{معلومة:هي ثاني أكبر جزيرة في البحر المتوسط بعد قبرص وتقع في جنوب إيطاليا وشمال ليبيا . وتبلغ المساحة الإجمالية للجزيرة 246 كيلومترا تتميز بإطلالات على التلال المنخفضة والمشرفة على السهول وهي مقصد سياحي شهير}
ياسر ومجموعة من الشباب من كلا الجنسين مجمعين قدام البحر بعد ما سالاو سهرتهم لي منظمينها مشرفي الرحلة كان الجو رومنسي بهدوؤ وبصوت الامواج وصفاء السماء والنجوم لي مزيناها واصوات الاشجار لي كيحركها الريح بارك وهاز كيتار كيعزف عليه ويغني حتا سالا وتعالات التصفيقات فحين عليه عينين متبعين حركاتو وهو كيغني باعجاب قفزات فاش سمعات التصفيقات ضحكات على نفسها بسخرية وحتى هي بدات كتصفق فحين هو حشم من كمية الاعجاب لي محيطة بيه والبنات لي كيتنقوه بلا موجب شرع غير جي وعنق وبوس عادي بحالا كتعرض عليه الذكر الحكيم اما هو تزنغ وندم كاع لاش سمع لصاحبو دور عينيه بخجل كيشتت انضارو حتى جاو فنفس البنت لي كانت متبعا حركاتو صغر عينيه فيها اما هي قلبها نبض بعنف بمجرد جات عينيها فعينيه دورات وجها بسرعة لجهة تانية بحركة لا ارادية اما هو ناض وبرك حداها وقال بصوت رجولي:
ياسر:السلام عليكم
....:(شافت فيه بخجل)وعليكم السلام
ياسر:واش فيت لي شايفك فشي بلاصة قبل؟؟؟؟
....:نوو ما كنضنش
ياسر:(بتاسم وقال وهو ماد ايدو)انا ياسر المالكي 27سنة رجل اعمال ونتي
.....:(شافت فيه للحظات وكروشات يدها فيدو)انا جوهرة عامر 29سنة دكتورة جراحة
ياسر:(ببتسامة)متشرفين الالة الدكتورة هه
جوهرة:(ببتسامة)وانا اكثر
ياسر:امممم انا متاكد شايفك فشي بلاصة قبل معرفتش فين لكن متاكد شيفك
جوهرة:منضنش يمكن تشابهت ليك
ياسر:نو انا متاكد(خرجو عينيه فاش تفكر فين شافها وقال وهو كيضحك)صافي تفكرت فين شفتك هههههههه
جوهرة:هه مالك كضحك هاكا بينا شي مصيبة درتها
ياسر:ههه وي الصراحة تبدلتي بزاف على اخر مرة شفتك فيها وتهدنتي هه
جوهرة:ياك اسيدي
ياسر:يس سويتي
جوهرة:(بخجل)احم فين شفتيني ذكرني انا بعدا ما قلتش
ياسر:شفتك قبل خمس سنين جوج د المرات الى عقلتي كانتي فمطعم**** ودخلتي فواحد الشخص كان كيدوي فالفون صعرتي عليه والمرة التانية تلاقينا فالكلينيك***** ونفس المشكيل وقع دخلت فيك بدون ما نقصد
جوهرة:(خرجات عينيها فيه والخجل طار ناضت شنقات عليه وقالت وهي كتنخض فيه)حصلتي اولد الهم ديك القمعة لي عطيتيني والتكربيعات لي تكربعت بسبابك حلفت نرد ليك الدقة وصمت فيها 3ايام حيت غبرتي ولكن ها ربي جابك حتل عندي وكتفرتس من لفوق يالاه هاكا شد(ضرباتو براس حتى رعف وناضت شادة راسها لي داخ عليها بحر الدقة وكدعي فيه)...
ياسر:(شاد نيفو والدم فايض معرف واش من نيفو ولا من فمو لحد الساعة مازال ما ستوعب اش وقع)اححح امي اااي وناي هرست ليا نيفي احح لا فمي فمي وناري واقيلة سناني طارو ااححح
جوهرة:(وقفات بعدما كانت غادة)والله فيك لبقات نوريك تقولي دبانة كتزنزن تصحابني نسيت والله غير الى معاودت فيك طهارة هانا وهانتا
ياسر:(وصوتو كيغنغن)هاحنا غنشوفو الى مرديتهاش ليك ما ولد فيا محمد غير الخلا
جوهرة:(صبعاتو ومشات شادة فراسها وهي كتنغر طار ليها من البال ومعقلاتش عليه بمرة ولكن لي صكع صكااااع ههه)
#فالمغرب
بالضبط فغرفة جلنار لي كتخبط فجنابها حتى غوت عليها بهاء الدين بعصبية
بهاء:مرااام اش هاد تبرهيش مالي كنزني معاك ديري هاد الحالة
جلنار:(كتهرنن)هنننن اششش حميمتك الى ما سكت هما را مغيفهموش بلي راك رتجلي قدام الله..هانتا سير لحمام ياك دخل تما انا نشوف اش كين ونرجع واخا حميمتك ا بهاء مبغيتش المشاكيل يكفي انهم محاملينيش
بهاء:(زفر بقوة)اللهم طولك يااا روح شي نهار غنضربك شي ضربة تموتي ومتنسايهاش هنا قلتها ليك واخر مرة ديري بحال هاد لبلانات
جلنار:واخا غير سير الله يستر عليك
مشا بهاء كيخبط فرجليه وكيصوط اما جلنار بقات شوية حتا سمعات الدقان مجهد عاد مشات عند لباب دارت راسها عاد فيقة وكفوه
جلنار:همم نعام
ياسين:نعستي؟
جلنار:اش كيبان ليك
ياسين:(كيطلعها ويهبطها)همم مكنتش عارف
جلنار:ايوا هانتا عرفتي تصبح على خير(بغات تسد لباب)
ياسين:(شد لباب بايدو)احم صبري بغيتك فواحد الحاجة
جلنار:(هزات حاجب وخلات لاخر)هاد الحاجة متسناش حتل الصباح!!
ياسين:لا ما نقدرش نتسنا
جلنار:اش كين سربي
ياسين:نقدرو ندهلو لداخل
جلنار:(خرجات فيه عينيها)بعقلك لا سي اخويا حتل غظا وقول ليا شنو ما بغيتي دبا فيا لموت د النعاس ما غنركزش معاك سو معندي باش نفيدك
ياسين:ولكن
جلنار:(غير كضيع فالحجرة والله
ياسين:ام واخا بونوي
جلنار:بونوي
هو دار وهي سدات الباب وكتحمد الله حيت ما سمعش بهاء فاش غوت اما بهاء خرج من الحمام عينيه خارجين فيها
بهاء:(كتجيب ليه التمام بهاد الحركات بحالا طتخوي عليه سطل مثلج كتبرد الغضب وكتشعل فتيلة الاعجاب والعشق..قال بصوت رجولي)يا الله شنو هاد الكياتة كلها واش باغا تسكتي ليا القلب؟؟
جلنار:(بتاسمات بانتصار وقربات ليه حطات ايديها على صدرو وقالت بنبرة خفيفة)يسكت لعدوك ولي ما يبغيك احبيبي
بهاء:(كيرمش فعويناتو ببتسامة)الله يخليك ليا اروحي
جلنار:(امين
تمشا ناحية السرير تكا وجرها معاه خشاها فحضنو كيحك ليها فشعرها كيف كان كيدير قبل خمس سنوات وكيعاود ليها على التداريب لي كانو قاسيين حتى داها النعاس...
#عند_رياض_والغالية
وقف قبالة واحد الجرف وخرج من لوطو كيزفر بقوة ماعارفش اش واقع ليه معاها معارفش شنو هادشي كيحس بيه وهاد النار لي شاعلة فيه ما بغاتش تبرد كان كيشوف فالمدينة وكيدير شهيق زفير باش يتكالما لكن والو حتى دار على غفلة وضرب غطاء السيارة بقبضة يدو بكل جهدو وتولات اللكمات اما الغالية مسكينة زاد خوفها وتكمشات وفنفس كتقرى القرران حتا حس براسو تهدن عاد هز فيعا راسو لقاها كتشوف فيه وخيفة مشا حل عليها لباب بشوية وبهدوء عكس داك البركان لي كان دبا شوية وقال
رياض:الغالية تقدري ترتاحي انا مغناديكش غير رتاحي
الغالية:ولكن نتا اهئ اهئ اهئ(بدات فالبكا وهو كيشوف فيها للحظات بدون ما يحس جرها لحضنو عنقها وهي تخشات فخضنو وعطاتها لشهيق والبكا حتى تسالا ليها الجهد وتقاداو الدموع عاد جرها خرجها من لوطو وجبد قرعة د الما عطاها ليها وقال ببتسامة
بهاء:شربي شوية النا وغسلي وجهك
الغالية:(بادلاتو ببتسامة باهتة)شكرا
خداتها من عندو شربات وغسلات وجها ودارت كتشوف فالمدينة وكتنفس براحة حتا قال
رياض:عاودي لي شنو كنتي كديؤي تما مع داك المريض (تحت سنانو)
الغالية:(تنهدات وداررت لعندو)قصة طويلة
رياض:وانا ما عندي ما ييدار كلي اذان صاغية
الغالية:(تنهدات بقلة حيلة)انننا سميتي الغالية فعمري 21سنة عندي باك بليس طروا(bac+3l) اناا لي هازة عائلتي لي متكونا من ام وزوج ام وتلاثة لخوت صغار قريت حيت عند بالي بلي بقرايتي غنخدم معززة..
مكرمة نهز راسي ومي وخوتي ونخرجهم من القهرة كانت هادي هي نضرتي للحيات لكن فاش خرجت لسوق الشغل لقيت عالم تاني مكنتش عارفاه ولا عندي فيه دراية بالرغم من اني كنت كنسمع بنات وولاد الحومة على البطالة ولكن مكنتش متيقة كانت عندي فكرة وحدة "مَنْ جَدَّ وَجَدْ" وكيف كانت كتقولي ماما "لي زرع شي خاجة كيحصدها فالاخير" وعلى هاد جوج امثلة كنت بانية حياتي ولكن طلع هادشي كلو وهم وولاد حومتي على حق صعيب باش تخدم خاصك الوسيطة ولا الفلوس ولا تبيع راسك وهادشي عشتو ضطريت نخدم كنادلة مطاعم او مقاهي فاش ما كان المهم نقضي بين ناا جاب الله ما حسن ولكن فكل مرة كنتصدم بكمية التحرش لي كنتلقاها سواء من عند الزبائن ولا من عند لباطرون ديالي وكنساحب بهدوء
رياض:(وهو كارز على يدو)ولكن نتي كنتي خدامة ولا لا؟
الغالية:ام كنت وما بقيتش
رياض:وعلاش!!!
الغالية:(حدرات راسها لارض)جا عندي الباطرون د المطعم وهددني يا اما نعطيه راسي ويزيد لي فالصالير ولا يجري عليا وانا ختاريت نخرج بكرامتي(دموع بداو كيتجمعو فعينيها)مشيت لدار لقيت ماما طايحة فالارض هزيتها ديتها للسبيطار قالولي خاصها عملية للكلية ديالها (ضحكة بقهر)والكلفة 10د المليون من غير الكلفة د المتبرع تصدمت وخفت نخسر الحنانة لي كتحن فيا فكرت وفكرت ولقيت غير هاد الحل نبيع شرفي باش ندير لماما العملية وباش نوفر لخوتي مساكن داكشي لي باغين ولي نفسهم فيه كنت ديما كنشوف خوتي كرف من بزاف د الناس باغين شحال من حاجة وانا مقادراش نوفرها ليهم لا كسوة فحال الناس فالاعياد ولا بغير الاعياد الناس كيلبسو جديد وهما مساكن كيلبسو البال كيشوفو دراري هازين بيمو الحلوة...الخ كيبقاو متبتينهم بعينيهم مقادرينش يقولو بغينا حيت عارفين بلي الجهد مكينش عيشين الحرمان بكل ما للكلمة من معنى وهدا هو السبب لي خلاني نلتاجئ لهاد الطريق حتا واحد ما لقاها كيف بغاها وانا درت جهدي كامل باش نعيشهم بدرهم دالحلال ولكن الدياب مخلاونيش
رياض:(بقا مصدوم فكلامها ما قدرش يتقبل هادشي لي قالت ولكن ضرو قلبو من جيهتها ومن جيهت مها وخوتها وقال)غدا جيبي السيفي ديالك لهاد العنوان ودبا زيدي قدامي لداركم ومسحي عليا دوك الدموع منبغيش نشوفهم وماماك غدير العملية هاد الليلة
الغالية:(زرب عليها ما خلاش ليها الفرصة فين تهضر ولكن قاطعتو وقالت)انا ما عنديش فلوس العملية
رياض:انا غنتكلف ما تاكليش هم
الغالية:ولكن منين غنردهم ليك
رياض:حتل تما ويحن الكريم زيدي قدامي وريني الدار وحيدي دوك الدموع وحيدي ديك التقليقة
رياض بتاسم وجرها ركبها فلوطو وهي نقابلاه حتى ركب فالسيارة ركب وبتاسم ليها هز لفون وتاصل بالكيلينيك لي عندهم معاه شراكة وطلب منهم يجهزو ليه متبرع على ود كلية وطاقم طبي وديمارا فاتجاه العنوان لي عطاتو حتى وصل كان عبارة عن ديور الصفيح وكل براكة صغير الى سرحتي رجليك تخرج عند جارك ملامحو جامدين دخل معاها لبراكة ديالهم لقا مها متكية على السرير وخوتها ديرين بيها
الغالية:(ببتسامة)السلااام عليكم
الام:وعليكم السلام ابنتي فين كنتي حتل هاد الوقت..واش هاد لباس؟؟؟؟؟؟
الغالية:(ما لقات ما تقول حتى عتق رياض الموقف)
رياض:السلام الحاجة سمحيلي انا لي عطلت بنتك كان عندنا عشاء عمل وكان لابد تلبس هاكا وتعطل
الام:(شاف فبه ببتسامة ووجها شاحب)وعليكم السلام اولدي مرحبا بيك تفضل وغير قبل علينا
رياض:(مشا عندها قبل جبينها واليد ديالها وقال ببتسامة)ترحب الجنة الميمة كيف بقيتي شوية
الام:(ببتسامة)الحمد لله اولدي الله يرضي عليك(شافت فالغالية لي كانت كتشوف فيه ومبتاسة)سيري ابنتي وجدي شي كويس د اتاي لباطرون ديالك
الغالية:(حركات راسها وقالت)واخا امي..قيس سليمان سلمان اجيو لهنا
رياض:(حبسهم)لا غير خليهم حنا اصلا غنمشيو نقديو الغراض لي قلت ليك
الغاليية:واخا شكرا بزاف
ناض رياض وخرج معاه الوليدات كيضحك معاهم وهما عاجبهم الحال ركبهم فالسيارة لي جاتهم عجب ركبو وهما فرحانين بيها وحشمانين من رياض باركين ومتبتين
رياض:(ببتسامة دار عندهم)شحال عندكم من عام
قيس:انا الكبير عمري 9 سنين وسلمان وسليمان توأم عمرهم 7سنين
رياض:(ببتسامة)كتقراو مزيان؟
قيس:اه كنجيب مزيان انا اللول فالمدرسة كلها..
سلمان:حتا انا كنقرى مزيان
سليمان:حتى انا
رياض:(خربق لقيس شعرو حيت هو لي كان قريب ليه وقال)الى بقيتو هكا عندي ليكم مفاجاة زوينة وغتعجبكم بزاااف
سلمان:(ببرائة)بصح اعمو
رياض:اه احبيب عمو اجي عندي اجي
هزو حطو قدامو ورجعو خوتو حطهم حتاهما لقدام فالمقعد لي فجنبو وبقا كيلعب معاهم ويضحك حتا جات الغالية ومها رجعو الوليدات لور وهو نزل كيعاون الغالية حتى ركب الام حداه وهي طلعات حدى خوتها دمارا وهو مبتاسم وراضي كل الرضى على نفسو فاتجاه المشفى....
وصلو المشفى لي كانو في الاستقبال موجدين ناقل المرضى حطوها فيه والدكتور لي غيشرف الحالة ديالها سلم عليهم وتبادل العناق مع رياض ببتسامة وكاي واحد كيعرفك لابد ما يسول على الاحوال والعائلة..سول رياض الدكتور بجدية
رياض:امضرا لقيتو المتبرع
دك:نو خاصنا لابد من بعض التحاليل لي غتساعدنا نلقاو المتبرع بسرعة
رياض:(حرك راسو بتفهم)واخا دير لي عليك وراك عارف ما نبغيش شي خطأ يوقع واخا
دك:واخا ا سي رياض غير رتاح
مشا الدكتور يقضي شغالو وظار هو عند الغالية لي كانت شادة فخوتها والدموع فعينيها وخوتها تهلعو على ماماهم وكيبكيو بدون صوت شافهم هكاك وهز سليمان لي كان شاد فرجل ختو ببرائة وكيبكي
رياض:(ببتسامة)علاش كتبكي البطل
سليمان:(بصوت طفولي)هئ هئ ماما مريضة
رياض:همم لا ماماك ما مريضاش غير غادي يعطيوها واحد الحاجة زوينة تجيبها ليكم
سليمان:(ببرائة وهو خاشي صبعو فمو)هاء(الشهقة د البكا)ما مريضاش
رياض:(بضحكة نزل عند خوتو وهو حاط ركبة على الارض ولخرى مبرك عليها سليمان قال وهو كيبتاسم)ماماكم الغزالةةما مريضاش غير مشات تجيب ليكم واحد الحاجة من عند باطمان كمكافئة على النقط الزوينين لي كتجيبو فالمدرسة وباش توصل عندو خاص هادو لي شفتو دبا هما يديوها
قيس:(كيمسح دموعو)بصح اعمو مكتكدبش علينا ياك
رياض:(شاف فالغالية لي دموعها نزلو وكتشوف فرياض كفاش كيدوي مع خوتها وشاد ليهم الخاطر كانت كتحس بيه الاب ديالهم فهاد الوقت حرك راسو بلا ورجع شاف فالدراري اما هي فهمات المغزى من ديك لا ومسحات دموعها)لا حبيبي مكنكدبش الكدوب خايب والابطال الزوينين مكيكدبوش ومكيبكيوش كيكونو اقوياء وكيضحكو
جرو عندو وخشاه فحضنو وسلمان كذلك تخشا فيه مرتاح بقاو على نفس الوضع حوالي ل خمس دقائق والخوت غارو من خوهم وحتا هما بغاو رياض يعنقهم حل ايدو وجمعهم بتلاتة فوسط حضنو قلبو كيضرب حاس باحساس زوين عمرو حس بيه حاس بالمسؤولية اتجاههم شاف فيهم بعدما خرجهم من حضنو وقال
رياض:من ليوم انا باباكم ولي خصاتكم قولوها ليا واخا(شاف فالغالية بترجي كانه كيقول ليها متحرمينيش من هاد الاحساس اما هي عينيها وساعو ودنيها تصمكو فديك اللحظة ما فيقها غير قيس لي كيغوت بفرح)
قيس:يس ولا عندنا بابانا يييسس واخيرا مغيبقاوش يعيرونا فالمدرسة
بتاسم رياض ولبى ااطلب ديالهم دخل ليوتيب ودار فيلم امريكي كرتوني مترجم وبرك معاهم كيتفرج وهما مركزين مع التلفازة ومع الترجمة....
#عند_ياسر
لي نوضوه شاد فنيفو غسل وجهو من الدم غادي وكيتحلف عليها حتا وصل لشومبر ديالو دخل دوش ولبس دار صبادرا على نيفو(نردو والديه ولد الشعب بلهلا يطريه ليه هه)رش ريحتو وخرج عاقد حجبانو مع غيحل لباب تحل لباب لي قبالتو وكانت صاحبة دعوتو فاحلا طلة لابسة سواغي ليلية فالاخضر...
غير شافها كحل بالعما اما هي شافففتو طلعاتو ونزلاتو سدات الباب ومشات اما هو بقا متبع ليها العين وقال
ياسر:تيتيزا بنت الحرام ولكن دقتي نردها ولو على جتتي
مشا موراها حتا وصلو لباب لبواط لي منضمين فيه السهرة شافت فيه وشاف فيها جرها عندو وقال ببتسامة وهي كتنطر
ياسر:الفالطة عندك ا بيب سو خاصك دخلي معايا
جوهرة:(كتنطر)طلق اوجه الويل طلق اصكع ليام
ياسر:(باستهزاء)وراني صكع نيت فاش طلاقيت مع مصيبة بحالك
جوهرة:المصيبة خي لي غضربك اوجه الويل تفو
ياسر:(ضربها لفمها حتى تجرحو شفايفها وقال وهو عاقدهم)باقا تعاودي نهرس ليك فمك طلقت ليك اللعب ما ضسريش
جوهرة:شكون داها فيك ابنادم عطيني شبر د التيساع اوك
جوهرة:(جنون بداو كيلعبو فوق راسها هزات صبعها فوجهو)شوف اداك كيليميني والله وما تقلب على طريقي يا حتى ندمك ونفرج فيك عباد الله مالطا كلها تدي خبارك يالاه تلاح ترتاح
ياسر:(طلق منها وقال بتحدي)هادي مجرد قرصة اذن باش تعلمي تبقاي عند حدك اوك
قاد حويجو ودخل لبواط كيصفر كان شيئا لم يكن ضاحك وناشط جبد لفون عيط لصاحبو وراه البلاصة فين بارك ومشا عندو فحين جوهرة بقات كدمع وتصوط على صبعها حتى بىد شوية ومشات نيشان للحمام قادات مكياجها رشات ريحتها وخرجات كتتاصل بصحاباتها نعتو ليها فين كينين ومشات عندهم ولسوء الحظ كانت نفس الطابلة لي فيها ياسر وقال بالزعاف
-مالقيتو فين تبركو غير هنا
صحبتها:علاش مال هنا؟
جوهرة:والو
بركات وهي كتصوط جات من جهة صديق ياسر لي بدا كيتقل فالشراب خدمات اغنية وقال ليها
الصديق:ممكن نرقصو؟
جوهرة:(شافت فيه وخاطرها هارب منو يالاه كانت غتقولو لا وعي تشوف ياسر مجمع مع وحدة تانية وحاط ايدو على فخضها كيضحك ويدوي معلابالوش بالعالام)وي مرحبا
شد فيها وناض ياسر لي مازال كيضحك ما مسوقش محسش بصاحبو فاش ناض مرة دخلو لساحة الرقص وسط الناس لكن بينين للياسر والاصدقاء لي مازال جالسين..بلشو الرقص وقال ليها الصديق:شنو سميتك؟؟
جوهرة:(كتقرب لودنو باش يسمعها )جوهرة ونتا
الصديق:انا ايوب
جوهرة:ببتسامة)متشرفين
ايوب:انا اكثر ..بالمناسبة اسم على مسمى ههه
جوهرة:شكرا
ايوب:قلت غير الصراحة
كملو الرقص وهو عينيه عليها كيشطح ويقرب ليها اما هي محاملاش الوضع كتسنى غير فدسك الاغنية تسالي غافلة على دوك العينين لي كيشوفو فيها..اما ايوب فمبقاش قادو غير يقرب نوو ولا باغي يمس ويحط ايدو جرها عندو ولسقها معاه اما هي كتنطر من يديه
ايوب:خلينا ندوزو وقيت زوين
تحدر بغا يبوسها لكن قبل ما يحط شفايفو عليها كانت مجرورة من ايدو وجاه بوكس لوجهو بمفعول الشراب خلاه يطيح سخفان ما قادرش ينوض...
ياسر:(دفعها قدامو وهو عرقان وكينهج قال بغضب)اش هاد الحالة ديرا فراااسك ها اش هاد الزبل طاوعك خاطرك تخليه يقرب ليك ويقيس فيك ها (قرب ليها كينهج)قاصك هنا(حط ايدو عليها وطلعها معاها بقرصة حتا قفزات)ولا هناا هاه(بقا كل مرة كيحط ايدو كيطلعها معاها بقرصة وهي غير كتبكي اصلا محاملاش راسها وزاد كمل على ما بيها كيغوت ويعير ويسب مفقوص حتا غوتات فوجهو)
جوهرة:وا مكنتش قاصدة مكنتش عارفاه غيقرب ليااا انا براسي ما حاملاش راااسي ما حاملاااش لحمي ما تزيدش تكمل على ما بيا لي فيا كافيني..
ياسر:(رد عليها بغضب قاتل)كون ما كنتيش باغا(شتيمة)يحطو زبلهم عليك مغتلبسيش هكاااا سمعتي غتلبسي لباس محتااارم
جوهرة:كتشوف فيه وقلبها كيضرب وقالت بغضب مصطنع)ونتا مالك باشمن صفة كتقولي هاد الهضرة هاا
ياسر:(بلوكاتو بقا واقف كيشوف فيها للحظات وجرها بخفة حط شفايفو على شفايفها اما هي حلات عينيها على الاخر مصدومة بدات كتنطر ليه فايديها والو وتقول واش طلقها حتى بغا هو عاد بعد وقال)غيكون وصلك جوابي
جوهرة:(بقات للحزة قدامو كتنهج فالاخير هزات ايدها ونزلات عليه بتصرفيقة دورات لو الوجه وقالت)اخر مرة. ..آخر مرة تقرب ليا انا ونتا عمر شي حاجة تكون بيناتنا
ياسر:(بتاسم بفقصة وقال)غيكون احبيبة كنواعدك واخر مرة نشوفك كضحكي مع شي (شتيمة)
جوهرة شافت فيه ومشات لداخل الاوطيل بالجرى اما ياسر بقا متبع ليها العين وقال
نرجعو المغرب بالضبط فارقى الاوطيلات لي هو نفسو بي فيه رياض مسرح فسريرو وشاد لفون حال لفيس وكيضور فالباج ديالو بقلة ما يدار حتى طاح على صورة فيها ختو ويسرى مصورين صورة كيوت مع بعضهم وكيضحكو ببرائة ومن قلبهم زوما الصورة وبقا كيحقق فيها مبتاسم دخل لباج د ختو وبقا كيبقشش حتا طاح ففيديو ديالهم كيضطحو بزوج على اغنية بوم بوم طام طام ضحك باعجاب وضرب على التفاعل لي فيه كان حوالي 980لايك والتعاليق كتر من الف تعليق دخل ضرب طليلة و ندم كاع لاش دخل خرج بالزربة من تما ومشا نيشان دار بيغسون للصور ديالو باش ما تشوفهمش وصيفط ليها انفيطاسيون وبقا شاد لفون كيتسنا....
#عند_يسرى
لي يالاه دخلات لدار مشات نيشان لكوزينة كلات لي موجود وهزات معاها كلاص بنكهة الشوكولا والنوكة وطلعات لبيتها بخطوات بطيئة حطات لفون ديالها بلا ما طل عليه وحيدات حويجها لبسات بينوار خفيف هزات لكلاص ومشات لدوش عمرات البينوار ودارت فيه باندوش بزبدة الشيا والفانيلا جمعات شعرها كعكة وتخشات فيه كتاكل فالكلاص مستمتعة بيه لمدة ساعة كاملة وهي مخشية فالبينوار حتى ملات عاد ناضت لبسات بينوار غوز وخرجات لبسات بيجامة بالسروال ساتان والطوب والفوقي ديالو بالصدافي فالازرق فاتح مثل لون السماء ونزلات لكلاص لي شاط عليها للثلاجة حطاتو بانت ليها تشيبس هزاتها طلعاتها معاها وتجبظات فسريرها شعلات التلفازة وبقات كتقلب فالقنوات بملل وكتاكل فالشيبس حتى طفاتها بنرفزة وهزات لفون اول حاجة مشات الواتس لي غيطرطق بليميساج طلات عليهم واغلبيتهم لقاتهم من عند لي بويفراند ديالها كنقصد بزااف د لبويفراندات هه جاوبات لي بان خاصها تجاوب وشي لاخر كين لي طلعات ليه في كين لي خلاتو هكاك مدخلاتش ليه مرة دازت لانستا كذلك ضربات طليلة على شحال وصلات فليزابوني والميساجات د شركات عرض الازياء وغيرهم وخرجات نيشان لفيس بوك حلاتو كيف عادتها مشات اول حاجة لبلاصة لينوتيف ومشات لبلاصة لميساجات ما حملات تهضر مع حتا واحد
يسرى:اجي نشوفو شكون مصيفط لينا انفي نشدو معاه ستون هاد الليلة بين ما جانا النعاس
دخلات كتبقشش ثار انتباهها جوج د ليكونت واحد مولاه دير نصف وجهو والتاني دير صورتو مع رضيعة مشات لهداك لي حاط نصف وجهو تشبه ليها لشي واحد لكن ما عرفاتش شكون بالضبط
يسرى:نشوفو شكون هاد راس طنغ عاود وها ما عرفتش لمن شبه ليا
قبلات طلب الصداقة وفالبلاصة وصل النوتيف لليث لي كان مال وفنغس الوقت مفيكسي عينيه على الفون...
هز لفون بالزربة كيتاكد بلي قبلات الطلب وصيفط ليها مساج فيه بعض كلمات وهو كيضحك بسخرية
-بقاو كيتعارفو كانهم مكيعرفزش بعض اوبس بغيت نقول كان ليث مكيعرفش يسرى اما يسرى كدوي وتعبر باهتمام بالخصوص فاش عرفاتو من عشاق الشعر بقا من موضوع لموضوع حتا قال الفجر الله اكبر عاد نعسو..
#عند_رياض
لي كان مجبد فوق الفوطوي لي رجعو على شكل سرير والتفازة شاعلة وقيس وسلمان وسليمان كل واحد فين مجبد قيس ناعس ورجليه على خوه سلمان لي كان فوق صدر رياض وحاط ايدو على ضهرو وسليمان حاط راسو على كتف رياض ومعنقو اما ميس الغالية فمجبدة فسريرها كتقلب ناضت مشقلبة ربعات رجليها كتفوه وتحك فشعرها ناضت بتثاقل كتجر فرجليها خرجات من لبيت كتقلب على منين تشرب بان ليها الضوء د التلفازة والصوت خفيف تمشات فاتجاهو كتحك فعينيها بانت ليها قرعة فوق طابلة قبل ما تشوف رياض هزاتها كتشرب وعاد توغضات من النعاس حطات القرعة بعدما سداتها ومشات فاتجاه رياض بان ليها راسو كسحساب ليها بوحدو داه نعاس تما قربات باش تفيقو يمشي ينعس فبيتو حتا بانو ليها خوتها وهما بداك الوضع بقات واقفة للحظات كتشوف فخوتها لي ولا عندهم اب يحن فيهم وتيقنات بلي رياض مكانش غير داوي انما فعلا قصد كلامو وغيكون ونعم الاب قبلات رأس قيس وتبعو سليمان عاد مشات عند سلمان كذلك قبلات راسو هزات راسها فرياض لي كان قريب ليها وحال فمو كيتنفس بهدوء هزات ايدها ببتسامة سدات لو فمو بشوية وقبلات جبينو قبلة امتنان وشكر ومشات راجعة لبيتها فرحانة وقلبها كيخبط بشدة تكات فسريرها على جنبها وعقلها ما معاهاش حتى داتها عينيها اما رياض لي كان فايق وكان مزال كيتفرج طاير عليه نعاس سمع الحس عرفها هي فاقت سد عينيه على اساس ناعس حتى قربات وباست خوتها مكانش متوقع غتقرب ليه ولا غتبوسو فجبينو...ياالله كفاش حس وكفاش قلبو تبدلو نبضاتو وتزادو فالسرعة...بمجرد ما حطات شفايفها على جبينو حبس تنهيدة طويلة بصعوبة حبس راسو يجرها لاحضانو حبس راسو يقبل ايديها ويقبل شفايفها بنهم.....بتاسم فاش مشات وحل عينيه كيشوف فيها هي لي كتمشا بتوازن وخصرها لي كيتهز يمين وشمال و داك الشوميز ديالو لي لابسة ولي زادها اثارة اكثر بقا حاضيها حتى ختفات من انضارو ورجع راسو كيشوف قدامو كيتفرج نوو بغيت نقول التلفازة لي كتفرج فيه كيفكر حتى داه نعاس..
الكل ناعس لكن واش كلهم مرتاحين وهانيين بنعاسهم ولا كين لي كيخمم فنعاسو وهاز الهم فنعاسو هادشي غنشوفوه مع توالي الاحداث....
#اصبحنا_واصبح_الملك_لله
فاق رياض كيتكسل لانو مولف ينوض فالصباح بكري يدير السبور شاف فالهدوك الملائكة الصغار كل واحد فين مبشلخ فقنتت لكن حاطين جزء من الجتة عليه سواء يدين او رجلين من غير سلمان لي كان معنقو ولاصق فيه لقا راسو مكتف بيناتهم معندو كيف يدير حط ايدو على راس سلمان كينوض فيه ببتسامة
رياض:سلمان نوض البطل نوض من النعاس راك خمرتي نووض(دار عند قيس)قيس نوض اصحبي براكة من النعاس(سليمان)سليمان نوض ا بابا نوض من نعاس
-كيحرك فيهم وتقول واحد تحرك بقا معاهم بالسياسة والو فالاخير حط سلمان حدا خوتو وهز قرعة الما خوها عليهم بتلاتة ناضو شاهقين وكيضورو فعينيهم
رياض:هااا واخير فقتو البجاغط من صباح وانا نفيق فيكم وتقول واش تحرك فيكم شي واحد كتجيو غير بالعين الحمرا هه
قيس:(كيحك فعينيه)هننن بغيت نعس مازال فيا نعاس
رياض:(واقف عليهم كيف قباض الرواح وحاط ايدو على جنابو)نووو مكين نعاس نوضو غنخرجووو نديرو الرياضة ونشريو حويج زوينين
مشا وهما تابعينو للدوش دخل ودخلهم معاه دوشو كاملين فجو من الضحك ورياض غير حاضيهم وفرحان بيهم لوا عليه فوطة ومشا لبلاكار صغير كين فالدوش هز منو 3 الفوطات لواهم عليهم وخرج كيلبسهم فحويجهم اما هو تفكر بلي حويجو فالبيت لي ناعسة فيه الغالية لبس غير الشورط لي بات بيه ومشا بالزربة هز حويجو قبل ما تفيق دخل لبيت مشافش جيهتها هز سروال تجينز زرق وشوميز بيض ساعة يد وسبادري بيضة هز روايحو وخرج محمل نيشان لبيت نشف شعرو بالفوطة ولبس ورش الريحة وكذلك لدراري هز سوارتو كتب رسالة صغيرة كيعلم فيها الغالية بلي خارج هو والدراري وطلب لفطور فاش تفيق من الريسيبسيون وخرج فاتجاه المول..
اما بهاء الدين لي فاق ولقا جلنار مكرشخة فوقو فمها محلول والريوغ نازلين طل عليها لقها هكاك ضحك على المنضر ديالها وقادها بلاصتها وناض نيشان لدوش غسل وجهو شلل فمو ومشا عندها كيفيقها
بهاءالدين:(حاط ايدو على راسها)مرام..فيقي..وااا مرام
جلنار:هممم خنيني نعس احمباك
بهاء:(بتاسم)واتي نوضي انا غنمشي باش نمشي لخدمة
جلنار:ام واخا سير
بهاء:(هز حاجب وخلا لاخر)مبغيتيش تنوضي
جلنار:(لا رد)
بهاء:ايه حتا هذا نضر
قرب ليها وباسها من جبهتها حل لباب وخرج كيتمختر لبييتو غافل على العينين لي كانو خارجين فيه...
#عند_ياسر
لي ناض خاسر من النعاس عاقد حجبانو شاف الساعة ومشا للدوش دوش ولبس حويجو ونزل لمطعم الفندق باش يفطر مع الناس لي جاو للرحلة واصدقائو برك معصب غير بوحدو خاصو غير معامن طلب قهوة نوار سيك وبرك عاصر عليها حتى جات جوهرة وفالت ببتسامة
جوهرة:صباااحووووو
الكل(من غير ياسر لي كيطلع وينزل فيها):صباح النور
بركات بعدما طلبات فطور صحي مجمعة مع صحباتها وصحابها ونص عين عليه هو لي كان مفيكسي عينيه عليها وعاقدهم تنحنحات بتوتر وعيطات لسيرفور طلبات منو فطور صحي ويديه لياسر حتى وقف صاحبو وقال بتوتر
عادل:صباح الخير
الكل(من غير جوهرة وياسر):صباح النور
برك عادل اونفاص لجوهرة لي عاقدة حجبانها وكتاكل بهدوء حتى قال عادل..احم جوهرة كيف صبحتي؟
جوهرة:لارد
السيرفور:تفضل اسيدي
ياسر:(مفيكسي على جوهرة وعادل)شكون طلب هادشي؟
السيرفور:(نعت ليه ناحية جوهرة)هديك البنت
ياسر:(على نفس وضعيتو)اوك شكرا
عادل:(حط ايدو على اسدها وقال)الله يخليك سمحيلي مكنتش بوعيي فوت بالشراب ولعب لي على دماغي كنعتاد
قبل ما يكمل كلامو سمعو صوت شي حاجة تخبطات دارو كلهم جهة الصوت واي كان جاي من ناحية ياسر لي جمع النوضة وعروق يدو وجبهتو برزو بشكل واضح جوهرة وقفات بدون ما تحس على راسها غير شوفتو وراتها علاش ناوي رجعات لور كتشوف فعادل لي حتى هو ناض كيبلع فريقو وقال فاش قرب ليه ياسر وهو كيضحك بتوتر:خويا ياسر صافا كيف صبحتي!!...
ياسر:(بدون ولاكلمة نزل عليه بكلاك لوجه خلا دمو يجري وقال بغضب ووجهو حمر بالعصاب)ياك قلت ليك فرقها عليك لبارح ياااك(عطاه بوكس لجهة العين)قلت ليك غوت ساحتها..(شنق عليه)كتحداني زعما بهاد الفعيل ديال ولاد(شتيمة نعم يا سادة ياسر يشتم ويسب الاعراض😅)ضربة تابعة ضربة وبوكس تابع بوكس عادل فشل وحتى باش يطاكي على راسو مبقاش قاد المطعم ترون وغوات البنات كيتقب الودنين والدراري كيفكوو لكن والو شدو شدة العمى فالضلمة اما جوهرة بقات مصدومة واقفة وحاطة ايدها على فمها كاتمة شهقاتها ودموعها شلال بقات واقفة للحظات كتشوف فهداك التور الهايج حتى دفعها شي واحد بدون قصد وطاحت غيبة على الوعي الانضار تحولو ليها والكل شهق لانو طاحت على الحافة د الطابلة
البنات كيغوتو وصحاباتها كيبكيو ويطلبو فالناس يتاصلو بالاسعاف اما ياسر ما طلق عادل حتى ردو شرويطة طلقو كيقلب على جوهرة يكمل عليها مبدا دور عينيه فالارجاء مبانتش ليه فكر انها هربات وتم غادي يقلب عليها وكيحلف فنغسو يندمها على اللبس لي لابسة حتى سمع وحدة من صحاباتها كتبكي وتغوت بسميتها كتفيق فيها دار مخلوع اولا مفاهم والو تمشى بخطوات سريعة وهو كيدفع فبنادم لي مجموع عليها حتا بانت ليه مليوحة فالارض والدم دار ضاية حداها طاح حداهاا على ركابيه خايفها تكون ماتت كيشوف فصحبتها كيبكيو مقادرش يصدق قال وهو كيسول فصحبتها
ياسر:مالك اش وقع ليها شكون دار فيها هكا
.....:طاحت على الحافة اخويا ومعرفتش مالها
ياسر بلا ما يشوف فيها ناض وهزها بيت يديه والتيشورط لصق عليه بالعرق حطها فلوطو وجر معاه الحارس لي كيكون عند باب الاطوليل وقال ليه بالغوات(الحوار بالانجليزية)
ياسر:حل لباب وسوق نتا لكلينيك بسرعة
ركب جوهرة فالسيارة لور وبرك حداها حاط تيشورط ديالو على جبهاتها..مسافة الطريق وكانو تما دخل هازها فايدو وخايف عليها حالتو عامرة دم شافوه الممرضات وجابو ناقل المرضى حطوها فيه وهو تابعها بخوف حتا وقفو دكتور لي غيتكلف بحالتها....
#عند_بهاء_وجلنار
دوش وخرج لاوي عليه فوطة فالاسود مع هز راسو كيقاد فشعرو بايدو حل عينيه مصدوم...
بهاءالدين:(حل عينيه مصدوم)مالك على هاد الحالة
جلنار:(ميقات فيه)مال حالتي كيف جاتك
بهاءالدين:لا غير مشعكة ووجهك مازال مغسلتيهش...الخ
جلنار:(قربات ليه بكبرياء وحطات ايديها على صدرو لي كان سارد كتحسسو وقالت كتشوف فعينيه)ياك انا حبيبتك همم وكتموت عليا هم
بهاء(بغباء):اه كنهبل عليك احبيبة
جلنار:(بغنج وهي كتعض على شفتها السفلية)ايوا علاش تصدمتي فاش شفتيني هكا همم(دارت فيها مقلقة)
بهاء:(عينيه ولو فيهم القلوبة وقال باعجاب وبرائة)انا لا بالعمة غير كحسابلي مازال ناعسة داكشي علاش تصدمت فاش شفتك فوق السرير
جلنار:(عطاتو بالضهر كضحك بانتصار)هممم وا طلب مني السماح وقول عاش الملك
بهاء:(قرب ليها وعنقها من لور حاط ايدو على كرشها وقبلل عنقها وقال برصوت رجولي)سمحيلي حبيبتي وعاش االملك ههه
جلنار:(وهي كضحك كتافها كيتهزو دارت عندو شداتو خدودو عندها وبغجاتهم وقالت)ههههههههه واعباد الله شحال كتحمقني بهاد الكياتة والرجولة لي فيك
بهاء:(ضحك من قلبو وقال)وااا عباد الله شحال كنتشروط على هاد المشعكة دارت عنقاتو وهي كضحك وفرحانة بيه ستادنات منو ومشات غسلات وجهها قادات شعرها ورجعات عندو لقاتو واقف عند الماريو غيجبد حويجو وقالت ببتسامة:روحي صبر نجبد ليك انا حويجك هادي خدمتي هه
رجع بهاء لور جلس على سرير كيشوف فيها ومقاداه فرحة كيحمد الله ويشكرو فنفسو الف مرة حتا جبدات لو كوستيم حطاتو ليه فوق السرير وكالصون مشات كتجبد لو لزاكسيسوار ديالو والصباط لي غيواتي الكوستيم باهتمام اما هو غير كيضحك وكيشوف فيها......
#عند_ياسر
كيمشي ويجي فالكولوار ديال الكلينيك كيدعي الله ميكون عندها حتا حاجة خيبة وحداه الحارس لي ساق بيه كيشوف فيه غادي جاي وما فاهمش شنو كيقول حتا خرج الدكتور ومشا عندو ياسر بلهفة وخوف....(الحوار بالانجليزية)
دك:شكون مع المريضة
ياسر:انا ا دكتور خير واش عندها شي حاجة خيبة
دك:(بهدوء)الانسة نزفات بزاف والحمد لله قدرنا نوقفو النزيف خيطنا ليها الجروح لي فجبهتها وحاجبها وانشاء الله تقوم بالسلامة
ياسر:(تنهد وهو كيحمد الله)واش نقدر نظخل عندها
دك:وي تقدر لكن راه شاد فيها البنج والله يهليه ما تخليهاش تجهد راسها بالهضرة
ياسر:(حرك راسو ودخل عندها كيشوف فيها باسى حتى وصل عندها بررك فالكرسي لي فجنبها شد ايديها قبلها بحنان وقال)سمحيلي انا السباب لي وصلك لهنا
الغالية:اهئ اهئ يكون دا لية خوتي وخلاني انا هنا اهئ اويلي اش غنقول لماما اهئ اهئ
عاود ناضت مشات لبيت لي باتت فيه كتتبدل فحويجها وعقلها غايب كتفكر فمها وخوتها حتا بانت ليها ورقة لاصقة فالمراية مشات كتجري هزاتها وبدات كتقرى فيها وعاد رجعااات فيها الروح وقالت:(بندم)ان بعض الظن اتم الله يسمح ليا منك ضنيت فيك السوء
لبسات حويجها وبرركات كتسنى فيهم يرجعو...
كمل بهاء لباسو ونزل باش يفطر وجلنار مشات دوشات وبدلات عاد نزلات وعطرها د العود ولي ماهو الا دليل على رقيها خلا الجميع ينتابه الوجودها واولهم بهاء لي هز فيها راسو مبتاسم وغمزها تحت نضرات عبير وسماح
جلنار:(ببتسامة)صباااحووو
الكل:صباح الخير
بهاء:(لي تسناهم حتى قالوها وقال بصوت رجولي رزين مع بتسامة بينات غمازت دقنو)صباح النور
جلنار:صباح الخيرات
بركات فجنب جداتها لي كانت حادرة راسها ما هياش فهاد العالم هي و الجد جابت ليها المساعدة حليب بالشكلاط وطوست ديالها بالنوتيلا وبعض الفواكه بدات كتفطر معلبالهاش بالعباد من غير بهاء لي مرة مرة تهز عينيها تشوف فيه وتبتاسم بخجل
عبير:(بفقصة)تي شوفي ليك (شتيمة) كي كتشوف فيه ناري مكرهتش نضرب لمها شي نتفة
سماح:(باستهزاء)ههه متخافيش ضوسها قريب يتسد غنشوهها واحد الشوهة تموت وتنساها
عبير:(صغرات فيها عينيها)اش تما اش مخبية عليا
سماح:ههه عندي بلان مق******
عليها
عبير:(بفضول)اشمن بلان
سماح:(غمزاتها وقالت بغل)ماشي شفت بهاءالدين خارج من عندها فرحام وغير كيضحك لا والواعرة هي انه خارج مسفح ههه لابس غير شورط(عضات على شفايفها)ياختي كون ليل كامل وهب كتمتع بدوك العضلااات وهدوك الشفايف احح
عبير:(عفطات عليها وعينيها تجمعو فيهم الدموع)كتكدبي ابنت الق****** ميمكنش واش باغا تحمقي اصل مي وباركة تشهاي فيه قدامي
سماح:(شافت فيها مخصرة ملامح وجها)احح الله ينعلك الكلبة عفطتي عليا تفوو اححح وعتيني
عبير:(بغضب ومخرجة فيها عينيها قالت تحت سنانها)قولي اش شفتي ولا نهارك كخل ليوم نحط ليك وسخك قدامهم كاملين نخليك شوهة قبل من ديك الخانزة
سماح:(بصوت خافت)صبري حتا يمشيو ونعطيك تشوفي ماشي غيؤ تسمعي ولكن حلفي ما تجبدي لي الصداع معاهم واعديني
عبير:كنواعد
شافت فجلنار لي صابحة منورة وبهاء لي منزلش عينيه عليها حتا الماكلة حبسها بقات غير كتصوط بغات تنفاجر حتى قشعاتو باسها فالهوى وغمزها بغات تنتف رايها فديك اللحظة جمع الوقفة وقال
بهاءالدين:صباحكم مبروك خليت ليكم الراحة
صابر:تسناني نمشيو مجموعين
سيف الدين:حتى انا ديوني معاكم عندي شي شغال تما
الكل نساحب من على الطبلة با غير جلنار وسماح وعبير حاضيينها ومغزفات عليها...
دازت ٢٠يوم على اخر نهار شافت فيه جلنار بهاء كانو ايامها روتينية الخدمة لدار ولا المدرسة الخاصة بالرقص مرة مرة كتتاصل بيه لعل وعسى يكون لفون ديالو شاعل لكن والو وكل ليلة كتسمع حشيان الهضرة من عند سماح وعبير بدون ما تفهم اش كيقصدو مكتجاوبهمش وكتمشي لبيتها تكا ولا تجمع مع يسرى فالفيس تحكي ليها على الفارس المغوار لي قدر يسلب قلبها من خلال المحادثات الليلية وكلمات الغزل لي كيمطرها بيهم..اما ياسر فرجع من مالطا ورجع لخدمتو واكيد مناسيش جوهرة لي ما خلا مدار معاها ولا هي بغات تعطيه فرصة فينما كيدوي معاها كتخسر عليه"مستحيل يكون بيني وبين شي واحد صغر مني شي علاقة"وكتسد الحديت وتمشي وتخلبه واقف اما رياض لي دار لام الغالية العملية وشرا ليهم ابارطومون فحي راقي ودخل خوتها لمدرسة خاصة من مدارس جلنار الليث الخاصة والغالية خدمها معاه فالشركة كمساعدة خاصة وفؤاد مازال ما فقد الامل انو يتزوجها مع العلم مازال معرف بلي بهاءالدين رجع فحين عائلتو كاملة عرفات وفرحو ليها.....اليوم كسائر الايام سالات جلنار خدمتها وخرجات باتجاه فيلا بن عمرو كتسوق سيارتها بهدوء ومشغلة موسيقى كتريح الاعصاب حتى وصلات دخلات لفيلا لي كانت خاوية تقريبا دخلات عاقدة حجبانها وطالع ليها الخز لراس لاحت ساكها باهمال وحيدات نضاراتها الشخصية كذلك باهمال وعبير وسماح كيشوفو فيها بحقد وسم وكره...الخ حتا نطقات عبير باستهزاء وكيف كل مرة جلنار منخلاهم
جلنار:لا مع لي حداك..(نزلات عندها بغضب)قولي اش كتقصدي وجيني نيشان قبل ما نخل دار جد بوك الك
قبل ما تكمل كلامها سمعات جدها داخل وقال بصوت غليض غاضب...
الجد:ايييه ابنت ولدي وليت منيكة انا تعايري بيا هنا اخر يامي وليت كلب
جلنار:(بندم)لا اجدي مقصدتش والله هما لي جبدوني وديما كيغرسو فيا العضرة وكنسكت
عبير:لا اجدي حنا مدرنا والو هي لي مكتسواش..
جلنار:جمعي فمك ولا مغيعجبك حال
الجد: حتارمي راسك راني قدامك زعما ولا بالسيف بنت زناقي عمرك ترباي ولا تكون منك الطيلة بحالك بحال مك تريكة ناقصة
جلنار:(تجمعو الدموع فعينيها وقالت بصوت خافت)سمح ليا اجدي مقصدتش..وماما ونعم الام رباتني احسن تربية والله يسمح ليك على هاد الكلام لي كتقول
عبير:ايييييه لزمي حدووودك المسخة شكون نتي تقولي على جدي هاد الهضرة وسخك وعارفينو وخبينا عليك باش تبفا صورتك قدام جدي وجدة مزيانة ولكن نتي طلعتي مكتسوايش وزيداها كتعيري فينا بلا حشمة بلا حيا
سماح:(كتنغز فيها تسكت حيت بان ليها الوضع غيخرج فما لا يحمد عقباه وقالت باش تبرد الوضع)احم صافي ما وقع باس معليش الانسان كيخطأ وحنا مسامحينها
عبير:(خرجات عينيها وبانو نيابها مسغلة الفرصة)لا اختي الى نتي مسامحة انا لا اش كيحساب ليها راسها مسخة د الخلا كل مرة ماسحة فينا رجليها وحنا ساكتين على وجه جدي وجدة باش ما نجبدوش الصداع ولكن حتل هنا وحبس(شدات التلفون كتخربق فيه ومداتو للجد)هاك اجدي شوف اش مبرك فدار ولدك
شد الجد لفون كيشوف فالتصاور وعينيه خارجين كانو فيهم اللقطات لي كان بهاء قريب لمرام بجميع ليبوزيسيون معنقها وهو عريان وهي حاطة ايديها على صدرو وفاش باسها وفاش كانت كتقاد ليه الكرافاط وفاش قبلات شفايفو وتمنات ليه نهار مبروك المهم اي بوزيسيون مثيرة صوراتها سماح برك على الفوطوي بتعب وحل لكرافاط كيتنفس بصعوبة وقال...
الجد:اش هادشي ابنت الحرام باغا طيحي راسي للارض(لاح عليها لغون على وجها ...
#فأمريكا
كان بهاءالدين كيجهز نفسو ومعاه اصدقائو كل واحد اش كيدير ليه كين لي كيركب ليه ميكروفون صغير بزاااف بحال العدسة وكين لي واقف كيعطيه الاسماء لي غيحتاج وكين لي كيدكرو بهويتو المزورة ويعطيه الخطة
بهاءالدين:اوك المهم نبغي كلشي يكون هو هداك مبغيتش العقرب يحس بشي حاجة
عماد الدين:اوك شاف غير كون هاني الخطة غنفدوها على اتم وجه
بهاء(شاف فسليم):تاصل بليث بالرقم السري وشوف واش كين شي خبار فالموضوع لي كلفتو بيه هو واسماعيل
خرج بعدما خدا سلاحو وركب فسيارة عادية خاصة بشركة الحراس الشخصيين ومشا فاتجاه الحفل....
#نرجعو_المغرب
بعدما لاح الجد لفون على وجه جلنار طاكات بايدبها وطاح للارض هزو صابر لي كان اصلا محاملهاش ومعتابرها دخيلة على العائلة وكان باغي غير منين يدوز ليها واكيد مغيفلتش هاد الفرصة هز لفون بالزربة يشوف شنو فيه وخرجو عينيه بصدمة هز راسو وعطاها بطرشة على وجها بكف يدو حتى تجرحات فوق نيفها بفضل خاتم الزواج لي دير فصبعوو وخرج الدم شدات نيفها بالم مقدراتش تقول شي حاجة هادي هي جلنار هكا رباتها سعاد ما تهزش العين فلي كبر منها ولو يكون على خطأ وهكا كانت فبداية القصة فاش كان كيضربها دريس هي ومها ومع دلك مكانتش كدوي الطبع غلاب نزلو دموعها وهي شادة خدها وفنفسها كتوعد لعبير تندمها
صابر:(شدها من شعرها)الله يلعن الحمار تاع بوك الكلبة وليتي تق***** فدار خويا وحنا كينين الخانزة الله يلعن بوك الق******
جلنار:(حتل هنا وفاض بيها الكاس دفعاتو بقوة وقال بالغوات)شكووون نتا حتا تجبد بابا على فمك بابا بزااااف عليك وراااجل عليك الى كنتي مقروووح منو ما تستاغلش الفرصة باش تشتمو حيت انا هنا ومغنهليش شي واحد فيكم يجب بابا وماما على فمووو نقتلو قبل ما يقول كلمة خيبة فحقهم (هزات صبعها فجهو مخرجة عينيها)اخر مرة سمعتي ولا غندمك نتا وهاد الكلبات د بناتك
صابر:(بغضب عاود صرفقها بغفلة منها)ياك الكلبة يا قليلة الترابي وليتي تهزي عليا صوتك وايديك هادي هي ترابي لي رباتك هاديك الملقطة د مك
جلنار:(هزات ايدها حتل لفوق ونزلات عليه لوجه حتا ضار وجهو الكل شهق وعينيهم خارجين وقالت)تربيتي حسن من تربيتك وهاديك لي كتعير فيها وهي فقبرها كاين لي يدافع عليها وفخيرها باىك نتا وتريكتك ودبا هز عليا قشاوشك نتا وطريكتك وخرج من داري مانشوفش وجهك (دارت عند عبير لي ولات كتغزل بالخلعة)ونتي حسابي معاك هو التالي كنقسم ليك بالله حتى غندمك وغنخرج منك هادشي كااااامل لي درتي ولي دوزتيه عليا وكنت ساكتا ليك(رجعات شافت فعمها وقالت بحدة ووجها ولا حمر وخدها مرسوم فيهم صباعو ونيفها مجروح كينزف)برااااااااا
صابر:(حس بالشمتة)كنتي وغتبقااااي مو
الجد:(وقف بغضب)صااابر سككككتت
جلنار:(شافت فيه)لا اجدي خليه يخرج سمو نشوفو اش هاز فقلبو
الجد:(شد فقلبو وبرك بتعب فالفوطوي وحداه الجدة شادة فيه وكتبكي كلشي تجمع عليه)سكت ا صابر براكة حفيدتي وانا لي مسؤول عليهاا معند حتا واحد فيكم الحق يحاسبها
جلنار:(كتبكي ومعنقاه)صافي اجدي رتاح مدويش بزاف
الجد:(كيكح)عفاك ابنتي سمحيليه راه مقاصدش لحظة غضب وغتفوت كح كح...انا مبقا لي والو فهاد الدنيا ليوم ولا غدا كح كح نمشي عند لي خلقني
جلنار:(شادة ايدو كتبوسها وتبكي قالت بخوف)لا اجدي لا متقولش هكا نتا لي بقيتي لي من بابا عفاك اهئ اهئ رتاح الله يخليك منقدرش نخسرك حتا نتا اهئ
الجد:(حط ايدو على شعرها وقال)عندي طلب واحد وبغيتك تنفديه
جلنار:واخا اجدي ندير لي بغيتي
الجد:واعديني كح كح
جلنار:(الدموع نازلين)كنواعدك اهئ اهئ
الجد:كح كح بغيتك تزوجي من فؤاد ولد محمد صاحب باباك الله يرحمو ومتعتارضيش على كلامي كح كح......
فجر القنبلة لي كانت شاغلاه فوجه جلنار لي تصدمات ورجعات لور مخرجة عينيها فيه وجها صفار دموع تحجرو فعينيها
إبنة الجار الجزء 11
محتوى القصة
التنقل بين الأجزاء