لامار : ( بالغوات وشادة رتاج عندها ) حياااة حياة سكتي عليا من البكا دابا ...دخخلي قسم فدار كلسي معاها .... ججججري
حياة : ن نجيبليك لما ولا شي حاجة ها ؟
لامار : ( متوترة ) وصااااافي غييييير سيري قسم بوحدها....
جا واحد من الحرس كيجري هز رتاج مع لامار دارتها فطموبيل لور ... ومشات كتجري ركبات عطاها الكونطاك ديالها وهي توقف حياة فسرجم
حياة : بااااش ماكان علميني الامار ... عفاااااك
كسيرات لامار كتشوف فرتاج لور من المراية ويد كتحاول تصوني بيها على اسد ... والو هذاك مكيجاوبش كاع ... سفيان تيليفونو طافي ... ولات متوترة كاملة خصوصي انه قبل ماتجي حياة... رتاج كانت كتعاود للامار حالة عدنااان بكل تفاصيل لان لامار شكات فداك الخوف كامل عليه واصرات عليها تعاود ليها .... ولات كتهضر غير مع راسها وعين فرتاج من لمرايا وعين فطريق
لامار : غايكونو غير غير فكلينيك هنا ... اكيد غي هنا ... ياااااربي تكون معااانااا ياااربي...
سمعات شي حس وشافت دغيا فالمرايا...رتاج كانت كتفيق كيتسمعو منها غير آهات ...
لامار : رتاااج ... رتاااج كتسمعييني .... رتاااااج
رتاج حلات عينيها مددة غير كتشوف وهي تتننننفض شادة على قلبها وكتسرط فريقها وكتنهج كووووولها
سفيان : ( تنفس وكلس حداه ) حمد الله ....حممد الله ... حسابتني شي حاجة خطييييرة .... ماعلييش ملي جات غير فالكتف .... غايبرا ان شاء الله ... غاايبرااا دغيا ... هادشي بسسسيييط
اسد كيسمع هادشي بسييط وتبسيمة ديال الاستهزاء كتشكل بين شفايفووو وعينيه بااااكيييييين وحالتو بحال شي مدينة داااازت علييها عااااصفة قويييييية ومشات خلات الهدووووءء وبقا غير الخراااااب ... وسفيان كيشوف فيه مطلع حاجبو علاش استهزأ بهاد الهضرة ؟ ...
سفيان : اسد ؟ واقعة شي حاجة انا ماعرفهاش
اسد شاف فيييه مطووول ..ورجع تكا على لحيط مطلع راسو لفوووووق وكييتتفسسس ويتنننهد وحدة ورا الاخرى ... ودمعة سااالت منسسكبة على خدو .. سفيان تخلع بالمعقول ووقف
سفيان : اسااااد اش واقع ؟ ياك غير رصاصة فالكتف ماشي شي حاجة اخررى ؟؟؟؟ علاش داير هاد الحااالة ؟
اسد غير ساكت وسفيان زعزعرووو عينيه تفيكساااو على اسد وهو مبتسم بانكسااار
اسد : تانا سولتو .... سووولتوو بزاااااف قبل مايدخل ( شد على عينو وزير عليهم ) قتليييه علاااااش باغي تمووووت ..... مجاوبنييييش ( سفيان تخلع تا من اسد لي فهاد الهدووءء خاف توقع شي حاجة لعقلو ) ك ككان ... شاد عينيه . مكيهضرش معايا ... معرفتوش مالو معايا ... مقلق مني ... م مابغاش يجاوبني ....
سفيان : اسد ؟؟؟؟؟؟ ( قرب عندو شدو من كتافو ) نتا بييييخخخيير ؟ ماتخلعينييش كتر من هاكا وقوليا اش واقع ... مااالك فهاد الحاااالة ؟ مضروووب غير فكتفو ياك؟؟؟؟؟؟؟ كتفووو مغايقتلووووش ا اسد ...
اسد : ( كيشوف فسفيان ببؤس كبيير ) الضربة لي .. لي فعدنان ... ممكايناش فكتفو .... الضربة لي فيه .... هي لي غاتقتلنا حناااااا كاملييييين اسفيان .... خووووك باغي يقتتلناااا ( عاض على شفتووو كيحبس فراااسسو ويرجع يهضر ) خوووك انااااني ... كيبغي غير راسو ...(صووووتو اهتز بنبرة اابكاء) خوووك غاااااايقتتتلللللني اسفياااااان غااييييييقتلنيييي
سفيان تخخخلع ديال بصصصصح وشاف واحد القرعة ديال الما محطوطة على واحد طابل صغيرة حدا لكراسا ومشا جابها كيجري وكيخوي ويغسل ليه وججهو ....ويخوي الما فوق راس اسد لي حال عيينووو والما كيهبط عليه وشعرووو كامل نزل على عينيه وسفيان طلع ليه راااسسو ....
سفيان : ل لا .... ل لا هادشي مايمكنش ... لاااا ... ن نتا غير كضحك معايا ؟ ك كيفاش ! م م .. مم مااااايمكنش ..... ( بدا كيقرب لعندو ) ك كيفاش قلبو حابس ؟ كيفاش كينبض اصطناعيا ؟ ل لااااا
اسد : ( كيشوف فيه مطووووول وهضر بحرقة ولوم كبير ) كان ليوووم غاايبدا العلاج ديالو ... ليوم كنت غاندخلو لهنا نشوفو كيف نديرو لعملية .... ( وقف عندو معصب ودوا بالغواااات مطلع فيه صبعو ) كووووون ماشي ققققلة عععقلكم لي داااااااتكم عند عصاااااابة بحال هاديك عدنااااان كان غايكون دابا هنا فاااايق وبييخييييرررر كنقلبو ليه على ححححل وكانت غاتكون باقاااا عندنااا فررررررصة نكلسو معاه مزال ونشبعو منووو حتاااا نلقاو حل مضمووون عاد ندخلووه لبلوووك...... اماااا دابا ...(تحت سنانو مغززززف)راه تحححححت الضضضضغط وحنا هنا تححححت الضضضضغط والاطباااااء تحححت والوقت تحححت الضضضضضغط وتااااحاجة ماااافصصصاالحنااااا.... فيييييييين غالقا ليه انا صمامة تجي معاه فخمسة دسواااايع ديال االنبض الاصطناعي فيييييييييييين .... خخخمممسة دسوااايع مكاافيااهاااش تاباش تجججي فطياااارة وتوووصل .. وحتا الى وووصلااااات عندها غير 5% بااااش تججججي معاه ويننننبض قلبو و 95% مااااااتجيييش معاه ويتسلا العد العككككسي ديال النبض للاصطناعي وخوووووك غااايوووودع ...حييييييت ماعندي حتى حل اخوورر دابا فيدي منغيييررر نخااااطر بحياتو ونركب ليه صماااااامة كيييفماااا كانت ونتعلق فداك 5% بسبااااااااااابكم .....( سفيان تزدخ مع الحيط لوور ) قققلة عععقلكم هي لي وصلاااااتنا لهااااادشي كاااامل ... كانو عندنا فرص ندرسو حاالتوووو فتييساااااع ونقلبو على حلووووول ومانخاطروش .. كان عدنا الوووقت الكافي وقلة عقلللللكم حطااااتنا تحت الضضضضغط وخلات لييينااا خمممسة سوايع ( علا يدو ) خممممسة دسوايع .... اااش غاندييير فيها انا اااااااش غاااانديير ... نربع يدي ونتفرج فخوووياااا حتا يييمووووت ... اش غاااانديييرررر ( كلس شد راسو صوتو كينهااررر وتقلالات نبرة ديالو ولات للهمس ) اش غااانديييير اااااااااش
سفيان باقي مامستوعب والو كيحس بعقلو حابس لييييه ... حيت كلهم مايكونوش كيساويو حتى الربع الصدمة د سفيان ... لانهم هوما كانو عارفين واستعدو قبل مايتضرب ... هو لي تكب عليه كولشي فلحظة ... مامستعد لوالو .... حتى تحط امام الامر الواقع .... هاد الكلام خلق ليها فوضى فعلقو .... مابقا فاااااهم والوووو بحالا سطوكيتي عليه الافكااار ... وهز فقط فكرة وة من داكشي كامل .... فكرة عدنان كيموت ... صااافي .... ناض وقف كيمشي ويييجي ويرد شعرو لووور .. وشاف عند اسد لي كاس غارس راسو .. المنظر ديال اسد لي زعما ماكيقضي عليه وااااالو .... كيزيد يأكد ليه بلي راه بصح هادشي خطييرررر والا اسد لي معروف بالتبات ديالو مغايكونش فهاد الحالة ..... حتى كتبان ليه لامار جايا كتتججججري فالكووولواارر ....وتلاححت على اسد معنقااااه كككتتتبكيييي ... وتاااهوووو عنننقها خاشي راسووو فكتفهاااا ... بحالا كان مختاجها غير هي ...وشدات وجهووو كتشوف فيه وتبكي
اسد دار يديه بجوج على وجهو مخبي ملامحو الضعاااف وعينيه دمعانيين .... وعلاا راسو لفووق متكيه على الحيط ولامار مقداتش تشوفو فداك الحالة وهي اصلا قلبها عالم بيه غير الله ... ملي دخلات لكلينيك هي ورتاج مشات سولات على حالتو وقالو ليهم كولشي ورتاج جاها انهيااررر فاش سمعاتو بلي قلبو توقف وعايش بنبض اصطناعي مؤقت .... هزوها لشومبر ديريكت ...ولامار عرفات الى اسد غاااايكون منهااار داباااا ... قوات راسها بسيف باش توووقف معاه و جات لعندو شادة فيها الفرملية تاوصلت عند اسد عاد طلقات منها وجرااات لعندو حيت قالو ليها ضربو ليه المهدئات وعاودو ليها حالتو كيفاش كانت ..... ناضت لزاج ديال البلووك وعطاااتها للبكااااا عااطية بضهرها لاسد باش مايشوفهاش وينهاااررر كتر... بغااات تخرج الغصة ديالها غير فالسسررر وحداه تبان قوية باش يتقوا حتى هو .... شادة على فففمهااااا كتبكي بالحححس وحرقة كبييرة كتخرررجها فآهاااتهاااا وأنيننها وهي كتفكر كيفاش كان واقف معاااهاااا فأزمتها ولعبو مع قسم غير كتخيل وجهو الضاااحك كتزييييد فالبكاااا والانهيار ..... ووسفيان غير كيشوووف فيهم من بعيد ... واش لهاد الدرررررجة ؟؟؟؟؟؟؟؟ لا ميمكنش عدنان بداك القوة والهبة والوقفة ديااو ..... لهاد الدرجة هو فالخطر ؟؟؟؟؟؟ هو مزال عاجز على الاستيييعاااب دهادشي ...ماحسش براسو تاردوو الحييييط كان غاايطيح علبيه بدووخة وشد فيه ولامار ضارت بززربة عاد شافتو ومشات عندو كتجري اما اسد نااااض مشاااا ملي شاف لامار فداك الحالة تاهي .... ومشا هربان من اي حاجة تزيد تكسرو ولامار شدات سسفيااان ....
حاولات تشد فدراعو اما حتى باش توقفو راه متقدش للثقل ديالو ... ومشاتو بشوية كلس بلاصة اسد وعطاتو يشررب وهي كتششمر بنيييفهاا ووجهها فااااااازك بدموع لي ساايليييين
سفيان : لاماااار ... ( بحرقة ) قلتووولي غير مريييض بالقلب ..... جرح فالقلب بسباب الرصاصة لي كان تضرب بيها ... هادشي لي قلتوو ليييا .... كيييفاش دابا كتقولو معندوش صصصمامات !!!!!! ....اسد كيكدب ياك
لامار : يااااريت كون كان كدوووب .. ( علات راسها كتنهد ) ..سفيييان سسسمعني ... حتى اسد يلاه عرفها ماشي بزاااف ... وانا يلاه دابا عاد عرفتها ... عدنان كان مخبع على كولشي ... كان كيصارع الموت بووووحدو ... كان يشوفنا نهار ويغبر عام غير باش مانتعلقوش بيه ويتعلق بينا حيت كان عارف راسو غايموووت ( كتشهق بالبكا ) ... مكنااااش عارفييييين .... كان كيصارع حدانا ومكنااااش عارفين ... كان كييتعدب غييير بووووحدو ....
سفيان : مكككنتش عااارف ..... تيقيييييني مكتش عارف ...اما انا مااامخلييييييييهش حتى يمشي معايا ( ناض وقف وبدا يضرب بركااليييي بججججهد فالحيط قرب يههههرس رجليه ) مككككنتش عااااااااررررررررررررف مكككتتشششش
لامار رجعات لور تخلعات من حالتو ووهو كيضرب فالحيط بركالي والبونيااات ...جاو كيجريو الممرضيييين لعندو كيشدو فيه وهو كيتلتخ ولامار غير شادة على فمهاااا وهو كيغوت بمكنتش عاااررررررف .. شدوووه بسييف وضربو ليه ابررة فكككتفوو وكلسوه على لكررسي وممرضين معاه كيهدؤووه تابدا يسري المفعول فججسمو ... وكيهدا شوية بشوية بحال شي زلزال ... ورجعات لامار كتتتتبكي ودعي الله يشوف من حالهم ....
عند اسد....فالحمامات
كيغسل وجهو فلافابو ويلتخ وجهو بالماااء بارد على الله يسسسستفق ششششووووية كيشوف راسو فالمرايا بداك الحالة ويرجع يغغغغمض ويزير على عينيه ويقول هاد الحالة ماشي ديالك ا اسد ..... رجع كيغسل فووجهووو ولا كولو كيييقطررر ... وكيينهج .... هو ماشي هاكا.... ماخصوووش يضعاف فاكثر لحظة محتاجو عدنان ...الوقت ماشي فصالخو وكل دقيقة كدوز هي راه كدوز من عمر عدنان ... خصو يلقا حل قبل مايتسلا النبض الاصطناعي لي دايرين ليه ... هز لي لانجيت ونشف وجهو مزيااااان ... وتنهددد معععمق يستعد اسد لي كيعرف...وحل لباب خرج كينصل فدااك التيشورت ... وتحولو ملامحو لداك الاسد القوي .... ولاح عليه غشاء الضعف لي كان عليه قبيلة ورجع لصرامتو والحدة ديالو وجا عندو واحد من رجالو لاح عليه داك تيشورت ومشا باش يحيب ليه واخد اخر ... يلاه كيحل السانسور هو يجي عندو عادل ودخلو لسانسور اسد غير ساكت وعادل كيقوليه كولشي ...
عادل : جوج ساعات وغايكون سلاتو العملية .. غاينقلوه لانعاش بينما وصلات الصمامة لي وصيتو عليها اسيدي ... والطاقم لي طلبتي من اوكرانيا حتا هو راه جاي.... المادموزيل رتاج لي قال لينا دكتور هازة الملف ديالو ناعسة فشومبر 10 بانهيار عصبي خدات زوج دالجرعات دالمهدئ وراها تهدنات ... سي سفيان خدا 3 دالجرعات فالطابق السفلي وحتى هو معاه الممرضين ومدام لامار ...
تحل السانسور وعادل ووما ليع يدو بيمشي واسد كمل طريقو فكولوار طوييل بصصصصمت وهدووووء مصطنع وعينييييين حاااديييين .. حتا جا واحد من رجالو كيجري مد ليه شوميز وبدا كيلبس فيها ماجا فين يسالي اخر صددفة تاكان قدام شومبر 10 .... فتحها وهي تشوفو واحد دكتورة كانت واقفة على رتاج لي شادة على راااسسسها ...ودكتورة كتقيد فواحد ضوسي وقربات عند اسد لي عينيه على رتااااج
وما اسد بعينيه لداك دكتورة خرجااات .. وهو بقا كيشوف فيها ناعسة وشادة على راسها ومغمضة عينيها غييررر بزز... الشفتين ديالها كييررتجفوو وجفوونها تاهوما ...وشاف لرجليها تحت الازار تاهوما كيتحركو بحالا متوتريييين .... وقرب لعندها بشششششوية وقف عليها .... وهي حلات عينيها غير بشوية كطلعو من رجليه وهي طالعة تاشافت عينيه الثاقبين و كترمش فيه ثقييييييلة بالمهدئات .... وكدير فيه نظرات بيعنيها بحالا كتشكي عليه حااالهااا وحال قلبها لي كييينززززف ...حيت عارفاه هو الوحييييد لي غايخس بيها ولي متقاسم معاها هاد النزيف .
حبيبي الأصم الجزء 305
محتوى القصة
التنقل بين الأجزاء