حياة : اه دااارتها ( كيتستفزو بالعاني تشوف واش بصح تربا ) وجاابوتو ليا .. وكيدر ليا الترويض وانا عااااجبني الحال ... ويلا مخليتيهش يجي انا غاتبقا نمشي عندوووو ...كلقا معاه راااااحتي ( بااقي مكملااااتش تاكان لاح واحد الفاازز لارض وهي تشهق كتلعب مع الغاز بالعاااافية دارت بحال فاش نطونو كنجربو البوطة بالبريكة لا هي مكتخرججشش مزيانة لا طرطقات مشينا فيها هاكاك هي مع سفيان لا هو شد يدو مزيان لا ريب ليها فمها مشات فيها )
سفيان : حيااااااااة متجججججهليبييينيييش
حياة : ( ناضت عندو من لفرااش دايرة فيهاا الشجاعة ولاكن ضروري خصها تعرف واش تبدل ) علاااش اش فيها تالموروض عيب ؟... اااش فيهااا كاااع .. ياكما باغي تهرس ليا عنقي وتخليه بلا علاج ؟ ياك نتا قلتيلي حياتك هاديك وهانا عايشاها وباغاه يجي عندي ويماسي لياااا وعااااااااجبني الحااال
سفيااان شااد على لقبضة ديالو مزييررررر عليها وكارز على سنانو مزير على عينيه كيحاول يتحكم فراسو و يوفي بوعدو ومايعليش يديه عليها ويكون بحال باه ..شادهم بززز تابرزو عروقوووو فدراعو... وهي كتشوف معاه عصبااتو ديال بصح .وكتحسو كيتحكم فراسو بسيف... ولاكن مهزش يدو عليهاكااااع تا تصرفيقة لا ... وهضر تحت سنانو مغزف
حياة : سسس سفان اش كديييييرررر .. ص صافي صااافي انا غي كنضضضحك والله تاااااغي كنضحك معاك
سفيان : ( زاااد لوووخرااا فالحيط وشاف عندها ) ان ماااااابغاااااش يدخل ليا لكككري علاش كتتتجججججهليني بحالا هاكا باااش نضضضضربك وتمشي تشكااااااي تاني وتقوااااااد تاني مفففففهمتش .... واش بنتليييييييك باااارررررد ولا قلبي حجرررر ولا كيييفاش ؟؟؟؟ واش ديري الحوايج لي يجهلوووو ديليييمييييي وطلبي مني مانهزززش بدي
حياة : ( بخوف ) و ولاكن ... ... نتا كاع ماهزيتيييهااا ( ضمات القبضة ديالو لصدرها ) .... وماضربتينيش .... واخا تزايدت معاك فالهضرة واستفزيتك... ( شافت ليدو عامرة دم ولطخات ليها تا بيجامتها ) بصح تاهاكا مابغيتش ... ماضربني لا انا لا رااااسك .. حاول تحكم فراسك شوية ...
سفيان غير ساكت كيغزز فسنانو لداخل
حياة : وحاول حتى تيق فيااا عفااااك ... واش عارفني انا نديرها ؟ وانا عارفاك نتاا كيف داير .... كون كنتي تيق فيا شوية مانوصلوش لهادشي ... وكن كنتي تيق بلي وااخا جيت لكازا بوحدي راه والله منخلي غيرك حتا يحط عليا يدو ولا نشوف لغيرك مانوصلوش لهادشي .... يعني تيييق فيا شوية وباركا من داك الخوف الزايد راه شحال وانا مواجهة العالم بوحدي ...
سفيان : ( معصب) نتي راه عاد حليتي عينيك احياة ...... كيفاش مانخافش وانا كون ماجيتش فالوقت لداك ديسكو علم الله اش كاان غايطرا فيك لا نتي لا رتاج .. كيفاش بغيتني مانخافش وانا عارف على برا كاين غير لي يطمع فيييك .... كيفااااش
حياة : ودابا تهدن عفااااك ... صافي انا غير كنت كنضحك معاك باش نشوف واش بصح مغاضربنيييش مزاال ....
طلق منها ودخل لدوش طلق الما على يدو كيغسلها من دم وهي كشتوف معاه
حياة : فففف شحال متهوررر ...
سفيان : ( ضار عندها ) مرة اخرى متعااااودييش تستفزيييييني بحال هاكاك ...داك كلمة بكملة معندي ماندير بيها .... ملي تشوفيني شعلت غير ميييكي ماتبقايش ترادي معاياااا .... انا هاكا داير مععصصصب غير مع راسي .... كلامك لي باغيا تقوليه تانبرررررد واجي قولييه ليا ونديرو ليك فوق راسي وعيني لاماكنش فيه ضرر ليك نفد ليك كاع اش غاااااطلبي ولاكن ماتحداااينيش بطلباااتك وانا معصب وديري عليا لغنان ... كيف ما كتخلي ماكلتك السخونة تاتبرد عاد كتاكليها ... كدالك انا ... ملي نبرد ديري لي بغيتي كووووليني نتي كااع ( خلاها ومشا وهي بقات شادة داك لفوطة لي عمرها بدم ورجعات لاحتها وتبعاتو )
حياة : فين ماشي
سفيان : منعرف .. جينا باش نهضر معاك ندمتينا
يلاه غايحل الباب وهو يلقا رجاء واقفة ومعاها واحد البنت هازة فاليز صغيرة
رجاء : اء صباح نور موسيو سفيان ....جات المروضة عند المادموزيل حياة
دخلات داك المروضة وهو ضار عند حياة وهي ابتسمات ليه وجا ماشي وهي تعييط
حياة : سفيااااان ( ضار لعنها ) مكنتش باغا نقوليك صباح الخير بهاد طريقة .... سير داوي يديك واجي نهضرو .....
شد عليها الباب وهبط فدروج كيشوف ليدو ويضور راسو امتى تولي تفهمو وماتلعبش باعصابو ... وهي ابتسمات فرحاااانة لي ماهزش عليها يدو.. حيدات لبودي ديالها بقات بسوتيام وخلات لمروضة دير شغلها وضاااااحكة فرخانة لي صبح عليها وقال ليها مراتي... اذن هو متخلاش عليها .... بقات غير تغزز فشفايفها وضحك وداك مروضة كتشوف فيها وتستغرب مالها على هاد لفرحة كاملة ..... والخادمات كيجمعو زاج ديال داك الفاز والدم ولفو يشوفو هاد المنظر مع ولاد ابتهال ...
مشا سفيان لطموبيل جبد بواط دالاسعافات داوا يدو وضور عليها لبانضة يلاه كيعقدها بسنانو هو يبان ليه اسد جاااي طالع من لبحر كلو كيصب بالعررق وجار رجليه مسخسخ ومشا سلم عليه
اسد : ههه نوضي غير فطري معايا ورجعي تنعسي الله يخليها قاااعدة ...
لامار : ومغااتنوضنيييش
اسد: لا تانا عندي الخدمة غانخدم غير هنا فدار .... ونعسي داك ساعة مغانبرزطكش ...
لامار ناضت كتحك فشعرها وتفوه تاشدها مع الحيييط كيبوووس فيها وهي كتجببد بنعاااس وضضضحك .. وهربات لدوش دوشات خلات معاه قسم كيدير ليها حركات تاني ... وخرجات غير ببنوار وفوطة فوق راسها.... فطرات معاااه ومشات كتوكل قسم وهو جبد البيسي وتقنننت فبلاصصتووو خصو يتكونسونطراا واييس تحت يدو وفنجال دقهوتو .... وهي تجي عندو قسم كتحبووو كتبغي توقف مع الكانابي
شافت لامار هادي مغاتفيقش ليها باااااينة غتكون بايتة سهرانة مع عدنان مدام نطقات بسيمتو وطموبيلتها مكانتش ... خلاتها وخرجات زربات على حياة ... لبسات سيرفيت ديالها... وهبطو لاصال .. خلات قسم تلعب فواحد القنت حداهم كايعجبها تشوف راسها فالمرايات وطلقو الموسيقى ديال الاسترخااء..
وحياة طلعات فوق الطابي غولون هي لوحيدة لي كتعرف ليها هههه اما لامار مشات كدير فحركات اليوووغااا وحركات الاسترخااء والايسبيراسون ... وتعووووج كيف شي حرباء مرنة ... كانت كدير بزاف سبور فاش كانت حاملة وحتا بعد الحمل ... موولفة ...و حياة غير حالة فمها فيهااا ... حتى ماعرفات علاش بركات وهي تولي داك طابي كتججري بااقصى سرررررعة وهي كتججري معاها وتغوت بجججهد
حياة : خليني غااننتفتس ( مغضمة عينيها شادة على قلبعا كتنهج كالسة على الطابي ) تتتفررقي عليا صبحتي عليا كيف الجن ... سبووررر قالك .. انا ديال السبوررر انا بان ليك شي ترهلاات شي شحمة كطططل ..شسصدر طايح شي ترمة ساااايحة حمد الله كولشي هو هداك من هندد ربي بلا سبور بلا هاد الخرا كامل
رجع هبط راسو كيكتب فالكلافي وهي واقفة مسسسسمرة عليه كتقول لا اكيد كاااين شي غلط .. يمكن هي ماسمعاتش مزيان ....لا راه هدا بصح كيقول ليها نقصي !!!!! ...ماحسات براسها تاكانت غاطيح والحيط موراها شدها وخرجات من صالون لي كالس فيه لفين كاين سرير بقا فارق بيناتهم الحيط مكيشوفها مكتشوفو .... ومشات طفات الموسيقى وهي يديها كيترعدو ودموع تجمعو فعينيها ولات غير كتقفقف بحالا بغا يقيسها الحماق ... بحالا شي وحدة غاتأكد من شي جثة واش حية ولا ميتة تماما نفس التفتيفة ....ووقفات وسرطات ريقهاااا وتنفسات مزياااان و نطقات بصوت مرتجف
لامار : اا .. ا ا س د ..... اسااااد
اسد : مممم
لامار شدااات فالحيط باش ماطيح ويد على قلبها كتنهج كااااااااملة مصدوووووووومة ومع دالك ماتيقاااااتش ورجعات زيراااات على عينيها وهي فنوبة جنون وقالت
لامار : ا اساااااد
اسد : ممممممم ... واش مغاتخلينيش نخدم هاد نهااار
هو كيرد عليها وهي مزييييييييرة على عينيها ودمووووع هابطييييين سخاااان بغااات تحماااااااق وطاحت الارررررض على وقفتهااا شدات على فمها كتبكي وواخا هاكا والو كتحس ماقدراش تيق و رجعات
حبيبي الأصم الجزء 298
محتوى القصة
احتمالية كبيرة الجزء الموالي يوم السبت
التنقل بين الأجزاء