حبيبي الأصم الجزء 302

من تأليف كاميليا جود
2019

محتوى القصة

رواية حبيبي الأصم

توفيق شد البيسي دغيا ملي شافو ... وعدنان كيشوف فيه مخنزرر ...وهو كيمسح لعرق كيخاف يضيع ليه كولشي ... وشاف عند داك الراجل قالو غير سير ومشا خرج .... وبقا غير هو وعدنان ...
توفيق : مرحباا بسي عدناان ... اش جابك لعندنا ( هز لاباراي دالفيكس ) نعيط ليك على شي فاليز ؟ محتاج لفلوس ؟ كاش ولا شيك ( قاطعو عدنان تحت سناانو ) 
عدنان : لبببنت فيييين هي .... 
توفيق : ن نعام ؟ اشمن بنت ؟ .. ( قاد الكلسة ) .. لا سي عدنان انا كنسلف غير لفلوس ... لبنات مزال ماجرربتش .. 
يلاه كمل كلاموو تاكان عدنااان تلاح عليه جييفووو وجبد ليه راسو لعندوووو وضربولو مع البييييرووو تااتزدخ وتوفيق خس بدوووووخىدة حبهتو تزعزعااااات و الرجال حلو لباب دغيا لانهم عندهم الكاميرات وتوفيق اشار ليهم بيدو يوقفو وردو سلاحهم لورا ظهرهم وعدنان طلقو وهو بقا شاد على جبهتو لي ولات حمرو 
عدنان : ( مغزززف ) مااغاااانكترش معاك الكلام ... اابنننت فيييييين هي 
توفيق ناض وقف كيتمشي وكيقاد فحوايجو 
توفيق : غانحسبك مادرتي والو .. ( اشار لرجالو يخرجو ) ومانخليش رجالي يلعبو معاك هاد نهار .... وغانرجع نقوليك ماعارفش علاش كتهضر .... خرج عليا 
عدنان : اووو ... ماعرفش علاش كنهضر ( ناض عندوو ورجع جييفو لتخو مع الحيط ) على ماشي واحد من رجالك لي عيط لسفيان كيقوليه لابغيتي البنت اجي ... ههمم ؟؟؟؟ 
توفيق ( حيدليه يدو ) وهااانتا قلتيييييها بفمك ... لسفياااان ماشي ليك ... 
عدنان : ( كان ماشي توفيق قدامو وجرررو رجعو لتخو مع الحيط ) انا اش قتلييييك نهار لوووول .... قتلييييك عطيه بتيييسااااع .... والى كان كيحسابت ليك سفيان بوحدووو .... راك غاااالط ... عندو خوتو لي يقتلو عليه .. ( كمش ليه على وجهو مغزززف كيهضر بين سنانو ) غاااااانقتل على وددددووو سمعععععتي ... ططططلق البنت بلا منوسخ يدي كترررر ... 
توفيق شاف لكاميرااات بإشارة يدخلو لان شاف الطرح حما هذا راه هنا يقتلو غير بيد... وهوما يهجمو شي عشرة بيهم حلو لباااب هازين الفرادا ... غير شافهم عدنان جبد سلاحو ودارو فراس ديال توفيق 
عدنان : يقرب شي زاامل فيكم راسو غايطير من بلاصتوووو ... 
توفيق بدا كيشوف والعرق نزلات معاه وسلاح عند راسو ورجالو ماعرفو مايديرو ... وعدنان وازن 90 ..... 
عدنان : يلااااه برااااا .... كوولشي ييخررررج .... ( هبط زناد )
توفيق : خ خخ . خرجو. .. خرجوو ... 
مشاو هادوك خرجو وعدنان عاد رد السلاح ديالو ورا حوايجو ورجع كلس دار رجل على رجل وتوفيق واقف 
عدنان : راه خصك تشكرني .... حيت انا عاونتك .... زدتك واحد 15 لدقيقة فعمرك تعطيني البنت ... قبل مايججي لي يريب ليك هاد اابار فوق راسك ... 
توفيق عرفو كيهضر على اسد حيت عارف عدنان خوه ملي داز فالاخبار والجورنال وملي بحث على سفيان لقاه تاهو خوهم .عارف كولشي .. 
توفيق : انا مااخااايف من حد وعنداك تكون غالط فيا اعدنان ... راني غير مابغيش نخسر معرفتنا ...مناا عارفني الى مكنخاف من حد وقادر نطلق رجالي يغبرو ليك الاثر نتا وخوتك ....
عدنان : توووووفيق ....جججبد اابنت ولا راه الرجال الروكان مغايخليوكش حي ...
توفيق : تووووفيق مكيخاف من حد .... وهاداك الروكان لاكانو عندو رجالو لي يقتلو على قبلو ... انا عندي رجالي لي يموووتو على قبلي ....للى بغا الحرررب مرحبا بيهاااا ... بغيتو السلم. ..رجعو لور وعطيوني سفيان 
عدنان تعصصصصصب ديال بصح مكيحملش لي يتغانن معاه مزير على يدوو وقلبووو كيييتززير كتررر ... وشاف عندو كارز على سناانو 
عدنان : اااخرررر هضرة ..... الببببببنت فييييين هي
توفيق كيشوفو فداك الحالة واكتفى غير بسكات وعدنان جا نايض لعندو وهو يشوف البيسي ديالو وتفكر داك الشدة لي دار ليه فاش دخل كانت ماشي عادية... لاخور شافو كيشوف لبيسي وهو يجي لعندو كيجري وعدنان جبد سلاحو وصوبو ليه بمعنى ماتقرررربش ... وحل لبيسي عين فيه وعين فتوفيق ... غير هو تحل .. شعل على الكام دحياة مربووطة ومغيبة تاني ... عرفها راه غير تمااا اذن حيت الكام بلوثوت وعرف دوك البيوت غايكونو لفوق ... هو يلتخ داك البيسي وخرررج كيييجري بسلاحووو ... وتوفيق مشا لتيل دغيا ... 
توفيق : هه . هررررررب .. هرب البببنت دغيااااا .... هررربها من هنااا ..... ردو معاه البااااال مزيااااان ... هربووووو البنننت ... 
يلاه غايقطع تاسمع رويينة نااايضة ديال القرطااااس والكليان كاع لي كالس هررب ... والرجال ديال توفيق كيهضرو فالكيت 
- نتيريو اشاف ؟؟؟؟ 
توفيق : قتلوووووه ولا ديرو لي بغيتو غير مايوصلش للبنت ... مكيهميييششش هوو كتهمني البنننتتت تمشي لييييكم غااااانقتلكم كااااااملين

توفيق تما كيتغدد ورجع هو تيل 
- خودو احتياااطاتكم ... رجال الروكان غايهجمو فاي لحظة ... هربو البنت قبل مايجيووو .... غبرووووووها 
عند عدنان 
كييبييجري فلكولوارات يطلع لعندها ولي جاا قدامووو كيعطيه لرجليه برصاص كيطيحو فدمياتو .... وهااارب من القرطاااس ديال رجال تووفيق لي تابعينوو ورويييينة نااااضت تما كل مرة يتخبى مور شي سااارية ويتيري فيهم تاكتخوا ليه طريق ويرجع يخرج ...ورجال توفيق عاد كيييدخلوو بالافواج حيت الحانة فيها غير رجال قلال عاد كييعيطو ليهم ودخلو منتشريييين مسلحين كيستعدو حتى الى جا شي هجوم من روكان ووجدو رجالهم حسابتهم بداك ثلاثين راجل غايقضيو على اسد ... لان اسد مكيبنش بزااف نفودو و رجاالوو واسلحتهم لي مضايراش فسوق ولاكن لي قلب عليه كيلقاه ....اعدائو ديما كيستاهنو بيه كيضنوه بحراسة عادية خاصةة ماشي محروس من طرف الدول لي مستثمر فيهم...وخداو احتياطاتهم غير على داك الاساس حيت ماعرفينوش شكون هو بالضبط ... قالو غير رجل اعمال عادي عندو بعض الرجال ديالو وصافي ....
عدنان ماشي كيجري تااسمع القرطااااس مووراه وعارف راسو لامشا تاتقاس بقرطاسة وحدة مايعاودش مزال يحلم بالحياة وغاتكون آخرتو فهاد دنيا ..... ومشا كيقلب فين يتخبا من رصاص ...حتى لقا واحد بلاصة تحت الدروج وتخببع فيها ... طاح كلس فالارض وفضلام وكينهج شاد على قلبوو ودمايات نازلة مع فموو كيمسحها بكمووو وعينيه كيلغيو يتشدو ويكتنفس بزز وبشهييييق ...شهقة مور شهههقة كيحس براسو ممكن يغيب فأي لحظة وهامو غير البنت ينقدها من يديهم بلا مايتورط خوه ...حيت اكيييد توفيق مغايخليش سفيان فتيقار كيضن عدنان بلي بغاه للعصابة ... وهو عارف رجال توفيق اش ساويين وكيقتلو بدم بااااارد وكيقول انا ميت ميت ... مهم مايتآداوش سفيان واسد .. خصو يلقا البنت قبل مايجيو هوما ... وبقا كيحاول يهدن راسو شاد على قلبو لي شاعل فيه العافية ويقوي فراسو يبقا صاحي حتا ينقد خوه من بين يدين هاد الناس ويموت .... حيت اكيد غايبزتوه بحياة ويقدرو يآديوها وهو عارف خوه شحال كيبغيها ... اللهم يضحي بحيااااتووو وينقدها ليه قبل مايجي ..... بقا مراقبهم حتا طلعووو كااامليين فدروج .. عاد طلع موراهم تاهو كيجيري لوخرين مشاو كيقلبو عليه حسابتهم راه طلع .... وهو حاضي موراه وجنابو شاد سلاحو فيدو ... وحوايجو عمرو دم ... ودوخة كيطيح فيه ويكشد فالحيووووط تاكييغيو عينيه يتشدو ويرجع يشد فراااسسسووو ... وينوض ... حتا بانوليه مجموعين قدام واحد الباااب ... عرف غاتكون تما حياة كيشوف فيهم مصغر عينيه ماقدرش يزعم يمشي حيت هوما كتر من عشرين واحد تما وهو غير بوحدو وحتا سلاح غاتكون بقات فيه غير شي 2 رصاصات ... بدا كيطل عليهم غير من الكولوار وهومو غير يشد حياة بين يدو ويعيط لخوه يقول ليه هاهي عندي غير تهنا ... هادشي لي باغي يدير .... حتى بانوليه مخرجينها هازها واحد وهي مغيبة راسها مدلي على درااعووو ومشاو كيجيريو بيها قبل مايوصلو رجال اسد حيت للقضية حماضت عندهم ماضربو ليها لحساب ... وهو يتببعهم كيجري حاضيهم فين ماشين بيها فين مايضرو كيتخبغ ورا السارياات والحيوط حتا كيمشيو عاد كيخرج ... تاوصلو لتحت بانليه حتا توفيق غايهرب معاها .... يلاه غايخرجو من البوابة لورانية حتى سمعو .... 
توفيق : وو .. و وقفوووو ... وقفووو ... 
وقفو دوك الرجال ....ولي هاز حياة ضار يشوفو ... بان ليهم توفيق وحداه عدنان حاط السلاح فراسو ... 
عدنان : حط البننننت .... 
هداك الراجل كيشوف فيه ويشوف فتوفيق .... 
توفيق : عدناااان ... انا راه نقدر نعطيك البنت ولاكن خوووك ضرووووري نشوفو ليوم ولا عمرو يتهنا مني ... ضمن ليا غاتجيب ليا خوك ... وغانضمن ليك البنت. .. 
عدنان : ونتا شكون غايضمن حياااااتك ( ضربووو بسلاح لراااس ) .... حططططها الاررررض 
هداك حط البنت فالارض وعلا يدو 
عدنان : قول لرجالك يحطو سللااااححهم ..... 
توفيق وما ليهم وحطوهم فالارض وعلاو يديهم كيشوفو فبعضياتهم

عدنان بدا كيميز بعينو كيف يدير يهزها ويخرج ؟ غايتبعوه .. شاف راسو الى فغيمون واحل ... وغير بوحدو والقوة ماعندوووش .. حتى حس بواحد الدووووووخة صعييييييبة جمعات معاه تاشد عينيه وحلهم بسيييييف ودوك الرجال كيشوفو فتوووفيق ويميو ليه لعدنان بلي راه ماشي تالهيه ...وعدنان معااافررر مايبين واللووو ..وكيسرط فريقو .... بقاليه حل واحد هو يتسنا فاسد يجي ... حيت مستحيل يقدر يهرب كيحس براسو زيرو القوة ... واقف ومغررس السلاح فراس توفيق ..وملي جا ينطق لقا صوتو غدرو ... ماقدش ينطق ولسانو ثقاااال وقلبو كييضررررب بجججججهد بحالا كيعطيه اندااررر ان ثوانيه معدودة .... وتقااااااااتل بشرااااسة باش يخرج بعض للكلمات لتوفيق 
عدنان : ق قووول .. قول لرجااالك يمشييييو منهنا .. ( عدنان بفقدان صبرر تيرا فالسقف ورجع دغيا ححطو فراااسووو ) دغياااااا 
توفيق : س سيييرو .. سيرو ..خليونا ( دوك الرجال فهموه ... واصلا كيشوف عدنان بحالا مريض وديخان .....ومشاو بصح غير مخبعين تما مستعدين يهجمو عليه فاي اشارة من توفيق .... وعدنان كينفض فرااااسووو يستعد الوعي ديالو والبصر ديالو لي بدا كيتلف ليه بالضبابة وكيقول خصني نحاارب لااااااخررررر نبضة بقات فقلبي ....وننقد هاد البنت ونمشي .... بغااا يقتل توفيق ويهني سفيان منو .. وخاف من الله اش غايقول ليه وهو على حافة الموت وومواعد راسو مايقتل حتى حد من بعد ما مرض .... دنيا كولها ضارت بيه وتما غير حياة طايحة فالارض وتوفيق لي تحت من يدين عدنان ... جررر عدنان معاه تووفيق وهاد المرة خشا ليه السلاح فكرشو... حتا وصل لعند حياة وعلا وجهها لعندو غير بيد وقاس فالنبض ديالها .... وتوفيق ضار بششششششوية عند رجالو ووما ليهم بعيينو .... حيت عدنان مشغول مع حياة ... حتا كتطلق الرصااااصة دييييييريكت فعدناان وتوفيق تسلتومنو يدوو وتطلقات رصاصة من سلاح عدنان فالخوا .... وطاح عدنان على ركااابييييه مووووووسع عيييينو ...... لي بداو كيتشدو ودم تدفق على فموووو فثااااانية ... وخرجو رجالو هزو حياة وتوفيق كيضور بعدنان كيقول الضربة جات غير فكتفو .... مالو دار هاد الحالة كاملةة بخالا تضرب فقلبو علاش نزل هاد دم كااااامل .... 
على برا ... 
وصل اسد وسفيان لي قااااااالب ليه راسو بالغواااات ودباااازززز طريق كلها كيتلتخ .. واسد كيشوف لGPS لي فيه نقطة شاعلة بلي راه حدا طموبيل ( مباركي موراها ) وكيشوف لبناية ..وسفيان غاايحماق 
سفيان : اساااااااد ....راه كل سووووكووووند دازت راني كنضيعها من حيااتهاااا .... علاش جييييينا لهنا نتا باش عرفتي عدنااان عارف شي حااجة راااك كضيييع لبا الوقت ..... ( شافو مكيردش عليه وشاف فيه كيشوف .. لقا راسو قدام حااااانة ) اااء ؟؟؟؟؟؟؟؟؟ ( تفكرها ) عدنان اش جا يدييير هنا ....

يتبع ...

غاتكونو لاحظتو هاد الايام الاخيرة واحد التهاون مني ....معرفتش علاش وقع ليا هاد البلووووكاج فالافكار .. الاحداث كلهم عندي وماسلسلين ولاكن مكنقدرش نكتب باحساس ولا نعيش اللحظة كنكتب 10 دمرات فنهار ونرجع نمسح كوووولشي .... ماعرفتش كاع اش واقع ليا. . مي شديت شوية بزمام الامور ودرت واحد الكلسة نع راسي فالهدووووء كنكتب ونمسح تاسترجعت الاسلوب ديالي نوعا ما .. حيت وقع ليا نوع من الضياااع فالتعبير ... لكاتبات غايفهمنو ... خيت راه عماين ديال لاطاااش والكتبة كيوقع هاد البلوكاج بسباب العيا ... مي غير كتفكر مابقا والو كنتحمس شوية. ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.