صورة مصغرة لـحبيبي الأصم الجزء 308

حبيبي الأصم الجزء 308

habibi 7abibi l2asam
رواية حبيبي الأصم

- اء ؟ كيفاااش مالقيتيش راسك ( مدات فيها يديظاتها الصغيورين ) اوااا هاااانتي ؟؟؟؟
رتاج : لا ... هادي ماشي انا ابنتي ... هادي وحدة ضعيييفة بزااف .. وخوااافة.... ومابغاش توفي بالوعود ديالها .... انا مدايراش هاكا ( داك البنت غير كترمش فبها ) انا د دكتورة ... وكنستعد لكاع الاخطار .. ودخلت لشحال من عملية ونجحت فيها ... انا وحدة كاع ماكتخاف انها تخسر شي عملية ... انا كنت مكنخاف من والو ويلا درت شي حاحة فراسي كنوصلها ..والى واعدت كنوفي ... ومكنتراجعش .... ومكنفكرش بالعاطفة فوقت خدمتي ... توضرت على راسي .. تلفت ابنتي .... ( شافتها غير كاتشوف معاها وبدات تقاد ليها شعرها على وجهها ) م ماتديش عليا..... نتي مغاتفهمنيش دابا ولاكن ملي تزيدي تكبري شوية تقدري تفهميني ...وتعرفي علاش انا كنقلب على راسي لي موضر فراااسي
- و واش كاين شي حد كيتوضر على راسو فراسو هاااااء ؟ ( ببراءة علات جوج صبعين ) واش نتي فيك زوج ديال نتي ؟؟؟؟
رتاج : ( كتشمر بنيفها ) نهار غاتكبري ... وتولي قدي ...وتقدري تبغي شي واحد ... يمكن غاتفهمني ... حيت فداك اللحظة غادي يولي فيك جوج ديال نتي ....واحد نتي مابغاش تكون ضعيفة للحب ..ووواحد نتي ضعيييييفة بلا قيااااس وكتستسلم دغيا... وديما غاتبقاي توضري بيناتهم شكون نتي فالاصل ..... 
- م مافهمت والو اخاااالتي 
رتاج : ( طولات شوووفة فيها حسداتها عللى هاد السن وعلى هاد البراءة وعلى هاد الهناء الضميري لي عايشة فيه ) ماديريش فبالك ... والى سولاتك ماماك معامن كتهضري ...قوليلها غير واحد الحمقة ...
نزلاتها لارض ... وباسها فراسها ...
رتاج : ممكن طليبة الغزالة ؟
- اه اخالتي 
رتاج : تغمضي هاد العوينات الزوينين ...وتقولي بقلبك يااااااربي تشافي عدنان .... وتنجح العملية ....
ديك البنت غمضات عويناتها وسكتات ورجعات حلات عينبها 
رتاج : قوووليها
- قلتها اخالتو 
رتاج : مسمعتكش 
- لا اخالتو قاتلي ماما ... . الى دعينا بجهد وسمعونا مكتقلبش خصنا ندعيو فنفسنا ...
رتاج ابتسمااااات وعنقااااتها ورجعات كاتشوف فيها 
رتاج : باينا ماماك معلماك بزاف ديال الحوايج ... معلماتكش منين تكوني خااااايفة ديري شي حاجة شنو خصك ديري باش تششجعي؟

- ( كتنقز وتهضر) ااااه علماتني علللماتني .... مكنتش كنعرف نعوم وكنت كنخااااف من الما فلبييسييين ديال داارنا. . وهي تقوليا خصني نووقف ونشوف لسمااا لفوووووق ونقووول بلي انا شجااااعة ومكنخافش ... والخوافييييين كاااع مكيفكرو اصلا يعووموو .... ومانشوووفش للما لي كيخلعني باش مانرجعش نخاف ... ونفكر بلي صاااافي تلاحيت فالما ةعرفت نعوووم وخرجت وساااليت .... ونغمص عيني ونقول باسم الله ....ونتلاح فلابيسيين ... ونقول غير كنعرف نعوم الى قلت مكنعرفش نعوم قاتلي ماما غانغرق ... واخا مكنعرفش نقول انا كنعرف .. 
رتاج : ممممم عرفتي علاش ؟ حيت حنا كلنا ساكننا واحد الممثل ماااهرر فالداخل ديالنا ... كيعرف مزيااان يمثل ... والى فيقتيه فلداخل ديالك وقلتي ليه يمثل بلي هو كيعرف يعوم وخا مكيعرفش .. غااايعرف يمثل انو كيعوم ... هداك الممثل سميتو الثقة فالنفس.....نهار لقاو راسنا مكنعرفوش يكفي نمثلو اانا كنعرفو ...وغانتصدمو فتمثيلو شحال متقون ... وهو لي خلاك تعومي ياك ... 
- اااه اخاالتي هو ... درت راسي كنعرف ...وانا لقا راسي كنعرف هههه ...( داك البنوتة كتهضر بواحد الضحيكة لي كتزرع التفاؤل فالقلوب و باينة عليها شطوورة ومطورة وكتعرف تهضر ) 
رتاج : ( بضحكة وسط دموع ) ونجحتي ؟ .
- اااه اخالتي حيت ماماا كاع مكتكدب .. ملي تلاحيت فالما مابقيتش كنفكر فوالو منغير انني كنعرف نعوووم وغااانخرج من لابسين ونقوليهم ايييييييهوووو هانا عرررفت نعوم ومابقاوش صحابي يضحكو عليا وماما تفتخر بيا ... وملي بقيت كنفكر غير هاكا وفي فالحوايج زوينين صااافي عرفت نعوم وخرجت من لابسين وكاع ماخفت من الما ... وكون فكرت بلي غانغرق وغانموت مكنتش غانجح ... ماما كتقوليا منفكروش فالحوايج الخايبين ونفكرو غير فالزوينين... حييت الى فكرنا فحوايح زوينين كيوقعو ويلي فكرنا غدوك الخايبين كيوقعو لينا ....
رتاج : د دابا .... ( بدات كتفكر الخطوات لي قالت ليها ) دابا انا خصصصني نوقف ونشوف لفوق ونقول انا شجاعة ومكنخافش ..والخوافين مايفكروش اصلا يدخلو لقاعة العمليات ...ومانشوفش فعدنان لي كيخلعني باش منتخلعش ومانخافش ...ونفكر بلي صااااافي شقييت صدرو ووسعت صماماتو وسلااات العملية ...ونغمض عيني ونقول بسم الله ....ونشق صدرو ...ومغانبقا نفكر فوالو منغير انني خرجت من البلوك ونقوليهم حتا انا نجحات العملية ويفرحو كااملين ......نفكر غير فالحوايج زوينين باش يوقعو ومنفكرش فالخايبييين .... ياك ؟؟؟؟؟؟ 
داك البنت مافهمات والو من غير حركات ليها راسها بآه ورتاج ضحكات ليها ومسحات دموعها وناضت وقفات .... ودعاتها وخرجات من الحديقة كتججججري بزززربة توصل دغيا لاكلييينييييك وصوووووتو فوودنيها كتعاااوووودد وهي كتتتتجججري وكتشوف لسعتها بقات ليها غير ربع ساعة فعدها العكسي
عدنان : .... نتي غاتخليني نعاود نحل عيني مره اخرى ؟ 
رتاج : عدنان ... منقدرش نقوليك شي حاجة او نواعدك انك غاتحل عينيك ... ولاكن لي نواعدك بيه هو اااخررررررر ما غايبقى لي من جهدي غانديرو .... واخخررررر حل غايبقا ليا غانديرو .... 
تلاحت على واحد طااااكسي وقفااات ليه ةسط طرييييق وطارت دغيا ركباااات 
رتاج : دغيااا اخوياااا عفااااااك ... دغيا راه عندي عملية .... منطقة الروكان البحححرية لازون A سسرررررربي ...... 
زاد داك مول طاكسي وهي تكات على الكوسان كتشوف لفوق وتنهج والابتسامة بدات كتشكل على فمها داك البنت زرعات فيها الحيوية والقوة من جديد ...... وقالت بابتساامة وقوة وحدة ....
رتاج : انا شجااااعة .. انا مكنخافش. .. الخواااافين مكيزعموش اصلا..... انا غننننججح .... غااانجح ....انا كنعرررف ...انا غانقدر .... انا غاااانجح هههه 
بدات كضحك حيت حساات برااااسها فعلا قوووووية وتزرعات فيها خلية من الحماس للعملية ... و شوية من التفاااؤووول ...... وفعلا ملي قنعات راسها اننها شجاعة ... بعد الضعف من قدامها واستفاق هذاك الممثل لي ساكنها .. وغايأدي دور الدكتورة الشجااااعة النااااجحة بإتقااااااااان كبيرررر .... 

كلما حسيتو بالضعف ... آمرو داك الممثل لي ساكنكم يأدي دور القوي الشجاع ...وغايبهركم بأدائو ... ويخلي لكل قدامكم حال فمو ...وكيتساؤلو .. واش هادا نتا ؟ .....

اسد كان فالجامع ديال المنطقة صلا معاهم صلاة العصر جماعة .... وكلس فواحد الركينة ربع رجليه .... وبدا كيقرا القرآن سورة ياسين .... وكلس مممدة كيدعي معاه بالشفااااء ... حيت معندوش شي حد يعول عليه كتر من الله سبحانه لي زرع السمع فودنيه بمعجزة ... قااددر يزرع الحياة فقلب خووه بمعجزة ... شاف لسعتو لقا مابقاش بزاف للعملية ...ونااض زاد صلا جوج ركعات بحالا ماسخاش وكيزيد يأكد على الله باش يقبل ليه دعائو بغا يكون عبد لحوح ..رجع لكلينيييك ...
لقا لامار بقا تما كتمشي وتجي هي وسفيااان ... شافتو وقربات عندو عنقاتو مدة ضاماه لصدرها ورجعات شافت فيه 
لامار : نتا بييييخير ؟؟؟.؟ 
اسد : ( شد على يديها لي فوجهو ) غير هاد نتا بيخير بهاد الصوت الحنين كافية ترجعني بيخيير كيف ما كنت .... معامن خليتي قسم 
لامار : مع حياة ماتخفاش عليها يلاه عيطت ليهم لدار قاتلي نعساتها وكالسة حداها. ..
خلاهاا ومشا كلس كيتنهد وسفيان كيشوف فيه فرح بعدا شوية ملي كيسمع بصح مابغاش يقولهالو دابا حيت لا لوقت ولا المكان مناسبين ... 
سفيان : مزال ماااغاايبداو هادو ؟؟؟؟
اسد: غايدخلوه دابا ( كان هضر معاهم لفوق ) 
لامار : ياااااااربي تكون معانا يااااربي ..... يونس مغاتقولة ليه وااالو !! 
سفيان : خلي حتى تسالي لعملية بعدا. .... . 
رتاج حطاتها الطاكسي خلصاتها وكملات على رجليها كتجرري حيت ممنوع تدخل طاكسي للمنطقة .... ومشات للبيرو لقاتهم صافي متافقين يدخلوه كانو كيتسناوها غير هي ... 
البروفيسور : مادموزيل ... خصك تعرفي بلي عندنا غير 3 دسوايع ؟؟؟ قاداااك ؟؟؟؟؟
رتاج : م معرفتش .. غاانحاول . اكيد غاندير اي حاجة ..... 
البروفيسور : حنا غاندخلو المريض لبلوك .. بين ماوجدتي راسك ....
مشاو هوما ...ورتاج جابت ليها الممرضة اللباس لواقي لمعقم وليكات ومشات تلبسهم ..... 
وعدنان كانت معاه البوريفوسرة لداخل كتفحص فيه 
البروفيسورة : سي عدنان ... سي عدنان لاكنت كاسمعني ديرر ليا شي اشارة ... 
عدنان عينيه كيتحركو بشوووية تحت جفونو حيت المخدر مشا منو ... مواعييشش برااسو وكاع واحتمال ملي يفيق نيشان مغايعقلش كاااع ... باقي دييخان .... وكيحاول يحل عينيه شوية بشووية 
بروفيسورة : مزيان ( كتشوف لعند الممرضين لي معاها ) المرييض فاق .... مستعد لتخدير الثاني .. غاتكون لادوز مضاعفة ... وحاولو نتماشاو مع انبض الاصطناعي ..دكتورة رتاج جات ؟ 
ممرضة : اه وصلات ... غاندخلوه دابا لبلوك .... 
البروفيسورة : مزيان ( شدات فيه ) ربي معااك اولي .. ان شاء الله نعاودو نشوفو عينيييك ... عاونا حتى نتا وخلي ايمانك فالله سبحانه تعالى قوي .... الله يعاونا ويعاونك ..... 
خرجات البروفيسورة وعدنان داروه فوق السرير المتحرك بالاجهزة ديالو وهو ديييخاان ..... كل مرة كايحل عينو شوية ويرجع يشدهم ..كيحاول يركز غير فين هو وشنو واقع .... ودخلوه لسانسورر هابطين بيه لاكاف ...

تحل السانسور فطابق السفلي وهوما مغطيينو بليزار كيبان غير الرأس ديالو ... ولامار تخطفاااااات كاملة وقفات وسفيان تاهو دغيا ضور راسو .... 
لامار : هااا عدنااان ...( مشاات كتجري ) عدنااااااان 
اسد يلاه غايضور ....وهو ييجججمد .... لمحوو فداك المنظر بكل هبببتوووو ملقي على السرير المتحرك يضعف كبيييرررر وكولو خيوووط واجهزة وجسدو ميييت ..... ووووهو يضورررر كولووو دغيا لجهة الاخخررى غطا بالضهر .... وكينهج ..صدرو كييطلع وكيهبط ماباغيييش يشوفو ... بحالا تغدرر وشافو ... وهو مخطط مايشوفوش كاع .....وسفيان شاااف اللقطة بحال شي ولد صغير وريته فليم دللرعب على غفلة ... بدا كيسرط فريقووو وهررررب كاع منتما غير باش مايسمع والو وماتوثق تاخاجة فدامرتو من هاد اللحظات لقباح لي كيتسناهم امتى يساليو هرررب منهم مابغا يبقا عاقل على والو ... مايشوف ماايسمع ..... ومشا بزززربة معارفش فين داينو رجليه تاوصل قداام الدروج وطاح كلس عليهم شاد على رااااسووو بججهد كيدابز مع داك الصورة لي شاف فيها عدنان دابا فوق داك سرير جارينو الممرضين تبعد من قدام عينييييه وكيدابز مع راسو علاش شااااف ....هاهي دابا غاتبقا ممرضاااااه طول حياتو ..
لامار مشات لعند عدنان وشدات فيدو وسفيان تاهووو كيتحكم فرسو ويبااان قوي ومايبانش حداه ضعيف ....
لامار : خويا عدنان ... حنا كلللنااا هنا معاك ماااتخااافش كلنا كندعييييو معاك ررررربي يشااافيك ويردك لينا اخوووويااااا ... كولشي غاايدوز بيهير تيق بيا .... 
عدنان سمع صووتها وبدا كيحل بشششووووية عينيييه وشاف فيها كتتبكككي وجهها كولو فازك كتنخصص وابتسم ابتسامة عياااااانة بحالا بغا يقول ليها شي حاجة وماقادش طرجمها غير فداك الابتسامة الباهثة ... وعلا عينو لعند سفيان لي غير واقف ماقااد يقول تاكلمة غير كيشووف وبعينيه قال بزاف دالكلام وترجاااه غير بنظراااتووو ...غير من عينيه تفهم شحال هووو محتاج ليه وباغيه ....و حاااابس راسو بسيييف ومزير على لقبضة ديالو وداير صبر ديااال الحجرررر ... وعدنان شاف فييييهم بواحد النظرة ضعييفة بحالا كيقول ليهم ماااشي بيدي. .. . تاانا ماسااخيييييش بيكم ....... ماقدش تاسفيان يبقا يشوف فيه .... وبععد عطا بضهرو تاهو باش تايلا عينيه تعمرو بدموع مايشوفهم حط ..... 
لامار : حنا انتسناوك هنايا .. ش شوف راه تا اسد هنا ماتخااافش .. غ غير .. غير ماقدش يشوفك .. قسسم كتنساك اعدنان بغيتك ترجع وندي ليها عممهااا لي كتسناه ( عدنان سايلة ليه واحد دمعة من عينيه كتزيد تأكد شحال مساخيش بيهم وناباغيش يمشي ويخليهم ) دير ثقتك فالله وتوكل علييييه ... حنا متفاألين رتاج غادي در جهدها كامل وعندها الحل لي خاصك ... وكلنا معولين عليه وعلى قوتك و على الله ... ماتخاف من والو عفااااااك ... 3 دسوايع وغاتحل عينيك تتلاقا كللنا حدا رااااااسك ... تييييييق بيا .....

يتبع...