رتاج كتشوف فيه بخوف شابطة فدوك الحدايد وكتشوف لعينيه
عدنان : يلاااه .... ( حسها مترددة ) شفتي ؟ انا كطلبي مني نحط حياتي كاملة بين يديك فبلوك ... ونتي مقدرتيش حتا تنقزي 2 مترو لعندي ؟
رتاج سرطات ريقها وغمضات عينيها عندو ااحق كيف ما هي قادة تحافض ليه على حياتو .. تاهو ماقدرش يآديها ... وهي تننقزززز بعينيها مغمضين تالقات راسها فحححظنو بين يديه وحلات عينيها فيه وهو هازها
عدنان : اش وقع ؟ ماوقع والو ... ( بقا غادي بيها وهي فيديه ومسمرة سااااكتة تقاضا ليها الكلام ) كون كانت المسافة علا من هاكا ... برج ... ونسبة غير 5 فالمية انك تشدي فاش تنقزي ... وبزاااااف لي عاطينيك يديهم .. ومنهم انا ... وعارفة بلي غيييير 5فالمية ... يعني مممكن انا تفلتي من يدي ... واش غاتبغي تحمليني هاد المسؤولية كاملة ولا تفضلي تنقزي فيد واحد اخور .. باش انا منتآداش لا متي ونلوم راسي حياتي كاملة بلي انا لي فلتك وسبابك حتى متي ....
رتاج : لا ... انا غانختارك بيناتهم كاملين .... حيت داك 5 فالمية ديال الحياة كاينة غير بين يديك والباقي كلهم 95 فالمية ديال الموت لي بقات ..... غانكون متأكدة بلي اختياري ليك صحيح ... لانك نتا بوحدك لي غادير المستحيل ولو اني نكون منقزة من اعلى برج وغااتشدني .... ومغتتخلينيش نموت .... نتا بوحدك لي غاتكون شايف داك 5 فالمية على انها 100 فالمية .... حيت تايق فراسك بلي دير كااااع ليزيفوغ ديالك كتر من كاع هادوك لي مايدين ليا يديهم وماتخلينيش نموت .... لو ان يستددعي الامر تسلق البرج على قبلي ... ولي مغاديروهش لوخرين ...
عدنان : ( شاف عندها ) وخا عارفاني لاتسلقت البرج ممكن نموت انا وياك .... مغاتخافيش عليا من هاد الخطر وتقولي بلا منختارو هو ؟
رتاج : غانعاود نقوليك لا ... حيت انا لانقزت عند واحد اخور ومت ... مستحيل تبقا حي من مورايا وغانموتو يجوج .... ويلا نقزت عندك ..وتسلقتي البرج على قبلي غاااانموتو بجوج ... يعني فكلتا الحالتيين ميتين ميتيييين بجوج ... يعني اختياري ليك ولا لشخص اخر ماكيشكلش فرق ... بالعكس انا كاع مغانقدر نحميك الى تلاحيت فيد واحد اخور... غانحميك فحالة وحدة ... لاتقت فيك وعطيتك حياتي .... غااانعيشو بجوج .... ومن هادشي كامل كاين قدر مقدرر .... الى ربي بغاني نعيش .. غانعيششش .. ولا بغاني نموت غانموت ....
عدنان تهند وحطها وقلب دغيا الموضوع
عدنان : وهاااااحنا دخلناااا الالة ...ولقينا كلمة الممنوع والمحرم و المستحيل من القاموس هاد الليلة ....
رتاج طلقات منو وتمشات كتشوف شادة على داك الجاكيت منظرها مضحك ... وكتشوف كان ليييل بصح بولات قلال لي مشعولين والعاب الاطفال حاااابسة ... تاسمعاتو كيتمشى من موراها
عدنان : لي شاف هاد البلاصة هادئة هاكدا مايقولش انها اكثر بلاصة كيستمتعو فيها الناس ويلعبو ويضحكو ويغوتو ... واكثر بلاصة كيكون فيها الصخخخب .... هي ديال دراري صغار ... كتزرع فيها الحياة ملي كيكونو دراري صغار فيها ... وغير كيمشيو كتمشى منها الحياة .. وكتولي باااااردة وهادئة بحال هاكا كتحسي بهاد الالعاب كاملين مكتئيبين (حرك واحد الميزان وتحرك بصعوبة بحال ثقيييل ودار واحد الصوت عيااان ) ... غدا رجعي شوفيهم كيفاش غايتزرع فيه الحماس غاتحسيهم فرحانين لان جاو دوك لي هوما مديورين على قبلهم ...كدالك حنا ... فاش كيكون داك الشخص ديالنا غايب ... كتلقاينا تماما بحال هاد الالعاب مكتئيبين وانطوائيين وكنبانو معقدين لنااس ومكنعرفوش نضحكو ومملين .... ولاكن غيررر يجي هذاك لي خاصنا ... كتزرع فينا الحياااة وكنضحكو من قلبنا ... وكتفاجئي بابتسامات زوينة كتبدا ترسم غير بوووحدها على فمك ... تماما بحال هادي لي مرسومة عليك دابا
عدنان : شفتي كيف بانت فيك الحياة ...ومن دابا شوية غااااتزيد ضحكتك تبااان ... لا داك ديسكو لي كاتمشي ليه باش تفوجي وتنسايني .. ولا داك لي كلوب .. ولا صحابك ... يقدرو يزرعو فيك الحياة بحالي .... كون اكيييدة ...ضحكتك معاهم غير اصطناعية ... ولاكن معايا طبيعية ... لان لكل شيء قالبه الخاص ..
ضحك ليها وزاد قدامها خلاها واقفة مسمرة كيتمشى ... تاشوية سمع شي ضوت وضار لقاها عي فوق الدوح ( الارجوحة) كيف شي بنت صغيرة وولوحات ليه بيدها
رتاج : اججججي دفع بياااا ...
ضحك ومشا لعنها كيدفعها وهي كضضضحك بجججهد كتعلا حتا لفوق وترجع ... وهو كيدفعها ومستمتع بصوت ضحاكاتها ... كتعلب برجليها فاش كيطلعو لهواء ومرة مرة كتجرب طلق يديها من السلسة وترجع دغيا تشد باش ماطيح وتموووت بضضضضحك فرحااااااانة .... وهو رخا منها وبعد لجنب بقات بوحدها كدووووح بسرعة وهو ربع يديه كيتفرج فيها وهي كضحك ليه وشعرها كيطييرووو الريييييح وتغووت غير بالححححس
دخل فواحد بلاصة كابيني بحال ديال تيليبوتيك ... وبانولو تما شي بوطون داكشي كولو بسيستيم وهي سولاتو بكل تلقائية
رتاج : غاتعرف هادشي خصو مولليه ؟؟؟؟؟؟
جاوبها غير بضحك كيضحك عليها ويضور راسو مهبطو على داك البوطون شاعل فيهم لبيل ديال تيل ... وهي داك الضحك ديالو عاد تفكرات هدا كيهاكري ويخترق البرمجة دالسفن واليخوت بقاااا غا عجلة دوارة هههه ضربات فراسها على هاد الغباء تابانت ليها بدات ضور .. خدمها بلا صوت بلا اضواء غير ضور وصافي باش مايحس بيهم تاحد .. ورجع حبسها
رتاج : ( نقزات ) واااااااو والله تاخدماااااات
عدنان : يلاه جري سيري
رتاج : لا نمشيو بجووووج
عدنان :واخا نمشيو بجوج وشكون غايخدمها
رتاج : نخدموها ونمشيو كنجريو.
عدنان : وشكون غايوقفها ههه نبقاو تما معلقين مع نجوم
رتاج : ( كتحك فشعرها ) ااااه بصااااح
عدنان : هههه الغباااء .... جججري يلاااه ..
مشات كتتجججري كتختار فين تركب ... وركبات فوحدة ووهو كيومي ليها دير داك الحزام وركباتو ... وخدمها وهي تحححل فمهااااا وطلقات يديهااا بحال شي طااائر كضضضضحك ... وهو خرج من تما كيتفرج فيها وغير كتوصل لفوووق كديرر ليه بايباي ... فرحاااانة كضووررر تاوصلات لفوووق وهي تحسها وقفات جججمعات ضكحتها وشافت عندو مخلوعة شادة على قلبها
جبدها وعنقها لعندووو ضمة داااااافية قوووية لصدروووو وهي غير سااااكتة وبادلاتو العنااااق بحالا فهمات كاع داكشي لي باغي يقول من خلالها وفعلا هي الوسيلة الوحيدة لي ممكن من خلالها تقول بزااااااف دالكلام دفعة وااااحدة ...
بعدات عليه بششششوية وبدات كاتشوف ليه فعينيه مددة بحالا كتجاوبو على عنقااانو ورجعات ناضت عليه ومشات تاني لارجوحة كتدوووح لان مكتعرفش اش كيجرا فاش كيقرب ليها بزاف سواء بقبلة او عناق او نظرة ...كتلهبط وكتبغي غير فين تهرب باش مايفضحوهاش ملامحها الحشمانين ولقات فالارجوحة الفرار ... وهو كالس كيتفرج فيها كتحمقو ضحككتهااا الطفووولية .... تاشافها قفزاااات ... وناضت من الارجوحة حيت كتسمع من موراها
- شكوووون هناااا ؟؟؟؟؟ شكوووووون هنااااا
ضارت موراها فداك ضلام حيت البولة جيهة عدنان .. هو يبان ليها راجل بجيلي الصفراء الاليكطيريك وكاسكيط عرفاتو العسااااس وهو شافها بداك الشعكاكة وداك الحالة وهوووو يهههههرب ومشات كتجري عند عدنان
رتاج : ش. شافني واحد رااااجل... كان واقف لهيه باينة لعساس ... بصح شفتو شافني وهرب ؟؟؟؟؟؟؟
عدنان : ؟؟؟؟
واحد شوية بداكيبانلهم جااااي كيجري ومعاه واحد اخور وهاازين العصاا فيديهم قاصدنيهم نيشاااان .... وهي تغوووت بججججهد وشافت عند عدنان تخشاااات فيه كاااااملة وهوما وقفو كيشوفو فيهم
عدنان : ششششش ( علا يدو ) كاااااالم ... كالم فووو ... ( دوك جوج وقفو كيشوفو فيه ويطلعو معاه ويهبطو كيبان داير منهم جوج مع معري ملفوق كترررر )
رتاج : نااااااري على طماع .... رشوة اعدنان رشوة ؟؟؟؟
عدنان : ( شاف عندها ) نردك لييييه؟
رتاج : و وو لاكن كنتي تلقا شي حل ...
عدنان : بحالاش ؟ نضربووو مسكين ؟ راه حنا لي مهجمين ههه
رتاج : لا ... ن نهربووو
عدنان : نهربوو ؟؟؟؟ ( بدا كيطلع ويهبط مع راسو ) دابا هادا كامل لي قدامك يهررب ... من عساااس ؟ ..... ( دوز يدو على وجهو كيصبر فراسو ) طلعي ططلعي لطموبيييل تعاطتي لادوز دالغباء هاد ليلة بإفرااط الغزالة ...
طلع هو وهي بقات واقفة شحال كتخيلو هربان وتابعينو بالعصا وهي تفررررركع بضحك بجججهددد رجعت ليها داك الخلعة بضحك وطلعات عندووو كتشوف فيه وتخرااا بضضضضحك وهو هاز هبالها باراااكا عليه غير صوت ضحكتهااا لي كيحمقو مكرههاش ماتسكتش ..كتزرع فيه الحياة بداك الضحك .... وديمارا وهي كضحك بدمووع وتفكر راسها كتلعب فجردة دالاطفال مع تلاتة دصبح ومنقزة لباب ملفوق ومعامن مع عدنان ... بقات تاهدنات ومسحات دموع ضحك من عينيها وشافت عندو
رتاج :صراحة بنادم ملي كيجرب شي حاجة ممنوعة كيييستمتتتع هههه النزاهة مملة هههه ... ( شافت ل اللوحة الالكترونية دسيارة وبغات تخدم الموسيقى وهي تشوف عندو ) عدناااان
عدنان : مممم
رتاج : شنو نوع الموسيقى لي كتعجبك ؟
عدنان : ضحكتك ...
رتاج : ها ؟ !!!!
بقات شحال ساكتة كتردها مع بالها ... كيقول كلمة وحدة كيفشلهااا ... وهي دير بناقس من شي موسيقى كاع وتكات على لكوسان مربعة يديها حشمانة ههه كانت ربعة ديال صباح متبعة معاه طريق بعينيها
رتاج : فيين مااااشي دابا ؟؟؟
عدنان : تشهيييت نوودلز آزيااتيك ...
رتاج : هههههه ها الحماق تاني شوف شحال فساعة فين غاتلقا شي حد حال ياكما ناوي تنقز على لباب تاني لشي ريسطو وتهبط طيبو نتا هه
عدنان شاعل اللوحة داير gps كيخربق عين فطريق وعين تما عطاتو كاع الاشارات ديال المطاعم الاسيوية ومشا بدا باول واحد باركا حداه كيشوف معاه
رتاج : شااااد ... راه مستحيل تلقا شي حد حال الله يهديك يلاه نمشيو نعسو
عدنان : مكاين نعاس هاد ليلة .. ( رجع كسيرا مشا ) نشوفو واحد اخر ...
مشا تاني كيقلب .....التاني وتالت ورابع كولشي ساد
رتاج : هانتا شفتي ها صباح بدا يطلع غاانبقاو هنا كنقلبو كي سحت ليل واش كتووووحم
عدنان : غاتسكتي شوية لا ...لابد مغايكون شي حد حال ... عدنان راه لا تشها شي حاجة مستحيل ماياخدهاش غير تهناي .. داكشي علاش غطي عليا داك الرجلين باش ماتصدقوش مشهييين حاجة اخرى ... خلينا غير فنودلز ناعلين شيطاااان ...
رتاج طرطقات عينيهاااا وشافت عندو هو مركز مع طريق وللاشارة داللوحة بحالا مقال وااالوو وهي قلبها كان غايييسسسسكت وبدات كتهبط جاكيت على رجليهاا وتغطي وترمش بيعينها تالقاتو وقف قدام واحد مطعم فااااااااخر اسيوي اطلالتو حمراء من برا ومفتوووح .... وهو يضحك
عدنان : فاااينالي ... يلااااه نزلي
رتاج : واااااااات ؟؟؟؟؟؟ ( شافت مع المطعم ورجعات شافت فيه ) واااش حمممق لا ؟؟؟؟ نخرج بهاد الحاااالة لريسطو بحال هداااا غايجريو عليا من لباااب يحسابتهم غير شي متشششردة
عدنان : ههههه نزلي الله يهيدك علاش كتسوقي لبشار .... ( ضار عندها وشد وجهها ) رتاج .. راه اي حاجة مكانتش كطيح على بالك ديريها غااااديريها هاد ليلة ... داكشي علاش غير نزلي ازين راه مامفاكش ... وحاولي تعيشي هاد ليلة غيرر لرااااسك فرحي واستمتعي وحسبي بحالا مكااااين حد ... يلاه نزلي ..
نزل من طموبيل ونزلات تاهي كتشوف حشمااااانة لي دخل بداك الحالة كتشد فداك الجاكيت وشورط ديال نعاس فيه مربعات وكلاكيطة فيها بطة هه .. ومشات لسقات فيه تاهو عنقها لعندو والحرس فلباب ماقدروش يمنعوهم لان شافو الحديدة لي نزلو منها كيدايرة ... ودخلو كان الصممممت وناس قلاااااال كيكاكلو ببداك العيدان .. وكيشوفو معاهم ورتاج مخبعة فيه محرجة وهو مامسوق لحد
رتاج : ويلي ويلي ويلي على تحشييييمة كولشي كيشوف فينا اعدنان... اصلا انا معرفتش اش فيق هادو مع الخمسة دصباح ياكلو نودلز .. حسابتني غير نتا لي مسطي سعا عطا الله اامسسطيييين بحالك ...
مشاو كلسو فواحد الكوان بعيد شوية على البشار كان بليفوطوي حومر وطاولة مزخرفة بزخاريف صينية ... وتا طيم ديال ريسطو كولو اسيوي ... وكلسات مخبعة فواحد القنت حشمانة من داك الحالة .. وهو يجي الناذل كان بلباس اسود صيني تاهو .. ودارليهم التحية الاسيوية ... وحط قدامهم طابليط كبيررر ومشا .. وعدنان بدا يختار فيه اش بغا دخل لصفحة ديال النودلز وختارو بالحاااررر والحوت ... وعطاها تاهي ختارت نودلز بالخضار . وختارو ديسييير ولي صالاد وفاليدا باش يجي عندو ... وجا خدا طابليت ومشا وهي كلسات مقابلة معاه وحاطة يديها على حنكها متكياها على طابلة
رتاج : والله الى لحماق ههههه عمرني عمت فليل .. وعمرني دخلت لشي بلاصة بتخبية . وعمرني جيت لريسطو بحوايج رجال فالخمسة دصباح .... حتا عرفتك هههه رديتيلي كاع دوك الحوايج لي كانو بنسبة ليا كوابيس لاحلمت بيهم حقيييييقة ههههه
عدنان : ههههه ومزال ماشفتي والو ....
رتاج : ( شدات على يديه ) غاانشفو بزاااااف ديال الحوايج مزااال ... متأكدة مغاتكونش اخر الليلة
عدنان : ( رجع تكا كيرد شعرو لور ) تماما. ... حيت انا وياه ماشي بحال سفيان ويونس .. انا وياه عشنا طفوولة صعييييييبة بزاف هوما بعدا واخا مكانش عنهم اب مزيان كانت عندهم ام وعمرهم حقدو على شي حد ولا عرفو شنو هو مرض الحقد وعمرهم عاشو الوحدانية انا واسد حقدنا بزاف هو كول حياتو حاقد على داك خينا ..وانا حاقد عليه..والحقد هو لي كيخلي الماء الصااااافي يولي ماء مخروض عكر ... ومايتنقا حتا يتحيد الحقد وداك الساعة غايبان ليك لونو الحقيقي كيلمع فالشمس ....نتي باقي مزال ماتعرفتيش عليا ..لا نتي لا خوتي ... حيت تلاقيتو معايا فاصعب مراحل حياتي ...عدنان الحقيقي باقي محبوس فداك الولد الصغيييرر لي كان راس مالو ماماه وباباه وخوه .... منهار مشات لوالدة ودات اسد ...وانا عايش غير فالحقد والكراهية ...واخا جثتي كتكبر ... روحي باقا فداك الولد الصغير الى يومنا هذا ... ملي تلاقيت بيك... تلاقينا فواحد الوقيتة لي هدفي غير الانتقام وشاد قلبي على كولشي ... ومكنشوف تاحاجا زوينة قدامي .... ومن بعد ملي توضحات لي الامور وتحيد الحقد من قلبي ... جا بلاصتو المرض ... يعني راه مزال لحد الان مانفضتش الغبار على داك عدنان لي خليتو ف 12 سنة محبوس باش تشوفي شخصيتي الحقيقية كيف دايرة ....
رتاج : ( متأسفة معاه ) و واش باباكم الحقيقي مات ؟؟؟؟ حيت سولت لامار وقالت ليا اسد عمرو هضر ليها على الموضوع وعمرها تجرآت تسولو على لماضي ....
عدنان : ممم .. مات .. حتا دازت مدة عاد عرفنا ... اسد كان صغييييير بزاف مغايعقلش هو على الواليد مزيان .. يكون عندو معاه دكريات قلال وصافي حيت فلوقتة لي بدا اسد يعقل هو الوقت لي مشا فيه الواليد ...اما انا باقي قداااام عيني ....كنا مرتبطين بيه بزاف وطلعنا كنشبهووو ليه طبق الاصل ... هو كان بحالي انا واسد عزيز عليه لبحر ... وكان غطاس ... كيمارسها هواية وصافي ما هو كانت عندو خدمتو .... وواحد نهار جانا خبارو بلي ملي هبط ماطلعش ... واحتمال يكون شدو شي كلاكاج ..وبقاو كيقلبو على جثتو شي شهورة تاتشد الملف ديالو وداروه ميت... تما تزوجات الواليدة ... وموراها عاد لقينا الجثة ديالو لاحها البحر وتاكدنا من موتو ....فففف داك نهار مناسهش حيت دخلت مع جدي باش نتعرفو عليه ...وجهو كان زرررق وملامحو بحالا بغاو يتمسحو .... باقي عاقل مكانش عجبني الحال انو فور ماخرج شهادة الوفاة ديالو مشات تزوج ولاكن منبعد ماعرفت الحقيقة وقالي اسد انها متخلاتش عليا ركبني لفضول ومشيت كنسول كيف دارت تزوجات لقيت بلي جدي لي بزز عليها لانو كان داك الحمار دراجلها كيسال جدي لفلوس وقالو عطني مرات ولدك فبلاصتهم .
رتاج : ( تغرغرو عينيها ) تفووووووو كنزيد نكرهو انا كنعرفو ... لان يونس كان كيقرا مع ختي وكنت كنشوفو معاه .... كولشي داز وكل واحد تخلص الحمد الله .....الله يرحم باباكم ويوسع عليه باينا كان راجل مزيان غير من ولاااادو .... اسد غايكون عارف عليه هادشي ؟
عدنان : هداك كيبحث بزاف مكتبقا عندو تاحاجا غامضة...كيفما عرف بمرضي غايكون عرف بلي الواليد مات ....
رتاج غير كتشوف فيه كيفاش اكتأب وندمات اش داها كاع تجبد ليه هاد الموضوع مي عجبها الحال بزاااااف ملي عاود ليها .... وبغات تقلب ليه الموضوع بقات تشوف مع جنابها تقلب شي موضوع وهي تشوف عندو
رتاج : عدنان قول ليا. .. علاش قبيلة هداك غير شافني وهرب ومشا عيط على الحمية زعما كنبان كنخلع لهاد درجة هههه
عدنان : ههههه ( خربق ليها فشعرها رونو فوق وجهها ) حيت شافك بهاد شعكاااااكة وهاد الحالة قال غير شي جنية ....
رتاج : داباااااا انا كنشبه الجنوون يااك
عدنان : ههه لا ماشي هاكاك .... غير هو بسيف غايضن جنية لانو ديك الجريدة قبل ماتبنا كانت تما مقبررة ( رتاج وسعات عينيها ) وقال غاتكون شي ششبح ههه
عدنان : ( كيشوف فيها مدة ) زعما القبر كيخلع لهاد الدرجة ارتاج؟؟؟؟ .... ولنفترض سكنتو شي نهار مغاتجيش تزوريني ؟؟؟؟؟؟؟
رتاااج صعععقهاا وبقات غير كترمش هرب لوالديها الكلام ... حسات بحرقة فقلبها كان من ااااااقبح ماتفوه بيه واصعب حاجة ... بقات غير كتستوعب هاد ااسؤال لي قال وسرطات ريقها مدة غير سااااااكتة وهو كيلعب بسوارت فوق كبلة مهبط عينو وغير ساااااكت .... فللخر نطقات بتذمر
هبط وهي دايرة كيف شي سكرانة بنعااااس ماشية وكتمييييل كانت غاااطيح تاحساتو هزهاااا فيدو عاد ضحكاااااات وعنقاتو استحلاتهاااا ....مخشية فصدرو وطلعها ..يلاه غايحل لبواني عرف لاداك لبيت فيه حياة وسارة مايقدش يدخل عليهم ناعسين ولاخور عارفو ديونس ومشا لديال سفيان ... دخلها و حطها على سرير وهي مششندرة حيد ليها تجاكيت وداك كلاكيييطة .... يلاه غايمشي وهي تشد يدو
ابتسم ليها بانكسار لانو خااااايف يساليو للابد...وكلس حداها وهي تنعس على رجليييه
عدنان : يلاه نعسي هااانا حداك
رتاج : مغاتمشي تالشي بلاااااصة ياك
عدنان :غانحاااول ....
رتاج : نتا غاتبقا معااايا. .
عدنان : كنتمنى . ..
رتاج : ( زيرات على يدو ) كنبغبيييييك ...
عدنان تنهد معععععمق وبدا يدوز يدو على شعرها تااااحسهاا نعساااات عاد طلع راسو لفووووق كيسوط مخنووووووق ..... وعينيه ولاو حوووومررررر ... الحوايج كلهم لي كان خيفان منهم طراو ... ضعاف لرتاج .. واستلم للعملية بدون سماحة اسد ... اذن شنو غايطرا عكس تخطيطياتو مزال..... كيشوف عندها ناعسة وكيتفكر ضحكتها هاد ليلة كيفاش كانت عفوية وشحال كاانو فرحانين ... وكيتفكرها فالبحر شحال كانت خااايفة عليه.. ولا هو لي خايف عليها كتر مخايف على راسو من الموت ... ولا خايف عليها اش غايطرا فقلبها الى وقعات ليه شي حاجة ... حمل كبييييير هازو على ضهرو وقلبو كيييتقطع وعلى وجهو تقدر تشوفو وتقول اسعد انسان فالكون .... وهو ربي بوحدو لي عالم به
جاا صباااح جدييييييد من بعد ليلة طوييييييلة متعبة على عدناااان ورتاج وفنفس للوقت كانت ممتعة جدااااا ... وربما من احسن الليالي لي دوزو فحيااااتهم ... كان عنوانها #الممنوع_مرغووب ... كاع اش كان ممنوع عليهم داروه ... حتا من حبهم الممنوع اعترفو بيه... فضروف ابدا مكتخليش الواحد يفرح ليها ... لا هي فرحانة بككلمة كنبغيك ولا هو ... حيت عارفين ان هاد الكلمة يقدر مايبقا ليها تاشي معنى لا عدنان مات ومنجحاتش ليه العملية ..... ومغايفرحو ليها تامايبقا حتا شي عائق لي يمنعنهم على بعضياتهم .... عدنان من بعد ما نعسات رتاج ناض بشوووووية ومشششا رجع لدارو ... واسد ناض بككري ... لقا لامار جاااخرة حيت نهار الاحد لا خدمة لا والو ... وهو لبس شورط ديالو وسبادرين وكاسكيط ... وقرعة دالما وخرج يجري حدا البحررر مخليهم ناعسسيين ... وسفيان تاهو فاق مسخسخ ديما على عادتو كيبقا شحااال متكي على السرييير كيرمممش ويرد فداكرتو ويتوكض ... وناض دوش وخرج كيلبس سيرفيت دوز ليلة صعييبى بتفكير .. لانو كان مخطط هاد ليلة غايكون عرسو .. وكانت غاتدخل لدارو ويشوفها ناعسة حداه فسريرو ... ليلة كاملة هو كيفكررر ... فلخرر اقتنع ولقا الحل ...وماقدرش يصبر مزاال .... منبعد تهدديو ليها اكيييد غاتكون دارت عقلها ولات تعرف خطأها .... ركب فطموبيلتو ومشا قضا شغل مهم ضااارووووري بدا بيه عاد رتااااح وضحك شوية وبانت تبسييييمتووو ... لان هو من نوع لي زيرووو صبرررر مايقدرش يصبر على البعد ولا لفراق مسستحيل ... مكيعرفش يتحكم فراسو .. لا مشا تابغا شي حاجة وبعدات عليه شوية غايحماق ... خصوصي انو تنادم معاه الحال بزااااف منبعد الضرب لي عطاها ... ومشا داز شرا ليها تيليفون جديد ايفون اخر مكاين دهبي ... حيت عارفها باقيا بلا بيه .... ومشا لفيلا ... كانت شي الحداش ديال الصبح وهوما صااابحين خااااامريييين ... وطلع ديريكت لبيت حياة يلاه غايدخل هو يتفكر انه ممكن تكون ناعسة معاها سارة ورتاج مايقدرش يدخل .. يلاه غايرجع وهي تحل لباب لقاها سارة لابسة حوايجها كانت هاابطة
سارة : هههه ضسارة هي لي داير نتا جاي عند اابنت وهي باقا نااعسة هههه يلاه نخيليك غايكون كيتسناني لتحت ... يلاه صباحك مبروك .. اااه نسيت ... ووجد رااااسك راها محلفااا عليك ديال بصح
سفيان : واايلي ههههه
ضحكات وهبطات فدروج كتقاد فولارها وهو دخل بانتليه نااااعسة مكككمشة فالييزار ... والشعا ضااارب فيها ومشا هبط عليها الريدو وكلس حداها كيبعد الشعر على وجهها وباس على جبهتها ...
سفيان : نعاسة ديااالي.. ( كيشوف مع دوك ضرااابي فوجهها كيزيد يتككرررره ... وبقا كالس تما حداها كيتأملها تابانت ليه بدات كتفييييق مخسرة سيفتها كتحس بشي يد فشعرها وهي تنقززز لقاتووو هووو .. كتشوف فيه مقببببحة بنعاس
حياة : ( نتراتهم منو ) وبقاااا حااااكرهم تايعطيوك ضررررربة ماتنساها منهنا تاتموت ليك لاكارط ناسيونال .. نوووض خرج عليا .. اصلا اش بيني وبينك حتى داخل عليييييا وانا ناعسة .. راااجلي خيطيييبي شكون نتا
سفيان : بجووووج
حياة : واش غاتنوض تخرج عليا ولا لااا
هي كتعرعر هو كيشوف لعنقها مكتحركوش مزيان
سفيان : باقي كيحرقك ؟؟؟؟؟
حياة : وسووووقك .. دابا عاد بانليك تسول عليه
سفيان : وراه نتي لي خرجتني على طوووعي ... . ديسسسكو كااااع احياة
حياو : وتادابا ماقلت والو .... غير خرج عليا
سفيان : لاااء ... بغييييييت بوووووسة
حياة : وااازوينة هادي ... ياك عاد لحتي عليا لخاتم .
سفيان : باركا من للكدوب مالحتوووش .. حطيتو فيديك بشووووووية بحاال هاكدا ( هز يديها حلها وباسها من كفها )
حياو : مهم تفاااارقنا
سفيان : و شككون لي قالها ليك
حياة : وراه هادا هو اللعب ....وانا مكنخلي حد يلعب بيا .... مدام حيدتي الخاااتم من يديك ادن بعد مني
سفيان : دابا داخلنا عليييك بالله من امتى حديييدة هي لي كتحدد العلاقات ... كاين لي لابس خاتم على قدوووو ودار الفضااااييييح .. وكاين لي ملابس والو ومحافظ على مرتو .... هذاك ماشي معيااااررر ديال الفراق ولا الارتباط ... غير شكليااات وصافي ...
حياة : اوا صافي بلا مديرو نتا كاع .... وخرج باش يعرفك كولشي راك سيليبااااتير
سفيان : احبيبيتي الله يهديك لابغيت ندير شي حاجة واش غايحبسي الخاااتم ...واش انا بقالي فين ندير هاه ولا هاه معاك ... مصاب نقد غير على مصايبك .... نوضي الكارثة جمعي عليا داك الشعر برب تاجبتي ليا الخلعة
حياة : ( ضرباتو بمخدة ) نتا لي غاااتنوض تخرج علياااا .... دغيا قبل مايجي المروووض ديالي ويلقااااك هنااا
سفيان : ( خنزر وطلع حاجبو ) شكون ؟؟؟
حياة : ( كتعصب فيه بلعاني ) لمرووووض لي جابتلي لامار كدير ليا لمساج لعنننقي وكتافي ..... نووووض سير منهنا
حبيبي الأصم الجزء 297
محتوى القصة
التنقل بين الأجزاء