سلاو اجتماعهم من بعد ماتافقو ان هادا هو الحل ... غاتكلف رتاج بالعملية وشق الصدر .. والاخرين غايكونو المشرفين معاها ..ومع الطاقم لي جاي حتى هو ...تافقو باش العملية لولا تكون غير على التوسيع وفك التضييق.. وحتا لمنبعد الشفاء ديالو يديرو ليه الزرع باش ينتظمو ليه الضربات .... يلاه خارجين من قاعة الاجتمعات والدكتور لي كان كيدير ليه العملية جا ...
- العملية سلات ... المريض دخلناه الانعاش ... مزال تحت النبض الاصطناعي نتمنى تكونو وصلتو لشي حل .. حيت حالتو دهورات بزاف ....
رتاج خلاتهم ومشات باتجاه الانعاش وكتسمح بشووية دموع تحت عيينيها لي كيهبطو بدون ارادتهم ... ودكتور رجع دخل لقاعة الاجتماعات كيهضرو على النتائج والحلول لي توصلو ليها واسد تكا على الحيط كيتنفس وسفيان ماشي جاي
لامار : مغاتمشييش تشوفو ممم ؟؟؟؟
اسد : ( تنهد بعمق ) منقدرررش ...
لامار : علاش ؟ سيير ... كنضن غادي يحس بيك ... هضر معاه ... وبين ليه بلي نتوما تسامحتو .. عاودات ليا رتاج كولشي مكانش باغي يدير العملية حيت كان كيتسناك حتى تسامحو .... سير سمح لخوك ا اسد
اسد : منققددرش الامار منقدرش ... ( كلس على واحد الكرسي ) وشكون قاليك اصلا انا مامسامحوش ... ولاكن مانقدرش نشوفو فهاد الحالة انا هاكدا داير ... مغانقدرش ندخل عندو
سفيان : ماشي ضروري يدخل ... حيت عدنان غادي يررجع لينااا مزال .. وباقي قدامنا بزاف داليام لي يهضرو مع بعضياتهم .... علاش يدخل دابا بحالا غايدعو ...
اسد طيح راسو غارسو بين يديه وغير كيتنهد ... اصعب حااجة عند ولاد ابتهال هي يتوادعو مع شي حد ولا يحضرو لشي موقف عاطفي .. لدرجة ديما فاش كيبغيو يمشيو لشي بلاصة مكيعلمو حتا حد ... وديما كيهربو من المواقف لي فيهم العااطفة ولي كتكسر داك الجدار الرجولي القاااسح لي مصطنعينو وكيهربو من اي حاجة تبينهم حسااسييين ... كيبانو قااسسسحين وهوما من داخل ضعاااف بزاااف فبحال هاد المواقف ... لدرجة يشوفو خوهم وسط الاسلاك مايقدروش .... رتاج وصلات حدا الانعاش ... لقات تما المرضين كيشرحو ليها كيف دازت العملية وهي عقلها مرفوووووع ... يلاه غاتحل لباب دخل عندو وهي تجي البروفيسورة لي كانت معاهم فالاجتماع
- دكتورة رتاج ... معندناش الوقت بزاف ... من الاحسن ندخلوه للبلوك .. والطاقم الامريكي فاش يوصل يلحق علينا ... الوقت لي نضيعوه مكانش .. حيت راه عايش غير بالنبض الاصطناعي .... لاكان فاق ندخلوه
رتاج : مزااال مغايفيقش دابا ... غانستاو حتى تحيد منو لادوز ديال التخدير الاول بعدا ... واحد ساعة وندخلوه غير قوليلهم يوجدو لبلوك ولي ماشين لي غانحتاجو ...
بروفيسورة : ( شدات فكتفها ) واش نتي متأكدة ادكتورة ؟ واعية بالخطر لي غاندخلو ليه المريض
رتاج : ماغايكونش شي خطر كتر هذا لي راه فيه دابا ....انا عارفة راسي اش كندير وديري فبالك بلي عدنان ماشي غير مريض عادي بنسبة ليا
بروفيسورة : رراها باينة غير من داك دموع لي تحت عينيك ابنتي ... غانحاولو نديرو كتر من جهدنا ... اذن غير نستعدو ؟
مشات ديك البروفيسورة .. ورتاج حلات لباب علييه بشوووية كان الانعاش بااارد ... غير فتحات تسمع داك صوت ديال تيييت تيييت تيييت ... زادت بخطواتها وشدات وراها الباب .. كان الانعاش مضلم غير اضواء زرقاء خاافتة لي فيه... والضو ديال لي ماشين لي شاعلين ... زادت ببؤس عاضة على شفايفهها مانعة داك دموع ينسكبو .. كان متوسط الغرفة فالسرير حبيس ... ضايرين بيه بزاااف ديال الاجهزة ديال تخطيط دنبضات كلهم شاعلين وكل واحد والصوت لي كيصدر ... دغيا جات عينيها عليييه ... وهوما يطيحو دوك دموع ووقفات فبلاصتها شدات على فمها كتبكي بحححححرقة ... كان مستلقي جثة بااررردة كتفووو ضاير بالفاصمات ... وصدرو عريان وجيهة القلب عاااااامرة اسلاك وواحد الجهاز منغرس فضلوعو تما ديال النبض الاصطناعي غير شوفة فيه كيفاش مغروس فصدرو كتقشعر الابدان ... وتيييوو ففمو وجهاز الاكسيجين فنيفو تقريبا وجهو مغطيينوو الاسلاك كييبناو غير عينيه ناييمييين وراسو فيه داك الطربوش الازرق الواقي ... بحال شي روح ديال شي لعبة كراكيز عايشة كلها بالخيوط و بالاسلااااك .... بحالا ماشي هذا لي عاد دابا شوية كان واقف شاامخ بحال شي جبل وكيقول لخوه انا معااك ...... كتشوف فيه وتفكرر بلي عاد لباح كان معاهاا كييضضحك وضحكتو اجمل من لون الفجر .....غمضات على عينيها كتبلع داك الحرقة ....و زادت بشوية وخطوات بطييئين لعندو بحالا كتستعد تشوفو عن قرريب وقلبها كييييتحرق عليه كيفاش هاد القلب لي كتلة دم وشرايين يستحمل كل هاد الطعنات واخا يكون حجرر غايتأوه ....... تاوقفات حداه ودغيا عينيها جات على داك الوشام فكتفو لي غير من تحتو شوووية كاينة الفاصمة ... وهي شادة على فمها بجوج يديييها حتبسة راااسسسها وحابسه شهاقاتها الضعاااف وسط جوفها كيرتجفو ..... لي الطابيلية البيضاااء ورداء الدكتورة ما قوات فيها والو ..... ماشي اي مريض قدامها ... هذا راه عدنااان ... لي ملك قلبها وكيانها وكل مافيها . .. لي هداتووو رووحها وهداتو حبها كلوووو ... ويديها بداو كيرررتجوو كتمدهم بزز ليديه بووشششوية وشدات فيها زيرااااات على صبعانو الميتين وهي طيح على ركاابيييها هبطات لمستواه وحطات راسها على يديه وكتبككي بالحححسسس و بقهررة كبيررررة
رتاج : عدناان .. م مايزعجوكش هاد الاصوات ... ماتخافش من صوت هاد النبض الاصطنلعي انا عارفاه غايكون مصدعك وكيحرقك فكل نبضة ... ماتهلعش من قلبك لي سسكت ... تييييييقني غانخليه ينبض من جديد ... غايرحع يدق كيف لول . ....واعدتك ... وكنواعدك .. وغانواعدك .... بلي غاترجع توقف على رجليك كيف ككككنتي ....ماجيتش ووليت دكتورة غير بصدفة .... وما ختاريتش انني نختص فجراحة القلب غير بالصدفة.... كلشي كان قدر مقدر باش نعااااالجك نتا واحد نهار ..... تيق فيا انا مغانخيبش الثقة لي حطيتيها فيا ونعرف نموت فيها ... كنواعدك احبيبي غنرجعك لحياتك .. لخوتك ... لاحلامك ... ولياااا ... ك كن.... كنقسم ..... كنقسم بححححبي ليك ... انني غانرجعك كيف كنتي وحسن ( كتشهق وتبكي على يديه ) وووووحسن ححححححسن .........
تنهدات وناضت بشوووية كتسمح فدموعها
رتاج : رتااج .. رتاج نتي مخضكتش تبكي .. نتي دكتورة .. ونتي علامن كولشي معول عليك لليوم ... خصك توفي بالوعد لي عيطيتيه ( شافت لعندو ) هاهو جا النهار لي كيتسناك ارتاج ... قنعتيه لبارح باش يتيق فيك ويتلاح لعندك ... هاهو عدنان ليوم فاعلى برج باغي يتلاح ... شفتيه شحال كان مترررد ... كاع اليدين ممدودين ليه ... ومكانش باغي يتلاح ليديك .. ولاكن نتي قنعتييييه وواعديتيه بلي حتى يد ماغاتقدر تشدو من غيرك .. كلهم غايفلتوه ونتي لا ... عطيتيه هاد الامل حتى لشاف عندك وقبل انو يتلاح فيديك ... اوا كووووني قد المسؤوولية وقد الوعد لي عطيتيه ... نتي خصك تكوني قووية باش تششديه .. هادد الدموع لي غادير الضبابة قدام عينيك وتخسر ليك االروئة قدامك معندك ماديري بيهم ... نتي خصك ليوم تشوفييي مزيان كتر من اي نهار ... تشوفي كولشي ... مخصكش دموووع ارتاج ... ( كتسمح دموعها ) كوني قوية .. هدا مريض بحال كاع المرضى هذا ماشي عدنان حبيبك لي كتخافي عليه ... مريض وصافي .. باغا تفرحي عائلتو وتقوليلهم نجحات العملية ... هادي معرررركتك ارتاج واهم معركة فحياتك .... قطعتي عهد على راسك انك مغاتخرجي من داك البلوك الا باش تقولي لعائلتو العملية نجحااات ..
تنفسسسااات مزيييان .. وبدات كتقرب لعندو حتى وقفات على راسو ... ويديها كيرتجفو وكتحاول تحكم فيهم وهزات المنظار ... وبدات كتحل ليه عينييه بشووويييية وتشوف فيهم بداك الضو ... وبدات كتفحص فيه وهي كتفادا تشوف لوجهو وهو كيتنفس فداك الجهااززز كايتسمع شهيقوو وزفيروو. .. ورجعات وقفات
رتاج : متخافش .... نتا غاتولي بيخير .. معاك دكتورة رتاج الباني .. اخصائية فجراحة القلب والشراييين ... ومكلفة بالحالة ديالك ( صوتا منغنغ وكتحكم فراسها باش تقنع راسها الى هذا غير مريض عادي ) دير فينا الثقة ... وطلب الله يعاونا ويكون معاك ... عائلتك كتسناك باش تفرحهم ... خوك اسد واعدني باش نرد ليه خوه لي مازال مارسم معاه حتى شي دكرى زوينة ... وبغا يعنقو .. ويتسامحو ويقوليه خويا.... وينساو الماضي ويبداو صفحة جديدة ... وخوك يفيان ... لي شاف فيك الاب والاخ .... ولي ماشي بزاف باش تعرف عليك ووولفك بزاف .. و واعدتو حتى هو نرجع ليه خوه الكبيررر ولي كان واقف معاه فكاع المصائب ديالو .... وخوك يونس ... لي مافخباروش اش واقع ... حتى هو واعدتو باش نرجع ليه خوه يهز ولادو بين يديه .... واعدتو باش ولادو غايكون عندهم 3 دالعمام ماشي غير زوج ... وقسسم ... تاهي واعدتها نرد ليها عمها ... لي فاش كيكون باباها كتقول ليه عمي وفاش كيغيب باباها كتقوليه بابا .... ولي اول من قتلت ليه كلمة بابا قبل مايسمعها باباها ... تاهي كتسنااااك ... ولاماارر لي لقات فيك خوها الكبيرر لي معندهاش وسندها لي عولات عليه فاصعب الاوقات لي مرااات منهم ولقاتو فجنبها ..... وو ... ( تزير صوتها ) و واحد اابنت حتى هي ... حمقة وهبيلة و كتسطى عليك ... تاهي كاتسناك على برا وواضعة فيا ثقة كبيييرة ... وواعتدها غانرد ليها حبييبها واقف على رجليه ويكملو حياتهم مع بعض ويجيبو وليدات زوينين .... خليتها على برا فواحد شومبرر طايحة يانهيار عصبي ... واااعدتها ... ومغنخلفش بوعدي .... حتى نتا عاوني نكون قد هاد الوعود لي عطيت كاملة و نوفي بيها ... كون قوي .. وقاااوم واستحمل ....
تنهدات ومسحات دموعها وعلات يديها شافت لساعة .... باقي ساعة دالمكانة يلاه يحيد منو ااتخدير الاول ... العملية ديال ازالة الرصاصة استغررقات 60 دقيقة لان عطلاتهم ااسكتة القلبية وتركاب ديال النبض اااصنطاعي .. اذن مشات 60 دقيفة من الخمس ساعات ديال النبض .. دابا بقات قدامها 4 دساعات ... ساعة يلاه يحيد منو البنج الاول ... كتبقى ليها غير 3 دسعات وهي توسع عينيها .... ماكافيااهاااش .. هي على الاقل غايخصها تلانة ونص ... ادن غاتقواا عليييها الخدمة بالمعقول وغايزيد الضغط... وغايخضها تخدم تحت العد التنازلي ... هادشي غير مزاااد وترها كتر وكترررر تا العرق سالات على جبييينها بااردة .....
كلسات على واحد الفطوي تما وشاداا على قلبها لي بدا يضضرب وغير مازادت توترات ملي شافت ان الوقت يمكن مايقدهاش ... وغايكست النبض الاصناعي قبل ماتسالي العملية وغايموت ليها وسط لبلوك ... دابا عاد حسات براسها فعلا قدام واحد المهمة صعععيبة وشبه مستحيلة ... رجليها بداو كيلعبو بالتوتررر خصها ضرووري هاد 3 دساعات تشوف كيفاش دير فيهم وتخدم بسرعة كترررر ... وخا هاد للعملية كتحتاج لبزاف ديال التأني والتكرييييز ... لقات راسها غاتششتت بحال هاكا وهي مخصهاش التوتر ... وناضت عندو باستوو مطططووولة فجججببهتو وهمسات فودنيه ببعض العبارات بالهمس .....
رتاج : كنبغيييييك بزاف .. واخا كولشي ضدي حتى من الوقت بغا يولي ضدي ... انا غانوفي بوعدي ونتخطى كولشي .... حبي ليك كبر من اي عائق قدامي .... عاوني وشد فيديا مزيان باش نرجعو بجوجنا لهاد الدنيا .... حيت نتا لا متي انا غاااانتبعك ...
ناضت عليه وخرجات ...يلاه خرجات من الانعاش وهي تشد على قلبها وهبطو داك دموووع كلعا كترررعد خيفاانة وكاتفكر بلي خصها شي حاجة لي تحيد ليها هاد الخووف وتقوبيييها وتصبر كتر .... وهي نتحيد داك الطابلية لاحتها تما على لكراساا وخرجااات .....
لامار كانت فالكافيتيريا لتحت جابت قهوة لاسد وسفيان.... يلاه وصلات لقات غير سفان لي كالس تما شااااحب وعطات ليه كاسو وحطو حداه
لامار : فين اسد ؟
سفيان : معرفتش ....خرج ...
لامار : ماجا حتى خبار ؟ عدنان فاق
سفيان : جات وحدة كانت فالاجتماع قبيلة ... قالت لينا بلي غير دوز واحد الساعة يتيحد منو البنج عاد غايدخلووه لبلوك ... واسد ورا مامشات خرج تاهو ...
لامار : مكنعرفوش شنو كيكون مكتب لينا الله ..داكشي علاش دييييما نقول ان شاء الله .... ففف .. انا عارفة ماشي وقت هاد االخبر بصح .. يقدر هو لي يفرحك شوية وسط هاد المصايب كاملين ويرجع ليك الامل بلي عدنان غايتشافا
سفيان : ( ضار عندها ) شنو ؟
لامار : اسد ..... اسد راه كيسمعنا
سفيان : شنوو ؟؟؟؟؟ ك كيفاش كيسسسمعنا ؟؟؟؟؟؟؟
لامار : يلاه عرفتها هاد للصباح .... باقي تا ما كملات فرحتنا .... را هو كيمسع كولشي غير كان كيتسنا الوقت المناسب لي يقولها لينا ....
سفيان : ( وقف قلبو كيزدح ) واش كتهضري بصاااااح الاماار ؟؟؟؟ و واش غير كيحرقوه..... لا سمع غير شي حاجة ..ولا راه كيسمع نيشان ؟؟؟؟؟
سفيان : ولاكن كيييييفاش ؟؟؟؟؟ راه باقي كيشوف لشفايفنا
لامار : غير بقات فيه عادة وصااااافي .... اما هو راه كيسمع ... يعني ربي لي قدر يرجع السمع لاسد بعد هاد السنيين كاملة ... ويزرع الحياة فودنيه ... قادر يزرع الحياة فقلب عدنان .. غير خلي املك فالله كبيرر
سفيان بقا مدة غير واقف كيشوف فيها ورجع كلس
سفيان : عرفتي كون سمعت هاد الخبار فشي ضروف حسن كنت غانكون معرفت اش درت .... باقي ماااامتيقش واش صااافي تهنا من اعاقتووو وكيسمع صوووووتنا ؟؟؟؟؟
لامار : تانا باقي مزالا لحد الان مامتيقاش ...لدرجة وليت كنهضر حداه ورادا لبال لصوتي وكنسمع تانا صوتي معااه ونشوف كيفاش كيتسمع ليه تصور!!!! ... هو راه منهار فاق من الغيبوبة وهو كيسمعنا .. قاليا عدنان فخبارو وحتى رتاج ... قاليا كان باغي يقولها فعيد ميلاد قسم .. بصح بصدفة اكتشفت صباح الى كيسمع ... حيت قالي نقصي لموسيقى صدعتيني
سفيان : مكنتش داير بحساااب هاد الخبار كااااع ... صراحة كان خاصو شي ضروف حسن باش تكمل فرحتنا
لامار : انا قلتها ليك غير باش نخفف عليك شوية..وربما الحكمة دالله انه خلانا نعرفو هاد الخبار نهار مرض عدنان ... باش نزيدو نقيويو ثقتنا فالله انو قادر علة كل شيء .... ومنكدبش عليك مكرهتش بالفرحة اي واحد نتلاقاه فالشارع كنعرفو ولا مكنعرفوش نقولها ليه .. ولاكن صاافي دير راسك مافخباركش حتى يقولها ليك هو صافي ؟؟؟؟؟ قوليا بعدا شنو سباب تاتخطفات حياة ؟ وشكون دوك نااس ؟؟؟؟؟؟ واش هوما لي ضربو عدنان ياك
سفيان : شديناهم دابا تانساليو من هادشي ونمشيو نتفااهمو معاهم ونعرفو شنو كاين ... راهم هوما نفس الناس لي خدينا عليهم لفلوس فاش كنا محتاجين نخلصو دوك شيكات لي خلا لينا طارق فاش كان اسد كوما عقلتي ؟؟؟
لامار : ااه كان قالي عدنان عندو منين يجيب وهو غايتكلف .. بصح على ماقالي رديتو ليهم دين اش بغاو منعندكم مزاال و اش وصل حياااة ليهم ؟
سفيان : هادشي لي كنحاول نفهم ..ولاكن كولشي جا فخطرة وحدة ومابقينا قادرين نفكرو فوالو من غير عدنان داباااا ... لامار حياة راها فدار ؟؟؟؟؟ وصيتيها ماتخرجش
لامار : لا راه الكارد مغايخليوهاش دابا غير تهنااااا وكون هاني راني خليت معاها قسم مغاتخليهاش بوحدها .....
عند رتاج ....
وصلاتها طاكسي للبلاصة لي بغات.... ونزلات ودموع باقين فعينيها وحالة كئييييبة على وجهها... الريح كان كيههب كيدي شعرها .... وهي واقفة قدام البوابة ديال حديقة الاطفااال ... كتشوف مع البوابة محلوووولة للعموم وبزاااف ديال صداااع لداااخل والداخل والخارج ودراري صغار بزاف شادينهم مواتهم فيديهم لي خارج بالبالونات ولي خارج بغزل البنات فيديهم وكولشي كيضحك فرحااااان ... مسحات دموعها باش توضاح ليها الروئية وزادت بخطوات مجرووورين .. دخلات وبدات كضور عينيها مع المكان شحال صااااااخب بحالا ماشي هو هداك المكان الهااااادئ لي كانت فيه البارح مع عظنان .. كانت غاطيييح بقوة ماااسهاااات تالقات راسها شدات فواحد الكرسي ديال لحديد ورجعات قدات للوقفة ديالها مزياااان عاضة فشفايفها مابقات كتشوف والو بدمموع .. وحديثهم كيتعاود فمسامعها مللحظة لي شافت هاد لبلاصة ....
رتاج : عدنان حمااااقيتي ؟ كاين شي حديقة مع تلاتة دصباح ؟ ...
رتاج : انا راه مقلتش ليووم اعدنان هههه راه تلاتة صباح حتا لمنبعد
عدنان : لا دابا ..........مضامنش واش غانكون معاك من بعد ....
زيرات على يديها فداك الكرررسي وكتشهق وكتتتببببككككي ودراري صغار دايزين وكيشوفو فيها .... وكيقولها منعرف مالها ... ..
جمعات راسها ومسحات دموعها وبقات زايدة كتمشى وكتشوف مع داك الالعاااب وداك الصخخب كااااامل ... بحالا مابغاتش يلعبو هنا ..جاتها بلاصة كاتخصها غير هي وعدنان علاش يدخلو ليها ...بحالا كيزطمو فيهم وفدكرياتهم .... وكتشوف كيفاش هاد المكان تببببدل مابقاش هو ديال لبارح ... بحالا لبارح كان فالخيااال ماشي فالواقع ... داك المكان الهااادئ والكئيييييب و العياااااان ... كيفاش تبدل دابا ولا كولو نشاااط وحيوية .........وهي كتفكر هضرتو لي عاد تأكدات ليها دابا ....
عدنان : لي شاف هاد البلاصة هادئة هاكدا مايقولش انها اكثر بلاصة كيستمتعو فيها الناس ويلعبو ويضحكو ويغوتو ... واكثر بلاصة كيكون فيها الصخخخب .... هي ديال دراري صغار ... كتزرع فيها الحياة ملي كيكونو دراري صغار فيها ... وغير كيمشيو كتمشى منها الحياة .. وكتولي باااااردة وهادئة بحال هاكا كتحسي بهاد الالعاب كاملين مكتئيبين (حرك واحد الميزان وتحرك بصعوبة بحال ثقيييل ودار واحد الصوت عيااان ) ... غدا رجعي شوفيهم كيفاش غايتزرع فيه الحماس غاتحسيهم فرحانين لان جاو دوك لي هوما مديورين على قبلهم ...كدالك حنا ... فاش كيكون داك الشخص ديالنا غايب ... كتلقاينا تماما بحال هاد الالعاب مكتئيبين وانطوائيين وكنبانو معقدين لنااس ومكنعرفوش نضحكو ومملين .... ولاكن غيررر يجي هذاك لي خاصنا ... كتزرع فينا الحياااة وكنضحكو من قلبنا ... وكتفاجئي بابتسامات زوينة كتبدا ترسم غير بوووحدها على فمك
كلسات على واحد الكرسي تما وباقا فبكائها لي حتى كتقول نتوقف وداكرتها كتجيب ليها مقتطفات من الحديث لي ضار بيناتهم وترجع تبكيييها .... كان عندو الحق تبدلات الحديقة بحالا فعلا كانت كتسها غير ناسها ..... منظر الحديقة لبارح بليل ...كان بحال وجه رتاج دابا باااااارد و عيااااان وفشلان .....ولاكن ملي شرقات الشمس وجاو الوليدات الصغار تزرعات الحيوية بين هاد الالعاب .... كدالك وجهها ولا عندها يقين ان القوة لي زرعات الحيوية فالالعاب الكئيبن ديال ليلة لبارح .. هي نفس القوة لي غاترجع الضحكة والنشاط لوجهها... مشات عينيها لداك العجلة ... كتقول مع راسها دوك ناس لي راكبين فيها ومستمتععين مع لي راكبين معاهم يقدرر غدا حتى هوما يجيو لهنا ويتفكرووو دكرياتهم ... سهات فيها بزااااف وهي كتفكر ليلة لبارح ...كأن هاد الاصوات كااااااملة لي فالحديقة سكتووو وتبكمو ..ومابقا كيتسمع غير صوتها هي وياااااه بواحد الصدى بحالا كيهضرو فراس الجبل .... حيت الصدى دالاصوات مكونش غير فالاماكن الفارغة ..كيكون حتى فالقلوووب المخنوووقة ....لي ملي كتسممعهم كتبتسم وسط بركة دمووووع
حبيبي الأصم الجزء 307
محتوى القصة
التنقل بين الأجزاء