يامنة الجزء 22

الفجلة على قولة الجدة زينة هههه ...هي نونو ديال العينين ...هي وحيدتهم وهي الي بقات ليهم من ريحة مها وهي البرائة والعينين ديال دار الحاج مصطفى ...تقيصيهم فعينيهم متقيصيهم في يامنة ...وهادشي شفناه ولاحضناه ايام مكانت باقي بنت في دارهم ...الخوف عليها ديما ...اكثر شيء جداها ...كانت جايا على اساس تشوف حفيدتها عروسة وجايبة ليها العادة وهي الفطور وتشوفها وتفرح بيها هاهي كدمع وتندب وتحندب عليها ...واش جا ميسكتها وهي غير لا تجرحت كانت تبكي ...عينيييييها هي يامنة ...

يامنة "كتهدن فيها وهي والو واش بغات تسكت " :: اااميمة هاني ماشي شي حاجة والله ...

نجود : والحاجة ويهديك الله وتهدني هاهي قدامك كتهضر وتجري وتضحك ...

زينة : واربييي الحبيب واربي على بنيييتي واربي وفجيلتي تعطبت ليا ياربي ودوك ليديات ميستاااهلو ...واااابنيتي الله "تعدد وتجرها لعندها تعنق فيها " ...واااااااالعينين ديالي تهرسو ...

حتى تم جاي الحاج ومعاه مصطفى ...ا

الحاج : اش واقع ؟؟ 

ضارت يامنة غير شافت باها وهي طيييير لعندو تلاحت عليه عينيها دايزين بدموووع شلاال ...الصدر الي الحنين لا هو لا جداها وخا هكاك مكاينش فحال الاب مكاينش وخا يجي مية حضن وحضن ميكونش فحال حضن باك ....عنقها حتى هو شاف ايدها فيها. الباندة ولكن اجل حتى يشبع منها ...عاد حس بالروح ديالو رجعاات ....عاد حس براسو ناشط ...

يامنة : اهى اهى با توحشتك ..."معنقاه " ...

مصطفى : كون تشوفي انا يا بنتي ..."مسح دمعة هبطت ليه...عاد قابلها معاه كيتفحصها " ...مالك ابنتي اش وقع ليك ؟ 

يامنة : غيير طحت وايدي تلوات ليا جا تقل ديالي عليها وانا نتهرس ..."مع اخر كلمة زادت غوتت ميمة زينة "....

واااااهي ربي وعلى بنيتي الله ...واااكبيذتي الله وغااا عوينة ياربي ومتبغيييييييهااااش ليها ياربي ...ياربي انا رسلتها عروسة لقيتها معطوبة ...تعالي اكشادتي تعالي ...اجي حبي ميمتك وطمنيني عليك ابنيتي ...

سي مصطفى : والحاجة وهذا مكتاب الله الله يهديك راها عوينتي تانا وليني مقسمها ليها الله يا عندهم يا عندنا ...

الحاج : واش نبغي لبنتي الضرر راها عينين الدار كلها من كبيرها لصغيرها ...

زينة : عقلي وقلبي كانو مقبوضيييين عليها وحاسا بيها ماهياش حاااسا بيييها ..."جلست حيث عيات وهي واقفة شبه محنية مع تقل الغلض والعيا ديال الركابي "....

سارة : يامنة ...

يامنة "برزطوها بتقلاب حتى نسات صاحبتها مشات ليها عنقتها توحشاات رفقة ديالها ومنبع اسرارها والطفولة وختها ..." ..سااارة ختي ختي ختييي ...

سارة : ههههه توحشتك الفجلة ..."حطت ايدها على ايدها المهرسة " امتا وقع ليك هادشي ...

يامنة : البارح ...

زينة "كتمسح فدموعها بزيف دايراه مشوار جبداتو من تزارتها ( طابلية شقا مضوراها عليها) : واا الفجيلة صيفطها عروسة جيت لقيتها شلاضة ...هادي هي الامانة الحاجة هادي هي ...تعالي حبي ميمتك اكشادتي تعالي ....

بقا معاها باها وجداها والكل فصالون حتى لشوية واستاذن هو والحاج باش يخرجو بزوج خوت بيناتهم ...وخلاو يامنة مع جداها والبقية وحتى راوية ...وبزز باش تهدنت ليهم جداها ...بزز باش اقتانعت وهذا هو حالها مع يامنة فينما طيح تبقى تلالي حتى كيهدنوها ...

زينة "جرت يامنة قربتها ليها تتهضر بشوية ": فجيلتي ياك ما كينهضو فيك ولا يقلقوك قولي ابنيتي قولي وهدنيني عليك راكي عوينة وحدة الي عندي ...

يامنة : لا ميمة والله حتى مزيانين معايا ودايريني انا هي مولات دار وماما نجود دايراني بنتها والله ...

لاحضت هادشي نجود طبعا وخا تجرها ومتسمعش ولكن غاتعيق حيث باينة العمى كتسول على بنتها واش عايشة مزيان فدار ناسها واش مخاصها خير واش واش اسئلة ضرووورية ميكونو من جهة اهل العروس ...حتى نطقت ...

نجود : الحاجة بنتك هي الي نورات دار وعطاتها روح هي الي زادت علينا وبان الخير ...من عند الله قدامها قدام ربح ...بنتك باقي صغيرة وتتربا على ايدينا بنتك مامنهاش جوج فصبرها وطبعها وتربيتها واش الي لقا فحال تربية يامنة تسخى عليه ويقلقها الحاجة ...

زينة : كلامك ابنتي كيريح راكي عارفة عندي غا هي من ريحة بنتي وعوينتي ...عارفة الدار وخيرها ...عارفة متقلقوهاش ويني هادي هي العادة نسول عليها وعلى احوالها ...

راوية : مي زينة يامنة راها بنت عمي ومن دمنا ولحمنا قبل متكون مرت خويا ...الي ضرها ضرنا ...ومكاين الي يقلقها بالعكس حنا الي غانتقلقو فاش ترجع لدارها لهيه ...ولفتها لقيت فيها ختي راكي عارفاني غير انا البنت الي فهاد دار كون ما صحاباتي كون راني تطصييت ههه 

زينة "تتحقق في راوية " : تعالي بنتي نشوفك من زينك بسميرة "سمراء" ياربي تعالي ...

ناضت عندها راوية سلمت عليها تاني وباست راسها ...هاني اميمة ...

زينة : كحلة العيون وزينة النگدة ومخيرة الوقفة ...سوقك باذن الله عامر"غادي يكونو عندك الخطاب " ...ربي يعطيك نقرة فين يغبر نحاسك ...ميلحة ودخلي لخاطر ...

راوية : هههه ربي يخليك اميمة ...ااامييين ياربي ...

يامنة : هههههه ...

زينة "ضارت عند يامنة " : جبت ليك فطورك ودهازك الي بقا وتقدات ليك زهور هدية ...فطورك يكون على حقو وطريقو ...وخا معطل ابنيتي وجدت ليك عشوب شريتهم ليك من سوق منقيين مصاوبين الي تحتاجي فحمامك وفشعرك وفلحمك وفكرشك والى ربي كتب عليك وليدات عشوب نفاسك باذن الله نوجدهم ليك ربي يخليني حية حتى نحضر ليك ونتمنى من ربي يحضرني ليك فولاذتك ...وميدي مو الامانة امانتو ...

يامنة : الله يحفضك اميمة ...

نجود : الله يطول عمرك الحاجة وتحضري لولاد ولادهم ...

يامنة مشات عينها لسارة الي ضربتها ليها بواحد الغمزة زعما سفالة سفااااالة ....خلاتها كتلولب فعينيها ...

زينة : فين هما دوك دراري ...وداك الزين ديال الياس ...

نجود شافت فيامنة وراوية حدرو راسهم ...احم دراري فالخدمة والياس مسافر مع صحابو ...دابا يجي هاد اليومين ...

زينة : وشحااال عشقت ليه بنت المصفرط ياربي لما رشموها تاهي راه عاطية لعين وليني متعطيش فحال بنتي الفجيلة ...

راوية : بنت المصفرط 🤣🤣🤣🤣🤣

سارة : تهههههه والو هي الي بغات لالياس وطارت معزة ...

زينة "قربت ليامنة " : بنتي فين هو زمانك ؟ 

يامنة : ها امم خارج اميمة دابا يجي ...

زينة : ان شاء الله ابنتي ...يجي ونتفاهم معاه على الامانة الي عطيتو ومدارهاش فعينيه ...

اجي ابنيتي مهلي فيك فالفراش ...

يامنة "شرعت عينيها فيها فمها ولا بيض كتسمع فشي تكرشيخات ديال ضحك محبوسين كانو سارة وراوية ..." : اممم ااا مييييييمة ....

وجدو صينية اتاي ...حطو الصينيات وحدة فيها الكيسان والبرارد ووحدة فيها المجامع كل مجمع واش فيه ها اتاي ها سكار ها نعناع ...وطبيسلات معمرين هالي فيه حلوة لوز هالي فيه حلوة دواز اتاي ها الفاكية ...فرشو لميمة زينة فلارض وبطنوها ليها فين هبطت جلسات فيهااولا متقدرش تجلس على سدادر وثانيا حيث مولفة لارض وباش تعمر ليهم البراد على حقو وطريقو ...

زينة : الله يرضي عليك انجود وصيهم على ايلان يديروه ليها فحريرة ديال الحليب على قبل ايدها ..."ايلان مزيان لعضام خاصة ناس المهرسين " ...

نجود : وصيييت عليه وجابوه البارح كي جبناها من الكلينيك راه قلت ليك بنتي هادي ميخصها خير ...

زينة : الله يريح بالك ...بسم الله "كانو جابو ليها المقراج فيه ما طايب " ...

في هاد الاثناء وبالضبط فمدينة فاس فالشركة ديال استيراد الخشب ...هاد المجال متوارتينو على باهم حيث كان فالقديم نجار بمحل صغير ...حتى مسك عليهم الله وفؤاد فتح هاد الشركة ...الي استلمها يوسف ملي كمل قرايتو وخدا ماستر ديالو ....وهي منين كيجيبو لخشب الي كيخدم 

بيه الحاج في الورشة ديالو ...كان فالاول الحاج رافض هاد الخشب يجيه من شركة فؤاد لانه كان كيعتابر ان هاد الفلوس جايا من خدمتو الي كلها حرام ...ولكن بقدرة اقناع يوسف قدر يقنعو بطريقة انه من عند يوسف الي خدم على هاد شركة بتعب دماغو وخدمتو ...خاصة انه شاف بالي فراد مبقاش اصلا مسوق ليها ...

في المكتب ديال يوسف مكتب كبيييير الي هو مكتب رئيس مجلس الادارة ...جالس هو وفالكقابل ليه صهيب الي جا لشركة كيخدم على قضايا شركة نيت ...جالسين في اجتماع خاص بيهم بزوج ...

صهيب "هز ايديه دارهم ورا عنقه بتعب " : وااا صاحيب عيييت ناري من صباح ...

يوسف : وايييه ولكن كان خاص نتاكدو ويكون داكشي مضبوط باش منطيحوش فشي حاجات ماشي قانونية ...

صهيب : صافي كلشي هو هذاك غانمشي لدار ضروري نطالع على الملف ثاني غير تهنى ...

يوسف "حط راسو على كرسي بتعب ...فتح زر القميس وزر تاني وتالت ...." 

صهيب : بغيتي تحط علينا الفيستة ولا ...

يوسف " شاف فيه بنص عين " : ايييه باش نملخ ملتك نيت واحد طرح ديال لعضا تيولي ضهرك رطب من كرشك ...

صهيب "لولب عينيه وهضر بهمس " : انا حادك فيا مالك مترطبو لخوك ...خهههه 

يوسف : ابركم تم بركم فحالي فحالك غاتهنى ...

صهيب : واحد الياس مطليتيش عليه اصحبي واه من ولبارح واش كتعطيوه ياكل ...

يوسف : كدخل ليه الوليدة وصاها هو باش دخل ليه ماكلة قليلة ميشبع ويجوع كثر ...

صهيب : صراحة الله والله تا غزا فيه ....

يوسف "تيهضر برتااابة " : غزا فيه وقصى عليه ...

صهيب : غزا فيه هو عارفو كيداير وجا شارب وهو كاين وعارفو كاين شنو زعما كيشد ضد بغا يقلل احترامو ليه ؟ فين عمرك شفتينا هزينا فيه العين ؟ 

يوسف "حك على راسو بقلق " : فففف عيييت ديما هاز حمل انا دييييما ...عيييت معاه فؤاد مكيبغيش يشوفنا فحالو باغينا نكونو حسن منو كيتقاتل باش منطيحوش فنفس اغلاط ديالو ...حياتو خطيييرة بزاف ...كل نهار كنقول غاتجينا خبارو ...

وزادو الوليد ب يامنة لصقها ليه وزادو ضغط فضغط ...شنو كيتسنى الي متفرگعش علينا كاملين ...انا عاذرو فاي حاجة والا على الياس دابا يعطيه ايام تيتربى ويسمعو جوج كلمات ويقطع معاه الهضرة وهادشي عارفو كيقتلنا معمرنا قدرنا نقطعو الهضرة عليه وخا كنخافو منو كنحتارموه الا وهو خونا وبانا ...

الوليد كان مخلي ليه زمام امور تربيتنا وتقاتل على قبلنا حتى وصلنا الي وصلنا ليه ..عمر شي حاجة خصتنا ...وحنا باش جازيناه خبينا عليه وزوجناه بلا خبارو ؟ غير كنتفكر هادشي كنمرض حق الرب الجليل ....

صهيب : دار خير ولا صارح الوليد ...اما كان غايدير شي عجب تاني داك الوليد تاهو ...اجي غاتقول لفؤاد راه قاليك نوجدو وراق طلاقو ونعاودو نفس قضية زواج تزيدو يسني بلا خبارو ؟

يوسف : ملي صارح الوليد كنضن مغايبقاش يتدخل بيناتهم المهم هاهو ارتاح ولكن ضروري خاصني نقولها ليه ...عالاقل باش ترجع الثقة اللولة الي كان عاطيني ...

صهيب : معلييييكش قولها ليه ونقولوها ليه بزوج تا باقين غانهاودو تا را كانتفكر اش درنا وتخليطة الي خلطنا زيد عليها كون وقع نفس شيء في طلاق مجرد التفكير الخنونة في منخري تتنشف ...

يوسف "هز فيه عينيه وجهو مخصر شير عليه بواحد الگرافوز قدامو" : تفووو على مسيسيخ ..

قبل مايجيو كان هو …في وقت ابكر خرج من الفيلا ...اول حاجة دارها هي انه كيوفي بكلمتو انه تبرا ليه ويبرا ليها ...كيف فاق لبس حوايجو ...قميجة گري وسروال فصالة كحل ...لبس تقاشرو ورش بارفان ديالو قاد لحيتو ولبس ساعته ...مشا باس ليها راسها وشفايفها حتى طول فالبوسة على شوي تفيق ...باس ليها ايدها المهرسة كانت معنكشة وقادها ليها ...غطا ليها رجليها الي عراتهم حتى بان الكيلوط ...ورجع غطاها ...لبس صباطو وهز الفون والكونطاكت وخرج ...

اول شيء شرب قهوته في المكتب ديال باه حل شرجم حتى كما وخرج دخان برا ...حل اللابتوب بدا كيطابي ويذخل لواحد سيت خاااص ...اشنو فيه وعلاش كيبحث بالضبط حتى يتوصل لنتيجة حتمية عاد يقدر يقرر انه وصل لاشنو بغا ...شي ساعة تقريبا وهو عاصر تما ...حتى شاف فساعتو وناض وقف ...رجع الكمايم عقدهم وطفا لابتوب سدو ودارو فالخزنة ديالو الي فالمكتب والي بالكود ديالها

تاحد ميقرب ليها من غيرو ...سد عليه وطفا الكارو ...خلا شرجم محلول باش تخرج ريحة ديال دخان متخنقش باه من بعد ...تلاقا بنجود باس راسها وخبرها باش تطمئن على يامنة واشنو خاصها وخرج ولكن قبل ميخرج ...

عقد غوباشتو وطلق تخنزيرتو القرطاسية ...توجه ناحية الملحق او الدار الي بجنب الفيلا ...دخل نيسان حل باب لاصال ...حتى لقاه ناعس فضص باقي عريان ...وقف ليه عند راسو ...حركو برجليه وهو يفيق ...وجهو فيه كدمات وزواق وتورمات باقيين ليه فايديه ولحمو ...

الياس "حل عينيه شاف فيه وهو ينوض تگعد جلس " : ف ف خوو احم خويا ...

فؤاد "عاقد حداش ومخنزرررر فيه واحد تخنزيرة كيحك بسنانو يحك يحك ...شحال وهو كيشوف فيه حتى تفافا الياس وحدر راسو ...عاد هبط تاني وكابيه وقرب لمستواه ..." : علاش ؟؟

الياس "حادر راسو " : سمح ليا ...

فؤاد "خبط ليه كتفو خبطات خفاف وفي كل خبطة كيقفز الياس حيث كيعگرو " : علااااااااش. ؟

الياس : مترجلتش وديتها فشهوات ...كنت طايش وربي غفور رحيم اخويا ...سمح ليا ..

فؤاد : شنو خاصك شنو محتاج ؟ 

الياس : تاحاجة ...خيرك مغرقني اخويا ...

فؤاد : علااا ش؟

الياس : نستاهل اي حاجة غير سمح ليا وعطيني فرصة عاد وعيت فاش خليتيني وسديتي عليا حسيت بالنعمة ...جوع خلاني نتربى ...درت راسي فالحرام وشديت الضد ...

فؤاد "هز ايدو تالسما ونزل عليه لحناك بضهر ايدو حتى طاح مزال عريااان ...وجهو مجخلط وموسخ ...مبقاش غوت ولا كينين بالالم ...خرج لسانو وطواه عض فيه بجهد قبل مينطق " : جوج كلمات مغاديش نفوتهم ...ما نتا خويا ما انا خوك .."ناض وقف " ...

الياس : بغا يهضر غمض عينيييييه بغا يبكي مضنش غايتقلق منو لهاذ درجة ...يلاه بغا يطلبو حتى ضار لقاه غادي خارج وخلا ليه الباب محلول ...

خرج فؤاد ومشا دخل وصا نجود عليه ...ورجع هو خرج شد طرييق لازرو اول شي لكلينيك باش يوفي بوعدو ويداوي جرحى وثاني شيء طلع نيشان لفاس لاغراض خاصة بيه ....

بقاو مجمعين فصالون ...ناضت نجود تشوف الكوزينة وتوقف على الغذا وتعطي التعليمات شنو يوجدو وشنو يتقداو ...فحرتها بقدوم اهل يامنة كبييييرة وتوترها من ناحية زينة في ما يخص السروال تاهي شوي كبيرة ...قررات الحل الوحيد انها توهمها بسروال وفيه نقيطات دم عاديين ولكن واش هاد الحيلة غادي تمر على مي زينة ؟ ...رجعات لصالون لعندها الجدة ...

ناضت راوية ويامنة وسارة لجردة حدا لابيسين ...جلسو فالطابلة ...كيهضرو ويضحكو بنات قراب لبعضياتهم ...

سارة : دابا اتكملي قرايتك فين غاتخذمي ؟

راوية : يقدر فالشركة عندنا اصلا المجال الي كنقرا مزيان لشركة ...

يامنة "شافت فيها بحب " : سعداااتك تمنيت لو كملت قرايتي ...

راوية "حطت ايدها على ايدها " : خويا قد ما جلس ميخليكش بلا قراية وخا واعر...حتى هو راه قاري ...… هو اكثر قراي فينا غير ضروف مساعداتوش يخدم فبلادو ...قصة طويلة هو غايقولها ليك ...

سارة : اجي قولي ليا شنو غاديري مع ميمة ...ناااري را زهور مخلات كي دخلتها وهي قالت ليك بغات دير ليك العادة ...

يامنة : ولاش تتفكريني لاش ناااري ...

راوية : واش نفس الهضرة ذيال سروال ؟ 

يامنة : اااه ...

راوية : نههههه. والله تا يتيري فيها وسط راس خهههه ...ماما غادي تكلف غا تهناي ...

سارة : اش غادير ؟ 

يامنة : معرفتش هي الي قالت ليا غي تهناي انا خايفة لا يعرف والله تيقتلني اهى ...

سارة : نهههه يقتلنا حنا ويخليك نتي غا تهناي ...

بقاو مجمعين كيضحكو ومرة يجبدو هضرة يتناقشو عليها وهما جالسين حتى تحل باب الفيلا ودخلات سيارة ديالو ...كانو هما بعاد والبنات عاطين بضهر ...الا يامنة كانت من جيهة لاخرا ...شافتو حتى ركن سيارة وخرج منها بشوييييي حتى وقف كان ذاير نضاضر كحلين ...ضور راسو وهو يقشعها جالسة بعيييد ..شير ليها بايدو باش تبعو ...

يامنة "ناضت حنيكاتها مزنگين " : احم انا غادي نشوف فؤاد ونجي ...

سارة "ثغرت فيها عينيها" : ومال وجهك تاني تزنگ ؟

يامنة"خسرت سيفتها " : سااارة سكتي صافيييي 

راوية : ههههههههه سيري سيري هي معليها والو راه وجهك الي هرب دم من داتك ومشا ليه ...استاذنات منهم ووجهها بغا يطرطق ...مشات دخلات لفيلا وهي طلع لبيت نيشان حيث شافتو داز من جيهة لاخرا عرفاتو طلع لبيت ....

طلعات ويلاه دخلات لبيت حتى حست براسها كضور ولاصقة مع كرشو محاوطها بدراعو ومزيييير عليها ...حتى بدات كترمش وزامة فمها بخجل وصدمة ...كلشي تخلط عليها ...خلعها ...

فؤاد "هبط لعنقها خشا فيه وجهو بشوييييي ...باسو بسوة خفيييييفة حتى تحولت لبوسة عميييييييقة حتى خرج لساانو وطلع بشوييييي بشويييي حتى تبورشت وطلعت ااه خفييييفة ...طلع لودنيه جر شحمتهم بفمو مصها واستقر عليها ...حط ايدو على ايدها المهرسة ونطق كيطبطب عليها بشوية " : شوية ليوم ؟

يامنة "قلبها كيزدح حتى كتسمعو فراسها " : اممم اه شوية ...

فؤاد "حول ايدو لدراعها كيمشي ويجي فيه بصبعو كتحس بدغدغة ...طلع لوجههها شاف ليها فعينيها الي كيهبلوه وهما هابطين بديك الحشمة الي كتسالي معاه ...هبط عينيه لشفايفها الي كتلعب بيهم وهي متوترة ...بقا كيشوف فيهم حتى هبط لعندهم واستقرو شفايفو عليهم ...جرهم بشوي ببوسة خفيفة ...شوي حتى ولات بوسة نييييت 

عضها في شفتها بجهد حتى غوتت ليه بشوي وسط فمو وهو يخشي لسانو فيييه ...كيلعب ليها داخل فمها كيضور على جميع القنات الي فيه ...ايديه كيلعبو فضهرها حتى كيهبط لمؤخرتها كيعجنها بايديه ويتحكك عليها ...واحد شوق 

واحد الاشتياق تملكو فديك اللحضة مكيشبغش منها غير كيشوفها مكيكرهش يقنتها فجيمع القنات ينفارد بيها ولكن مبرزطو انه ماشي وحدهم وغير مكيزيد يبغي يقرب موعد رجوعهم لدارهم وعش الحب الي نما فيهم…

...وخلاه يعشقها ويعلن على انها مراتو شرعا ويتقبلها ومن فوق هادشي يتجنن بيها ...لحضات وهما على ديك الحال ...

بقا يبوس ويمص ويجر بلسانو ويبرك حتى كتهز ويزيد يتحكحك عليها ...حتى هبط لعنقها خلاها تنفس وحتاها عليها بعضة خفيفة حتى قفزت ...

يامنة : اي ...

فؤاد "بقا معنقها وخاشيها فيه مفرق مسافة بين ايدها وكرشو باش ميعگرهاش " : البعاد كيقتل ابنت ناس ...صبرت بزاااف ...

يامنة "تترمش فيه ببرائة " : خرجتي صبااح ؟ 

فؤاد : مشيت سوانيت هادي "كيوريها جنبو " ...طلعت لفاس قضيت شي غراض ..."هز ليها وجهها " ...جاو داركم ...

يامنة "جاوباتو براسها " : همم اه جاو ..."كتوريه بايدها " ...كاينة ميمة وصاحبتي وبابا خرج مع عمي ...

فؤاد "عض على شفته السفلية وحك منخرو ...رجع شاف فيها " ...: "ضار جيهة دوش كيحل فصدافي القميجة حتى حلها وحيدها قدامها ...عطاها بضهر هز راسو حتى طرطق عنقو هز ايديه حتى تورمو كتافو العراض ...ودرعانو تنفخو ...هادشي كتشوف فيه يامنة وكتزيد تحل فيه فمها ووجها مزنگ ...

هبط ايديه كيحل فسمطة ديال سروال حيدها وضار داخل لدوش لقاها واقفة ..." 

فؤاد : تسنايني تنهبط معاك ...

يامنة : غادوش ؟ 

فؤاد : لا دوشت صباح غادي نغسل ايديا ...

يامنة : وخا انا نجبذ ليك متلبس ...

فؤاد "ضار غادي داخل وكيهضر " : لا غير رتاحي نتي انا خارج عندك..

دخل لدوش حيد سروال وتقاشر تما لاحهم فسلة ديال لوسخ غسل ايديه ووجهو من غبرة زنقة نشف وخرج ...داز لدريسينغ جبد منو سروال قطن كحل وتيشرت بيض مكتوب بالاسوذ ...لبسهم ولبس كلاكيط صبع ...مد ليها ايدو حتى وقفات 

حاوطها بدراعو من جهة لايد سليمة وضور ليها ايدها على جنبو ...باس ليها راسها وخرجو بزوج هبطو فاتجاه صالون ...حتى دخلو على نجود وزينة الي كانو مجمعات كيضحكو ...

فؤاد "حنحن ونطق بصوته رجولي الغلييييض والخشن نطقها بواحد صوت فيه هيبة ...نطقها ثقييييلة وبزربة فنفس الوقت " : سلام عليكم ...

زينة"هزت راسها " : وعليكم سلااام اولدي ..."مصغرة عينيها كتحقق فيه" واش هذا فؤاد راجلك ابنيتي ؟ 

يامنة "بخجل نطقتها بشويييي " : اه اميمة ...

طلق منها فؤاد ومشا حتى لعندها تحنى على ركابيه كيشوف فيها رافع حاجب ومنزل لاخور ...قبط ايدها وباسها وجر ليها راسها باسو ...

فؤاد : هو هذا الحاجة ...

زينة "كتحااااقق فيه " : زين طولة والوگفة وغليض الصوت وقفتك تحنت عشرين ...كي دراعك كي كلمتك ...من عينيك كلمتك كلمة رجال شوفتك يتهزو ليها جبال ...راجل بدراعك وبقاعك ....

يامنة ونجود وسارة والبقية اما راوية فهمت ومافهمت وليني ديك. راجل بدراعك وبقاعك فهموها طايرة راوية هربت باش ضحك لا يسمعها خوها ويجخلطها تم يامنة ماتت سارة بغات تبكي وهي حابسة ضحكة ...

فؤاد "عقد حجبانو بغا يخنزر وحشم "...

زينة : خليت ليك بنتي امانة ولات تحت جناحك ...علاش مرديتيش ليها البال وهي نور العينين ...

فؤاد "حنحن ...هبط.راسو كيعض فشفايفو بعصبية ورجع شاف فيها ..." : خرجت من جناحك ولات تحت جناحي ...مبقا ليك بيها غراض ...هي نور عينيك ولات عينيا ...هذا مكتابها ...نهزها بسناني ..عمارة دار منفرط فيها......راجل بدراعي قبل من كلمتي ...قاعي بيني وبين مرتي ...."باس ايدها ثاني وشاف فيها بواحد نضرة "....من غير مرتي ...الي سول على قاعي جوابو دراعي والي حك نحاسي كيلقا باسي اميمتي...

يتبع ...