سارة جاتها من الجنة والناس تهرب وطلعات عند حياة كترررعد كووولها وحياة كتلبس وتهدن وفيها كضحك عليها وسارة مرة توقف مرة تكلس مرة تمشي لسرجم ماعرفات مالها كاع ....
رتاج عاد علات راسها من كتف سفيان لي خلاتو كيوزوز وهو شاد عليه كيبرد الحريق دالعضة ورتاج كتقاد شعرهاا واريج كتقاد فيونس يكلس نيشااان وتحيد ليه تيل من اليد وطفات ليه الماتش ... غير دخلات طموبيل فجأة هوما يتقلبو لدوووك المثقييلييييين لمخنزيريييين لي تقول مقلوبين ليهم البااااطوياااات الكلسة والتجريدة والهبة وتعنكيييرررررة تقلبو تسعين درجة ....
دخلات طموبيل دعمران طويوطا 4×4 وباركا... ونزل ببششاشو بكوستار زرق غالق وحشمااان ونزل من حداه الواليد ديالو كان راكب لقدام كبير شوية فالسن ولابس جلابية بيضة تحتها شوميز بالكرافات كتبان وتاهو ضاحك فوجهو بحال ولدو ... وحل لور لباب لمراتووو واخا كبر فالسن باقي جنتيلمان واحترامو لزوجتو باقي هو هداك ... ونزلات ماماه لابسة قفيطين زويين فالغوز بارد وفوقو واحد الشال بيض و فولار بيضة وبليغة وتاهي زويونة ونزلات ختو تاهي كتبان غير صغيرة قد حياة .. شعرها قصير شاداه غير بمقبط لور ومخليا لقصيصة بجليليبة زرقة و صباط عالي وصاك ديور ... شدااات فخوها فدراعو كضحك .. وتغامز عليه زعما حشمان مضاسرة معاه حيت غير هي لي عندو فالخوت وصغيرة عليه بزاف كيدير ليها بحال بنتو .. وزوينينة بشوشة تاهي ومكياجها خفيف ... هز عمران الورد ولبواط دشوكولا وكملو لكارد هزو داكشي لي بقا بلاطويات ديال كميميسات فيهم الحنة وراق وبلاطويات دالحلوى ودي صاك فيهم لي كادو ليها وداك الشكليات دالخطابة ... وناضو لامار واسد ويونس قربو لعندهم رحبو بيهم وهوما فرحااانين وضاحكييين ودخلو لدار لداخل و ماماه وختو غير حاااالين فمهم فدااار واخا لاباس عليهم تاهوما وعايشين ففيرمة على قدها الى ان هادشي جاهم فاخر .... غير كيضورو عينيهم وكلسو عاد دخلو سفيان ورتاج واريج سلمو عليهم
لامار : ههههه لا متقوليش هاكاك اخالتي بالعكس الف مرحبا نورتونا ( اسد غير ساكت مكيعرفش لصواب بحالها عدنان لي كيعرف يهضر فهاد المناسبات مكاينش )
رتاج : لا لا والله الى باينين ضريفين .. اش غايتعفرو حدا سيك الروكان الله يهديك كالسين كيتفتفو قدامو هههه زيييدي واااادغيا
سارة : يااااك هي هاديك مقاااادة
رتاج : زوينة زوينة غير هبطي .. حياة يلاه
حياة : غير هبطو لبس صباطي وانا جايا ....
هبطات رتاج سارة وهي غير حانية راسها حشمااااااانة كطلع شوووية عينيها غير باش مدخلش فشي حيط ... ومدات ليها الخادمة بلاطو ديال التمر وهزاتو ودخلات عنهم وهوما كيشوفو معاها ويبتسمووو وهي دايرة ضحيكة خفيفة ويونس كيشوف فيها كيفاش خدا من عندها عمران تمرر وهي كتتبتسم ليه حشمانة وباينة من عينيها شحال كتبغيه وفرحانة ..جاتو فششششكل هاد دنيا لبنت لي كان كيضن هي ديالو يصدق المكتاب موجد مصير اخر وقلوبوهم يتبدلو ويبغيو ناس اخرين .... واسد كيشوف فيها حاس براسو مفتخر بيها وفعلا دار الصواب نهار مالاحهاش للزنقة وفضل انها تكون وتعالج باش ماضيعش .. لانو عارف مزيان قلبها زوين غير المخدراات والمعاناة لي خلاوها فداك الشكل واخا الامر اثر بسلبي على حياتو مع لامار وشحال تخاصمو حيت مالحهاش نهار لول لزنقة ولاكن هو ديما كيفكر لبعيد ومكيتهورش... فرح ليها بزاف وافتخر بيها .. عطاتو بلاطو دتمر ودايرة فيه واحد النظرة ديال شكر كبييررر وعينيها كيلمعو وتاهو هز عليها تمرة وابتسم ليها وعطات ليونس تاهو ... وحطات بلاطو وكلسات حدا اريج حشماااانة مهبطة راسها
الام : تباااارك الله وصلاة عنبي مشاء الله ...
سارة : ( بالحس وغاامتموت بالحشمة ) ش شكرا ...
عمران غير كيشوف فيها مكرهش ينوض يهزها دابا ويمشي ... وفرحان لي برااات وولات وحدة جديدة.. واريج كضحك معاها وهي كتقرص فيها غير من تحت بالتوتر طيبات ليها جنابها
طلقاتها مو بواحد تغريتة تاتخطفات قسم فيد سفيان تهنات من جداتها جاتها هادي وسفيان خبعها فيه كيضحك عليها
الام : مبااارك ومسسعود والله يكمل كولشي بالخير ...
دخلو الخادمات كيهزو فداك الحليب والتمر وكيحطو حليوات كلاصي والعصائر ... وهوما كيتحدثو فامور عامة واسد شاد عندو تيل هو يقرب ليه يونس غير براسو باش يشوف فيه
يونس : سسجلو ؟
اسد : مزاال هاد لخرا مشللين ..
لامار : واش غاتحطو داك تيليفون ولا لا حشووومة ...
ردو اسد عاد طلعو راسهم وسفيان غمز ليووونس بمعنى اش دارو هو يقوليه لااا زعما ماسجلوش ... ناس فناس ولاد ابتهال فمشيط راس ...
مريم : ( ناضت بالعاني زعما باش تكلس حدا سارة وهي غير باش تجي حدا سفيان ححيت كالس حداها دازت حداه وابتسمت ليه ليه ززعما خليني ندوز وجمع رجلو ودازت كلسات بينها وبينو ) سلاااام انا مريم .. خت عمراان كنا دوينا فتيليفون لا عقلتي
سارة : اااااه عرفتك الله اودي كيهضرليا عليك ..
مريم : صدقتي حسن مكان يوصفك لينااا ههه مهم نعرفك براسي ( كتهضر بجهد كتسمع ليه وهو مشغول مع قسم مراهش فداك سوق ) مريم وفعمري 20 سنة ودافعة لكلية الطب فاوكرانيا غانمشي هاد العام
مريم : مشااااء الله ربي يخليهالكم ( بالعاني كطول معاه الهضرة هي عارفاه مامزوجش ) واش بنتك
سفيان : لا بنت خويا
مريم : اااااه مزيان كتشبه ليك
سفيان اكتفى ليها بابتسامة طيرات لجد والديها لبوولووون مع شد داك العينين وعاود حلهم بغات تسخخخف حداه وغير البارفاااان ديالو مكرهاتش تخشي نيفها فعنقو غير تشم ... كتشوف مع يديه لي معنقين قسم كيفاش مرجلييين وسمرين .. صافي لقات راسها تزعطاااات ديال بصح زعطة ززززغبييييية .. خصوصي ملي ماديهاش فيها ....
لامار : ااء حياااة ؟ زيييدي ...
غااس سمع سميتها علااا عييينو فيها كانت يلاه جات بضحيييكة عريييييضة وبدا يطلع معاها عينو ويهبط كانت غااااية فالاناقة بكسيوة حمرة فايتة شوية الركبة ويديها شبكة وسميطة رقيقة كحلة لامعة والكسوة مفرفرة من تحت بحال لكسيوات لي كتلبس قسم مع ليباموص كوحل وصباط دومي طالون كحل وشعرها جامعاه عادي لور كيف كانت كدير ليه شحال هادي بانت كيف شي فنكوشة كبيرة ههه حيت وجهها بحال ليبيبي ولاطاااي عندها ديال شيخات هههه سطاااتووو سفيان بداك اللبيييييسة انيقة ومامعرياش وتالمكياج دايرة داكشي خفيف ضريف مخبعة غير الاثار د العصا ... وسويعة رقيقة فيدها ... وسلماتت عليهم مشافتش كاع عند سفيان دايراه كاع ماموجود وهي راه غير بمجرد ما ردات لبال داك خيتي كالسة لاسقة حداه بغات تموتو وضور عينيها لعندو ولاكن عزة النفس طاغية وكلسات مقابلة معاه وهو حل فمو ديال بصح .. حيييت جات طوووووب وللون الاحمر واتاها بزااااف ماحيدش عينو كاع ...
الام : مشاااء الله شكون هاد البنت شحال غزااااالة تبارك الله
لامار : هههه هادي حياة بنت خااالتي
الام : اااه عليها كتشبه ليك شوية .... فنة الله يخليها لواليديها ( حشمات حياة وسفيان كيشرب من كاسو وكيشوف فيها كيقول مع راسو واش نخطفها ونمشي ولانشدها وسطهم ) والله كون كااااان عندي شي ولد اخور كون خطبت هاد الليلة جوج بنات ماشي وحدة ههههه ( سفيااان بزززق داك الكاس كامل ورتاج تشتتات عليه بضحك وحياة غير تنزكاااات مقداتش تاتشوف عندو )
اريج : الله اخالتي قداش قوليتيها ههههه
لامار : هههههه ماشي مشكل الغلط كيوقع هههه حياة اخالتي مخطووبة هي وسفيااان وعرسهم قريب ...
سفيان ابتسم فداك المراة واحد للابتسامة ديال واش ماعمرناش ليك العين حنا ابتسامة مخنزرة هههه و مريييم بحالا خويتي عليها سطل ديال الما باااااااررررد كتشوف فيها وتطلعها وتهبطها حرقاااااتها الغيرة حيت تجبد تاتعيا ماتشبهشش حتى الضحيكة لي عندها عاااسااااك لاطاي والبياض والعينين ...
حياة علات شوووية عينيها فيه لقاتو معاجبوش الحال وهي تضضضحك بششررر بردات ليها جنون ملي عصباتو ليها
حياة غير كضحك وهو كيشوف فيها غالينوض يخطلها والام قلباتها ضحك وحياة كتشرب من عصيرها بهداوة ودير فيه جنووون ... غير شافت عندو لقاتو كيومي ليها تنوض تكلس حداه ... دارت راسها مافهماتش وقلبات عينيها هو كيتغدد وهي كضحك مع داك المراة ... مريم حاطة عليهم غير من هضرتها وهاد الشوفات لي كيديرو فبعضياتهم عرفات يمكن بيناتهم شي مشكل .. حيت مدام مخطوبين علاش مادايرينش الخواتم ؟ ... رجع ليها شوية ديال الامل ورجعات لاحلامها البنفسجية ... وضارت عند قسم زعما كتلعب معاها
مريم : عطيهاليا شوووية
سفيان : تمشي عندها مم ؟ سيري يلااااه
حياة طلعات فيهم عينيها ورتاج واريج متكيين راس عند راس كيتفرجو فيهم ويضحكو حاطين عليهم ولامار واسد كيهضرو مع داك ناس ويونس مرة مرة يطل على تيل فيه الهم ديال الماتش ومرة يهضر تاهوا معاهم ... وسفيان حط قسم على رجليين ديال مريم كتلعب معاها
حبيبي الأصم الجزء 293
محتوى القصة
التنقل بين الأجزاء