حبيبي الأصم الجزء 291

من تأليف كاميليا جود
2019

محتوى القصة

رواية حبيبي الأصم

دكتور : ولاكن على الاقل قنعو يدخل لكيلينيك يتعااالج .. راه صعيب عليه يعيش عادي راه اي صدمة او خوف او حتى فرحة يقدرو يقضيووو عليه... خصو يبعد على كاع الازمات ... راه خصو يدخل لكلينيك ويتهيأ نفيسيا وجسديا ونديرو ليه التحاليل... عاد نشوفو العملية .... راه الصعوبة كلها كاينة فاحتمالية توافق الصمامة الاصطناعية مع القلب ديالو حيت فاغلب الحالات كتكون العملية منجحاش على المرة لولا وكنبقاو نعاودوها للمريض عدة مرات يلاه نلقاو صمامة لي تجي معاه ... اما بنسبة لحالة دعدنان معندناش فرصة تانية .. حيت غانحيدو ليه الصمامات ديالو كاملين ونركبو جداد ... الى موافقوهش مكبناش شي صمامة ديالو لي غاتنقدو الى منحجاتش العملية .... كلهم تعرضو للتلف ... وبالتالي مغايحلش عينيه من بعد مدة التخدير ....كنحاول تقربك من الحالة باش تفهم شحال مستعصية ... حنا الاطباء كنحللو الامور علميا وبما هو ملموس ولاكن فالحالة ديالو امسيو اسد حنا فعلا كنحتاجو للحظ ... لانه معندناش فرصة تانية عندنا فرصة وحدة واحتمالية نجاحها ضئيية جدا .... 
اسد : ( غرس راسو بين يديه غاايطرطق ورجع شاف فيه ) مكايناش شي طريقة لي غاتعرفو بيها واش الصمامة صالحة ليه ولا لا قبل من العملية .. انا معنديش مشكل احححسن صمامة نزلهاااا ليه فين مكاااانت غير تليييق بيه 
دكتور : لاسف معندناش شي طريقة لي نعرفو بيها قبل الزرع 
اسد : ( ناض كيمشي ويجي ويرد شعرو لوررر تاضرب بووونية مع الحيط ) فاااااااااك .. ( ضار لعندو ) غانرجع نقوليهاليك .... لقا ليااا الحل وطططلب لي بغيتي ... لي بغيتي نحضرو ليك ...غير لقا ليا الحل 
دكتور حدو هبط عينيه باسف ... واسد خرج من داك المكتب وهو يتكا على الحيط معلي راسو ومغمض عينيه كاع متقبل هااااد الفكرة ... كيفاش غايخسر عدنان هو باااقي تا ما حصل عليه ... عدنان هو الوحيد لي فاش كيوشوفو كيتفكر معاه ماضي زوييييين فصغرو ... هو الوحيد لي كان حنيييين معاه وجمعاتهم احلاااام ومعاناااة مشتركة ..... كيفكر بلي خوه تاهو مزال ماعاش تانهار زوين ... تاهو تحرم من الحنان منهار تزوجات ماهم ... حل عينو عاض على شفايفو وكيفكر كيفاش يدير يعوض خوه على هادشي كامل .. وكيجي بين عينيه كاع لقطاتو ...

عدنان : ( كيشير لييه بيدو يقرب ) يلااه قررررب ....( بدا كيوضر راسو بلا ) تو تو تو ماتقوليش خايف من الحرب معايا ؟ 
اسد بدون رد غير كيشوف فيه بنفس الحدددة 
عدنان :كنت عااااارفها .... ( وقف انووفااص معاه كتفصلهم سينتمترات قلال ) مغاتقدش .. تخوض حرب معايا ... مغاتقدرش تحارب واحد ... كان كيخبيك من الشتا والرعاد .... و فصدرو ( ضرب لصدرو ) هنااا ... كنتي كتخبى ... اخوياااا الصغير ...

اسد : براااااا عليااا ... متعاااااودش تعتب هاد لبااااااااااب مزاااال .... 
عدناان : ههههههه شوووووف وكااااان ......
لامار : اسد تهههدنو وهضرو بالعععععقل ..... مديرش هاكاااا ... شووووفو وجهكم كي ولاااا ... درتو كي دراااري صغاااار 
عدنان : وااااايه .... كان خصك تشوفي كيييفاش تعصصصصب ملي قتليه غانقووول لامار بلي نتا(قاطعو تحت سناااانو )
اسد : عدناااااااان 
عدنان : نعام ؟؟؟؟؟ اااه بغيتي تقوووليا ندخل نغسل وجججهي .. هههههه وااخا علاش لااا ( جا داخل وداز حداه كيفقص فيه ) بلا متعدب راسك عارف الطريق للبييييت ..بلا متوصلني ... اه ويلا بغيتي دير فيا خييير كتر سيفطلي معاك شي فرملية ... ماباغيش نمشي لخطبة خويا مكرفص ... شوفها ليا تكون زوينة عفاك ويديها حنان ....

عدنان : تبقا ترد لبال كتر الى راك كتسمع حلة د لباب ... كون كان شي حد اخور منغيري كنتي تفضحححتي .....طول البال ديالك اسي اسد راه مغاتهناش مني بهاد السهولة .... اه فعلا بقاليا غير اجتماع واحد ومغانبقاش نبان ليك فالشركة ... ولاكن راني ساكن معاك متنساش ( قرب للكرسي ) يعني غير تعود على وجهي تصبح عليه كل صبااااح يفتح ليك الشهية 
اسد قرب وحنا لعندو داير يديه بجوج على لبيرو 
اسد : جيني ملخر وقول اش باغي توصل ليه ... 
عدنان : سماحتك .. 
اسد : راه السماحة كيطلبوها .. ماشي كيبتزو بيها .... 
عدنان : هاديك لي كاتطلب معندي ماندير بيها .. بغيت لي تجي من عندك بزز على والديك .....

فتح عينيه لي ولاو حومر بسباب هاد الاحداث لي تفكروهم ورجع تنهد وقوا راسو بحالل تاحاجا ماكاينة ورجع الاسد للقوة ديالو وزاااد خرج ... 
#عودة 
نزل اسد من طموبيل شاد داك الدوسي ... وهو كيشوف مع دارو تاجات عينيه على العساس لي مبتسم ليه بمعنى تفضل .. بادلو ابتسامة تاهو ..ودخل لدار ... داير يدو فجييوو.. كيضور عينيه مع دار .. حيد نضاضرو وهو كيشوف فصور رتاج المبعثرين فاي بلاصة ... لفت انتباهو ديزاين ديال الدار .. بحال شي متحف .. دوقو راقي بزاااف ومصغر عينيه فطابلويات كلهم تحف ناذرة ... تالمح شي حاجة على الشيميني ومشا لعندها ببطء مصغر عينيه ...

هزها كان كادر ديال صورة قديييييييمة لونها مايل لاصفر .. فيها عدنان واسد معانقييين وهوما باقين صغاررر وواحد الابتسامة على فمهم بريييييئة ... كان تما صغير بزاف باش يتدكر امتى تخدات داك الصورة ولاكن لي متأكد منها انها تخدات فاحسن الضروف لي دازت فحياتهم كاملة ويمكن ااااخر الضروف .. كانت تما الحياة بسييييطة وطبلة عليها ام واب واخ .. الزمن توقف عليه وهو شاد فداك الصورة .. لي يشوفها مستحيل يقول هاد الخوت يهزو السلاح على بعضيااهم شي نهار ... تاسمع شي حس من موراه وضاارر لقاها مراة مبتسمة ليه قاليها راجلها راه الروكان خو عدنان لي جا اول مرة لعندهم
ماجدة : مرحبا بيك اسيدي ... نعلم سي عدنان ينزل 
اسد : لا .. انا غانطلع عندو ... 
ماجدة : حاااضر اسيدي .. تشرب شي حاجة 
اسد : لا شكرا .. 
رجع ضار كيشوف لداك الصورة لي رداتو طفل صصغييررر بين ثانية واختها ... ماسخاش يحطها من يدو .. حاس بحالا ماحدها فيدو هو راه فداك االماضي زويييين والى حطها بحالا غايرجع للواقع تاني ... كيفاش بقا محتافظ بيها .. عدنان عندو بزاف د دكريات محتافظ بيهم... ولاكن اسد حتى حاجة .. وبقا يشوف فضحكة عدنان ....
اسد : نتا غاتبرا ... وغانرجع ليك هاد الضحكة ... غانرجعو حسن ملي كنا .. منقدرش نفرط فيك ... 
حط داك الكارد وعلا راسو كيعوج فعنقو ..حرااام واش كيبان على ملامحو شي تأثر .. ديما وجهو باااارد ... وطلع فدروج تابعهم وكيشوف بعينو بحالا كيتسارا فشي متحف ... تاوصل لسيغي ديال لبيوت ... ماعرف اشكون فيهم يحل ... حل الاول لي جدا قدامو بشوووية ... بانليه بيت نعاس بصح خااااوي ... وصورة رتاااج فوق سرير كبييييرة ... كيتعجب لهاد القلب دعدنان كيفاش كيحب بكل هاد الهوس مع دالك حارم راسو منها كيفاش قادر يصبر ؟ ... رجع شد داك الباب وحل باب اخرى لقاه بييروو ديالو تاهو متححف من نوع اااخررر ...بحالا بيرو فسبيعيينااات ... تابانت ليه باب اخرى تما وغير مردودة ... ومشا بتجاهها حط داك دوسي فوق لبيرو ومشا لداك لباب طل بانليه عدنان لداخل عاطي بضهرو قدام واحد المكتبة ديال الكتب ... وموراه صبوورررة عاااامرة تخطييييطات وخااارطااات وبلاانات ... كان لابس غير سروال بيض طوييل كاع مغطي رجليه ديما مفشكل فلباسو ... وملفوق عريااان مكنسونطري مع داك الكتاب كيقرا وكيقارن مع واحد الكمبيوتر حداه وستيلو ففمو ... اسد اتجه لداك الصبوورة لي موراه وبدا كيقرا فيها .. لقاعا تخطيط لشي متحف ديالو باقي ماعمرو ... وكاتب كل كوان فيه باش غايعمر ... عرفو الى بلان باقي كيخطط ليه واحلااام كيتسنى يحققها وربما هادا اكبر احلامو ... حيتاش كاتب ملفوق عليه 
**The Impossible Dream** 
عرف من خلال العنوان انو متأكد من راسو مغايعيشش حتا يحققو ... بانليه واحد الفوطخ احمر محطوط تما مع لي فوطخ لي كيكتب بيهم فالصبورة البيضاء ... غير هزو عدنام سمع تخرشيش وضااررر لقاه اسد رسم كروة " ❌ " كبييييرة حمرة على داك البلااااان كاااااامل .. وحط الفوطخ وضار عندو داير يدو فجيابو وعدنان باقي ماقدر حتر يرمش كاع ... باقي كيستوعب هذا اش جابو .. وامتى وهو هنا ؟ وعلاش دار هاد الحركة ورسم داك العلامة ... 
عدنان : نتا اش كادير هنا ؟؟؟؟؟ 
اسد : ( كلس على الحافة دواحد طابل تما ) اكيييد غايبقااا حلم مستحيل ... مدامك مداير حتا شي خطوة تحققو فالواقع ... غايبقا حححلمك .. هاكا سجييييين وراء جوج خطوووط مضروووبة فبعضها باللون الاحمر ( علامة❌) لي كتعني ممنوووع تحقيق هاد الحلم .... مدام صاحب الحلم مزال ماقرر يمسح حرف I و M من كلمة Impossible ...

عدنان : ( حط داك الكتاب وتنهد ) خدمتي غير بعد منها .... 
اسد : علاش نتا خدمتي بعدتي منها !؟... علاش نتا تخليتي على الشركة نهار تاهي قالت بلي impoooosible ننجا من هاد الكاااااارثة والمدير غيبوبة ... تخليتي عليها ؟ 
عدنان : ماتخلطش الامور راه ماشي بحال بحال 
اسد : ( ناض عندو ) حتا لاين باغي تخلي احلامك مسجونة فهاد الصبورة ؟ 
عدنان : هادشي مدخلكش فيه ... 
اسد : لا دخلني ... ( بدا كيضور ) غاندخل باش نطلق سراح كاع الحوايج لي نتا حابسها فهاد لاكبين نطلقها تشوف النور .... ماتبقاش محصورة بين صبورة وكتب .. وبين اليأس والتشاؤووم .... 
عدنان : انا بغيت غير نفهم اش جابك على صباح وباش عرفتي دار ؟ ... بايت تحلم بأحلامي ولا كيفاش ... وشكون قاليك اصلا غاتبقا محبوسة .. شغلي قاد بيه . واحلامي قاد نخرجها بوحدي تشوف النوررر .... 
اسد : هههههه ( بدا كييضضضحك تاكيبانو نياابو وكيدوز يدو على لحيتو ) هههه ماديريهاش مني قلة الصواب ولاكن ضحكتني ( رجع كالس على داك الحافة وربع يدو وجمع ضحكتو كيشوف بجدية ) امتى ناوي تخرجهم ؟ فالاخرة مثلا ؟ ... ولا ياكما ندفنوهم معاك فللقبر .... واش لي باغي يحقق احلامو كيتخلا على حيااتو ؟ ( عدنان وسع فيه عينيه) كيفاش غاتحقق حلمك ونتا كتحتضر اعدنان ؟؟؟؟؟؟؟ 
عدنان : ( مشا ليه اللون من وجهو بدا غي كيتنفس ) شش شكون .. شكون نتا قاليك هاد الهضرة ... شكون كدب عليك 
اسد : ( ناض عندو ) كدب عليا خويا ... كدب عليا خويا نهار رجع عندي وقاليا ماتخافش عمرك غاتهنا مني وغانبقا حداك .. هوو لي كدب عليا .... وخلاني نتيق بلي بصح عدنان رجع ليا .... ماشي رجع غير يودعني .... 
عدنان : ( ضار عطاه بضهر باش مايبانوش ملامحو الضعاف ) مكاااااينش من هاد الهههضرةة انا بيييخير 
اسد : اه .... نتا بيخير وغااااتولي بيخييير هادشي مافيهش الشك ... ولاكن باش تسنا مني نبقا كنتفرج فيك ونتا كتخطط لاحلام عارف راسك مغاتحققهاش تاااايتشدو عينيك واحد نهار .... ماتسناهاش مني ..... 
عدنان : ( كرز على سنانو وضار عندو ) قااالتها ليك رتااااج ياك .... ( ضرب بركككلة فطططبلة ) فااااااااااااك 
اسد : ( شدو ) شششششش تهههدن واش حمق ولا مالك ... 
عدنان : ( نتنتر منو ) علاش مابانش ليك خوك تاعرفتيه مرييييض ؟؟؟؟ جابتك الششششفقة تاني .... شششششفقتك ماعندي ماندير بيها .....

اسد : عدنااان تههههدن اشمن شفقة كدوي عليها ... 
عدنان : ( بالغوات ) اوا علاش نتا ماجيتيش لهاد داااررر وقلبتي عليها شحال هادي وقلتي نمشي نزور خويا ... ؟ تاسمعتني كنموت عاد جاااااي 
اسد : ( بالغوات تاهوا ) ونتا علااااااش كتر من عشريييين سنة مابانليكش خووووك وعمرك قلتي نطلب منو السمااااحة تااااسمعتني عاااانيت فصغري ومكنسمعش عااااااد بنت ليك ... هي تانتا جابتك عندي الشفقة 
عدنان : مجااااابتنيش عندك الشفقة جاااابتني اخخووووتي ودمنا لي مشاااركيييين ... 
اسد : اوا راااااه حتا انا بحاااالك.... نششششفق على راسي لي غاااتعاود ليا عدااااااب ممك من جدييييد ونفقد اخررررر واحد بقااا لياااا من ددددمي ... مانتا راه غاتعطي راسك لترااااب وترتااااح .. نننشفق على راااااسي انا لي باقي مدرت مع خويا تا دكرى زوينة وغاااانحطو وسط تراااااب ... نننشفق على راااااسي حيت بسااابي وبسبااااب رجالي نتااا واصل لهاد الحااااالة ...نشششفق على بببنتي ومراااتي لي ماباقيينيش مزال يشووفووو ضحكتي لا نتا وووقعااااات ليك شي حاااااجة 
عدنان : ( كيشوف فيه وعنيه حومر ) علاش ... منبعد كاع اش درتليك مابنتليكش كنستاهل الموت ؟ 
اسد : ( كيغمض عينييييه يتحمل هاد الهضرة العوجة ديالو ويرجع يحلهم ) وعلاش نتا من بعد كاع اش درتي فيا بنتليك كنستاهل العداب لي غاتعيشني فيه لا نتا متي ؟ 
عدنان بدا كيبتسم ببؤس كبير ومشا كلس بعيد كيشوف فيه 
عدنان : ههه ... اشمن عداب .. ونتا باقي عندك بنتك .. ومراتك ... وجوج دالخوت اخرين
اسد : ولاكن عدنان عندي منو غير واحد .... 
عدنان : مجرم بحالي مايستاهلش يعيش اسد ... 
اسد : بالعكس مجرم بحالك هو لي يستاهل يعيش .. حيت الموت راحة ... والحياة هي لي قاسية ... انا بغيتك تعيش وتعدب مزال ..... ما كون جات على المجرم كيستاهل الموت كنت قتلك بيدي شحال هاادي .... 
عدنان : ههههه دابا واش باغيني نعيش على قبل يبقا عندك اخ .. ولا على قبل نتعدب ... 
اسد : بجوج ... 
عدنان : واش غاتبقا هاكا دري صغير مغاتكبرش 
اسد : و الى ماتحركتيش قدامي تمشي تعالج .. غانوريك داك ساعة تصرفات ديال دراري صغار كيفاش كيكونو

عدنان : مغاااانمشي لحتى شي بلاصة ..... 
اسد : وعلاش ؟؟؟؟ 
عدنان : لي عاودات ليك .. راه غاتكون قالت ليك علاش 
اسد : ماشي رتاج لي عاودات ليا بلا مضلم فالبنت ... انا ماشي هبيل ... والى شكيت فشي حاجة راني كنتأكد منها .. هضرت مع دكتور ديالك ففرانسا وهو لي عاود ليا ... رتاج معندها تاشي دخل ومزال غانتفاهم معاها لي عارفة ومخبعة امر بهاد الخطورة عليا ... يلاه نوض تحرك قدااامي ... الشومبر ديالك كتسناك 
عدنان : هههههه شومبر هه واش منييتتك داوي ؟ 
اسد :وغاااااتبقا هاااكا كتموت قدامي ؟؟؟؟ .... 
عدنان : ( بعد مدة ساكت ونطق ) مكاينش العلاج اسد .. كون لقيتو كنت غانتعالج قبل تا متعرف نتا ... مامستعدش نموت فداك البلوك ( طلع فيه عينو ) وانا باقي مخليت ليك حتا شي دكرى زوينة معايا كيف قلتي 
اسد : ( قرب عندو ) مغانديروش غير دكرى غانديرو دكريااااات بزاااااف ... غانشوف متحفك على ارض الواقع ... غانقطعو ليه شريط الافتتاح انا وياك ... غانشهد على زواجك ... غانهز ولادك ... باقي عندنا بزاف مايدار اعدنان .... تعاالج 
عدنان : مكايييينش علاج ا اسسسسد فهم 
اسد : ( ناااض مععععصبببب وضرب داك طبلة بركلة ) غاااااااااايكون .... غاااايكون ... هاد العلاااااج نطلعوووووه حنا من تححححت الاررررررض ... ( ضار عندو ) نتا ماتفكرش فالعلاج واش كاين ولا مكاينش ... تيييق فنااااس لي كيقولو ليك نوض تعالج .... وقول واش هادو باغييني نموت ولا لا .... والى كان الجواب بلا ... سير مغمغض عينيك وتيق بلي راه مغايدخلوك لداك البلوك الا وعندهم الحل ... ماشي غير نتا لي كتهمك حياتك ... حتى حنا كتهمنا .... حنا مانفكروش فلوبيراسيون دابا .. ولاكن العلاج خاصك تعالج .. غاتشد الشومبر ديالك تانلقاو الحل ...
عدنان : ( ناض عندو معصب ) واش منتيك غااانكلس ليك انا فشووووومبر تاااتلقااو نتوما الحل ماااعندي مااايدارررر انا 
اسد : وشنوووو عندك نتا ماااايدااار شنووووو ؟؟؟؟؟؟ ( ضرب بيييدو داك للكتوبة ) باااااش غاينفعك هادشي لااااا نتااااا متي ..... واش الخدمة هي لغاتعالجك ولا لكليينيك... 
عدنان : انا مااااشي ولد صغير ومصلاحتي عاررررفها ... نهار يكون هاد الحل انا غانمشي ندير العملية .. وماحدو مكاينش ماتسناش مني نعجل بموتي ونا باقي ماحققت تاحاجة من داكشي لي كنتمنى 
اسد : ولد صغييير .. اه نتا ولد صغييييير وغاااتمشي لكلينيك وخاااا نعرف نديك بسلااااااح فوق راسك ونحط لبوووديغارد فلبااااب غاااااتمشي ... 
عدنان : خررررج عليا الله يرحم باك 
اسد : هاااهوا خارج .. ولاكن راه عندك منهنا ل لليل... الى مالقيتكش قداااامي غاانجي نديك بسيييف.. وبلا مايقولك عقلك تهرب .. راه واخا تخبا تحت الارض غااانجبدك وراك عارفني .... من الاحسن تمشي لكلينيك برجليك بلا منديك مبببنج .....

خرج اسد من دار مععصب وعدنان خرج لبيرو ديالو عاد بانليه داك الضوسي ... ولاحو بيديه وبدا يطل عليه من زاج ركب فطموبيلتو وكسيرا مشااا 
عدنان : مغاااندير حتى شي عميلة ... مغاقربش موتي وانا باقي مامتأكدش من سماحتك ليا ... 
اسد خرج المحمدية متجه لكازا .. طريق كاملة هووو غير كيفكرر معصب .. عدنان صعييب يقتنع ... واسد ماشي من النوع لي كيضبط راسو بزاااف .. دغيا كيشعل ... وهو كتر منو ... بغا يمشي ويخلي ليه مهلة فين يفكر مع راسو بلا مايدابزو تاني... فنفس الوقت خصو يهضر مع رتاج يشوفها واش بصح عندها شي حل ... ولا ينوض يقلب بيديه ... 
عند يونس وسفيان 

يونس كيمشي ويجي شااعل وسفيان كلس فجردة فدارو مربع يديه .. 
يونس : دابا انا شكوووون انا .... مفهمتش واش حاسبيني واحد منكم ولا كيفاش 
سفيان : باااركا ماترون ... اش غانقوليك ؟ الووو خويااا انا وحياة تنااقشنا .. عمرك نتا عيطتي ليا وقليتلي انا اريج دابزنا ؟ يعني نتا كنتي مسافر علاش غانبرزطك .. حتاا تجي ونهضرو 
يونس : ( تنهدن كيدوز يدو على شعروو ورجع كلس ) دابا اش غااادير 
سفيان : مزال مابان ليا والو .. منقدرش ندير ليها العرس اليوم وهي فداك الحالة ... مكنتش ضارب لحساب لهادشي .. تبرا بعدا ويكون خير ... 
يونس : انا راه مغانبقاش ماشي جاااااي تابع انا هاد المورال ديالك
سفيان : ( ضحك ليه ) واش انا عارف خوويااا غايخليني نهار عرسي ... 
يونس : لا ضحك جاااات معاك .. برب تاعبر عليكم اسد ... مكرهتش كون زادكم حتى هاد نهار تما ... 
سفيان : ماشدكش نتا وصافي .... ماهي بقات بلاصتك خاوية حدانا فلتي منها ... 
يونس : دابا عطيني كلمة وحدة راه عندي خدمتي اسفيان ... مغانبقاش هنا كنتسنا فيك امتى غاطلقنا 
سفيان : غالبا تالسيمانة جاية خاصها تاتبرا اصاحبي راه عنقها مسكينة كان قرب يتهرس ... وفاااشلة كيطيح غير مع راسها ... ترد بعدا شوية حيويتها ... 
يونس : دابا عاد بانتليك مسكينة فاش كنتي كتهرد فيها مكانتش مسكينة
سفيان : بالله حتى كدير شي تصرفات لي يعميو للواحد لبصيييرة ... واااكطيير اصااااحبي كطيييير الله يصبرني وصافي .. 
يونس : ونتا بغيتيها قد بيها شغلك هذاك ... ولاكن باش حتا تطمع البنت وتخليها تحلم معاك لبعيد وتعطيها الخاتم وتمشي هادي ماشي ديالنا 
سفيان : افين عندي نمشي الله يهديك ... درتلها هاكاك دير عقلها شوية ... ونرجع ليها 
يونس : وانتا تعرف ... بيناتكم غير انا ماااتبقاش دايني وجايبني 
سفيان : بحالا كتمشي ليا مع لارام .... ياك كتجي فديال اسد ... 
يونس : فين هو بعدا ؟ 
سفيان : راه ففرانسا يمكن قاتلي لامار راه جاي 
يونس : وعدنان ؟ 
سفيان : ماشفتو من البارح .. مالك اصااحبي كتسول بحالا فايق منشي كوما .. راه حنا هووووما حناااا ماتبدل فينا والو غير تهنا واحد من بلاد لبلاد واحد من موصيية لموصيبة واحد مكنعرفوه فين كيخشي الراس 
يونس :والله ينعلها خاوة معااااااكم ...لازدت معاكم هنا نهار نتسوطا نمشي نقود فحالي .... ومغانجي تاتنشوفك قدااام العدول ماشي نبقا جاي انا وراجع على والو .... 
عند لامار 
لامار : صافي كنضن تاحاجا مانسيناها 
اريج : دابا واش خطابة ولا غير عراضة عادية مفهمتش 
لامار : كضن غير غايطلبو يديها يعني عادي بيناتنا ... 
اريج : سبحان الله كنا غانحتافلو بحياة وسفيان صدقنا فسارة وعمران ... 
لامار : اااججججي قساااااام ... دروووج اااااجي لهنااا ( مشات تابعها كتخاف عليها من لباب لكبيرة تكركب على دروج وهزاتها وهي تشوف طموبيل داسد لي داخلة ) هااااكاك قوليلي قشششعتي بااابااا 
قسم : ( كتشير بيدها عندو باغا تمشي وتبكي وتفركل ) ب بااابااا يييييي بااااباااا 
هبطاتها على دروج وطلقاتها وهي تمشي كتحبو لعندووو ماجا فين يباركي وينزل تاكانت وصلات لعندووو وهبط عندها كلس حداها فربيع هزها عندو
اسد : هووباااا بنننتي لغزاااالة ( كيبوس فيها ) مزال ماباغا تمشاااي بهاد رررجلااات هااا 
قسم : يييي طوووطوووو .. يييياااااايااا ( كتشير لطموبيل ) 
اسد : مكاااينش طوووطو دابا .. نتي جايا عند باباك ولا جايا حيت باغا تخخرجي ... ( كيبوس فيها معنقها عندو وعلا راسو مصصغرر عينو فشمش لقا لامار جايا بشوية عليها وهو كالس فالارض مع بنتو ) 
لامار : مااابقااااتش انا كتعرفني هاد بنتك كاع .... كتشوفك كتسيف علياااا 
اسد : على هي جات عندي ... جات حيت باغاني نخرجها ... مووولات مصلاحتها هادي
قربات لامار كلسات حداه وعنقاااتو باسها ففمهاا ووقسم كدفع 
اسد : ههه رصااااي 
لامار : يااااك الجججنية ياك .. باباك غي نتي ( عنقاتو مخشية فيه ) بابااا حتا انااا 
قسم : ععععع ( كتبعدها ) ب بااباااا ( عنقاااتو ) 
اسد : هههههه اشهاد المغياااارة ( عنقهم عندو بجوج )

لامار : ههه ( علات فيه راسها كتخبش فلحيتو ) اش مشيتي دير ففرانسا احبيبي 
اسد : غير الخدمة .. دابا نعاود ليك ... فخبارك مزال منعستش ... فيا لموت دنعاس 
لامار : نوض يلاه ترتاح .... تابعنا ضياااف 
اسد : اشمن ضياااف ؟
لامار : سارة جات قبيلة .. وقلت بلي عمران غايجيب والديه هاد ليلة باش يطلب يدها 
اسد : بصااح ؟ مزياان ...مرحبا بيهم .. 
لامار : راني وصيتهم فدار يوجدو انا واريج خططنا لكولشي ... غانديرو عشا عائيلي هنا فالجردة .. 
اسد : ( ناض كينفض فحوايجو) مزيان ... كيف بقات حياة قالو ليا كنتو فالكيلينيك 
لامار : سلااااامة واش تخفاك شي حاجة راها مزياااانة .. سيهم سفيان قاليك باش يربيها هددها بالفراق ... اوا والسيدة على سبة بايتة تحت الما كتبكي تاسخفات صباح ... 
اسد : فين هو دابا ؟
لامار : منعرف فين شفتو .. يمكن راه هو ويونس 
داخلين لدار وكيهضرو تالقاو اريج كدوي فتيل يلاه قطعات وجات سلمات على اسد وهو طلع ولامار بقات معاها .. 
اريج : كنت كنهضر مع يونس .. قاليه يمكن سفيان العرس تأجل وقالي غدا فصباح غانمشيو لكندا .. كان باغي يرجع ليوم وقلت ليه كاينة خطابة سارة .. مهم غانطلع نلبس حوايجي دابا هو جا مورايا خصنا نمشيو نشريو شي كادو لسارة .. ولصحابنا فكندا واعدتهم نجيبليهم كادوات من المغرب
لامار : مزياااان الالة سيييري ... وفاش تكوني جايا دوزو على رتاج وسارة جيبوهم معاكم ماتعطلوش غانمشي نطل على حياة 
طلعو اريج مشات لبسات ولامار لقات حياة نعسات بساب دواء لي شربات ... ودازت لحناجها لقات اسد فوق سرير لابس غير شورط بيض وحاط قسم قدامو كيدير ليها فالحركات وآييس مجبد حداهم ... ومشات تلاحت حداهم نعسات على رجلو كتشوف فيه
لامار : وانااا ماايدرليش بابا سبووررر 
اسد : نتي غير بلاتي عليك ... غادير ليك االسبووررر لي كتعرفي ... 
لامار : ههههه 
اسد : غااااضحكي اناااا غانسالي ليك ...
بقا مع قسم فالحركات مرة يهرها مرة يبدا يشقلب فيها تاهي عندها واحد المروونة على صغرهااا تاحسها عيات ولامار كتوجد ليها فلبيبرون ديالها ..ولبسها غير طريطيقات بوويض خاف وحطها فكونتها عطاتها لامار البيبرون كتشدها بيديها ورجليها عليها كتنعس .. وهي ضور لقاتو مكسل هو آيسس كيقلب فتيليفونو ..وهي كتفرج فيه باقين كيحمقوها حركاتو بحالا اول مرة غاتعرف عليه ... سميرتووو والبرونز دالجسد ديالو وحروشيتو وحجبانو المبعثرين وكيفاش كيطلعهم وينزلهم ... وصباعو كيتخللو الفرو دالراس داييس مزينيهم خاتم زواجو وكورميط كحل ... عضات على شفايفها وبدات كتهبط فسلسلة دسيرفيت ديالها حيداتها بقات غير بديباردور مجا يطلع فيهااا عينو تاكانت طلعات فوووقوووو وعنقاتو بيديها ورا عنقو ... كتشوف فيه بشي نظرات مقااودين وابتسم ليها وهي تقرب لفمو باستو غير بشوية ورجعات كتشوف فيه معوجة معاه راسها عاضة على شفتها 
لامار : مالها حراااام نتكرفص على راجلي شي نهار .... يبقا غير هو لي كيتكرفص عليا

يتبع ..

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.