يامنة الجزء 26

اصعب موقف ممكن يتحط فيه الانسان هو انه يلقا راسو تغفل تشمت ولا ضحكة ...في طبع فؤاد عندو نيشان واكره حاجة عندو هي الكدوب الكدوووب الكدوب والاستغفال...ياما معنى ليها بالصريح وبلا مباشر باش تقوليه اي حاجة كانت تقولها ليه اي حاجة وقعت ليها هي تحكيها ليه ليس له شان بالاخرين سوى بعائلته وخاااصة الزوجة ديالو ...ياما صارحها وبغاها حتى هي تبادلو نفس الشيء ...

ولكن شنو غادي دير !! عقلها هكاك داير هكاك مصور ليها مبقات عرفت شنو دير مع جداها كان كل همها ترضي الخواطر لكلا طرفين ...اشنو دير وخا دخلتها مسؤلية زواج باقي عقلها على قد سنها ...

باقي نية وباقي مكتبغيش الي يتقلق منها تربات على ايد جداها الي مكانتش كتبغيها تقلق منها مكانتش كتبغي تشوف جداها قاطعة هضرتها ....هذا هو عقلها ...

فيها بزاااف وبزاف الي ممكن ميتماشاش مع الزمان وتكاليف الحياة ...وهادشي كيحاول فؤاد يربيها عليه ...ياما حدرها ولكن هي والو حاولات تفك جرة بلا ميعرف بمساعدة نجود وبهاكا ترضي طرفين بزوج ولكن انت تريد والله يفعل ما يريد ...

رجوع ديالو مكانش فالحسبان عندو فعايلو هي فعايلو …فعايل الحس فعايل جن لزرق الي متعرفي ليه لوقت ولا زمان امتا كيكون وفين كيكووون ....شنو كانو ناويين شنو كانت خطة نجوود ...من الاصل ...

قفزهم صوته الي مكانوش دايرين ليه حساب اوو نقولو مكانوش عوالين انه يرجع ديك ساعة …شنو رجعو واشنو جابو وربي حطو ليهم فديك الوقيتة بذااات مع الكلام الي تقااال !!!

فؤاد : شنووو ؟؟؟؟ "عبنيه خارجيييين " ...

يامنة "بالخلعة وقفت كتشوف فيه عينيها حتى هي خارجين وهذا الي مكانت حاسبة حسابو " : اممم !!

نجود "ناضت حتى هي رعدة راكباها " : و ولدي رجعتي ! 

فؤاد "الفك ديالو كيبان ليهم كيتحرك مغزز على سنانو وعينيه مزال خارجين ...دار حركة بصبعو لفمو " : سولت ؟؟؟؟ "غوت واحد الغوتة حتى تزعزعو الحيوط حتى طارت مي زينة ونزلت تاهي " ....ااااااااااااشنووووو هادشي سماااااعت ....

يامنة "بدات تفتف بغات تموت بلاصتها " : اا لا امي ميمة ...

زينة "غوبشت " : ياك لباس اولدي مالنا على هاد الغوتة اش كاين لهادشي كلو ( وجهك صحيح اميمتي ) ...

فؤاد "ضرب ليها واحد مولاتي تخنزيرة وغير مراة كبيرة اما كون راجل ولا شي حد اخور كون جخلطو وميعييش راسو ...رجع شاف فيامنة ...حدر راسو حتى حدرو مزيااان كيغمض عينيييييييه وكياخذ نفس "....

نجود : ولدي اش واقع غير سمع بعدا اش كاين ...

فؤاد "هز ليها صبعو بمعنى سكتييي " : يامنة ...

يامنة "قلبها بغا يخرج رجليها فشلو " : اممم انا ...

فؤاد : طلعي لبيت ...

يامنة : اا عل..."غوت تا قفزت كانت غاطيح لو ما نجود مهضرت ما تحركت …طارت يامنة مشات كتجري ودموعها دايزين غادي وتولول وتقول هذا اخر نهار ليا فالحياة ماشي حتى فالمغريب هنهن ...

نجود : ولدي تهدن مكاين لاش تعصب على والو ...

فؤاد "تحنى خبط فوق واحد الطابلة ديال زاج زوج خبطات حتى تقسمات على زوج غوتات نجود شدت فحناكها" : مااااااااااا كنجبد حد ياك ...عاااارف وحاضي وتاحاجة مكتخفا عليا الوليدة ....مباااغينش دخلو سوق جواكم وتخليوني هاني مع مرتي ؟ ...

نجود : رااه مدر...

فؤاد "دار صبعو على فمو عينيه خارجين وجهو ملامح ديالو مكتعجبش ...جمع صبعو عند فمو بحركة ديال سكتييي ...هز رجلو تاهزها قبس بيها واحد الكرسي صغير كديكور حدا طابلة ديالو ضربو مع الحايط حتى تشلخ تشلااخ ..."

زينة "خلعها وخافت على بنتها من شافتو نهض فيها " : اااالى حطيتي عليها ايدك منسمح ليييييييك ...

فؤاد "حكات عليه …وعليها علاش يقلب هههه ...مشا ليها منير تالعند وجهها " : لو كنتي تعرفي معنى الاصل والصواب كنتي مديتي ايدك عليك وضربتي راسك ...مقامك عندي مقام مرتي من جيهتك ...الفاهم يفهم ( يعني را فحالك فحال جدة واحترامك واجب ) 

دخليييي سوق راسك "خرج عينيه " ...اميمتي ...."ضرب ضورة ومشا خرج من صالون الي رون "....خلاهم كيحنززو فبعضياتهم....

ضرب ضورة وخرج منير داز من حدا سارة وراوية الي كانو جايات فحال صاعقة ....حتى ضارو كيشوفو فيه طالع مع دروج كل درجة يدير فيها ربعة ...عرفاااتو راوية كاعي ومن خيبها كعيتو لا فات تا ناااض ...

راوية "شافتو غادي بديك طريقة مكشكش " : نااااري اش واااقع ...

سارة "كتشوف " : شنو مالك ؟ مالو خوك ؟

راوية : باينة طرات شي حاجة ...

تمشات جيهة صالون وتبعتها سارة تاهي ...حتى دخلو لقاو دنيا مرررونة اغلب الي تما مقلوب وطابلة ديال زاج مهرسة ولكرسي مشلخ والحالة ...كي هزو عينيهم بانت ليهم نجود محنية على زينة كتهدن فيها ولوخرا عطاتها لنواح ...

نجود : الحاجة راه. راجلها شنو غايوقع ليها ...

زينة : واااابنيتي غا يضربها ليا وااهيا ربي وهي عوينيتي اش وقع لهادشي كامل بغيت نفرح بصباحها ندير العادة وندي منعاود لدوار ...

نجود : اويلي يا الحاجة على تدي متعاودي اويلي حي فكينا جرة بقا غير تزيدي متدي تعاودي اغدايدي ...

زينة "مسحت دموعها بزيف وشافت فيها بعينيها جاحدين خضرين فحال عينين يامنة " : اااابنتي ميمدش عليها ايدو افجيلتي ميضربهاش ليا راه لا بكات وطاحت دمعتها انهزها ونرجعها فحالها ...

نجود : الحاجة فؤاد ولد عمها وراجلها زوجتيها ليه صافي مبقا ليك غراض بيها وهو ماشي رعواني يضرب ماشي قلة رجلة وماشي غير جي وضرب الحاجة ...

راوية "من بعد مشافت اش طاري " : الوليدة شنو واقع ؟؟

نجود "كتشوف لتحت وتهضر اصلا طلع ليها دم " : والو غير خوك تعصب راك عارفاه ...

راوية : خويا مكيتعصبش لهاد درجة غير هكاك ...

نجود : من بعد من بعد عيطي لمريم ووحدة من البنات يجيو ينقيو دنيا "شافت فساعتها " ... شوي وغايجيو العيالات والله يحضر سلامة ميطرا والو يودوز نهار على خير ....

راوية "جرت نجود وخلاو سارة مع زينة كتسكت فيها وتجيب ليها الما تشرب وهي محروقة على بنتها ..." ...

خرجو على صالون وتكونو فواحد القنت ...

راوية : متاكدة مغايدير والو ؟؟ عنداك يجعر تاني ويقلب علينا دنيا راه داز من حدايا وجهو مكيبشرش الوليدة ونتي عارفاه كيداير ....فينهي يامنة شنو واقع بعدا...

نجود"كتندب فحناكها بحركات خفاف " : سمعنا كنهضرو على سروال سمع الحجة زينة كتقول بغات تشوفو سمع يامنة بغات توريه ليهاز..

راوية : وهي لاش دايرة هاد الحالة كلها اويلي شنو هاد تخلف ...واش باقي هادشي 

نجود "سرحت ليها ايديها " : هاهو بااااقي عندهم باقي مع الاسف باقي هاد القضية قبييييلة خوك كان غايقلب علينا طابلة فاش قلنا ليه غيييييير غايجيو يباركو حيث كاين فطور العروسة غير سمع دخلة كحل لينا بالعما حتى دخلات يامنة عاد عرفت را بغا ليها وخلاها ...هاهو ناض صداع سومع كلشي ويعلم الله اش داير ليها لفوق ....

راوية : راه دم سنانو الي يتدخل ليه فخصوصياتو جات تالهادي خاصة بزاف وبغات تدخل ...

نجود : معندنا كي نديرو مراة كبيرة يامنة مبغاتهاش تقلق منها حتى هي جات بين البينات ...

راوية : شنو كنتو ناويين ديرو ليها وداكشي على مقالت ليا يامنة وقع لهيه دخلة دخل عليها لهيه فموسكو ...

نجود : كنت ناوية نوريها غير سروال شريتو ديال طرز الحساب على ود عاداتهم 

راوية : سروال طرز الحساب ؟ واش داك داك هههههههههههه اش كنتي ناوية ديري بيه ...

نجود : درت فيه شوية دم جرحنا صباعنا ودرناه را درتو شحااال هادي باش يقدام ساعاك بان ليا غايولي سطل ماشي سروال ( راه سطل انجود سطل نيييت فالحقيقة ) ....

لتحت ناضت فيه روينة من بعد ما جمعو البنات صالون ونضفو دنيا خلاو زينة ومعاها نجود وراوية وسارة كيهدنو فيها وهي تلالي على بنت بنتها لا يضربها ليها وشي طبيعي خوفها عليها ولكن الي ماشي طبيعي انها معارفاش انها هي كتسبب ليها فهادشي !! 

قبل مينضفو دنيا وفور ما قاليها طلع لبيت ...طلعات وجهها بيض وصفر بالخلعة مشات كتولول ...عاد رجعت معاها انه قاليها اسرارنا ديالنا بيناتنا بزوج لا ثالث بين راجل والمراة سوى لكان شيطان ولكن شنو دير لا هو سمعت ليه ولا هي فهمها شي حد ...من بعد ما طلباتو وبكات عليه باش يخليها تبقا ودوز هاد النهار هاهي يمكن موحال دوز تا نهار ....

دخلات البيت كتمشي وتجي وشادا فايدها المهرسة ...عينيها دغيااا تزرزروو بدموع ...الخلعة والخوف والفقصة كلشي تخلط ليها فديك اللحضة ...

يامنة : وااماماما اهى اهى وااكحلتها كحلتهااا اهى ...

بقات تمشي وتجي فالبيت حتى سمعات خطواتو جاي ...دفع لباب حتى تخبط مع الحايط ...دخل بملامح مشافتهمش كيفاش دايرين ...هي عينيها غلبو عليهم دموع قلبها بغا يسكت ...تتقول هادي لاخرا ليها فحياتها ماشي تا دار ...راح تلحليح في كلام فاحش ههه ...

يامنة "مسحت دموعها وغير سمحتهم وهو يبان ليها واقف عند طوالة الي فبابا البيت داير ايد فهاد الحايط وايد فداك الحاحيط ...حادر راسو كيدوز على شفايفو بينانو صدرو كيطلع ويهبط ..." : اننمم والله ما كنت ناوية ....

فؤاد "هز عينيه مخنزرررر حتى رجعات لور ...": سكتييييييييي ....

يامنة : اهى عفاك والله ...

حيد ايديه وتم جاي مد ايدو لقميجة حلها كاملة حتى بان صدرو وهو غادي وهي راجعة بلووور كتفيييبري ....مد ايدو لسمطة حلها وحيدها ...لوها على ايدو ...غا هي بان ليها حلها وجبدها لواها على ايدو قالت غادي يسلخها محست غير بغوتة طلقتها ولو ما بيتو عازل فيه حايط دوبل بريك مكيسمعش صوت كان غايجريو يتجمعو ....

يامنة "بالخوف غوتات " : وااااااااااااعععععععع لااا اعى والله ما درت شي حاجة ...وااااا لاااا ...

هز عينيه فيها هو مكانش ناوي يسلخها بسمطة كان غير كيحيد فيها بنترة العصبية الي فيه كيتنتر ويلوح ...مشا طار لعندها شدها من فكها بقج ليها حناكها حتى خرج ليها فمها ...

فؤاد "خنزر فيها بواحد نضرة خلاتها تصهط " : شششش ق ل ت ل يييييييييييك سكتييييييي ...

يامنة "باجغ ليها حناكها والفك ديالها ولات غا تبجغط فالهضرة " : اععخخغجزاز فافي فافي (صافي ) 

فؤاد : شششش ...

يامنة : صمت ...

شحال حتى سكتات نزلو دموعها كيجريييو ...عاد طلقها حناكها مصورين فيهم صباعو زوج باس كان شادها مع لحمها بيض ...تقابل معاها

فؤاد : شنو وصيتك ؟ 

يامنة : اهى اهى "حدرات عينيها " ...

فؤاد "غوت تا قفزت " : شنووووووووو وصيييييييتك 

يامنة : منوريهاش خصوصياتنااا اهى اهى ...

فؤاد : ونتي اشنو درتي ااا شنو خليتيني حتى خرجت وبغيتي توريها ؟ شنو غادي توريها ؟ شنووو ؟؟؟؟

يامنة : اهى اهى ...

فؤاد : غادي نسولك لاخر مرة الى كدبتي عليا تحمليييي شنو غايوقع ليك ..."هز ايدو لفوق " ...مغادي نضربك منقرب ليك ...

يامنة "حركت راسها وحادرة عينيها كتلعب بشفايفها حابسة البكية باش متزلقش حيث قاليها سكتي. " : منكدبش منكدببش اهى ...

فؤاد : شنو كنتي غاتوريها ؟ وكنتي غاتوريه ليها لو كاااان ؟؟ اااا ...

يامنة "جاوباتو براسها عاد نطقات " : اممم اه اه كنت غانوريه ليها وكيفاش مع معرفتش ...

فؤاذ : هضريييييي مقاد …وياااااااك وياك تكدبي مغاديش يعجبك الحال ...

يامنة : معرفتش اهى كانت غاتعاوني ماما معرفتش كيفاش كانت غاتوريها انا والله مبغيتهاش تقلق مني هي هاكا دايرة هادشي هاكا عندنا وانا…الى تقلقات غاتقطع هضرتي وانا منصبرش عليها وهي مخاصمة معايا … والله مناوية نوريه ليها حيث معرفتوش فين هو اهى اهى من من " تزنكت مقدرتش تقول ليه من الي وقع بيناتهم فاش دخل عليها " ...اعى اهى ....

فؤاد : شنو وصيييتك انا اااا شنوو ؟؟ عارفاني كنوصيك ما مرة ما جوج ...ابنت ناس راني خايب ايامنة راااني خااااااايب ورغم ذلك داير ليك الخاطر ونتيييييييي مبغيتيش الخاطر ؟؟ ااااا ……هز ايدو تالسما وضرب بيها الفيوز حتى طار عالحايط تشتت حتى طارت ونزلت ....اشنووووو وصييييييييتك ...مشا لباب ديال واحد الماريو صغير محطوط قبسو برجلو تا تشلاخ وطاح داك الديكورات ديال زاج الي فوق منو ....

يامنة : اهى اععع صافي سمح لياااا اهى ...امممم ...مضربنيييش 

فؤاذ "بقا يضرب حتى ضار لعندها وقرب ليها " : ماشي كلب الي نمد عليك ايدي ولكن ابنت ناس ...لا حكيتي نحاسي غادي تلقاي باسي وباسي من جيهتك نتي قطعان الكلام ولا قطعت عليك كلامي تمناي لو ضربتك ومتقطعيهش ....

قرب لعندها تالعند وجهها ونطق بانفاس حاااارة ... جمعي الي غايخصك وراقك ..."وراها ساعتو" ...ساعة وغانتحركو ...

غير قاليها هاد الهضرة عينيها خرجووو ...حطت ايدها على فمها ...كتنفي براسها بغات طلبو ولكن الحالة الي ذار لا زادت مغايعقلش عليها وخا قاليها منضربكش عارفاه تيغيب على الوعي تماااما ....

يامنة : اهى اهى ياك قلتي تالغذا ...

فؤاد "عض على شفايفو بعصبية هز ايديه حتى لفوق هو باغي يضرب شي حاجة وهي غمضات عينيها " : تگاااااالعي ديري شنو قلللت يااااااالااااه...

ضرب ضورة وخرج هكاك بقميجتو محلولة ...تم نازل مع دروج كيزرب كيبانو رجليه كيفرفرو فدروج حجبانو معقودين وتخنزيرتو طاغية ...حتى وصل لصالون عيط لنجود بصوت مجهد ...

فؤاد : الوليييييداااااا ...

خرجات من صالون كانو شي عيالات على مشارف الوصول ...

نجود : هانا ولدي ...غاتهدن الله يرضي على ولدي ما وقع باس عارف العيالات الكبار وهي مبغاتش تقلقها والله مناويين نوريوها شي حاجة غير تنسايسو معاها ...مدير ليها والو راها باقا صغيرة ...

فؤاد : مبقاااااتش واش غاتوريها الوليدة بقات فاللعب من ورايا ...يامنة وصيتها وعاودت ...ونتي بغيتي تعاونيها ؟؟؟ درتوني ضحكة ؟؟؟؟"كشاكشو خارجة " ....

نجود : اااا 

فؤاد : اااا فاش؟؟؟ اش غاديري ااااش ...نعاود ندخل عليها قدامكم تفرجو ؟ نعيط الوليد تاهو يحضر .؟؟؟ 

نجود : استغفر الله شنو هاد الهضرة ؟؟؟ 

فؤاد "خنزر فيها " / سوليها لييييييك هاد الهضرة ...سااااااااوليها لييييييك ...."شاف فيها تا شاف بتخنزير وضرب ضورة وخرج لجردة ..."

نجود : ياربي سلامة ياااربي ...عرفاتو مشا لجردة وهي تمشي طلعت نجري لعند يامنة ...لقاتها كتجمع بايد وكتبكي ...

نجود : مالك ابنتي ؟؟ 

يامنة "شافتها وتلاحت عليها كتبكي " : اهى اهى قاليا غانمشيو دابا ...اهى اهى ...

هزت عينيها فداكشي الي مشتت ومسلخ كان قالب دنيا ولو مكانتش يامنة واقفة صحيحة كانت شكت انه طحنها معاهم ....كنضر دنيا مقلوبة ...

نجود "شدت راسها داكشي الي خافت منو فلمحة بصر وقع ...الحمد لله الي جات على هاكا ومفرشخش شي حد ...الحمد لله الي مكانتش اضرار جسدية ...اعصار خايب لا فات تا ناض وديما مكيجبدوووهش عارفينو خايب عندو نيشان ولا مفيش يا ما رحميييني ....

نجود : اويلي حي ...الله ياربي ومشا مكشكش ... حنا جبدناه ...معاوناتناش جداك الله يهديها مبغيناش نخصرو الخواطر هذا الله ...

يامنة : خف خف "كتنخصص " ...حفتهااا تقلق مني اهى اهى وتاهو خفتو يتقلق مني ...خفت يضربني ...

نجود : ياكما مد عليك ايدو ... 

يامنة "بنفي " : اهى اهى ل لاا لا مضربنييييش ...ولكن تقلق حتى هو ودابا غانمشيو مغايبغيييش نبقاو اهى اشنو نديرو ميمة غادي تقلق ويمكن مقلقة دابا ...

نجود : ميمتك بغات دير غير العادة تقلقات والي عطا الله عطاه تاحنا درناها قد راسنا بغينا نرضيو الخاطر صدقنا كنفيو فيهم ...مشطبة كحلة هادي ....بفففف

يامنة : ساعة وغادي يجي شنو نديييير اهى اهى ...

نجود : عرفتي. ديري شنو قاليك وجدي راسك بينما تنفس غايجي يلقاك واجدة غايكون تنفس شوي وهضري معاه ...

فعلا دارت شنو قالت ليها واصلا التحكار على واحد الحاجة اثناء الغضب مكتوصل لحتى نتيجة ديما نخليو حتى تبرد الوقت ...حيث ممكن يتخادو قرارات جد خاطئة ممكن جدا يوصل لانسان لعار وكلام جارح ميتنساش ابدا ...ساعة الغضب كتكوون خايبة وبزاف ...

جمعات فصويك خاص وريقاتها بمساعدة نجود ...البنات مبانوش كانو مع مي زينة كيحاولو يهدنوها وراوية ضحكها ...حتى بداو كيجيو العيالات ...ودخلوهم لواحد الصالة بعيدة على تما ...كانو عيالات قلال ماشي شي حاجة ...

لبسات يامنة جلابة بلا قب فالبيج مطروزة بلونها وصم نحاسي طريزات خفاف على شكل سبولة هابطة ...جمعات ليها نجود شعرها هادشي كامل من بعد ما غسلات وجهها ومسحات الكحل الي داع ليها ....بقات حتى تنفست ...

جالسة فوق ناموسية من بعد ما هبطات نجود ترحب بالعيالات حتى تحل الباب ودخل عليها ...وقف تالعند راسها مربع ايديه ...

فؤاد "مشافش فيها كيهضر ويشوف قدامو " : هبطييي عندهم لتحت جلسي عاااادي ...

يامنة "هزت فيه راسها بفرحة " : غانبقاو ؟؟

فؤاد : لاا ...

كيف قاليها لا سرعان ما اختفت الفرحة وابتعدت الابتسامة من شفتيها الورديتين الي رجعو كيترعدو استعدادا للبكاء والتهرنيييين ...

يامنة : اهى ...

فؤاد "ضار شاف فيها مبشارة وحط صبعو على فمو " : هضررت ...يمشيو الي كاينين نعيط ليك خرجي عندي ...

يامنة : وبا مغانودعووووش اهى اهى ... عفا...هبطييييي ...مخلاهاش تكمل هضرتها ضرب ضورة ودخل لدوش خلا دموعها دايزين ...ناضت مسحت دموعها وهبطات لتحت مشات سولات على جداها لقاتها في البيت الي عطاوها ...دقت الباب ودخلات لقاتها مغنوسة على تسبيح كتسبح وتلالي مرة مرة هههه ...

يامنة : ميييمة "مشات لعندها عنقتها وتخشات فيها " ...

زينة : مد عليييييك ايدو باليهووودي ؟؟ هضري يااا بنيتي مد عليك ايدو ...

يامنة : لا اميمة لااا مضربنيش مدار ليا وااالو ...

زينة : راجلك فزعي وايدو سابقاه مجيتش وقلت ليه هاديك الهضرة ...راجلك واعر وزاد خوفي عليك كبر ....مبغيت لا عادة لا والو الراجل الي يمد ايدو على فجيلتي معندي بييييه غرااااااض ..."رجعت تبكي " ...

يامنة "هزت فيها راسها " : مييمة مضربنيش امي والله مضربني معمرو ضربني هو تعصب امي راكي عارفة علاش قلت ليك راه ميبغيش امي ...امي والله مخبيتو عليك والله مكاين ...داكشي وقع لهيه فديك البلاد اميمة ...

زينة : يدير ليه ايدو في عنگو …السلوم لاخور ...لا غا يمدها عليك غا يمدها معندك والي ولا تالي ...

يامنة : صافي اميمة صافي ...يلاه كتهضر حتى دخلات نجود عليهم بلغتهم بالي العيالات بداو يتجمعو ...بزز بطليب ورغيب حتى تصفا الخاطر وقبلات تنوض ...حتى دارت يامنة الكحل وطمنتها بالي دنيا هانية ومكاين والو غير تعدي بينما وصل وقت تمشي ....لحد الان مفخبارهاش راها غاديا ....ساكتة تدوز ساعة بخير ....

جاو العيالات ورحبو بيهم تعرفو على يامنة الي سلباتهم بزينها البريئ وتعرفو على الي خدات مركز مرت الولد الكبير الولد الكبير الي معروف عليه واعر ويحتارمو الكبير وصغير ...وخا كيشوفوه كيتغرب شي عارفو فين مغرب وشي عارفو اش كيدير ولكن تاحد مكيتجرا يقولها ليه ولا ينفنف ....

كمل الغذا وصلت العشية انصارفو من بعد مباركو ليهم والي زررت والعادة كيف موالفين عليها ولكادويات ...حتى خوات الفيلا وبذات توجاد باش يجيو طلبة ...الي وصا عليهم الحاج كانو غير طلبة قلال بيناتهم وشي صحابهم ...

شافت راوية فيامنة الي كانت جالسة حدا جداها ...

راوية : يامنة حبيبة طلعي رتاحي ...شوي وغايجيو دراري ويجي بابا وعمي ...

يامنة "بحزن " : كنتسنى فؤاد يعيط ليا حيث غانمشيو ...

زينة : فين غادين انااري ...

يامنة : راجعين فحالنا ليوم اميمية فؤاد عيطو ليه فالخدمة ميصيبش يبقا ...عندنا طيارة فليل ...

زينة : اويييلي يا بنيتي ومزال مشبعت من شوفتك ...وعلاااش هادشي علاش ابنيييني "بدات تبكي " ...وابنيتي ومالك مگلتيها ليا قبل ابنيتي منجيش ولهاد زربة ...

راوية وسارة تصدمو اصلا كانو عارفينها غادا وكان كيحساب ليهم غايزيدو شوي ...

زينة : ميمة. راكي عارفة بالي كان جا باش يدين اميمية ...

زينة : يااا مضنيتش ذغيا ابنييييتي مخلاني ندير العادة وسكتنا كان غايضربك وسكتنا ...ويخليني غا نشوفك مالنا مطرلين هنا ...راجلك ابنيتي واااعر ومعامن تلاگيتي ...

يامنة "باستها وتنخشت فيها حاسة بالبكا ومبغاتش تبكي اصلا جاتها من جوج جيهات جداها الي بقات فيها مشبعتش من شوفتها ومن جيهة فؤاد الي عرفاتو تقلق منها وشوفاتو قبيلة وهضرتو معاها ناقصة وياا خوفي لا يطول معاها فقطيع الهضرة وهي ولفات عليه ....

شوي حتى صونا ليها الفون كان هو غير جاوبت معطلهاش جوج كلمات خرجي ...

يامنة "ناضت " : هاهو جا "مصبرتش طرطقات بالبكا " ...اننمم اهى اهى صافي هاحنا غاديين اميمة ...

زينة : واااا بنيتي خليني غانشبع من شوفتك اهى ...وااا فجيلتي ...غاتخليني تاني يا كبيذتي ...غاتخليني يا كشادتي ...يا شكون يقوم بيك تما شكووون ...شكون يعاونك على ايدك راكي معطوبة ....

حتى نقز صوت من وراهم الي خلاهم ضارو كاملين

...كان باها ...

مصطفى : عندها راجلها قايم بيها الحاجة ...ويهديك الله من هادشي الي فيك ...داكشي ملايقش ...داكشي الي بغيتي راه مبقاش ...وراجلها قايم بيها حنا زوجناها تسترات مخصخا خير ولد خويا راجل يحنت رجال ...لا تبقايش تبكشي ( تبحتي ) وخلي البنت راها بدارها تعلم تحمل مسؤليتها لا تجيبيشاي عليها الفشوش ...

كلهم ضارو وسمعو هضرتو ...وفعلا هضرته صحيحة يبعد بنادم على ناس المزوجين ويخليهم منهم لحياتهم ...الثالث لا دخل كاتخرب العلاقة الي بيناتهم ...كان فؤاد عيط لنسيبو وخبرو بكلشي ووصاه واكد عليه باش ينبه عليها باش متبقاش كل مرة تسول بنتها على اسئلة خاصة ...والا مغايعجب حد الحال ...كان هو طلع لفوق هبط داكشي ديالهم ودارو فالكوفر ...

مشات يامنة كتجري تلاحت على باها عنقاتو طبطب عليها ووصاها وصايا الاب الي كينفعو البنت قبل متمشي لدار راجلها ...

يامنة : اهى اهى 

مصطفى : بنتي اخرتك دارك ابنتي اش وصيتك واش علمتك هااا ؟ ...تبعي راجلك… فؤاد ولد ناس قبل ميكون ولد خويا ومعطيتك ليه تا عرفت ومخرجت الكلمة ديال لعاهد من فمي حتى عرفت ...نهار تولدتي هو كانت عندو خمسطاش لعام ابنتي والي شافو تبارك الله يعطيه كبر من عمرو ...بدراعو وبكلمتو ...لا حطك تحت جناحو را خير من جناحي ابنتي ...يحميك ويهزك ب سنانو ...

بقات تسمع ليه وتبكي حتى تهدنات ...ضارت كتسلم عليهم كاملين ...الحاج حتى هو وهاد المرة كان فرحان على المرة الي قبل ....بلغت سلامها لدراري ....حتى وقف عليهم دخل من برا ...

فؤاد "داير ايديه على خصرو بوقفة رجولية ..." : يلاه يامنة ...

يامنة : ضارت لعندو ...هاني ...

مشات سلمات على جداها الي كانت تبوس فيها وتشوف فيه بنص عين ...بان ليها مخنزر وديك تخنزيرة خلعتها غا شافتها يتفزع ليها قلبها ...

زينة : ماهنيتيني على فجيلتي ...قلبي غادي يتشوا عليها...ماهنياش عليها وهي تحت جناحك مهانياااش ...

فؤاد : ربع ايديه تا ربعهم متسوق ل ليها لا لي كاينين تما لا تاحد همو مرتو …وصااافي ...المطارق ليه فراس مشاكل تراكمو عليه فموسكو ومكاين الي يحلهم من غيرو هو ...ونتيجة الي توصل ليها خاصو يحضر تما بنفسو ....شاف فيها تا شاف من تخنزيرة صغر فيها عينييه مزيااان رافع حاجب ومهبط لاخور .. حس براسو استفزاتو …عروق ايديه انفخو وذاتو تصلبت مكرهش لو كانت راجل يخبط ليها. راسها بكفوف ايديه يزعزع ليها المخ فهاد اللحضة توحش سلاحو يتيري فيها وسط راس ....قليل الهضرة لكن مع يامنة غير وهادي بغات تخرجو على اعصابو ....غوت بجهد حتى بانو عروق نواضرو ....": مغاااااديش نكون هاني عليها لا رجعتها تحت جناحك ...يبعد عليها كحل راس ..."يلاه غايضور يجرها بجنبو ورجع شاف فيها" ...مرتي عندها القيمة هي مولات الراي وشوار ماشي سلعة كتباع وتشرا...وقت الي قالها ليك راسك تجيبيها عندك ..."طلق ليها هاد الكلام وجر يامنة فجنبو محاوطها لوا دراعو عليها وزدحها مع جنبو قدامهم متسوقش ليهم ...وخرجو من الصالون لبرا لسيارة نيشان الي غادي يديناريها نيشان لفاس لمطار ديريكت لموسكو والعودة مرة اخرا لحياة الاكشن ....

يتبع ...