صورة مصغرة لـحبيبي الأصم الجزء 278

حبيبي الأصم الجزء 278

habibi 7abibi l2asam 
رواية حبيبي الأصم

اسد: ( مطلع حاحبو ) مزاال مجاوبتنيش بوضوح ... عدنان شنو عندو بالضبط .. وحالتو واش مستقرة ؟ هادشي لي باغي نعرف ... 
رتاج : ( رجليها فشلو من جيهة باغا تهضر ومن جهة خايفة ) اااء ... ش شوف ... 
اسد : واخا وااخا ... بنتيلي مابغاش تهضري ( لامار غير كتشوف فيهم ) اذن نسهلو عليك القضية ... عطيني غير تقارير ديالو انا نقراهم ... 
رتاج : م معندييش ... ر راه كلشي محتفظ بيه هو .. و ومكيبغيش لي يدخل فيه .. و وكيف قالو ليك.. انا اخر مرة عرفت حالتو هي هي فاش كانت جاتو الكخيز ... و لاكن خ خويا ..... ش شوف ر راه ضروري خصو العملية 
اسد : الزرع ؟
رتاج : ا اه .. ك كاين بزاف دالحلول .. م كاينش مخاطر يعني خصو يدير عملية وو 
. وافاقرب وقت ( كترمش بعينيها خايفة تكدب وتقوليه ماعرفاش ويلا طرات شي حاجة لعدنان يحملها المسؤولية وهي تلقى غير هاد المخرج)
اسد : شنووو عندو بضبط !!!!
لامار : رتاج متخلعينااش ؟
رتاج : ل لاا لا ... ( شافت عند اسد وتنهدات ) خويا نتا عاارفيني ان من شروط المهنية ديالي نحافظ على اسرار المريض كتر من اي واحد ( كتقصد ليه سرو لي محافضا عليه تاهو ) ي يعني راه منقدر نقوليك والو لاكن هو ماباغيش ... لي نقدر نقوليك هو .... خصو يدير العملية 
اسد فهمها غير من عينيها الى راه مهددها قبل تامتهضر ... ولاكن لي مبرزطو هو علاش ماباغيش يدير العملية ومهدد رتاج بالصمت ..فنفس الوقت ميقول ماشي هذا هز المهم ..الاهم والاولى هو يعرف حالتو لأي حد هي وصلات .... ورجع بالكرسي لور كيفكر ... ولامار مافاهما والو ... 
اسد : ممم داكوغ مشكل هو يعرف مصلحتو كتر من اي واحد .. كملي غداك ... 
بقات رتاح كتشوف فطبسيل وترجع تشوف فيه ... واش فعلا هادشي محرك فيه والو ورجع يتغدا بهدوء ؟ ماتحركش فضولو يعرف حالة خوه ؟ تنهدات هاد الطريقة مانفعاتهاش وواضح اسد مقسح راسو بلا قياس وصعيييب يرجع لطريق ....سلاو غداهم وناضو مشاو رتاج توجهات لدارها ولامار واسد مشاو لمنطقة ووصلو بقاو فطوموبيل 
لامار : مقنعاتكش هضرة رتاج ياك ! انا كنعرفك مزيان ..داك تصديرة لي درتي ليها وكيفاش دغيا شديتي الموضوع ماشي د الله لله 
اسد : نو بالعكس الموضوع تشد ....خصوصياتو منقدرش ندخل فيهم واضح انو مخبي الامر وطالب منها تسكت وماتقول والو ...الى هو ماباغيش يقولينا علاش حنا نبحثو ؟ لاكان مخبع مرضو اش ندير ليه انا نبزز عليه سقوليا ؟ ... صافي يعوم بحرو ...
لامار : واش حسابتك مكنعرفكش زعما محركاتش فضولك تكون عندو شي حاجة خطيرة وتفقدو للمرة التااانية؟
اسد : ( كيحسب ليها بصبعانو ) بخومياغمون انا مزال مالقيتوش باش نفقدو.... دوزيامون الى كنتي نتي فضولية راه ماش كولشي بحالك ... وطخوازيامون كون كان بصح عندو شي حاجة لي كغاف كان غايكون جرا على راسو دابا ماشي مربع يديه عايش حياتو عاااادي .... يلاه احبيبتي ماتعمريش راسك ... نزلي انا شوية وغانجي ( كيلبس سروال د دجين وشوميز حيت كان حيدوهم فطموببيل كيلبس معنكش ) 
لامار : ونتااا فين ماشي دابا
اسد : غير لخدمة وشوية وغانجي ... 
لامار : مممم ماتعطلش ... قسووومي يلاه اماما نزلووو 
نزلات لامار هازة بنتها كيدرو ليه بايباي هو مبتسم ليهم قنعتها هضرتو بصح كون كان عند عدنان شي حاجة خطيرة هو غايسمح فراسو ؟ .... اسد لبس حوايجو وهز تيل كيصوني تاجاوبو
اسد : عادل ...غاتمشي للمكتب عند دراري .... الحالة الصحية د عدنان بغيتها توصلني بتفصيل....اصغر تفصيل تاهو بغيتو يكون حاضر ... فين كيتبع شنو عندو شكون مكلف بيه ...حتى من اسم الصيدلية لي كيتقضا عليييها بغيت نعرفها ....ومن الاحسن قوليهم مايتعطلوش عليا كتر من ربعة وعشرين ساعة .... الوقت ماشي فصالحي وماشي فصالحهم ...
قكع تيل لاحو على لكوسان وكسيراا ..

عادل نوض الروينة فمكتب المخابرات يبحححثو تاني على هاظ القضية حييت كيتخلصو بزبابل دالفلوس فاش كيجيبو ليه لي خبار ناضي خصوصي لجا فالوقت ومتعطلوش... وبداو تاني يقلبو على سميتو فكاع المراكز داخل المغرب وخارج المغرب ... 
لامار طلعات تلاقاتها لباب داسبرو هي لولا حلات عليه.. لقاتو مجبد نااااعس حيت منعسش منداك الموصيبة لي طرات ليه فعيد ميلادو ...مشات كتفيقو مابغاش وخلاتو اتجهات لبيت حياة بانوليها ردويات طايحيين وهي مكمشة فايزار مغطية عرفاتها تاهي ناعسة مابغاتش تفيقها ...وزادت لجناحها حطت بنتها مع اييس ودخلات دوووش ..... 
رتاج غير وصلات لبيتها كلساات كتفكر وبرود اسد مابغاش يخرج من بالها ... مدة وهي غارقة غي فتفكير اش دير باش تنقد حياة عدنان شوية وهي توقف 
رتاج : واااش انا حمااااقيت ... على هو معبرني بعدا لي نقتل راسي عليه ... ياك هو قالك انا ماشي فالمستوى وغير مبتدئة ..علاش كنحمق راسي .....
رجعات كلسات ااني محزنة ملامحها .. 
رتاج : لا ميمكنش نسمح فيه ونخليه يموت ...واخا معرفت كيف يكون ... اه انا عارفاه مايستاهلش ...ولاكن غاندير جهدي نعتقو ...راه منقدرش نعيش بلا بيه وخا هو محاسش بياااا
بقات شادة على حنكها ورجعات للكآبة تاني تالقات راسها غايطركق بقوة التخمام وهي تنوض تدوش بقاات تشوف فوجهها فاامرايا عينيها كيف باهتين وقاتلها الهم ... وهي تننفس مزيااااااان بعمق وهزات تيلي ديالها عيطات لواحد لكليكة ديالها قديييييمة كانت كتجمع معاهم غير المقطعين وراقهم ولي ضاربين دنيا بطالون ومهازين لاهم دلفلوس لا االو حيت غير ولاد شكون وشكون ملي تزادو والكونت فالبنك مطرطق خصهم غير يعشيو لحياة ....ودارت معاهم يتلاقاو فديسكووو هاد ليلة باغااا تنششط وتنساااا وتعيش حيااااتها حيت لابقات هاكا غاتموت قبل منو غير بتفكير... بغات ترد حيويتها لراسها ...دخلات دوووش باش ضربها بنعسسة ماتفيق تاليل وتمشي تززهااا وينعل بووو العالام ... 
حياة غير شدات لامار لباب عليها وهي تنووض وبقات متكية كتفكر وتحاول تقرر قرار وتشجع ...شوية مسحات دموعها .. وبقات حاطة راسها على لكادر دسرير كتفكر كيف كان كيضرب ليه راسها معاه ... وشافت ليتيلفونها خداها مشخشخ... وبقات تفرك فصبعانها ...
حياة : انا غاااانوريك اسي سفيان .. باش تعلم تهز عليا يديك... من ليووم تهز عليا يديك ندير نفس لغلط .... خصني نفهمك بلي نتا لي واحد لي قادر تخرجني على طريق ونتا لي قادر تردني ...تضربني نتفففففلس ....تحترمني انا معاك ...غانشوفو شكون فينا لي يتهد .... كناكل كناكل العصا اللهم هاد للمرة ندير علاش نيت ومايبقاش فيا لحال... زيد نشوفو حكامك دابا فين غايخرجنا ...محدك زاسد فيه اانا نزيد فيه.... ( هذا مقال ليها عقلها الصغير ) 
ناضت لبسلات حوايجها وطلات برا كتشوف واش مكايناش لامار حيت اكيد مغاتخليهاش تعاند مزال .... وهبطات فدروج وهي تلقا رجاء غاتهبط لكوزينة ووقفاتها 
حياة : رجاااء اجي عفاك واحد دقيقة 
رجاء : نعام امادموزيل حياة 
حياة : ممكن تيليفون ديالك .. ديالي تهرس ليا وضرروري خصني نتصل برتاج .... عندك رقمها مقيد ؟ انا ماحافضاهش
رجاء : كاين فدليل الارقام ... انا غادي نجيبلوك امادموزيل ... تفضلي ( عطاتها تيل ومشات جابت واحد طابليط فيه الارقام ديالهم كاملين ) هاهو رقمها امادموزيل ...

ابتسمات ليها حياة بشكر ..وركباتو وبدات كتصل .. 
رتاج كانت نااعسة ببنوارها دالدوش سمعات تيل وبدات كتلوح يدييها لطابل دونوي دارتو تحت ودنها ناعسة عليه وجاوبات بصوت ناعس 
رتاج : الوووو 
حياة : رتاج ... هادي انا حياااة ... 
رتاج : اش كاين احياة 
حياة : راه مابقيتش عاقلة على عنووانك ... سيفطيه ليا مسج فهاد النمرة راني محتاجاك ضروري 
رتاج: ياك لاباس ؟ ( توكضاات حيت سمعات صوتها عيان ) 
حياة : والو ... غير سيفطيه ليا دغيا معيطة غير من تليفيون درجاء 
رتاج : راك عند لامار ؟
حياة : مممم غانخرج دابا
رتاج : خليك فبلاصتك انا غانسيفطليك لعساس بطموبلتي يجيبك 
حياة : واخا ماتعيطليش قبل مايجي سفيان ... 
قطعات عليها وردات تيل لرجاء وخرجات لجردة كتسنى ... كتمشي وتجي وتفىك فصبعانها خايفة لاهاد القرار تمشي تخسرو بيه فنفس الوقت تايقة بلي مايقدش يتخلى عليها ... وحالفة حتى تحيد منو هادشي ويولي فوقتاش مابغا يهز يدو يتفكر بلي غادير شي فضيحة تاني هادا هو الحل الوحيد لي خصو يتربى ... لامار سلات دوشها ودات بنتها تنعس وطاحت حداها تاهي كاااو ... البحر جابليها نعاس ... 
وحياة جا عندها العساس دالفيلا درتاج واريج ... وداها معاه ومشات عندها دخلات كان لباب محلولة طلعات عندها لقاتها ناعسة وبقات كتفيق فيها تافقات وكلسات كتعاود ليها كولشي.... زكتبكي ورتاج كتشوف مع عنقها 
رتاج : اويلي هذااا واش حمااااق .... بغييتلو داك اليدين يتقطعو .... مكانش علينا نخليوك حسابتنا كاع مغايجي تايسالي الاجتماع .. لا راه حماااااق هذا ... واخا سكون معرفت شنو مايدريش هاكا ...
حياة : عيييت الله تاعيت تاقلت ضاافي يمكن غانتخطبو غيتبدل لقيتو غير مزايد .. وفاش نتزوج بيه فين غانويليو ؟ راه خصو يبتربا .. ومكاينش هذا لي غايربيه قدي انا .... ياك كيحسب عقلي صغير وخليه نيييييييت يضغاااررر ...يولي يخاف يهز يدو ... غايكون عارف انو نهار يضربني غاندير شي حاجة ديال لبرااااهش ويتحمل مسؤوليتي هو السباااااب ...
رتاج : اش كتقووولي ؟ مفهمتش شنو باغا ديري
حياة : ( بدات كتحك وتشوف فرتاج وترمش ) ياك نتي باغا هاد نهار تمشي تفوجي وتنساي ... تانا ديني معاك .. معمرني دخلت لشي دييسكو بغيييييت نمشي معاك 
تاج : لاااااا رااااه واقلة باغا هاد المرة يجمعني انا وياك حب وتبن يلاه ترصااااي ..... نتي حمقة لل ؟ نديك لديسكووو واش تسطيتي ؟ .... لاااااا اختي منقدش ... اولي يكددني انا وياك بسنانو .. انا كاع لامشيت مكاين لي يحكمني ولا يغير عليا .... 
حياة : ونتي علاش ؟ غانقوليه انا لي بغيت .. وزايدون الى مامشيتش معاك نمشي بوحدي .. اوا مااااحسن ؟ ( غاتهبلهم ) 
رتاج : واااحياة يهديك الله ... عفاك ماتقسحيش راسك مخصنا بو صداع انا ماامشيااااش كاع ... واش حسابتك هو مغايعرفناش مشينا ؟ راه يلاه غانحطو رجلنا تما تلقايه واقف عليك كي الجن يشوهنا حدا عباد الله وانا دايرة مع صحابي غير لبعكاكييين خصهم غيير علامن يهضرز ...
حياة : وانا بغيتو يعرفناا اصلاااااا
رتاج : اوااا راه الى عرفنا ..... غااااايرعفناااااا .. دوزي تكممممشي واش باغا تقسمي معايا لعصا !

يتبع ...