهة الكوزينة لقا دقيق محطوط وزيت وبعض من الخضر منقية ": شنو كديري ؟ 
يامنة "بعفوية وبالخلعة طلقت ليه كلشي " : كنت بغيت ندير تريد ولا رفيسة ملقيتش ليها الي غايخصها وانا ندير بيض ومطيشة ودنجال زعلوك "حدرت عينيها " ...
فؤاد " طلع حاجب ونزل لاخور " : تريييد !!! وفموسكو ؟؟ 

شافت فيه بنضرات جد بريئة تقول مشة صابة عليها شتا ...عينيها باقين حمرين بالمرض...واحد شوي حتى بدات كتكحب وصوت صدرها كيتزعزع ...بدات تكحب وتكحب حتى ...
فؤاد "عقد غوباشتو ..كيهضر ويشالي بصباعو ": سييري لبيت لبسي عليك "كحز عليها حتى مشات لبيت تجري " 
خطا زوج خطوات حتى لعند البوطة هز الغطا ديال لمقلة طلعت مع نيوفو ريحة داكشي الي وجدات ...مقلة كبيرة فيها مطيشة مع فلفلة مشحرين فزبدة لان زيت البلدي مكاينش فديك لحضة وثومة والابزار والتحميرة وربيع ودارت فوق منهم البيض جات فيهم نسمة زوييييينة ...غطا هذاكشي وضار كيسمع فتقرقيبها فالبيت ومشا خرج من الكوزينة لعندها لبيت
فؤاد "دق عليها الباب ودخل لقاها لابسة بينوارها ...مسح ايديه فبعضياتهم وبدا يهضر بنضراتو العادية " : وجدي راسك غذا غادي نمشيو من هنا جمعي داكشي ديالك ...
يامنة : واخا ...
فؤاد : خرجي تعشاي باش تشربي دوا ومرة خرا متبقايش تعراي ونتي مريضة "قرب لعندها بتخنزيرة " تفاهما ؟؟؟؟؟
يامنة : وو واخا ...
فؤاد "طلعها وهبطها " : مزياان ...ضرب ضورة وخرج من البيت ...
يلاه غايدخل لصالون وهو يسمع دقان الباب ...حل وهو مغوبش ومخنزر ...
فؤاد"خنزر فيه بمعنى اش كاين " : ؟؟؟
فلاديمير : احم سي فؤاد جاتك دعوة فالفيلا لهيه ...
مد ليه دعوة ...
فؤاد "كيقلب فيها" ...
فلاديمير : جيفيتوف داير حفلة كبيرة في تل ابيب هو و راشيل شمعون الي مكلف بيها...وهادي دعوة خاصة ليك شخصيا " شاف فيه فؤاد " ...
فؤاد : هادشي متجيبوش ليا فهاد الوقت ممساليش لهاد تبرزيط ...
فلاديمير : ولكن هادي دعوة خاصة راك عارف فاي وقت خاصك توصل بيها ناهيك على الحفلة الكبيرة الي مقامة فافخم اوطيل في تل ابيب ...
فؤاد "خنزر فيه وهو يسد الباب على خنشوشو ...
قلب الدعوة لقاها من اب ماريا جيفيتوف ...قراها كانت دعوة لحضور حفل رجال الاعمال لكبار ...مشا لصالون ولاحها ...وهو يمشي حتى لعند يامنة لقاها جالسة فطابلة حاطة داكشي وكتسنى فيه ...
فؤاد "شير بايديه " : علاش مكلتيش ؟؟
يامنة "شافت فيه بعويناتها " : كنتسنى فيك كحكح كحكح ....
فؤاد "بقا كيشوف فيها حتى " : غير تعشاي نتي وشربي دواك ...ضرب ضورة ومشا لصالون ...هز لفون وشعلو ...دوز ليه اتصال وبسرعة جاوبو ...
ايلاف : پريفييت (مرحبا ) ...فؤاد !! 
ايلاف صديق فؤاد بزااف ودراع ليمين ليه من الي بداو فهاد العالم ...من اصول فلسطينية ...

وصل اليل تقريبا ثلاثة ديال صباح ...هو كان باقي سهران ...من عادتو مكيبقاش سهران كيمشي ينعس مكيتسوق لحتى شي قمقوم الخوف اخر هم هم همو ...جن زرق مكيعرفوش ليه اش تحت راسو ...ولكن فالوقت الحالي ولضروف مؤقتة مضطر يبقا سهران وخا داير. رجال برا ولكن ماجل هادشي حتى يدير شنو الي فراسو وفبالو ...
بقا شاد الماك بوك ديالو (لابتوب ديال apple) حتى سدو وناض جمع الوقفة حيد تيشرت بقا عريان من لفوق ...مشا بشوي كيف عادتو حتى حل الباب بشويييي ودخل لقاها مخشية في مانطتها حالا فمها مجايبة لدنيا خبار وحيث ضاربها البرد منخرها مسدود كانت كتشخر بشوي ...بقا واقف كيشوف فيها حتى قرب ليها وحط كف ايدو على حناكها… لقاها عادية وهو يخرج من البيت ومشا دخل لكوزينة ....
لقاها مفيهاش حس الماعن كلها نقاتها وجمعتها حتى قشع المقلة مغطية ومحطوطة فوق البوطة حلها لقاها مخليا نص فيه ...وحداه طرف ديال الخبز ديال لمخبزة مغطياه بزيف باش ميقصاحش ...عض فشفايفو كيفكر قبل ميضور نف ضورة كيخنزر بنص عين ورجع ضار جيهة المقلة...هز لخبز ودار ندغة حتى داق… قبل ميلقى راسو ضرب ديك المقلة حتى ولات غير طرفيها بلا متغسليها ...

اصبح يوم جديد منقولوش شرقت شمس فمدينة موسكو لان الجو باقي مثلج ودرجة الحرارة تحت صفر فداك الصباح ...قبل متحل عينيها كان هو خرج فالصباح بكرييييي ...ركب فسيارتو وانطالق طاير حتى لوجهة فين داير هو وفلاديمير ...مسافة ديال طريق حتى وصل لواحد الخلا فيه ثلج دنيا بيضاااااا ...وثلج كيطيح خدام ...حتى فرانا بجهد ووقف خرج من سيارة لابس تريكو ديال لخايط كحل مرسومة فيه علامة پولو بالابيض وسروال گطيفة فالاود ومونطو اسود بالقب ديال ريش فالبيج ومضور عليه كاشكول ديال لخايط ...واحد شوي حتى وقفت سيارة ديال فلاديمير ونزل منها توجه لعندو ...
فلاديمير : سي فؤاد ...
فؤاد "مخنزر فيه طلعو وهبطو " 
شوي تمات جايا سيارة ووراها سيارة اخرى نزل منها ونزلو وراه بوديگارد ...حتى تم جاي لعندهم ...سلم على فؤاد وضار خنزر في فلاديمير الي مفهم والو ...
ايلاف : فلاااديميييير ..."كيخبط ليه فكتافو " ربيتي الكتاف ااا ...
فلاديمير يلاه بغا يجاوب حتى جاتو دقة لوجه رعد ضرب ليه فودنيه حتى جا لارض ...كان فؤاد هز ايدو وعطاه ببونية ...حيد المونطو وخشا من نافدة سيارة ...جبد الفردي من وراه ووجهو ليه ...
ايلاف : كيحساب لمك غادي نغفلو عليك ؟؟ راك خدام مع نسر موسكو اصحبي خسرتييييييها ...
فلاديمير"كيمسح دم " : شنو درت ...
#فلاش_باك ...
اثناء تبادل اطلاق رصاص تلاح هو عليها وغطاها بجسمو وخرج راسو من شرجم صغر عينيه حتى صغرهم وحضا رجال الي كانو كيضربو ...فؤاد الي معارفينوش عليه كيحفض وجاه البوديكارد ديال اي واحد كيعرفو فالمافيا ومن الغباء ديال ماريا اغلب رجالها عارف وجاههم ...خلا رجالو كيضربو فيهم حتى سلكو منها ...
#عودة ...
ايلاف : نتا الوحيد الي عارف فؤاد جاي لمغرب ومعاه شخص جديد ولكن تكلختي فهادي اصحبي اش عند بالك ؟ مغايعيقش بيك ؟ 
فلاديمير "حدر راسو " ...هي قالت ليا غير غادي تخلعهم دغيا ويمشيو وحيث كنبغيها سمعت ليها باش مت...مزال مكملش حتى طار دم ديال راسو على حوايج ايلاف وطاح فلاديمير فوق داك ثلج راسو مفرشخ بالقرطاسة الي جاتو وسط راس ...
ايلاف "كيمسح فحوايجو من دم " : كلب .."هز راسو في فؤاد لقاه خشا لفردي وعينيه مخنزرييين "...خاصني نسالي امور الي فكلومبيا ونرجع لعندك بمرة ...
فؤاد : كلومبيا نساها ... عندنا مشيا ل تل ابيب ...
ايلاف : اييه على ود الحفلة ديال شمعون و جيفيتوف ...
فؤاد : بغيتك توجد ليا جواز سفر بفيزا وبلغهم ياخذو بعين الاعتبار كاين شخص اخور معايا باش منبقاوش نتسناو الاجراءات تكمل...
ايلاف : ياك عندك باقي فيها ..."دارت ليه طن " هااا شخص جديد ؟
فؤاد " بقا كيشوف فيه عالله يفهم " 
ايلاف "خرج فيه عينيه مصدوم " : هااااناري غاتديها معاك لتل ابيييب اصحبي ؟؟ …هانتا تفاهمتي مع ماريا ...
فؤاد "قرب حتى قرب وتخطاه بشوي ونطق ليه عند ودنو هضر بالمغربية ...وعض مزياان على فمو " : مااااا حد مقتلتهاش ومزال مصفيت حسابي مع باها مراتي غاتبقا ديما بجنبي فييين ما مشيت "خبط ليه على كتفو وزاد لطوموبيلتو " 
ايلاف "دار صبعو على فمو " : مراتي لك شو يعني ...ايييه يعني زووجتي 😯...

كيف انضر اليكِ كزوجتي وانتي امامي طفلة كان ممكن جدا ان الدها ...وها انتي امامي زوجتي على سنة الله ...يااا لسخرية القدر الذي جمعني بك ...

ركب فسيارتو خلا ايلاف مفاهم والو ..نعم صحيح ايلاف عرفو تزوج وعرف حتى طريقة باش زوجوه بيها بلا خبارو ...وخا فؤاد اقصح منو مكاين وشخصية جد غامضة ولكن ايلاف كيبقى اقرب صديق ليه فالحلوة والمرة وحفض ليه طبعو وخا كيبقى غامض بالنسبة ليه مكيعرفش اشنو تحت راسو وفؤاد من نوع مشاعر ديالو جامدة مكتبانش باش كيحس ...
ايلاف "كيهضر مع راسو ملي حضاه وشاف كيفاش ولا كيحسب حساب لكل خطوة كيخطيها فمقابل انه كان في الماضي اي خطوة بسم الله مكيعرفش معنى الخوف " : كل ايشي كنت ماتحسب حسابو هلأ صرت عم تحسب كليش خطوة بتخطيها يا رفيقي ( كنتي مكتحسب حساب لحتى حاجة دابا وليتي كتحسب حساب لاي خطوة اصاحبي ) ....
ضار جيهة رجالهم وصاهم باش يديو هذاك لشي جايحة وينضفو المكان ...ركب فسيارتو وانطالق حتى هو ...
في هاد الاثناء كانت هي فاقت من النعاس وغسلات حالتها وجمعت دنيا ولبسات حوايج خروج من داكشي الي عندها فالفاليز والي اول مرة غاتشوفهم (اي ملابس لخروج ) حاليا كانت مقتاصرة غير على حوايج دار الي مدة اقامتها فيها يومان ...لقاتهم كلهم مستورين وطوال ...
لبسات تريكو خايط فالبلومارين ...طويل حد ركبة وسروال دجين كحل والغريب فالامر الكولون مضايرش تما هههه ...مشات لبسات بوط فالاسود ولبسات مونطو ولوات عليها كاشكول ...جمعت اشيائها دارتهم فصاك وجمعات ليفاليز سداتهم وخرجت على براف فطرات بداكشي الي قسم الله الي طيباتو ...حتى هزت الفون وهي تلقا سارة صاحبتها داخلة لواتساب بسرعة دوزات ليها الخط ...
يامنة : ساارة 
سارة "طلع ليها رقم غريب " : الو ..واش يامنة 😍😍يامنة ختيييييي توحشتك ...
يامنة "جاتها البكية " : حتى انا 😿...
سارة "عيطات لزهور الي كانت معاها " : واااااااا زهوووووور وااااا زهور واتي جري والفجلة الفجلة ...
زهور "كانو جنب ساگية كيصبنو فزرابي والكواش مجموعين تما عند الساقية "هزت راسها ودارت ايدها على جبهتها كتحجب شمس باش تشوف سارة ": واتي اش تقولي يا ديك هااا ...
سارة : والفجلة الفجلة يامنة كتهضر معايا فالواتساااب ...
زهور : وااسااب هااويلي هااا واتي تتهضر معاك من ديك البلاد الباردة خلاها راجلي "لاحت داكشي الي فايدها ومشات تجري وهي كتمسح فجلايلها حتى لعند سارة شدن من عندها تيليفون "
زهور: يااالفجلة ياتي لباس ابنيتي ...
يامنة : خالتي زهوور انا لباس توحشتكم ...كيدايرة ميمة وبا بغيت نهضر معاهم ...
زهور : لباس عليهم حنا كنصبنو ابنيتي تالعشية وهضري معاهم وديري فيديو باش تشوفي ميمتك ...
يامنة : وااخا عشية نهضر معاها قولي لسارة دير بحسابها باش نهضر فتيليفونها بغيت نشوف ميمة ...
زهور : كوني هانية ابنتي وميمتك ميخصها خير حنا معاها كيف خليتينا باقين معاها را البراكة ديال دوار ايامنة ...
يامنة : توحشتها اهى اهى "كتمسح فدموعها الي هابطين شلاال "...
زهور "فرقت رجليها فلارض وبدات تاهي تبكي " : والفجلة را نتي الي توحشناك ودوار والساقية والمعيزات تيتمو ابنيتي وليني مكتوبك هو هذا ممنو هروب ...
يامنة : انا غير وحدي هنا ...
زهور : علاه ممعاكش راجلك ...
يامنة : انا معاه ...
زهور "غوبشت " : ويلي ومالك تا وحدك هانتي كاع داك حتى ل تم بوراقك داكشي دغيا باش تعرفيه راه مهيم فهاد البلاد حمدي الله سعدك زين ...
اجي مزال مادخل عليك ؟ 

هاد السؤال بحد ذاتو الي خلاها تحس واحد الاحساس غرييييب واول مرة ماتعرف ماتقول سوى انها حدرت راسها وسكتااات حتى غوتت زهور عليها فوطنها ...طارت ونزلت ...
زهور : ياااا الموصيبة واش باقي مصبحتي ؟ 
يامنة"نطقتها بصعوبة بصوت مغنغن " : لا مزال ...
زهور : ياااا ويلي ياكما مريض ولا من دوك الخونز (الشواذ ) الي ولاو يا تي هضري هااا "كحزات لتيساع هي وسارة باش يهضرو بلا ميسمعوهم العيالات فموضوع حساس جدا " ...
يامنة "خرجت عينيها " : هااا لا لا غير احم ...
زهور : مكديري والو باش يقرب ليك ولا ياكما ممسوقة راني نعرفك كتبقاي كي الامانة ...
يامنة "عاودات ليها على طريقة تعارف بيناتهم مذكراتش كلشي "...
زهور : واسمعي ابنيتي راه هو كيبقى راجل ونتي الى متحركتي وقربتيه منك غاتجي خانزة وتديه ليك وتحركي متبقايش هبيلة وبهلة ...وخا تشوفيه قاصح راجل كيرطاب الى لقا الي توفر ليه كلشي ...فاش يجي سوليه اشنو خاصو وخا كاينين الخدامات قابليه نتي بنفسك متخلي الخدامة تقابلو ....الى راجل كان قاصح راه يقلب على المراة رطبة الي تكون ماشي فحالو ....
ديري داكسي الي علمتك و وريتك ...قابليه نتي راسك حوايجو ولباسو وحتى حمامو ...الى بقيتي الفجلة هبيلة عمرو ميقرب ليك ...ايه بقاي درويشة ومتبدليش وليني زيري حتى تشديه فايديك عاد تصرفي كيف بغيتي بقاي على طبيعتك ولكن طلقي معاه سوليه هضري معاه مالو غايجمعها معاك لا دويتي معاه ؟ ...انا كون يحساب ليا كون راه شحال هادي دخل عليك وسمعتي ليا ...
يامنة : واخا اخالتي ...
زهور : وسمعي اش غانقوليك ديري فدارك نتي وراجلك مزيااان ..."عطاتها بعض النصائح والتوصيات "....كملت معاها وهي تهضر مع سارة شوي وقطعات ...
سارة : اييييه زهور ويسمعك.راجلك ...
زهور "شافت فيها بنص عين " : وماال بعلي يحمد الله بيا قبلت عليه بالمصدي لاخور ويني فالفراش عسل حر ...المصدي ديالي ...

سالات معاهم الهضرة وهي تحط تيليفون وبمجرد محطاتو دازو دقائق حتى سمعات صوت تقرقيب سوارت عرفاتو هو ...دخل لقاها واقفة خاشية ايديها فجياب المونطو ...
فؤاد : جيبي صاكك داكشي لاخور غايلحقوه لهيه ...
يامنة "كتشوف فيه كتبغي طول فيه شوفة ولكن حناكها دغيا كينملو ويتزنگو وعينيها كيتغمضو وتحدرهم " : و واخا ...مشات جابت صاكها دارت فيه الفون وخرجات لعندو ...دار ليها طريق حتى خرجات وسد الباب ومشا وراها كيف العادة شبه ملاصق معاها حتى هبطو بسانسور وطلعات فسيارة قادت سانتيغ وضار هو كيهضر مع ايلاف الي تبعو ...والي غايولي هو دراع ليمن ديالو الوحيد ...لان الثقة مكاينة فحتى احد من غيرو الان …والمواقف الي جمعات ايلاف بفؤاد ناهيك على صداقة هي ثبتات ثقة بيناتهم ....

ايلاف "فاش غاتكون الهضرة بالروسية غادي نديرها دارجة وفاش غاتكون دارجة بيناتهم غادي كل واحد غايهضر باصلو يعني توقعو من ايلاف الى هضر بالعربية غادي ندوي بالفلسطينية " : صافي نيشان لفيلا ...
فؤاد "جاوبو براسو بنعم " ...
ايلاف "كيشوف فشرجم سيارة فؤاد باغي يقشع مرتو حتى شدو فؤاد من الفك ديالو مزير عليه …كيخنزر فيه " : اوووو ايش بيك اتعرف عا مرت خيي ...
فؤاد : سبقني الفيلا حسن ليك ...
ايلاف : هنههههه تمام تمام انا رايح ...مشا لسيارتو وفؤاد ضار لسيارة وركب فبلاصتو ...ديمارا وهو يورك نيشان لفيلا ...مسافة ديال طريق هو غادي وايلاف سبقو ورجالو كاينين وراه ...غاديين والصمت فالطوموبيل ...اما هو ايد شاد بيها لفولون وايد شاد بيها لكارو كيكمي وحاط مرفقو على شرجم باش كيسوس الكارو برا ...فاش ديمارا طموبيل كان تطلق الراديو فيها ...بقاو غادين فمسافة طريق حتى طلقات اغنية "كالينكا الشعبية او الفلكلورية عند روسيا " ...غير سمعتها وهي تبدا تفكر فين سمعتها حتى تفكرت الركنة الي ركنها فيها و القبلات الي عطاها ...وكانت مطلوقة فديك البلاصة ...طلعت معاها تزنيگة من صبعها صغير حتى ضارت جيهة شرجم وضورت وجهها كلو .... غفلاتو عينو وهو يشوف جيهتها بنص عين حتى قشعها كتشوف وحاطا صبيعاتها على زاج كتكتب ...
سمع الاغنية وهي طيح فبالو ...شاف بنضرات استهزاء قبل مينسا راسو …حتى لحس شفايفو وعض على فمو بطريقك مغرية ناسي راسو ...

لا ادري اين ياخذني قدري هذه المرة !!... 

بقاو غادين مسافة طريق من العمارة لفيلا الي طبعا جات خارجة على المدينة بشوي ...الفيلا مسكن فواد الرئيسي والي اصبحت الان مامنة مدام تفاهم مع الي خلقت ليه البلبلة وخلاتو يعيط حساباتو من اول وجديد ...وحيد كاع الي ممكن يقدر يشكل ليه خطر على الفرد الجديد الي تزاد عليه وهو "يامنة " ...هاد الاخيرة الي بقات مضورة وجهها حتى دخلو لبيست ودنيا مغطية بالثلوج ...حتى تحل الباب ديال لفيلا ودخل بلاصاها ...
فؤاد "غادي نازل " : نزلي ...
يامنة "حيدت سانتيغ وحلت الباب وهي تنزل هازا صاكها فايديها وكتشوف حتى بان ليها غادي "...
فؤاد "ضار شاف فيها " : يلاه ...
يامنة : هاا "مشات تبعاتو حتى دخلو لداخل " لقاو زوج خدامات بالحساب هما الي كاينين لداخل واقفين وايلاف حتى هو واقف بعيد كيتسنى فيه باش يدخل هو وياه لمكتب يهضرو ...
فؤاد : سيري طلعي لبيت الي غادي توريه ليك ..."يلا ميشوف فيها " : كلشي كاين هنا غاتحتاجيه ....تمات غاديا …
بقا كيشوف فيها حاضيها حتى وصلات لراس ديال دروج وتاكد انها غاديا طالعة عاد هو لحق على ايلاف…
مشات وحدة من البنات طلعات ومطلعة معاها فاليزة ديالها صغيورة حتى لطاج الفوقاني وضارت بيها جيهة الممر الي كيدي نيشان لبيتها حلاتو وهي دخل ... حطت ليها الفاليز ابتاسمت ليها وخرجت ...خلاتها وحدها كتكتاشف فالبيت ...
كانت بيت اكبر من هذاك ديال البارطما ...فيه دوش كبيير ومجهز بكلشي الي غاتحتاج ...مشات حيدت البوط ديالها وبدلات حوايجها ...حتى دخلات عندها الخدامة ...
الخدامة : ختي يامنة ..
يامنة "بفرحة " : نتي مغربية ..
الخدامة : اه اختي متشرفة بيك انا سميتي ناديا الى احتاجيتي شي حاجة انا معاك ..
يامنة : بغيت نهبط لكوزينة وريها ليا ...
ناديا : واخا اجي معايا ....
ابتاسمت ليها وهي طير ناضت من بلاصتها وتبعتها حتى لتحت لكوزينة الي لقاتها كبيييرة بزاف وفيها كل ميختاج الواحد لان كانو فيها طباخ يعني كلشي غايكون موجود ...
يامنة : انا غادي نطيب ...
ناديا : قولي اشنو مشهية والبنت طيبو ليك هاهي اسمها نيرفانا ..
يامنة "نصائح زهور ونجود بداو يخدمو " : لا غاندير كلشي بايدي الى غاتعاوني صافي ...
ناديا "شافت فنيرفانا شرحت ليها بالروسية " : وخا شنو غاديري نعاونك ...
يامنة : كاينة لخضرة كاملة ؟ 
ناديا : كلشي كاين والي ناقص يجيبو شي واحد ...
يامنة "خسرت سيفتها " : مكاينش كسكسو هنا ...😞....
ناديا : مع الاسف مكاينش ...
يامنة "حتى حسات بخيبة الامل كاع داكشي الي حادگة فيه وتعلماتو قبل متزوج وخا صغيرة سن ممكن مغاديروش فهاد البلاد ....وهي تفكر اشنو علماتها جداها زينة ولان عيالات زمان مكانوش كيشريو كسكس جاهز كانو كيصايبوه راسهم بطريقة الفتيل اي يفتلوه يعني كياخذو قصرية كيديرو فيها سميدة كيرشوها بشوية دلما ويحركوها بايديهم عاد كيديرو فورص ويبقاو يرسو لما ويحركو حتى كيتكونو حبيبات صغار وها كسكس منزلي وكاين الي كينسمو بالزعتر والعشوب " : كاينة سميدة ؟ 
ناديا : كاينة ...
يامنة : صافي...😍....

بدات فالتوجاد من بعد ما شمرت مزيان على دراعها ...الحمد لله الي لقات داكشي الي بغات وجات غير فالكسكس ...بدات كتوجد وطبق داكشي الي تعلمت بفرحة انها لقات راحتها فداكشي الي مولفة وانها مغاديش تجلس ...ماخرجات من الكوزينة حتى قاذات كلشي وخلاتو حتى يقرب العشا باش يتحط فالعشا ....
وطلعات لفوق لبيتها طبعا طلعات معاها الخدامة حتى وراتها الطريق باش تحفضها وخا الفيلا ماشي كبيرة ...مشات كلسات فوق ناموسية حتى ارتاحت شوية كان فؤاد فهاد لحضة خرج هو وايلاف من بعد ما وصى عليها ويردو البال ..بقات متكية حتى وصلات العشية وهي تقبط الفون دوزات لسارة في نفس الوقيتة فاش دايرة معاها اتاصل بيها .....جاوبتها…
سارة : واديري ابيل فيديو باش تشوفي مي زينة ...
يامنة : وااخا ...قطعات وعاودت اتاصلات بيها فيديو وهي تشد ليها ....بانت ليها صورة جداها دايرة زيف حياتي فالاحمر وشال لاوياه عليه فالكحل ...كتصغر عينيها وتشوف فتيليفون ...
يامنة : ميييمة 😿
زينة "كتحقق فصورة يامنة فتيليفون ":واتي هذيك الفلجة وو ...
سارة : وااه امي زينة يامنة هاديك ...
يامنة "كتشير ليها ": ميييمة توحشتك اهى اهى ميمااا ...
زينة "غاشافتها وبدات تنحط وتبكي ": واااااكبدتي هاااا وااا فجيلتي وتغربت وهي غا صغيرا هاااه ...وابنيتي واكبيدتي وفجيلتي وااااا كيداير مكتوبك تماااااو ابنيتي "دموعها دايزين وعينيها تحت منهم ولا حمر " ....
يامنة : هاني اهى اهى لباس اميمة لباس اهى توحشتك ...
زينة : واااا تانا كتر يا البنية كتر وجدر وااابنيتي لباس مهلي فيك شي راجلك ابنيتي ...
يامنة : مهلي فيا اميمة مهلي ...
زينة : وللع يرضي عليك سمعي ليه ومتقللي عليه حيا فهضرتك راه يديرك فعينيه سمعتيني ...
يامنة : واخا ميمة كوني هانية ...
زينة "مسحت دموعها " : واش دخل عليك خبيتي صباحك كيف موصياك ...
يامنة : ها امن ....
نقزات زهور وسارة حيدو ليها تليفون ...
سارة : اااه مي زينة تقطع ريزو مشاااا ...تتعاود تعيط وندوزها ليك ...
زينة "شافت فسارة " : تكونيش نتي الي قطعتيه اختنزة القنتات ابتلحراام...
سارة : والله ما ...
زهور : اجي معايا اسارة نجربو برا واش يشد ريزو "غمرتها وهي تنوض خرجو باش يعيطو ليامنة " ....

تقطع عليها وهي تحدر راسها كتفكر وفنفس الوقت خايفة ...دارهم كيتسناو دخلتها بينما هي باقي حتى مكتقدر تشوف فيه وهضرتهم او حوارهم جامعهم غير كلمات وجمل قلييييييلة جدا ...هو قليل الكلام وهي هضرتها على قد الحال ومكتزعمش عليه وهادشي الي مجنن فيها زهور هنهه ...
خشات الفون فجيبها وخشات رجليها فبانطوفة وخرجات من البيت هبطات لتحت حتى وصلت لكوزينة وهي دخل عليهم ...بدات كترد فالكسكسو يطيب ويوجد كامل ...واحد الشوي استاذنات ناديا ...
مشات لعند فؤاد الي كان عاد دخل وبلغوها بالفون باش تمشي لعندو ...
فؤاد "كان واقف كيحيد الفيستة ...بقا بالقميجة وبدا يحل ليها صدايفها " : يامنة ...
ناديا "حادرة راسها " : كتوجد فالعشا سي فؤاد ...
فؤاد "طلع حاجب ونزل لاخور مع تخنزيرة " : كيفاش؟؟ ...قبل متجاوب كان مشا تخطاها ودخل لكوزينة لقاها كترش فكسكسو بالما وكذيرو فواحد البرمة بكسكاسها كيديرو فيها الخضرة تفور او اي استعمال من غير كسكس ...
فؤاد : شنو كديري تما ؟؟
يامنة "ضارت لعندو بزربة ونطقات بفرحة " : كندير فكسكسو كلشي كاين ...
فؤاد "عوج فمو باستهزاء وطلعها وهبطها وهو يضرب ضورة خرج من الكوزينة" ....صونا ليها لفون كانت زهور من الواتساب ...
يامنة : الو خالتي ...
زهور : بالكشيفة باش سلكنا ...اشوفي ها سمعي مزيان ...زيري الوقت وطلقي لفراجة وبقاي بهلة تايطيروه ليك كامل مكمول وبقا حالا فمك ...
ناديا : ختي يامنة انا غادي نمشي نشوف شنو خاصو ...
يامنة : واخ...نقزت عليها زهور ...
زهور : ااااويلي غدايدي وتي طلعي نتي عندو ويا ويلي حي كنكب الما فرملة ...يامنة ؟ طلعي عند راجلك قومي بيه ...عيطي ليها ترجع ...
يامنة : ختي ناديا غير اجي انا غادي نطلع ...
نادية : واخا ... 
وصلي ودخلي عندو راه راجلك حيدي منك شوية لحشما وحيدي داك البينوار الي مغنوسة فيه كي بولفاف فالفيديو جبتي ليا صهدة ...
يامنة : راه لابسة غير ضوني تحتو ...
زهور : ياك دار مسخنينها ملي دخلي حيدي البينوار قبل متبانيش كي مو ولا جداه راه فقصتيني يا هاد البنت راكي مزوجة دابا كلشي فيك ديالو ...
يامنة "تزنگت " : ها واخا ...
زهور يامنة قطعات مع زهور ...
طلعات لفوق كتقلب حتى مشات لجيهة ديال بيتو ..حيدت البينوار ...قلبات على بيتو حيث متقدرش تقوليها وريه ليا وهو ممنوع شي حد يدخل لبيتو وهو فيه ...بعد تردد وخوف دقات الباب دقات خفاااف ... مجاوبهاش ...وهي تحل الباب ودخلت ...بان ليها البيت كبييير غالب عليه الكحل بزااف رجالي بامتياز ....كان سكاات ...بان ليها باب دوش مسدود ...كيحساب ليها مكاينش فالبيت وهو يجيها فضول ودخلت ليه...
فهاد الاثناء هو حيث معمر شي حد دخل البيتو وهو فيه ...سمع تقرقيب وهو يضرب طم طالق وذنيه ...كان مخشي فالبانيو معمرو بالما سخون وصابون مرخيييي فيه ...ساد عليه زاج الي ضاير بالبانيو وفاش كيتسد زاج ديريكت كيضبب مكيبقا يتشاف والو ...هو مرخيييي ومغمض عينيه كيسمع لراسو وضروري مع تغوبيشة وخا مرخييييي ...
تمات غاديا كتشوف بشوي مرداتش لبال …يلاه قربت بان ليها خيال وهي تحبس نفس وخرجت عينيها مع ضورة الي غاضور ...ولد لحرام كي جن مع باقي راد بالو مع كلشي وخا كاين البوديكارد ...حل زاج بزربة وجرها لعندو حتى تخشات وسط الما الي طار على جناب بصابونو ...
يامنة : مااامممممم ...
فؤاد "مقرب ليها صدرو الفازگ ملاصق مع صدرها الي تبلل وخرج نصو بالضغط الي ضاغط عليها ....حط صبعو على فمها" ...

تمات غاديا كتشوف بشوي مرداتش لبال …يلاه قربت بان ليها خيالو فالبانيو ورا زاج الي وخا مكيبينش ولكن كاين خيال ....وهي تحبس نفس وخرجت عينيها ولات تفتف وترعد خافت منو ولعنت ساعة الي فكرت تجرا هاد الجراة وتدير بهضرة زهور ....مع ضورة الي غاضور ...ولد لحرام كي جن مع باقي راد بالو مع كلشي وخا كاين البوديكارد ولكن هو كيبقى الامن ديالو بطريقتو شخصية ...حل زاج بزربة وجرها لعندو حتى تخشات وسط الما الي طار على جناب بصابونو ...
يامنة : مااامممممم ...
فؤاد "مقرب ليها صدرو الفازگ ملاصق مع صدرها الي تبلل وخرج نصو بالضغط الي ضاغط عليها ....حط صبعو على فمها" ...
يامنة "صرطت الهضرة وقلبها كيضرب بالخلعة": اننم..
فؤاد "خرج فيها عينيه باش تسكت وتضرب طم ": شش...عض على شفايفو ...شحاااااال وهما فديك الوضعية ....بقات صامطة وقاطعة الحس وهي كتسنى ردة الفعل ديالو مفهمااتش واش عليها ولا اشنو كاين وفي نفسها غير تسلك وهادي وتوبة لا باقي عاودت ...
بقاو مخشيين فالبانيو فديك الوضعية حتى ناض ونوضها وكيوصي فيها تسقل متكلمش ...ناضت غادية يلاه غاضور حتى ضارت لقاتو عاد ضور عليه الفوطة على نصو تحتاني وهي تزنگ عاد وعات را تخشات عندو وهو عريااااااان ....كاعما تسوق ليها شنو شافت ولا مشافت …تم غادي بالحس كيتسلت ...شدها من ايدها وضار عندها ...
فؤاد " نطق بشوي " : بقااي هنا ماااتخرجيييش ..."خرج عينيه " سمعتيييني " 
يامنة "جاوباتو براسها ومهضراتش" هي طالبة غير ستر وسلاكة الله اودي كون هاني من هاد ناحية غا الله يدوز سربيسها على خير ....بقا شحااال كيخنزر فيها قبل ميضور بشوي وخرج لبيتو كيتسلت على روس صباعو حتى داز لمجر بزربة هز الفردي الي ركب ليه مود سيلونص ...ضار وشاف جيهة الباب الي مكيبانش فحالو فحال لحايط عارفو غير هو وفلاديمير ...خنزر بنص عينيه ...
غااادي غااادي كيتلبد يتلبد حتى لعندو وطالق وذنييييييه ...وصل عند البواني ...ايده شاد بيها لفردي وايد كيحط فيها عالبواني بشوي بشويييي بشوي حتى ضغط عليه بجهد ودخل هز لفردي نيشان صوبو جيهة الشخص الي لقاه داخل ....
"الباب الي مكيبانش هو باب المكتب الخااص فيه جدا والي ذكرت معارفى حتى حد من غيرو وايلاف وفلاديمير ..."

هز عينو فيها وجه عليها الفردي وهي طييييير وتنزل ....
فؤاد "نطق وسنانو مغززين " : ش كووووون نتي ...
هي "عينيها خرجو ووجهها ولا صفر " : انا جيت باش نضف المكتب ...
فؤاد "شاف فيها شوفة ديال معندك ماتنضفي المكتب ممفروفش ..."...شكوووووون نتي ...
هي : انا اسمي نيرفانا من الخدم الي جاب فلاديمير ...
مشا مشااا مشاااا حتى قرب ليها وهو يغفلها وضور ليها ايديها ورا ضهرها بجهد حتى كانو غايطرطقو حتى غوتات...وهو يهز الفردي وضربو بيها لراس حتى فقدات الوعي ...خلاها طايحة تما مغيبة ومشا خرج من المكتب سد عليها الباب بساروت ...ومشا هز لفون عيط لايلاف يجي لعندو ....
بقا كيعض فشفايفو ويفكر وراسو سخن بدا كيشربن وكيطلب باش متكونش هي تحت هادشي والا هاد المرة موحااااال تسلك منها ...شوية وهو يتفكر يامنة الي بقات محصورة فالدوش ...مشا ليها دغيا حل الباب لقاها واقفة ...
فؤاد "قرب لعندها دار ايد هنا وايد لهيه حتى جات وسطهم محاصرها بيهم … وحدر راسو حتى حدرو وعاود هزو فيها كيهضر ويوجه بصبعو ليها ..."اشنو كنتي كديري هنا ؟؟؟
يامنة "بدات تفتف كانت على شوي وتزهق ليها زهور ": ان ان انا غير غير "مبقات قدرت تهضر وهي تعطيها لبكا وخاصة من شافتو معصب ومخنزر وعاقد غوباشتو " اهى اهى اععععع والله مقصدت والله والله اهى اهى "دارت ايديهاعلى وجهها " اننن ااهى عفاك مدير ليا والو والله بغيت غير "نطقتها بعفوية " ...بغيت غير نسولك واش نحك ليك ضهرك ...
فؤاد "وخا معصب مبقا عرف ميقول ولاول مرة فحياتو تلف ليه جرية .…خربقت ليه كارط مير الهضرة ....حل فمو وتغوبيشة ولات ملامح تعجب وتساؤل ...جاوبها باشارة بصبعو ضورو جيهة ضهرو " ت تحكي ليا ضهري ؟؟ ...
يامنة "دايرة ايديها على وجهها ...طلعت راسها وهبطاتو " انن اه اهى ...

اللحضات العفوية كتكون اجمل وافضل بكثيييير من لحضات الي كتكوني مخططة ليها ...خاصة الكلام او الحوار الى جا عفوي احسن من انك تصنعيه وكثير شي الى جا من خوف كتخرجي شي هضرة كتكون لا علاقة ليها بالامر او الموضوع الشي الي كيحد من الصراع او كيقسم الحوار خاصة الى كان الغضب مسيطر عليه ...وهادشي الي وقع ليامنة مع فؤاد ...المنضر ديال وجهو وهو كامل خلعها ...معرفت اشنو نطقات وخرج من فمها ولا علاش جات اصلا واش داها تسمع هضرة زهور من الاول ...
فؤاد : ت تحكي ليا ضهري ؟؟ "موجه بصبعو ناحية ضهرو "...
يامنة "خاشية وجهها بين ايديها كترعد ودموعها دايزين " : اهى اهى ا ا اه ...
فؤاد "بقا شحااال ملامح ديالو مكيتفسروش وشحال حاضيها ...حك بسنانو على شفته السفلية " : سي سيري هبطي ...
يلاه خرجات بغات ضرب ضورة باش تجري … غوت عليها بجهدددد حتى طارت ونزلت وهي تحبس ...
فؤاد : واااااقفييييي ...
يامنة : هنن اهى اهى مامااا ...
فؤاد "تمشا لعندها شدها من ايدها وجرها دخلها ...وقفها عند الحاط ": بلاااتي بقاي هنا ..."خنزر فيها وعلى شوي وينطحها ههه "...
خرج برا لبيت قلب على شي حاجة وهو يقشع بينوارها مليوح فوق ناموسية ...هزو ودخل لعندها ...
فؤاد : لبسيه هنا وخرجي لبيتك ..."قرب لعندها مزيان وتحلف عليها بصبعو ...كان غايقول شي حاجة وهو يتراجع ..."متخرجييييييش حتى نقولها ليك …"شير ليها باش تخرج ...لبساتو بالزربة وهي تمشي كتجري خرجات من بيتو كتفتف وترعد وتمسح فدموعها ..."
اما هو فادخل نيشان لدوش غسل بالما داك صابون وخرج نشف بزربة ومشا لبس حوايجو ...تيشرت وفوق منو جاكيط سورفيت بالقب وبوكسر وسروال سورفيت فالاسود ...ومشا حل الباب على هاديك وقف ليها عند راسها ...دفعها برجلو حتى كان غايشتف عليها غا صبر ...شوي نص ساعة بالحساب عاد وصل ايلاف ونزل كيجري ذخل ...قبل عيط ليه فالفون حيث موصيه مايدخل حتى يبلغو ...وصا البنت الي لتحت طلعو وطلع هي وياه لعندو ...
ايلاف : شو...مخلاهش يكمل هضر مع ناديا "الخدامة " ...باش توقف برا وداكشي الي دارت ...
فؤاد / دخل لمكتب من هنا ...
دخل ايلاف ...
فؤاد وقف هو وايلاف عند راس هاديك ...عرف ايلاف البلان الي وقع ...وبزوج شكو مدام انها من فلاديمير اذن العربون باين ...
فؤاد "كيهضر وخا مزير على سنانو كيبان ليك كشاكشو غاتخرج ": حيد عليا لخرا وتصااااااارررف قبل مانتصرف انا نيشان لحد الان صابر"غوت" لحااااد الان "خنزر فيه ومشا تخطاه " ...بهاد الهضرة قصد انه ياخذ منها معلومات ويتخلص منها والا غايضطر يمشي لشخص مول هاد البلبلة كاملة ويفرتك مها ...
خرج من البيت ديالو خلاه مع هاديك خيتي لقا ناديا باقي واقفة مشافش جيهتها مخلي ايلاف الي يتصرف معاهم بزوج ...رمشا جيهة يامنة ...حل البيت بلا مايدق ...لقاها كالسة فوق ناموسية عينيها حمرين بالبكا وهو عينيه حمرين بالاعصااب والفوران الي بدا كيفورو …هادشي الي وقع ليوم بالنسبة ليه لعب البراهش ودراري ديال الحضانة ...
ناضت من فوق ناموسية واقفة ...كترعد ...
فؤاد "خاشي ايدو فجيابو ...بقا كيشوف فيها يلاه بغا ينطق حتى سبقاتو "
يامنة : سمح ليا ...اهى اهى "بدات تنخصص" والله حتى زهور الي قالت ليا ...
فؤاد "طلع حجبانو " : شكون ؟...

الخلعة ومادير ...باش تسلك راسها ..نطقات بالخلعة حتى غرقات لزهور الي بعيدة عليها ببحور الشقف والروايد ...كتهضر وترعد والهضرة او الكلمة وحدة تشد ووحدة تهرب مع تخصيص والتفتيف ...
يامنة : اننن اهى اهى ه ه هي هياااا الي قالت ليا قومي بيه وسوليه اشنو يحتاج وتهلاي فيه ...
هي كتهضر وتسرسب وهو خدااام كيسمع عاديييها خاطر خاطرها حتى تخوي ليه المزيودة ...
يامنة : و وو و اهى اهى و وقالت ليا حيدي بينوار متبقايش بيه من دخلي عندو لبيت ..."يامنة تعلمت انها تكون من العيالات الي ميخبيوش على رجالتهم الي كانت يقولوها وهذا تصرف مزيان انها كتسمع وخا هي بنت فداك سن وواعية شوية ماشي مكلخة ولا بليدة غير هي نيج ودرويشة وطبعها حشومي بزاف ومكتعرفش تكدب "....
بقات حتى كملت ليه الهضرة وهي تسكت وصدرها كيتنخصص ...
هو بقا كيسمع ليها ...ماعرف يملخها ما عرف يسكت ماعرف يسول على هاد زهور فين كاينة يفرشخ ملتها ...
حتى ...هز ايديه ورا راسو شابكهم ونفخ حتى نفخ وهو يضور ...
فؤاد "قبل ميخرج فك ايديه وهز ايدو على شكل بونية خبط بيها لحايط حتى كان غايفرتتو ..." ...هبطي لتحت كملي اشنو كنتي كديري ومضوريش بساحتي هاد الليلة وخليني مزيان معاك هاد ساعة ..."خنزر فيها وخرج "....

حتى خرج وهي تمشي غسلت وجهها وخرجات من البيت هبطات لتحت لكوزينة ...ولكن المفاجئة هي ملقات فيها تاحد ...طافيين على الماكلة الي ردات طيب ومكاين حتى حد ...
هو قاليها تهبط لكوزينة تكمل شنو دارت وكان القصد ان الامور تبقى طبيعية حتى يتصرفو مع الخدامات الي لفوق ومتحس هي بوالو ...
رجعات كملت شنو بدات ومرة مرة كتهزها تنخصيصة ديال لبكا ...
اما هو ف وصل على ايلاف لقاه غبر هاديك بمساعدة رجال حتى يديرها فين تستجوب باش يعرفوها من طرف من واشنو بغات بالضبط ...
كملات طياب العشا … ملقات الي يعاونها بقات تقلب وتعافر وتكتاشف وتبحث فديك الكوزينة الي كدير من كوزينتهم بزاااف لا فرق بيناتهم ...ولكن كتبقا كوزينتهم افضل واحسن بكثيييير من هادي ...لا من ناحية دفئ وكلشي عارفاه فيها ولا من ناحية انه مطبخ دياله ملي حلت عويناتها البريئين عليه وهي الي كتصرف فيه حتى تعلمت فيه مالذ وطاب وكانت كطبق فيه شهيوات الي كتعلمهم من يوتيب وخا معندهمش كانت يا اما كتعدي بالموجود يا اما كتوصي باها يجيب ليها شنو خاصها من الفيلاج او الى سافر لمدينة مراكش كانت ديما كتوصيه ....
#فلاش_باك 
يامنة : با غاتمشي لمراكش "بفرحة " ...
مصطفى "ضحك حيث عرفها شنو بغات ": هههه ايه ابنتي عندي شي غراض تما "شاف فيها بنص عين " اااشنو بنتي شي مقدية من مرجان ...
يامنة : اه اه ابا عفاك تسنى نكتب ليك اشنو تجيب ليا عاافاك ..
مصطفى : ايييه ههه كتبي ابنتي كتبي ههه ...مشات كتجريييي فرحانا كتبات ليه شنو بغات بلا متكثر عليه ودايرة بحساب انه مغايقذرش على الفلوس بزايد ...ومرجان دخل ليه بحوايجك وتقدر تخرج بايعهم غا الله تايستر...
رجعات من الدكريات وهي تحس بدمعة بغات تهبط ليها وغصة فحلقها ...توحشات دارهم بزاااف وبداو المشاعر من جيهتهم كيتحركو وبدات كتحس بالبعد وانها مغاديش ترجع تبقا معاهم ديما وبالي صافي ولات بدارها وخا راجلها لحد الان مقاصهاش....
مسحت دميعتها الي على طرف عويناتها ...وهي تگفض كمايمها وحيدت الكسكاس الي تسنات الفار حتى خرج وخواتو فبانيو وبدات ترش بالما ...
حتى كملات العشا وطاب وهي تمشي قلبات على طبسيل كبير ملقاتش ولكن ساعفها الحض ولقات طبسيل طوييل جبداتو ...اللهم هو ولا العمش...خوات فيه كسكسو وسقات بالبلول وحطات الخضرة الي كانت موجودة دارتها واللحم حتى وجداتو مزيان على حقو وطريقو ...
حطاتو فوق طابلة الي فالكوزينة وجابت معيلقة ...وبدات كتاكل 
يامنة "غمضات عينيها وهي كتستمدق فداك كسكسو الي توحشااتو بزااف وعاد سرات معاها احساس الغربة ديال بصح " بقات تاكل حتى شبعات ...وهي تنوض غطاتو بميكة وبزيف ودخلاتو لثلاجة وناضت غسلات ايديها وطرفت داكشي غسلاتو ...ومشات خرجات من الكوزينة ...طلعات لفوق لبيتها ....
دخلات وهي تمشي لفون هزاتو ودخلات لقات نجود داخلة ...عيطات ليها فيساع ...بقات تهضر معاها وهي تقوليها شنو جرا معاه ...
نجود : اوييلي يا بنتي متبقايش تديها فهضرتهم الى سولوك قولي ليهم داكشي بيني وبين راجلي وخرجي من باب واسع ...الى ساق ليهم الخبار منضمنش ليك ابنتي شنو يدير راه عدوه الي يدخل فعااائلتو الي هما حنا فما بالك لو كنتي نتي ...شوفي انا ندوز ل راوية راها كاينة دابا عاد قطعات مع يوسف ...
يامنة "بفرحة ": ااه عفاك توحشتها ...
دارت نجود اتصال مشترك بيناتهم حتى جاوبتها راوية ...
راوية : حبيبة دياااالي يامنة ...
يامنة : رااوية ..
راوية : كيف دايرة حبيبة صافا ؟ 
يامنة : الحمد لله ...
نجود : انا نخليكم تهضرو غانمشي نشوف السلاگط راهم تشادو ليا عند الطابلة ...هانتي سمعي…
كيتسمع غوات يوسف وصهيب مضاربين ...
يوسف : والله يا طاسيلتمك لا تبعك ...
صهيب : عليا بالطلاااق الثلاث لا ديتيه ..
الياس : وحتى تزوج عاد حلف بالطلاق ...
صهيب "ضار فالياس ضورة ديال شياطن " : سوق حبايب مك المعنزز ؟ ....

قطعات نجود معاهم وخلات غير راوية ويامنة يهضرو مع بعضياتهم ...بنات قراب فالعمر ...وكان غرض نجود انها تخليهم بيناتهم باش راوية تهضر مع يامنة وتنصحها بطريقتها بحكم هي اخت فؤاد وعارفاه كيفاش داير عكس الناس الي برانيين وبعاد عليه غايكون نصح ماشي فصالحها او فصالحها هي وزهرها ولكن من الاحسن ويفضل انه يكون نصح من اقرب الناس ليه ومكاين ما حسن من راوية ....
راوية : حبيبة ديالي نتي غير احتارميه ومغاتلقاي معاه حتى مشكيل احبيبتي ...الى عاكستيه راه خايب بزاف متشديش معاه ضد ...حنا كنحتارموه وكنخافو منو حيث عارفينو اش كيسوى غير انه كبر منا ولازم علينا نحتارموه ...واش عمرو ما مد عليك ايدو ؟
يامنة : لا لا عمرو مقاصني بالعكس ..
راوية : عرفتي علاش ؟ حيث مكتعاكسيش معاه نتي بطبعك شخص مسااالم احبيبة انا عرفتك غير فديك الفترة الي تشاوفنا فيها ...وثيقي بيا هاد الطبع كيموت عليه فؤاد ...
يامنة"تزنگات " : هههه 
راوية : خههه عجباتك والله يمسخك ...غير هو نوصيك متعرايش قدامو حتى يبغيك هو ...حتى تولي مراتو بصح عاد تصرفي كيف بغيتي ..
يامنة : مفهمتش ...
راوية : الى بديتي كتعراي عليه وكتلبسي لباس فشكل وكتلوحي عليه راسك غاتباني فحال دوك العاهرات ...يعني قح*** ...
يامنة : اشنو 😟لا لا لا انا ماشي هكاك والله م..
راوية : ياااا حبيبة راه عرفتاااك ماشي هاكاك هادشي الي قلت ليك مديريهش ليه ...امتا ديريه نهار تولي مراتو يعني بهضرتكم نهار يدخل عليك عاد كيجي هادشي من بعد زواج ...فؤاد خويا راه دمو حامي براف وطبعو شرقي وعندو عائلتو والسمعة وشرف بالدرجة الاولى ...انا ما رسلني لفرنسا حتى عرفتي بغيت غير نقرا الى تحركت هاكا ولا هاكا غايجلسني فالدار ...فهمتي شنو قلت ليك دابا ؟؟
يامنة : اه دابا فهمت ..
راوية : نتي تصرفي على طبيييعتك كيف ولفناك حشومية وداخلة سوق راسك ونية احبيبة ...
بقات كتهضر معاها حتى نصحاتها ونفسات عليها وسمعات منها عاد سالاو الهضرة وقطعو ...
دازت الايام والحال بقا كيف ما هو عليه ...هي رجعات لطبيعتها كيف مولفينها ...وهو رجع كيخرج ولكن دغيا كيرجع لحد الساعة الخدمة قليلة ...ريتما يوصل وقت السفر الى تل ابيب السفر الي مزيرو وممخليهش يفكر وفنفس الوقت مبرزط مع ماريا الي داير بالو معاها وحالف هادي تالية ليها الى عاودت تصرف اخور وغييير ايلاف الي كيهدن فيه من ناحيتها ...كيخرج يقضي اشغالو الي لازم يخرج على قبلها وكيرجع يكمل فالفيلا ...كل نهار كيجي عندو ايلاف كيخدمو فالفيلا ولا كيهضرو ولا اجتماع بيناتهم بزوج او كيخرجو الاجتماعات الطارئة برا ...مكثف الحراسة بزاف فالفيلا وجناب الفيلا والمحيط الي ضاير بالفيلا ...
كتفيق دير روتينها اليومي توجد الفطور تفطر اما هو كتلقاه خرج قبل متفيق وكيرجع ملي كتكون طالعة لبيتها ...كيدخل لمكتب ولا لبيتو وفاش كتبغي تهبط لعشا كتلقاه خرج مكيرجع حتى كطلع تنعس ...
اليوم على غير العادة ...كانت كتوجد فالعشا فالكوزينة ...لابسة بيجامة بسروالها وقصيرة شوي ...جامعة شعرها كعكة واقفة عادي كيحساب ليها مغاديش يجي فديك الوقيتك ...مرة مرة كدوز على رقبتها وتحك ..حتى دخل عليها وقف عند الباب ...حنحن ...

يامنة "ضارت بجهد كتشوف فيه " ...
فؤاد : طلعي لبسي شي حاجة طويلة وغطي داك العنق وعاد هبطي كملي ...دابا ..."كحز عليها" ...
يامنة : واخا ..مشاات ضربات ضورة كتجري طلعت لفوق ...
غير طلعات…ضرب ضورة وخرج ...مشا عيط لايلاف باش يدخل ...دخلو لمكتب وطلع هو لبيتو يبدل ...عاد هي رجعات هبطات لكوزينة لابسة بينوار طويل ولاوية شال على عنقها ...حتى شوي ودخل عندها ...كان لابس جاكيط سورفيت فالگري بالقب وشورط قصير فالاسود ...لابس كلاكيط ...
فؤاد"قبل ميهضر حتى دار ليها سكانير عاد شاف قدامو " : تعشاي على خاطرك ...
يامنة : واخا ..."سولات بعفوية "نخلي ليك لعشا ؟ 
فؤاد : "ضرب ضورة وتم غادي وهو يحبس و نطق " : . ... لينا …ديري بحساب جوج ديال ناس
يامنة "بفرحة " : واخا صافي ...
"مشا خرج من الكوزينة "....
طيبات العشا ومشات كتجري دارت شلايض ...خنقها شال الي لوات على عنقها وهي تحيدو وطلعات كول البينوار مزيان حتى غطاتو ...حطات شال تما وهي تشمر وبدات توجد 
حتى وجدات طابلة على حقها وطريقها ومقادة بشكل متول ومنضر يفتح النفس ...تعشات حقها وشبعات وهي ترجع تاكدت من طابلة اشنو ناقص فيها ...وغسلات ايديها وهي تخرج من الكوزينة ...
بقاو مجموعين فالمكتب هو وايلاف ...حتى شاف فساعتو وناض من المكتب ...
فؤاد "عاقد غوباشتو ...حك على جبهتو بتعب وهو يضور جيهة ايلاف": طفي هداكشي واجي تعشا ...
ايلاف : لك اييييش بتحكي خييي عشا ...اووه لا يكون من ايد المدام ...
فؤاد "خنزر فيه "...
ايلاف : نروح نتعشا ولو...مشا فؤاد خاشي ايديه فجيابو ...حتى سبقو تاكد انها طلعات لفوق وهو يعطيط ليه حتى دخل لكوزينة ولقاوها موجدة على حق حقها كلشي فيها كيفتح نفس ...ايلاف عينيه هبلو ماشي غير حوالو ..حل صدايف القميجة وشمر على دراعو ...وهو يمشي گلس ...حتى قشع الشال محطوط وهزو ...
ايلاف"كيقلب فيه " محس حتى طار ليه من ايدو على شوي وطير ايدو معاه : ايييش ؟ كنت غانعطيه ليك ...بصراحة عجبني ...
فؤاد"خنزر فيه " : تعشا ...
حدر راسو وبدا ياكل ويتبنن ...اما فؤاد شد الشال كيقلب فيه ...حتى قربو لمناخرو وهي طلع معاه ريحة ديالها الي كدير ...ديال الفريز ...محس براسو غير وهو مغمض عينيه وناااسي راسو ...حتى فيقو ايلاف بصوتو ...
ايلاف : بدك تتعشا ولا تكفيها شم ؟
فؤاد مشا تالعندو عطاه ببونية حتى كان غايجي لارض هو والكرسي حتى حس بالفك السفلي تزعزع ...
ايلاف: اااااا…
فؤاد مشا گلس وبدا كيكاكل وياكل وياكل ...كملو عشاهم وناض هو وايلاف خرج معاه حتى لبرا ...ركب فسيارتو وزاد ...وضار فؤاد جيهة لبوديكارد كيشوف فيهم ويشوف هنا وهنا قبل ميدخل لداخل ...مشا لكوزينة لكرسيه نيشان هز منو شال ...وهو يطلع لفوق داز قدام بيتها ووقف ...يلاه بغا يدق وهو يرجع شاف فالشال خشاه فمنخرو شمشمو مزيااان ...ورجع هز ايدو حتى كان غايدق وهو يرجع خشا شال فجيب سورفيت ومشا لبيتو ...

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.