صورة مصغرة لـحبيبي الأصم الجزء 309

حبيبي الأصم الجزء 309

habibi 7abibi l2asam
رواية حبيبي الأصم

داووه مدخلينو لبلوك وهي باقا كتهههضر معاه وتنخصصص وتبكي .... تاجا عندها سفيان عنقها لي تاهو دعدع بالمعقووول كيتآكل غير فلداخل ديالو .... واقبح حاجة عنهم هوما هاد المواقف .... حيت كيفضحو ضعفهم لي كيخبيوه .....
اسد بقا فداك دروج مهبط راسو بين يديه مغمض على عينيه ....حتى حس بشي يد تحطات على كتفو ... لقاها بنت لابسة كولشي زرررق وعلى فمها كمااامة ركز فعينيها عاد عرفها رتاج ورجع شاف قدامو كيتنهد ..... وكلسات حداه ... شافت لساعتها وشافت لعندو وهو كيشوف غير قدامو 
رتاج : باقي 2 دقايق ... الهضرة لي باغيا نقوليك مغانقدرش نقولها ليك غير ف2 دقايق ...ولاكن انختصرها ليك .. ونقوليك ... غااانرجع ليك خوووووك .... كنواعدك نرجع ل اسد خوه .. ولعدنان لحياة ... ولقلبي نبضو ... نتا غير تيق فيا ..... 
اسد : ( بين سنانو ) انا مولف الخيبات ...مولف نسمع معند الاطبااء هاد تيق فيييينا ..... الى كنتي حتى نتي منبعد 3 دسوايع تخرجي من داك للبلوك وتقولي ليا خوك مات ودىنا لي فجهدنا .... غير سكتي .. ومن الاحسن ماتخرجيش عندي لا نتي لا لي معاك 
رتاج : فداك الحالة مغانخرجش اصلا غير تهنا .... ايما نحيا معاه ايما نموت معاه ... خصك تعرف انا ملي كنت صغييرة .. كنت كنخاااف من الضلااام وكان هو لافوبي ديالي ... وصحابي باش يضحكو عليا...شدو عليا فواحد البنت مضلللمم ... بكيت بزاف وكنت كنرجف بالخوف وكتقول غااانمووووت ... ولاكن رجعت وقفت و بقيت كنقلب غير منين نخرج ... ماستسلمش للموت ولا للخوف ديالي ... ومكلسش الارض كنبكي لا.... انا ووووقفت ... كانو يدييا صغاارر بزاف وكنقلب غير اش ندير نخرررج .. كنصارع باش نعيش ... كان غير سرجم ديال زاج .. وبيدين صغاارر قدرت نهرسووو ... كنت كنضرب فيييه وكان الامر شبه بالمستحيل ...كنتخنق وسط داك الضلام وكنضرب فيه ... عارفة الى كان صعييييب عليا ولاكن مايأستش ... وضربت ضررربت حتا تجرحو يديها ولا زاج كولو دم ..... باش نقدر نخرج من داك البيت ونعيش مارديتش لبال كاع لجرح ديدي وماكترثتش لمتانة ديال زاااج كاع ... حااربت وصااررعت وقاومت حتا هرست الزاج وخرجت ... كيف ما يدييا الضغاررر هرسو زااااج باش مانموتش .. قااادرررة ندير عملية صعيبة وونصااررع ونحارب باش مانموتش معاه ... انا ماشي غير دكتورة كدير عملية فداك لبلوك .. انا غاانكون وحدة كتحتضر حيت لاحوها فقاااع البحححرر وكدير جهدها كامل باش تطلع راسها وتعييش وتقفز لبر للامااان .... انا مكنقدش عدنان ... انا كنقد حياااتي .... ( وقفات لقات بقات ليها جوج تواني قالت فيها جوج كلمات وهي كتشوف لسعتها ) غااانصااارع ..... باش نعيششش .... 
خلاتو ومشااات وهو طلع راسو لفوووووق كتنننهدددد ....

مشات رتاج باتجاه لبلوك يلاه غادخل شافت لامار وسفيان كالسين فالكراسا ... ومات ليهم غير بنظاراتها وشافو فيها بمعنى عندنا فيك الثقة .. وتنفسااات مزيااااان ودخلات لبلوك ... غير تشدو لبيبان وراها... قبل ماحتا تقدم لداخل... حيت كانو كيجهزو عدنان لعملية .. كلسات على واحد الكرسي تما وغمضات عينيها قرات الفاتحة بزاف دالمرات تامحساتش شحال .. وقرات ماتيسر ودارت دعاء وقبل ماتجي توضات .. ديما ولفات تدخل لقاعة العمليات موضية ... شافت بزاف لسما كترجا الله يقويها وماتشوفش عندو كأنه عدنان ابدا ... هذاك غير مريض غادير واجبهها معاه .... ناضت بكل قوووة وردات الكمامة على فمها وتقدمات لعنهم شافت فعدنان بانليها فاتح عينيه وكيشوف فالسقف ... بحال شي واحد ديخان ... هو كان شوووووية كيعقل على راسو بلي راه فبلوك .. وواعي شوية يمكن كيدير عملية .. ديخان كااااع الصور كتراقص قدامو ديال لامار وسفيان غير بحال شي حلم فاش كنتفكروه ... سرطات ريقها وقربات لعندو ... شافتو مديرونجي بداك الضو لي فوق راسو وبعداتو عليه شوية جاه بحال الضل ... وهو يرمش بعينيه وشاف لعندها .. ماعرفاتش واش تمنع راسها ماتشوفش فيه باش ماضعاف ... ولا تستمد القوة من عينيه .... هو وعا بيييها بلي رتاج ... وحاول بشششوية كيبتسسسسم ليها بحالا بغا يخلي من الابتسامة اخر مايشوفوه منو ... وهي عنيها بداو كيتعمرو بدموع .... بدا كيتعافر مع يدو يهزها كانت كولها خيوط واسلاك ... شافتو كيرعدها بغا يهزها وهي تشد فيها وباسستها .. مادوات مانطقااات ... حدها كتشوف بعينيها .... وهو بدا كيشد عينيه شوية بشوووووية والابتسااامة على فمو .... حتى شدهم فخطرة وشافت لعند الطاقم .... 
- خدرنااه ادكتورة كومبليطمون ..... نقدرو دابا نبداو .... 
رتاج تنفسااات بببعمق زفرااااات وومات ليهم بواخا... وهبطات على راسو باااسستووو مطططوووولة 
رتاج : 3 دسوايع احبيبي وتكون معايا . .... عاوني عفااااك كنبغيييييك بزاف ومانادما تاعلى شي حاجة دوزتها معاك... 
غطاو الصدر ديالو كولو ب بيطادين .... ومغطي بايزار خضر .. ولكن مفتوح مررربع غير جيهة البلاصة لي غايخدمو فيها ... جرات الممرضة حدها واحد طابل فضية عاااامرة بالادواااات ولي ماشييين وكاع اش كتحتاج ... والطاقم معاها .. شوية دخلو كيجريو حتى الطاقم لي جا من امريكا ... تاهوما لابسين واجدين ز وحدين كيشرحو ليهم وجوج مع رتاج .... 
البروفيسور : النبض ؟؟؟؟ 
ممرضة : مزيان ... منتظم 
البروفيسور : صااافي شقي ادكتووورة الوووقت ماعندناااش ... 
رتاج يديها بداو كيترعدو وداك lambe "المشرط" فيديها كتحرك ... وداك البروفيسور شاف فيها 
- نتي بيخيييير ؟؟؟؟ دكتورة راحنا تحت العد العككككسي .....ششششقي !!! ماشي وقت التوتر دابا 
رتاج : ( فلدخل ديالها : نتي شجاعة نتي غاتقدري .. نتي دكتورة .. نتي مكتخافيش .. تجرأي .. ونفدي ... )
سرطات ريييقها وهي ضررررب فيه شرطاااات والدم ساااال وهوما كيمسحو بالقطن ... غير تشق الشقة لولا .. الخوووف طااررر منها... نسات شكون هي .. وعلاش هي هنا .. وشكون هذا. .. تقلبو عينيها لنظرات الدكتورة القوية .... وشرعااات فالعمل ديال ....
"جراحة قلب تحت العد العكسي"


بعد مدة .. .على برا ... 
لامار كضور فالكولوارات كتقلب تاشافت واحد الممرضة 
لامار : ختي مابانش ليك اسد ؟؟؟؟؟ 
ممرضة : لا امادام ... 
لامار : ففففف فين مشا هدا ... 
بدات كتقلب عليه فاي بلاصة وهبطات مع دروج تالقاتو باقي كالس تما ومتكي راسو على الحيط بقات واقفة شحال كتشوف فيه ....قلبها كياقطع على حالتو ماعارفة باش تواسيه ...وهبطات كلسات حداه شدات فيديه 
اسد : ( عيااان وراها ساعتو ) دازت جوج دسوايع ونص .... بقات نص ساعة والنبض لي مديباني بيه عدنان غااايسكت ..... 
لامار : ماتقولش هاكاك ... بااااقي العمممررر كوولووو ... ماشي غير نص ساعة ... حنا بين يدين الرحمان الرحيييييم... شوف غير سميتو تعطيك الخبار ... رحماااان ورحيييم ... مكانش شي حاجة رحم منو علينا .... غايبغي يعدبنا ؟ 
اسد : ( معلي راسو لفوق ) 30 دقيقة ... يقدر يتولد لي فيها اخ جديد ... ونقدر نتحرم منو حياتي كاملة .. ( شاف عند لامار بعيينين دمعانيت وعاض على شفتو كيحبسهم ) ماااااعنقتووو حتى مررررررة ..... ماسمعش مني كلمة خوويااا حتى مرة... حتى ترحاب ...مرحبتش بيه كاع فداري .....
لامار : ( بكاها ) اساااد وصاااافي عفاااااك ....لي خلا ليا سفيان تكملو ليا .... صاافي سكككت وصبر
اسد : ماااتسامحناش ... غايمشي وهو ماسمعهاش مني .... الحاجة لي كان كيتمناها ماسمعهاش مني ..... على اشمن صبررر نتي كاااادوي ....همم!!!! 
لامار حدها هبطات راسها كتمسح دموعها وهو رجع كيشووف للفوق ....... وسفيان فباب البلوك كيمشي ويجي وكيشوف لساعة فيدو.... 
سفيات : ( جمع برككككلة مع الححيييط ) وبااااارررركا صافي شي حد يخرج يقووووولينا شي حااااااجة 
فلبلوك ...
رتاج كلها عرررقااااانة وولات حمممممرررة .. مهبطة راسها وسط الجرح كتخدم وتحاول تزرب كل مرة تشوف لدقايق دايرين كرونو قدامهم وترجع تكنل 
بروفيسورة : باااقي 28 دقيقة ..... حااولي ما امكن تسالي راكي تعطلتي فهادي بزاف وضيعتي الوقت 
رتاج غير ساكتة باش متوترش كترر وكتخدم بعينين مترررقبيييين ...... 
بروفيسور : العررق اللعععععرق ادكتووورة اطوووونسيون ... رررردي لبال 
رتاج : راااااني شايفاه .. ( مدات يديها للممرضة ) لقطن ...

عطاتها القطن وبدات كتنشف البلاصة من واحد الماء كيفرزو .. ورجعات كتكمل ... وكل واحد شاد بواحد الملقط معاها وهي كتخدم غير فالصمامة .. بقاتلها غير وحدة تعطلااات فيها بزاف هي صمام المترالي ... ضيييييق بزاف ... كتحاول ما امكن دير فيه الاسبيراسيون .......... والطاقم عند راسها كل مرة يحدرو فيها ...كيشوفووو الوقت خسرووووه بزاااااف والنبض غايكست ...... 
دكتور : دكتووررررة .. دي لبال مابقات لينا غير 15 دقيقة ونتي باقا ماساليتي و حتى الصمام التالف كاع ماحيدتيه .... 
رتاج : تقدرو تنساو عليا داك العد شوية وخليوني نركز .... هادشي مافيهش الزربة حياتو هادي لي بين يدي .... 
داك الطاقم غير كيشوفو مع بعضهم ويحركو راسهم بلا .... بحالا يأسو من هادشي ...وبقات فيهم حتى هي لاخسرات هاد العملية واضح غاتسطا .... تااللبانت ليهم طلعاااات راسها لفوووووق تنفسات بججججهد ورجعات كتكمل مركزة مع حركات يديها انغمسات فخطرة وووحدة 3 دسوايع على التوالي وهي فداك الوضعيية ماتفنفناتش كااااع ومعياااااتش ..... شوووية طلعات الراااس بواحد تبسيمة يلاه بدات تشكل غير خفيفة من تحت الكمامة 
ركتورة : اوووووون فااان .. اوون فاان .... صافي ؟؟؟؟؟؟؟؟ 
رتاج : ( بشبه رضا ) صافي ساليتها .... ندووةزو لهادي ....بسم الله
واحد الممرضة كتسمح ليها العرق على جبينها وهي بدات كتحيد فهاديك لي تالفة وكتحط على واحد الفاصمة فوق داك طاولة الفضية ...حيت صافي كملات الصمامات بثلاثة بيهم وسعاااتهم ....
بروفيسوىة : 5 دقااااايق ... 5 دقايق لي قدامنا حاولي تسسسسسرعي حنا محتاحين لهاد النبض مزال ...... بدات كتخدم والعرق كااااتقطررر ودقات قلبها هوما لي ولاو دابا خصهم يتعالجو ... كتعالج شرايينو بدقة ونسات الى شارايينها هي كيتعععصرووو وسط قلبها ... مزيرة على سنانها وداااايرة ججججهدها كامل ... عدنان كولو ولا يبان ليها غير فدااااك الجرح ... الوقت مكافيش وهي خصها تركيززز 
بروفيسور : 3 دقااايق ..... دكتوووورة سررررعي غاااانفقدو لمرييييض .....دكتورة نتي واعية بالخطر لي راحنا فيييه ...
بقوة ماوتروووهااا ...حيدات كاع هاديك لي تالفة بسرررعة قيااااااسية جدااا ... وبدات كتثبت فلوخريين وتمسح بالقطن ويديها كيرجفو .... 
بروفيسورة : 60 ثاااانية .. دكتورة العد العكككسي بداااا ...

رتاج شفايفها شششحححفووو تحت من داك الككمااامة خافت دابا لاقصى درجة ... واسد فداك دروج كالس كيشوف لفوق ودموع حابسين حدا جفونو ولامار غير كالسة حداه وكتحسر عليه فلخر عنقاتو ونعسات فصدرو معنقاه. .. وسفيان مرة بوقف مرة يكلس يشد على راسوووو .....
رتاج باقا كتخدم لاخر ثانية تبقا ليها ومتححححبسش مابقات كتهتم لا لعد لا لوالو ... كتخدم وصاافي وتصااااارع باش يعيش وتعيش معاه ويعيشو حتى ناس لي كيبغيوه .... وصوورتو جات بين عييينييييهااا ... 
عدنان : .. نتي غاتخليني نعاود نحل عيني مرة. اخرى؟ 
رتاج : عدنان ... منقدرش نقوليك شي حاجة او نواعدك انك غاتحل عينيك ... ولاكن لي نواعدك بيه هو اااخررررررر ما غايبقى لي من جهدي غانديرو .... 
تفكرات هاد الهضرة غير مزادت توترات .... وبدات كتررررمش بزاف هنا وهنا مع كل ضربة مقص وملقط عينيها كيضورووو مع حركات يديها بسسسرعة ...لدرجة ودنيها تصمكوووو على شنو كيقولو ليهااا وتنبييهااااتهم والضو الحمر لي شعل كيعلم بلي النبض غااايطفا بعد ثواني ..اصوات كانو صااااخبين فالقاعة وهي مكتسمع منهم والو بحالا مخشية فشي قاع غاااااااارق كيوصلوها دوك الاصوات غلااااض وغرااقييين ... عينيهل غير على القلب وعروقو بحالا كتفك فشي قنبلة ..... يلاه غاتحط الملقط لمرة لاخيرة .... وشي يد تحطات على يديها وشافت عندو بحللا عاد صرفقتيها ورجعاااات للواااقع ... لقاتو البروفيسور الامريكي لي شد ليها يديها .... وكيشوف للجهاز بحالا كيشير ليها ......وقلبات تاهي عينيها لعندو ... بانليها طططفااااا مابقا حتى شي نبببض ....وضاارت بززززربة لجهاز تخطيييط نبضات القلب .. بانليها داك الخط مستقييييم وصوت تيييييييييييييت كيوحي بان القلب مافيه حتى شي نبض ... وهي توووسع عينيها وكاتسرط فريقها مرة ورا نرة تافمها تشف .... وكولشي كيشوووف فيها .... 
رتاج : غغ .. غ غااا .. غاايعييششش . غايعييش .. ل انا .. انا ساااليييت .... غاااايعيش 
كولشي ساكت كيشوفو لداك الجهاااززز بأسف وحرعة امل ضئيييييييييييلة وكيتسناااوووو مترقبييين ومتورين وكاين لي جاامع القبضة ديديييييه قدام فمو كيتسناو شي خط يطلع ويتموج .. لي يقول ليهم للعملية نجحات اما رتاج كتشوف لقلبو لي باقي عرياااان قداااامهاااا فصظرو المشقوق ....ودموع كيسيلووو وتا الملقط طاح من ييديها لارررض .... دقات قلبها سراااع .....والعرق صابااا وكتتتببببكي .....
رتاج : ي يللاه .. يلااااااه اعدنان .. استجججب عفاك ... يلااااااه .. عفااااك .... يلاه اعدنان ماااااتخلينيييش ..ماتخليش خوووتك ... عفاااك لاماستججججب لعملية يلااااااه .... مااااتخلاش عليااااا .... عفاااااااك ... ماديرهاليش مرة اخرى ...... ررررجع ليا ... عفاااااااك.... لا اعدناااااااان لاااااااااااا
ضارو دوك الطاقم شافو فبعضياتهم وتنهدووو ...... كيضورو راسهم بللاااا .... وشافو لعندها هي لي عينيها باقية على الجرررح وكاترجااااه.. وشدها واحد دكتورر وهي تنتر من يدو 
رتاج : ب بع بعععد .. بعععد......غاايعيش .. ا انا متأكدة ... يلاااااااااااه اعدناااااان ( هزات يديه حطات شريااانو لي فالمرفق غلى قلبها ) عيييييييش ببببقلبي .... غيييييييش بننننبضي ... كينبض غيييررر ليييييك .. عييييش بيه ورررررجع لياااا عفاااااك .... 
كلقات يدو وهي تلاح فالارض كيف شي جججثة بقات كتشوووف معاها مصدووووومة ... وداك دكتور شدها مرة اخرى وهي تنننترر منو بجججهد باغا تىجع تهز يد عدنان ...يلاه غايرجع يشدها .... وهو الخط يخضااارررر فطابلو ....ورجع تموووووج وقلبووو خخفق وتحححححرك فجسدووو .... طلع ونزل بواحد الطريقة بحالا انتفففض .... داك النبببضة ترعداااات عاد رجع كيضرررب وسط جسسسدووو وكيباااان بالصووورة الواضحة قدااامهم حيت معري #دك #دك #دك #دك .... كوووولشي حححححل عينيييييه وتصصصصددموووو كللهم ... ماااعرفوووش منييين جاوهم الدموع وعلاش كيبكيييووو اصلاااا ... وداك القلب كيييتحرك مع كل نبضة وسط الشق ديال صدرو العااري من الجلد .... ورتاج واقفة مصدوووومة كتشوووووف وصوت فالاجهزة تييييت تييييت تيييت كيخبرهم الى القلب كينبض.. وهي طييييح كااااملة لارررررض مااامتيقاش وليكاتها عاااامرييييين دم .... موووسعة عينيها كتشووووف غير فمنحى والفررررحة فعييينيييهااااا كبيرة لدرجة الصصصدددمة .........

يتبع...