الشرطي: مون كوميسير راه حنا متبعيين الاشارة اللي فجهاز التعقب للان الشاحنات موقفوش ، دباا بعدو على نقطة التفتيش ب 125 كيلومتر بااش كتامرنا اسيدي ؟؟؟
محمد: التاقطو الموقع انفوا يتوقفوو ،
الشرطي : علم مون كوميسير
تنهد محمد ولاح لاسلكي مرجع راسو لور مغمض عيونوو ، بالو مع روح بالو معها .. كيفها اش كدير ، واش كتعمل يا ترى كتبكي يا ترى كضحك .. بضيق زفر محاول ينساا ويدير بالو مع هدفوو لكن شكون فينا ممكن يتفك من قيود العشق؟؟
__ليلة امس__
تنهد بالم كيمرر صبعو بحب على خددها ويتبسم غمض عيونو مقرب من وجههااا وقرب لحيتو لخدها كيحكها معها ، زادت ابتسامتو ظهرات انفوا لمحها كتخسر وجهها بانزعاج .. بحناان رجع مرر يدو على بطنها ووقف بلما يحيد يدو من خدها كيوزع قبلاتو فانحاء بطنهاا تنهد قبل ميضعف جمع شتاات قلبو المنكسر وعطاها بالظهر ..
كانت ناعسه على ظهرها كتباان ناعسه بهدوء وسلام تلفت عندها رامقها بنظرة حنينة مع بسمه فوجهو عاد زاد خارج من لشمبر ..
لمح نور واقفا وسيف جالس كل واحد فيهم حادر راسو بسكون تام تقدم عندهم شاف فنور بنظرات صارمه قال
محمد: دخلي بقاي معها متخليهاش تا دقيقة
نور:( شافت فيه ورجعات شافت ف سيف ) وخا
تبعها سيف بعينيه داخله لشمبر بينما محمد خشا يدو فجيبو مقرب من سيف ..
محمد: متشوفناش عام وشوف الطرييقة باش نتلاقااو
سيف: من ديما كانت حياتنا غرييبة ماشي عجب يكون لقائنا غريب اصلا فراقنا كان اغرب ..
محمد:(حرك راسو ب اه وفتح يديه) توحشتك
سيف:(تبسم مقرب منو بعناق رجولي) حتى انااا اخوياا ، (زير عليه كتر) كلشي غايكوون مزياان مديرش فبالك
محمد: (لوا يديه على ظهرو ) انشاء الله (بعد منو) سيف عندي ليك طلب
سيف: امر اخوياا
محمد: تحاليل روح كيف قال الطبيب غدا غايخرجو بيتك نتا تكلف بيهم وتعلمني باشماكان ، انا مغنكونش هناياا
سيف: وليني غاتخلي مراتك فالمستشفى وتمشي؟؟
محمد: غاادي على قبلهاا ( بعيون غاضبة) غانتتاقم من اي واحد فكر يأديهااا
سيف: حتى خووك؟؟
محمد: هداك ملي غانسالي ليه غانجبدو ولو يكوون تحت لارض ولا نتاا لا غيرك غيمنعني من الشي لغاندير فييه من لاحسن لك مدخلش ..
تنهدات باسى وهي حاطا يديها على خدها .. كانت هازا شعرها ديل الحصان ولابسا سورفيت صيفية بلون الاسود وبانطوف طالعا بيضة ومزغبة .. كتشوفيه من اللور وتزفر تعياا تحاول تخيلو هو محمد مع دلك قلبها كيألمها .. كتكدب علييه وتستغل شبهو مع سيف لكن بلا نتيجه قلبها حافض محمد وعارفو وكيميزو .. جالسا فكرسي دصالا مونجي ومراقباه ..
كان سيف عاطيها بالظهر وحداه نور ، بصوت خاافت طاحت دمعه من عيونو وهو كينقي لبصلة ..
سيف: لمعندو هم تولدو ليه حمارتو (كيبكي)
نور:( جالسا فوق البوطاجي قرببة ليه وهو واقف) داير لنا جنازة على زوج بصلات كبرتي فولد خوك قسمين دالمغانه طيب ليه
سيف:( كيشالي بلموس ويدو تانية كتقطر بلبصلة) بعدي مني ولا نبجعك بهد لموس (هز راسو لسما ساد عين) الله يخلصك ا محمد الى مسمحت ليك انا ميسخن ليك الما ،( شاف فنور) شي يحوي ويهرب شي يوحل
نور: واهيناري وقداش قلتيها ( بسخرية) خاص نبدليك سمية من عيشة لبواسا لعيشا لكواية هههه (تلفتات لروح لجالسا فوق الكرسي ورا سيف) مسكينه بقات فياا .. ساعتين هدي باش جينا من الكلينيك مبات ضحك .. مزيان بعدا مين باتاكل وخا لهبيلة باتاكل طيابك نتاا ( كضحك ) تلقاك مغاسل يديك عام ( خسرات ملامحها كتشوف فلما دلبصلة نازل من يديه) يععععع
شافت جهة روح كتبسم وبصوت عالي قالت قفزاتها ..
نور: (بصوت عالي) ومممك ياامك ، وهاااا على رجل الاعمال هاااه كيغرض لبصله على قلبو هااه (غمزات سيف)
سيف:( تبسم مسايرها) واااهاااا على لمعندو هم هاااا يولدو ليه خوه هاااه
شافت فيهم روح كضحك بينما هما كملوو تمسخيركم كمحاولة منهم يخرجوها من الحزن ..
روح: من ديما كيعجبني نستقل بداتي ، كنحس براحه غريبة وانا بيني وبين نفسي بلا لاخر كتكون عندي الحرية المطلقة (تبسمات) نور واش انا انسانه خايبة؟؟؟
نور: بالعكس نتي انسانه مزيانه بزااف تستاهلي كل خير
روح: ادن علاش ديما انا لكنتعدب؟؟
نور: (تنهدات طالقا راسها للفوق والارجوحه كتمشي بيهم) روح محدنا فالدنياا محدنا غانعانيو غانحزنو وغانبكيوو ، المؤمن مصاب واي حاجه واقعه ليك الا وهي امتحان من عند ربنا .. سيدنا ايوب عليه السلام نبي بحد داتو وخضع للامتحان شكون نتي لمتخضعيش ليه؟؟ امتحنو الله بدريتو ماتو ولادوو خسر ثروتو خسر صحتوو خسر شرفو خسر اهلو خسر كلشي ، مع دلك تشبث بعقيدتو وايمانو عمرو تقاس ولا تزعزع .. تشبت بصبر حتى مل الصبر من صبرو ازيد من تمانين عام تاع لمرض والضعف والفقر والحسرة مع دلك بقا صابر وصامد وخاضع لامتحان ربنا ونجح فيه حتى ولا مثل يقتدى به بالصبر شكون نتي اروح لمتخضعيش لامتحان خضع ليه سيد الخلق؟؟
بلعكس كيخص تفرحي حينت ربي كيبغيك واكبر دليل انه كيمتحن ايمانك نتي روح الايمان فين ايمانك؟؟
روح:( كتبكي) ونعم بالله ، عمري عارضت مشيئة الله وليني ملييت ملييت من كلشي ، مني حليت عيني مدقت طعم الرااحه .. مني دخل دك الشيطان لحيااتنا هئ هئ ظنيت ان محمد صافي غاينسا كلشي ونبداو من جدييد هئ هئ نساو الماضي ونبداو مع ولدنا وليني خلاني
نور: المرض ماشي عيب ، وهو وخا كيجيني قاسي حيت مكنعرفوش عن قرب مي ميمكنش يخليك على ود هد الموضوع ، اصلا هو بقا معك ونتي فنظرو مريضة بالقلب ودباا طلعتي مريضة غي بديقه كظني يخليك على هدشي؟؟
تحت نجوم السما المظلمة .. وعلى طول الطريق الخالية اللي كيتسمع فيها فقط صوت الحيوانات المفترسة ، كان مستودع مهجور كبير نوعاما كيحيط بيه سياج وعلى مقروبة منو متوقفين الشاحنات وبعض السيارات السوداء الباهضة الثمن اللي كدل على ان شخصية مرموقة كاينا داخل هد المستودع ،
كان محمد على اهبة الاستعداد للهجوم لابس سروال تجين اسود وبروتكال اسود وتيشورت كحل ولابس السترة للواقية للرصاص ..هاز مسدسو فيدو وسماعتو دلبوتوت بيها كيلقي اوامرو لفرقتو ..كان من ورااه ستة درجال الشرطة هما الثانيين موجهين مسدساتهم للامام متبعينو وكيمشيو حسب حركاتو .. ببطئ قرب من جدار كان قرييب للباب لكبير تاع المستودع واللي كان محلول ، تقدم بخطوات خافته يد هاز بيها المسدس وليد الثانية كياشر للرجال الشرطه لمن وراه باش يتبعو خطاااه ...
تكا على لحيط داير يدو على السماعة بينما فرقتو حبسات فور ماحبس
محمد: ( حط يدو على السماعه كيلقي اوامرو) الفرقة التانية تراقب الجهة الخلفية تاع ديبو ... الفرقة التالتة تبقا للاحتياط فحالة لفرقة لاولى وانا مخرجناش من هنا لنصف سااعه تدخلو كلكم ..
الشرطي: علم مون كوميسير
ضار عند الفرقة لمعاه وبيديه اشار ليهم يتبعوه ، بينما هو تقدم للامام بخطوات خافته وعلى مقروبه من الباب الرئيسي توقف كيشير لفرقتو يتقسمو .. لباو امرو تلاته دازو من اليسار وتلاثة تبعوه .. كان المستودع مضوي على عكس الخارج لفقط مضوياه نجوم السما المظلمه الشاهدة على ليلة مغيمة ..
دخل محمد من لباب لكان محلول وبيدو موجه مسدسو للامام كيضور راسو لليمين وشمال عاد تبعاتو فرقتو ، وقف فالعتبة دلباب واشار ليهم يتقسمو تاني ..
وكان امرو ملبي ..تفرقو فالمستودع اللي كان خاوي بينما محمد بنظرات غاضبة مرااقب لامر منزل حواجبو بعصبية لامر مريب جهاز التعقب هنا فين وصلهم لكن السكون اللي فالمستودع لا يبشر بالخير ابداا .. هز مسدسو بسرعه وتلفت للباب بمجرد ما سمع خطوات اقدام قرييبة وفالحين كانو رجال الشرطه مثلو موجهيين مسدساتهم .. حل عيونو بصدمه فور ماا لمح الشخص لدخل من الباب بخطوات بطيئة عيونو فعيون محمد ..
بصدمة نزل المسدس وفعيونو عثااب كبيير يا ترى هداا جزااء من عند ربي لظلمو ل روح ، واش الله كيمتحنو فخوتو ويعااقبو بعاائلتو .. واش يا ترى هدا هو القصاص .. ايه مكدبوش مني قالو العين بالعين والسن بالسن والبادي اظلم كل واحد كيتجازا على قد نيتو وفعلوو .. عدب انسانة بريئة بالكدوب ولاستغلال وهاهي الدنيا الدوارة عطاتو بدل الكف كفين تعدب بنفس الطريقة وشرب من نفس الكاس
رفعو عليه رجال الشرطه السلاح بمجرد مصوبو ناحية محمد لباقي حادر رااسوو كيحاول يخلي عقلو يستقبل هد الكم الهائل من الصدمات ، سيف بخوف شافيه كفاش منيش على محمد وهو التاني منيشين عليه لبوليس ستانف كلامو موجهو لرؤوف ..
سيف: رؤووف ( بغضب) نزل سلاحك وااش نتاا بعقللك ؟؟
رؤوف:( رجع وجه لسيف السلاح) نتاا سكتت سكتت انا ماشي دك رؤوف لعديم المسؤولية وضعيف الشخصية لانفوا تقولو لو سكت يسكت زكا ارؤوف يزكا ( بصوت عالي) وقف ارؤوف يوقف .. خرج ارؤوف يخرج اعتدر ارؤوف يعتدر انااا بناادم ( بصوت اعلى من الاول) انااا الدون ديال عالم الجرييمة انا يا اللي كيترعبوو بمجرد ميسمعو اسمي ( بغضب وجه سلاحو لمحمد) اناا يا اللي رديتوو كيف الكرااكيز بين يدي ( تبسم بشر) اناا يا اللي خلييتو يدير ليا لبيت وقتما بيت ( بصوت غاضب) متبااقيووش تاامروني
سيف:( بغضب) ونسيتي مقلتيش عدو خووتك ؟
رؤوف:( حول عيونو ناحية محمد لحادر راسو وتبسم ) عمر الامر مكان شخصي ، كيفما هو الشرطه شغفو اناا الاجرام فدمي وهو راحتي ( تبسم بشر) لقا راحتو يفرض قوتو بالقانون انا فرضتها خارج عن القاانون .. ادن حناا متسااويين
هز محمد عينيه فيه بنظرات كلها عتاب ونزلات دمعه خدلان من عين وحده بتعالي مسحها قبل متنزل لخدو وبالم سولوو طامع من جواابوو تفسير لكاع الحوايج لكتجول فبالو
رؤوف: لو كانت عداوتي معك شخصية كنتي غااتكون تحت التراب ( بتعالي) درتي المستحيل على ود خدمتك والامر كينطبق عليا درت المستحيل وغندير المستحييل ( حط صبعو على الزناد) ولو نكووون مضطر نقتلك ونحيدك من طريقي ..
سيف:( بصوت عالي تدخل) نتاا اكبر نكار الخير عرفتو فحيااتي
رؤوف:( بصوت اعلى من صوتو) هداا هو السبب ( بغضب) بسبب هد الكلام انا خدمت فالحراام بسبب واقعي بسبب اني واحد فاشل خوتو هازينو مو قتلات راسها وباه سكايري دلخلا خلاه على قبل قحبة
محمد: صلح الفاظك ( بغضب) متحملش الناس مسؤولية اغلاطك
رؤوف: (ضحك بسخرية) مارسات السحر عليك كيف مارساتو على باك ( باستهزاء) عجييب ( زاد برك على الزناد بصبعو) بما انني مغنخرجش من هنا حر حتى نتاا اخويا العزيز مغتخرجش حي
محمد:( كيقرب منو) ضرب يلااه ضرب اش كتسنا؟؟؟
رؤوف:( رما سيغار من يدو) تزيد خطوة بربي تنتيري ( رجع خطوة لور ) وووققف
محمد:( تبسم) طول عمرك خوااف و مكلخ واكبر واحد عرفتو فحياتي شخصيتو ضعييفة ،( تبسم بستهزاء) من ديما معول عليااا وحتى فموتي معول عليا نعاونك.. فصرااحه كتبقاا فيا بزاف بزااف اخوياا كتبقا فالقلب ناوي تثبت راسك باي طريقة حتى لو كانت بموت خوك ( فتح دراعو) هانااا قداامك يلاه قتلني
سيف:( قرب من محمد) واش نتاا بعقلك ؟؟ (شد فدراعو وشاف ف رؤوف) وااش نتاا واعي لشنو راك تدير؟؟
هدا محمد هداا خووك ( بصوت عالي) هداا لحيد من لحمو وعطاك هو لرباك وقراك هو لسهر عليك وحماك ( غرغرو عينيه) لهد الدرجه كتكرهو ولا الدم ما؟؟ بيتي تقتلو بليد يا اللي كانت كتشد فيه بمجرد مطيح؟؟ بيتي تقتل يا اللي عوض فراغ الام والاب فحيااتك ؟؟ لهد الدرجه لفلوس عمااوك ؟؟
رؤوف: ( كيحرك راسو ب لا) قلت ليك الامر ماشي شخصي، نبهتوو شحال من مرة يتخلى على لقضية ( غوت بصوت مؤلم) يحساب ليك كان صعيب عليا نقتلو؟؟؟ اسهل مايكوون نهي حياتو كيف درت مع اللي سبقو
يحساب ليك راه حي حيت هو قوي؟؟؟ لااااا (كيحرك راسو بالنفي) هو حي حيث هو خووياا حيت فوقتما كنبي نصيفط ليصفيها ليه كنتفكر بلي هو لوحيد لعندي فالدنياا كنتفكر هو املي فالحياة ،
رؤوف:( نزلات دمعه من عينيه) كنتي املي فالحيااة ( بحزن كيبكي) كنت سندي فيها ، حيااتي ضااعت (شاف فلبوليس لمحاوطينو) وحتى املي غادي يضييع ، خسرت حريتي وسندي غادي يخسر حياتو ( بالم) باش نكونو متسااويين
(تبسم بمرارة) شكون كان يقول غانوصلوو لهناا .. مكنتش متوقع غاتكون نهاية قصتنا بهد الشكل، كلشي كان بسببهم ( هز راسو بكبرياء) هماا لخلقو مني وحش مكيرحمش .. ودكشي لدارت دك خطافة الرجال مع عبد الرحيم .. دارتو بنتها ،( بكره) كيفما مها خدات بانا بنتها خداتك مني ، واناا غنخدك منها ( غمض عينيه كيبكي) عمرك تفكر بلي كنكرهك نتاا كلشي بالنسبة لياا نتاا كلشي
تسمعات طلقة نارية فارجاء المستودع كامل .. خلات قلوب الكل تهتز .. تبسم رؤوف بمرارة بينما محمد بصدمه شافيه وطاح على ركبتو مخلي سيف الدين شادو بخوف والشرطه محاصرين رؤوف اللي كيبكي بالم وهو كيشوف محمد ونظراتو اللي كلهاا انكساار..
طاح محمد على ركبتو بالم حاط يدو عليها ، كان الدم نازل من رجلو اليسار بغزارة .. بينما سيف كيقلب فيه بخوف والشرطه محاصرين رؤوف اللي باقي هاز السلاح فيديه بمرارة كيبكي .. كان محمد رامقو بنظرات كلها انكسار ، وكأنو تأكد انو عمرو مكان عندو اخ انما كان عندو شيطان اناني انتهازي ومجرم ..
العرق نازل من جبهتو ويدو ملطخة دم وهو محاسش .. لالم النفسي عمق بزاف من لالم الجسدي ، استأنف رؤوف كلامو وهو باقي هاز السلاح ..
رؤوف:( مداهاش فيه كيشوف فمحمد) رغم هدشي كاامل سكت وسكت وسكت ، وافقت انك تزوجها وحيت عند بالي هي لعبة للانتقام حاولت نتقرب منها ( بتسم) اخخ من تفاحتي المحرمة
محمد:( بغضب) سكت الكلب متجبدهااش على فمك
رؤوف:( تبسم بدون اهتمام) هي السهل الممتنع ، هي كيف دك الحلوة اللي مسموح لي نشوفها بلما نقيصها .. ( بستهزاء مسح دموعو) هي الصعبة المنال .. عزييز علياا نحقق المستحيل هدا علاش درتها فراسي
كل ليلة كل دقيقة كل نهار وكل ثانية مفلتش لفرصة باش نعاشرها (تبسم بخبث) ههه كيضرك خاطرك ياك؟؟ ( حرك راسو ب اه) فصراحه حتى انااا .. ضارني خاطري حيت محققتش المستحيل وموصلتش لها ، وخا كتبان كي المشيشة وليني عندك لبؤة هههه صحيحه قدرات تفلت مني فكل مرة ( تنهد) حتى لنهار لعرفت بلي نتا كتبغيهاا ملي غرقاات .. لمست خوفك عليها قريت صدق حبك ( بغضب) شفت دموعك نزلو عليها .. تمك قررت نستغلك من ليد لكتوجعك ودك نهار قدرت نعرف نقطة ضعفك ..
هي بصح جاتها دبحة قلبية وليني بسبب الصدمة ماشي حيت مريضة بالقلب ، وهناا طاحت على بالي فكرة نزور التحاليل (تبسم) بما انك مناويش تتخلى على لقضية وفنفس لوقت مبيتش نقتلك فكان لازم نجيبك لصفي
( كيمسح وجهو بليد لشاد بها السلاح) وحيت نتاا يستحيل تكون فاسد كان لازم نفسدك بطريقتي .. شديتك من ليد لكتوجعك خليتك تتوهم بلي دك لبرهوشة مريضة وحيت انا عارفك غادي دير المستحسل وتلقا ليها قلب فكنت متاكد انك غادير لي لبيت ..
لبوليسي لقتلت (ضحك بشر) كاان غادي يوصلك ليا بسهولة وانا كنت بيت لقائنا يكون غير شكل كان لازم يموت .. هددتو بعائلتو ( بستهزاء) طلع مكلخ فضل يقتل راسو على اني نقتل مراتو ..
ملي حيد من طريقي هضرت معك .. ضمنت تعاونك معياا كان لازمني سلطتك باش نحقق اهدافي ( بخبث تبسم) وليني الحظ وقف بجنبك مرة خراا ، منين عرفتي كلشي وتكشفات فعايلي مع روح (غمض عينيه) فراسك كنت وااشم اسمها (حرك راسو بالايجاب و بخبث تبسم) وليني ملي عرفتك كتبغيها حيدتوو ماشي حيت كتبغيهاا نتا تنازلت لااااا .. انماا لقيت طريقة للانتقام منها من غير منقيسها ومكينش ماحسن من بعدك علييهااا كنت ناوي نخليك تدخل معياا فالخط ومن بعد نلوي يديك تفرق عليها بهدشي كنت غانتاقم منها شر انتقام .. وليني عرفتي الحقيقة ومنين وقع لوقع ( كيقصد ملي طاحت) عرفتك غادي تكتشف حقيقة مرضها وقررت نزرب ونستغلك قبل متفيق بياا ( حول عيونو صوب محمد بغضب) وليني صدقتي دكي .. وهمتيني بلي راك متيقني وراك مكتوف ليدين ونتا كنتي عارف بقضية التحاليل .. (هز راسو بتعالي) للاسف فقت معطل .. وليني يستحيل نخليك تضيفطني للحبس وفالمقابل نتاا تعيش معها فرااحه .. اكبر انتقام واكبر عقااب هو نقتلك وناخدك منهااا
سيف:( وقف مسبق يدو محاول يقرب منو) رؤوف خوياا دير عقلك ، حناا خوتك خ ووتك كتفهم
تبسم رؤوف باسى وهز راسو بتعالي صوب محمد وضغط على الزناد موجهو ناحية قلبو ، وببتسامه مرييرة جاوبو
رؤوف : عمري كرهتك اخوياا عمري كرهتك (ضغط على الزناد ونزلات دمعه من عينيه)
تسمع صوت الرصاصة مجهد وصداه كيتكرر فادانهم كلهم ، من بعدو جا السكون لتانية باش يتسمع تاني صوت رصاص كيتضرب ..
حل سيف عيونو بصدمه وهو كيشوف محمد شاد صدرو الايسر بالم مكمش وجهوو ، وحول عيونو تاني لرؤوف اللي نزل للارض حال يدو مطيح السلاح .. والرصاص كيتقب لحمو من طرف الفرقة اللي فور ما طلق الرصاص على محمد مترددوش انهم يتيريو فيه
شد محمد فصدرو بالم مخلي سيف متقدم عندو بخوف كيقلب فيه وبتوتر
ضار سيف عندو بالعرض البطيء بينماا محمد حتى هو حول عيونو ناحيتو ، كان طريح الارض .. غارق فدمو حاط يدو على كرشو وكيكحب الدم وبعينيه الزرقات كيشوف فسماا والدمايات مالية لمكان .. من صدرو لكرشو لرجليه لدرعانو زوقوه كلو .. تقدم عندو سيف كيجري وجلس القرفصاء ، بينما محمد بعجر غادي ناحيو كيعرج ويدو محطوطه فصدرو .. جلس على ركبتو مسرح رجلو اللي مضروبة وبيديه هز راسو رؤوف حطو فوق فخدوو ناسي غضبو منو وفعايلو ناسي الم رجلو وصدرو مركز فقط مع رؤوف وحالتو . كان سيف جالس القرفصاء وبرأفه منزل حواجبو شاد لرؤوف فيديه .. نزلات دمعه من عينيه وهو كيشوفو غارق فدموو وكينهج وحط يدو على فمو ساد عينيه والدموع بداو ينزلو ليه ..
ولأولِ مَرة أشعُر أن للدمعِ مَذاقاً مُراً.. حَارقاً..
فيه ألم سَنوات طَويلة..
حملتُ القصاصات ..سِرْتُ...ولست أدري...
إلى أي وَطنٍ تسافرُ رُوحي..
يَتَضَافَرُني الحَنِيْن ..تأخذني َ الحَيْرَةُ .. يأخدني الشوق .. تألمني مرارة الفرااق .. لانتظر اسأل واسأل يا ترى متى الوصال؟؟
حل الصمت فالمككان من ورا اخر كلمه خرجات من فمو ، وعينيه تمركزو لفوق حال فموو وطالق يدو فالارض .. الزمن توقف ودقات القلب انخافضات عندهم .. طلق سيف من يدو بصدمه ونزلات دمعتوو وهو كيتحسر على خوه الصغير اللي فعمر الزهور واللي خسرو بابشع طرييقة وفابشع ليلة ..
بينما محمد بقاا مصدوم كيشوفيه ودموعو محجرين فعيونو .. ايه هو خدلو وعدبو استغلوا وحاول يقتلو وبابشع طريقة خانوا .. ولكككن راه خوه هو دك الولد يا اللي كان مينعس حتى يكون هو فالدار هو يا اللي كان يقولو نتاا ماشي اخ ليا نتا اب .. هو فرحتو ولو هو نيت سبب حزنواا .. نزلات دمعه من عينيه وهو كيمرر يدو على فمو وكيمسح ليه الدم .. بمراارة غوت باعلى صوتو وهو مزير راسو فحضنو
بمجرد متسمع الرصاص كيتضرب فالمستودع الفرق لخريين تدخلو كمحاولة منهم يحميو العميد ديالهم ..
الظلام الكثيف بداا يزول وبدات ضواو سيارات الشرطة والاسعاف وسيارة نقل الاموات كيزيحووه .. كان رؤوف فحضن محمد اللي بلاا حراك مزير علييه وكيتسمع فقط صوت بكا سيف الدين اللي كاان لا يقل عن حزن محمد .. لكن كيبقاا الشخص لساكت وحاضن رؤوف بقوة مزيرو عندووو .. مرارة عداابو مضاعفة اما مرارة الفراق .. فهي بدااية لسجنوو فبحر دكريااتهم ..
بعد مرور اربعة اشهر..
ليرحمك ويغفر ليك ، معرفتش علاش ندمت على كل كلمه خايبة قلت فحقك معرفتش علاش ندمت حينت كنت كندعي بموتك .. امكن حينت كنت مجروحه منك .... ممكن حيت كنتي شيطان بالنسبة لياا نسيت بلي هد الشيطااان ماهو الا نتيجه لغلط رتاكباتو ماما وبباك ، نسيت بلي نتاا امل محمد ودعيت عليك مظنيتش انو بمجرد ميخسرك محمد انا غانخسرو ( تنهدات بحزن) امكن ربي حقق ليك امنيتك كان غرضك تفارقني على محمد ووصلتي لهدفك ونتا تحت التراب....
معرفتش علاش كنتمنى لو غي بقيتي عايش واش حيت حياتك كتهمني ؟؟ ولا حينت محمد كان غيكون معيا ومع بنتنا ( حطات يديها على كرشها) عندها ربع شهور وزوج اسابيع وعمرو جا سول عليها مع انو كان فرحاان بيها ،
"يا ايتها النفس المطمئة ارجعي الى ربك راضية مرضية وادخلي فسيح جناته"
تنهدات مطول وهي كتشوف فالشاهد وفبالها حاجه وحدة يا ترى رؤوف روحو مطمئنه ومرتاحه وهي بعيدة على محمد؟؟
بمراارة وقفات من على حرف القبر .. تبسماات كتكب عليه الماا وحطات لورد جنب رااسو .. كانت لابسا عبايا سوداء وفولار فنفس اللون ودايرة نظاظرها دشمس فوق راسها .. غمضات عينيها وهزات يديها كتقراا ما تيسر من الدعاء
ما ان انهات تحنات بقلة حيلة عاضه على شفايفها وهزات صاكها من لارض .. جبدات تيلفونها لكيصوني بعدما حلات الصاك
محمد:( حط جبينو على جبينها) بعض المراات كتووصل بينا وقيتا كنحسو براسناا غي ضايعين فهد الدنياا ، كتحس بلي السعادة ممكتوباش ليك والموت والحزن والعداب ملاحقك وتابعك فاي خطوة كتفضل انك تبعد ومتشاطرش المك مع لقراب ليك
روح:( كتبكي) وخا يكون على حساب سعادتي؟؟؟
محمد: تيقي بياا سعادتك كاينا فبعدي عليك (غمض عينيه حاط شفايفو فوق شفايفها) متبكيش شش قلت لك كيحرقوني كيطيحو على قلبي جمر
روح: هئ هئ نتاا لكتبكيني وكطلب مني منبكيش هئ هئ
محمد: هدا علاش قلت لك مصلحتك فبعدي (طلق وجهها من يدو وتنهد عاطيها بالظهر)
روح: محمد متمشييش هئ هئ (مسحات دموعها) الى مشيتي عمري غانسامحك
توقف عاطيها بالظهر وهز راسو للسما بالم ، انثاه كتهددو عاطفيا شنو يديرر الى هو مربوط بين المو وحبوو شكون يختاار وباشمن حق غايختاار .. داار يديه فجيبو وكمل طريقو متحسر عليها ومؤلم اضعاف المها وهو كيسمع صوت بكاها العالي قدام بوابة المقبرة
روح:( طايحه على ركابيها) متخليينيش (بصوت عالي كتبكي) نتا لعندي محمد رجع هئ هئ ارججججع هئ هئ عفاااك ( بصوت عالي) محمد عفاااك معندي تاحد من غيرك
اللعنه على دموعها لكتحرقو من ديما كانت سبب دموعو وبقاا.. نزلات دمعتو وهو متحسر عليها ومعدب ببكائها ونوااحها زطم على قلبو وتناسى صراخها ورغيبها .. فاتجاه الهامر تاعو مشا حل لباب وركب وتقابل معها ، مزير على لفولون بيدو مكرهش ينوضها يسكتها يحضنها ويبقا معها مي مقرر ان بعدوا عليها هو رااحتهاا كسيرا اللوطو وعينو عليها من الزاجه وهي جالسا على ركبتها وكتبكي ..
__مكان اخر__
كان جالس فروليكس طالق عضلاتو للشمس و شعرو لفازغ نازل على عيونو وكيشرب فعصير البرتقال ... تبسم فور ما لمحها لابسا كسوة صيفية حد الركبة بلون الابيض وسندال بلا فنفس اللون .. بشرتها الخمرية كتبان سيكسي فلون لابيض ومع شعرها لكيطاير وابتسامتها لقات سحر من نوع خااص .. تبسم بهياام وتبعها حتى جلسات حدااه فروليكس التانية لحدا لبيسين ..
نور: مزيانه السبااحه ( كتهز راسها) كتخوي طاقتك السلبية فيها
سيف: كنتمنااو ، كنت هضرت مع لبسي ديالها قالت لي راه تعدات مرحلة الاكتئاب حمدلله خرجات منو .. نطلبوا الله تمثاتل للعلاج ومتبقاش مضطرة تكون تحت العلاج النفسي
نور: لداز عليها صعيب بزاف ، وفالوقت يا اللي خاص يعوضها تخلى عليها اكيد ماغاتنهار وتكتئب.. لاكتئاب كيوصل لمريض للانتحار حمدلله قدرات تغلب على كلشي باش تحافظ على بنتها ، اما خوك غير ليسمح ليه عددبها فحياتها وتكرفس عليهاا
سيف: مكنقولش هد لهضرة حينت محمد خويا مي هو اكثر واحد كيتعدب .. كيتعدب لفراق رؤوف (قالها بحزن) لوصلات ليه روح عدابو مضوبل وساكت وصابر مكيشكي مكيبكي (هز راسو ب اه) متافق معك كان لازم يعوضها بلاصت ميهرب لكن محمد هكا داير ملي كيحس براسو عالة على الناس او مصدر خطر لهم كينساحب .. هو كيظن انو خطر على روح قربو لها كيبعد منها ومعارفش بلي لخطر عليها هو بعدو بحد داتو .. ربع شهور ممشا لخدمتو طلب اجازة مفتوحه باش محمد يتخلى على الشرطة لهي كلشي بالنسبة ليه فكوني متاكدة انو واصل لاعلى مرحلة من العداب
نور: انا كتبقا فيا غي روح مسكينه رغم هدشي كامل باقا كتحلم يرجع لها ، رغم لدار فيها رؤوف ليرحمو سامحاتو وكل سيمانه تزورو (شافت فيه) تيق بيا لو كنت بلاصتها يستحيل نديرها .. هي انسانه مزيانه بزاف وتستاهل تعيش فرحانه .. مصيرها بين يدين خوك وهو معكس ومصر على قرارو .. هو مكيستاهلش روح والله مكيستاهلها .. عرفتي شناهي تسامحي لناس كبروك معقدة خوافه ضعيفة .. لو كنت فبلاصتها يستحيل نسامح لا خوك لا باك
سيف: على لاقل رؤوف قبل ميموت صحا ضميرو واعتارف بغلطوا ، لكن عبد الرحيم انسان للان معرفتش اشمن طينه هو ستغل غياب محمد وجا للفيلا يدي معاه روح .. (بغضب) وكون غي مكانش والدني كان عندي معاه حساب اخر
نور: (تبسمات) حتى انا مخليتش من جهدي خرجت فيه عيني وسلت انفوا دكرت ليه لبوليس (شافت فيه كتحك عنقها) فين هو دباا ؟؟ كتشوفو؟؟
سيف: نو اخر مرة شفتو قبل شهراين جا خدا لفلوس من عندي مباش يبقا معيا مباش يتعالج هدا جهدي عليه .. انا حرت معهم (تنهد مرجع راسو للور) عييت بزاف ماحيتي لروح ماحيتي لمحمد ماحيتي لخويا لدفنت تحت التراب محيتي لهد الواليد لعمرو مكان اب لياا تهدييت وعييت
نور: (حطات يديها على فخدو) نتااا عارف بلي انا معك فاي وقت ، عمرك تحس براسك وحدك .. عمري نسا خيرك خليتيني فدارك وفرتي ليا كلشي ... حتى من لقرايا لكانت حلم مستحيل بالنسبة لياا حققتيه نتاا البطل ديالي (قالتها بفرحه) وعمرك متضعاف ولا تهزم لانني غانكون ديما وراك .. واقفا بجنبك ومسانداك وعمري غاندم حيت اعتابرتك صديق ، كنتي اول صديق واخرو (تبسمات)
سيف:( حط يديه على يديها) نتي شكون عندي معرفتش (تبسم) لعارف ان فين مكانت نور سيف كيكون فرحان .. نور الوحيدة يا اللي قدرات تنسيني عدابي فهد الشهور .. الوحيدة يا اللي وقفات معيا فمحنتي ومتخلاتش علياا واللي درت معك كاان اقل واجب كعربون تقدير على وقفتك معنااا (تبسم كيلعب بصباعها) عمرك تقولي على راسك نتي مكتشبهيش اسمك .. بلعكس نتي نوري فعز ظلماتي نتي الامل لتزرع فقلبي فعز خيباتي (بستهزاء قلب الموضوع) وخاا كتعصبيني وتقولي لي عيشة لبواسا مي هانياا كلشي على ود هد الضحكه يهون
نور:(جمعات ضحكه وخنزرات فيه) بحرا كتتي ضريف خليك زويين (تبسمات وحيدات يديها من يدو) سيف عندي واحت لفكرة ممكن تجمع خوك بروح ونعتابروها كاخر محاولة لناا باش نجمعوهم منجحاتش مغندخلش مزاال ، بقات فيا دك لبنت شوف شمس كدايرا وهي تضور فالمقبرة تسناه امتا يبان ليهاا .. يا اما يتجمعوو يا اما يتفرقو فمرة ويخليها تعيش حيااتها ..
الدكتورة: الاكتئاب قدرات تخرج منو فظرف شهورا قلال حملها كان ليه تاثير اجابي على حالتها النفسية اي خطوة كتخطي كتدير حساب لبنتها ، بعكس قبل نتا عارف بلي راها حاولات تنتحر فوقت مكانتش حامله يعني معندها علامن نتقاوم ، دباا كتحارب حزنهاا ونفسيتها المتدهورة على قبل بنتها .. لكن هدشي مدايمش انا خايفه حزنها يغلب عليها وتدير فراسها شي حاجه لا قدر الله .. هدا علاش بحثت على رقمك واتاصلت بيك .. كيخص تكون جنبها لازم توقف معاها حتى ترجع طبيعية كيف قبل .. تراكم المشاكل والعقدات لعندها خلاو خلل كبير فشخصيتها .. خاص تعرف بلي مين كتبكي وتقوليك بقاا راها بامس الحاجه لك ..هي من النوع لميمكنش يطلب شي حد الا الى ماضطر .. نتاا كيخص تكون جنبها فهد الوقت وبعدك عليها تصرف غير لائق .. وبكل احترام كأنك بيديك كتدفشها للهاوية ..
حط يدو على دقنو بضيق وتنهد: وليني فين ما نكون قريب كنأديها قربي ليها كيأديها هي فخطر طول ماهي معيا
الدكتورة: العكس صحييح بعدك عليها هو الخطر ، انا متبعه مع روح قرابة ستة شهور يعني وليت كنعرفها حق المعرفة روح محتاجاك وكتر من اي وقت مر عليها ..
حدر عينيه باسى وكلامها كيضور فالو .. ولقطة فين خلا روح فالمقبرة طايحه للارض وكتبكي تحفرات فبالو ..واش يا ترى تسرع وغلط مين هرب وانسااحب ؟؟
قاطع افكارو صوت تيلفونو جبدوو منزل حاجبو من جيبو لوراني وتنهد وفتحو كان واصلو مساج من سيف ... تبسم بلباقة للدكتورة وتبسمات عاطياه الادن .. اختفات ابتسامتو فور ما قرا ميساج سيف الدين ..
" غانعطيك اخر فرصة تصحح اخطائك فالجامعة كاينا واحت الندوة روح اللي غاتلقي الخطاب وامنيتها تكون حاضر ، الى جيتي غانعتبرك باقي كتبغيها مجيتيش كنحلف ليك غادي نرجع لامريكا ونديها معيا وحق الدم لبيناتنا حتى نغبرها عليك وعمرك مزال تشوفها لا هي لا بنتك كنتسناك من هنا لساعه ونص مجيتيش عمرك تحلم تشوفها غاندير جهدي باش نبعدها عليك ونتا عارف انني قد كلامي "
وقف بخوف فور ما قرا المساجات وخرج كيجري بلا ميقول كلمه مخلي الطبيبة هازا حاجبها بستغراب ..
خرج من العمارة والخوف مالي عينيه .. حل لباب وركب فالهامر كلام سيف كيخوف واللي زاد الطين بلة هو كلامها ملي قالت ليه الى مرجعتيش عمري نسامحك .. فين كاان عقلك امحمد فيين .. هدشي لقال فباالو قبل ..ميكسيري باقصى سرعه وفاتجاه الجامعه مشاا ..
الحياة متاهة ميمكنش نخرجو منها ولا حتى نفهموما الا بالموت .. الموت اللي هو بداية قصتي وحكايتي وممكن يكوون نهاايتها .. متستغربووش الى قلت لكم فعمري عشرين سنة ومليت دنيا ظالمه مخديت منها والو من غير الدموع ، الكره البغض والحقد والخبث ملي كيسطر على الانسان ويتحكم فيه وفافعالو وتصرفاتو كيخليه رهين بين نقاوة روحو وبين خبث نفسو الامارة بالسوء ... كيخليوه يأدي ناس مدارو لو والو بل معندهم دنب .. الى الله خلقنا احرار شكوون هماا حتى يسجنونا ؟؟ شكون عطاهم الحق .. واش سكووتنا عليهم بمثابة موافقتنا على طغياانهم؟؟ .. الله كرم الانثى وفاعلى المراتب حطها علاش كنكتمو اهاتنا ونمرضو فصحتنا ؟؟؟ واش على ود مجتمع ظاالم مجتمع دكوري .. اللي فور ما لبنت تهضر وتقولي تعرضت للتحرش .. كيحاسبوها ويقولو لها نتي خرجتي معرية نتي مخليتيش الدكر يغض البصر
شكون اللي ولدات هد الذكر؟؟ شكون كبراتو وتعدبات عليه ..
ماشي الانثى ؟؟باش فالاخير يكبر ويهمشها .. اشتقنا لزمن تقدس في المرأة .. اشتقنا لزمن لا تخاف فيه المرأة .. اشتقنا واشتقنا ويا ترى هل سينتهي الاشتياق ؟؟
المرأة .. هي انا ونتي ونتوما الى محطيناش ليد فاليد وتعاوننا ورضينا حقنا عمرنا مغنعيشو هانيين .. عمرك تسكتي وعمرك تكتمي وعمرك تستري على التحرش .. بمجرد ما تتعرضي ليه دافعي على راسك غوتي وفضحييه ردي احترامك لداتك لتدنس
وحيينت نتي امرأة نتي اقوى من انك تسدي فمك بيديك وتنساي تمردهم على شخصك وعلى عفتك وكبريائك .. قاومي وعمرك تكوني نسخه على روح وكوني اكيدة غاتبقاي طول عمرك مفتاخرة براسك ..
كترات الهتافات والتصفيقاات فحرم الجامعة ، ببتساامه امتناان حدرات راسها كتحييهم .. والفرحه ماليا عينيها ولو انها غير كامله ... بمجرد متفكر محمد لعطاها بالظهر وخلاها .. لكن غي كتحط يديها على كرشها وتبتسم نااسية الهم والحزن ..
كان سيف ونور واقفيم حدا الطلبة ، كيبتاسموو لها هي لقبالتهم باقا شادا فالميكروفون وكتبسم لابسا كسوة كحلة طويلة ومشبكه من ليدين مع بالغين بنفس اللون طالقا شعرها الاسود للهواا كيضرب فيه .. وببتسامه حزيينة بادلاتهم ..
سيف:( كيهضر بجهد بسبب الهتافات) كظني محمد يجي
نور:( دايرا يديها على فمها بصوت عالي) كنتمنى
سيف: رااني خلعتو وقسحت معااه لهضرة ، الى مجاش غانعرفو بارد القلب
تبسم بسخرية ورجع نظرو لروح .. يا اللي جمعات ضحكتها ونظرها تحول لنقطه بعيدة .. بالضبط وراهم.. نزل سيف حاجبو باستغراب وتلفت ورااه وهو يتبسم ..
مرارة الفراق توجع القلب .. وبسيف العداب تمزقه .. لكن حلاوة الوصال تنسينا همومنا تبلسم جروحناا ... وببسمه مشرقة ترسم قدرنااا .. فما اجمله وصال انسااني مرارة فراقك
تنهدات بعمق حاضيااه .. كان بعيد عليها قرابة ستة امتار .. وااقف بوقفتو الرجولبة وداير يد وحدة فجيب الكوستار .. تبسم فور مجات عيونو فعيونها الكربيستالية معلنة على التحام نظرات ثاقبة من زرقاوتيه وسماء عينااهاا .. ..
تنهدات بفرح وهي كتشوفيه .. شافيها بننظرة غريبة كأنو كيقوليها نساي كل كلمه قلت ..
ميلات شفايفها استعدادا للبكااء .. وهي كتشوفو قبالتها .. هاهو حقق لها امنيتها وجاا ، هاهو نسااا كلامو وجاا ، هاهو تحدى احزانو وجاا ..
وقف سيف من على لكرسي شاد نور فيديه وتبسم
سيف: جاا والله حتى جااا (عنقها) شكراا شكراا
نور: حمد لله (حطات يديها على ظهرو مبادلاه العناق) على الله روح متعاندش هد لمرة ..
تلفتات ليها ببتساامه حاضيااهاا .. كانت كتبكي وعينيها فقط ناحيتو ، نسات العالم ونسات فين هي والناس لضايرين بيها بمجرد ماغرقات فبحر عيونو وتلقات عليها لعنتو مرة ثانية ..
حرك راسو ب اه وفتح لها درعانو تبسمات بحنيين ومشات فاتجاهو كتجري مخليااه كيغوت باعلى صوتو محيد لبسمة من وجهو
محمد: متجرييش (كيغوت) رووح متجرييش
مداتهاش فيه كملات طريقها لعندو كتجري وهو طالق درعانو ليها ما ان وصلات حتى تلاحت فحضنو مزيرو عليه ..
اختفات عصبيتو من تسرعها فور ما قاس ملمس جسمها وتضرب صدرو مع صدرها .. بهيام ضور يدو على خصرها رافعها عندو وهي ضور رجليها على خصرو مخليين الكل مصدوم من المنظر
محمد:(هازها من خصرها وخاشي وجهو فشعرها) سمحي ليا اعمري .. يا روح محمد كنوااعدك عمري نعاود عمري نخليك
حس بكرشها فارقا بيناتهم منفوخه شوي تبسم ونزل راسو لها وتبسم بحنان ، ونزل معاه روح من حضنو شادها من دراعها وهي فرحانه ومقاداها فرحه وتحنى على ركابيه جاط يدو على كرشها
زواج في الجحيم الجزء العاشر والأخير
محتوى القصة
التنقل بين الأجزاء