جات وسط هي هنا فؤاذ عند قمونتها وصلاح لهيه قريب ليهم ...بقات غير تبرق قاليها متبعديش ودارت الي فراسها وها لاخور جا عندها ولاخر الغيرة كتقتلو مكيبغي حد يشوف ليه فيها ....
فؤاد / شكون هذا ؟
يامنة : ام ا هذا غير ولد جارنا ..."جاب الله كانت فالمنطقة ذيالهم ...ضارت بجنابها" ...اااراه تبعت المعزة هزيتها لقيت راسي هنا وهاد البلاصة ديالهم ...
صلاح "داير ايديه فجيابو حاضي فؤاد رافع حاجب ومنزل لاخور ( تا شوف ليك الخماس بن رباع لاخور ) ....مجاوبش غير كيشوف فيها خايفة من فؤاد ولاخور عينيه قرطاس جيهتو ...
فؤاد "حذر عينيه ليها ورجع شاف فيه "
صلاح دار ليه براسو حركة هبطو ونزلو وهو مبتاسم ....
كان غايمشي ليه فؤاد حتى حس بايدها صغيورة على كرشو موقفاه ....حدر راسو لعندها ...
يامنة "كترمش فيه " : يلاه نرجعو ...
صلاح : احم مبروك زواج ...كانت غاتكون من نصيبي كنت خطبتها قبل منك من باها لكن مكتابش ...
يامنة "شرعت عينيها وفمها نشف
فؤاد "هنا حك علييييييييه وشرااااهاااا ...كحز يامنة بجنب الي كانت مصدومة حيث اصلا مفراسهاش بالي كان خطبها مع دهوة من باها عطا الكلمة مقاليها والو ....مبقات فهمت والو معرفاتش اش دير واش تهضر ولا شنو وعارفاه خااااايب ....
فؤاد""مشا حتى لعندو معطلوش بزربة هز ايدو تالسما وعطاه دقة لوجه حتى تفافا بقا يكالي يكالي حتى طاح كيمسح في منخرو ....هز رجلو عطاه لكرش حتى غوتات يامنة ...شادة ايدها على فمها ....هبط لعندو شنق عليه واحد شنقة حتى كان روحو غاتخرج ...هزو تالعندو وعطاه بروسية حتى طار دم من منخرو تاني ورعف ...ماد ليه ايذو باش يحيدها ليه وينوض يعطيه ...ساعاك معامن معطاهش حتى فين يتنفس ...نزل عليه تاني حتى قرب يسخف ماحبس الا على ....
غوتة حتى ضار فؤاد وصلاح لعندها لقاها شادا كرشها وكتغوت ....مترددش مبقاش تسوق مشا كيجري لعندها تحنى عليها وهي كتغوت ..." : شنو مالك ؟؟
يامنة : الااا اهى مقريبش بعيد راه عييت وتخلعت هزني نمشي نتكا ونشرب دوا ديالي اهى ...
ضار شاف فهذاك كيشوف فيها وكيمسح فمنخرو خنزر فيه واحد تخنزيرة لو كانت تصرف كون شتاتو ...مبقا همو والو من غير انه يتحنى يهزها بين ايديه ومرجعها لدار وعلى وجهو علامات مخلطة بين الغضب والخوف ...وبهاكا نقدات الموقف بدون اي اضرار هههههه
غادي بيها فوسط دوار مبقات كاع تسوقات لحشمة وناس بغات غير تسلك الامور حيث عارفاه لا فات تا سدو غايخليه مهرس من كاع القنات بدون رحمة ...بقا غادي بيها حتى تفكرات اشنو قاليه وهي تصدم ...هزت عينها فيه كانو ملامح الخوف طاغين عليه من انه يتعصب ...ضورات ايديها على عنقو حتى ...
فؤاد "كيعض في فمو ويهضر شايف قدامو " : ناااس حشومة ...
يامنة "عرفاتو كيمعني عليها حيث قالت ليه حشومة دوار يشووفونا " : فؤااااد ...
فؤاد "حدر عينيه ليها ورجع شاف قدامو " ...
يامنة : مفراسيش هاد الهضرة الي قال اول مرة نسمعها ...
فؤاد : الهضرة ماشي دابا ...
يامنة : وخااا 😞...
بقا غادي بيها حتى وصلها لدار ودخل هازها حتى وصلو لفوق وحطها فوق ناموسية ....
فؤاد"صاعر وصلها غير بزز" : شربي ذوا ديالك وتاحي كترت المشي والمجي لا ...
يامنة : فين غادي ...
مجاوبهاش مشا هز حوايجو وخرج دخل لدوش غسل وبدل فيه ...وتم داخل حط حوايجو ومشا هز الفون كان لابس حوايج الخروج ..دار مونطو عليه ولبس صباطو ...
فؤاد "قرب لعندها مخنزرررر " : الخرووووج ممنوع ...حتى نجي ونشوف شنو ندير ..."رجع اكد عليها " ....هضرتي تسمع راك عارفاني دابا مغاديييش نهضر معاك غادي نبرد سوق ...دابا...غااااااادي نبرد سوووق ..."ضرب الماريو حتى طارت ونزلت " ....غاااااااادي نبردو ....
يامنة : لا رد " غير كتشوف فيه " ...مجاوباتوش هز داكشي ومشا خرج من البيت مكشكش ...هبط خرج طوموبيل وانطالق بيها لوجهة مجهولة ....
انطالق لوجهة مجهولة وخلاها هي فدار شربات دوا ديالها وتكات شوي حتى ناضت هبطات لتحت عندهم ...لقاتهم كيوجدو ليها فداكشي الي جاب ...كيقادو ليه فشرمولة ديالو ...ووحدة كتقطع فداكشي ...وتقاد فيه ...حتى دخلو شي عيالات يشوفوها ويباركو ...عمرو ليهم اتاي وجلسو مجمعين حتى خرجو كل مشات تقضي شغالها ....
اما هي طلعات لفوق هضرات مع نجود وراوية ....وصل الغذا تسناتو تعيات حتى رسل ليها ميساج بالي مغايجيش غير تغذا ...حطو الغذا كالت داكشي حتى بردات غذايدها ...
هو وصلات بيه لطوب مبردش غدايدو كيف مولف تكتف من كاع جوايه يامنة وداكشي الي فكرشها ...فضل يخرج وينعل شيطان حتى يبرد ومنها يشوف شغلو ....
حتى وصل نص الليل عاد جا وطلع كيف العادة بدل وتخشا حداها كانت ناعسة ....
وصل الغذ ليه كان الصباح الباكر جدا ...حل عينيه قبل منها اول حاجة تسلت من حداها ...لكن دغيا حسات بيه وهي تفيق ...
يامنة : فؤاااد ؟ فين غادي ...
فؤاد : رجعي تكاي ...تندوش واجي نهضرو ...
يامنة : واخا ...
مشا هو يدوش كان باغي يدوش عاد يفيقها باش يهضر معاها ...داكشي الي كان دخل يدوش وهي متكاتش ناضت لفاليز جبدات ليه مايلبس كان كيحساب ليها غايبقا فجبذات ليه غير حوايج تيشرت وسورفيت بالقبية سخان فالبيض ....حتى خرج ولقاها حاطاهم ...
فؤاد "مغوبش ضارو خاطرو شي حاجة منغصا عليه " : لا مغاديش لبس هادو غادي مسافر ...
يامنة : قميجة وسروال ؟
جاوبها باه ...بقا هو كينشف فشعرو ورش ديودرنت ديالو اما هي اختارت ليه قميجة بلومارين وسروال كحل وتقاشر ومشا هو هز بوكسر كحل لبسو عاد ضار لعندها قبط ليها ايديها وداها حتى لناموسية ...وجلسها وجلس حداها ...
يامنة "كتشوف فيه حسات بشي حاجة ووحلو دموعها على طرف عينيها " ...
فؤاد "حك رقبتو وطلع ايدو على شعرو حتى لوجهو كيحك بعصبية ..." : الهضرة ديال داكشي مغاديش نهضرو فيها ...مبغيتش نتصرف معاك خايب نتي عارفاني هضرتي مكنبغيش نعاودها ...شي مرات لما مسعتينيش غانتفاهم معاك ...
يامنة : والله معرفتو خطبني حتى قالها هو والله انا عرفت غير نتا اما قبل كان كيتلقى ليا فاش كنكون جايا من المدرسة وكنهرب واحد المرة ( عاودت ليه على نهار وقفها ) ...
كتقوليه متعاودش تنطقها ....باس ليها راسها وناض لبس حوايجو ...وجمع لوازم ديالو فصويك صغير خلا الفاليز حتى يرجع ...
يامنة "كتمسح دموعها " : مغاتفطرش ؟
فؤاد : لا حتى نوصل تما ..."جرها لعندو باسها فراسها وشفايفها حتى طول فالبوسة ...
هبطات معاه لتحت حتى ركب واما ليها براسو باش دخل دخلات وسدات الباب حاطا عليه ودنيها ...وورك على الكسيراتو نزلو دموعها كيجريييييييو ....
الوجهة كانت لمدينة الصويرة ...سويعات وهو شاد طريق بلا توقف حتى صبح عليه الحال تما ...اول حاجة دار هي خدا الوجهة لاقرب ريسطو فين دومونديا على قهوة كحلة وجبد الكارو كيكمي ودار اتصال ب ايلاف الي بلغو بالي غاتقلع طيارة بعد لحضات باش تحطو فمطار مراكش وياخذ طريق نيشان لعندو بحكم الحفل غايكون بالليل ....
فؤاد "غوبش " : كيفاااش ؟؟
ايلاف : والله مثلي مثلك بس يمكن بضن انو الوقت بها الايام احسن لتهريب ...احم ما بدي احكي بالتفاصيل انا بطيارة ما اخذت طيارة خاصة قطعت تيكت بدرجة رجال الاعمال بطيارة عادية ...
فؤاد : فاش توصل لمطار صوني ليا ..."قطع عليه ولتخ الفون قدامو رجع شعل الكارو تاني وتالت حتى دوموندا قهوة اخرا عاد تنفس ...هز الفون ودوز ليها ...هضر معاها وطمان عليها ....وناض مشا لواحد البلاصة هي درب ديال ليهود تما بصويرة ...وصل لواحد الدار شبه مهجورة مريبين نص فيها ونص باقي....هز عينيه فيها على حسب البحث ديالو هاديك دار اليهودية الي كانت عندها الامانة الي هي علاش جايين ...
فؤاد "خاشي ايديه فجيابو وكيشوف هاز راسو حتى سمع تحنحينة وضور راسو يشوف قبل ميحول ملامح ديالو لتخنزييييرة ...مكيهضرش معاه طول الاجتماعات كان ايلاف المكلف ...هو غير كيسمع ..."
داني : مرحبا بيك عندنا ...
فؤاد"رجع كيشوف فدار " : ارضي مكنترحبش فيها ...
داني : طبعا ارضك هادي ارضنا جميع حنا مغاربة "سرح ايديه " مفرقانا غير ديانة فقط اما راه دم واحد جامعنا ...
فؤاد"مخنزر وحجبانو لا حول ولا قوة ...مجاوبوش وضار تم غادي حتى وقفو " ...
داني : الحفل غير تمويه فقط سرعت بيه حيث لقيت فرصة مناسبة باش نقضيو الغراض بلا مشاكل ولا ضغوطات ...احسن هاكا ولا نبقاو خايفين ...
فؤاد "عاطيه بضهر " : انا مكنخافش ...تم غادي حتى وقفو ...
داني : مبروك مغايتزاد عندك ...
البرق ورعد ضرب عينيه ضلامو فهاد اللحضة ...عروق راسو تنفخو ...حس بيه عايش معاه وسط الدار ...
لقاه مشربن ومباااغيش يتعافر المطارق الي فراسو وداك صلاح الي خرج ليه من جنب حس بمرتو مستهدفة من رجال فحال واخذ شرابوفا وهي فعلا فعينيه شارابوفا نييييت ....
ضور راسو هنا وهنا وطرطق عنقو مزيااان ....داني كيبغي يستفزو وخا يعطيه قتلة ديال الكلاب مسوقوش مهم يشوف الاستفزاز منو ...حتى انه مجبدش ليه المساعد الي ضربو ومذكروووووش ...شي حاجة كاتم وجالس عليها ...
هذا هو عقل اليهود مكتعرفيش شنو تحت راسو ممكن يكون مخطط ليك لسنين وساكت وكيبتاسم ليك والله يجعل خطتو متكون على عشرين عام ربعين مهم يخطط باش يعطيك ضربة الي تخليه يبرد غذايدو على مدرتي ليه ومينساهاش فيك ....
ضورة الي ضور فؤاد راسو غادي ليه حتى هز داني ايديه
داني : صافي صافي ...موقع....فين نتا ومعامن تتهضر راه لا شدك شدك ميعقلش على الحمار بوك ...مشا ليه منير معقلش كيفاش دار ليه حدو حس بالبرق تصور ليه فوجهو ....حتى طاح لارض ...ونزل عليه كيعطيه يعطيييه يعطيه كاع غدايد صلاح بردهم تاني فيه ومزال ما برد ..
والغريب فالامر ان داني كيخليه يضربو ومكيديرش شي حركة نييييت الي تخليه يدافع على راسو رغم ان داني حتى هو بخبيزتو ...وخا يعرف غير يطاكي ولا يتشادو ولا يضاربو ....
ساس حوايجو وخلاه منشور تما وسط اهلو وناسو وطبقة ديالو وطائفة ديالو وضرب ضورة وزاد ممسوق لتا حد كان كيما بغا يكون ....مشا لفين راكن سيارة ....وانطالق لمراكش ...من بعد ما ضار تما ودرس المدينة مزيان دا معاه الماك باش كيقيد البحث ديالو والمعلومات ويدير اتصالاتو .... وهو فطريق جاه اتصال لي ليه شحاااال مجاه ...من عند الراجل الي تبناه من اول محط رجلو فروسيا وهو الي سبابو تكمل قرايتو ودخلو لعالم ديال المافيا وشكون من غيرو شاف الكبير ....ايراني الاصل ...ايشان ...
ايشان : فؤااااد ولديييي ...
فؤاد : ااهلاا ...عاش من سمع صوتك غبورات هادي ولا حاضيني من بعيد ؟
ايشان : ههههه زعما زعما ...
فؤاد : شيء طبيعي شيء طبيييعي ولكن تهضر معايا نيشان متاخذش خباري من ايلاف او لا ؟
ايشان : وراه عارف معندك خاطر عارف اش واقع ليك ...كنتسنى تسول فيا نتا طبعا حيث. فحال باك ماشي الصغير الي كيتسنى الكبير يسول فيه وخاصة فمقام باه؟
فؤاد : عارف حاليا الامور مرونة وخا مكاين الي يقرب ليها ولكن ضروري الحماية ديال لفوق الشعرة فراسهم متمسش ...مبغيتش نبعدهم عليا ...يعيشو تحت جناحي فينما كنت ...
شعرة تقاص فيهم نشعل فيكم العافية وخا عارف انني من جيهتكم ومتقدروش تستغناو عليا وخا تلقاو ما حسن مني ...
ايشان : مستحيل نستغنى على ولدي الي ربيت ...نتا امر وحنا نفدو الله اودي ....
فؤاد : مزياان حيث هاذشي حسن ليهم وليكم حتى نتوما ...منبغيش حاجتي تقاص ...هاكا انا مرتاح عليهم ...وخا حالي حال اي واحد بلاصتي دايرين عائلة ولكن عائلتي غييير ....حياتي غانعيشها كيف بغيت ...حاليا غانبقى مزيان وولدك الي ربيتي ولكن من هنا القدام معرفتش شنو غايكون ....مع الوقت والايام وزمان لا صعابت المسؤلية ديرها فبالك يقدر نفكر في حاجة مغاديش تعجبك ...
ايشان : صرييييح بزاف معندكش مع قوة الهضرة الي مفيها فايدة جريئ وعندك نيشان ولةن اولدي داكشي الي كتفكر فيك وخا ولدي راه الي فوق مني مغايعجبهم حال ....
فؤاد : معندي بيهم سوق عندي راسي واش كنفكر لا عيطت ليك غير من باب الاحترام حيث ربيتيني لهيه وعاونتيني وانا ماشي ولد لحرام الي نسا الخير ولايد الي تمدت ليا ...ماشي اخلاق رجولية ....ماعلينا معنديش مع قوة الهضرة ...الحماية والعينين ميتغفلوش عليهم حيث هما تحت جناحي يتقاصو تلقاوني فوجهكم مغاديش نهدد عارفني علاش قاد ...نقتلك نتا ومنترددش لا تقاسو ....
ايشان : هما ؟ شكون تزاد عليك نتا ومرتك بعدا ...
فؤاد : مراتي وولدي الي جاي فطريق ....
كان هذا حديث ديالو مع راجل الي مد ليه ايدو وساعدو ولكن كان هو شافالكبير عليه وعلى ايلاف والوسيط بينو وبين الرجال الكبار ...الي خدام معاهم وماشي تابع ليهم ....
رجع بطريق حتى وصل لمراكش ومشا لواحد لوطيل حجز فيه جناح فين غايبات ويبقى فيه ايلاف حتى يتلاقاو فالحفل بصويرة ....نزل فيه حيد حوايجو ولبس تيشرت وشورط قصير ...جبد الماك شعلو وبدا الخدمة ...حتى وصلات الوقيتة الي يجي فيها ايلاف عطاه عنوان الاوطيل وخذا طريقو بسيارة الي كراها من المطار حتى لحق عليه ....وطلع لعندو ....
ايلاف : افففف واخييييرا وصلت لك ندمت ما اخذت طيارتنا ...
فؤاد "كيشوف فالماك وداير صباعو على فمو مصغر عينيه " : موقع باس ...
ايلاف : راح اطلب غذا اتغذا بينما وصل راح اخذ دوش ...
شير ليه فؤاد بايدو بمعنى سير ...مشا طلب ليهم الغذا ومشا لدوش دوش وخرج لاوي عليه فوطة كينشف وصل الغذا دخلو وحطو تغذاو ورجعو بداو الخدمة ديالهم ....حتى ....
فؤاد "كيشوف فالماك " : الاسم الي عطيتك متاكد منها هي نيت ؟
ايلاف : سفيتلانا ؟ ايه متاكد ...خلص يمكن راحت عند اهلها لانو ملاقيت اسمها بحجز لبلدها يمكن بعذين راحت او استقرت بالمغرب ...
ايلاف : لك شو بدك فيها ...عرفنا انو كلارك توام فلاديمير هو صاحب المكالمة ...لانو فلاديمير كان بيعرفها وانت كلفتو يقوم بالمهمة لانو انا وقتها كنت بكولومبيا نسيت ؟؟؟
فؤاد : رجع خدم عقلك مزيااان ايلاف وخدم خدمة مزيانة ...متخلينيش نجعر عليك ...داكشي الي بحثي عليه ممنو والو شي حاجة تما ...تاكد وجيب ليا الخبار ...مبغيتهمش يوصلو لمراة ديالي ...هي بعيدة على حياتنا يعني خدم دماغك تفاهمنا "خنزر فيه"...
ايلاف "هز ايديه " : تمام تمام ...نكمل شغلنا ارجع عا روسيا واستانف البحث ...
فؤاد : مزيااان ....
رجعو يكملو الخدمة تاني حتى قرب يصبح الحال عاد ناض فؤاد خلاه ومشا دوش باش يتوگض ولبس حوايجو وهبط ركب فطوموبيل وخذا الوجهة لدوار عند مراتو وحبيبة قلبو ....
جاه واحد شوق غرييييييييييييب ليها توحشها كتر من القيااااس توحشها بزاف توحش فيها ريحتها شفايفها ضحكتها حشمتها خوفها برائتها ...الي الي خلاه يهز لقون ويدوز الاتصال لروسيا وبضبط الكلينيك الي فيها طبيبة الي عاينتها ....
مسافة طريق حتى كان صبح الحال لقاه داخل لبيست ديال دوار ...ناس غاديا لاراضيها شي غادي يعمر الما فوق كرويلة سايقها حمار ( حشاكم ) ....والي غادي بالبقر والثيران والعجولة والبهايم يسرحو والي جايب الحليب غادي بيه....
حال شرجم ومخرج ايدو فيها الكارو كيكمي فيه ...وعلى محياه راحة كبييييييرة ....حتى وصل عند الباب ...خرج من طوموبيل محمل فايديه ساشيات كتيرة ...وحدين ديال المخبزة فيهم بتي بان او شكولا ووحدين فيهم داك الخبز الروسي الي كيعجبها ....وصا عليه شيف فلوطيل وحضرو ليها ملي بغا يخرج اومبالاه ليه وجابو ...
يلاه غايدق حتى تحل الباب وخرج منو الملاك ديالو ....مع تنقيزة تلاحت عليه معنقاه تقول ايااام مشافتو ....حتى هو مترددش لو ايديه بميكاتهم عليها وهزها دخلها لداخل وحطها ...
فؤاد "باس ليها راسها وفمها " : غزااالي ...صباح الخير
يامنة : صباح الخير..."شافت ساشيات " ...جبتي ليا كرواصة 😍
فؤاد : ومعاها ما حسن ....مد ليها واحد ساشية الي فيها "خاتشابوري " ...حلاتها وحوالو ليها العينين شمات ريحة دارها الي فروسيا معرفت باش تبلات ...حطت ايدها على فمها ...هبط راسو باسها رمشا طلع الفوق خلاها توگض ...
اما هي كيف عطاها بغات طير بالفرحة مشات حطات ساشيات ومشات طلعات لعندو لقاتو كيبدل وداير تيليفون فودنيه كيهضر حتى نقزات عليه وعنقاتو من لور ....ضورها لعندو ومتردداتش هبطاتو لعندها وعنقاتو حتى هزها وضورات رجليها على خصرو ....
يامنة "باستو فحنكو " : شكرااا ...
فؤاد : هادي هي شكرا عندك ؟
يامنة "ببرائة تتريمش فيه " : شنو هي ؟
فؤاد "خشا وجهو فعنقها حط راس لسانو فيه حتى تبورشات وقفزت وطلع لعند وذنها مص شحمتها بشويييي ونطق بصوت مسحوب بانفاس ساخنة كتدوووووب " : متوحشتيييش راجلك الحبيب ؟
#مستقبلا....
جاي من الحفل الي كان مقام فصويرة في احدى الفلل الي كطل على البحر بعيدة شوي فطريق اكادير صويرة ...خرج مشربن كيف العادة ...هاد المراة مداش معاه يامنة ....حضر ليه هو وايلاف وكان حتى جيفيتوف وبنتو ومرتو ...وكان باقي رجال تما ....كان حفل بطريقة المغربية ....كلشي مغربي بامتياز ....
ايلاف : لك قلي وين رايح ....خذني معك طيب ...
فؤاد "ضور ليه وجهو مخنزررر " : م عندك ف يييييين غادي ...تبعني ميعجبك حال غادي نسا راك صاحبي ....
ايلاف : طيب شو راح نعمل ؟
فؤاد : تايقوبها ليا راسي عاد نقوليكم اش ديرو ...يتحرك شي حد بلا خباري "هز صبعو " ...بلاااااا منهضر ....صباح لقاك فمراكش ...عندنا منقضيو ....وهاديك هضر مع باها الى مهضرش معاها غادي نصفيها ليها عند عينيه ....
خرجات كتجرييييي ذموع فعينيها وقفات قدامو حتى جرها ايلاف كتبكي وتغوت وناس خرجو يطلو عليها وباها صاعر عليها مرضاش على شوهة الي دارت فالحفلة اما واحد داني واقف مربع ايديه ومرة يبتاسم ومرة يشوف فماريا ويعقد غوباشتو .....حتى ...
فؤاد معبرهاش اصلا سمعها كتغوت بحال مكاين حد مشا لطوموبيلتو حلها ودخل ليها وركب كسيرا حتى تسمعو روايد الي تحكو فشانطي وطار خلا دخاخن ....
اما هي قرب ليها باها حيث صافي مبقاتش صبرات ومبقاتش تسوقات لباها ...وهو يجمعها معاها بجوج تصرفيقات حتى فشلات ومشا ليه داني شد ليه ايديه وخنزر فيه ...تخنزيرة شراااار ...
داني : باقي تمد عليها ايديك نقطعهم ليييييييك "كيهضر وكشاشكو خارجة " ....
جيفيتوف : ولكن راها بنتي وعندي الحق ندير فيها مبغيت شوهتني ....علااااش اماريا علاااش ...
ماريا "غوتات لربي الي خلقها " : يا ييفو اوباجهايو ...اهى اهى ( انا كنموووت عليه ) اهى اععععععع ...
بغا يرجع ليها وهو يعاود يخنزر فيه داني وتراجع ....مشا ليها جرها من دراعها بدات تنتر ولكن مقدراتش عليه داها لسيارة وسد عليها خلاها ترطا ودخل لبلاصتو دميارا وطاااار بيها من تم موصي رجالو يهدنو دنيا ...
جاي فطريق فداك الليل مكسييير منيييير ...كيفكر فهاد الصفقة وناوي موراها يرجع بمرتو ميخليهاش ...تقبل ولدو ورسى على مبدا انه يعيش معاه حالو حال يامنة ....وشكون هو الي ميكونش جناحهم وحاميهم ....رما كلشي وراه ....وقرر ترجع معاه ولكن حتى دوز فترة الوحم باش متكرفصش وتشهى بخاطرها ....وخا غير شهر وترجع معاه ....
او بحسب قرارها هي واش ترجع معاه ديك ساعة ....المهم يكون بجنبها هي وولدو الي كتبو عليه الله وجايه فطريق ....
وصل لطريق مراكش وتيسر حتى دازو ساعات ووصل لدخلة ديال مراكش حتى كيبانو ليه ضواو البراج ديال البوليس واقفين كيسنيو بضو شعل الفار كود حتى بان ليه البوليسي كيشير باش يوقف فجنب ....
وصل لعندهم وطلق سينيال لجنب حتى وصل وبلاصا فجنب ....حل زاج ....
البوليسي "كيشوف فتيليفون ديال لخدمة مدخلين ابليكاسيون كيعطيوهم. رقم سيارة وشكون مولاها " : سي فؤاد رمسيس ؟
فؤاد. "رافع حجبانو " : هو هذا ...كاين شي مشكيل ؟.
البوليسي : احم تفضل معانا ....
فؤاد "طلعو وهبطو وضار كيشوف قدامو حيد سانتيغ وحل الباب خرج لعندو حتى تمات جايا سيارة ديال ولاية امن مراكش وخرجو منها ثلاتة رجال كوميسير ومفتش وواحد كان ضاير لجيهة لاخرا كان راكب وراهم ....لابس لباس الشرطة
الكوميسير جا لعندو ....شاف فيه وشاف فلاخور غمزو بالي هو ...
فؤاد : شنو كاين غانبقا نتسنا فيكم هنا كتغامزو ؟
الكوميسير : سي فؤاد رمسيس ....
تحطت على ايدو المينوط بغفلة تسد عليها ....
فؤاد "رفع حاجب ومنزل لاخور هز عينيه الي زاد خرجهم ولاو حمريييين ونواضرو تعرقو وعضضضض على فمو "...
صلاح : فؤاد رمسيس انت متهم بجريمة قتل ل سفيتلانا دوبريف البلغارية الجنسية ...
يتبع ...
📣
بينما وعيتو من صدمة ههههه راه هادشي الي غايطرا مهم جيت نقوليكم سمحو ليا بزااااف مغانحطش ليوم ...مغاديش نكدب عليكم نتوما عارفين عندي نيشان ...مغاديش نحط ماشي ممسالياش ولا شي حاجة غير حيث راسي تبلوكا بغيت نرتاح ليوم باش نكتب ليكم احداث باش تفهمو مزيااان شنو وقع وكيفاش ...غذا ان شاء الله نحط ليكم مع محاولة باش نعوضكم غانرجع لفلاش باك باش تفهمو اش وقع واخا ؟
جبتكم لحضة الحاسمة ولكن والله العضيم تا راسي تنفخ الي جاي خاصو تفكيييييير ....باش متخربقوش ...حيث هادشي الي جاي دقييق ...
نلتقي غذا وان شاء الله مع تعويض ❤️❤️❤️
يامنة الجزء 39
محتوى القصة
📣
جبتكم لحضة الحاسمة ولكن والله العضيم تا راسي تنفخ الي جاي خاصو تفكيييييير ....باش متخربقوش ...حيث هادشي الي جاي دقييق ...
نلتقي غذا وان شاء الله مع تعويض ❤️❤️❤️
التنقل بين الأجزاء