زواج في الجحيم الجزء الخامس

كان واقف قدام الزاجة في البلوك كيشوف فيها .. ممدووودة على فراش الموت .. واضعين ليها السماطات ديال القلب..

صوت الالة هي لي كاسرة داك الصمت الرهيب لي في الغرفة...

تيو مدوزينو من الانف و اليد فيها الصيروم .. و ضابط الضغط كيتفش ييتنفخ بووحدو كيف البالونة صغيرة.. .. ضعااافت بزااااف وبهاااااتت وداك النور والجمال لي كان فيها..

جاو في بلاصتو الاصفرار و التقشف...تنهد بضيق وقلبه مقطع اشلاء.. كفااش عمرو ملاحظ هدشي .. غير لبارح كان معهاا ..

وكانت كتباان بخير غمض عيونو بضيق من ديما هي كتحمل فوق طااقتها .. واكيد غتكون تحملات كاع لالم لكانت كتحس بيه .. لا وساكتا مخلياه ينهش فيها .. نزلات دمعه حزينة من عيونوو متحصر على دك الحرية لكانت خطفات قلبو من اول نظرة ..

متحصر على فعاايلو وعلى نتائج حقدو .. مسح دمعتوو هاز راسو مصطانع اللامبالاة بمجرد ما حس بيد وحطات فوق كتفو..

رؤوف:مالها ..

محمد: قلبها عياان (غمض عيونو) خاصها عملية ..

رؤوف: (مصطنع لحزن) مسكينة ..

هز راسو بحيرة ضاير عندو ..

محمد:هي غتعيش مابيتش هد نظرات الشفقة ارؤوف..

رؤوف:(هز يديه) كالم .. انا بقات فيا ..

محمد:هي ماشي وحدهاا (غمض عينيه كااتم غضبو) انا عارف نتاا حااقد علييهاا وبزااف اخويا ..

ولكن كنطلبك كنرغبك ولو نرة وحده فحياتك دوز نهار بلما تفكرني فالماضي .. دوز نهار واحد بلماا تحقد لييها ..

غوت بصوت عالي لدرجة كلشي تلفت ليه مخلي رؤوف مستغرب منو ومن انفعالو اللي بالنسبة ليه هو بلا مبرر ..

محمد:حقدناا هو لوصلها لهد الحالة .. طوول عمرناا كنااا كندعيو .. حتى وقبل مدخل لحيااتناا كناا كارهينهاا وفكل ثانية كنتمنااو لها لموت .. (ببتسامه مريرة) هااهو الله بغاا يحقق امنيتناا .. ولكن فالوقت اللي ولات دك الامنية عندي اكبر لعنة فحيااتي .. امنيتي فالماضي موتها .. ودباا موتهاا موصيبتي ونهاية حياتي

رؤوف:(تبسم مستغرب) نتاا واعي اخوياا على اش كيخرج من فمك ؟؟ ..

محمد:واعي اه واعي (شير بيديه لجهة زاج) هدك لتماك كتعااني .. راها روحي .. (بضيق) هدك رووحي انااا .. انا لكنعاني .. (ضرب قلبو) وهداا هو لعيا وفشل هداا هو لمبقاش قاد يدير وظيفتو قلبي انا لفشل ماشي قلبهاا .. انا غنموت بلا بيها غنموت ...

شافيه بصدمة ودمعة خدلاان مزيرة بين شفاارو محاملش ينزلهاا نافي تاثير محمد عليه ..

سولو هاز حاجبو طالب منو يكدب شكوو ويثبت لييه بلي لكيضور فبالو في سوء فهم ..

رؤوف:المعنى (ختها بمرارة حاضي شفاايفو)..

محمد: اناا كنبغييهاا .. اه كنبغييها .. (باعلى صوت)لاا انااا كنعشقها كنتنفس بتفسها كنصبر بصبرها .. كنضحك لفرحتها كنتعدب لعدابها ..

كنتألم لالمها .. (بغصة فحلقو) كنمووت فاش كنشوف دموعها .. كنتجرح ملي نهينهاا .. هدا (ضرب على قلبو) فكل نبض كينده باسمهاا .. وفكل ثاانية كيدق باسمهاا ..

وحيااتي غتنتهي بمجرد منخسرها

رؤوف: (شافيه بخدلان) كتبغي بنت لمرا لشتات عائلتنا .. بنت لمراا لخطفات بانا وشردتنا ..

محمد:بنتهااا (غوت بأعلى صوت) هانتااا قلتيهاا بنتهاا ماشي هي لشتات عائلتنا ..

وماشي حتى مهاا بل بانا لراجل مكيسواش تخلى علينا على ود مرا .. وحنا بلاصة منحقدو عليه حقدنا على روح شنو دنبها هااا (قرب منو شادو من عنقرتو مقرب وجهو بعتاب) حتى نتاا كدعي عليهاا ياك (شافيه بترجي) عفااك مديرهاااش غنموووت الى خسرتها ..

رؤوف:(بنكسار) ياك من لاول قلت لك مدخلهاش لحيااتناا .. (شافييه بخدلان) قلت لك هي لعنة وهاهي لصقات فيك

هي لعنااتك بخبثهاا .. (بالم ضرب على صدر محمد) خداات قلبك كيفماا مهاا خدات قلب بانا .. ومع لمده غتاخدك مني كيفما مهاا خدات بانا .. همااا ملعوناات .. كتعجبهم لحاجة المشروكه ..

(استأنف كلامو مغمض عيونو) نتااا قلتي بلي غتزوجهاا وتعدبهاا هااا ..

ياك من لاول اناا موافقتش انك دخلها لحياتنا .. ياك قلت لك خليهاا بعيدة عليينا .. ونتااا (شير ليه بصبعو) نتاا قلتي لاا . خليناا نشفيوو غلييلناا ودبااا جاي تقولي كتبغيهااا .. كدووووب .. كلشي كدووب كدوووب ... (كيضرب صدرو بيدو) يااك قلتي هداا بااارد .. قلتي هداا جاامد وعمرو يدق لشي وحده..

ودبااا واخيراا قلبك فااق ولمن لاكبر لعنة فحيااتناا ..

محمد:(بألم) هي نعمة بلعكس هي اكبر نعمة ( تبسم باسى) اناا هو الملعون .. هي نعمة واحسن نعمة ..

سد ودنيه بغضب محركوو يمين وشماال نااافي هضرتوو وبضيق شافيه ..

رؤوف:كنكره هد الاسم مااتجبدووش قداامي متجبدووش .. نتتااااا تخليتي علياا حتى نتاا خليتيني وفضلتيهاا علياا ..

غاادي تربح من ورااها غي الجروح والعداب .. نهاايتك غتكون سكايري حشايشي فحال باك ..

محمد: رؤووف (كتم غضبو ساد عينيه) رااني فمزاج ميسمحليش نتصادع معك .. يكفي لفياا كاافيني متزييدنيش..

تبسم بمرااارة خاشي يدو فجيب لكوستار البلومارين اللي لابس ..

رؤوف: مكدبوش مني قالو ومن الحب ماقتل ..

محمد: نتاا كضحك لالمي؟؟ واش عارف بلي هضرتك كتجرحني؟

رؤوف: (بيأس) ونتاا فعلتك قتلاتتني بغيتي بنت لمراا لدمرااتنا .. شتاتنا دمراات نفسيتي ..دمراات طفوولتي .. خداات براائتي وعطاات كل ماهو لياا لبنتهااا .. بغيتيهاا ومع لمدة غتخلييني حتى نتاا كلكم فحال فحال ..كلكم كتبغيو رااسكم ..

نزل عيونو لحالتو كان كلو كضمات لابس غي صورفيت وصدرو عريان .. العياء باين فوجهو والالم ساكن بعيونوو وبقلب جرييح كيشوفيه متمني لو يفهموو ويفهم قلبو ومشاعرو ..

رؤوف:شوف في حالتك .. (طلعو ونزلو) هداا مااشي نتاا .. هداا مااشي خوويا .. هدااا نتييجة لشخص تبع قلبوو وخلااه ينبض لوحده متستااهلوش..

بحزن محمد جلس فالارض مفارق رجلييه حاط راسو بين يديه مخلييه مستغرب منوو من انهياارو ومن الموو هاز حاجبوو فيه بنكسار حاضي حركااتو..

محمد:الحب مكيشاورش .. ديما كنصد مشاعري كنقفل علييهاا بطغيااني .. كنسد على احسااسي باهانتهاا .. كنبكيهاا ونسمع اهاتهااا ويبكي وراها قلبي ..

كيبكي دم لمعاناتها .. وكنصبر راسي بيك .. كلشي على قبلك .. كنقول متحنش فيها ا محمد .. هي خدات براءة خوك .. خداات امنوو خدات باه وامانو .. شتات عائلتك .. ومك بسبب مهاا هي مااتت ..

مك ا محمد .. متحملاتش راجلها يهرب علييهاا .. وانتاحراات .. مك مااتت بسبب مهاا متحنش فيها .. ولكن قلبي بزز منوو حن .. حن وتعدب فكل تانية بكات فيها ..

رجع زوج خطوات وبنكسار شافيه..

رؤوف:عمري مغنخلييك تعيش معهاا ... (بغضب) كنوااعدك مغنخليهااش تاخدك مني .. كنواعدك ..

عطاه بالظهر كارز على سنانو جامع يدو بغضب مخلييه ورااه وحييد جالس على لارض بندم ..

مهموش كلالمو ولا هضرتوو بل مركزش فيها .. لكيهموو فهد اللحظة هو روح كفااش غيعتقهاا ..

طاح فباالو الشخص الوحيد اللي ممكن يساعدو .. ومكينش غييرو ولكن كفااش غيوصل ليه .. وشنوو غيقوليه .. شد رااسو بحيرة كيتسناا امتاا يخرجوها من العناية المركزة ويدخل يشووفهاا ..

بغاا يروي عيونو بنظرة لها .. بغاا يطمن قلبوو بشوفتهاا ..

كانت جالساا فالحديقة الخلفية طالقا يديها للهواا وببسمه هازا راسهاا لسما .. ضاقت عليها خاطرها بهد الجو الكئيب اللي فالفيلا .. وبالخصوص من ورا ماوقع ..

ندمات علاش قرات مفكرتها .. ..ندمات تمل ندم من ندمها .. تفكيرها تشوش ومشاعرها تخربقات .. بقات فيها بزاف لكن شنو بيديهاا هي .. لتقد دير فهد الفترة هو المدكرة خاص توصلها لمحمد .. ممكن يحن فديك اليتيمه ويحميها من الوحوش اللي كتنهش فبراائتهاا .. هدشي لكاان شااغل باالهاا قبل ما يقاطع تفكيرهاا صوتو المستهزئ وهو وراها ..

رؤوف:(خاشي يديه فجيابو) اش وصلك لهنا؟؟

نور:(ضارت عندو بغضب متشكل فسواد عيونها) ونتا مالك ..

رؤوف: فمك غيخرج عليك ديريها فبالك (تبسم بغل خافي غضبو)

نور:وخبثك نتاا وفعاايلك غيخليوك وحدك .. (تبسمت ) قرييب تتفضح ..

رؤوف:(حك دقنو) همم حتى لخدامات كيتحداو سيادهم (تبسم) جديدة هدي ..

نور: خدامه وكنجيب لفلوس بدراعي مامتكلاش على خويا (ختماتها بضحكة مستفزة) ..

رؤوف: ديريني فبالك ازين ..

رجع زوج خطوات لور عاض حنكو كيدوز يدو على دقنو ..

رؤوف: مغنساش ليك دك ضربة ولا هضرتك .. (شير بصبعو لوجهو) عقلي على هد الوجه ..

نور: ( باستهزاء) .. كنتسناااك ..

رؤوف:(تبسم) خافي على رااسك ..

نور:حتى نتا خاف على راسك اقليل العفة ..

باحتقار شافت فيه ودرمات ضارباه لكتفوو مخليااه تابعهاا بعينيه بحقد جامع يدوو بقبضة مغلغلة وبشرر مرااقبهاا ..

غمض عيونو مهدن راسو بشر كتم غضبوو وبغل نطق ..

رؤوف: غادي نحاااسبك على حدودك لفتي معياا صبري عليا نفك مشكلة هد لبرهوشة لتفلات على خوياا ونتفاهم معك ..

نرجعك لمقاامك مقام لخداامه ..

__مكان اخر__

كان جالس فمكتبو .. .. حاط عينيه على ملفات شادهم بين يدييه ..لابس كوستار بلومارين وداير كاشكول على عنقو .. بفحوولة جالس فمكتبوو وبتركييز حااادر راسوو ..

الرجولة والفحوولة الى كتمتل فشي شخص فاكيد هو وماشي غييرو ..

بشعرو البني المتخللاه خصلات سوداء ..وبعيونو الزرقاء الشبيهة لامواج بحر هاائج .. فمو الصغير ولحيتو الخفييفة البنية اللي غي مزادتو جادبية . ريحتوو الانيقةة اللي بمجرد متشمهاا تخلييك مهووس بقربوو وطاالب مزيد من عطروو . ..

عضلات بطنوو المتورمة وهيبتوو الرجووليةة .. كل حاجه فييه كتخلييك تأكد بلي الله سبحانه تفنن فعيبادو وصدقاا بدع فخلقوو ..

بمجرد مكنسمعو الاخوة التوأم كيطيح فبالناا فكرة وحده .. زوج متشابهين شكلا ومضمونا .. قلباا وقالباا ..لكن داائما للقدر رأي اخر ..

الى كان محمد هو الطغيان والجبروت .. فنصفو التاني هو الرحمة والنبل صفاء الروح .. والقلب الطيب .. هوو قدر يكسر هد القاعدة ..

ديال التشابه الروحي ..

سيف الدين الصديقي .. فعمرو 29سنة وهو توأم محمد .. ونصفه الثاني .. ظاهراا وليس باطنا ..

رجل اعمال صاعد ..قدر يرسخ اسمو فعالم الاقتصاد .. باجتهادو وحبو وتفانيه فعملو ..من لاشيء .. ولا اسمو كل شيء فالبورصة .. من صغرو هو شخص طموح مكافح .. بدا حياتو المهنية كموظف متدرب فشركة صناعة السيارات .. وفمدة جد قصييرة قدر يولي شريك فيهاا .. بل هو اساسها .. ..

مكدبوش اللي قالو ان اللي دار ايمانو فالله ووكل امرو ليه عمرو يخيب ولا يفشل .. من صغرو سيف كان قدوة للاخلاق النبيلة .. عكس محمد اللي كان شخص عاميه حقدو .. وخبثو ساجنوو فقفص من لاحزاان ..

سيف كيأمن بمقولة وحده .. من يحبك .. يحبك لشخصك .. ومعك للابد سندا محبا وفياا ..

عمرو ماحقد على نعمة او روح ولا حتى عبد الرحيم .. مقتانع بفكرة وحده انو عبد الرحيم انسان مكيعرفش معنى العائلة فعلاش غادي يخلي ليه بلاصه فقلبو وتفكيرو؟؟

علاقتو بمحمد ورؤوف شبه منعدمة .. من بعدماا عرف نواياهم .. وعرف بلي محمد بغا يتزوج بنت مرات باهم ويستغلوها باش يشفييو غلييلهم .. منها ومن مها . كاي انسان كيخاف الله معجبوش الحاال بل تخاصم معهم جادلهم ..

لكن اللي مأمن بشي فكرة يستحييل نقدرو نقنعووه ولا حتى نزيلوها من عقلووا..

فضل انه يبعد على الاقل .. مغيشوفش لمنكر بعينيه .. لكن هدشي مكيعنييش ان ناسي خوتو .. كيبقاا محمد خوه توامو هو بئر اسراارو هو نصفو لاخر .. ملجأ وقت الوحده .. ودفئو من لبرودة .. اما رؤوف فهو دك الشقي .. الاخ الاصغر اللي مكيقدرش بلي مكيبيش يخسر ليه ولو طلب .. هو متخلاش عليهم انما .. بعدمنهم .. بغاو الانتقام بغاو الحقد .. وهو طرييقو غير ففضل لانسحااب .. على لاقل كضمان لاستمرارية اخوتهم ..

رغم هد البعد اللي بيناتهم الا ان سيف مناسيش خوتو .. بل ممفارقينش تفكيرو وبالو .. ديماا متبع اخبارهم .. متبع احوالهم .. كيبقاو خوتو ولو يكرهوو .. ولو يحقدو .. هما من دموو وعمر الدم ميولي ما ..

حط الملف اللي بين يديه .. وهز لفيكس هاز حاجبوو بفحوولة

سيف:اجي عندي للمكتب ..

قطع الخط ورجع هز الملف اللي بين يديه ..تواني كان لباب تاع المكتب كيتدق ..

سيف:دخل ..

دخلات شابة فمقتبل العمر .. بنت زوينه .. ببشرة بيضاء وعيون زرقاء وشعر اشقر .. الظاهر انو انها من اصول غربية .. جامعا شعرها كعكه ولابسا صايا بلون الاسود حد الركبة مع شوميز بيض .. حد المرفق معري شوي من صدرها اللي بارز ..ببتسامه قابلاتو .. هازا دفتر المواعيد ..

سيف: بون انسة؟..

جاوبااتو بسرعة : هايتن ..

سيف:(تبسم) الوغ انسة هايتن .. كنظن انك جديرة تكوني سيكريتيرة الخاصة تاعي بما انك نجحتي فالمقابلة .. بونكوغاج مسبقا.. ملي عليا المواعيد تاع ليوم (ختمها ببتسامه لطيفة) ..

تبسمت ليه بلباقة هازا راسها بمتنان وكعربون شكر على ترحيبو

حدرات راسها لدفتر المواعيد كتلبية لطلبو ونطقات بصوت مهموس ..

هايتن: عندك امسيو غداء عمل مع وفد من تركيا على قبل الشراكه الجديدة بين شركتنا تي ال دابليو وبين شركة اس ام بلاك .. تاليه موعد مع مدير الفرع الكبير للمصرف الغربي ..

على قبل القرض اللي تقدمنا بيه للمصرف .. زائد عندك عشاء عمل مع سفير المغرب بنمسا .. (هزات عينيها) مواعيدك تاع اليوم اسيدي

سيف:(كيحك دقنو) لغي المواعيد تاع ليوم انسة هايتن .. اعتدري بالنيابة عليا من سيادة السفير .. واحجزي ليا ليلة تدكرة طيارة .. لرحلة للمغرب ..

هايتن:وخا امسيو .. دهاب واياب؟ ..

سيف:نو غي دهاب مزال معارفش امتا غنرجع لنيويورك ..

هايتن:اوكي مسيو سيف نهارك مبروك ..

حدرات راسها ببتسامه وعطاتو بالظهر خارجه ..

الحياة كلها مفاجأت عمرك تيق فيها ولا تعطيها نيتك .. تكون ضاحك فرحان ويا عالم امتاا تتقلب حياااتك لحزن ودمووع ..

وممكن تكون حياتك كلها الم وحزن وفرمشة عين تولي سعادة وفرحة واحلام .. لدلك على لانسان يدير ايمانو فالله .. هو المتحكم فخلقو وهو اللي بين يديه تغيير الاحوال ..

دازت يومين .. كل واحد غارق فمشاكلو وكل واحد فهمو ..

كانت جاالساا فصالون بلبسة تاع الخدم .. كتسناا محمد يدخل .. بعد يوومين من التفكير قررات دير خطوة في سبييل الله وفي سبيل دك الانساانه لمعدبة روحها المكبلة بالاحزاان ..

لكن القدر للان مزال مواقفش بصفهاا .. بااش يلاقييهاا بمحمد .. اللي يومين نهار بنهار كيجي لفيلا يبدل عليه ويرجع للمستشفى ..

على امل تحل عينييهاا وتشفق لحال قلبوو الحزيين ..

فنفس الوقيتا كان رؤووف جالس فبيتو فالظلمة .. هاز موس بين يديه وكيشرط فلحمو من جهة صدرو .. الدم ناازل لييه من صدروو بغزارة .. وبعيوون حااقدة .. كاارز على قبضوو يدوو اليسار وبيدو اليمين .. كيزييل لوشم ..

دارو تماك كتحدي لراسو .. بغاا يثبت بلي روح ملكية عامة .. ولا نقولو ملكية اخوية .. ليه ولخوه .. ومنين عرف بمشاعر خوه يا ترى .. ترااجع هدا علاش كيزيلو ؟؟ .. او ان هدي مكيدة من مكائدو واول باب ... لتحقييق وعدو لخو ؟..

سيف كان جالس فسيارتو الفاخرة من نوع اودي .. فاتجاه الفيلا .. يومين باش دخل للاراضي المغربية ..

وبعد تفكير طوييل عريض .. قرر يزورهم ويطمئن عليهم .. خصوصا على رؤوف اللي ديما واصلاه خبارو فالنوادي الليلية والحفلات .. ويومين هدي مخرج من الفيلاا مبان اثرو .. ومحمد فاخبارو كتوصلو اول باول .. قرر يدوز لفيلا يطمن علر رؤوف عاد يمشي للمستشفى على امل يقنعوو يرأف بديك المسكينة على قولو ...

اما محمد فكان فلكافيتيريا تاع المستشفى .. جالس فكرسي شاد فنجان ورقي .. وكيشرب لقهوة .. اللي ولات مكتخطاه مكتبعد منو هد اليومين .. جروح بدات تزيل نوعاما .. لحيتو بدات تكتااف .. لالم لجسدي بدا يزول .. لكن هل يا ترى لالم النفسي .. زاال؟؟ لا اظن .. فهو فهد اللحظة .. مثال يقتدى به لليتيم الوحيد والشرييد ..

وحدو وفعز كربتو .. خوتو اللي من لمفروض يكونو سندو .. كل واحد وفين غاطس .. محنووش فقلبو لبغاا يشكي ويبكي ..

تالف وحاير معارف مين يجيب قلب .. شاارد فندموو وتحسرو .. نادم وبعيوون حززينة مستنيها تفييق .. وكوون غي كاان ندم .. كيبدل الاحواال ..

كان جااالس حداها في كرسي ماسك يديها بزوج ..خاشيها وسط يديه ..

عينيه عليها منتاظرها تحلهم ..منين دخل حلف لا تزعزع ولا ناض ليهم ..بغا يكون هو الاول يشوفها من اتحل عينيها ... بغاا يغرق فسماء عيونهاا .. بغاا يرجع يشم عبييير انفااسهاا ..حط يديه على خدهاا كيلمسو بحنية بلور تاع يديه وبهمس نطق ..

محمد:طولتي الغيبة اعمري (تنهد) مكرهتش نرجعو لدارنا خلاص .. تصحي و ندي حبيبتي تسارا العالم كامل .. مانجيو حتى (باس يديها وتبسم) ..تكوني ساامحتيني ونسيتي الماضي كنتسنا داك الوقت .. ..

دبا تا حاجة ماغتوقف قدامنا .. في خبارك صارحت رؤوف بمشاعري؟؟ .. وقريب نقوليك حتى نتي خاص غير تصحي .. غانخليك تسامحيني وغانساو الماضي .. غنسا نتي بنت شكون ونتي غتنساي انا ولد شكوون .. غنرميو احزاننا وراانا ونفكرو فالمستقبل .. ووو

قبل مايكملها حس بيديها زيرات على يديه

تبسم وعيونو تحلاات بفرح همس ..

محمد :حبيبة فقتي؟..

زادت زيرات عليه بالجهد ..كرزات على عينيها و عاود حلاتهم كترمشهم بسرعة حارقها الضو .. وكمل عليهاا كلاامو عاود غمضاتهم و حلاتهم ..

كتأكد من المكان لي هي فيه صدرها كيألمها بالجهد ماقاداش تنفس ..حسات بشي حد مكرز على يديها .. عاود غمضات عينيها عرفاتو شكون .. غا من ريحتو الرجوولية اللي من ديما تقد تميزو بيها من وسط الاف الناس ..

دارت جهتو و شافت فيه ..بعيون دبلانة باقة تعبانة باس يديها و دموعو على طرف عينيه ..همس

محمد:لحمد لله على سلامتك الحبيبة ..وكون تشوفي شحال تخلعت عليك ..

بغات تهضر ماقداتش دايرين ليها القناع في فمها كتافات غي تشوف فيه وهو كيعبر و يقبل يديها فرحان ..هز راسو جهتها..

محمد:باش كتحسي؟كتضرك شي حاجة؟

حنات عينيها جهة صدرها و عاود شافت فيه تنهد بحسرة .. ونطق

محمد: نعيط للطبيب يعطيك شي مهدئ؟؟

بستغرااب شافت فييه مركزة فعيونوو لمليانين خوف عليها وبحناان بتسمات مغمضه عيوونهاا مهدنة دقات قلبها المتسارعة .. وعدرررته ..

وأعذرته لما تساقط دمعه .. ..ونسيت أياما بها أبكاني...وأخدته في الحضن أهمس راجيا .. .. جمرات دمعك أيقظت نيراني ..أتريد قتلي مرتين..ألا كفى؟؟ ..

فاغفر لي واشفق على أحزاني...لا صبر لي وأنا بعيد عنك...يامن يجرح كبرياؤه كياني ..

غمض عينيه مزير عليهم حابس دمعتو وكلمة وحدة على ففمو وهي منقدش ... بصح ميقدش فهد اليومين داز عليه العداب والجحيم ..مابقاش قاد يتحمل محمد الشخص القوي وبارد القلب .. واللي ماكانش كيهدوه الجبال ..

وكيوقف فوجه اي واحد .. وكيخاف منو كل من سمع سميتو ..

كيحس براسو مهزووم ومهدوود ومحطم قدامهاا ... دموووعو اللي عمرو فحياتو منزلهم .. دببا كينزلو عليها ..

صدق من قال ان الحب يلين الصخور ..

حس بيدين ناعمين في لحيتوو وصبيعات صغار وناااعميين كيمسحو دموعوو المنهامرة بحناان

..زاد غمض عينيه و كرز على يديها كثر ضامها وسط يديه .. خدا نفس عميييق وحل عينييه بألم نطق ..

محمد: كنبغيك ارووح كنبغييييك ..

عمري فكرت يوقع لي هكاا ولا نقول هد الكلام .. عمرني غكرت انو لبنت يالي طوول عمري كارهها .. وحاقد عليها .. غيعشقها قلبي .. وغادي يبكي دم لدمووعها .. ويفرح لفرحها ..

قلبي اللي ياما بغا موتك .. ليوم موتو بموتك وحياتو بحياتك ..

بستغراب شافت فييه كلشي مخلط علبييها وزاد ربكهاا بحنيتو ونظرااتو المغايرة ..

روح: اش وااقع ..

محمد:اللي وااقع هو ان قلبي كان غايسكت .. (غمض عينيه كارز على يديها) عمرك تعاوديها عمرك ..

تيقيني هد لمرة انا صادق ..مليت من لاحزان مليت مانكره ونحقد .. بيت نعيش فحال الناس .. بيت نخدم قلبي ونفي عقلي .. بيت نطبق اوامر قلبي ونكون معك نكون قريب ليك .. نعيش معك نكبر ونشيخ معك .. يكونو ولادي منك جنتي بقربك ..وبنفسك راحتي واماني .. بدفئك سري وحناني .. بيت نبقا قريب لقلبك (حط يديه على قلبها) ونسمع دقاتو اللي ينبضو باسمي ..بيت نغرق فتفاصيل عيونك لكريستاالية (قاسها عيونها بحنية) ونغرق فسماءها ..

كمل كلاموو ببسمة كيشوفيها هي اللي كاانت سااكتة بلا اي ردة فعل .. فقط كتسمع ليه وهازا عينيهاا للفووق .. وبقلة حييلة تنهدت ..

وشحاال قد القلب ميصبر .. شحاال قدو ميتيق ويتغاضى على الحقييقة .. كان قلبهاا البريئ اللي تيقوو هو سبابهاا حتى دخلاات لقلعتوو وبيديهاا رجعاات رااسهاا رهينة انتقامو وحقدو ...

واش اروح غاتخلييه يتلاعب بقلبك .. وبيديه يشتت مشاعرك .. ويعفس عليهم .. واش غاديري غلطة عام قبل .. وتيقي حبو ؟؟

هدشي لكان شاغل باالها قبل متحول نظرها لجهتو ..

بحزن شاافت فيه مكمشة ملامحهاا من حاالتوو .. وبقلة حيلة تنهدت ..

روح: علااش علااش هدشي ..(غمضات عينيها كترد النفس) علااش هد الكره كاامل لدرجة كتستاغل هد الوضع باش تخليني نتيقك علااش ..

محمد:(كرز على يديها بحنان) كنقسم لك .. وحياة عيوونك الى اصدق كلام قلتو لك فحياتي كاملهااا هو هداا ...

معرفتش معرفتش (تنهد حاط راسو على كرشها) متلومينيش ومتلوميش حقدي .. انا كاي واحد كيبغي عائلتو .. عاايش سعييد بين مو وباه وخوتو .. وفرمشة عين ..عالمو تشتت احلامو نهاارت وفرحتوو تلاشات .. متلووميش حقدي متلووميش كرهي ..لدرت ولكندير ميسوا والو قدام لدارت ماك فينا .. شتات عائلتناا .. (غمض عينيه فحضنها) خطفات رااجل من مرتوو ..

ومرتو مقدراتش تستحمل ... نهات حياتها بلما تفكر فولادها اللي تخطف لهم باهم ..

مقاالتش مع راسهاا ولادي غيبقاو يتامى ..باهم هرب عليهم .. خااص نكون انا باهم ومهم خاص نحميهم .. مفكراتش فهدشي قد مافكرات فكرامتهاا يالي نهانت مني تخلى عليها .. بيديها نهات حيااتها .. وللموت وهبات حيااتها ..

داك نهاار انااا مت معها .. حتى بديت كنساا هدك الراجل وبديت نسا وجوديو فحيااتنا بل لغييتو منها ونفيتو من بالي .. بمووتهاا فيقات معانااتي .. وزرعاات الشر فكياااني ..ولحقد تغلغل داخلي ..

ومن تماك واناا كندعي عليك نتي ومك فكل لحظة فكل تانية وكل دقييقة .. كنت عارف بلي هو وخلى علينا على قبل عشيقتو ..وعرفت بلي عندها بنت ..

تعدبت بزاف تألمت وبقاا فيا لحااال .. علااش يفضل بنت انسان اخر على ولادو ويربيهاا كيف بنتوو وحناا لمن دموو يلووحناا بلمااا يسقسي عليناا ( بدمعة حزينة نازلة من عيونو) ..

كانت كتبكي فصمت مخلياا راسو فوق كرشهااا .. وبحزن كتبكي .. وفاخر كلمة قاال كأنو برك على الجرح وحفر على لاوجااع .. زادت اهاتهاا وبصوت بااكي نطقاات ..

روح: شنوو دنبي هئ هئ شنوو دنبي فهدشي كاامل .. واش انا لقلت ليه يتخلى عليكم ..

واش بعدت باك عليكم واش انا لديتو من حضنكم ..

محمد:(مسح دمعة بيديه وباقي متكي راسو) مهمنيش تكوني درتي شي حاجه ولا مدرتيش بقد ماهمني نسرق فرحتك كيفما مك سرقات فرحتنا ..

مع المدة نسييت وتأقلمت .. تأقلمت مع وااقعي .. قرييت اجتاهدت وعمري ستسلمت ..حققت حلمي وخدمت ضابط..دك السااعة ... سهاال علياا نوصل لييه نعرف خباارو .. معرفتش واش هدا حبي ليه ولا كرهي وحقدي لعارف انو اخباارو كاانت حاجة مهمة عندي .. لكن عمري عرفت خبارك ولا شفتك كنقسم لك ..

كانت اول مرة نشووفك فالمستشفى .. ملي جابو ماك للمركز بتهمة محاولة القتل شفت سميتها وسميتو فالمحضر وعرفت اللي وااقع ..

كرهي غلب علياا وحقدي نتاصر .. مشيت عندو باش نحرضو عليهاا ويقدم شكوى ضدها كان هدفي نخليها فالحبس ...

غمضات عينيهاا كتبكي بألم وبصوت مسمووع ..

هز رااسو وبقلة حييلة شافيهااا منزل صبعوو بحنية كيمسح دمووعهاا .. تبسم وهمس ..

محمد:كانت اول مرة نشووفك .. عشقت نظرتك .. تهت فامواج عيوونك وببريقهم الكريستاالي تخدرت .. مكنتش عاارفك شكون نتي ولا اش جايا ديري .. لكنت عاارف ان كاانت قداامي حورية واجمل حورية .. ملااك فوق الارض .. بعيوون زرقاا حزيينة عطااتني بتساامه .. بيهاا قلبي دق نااقوس لخطر .. قلبي عشقك من اول نظرة.. وتعلق ب

بنظرتك من اول خطرةة .. لكن مني عرفتك شكوون وبنت من .. نفييت دقاات قلبي السرييعة جمدت قلبي لممكن يحن فييك .. وخدمت عقلي باش تطيحي بين يدي ..

روح: كنت تايهة ووحيدة .. وجيتيني بوجه الملاك المنقد .. (كتبكي بمرارة) تفليتي علياا وداعيتي البراءة قدامي ..تفلييتي علييااا و بصحرااء قلبك سجنتي قلبي .. خليتيني نتيق بلي بغيتيتي (غمضات عيونها) خليتيني نتيق بلي عاونتيني حينت عشقتيني ونتاا كنتي كتحفر لياا ولجحيمي ..

تنهد حاط جبينو على جبينهاا وبدمعة ندم حل عينيه مخليهاا نازلة فوق عينيها..

محمد:شنوو ندييير باش تنسااي كلشي .. غي قولي لي شنوو نديرر باش نمحي اي حاجه درتهاا معك من داكرتك .. شنو ندير باش نلغي وجود ماك وداك الراجل من حيااتناا ونعيشو هاانيين بلا كره بلا مشااكل ..

غمضات عينيها مخليا جبينو على جبينها جامعيين المهم ودمووعهم وانفااسهم ..

روح:للاسف تاحد ميقد يغير والديه هئ هئ لا نتاا تقد تلغي باك من حياتك لا انا نقد نلغي وجود ماما فقلبي وحيااتي .. حيااتناا ظلاام فظلاام .. حناا غير النااس حناا ممكتوباش لناا السعادة ..

محمد:منقدووش لكن نقدوو نرمييو احزااننا هااا؟؟ ...

ببتساامة كسشووفييهاا وبعيوون زرقااا حزيينة مترجييهاا تأكد هضرتو ..

حركات راسها بالنفي مخنووقة وصووتهااا مقطع من لبكاا الدمووع معمريين خدوودهاا ..

روح: ميمكنش هئ هئ (حركات راسها يمين وشمال) هد القلب (حطات يديها على قلبها) عاانى وعانى بزااف .. تعدب تكرفس وتألم ..تجرح من اقرب النااس لييه .. تعدبت بزااف ميمكنش نسا هئ هئ ميمكنش ..

بصدمة شاافيهااا وبحزن متبع بكااهاا ساامع شكااويهاا ومعاناتهاا و بدمعة سخوونة متبعهاا ..

محمد:(رجع حط راسو على صدرها) كنبغيييك تيقيني والله حتى كنبغييك كنوااعدك غانسييك فكااع هدشي كنوااعدك ..

حركاات رااسهاا بالنفي وبضيق نطقاات ..

روح: مبييتش نسااا ... (كتبكي بألم)هئ هئ بيت نبقااا عاقلة على كل مداز على هد الراس.. بيت نعقل على كلشي باش نتعلم درس عمري نتيق ولا نحني الراس .. هئ هئ ...

محمد:(زير عليهاا ودمووعوو ناازلين فوق صدرها) مديريش فياا هكاا .. ندمت تاشاب راسي .. وكون لقييت نرجع المااضي عمري كنت نفكر نأديك عمري ..

هزات راسها للسماا وبصوت مخنووق مألم نطقااات ..

روح:وكوون كاان يحساب ليا كوونت غنواافق على عرضوو ونلبي ليه رغبتوو .. ومنخلييكش تستااغلني وتستحمرني وبيديك تقتلني هئ هئ (بمراارة)

هز رااسو بستغرااب وبعيوون دابلة قرب لييهاا حاط شفايفوو على شفاايفهاا مغمض عيوونوو بحزن مخلي انفااسو قرييبة لانفااسهاا مقرب من شهقاتهاا الحزيينةة ..

محمد: رااني ندمت كنحلف ليك .. كنبغيييك وقلبي معدب لدمووعك .. (مسح دمعة من خدها) غي حني فيال وتيقي فياا هد لمرة كنوااعدك منخدلكش كنوااعدك (حط نيفو على نيفها) ..

روح:(بصوت متقطع) ص صعييب صعييب نتيق بل قلبي مل ميتيق ويتخدل .. بغييت نرتااح بغييت نمووت علااش علاش انا باقاا حية علاااش (بصوت عالي) علاااااش هئ هئ ..

هز عينو مركز فعيونهاا الدبلانة ببتسامة مرييرة قاابلهااا

وشحال خاايب تكون نتاا سبب الم اقرب الناس ليك .. وسبب جروحهم وبلسمهم ودوااهم هوو بعدك علييهم .. لكن قلبك لاناني ينفي فرااقهم وبقربك تبقاا متمسك بهم ..

__مكان اخر__

وقفاات اودي بلون لابيض فالراس تاع الشارع .. كان يلااه صبااح والشمس يلاه بدات تطلع خرج منهاا برجوولة .. ..لابس كوستار بلون لاسود .. من ديما كيعحبوو الرسمي وهو دوقو فلبااسو .. خرج داير نضاضر تاع الشمس خاشي يديه فجيبو وتمشا فاتجااه الفيلا ..

تحلات لبوابة اوتوماتيكيا بمجرد ماوقف قداامهاا .. داز من حدا السيكريتي لجالس فكرسي حدا الباب من لداخل.. عطاه بتسامه بشووشة قبل ميدخل ..

مخلييه ورااه مستغرب بل ممتيقش رااسوو ان محمد بتاسم لييه .. حك عيونو كيتأكد منو حاضيه بعينيه وفباالو حاجه وحده هي لباس لمغير وضحكة لضحك لييه وهو من نهاار توظف فهد الفيلا كيقاابلوو غي بوجه غاضب محامل حد ..

تمشاا ناحية الباب الرئيسي وببتساامه كيشوف فالحدييقة وقلبوو كيضررب .. توحش خوتو وتوحش قربهم ..لكن الاقدار دائماا مكتوقف ضدناا وهدشي لوقع مع هد الخووت ..

كانت جاالسا كتسنا محمد على امل يجي شادا لمفكرة مخبيااها بيديها ومزيرااها لصدرهاا . كيبقا تقلييد عليهاا .. شافت فالمنكر مخاصش تسكت علييه ..لا تريتها لا اخلافهاا بسمحو لها بهدشي ...

حولات نظرها للباب كانت خدامه اخرى كتحل .. جات عينيه فعيوونو الكريستاالية هو لكاان وااقف ببتسامه امتناان مقابل لخدامه لحلات علييه هاز نظاظرو فيديه ..

وقفاات بسرعة هازا معها المفكرة وفاتجاهو مشات ..

نور:سيدي بيت نقووليك شي حاجة ..

بستغرااب شاافيهااا وشير لرااسو بصبعو ..

سيف:معيااا؟؟

نور:ااااه اسيدي الموضوع كيخص مرااتك روح ..

هز حااجبوو ببتسامه بشووشة بغاا ينطق يقووليها ان غي غالطة وتشبهات بتوأمو حتى ستأنفات كلاامهاا ..

نور: وكيخص حتى خوك رؤوف وباك ..

سيف:(حرك راسو بالنفي) مفهمتش شكتقصدي ..

نور:( عطاتو المدكرة لكانت بين يديها حاطا على صدرها) قراا هدي وغاتفهم كلشي .. شفتهاا وقرييتهاا ومقدييتش نسكت على لمنكر ..

كمش وجهوو منزل عيونو للمدكرة ورجع هزهم فيها على اثر اخر كلمة سمع ..

سيف:المنكر؟..

نور:قرا اسيدي وغاتفهم .. هدشي مفيه ميتقال ..اناا براسي وحشمت نهضر فهد الموضوع .. (حدرات راسها) سمح ليا على تدخلي لكن هدشي ميبغيه لا الله لا عبدو..وبصفتك نتا كبير هد الدار فجيت عندك تلقا حل قبل متوقع معصية وتوليو فيما لا يحمد عقباه ..

(هزات عينبها) سمحلياا نمشي اسيدي لخدمتي ..

هز راسو بالايجااب ونزل عيونو للمفكرة وفبالو خاجة وحده المنكر والمعصية ..

محمد هو ملاكي المنقد هو الشخص يالي بغا روحي وضحا على ودي .. هو سندي من بعد الله فهد الدنياا .. انا فرحاانة بزااف ليوم ماما غتخرج من الحبس .. واخيراا غانرجع نعنقها كلشي بفضل محمد كلشي بفضلو .. ..

هو خرج ما من مشكل كبيير معرفتش شنو وقع بينو وبين عبد الرحيم .. .زعما باش قنعو باش خلاه يتنازل على الشكاية؟؟ مكيهمش لمهم هو ان ما ليوم غاتخرج .. انا فرحاانة بزااااااف ..

مكنتش كنظن ان دك النهااار يالي ضنيتو اكفس نهار فحيااتي هو اجمل واروع نهاار .. ديك المستشفى فين تهانت كراامتي .. هي فين لقيت رووحي .. واستعدت سعادتي .. هوو عاوني بلماا يعرفني .. عاون ماما بلما يعرف سبب لخلاها ضربوو .. هو انسان مزياان وكنتمنى يكون من نصيبي ..

للاسف احببته فكان شيطان مخيق يثقن ارتداء الاقنعة .. ببراءة قلبي انحنيتو لقيود عشقك .. وها انا دا ادفع ثمن ثقتي وحبي لكبيير .. ليوم محمد اعترف ليا .. ليوم زال قناع الملاك ياللي وهمني بيه .. يااااه لهد الدرجة كيكره انسانه عمرها عرفاتو؟؟

لدرجة يمثل الحب علييها .. ويخفي حقدوو وبوجه العااشق الولهاان يستدرجهاا لجحيمو ..

اعترف ليا بلي زواجو مني ماهو الا خطة منو باش يكسر كبريائي .. يا ترى نهار يعرف ان كبرياائي مكسور وتحت رجليين باااه مرهوون .. شنو غتكوون ردة فعلو؟؟ مكيهمش .. للاسف مبيقيتش كنتصدم من حتى حاجه بكثرة متخدلت فالنااس ..

ولييت كنقرف من رااسي بزااف عفت رااسي .. كنلقاه فبالي فاحلاامي طيفوو الخبيث ديماا معياا ومراافقني .. الدكتورة كان عندهاا الصح انا قفلت على راسي فالمااضي .. حتى ولييت مهووسة بشي حااجة سميتهاا الحزن .. مكرهتش نفش قلبي ونقوول ل محمد كلشي غانحكي لييه على بااه وفعاايلو .. وغانقولييه بلي عقدني فحيااتي وبلي عيشني فكاابوس وخلا اطلال من الكواابيس ملاحقااني .. مكرهتش نهضر ونقولييه خووك لمن دييماا كضحي على ودوو .. مهمووش شرفك وكيتعدا على ممتلكاتك .. اكييد مايجي نهاار وتعرف كللشي ... كنتساائل شنوو غيكوون ردك؟؟ ..

غاتصدم انا متأكدة وهدشي لكيخليني سااكتة وكااتمة وجعي ..

كنتمنى ماما تصح .. فاقرب وقت غادي نمشيو انا وياها بعييد بعيد على كاع الناس لكيكرهوونا .. بصح حبي لمحمد كبيير ولو راه حب من طرف وااحد .. لكن كراامتي عندي اهم .. صبري وسكووتي على قبل ماما .. وغير تصح غادي نخرج راسي من هد الجحييم .. هداا وعد وااعدت راسي بيه وغانوفييه ..

جالس فالحدييقة فوق كرسي بلون لابيض وحاط يديه على طبلة بيضاء خشبية .. وكيقرا لمفكرة بصفحة بصفحة وبألم باين فعينييه تنهد بااسى بصوت مهمووس نطق ..

سيف:شنوو درتي اخوياا شنوو درتي ..

هز عينو مركز فعيونهاا الدبلانة ببتسامة مرييرة قاابلهااا

وشحال خاايب تكون نتاا سبب الم اقرب الناس ليك .. وسبب جروحهم وبلسمهم ودوااهم هوو بعدك علييهم .. لكن قلبك لاناني ينفي فرااقهم وبقربك تبقاا متمسك بهم .. ..

محمد:(حل عينيه شاد وجهها بين يديه) ششش صاافي متبكييش ..(كيمسح خدها) رتااحي

روح: شنوو وقع ليا ..

محمد:(تنهد) شنو داك لجهة لبيسين؟؟ شنو نزلك ليه؟؟ ..

ضورات وجهها وبتوتر حولات عينيهاا وشنوو تقوول لييه .. فواحت اللحظة انهااريت وقررت نهي حياااتي؟؟ شركت بلي خلقني وكنت غنقتل روح تاع الله نسيت قوله تعالى " ولا تقتلوا النفس التي حرم الله الا بالحق" كنت غادي نعصا الله بسبب طيشي وقلة صبري ..

روح:زلقت كنت دايزا من تماك وطحت (تنهدات)

شكوون دار فيك هد الحالة (عينيهاا فالجروح) ..

محمد: ماااشي مهم ( بفرحة) متشغلييش باالك ..

روح: (بتوتر مبدلة لموضوع) علاش قلبي كيضرني حاسة بيه مزير بزااف ؟؟

تنهد بحززن شاد يدييها بين يديه وبسرعة وقف مخبي دمعة خانتوو كيقادليها فالمسند ويمسحها بكف يدو ..

محمد: واالو غي رتااحي غيير دخل ليك لما لريتك ..

روح: قلبي لكيضرني ماشي ريتي ..

محمد:(تبسم) رتااحي (مرر يدو على شعرها) غانمشي عند طبيبة تاعك .. ناخد معلومات على حالتك ونعلمها بلي فقتي تجي تكشف عليك

وقف ببسمة مصطنعة حاط شفايفو على جبينهاا وبحزن مسح على شعرها ومشا فاتجاه البااب ..مخلييها متبعااه باستغرااب من حنيتو المفاجأة ومن اعتراافوا وكلاامو .. تيق متييقش .. كاانت بين زوج طرقاان مظلمين وعاامرين شوك وبزووج ممعروفااش نهاايتهم .. كيخص تاخد قراار اما طرييق الثوبة اما طرييق القصاص .. واش تنفد اوامر عقلها لكيقوليها لحن يتمحن .. وكل مخطئ ..له قصاصه ولا قلبهاا لكيقوليها الى الله بعزة جلالو غفوور رحييم شكوون نتي حتى متساامحيش شكوون..تنهدات مطوول حطاا يديها على صدرها من جهة ليسار كتمسدها هازا عيونها للفوق وبحزن كتفكر

كاان كيمشي ويجي بغضب .. دايرين لييه لمينوط ليديه هو وبعض المسجونين فحالو ..كل واحد وفين جالس الا هو كيضور تماك بغل بثيابو المتسخة ولحيتو الللي نوعاما كبييرة .. ووجهوو اللي توسخ .. عيونوو شبه مسدوودين وحمريين الظاهر سكراان .. هز راسو فالشرطي لواقف عند الباب وهضر بتكبر ..

عبد الرحيم: بلاتي يجي ولدي ..ونوريكم تجيبوني انا كالمجرميين .. فرااسك انا شكوون ..

الشرطي:سير جلس فبلاصتك حتى يجي الشاف ويحقق معكم ولا نزلك تغلاصا..

عبد الرحيم: انا رااه موظف حكومي ساابقا كتفهم (بثماالة) رااني كنت الوالي تاع المديينة (بصوت عالي ) كتفهم ..

الشرطي: حتى انا راني هو اوباما..سير جلس فبلاصتك قبل منجي نخلط الواليد سير محدي مراعي لسنك وتبت فحال صحابك..

عبد الرحيم: نتا ضربني انا؟؟ انا راه والي المدينه السابق كتفهم انا عبد الرحيم الصديقي وولدي هو العميد محمد الصديقي كتفهم ( بصوت عالي) اناااا غنغبر ليك لاثر بكلمه مني ..

الشرطي:(طلع ونزل فحالتو) سير جلس راك فعمر لواليد ومبيتش نحط عليك يدي..

شاف فواحت الشرطي دايز ونطق ..

الشرطي: وااش غي اللي هارب من 36 كتجييبوه لناا؟؟ ..

جاوبو الشرطي لاخر حاط يديه على دراع عبد الرحيم جاارو ناحية باقي المسجونين ..

الشرطي التاني: راه سكرو تاعياو وبداو يهرسو فطموبيلات فواحت لباركينغ خلي تايجي شااف ..

عبد الرحيم: واهااد الشااف دياالك اناا لواالدوو كتفهم .. وهداا لهبييل لقداامك كاان مسير مدينه على قدهاا .. ..

الشرطي:غاتهنيينا ولا نزلك لبنيقة ؟..

سكت بغضب حاادر رااسو مقرب من صحاابو لجااو معااااه واللي جاالسيين كلهم فالارض بثماالة معااقلين حتى هماا فين هو لوحييد فيهم لباقي شااد فرااسوو وعاارف شكون هو .. قرب من صاحبوو وعضر فودنييه ..

عبد الرحيم: مصطفى ياك اناا عشيرك؟؟ ..

هز فيه رااسو .. كان رجل خمسيني ببشرة سمرااء مايلة للسواد ..وشارب اسوود متخللو بعض الشعيرات البيضاء وقرع من راسوو وكرشو خارجة باختصصاار .. الطيوور على اشكالها تقع .. والخبث مع الخبث ..

مصطفى:وايلي وااش بااقي غي كتسوول وراك عشيري وبا وصاحبي (بثمالة)

عبد الرحيم: لطلبتو منك غديرو؟؟

مصطفى:طلب عيني نعطيهم ليك ..

عبد الرحيم:(عنقو خاشي راسو بين يديه المكبلات مبتسم بشر) مابيتش عينيك بيت يديك (شدهم ليه) هدو خاص يضربووني (تبسم)

مصطفى: (بصوت عالي) وبرررب تانقطعها قبل ماتحط على الوالي تاعناا ههه

عبد الرحيم: عطييني ودنك وعقلك اصااحبي .. طاحت فبالي فكرة باش نخرجو من لحبس وحتى من زلطا..

بستغرااب شافيه وتبسم ..

مصطفى: نخرجو من زلطا كاع؟؟...

عبد الرحيم: انا بات شكون؟؟

مصطفى: هه بات ولادك

عبد الرحيم: ودير معيا عقلك ( تبسم بخبث) ولدي شكوون ..

مصطفى: الكوميسير..

عبد الرحيم: اوا الى تضرب بات لكوميسير؟؟ اش غايوقع؟؟

مصطفى: (غمض عينيه بعياء) ومالي انا كنعلم الغيب

عبد الرحيم:طول عمرك مكلخ (قرب منوو مبسم بشر) سمعني .. دباا حنا الى مفكرنااش بعقلنا غنمشيو فيها لقليييلة واحت ست شهور.. تقد تعييش بلا شراب ست شهور؟؟ انا والله منقدر ..

مصطفى: ايه والحل

عبد الرحيم: فجييبي من جيهة ليمن كاين موس (قرب حدا ودنيه) غادي تمد يديك لجيبي وتهز لموس

مصطفى: وناري قفاارت كناا فنمشيو ست شهور ولينا غنمشيو فعامين هاز موس معك؟؟ والى قلبوك ولقاوه؟

عبد الرحيم:هدشي علاش انا قلت لك محتاج ليديك (هضر بهمس) غادي تهز لموس وتضربني بيه كتفهم؟؟

مصطفى: (تفوه ) لا نتاا تلحس ليك دك لغرام دلعقل لخللت لك بنت مرتك

عبد الرحيم: وياك تجبد روحي على فمك كتفهم..

مصطفى: وصافي ابا عبدو (غمض عينيه) نعس وخليناا نعسو..

عبد الرحيم: (بصيغة امر) هز لموس وضربني (غوت فوجهو بصوت خافت) يلااه..

مصطفى: واش ناوي ديني مؤبد خليني نعس(غمض عينيه) وبحق العشرة سير تنعس خلي هد نهار يدوز على خير..

قرب منو دافع رجليه لجهة يدين مصطفى لمكبلين مقرب جيب سروالو ليهم.. وبامر غاضب نطق ..

عبد الرحيم: بيميني ومتهزوو تا نقلب على طاسيلتك ومن ليوم متعرفني منعرفك..

مصطفى:والى قتلتك؟؟ يغبرولياا شقف انا ياك؟؟ منبقااش فيك انا عشيرك؟؟ نتاا تمووت وتهنا وانا نمشي لبنيقة على اخر يامي..

عبد الرحيم: مغانموت مغتشد ضربني ضربة خفيفة انا غادي نبقا فولادي ويضورو معيا ونتاا غنخرجك منها كون هاني (تبسم بشر)

مصطفى: يااك نتاا تبقاا فولادك ويخرجوك منها وانا يغبر لياا شقف؟؟ مصدقتييش العشير..

عبد الرحيم:(غمض عينيه كاتم غضبو فبتسامه مصطنعة) خدم عقلك الى تضربت ضروري متوصلهم لهضرة ودك سااعه غيجيو يجريو عندي وغيعطيوني لفلوس وغنبرع العشير ..(تنهد) رااه خااصني ففلوس باش نلقا روح كتفهم عام وهي غابرة علييا ..(غمض عينيه مستأنف كلامو) عام وقلبي محرووق بيت نعرف فين هي بيت نعرف خبارها بيت نشووفهاا (قرب منوو بخبث نطق) خااصني لفلوس لهدشي ولفلوس غيعطيوهم ليا غي دوك لمساخط وحيت مكيحملونيش كيخصني نبقا فيهم عاالله يحنو فيا ويعطيوني شي حاجة وديك الساعة شراب على حساابي العشير..

مصطفى: نتا تقلب على بنت مرتك وانا فين غنشرب هد الشراب فعكاشة ياك؟

عبد الرحيم:(غمض عينيه بقلة صبر) قلت ليك غنخرجك منها وااه

مصطفى: كلمة درجاال ؟؟ غاتخرجني ..

عبد الرحيم: واايلي تانتاا ومالنا برااهش صافي كلمة هي لكلمة

حدر راسو بقلة حيلة مراضيش على هدشي لغيدير لكن هضرة عبد الرحيم ضارت فباالو وكل كلمة قاال عندوو فييهاا الحق هما بصح فهد اللحظةة معندهم فلووس وماشي بعييد يتشدو شهوورا فالحبس هز حااجبوو كيفكر لقاا بلي حيااتو فالحالتين ضااايعة يا ربحة يادبحة شااف ف عبد الرحيم ونطق ..

مصطفى:سير عاالله ..

---مكان اخر---

احسااس الوحدةة كيقتل بزااف .. كنحس براسي وحيدة فهد الدنياا تمنيت لوكان عندي اخ .. اكيد غايحمييني انا متأكدة .. غادي يديير لمستحييل ويعتقني . وميخلي ليستغلني تمنييت لوكان عندي تمنيت وتمنييت بزااف ومتحقق وواالو .. كنظن العداب مكتووب ليا فقدري ومصيرري فهد الدنياا الحزن الهم والدمووع .. ..

نقطة ضعفك الوحييدة اروح هي مماك .. .. معندك غييرهاا ويستحييل تفضلي سعاادتك على صحتها ..

فالاخير كتبقاي نتي سبب فحاالتها .. لوو مقلتيش لها على فعاايل راجلها عمرها كانت غاتوصل لهد الحاالة .. تيقااتو لدرجة كبييرة بغااتو واحترمااتو وكبرااتو فعينيها لدرجة مقدرااتش تحمل تشووف وجهو الحقييقي وتعرف طيينتو عقلها مستوعبش وطااحت مغمى علييها ..

دك نهاار كنت فرحاانه بزااف بعد عشرين يوم وهي فالسجن محمد قدر يخرجها بشي طرييقة معرفتش شنو قالي رااسي فديك اللحظة حتى قلت لها على كااع فعاايلوو واش كنشكي عليها ولا كنعاتبها حينت دخلاتو لحيااتنا؟؟

معرفتش وماشي مهم نعرف فالحاالتين مغايتبدل واالو وحقييقة وحده مراافقاني وغتبقاا فباالي ان كلاامي داك النهار كسر ماما وجرحها لدرجة كبييرة متحملااتش هضرتي مستوعبتش دموعي وفرمشة عين بين يدي كاانت منهاارة ..

محمد هو حب حيااتي انا محظوظة حيينت ربي لقاني بيه .. كنتخيل لوكاان متلقيتوش كيف غاتكوون حالتي؟؟ مكنتصورش ..

للاسف ماما جاها شلل كلي بسبب السكتتة الدماغية ..

كنحمد الله حينت طول فعمرها ونجات منها .. ليوم محمد طلب مني زواج .. انا فرحاانه بزااف .. مشاكلي بشوية بشوية كيتحلوا .. بقالي حلم وااحد هو ماما ترجع لها صحتها وترجع كيف كاانت ..

اكيد غترجع كيف قبل محمد دااير جهدو ومكلف بمصاريف علااجهاا .. انساان قلبو حنيين وراجل وقف معيا فعز محنتي وعمروو طلب مني لمقاابل بلعكس .. عطااني مكاانة خاصة فقلبوو والدلييل بغا يربط اسمي ب اسمو طوول العمر .. ..

ليتها تلك الشمس لم تشرق داك اليوووم ليتني لم اثق ليتني لم احب .. ليت احداا اوقفني .. لم اكن اظن لوهلة ان ملاكي شيطااني سيكوون .. لم اكن اظن ان حبي له قيد حول عنقي سيكوون .. كنت وطني واماني .. كنت سري واسراري . كنت ايماني وشغفي .. كنت ابي وحبيبي الغالي .. كنت سندي وعشقي .. وكنت فريستك وضحيتك ..

لم اكن اظن ان محمدا هكداا قلبه؟؟ اين هو حبك ؟؟ اين عطفك على صغيرتك؟؟ اين دفئك الدي لمسته بقربك .. هل اصبحو سراب ام انهم كانو سرااب وانا من كنت اتخيل؟؟ ...

كل وحده فيناا كتشوف راجل يالبغا قلبهاا هو توأم روحهاا ومصدر سعاادتهاا .. كنت كنشوفو اطهر من انو يكوون ملااك كان سندي بعد الله

فحال فاش كتكوون فطرييق مظلم وحدك لا صديق لا رفييق كيكوون سكاات ولحس مقطووع فقط الظلام ضاير بيك .. وكيجي ملاكك وسط الظلاام ويمد ليك يدييه فاتجاه النوور ..

انه يخرجك من الظلمات لنور شااعل شمعة من لحب مضويا قلبك بحنان

كتحس بلي راك مبقيتيش وحييد الخوف والرهبة كيتلاشااو وكيولي هدا الشخص لنهاا ظلاامك ونشر النور فحيااتك هو كل حيااتك ..

واش نقدر نقتل حيااتي؟؟

كنت غانديررها .. كانت صدمة كبييرة لياا بزاف انني نتخدع ف محمد ..

للان مزال ممتيقااش بلي كلشي تمثيل كلشي كدووب .. ليلة عرسي اللي مفرووض تكوون اسعد ليلة فحيااتي بفضلو ولات اتعس لحظة مرت علياا .. عمري كنت نتوقع نتعرض للاغتصاب من طرف ملاكي .. قمة التنااقض من بعد هدشي علاش مزال كنقول عليه ملاكي؟؟ معرفتتش؟؟ ..

ديك الليلة محفورة فداكرتي للان .. بها خلاني نتأكد بلي الابن صورة طبق الاصل لباه هما فالاصل وجهان لعملة واحدةة .. خطط وعرف يخطط كان دكي بزااف اول خطوة فانتقامو انه يمثل علياا دور العاشق .. تاني خطة يخرج ماما من السجن باش نتيق حبو ونتيقو .. واخير خطة زواجي منوو ..

دار بزااف باش نتيق حبوو وملي تيقتوو كانت خطوتو لاخيرة هي زواجنااا وبيه غادي يكمل انتقاامو ..

كنتسائل علاش حاقد علاش غاينتقم شنوو خديت منو؟؟

خديت منو الهم الحزن والخوف .. كينتقم على قبل باه اللي فالاصل عمرو كان اب ليا .. من ديماا كان شيطان بالنسبة لياا .. شيطان ستاغل براائتي وطفوولتي .. كنت برييئة وستاجبت للمساااتو كنت كنظن رااني معنقة بابا رااني فحضن اب كيخااف عليبا ..

مع لمدة وليت نشووف صديقااتي فالمدرسة مع ابائهم وكنقاارن لمساتهم معهم.. وكنتسائل علاش بابا اناا مكيبسونيش فخدي انما ففمي .. علاش فكل كلمه كيقولها لياا كيلمسني ويدو كيوصلو حتى لبلايص محرمه علااش؟؟

كنت كنتساائل علاش كااين فرق فتعاملوا معياا فاش تكون ماما وفاش نكونو وحدناا ... علااش كنكوون فبيتي وكيجي يسدلياا فمي ويلمسني ويتجرأ يحط يدوو علياا؟؟..

اسئلة بزاااف كاانت محيرااني .. مع لايام مع السنين مع نضجي بدييت نستوعب الحقييقة المرة اني طوول فترة طفوولتي كنت مخليااه ينهش كراامتي وبيدييه يعفس على براائتي .. ..

عرفت اهداافو الحقيقية بعدما فات الفووت .. بعدماا خلييت يديه الملوثاات يوسخووني .. ويوسخوو شرفي..

حااربت بزااف بااش نحاافظ على شرفي .. الشررف هو الكراامة هوو كبرياء الانثى حاربت بززااف باش منخسرووش فالاخيير خسرتووو فلييلة زواجي ومن طرف اقررب انساان لياا ..

ديك الليلة تغااضييت على اهانتوو واعتدائوو سكت كتمت المي وبكيييت اقتاانعت بلي راه راجلي وخداا حقو ولو انو خدااه بالقوة . .لكن قلبي بغاا يساامحوو امكن .. ولا بغاا ينساا ف خداا ليه زواجناا كعدر ..

بحزن قللب الصفحة حاط يدو على خدوو ومركز مع كل كلمة قرااهاا بنظرة رؤوفة شااف فالمدكرة وقلب اخر صفحة ..

رؤوف انساان خبييث خبثوو كيضاعف خبث محمد .. محمد على لاقل كيهينني وميخليش ليهنيني .. ستاغلني اه لكن ميخليش ليستاغلني.. كيكرهني وفنفس لوقت كيحمييني .. كيكره ماما فنفس لوقت كيعاالجهاا

لكن رؤوف انسان اناني وقااسي بزااف مكيهمووش خوه كنظن كيبغيه ااه مي ماشي كتر من رااسو .. لوكان عندي خويا كنت غادي نضحي بالغالي والنفيس باش يكوون سعيد لكن رؤوف ممكن يضحي بمحمد باش هو يكوون سعييد .. علاش ملي يكون محمد مكيهزش عينيه الخباث فيا؟؟

وعلاش ملي نكوون وحدي يطاول عليا؟؟

وااش حييت سمحت ليه يتمادى بسكووتي ؟؟

واش الزمن كيعيد نفسوو؟؟

نفس الوضع نفس المصير ونفس الضحية الفرق هو اختلاف الجاني والوقت والزمن ..

كنت نسكت على قبل ما ونكتم بشاعه راجلهاا ونهاار هضرت خسرت ما ..

خسرت صوتها وهي كتعيط لي بسميتي بكل حب خسرت حنيتها وحناانها خسرت بزااف كتر من لربحت ..

يا ترى سبب سكووتي دباا هوو خاايفه نخسر محمد ولا خاايفاا نخسر لباقي من كرامتي؟؟

بزااف دالاسئلة بلا جوااب .. بزاااف دالجرووح بلا بلسم .. بزااف تاع الدمووع بلا يد حنيينه تمسحهم .. بزااف تاع التضحياات يا ترى غادي يجي نهاار وناخد جزااء تضحيتي؟؟

غايجي نهاار ونلقاا الشخص يا اللي مممكن يخرجيني من الظلماات للنور؟؟؟؟؟ كنتمنى ...

حدر رااسو باسى ساد عيينيه مخلي دمعه حزيينة ناازلة على خدو معبرة على ندموو وقلة حييلتو ... هز رااسوو فسماا بترجي كأنو كيطلب الصفح من الواحد الاحد ..

هو بصح كان جباان ولا نقوولوو كان خبيث فحال خوتو كان عارف مخطط محمد وعاارف اهداافهم وستغلالهم لديك البنت البريئة لكنو مفكرش يهضر ولا يعارض مداافعش علليهاا محمااهااش موقفش محمد عند حددوو ممنعووش من اديتهاا انماا نسااحب وهدشي اللي الموو كتر وشحاال صعييب تحس برااسك صغيير وفقدتي حس الرجوولة بينك وبين نفسك..

وقف بعصبيية بمجرد ماتفكر رؤوف هاز المفكرة فيد واليد التانية جامعها على شكل بوكس وقد ما كان الالم منتشر فعيونوو قد ماا احتل الكره والحقد بل لاشمئزاااز اموااجهم .. فاتجااه المدخل الرئيسي للفيلا خرج من الحدييقة ..

كاانت نوور كتشووفيه واقفا حدا البااب وكتفرك يديهاا بتوتر عارفا هد لخطوة لدارت ممكن دفعها ثمن غالي لكن ميهمش لمهم هو لانساان يكوون صاادق فحيااتو .. داز عليها سيف كيف الثور جامع قبضو يدو بعصبية زادي حجباانو وبرااكيين من الغضب كتخرج من عيونو .. وقفاات قدااموو بخووف حااضياا تعاابير وجهوو وبقلة حييلة هزاات رااسها فييه مخلياا صباعها بين يديهاا ..

نور:سمحلي اسيدي حيت قرييت هدشي مكنتش قاصدة ..

بغضب ماالي عيينيه شاافيهاا هاز رااسو بالايجااب كارز بيد على لمفكرة ويد جاامعهاا جاوبهاا بصوت خشن متخللاه درات غضب متشكلة فنفسو المسمووع وفنظرااتو الثاقبة لها ..

سيف:فين هو رؤوف ..

نور:فغرفتو اسيدي ..

هز رااسو ب اه وكمل طرييقو فاتجاه الطابق العلوي حتى وقفااتو بصوتهاا الرااجف من غضبوو ..

نور:سمحي ليا اسيدي نسولك لالة روح كيف بقاات ؟؟

ضار عندهاا بملامح خالية من اي تعبيير وكمل طرييقوو طالع فدروج مخلي كلمة وحده فودنهاا لايحها لها بصيغه امر ..

سيف:هدشي لقرييتي تا مخلوووق ميعرفووو كنحدرك ..

هزاات راسها بتفهم تابعاه بعينيهاا طالع فالدروج كيزرب ..يلاه غادي تضور فاتجاه المطبخ حتى كمشات ملامحها بستغراب ..

نور: صوتو كأنو مغير ولا كنتخيل .. (تبسمت)فجمييع الاحواال ليووم ليلتك اسي رؤوف خوك عرف فضيحتك الكلب (حولات عينيها لجهة الدروج) ضرووري منعرف اش غيقولو ضرووري ..

فاتجاه الدروج تاهي مشات بخطواات خفييفة ملفته للوراء ليشوفها شي حد .. قلببها فرحاان حيت واخيراا قدراات تعاون روح وحيداات تقليد كان متقل عليها ..

كان جالس فوق النامووسية متكي على ظهروو بصدرو لعرياان داير ليه فاصمه فبلاصه لوشم وفضلام حاط قبضة يدو ففكو وكيفكر قااطع داك السكووت صوتو الههاايج وهو كيقلب ب بيت ب بيت وبصووت غاضب كيعيط باسمو ..

سيف:رؤووف ..رؤووف (بصوت عالي) فيينك الكلب

هز حاجبوو بستغرااب ناض من فوق الناموسية لابس سورفيت بلكحل وكلاكيط كحلة بنفور توجه لدريسينغ هز تيشورت فلون الابيض كيلبسوو .. حتى تحل علييه لبااب بعصبية كمل لباااسو نااوي يغوت حتى كيلقااه قدااموو .. هاز يدين لكوستار وشوميز تالمرفق وراخف الغرافات وبعصبية كينهج وبعيوون غااضبة رااامقوو مخلييه مستغرب من نظرتوو ودخولوو المفاجئ ..حدر تيشورط وقرب منوو حاط يديه فجيب السورفيت وبستفسار شاافيه.. مزين بوجهوو ببتساامه ميستهزئة

رؤوف:يااهلا ويا مرحباا بخويا لكبير سيف الدين ..

سيف : على لاقل قادر تميز بين خووتك؟؟..

رؤوف: هممم (قرب منو خاشي يديه فسورفيت) اكييد ما حناا خووت واكيد مغنقدر نفرق بيناتكم .. (جلس فوق الناموسية) يا ترى شنو فكر سي سيف بخوتو ومن بعد عام جاي مهجم علياا؟؟

سيف: كتقد تفرق بين خوتك (بغضب وبصوت عالي) ومتقدش تفرق بين حاجتك وحاجت خووك؟؟

بستغرااب شااف فيبه محرك رااسو مستهززئ من هضرتوو ..

رؤوف: بلا الغاز تاني .. شنو جابك اخوويا الكبير ؟؟ اللي قاابل حيااتو ونساا بلي عندوو خوتو شنوو فكرك فينا؟؟؟

بغضب دوز يدو على فروة راسو معصب من بروودوو وقسووحية رااسو ومن بتساامتوو المستفزةة..

سيف: شنوو بينك وبين مرت خوك( سولو بمراارة متمنيه ينفي كل ما قرااه ببصيص امل كيطلب منو يقول لا)

رؤوف: روح وازواجهاا ههه (تكا على الناموسية) هاد روح خرجات لكم لعقل .. كلشي كيدوي عليها ..

سيف:(بصوت عالي) شنووو بينك وبينها ..

رؤوف:(غمض عينيه متكي فوق الناموسية) مزال لحد للان مي فالقريب غايكوون بيناتنا (ختمها ببسمة خبيثة) ..

بصدمة شافيه محول عيونو بمراارة للمفكرة وفتانية رجع عيونو لييه مخلييهم متحوليين متشكليين بين الالم الخدلاان والغضب المتمتل فنظرااتوو لييه هو اللي كاان ناعس فوق الناموسية وبستفزااز ساد عينيه ..باستأنااف غمض عيونو ونطق..

سيف:غير كضحك معياا ياك (كملها حال عيونو بنظرة مترجي منوو ينفي كل كلامو)

رؤوف: (ببرود) خرج وسد لباب غبرتي تا غبرتي وجاي على قبلها تانتا .. (بصوت عالي) كلشي كديروه على قبلهااا واناا خووكم نسيييتوووني (بصوت اعلى من لاول) خررررررج ..

قرب منو بغضب راامي المفكرة من يديه وبنطرة لاح الكوستاار ووبعصبيية فاتجااهو مشاا.. كان مغمض عيونوو وببروود كيتسنااه يلبي طلبوو ويخرج محس برااسو حتى كاان شاادو من دراعوو منوضوو وبقبضة قووية لاوي ليه يديه مقرب فمو من ادنو ..

سيف: كفااش قاادر تهضر ببرود .. وااش كتهضر بهد الطرييقة على مرات خووك على شرف محمد ؟؟ محمد خووناا خوونا (عاودهاا متفاجئ مستنييه يكدبو)

رؤوف: طلقني (كمش وجهو متألم ) طلقني ولا غنسا راك خويا لكبيير..

سيف:(زير عليه كتر) كفاااش قاادر تحط عينييه على مراات خووك الكلب .. (بنفور دفعو) هااا كفااش؟؟

شد يديه بعنف وبغضب حول عيونو منهم لعيون سيف..

رؤوف: خرج عليا (هز صبعو ناحية لبااب) خرج علييا ومتعتبش عندنا مزاال رجع مين جييتي رجع ومدخلش فينا (بصوت عالي) كتفهم ..

طرطق عنقوو بعصبية جاامع قبضة يدوو وبمجرد مكمل كلاموو شنق عليه مطيحو فالارض كيضربو

سيف:( عطاه بوكس لعضلات بطنو) كتحط عينيك على شرف خووك الكلب هاا!! ( طلع فوقو وبغضب جامع يديه بزوج على عنقوو خانقوو) هداا هوو خيروو الشماتة هكا كتجاازيه على خيرو معك الكلب كتلعب بشرفوو الكلب ..

كاان هااز يدوو بضعف كيحااول يضرب سيف لكان معمي بعيوون مالينهم الغضب جالس فوقو وبكل قوتو خاانقو بيديه..

رؤوف:( هاز يديه فاتجاه وجه سيف) ط طططلق خ نقتيني طلق..

سيف: (بغضب) كفاااش قدررتي .. كفاااش فهمنيي فهمني كفااش عطاك خااطرك تشوف فوجه محمد .. كفاااش درتي هدشي ف خوونا محمد (بتسائل كارز على عنقو) هو لداار لمستحيل على قبلك كان بااك وسندك .. تحمل مسؤوليتك واغلااطك.. طيشك واستهتااارك تحمل لخاص يتحمل باك ونساا بلي دمك من دم باك الخبيث واكييد مواحد فولادو مخص يطلع نسخة عليه ..

شافيه باسى وناض من فوقوو عاطيه بظهرووا وبقلة حييلة بمعالم حزيينة نطق ..

سيف : علاش مرت خووك من بين كلشي (ضار عندو) علااااش (بصوت عاالي) علااااااش..

رؤوف:كحح كحح حتى نتتاا كداافع على بنت ديك المرة كحح حتى نتاا ..

سيف:(شد فروة راسو كيمشي ويجي) ومزاال غازاايد فيه (بغضب) ولووو تكوون بنت ديك لمرااا كتبقا مرت خوووك وعليك تحتاارمهااا كتفهم لاحترااام هديك شرف خووك الكلب (شافيه باسى) مرااا خووك ؟؟ مراات خووك (عااودهاا كاثبات ليه)

رؤوف:(حل عينيه حاط يدو على عنقو) كحح هديك بنت خطافة رجاال وتستاااهل اي حاجه كتوقع لهاا ولمزاال غايوقع ليها كحح كحح خرج قود عليااا (بصوت عالي) نتااا تخليتي علياا حتى نتاا كحح ودباا جاي تعطيني فالموااعظ فين كان ضمييرك ملي سلتي وخليتي محمد يستغلها كححح دك سااعه هضر ولا بيتي تباان رااجل على ظهري هاا؟؟

بخيبة امل شاافيه وشحال خاايب تكوون عاايش فكدبة نتاا نسجتييهاا وتيقتييها بل تعاايشتي معهاا وفالاخيير تتفضح كدبتك وبسيف الخدلاان تتطعن .. رؤوف كان خط حمر عندوو .. صدمة كبييرة لييه وهوو كيشوف حقدوو فعيونوو ..بشاعتو وخبثتوو وقلة تربييتو وانعداام ضميرو..

حطااا يديها على فمهاا ومخرجة عينيهاا من اللي سمعاات .. كاانت واقفاا متكية على لحيط تاع البييت وطالقا ودنييهاا ..بتوتر حركات يديهاا خااشية صباعهاا ففمهاا مكمشة ملاامحهاا بقلة حييلة ..

كانت فموصييبا ولات فموصيبيتين محمد طلع عندو خوه وتوأمو من لفوق .. وهي فبلاصه متعطييه المدكرة عطاتها لخووه .. ورؤوف تكشف واكييد مغايعرفها هي مولااتها ..

صدقاات لا هدي لا هدي ماهي بروحهاا ناجية ماهي بغرضهاا قاضية حولات عينييهاا لجييهتهم مقربة ودنهاا كتر مسترقة السمع .. وبستغرااب هزاات حااجبهااا من الصووت اللي تقطع

---مكاان اخر---

ناعسا فوق البياص وبقلة حييلة تنهدات .. كترة التفكير كتجيب الجوع .. حطات يديهاا على كرشهاا مطلعاا عيونها لجهة لبااب مستنيااه يدخل مني مشاا مابقاا رجع ..

فالكولوار تاع المستشفى .. كانو غاديين فاتجااه الشمبر تاع روح ..

بانكساار حاادر رااسوو وبتركييز حااضي كل كللمة خرجت من فم الدكتورة و بايجااب محرك رااسو

محمد:بيت نخرجها ليووم .. هدشي مغيأترش على صحتها ياك؟.

الطبيبة: كنظن خليها تبااات هد الليلة غيكوون حسن ..

محمد: نو الى الوضع مستقر كنفضل نخرجها .. دكتورة بيت نسولك(حك دقنو) بينماا نلقا القلب المنااسب هي غاتكون بخيير يااك؟؟

الطبيبة: كنتمنااو فصرااحة كنتمنى منوصلووش لمرحلة متأخرة من المرض.. كننتمنى قلبها يقد يستحمل (شافت فيه) اهم حااجةة نفسيتهاا .. متعرضش فهد الفترة لاي ضغوطات لازمهاا الرااحة النفسيةة وبزااف الجسدية كنظن ديجااا شرحت ليك امسيو الصديقي وضع قلبها ..

محمد:(حرك راسو ب اه) غنتبع جمييع تعليماتك ونصاائحك ادكتوورة ..

المهم روح تكوون بخير غاندير فوق جهدي

تبسمات ليه وحلات لبااب كانو ديجا وصلو للشمبر..

الطبيبة: على سلااامة لمريضة تاعناا (تبسمت)

روح:ليسلمك (بادلاتها لابتسامه)..

تبسمات ليهاا ومشات فاتجاه البياص هزات الملف الخاص بيهاا وببتسامه حدرات عينيها كتقرا ..

كان وااقف بحزن خاشي يديه فجيب لكوستار .. عينيه علييها وباالو فحواايج خراا مين غايجيب هد القلب شنو يديير فهد الوضع لمن يلجئ ؟؟ كفااش غايخليها تكوون مرتااحة وسط الفيلا لشهدات على عداابها .. كمش حجباانو بغضب وخرج من الشمبر مخلييه متبعااه بستغرااب وعينيهاا مرة مرة كتمشي لعند الدكتوورة ..

خرج من الشمبر وجلس فمقاعد الانتظاار حاط يدو بين رااسو وبقلة حيييييلة تنهد ... كلشي تجمع عليه فخطرة وحدةة

جبد تيلفونو من جيبو وتنهد شاد الرقم ..

محمد: الو صاحبي ..

... وفيين ابا محمد فين غبورك ..

محمد: راك عاارف مع المشاكل (تنهد) شديت اجازة شووف خالد ضيبانيني بنمرة داك المخبر تاعنا معرفتش شنو سميتو..

خالد: عبيقة لا؟؟...

محمد: مهم نمرتو محتااجهاا ضرووري اصاحبي نعول عليك؟

خالد: كون هااني عطيني خمسة دقايق توصلك فمساج نمرتو العشير.. (استأنف كلامو) مي نتاا شنو غرضك بواحد فحاال عبيقة بالاخص راك كونجي؟؟ لخباار لممكن يجيب ليك فاش غاتحتاج نتا ..

محمد:(تنهد) من بعد اصاحبي من بعد ( بحزن) كنتسنا مساجك ..

قطع الخط حاط تيلفونو بجنبوو منهد بمراارة هاز راسو بمجرد مسدات الطبيبة لبااب خارجة مت الغرفة ..

وقف بسرعه هاز حاجبو بتساؤل حااضي تعاابير وجهها ..

الطبيبة: من التقاارير كيباان وضعها مستقر مسيو الصديقي ..لازم تبع الدواء تاعها بانتظام تااام مع الحمية.. غانعطيها قائمة بالوجباات لكيخص تااكل واللي كيخص تبعد منها وبالشفااء . ..

حرك رااسو بايجااب ماد يديه ليه مصافحها ..

محمد:شكراا دكتوورة غانلتازم بكاع نصائحك ..

الطبيبة:(مدات يديها) ولو هدي خدمتي (ستأنفات كلامها) متنسااش لازم المدام تجي كل اسبووع دير معااينة ..

محمد: وااعليه (ببتسامة) شكرا..

تبعها بعينيه حتى مشاات تنهد مطوول خاافي خووفوو كااتم حزنوو وبوجه بشوش مشا فاتجاه شمبر .. حل الغرفة عليهاا كانت جالسا مصطحة على مسند وعينيهاا فاتجاه واحت اللوحة معلقا فالجدار .. بتسى كاانت كتشووفيه . كان فاللوحة مرسوومة فيها انثى الظاهر من لباسها انها فقيرة .. ضايرين بيهاا مجمووعة من الدكور كل واحد فييهم شادها من يد .. .. ومن بينهم وتحد كان باين من لبااسو من طبقة نبيلة بعجرفة مرسووم هاز يديه ناحيتهاا بامر منوو كيقولبهاا تجي ..ممعبرش هدوك الدكور لخريين لرااهم شااديينهاا ..

تنهداات مطوول وتبسماات بمجردد مشافت هد اللوحة تخيلات رااسها هي ديك البنت اللي فاللوحة كلشي باغي جسدهاا كلهم طاامعيين والشخص الوحيد اللي كيبان نقي فلي ضايرين بيهاا هو محمد .. لكن كبرياائو ماانعوو يقرب منهاا ويلمسهاا مخلييها بنفسهاا توهب رااسها ليه.. على دكر الكبريااء هزاات حااجبهاا بستغرااب مرجعاا كلالموو واعترااافو بحبوو حاايراا والله حتى حاايراا خاايفاا تساامحو وتظلم راسهاا .. وخاايفه تحقد علييه وتظلم قلبها .. ..

كان وااقف حدا البااب بمراارة حااضيهاا ... قلبوو ضرب بعنف بمجرد مطاح فبالو فاش كتفكر وهي كتشوف فديك اللوحة حنحن برجوولية مخلييهاا تنهي سلسلة الصراعاات المتضااربة فكياانهاا وبنظرة مستفسرة نطقاات..

روح:قلبي بااقي كيضرني وملي سولت الطبيبة مجلوبتنيش انما مشات وخلاتني ..

محمد: راه قلت ليك لكاين غي مع الما احمم روح (شافيهاا برجااء)..

روح:هممم

محمد: لهضرة لقلت ليك (حك دقنوو بتوتر) فكرتي فيها ..

تنهداات مطول محولة عيوونها من نااحييتو صوب اللوحة من جدييد..

روح: كيخصني الوقت ..

محمد:(تبسم) غانتسنااك ..

حركاات راسها ب اه عينيها مرة فاللوحة مرة نااحيتو هو لجااي فاتجااهها ببتسامه حزيينة قرب وجهوو مغمض عيونووو حااط نيفوو فوق راااسهاا ..

محمد:غانخلييك تساامحيني (تبسم مغمض عيونو كيشم شعرها) بينااتنا الاياام ..

بستغرااب شافت فيه بنص عين هدا لا يعقل يكوون محمد .. هدشي لقاالت بينها وبين نفسهاا قبل متحس براسهاا مهزووزة يد فظهرها ويد تانياا تحت مؤخرتها ..

بخووف شدات فالكوستار محولة عيونها الزرقا صوب عيونو الكريستاالية متسائلة ..

روح: نزلني اش كدير..

محمد:(تبسم قربها من صدرو) غاندير لكان خااص نديير .. من شحال هدي غاندييك لبلاصة رعييدة على كااع لبغاو يأدييوك ..

ختمها ببسمه مخلييهاا سااهية فحنييتوو وتغيروو ..

الواحد فينا ملي كينقصو الحناان بمجرد ميتعطاا ليييه كيرحب ببه ولو يكوون تعطا ليه من طرف الد اعداائو حقييقة يقينية فيناا حناا كنااس ضعااف .. وروح ماشي قووية لدرجة تقول ليد حنوونة مسحات دمووعهااا بعدي ببتساامه قاابلااتووو خاشية رااسهاا فعنقوو مغمضة عيوونها ..

الى كان هدا حلم كنتمنى منفييقش .. هدشي لقالت بينها وبين نفسها وهي حطاا رااسها على صدروو ...

يتبع ...

زواج في الجحيم الجزء الخامس

محتوى القصة

التنقل بين الأجزاء