حبيبي الأصم الجزء 272

من تأليف كاميليا جود
2019

محتوى القصة

رواية حبيبي الأصم

سلاو فطورهم تاكان اسد تغفرو ليه كاع دنوب بالجنون لي دارت فيه وتاجهو لطموبيل وهي كتشوف فيه كان هاز بنتو ... ساهية فيه كيفاش مكمش ملامحو من الشنس وبشرتو مبرووونزية بداك تسع يام فليخت ونظراتو حااادة ..بقات مبتسمة فكل حالاتو كيسطيهااا ويرجعها مراهقة كتعشق فيه كل مرة بطريقة جديدة كانو ماشي شخص واحد .... وطلعات فطموبيل طريق كلها وهي مرة مرة كتلوح فيه نظاراتها تاوصلها لدار بانليها باقي مديماري .. 
لامار : مغاتنزلش !؟ 
اسد : لا باقي مشغول 
لامار : ( ضارت لور عند بنتها كتبلق بعيويناتها ورجعات شافت عندو ) مممم شغلك هداك ... يلاه اينننتي نزلو .. 
نزلات وهزات ينتها ومشات وهو مبقا متبعها بعينيه ورجع دار نظاظرو وزاااد عندو دورة فالاوطيلات خصو ينشي ليهم تاني كولشي كيتسناه تما ... 
داخلة وهي تبانليها اريج ويونس وسفيان كالسين فجردة كانو كيشوفو فيها مبتسمين ومشات لعندهم ويونس شد عندو قسم 
لامار : ( كتسلم عليهم ) راكم هنا مجموووعين 
سفيان : انا يلاه جيت .. تاهو لقيتهم عاد دخلو 
لامار : دزتي لدارك فين وصلو؟ 
سفيان : سلاو ... يلاه لقيتني كنهضر معاهم عليها ... غدا راني عارض عليكم ههه 
لامار : ههه لا حشوما نسبقو حيااة .. لا نورمالمون هي لولا لي تشوفها 
سفيان : لالا حياة ماتجيش دابا تالعرس 
اريج : نيت باش تجمعو وتافقو مزيان اش غاديرو فقضية العرس ... اشوووف مابغيناش شي حاجة لي دوز بالساهل ... بغينا نشطووو عفااااك 
يلاه كيهضرو وهي تحل لباب داخلة جيب دعدنان كان مشا لداار مالقاش رتاج وجا لهنا دريكيت ونزل جا بجيهتهم وهي تنقز عليه قسسسم باقا كتشوف فيه اسد ... 
يونس : ياااااك اشنيولة باقي تامسخنتي بلاصتك عندي بدلتيني دغيا 
عدنان : اااح على هااااد زيييين هادي غاتسطي االباشار الى كبراات .. ( كلس معاهم بعد السلام ) فين اسد ؟ 
لامار : مشااا قاالك اسيدييي هوو مشغووول ... ( هضرات عليه منفخة ) 
عدنان : مااالكم تاني ؟؟؟؟ 
لامار : هاداك خصووو يتنفخ على كولشي يلاه يلقا راحتو ... خليه نشوفو تا الامتى 
سفيان : عبر عليك هههه تانتوما مادرتو فيها مايصلح 
اريج : واش ضروووووري تجبدو دابا هاد الموضوع 
يونش : بحالا انا ناااااسييه عاد غايفكروني فيه هوما ... راه ساكت وماريكلاميتش غي متاقي فييك الله كنشوووفك حاملة ... مانتي احبيبتي فيك واحد سلخة دايزها لكلااام 
سفيان : باليا منلهنا لفوق خضنا نضربووو المااريخوانا يلاه نتكادو مع هادو ... 
ارييج : مممم سسرناا باغين نشطو فخطابتك وفرحانين ليك ... 
هوما كيتناكرو وعدنان غيير كيتفرج فيهم علاقتهم فششششكل مرحة .. كيبعثوو فيه الحياااة ....وهو يصوني تيل داريج 
اريج : وي رتاااج ( عدنان طلع فيها عينو) ... اووو صافي بهاد زربة ؟؟؟ ياك مغتتعطليش ؟ ( رتاج كانت دازت لدار وعاودات لاريج كولشي من غير طبعا مرض عدنان كيبقا سر وخصها تحافظ عليه كيفما محافظة على سر سماع اسد قاتليها غير غاتسافر على ود شي بحوث ) حقااا اتصل بيك ابابا ؟؟؟؟ حيتاش قبيلة عيط ليا وقاليا شاف بلي تسحب مبلغ كبير من حسابي وحسابك ( عدنان غير كيتنننهد محملش الوضع ) .. انا قتليه يمكن نتي حيت ماتيريت والو ... اممممم اوا اصفي دابا يعيط ليك اش درتي بيه بعدا اجنية ؟ ممم صااافي صاااافي تلاحي توصلي صوني ليا ... 
قطعات معاها وعدنان مكمش ملاامحو بدون شعور نطق 
عدنان : فين مشااات هادي ؟؟؟؟

اريج : يمكن رحعات لامريكا جات بزربة كتجمع حوايجها وقاتليا غاتخرج برا لبلاد عندها شي ابحاث 
لامار : ديما كتتتغفل .... غاتعطل بزاف ؟؟؟؟؟ 
اريج : لا منضنش قاتلي غير شي طخوا جوغ وتكون هنا .... 
عدنان حط قسم وناض بزززربة تاكولشي شاف معاه وبعد كيصوني عليها والو مكتجابوش فللخر تطفا تليفون وكتب ليها فالواتساب مغزززف 
عدنان : ماديريش شي غلط تندمي عليه ... مامحتاج منك والو ارتاج ... ماتقسحيش راسك ورجججعي ... وماديري والو ورا ضهري اطونسيون
رد تيليفون لجيبو وبقا يتنننفس ورجع كلس معاهم وغمز ليه يونس 
يونس : اش كاين ؟ 
عدنان : و والو .. شي مسائل خاصة 
هوما كاملين فاااهمين لبلان الى راه مزعووووط...ومكيبغيوش يدخلو فعلاقات بعضياتهم ويحكرو كيهمهم غير ميكونش شي مشكل .. وبقاو مقشبين تاخرجات رجااء الغدا وتغداو فجووو ممتع نسات لامار معاهم شوية لفقصة داسد ... 
عدنان : لااا اسفيان مغانكونش انا غانسافر ليوم لورزازات 
يونس : وايلي غانخويو كاملين 
لامار : علاش نتاا فين غادي ؟ 
يونس : ضورة لشمال وصافي شحال هادي مطلعنا وهاد خيتي دايرالي طيارة ... 
لامار : اااه مزياااان سيررووو ..و غير رد لبال مع طريق راها حاملة ... ونتا اش غادير فورزازات 
عدنان : خدمة وصافي ... تما متحف قديييم منسي . كنحاول نفض عليه الغبرة ونجددو 
يونس : هداك لي كنتي وريتيني .. دالقصبة ؟
عدنان : هااادااك ... 
لامار : فففف كتخليييونااا تااكنولفوكم وتمشيو ... دابااا يونس مسافر وسفيان يلاه يتكافا مع توجاد لعرسو واصلا غايرحل لدارو ... ونتاا مسافر .. ورتاج سافرات ... شكون غيبقا يكلس معانا على طبلة حنا دابا ...
عدنان : ( تنهد كيشوف فمنحى اخر ) خصك تولفي الامار ...وتآمني بلي تاحد مدايم ... وعمرك تربي الكبدة على شي حد نتي معرفتيش واش غايبقا معاك ديمااا ... يقدر فللحظة تديه ظروف خااارجة على ايرادتو ... 
لامى : هاء ؟ عدنان ؟ نااااوي تمشي تااااااني ولا شنو نفهم من هاد الكلام ؟؟؟؟؟ 
عدنان : ( ضحكة منكسرة وشاف عندها ) ههه لا .. غير قتليك ... وصاااافي ...راه غي ضحكت مالكم كاملين شفتو فيا هاكا ... مغااانمشي فين غير تهناو ههه ... 
بدا كيضحك باش يضحكهم تاهوما لي ملامحهم ابدا ماتفسراتش ليه
عدنان : مهم غانوض دايا عندي شي شغال ... نتشاوفو فالعشية قبل مانسافر ... وايلااه ضحكو مالناااا ... غاتندموني على جوج كلمات ضحكنا بيهم 
اريج : ههههه كدير شي تعابير يوجهك غير ديال هوليووود مممثل خطير هههه 
سفيان : عرفتي نتا غانولي ندير ليك الحبل فرجليك ونربطك فين مامشيتي لاشفتك طولتي وغبرتي نجبدك ترجع ... 
عدنان : سررجني نتا حسن هه مربوووط بلا حبل اخويا ... غير تهناا... قسسووووم ( هبط باسها كانت كتلعب ) بسلاامة علييكم ... 
مشااا ولامار ضارت عندهم 
لامار : ماضحكنيش كلامو ... خوفني 
يونس : تاتا معجبتنيش الطريقة لي دوا بيها 
اريج : ماتزيدوش فسه عااادي غي ضحك معاكم يمكن 
يونس : عدنان ماموالفش بهاد الضحك ا اريج ...ما قالها الا وعنها مغزى

الامار : نتمنى يكون مكيفكرش تاني يغبر ... 
يونس : مهم ( شاف لسعتو ) تعطلنا ... نوضي يلاه .... غانصوني على اسد نشوفو فين هو نتلاقاو قبل مانسافر ... دونك منهنا واحد كاط جوغ نرجعو ... نتا راه تيليفون بينانننا ..لاكان شي جديد علمني ..
اريج : صافي دابا مقرر لعرس نهار الاحد 
سفيان : لالا مقررر ... 
يونس : مزيان الله يكمل باليخير ... يلاه الامار خلينا لييك الرااحة ... 
هز قسم كيبوسها ولامار ااريج مابغاو لاطلقو تقول غايكلسو شهر وشدات تاني فقسم عاد مشاو ... وسفيان تاهو طلع لبيتو يجمع حوايجو وبقات لامار وقسم كتلعب حداها وكتشوف فدارها تااني بدات كتخوااا شووية بشووووية .... اسبرو مشااا ... اريج تاهي ممشااات ... وسفيان هاهو غايمشي .. ورتاج مزال تاهي تمشي فخطرة ... وعدنان اصلا مصيرو مبهم ومكتيقش ف أبديتو ... نزل عليها الاكتآب وهي كالسة تما ورجاء حطات ليه قهوة . .. وكتشوف فيهم بالواحد كيتسرسو ...حسات بحال شي حجرة تحطاااات على قلبها ... كتشوف الى مغايدون ليها غير اسد ... هدا لي معفرا عليه دايا هو الوحيد لي مغايتخلاش عليها ... كتشوف كيفاش دنيا كتعيطيك اشخاص وتخليك تولفهم وتبدا تديهم منك تاني .. علاش ؟ منلول ماتدخلهمش لحياتك ... كانت غير هي وخوتها .. ولات هي واسد .. وفلخر دخل يونس وسارة .. وراه اسبرو .. وراه اريج .. وراها رتاج ...وراها شيماء ..... وراهم سفيااان .. وجات حياة ... وهاهوما بداو تاني كيمشيو بالواحد كيف جاو كيف كيرجعو .. وكيخليو اثرررر كبييرررر وراهم ... لي زاد كمل عليها هو منظر سفيان خارج بليفاليز ديالو وجا عند واحد من الحراس هز عليه وداوهم لطموبيل .. وهو تقدم عند لامار 
لامار : ( بدموع فعينيها حابساهم محجراهم وصوتها فضحها بتنغنيغة ) مالك على هاد زربة ؟؟؟؟ خلي بعدا تايقرب لعرس 
سفيان : صافي راه ديجا البيوت واجدين بقاو غير شي لعييبات خفاف غايساليوهم ليوم .... 
لامار : ( سرطات ريقها كتحبس دموعها ) ممم مزيااان ... سيييير صافي سييير
سفيان بحالا فهمها وقرب لعندها شد فيديها وهي طلعات عينيها دمعانييين ونطق

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.