الشخص الي بقا برا مخلاوهش يدخل ...ماعرف كيف يدير ولا يتصرف عقلو بغا يخرج على خوه ...اشنو بيه ولاش شدوه وهاد التهمة الخطيرة الي لفقو ليه ...واشنو يقول لباه ...ولكن بطلب من فؤاد وصا انه باه ميعرفش ...حتى ولو تحكم عليه بالمؤبد ....
كيمشي ويجي فالاخير دار اتصال بصديق ديالو وجارهم ديفيزيونير ....باش يهضر مع شي حد تما يخليوه يدخل ويبقا مع صهيب وخا ممنوع يدخل معاه لتحقيق ...
اما في هاد الاثناء كيف تفاهم صهيب مع صلاح ...مشا سول على شكون الكوميسير الي تما وفين كاين حتى وراوه فين يدخل ...دق الباب ...
صهيب "من بعد ماعطاه الاذن " : سلام عليكم ..."شاف في فؤاد كالس وداير راسو بين ايديه على اعصابو واستغرب كيفاش مقربلش دنيا بالغوات ....
فؤاد "هز فيه راسو ورجع تقاد فوق الكرسي " ...
العميد : تفضل اولدي صهيب ...
صهيب "مشا سلم عليه " : الشاف لباس عليك ؟
العميد : الحمد لله "شير ليه لكرسي باش يجلس " ...جلس من باب المعرفة اولدي جبتكم لمكتب ديالي اما كاينة غرفة تحقيق ...المهم غانعطيك نتا والمتهم "هز فيه فؤاد عينيه مخنزر فيه من كلمة متهم غير نعل شيطان زفر ورجع كيحك فلحيتو بعصبية "...غاتبقا معاه بينما هضرتو وديك ساعة عيط ليا ....ها الملف فيه كلشي قراه وتمعن مزيان ...
صهيب بغا يجبد ليه لاكارط ناسيونال وبطاقة نقابة المحاميين كتعريف انه محامي وغايتوكل نيابة على فؤاد ...ووقفو بداعي انه كيعرفو حيث ديما كيجي لولاية فبعض القضايا او اوراق ....سد الباب وخلاهم بزوج ...جر صهيب الكرسي جلس عليه ....
صهيب "حط ايدو على كتف فؤاد بحزن عليه جبل مايهزو ريح هاهو بين ايدين العدالة ممكن ضلم ممكن تلفيق ممكن اتهام صحيح ..." : خويا لباس عليك ؟
فؤاد "مسرح فوق الكرسي رجل فوق رجل حجبانو معقودين وصدرو مضابطش نفس ديالو ...شاف فيه " : هانتا كتشوف ...شنو بان ليك ؟
صهيب : احم عارفك شديد اخويا كون هاني يكون خير باشمكان نخرجك نخرجك ..."شاف فالملف وهزو بدا كيقرا فيه يقرا وعينيه كيخرجو هزهم فيه " ...احم "تزير بدا يفك فصدافي القميجة ويحك " ....اممم سفيتلانا دوبريف بلغارية الجنسية جات لروسيا كسائحة ....
من تما غبر ليها الاثر تقدمت شكايات في قنصلية روسيا وبلغاريا ولحد الساعة ملقاوهاش حتى لقاوها مقتولة في احدى الدواوير المجاورة لمراكش ..."يلاه غايقرا دوار وهو يجمع الملف وضار عند فؤاد ....شاف سمية دوار وهي توحل ليه طبعا غايعرفو وعاااارف بالي يامنة وباها لقاوها لا فاش كانو جايين كان يوسف سايق وهو خدام كيهضر فتيليفون ويقيد فالمذكرة عندو عرف ان يامنة وباها هما لقاو الجثة حدا دارهم وقالها ليوسف ولكن ملي دخل وشافو مهدن عرف بالي مزال مفراسوش بالي هي نفس البنت الي لقات يامنة وتسد المحضر ديالها فديك الوقت
صهيب : فؤاد انا مغاديش نقرا شنو مكتوب دابا هنا سوى سمية ....حاليا ...عفاااك اخويا قوليا كلشي متخبي عليا والو ...انا عارفك مديرهاش ومتاكد وسى درتيها او لا كتبقا خويا وخا ماشي من دمي كتبقى شخص الي رباني مع خوتو ....قوليا كلشي واش كتعرفها ..؟
فؤاد "شاف فيه وحدر راسو وعاود هزو " ....
صهيب "غمض عينيييه " : كتعرفهااا ...
فؤاد "جاوبو ب اه. "...
صهيب : مزيان ماشي مشكيل قوليا غير كيفاش عرفتيها وطبيعة العلاقة كيفاش كانت عاود ليا كلشي باش نعرف منين نتصرف وباش نبدا ...ثيق بيا اخويا ثيق بيا كنقسم بالرب الجليل وخا نعرف نخسر هاد المهنة الي عندي حتى نخرجك وخا يكون كلشي ضددك ....نخرجك والى مخرجتيش شعر راسي ولحيتي حيدهم ورجعني زبيدة اخويا ....
بقا فؤاد مهدن واحد الهدوء سبحان من خلقو حطو فيه فديك اللحضة هدووووء غريييييب واش كاينة عاصفة لداخل واش مصبر راسو ميدير والو احتراما لديك الولاية الي فيها ناس معندهم ذنب سوى دايرين خدمتهم واش كيتسنى تايجمع ويطحن ليا البشار ولهلا يقلب شي زمر واش واش واش تفكيرو كامل عند الي باقا كتسناه ....اسئلة كبييييييييييييرة وغااامضة جدا ....
فؤاد "تگعد من الكرسي وحط رجليه فرقهم ودار مرفق هنا ومرفق ديال لايد لاخرا فوق ركبة لاخرا وجمع ايديه على شكل قبضة وحطهم تحت ذقنو كيشوف ف صهيب ...حنحن ..." : وخا عطيني تليفونك نهضر مع يامنة ...
صهيب "ولو انه عارف ممنوع ولكن مترددش يعطيه ليه ..." : هاهو معنديش رقمها يمكن عند يوسف ...
فؤاد "شدو من عندو وركب رقم ديالها واتاصل " ...
كانت واقفة فشرجم لحد الان باقي مفطراتش شادا تيليفونها كتاصل بيه وكتلقاه طافي زاد قلبها تشوش اكثر وصدرها تخنق لقمة مقدراتش دوزها من غير انها تسمع اخبار عليه وعلاش طافي وكان غايجي باليل شنو وقع ليه وشنو جرا ليه والي زاد على مابيها تيليفون الي طافيه ...حتى صونا ليها تيليفون وطلع ليها رقم جديد ....مجاوباتش وعاود تاصل وتاصل حتى طلقات الخط مقالتش الو ...
فؤاد "كان مبعد على صهيب وكيهضر بشوي وصهيب خشا راسو فالملف كيقرا داكشي الي مكملش " : غزالي ؟
يامنة "عاد تنفساااات وجبل تحيد عليها كانت دمعة على طرف عينها غير نطق نزلات كتجري مسحتها بالخف وضحكات " : فؤاااااد ههه فينك ؟ علاش مجيتيش ؟ ليل كلو وانا كنتسنى حتى لدابا فينك اجي باش تفطر ونفطر معاااااك ....
فؤاد "قلبو تعصرررر من لداخل حتى حك على جبهتو وعينيه ولاو حمرييييين ...." : علاش منعستيش ؟ عارفاني ايامنة الى مجيتش كتكون عندي خدمة ...ممكن نجي وممكن نتعطل وممكن نغبر شوي وممكن نجيك قبل كاع من الموعد ...
فؤاد : تهلاو ليا فراسكم بزاااف ..."قطع معاها وضار كان بغا يفرشخ تيليفون غا لقاه مديالوش كرززز عليه حتى كان غايطرطق ليه زاجة حيث كلو زاجة كان iphone 📲 x max ...هز ايديه دارهم ورا راسو كيطلع وينزل بعصبية كيحك يحك باش مينفاجرش وهو يضور نيشان عند صهيب ...ومشا جلس تقابل معاه ....
في هاد الاثناء كان داخل يوسف لداخل مشا الاستقبال عطاهم اسم الشخص الي ذوا معاه وزيدهم هضرو معاه فالفون بلغهم باش يسمحو ليه يدخل وبالي هضر مع الكوميسير الي تما
يوسف "هضر مع ديفيزيونير وخا راجل كبير شوي الا انه صديق عزيز " : والله يحفضاااك الحاج ...مزال غاندخل نسول صهيب ولا شي حد باش مكان لا شفتو نعيط ليك ...واخا لحفضك الله يبارك فيك الحاج اللله يبارك فيك يحفضاااك ....
قطع الفون وتم غادي حادر راسو كيبقشش فيه حتى خرج فواحد كان لابس لباس سيفيل مالابسش لبسة ....
يوسف "هز راسو " : ااا سمح ليا خويا "تم غادي " ...
صلاح : عندك شي حاجة هنا ؟ "حيث الولاية مكيدخلش ليها من والا ضروري تتعطي سميتك واش عندك عاد كدخلي سوا ولاية او كوميسارية او اي ادارة امن " ...
يوسف / اه خويا عندي سمح ليا مزروب الله يخليك ...
صلاح : اااشريف واش عندك قول را مكيخلش من والا غا هكاك عطيتي اش عندك فالاستقبال ؟ "تم جاي واحد البوليسي عطا تحية لصلاح حيث صلاح وخا عاد تعين تعين ضابط نيشان حيث دخل لكونكور ديريكت دفع لضباط ...يعني البوليسي الي عطاه تحية مجرد حارس امن اقل منو فالگراد ..." : سي صلاح راه من جهة الحاج سمح ليه يدخل ...
صلاح "طلع ف يوسف وهبط " : هممم ماشي مشكيل ...
يوسف : هههههه اربي سمح ليا كيحساب ليا واش سرباي هنا كون يحساب ليا من الامن هنا نشرح ليك ...سمح ليا مرة اخرا ...مشا خلا صلاح كيبرق فعينيه ...
عطاهم الكوميسير مدة يبقاو يهضرو فيها مدة غير محدودة يحددها المحامي باش يهضر مع الموكل ديالو وهذا حق مشروع ليه ...عندو الحق
جلس تقابل معاه ...
صهيب : نجيب ليك الكارو ديالك ؟
فؤاد "جاوبو بواخا " ....
ناض صهيب خرج مشا وصا ليه على كارو الماركة الي كيكمي حتى بان ليه يوسف من بعيد جاي ....
صهيب "شير ليه " : من بعد ايوسف من بعد انا داخل عندو شوف بزربة جيب ليه الكارو ديالو ...
يوسف : واش مزيان هو
صهيب "شير ليه باه ودخل بزربة " ...
صهيب : احم هاهما شوي ويجيبها يوسف ...
فؤاد "هز فيه عينيه " : يوسف !!!
صهيب : اكيد ميمكنش نخليوك متخافش الوليد مغايعرفش باي شكل كان كون هاني ...
فؤاد "عوج فمو " : نتمناااو ...نتمناو ...
صهيب "شاف فساعتو" : وخا خويا كنسمعك "جبد واحد المسجلة صغيرة وبرك على تسجيل " ...
فؤاد : كانعرفها ...جات سياحة لروسيا قبل بشي ثلاثة شهورة قبل متموت...تعرفات على واحد من المعارف ديالي "هز ايدو " بغاها وكان كيعاود ليها اسرارو وحتى انها حضرات معاه لشحال من اجتماع سري لانه كان عضو فالمافيا ديال روسيا ...شدوه الاعداء ديالو هو وياها قتلوه وبقات هي هربات....التاجئات ليا باعتبارو كان صديق ليا ...
فؤاد : وراقيها كاملين داوهم ليها ...مبقاش عندها فين تمشي الى مشات بلغات غادي يعرفوها ويتبعوها ويقتلوها وخا نحميها انا ...كان طلب ديالها تمشي لمغريب لان الي كانت معاه مغريبي ...عائلتو كاملة فالمغريب غير هو الي فروسيا يعني فحالي ...
صهيب : هي مكتوب فتقرير لول انها ممكن تكون تعرضات لاغتصاب ...ولكن كانو كيتسناو ف تقرير طبيب شرعي ياكد ليهم ...حتى تسد الملف على حد علمي "كيشوف فالوراق " مسدوهش انما تغلق مؤقتا بحيث دلائل الي يوصلو لقاتل كانو مكافيينش باش يبان القاتل ...حتى لهاد الايام عاد تفتح وجا واحد الشاهد هو الي اكد انك كنتي فديك الليلة فالمغرب وبضبط فمراكش وهي معاك ...
فؤاد "هز فيه عينيه مخنزر " : كيفاااش شكون الي شهد ...
صهيب : الكوميسير مقاليكش بالي هذا دليل ؟
فؤاد : كلشي هضر فيه ولكن مقالش راه كاين شاهد انني دخلت فديك الليلة لمغريب ...شكون هو ؟
صهيب : وخا خويا كمل ليا عفاك ...
فؤاد : أنا ماعرفتش واش تعرضت لاغتصاب فديك ليلة الي ماتت فيها...التاجئت ليا بغات ترجع لمغريب مبغاتش ترجع لبلادها ...هي كنت عارفها باسمها صافي كنيتها معارفهاش ...على حد علمي اسمها جوديت ماشي داك الاسم الي مكتوب تما ...كنت عارفها باسم جوديت فرت دوبريف ...
صهيب "صغر عينيه " : جوووديت ...ايه كمل ...
ميمكنش ليا نهضر معاهم يصرفو نضر على قتلها لان الجماعة الي ناوين ليها القتل مكيتساهلوش ...معندهم ميديرو ليا يقووولو وخا …غادي يقتلوها باي طريقة ...الي كانت معاه وصاني عليها قبل عطيتو كلمة رجال نعاونها...وعاونتها ...
صهيب : يعني جبتيها لمغريب وهذا هو دليل اللول الي ضدك افؤاد الشاهد..يعني كلامو صحيح انك جيتي معاها تالمراكش ديك الليلة الي تقتلات فيها ؟
فؤاد "ضرب فوق المكتب حتى كان غايتضغط حتى قفز صهيب " : الغلط الوحيد الي درت ..
صهيب : دخلتيها بطريقة غير شرعية ؟
فؤاد "هز ايديه " : مع الاسف ...
صهيب : الغلط الوحيد هو ديتي معاك واحد من الكارد الي عندك وهو الي شهد ضدك دابا وخا شهادة ديالو صحيحة حيث فعلا دخلتي ديك الليلة وسافرتي يعني هربتيها هيا بطريقة غير شرعية ...
فؤاد : طيارة الي كنجي فيها داتني حتى ل اسبانيا من اسبانيا جينا بالباطو باسم ليها مزور اما انا دخلت باسمي الحقيقي ..حتى لطنجة من طنجة لمراكش تما حطيتها ورجعت ودخلت لمطار لقيت طيارة ديالي الي كنكري فينما مشيت واجدة ورجعت بطريقة عادية… وصيت عليها قبل مول طاكسي يوصلها فين بغات …لا بلغاريا ولا المغريب ميوصلها حد المشكيل فروسيا ولكن هي اختارت المغريب قالت نص عائلتها تما ... الجنسية والاسم دارتو غير فاش هاجرت لبلغاريا وخذات الجنسية..
صهيب : شحال وهي عندك عاد هربتيها ؟
فؤاد : يومين ...كانت مخبية عندي فالفيلا مكتخرجش عارف غير ايلاف واحد كان المساعد ديالي ...اسمو فلاديمير ...
صهيب : مسالة بغات المغريب شي حاجة تما ...المشكيل خاص نتبت بالي فعلا خليتيها فمراكش ومسالة التزوير حاول متقولهاش ...وخا نعرف علاش زورتي ؟
فؤاد : كان بامكاني منشغلش راسي بيها ...لكن وصية الي وصاني الي كانت معاه خلاني نعطيه كلمتي نعاونها ...وميمكنش نخليها حيث ببساطة كانت حاملة ...وحرام نتسبب فمقتل مراة وحاملة من الفوق وعارف انني غانسلكها ...تاحد مغادي يوصلني انا ولكن درت هادشي باش نعاونها لا غير من باب الانسانية ...ودااابا كيتاهموني "خنزر وغزز سنانو حتى بان الفك ديالو كيتزعزع" قتلتها ...ماشي اخلاق فؤاد رمسيس هادو ...رجولة ماشي تقتل مراة كتبقى كيان ضعيف اصهيب ....
صهيب : الدليل الثاني انه كان في مكان الحادث على بعد خمسين ميترو لقاو واحد الكاشكول رجالي ... ديالك ...؟
فؤاد "جاوب براسو بنعم " عطيتو ليها كانت حاسا بالبرد هي مراة حاملة كيف سمعتي جاها لبرد لواتو عليها وبقا معاها حتى حطيتها ورجعت انا لمطار عادي كيفي كيف ناس
صهيب : رجعة الي رجعتي فضرف يومين ورجعتي مكانتش فصالح ديالك ...هي زادت اكدت انك كنتي فالمغريب وهذا هو الي زاد عليك ...
صهيب : هي مكتوب اسمها سفيتلانا دوبريف ...عائلتها الي قدمو ببلاغ اختفائها وحطو تصاورها قالو ان اسمها سفيتلانا دوبريف فقط ...عطاو اسم مختصر اما الاسم الي قلتي يعني هذاك اسمها الكامل ...
فؤاد : اسمها جوديت فرت دوبريف ...
صهيب : هاد القضية غانبحث فيها وراقيها ضايعين باش ياكدو ليا الاسم ...
فؤاد : مشغلتش راسي بيها باش نبحث ونعرف شكون هي ...لو حطيتها فراسي غا نعرف شكون ومنين جات بضبط ...فسيمانة وقع المشكيل وهربتها ...حتى داز الوقت ونسيت سميتها مؤخرا شي حد عيط ليامنة فتيليفون بغاها تسولني شكون سفيتلانا دوبريف ...بحث ايلاف او بحثنا بجوج لقينا واحد عندي معاه مشاكيل كان توام ديالو خدام عندي وتقتل وبغا ينضو صداع الباقي مكاين لاش تعرفو المهم قلت ليك كيفش حتى دخلت وهربتها ...
صهيب : هادشي كامل الي قلتي كنفضل متقول والو الى سولوك قول ليهم طلبات المساعدة ديالي وانا غانشوف كيفاش نتصرف باش نتبت راك دخلتي بطريقة شرعية ذهابا وايابا لغرض خاص بيك ماشي بيها "بينو. وبين نفسو ...وخا الوضع صعييييب " ....
غادي تقوليهم بالي فعلا دخلتي ودخلتي باسمك الحقيقي اما هي دخلت باسم مزور حتى لكانت تهمة غاتلفق ليها ديال تزوير ضبر راسها هي ميتة ...
كريت سيارة من شركة ف طنجة حتى دخلت لمراكش من طريق الدار البيضاء ودخلنا لمراكش هي حطيتها تما بحسب طلب ديالها بغات تبقى فمراكش عاد تهبط لمدينة الي فيها عائلتها ...بهاكا وفيت بكلمتي وحطيتها فين بغات ورجعت ...المافيا ا صهيب مكترحم لا بنام لا حيوان لا حتى مراة وهي كانت حاملة ...صحيح انا خايب قاصح ولكن الانسانية عندي فالقاموس ...الجماعة الي تابعينها مكيرحموش ...
صهيب : المهم وخا زورتي اسمها خليتي دخول ديالك نتا شرعي ...عالاقل غايعاون باش نتبت انك ماشي القاتل لو كنتي قاتل كنتي غادخل باسم مزور عالاقل ...ولكن شكون قتلها ونتا قلتي ميوصلوهاش ؟
فؤاد : مسولتش حيث الي عليا درتو معنديش بيها غراض وصلتها فين بهاكا اديت كلمتي ووعد الحر دين عليه ...مسولتش فيها حتى انني نسيييتها بمرة ...خدمتي كتخليني نسا الي ماشي مهم عندي ...الي مهم كندير فيه راسي الي عرفت فيه دغل مكنرحموش
صهيب : احم كاين مشكيل ...
فؤاد : ؟؟
صهيب : فين وقعت الجريمة ف ف فدوار ديال يامنة ...
فؤاد "شرع عينيه استرجع الهضرة الي قالت يامنة بالي لقات هي وباها بنت مقتولة ...محس غير براسو وقف وضرب الكرسي تا طار لهيه حتى وقف صهيب " ....
صهيب : تهدن اخويا ...معندهم ميديرو ليها سوى غايجيبوها باش تعاود تعطي اقوالها غادي نوصي الحاج ميقولش سميتك وخا مغاديش يقولها غادي غير تاكد ليهم هي وباها كيفاش لقاوها وترجع ...
فؤاد : ماتجيبوهااااااااااش ماتجيبوهاااااش ...معندها فين تجي مريضة حاملة غادي تكرفص "غوت حتى سمعو ناس الي برا غواتو " ....ماااااتعتبش هنا ...
صهيب : تهدن غييير تهدن كون هاني انا غادي نحاول غادي نحاول غير تهدن ....
حتى دخل الكوميسير الي سمع الغوت ودخل معاه شرطي الي كيكتب المحضر ....
الكوميسير : اش واقع هنا "شاف الكرسي " اش هادشي ؟ هادي ولاية ادارة ماشي زريبة ياك لباس
فؤاد "خنزر فيه تخنزيرة القتيلة " ...
صهيب : احم ا الا سمح لينا الحاج غير حادث بسيط سمح لينا على وجهي الشاف ...
الكوميسير" بقا يشوف في فؤاد ورجع شاف في صهيب " ...: كملتي معاه ؟
صهيب : اه كملت ...احم تقدر تبدا ...
الكومسير "شاف في البوليسي الي كيكتب فالمحضر باش يبدا يطاپي ومشا جلس فمكانو حتى تقاد واشار لهذاك باش يبدا " : شنو علاقتك ب سفيتلانا دوبريف ...
فؤاد "كيهضر وحادر راسو ماسك اعصابو " : كنعرفها ...
صهيب : احم كيعرفها بحيث جات لعندو طلبات المساعدة وتلاقات بيه فالمغريب بالضبط فطنجة كانت هاربة كرا سيارة و وصلها معاه لمراكش وحطها ورجع دخل لمطار سافر ...
فؤاد "هز راسو خنزر فيه غا حشم مال ينوض يطرطق ليه العنق هههه ...رجع شاف فصهيب بمعنى هضر ولا نهضر بطريقتي " ...
صهيب : هههه وايلي الحاج مالو شوافة تيحس بيها من نيتك ابا عزوز هههه ...( اسم الكوميسير عزيز )
عزيز : صهيب تفلية خليها فالقهوة اولدي ...
صهيب : ههههه اودي عايشين تفلية فهاد المغريب ...المهيم هو جا لطنجة يقضي غراض فديك النهار ...كيف كتعرف هو باحث فالاثارات سيد الي قدامك دمااااغ يعرف الحاجة امتا تصنعت ونتا الحاج يعرفك منين جيتي ...
عزيز "خنزر فيه " صهيييييب احتارم المكان ...
صهيب : غا تحمست ...المهيم غانجيب ليك دليل بالي كان عندو بحث ودليل انه جا حتى لطنجة على قبل شي بحث ...ورجع فنفس نهار لان البحث غايكمل فين عايش فموسكو ...عطيني بعد غذا ونجيب ليك تقرير باش تاكد ...
كوميسير : اييييه واخا وهو فين كيعرفها ...
فؤاد : خطيبة صاحبي تقتل وهي هربات حتى لقيتها فطنجة طلبات المساعدة ديالي نوصلها لمراكش ...ووصلتها وصدقت قاتلها ...
صهيب "خرج عينيه " : اشااا … تانا رااااو ...اخههههو الحاج اغير بغا يبسط معاك زعماك رجعتوه قاتلها ..."شاف فيه بجدية " ...عاونها الحاج ....غانجيب دليل بالي مقتلهاش سوا دخلات بطريقة شرعية ولا لا شغلها هذاك المهم عندنا سي فؤاد يخرج حيث بريئ والباقي فليذهب الى الجحيم ....
بقا تحقيق مستمر ونفس الكلام كيتعاود تلاقا بيها فطنجة وعاونها لا غير وهي الي مزورة اسمها يعني فهاد الحالة هي الي غاتلفق ليها تهمة تزوير ...وفؤاد خارج بطريقة وداخل بطريقة شرعية فكلا الحالتين ممكن يكون فصالح ديالو ...باقي تقرير الطبيب الشرعي ويبان القاتل شكون رغم انه وجحو ان المافيا ممكن تكون وصلات ليها ولكن حسب كلام فؤاد مغايوصلوهاش لمغريب ولا بلغاريا ....كيبقى السؤال شكون قتلها فعلا لحد ساعة فؤاد هو الي موجه ليه اصابع الاتهام ...بقاو شي ساعتين وهما كيسولو مرة يجاوب فؤاد وباقي الكلام صهيب ...
كيحاول صهيب الي يهضر فبلاصة فؤاد حيث عارفو لا فات تا بقا غير هو الي كيهضر بعصبيتو يطبز ليها العين ويقوليهم انا الي قتلتها يلاه قودو عليا عارفو مكيعقلش على البشار ...فؤاد رغم قصوحيتو حنين لجات ليه بنت غريبة حاملة عاونها من باب الانسانية وبكلمة الي عطا ...تقاتل حتى وصلها لبر الامان لكن صدق هو بر مصيرها الحتمي وبر الموت ...
كيبقى سؤال واش قدرات المافيا توصل ليها حتى لمغريب ؟ او ماشي المافيا الي قتلتها ...
صهيب : دابا نتسناو اشاف تقرير الطبيب الشرعي ...ممكن نعرف علاش تسد الملف قبل ؟
عزيز : تسد لانعدام الادلة ...طبعا لقينا الجاكيط والكاشكول ولكن معرفناش شكون مولاهم ...الي لقاو الجثة البنت "زيييرررر فؤاد على ايدو " وباها ...البنت شمات ريحة غادي نعيطو ليها باش تاكد لينا واش هي نفسها الي فجاكيط ...
صهيب : وغاتبقا فيه ريحة ؟
عزيز : وايلي راه مسدود عليه غاتبقا ريحة بحيث رشو عليه برودوي باش تبقى مركزة فيه ...
عزيز : طبعا عارفينها شكون هي بنت عمك وزوجة ديالك اولدي ...
فؤاد : اذن ؟؟؟
عزيز : تاكد واش هي ريحتك ولا لا ...واش هي الي كتستعمل واش نفسها الي شمات فاش سمعات شي حد كيجري ...وشمت ريحة هاذشي كنقولو ليك اولدي بحسب اقوالها لولة ...حضورها ضروري ...
دق الباب وهو يدخل صلاح عطا تحية ...اما واحد فؤاد كان غاينوض ينطحو غا تبتو صهيب ...
صلاح : الحاج ...
عزيز : ولدي صلاح ...غذا غاتمشي لدوار **** جيب مصطفى رمسيس ويامنة رمسيس الناس الي لقاو الجثة باش ياكدو اقوالهم واكد على المدام يامنة الحضور معاك ...
صلاح "بفرحة " : واخا الشاف ههه ..احم ...
فؤاد "هز فيه. راسو بعينين فحال جمر وضار عند صهيب " ...ي جييييييييبها هذا اصهيب نشعل العافية ...
داز نهار كحل عند فؤاد على اعصابو مباغيهاش تشوفو فداك الوضع وهي متحملش غادي تمرض عارفها كتموت عليه ومتقدرش تشوفو تما والمشكيل معارفش واش غايخرج ولا لا واش واش ...
دخل يوسف طل عليه سلم عليه بالخف كانو غادين بيه لغرفة اخرا ...عطاه السجائر الي بغا ووصا ليه على ماكلة يجيبها ليه الكوميسير شخصيا ...المعرفة والفلوس كيبنيو بحر ...خذاو الوجهة لدوار عند يامنة حتى وصلو الباب ودقو خرجت ليهم يامنة وسارة دقة وحدة ...
ضار عند يوسف ونطق مع كانت يامنة وسارة بزوجات واقفين عند الباب ...
صهيب : هاديك راه ماما انا وحدي مكفاكش ربعة مشاركيني فيها زدتينا تانتي ...عندك فؤاد فيه مك وباك وجداك وراجلك وبو ولدك ...اجي اياتا ديك نهار فاش كنتو في فاس داري موقع فيها والو ؟
يامنة "تزنگات حتى جرها يوسف من بعد ما شير عليه بسبرديلتو الي حطها وكان داخل يسلم على زينة ...جاتو لوجه ..."
دخلو عند زينة وبقا صهيب ينگر ...نعل بات مات حياة مك ..."هز راسو لقا سارة واقفة " ...خاصك عصية ؟
سارة : شايط عليا راسي مثلا ؟
صهيب : واش تديري عند قمونتي مثلا ؟ ...
سارة : والله ما عرفت بغيت غير نخرج واقف ليا عند الباب "خرجت فيه عينيها " تكحزززز لهيه خالني ندووووز ...
صهيب "خلعاتو حيث رجعات عينيها بيضين بتخنزير " : سم الله الرحمن الرحيم ...سيري سيري "دار ليها طريق ...تا دازت " ...تفو ...مشا دخل وصل على يوسف ويامنة سلمو على زينة ...
يوسف : يامنة غذا وجدي راسك مع صباح بكريييي تمشي معانا ...
يامنة : فين ؟
يوسف : غا يلاه ...الى على فؤاد ماشي مشكيل قلناها ليه ...احم اجي معايا ..."ناضت خلات صهيب جالس ومشات معاه بعدو لبيت لاخور" ...تعقلي على البنت الي لقيتو مقتولة حداكم ؟
يامنة "رجعات بلور بخوف حيث تفكرتها حتى شدها يوسف " : اا ا اه ممالها ؟
يوسف : والو غير طالبينك نتي وباك دابا باك جاي فطريق غايعطي اقوالو واقوالك تعاوديهم ورجعي ومتخافيش فؤاد فخبارو هو الي بغانا نجيبوك ...ممكن تلقايه تما يجي يشوفك ..
يامنة : ااا. ب بصح اه واخا نمشي ...ولكن بقاو معايا وقوليه يبقى معايا ...
يوسف "باسف " : احم واخا مرات خويا واخا كوني هانية ...
رجعو لعند زينة ويامنة بقات مقلقة من هاد ناحية حتى غمزها يوسف ورجعات ضحكات وخا هكاك خايفة ....ومقلقة ...بقاو ناشطين وضاحكين حتى وصلات وقيتة العشا ...
تعشاو الي قسم الله سارة وصهيب غايتناگرو بالعينين ...غا مبعدينها عليه اما دايرين كي المشاش لا طلقوهم زغب يطير فالسما ....طلع كل واحد ينعس لفوق ...من بعد ما هضرو مع نجود الي بلغتهم انها غاتجي لغد ليه مع العشية فضلو ميقولو ليها والو حاليا حتى تجي ...كتبقى العقل الكبير الي غايوگض ويساند يامنة ....ويتبتها ...
اشرقت شمس يوم جديد ثاني ليلة دازت ماشي ساهل يخرج من الوهلة لولة وماشي ساهل يخرج دغيا وخا بكفالة صعيب شوي الامر ...وصلات الاخبار لايلاف الي جا بسرعة ديك ليلة وصلات الخبار لمافيا لهيه ...لحد ساعة متصرفوش ومتحركوش ...
القضية صعيبة وكاينة فالمغريب ماشي فروسيا ...باش يدخلو كيخصهم يلقاو كبش فداء ويضحيو بواحد باش تلفق ليه التهمة وهادي حاجة ماااشي ساهلة ...وخاصة ان المغرب عندو مخابرات صحيييييحة ...
صبح داك الصباح حتى لقاتهم قدام الولاية مزال عاد جاي الضابط صلاح باش يبلغ يامنة خارج فرحان حتى كيلقاهم وصلو وخرجات من سيارتهم ...حتى وصلو لعندو جرها يوسف بجنبو ....
يامنة الجزء 41
محتوى القصة
الجزء الموالي يؤجل
التنقل بين الأجزاء