يامنة الجزء 15

كيتعمد يختار كلمات وجمل قليييلة ينطق بيهم ليها ...كلمات كيحملو معنى كبيييير ما هاز في قلبو من جهتها ...معندوش مع كترة تعبير وبلا بلا على قولو هو خير الكلام ما قل ودل كيف سبق الذكر ...نطبيق نيشان الفعل على القول ...

في هاد اللحضة بالذات توحشها بزاااف توحش مراتو الغزالة ...توحش كاتيوشا قلبه ...توحش العينين ديالو العينين الي كيشوفو كلشي زوين وبريئ وصافي فالحياة وبيض ...العينين الي كيشوفو الصدق والعفوية والعفة والحشمة ...رجل بطبعو وشهامته وحروشيته ...المتشبت بالاصالة ديالو ...

في هاد اللحضة ماكرهش ينعازل في العالم غير هو وهي فقط يجمعهم جسد واحد فراش واحد قلب واحد مكرهش يخشيها فيه وميسوف فيها حتى واحد من غيره هو ...

بقا متكي وحاط راسها فوق جنب صذرو محاوطها بدراعو وصباعو كيطلعو ويهبطو مع جنابها ومرة مرة يكمش بايدو جنب مؤخرتها حتى كتهز على وقع قراشات كيلعبو ليها فذاتها ماشي غير كرشها ...فرحة وصذمة وخجل واشتياق مجموعين فيها ...

لحضات من الصمت غير دقات قلبهم الي خدامة وصمط لمط خذا دقائق معدودة وهو كيداعبها بصباعو ...حتى ...

فؤاد "قبط ايدها وباس ليها كفها ونط ودائما خطوط مرسومة بين حجبانو المعقودين " : امتا جايين داركم ؟ 

يامنة "صدمها حتى هزت فيه عينيها مشرعين " : هااا .. دارنا !! 

فؤدا "عض شفايفو كيشووووف فيها "...

يامنة "جاوباتو حيث عرفات بالي صافي عرف عرف باي طريقة وتاحاجة متخفى عليه بدات كتعرف جميع تصرفاتو وشوفاتو ليها واي نوع شوفة عندو واشنو المعنى ديالها ..." : نهار الخميس ...

فؤاد "قرب وجهو لعند وجهها وخذا صبعو دوزو على حناكها " : مزياان ...مافيها باس بقاي معاهم يومين ونرجعو فحالنا ..."بصوت حرش ولكن خفييف " تفاهمنا ؟ 

يامنة "بفرحة حتى ضحكت " : ههههه صافي واخا ...شكراا ...

زاد ضغط عليها بجنبها معنقها شوي هبط لعنقها رجع كيبوس فيه ويدوز عليه بلسانو حتى كيحس بيها تبورشت وكتزيد تبورشو معاها ...حس براسو غايبدا يسخن وهو ينعل شيطان وناض وقف بشوي ...

فؤاد : فيك جوع ؟ كليتي شي حاجة ؟ ...

يامنة : لا مكليتش من الفطور ...

فؤاد "هز الفون بغا يتاصل " : نطلبو من برا ...

وهي تنوض وقفت ...

يامنة : لا غادي نطيب انا متاكلش ماكلة زنقة انا غادي نطيب اشنو كاين هنا ...

فؤاد "بقا حاضيها حتى قرب لعندها وهبط باسها في فمها " : الي عجبك ديريه ...

يامنة : ندير ليك قهوة كحلة هي لولة ؟ 

فؤاد "جاوبها براسو بمعنى وخا " ...

يامنة : هههه واخا ...حتى تمات غاديا وشوي وهي ترجع تلاحت عليه عنقاتو هاد المرة تاني قاستو فضربة حتى كحز بشوي ..." كان كيحساب ليا غانمشيو ومنشوفهمش ...

فؤاد " هز ليها وجهها..." : ماشي رجلة نمنعك من داركم ...سيري ديري شنو بغيتي ديري والي خصاتك قوليها نرسل الي يجيبها ليك ...

يامنة "دارت كفوف ايديه عند وجهها وعينيها كيبريو " : وخااا 😍🙏🏻..

مشات طاااايرة لكوزينة ...دخلات ليها كانت حدها قدها كوزينة ديال بارطما گارغسونييغ ...ديال زوفري الي مسلك راسو وصافي ...كانت اصلا دويرة مصلوحة مزيان وفحي فيه العساس ومامن ...فيها رخام ومطبخ كامل بثلاجتها وكويزينييغ وكلشي فيها ...اول حاجة دارت هي لبسات واحد الطابلية كانت معلقة تما وعقدتها ...

حلات ثلاجة تشوف اشنو كاين ...لقات تقريبا غير الاكل ديال تسخين وطياب نيشان يعني الي تحتاج ربيع وداكشي ملقاتوش ...

دارت ايديها على نصها ...بقات بي بودي ديالها والكولون ...قشعات دجاجة كاملة في فريگو مديور ليها لومبالاج ديها ...هزتها وحطتها ولكن تفكرت انه خاصها ميكرو اوند باش يدوب منها ثلج ...وهي مكتعرفش الي عند صهيب نوع اخر وهي تعلمات فالي عندها فروسيا ...بقات كتفكر تفكر وتلعب بشفايفها حتى تفكرت انها 

خاصها تصايب لفؤاد قهوتو ...مشات دارتها فنيسبريسو كانت عند صهيب نفس نوع الي ولفات تصايب فيها لفؤاد لهيه ...حطت الكاس وتسناته حتى عمر ودارتو في بلاطو مع كاس ديال الما معدني وداتو ليه بلا سكار ...

لقاتو يلاه غايشعل گارو ...حطات ليه بلاطو فوق طابلة ...

يامنة " خسرت سيفتها " : فؤاد واش تقدر توريني كيفاش نشعل ميكرو اوند معرفتش ليه هاد الماركة "كتعبر بايديها " ...

فؤاد "...طلعها من لتحت تالفوق وكيفاش كتعبر ...ودوك ليديات المنقوشين والبليغة الي فيها رجلين باقي فيهم الحنة وليباموس ...والفورمة المبطبطة ...خلاصة القول سيد خاصو حل هههه....حط الكارو والبريكة وناض وقف ...طوا 

كمايم القميجة ومشا عنقها بجنب وتم غادي هو وياها حتى لكوزينة ...تقاد مع الميكرو اوند باش يتحنى عندو شد في جنبو حتى غمض عينيه بحكم انه فورصا على راسو بزاف وخا كيمشي بشوي وبكن الحركة الكثيرة خلات جنبو يرجع للوخز باستمرار اكثر ...

يامنة "شافتو شاد جنبو بايدو ومغمض عينيه مرة مزة وهي تحط ايدها على ايدو حتى شاف فيها " : علاش كتشد جنبك بزااف مالك "بصوت حنين " ...

فؤاد "حط ايدو على ايدها طبطب عليها بلا ميقوليها اشنو كاين حاليا " ...

تقابل مع ميكرو اوند حتى شعلو ليها وحقق ليها الساعة معاش غايحبس ...

فؤاد "باس ليها راسها " : الى كملتي اجي عندي ...

يامنة "بابتسامة " : واخا ...

مشا شاد جنبو وهي حاضياه حتى خرج وهي ضور وجهها جيهة الميكرو تسناتو حتى رن وهي تحلو هزات الدجاجة وحيدتها ...مشات تهز العطرية قشعات زعتر وعصا سيدنا موسى (ورق الغار) عند صهيب كاين فا فضلات انها تديرو بهاد المكونات ومن ديما كتفضلو بهاد المكونات ...دارت في زلافة شوية 

زيت العود وزعتر خلطاتهم ذهنات بيهم دجاجة وحطاتها فالكوكوط ورشات الملح وخوات شوي زيت العود وقطيرات ديال الماء وسدت عليهم ...لقات عندو الفريت فالفريگو جبدات منو وحطاتها تطلق بينما يقرب يطيب الغذا وتقليه ...دارت شلاضة بالي موجود تما ...وجدات كلشي خلاتو فانتظار يطيب دجاج ...جمعات زبل ونقات دنيا عاد خرجات لعندو ....

غاديا تاني وقلبها كيضرب هههه ...دخلات لقاتو متكي فوق سداري داير ايديه ورا راسو مغمض عينيه وعاقد غوباشتو ...حس بيها وهو يحل عينيه وناض جلس ...

فؤاد "شير لحداه " : اجي ...

مشات لعندو وجلسات حداه عاود حاوطها بدراعو كيحك في دراعها ...هبط لحنكها باسو وقرب لفمها حل فمو وجرو بشويييي ...حط جبهتو على جبهتها ....

فؤاد "نطق وعينيه فعينيها " : مرة جايا نعرف قبل من كلشي ...تفاهمنا ؟؟

يامنة "عرفاتو قصد دارهم حيث مقلتهاش ليه وعرف من شخص اخر " : هممم تفاهمنا ...

باسها في جبهتها وناض ...مد ايديه ليها ...

فؤاد : اجي معايا لبيت ...

يامنة "خرجت عينيها وقلبها هبط لكرشها " : علاااش ؟ 

فؤاد "رجع حاجب ونزل لاخور .." : كيفاش علاش ؟؟؟؟ 

يامنة : اممم ن ..احم ...

مخلاهاش تهضر ولا تزيد تكمل شدها من ايدها ونوضها...دخل هو وياها لبيت صهيب ...كان بيت كبير شوي فيه سرير مفرش بالوان رجالية ...ببلاكار اليمنيوم فالحايط ...

خلاها واقفة وضار لجيهة لاخرا بدا كيحل صدافي القميجة ...هنا هي برد ليها الما فركابي كيحساب ليها غاينقارذ بيها ونسات بلي راه عارف انها مزال متنعس معاه نضرا لانها مزال مكملاتش فترة الي عطاتها طبيبة زيادة على انها مزال في فترة الحيض ...

بقا يحل فضذافي حتى حل القميجة وحيدها كلها هنا عاد بان المستور وقشعاات الفاصمة الي مديورة فجنب ديالو الايمن ...

يامنة "حطت ايدها على فمها وعينيها غرغرو " : ف فؤ فؤااااد مالك ؟؟ ...

بدات كتبكي ليه ...

فؤاد " ضار لعندها وقرب ليها عريان من الفوق ..." : ش ش ششش مكاين والو تهدني ...

يامنة : شنو وقع ليك علاش داير فاصمة اهى اهى ...

فؤاد " مسح ليها دميعات الي نازلين ليها على خدودها " : غير ضربة عادية ... وقع ليا مشكيل فالخدمة ماشي شي حاجة..."هز ايديه " هاني حداك مفيا والو ...

يامنة "قربت ليها وحطت صبيعاتها عليها " :كضرك ؟ "بصوت منغنغ بالبكا " ...

فؤاد " قبط ايدها وباسها ونطق " : الجرح كيبرا … البعاد كيدبر ..."هبط لوذنيها ونطق بصوت معسل "ضرني البعاد اعمارة داري ...

هبطت عينيها بابتسامة خجووولة جدا ...مسحت دميعاتها ...

فؤاد "زير ليها على ايدها حتى شافت فيه " : اجي داويها ليا بايديك ...

يامنة 

"هزات فيه عينيها الي وساعو حدقاتهم بالخوف " : هاا غادي نوعتك ؟ 

فؤاد : ماشي مشكيل ...

جرها من ايدها وقربها حدا ناموسية ...حيد سروال قدامها بقا غير بالبوكسر ...هز راسو كيحرك فيه يمين شمال حتى تمسع طراق طراق فعنقو ...ضور راسو ناحيتها لقاها مهبطة عينيها حشمانة مقدارتش تشوف فيه عريان ...وحنيكاتها مزنگين كتلعب بشفايفها ...مد ايدو جرها حتى جلسات ومشا هو ناحية واحد الصويك صغير جايبو معاه ...فيه دوا الي عاطيه طبيب و المعقمات ديال سوان جرح ديالو ...حلو وجلس حداها ...

حيد اللصاقة الي على جرح بشويييييي ....

يامنة "شافت جرحة كانت على عرض جنبو خط قصير مخيطة ...بورشتها " : واااا ...

فؤاد "عاقد حجبانو مركز مع الصاك كيجبذ منو لوازم ...حتى مدهم ليها وشرح ليها كيفاش دير " ...

قبطات قطن خوات فيه مطهر وحطتها ليه على جرح بشوييييي بشوييييي بحركة كتجيب دغدغة ...بهاد الحركة هي مقصدتش وانما جرحة خلعتها وخافت توعتو فيها ...كل مكداويها ليه كل ما قلبها كيضرب وخايفة عليه ...

في هاد الاثناء كان الغذا كيطيب محطوط على نااار مهيييلة جدا ...وفي نفس الوقت فواحد الجهة في ازرو بالضبط ...

كملات نقيشها وخدامة كدير ليه فسقوة ..نقشات نقش خفييييف في ايديها ...عينيها كيلمعو ...

راوية : والله الى نيشان لبليذة مع نقش يااا سلام ...

نجود ": واشنو هههه ومزال عشية نديرو بنتي داكشي الي موحشة اش منك يا مسمن اش منك يا بغرير ...يا ملوي ...

راوية : هاااح ورزة القاضي ...ايييه ...

واحد شوي حتى تم داخل الحاج على ود الغذا ...

الحاج "شاف راوية " : اهلاا اهلا وسهلا بنتي ..

راوية ناضت طايرة لعندو سلمات عليه وباست ليه راسو ...

راوية : ههه سمح ليا ايدي عامرين ..

الحاج : ههه بصحة وراحة ابنتي ..."شاف في نجود " ..فين بنتي يامنة 

نجود "ماعرفت متقول ليه واش خرجات مع يوسف ولا طالعة لفوق ...حتى لين هادشي منعرف ...فضلات تقولها ليه والي ليها ليها " : طالعة لبيتها لفوق تحرتت الحنة وتهضر مع دارهم وتجي 

الحاج : اييه مزياان بصحتها ...انا غادي نتغذا مع شي رجال فاليل غانجي الى جا يوسف قولي ليه يدوز لعندي لمكتب نيشان ...

نجود : وااخا ...مشا الحاج وشافت في راوية بمعنى الله يسلك هاد الايام على خير ...

واحد الشوي حتى تم داخل الياس ...الي كان غابر ليه ساس ...

الياس : اه اه اه سلوم تريسيان جاااا ...

راوية "مشات سلمات عليه والى مسلمتش يملخ مها " : خويااا ياسمين ...

الياس "مرمقها مع لصق ايدو فحنها حتى كانت غاتجيب ربحة " والله يا موك ونشدك تانعلقك فالشجرة الكبيرة الطير الي جا ينقب لملتك راس ...

راوية : ماماا هضري معاه اهى وتيقوليا سلوم تريسيان اشنو ذنبي الى انا طويلة ...

الياس : باش تصايبي لينا سيركويات فدار ...تعزفي سقف تحطي تيليفون يامنة فوق ثلاجة خهههههخخخ 

راوية : غانقولها باش يلصق حبك فؤاد فبلاكة ربعين الي عند الخرجة ...

الياس : اناري صافي اتنضحك ...

نجود ي

يا ولدي تخاف متحشم ...

الياس : اععع دايرين لحنة يييخ ...

راوية : مالها زوينة ...

الياس : منين ...مهم الوليدة غانضرب تا لافران دابا حيث شي يومين هكاك غانمشي لواحد الحفلة دايرينها العشران ديال نهاية سنة ...غانغيب شي يومين هكاك من بعد ...

نجود : ورد بالك تعاود نفس المشكيل وخوك غايجي اولدي ...

الياس : شمن مشكيل يهديك الله هما يديرو الي عجبهم وانا خاطيني داكشي الله يغفر ...

نجود : وصافي الله يرضي عليك...

هو غادي لحفلة ولكن قلب نجود حاس بشي حاجة ورا هاد الحفلة صحيح انها مربياهم ملي كانو فاللفة ولكن كتبقى ام وقلب الام كيحس ...خايفة عليه لا يغرو شيطان ويدير مدار ما قبل لو ما لطف الله وحن فيه خوه مكانش غايشوف شمس على مدة ...ونفس شيء 

خاطرها ممهنيهاش من جيهة الحاج خاصة انه طلب يوسف ضروووري والي معروف انه الى فات بغا يوسف في اجتماع بينه وبينه فهذا كيعني ان الحاج واخذ شي قرار ويوسف هو الي معرض لمدفع ديما 😹😹😹

سواناتها ليه وعطاها فاصمة دارتها عليها ورشات عليها مطهر عاد دارت عليها سبارادرا كبيرة ...

يامنة : انا غانمشي لوح هادو ونطل على الغذاء ...

مشات هي وتكحاز هو بشوي تجبد فوق ناموسية ...حتى طلات على الغذاء وعاد تمات جايا ...

يامنة : نغطيك ترتاح حتى يطيب الغذا " شافت فيه ببرائة " ...

فؤاد "ضور عينيه جيهتها وشير ليها حداه " : اجي هنا ...

يامنة : غادي نوعتك ...

خبط ايدو خبطات خفاف بمعنى غير اجي ...

مشات حتى لعندو شادا ايديها مشابكاهم كتلعب بصباعها ...في حين مقادراش تهز عينيها فديك الكسدة وخاصة انه لابس بوكسر مقدراتش تشوف جيهة ضخامة الي فرعت ملتها ههههه ....

البعد كيدبر على قولة فؤاد رمسيس حتى كنبعدو عاد كنحسو بقيمة الشخص الي بعدنا عليه وعاد كنحسو اننا افتاقدنا لشي حاجات حنا كنا غافلين عليها ...ممكن جدا اننا نعرفو انه ميمكنش لينا نعيشو بلا داك شخص او خاصنا شحااال عاد ممكن نتعودو على الوضع الجديد ...

يامنة بنت تزوجات في على ستة عشر عام...تربات في بيئة ان البنت خاصها متفوتش الدرهم اي بمعنى متفوتش عشرين عام ويفضل اصغر من هاد السن ...تربات على ان الزواج هو مسؤلية بيت وتربية واولاد وزوج الي كتكون هي المهتمة بيه بصحتو لباسو ماكلتو وفراشو وحتى مرضه ...هادشي الي تعلمت ...والصبر ثم الصبر مهما لزم الامر ....

مشات حداه كيف قاليها وجلسات ...جرها حتى تكات وتكاها على صدرو محاوطها بدراعو خاشيها فيه ....حتى ضار على جنبو الايسر مخلي المضروب الفوق ...جرها بايدو قربها ليه حتى لصقت مع كرشو ...

كل مكيحاول ينعل الشيطان كيلقا راسو جارها باغي يشلقمها ثاني لعن ساعة الي فرعها وجاتها العادة الشهرية الي حرمو عليه خيرو ...

يامنة "الصمت حناكها حمرين وعينيها مكيرمشوش " ....

فؤاد "خشا ايدو كيلعب بصباعو كيدغدغ فيها فضهرها وهو طالع حتى حيد ليها الفوق بقات غير بضوني ....زاد قرب كيلصق معاها حتى خشا صباعو فشعرها من لور وزاد قربها ليه ...هبط براسو لفمها حط عليه فمو باش حلو وخشا فمها وسط فمو كيتلذذ في شفتيها الي كيترعدو ...كيبووووس فيهم ويلحس ويجر رحييييق الي فيهم حتى بغا يديه لعندو ....

نساجم معاها فالبوسة الي رفعاتو لسماااا سابعة والي نساتو فشي جرح او ضربة او حتى المافيا الي معاها ...وحتى هي نوعا ما انغامست معاه ومشات معاه ...شادة ليه في جنبو من الفوق ...

هبط ببوساتو ممحيدش فمو عليها حتى هبط لعنقها كيبوس ويشم مغمض عينيه وحجبانو معقودين لواحد الدرجة كتبين على انه مكرهش يصرطها ...رفعاتو ونسا راسو مبقاش حاس باشنو كاين ...

بقا يبوس فعنقها ويعض فيه عضاااان حتى كتهز وتنيين ...وهاد الانين كيزيد على ما بيه كان ناوي غير يداعبها. او بالممفهوم الاخر يفلورطي معاها حتى صدق قريب يدير الدراري غالله يحفض ...

عقلو وقلبو معاها نسا فين هو وشكون هو وحتى ضربة نسا كلشي عايش غير في جو فيه غير هو وهي ...بالرطوبة الي فيها والدفئ الي كيحسو من جيهتها والعفوية حتى في لمساتها كتشعل فيه الي ميشعل ...كيبغي يبين اشتياقو ليها بلمسات وكلمات الغزل ...شخص بطبعو كيبغي يوصل احساسو بالتطبيق وبالقليل من الكلام الي عندو معنى كبير وهادشي علاش هو قليل الكلام وكثير تطبيق ...كلشي عندو بالعقل وخا عصبي وعنيف ...

الحب ديالو قوي وكان خايف يطيح فيه اي بمعنى ديالنا كيف كنقولو ما عمرو حبا ونهار حبا طاح فيامنة ....

رجع لوجهها قبط حناكها بصباعو حتى خرج فمها حط عليه فمو حتى جر شفتيها بسناانو مكرهش يندغهم ...بقا يشلقم فيها يشلقم حتى رجع لحنكها كيلحس فيه هابط معاه حتى هبط لعنقها رجع ليه شبعو عضان …وايديه سارحين تحت ضوني وصلو لدرها حتى كتحس بالضو ضربها ...شد ليها رجليها 

خشاهم بين رجليه كيتحكك عليها ...واحد اللحضة عضها عضة الغدايد حتى غوتت على جهدها ....

يامنة : اااااااام اي ...

فؤاد "هز عينيه خارجين من فور سماع الغوتة " : شنوو ؟؟؟؟ 

يامنة "شادة عنقها بايدها " : اييي قضحتيني اهى ...

فؤاد " فهاد اللحضة فحال عطاتو جرس الانذار باش يفيق ...تكحاز وتكا على ضهرو استغفر الله كان على بونت ..." ...

يامنة "كتحك في العضة وهي تقشع ومشات عينيها ديريكت لمكان المعلم الي كان منفوووخ نيت ...خرجت عينيها وهي تنوض جات جالسة " ...

فؤاد " خنزر فيها " : شنو كاين ؟؟؟

يامنة : همم اا نسيت الغذا ...انمشي نطل عليه 

ناضت بزربة مشات كطير لكوزينة وحناكها سخااان العافية شاعلة فيها وقلبها كيضرب من البعيييييد ...

مشات رشات عليها الما على وجهها ...كان قلبها غايخرج من بلاصتو وكتزيد تخاف من الليلة الي جمعتهم على فراش واحد اجساد متلاحمة ووقع الي وقع ....

طلات على الغذا لقاتو قريب ليه شوي دارت بطاطا ورداتها تققلى ...كملات توجاد شلاض ...حتى وصل الوقت ووجد كلشي ...حطاتو فوق طابلة وهي تمشي بشوي طلات عليه من الباب ...عيطات ليه يتغذا ...

يلاه جلسات تسناه حتى تم جاي عريان كيف خلاتو ...حدرت عينيها مقدرتش مزال تعاود تشوف فديك المنطقة ...غير شوفة لولة ولابس بوكسر وخلعها فما بالك لو شافتو اثناء العلاقات الحميمية الي غاتجمعهم ...وهادشي زادها خوف اكثر ...

تغذاو في جو فشكل منقدرش نعطيه وصف معين جو خاص بيهم لكن اكيد ومؤكد ان الخجل طاغي عليه من طرفها هي ...كملو الغذا كان هو كلا ليه غير شوي ...

فؤاد "ناض بشوي شاد فجنبو ..نطق بصوت فيه هيبة ورجولة " : انا غادي نكمي ...

يامنة : واخا نوجد ليك قهوة كحلة ؟ 

فؤاد " جاوبها بنعم براسو شوي نطق " : وجدي راسك باش يجي يوسف يرجعك ...

يامنة : هاا "بحزن " مغاديش تجي تما ؟ 

فؤاد : لا حتى ليل ...

يامنة : واخا ...

مشا هو لبيت لبس سروال وقميجة ديالو وخرج لبالكون ديال البيت كلس فيه شعل الكارو كيكمي ...حتى جابت ليه قهوة كحلة ديالو كانت جمعات كلشي ونقات دنيا بالخف ...ومشات لبسات حوايجها وهي دخل لعندو ...

ضار لقاها لابسة جلابتها وواجدة ...حس بفرحة انها كدير اشنو كيقوليها وكتسمع هضرتو ومكتعاندوش الشي الي كيزيد يخليه يغرق في بحر عشقها ...طفا السيجارة وناض لعندها ...

فؤاد "جرها من خصرها لصقها معاه ..." : ديري علاش وصيتك سمعتيني ؟ 

يامنة "انها تنعس فبيت وهو فبيت حتى يفك حريرتو مع باه بطريقتو " : واخا ...

فؤاد : وقت الي نبغيك غادي نجيبك بطريقتي ...

يامنة "ابتاسمت وتزنيكة على حناكها ...جاوباتو غير براسها " ...

فؤاد "هبط لفمها باسو بوسة طوييييييلة ورجع هز ليها ذقنها بصبعو حتى شافت فيه وشاف فيها " : المكتوب حطك ليا وكتب سميتك على سميتي …شرع الله وطبقناه وخا باقي ما تممناه ...(ليلة دخلة الي مكملتش ههه) 

تحنى وهبط عنقها وخشا وجهو في عنقها باسو وهز راسو شوي طلق تخنزيرة بحجبان معقودين راسمين حداش ....ونطق ...وليتي تحت جناحي ...جداك مبقى عندها غراض بيك ...

يامنة "عينيها خرجو كأنها شبه عرفاتو شنو قصد 🤷🏻‍♀️....

يتبع ...