حياة : ( خلاتها بلاكة وشافت عند سفيان ) نهار كامل ماشفتك حسيت براسي توحشتك بزاف .. اجي معايا لبرا نهضرو شوية ...
ناضت وسفيان ناض بلا هواه تابعها ولامار شافت فيهم وسولات اريج بعينيها
اريج : غارت غارت ههههه
حياة خرجات سفيان لبرا بضحكة وتحلوين غير وصلو لجردة وهي تنتر منو يدو ومشات كتتفقص وتعض فيدها بجنون وسفيان غير واقف كيشوف فيها وربع يدو على واحد الحيط عرف الى الغيرة لي دايرة ليها هاكا
حياة : لا مزززياان مزيان ... ساااااهل عندك الامر .. تفك من هادي وسير عند هاااادييييك ...( بصوت رقيق كتعيبها ) غزااااالة كتشبه لييييك ... عزيييززز عليك عممممك ؟؟؟ تعززززك لفعة .. ييييييييخ ونتا ضاااحك ليها وكالس لاسق معااااها ....عرفتي شنو ؟ ... ماحد والدييها كالسين كنتي طلب يديها كاع ... ياك فكل الاحوال نتا ححرررر وديال راسك ... ( كتهضر وتشير بيديها مفقوصة وهو كيتفرج ) هي لي كتبان بنت النااااااس وباينة مررربية وهي لي تربي ليك ولادك .... سييررررر عندها ... نجيبليك نمرتها ؟ ولا نهضر ليك مع ماماها حسن .... اصلا شنووووو شادك ... ياااااكما تقلقتي حيت قالت لامار بلي مخطوبين وضيعاتليك لبلاااان ... هاااا ؟ نرجع نصحح ليهم المعلوووومات ونقوليهم حر دراسو وراه كيقلب على شي بنت ناس حيت خطييتو مابقاااتش معمرة ليه العين همممم !!!!!!
خلاها تاسكتات وتنحنح بشوية عليه وبدا كيقرب لعندها وهي مخنزرة فيه وكتجمع داك تخنزيرة شوية بشوية فاش كتشوفو كيقرب ... تالسق فيها وشدها من دراعها بحنية عينيه فعينيها وهي بدات غير كترمش وتسرط فريقها تالقاتو تكا على شفافيها بالمصان مغمض عينيووو ماقدراتش حتا تمنعو وماقدارتش تنسجم بقات كيف الجماد غفلهااا وهو كياااكل فشفايفها كيف بغااا ومعنقها لعندووو ... دقاااايق على داك الحال عاد يدا يرخي منها وبعد راسو شاف فيها مطوووول وهي باقا مصدومة وشفايفها كيلمعو بريقو بحالا دار ليها مرطب الشفاه ... وابتسم ليها بحححب كبير من خلال داك الابتسامة دوز ليها واحد الشكررر بلا مباشر على هاد الاناقة ديال هاد ليلة وطلة محترمة وحسها حياة لولا لي بغا وفعلا بدات كتردها ليه تابهاد الغيرة ..... وخلاها ودخل وهي بقات غير متسمرة وخا مشا ..الى ان داك الابتسامة بقات حدا عينيهاااا كتراقص مابغاتش تبعد من قدام عينيها ...وتطلع يديها بشووووية تقيص فشفايفها مامتيقاش الى سكت ليها الحس بهاد طريقة .... وسفيان دخل على وجهو الهدوووء ... وبعد من مريم مكلسش حداها باش بلا ميعصبها كتر وكلس حدا اسد .. ومريم ماشي كامبويا عاقت بلبلان باينا غارت عليه ... واصلا جاي وشفايفو حوووومررر ... باينة القضية كانت سخونة ... كتر ملي شافتها تاهي دخلات مزززنكة وكلسات بعيدة عليه ... وبقات تشوف معاها شحال زوينة والنظرات لي كيتبادلو ... وهي تقلب شفايفها لجججنب وكتققول فخاطرها معندي زهر معاه تاهذا طريقو مسدودة حيت واخا هاكاك مكتقدرش تحيد شي حد لشي وحدة ... وهي تجمع عينيها عليه واخا صطاااها وخلاها كتغلي مي غير من عينيه باينة كايبغيها دونك ماعندها ليه طريق ... واصلا مغاتقدرش تنافسها كتبان قنبووولة ... هبطات راسها بأسف تاشمااات واحد دالبارفان من نوع اااااخرررر ... عالم ثاااااني ... وهي طلع عينيها مع الكاط ديالو رمادية لي كيف ديما سيور محلولين ل سروال دجيين لي خاشي يد فواحد جيب لي فيها ساعة غير من جلدها باين شحال ساوية ل لبودي لكري مزيرررر عليه غا وصلات لوجهو وهي دووووخ قسم كانت غاطيح ليها من يديها ... كترمش فيه وتعاود لحيتو كثيييييفة بلوون القهوة لبشرتو السمراااء ليعنيه لي قطرة عسل .. لونهم بني فاااتح لحجبانو المبعثرين وواحد مهزوز لملامحو الخشنيييين ومررررججججل بلا قيااااس وحححرش ... لشعرو الكثييييييف لي مرجعوو كولو لور منفوووخ وعلى عينيه نظرة استغراب حيت معرفش شكون هادوك .. حسات بالدنيا كضور بيها وكتقول واش هادو واحد ينسيك فلاااخور ولا شنو هاد تريكة واش هاربين من شي دولة لاتينية هادو مستحيل يكونو منتوج محلي
لامار : عدنااااان ؟؟؟؟ ( رتاج تخطفااااات كانت كالسة ناشطة ضاحكة تاتجمعات لوللديها للضحكة وكولشي شاف لعندو وهو علا واحد اليد بمعنى سلام بابتسامة خفيفة وصوت خطيييرررر كتفوح منو الهبة والرجولة تماما بحال اسد ناقصاه غير لبحة )
عدنان : بونسواغ ...
رتاج قادات الكلسة ديالها مربعة يديها ومعلية يد حاطها حدا فمها العقل ورزانة زعما كانت متبعة مع الحديييث اش كانو كيقولو ودايرة راسها كاع مارادة ليه لبال الى دخل .. واسد كيشوف فيه ووما ليه بمعنى دخل ويونس قرب سلم عليه
عدنان : على سلامتك ...( شاف عند ظيوف ) السلام وعليييكم ( حياهم براسو )
يونس : زيد دخل ... هادا عمران وهادو وللديه ليوما سارة بنت عمي عندها الخطبة .. هذا خوويااا عدنان ...
عمران : ( وقف سلم عليه ) تششرفت بيك ... ديجاا قريت عليك بزاف فجورنال فاش شدتي بلاصة سي اسد
عدنان حدو ابتسسملو وبادلو السلام وسلم عليهم غير بعينو وكلس .. وشاف عند سارة عارف ليسطوار ديالها كاملة وحياها براسو حركاتو ثقااال ومرزن
قسم منوضضة الرروييييينة فيد مريم غاتخطف ليها من يديها ملي شافتو وضحك ليها ناض عندها هزها وداك مريم غير حالة فمها خصوصي ملي كلس غير حداها
عدنان : هانااا هااانا صاااافي سكتي ههه ( عنقها عندو حيت كتبكي ملي دخل حسابتها مداهاش فيها )
لامار : حسابتها سمحتي فيها هههه واحد البوحاطية مامنها
اسد غير كيشوف الدرجة لي متعلقة بيه قسم ... وكيقول الى طرات ليه شي حاجة كيفاش غايفهم بنتو بلي واحد من عمامها فقدوه .... استعاد من شيطان ولاح داك الافكار من راسو وكمل معاهم للحديث وداك مريم تاني ضربات على صبعو مالقاتش الخاتم وهي تحنقزز واحد مزال سيليبااااتير وخا بان ليها كبير شوية ولاكن جاديبتو كدوب الواحد ... هذا حلات فيه فمها نييشان بالفررررشة وهو قسم ناعسة على صدرو كتفشفش كيمشط ليها على شعيور ديالها بيدو ووعلا حاجبو شاف جيهة مريم حيت حس كتشوف فيه لقاها حالة فمها فيه وابتسم ليها وهي تجمع راسها وقادات الكلسة بادلاتو نفس الابتسامة عاد ضور راسو وحياة ناضت بالخف تخشات وسط رتاج واريج مرجعين ريوسهم لور متكين وكينمنو بالحس ...
حياة : مالكي شفنتك قالبة عليه راسك ههه
رتاج : ماباغاش نشووووف فيه
اريج : ممممم الله يجعلني نتيق ... مالكي نتي على داك الجرة درتي للولد مفروووشة
حيااة : اوا باااش تجمع راااسها وهي كالسة كتحك ليا معاه مزيااااان تباركالله مالو ماعليه حكام ... جات على عشرة وبغات تعيش
رتاج : مكانش عليك اصاحبتي غير غاينفخ عليك ريشو دابا
حياة : ينفخ ولا يكلس مهم مايبقاش حداها وربي كبير
رتاج : لا مرة اخرى تصرفي بالعقل والثقالة وديري راسك مكيهمكش يهههضررر معامن ماابغاااا يهههضرررر نتي ديري راسك مكتغيريش ومكتسوقييش ( هي كتهضر وحياة واريج كيشوفو عند عدنان لي مريم عاوتاني جبدات معاه موضوع مستغلة قسم مرة ثانية كتلعب معاها على صدر دعدنان هي بالعاني باش تقرب منو ومرة مرة كتحط يديها على صدرو زعما راه كتلعب مع قسم ) داكشي لي درتي طيح من شخصيتك دابا غايقول غيير ميتة عليه ... كان خاصك ديري راسك متسوقتيش وتشوفي كيفاش غايتطحن غير بوحدو خليه يهضر ويضحك كيف يغا ماتسوقيش بيه
حياة : احم اححم .. يارييت لو ضوري راسك شوووية لداك جيه وعاد كملي كلامك .. ربما تبدلي وجهة نظرك ابايبي ..
رتاج ضارت بشووية وهي تلمحهم كيضحكو مع قسسم وهي تخخنزززرر كطلعهم وتهبطهم وتقول الضحكة دعدنان عمرو تامابينها ليااا جات هي دغيا وراها سنانو وبدات تغزز فشفايفها
حياة : رتاج ؟ رتااااج هييييهو .. ( رتاج عينيها لاسقين عليهم وكتشوف غير لداك الضحكية لي كيدير ليها وتفقص علاش تاهي مايضحكش معاها بحال كيف كيدير دابا مع لبنت وعينيها تفييكسااووو تبلوكات فخطرة ) واالبنت ... شوووفي ديري لي بغيييييييتي قتليها قجيها نتفيها غير ماتخرجيش عدنان لبرا ... نصييييحة من عند وحدة مجربة ماتخرجيهش لبرااا والا غااااتندمي ويقطع حسك الى يوم الدين ...انا غير نصحتك
مريم : هههه راه حتا مع عمها لاخور مابغاتش ....اوا خليتك تمشي عندو وصافي اجي عندي
حطها عدنان عندها وهي تببببكي ورتاج نطقات
رتاج : قسوووووم ( قسم شافت عندها ) اججججي احبيبة عندي اججججي ( قسم علات يديها وناضت رتاج هزاتها ورجعات لبلاصتها وشافت فمريم بضحيكة كتقلي ليها السم ) ماااتقلقيش منها احبيبة.... قسم مامولفاش بالبراااني ... ( كتشوف فعدنان ) ومكضحكش مع لي مكتعرفوش ( بالحس ) بحال شي بعضين لي غي حالين فمهم لمن مكانن ....داكشي علاش اااحبييييبة ماتقلقييييش منهااا ....
مريم : اااااه م ماشي مشكل ..باقا صغيرة
رتاج : ( تقلبات لعندهم معنقة قسم ) يلااااااه نشوفها دابا باش غاتقرب منو .... كانت دايرة ليا السبة بقسووومي ديالي مسكينة مستعملها قنطرة ... يلااااااه نشوفك فاش تشدي دابا
حياة : ههههههه لا لا نتي جججججبتي تمام كاع ههههه حديتهم ليها فخطرة ..
حياة كضحك بالحس مع اريج وعويناتخا كيتشدووو والسر طايح عليهااا وسفيان مرااااقبها بعينيه ماعرف اش جاه عليها يمكن كان توحش حياة لقديمة ....وعدنان كيشوف فرتاااج غير من اللقطة لي دارت وكيفاش لاحت ليه الهضرة فهم بلي تقلقات من ضحكهم فرح فلداخل ديالو على هاد الغيييرة وكيشوف معاها متأملها وكيطلع فطلتها الانيقة
اريج : والله تامسطياااات بالله .... شفتو ماحدكم ماتزوجتوش بيهم راه متقولوش دياولكم بوحدكم ...ماحدكم مزال مكلستو قدام العدول راهم غايبقاو متاحين لجميع بنات ربوع المملكة ... غي هدنو الطرح
رتاج : ومالكي كتهضري وجامعاني مع حياة هي غارت على خطيبها انا مالي ااااااه ولا ياكما كيحسابتك هزيت قسم حيت غرت على عدنان ههههه ضحكتيني احبيبة هزيتها غير حيت دايرها قنطرة ما عدنان مكيهمنيش يضحك معامن متبغا فمو هاداك ... شوفيها دابا كيف ضاربة طم مالقاتش باش تجبد معاه موضوع... يخ ماعرفناها جاية تخطب لخوها ولا لراسها ....
رجاء جات عند ودن لامار همسات ببضع كلمات ومشات ولامار ابتسمات ليهم
وصلو لجردة فين كاينة لاصال امونجي ولقاو جوج بناات كيتسناوهم بابتسامة ... وحيااة تخطاتهم ومشات بزربة جرات لكرسي لي حدا سفيان باش متجي ليه لوخرا ... وهو مشافهاش كاع هااز تيل تاني كيشوف لماتش .. ومريم مابغات لاتكلس كتسنا فعدنان يكلس باش تكلس حداه وهو عاد جاي مع يونس ... جر كرسي يكلس وهي عاد ابتسمات ومشات تجر لكرسي لي حداه تالقات شي حد جرووو وكلس بقات غير كترمش .. ورتاج علات فيها راسها بابتسامة ... وكتومي ليهاا تكلس . .. مريم خسر ليها البلااان تاني مالقات لجد والديهم طريق دايرين عليهم بحال الشوك الله يستر لي قرب يرعف .. وكلسات حدا رتاج منيرفية ضاع ليها العشا.. والخادمات بداو كيسربيو على الطبلة كلا واحد و اشنو بغا ... اسد كيوكل بنتو ولامار واريج عاطينها لضحك .. وعمران عااايش عالمو مع سارة كيهضرو هو وياها ويضحكو ... وولاد ابتهال كلا واحد شاد تيل تحت طبلة كيتفرجوو فالماتش .. تاتحط لعشا كلا وطبقو عاد حطو تيليفونات ... عدنان شم شي ريحة حداه كتعجبووو ماغريباش عليه وضور راسو بشوووية لقاها رتاج كتاكل بشوووية عليييها وهو يبتسم كان مشغول مع الماتش ماردش ليها البال هي كتاكل وهو كيشوف فيها .. تاحسات بيه وضارت عندو كانت الدغمة عاد ففمها .. وبدات ترمش فيه وهو داير فيها واحد الشوفة زوييييينة وابتسامة شبه مختفية غير لا حققتي عاد تبان ليك .. غير شافتو كيشوف فيها بداك النظرات وهي توحل ليها وبدات كتكحب وهو ضحك وخوا ليها كاس ديالما عطاه ليها شربات عاد تهدنات وابتسمات ليهم بمعنى انا بيخير عاد كملو عشاهم وشافت عندو لقاتو كياكل ويضور فراسو ضاحك وعضات على شفايفها على فرشة كيف دايرة وبدات كتخشي فوجهها ....
سلاو عشاهم وديسييرر وهو داك الام والاب يوقفو
الاب : الله يرضي عليك ابنتي شي بلاصة نصليو فيها صلاة العشاء ...
لامار : اه اجي تفضل معايا
مشات قدامهم وتبعوها لدار ... وسارة وعمران ناضو كيتمشاو فجردة ويهضرو ... ودراري دغياااا جبدو تيل دارو الماتش وحطوه مكالي مع واحد البوكيه باش يتفرجو كامليين وناضو تجمعو فقنيتة وحدة لبنات بقاو غير كيشوفو تسييييفوووو عليهم مابقاوش كييييعرفوهم ... كل وحدة كترمش فلوخرا ... عاد تأكدو بلي الكرة هي الوحييييدة لي غاتلهيييهم عليهم والموصيبة تامن قسم كلسها على طبلة وكتفرج مخخخشعة
مشات لصالون فين غايديرو الخطبة لقات داكشي هو هداك فاش كانو كيتعشاو الخادمات قامو بكولشي .. طبلة مرشوش عليها الورد ومحطوط مصحف فضي وحرف كبييررر ديال S و واحد ديال I وشموع صغيرة وقريعات طوال فضييين بحال طيم ديال المصحف فيهم ماء الزهر وكويسن طوال تاهوما فالفضي فيهم الحليب و طبسيل طويل ديال التمر .. عطاتهم يحطو ليهم لخواتم فبلاطو اخور ... ودارو طبيلة طويلة لور بحال بيفيه عليها كيسان كباااااررر ديال الرجل .. عامرين بالحلويااات لي ماكاغون و لمورااانغ و شوكولا .. ومحطوط تما تابوكيه دالورد لي جاب ليها .. ولاطاغاط فالوسط كانت بعجينة السكررر كلها بيضاء وفوقها جوج دالخواااتم بالعجين فالدهبي واسماءهم مكتوبة فجنب لاطاغاط ... وليبلاطو ديال الحلوة التقليدية .. وعاد زجاجات المشروووبات الغير الكحووولية والعصائر .. شافت داكشي كولو هو هداك وخرجات لبرا لعندهم بانوليها غير دراري على طبلة وطاااااالع ليهم الدم مخنزريييين من غير اسد وعدنان لي واقفين بعيد كيهضرو وهي تشد على قلبها
حبيبي الأصم الجزء 294
محتوى القصة
التنقل بين الأجزاء