صورة مصغرة لـحبيبي الأصم الجزء 287

حبيبي الأصم الجزء 287

habibi 7abibi l2asam 
رواية حبيبي الأصم

ماصدقوش عينيهم من هادشي لي كيشوفوه ... رتاج كتشوف فعدنان وهي لي كانت متخيلاه طايح فالارض سخفان .. وحياة تاهي كتشوف فسفيان لي كانت كضن ان غايكون دابا مفقوص على خوه ولا ضارب يديه مع شي حيط ... ولامار شادة على فمها لي ضنات كوولشي وجاو لعقلها كاع الافكار الخايبة الا هادشي لي كتشوف .. من غير اسد لي كان متوقع يلقا هاد المنظر .... بصح فولحد اللحظة خيم عليه الخوف ملي قرا الايميل ....نساااا الى هادا راه ولد ابتهااال .... الا انو هاد المنظر كان متوقعو كون ماقراش تقرير داكشي باش متصدمش ... تنهد وتننننفس مزياااان كيحمد الله لي مواقع والو لعدنان .....ورجع قرب لعنهم وهوما مامسوقينش ليهم ... سفيان متكي لارض فيديه جيتار طلب الكارد دخلوه ليه وعدنان تاهو متكي على الحيط طالق رجليه وطلقو واحد الديب مخشي معاهم وعدنان كيدوز يدو على شعرو لان من صغرو من عشاق دياب ... وسفيان موووسقهم بالكيتار وخاااالقييييينها مراهمش فداك العالم ... 
رتاج : ( كتقرب مامتييقاش ) و .. و واش ... نتوما بييييخير ؟؟؟؟ 
عدنان : ( طلع فيها عينو ) نعاام ؟ هضرتي معانا ؟ ( شاف مع اسد ولامار وحياة ) اووووه مرحبا بيكم ... مرديناش ليكم لبال ( ضرب سفيان لي مننغم مع الكيتار بركلة) شوووف اصاحبي شكون جااا ... 
سفيان : ( طلع فيهم راسو وعلا حاجبو ) ياك لاباس مالكوم ؟ علاش جاييين فهاد الليل ؟ياكما صدعناكم بالكيتار ؟ 
عدنان : اوا شتي .. قتليك باركا راه غانفيقوهم ... وهانتا فيقتي ليينا دابا سي روكان من نعاسو ... 
حياة : دد داااباااا نتوما هاكا وحنا كنموووتو على برااااا 
سفيان : كتموتو ؟ علاش ؟!! ( شاف عند عدنان ) ماال هادو ؟ ( اسد غير مربع يدو وكيشوف فيهم) 
عدنان : معرفتش ... ( شاف عنهم ) اماااالكم ؟؟؟؟؟ 
سفيان : ( حط الكيتار موراه ) لاكانت شي حاجة طلقوها وخرجو راه فينا نعاس ... 
رتاج : لا لا لا هادشي مكيدخلش لعقققل .... و واش نتوما بشاااررر ولا شنو .... طلقو من زمررر راه غايعضكم 
عدنان : ( علا ليه خنفورتو باسو ) لا ازين هذا مكيضرش ... لباشار لي كيضر هاد ساعة ماهذا ماشفنا منو غير لخير ....
اسد : نوضو تككعدووز خرجو منهنا ... ضيافتنا سلات ... 
سفيان : شكون قالك حنا باغييين نخرجو ؟ 
عدنان : مزال ماسخينا ... صراحة عجباتنا لبلاصة كنشكروك على هاد الهدوووء لي قدمتيه لينا ليوم ...كنا محتاجينو من بعد سطريس دالخدمة 
اسد غير كيشوف فيهم ... كيقضي على كولشي ولي كيدخل لهاد ديبو كيتخلخل ... الا ولاد ابتهااااال ... مكيقضي عليهم والو ..
لامار : و و واش نتوما طبيييعييين ؟؟؟؟؟ وو اش مكتخافوووش ؟؟؟؟ واش مكتخلعكم تاحاجا ؟ مكيناش شي حاجة كتخلعكم زعما وتقضي عليكم 
سفيان و عدنان : ( فدقة وحدة ) لعيلااااات 
لامار : ها ؟؟؟ 
سفيان : اخطرررر مخلوق تقدي تشوفيه هوما لعيلات ... والله اختي لامار تاكيقتلو الواحد ويمشيو فكنازتو ... حبسوونا هنا ودابا جااييين دايرين فيهم مخلوعين علينا ... الديب يدير هاد الفعايل ؟ ( اشار ليهم ) هااا الخطررر هاهوووماااا ماشي دياب.. كيديرو اي حاجة باااش يحمقوووك .. وغير يشوفو صافي حماقيتي يمشيو يتشكاو منك حيت حمق وخصك تحبس ... ماشي اخطر المجرمييين هادو ؟

اسد : دابا واش غاتكعدو ولا رجع نشد لباااب ؟ 
حياة : ل لااا لاا اخووياااا صافي هاهوووما غاينوضو .. سفيااان نووووض 
رتاج :نوضووو واش حماقيتووو 
سفيان : ( رجع هز كيتارو ) منايضينيش .. ياك نتا دخلتييينا ... اوا صافي هاحنا كالسييين .... 
اسد : عندكم 60 سكوند ... غانرجع نشد لباب الى يوم الدين .... 
جا ماشي فحالو بشوية ولبنات تابعينو كيغوتو 
رتاج : لاااا لااااا غاايخرجووووو لاااا 
حياة : راه مكيسمعناش ضوورييييه لعندنا خويااا راه والله تاغايخرجو ماتديييش عليهم 
لامار : ( وقفاتو ) اسد كيفاش غاترجع تسد لباب راه غايخرجو .. غير كيضحكوو وصافي.. 
اسد : ( شاف لسعتو ورجع ضار عنهم ) 10 سكوند ... 
سفيان : ( بينو بين عدنان ) ياكما غاايديرها بصح 
عدنان : الاااا ماايقدرش ... كلس لارض 
اسد : سسسبعة ... 
سفيان : عدنااان الى رجع شدها هنا غااانقتل والديك برب مغايفكك مني حد ... 
عدنان : قلنا ليك لا ... سكت ماتبيينش راه غايعجبو كرو ..
حياة : سفياااااان نوووووووض 
اسد : ( كيشوف لسعتو ) جووووج ...
تنفففس مزيان ورجع عطا بضهررر ماشي عند لكارد 
اسد : شدو لباااااب 
عدنان : نوض اوليدي تكعد نوض هذا راه معند جد والديه القلب ... 
لامار : لاااااا لاااااا هاهوما غايخرجو خلي لبااااااب 
رتاج : لاا خليييو عفاااكم راهم غاينوضو ...
اسد يلاه غايمشي فحالو لطوموبيل بانو ليه خااارجييين بلهلا يكزيه ليهم كينفضو فحوايجهم ... معليين خنااافرهم لسمااااا ....كيعرف يحدهم ليهم .. ولاد ابتهال ميكيقد عليهم غير بعضياتهم ... بقا متبع ليهم العين وهوما خارجين مشاااو وهو عاد ركب وركبات معاه لامار ولبنات لور 
رتاج : اوووف دابا عاااااد رتاحيت ونقدر ننعس 
لامار : انا صافي غسلت ييدي هادو مكيكر فيهم والو الله يصبركم وصافي 
حياة : انا تصددددمت ... اويلي واش لهاد درجة منعسين معاهم ديب 
اسد غير كيسمع وساكت اصلا دياابو مدريسيين مكايناش شي حاجة كتخوف تما حيت ميقدرش يدير شي حاجة لي تآدي خوتو كان غرضو غير يحبسهم علاما يجي باش مايمشيوش لعند لبنات .. فنفس الوقت لبنات يترباو ... 
وصل لدار وباركا ونزل طلع ديريكت لدار ولامار هزات بنتها 
لامار : طلعو ا لبنات تنعسووو هاهو طلققهم .... 
حياة : اشمن نعاس بقا لينا ... خلي تايوصلو لهنا خصني ضاروري نهضر مع سفيان 
رتاج : انا غانطلع ماباغاش نشوفو وماعندي مانقول ليه لاهو لا سفيان لي ماد يدو عليا ...ماكنتش باغيا توقع ليهم شي حاجة خايبة بسبابنا وصافي .... مكيعنيش انا مسامحاهم على داكشي .... دابا عاد غانطلع ننعس ونرتاح ....مخلوعة على واااالو وهو مامسوقش ليا ولا كاين فهاد العالم ..... كان خصهم كتر من هاكا ....
لامار : ففففففقف انا غاتهبلوني ...
طلعات لامار ورتاج وحياة بقات تما كتسنا تحرك البرد بقات غير كتفيفري تما وتحط فدرعانها تابانو ليها جاااين لجيهة طموبيلاتهم حيت هوما جاو غير على رجليهم وعدنان ركب فطموبيلتو ....وسفيان يلاه غايركب وهي تعيطليييه وضار لعندها ومشات لعندووو ...

حياة قريات لعندوو وبقات كتسرط فريقها كتفرك فصبعانها ووهو واقف شاد فلباب طموبيل كيتسانها تهضر 
حياة : ( كطلع شوية فيه عينيها وترجع تهبطهم ) س سفيان ... ش شوف ... ب بغيت نقوليك احم .. آآ
سفيان : هضري 
حياة : مووهيم .. ايه انا عارفة راسي غ غلطت شوية لبارح ... ولاكن راه تانتا غلطتي ... ونتا لي غلطتي لول ... يعني ماتسناش مني انا لولا نعتدر ... راه خصك نتا لول تعتدر ليا
سفيان مدة ساكت كيشوف فيها ورجع شد لباب دطموبيل بجهد 
سفيان : لاااا مسمعتش مزيان اش ندييير ؟؟؟
حياة : ( كتشوف فيه مخلوعة مالو رجع دغيا تعصب هاكا ) وو الو ...غ غير .. خلينا زعما نهضرو بالعقل 
سفيان تنفس بعععمق تنهيدة خارجة من قلبو هو كيشوف فيها ...كيفاش كضور عينيها وباينة فيها ندمااات .. ولاكن ماشي بهاد السهولة غاتقدر تربا ... 
سفيان : طلعي 
حياة : ها ؟ ف فين ؟ فييين غاتديني 
سفيان : هضرة وحدة قلتها ...
حياة حمدات الله غير لي مغايخليهاش وباقي باغي يهضر معاها وكتمنى يديها لدارو تقدر تما تقرب منو وتنسيه .... وركبات معاه وديمارا وهي متبعة الطريق فين داييها وهو غير غااادي فطريق ولييييل ... تااوصل لنفس الجرف لي كيجي ليه ... ورجع ضار شاف فيها عاد غاينطق ملي شدو طريق وهوما ساكتين ... 
سفيان : نزلي 
نزل من طموبيل وهي غير كترمش ... اش باغي يدير هنا فهاد الليل وعلاش جابها لهنا ... 
نزلات موراه وهو واقف كيشوف جيهة البحر ومربع يديه وساااااكت ... وهي موراه واقفة خلعهااا 
سفيان : هادشي لي درتي لبارح احياة .. خلاني نعيد النظر فبزاف دالحوايج ... وأهمها ... علاقتي بيك 
حياة : ( قربات عندو كتشوف فيه ) مفهمتش ؟ 
سفيان : ( ضار تقابل معاها ) لي كدخل لديسكويات ... وتسكر ... ماشي هي لي غاتربي ليا ولادي .... مكنضنش واش كاين شي عبارة اوضح من هادي نشرح ليك بيها اش واقع ...
حياة : ( تعمرو عينيها بدموع ) س سفيان واش حماقيتي ... راه مشربتش بخااطري .. و واش نتا معارفنيش كيف دايرة ولا شنو 
سفيان : هذاااا هو المشكل ... انا مابقيتش كنعرفك ... وليتي وحدة غريبة عليا بهاد التصرفات الجداد... 
حياة : س سفياااان ؟؟؟؟
سفيان : لي عشقت انا وبغيتها ماشي هاكدا ... انا بغيت ديك البنت الطمووحة بي اقصى احلامها مستقبل زوين و شريف ماشي الشطيح فديسكويات ... بغيت لبنت المحتمشة لي كانت تحشم حتا ترخي شعرها وطلقو ... ماشي هادي لي كل مرة دايرة ليه كوب فشكل ... عشقت لبنت لي كان وجهها يولي حمر الى غي شفتها كتيحد الفيست ديالها .. ماشي هادي لي كولشي ولا فيها كيبان .... ( حياة هبطات راسها كتبكي حيت كيهضر من قلللبووو مقرررح ) بغيت انا هاديك لي كانت كدير كولشي باش نتقربو من بعضياتنا ...ودير اي حاجة عارفها كتعجبني ... ماشي هادي لي كدير كولشي باش تبعدنا على بعضياتنا ... ودير اي حاجة عارفها كتعصبني ... اشنو كان غايطرا كون بقات حياة لي كنعرف ... عمووو ... الصغيرة ديالي ... الحشومية لي دغيا كتحمار .. اشنو كان غايطرا ؟ هاد الشخصية لي نتي لابساها ماموالماكش ... ومعاجبانيش وماباغيهاش ... فهمتيني ياك 
حياة كتبكي وراسها لتحت وكتحركو بآه 
سفيان : مزيان .... 
شاف لفووووق كيييقوي فراسو ويجيب العزييييمة يديرررهااا واخا صعيييبة خصووو يديرها كيشوف لخاتم فيديه وكارز على سنانو ... خصو يديرهااا ويصبررر .... هز يدو لوخرا وحطها على لخاتم وبدا يحيدو وحياة وسعات عيييييينيها فيه مااامتيقاش اش كيدير تالقاتو حيد الخاتم من يديه وهي بحلا صصصرفقتيييها وجههااا مشا منو اللون ولا صفررررر والحرااااارة طلعات معاها .... فلحظة تبلووووكااات على كولشي عينيها غير على صبعانو ... تافيقاتها يديه لي جات فيديها وحط ليها الخاتم عندها 
سفيان : هذا غايبقا عندك .... حتا لنهار لي ترجعي ليا البنت لي عشقتها ولي ليها باغي نلبس هاد الخاتم ماشي ليك نتي .... والى مارجعاتش كنفضل يبقى صبعي خاوي على نلبس خاتم يزوجني بوحدة من احلاااامها تدخل لبيرااان وتشطح مع الزوامل ... ( طلع ليها راسها ) الى كنتي مصرة تبقاي هاكا وباغا تعيشي حياتك .. الله يسهل علييييك ... اما لابغيتي تعيشي معايا انا راكي عارفاني كيف داير .... 
حياة : ( مقاادراش تاتلاقي الحروف ودموع جامدين فعنيها ) س سسس سفيان ا اش كدير

سفيان : نتي لي وصلتينا لهادشي .. مدرتش شي خطأ منغير انني بغيت بنت محتشمة ولي تربي ليا ولادي وتربيني حتا انا احسن تربية .... انا هادشي علاش كنقلب ...اما نتي احياة بهادشي لي كاديري عمرنا غانعيشو هانيين .. نتي غاتبقاي كتاكلي فالعصا وانا كنسمع فلاهاانات وكنتحبس مع دياب ... ماشي هادي هي العيشة لي كنحلم بيها وماشي هذا هو الاستقرار لي كنت محروم منو .. وماشي هذا هو الحنان لي انا عطشان ليه .... ( حياة طاحت على ركاااابيها مزيرة على داك الخاتم فيديها مصدومة ) الله يعاونك ابنت الناس ... وخوديها نصيحة من عندي.. هاد طريق لي فضلتيها عليا .... تيقني مغاتجيب ليك غير المصايب .... وماضربيش حساب لوالديك تقدري تقوليلهم انا لي لقيتني سكران فلبار مع البنات ... ولقيتي غادي بوحدة لوطيل نكمل السهرة فليلة عرسنا .... كنضن سبب كافي يقنعهم باش ماتزوجييش بيا ... حيت تاحد مغايبغي زوج لبنتو دار هاد الفعلة ...حيت مغانصلاااحش ليك .. ومغانقدرش على مسؤولية الزواج وندير معاك ولاد ودرية صالحة 
حياة : ( بدات كتبكي بجهد حيت عرفاه كيمعني عليها ) سفياااان سكككت صااااافي 
سفيان : هاهو غادي يسكت ماتخافيش.. يلاه ابنت الناااااس حريتك رجعت ليك تقدري ديري لي بغيتي بلا متهزي الهم لسفيان يشوفك ... عري .. خرجي بليييل ... سيري فين عجبك ... مابقاش كيهمني ... لي كيخاف عليك صافي راه غايمشي ... اذن مرحبا بيك فمجتمع الدياب ... نهار ينهشوك احياة غاتعرفي علاش كنت داير عليك داك الحصار كامل وعلاش كنت مخبيك فعينيا 
حياة : ( طلعات فيه راسها ) بهاااد السهوووولة كتخلى اسفيان بهااااد السهولة 
سفيان : ( هبط لعندها متكي على ركبتو ) لا ... كون كان الامر سهل عليا كنت نتخلى نهار لول لي جيتي فيه لشركة فهاد الحالة .... مع دالك ماتخليتيش تشبتت بيك ... وقلت يقدر تسمع ليا وترجع لطريق ... كون كان الامر سهل كنت نتخلى عليك ملي كنت نلقاك ديما دايرة عكس هضرتي ومع دالك كنتعصب ونرجع نعنقك بين يدي .... ورغم كولشي جيت خطبتك من داركم وختاريت معاك الحلال .. اش كديري نتي ؟ كتخلي حتا ليلة عرسنا وتمشي لديسكو ... اش غانزيد مزال ؟ تخلييت بسهولة ؟ ياك حتى وصلت لهاد المواصل كاملة وتأكدت بلي علاقتنا عمرها غاتنجح مع هاد الشخصية الجديدة ديالك ... ياك حتى خليتي خويا لي كنحترمو وفمتابة الاب ديالي يسمعني هضرة لي مكنتش كنتخيل راسي غانسمعها شي نهار ....هادشي عندك بسيط نتي ؟؟؟؟
حياة : ( شدات وجهو بهستيرية ) سفيااان سفيييييان سمع ليا ... اه انا كنعترف غللللطت ولاكن هادشي لي كتقول مامنوش انا ماشي حلمي هو ديسكو .. درتو غير شونطاج ليك راك كتعرفني زعما كتر من رااااااسي حراااااام عليك ( هي كتبكي وهو كيشوف فيها بنظرة باردة ) سفيااان نتا غير كضحك معايا ياااااك ..... نتاااااا مغاتخلاش عليا نتا كتبغيييييني .... سفيااااااان قول ليا غي كتخوووفني ياك ديما كنتي كتقول ليا عمرنا نتفارقو وعمرك غاتخلا عليا .... 
سفيان : ( حيد ليها يديها من وجهو ) تعطل لحال ...نوضي نوصلك ...

يتبع ...