رتاج : هادو لابقاو هاكا عمرهم يتصالحو .. خصني نمشي لامريكا .... ضروري مغالقا شي حل مع الخبراء تما ... ( هزات داك الملف لي بقا طايح من لبارح ... وبقات كتقرا فيه ورجعات كتشوف فواحد المنحى كتفكر ) البروفيسور لي قرااني هو لي غااايلقالي لحال عندو خبرة كبيرة .... ( هزات تليفونها وبدات كتصوني تاجاوباتها واحد البنت بالانجليزية ) واش ممكن دوزي ليا لبروفيسور كريستوف جينيد انا طالبة سابقة عندو ... قوليلو غير رتاج من المغرب غايعرفني ..... فين ! فايطالياا ؟ وفوقتاش يرجع ؟ فففففف .. اوكي اوكي ..واخا تقولي ليا اشمن معهد كاين هو تما ؟ شكرااااا ليك بزاف ... بسلامة
عند اسد وعدنان
مشا اسد للمكتب حيت خلا تما لافيست ديالو وبدا كيلبس فيها باش يتوجه لشركة تاسمع لباب تحلات وضار بزربة يشوف شكون
عدنان : تبقا ترد لبال كتر الى راك كتسمع حلة د لباب ... كون كان شي حد اخور منغيري كنتي تفضحححتي ( غمز ليه ومشا كلس فلكرسي ديالو كيضور بيه ويشوف فاسد لي غير كيسوط ) طول البال ديالك اسي اسد راه مغاتهناش مني بهاد السهولة .... اه فعلا بقاليا غير اجتماع واحد ومغانبقاش نبان ليك فالشركة ... ولاكن راني ساكن معاك متنساش ( قرب للكرسي ) يعني غير تعود على وجهي تصبح عليه كل صبااااح يفتح ليك الشهية
اسد قرب وحنا لعندو داير يديه بجوج على لبيرو
اسد : جيني ملخر وقول اش باغي توصل ليه ...
عدنان : سماحتك ..
اسد : راه السماحة كيطلبوها .. ماشي كيبتزو بيها ....
عدنان : هاديك لي كاتطلب معندي ماندير بيها .. بغيت لي تجي من عندك بزز على والديك .....
اسد : ( رجع سكد وقفتو ) اوا بقا تما كتنساها ..ان الله مع الصابرين ( جا خارج )
عدنان : اهاه واخا .. نتا تعرف ...منبقاش محفي راسي معاك ..هضرة وحدة قلناها ... ملي ماباغيش تسمح وباغي قوة المشاكيل و الزكير شغلك هاداك.. منقدش نقنع القرد بلي توت حسن من البنان
اسد : ( ضار عندو ) ولاكن راه تقدر دخل سوق كرك... ومادخلش فشنو بااغي يااااكل الققرد ..
خلاه وخرج زدخ البااااب تاقفزو كاع لي تما ومشا ...
عند لامار
بدلات لقسم لي كانت فاقت وجداتها .. ومشات لبسات هي سروال كحل كلاص و بودي تاهو كحل لامع وكوستيم موبرة فالاخضر ملكي عندو صداف مذهبين ... وصباط عالي مع صاك طويل كحل .. وقادات شعرها على كتافها وكلوز خفيف .. وهزات وراقها وبنتها وخارجة هو يبان ليها سفيان تاهو هابط يلاه كان كيهضر مع حياة كيرد تيليفونو لجيب ..
سفيان : صباااااح الغزااال و الجمااال ( هز عليها قسم كيبوس فيها )
لامار : اهلا بسي لعريس فااايق منووورر الحب زوين لهاد درجة هههه
سفيان : ملي تمشي حاولي تهضري معاه يديرو حد لهادشي عدنان خدا جزاائو وباركا عليع غير الندامة
لامار : كضحك عليا .... قول مصاب نهضر معاه غير على حريرتي يسمحح ليا على لبارح لي خبيت عليه بلي لخطبة كبيرة ... عاد نشوف حاجة اخرى ههه انا كيسمع مني انا ؟ .... عييييت بالهضرة منهار فااااق والو لي فراسو فراسو
سفيان : رااااسو قااااسح ... والموصيبة ضايرين بيه غير لي كتر منو ...
شدو طريق لشركة ... ورتاج بعد ماقطعات الاتصال بدات تقلب فاقرب حجز لايطاليا لقات طيارة خارجة فالعشية وحجزات فيها ... وهي تجي ماجدة تهز لبلاطو
رتاج : اا س سمحيلي .. ممكن تنفدي ليا واحد طلب لاجات على خاطرك اخالتي ؟
ماجدة : اهاه على الراس والعين امري ابنتي
رتاج : ماجبتش معايا حوايجي وبغيت نخرج وعندي غير قفطان ممكنش نخرج بيه ... عفاك تمشي تاخدي ليا شي حاجة كيف ماكانت غير باش نقدر نخرج بيها باليا عدنان غايتعطل وانا معنديش الوقت
مشات داك المراة ورتاج عاد حلات لها ضور فدار وتساراها .. عاد كتكتشف دوق الرفييييع الكلاسيييكي ديالو .. كانت دار مفتوحة مافيهاش بيوت بزاااف ... دوقو غامض بحالو .. لدرجة مكتعرفوش اش باغي واش الديكور مغربي او فرنسي او الصيني او روماني كولشي مخلط ... خرجات لبرا كضور كانت فريمة صغيرررة فيها اشجااررر الفواكه .. ومزروعات والرشاشات دالما كيسقيو جو كيفتح النفس بصح هي معنهاش دابا لخاطر لي تستمتع بيه.. تاصونالها تيليفون.
رتاج : دابا عاد مفكراااااني
اريج : حياابتني بايتة فدار البغلة.. دخلت لبيتك مالقيتكش راك مع لامار
لامار : لا مغانوضش .. من لبارح ونتاا منخلني صافي باااركا او ... مكتهدش ؟ خصك تقلق من كوووولشي وعلى كووولشيييي يلاه ترتاح !.... نصيحة مني ابايبي متخاصمش مع كولشي يالحمق خلي بعدا واحد احتياط ... ونتا منوضهها مع كولشي
اسد : دابا واش غاتنوضي نكمل خدمتي ولالا
لامار : لاااا ... وصااااافي دوزليا ا غير هااااادي بليييييز
ايد : نبقا انا غير كندوووز ؟
لامار : وباركا باركا امتى نتا دووووزتي ... ياك مكدوز تاكدوز على الواحد دكاااااااكة
اسد : ( رجع لوراقو ) بلاصة الخدمة هادي ماشي هنا غاناقشو هاد الامور ... موجدة ملفك ولا جاياني هاكاك ....
اسد : لامار فالدار .. اما هنا نتي وحدة من دوك المدراء لي لداخل .. لقا شي حاجة ناقصة قداك الملف غانتفاهمو ... ( شاف عند بنتو هي بقات كترمش كتستوعب ) قساااام
ضارت عندو بواحد الروييسة كانت مشغوولة كاتريش فواحد طابي
اسد : اجي ابييينتي عند بااابااااا فين هي صباح الخييرررر وبوووووسة دياااالووووو ( حنا مد ليهااا يدو وهي تجي كتجري كتحبو ضاحكة ولامار مهبطة شفايفها جانها الغييرة )
اسد : ( حابس ضحكتو ) نوضي احركي للقاعة ... شتك كلستي ... خلي قسم هنا
لامار : مغانخخليش بنتي ...
اسد : اوا كلسي معاها ماتحضريش ...
شافتو وقف كيريكل وراقو وهي دخل لكاتبة علماتو بلي كلشي وااجد ... ولامار كترمش وهي تحط بنتها الارض
لامى : كلسي ابببينتي هنا كلسي ....
ناضت بلهلا يكزيه ليها خارجة
اسد : سسسس خارجة هاكاك مانسيتي وااالوووووو
لامار عضاات على شفايفها ضااااحكة وضارت عندو كتعوج عجبها الحال عارفاه الى يتعفر تايعيا ماينساش داكشي .. وهي تقرب عندو وتعلقات فيه عنقاااتوووو وهو غي كيرمش فيها ماعرفهاش اش كدير
لامار : لا منسيتيهااااش
اسد : شنو هي
لامار : لللللل ..... هاديك لي على بالي وباااااالك
اسد : ( مد يدو لبيرو هز ملفها ) كنهضررر على هاادا ... اما هاديك لللللل... على بالك بوحدك ازين ...
للمار تزنكااااااات ولات غير كتضور فعينيها .. وتسرط ريقيها وطلقات منوووو مقموعة وكتحاول تهددددأ وتنفس قبل ماضربو بداك ديكورررر وهزااات داك الملف بالنفيييض ومشااات كدير زطططمة بجججهد قربات تهرس طالون بجنون ... عاااد هو طلق داك الضحكة لي كان حاااابسها بزز وهز قسم كييضحك تاكيتسدو عينيه ....منضرررهاااا وهي مززنكة هاكاك قضا عليه ههه برد فيه كاع فقايصو .. عيط للكاتبة تبقا مع قسم فالبيرو على مايرجعو ومشا تاهو .. دخل للقاعة وكولشي وقف فرحانين بالعودة ديالو ... توحشو دخلتو من الباب بهاد الشككككل مكان كيعوضها والو .. كولشي واقف الا عدنان ولاماررر لي كالسين مخنزرين كلا وفين واكلها فجنبو وصابر ... كيلعبو بستيلواتهم زعما مامسوقينلوش .. ابتسم للكل حيت شاف واحد الضحكة على وجووههم نابعة من القلب ... ومشا للكرسي ديالو ... اشار ليهم يكسلو تاهوما ... فرحااان بيهم لي طلعو مدراء اكفاء ونزيييهين ووفيين ليه .. يعني تاهوما كانو غايخونوووه وكانت فيديهم فرصة دهبية يهزو كولشي من شركاتهم ويمشيو ولاكن لا هوما بقاو كيتسنااااوه حتى رجع ... وعلى العهد ديالهم بقاو محافظين .... واشار براسو اشارة كتعني نبداااووو .. وكل واحد حل الملف ديالو قدامو وبداو كينوضو بالواحد لقدام الشاشة لي فيها كل الحسابات الرأسمالية و المخطاطات و الاعمدة ...وكل مدير كيشرح الجديد ديال شركتو وشنو طرا فاش مكانش هو ..شنو دخل وشنو خرج والصفقات لي توقعو ... وناضت لامار تاهي كتشرح اش طرا فلامار فلاور نسات راسها الى مراتو كاع والى مخاصمين ...كتهضر عااادي بحال اي مديرة مع رئيسها ...عادي كيف كتكون فالخدمة .. وهو غير كالس وحاط يدو على وجهو وخاشي صبعو صغير ففمو كيف ديما ... وكيتفرج فيها ..غايكدب على راسو الى قال كيسمع اش كتقول ... هو غير ساهي فيها وكيشوف المستوى لي وصلات ليه وكيفاش كتهضر وااثقة من نفسها ونظاراتها جديين مختلفين على لامار لي كيعرف ..تمامااا كيف بغاها تكون ...وكتشرح بيديها وعينيها .. حااس براسو فخووررر بيها واخا شيطااانة وفيها تاحراااميااااات .. ورجعات كلسات وناض تاني عدنان زاد اكد الشرح ديالهم بلي كاين وصحيح ... وتاهو بدا كيشرح اش دار فالشركة الام ..واسد متبع معاه وعلاملت الرضا على وجهو ...فخورر حتى بالاخ ديالو والافكار ديالو .. حسووو ذكي فهاد المجال وكيعرف يتصرف بحكمة وثقيييييل ومكيزبش فالقرارات... والصفقات لي وقع كلهم من العيار الثقيل .. لقا ايضا التحية د ودااع ديالووو عليهم لي تاهوما ماسخاوش بيييييه ....تاولفوه وغايمشي ... سلا الاجتمااااع وغادر عدنان هو لول حيت عند بالو رتاج باقا فدار ... مابغاش يتعطل عليها .... ولامار واسد مشاو لمكتب .. وهاد المرة لامار لي دايرة فيها مقلقة وهازة خنافرها لسما .. ومشات عند بنتها
حياة : تفووووو مامزوجااااش اسيدي انا كاااااع (قطعات عليه )
سفيان : هههه بسيف على والديك
عند لامار
لامار : .( دابا عند بالها مكيسمعهاش ) مكتسمعييش هضررتي نينيننيني ( كتعوج فمها وتعيب فيه ) دابا نتفاهمو نينينينيني .. ايييييخ .. كون كان شي خطبة ديال الناس لي لابسين شوريطة لي كنعسو بيها وموسيقى دجنون والشراب كيتفرق كون هو لول .. ولاكن ملي خطبة بسيييطة قالك لااااا ... شكون تكون ....نتااا هو مااالووووما ... مهم حمد الله بعداااا برررردت غدااايدي شطحت حتى عرااااااقيت ( اسد وسع عينيه ) ويييموت لي بغاااا يموت .. هاااح بعدااااا بردت هوايشيييي والله مايبقا فيا لحال دابا
حبيبي الأصم الجزء 271
محتوى القصة
التنقل بين الأجزاء