- بششششوية عليك ازويييينة ....مزال مساخينش بيك باش نطلقوك
بقات كتشوف فيها وهي تعضهااا حياة بججججهد ولوخرا غوتات وجاو حيدو ليها صبعها ووقفات كتشووووف مخنزرة شادة على صبعها لي دغدغاتو ليها
حياة : طططططططللللقووووووني....شكووووون نتووووووما بعععععدوووو مني
- ششششششش سكتينا حححسك .... ( مدات يديها لوواحد و حط ليها اللسقة وهي ديرها لفم حياة لي كتبعد راسها وتلتخ وتبببكي كيتسمع منها غير مممممم هممممم)
داك البنت بقات كتشوف فيها وحياة عينيها محقدييييين وفيهم نوع من الخوووف ماعارفا اش طاااري وكضرب برجلييييها تفك من تماا وكاتشوف مع داك المكلضمين لي واقفين عليها وتزيد تخلع ...وداك البنت طلعاتها وهبطاتها وخرجات كضحك ....وحياة غاااتموت بالخخخخلعة قلبها غايخرج من بلاصتو خصوصا انها ماعارفاش اصلا اش جابها لتما ولا شكون هادو ... وشنو باغيين منها ... وكتفكر فسفيااان .... وبدات كتلوم راسها علاش ماسمعااااتش لهضرتوو منلوووول هااهي داباا طاحت فشنو كان خيفان منو ... كضور عينيها تاجات على واحد الكاااميرااا تماا وبقاااات كتشوف فيها ...
فواحد المكتب .....
كالس على لكرسي رجل على رجل والكانيش فيدو وكيتفرج فحياة ويبخ دخان من السيكاار وكيضحاااااك .... تاتحلات الباب داخللة عندو داك البنت ومشات كلسات ليه على الحافة دالبيرو كتشوف معاه فالبيسي فحياة
- ( كطل على تيل وعاضة على شفتها ) صرااااحة اتييييتو ... كون مكنتيش نتا كون انا لي طحت فيه ههههههه .... كيييييحمق ...
خننزززررر فيها محححققققد عيييينو وهي تسسكت وجمعات راسها
- هدااااا مامنحق حتى واحد يتغزل بيه من غيري .... وهادي لي هنا ( حياة ) مستحيل نخليها ليه اما نقتلها ولا نقتلوو ...سفياااان دياااااالي بووووحدي ....
- ( كتنفض لي على حوايجو وتحلون ) جاااك احبيبي جاااك ...
ناضت بشوية موراه وبدات كدير ليه فمساج لكتافو وهو كيتفرج فتصاور سفيان ويتشهاا فيهم على خاطرو ...
عند المساعير ...
اسد صايك وحداه سفيان لي شاد فداك الورقة دلادريس ديال لاميزون لي دار فيها مول داك طموبيل آخر فيدونج واسد دارها ف gps دطموبيل ... والكارد موراهم بطموبيلاتهم وعدنان لور متكي راسو لفوق وشاد على قلبو ... وكيحاول يقوي فراسو ومايكونش ضعيف ... كيتكررره ملي كيلقا خوه محتاجو يوقف معاه وهو يتخلا عليه بسباب مرضو.. كيحاول ما امكن يبقا صاحي ... حيت عارف معنى هادشي لي كيمر منو سفيان وكيحط راسو فبلاصتو الى رتاج وقعات ليها شي حاجة كان غايحماق كتر منو ... عاد سفيان شد فراسو ... تاحس بشي فيب فجيبو .. حيت فاش ناضو كاملين عدنان لي هز تيل دسفيان لي بقا محطوط تما وسوارتهم ... هزو لقاه كيصوني ...ونمرة غريبة ... عرف الى الامر غايكون متعلق بحياة يمكن ... يقدر يكون شي ابتزاز ... وجاوب بالحس باش تايلا كان شي مشكل يحلو هو بلا مايتآداو خوتو ...
عدنان : ( بصوت منخفض ) الو ...
- ( صوت راجل ) سفيان هذا ؟؟؟
عدنان : وي سفيان ....
- كنضن غاتكون توضرات ليك شي حاجة وكتقلب عليها دابا اولا لا ؟
- شكوون نتا ...
- مكيهمش شكون انا .. الحياة ديال خطيبتك الغزالة بين يدينا.. ونتا لي غاتقرر مصيرها الى بغيتي تلقاها حية وبيخير ماتعلم حتا حد وتجي لفين غانقوليك ... الى بمجرد فكرتي تجيب معاك شي حد كون اكيد انك مغاتلقاهاش ( طيييط طيييط طيييط )
قطع عليه وعدنان اعصاااابووو كيغليو مكرهش يقجووو من تيليييفون ... تاحس وصلو مسج فيه العنوان ... هو يطلع حاجبو ؟؟؟؟؟ هاد العنوان هو نفسو عنوان الحانة ديال البوس لي تسلف ننعندو بنوار ... كمش على داك تيليفون وزيرررر على سنانووو كيييتحلف عليه وكيتفكررر......
- شششكون هاد الشااااب .. شي واحد نقصتيه من العصابة تاني !!!
عدنان : محسابتنيش ولا فيك فضول العيالااات ....وهدااااك قللللب عليه .... امتى غايوجدو هاد الفلوس مغاااتقطعهمش ليا من *بك ...راني مزروب ...
بدات الداكرة كتلعب بيه بين الاحداث ... علاش ؟ ياك الفلوس ردوهم ... علاش غايكون بغا سفيان .. لان عدنان منلول شافو الى حط عينو عليه ... غايكون بغاه فالعصابة! ... يلاه غارق فافكارو تابان ليه اسد وقف حدا لاميزون ... وباركاو الطموبيلات دالكارد موراهم نازلين كيجيبو الرعب ... ..
عدنان : نزلو ... انا غاندخل ناخد قرعة دالما ( لاميزون كانت حدا واحد سطاسيون د الكازوال )
مشا اسد وسفيان وعدنان مراقبهم تاغبرو دخلو بلا عقل وسفيان غير كيجري... وعدنان قرب عند واحد الكارد دار اشارة غير بعينيه وعطاه سلاح دارو عدنان ورا حوايجو ... وديمارا واحد طموبيل دالكارد .. ومشااا .... صايك وكيقول يحل المشكل قبل مايوصل اسد ولا شفيان .. وماباغيش اسد يعرف انهم تسلفو من نوار بغا يحل كولشي بوحدو ....
فالحانة
دق فلباب هو يسمع صوت
- دخوووول ...
القرع كان كالس فالبيرو كيتفرج فحياة تادخل عليه واحد من رجالو ...
- سيدي راه هضرنا مع سفيان ... ودرنا اش قلتي لينا بالحرف ... وهددناه باش مايقول والو ويجي بوحدو
- واخا هاكاك ردو بالكم ... وديري احتياطاتكم ...
مشا هداك والقرع بقا تمااا كيتفرج .....
عند سفيان واسد ..
خرجو من لاميزون عطاوهم جهاز التتبع ديال داك طموبيل ... حل اسد لباب يططلع هو مايبانش ليه عدنان واشار للكارد يجي عندو
اسد : فين عدنان ؟
ااكارد : مشا اسيدي .. دا واحد طموبيل وهز السلاح
اسد غير سمعها شد على رااااسووو وتكا على طموبيييل مغمض عينيييييه صافي هادي جااابت ليه تمام .... خوووه مشاااا .... ورجع تقاد مزياااان فالوقفة والعرق صابا معاه ودوا بصوت عياااااااان خصو يتضرف بالعقل ما امكن وما يفقدش الرشد ديالو ...
اسد : طلع قيد ليا GPS دطموبيل لي داها ... ( بغوات ) ططلع دغيااااا ....
دخل داك الكارد لطموبيل وبدا كيدخل تتبع ديال داك طموبيل عند اسد ..وسفيان قرب عندو
اسد : مدامو هز سلاح ومشا الا وعارف شي حاجة وتيليفونك عندو .... وانا شفتو كيدوي فيه حسابتني تيليفونو ماحكرتش ..... دااااارررررها بيااااا ( ضرب فالفولون ) فاااااااااك
كسيراااا اسد تابع جي بي اس ديال عدنان وعينيهم مترررقبيييين ... وكيدعي الله ماتكون واقعة ليه تاحاجااااا ....
عدنان وصل قدام داك الحانة ... ونزل من طموبيل مشا ديريكت بعينيه حاااااقدين ... دخل هو يشوفو واحد من رجال د توفيق "القرع" ومشااا كيجري علم لوخرين ... وواحد دخل عند القرع دق ااباب ودخل دغياااا كيجري ...
- سيييدي ... عدنان هنا ...داخل وباينة معصصصب
توفيق ناض من الكرسي
توفيق : كيفاش ؟؟؟؟؟؟ هو علاش جااا ...واش غي بوحدووو
- بوووحدو اسيدي. .. شنو ندييرووو
توفيق رجع كلس ... وبدا كيضور فعينيه ... كيقول زعما سفيان يكون قالها ليه؟؟؟؟ ورجع شاف عند الكارد ديالو
- عاود عيط لسفيان ....
بدا داك الراجل كيصوني لسفيان وتيل كيصوني ... تاتحلات عليييهم لباااب ....وشافو لعندوو .... وهو معلي يدو لي فيها تييل كيوريه ليهم ..... زعما هاهوا كيصوني عندي ... وتوفيق كيشوف معاه ..... وعدنان مشا وكلس فالمكتب داير رجل على رجل ......
تقدر تجيكم غريبة مي عرفتو شحال درت دالمجهود حتى كتبت هاد زقيقة ؟ معرفتش علاش ميوقعلي هاكا ... فاش كيكون شي حدث مهم فالقصة عاد كنتخربق ونولي لي كتبتها مكتعجبنيش ... تضورو نهااار كااااااامل...وانا كنكتب ملي كنسالي كنرجع نقرا كندير ايفااااصي لكووولشي ونبدا نعاود .. ايما كنعطي للحدث كتررررر من لي كيتطلب وندير رد فعل مبالغ فيه ....انا مكنعطيهش حقو وكندير رد فعل عااادي ... تاحجا مكتقنعني .... وهادو وجاوني واقلة ناقصين😢 طاح فيهم نيفو ولا غير كيجيب ليا الله 😢😢😢😢😢😢
حبيبي الأصم الجزء 301
محتوى القصة
التنقل بين الأجزاء