إبنة الجار الجزء العاشر

من تأليف شيماء الصافي
2019

محتوى القصة

رواية إبنة الجار

اسد شاف فيه بغضب ووقف قبل ما يهز ايدو يرجعها ليه ضربو بهاء بروسية حتى رعف فحين جلنار شافت الدم مشات كتجري عند اسد وهي كتبكي 
جلنار:اهئ اهئ اسد الدم اهئ
جرها بهاء بعنف وصرفقها مخرج عينيه وصدرو كيطلع وينزل -خرجي ت**** من هنا قبل ما نقتل مك 
اسد:(ناض بسرعة وعطاه بلكمة قوية لوجه خلات بهاء الدين يىجع خطوة لور)حيد ايدك عليها يلعن(شتييييمة🙊)
بهاءالدين رجع ليه بغضب هز رجلو عطاها ليك الكرش حتى تحنا وهزو من قفاه حتا تقابل مع وجهو وعطاه بلكمة اسد دفعو وبعد من جيهة الطبلة لي كانت مكالياه باش يقدر يدافع على راسو ردو داك المطعم حلبة للصراع..اسد شنق على 
بهاء من ياقتو لكن بهاء بخفة ضرب ليه ايدو بقوة حتا طلق منو ورجع لور نزل عليه بهاء بكلاك وتوالات اللكمات من طرفهم بزوج حتا واحد فيهم مارحم لاخر لكن بهاء الدين عينيه تغمضو ولات بدل القوة اضعاف وهاديك الفقصة والعصاب لي ركبات فيه جلنار خرجها فاسد بالسيف وهو كل لقطة كانت فيها جلنار معنقاه ولا كتبوسو ولا فاش شد ليها فايديها بين عينيه فمو وما جاب كيعير ويقولو لايد لي تحط عليها نقطعا(شتيمة) علاش تحط عليها يدك علاااش كان كيضرب ويختار فين يضرب كامو مدرب على التعديب لان كل ضربة كيضربها الا وكتفشل اسد لي واخا سخفان باغي ينوض يضربوو ويدافع على راسو لكن ضربات بهاءالدين كانت كانها كتشلل حركتو فواحد القنت من المطعم جلنار مكمشة وكلها كترعد دموعها نازلين بقوة الخوف بقا ليها شوية وديرها تحتها كتشوف فبهاء كيسب وعروقو خارجين واسد لي ما قادرش يحرك يديه حدو شاف فيها وقال ليها بعينيه سيري من تما ما عاوداتهاش معاه ناضت فاشلة تخطي بدل الخطوة عشرين بالخلعة فحين هو بهاء مازال كيسب ويعرعر خلع الناس لي تما وخلاهم يخرجو بلا هواهم الا قلة قليلة لي بقات كتصور ففيلم الاكشن لي واقع الا ان اسد لي كان مصدوم والصدمة شلات ليه لسان بكلمة قالها بهاءالدين ما فكوه من تحت يدو غير البوليس لي جاو باش يحلو المشكيل...

لكن بهاءالدين كان وحش وصف ينطبق عليه فهاد اللحظة دفع البوليسي وبغا يرجع لاسد لكن جوج خربن شادينو هاد المرة ما دفعهمش نوو ضربهم كان بركان هامد وانفاجر على غفلة حتا دخلو ليكارد د اسد تحاماو على اسد لي باقا شاعلة فيه العافية مبغاتش تخمد شدوه ربعة د الحراس بزز باش قدرو يبعدوه عليه اما اسد بقا مجبد كيمسح فوجهو من الدم وكيرد النفس وكيشوف فيه حتا جا عندو واحد من الكارد ديالو عطاه قرعة د الما شرب جغمة شلل بيها فموو وخواه فالارض دم بقا كيعاود نفس الحركة حتى حس بالدم تحبس من فمو وناض برك على كرسي كيشوف فيه بارك وعاقدهم وكلو كيقطر بالعرق والفيست تقطعات لو من الضهر لاحها بالزعفة وبوليسي واقف عليه وخايف منو مقادرش يضحك بتاسم ابتسامة غريبة وناض عندو وقف عليه فحين بهاء هز عينيه فيه بنظرات ثاقبة برك حداه وقال
اسد:(جر كرسي وبرك قدامو) خاصنا نهضرو
بهاء:(بغضب)معندنا فاش نهضرو ونوض ت**** من قدامي قبل ما نصفيها ليك..
اسد:(مد يدو وقال)انا اسد او لا لي
البوليسي:(قاطعهم وهو كيترعد)احم خاصكم تمشيو معانا لمخفر ضروري
اسد:(شاف فيه مطلع حاجب ومخلي لاخر)نعام؟
بهاء:(عض على شفايفو وقال)ضروري نمشيو؟
البوليسي:وي ضروري 
بهاء:(وهو كيحاول ما امكن ما يمشيش المخفر)بامكانا نعوضو صاحب المطعم على الاضرار ويسحب الشكوى
اسد:(دوا وهو مستغرب منو)علاش ما باغيش تمشي لمخفر؟؟؟
بهاء:(بنبرة حادة)سوقك؟
اسد:(بكبرياء)يس سوقي(باستفزاز) وبيني وبينك الحلم ديالي نزور شي مخفر احح عمرني دخلت ليه ونتا؟
بهاء:(بغرور)الى مشينا ليه غنخليك غارق تما سووو جلس وسكت خلينا نفكو هاد الحريرة
اسد:(شاف فالشرطي وقال بتحدي)غنمشيو لمخفر
البوليسي:ضروري غتمشيو وبالخصوص نتا لانك ضربتي 3 د رجال الشرطة اثناء القيام بالواجب ديالهم 
بهاء:(بدات كطلع ليه القردة ناض ومولاها ربي)زيد قدامي نشوفو هاد الحريرة تفو 
اسد:(كيضحك)متخافش غنونسك ههه...
بهاء شاف فيه باستغراب ومشا مع الشرطي لي بغا يركبو فسيارة الشرطة وقال بصرامة 
بهاء:مغنركبش معاك فسيارة الشرطة
الشرطي(غير كيبرد):ضروري تركب 
بهاء:(بقلة حيلة وصبر ركب معاه لكن ركب لقدام فبلاصة الكوميسير واسد ركب لور مع الكوميسر وجبد الفون لي كان كيصوني عض على شفايفو وبدا كيلعن فاسد لي وصلو لهاد الماصل قطع الخط حتى وصلو المخفر نيشان لمكتب الضابط بركو بزوج بكل عنفوان وكبرياء بهاءالدين لي غير مخنزر واسد لي غير كيشوف فيه وكيفكر فكلامو لي قال وهو معصب وواضح بلي من غيرتو عليها دار هديك الحالة كلها

دخل الضابط لي غيتكلف بيهم مخنزر وسيفتو كتخلع من النظرة الاولى تقول يخ وخاطرك يهرب منو برك فالمكتب وخبط ملف كان هازو عليه شافو فيه بزوج بنضرات حادة وتروه اولا خلعوه بهاد المعنى هه لكن المنصب ديالو كيتعنى بيه ولا فالاصل ما عارفش معامن طاح شاف فيهم واحد بواحد وقال بصوت غليض يهرب الخاطر:
-ليكارط ناسيونال ديالكم
اسد:(قال بهيبة كانه ماشي هو لي واكل قتلة د العصة)واش عارف راسك معامن داوي ولا غير كتخور!!!
الضابط:حتارم راسك اسي كون شكون ما بغيتي تكون نتا هنا مجرم بحالك بحال لخرين من غير الى بغيتي نزيد نغرق ليك الضوسي وتولي مدود هنا(وبتاسم باستهزاء كانو دار انجاز اما اسد خرج عينيه بصدمة عمر شي واحد تجرأ ودوا معاه بهاد الطريقة ناض بسرعة ما خلاش لبهاء ولا الضابط يفهمو شنو بغا يدير جرو من لكول د القاميجة وعاطاه بدماغ خلى دمو يشرشر وقال باستهزاء)
-اودي على الضباط د اخر الزمن بففف 
بهاء:(خنزر فبه وقال)حتارم راسك اسي راك فمركز الشرطة متشي فحومتكم دير ما بغيتي
اسد:(هز فيه عينيه كانه كيقول ليه من نيتك)
بهاء:(قلب عينيه للظابط لي كان شاد فنيفو)شوف اشريف خلينا نهرجو بالهداوة وبلا فريع الراس واخا؟(لفون ديالو كيصوني جبدو بمجرد ما شاف الاسم لي طلع ليه ناض بدون ما يحس وقال بصوت كانه عسكري مدرب)وي شاف
اسد:(حل فمو بصدمة ما توقعش انو بهاء الدين غيكون شي حاجة فالمخزن اخر حاجة كانت غطيح ليه فبالو تسناه حتى سالا)وا
بهاء:(قاطعو لانو عارف غيبدا يسول جبد واحد البادج خلا الظابط ينوض كيترعد فبلاصتو وقال وهو واقف وقفة عسكرية ودير ليه التحية) نبغي هادشي لي طرا يبقا هنا واي حاجة تنشرات فيها كمارتي تمسح عندك 3 السويع قبل ما نصرحك من المنصب ديالك..
الظابط:(بنفس الوقفة)اوك مون شاف..(وقال بترجي)سسممححح لليي اسيدي مكنتش عارف سيادتكم
بهاء:(قلب عينيه بملل لانو معندوش مع هاد الرسميات وبنادم يبقى ضارب ليه لحساب)اوك يالاه تحرك لخدمتك وما نبغيش هاد التصرف يتكرر مع اي واحد وما تستغلش المنصب ديالك قدام شي واحد 
الظابط:واخا سيدي شكرا بزاف 
بهاءالدين:يالاه سير لخدمتك نبغي كلشي يتمسح قبل الوقت لي حددت ليك 
مشا الظابط وهو كيترعد خايف على بلاصتو وبهاء شاف فاسد لي كان مخرج عينيه فيه مازال مصدوم وقال 
بهاء(بصرامة):تكعد نتا كتحنزز فيا
اسد:لازم نشرح ليا هادشي
بهاء:(باستهزاء)وشكون نتا بالسلامة(كمل طريقو)
اسد( وهو خاشي ايدو فجيبو قال بثقة وغرور):بصفتي نسيبك ا مسيو بهاء الدين المالكي اولا الزراوي 
بهاء:(دار عندو بصدمة)نعام اش قلتي!!!!!!

خرج اسد كيضحك بانتصار وخلا بهاء وراه كيدورها فدماغو وتبعو بالجرى وقفو 
بهاء:(هز صبعو فوجه اسد بتهديد)واش كدوي بصح ولا كتفلا عليا؟
اسد:(هز ايدو وحرك راسو بالايجاب وقال ببرائة)وحق الله العظيم حتى كندوي بصح 
بهاءالدين:(ضحك حتى بانت ليه ضرسة العقل جمع ايدو على شكل لكمة وحطها على فمو كيحاول يحبس الضحكة ويستوعب كلامو)هه يعني عمرها خانتني ياك 
اسد:لا ولكن حسابي معاك مازال مسالا 
بهاء الدين:(عنقو بالفرحة وكلامو ما سمعوش اصلا)شوف يالاه نمشيو لشي كافي ونهضرو واخا وتعاود ليا شنو وقع معاها فهاد المدة كاملة
اسد:(كيشوف الفرحة لي بينة على وجهو والضحكة لي ترسمات على ثغرو بتاسم وقال )واخا زيد
ركب اسد فسيارتو لي كانو فيها لكارد ديالو وتبعو بهاء الدين ركب فجنبو والضحكو وتقول واش بغات تجمع من فمو واسد غير كيشوف فيه ويحرك راسو ب"لا حول ولا قوة الا بالله العلي العظيم" حتا وصلو لكافي لي نعت ليه بهاء ولي كانت شعبية بلاصة اللوطو ودخل بهاء واسد وراه كيشوف فالاجواء كيف ديرا جاه عجب ههه عمرو دخل لبحال هاد البلايص وقال لبهاء الدين:واش جبتينا لشي سوق ولا شناهو هدا
بهاء:(شاف فيه باستغراب)مالك عمى مكتشوفش بلي هادي قهوة
اسد:لا بانت ليا بحال شي سوق واش هادي قهوة اعباد الله
بهاء:(ضرب على جبهتو وقال)نسيت بلي نتا ولد بابا و ماما ما مولفش هاد الاجواء هه
اسد:(خنزر فيه وتوجه لاول طابلة برك فيها وتبعو بهاء الدين كيضحك)برك ابنادم ومتبقاش تشوف فيا هكاك
بهاء:ههه اوك..(وقف شاب طويل وعامر شوية وسلم على بهاء الدين بحرارة)خويا بهاء صافا عليك توحشناك شحال مشفناك
بهاء:(ناض عنقو عناق رجولي)غير مع الوقت والخدمة مكنلقاش حتى الوفت باش نحك راسي
يوسف:ايوا اش غديؤ الله يسهل عليك اخويا العم ديما كيسول عليك هه
بهاء:ههه فين راه توحشتو مسكين 
يوسف:خارج عندو شي غرض يقضيه وغيرجع
بهاء:اه فاش يجي قولو انا هنا واخا
يوسف:(ببتسامة)واخا خويا 
مشا يوسف بعدما ستادن من اسد وبهاءالدين وصيفط ليهم سيرفور
بهاء:جيب لينا شي براد د اتاي 
السيرفور:(ببتسامة)مرحبا اسيدي
مشا السيرفور وبهاء شاف فاسد كيشوف فجنابو وما مرتاحش
اسد:(تقاد فالبركة وشاف فيه وقال ببرود وجدية)دبا غتعاود لي شنو وقع بينك وبين ختي 
بهاء:(شاف فيه بجدية وفتاتح الكلام بتوتر)احم انا كنبغي ختك دبصح عمرني فكرت نتخلا عليها ولكن كنت مجبور ومعندي حتا شي حل من غير هدا 
اسد:(بجدية)عطيني لاسباب وبلا مقدمات الله يخليك
بهاء:اوك..المهم انا بديت كنبحث فالموت د الام ديالي ود خالتي سعاد لي هي الام ديالك(اسد ضرب قلبو بعنف بمجرد دكر الام ديالو لي عمرو شافها)وفاش بدينا البحث انا وسي زياد الله يرحمو كتاشفنا شي بلي جدك معندو معاكم حتى صلة دم وبلي جداتك كانت صائدة جوائز قبل ما تزوج بجدكم دازت الايام وحنا فالبحث وللاسف تورطت فجريمة قتل لي انا بريئ منها تحكمت ب 24 سنة نافدة تخايل! فاول نهار ليا فالحبس تصدمت(وكمل بعصبية) وضاربت كنت غنقتل واحد ولد(شتيمة)كتاشفت شي حويج عمرني تخايلتهم فالحبس ولكن تعرفت على جوج د الناس هما يوسف لي شفتي دبا والعم لي كنت داوي عليه دوزت تما تفريبا شي شهر او مكاملش كنت فاقد الامل بلي غيجي شي نهار نشوف الدنيا ونحقق احلامي ونكون مع مرام ونجييو وليدات جميع احلامي تبخرات .شحال من مرة جات عندي فالزيارة وانا كنت كنرفض نشوفها حتل واحد نهار جا عندي سي زياد..

فهاد اللحظة اسد توكض وقاد البركة وركز مع كل كلمة كيقولها بهاء
بهاء:فاش جا عندي سي زياد قال لي نيشان واش باغي من هنا 
#فلاش_باك
زياد:(عنقو)ولدي لباس عليك 
بهاء:(بادلو العناق)الحمد لله ونتا
زياد:(ببتسامة)الحمد لله..قالو لي ضاربتي مع شي واحد
بهاء:وي 
زياد:(بعد لحظات صمت قال بجدية)باغي تخرج من هنا؟
بهاء:(باستهزاء)وي ولكن حتا ندوز واحد 24 عام والى بقيت فالحياة نشوف ضوء د مولانا
زياد:(بصرامة على غير العادة)كندوي معاك ومكنضحكش
بهاء:(شاف فيه مصغر عينيه وقال)وي بغيت نخرج
زياد:عندي ليك حل
بهاء:(بامل)اما هو
زياد:بما اني كنت فلارمي نقدر ندخل ليك تولي فلارمي لكن ماشي عسكري عادي نوو غتكون فالمخابرات العسكرية وهادشي خاصنا نديروه بسرية يعني هادشي لي تقال هنا يتدفن هنا
بهاء:ولكن انا عندي الوسخ فالضوسي دبا
زياد:وي ولكن ماشي الى غيرتي الهوية ديالك..(جبد ملف وحطو قدامو)هادي هوية جديدة بهاءالدين الزراوي ولد زياد الزراوي القائد السابق للقوات المسلحة الملكية..ولكن خاصك تمسح الماضي من حياتك يعني تنسى مرام واي حاجة متعلقة بيها
بهاء:واش كتفلا عليا؟عارف اش كطلب مني؟؟
زياد:اه اولدي عارف..انا مكنقولكش لديما غير بين ما خرجتي وترسمتي فخدمتك وبديتي حياتك تقدر ترجع حياتك معاها عادي غير دبا خاصك تكون سيليباطير وكنتي ديجا فامريكا كتقرى عمرك دخلتي المغرب 
بهاء:(بعد تفكير طويل)واخا متافقين..ولكن بغيت عينيك يبقاو عليها اي حاجة وقعات خبرني بيها
زياد:اكيد اولدي ..ومن هنا لسيمانة غتكون فالمقر باذن الله 
بهاء:بلاتي باقا واحد الحتجة وكنتمنى متخيبنيش وتعاوني
زياد:اه اولدي قول الى كان بايدي نعونك على الراس والعين
بهاء:بغيتك تخرج واحد جوج معايا 
زياد:ميمكنش اولدي 
بهاء:(باصرار)ما نقدرش نخليهم ورايا وهما مضلومين وهدا اخر كلامي بلا بيهم منزيدش خطوة
زياد:اوووف اولدي غنشوف اش غندير 

#الحاضر
بهاء: دازو شي ايام وجات عندي مرام للحبس فالاول تصدمت فاش شفتها حيت عند.بالي مدير السجن لي باغيني وربي لي عالم فاش شفتها شحال فرحت كنت باغي نعنقها ونقول ليها شحال توحشتها ولكن كلام زياد وقف بيني وبينها وتصرفت بطريقة خيبة ما فكرتش فاش كنت كنقول دويت بلا عقل جرحتها بلاما نحس كنحلف ليك فاش استرجعت داكشي لي درت حسيت براسي اكبر حمار فوق الكرة الارضية ندمت وبزاااف كان العم هو لي واقف معايا وهو لي قدرت نشكي عليه حيت مرضت بعد هداك النهار مكنتش عارف شنو واقع ليها وقلبي مخنوق وضارني...(سكت للحظات والدموع تجمعو فعينيه مبغيش يتذكر شنو وقع ليه وهي بعيدة وتانيب الضمير لي نهش كيانو واسد متلع حركاتو وملامح وجهو وهو كيعاود)فاش تافقت مع سي زياد بصراحة انا كنت نفكر فحاجة تانية كان عند بالي غنخرج نبقا مدة برة عاد نمشي المقر ولكن كان العكس..الخطة لي كانت عندي فاش نخرج نمشي عندها ونشرح ليها كلشي ونعتاذر ليها لكن تجري الرياح بما لا تشتهي السفن فاش خرجت مشيت نيشان المقر والتدريب ولا العذاب لي دوزت لمدة سنتين وفهاد السنتين كنت كنسول زياد كيقولي راها بيخير مزيانة ورجعات تكمل قرايتها وحياتها عالي العال كنت كنحس بيه فحالا كيقولي را نساتك وعيشة حياتها بلا بيك بطريقة غير مباشرة كنت كتفرح حيت هي فرحانة ولكن القلب ما مرتاحش كنت حاس بشي حاجة ماشي هي هاديك ساليت مدة التكوين لي كانت جحيم بالنسبة ليا ونيشان لاول مهمة حتا كنقول واخيرا ضحكات ليا الدنيا وغنشوف حبيبتي وتبقا نحلم بيها كيف ولات تبدلات ولا لا...الخ ولكن كتعاود ضربني حتا كنتهز لسماء فهاد المهمة لي مشيت ليها بقيت حوالي العام فيها لانهم كانو صيفطوني لسيبيريا وبما اني تخرجت برتبة عقيد كان لازم ما نرجع حتا نكمل المهمة بسلام وفهاد المدة تقدر تقول كنت منقاطع على العالم الخارجي...

فهاديك السنة فاش رجعت كتاشفت بلي سي زياد توفى وكان مريض بسرطان الرأس حزنت عليه بزاف حيت فعلا عتابرتو اب ديالي لي عطاتو لي الدنيا وقف معايا بزاف الله يرحمو فهاد النهار..لقيتو كاتب ليا املاكو كلها فالاسم ديالي وطلبو الاخير نخلي اللقب ديالو فالحياة يعني بغا مني نولد ولادي ويكون اللقب ديالهم الزراوي كسلالة تبقى والاهم من هدا هو الدلائل لي لقيتو جامعهم على المافيات لي ممكن يكون عندهم ايد فقتل رياض بن عمرو الاب ديالك 
اسد:(قاطعو بلهفة)واش عارف شي حاجة على لي قتلو؟
بهاء:للاسف ما زال ما عنديش الاسم عندي غير مشتبهون فيهم 
اسد:ام اوك كمل ليا فين بقيتي هاد العمين لي دازو
بهاء:(بتاسم لسيرفور لي حط الطلب ديالهم وكمل لاسد بعد ما مشا)خديت كونجي باش نقلب على مرام قلبت عليها بزااف والو ما لقيت ليها حتى اثر مشيت لدارنا مشيت لفيلا محمد مشيت لدار جدك والو مبانتش ليا كلفت رجالي يبحثو والو ملقاوش ليها الاثر تقول الارض تشقات وبلعاتها ما فقدتش لامل اني نلقاها وبقيت بين البحث والخدمة حتى تاصلو بيا الخدمة على ود شي مهمة كلفت الرجال يبقاو يبحثو عليها وانا مشيت باش ندير الواجب ديالي..فهاد المهمة كتاب عليا نتصاب فيها خلال المداهمة تصابيت بالرصاص ودخلت كوما لمدة عام وشي شهورة..فاش فقت لقيت الوقت داز والعنر كذلك داز اول وحدة تفكرتها هي مرام فاش سمحولي الاطباء نوض جيت فاول طيارة للمغرب تلقاو ليا ليكارد وعطاوني المعلومات عليها اول حاجة درت شريت الاسهم د جدك باش ندخل شريك وفعلا اول حاجة درتها وبحسب الخبرة ديالي قدرت نلعب عليه ويدخلني لدارو ولانني شريك ديالو ما بغاش نبقا فاوطيل عرض عليا نبرك معاه فالفيلا(سكت وهو كيتفكر شنو وقع لبارح وقال)اسد عاود لي شنو وقع ليها فغيابي 
اسد:اولا قولي ليث ماشي اسد..وتانيا جلنار عانات بزاف وكتر ما تخايل
بهاء:(عقد حجبانو باستنكار وقال)شنو وقع
ليث{اسد}:(بعد لحظات صمت)جهضات
بهاء:(عينيه خرجو بفوة الصدمة مقدرش ينطق)
ليث:(كمل كلامو)ودخلات غيبوية لمدة 4سنين و6 شهور وفاش فاقت عرفنا بلي تصابت بشلل نصفي
بهاء:(دموع فعينيه غير ساكت ومصدوم)
ليث:{باسى}حتى واحد فيكم ما داز عليه القليل وجلنار عمرها نساتك واخا حاقدة عليك وعند بالها نتا السبب باش مات ولدكم ولكن راه مازال كتبغيك
بهاء:(بصعوبة كينطق وبصوت مبحوح)كفاش وقع ليها...
ليث{اسد}:(بدا كيعاود ليه بالتفصيل)هادشي لي وقع 
بهاء:(حمل نفسو الدنب وقال)انا السباب..عمرها تسمح ليا...

اسد:(قال بعد صمت)غتسمح ليك
بهاء:(كيحرك راسو بالنفي) عمرها تسمح ليا..كيف غدير تسمح ليا وانا مقادرش نسامح لراسي ولدي قتلتو انا السبب
اسد:شوف هاد الهضرة معندها باش تنفعك خاصك تفكر كفاش تخليها تسمح ليك 
بهاء:(ضرب الطابلة بلكمة ايدو حتى خلا كاع لي فالقهوة كيشوفو فيه باستغراب وقال وعينيه حمرين وناض خرج من القهوة وتبعو اسد شدو)طلق مني اليث 
ليث:خلينا نهضرو بالعقل وغنحلو كلشي
بهاء:(ضرب ايدو مع الحيط د القهوة)انا قتلت ولدي قبل ما يشوف النور
ليث:نوو نتا مقتلتيهش هدا مكتاب الله ونتا كنتي مجرد سبب سواء كنتي نتا ولا لا كان غيموت لان هداك مكتابو وهو دبا طير من طيور الجنة وكنضن نتا عارف بينك وبين الله كتر مني
بهاء:ونعم بالله
ليث:شوف نقولك ختي كتبغيك ومازال كتبغيك وانا متاكد سو بلاما دير فبالك هاد الحالة اوك
بهاء:نتا معارفهاش قدي معارفش شنو قالت ليا ختك ولات كتكرهني حاقدة عليا
ليث:واش لي خبات عليا شنو وقع ليها ومبغاتش تخليني نبحث ومحلفاني مندير ليك والو مكتبغيكش!!!!
بهاء(شاف فيه بعدم تصديق)
ليث:(صبرو بدا كيتقادا)بديتي كتعصبني والله غتزيد شوية غنضرب ديلمك
بهاء:خاصك تعاوني نصالحها
ليث:لا غير هرجني من هادشي مكنفهمش فيه ومكنعرفش ليه سوو منك ليها
بهاء:(كيشوف فيه بترجي)ا
ليث:اهاء نوو بلاما تحاول..

#عند_جلنار
لي خرجات وهي رجليها مهازينهاش ظموع فعينيها وحنكها حمر بقوة الصفعة لي عطاها بهاء مشات على رجليها لبحر لي كان قبالتها بركات قالرملة على رجليها وكتبكي بهستيرية لحد الساعة مقادراش تستوعب شكون داك الكائن لي كان قبالتها تجمعو عليها جميع الاحاسيس عطاتها غير البكا بالصوت ولي داز من حداها يبقا يشوف فيها باستغراب 
#عند_الشباب
لي قادو امورهم ورجعو لنفس القهوة بركو فيها كيدويو ويناقشو موضوع مرام حتى نطق
بهاء:اجي نتا كفاش حتى عرفتيها ختك ومن ايمتا هادشي
ليث:هممم قصة طويلة
بهاء:كلي اذان صاغية
ليث:انا جيت على اساس نقتلها
بهاء:(خرج عينيه بصدمة وقال)شنوووو
ليث:صبر ما تفهمش غالط ديك الساعة كنت معارفهاش ختي معارفش اصلا حتى شكون انا(بسخرية)
بهاء:بمعنى!!
ليث:ايوا سيدي سمع ولكن مدير حتى ردة فعل خلينا مزيانين ودير فبالك ماشي لخاطري هادشي لي غنقولك اوك
بهاء:اوك
ليث:انا فاش حليت عينيا حليتها على واحد الراجل لي نقدرو نقولو مكيسواش سميتو عزيز ولكن معروف بالعقرب
بهاء(بعض على شفايفو وقال )قلتي العقرب
ليث:وي 
بهاء:(جمع لكمة وحطها على دقنو وقال)اوك كمل
ليث:(حرك راسو وكمل كلامو)كان مافيوزي كبير ومن نهار حليت عينيا وانا كنشوف داكشي لدرجة وانا ولد خمس سنين كنشوف دري كيتغتاصب ويعدبوه وشوهوه بعدما قتلوه جاني عادي رغم انو صورتو ما بغاتش تحيد لي من بالي لدبا كيزورني فاحلامي..(تنهد)معلينا دازو السنين وخدمت معاه(سكت للحظات كيشوف فبهاء وهو عارف يقدر هادشي لي غيقول يغملو فالحباسات حتى فيقو بهاءالدين)
بهاء:(وهو حاط ايدو على دقنو ومصغر عينيه)شنو هي خدمتك معاه
ليث:احم كنت كنتاجر بالاعضاء و الرقيق والسلاح..(شاف بهاء غيدوي وكمل كلامو بالزربة)حتل لواحد النهار جيت المغرب زيارة ومنها نطل على شي شغال حتى تاصل بيا العقرب وقالي غتقتل واحد الشخص وضروري تصفيها ليه وصيفط لي صورتها وجميع المعلومات ديالها فالاول فاش شفت صورتها قلبي دق بطريقة غريبة لدرجة ضنيت اني تغرمت بيها...

ليث:ما تفهمنيش غلط وبلا دوك الشوفات..انا مكنتش عارفها ختي..مشيت الحفلة د عيد ميلادها كنت تما معرفتش علاش مشيت يمكن احساس الاخوة هو لي حركني مشيت بلا عقل وديت معايا هدية ليها حتى عيط ليا العقرب وطلب مني نخرج من تما فالاول رفضت ولكن فالاخير استسلمت وهرجت بلاما يلاحظ وجودي شي واحد وكلفت رجالي يجيبو ليا معلومات عليها وفعلا مدازتش 24 ساعة كانو عندي جميع المعلومات عليها وعلى عائلتها على كلشي الصدمة هي فاش غنشوف صورة د بابا الله يرحمو هه عرفتي شنو طرا لي فديك الساعة قلبي بغا يخرج من بلاصتو فشلت وعقللي تبلوكا..كان بابا نسخة طبق الاصل عليا يعني تشوفني تشوفو قدامك ويمكن نتا هادشي ملاحضتيهش حيت عينك معميين هه..حسييت براسي مكلخ فديك الساعة وحمدت الله حيت مدرتش شي حاجة نندم عليها بهاد شي عرفتها ختي ومن داك الوقت وانا حاط رجالي يراقبوها ويحموها حتى دخلتي نتا للحبس ومرضات هي جاها فقر الدم حاد كلشي كان فخباري ولكن مكانتش عندي الجراة نبان من العدم ونقول ليها بلي انا خوها وياريت كون درتها كانت غتحس بلي عندها سند فالحياة..
بهاء:وكفاش بنتي فحياتها؟؟؟
ليث:نهار لي غتدخل المشفى جا عندها رياض وهو لي لقاها فحالة يرثى لها هزها وداها لكلينيك ورجالي تاصلو بيا علموني وجيت صدقني قلبت عليك حتى عييت ولو لقيتك فداك الوقت كنت غنقتلك وما نرحمكش قلبت عليك فهاد الخمس السنين بدون اثر حتى عرفت بلي زياد مات ونتا خرجتي من الخبس لكن ما توقعتش تكون فالمخابرات العسكرية 
بهاء:فخبارك نقدر نغرقك فالحباسات بهادشي لي قلتي دبا؟
ليث:(حرك راسو بالايجاب وقال)انا معندي دنب حليت عينيا فهادشي ولكن فاش عرفت شنو كين وبلي انا ماشي ولدو بعدت على كلشي وقابلت مشاريعي فهاد المدة كاملة بقيت بجنب ختي ماتحركتش من حداها حتل قبل لبارح مشيت لامريكا اللاتينية نفدت عملية ولكن فصالح الدولة هه خسرتو ف 200 مليار د السلاح خليتو بغا يبخ الدم
بهاء:(كيحاول يربط الاحداث)اجي معايا 
ناض وخلا ليث مفاهم والو وتبعو وهو كيسول وبهاء مكيجاوبوش حتى وصلو للسيارة
بهاء:عطيني السوارت
جبد ليث السوارت وهو مستغرب من الجدية لي نزلات دقة وحدة على بهاء شيء لي زرع الخوف ليث وخلاه يفكر واش غيدخلو للحبس لكن بهاء كان عندو راي اخر ولي غيصدم ليث صدمة عمرو..

ركب بهاء الدين فمكان السائق وهو شاد لفون كيدوي فيه تحت نضرات ليث المبهمة وملامح وجهو المتوترة ركب فجنبو وديمارا بهاءالدين وهو عاقد حجبانو فاتجاه اقرب مركز شرطة وصل ركن ااسيارة فاامكان المخصص وخرج فحين ليث لي تْنُوا بقا فبلاصتو ما خرجش حتا شاف فيه بهاءالدين عاقد حجبانو والجدية زائد الصرامة على وجهو دار لبه حرك بايدو باش يخرج من السيارة وداكشي لي كان 
ليث:(لي قال بارتياب محاولا بخفي التوتر)احم اش جيين نديرو هنا؟؟؟؟
بهاء:(بجدية كانه شخص اخر)حتا ندخلو ونفهمو
-سرط ليث ريقو بتوجس وتبعو وهو كيدي ويجيب فدماغو كيحلل ويناقش هاد الجدية لي جات فهاد الوقت بالضبط وبالو مهانيش ومحضر نفسو لاسوء التوقعات دخلو لداخل ولاية الامن لقا حوالي 5د الشباب كيتسناو فيه قدام قاعة خاصة بالاجتماعات كلهم وقفو بجدية وعطاو تحية عسكرية حرك بهاء راسو بالايجاب وطل منهم يرتاحو ويتبعوه وداكشي لي كان سدو الباب وراهم وقالو ببتسامة كيهنؤوه
عمادالدين:الحمد لله على سلامتك حضرة القائد 
سليم:(ببتسامة وهو كيعنقو)الحمد لله ملي رجعتي لينا بالسلامة عاشق "AASHIQUE"
رضى:خلعتينا عليك سيادة القائد
الحبيب:(ببتسامة)مبروك عليك الترقية سيادة القائد
إسماعيل:فرحنا برجعك حضرة القائد
عنقهم كاملين وهو فرحان بيهم ويطمئنهم على صحتو فحين ليث غير كيشوف كيف الاطرش في الزفة..اما بالنسبة لتعامل بهاء فهو عادي بيناتهم هما كانو كتيبة وحدو تخرجو برتب مختالفة لكن بقاو كفرقة وحدة وكيخدمو مجموعين ومضاسرين بيناتهم لكن فوقت الجد يفديو بعضهم بارواحهم وهكا تعلمو فالتدريب وبمحبتهم لبعض ولاو اكثر من العائلة يتفاص واحد فيهم بحالا تقاصو كاملين كيتشاركو اصغر التفاصيل بيناتهم كل واحد عندو لقب معروف بيه فالمجموعة..عمادالدين قناص الفرقة ملقبينو بالصياد لانو مكيزغلش اي هدف كيف ما كان ولو يكون على بعد الاف الامتار وعشيقتو هي البندقية الخاصة بيه من نوع "دراغونوف" ..

اما العضو التاني الملقب بالغراب هو لي كيتقفى اثار اي حاجة ومخادع يعني الى بغا يديرها بيك غيديرها ونتا كضحك ليه وناشط من لفوق وبهاد الطريقة كيجيب ليهم المعلومات بطريقة ذكية وبدون مايثير الشبهات وعندو دراية كبيرة ومعلومات كتار على الغابة والصحاري وما الى ذلك
رضى الملقب بالكوبرا نضرا لهدووووء نفسو وبرودة دمو مكتعرفو امتا يضرب ضربتو ولا شنو كيضور فبالو حتى كيعطي دقتو
إسماعيل الملقب بالجوكر شخصيتو غامضة مع العدو مكتعرفو علاش مطوي ولا فاش كيفكر لكن ذكائو ودهائو وحكمتو هما لي خلاو الشباب يلقبوه بهاد الاسم تيمنا بالجوكر لي كان بطل ففيلم "the dark knight"
واخيرا بطلنا بهاء الدين لي كان فاول لقاء بيناتهم غير مهموم عكسهم هما لي غير ضاحكين وطالقينها تسرح حتى طوالت المدة عاد قدر يتطلق معاهم وحكا ليهم على قصتو مع جلنار ومن تما ساوه عاشق 
بها:(رجع للصرامة والجديو وقال)جبتو المعلومات لي قلت ليكم
سليم:(بجدية تقول ماشي هو لي كان كيضحك عاد دبا)وي حضرة الفائد هاد الكلي فيه جميع المعلومات 
بهاء:(حرك راسو برضى وشد من عندو الكلي برونشاه مع لبيسي لي كان ديجا مبرونشي مع دطاشو وبرك بعدما طلب منهم يطفيو الضو شاد جهاز التحكم من بعد شغل الدطاشو وبداو كيطلعو بعض الصور د ناس ناض وقف حدا الصورة وهو كيهضر بجدية وعاقد حجبانو)هدا اليد اليمنى د العقرب هشام اليزيدي ولد رجل الاعمال الشهير عبد الرحيم اليزيدي لحد الساعة معندنا حتى شي دليل كيدينو كيبقى مجرد مشتيبه به(ضغط على جهاز التحكم وهو كيشوف فليث لي مركز معاه وقال)دبا غنوط:ضح ليك علاش جبتك لهنا..(حرك ليث راسو بالايجاب وقال)
ليث:وي من الاحسن تفهمني شنو كين حيت لحد الساعة مفهمتش شنو كندير هنا
بهاء:(حىك راسو بالايجاب وقال)قلتي ليا بلي حضرتي لدري صغير من نفس سنك تعدب وغتاصوه وقتلوه ومن بعد شوهو الجتة ديالو 
ليث:وي
بهاء(برهة صمت):احتمال كبير يكون هداك لي حضرتي ليه يكون خزك جود الله يرحمو
فجر بهاء القنبلة فوجه ليث لي تصدم صدمت عمرو وصدرو ولا كيطلع وينزل بقوة...

ليث:(بنرفزة والصدمة لاعبة علبه)اش كتخربق نتا بغيتي تقول حضرت لخويا وهو كيتغتاصب؟؟؟ بغيتي تقول بلي انا شهدت على عذاب وموت خويا؟؟؟؟
-الدموع تجمعو فعينيه كيشوف فبهاء والشباب كيشوفو فيه باسى كبير موقف لا بحسد عليه ما تبغيهش لعدوك وبهاء عض على شفايفو بحزن ومقدر يقولو حتى شي كلمة الا ليث لي ولا كيف التور الهيج و الدموع دازو من عينيه نعم ياسدة رجل الثلج بكا وبكا بشدة وقهر داك القاعة ردها خراب فخراب وقفو جوج من الشباب عند الباب وهما ديرين البادج د الخدمة كل من بغا يدخل كيحبسوه ويردوه منين جا وبهاء كيحاول يشدو وهدنو لكن بدون جدوى فالاخير خلاه على راحتو كيخبط ويسب ويقسم بالخالق انو غيدوق للعقرب اشد العداب لي يتمنى الموت وما يلقاه يترجاه ويدفل عليه يدوقو من نفس الكاس فالاخير طاح على ركابيه كيبكي بالصوت ويشهق ويقول...
ليث:سمحولي سمحولي مكنتش عارف مكنتش عارف ومكنتش قادر ولكن دبا كنواعدكم وغلاوتكم عندي(كيقص ماماه وباباه)غنتاقم ليكم ولخويا ولختي ولراسي على اي حاجة 
بهاء:(شدو من كتافو كينوضو)ختصك تهدن وتفكر بعقلك حنا كنا متلعينو من شحال هادي وزياد الله يرحمو كان مبيكي عليه اكثر من الخرين وهو سباب هاد المشاكيل كاملة خاصك دير يدك فايدنا وتعطينا اي حاجة كتعرفها عليه ولو صغيرة تقولها باش نديرو خدمتنا
ليث:انا بغيت نتاقم لموت خويا وواليديا وعلى هاد السنين لي ضاعو من حياتي وانا عايش فكدبة غادي نعاونكم فاي حاجة غندير جهدي كامل وكترر
بهاء:اكيد غتعاونا نتا اقرب واحد ليه وكنضن بلي ما عارفش بلي راك كتاشفتي الحقيقة ومازال كيقولك كلشي 
ليث:وي 
بهاء:غنزرع معاك جوجو من رجالي وغتمشي لنيويورك فين كاين حاليا وغتبدا تجمع اي معلومة صغيرة كبيرة وتجيبها لينا...(سمع لفون كيصوووني جبدو شاف شكون معرفش نيم وجاوب بجدية ونبرة رجولية)الو...وي..شنوووو..مرجعاتش..عيطتي ليها؟(ضرب على جبينو وقال وهو كيصوط)اووف نسيت بلي تهرس صافي صافي انا غنشوف فين كينة
ليث:(ناض لونو مخطوف)مالك شنو وقع شكون تاصل بيك
بهاء:(مسح على وجهو بتوتر وقال)جلنار مرجعاتش من صباح

ليث:(خرج عينيه بخوف وقال)شنوو
بهاء:(بعصبية مخلطة مع الخوف)هاد ختك غتسكت لاصل مي لقلب اععع(ضرب ايدو مع طاولة الاجتماعات وجبد لفون كيدوي مع رجالو)شوف نبغيكم تفرقو وتقلبو ليا على مدام جلنار نبغي خبارها تكون عندي فاقرب وقت
-جاه الرد من الكارد وقطع الخط خرج من تما ومعاه ليث وحتى الشباب كل واحد خرج يكمل خدمتو ومشا فاتجاه الفيلا...
#عند_جلنار
لي مازال على نفس الحال رجع ليها الماضي كشريط وثائقي كيدوز قدامها وكتفكر فبهاء لي ضهر من العدم حتى سمعات صوت رجولي خشن بقات على نفس وضعيتها كتمسح دموعها عاد دارت لقاتو بارك وراها بحاواي جوج خطوات وراسم ابتسامة 
جلنار:(وهي عاقدة حجبانها واثار الدموع على خدودها)نتا اش كدير هنا ومن ايمتى
سامي:(قال ببتسامة)من الوقت لي بديتي كتلكي وتشكي لبحر 
جلنار:(بغضب)كنتي كتصنت عليا
سامي:مكنتش قاصد نسمع كلامك ولكن مقدرتش نبعد عليك ونتي فهاد الحالة..(ناض وبرك فجنبها كيشوف فالبحر وقال وهو ساهي فالبحر)ماشي اي حاجة فالدنيا كتستاهل نبكيو عليها..وماشي اي حاجة بغيناها غتكون لينا خاصك ديما تكون موجدة نفسك للاسوء..(شاف فبها ولقاها ساكتة وساهية شدها من ايدها وجرها جيهة البحر وهي كتشوف فيه باستغراب)
جلنار:فين غادي بيا طلق من ايدي
سامي:شش صبري هاحنا وصلنا 
-كان واقف قدام البحر والما كيضرب لبهم فرجليهم مرام هربات حيت غتفزغ ولكن عاود جرها وقال ببتسامة وتفائل
سامي:دبا غضوري تشوفي فالبحر وغتنساي واش كين شي واحد هنا وغطلقي لعنان لداكشي لي فالداخل ديالك 
جلنار:(كدور راسها فالارجاء كتشوف فبنادم غادي جاي كين لي كيدير الرياضة كين لي كيلعب الكورة الدعوة مخلطة)نوو ما يمكنش شوف شحال د الناس
سامي:(تبتها فبلاصتها وقال) نساي كلشي تخايلي راسك فالعالم ديالك لي كترتاحي فبه وديري بحالي اوك
جلنار:(تنهدات بتعب)اوك 
سامي بمجرد ما سمع ردها دار لبحر وقف لثواني قلااال وطلق صرخة خفيفة
سامي:(ببتسامة)نوبتك
جلنار:(دارت بحالو ولكن مقدراتش تخرج هديك الصرخة شافت فيه وقالت وهي كتحرك راسها بلا)مقدرتش
سامي:(شدها من كتافها وقال شوفي فيا شوفي فعينيا..شافت فيه وقال)انا عارف بلي هاز بزاااف د الحويج خيبين وهما لي خلاوك هكا وكيدبحوك كل نهار وكل مرة تنفستي فيها..خاصك تحاولي واخا خوي بالك من كلشي من هاد الناس لي هنا مني انا من كلشي تفكري الحزن لي فالداخل ديالك واخا
جلنار:(شاف فيه للحظات ودارت لجيهة البحر كتشوف فيه للحظات)...

#عند بهاء الدين لي مشا لفيلا د بن عمرو ودخل بوحدو عند يسرى لي كانت خيفة وقالبة الدنيا بالبكا سولها عليها وفين تقدر تكون مشات لكن ما خدا من عندها حتى معلومة تقدر تفيدو بيها حتى جاه اتصال من عند واحد من رجالو
بهاء:(بلهفة)لقيتوها..فين..اوك
قطع لخط ودار عند يسرى طمئنها وخرج بخطوات سراع لعند ليث لي كان بارك فالسيارة كيتسنى على احر من الجمر 
ليث:امضرا عرفتي شي حاجة
بهاء:(بعصبية)بقات حدا البحر قريبة للريسطو لي كنا فيه صباح..
حرك ليث راسو بعدما تنفس الصعداء فحين بهاء ديمارا لوطو وباش جاي باش ضير انا ليث طلق عينيه ومغتجي غير فالجد وولادو خرجو عينيه وقال
ليث:شكون هادو؟؟؟
بهاء:جدك وعمامك..مالك معارفهمش
ليث:لا عمرني بحث عليهم ومكنتش حامل نشوفهم اصلا..ولكن فيت لي شايفهم فشي بلاصة
بهاء:(وهو مركز مع طريق وحاط صبعو السبابة على شفايفو) غتكون تلاقيتيهم فشي مؤتمر ولا شفتيهم فشي برنامج
ليث:ممكن
كملو طريق فصمت حتا وصلو لبلاصة لي فيها جلنار مع سامي والكارد حاضيينها بمجرد ما شافوه وقفو كاملين ونعتو ليه بلاصة د جلنار لي بمجرد ما هز بهاء الدين عينيه القرودة ولا كيشطحو فوق راسو بالاعصاب وتحرك بخطوات سراع واها حاول يشدو ليث لكن بدون فيدة دفعو وخرج فبه عينيه
بهاء:(دفعو بعنف من صدرو وقال)دخل سوووق راسك ولا مغيعجبك حال
ليث:(شدو كيهدن فيه)شوف العصبية معندها ما تحل غادي غير تزيد تصعب على راسك الامور 
بهاء:(والو لي فيه ما مهنيه دفعو بقوة مضاعفة وعروق جبهتو ويديه بارزين تمشا وليث تابعو وهو عاقد حجبانو حتى وقف مبلوكي وقلبو وقف...
#عند_جلنار
سامي:(بتشجيع)يالاه حاولي متفكري فوال
جلنار:(طلقات صرخة من كل اعماااق اعمااااااااق قلبها صرخة كدل على مدى وجعها ومدى الحزن لي كتحس بيه لدرجة جميع الناس لي كانو تما دارو كيشوفو فيها وكل واحد ونضرتو لكن اغلبيتهم كانو كيشوفو فيها وكيتحسرو)ااااااأااااااااااااااااااه...اااااااااااااااااااااااااااااهههههه ...اااااااااااااااههههه
-طاحت للارض على ركابيها وهي مازال كتغوت لكن هاد المرة بالدموووع

ليث واقف بعيد وكيشوف حالة ختو لي مكتبشرش بالخير عارفها هازة بزاف فقلبها وما فايدو ما يدير من غير يبقا يشوف قلبو حارقو عليها ولكن ما باليد حيلة..اما بهاءالدين ما حس براسو حتى كان معنقها وهي كتبكي فحضنو وضرب فصدرو وتبكي بصوت مرتافع خلا الكل كيشوف فيها اما هو مزيرها عندو وكيبوس ليها فراسها كيحاول يهدنها 
بهاء:(شاد وجهها مقابلو مع وجهو والدموع مجموعين فعينيه)ششش صافي براكة الله يخليك كتحرقيني بدموعك اروحي ششش..شوفي فيا الله يخليك ا روحي ديري لي بغيتي غير ما تبقايش تبكي بحال هكا ضربي غوتي المهم ما تبقايش فهاد الحالة..عارف راسي درت بزاف د الحوايج خيبين ولكن والله ما بايدي (قبل راسها)والله ما كنت قاصد سمحيلي
جلنار:(حلات عينيها حمرين فيه دفعاتو بكل جهدها وقالت بالغوات وهي كتشهق)اش درت ليك انااا ها اش دنبي اناااااا...دنبي بغييتك اهئ تقت فيك اهئ اهئ(ناضت وحتى هو ناض معاها كدوي وكضربو لصدرو وجهو فينما جاتها الدقة وهو مخليها على خاطرها ما هزش فيها العين غير حادر راسو)ولديييي ماااات بسباااابك نتاااا انا بغييييت مجرييييييم بغييت كدااااااب بغيت واحد مكيسواااااش اهئ اهئ ستاغغغغليتي تيقتي فييييك ولعبتي علياااااا كيف بغيتي استغبيتينييي اهئ اش من دنب درت اشنو درت ليييييك حتا تدير هكاااا شنوووو خلاااك طعني فشرفي وتمرضنيي فصحتييييي..
بقات جلنار على نفس الحال ساني كيشوف مفاهم والو ليث عاقد حجبانو وجامع ايدو على شكل لكمة مفقوص من جيهة ختووو وبهاء..بهااء يا بهاء لي كان ربي لي عالم يمكن كتر من جلنار ساكت وكيسمع ليها حتتا غوت ودموع لي كان حابس 
بهاء:الى نتي قهرك هادشي انا داكشي لي عشت دبحني قتلني تبدلت كليا وليت وحش مابقيتش كنرحم عرفتي علاش حيت عااارف لي كنبغيها جرحتها ضميري خمس سنين وهو كيانبني على ديك الهضرة لي قلت ولبي مالي دنب فيه حتى انا مادازش عليا القليل ةما نسيتكش كل ليلة كنبكي عليك وعقلي وروحي معاك كانت ليلتي كدوز جحيم بلا بيك نتي الى دخلتي 4سنين ونص فغيبوبة انا كنت كل نهار العداب وتصابيت بالرصاص ودخلت فغيبوبة ومع دلك كنت كنقلب عليك وغادي نحماق....(نزل للارض بضعف شيء لي خلاها تشهق)انا كنت كنموت بدل الموتة الف مرة بلا بيك واش عارفة انا بعدا كنت كنحس بيك وكنت كنسمح فكلشي على قبلك نخلي الحاجة تمسني وما تمسش منك نتي شعرة وحدة وانا.. انا شكون غيحس بيا شكون غيفكر ليا شكون غدي يوقف معايا فلحظة ضعفي نتي الى تعدبتي مرة انا تعدبت بدل المرة الف وبدل وكنت كنمووت بدل الموتة الاف..تقهرت رحميني
قهر الرجال ومن لا يعرفه لا يساوي حزن النساء شيئا..اذا بكى الرجل فانه يبكي على شيء عظيم اذا بكى فان همومه فاقت قمم الجبال.. عكس النساء ابسط الاشيء تبكيهن قال النبي صلى الله عليه وسلم :"اعوذ بك من قهر الرجال" ولم يقل اعوذ بك من قهر النساء....
-حدر راسو كيخبي دموعوفحين مكينش لي مبكاش ومكينش لي متحركات فيه شي حاجة وخلاتو يبكي اما جلنار بدون وعي ترمات فحضنو كتبكي وتشهق وضرب ليه فصدرو وكلمة وحدة فمها(توحشتك ازمر توحشتك) حتى هو عنقها بكل ما كيملك من قوة وقال وهو كيقبل فجبينها
بهاء: سمحيلي مكنتش عارف غيوقع هادشي كامل سمحيلي...

وأخيرا تنهد براحة وهو مرتاح وابتسامة ساحرة على وجهو وهو معنقها وخاشيها فيها فحين سامي نساحب بهدوء يكفي لي شاف وفهم راسو فحين ليث وقف عليهم كيف القدرة وقال 
ليث:خباركم وصلات لفينزويلا ههه
بهاء:شاف فيه باستغراب)شنو مفهمتش
ليث:(نعت ليه براسو جيهت بنادم)شوف لهيه ههه
دار بهاء لقا بنادم كيصور ضحك على راسو وقال 
بهاء:فضيحتي فضيحة ههه 
جلنار:(شافت فيه عينيها حمرين والخناين ما بغاوش يحبسو كيكونو نازلين وتردهم وقالت ببرائة ومزنغة)علاش شوهتك شوهة مالك كتخون😒
بهاء:(خربق ليها شعرها وقال وهو كيضحك)مسحي خناينك وسكتي هه 
جلنار:أيه سري سريييي 
(مسحات ليه فشوميز وقالت) يالاه لقااا 
بهاء:(خصر ملامح وجهو وقال)اعع اش هادشي المعيفينة
جلنار:(بغضب)مكين المعفون قدك نوض تكعد خليني نوض فحالي تفو على جنس 
بهاء:(شد ليها شفايفها وورك عليهم وقال وهو كيضحك)باقا تقولي تفو نطيرهم لوالديك
جرها ليث وقال وهو كيضحك بعد ليا من ختي ولا غننن
جلنار:كتشوف فبهم مصغرة عينيها)اجي نتما كفاش قضيتكم صباح مقاتلين حتا بولتوني فسروالي ودبت ضاحكين ناشطين 
بهاء:قصة طويلة حتل من بعد ونعاود ليك
جلنار:(شدات فكرشها وقالت)فيا الجوع..

ليث:(وهو بالضحك)نوضي المصيبة نوضي
ناضت جلنار وهي ساخطة اما هما كيضحكو عليها وبهاء الدين غير شاد فيها مباغيش يطلق منها وكيضحك من قلبو ركب ليث فسيارتو وبهاء ركب فسيارتو لي جابو ليه لكارد من جيهت المطعم فين حطها الصباح مشاو لغيسطوغون خاص بالاكل الصيني دمونداو وبركو كيتسناو اما جلنار غير دور وتقول ليهم
جلنار:واش مازال معطلين را قتلني جوع اووف...(بعد لحظات)وناري صافي غنموت باغا ناكل اعباد الله نوضو نمشيو لبلاصة تانية هنننن
بهاء:(شد فراسو وليث كيضحك)سكتي راسي ضرني اعباد الله اععع
جلنار:(ببرائة كانها بنت 6سنين)وراه فيا جوع هننن
ليث:(عيط لسيرفور)واش مازال لكوموند ديالنا معطلة
سيرفور:نووو دقائق وتكون عندكم غير صبرو
ليث:اوك(مشا السيرفور وشاف فجلنار)صبري مبقا والو ا حبيبتي
بهاء:(هز راسو فيه وهو عاقد حجبانو وقال)حبيبتك!!! اش هاد تخربيق جمع راسك وقول ختي بحال الناس
ليث:(عاق بيه غار)همم حبيبتي وروحي وكل ما كنملك فالدنيا مالك غرتي؟؟
بهاء:ومن بعد..ما نبقاش نسمعك تقول ليها شي حاجة من غير ختي
ليث:اوك ههه
جلنار:(شافت الماكلة جاية وهي ضحك حتى بانت ليها ضرسة العقل)احححح واخيرااا
بهاء:(قرب ليها حتل ودنيها ولحيتو كتهرها وقال بصوت رجولي بامتياز)متبقايش تقولي احح احبيبة
جلنار:(تبورشات وقلبها تزادو نبضاتو وقالت بصوت خفيف مرتجف)عفاك بعد شوية
بهاء:(همس فودنها وهو فرحان بتاتيرو عليها)توحشتك بزاف
ليث(نطق مفسد اللحظات وهو كيخشي فوجهو مكيشوفش فيهم):احم ممكن تبعد شوية على البنت وتاكل راني هنا واقيلة
بهاء:(بعد شوية وزفر بقوة مكرهش ينوض يضربو حتا يبانو ليه القرودة كيشطحو نزل على البلا (plat)ديالو كياكول مفقوص اما جلنار حابسة الضحكة وكتاكل وقلبها كيشطح العلوة ومقاداها دنيا رغم بزااااف الغموض لي عندها لكن على العموم فرحانة وحاسة بلي عاد حيات ورجعات فيها الروح...

كلاو وخرجو مجموعين مرام سلمات على ليث وركب مشا بحالو وركبات مع بهاء فاتجاه الفيلا لكن قبل ما يوصل وقف فبلاصة خاوية شوية وجرها عندو معنقها فصمت كل مرة كيتنهد وهي كذلك معنقاه بقوة ضلو على نفس الوضعية حتا بعدات جلنار وقالت وهي كتشوف فيه 
جلنا:(بهدوء)شنو وقع ليك فهاد السنين لي فاتو وشنو السبب لي خلاك تخرجني من حياتك بديك الطريقة وكفاش قضية الزراوي!!!!؟؟؟؟؟
بهاءالدين:(نوضها وحطها فاحضانو باركة كيشوف فيها وتنهد وقال بصوت رزين)انا مكنتش قاصد نجرحك ولا نقول ديك الهضرة من الاساس انا تغابيت فديك اللحظة لانو جيتيني على غفلة ومكنتش متوقع غتجي لعندي بلا ميكون موعد الزيارة حتى تحطيت امام امر الواقع وخرجت ديك الهضرة بدون وعي..كنت ناوي اينفوا نخرج نجي نعتادر ليك ونفهمك شنو واقع ولكن تجري الرياح بما لا تشتهي السفن......(بدا كيعاود ليها شنو وقع ليه وكفاش وصل لهاد المنصب لي هو فيه..الخ)هادشي لي وقع معايا
جلنار:(حطات ايدها على وجهو وقالت بحزن)بفضل غبائك وتسرعك خسرنا تمرة حبنا
بهاء:(كانها فكراتو بشي حاجة باغي يمسحها من عقلو غمض عينيه بحزن كبير لدرجة نزلو دموعو وقال بصوت مخنوق)سمحيلي مكنتش عارف انا مكنسواش عارف ولكن ماشي بايدي اقسم بالله عارفك عمرك تسمحيلي حيت بسبابي مات ولدنا وبسبابي عانيتي بزاف
جلنار:(حطات جبهتها على جبهتو حتا ولات انفاسهم مخالطة وقالت بصوت خفيف هامس)ششش مكتاب الله وحنا راضيين بيه ولله الحمد صحيح باقا حرقة ولدي ولكن ماشي نهاية الدنيا مازال يجيونا وليدات ويعوضنا الله يقدر يكون الله حفضنا من شي حاجة خيبة كانت غتوقع ولا كان هو غيتعدب فحياتوولله في خلقه شؤون لله ما اعطى ولله ما اخد..انا مسامحاك من ديما مسامحاك غير كنت واخدة منك موقف ودبا راك فهمتيني شنو وقع وزيدون الغلط ديالنا بزوج حتا انا فرطت وكيف كيقولو لي فرط يكرط ههه 
بهاء:(شاف فيها عينيه حمرين وكلامها لم الجرح شوية وقال)كنبغيك بزاف احياتي سمحيلي
جلنار:(ببتسامة)مسامحاك وانا كنحماق ونهبل ونتشروط عليك القرد هه..وصافي فك دوك الحجبان وخلينا نشوفو دوك سنينات هه
بتاسم وهو كيشوف فيها برضى وراااحة رهيبة وقرب ليها بشوية حتا طبع قبلة على شفايفها خلاتها تحس بالتبوريشة فجسمها كامل رجع لور كيشوف فيها مغمضة عينيها ورجع عاود قبلها وهو حاط ايدو على مؤخرتها ورجع شاف فيها على نفس وضعبتها من غير صدرها لي كيطلع وينزل قال بصوت خفيف بزاف كانه نسمة ريح(توحشتك بزاف)وبلش فقبلة فرنسية هادئة خلاتها تجاوب معاه وتزيد تقرب ليه حطات ايدها على صدرو والتانية فمؤخرة راسو كتلعب بشعرو و سرعان ما تحولت من قبلة هادئة لقبلة عنيفة شرسة كتعبر على مدى شوقهم لبعض...ضلو على نفس الوضعية حتا تقطعات فيهم النفس جلنار ردات راسها لور كتنهج وهو عينيه نايمين ومعسلين وعلى وجهو بتسامة خفيفة جدابة وقال
بهاء:كنتي فبالي ديما عمرك غبتي عليا..

جلنار:(ببتسامة وهي كتنهج)حتا نتا كنتي بين عينيا والله 
بهاء ضحك من قلبو واهيرا رجع كيفو كيف الناس مرتاح وهمو زال بشوفتها هي كضحك وتعبر وتعاود ليه على خدمتها وطريقة العمل ديالها حتى وصلو لفيلا بن عمرو كانت ديك الساعة حوالي 10:30 وقف بالسيارة قبل ما يدخل وقال 
بهاء:(ببتسامة)حبيبة سمحيلي نبدل هاد الشوميز نسيت ما بدلتها
جلنار:اه واخا..ولكن صبر ندويو 
بهاء:رجع تقاد فبلاصتو وهي كدلك رجعات لبلاصتها)وي روحي كنسمعك
جلنار:(وهي كتلعب بايديها)امم انا ما بغيت حتا واحد يعرف بعلاقتنا دبا
بهاء:(عقد حجبانو)وعلاش مالنا كنسرقو؟؟اش هاد الهضرة دبا!!
جلنار:(بتوتر)احم غير حيت جدة وجدي مغيتفهموش وغادي يتقلقو مني وحتا عمامي اصلا واخدين موقف مني وماحاملينيش مبغيتش نزيد نعطيهم الفرصة فين يدويو
بهاء:(بغضب)مالنا كنخطفو ولا راك مرتي اشريفة
جلنار:(عوجات فمها)وهما معارفينيش مزوجة وزيدون على اشمن زواج كدوي زواج الفاتحة زواج؟؟؟ 
بهاء:(تعصب وقال بغضب)انا عارف اش كندير متعصبينيش وخليني معاك مزيان 
خرج من لوطو وخبطها حتا مشات وجات دار لكوفر وخلاها مبلقة عينيها جبد كانت معلقة تما شوميز بيضا جبدها حيد لي لابس ولبس الجديدة لي كانو حطوها ليه ليكارد فاش جابوها ليه طوا لكمام وخلا صداف لولين محلولين ركب مشافش فيها فحين هي عقداتهم وقالت بجدية 
جلنار:بهاء بلاما تقولها ليهم دبا حتا يجي الوقت المناسب واخا 
بهاء:(بغضب)ضبري لراسك اوك انا خرجيني من هاد زبل ديالك ولا غنولي غير ضاربك هاد الساعة...

جلنار خرجات فيه عينيها مصدومة مدواتش اصلا مخلاش ليها فين دوي بمجرد ما وقف خبطات لباب على جهدها وقال بعصبية
-هرسيه نتي كاع 
جلنار دارت صبعاتو ومشات فحين هو خرج عينيه بفقصة بقا شوية فالسيارة كيبرد فقصتو وعصبيتو حتا رتاح ودخل لقاها باركة مع يسرى كيضحكو ويتعاودو وقف عليها بحال الجن وقال
بهاء:والله يامك لبقات فبك وعقلي عليها مزيان
جلنار مجوباتوش ويسرى كتشوف فيهم بزوج وقالت بفرحة
يسرى:واخيرا تصالحتو ورجعتو بزوج مبروك عليكم
بهاء:(بتاسم ليها)الله يبارك فيك بون تصبحو على خير 
يسرى:وانت من اهل الخير 
جلنار ما رداتش عليه ديرا فيها مقلقة وصل عند دروج غادي يطلع وهو حادر راسو حتا تزدح مع شي واحد تسمعات صرخة انثوية مغرية خلات ودنين جلنار يتقلشو وتنوض بلا هواها لجيهة الدروج ويسرى لي سمعات حتى هي الغوتة تبعاتها وقفو لقاو عبير مسرحة فالدروج وصدرها مدلي والشوميز طالع ليها على فخاضها ديرا شوية الميكاب ومدوشة بالريحة اما سي بهاء بحسن نية نزل عندها كيسول
بهاء:(وهو عاقد حجبانو)ديزولي مشفتكش..واش صافا!!
عبير:(كتمتل)ام نوو كضرني بزاف رجلي ااي تقصحت منها
بهاء:(نزل عندها وقال)تمشي للطبيب؟
عبير:(بصوت مغري)نو غير عاوني نطلع لبيتي الله يخليك
(يالاه غيحط عليها ايدو نطقات جلنار بعصبية)
جلنار:(مربعة يديها وهازة حاجب ومنزلة لاخر نطقات)لا والنبي ياختشي(كملات بعصبية) انوضي تغعدي باراكة من التبوحيط
عبير:(شافت فيها وقالت بتمسكين)ااي علاش غنتبوحط اهئ رجلي كضرني بزاف واقيلة تهرسة منها اهئ
جلنار:اهاه واخا اجي ا يسرى نعاونوها مسكينة تطلع لبيتها ونجيبو ليها الطبيب
عبير:(عقدات حجبانها وقالت بغضب داخلي)معليش مسيو بهاء غيعاوني
جلنار:(شافت فبهاء لي كان كيضحك بلا حس وقالت مخنزرة فيه)حشومة نعدبو ضيفنا 
بهاء:(باستفزاز)لا عادي 
جلنار:(عضات على شفايفها وقالت)شكون طلب رايك اخويا سير نعس ولا قضي شي شغل الى عندك
بهاء:(ضحك ورجع لور)ام واخا بون نوي 
جلنار:(تحت سنانها)تنعس ما تنوض اوجه الويل تفو(شافت فعبير ومدات يدها ببتسامة مستفزة زعمة راني عيقا بيك غير نوضي)اري يدك نعاونك هه
عبير:(ناضت وهي كتعكز وكتوجع بلعاني باش مطلعش قدامهم ضحكة وقالت)لا بلاش انا قادة براسي
جرات جلنار يديها وهي كتشوف فيها ويسرى حابسة الضحكة اما عبير ما رضاتش وتمات طالعة فالدروج كتعرج وتوجع بمجرد ما فاتتهم طلقو حلوقهم للضحك لدرجة سمعاتهم عبير وقالت بحقد
-والله ليك لكان ازرمومية تفو منين تصلطتي علينا منين
كملات طريقها عادي كان شيء لم يكن دخلات لبيتها وسدات وراها فحين يسرى وجلنار باركين فالصالون
كيتعاودو ويضحكو 
يسرى:شتي بهاء الدين عمرك تلقاااي بحالو كنت كتقولك ضروري يكون عندو شي سبب وهانتي وقفتي على كلامي حتا هو مسكين مدازش عليه القليل
جلنار:وي هدا مكتاب الله وكيتصرف معليش الايام جايين بادن الله يكونو احلى(كتفوه)بون انا عييت ليوم بغا نعس مناوياش؟
يسرى:انا غيجي عندي فؤاد يوصلني للدار شحال هادي ما طليت فيها
جلنار:(خسرات ملامح وجها)تفو داك الشمبانزي هو لي غيديك مالقيتي شكون تجبدي ليا غير هداك (وكملات بنبرة حزيننة)ناري حرام عليك غتخليني بوحدي 
يسرى:سيري اختي بعدي مني انا احب الرجال هه 
جلنار:تفو جنسة كيف ديرا يخ غير لي بغا يحزن عليك سيري مشية بلا رجعة زريعة القنب 
يسرى:كين البديل الحب هه سيري حدا بهاؤوو ديالك هو لي غيعطيك الحنان ههه
جلنار:هيهي سيري تخراي 
يسرى:(تيليفونها كيصوني)الحب الشمبانزي جا عهه نخليك نتقاشعو غدوة فالشاريكة
جلنار:(عنقاتها)اوك تهلاي وتصبحي على خير الكبدبد
يسرى:(باست خدها)ونتي من اهلو بقرتي
جلنار:الله يلعن بو لي يدير معاك شي صواب كودي
مشات يسرى كضحك وجلنار طلعات لبيتها عيانة حلات لباب لقات بهاء لابس شورط قصير حد لفخاض فالحمر ومجبد فوق السرير شاد رواية كيقرى فيها وقال:
بهاء:تعطلتي أحبيبة

جلنار خرجات عينيها فيه بصدمة عاد كتستوعب الموقف وقالت بعدما دخلات وسدات الباب بالزربة كتفتف
جلنار:ناري ناري اش كدير هنا واش باغي تخرج عليا..(كتجر فيه)نوض لبيتك 
بهاء:(مبرد على بلولو وكيشوف فيه ببرائة وقال)علاش ياك نتي مرتي..واش كين شي واحد يخلي مرتو تنعس بوحدها حشومة وعيب وعار نخليك بوحدك ا مدام اجي راني توحشتك امجنونتي
جلنار:(خرجات فيه عينيها وهي كترطا)اويلي على المزغوب واش امعطاك الله وناري وتا نوض خرج اويلي حي نوض الويل منين تصلطتي عليا منينن هننن 
بهاء:(ببرود)منين ما بغيتي غير اجي حداية راني توحشتك اكبيدة ديالي اجي عند راجلك حبيبك زمانك وتاج راسك اجي
جلنار رجعات لور كتشوف فيه بقلة حيلة وتحرك راسها بمعنى لا حول ولا قوة الا بالله حتى قال ببرود وهو هاز الرواية فايدو كيقرى
بهاء:بلاما تحلمي غنمشي بوحدي الى خرجت غتكوني معايا وتباتي حداية يكفي انك 5سنين بعيدة عليا 
جلنار:(عبسات ملامح وجها بحزن وقالت بينها وبين نفسها)حتا انا توحشتو ياك هو راجلي قدام الله علاش غنبقا نصعب فالامور وزيدون حتا واحد مغيتجرأ يدخل لبيتي اصلا نسدو للاحتياط(شاف فيه وهي كتعبر فيه)اححح على الحب ديالي زاد زيان وتغدر مالي حمقة نفلت هاد الليلة ههه
-جلنار:(وهي كتشوف بقلة حيلة زعمة وهي را غطير بالفرحة من لداخل)اوك ضبر راسك انا غندخل ندوش 
بهاء:(ببتسامة)ام بالصحة والراحة ا مدام
ميقات فيه ودخلات للدوش اما هو بقا كيضحك حتى دمعو عينيه لانو فاش كانت كتفكر فكرات بصوت عالي وسمعها اش قالت وبقا مسايرها فهبالها...
#نمشيو_لبلاصة_تانية
بالضبط فوسط ضجيج ملهى ليلي VIP كيدخل ليه غير شكون ماشي اي واحد يدخل كان رياض مع مجموعة من الشباب كيضحكو باركين فبلاصة كتبين كلشي شادين الردار لي دازت من حداهم يتبعوها بعينيهم وكل واحد اش كيقول باش يتير انتباهها من غير رياض لي كان بارك على غير عادتو ساهي قال واحد من صحابوو..
...:بسس افين عقلك اصحبي (ما سمعوش وحركو بايدو)
رياض:ها نعام سمحلي ما سمعتكش 
...:فين عقلك اعشيري ماشي عادتك
رياض:اوف والو غير شي حاجة شاغلة بالي وصافي ...فين لخرين!!!
....:(كينعت ليه فيهم)راهم واش عارف هادوك المخلوقات غيضيعو الوقت
رياض:هههه والله مكدبتي مشكيلة معاهم (وقف السيرفور)
السبرفور(بزي رسمي انيق وابتسامة):مرحبا اسيدي اش حب الخاطر
رياض:كيف ديما 
....:اوسي 
مشا السيرفور وبقا رياض مجمع مع صاحبو لعدة دقائق حتا جاب ليهم السيرفور الطلبات ديالهم بتاسم ليهم شكروه ومشا بقاو على نفس المنوال حتى رجعو صحابهم وكل وحد معاه وحدة كيضحكو ويكركروو رياض بارك ما مسوقش ليهم هو وصاحبو كيتناقشو فمواضيع مختالفة حتا نطق صاحبو باعجاب..

......:(عينيه مفيكسيين على واحد طابلة اونفاص ليهم)اوباااا اش هاد الجمال كلو 
رياض:(بدون مبالات)سير عندها اصحبي متبرزطش ليا راسي
....:احح توت يا خويا توت ولكن خصارة باركة مع واحد الشارف 
رياض هز راسو فين كيشوف وخرجو عينيه بصدمة مقدرش يتقبل داكشي لي كيشوف كانت نفس البنت لي شاف فالغيسطوغون نفسها هي الغالية باركة وممرتاحاش لابسة كسوة قصيرة بزاف فالبوردو كل مرة تنزلها لتحت وتقادها من جه الصدر مرة مرة كضحك بزز وكتصنع الابتسامة واحد الشارف بارك حداها لايح ايدو على فخضها وهي كتبعدها ليه بلباقة وبدون متير الشكوك شافها ناضت من بلاصتها ستادن من صاحبو وتبعها كانت غادا لجيهة الطواليطات وحابسة البكية بزز حتا دخلات كان الحمام خاةي وقفات قدام المراية عينيها عامرين دموع كتشوف فنغسها بقرف باشمئزاز بعدم رضى للحظة طلقات دموعها وعطاتهم حريتهم لعل وعسى ترتاح من هاد التأنيب لي كيجيها وبرد العافية لي شاعلة فيها شافت حتى عيات غسلات وجهها ووقفات كترد انفاسها وتقوي فنفسها وهي كتقول
الغالية:على ود خوتي وميمتي غندير هادشي اووف هووف (بقات كتنفس لعدة دقائق وقالت بحزن)ياربي سمح ليا ما بايدي ما ندير هدا هو الحل الوحيد عندي خرجات من الحمام وتمات غادا حتى وقف عليها رياض بقامتو وشخصيتو الجدية وهالة الغضب منتاشرة حواليه بقات كتشوف فيه للحظات لعل وعسى يفهم راسو ويحيد من طريقها لكن والو ما تزعزعش حتى قالت وهي مهبطة راسها 
الغالية:الله يخليك خليني ندوز
رياض:(بغضب)لا معندك فين تمشي
الغالية:علاش شكون نتا بالسلامة تحبسني
رياض:(تفعفع ما عرف ما يقول بقا ساكت للحظات)مكيهمش المهم دبا هو تفهميني اش هاد الحالة ديرا فراسك وشنو جابك لهاد البلاصة
الغالية:(كتشوف فيه وكتحاول تذكر فين شيفاه)عفوا!!! كنعرفك باش تسولني هاد الاسئلة؟؟ الله يخليك بعد من طريقي خليني نقضي شغالي(قالتها وهي كتمنا يبقى حابسها تما ولا يجرها يخرجها من هاد البلاصة كلها لكن سرعان ما تفكرات مها وخوتها دفعاتو وتمشات لكن سرعان ما شدها بهاء بعنف فايديها حتى شهقة من الالم)
رياض:يمكن نسيتيني انا لي تلاقيتك صباح فريسطو*** جبتي ليا الفطور
الغالية:(ضارت عندو وكتحاول تنطر من ايدو لي تغرسو فايدها وقالت)دبا عاد عرفت فين شفتك..(عضات على شفايفها بالم وقالت)مممن طلق يدي وعتيني 
رياض:(طلق منها بسرعة وهو كيحاول يخبي الغضب لي حاس بيه ولي مفهمش مغزاه)سمحيلي محسيتش براسي..شنو كديري مع داك الشارف(بضيق وعصبية)واش نتي من هدوك؟؟
الغالية:(بحالا صرفقتيها حيت عرفاتو شنو كيقصد وقالت وهي كتهرب عينيها منو)ماشي صوقك والله يخليك عطيني تيساع (مشات وخلاتو وراها صدرو كيطلع وبنزل وقال بغضب)
رياض:شحال عطاك؟داكشي لي عطاه ليك نعطيه ليك بالتريبل ودوزي معايا هاد الليلة اش بان ليك
الغالية:(شافت فيه والدموع فعينيها وقالت بضعف)الله يسمح ليك
مشات وخلاتو واقف كيشوف فيها معارفش شنو واقع ليه وشنو هاد الاحساس لي كيعتاصر قلبو بعنف عينيها المدمعين ونبرة صوتها المكسورة والحزينة خلاتو يندم على داكشي لي قال ويضرب ايدو مع الحيط لي قدامو حتى تفلحات يدو...

تبعها لقاها باركة جنب داك الشارف وحاط ايدو على فخضها وهي مزيرة ومحاملاش الوضع نهائيا عينيه خرجو توجه ليهم بغضب عينيه ضلامو ولا كيشوف غير الايد لي محطوطة على فخضها حتى وقف عليها هزات راسها كتشوف شكون تشوكات مكانتش متوقعة يوقف عليها لهاد الطريقة واخا مبيناتهم والو ومكتعرفوش اصلا لكن شوفاتو خوفوها خلاوعا كترجف 
رياض:(وعينيه على يد الشارف قال بغضب)حيد يدك عليها
الشارف:(هز راسو فيه)نعام
رياض:(شد ايدو من على فخضها بقلة صبر زيرها حتى طرطقو صباعو وعطاه بوكس لوجهو طيح لو جوج سنان القدام وسخفو وقال بعصبية)هادي باش تعلم تحط يدك على شي حاجة ماشي ديالك 
شاف فالغالية بغضب كبير خلى قلبها يزداد فالخفقان جرها من ايدها نوضها وتم خارج بخطوات سراع اما هي كتخطي خطوة مقادة وتعكل فالتانية بالطالون دموع نزلو ليها بقوة الخوف والالم لي كتحس بيه فايدها وصل جيهة السيارة حلها ولاحها داخل السيارة فحين هي كانت كتشهق بالبكا والخوف لعب عليها ولات كترجف وحادرة راسها اما رياض لي تعصب وولا كيف البركان فاي لحظة ينفاجر دخل لمكان السائف عاقد حجبانو حيد لفيست لاحها لور وديمارا لوطو فاتجاه المجهول بدون ولا كلمة
#عند_جلنار_وبهاء
دوشات ولبسات فالدوش ببجامة فالحرير بيج شورط قصير وطوب مبين كرشها مشات قدام المراية بركات وهو متبع ليها العينوعاض على شفابفو اما هي حاضياه من المراية وحابسة الضحكة ديرا راسها ما علابالهاش بيه ونا مسوقاش نشفات شعرها وحطات كريم خاص بالوجه كديرو كل ليلة ودارت فازلين لرجليها وكريم د اللحم للترطيب بريحة الفراولة وتمشات لسرير وقفات حاطة ايد على خصرها وقالت بميوعة:تسوخر لهيه
بهاء:(ببتسامة)اهاه مرحبا(بعد شوية خلا ليها فين تنعس وهي تجبدات حداه قلبها غيفرفر بالفرحة ودقاتو فتسارع بمجرد ما تقادت فبلاصتها جرها عندو وزيرها وقبل عنقها ودوز لسانو خلا لحمها يشوك مدارت حتى ردة فعل من غير غمضات عينيها وقال بهاء وهو عند ودنيها ونفسو كضرب فيها)توحشتك بزاف
جلنار:لارد
بهاء:(قلبها وجا فوقها كيشوف فملامح وجها وهي كدلك كتشوف فيه بنضرات شوق وحب نزل لعينيها قبلهم وطلع لجبهتها قبلها قبلة طويلة خلاتها تغمض عينيها وتنهد ورجع قبل خدودها تبعهم انفها ونزل لشفايفها كيشوف فيهم عينيه ناعسين ونزل كيقبل فيهم بنهم وشوق حتا سمعو الدقان هز راسو بهاء وغمض عينيه بعصبية اما جلنار دفعاتو حتا تلاح من فوق سرير جا مكسل فالارض وناضت كتولول
جلنار:ويلي ويلي شكون غيدق عليا فهاد الليل عمرهم داروها..صافي كحلتها ناري تشوهت...

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.