لامار : اويييلي اويلي اووويلي على ضرسة للعععععقل تاهوا قالك يييخرج على الطريق ويتثححححبن.. واش حمق ولا مالك ..سيفطناك تقرااا ودير الواجبات المدرسية ولا القحباوية ؟؟؟؟؟؟
لامار : هاويييلي وحدي هاويلي وحدي نندب ولا اش نديرررر .. مالك على هااااد الخفة وطيرااااان ( طاحت عليه كتقرص وهو كيغوووت ) واش ماباغيش ديررر عقلك ... كنتسناك تقادها غير ماتاتزيد تعوجها ... اويلي البنت باقتااا صفيييرة ومكتعرف والو سيفطناها تقرااا وامانة عندنا من مهااا ... وطااامع فيهااا ياااا المريك يا جدر المسوووس يا عرق الدفلة يا بو ترمة عوووجة ماباغيش تقابل قرايييتك و تكككلس الاااارض ( هي كتقرص وتعض وهو كيطير من يدها )
اسبرو : ااااااي واطلقي واااالمسعورة طلقي وصاافي والله منعاود .. الى داود عاود هااا وجهي .. وصااااافي وااااااالعاداو عتقوني
مطلقات منو تبردات جنونها وكلسات كتلهت.. كاع ريشات شعرها وبدات تجمع فيه لور
لامار : اوا هاهي فيك ياوليدي يا اسبررو .. ياك شيماء جاااياااا اواااا والله وتقوليا كتعدا عليييهاااا ولا تشكااا منك يااا هاد المرة تااااانشوط والديك
ناااض كيتبححلس وكلس حداها كيرمش بعينييه ويتمسكن
اسبرو : حشووووومة عليك للالة مرات سيدي حشوووووومة والله تاحشومة ... انا راه غيي بدافع الححححححوب لشيماء ... ومن اجلكي يا شيماااء عرريييت طرمتي للغربااااااااء .... وااااكنتقطططططع عليها اختي ...وكنتوووووفى انا عليها وانا منهاااااا نخلاق ... راه والله ماكنت باغي نضيييعها غااا سطحي غا سطحي سسسطحي
لامار : شششنااااااهواااا
اسبرو : س سط .. لا لا بااالكوووووني بالكوووني ..( كتخنزر فيه ) تاهوا لا ! واخا سرجمي ؟؟
لامار : ( هرب ليها لبعيد وشيرات عليه بصندالتها) وااااااش باغيني نوووووض لوالديك ..اشمن سسسطحي اااشمن ؟ داك البنت نحلف عليها بالله لابقات ساكنة معاك مللليوم نتا فدااار وهي فدااار مزيان تباركالله .... لابقات معاك فداك دار اجي وشممملي .. فيك طيرة الله يحفظ ... الولد قددد صبببببعي الصغييرررر بغا يطير .. ناااضتلك تااللحية بقا غا شي لاخوورررر .. فيك رابعة دالهبرة و طريطيقة د الكبدة و كاس ديال الدم والزملة بالكييييييلو ... نتاااا كامل تموت نكفنووووك غير فاولويزة ونتا كتقلب ليا على لكوا عندنا سيييبة هانايااااا
اسبرو : واااااش غاندييررررر راه هي نوضاتو وهو ناض انا اش دخل ديلمي ؟ انا غييييير تابعهم والله اختي الى غير تابعهم نشوف اش يديرو بييييناتهم انا باري منهم ... واش انا قتليه نوض ....ناض راااااسو
لامار : اوا .... ملي فيك هاد الزملة كاملة سير عند شي طحبة نيييت لي خدمتها هاديك وراااا ماتدي وتجييب وخلي عليك بنت ناس فتيقار
اسبرو : ( رجع كلس مقاد مربع يدو قالب شفافو ) هاااه طحبة قاليك ... لقيت انا تاباااش نكووووي على الخلعة لي مركب فيا راجلك .. بقاا غا باش نكوي طحبة دالميركان ( شاف عندها ) وطحااابييييهم غاااليييين اختي غااالين ... مشيييت ساااومتهم تاشطارة مدايزاش فييهم ... وانا راااجلك كيسيفطلي غير فلوس الكرا والمدرسة و ما ناكول ومانلبس مكيسيفطليش باش ن*وي
لامار : ( ضرباتو بركلة تاناض ) الى ماغبرتيش سيفتك من كدامي عانعيطلو نيييييييت يجييب لي ي*وييييك.. ططططلع عليا دغيااا غبببببر ماااانشوفكش...
وصلات لدارها وطلعات لبيت دارت تيل ديالها يتشارجا شعلاتو فرحانة امتى دغيا تشوف اش كاتب ليها عدنان وترد عليه بلي لقات ليه الحل خصو دابا غير يسربي يتصالح مع خوه ... مقالت تاتشعل تيل ...داك دقيقة دازت عليها بعام ..ومشات بزربة لميساجو ومامكترثاش لكاع لميساجات لتما كيبانلها غير هو .... غير فتحاتو كتقراه وهي تجمع داك الضحكة كااااااملة من فمها
رتتاج : بغييييييت منك غير كلمة زوييينة مابغيت وللو ...وااااش مريييييض هذااا والا مالو .... واش مرة يعطني امل مرة يحيدو ليا ..... اش هاد ززببببيل هادا طحت فيه تالرااااااسي .. مالي على هاد المرض انا كااااااع ... البنات بحاااالي عاييشين حياتهم ونا كنمرض على واحد اصلا مرييييض فعقلوووو قبل قلبووو ... هذل بااش تجاااازيني .. مابغيت منك والو بغيت غي كلمة زوينة ولا سكت فخطرة مادويش حسن من هضرتك هادي لي كتجرح بحال السيييييف ... مرة نحس ان مكاينش ليكيبغيني قدك .. ومرة تحسسني انك مكتبغينيش وعمرك غاتبغيني .. عطني غير طريق وحدة نمش عليها .. غير طريق وحدة .... ( هبطات راسها بين يديها كتبكي منهارة )
عند لامار
اسبرو : ( كيقرب عنها كيتغبن ويتمسكن ) ل لااالة.. زييينة العيلااااات ... لالة مرااات سيييييدي
مشا اسبرو هربان منها تاتبرد ويرجعو يتصالحو ...وجر لي فاليز ديالو وطلع ... ولامار بقات تما كتججنن ... هي عارفاه كيبغيها وكتبغيه وعارفاهم الاخرة ديالهم غايتزوجو ولاكن مابغاتهمش يتفلسو من دابا باقين صغار ..رخصوصا شيماء حشومية وهذا كيطير مع طيور ... تهدنات شوية يلاه بغات تطلع تعطيه شي درس وهي تشوف تاني لباب الصغيييرة كتحل .. بدات كتشوف تاني شكون داخل واش ماماها لي جات ... وهي توسع عينيها .. لقاتها حياااة بششششحمها ولحمهاااا جااااااية لابسة غير سيرفيت وسبادرين ودايرة شعرها كعكة مع باانضة على جبتها ... وهازا صكادو فظهرها وجايا كتصوني فتيل غير شافت لامار وهي تطقع حيت كانت كتصوني عليها ...وجات عنها ضااااحكة ولامار قالت يمكن سفيان حن فيها حيت تلت يام وهي كترغب فيه تجي ولاكن كون هو كان غايديها لدارو؟ علاش تجي بوحدها لهنا كون جابها هو ... قربات عندها وعنقااااتها توحشو بعضياتهم
لامار : على السلامة ؟؟؟ فاجأتيني ... شكون جابك
حياة : هههه رجليااااا
لامار : اويلي ؟ سفيان فخبارو ؟
حياة : يممشي ييييزمرررر .. مالي انا على هاد الحكام الخاوي ...راه خصني ندفع ليكول لي غانقرا فيها وهو مسعداتو يفوتني الحال على تسجيل باش منقراش هاد العام .... ليوم جمعة اخر اجل غدا السبت غايشدو والاحد شادين و ورا العرس وغانسافرو ديريكت سييير فين نجيو .. هو كاع مكيفكررر
لامار : وقلتي ليه نتي بغيت نجي على قبل ليكول عنها اخر اجل ؟
حياة : قلتتهالو قالي انا نتكلف ليك ... واش انا من دابا نبدا نعلموو يتكلف ليا باوموري الشخصية .. لااااا من حقي نجي .. ونييت يولي يعرف حدودو نهار لول يموت للمش ... زاد فيه .. خصو يعرف بلي حياة مكيحكمها حد بداك طريقة المتسلطة ...
حياة : ديالمن داك الاودي على برا ؟ شكون جا من اميركا !
لامار : ( تنهدات ) اسبررووو
حياة : وخلا شيماء بوحدها ؟ حيت عاد كنا كندويو قاتليا ليوما كتقرا .. تالغدا عاد غاتجي
لامار : جا غي هو .. مهم قصة طويلة ... فكي ليا دابا غير حريرتك نتي هاهو غايجي يتغدا هنا يلقاك جيتي بلا خبارو غايضربك تاني اااحيااااة وضربو راكي عارفاه خايب واسد هنا مغايخليهش غايصدقو مدابزين ... راه غايضرب اهاد سليعفانة
حياة : وايمشييي ييقوود مالو عاقد عليا ؟ ياك غير مخطوبين ... مايطلبقش عليا انا سي سيد من دابا ... ماحكمني تا با بقا غا هو .... خصو يولي يديير شوية ديال الثقة ... هادا شنو كييديير دابا عساك ورا زواج غايمنع عليا يمكن تاطلان من السرجم
حيدات حوايجها وجبدات فوطة من صاكادو ديالها ودخلات لدوش ضضسرااات ديال بصح حيت ولاد ابتهال متأكدة منهم انهم يعصيوها ويككدوها ولاكن مايتخلاوش ... عارفاه الى مغايتخلاش عليها دير لي دير ... داكشي باش ولات كلمي جوج كتقول نلغي حيت عارفاه مغايلغيش ...
لامار جات عندها رجاء على تعلميات دالموني جديدة دالاكل الصيفي .. كتبات ليها كولشي يلاه غاطلع وهي تسمع شي حد داخل تاني .. وضارت بانت ليها رتاج جااات معععصصبة ولتخات صاااكها على لكانابي وكلسات ولامار علات حاحبها فيها
لامار : مالك عاود نتي !؟ عاد هضرنا معااااد صحة سلام ؟
رتاج : ماااااتجبدهليش
لامار : بسم الله عليك باقي مزال ماجبدت حد
رتاح : موهيم علمتك.. منسمعش سمييييتو
لامار : ( شدات على راسهااا ) يااااااربي السلامة ييااااربي تححفظ وتخرج هاد نهار على هير .... اش هاد صباح واش انا نفكر ليك ولا لداك الجدرررر المفلس لي خرجلي من جنب .. ولا لحياة و لا لراسي مفهمتش ... ( مشات كلسات حداها ) اش واقع تاني
رتاج : غاااااندمو .. عرفتي شنو هي غاندمو ... غاندمو على كاع هادشي لي كاس كيدير ليا
لامار : الله اكبر ....وااااارتااااج وانغوت ولا نقولها بشي لغة اخرى راكم شيبتوني ... واهادو مايصلاحش معاهم هادشي لي كتبغيو ديرو انا مججججرية ..العكس معاهن لاااااا .... راه غاتجيبها فراسك ..
رتاج : هووو لي غانديرررر ... جربت نكون بعقلي مانفعش معاه... وهاد للمرة غانوريه خرجان العقل .... اه فيا مانعطيه بالتقار ونقول الله يعاوني ويعاونك حيت بصح طلعلي فراسي وهادشي لي غادير اي وحدة فبلاصتي ... ولاكن انا لااا ....غاااندمووو ... انا غانمرضو كيف مرضني واذا عمت هااااانت
لامار : وراهااا عممممت ... راها على العموم نيت ...راها لوخرا لفوق مريضة تاهي كتققول نفس الهضرة واش باغين تنوضولي الحرب العالمية الثالثة فدار ؟ اويلي وحدي واش حتى كنقول صافي درتو عقلكم شي زوجناه لي خطبنالو شي سيفطناه يقرا شي بدا يتصالح ... كترجعوني حتى لنقططة الصفر .... وحدة تاقلت صافي غاتزوج ونتهنى جاياااا كلمة جوج باغا تفارق ....نتي تاقلت قبيلة صافي صفا للبلان بيناتكم شوف اش جاية تقول...واحد تاقلت مشا يقرا يدير عقلو حايني بزبايل وقالك مايرجعش ... غاندييير صباعي فووووودني ولا نهرررب لشي ثلث خااالي اللهم نعيش غير انا ولقرووووودا ونشرب غالما دلكوووك ....ولا هااااد الكيااااضر لي معايااااا فدار .... اووووووف ياااا تزوجوووو يااااا سكتووووني حسكم
رتاج : مغااااانتزوجششش بيه ... ومغاانرتبطش بيه ....ومغانعطيهش قيييمة مزال .... غانرجع نعيش حيااااااتي كيف ككنت شحال هادي ..و داك ساع باش نشوف باش غاااايحس ...
لامر : مشية بلا رجعة نتي وياه وهاديك لي معاكم .... المفلسيييين ... راه غير تاقيت فيكم شوية الله ... منا بالله تانجمعكم جملة ونحبسكوم مع دياب فديبو هادشي لي يصلاح ليكم ....
هزات رتاج صاكها وطلعات لعند اسبرو لقاتو نااااعس تلاحت عليه كيف الزهر الكحل خلعااتووو ... ناض كيقفقف وكيقيس فترمتو حيت كان كيحلم بلي كيعضولو فيها ..... وحياة دوشات ولبسات سروال دجين وشوميز بيج ... وجات خارجة وهي تسمع الهضرة فبيت اسبرو ودخلات عندهم وتلاقاو كل واحد منين كيشكي ويخنن ....
لامار ددخلات لجناحها لقات اسد يلاه كيتككسسل ويجبد فقسسسم تكعد معاه حتى هي مدوووخة كطيح وتنوض واييس مجبد حداهم ...
لامار : فقتو الكوووسالا دياولي ...
اسد : صباح الخير
لامار : مابقا صباح مابقا خير .. راه الطناش هادي ... و الخبر ماباليش واش غانشوفوه ...
مشات كلسات حداهم واسد كيشوف فيها
اسد : اش كاين تاني علصباح...
لامار : ( شدات ليه فيدو ) حبيبي نتا بووووحدك لي قادر دير العقل لخوتك مايطيحوش شي روح
اسد : متخلعيناش على صباح شنو كاين ؟ طاحو فشي مشكل!!!!!
لامار : سفيان منع على حياة تجي ... منهار الخطبة هي كترغب فيه مخلاهاش وحلف عليها داك نهار بودني سمعتو كيحلف ليها فتيليفون شد معاها الزكير ... باغا تايوجد كولشس عاد يجيبها ... ناضت هي جات بلا خبااااارو ... ومشات بوحدها دفعات ل ليكول بلا ماتقول ليه والو .... ورتاج جاية تاني كتقولك غاتندم عدنان معرفتش شنو دارليها عاااااوتاني .. و واسبرو راه جا ... جا وصافي هادااك ( متقدرش تقوليه شنو دار)
اسد : ومنننبعد ؟ عاقد على شي وحدة فيهم ومافخباريش ؟
لامار : عطيني شوية من برودة الاعصاااااب لي عندك ...كنقوووليك لا جا سفيان ولقا حياة هنا غايهرسها من شي رجل .. وهاديك لابقات كتستفز فعدنان تاهو غايبقولها مع شي حيط ... دير شي حاجة عفاك ...
اسد : ياك خليت ليهم الكلينيك فااابور ... شنو نزيدهم كتر من هاكا ؟ لي هرس شي وحدة يمشي يكبصها ... هذا جهدي...
حبيبي الأصم الجزء 275
محتوى القصة
التنقل بين الأجزاء