إبنة الجار الجزء 12

من تأليف شيماء الصافي
2019

محتوى القصة

رواية إبنة الجار

#عند_ياسر
واقف اونفاص لباب لكلينيك كيتسنى فيها تهرج كيف عادتو وهاد المرة مقرر قرار لا رجعة فيه يا بيه يا بيها واخا يعرف تكون ليه بالسيف المهم تكون بانت ليه لابسة لباس المشفى وخارجة دورات عينيها على الشاريع باش تقطع وهي تقشعو بان ليها واقف تنهدات وقلبا طريقها راجعة لكلينيك اما هو غير قشعها تحرك بالجرى وقفها بزز 
جوهرة:نعام اش بغيتي..راني فالخدمة وما بغاش الشوهة
ياسر:جوهرة سمعيني انا كنبغيك واش فهمتيها خمس سنين ما نسيتكش بقيتي فبالي هاد المدة كاملة وداك الفيلم د عاد تفكرت فالجزيرة وكذا كان غير تمثيل باش ندوي معاك وصافي قلبت عليك حتا عييت باش نعتادر منك ونفهمك شنو كان واقع ليا وعلاش معتادرتش منك فاش طرا المشكيل بيناتنا...عرفتك دفعتي استقالة لشي اسباب مبغاوش يقولوهم ليا مخليت فين قلبت عليك كنحلف ليك حتا جابتها الصدفة وتلاقينا فمالطا تيقي بيا من اول نهار شفتك فيه كنت كنفكر كفاش ندير ندوي معاك ولقيت هدي احسن حاجة ندير مكنتش عارف مازتل هازة فقلبك وحاقدة عليا
جوهرة:(قاطعاتو)لا محاقداش عليك علاش غنحقد عليك
ياسر:سي حاقدة عليا كون ما كنتيش حاقدة مغضربيني بروسية ترعفيني(قالها بغضب وعينيه كيشوفو فالجهة لخرى مراضيش وغير كيسوط)
جوهرة:(جاب ليا الضحكة قالت وهي حابساها)واش فيها الى ضربتك متلك عمر شس وحدة ضرباتك!!
ياسر:(بسرعة)لا وعمرها تكون نتي اول وحدة واخر وحدة وزيدون دوزتها ليك غير حيت كنبغيك(بغرور)
جوهرة:(طرطقات بالضحك من شكلو الطفولي لي رغم الغرور كان كيبان كيوت وطبعو المسالم غالب عليه)ههههه سوري
ياسر:(بتاسم لضحكتها وقال)خليك هكا كتباني زوينة
جوهرة:(بخجل)همم شكرا
ياسر:(ببتسامة)اححح اقلبي وفاش كتحشمي اش كيوقع لياا واش باغا تسكتي ليا القلب ها
جوهرة:(كتشوف فيه وعينيها كيلمعو وقالت بحزن وقلبها كيتقطع)ياسر انا ما نقدرش ن
ياسر:(قاطعها)جوعرة غير متزربيش متشي نتي اول وحدة غتكون فعلاقة مع واحد صغير منها عادي كيبقى التفاهم والحب هما لي ديمين اما العمر كيجري والجمال كيمشي المهم هادا اش باغي ولمن رتاح(حط ايدو على قلبو)
جوهرة:الصمت
ياسر:شوفي را والله ما نتحرك من هنا حتا ناخد جوابك وكوني على يقين الى قلتي اه غنهليك اسعد وحدة فهاد الدنيا والى قلتي لا عمرك تشوفي وجهي ولا حتى تلمحيني
جوهرة:(قلبها وعقلها فحوار حاد)الصمت
ياسر:خودي راحتك فكري مزيان وسيري كملي خدمتك فاش تسالي غتلقايني هنا ونبغي جوابك النهائي
جوهرة:حركات راسها ومشات تكمل شغالها اما هو بقا واقف متبع ليها العين حتا دخلات عاد دخل لسيارتو وتحرك...
#فيلا_بن_عمرو
جلنار مازال فبلاصتها مصدومة الجد على حالو والجدة حداه واخيرا نطقات وقالت
الجدة:عفا بنيتي سمعي لجدك راه حالو معاجبنيش متكونيش نتي سباب موت جدك اهئ اهئ ومعزتنا عندك ابنتي الى مقبلي طلب جدك
جلنار:(بعد لحظااات من الصمت قالت)انا اصلا مزوجة
الكل تصدم الكل حل فمو الجد نسا المرض وطلق من قلبو وصابر حل عينسه على وسعهم هو وخوه وعاد زوجاتهم والبنات لي بحالا صرفقتيهم لانهم بمجرد ما سمعوها بالهم مشا نيشان لبهاء قال سيف الدين وهو كيحاول يفهم
سيف الدين:اش كتقولي ابنتي واش بصح ولا غير باش متزوجيش
صابر:(باستهزاء)اكيد باش ما تنفدش كلام بابا
سيف الدين:صافي براكة اصحبي زدتي فيه خلينا نفهمو من البنت
جلنار:(غمضات عينسها وعاودت حلاتهم كتشوف فيهم وقالت بكل ثقة وهي كطلب الله ما يجبدوش ليها لاكت)ببهاءالدين الزراوي
صابر:(هز حاجب ونزل لاخ)وشنو الدليل عندك 
جلنار:(لارد)
الجد:عفاك ابنتي قولي غير كتكدبي انا عطيت الكلمة ما نقدرش نرجع دري صغير قدام الناس
جلنار:انا جدي مزوجة ومكنكدبش 
سيف الدين:عطينا لاكت نشوفوه
جلنار:(بعد لحظات صمت)معنديش
صابر:ها لي قلت ما مزوجة ما والو غير كتكدب باش طيح بالواليد قدام الناس
سيف الدين(خنزر فخوه):شحال ونتي مزوجة دبا
جلنار:6سنين دبا
سيف الدين:اكيد غيكون عندك ابنتي لاكت ياك وريه لينا باش نرتاحو وجدي حتى هو يقتانع ونعرفو اش نقولو لناس..

جلنار:(بانفعال)وماعندييييش اناااا
الجد:واخا وفين مشا هاد الراجل عندك لي غبر غبرة وحدة معلم ما والو بات ما صبح
صابر:وعلاش مقال لينا والو عليك اذن القضية فيها ان
جلنار:(خنزرات فيه)نتا بالدات دخل سوق راسك حتى واحد مطلب رايك سو حتافض بيه لراسك..(شافت فالجد والجدة لي كيشوفو فيها مصدومين من جراتها وقالت بهدوء)شوف اجدي انا وبهاءالدين مزوجين شحال هدا وطراو بيناتنا مشاكيل وضطرينا نتفارقو كل هاد الفترة وكانت مجرد صدفة حيت هو كان خارج لبلاد صلحنا مشاكيلنا ورجعنا عادي كاي زوج وبالنسبة لعلاش مصارحكمش(شافت فعمها بنص عين)حيت انا طلبت منو ما يقول والو حتى يكون الوقت المناسب وحتى نتوما تكونو مرتاحين ونلقا كفاش نوصل ليكم الاخبار ةمتصدموش لكن بفضل هاد الحمارات (نعتات فيهم وكملات) تفرش كلشي ونتوما فهمتوني غلاط وسبيتوني فالعرض ديالي وهتكتو شرفي بدون متفهمو مني
الجد:(حط ايدو على راسو وقال)متهزيش فقلبك من جيهتنا ابنتي لمصلاحتك عاملناك هكاك ومتنسايش شرفنا من شرفك وعمر الدم يرجع ما
جلنار:اه اجدي عندك الحق وانا مقلتش العكس لكن بسبب هاد سوء الفهم شي ناس بان معدنهم اش فيه وانا ما مستعداش نتشارك معاهم نفس السقف ونشوفهم كل نهار
صابر:(عرف الهضرة عليه وقال بنوع من الندم)سمحيلي ابنتي مكنتش قاصد من خوفي عليك هضرت معاك بهديك الحدة وطولت يدي عليك وحتى لو كانت وحدة من لبنات غندير نفس الشيء سمحيلي الله يرضي عليك
جلنار:(وهي ساكتة للحظات وشافت فجدها)لي عندي قلتو اجدي
الجد:(تفهم الوضع تنهد وقال)من حقك ابنتي ولي قلتيه هو لي غيكون
جلنار:شكراا..تصبحو على خير 
الجد:بنتي
جلنار (دارت عندو كانها عارفة اش غيقول وقالت ببرود)نعام اجدي
الجد:فؤاد
جلنار:راني شرحت ليك شنو كين اجدي
سيفالدين:ولكن ابنتي زواجك لحد الساعة مموتقش معندنا حتى دليل عليه شنو عرفنا بلي مستغلكش 
جلنار:(زفرات بعصبية ملات من هاد السيرة وقالت بهدوء مصطنع)شوف اعمي بهاء الدين كنعرفو مزيان يمكن كتر من راسي نشك فراسي ومنشكش فيه ابدا 
الجد:(كانه تذكر حاجة مهمة وقال بصوت فيه نوع من التلاعب)جلنار
جلنار:(بقلة صبر)نعام اجدي
الجد:(تقاد فجلستو مصغر فيها عينيه)حنا عارفين بلي راجلك مشدود فالحبس ولا خطيبك وضربوه ب 24 عام نافدة كفاش هاد القضية
جلنار:(قلبها ضرب بعنف من كلامو تناسات هادشي تماما طار من على بالها وقالت بتوتر بعد عدة ثواني من الصمت)خرج بالعفو وباباه عاونو دخلو شي معارفوتحركات لفلوس مكملش سيمانا تما
الجد:(كانه فتحقيق وعلى نفس وضعيتو)ولكن خطيبك كان من الطبقة لمتوسطة كفاش ولا على هاد الحال!!!!!وولا من الطبقة المخملية ورجل اعماال فظرف وجيز؟؟؟؟

#فأمريكا 
وصل بهاءالدين لمكان الحفل قاد سلاحو فالهصر ديالو حط ايدو على المايك لي فودنو ولي كيديروه بزاف د ليكارد باش كيتواصلو وقال..
بهاء:(بجدية)تيست تيست من الخنجر١ الى الخنجر ٢ تيست تيست
اسماعيل:من الخنجر ٢ الى الخنجر واحد كنسمعك شاف
بهاء:كلشي هو هداك
اسماعيل:وي كلنا فالمراكز ديالنا كنتسناو اشارتك 
بهاء:اوك انا غندخل دبا 
اسماعيل:الله يوفقك شاف
بهاء:امين
دخل بكل ثقة فالنفس تهلط مع الحراس وقف عاقد حجبانو وشاد المكان ديالو حاضي الاجواء وكيقلب على غريمو وسط الحضور حتا بان ليه واقف ومعاه بنت بقوام ممشوق اصغر منه سناا شادها من خصرها بطريقة عملية مبين عليها مرافقة شخصية لرجال الاعمال كان وسط مجموعة من رجال الاعمال كين لي معاه مرتو وكين لي معاه سكريتيرتو وكين لي معاه عشيقتو وكين لي معاه مرافقتو الدعوة مخلطة والكل عندهم غاية من حضور الحفل بالنسبة للرجال همهم عقود العمل والنساء كيف عادتهم الفوحان والحوار على الفاشن والمجوهرات سوقهم خاوي كيف كنقولو بالعامية..بقا بهاء مركز معاه ومتبع تحركاتو حتى سالا الحفل والكل خرج فحالو العقرب فاتجاه سيارتو مع المرافقة الشخصية ديالو بهاء الدين تكلف بالمايك وقال بجدية وبسرعة
بهاء:من الخنجر واحد للخنجر ٣ نفدو دباا 
سليم:علم شاف 
تمشا بهاء بمهل باش ما يتيرش الانتباه حتى بانت ليه جيب كلة مدرعة سوداء دات زجاج اسود حلو نافدت السيارة من القدام ومن لور والاسلحة خارجين تسم طلق ناري فالسماء والكل جبد سلاحو كيتيري فالسيارة ومنهم بهاء لي قال فالمايك فاش بان ليه العقرب غيركب فلوطو 
بهاء:ضرب بالسلاح جيهة كتفي 
عماد الدين:اش كتقول اصحبي
بهاء:(بنبرة امر)دويت معاك نفد 
عماد الدين:اوك شاف
عماد لي كان فتاهب فوق سطح د عمارة عالية شاد عشيقتو القناصة "دراغونوف"وكيقاد فالمنضار باش يحدد الهدف ديالو كيشوف فبهاء كيجري فجهة العقرب حتا وصل لعندو ودفع بهاء العقرب لداخل سيارتو جاغوار لي كانت فضية اللون وجات فيه طلقة نارية فكتفو خلات المرافقة تغوت مازال المشادات بالرصاص وبهاء جرو العقرب ورجالو تحماو عليه حتى دخلوه داخل السيارة والعقرب كيغوت بالخلعة
العقرب:سربي خرجنا من هنااااا 
فعلا داكشي لي كان تحركات السيارة بسرعة بمجرد ما بعدات نساحبت كتيبة بهاءالدين واخا بقاو مخلوعين على صحبهم لكن الواجب والتضحية اهم من جميع العلاقات بقاو كيدعيو معاه فحين هو كان بارك جنب العقرب لي كيشوف فيه ومعرفوش ابدا بقا كيضغط ليه على الجرح للحظات وبهاءالدين بدا كيعرق لانو نزف بزاف بحكم الدم كان سخون وعينيه كيتقلبو وبدا كيغيب العقرب بدا كيصرفق فيه بخفة وكيقول..
العقرب:لا بقا معايا متغيبش خليك معانا(شاف جهة السائق لي كان واحد من رجال بهاءالدين لي زاد فالسرعة قبل ما ينطق العقرب)
#عند_جلنار
كانت كتشوف فجدها ونضراتو الثاقبة ليها وقالت بثقة مصطنعة:باه مكانش باغيه يتزوجني وتحداه جرا عليه من الدار ومنعو من مصروفو قدر يضبر على خدمة بصيطة فمطعم وكرى معايا فنفس الحي كين شي سؤال اخر؟$؟

الجد:(دوز يدو على وجهو بالفقصة كلامها ما صدق منو حتى حاجة وقال بصرامة)جلنااار كلامي اللخر غنقولو ليييك هداك نسايه وفؤاد غدا جاي يخطب وغتوافقي عليه(قاطعها قبل ما دوي بايدو وكمل)الى ما بغيتيش تسمعي كلامي وديري داكشي لي كنقول ليك راه ما نتي بنت ولدي ما انا جدك انا باري منك ليوم الدين
جلنار:(خرجات عينيها بصدمة من كلامو )ولكن اجدي انا را مزوجة
الجد:(وقف وقال بعصبية)اشمن زواج كدوي عليه ا جلناار واش زواج بلا وتائق كتسميه زواج وبلا موافقة اهلك رااه باطل واي حاجة درتيها معاه حراااام كتسمااي زاااانية وكلااامي قلتو بغيتي انا راضي عليك مبغييتيش انا باري منك ليوم الدين 
الجدة:لواه لواه الحاج ماشي هكا كتحل الامور والبنت معارفاش وغير بالهداوة غتفهم خوفنا عليها وغتوافق على فؤاد حيت هو لي غيهز هبالها ويبغيها ويديرها فعينيه والاهم جا قصد الباب(شافت فجلنار لي كانت غير مخرجة عينيها فيهم ومسمعات حتى كلمة من كلام الجدة)ياك ابنتي غتسمعي كلام جدك وترضيه ره هو لي بقا ليك من بعد الله 
جلنار حركات راسها بالايجاب وكلام جدها غرس خنجر فقلبها دورات عينيها عليهم كاملين ولات كتحس براسها مكتنتاميش لهاد الناس وهاد النهار بانو بزاف د الحوايج بان المعدن الحقيقي لعدة ناس مكان بينها وبينهم غير الخير ركزات الشوفة فجدها وهي كتقول بينها وبين نفسها...لهاد الدراجة كيتبدل لونهم وكل مرة مبينين ليا وجه فشكل!!!يااااه هذا جدي واش خرج منووو كل مرة كتاح ليه الفرصة كيطيح بيا قدامهم ويطعني فشرافي اش غنتسنا من البراني!!!!!! معرفتش اش درت فحياتي حتى نتعاقب بحال هكا ولي كيعاقبوني هما لي فالاصل خاصهم يحنوو فياااا .... علاااش كتعاملوني هاكاااا واش انا عدوتكم؟؟؟؟ اشمن عيب صرفت فيكم واشمن شر بينت ليكم؟؟؟؟ بقات شاردة وكتفكر انا الجد كينغر والجدة كتحاول تلطف الجو وهادشي كامل ما سمعات منو والو رجعات لعالمها تحت حركات جداتها وهي كتزعزعها شافت فيها جلنار بحزن وناضت لبيتها نيشان وجدها كيغوت 
الجد:(بصراخ)غدااااا وجدي راااسك..وفؤاااد لي غتدي
جلنار مدارتش عندو حسات براسها رجعات ٢٠سنة لور حسات براسها رجعات سعاد لي كانت تحت سيطرة باها حسات براسها غتعيش نفس السناريو غير الاشخاص مختالفين قالت بنضرة قوية ورجعات ديك مرام المتمردة القوية لي كلمتها مكترجعش فيها بتااااسمات برضى وقالت وهي طالعة فالدروج....(بصوت خافت)هاحنا غنشوفو اجدي المصون بيا ولا بيكم
لاحت صاكها ومشات نيشان بدلات حويجها لبسات بيجامة ومشات لدوش غسلات وجها ونضفاتو من مساحيق التجميل جبدات الفون اول حاجة دارت كيف عادتها تاصلات ببهاءالدين وكتلقا نفس الرد"هاتف مخاطبكم غير مشغل حاليا المرجو الاتصال لاحقا" قطعات ودوزات لابيل ليسرى حكات ليها لي وقع ونصحاتها تقولها لخوها يشوف ليها شي حل ولا يتدخل هو ينهي هاد المهزلة فعلا داكشي لي كان دوزات الرقم ديالو وحطاتو على ودنها حتى جاها الرد بحنان
ليث:الماستي صافا توحشتك
جلنار:(عوجات شفايفها)هممم عليها كتسول 
ليث:غير الخدمة احبيبتي..لباس عليك كلشي مزيان
جلنار:حتى حاجة ما مزيانة 
ليث:(عقد حجبانو وقال بجدية)مالك..شواقع ليك..دارو ليك شي حاجة دوي سربي
جلنار:احم لا مدارو والو ولكن طرا واحد المشكيل وجدي فرض عليا نتزوج 
ليث:نعام!!اش كتقولي
جلنار:وي بسباب دوك الكلبات ولكن والله ما تبقا فاصل مهم 
ليثث:عاودي ليا اش وقع بالضبط
جلنار:من نهار مشا بهاء الدين وهما كيحشيو ليا الهضرة وانا كنخلهم مكندويش حتل ليوم..........الخ
#فأمريكا 
بهاء متكي فغرفة بيضاء فيها العديد من آلات طبية منها جهاز ضغط الدم وجهاز تخطيط القلب وقياس دقاتو....الخ غرفة مجهزة بكل ما يتعلق بالطب كانك فمشفى كان فاقد الوعي ديالو والدكتور كيخيط ليه الجرح بعدما خرج رصاصة من كتفو وهو عرقان وحداه ممرضة كتمسح ليه العرق ومرة مرة كتعطيه شنو محتاج حتى كمل زفر براحة بعد نجاح العملية وخرج عند العقرب لي كان جالس بشموخ على فطوي من الجلد الاصلي وقال:امضرا ادكتور واش قدرتو تعتقوه)الحوار بالانجليزية)
دك:(ببتسامة)وي الحمد لله قدرنا نجبدو الرصاصة بعدما وقفنا النزيف بصعوبة لكن داز كلشي بيخير
العقرب:(ببرود)اوك شكرا 
مشا الدكتور وناض حتى العقرب باتجاه صالة كتشوف فالبحر حابس بينهم جدار زجاجي شفاف السائق لي بقا مخبي وكيسمع شنو وقع للقائد ديالو طمئن وخرج يطمئن اصدقائو اما العقرب فمشى عند يدو ليمن وقال ببرود 
العقرب:نبغيك تجيب ليا ملف مدقق على هاد الشخص لي عتقني وضحا براسو على قبلي بغيت ابسط ابسط المعلومات
المساعد:واخا سيدي
مشا المساعد وبقا العقرب واقف امام جدار زجاجي كيشوف فالبحر لي قبالتو وكيفكر فهاد الشخص لي قدر يضحي بحياتو على قبلو والغريب انو مشبه ليه لشي واحد شكون معرفش الذاكرة خانتو فالوقت لي خاصها تكون فصفو يمكن هادي حكمة الله عز وجل وقرب العقاب..

#في_المغرب
قطعات جلنار مع خوها لي مقدر يفيدها بوالو من غير يقوليها متزربيش حتا نلفاو شي حل..وتجبدات فوق سرير كتشوف فالسقف وكتحلل وتنافش فدماغها كفاش دير تفك من فؤاد لي خرج ليها فعودها 
جلنار:(ضربات ايدها مع السرير بغضب)افففففف اش هاد زمر معقول وحلت باش نتفك من هاد القرد الشمبانزي خرج ليا من الجنب تفو ولكن بلاتي علاش لي مانديرش لجدي خاطرو ونخرجها من فؤاد لكلب همممم حتى هدا نضر نطجج والديه هههه(بتاسمات بشر ومشا بالها مع بهاءالدين مباشرة تنهدات)اشنو غتكون كدير دبا توحشتك😔
#فأمريكا
بعد خمس ساعات من مرور العملية على بهاءالدين بدا كيحل عينيه بشوية والصورة مواضحاش قدامو عاود سدهم وحلهم لعدة مرات حتى وضاحت الصورو وبدا كيدور عينيه على ارجاء الغرفة حاول بينوض لكن حس بوخزة الم على كتفو..بقا كيان بالم وحط ايدو على الضربة وهو كيحاول ينوض حتى وقف وخرج من الغرفة كيدور فمنزل العقرب حتا تلاقا مع السائق لي جابهم وقال ليه
....:الشاف لباس شوية 
بهاء:الدين كيشوف فبه)اه شوية فين انا دبا
.....:نتا فدار العقرب 
بهاء:(توكد وشاف فيه)من ايمتا وانا هنا
.....:من صباح اسيدي تضربتي بالرصاص وجبناك لهنا درتي عملية وبقيتي مغيب 5 سوايع 
بهاء:(كمش عينيه بالم وكمل)واخا وسير نتا علم الرجال بلي انا بيخير 
.....:واخا الشاف الله معاك
بهاء:امين
مشا السائق من قدام بهاء لي بمجرد مفاتو بقا كيتمشى وكيستكشف المكان حتا وقف عليه واحد من من رجال العقرب طويل وعامر عادي مغنقولش كيخلع مقبول شكلا واشم عقرب كبيرة ببن صدرو وعنقو كانت بينا لبهاء لي فلاه بعينيه ودار راسو مفاهم والو وقال
بهاء:فين انا وشنو وقع ليا!!
الكارد:(كيشوف فبه)زيد معايا عند البوس
بهاء:(فرح من الداخل وقال ببرود عكس الفرحة لي فيه)اوك
مشا الكرد قدامو وهو وراه كل مرة كيدور عينيه ويشوف القنات جتى وصلو عند البوس لي كان جالس على كنبة ولابس ملابس منزلية عبارة على بيجامة ولينوار رجالي طويل وسادو دير نضارات وشاد ملف ازرق كيقرى فيه لي شافو ميقولش بلي هدا مترأس مافيا وكيقتل عباد الله بدم بارد وكيببع الاعضاء....الخ هز راسو وشاف فيهم بتاسم بتسامة مصطنعة وقال بصوت عادي ونبرة منخفضة شيئا ماا..
العقرب:فقتي على سلامتك
بهاء:(كيشوف فيه شوفة عادية ومبين بلي انسان مسالم)الله يسلمك ميستر...!
العقرب:(معقلتش اذا قلت سميتو قبل ولا لا)انا مستر عبد الرحيم الادريسي
بهاء:(بتاسم من فوق قلبو وقال)متشرفين مستر الادريسي ياك موقع ليك والو؟؟
العقرب:(بتاسم)بفضلك موقع لي والو 
بهاء:الحمد لله 
العقرب:(بتشكيك)علاش عرضتي راسك للخطر على قبلي..شنو ربحتي من هادشي(نعت ليه جيهة كتفو)من غير ضربة فكتفك!!! كنتي تقدر تموت
بهاء:(شاف فيه بثقة)هادشي خدمتي وانا عارف العواقب ديالها وقادر نتحمل مسؤوليتي انا لي ختاريت هاد المجال رغم خطورتو على حياتي وهادي ماشي اول مرة نتصاب فيها تقدر تقول ولفت
العقرب:(صغر فيه عينيه باعجاب)ام اوك تقدر تمشي ترتاح
بهاء:(احم خاصني نمشي تابعاني الخددمة الى بقيت هنا غيجريو عليا
العقرب:(شاف فيه وقال)الى جراو عليك من خدمتك فهنا مرحب بيك واكيد غيكونو عندك امتيازات احسن من خدمتك هادي.
بهاء:(بفرحة مصطنعة)كتعرض عليا نخدم معاك
العقرب:يس اذا بغيتي طبعا ولكن دير فبالك ليوم راك مخير اما من بعد راك مسير مكينش عندنا التراجع ولا الانسحاب ما تبعدك منا غير الموت
بهاء:(بتاسم باستهزاء داخليا وقال باندفاع)والتمن لي غتعطيني
العقرب:حتا نشوفو خدمتك
بهاء:ما نقدرش نزبد خطوة بلاما نعرف شحال غناخد
العقرب:(هز الملف قدامو وقال)صابر العلوي مغربي الجنسية ٣١ سنة عازب الام والاب متوفيين بحادثة سير خدمتي فمافيات صغار كتبيع الكوكايين...الخ خرجتي من المافيات بعدما دخلتي الحبس ٣المرات وخدمتي حارس شخصي همم السيرة الداتية ديالك فيها ميتقال
بهاء:(بتاسم فالداخل ديال وقال فنفسو. (تبارك الله عليك الميخي هه)وقال كيصطانع الخوف)هداك ماضي اسيدي وتجاوزتو ودبا الحمد خدام بعرق كتافي
العقرب:(كيشوف فيه كفاش خايف وقال)والى بغيتك تحيي الماضي وترجع لنفس الضومين ديالك
بهاء:بمعنى
العقرب:تخدم معايا
بهاء:فاش؟
العقرب:(دار رجل على رجل)فالمافيا

بهاء:اوك ولكن ضروري نعرف شحال غناخد وما باغيش نكون بيدق يمسحو فيا لخرين رجليهم
العقرب:(كيشوف فيه)هم من هاد الناحية كون هاني بما انك ضحيتي بحياتك على قبلي فغتكون ايدي ليمن وراك عارف الفلوس لي غيجيوك من ورا هادشي اش بان ليك
بهاء:(بفرحة حقيقية قال)اوك سور موافق 
العقرب:(ناض وقف)مرحبا بيك معانا..(شاف فالكارد لي واقف معاهم)ديه فين يرتاح 
الكارد:واخا سيدي(شاف فبهاء) تفضل معايا اسيدي
تقدم بهاء كيبتاسم والفرحة بينا على وجهو الراحة دخل لجناح ملكي بعدما وصلو لكارد وقال ليه
.....:سيدي حوايجك كلهم تما غتلقاهم فالدريسينغ محطوطين وليلتك مبروكة
بهاء:(حرك راسو وقال)شكرا 
مشا الكارد وبهاء بقا كيضور فالغرفة كانه عمرو شاف بحالها ومبين الفرحة فغرفة تانية كان العقرب فغرفة خاصة بالمراقبة كيشوفو فيه وفحركاتو اما بهاء فواخد احتياطاتو كلها اول حاجة دار بعدما كمل الدوران تكا على السرير كيشوف فالسقف وكيضحك حتا سمع التخرشيش فودنو كانو الفريق ديالو لي كيخاولو يتواصلو معاه بعدما عرفو بلي فاق سمعهم كيدويو مقدرش يجاوب ناض وتوجه للدوش 
بهاء:(كيدوي بشوية)وي اسماعيل كنسمعك
اسماعيل:شاف خلعتينا اصحبي منين طاحت عليك هاد الفكرة د والو كون مجابهاش فكتفك فين غنوليو 
سليم:مكناش ديرين بحساب هادشي 
بهاء:(قاطعهم بهمس وهو كيضور عينيه كيتاكد انه مكينش شي كاميرا)سليم را تمت المهمة وتزرعت وسطهم لكن المشكيل انهم مازال ما تيقينش فيا ديرين كاميرا فالبيت حاضيين تحركاتي غنلقا شي طريقة ونعلمكم ايمتا نخرج 
عمادالدين:شاف صافا سمح ليا
بهاء:(بتاسم)الحمد لله ما وقع والو نتا معليك والو
اسماعيل:اوك شاف رد البال والله معاك
بهاء:امين
فزغ وجهو وخرج كيمسح بالفوطة لاحها فالارض كيدندن مشا لدريسينغ هز تجاكيطتو ولفون ديالو وبزطامو كيقلب فيه وخرج عادي كيدندن وهاز لفون كيقلب فيه واش مراقب ولا لا لقاه عادي مفيه حتا شي حاجة لان فايام التدريب علموهم كل ما يخص الاكترونيات....
#عند_جلنار 
هزات لفون كتحاول تتاصل ببهاء فالرقم لي تاصل بيها منو بمجرد وصولو لامريكا وكيف العادة لقاتو طافي كتبات مساج مفاده....
💬جلنار:السلام حياتي نتمنى تكون بيخير...وتوحشنك بزااااف محتاجاك تكون واقف فجنبي هاد الساعة جدي باغي يزوجني بفؤاد داك القرد يعطيه غبارة بفف وانا معرفت شنو غندير فاش تشوف المساج ديالي جاوبني الله معاك ررد البال لراسك كنبغيك 
رسلات المساج وحطات الفون حداها غمضات عينيها وقالت الله يكون فعواني...

#أصبحنا_واصبح_الملك_لله 
صباح جديد مغيم ووالشتاء كتنقط فاقت بطلتنا على صوت قطرات الشتاء حلات عينيها ببتسامة طفولية مرحبة بفصل الشتاء لانها من عشاق هاد الفصل كتحسو نوعا ما كيجسدها كترتاح فيه بزاااف ناضت بنشاط مبالغ فيه وهي كدندن اغنيتها المفضلة ولي ولات على لسانها فهاد الايام مكتحيدهاش توجهات لدوش خدات شاور خفيف ضريف لبسات ملابس شتوية كاجوال تجينز نينجا نواغ تيشورط بيج غادي لبيض وفيه جويب فالصدر بموزون غري وكويرة نواغ وفيها سناسل بالغري سبادري بييضة كاشكول على عنقها خلات شعرها على راحتو وكتافات بساعة يدوية خفيفة ايلاينر ريسيل وعكر خفيف فلون شفايفها نزلات ناشطة ولقات العائلة كلها مجموعة لفطور كلشي ساكت وكل واحد منزل راسو على طبسيلو قالت"صباح الخير" كمجاملة وبركات كتفطر فصمت وهدوء حتى نطق جدها
الجد:بنتي فكرتي فالموضوع لي دوينا فيه
جلنار:(حطات الدغمة من فمها وشافت فيه بجدية كروشات يديها مع بعضهم فوق الطبلة وقالت)جدي باش نكون واضحة معاك انا فؤاد معنديش معاه مرة ومكيتسرطش ليا واخر حاجة نفكر فيها ولا نديرها هي نربط راسي بيه
الجد:عطيه فرصة يقدر تىتاخي ليه مع المدة متحكميش عليه ونتي مكتعرفيهش
جلنار:(تنهدات)جدي را كنعرفو وديجا كنت استادتو فالصال د الرقص هو كشخصية تقيل على القلب وعمرني غنتفاهم معاه سوو عفيني الله يخليك اجدي
الجد:(بعصبية)كلامي قلتو وجدي راسك غدا غيكونو هنا من غير الى بغيتي السخط ونتبرا منك ليوم الدين
جلنار:ولكن اجدي
الجد:(وقف بنرفزة)ما كين ما ولكن كلامي اللخر قلتو ومغنعاودوش(شاف فسيف الدين)نوض نتا الى كنتي غادي للشركة 
سيف:واخا الواليد انا تابعك 
ناض سيف الدين تبع الجد لي خرج معصب وكيلعن فيها وفلي جابها للدنيا غير راضي على طريقتها وشخصيتها القوية ولي فارضة لوجود ديالها وسطهم رغم صغر سنها ولاو كيضربو ليها الحساب اما جلنار فناضت هي كذلك خرجات هزات سيارتها والوجهة ديالها المنزل القديم ديالها...
#عند_يسرى
(شادة لفون ومكونيكطيا والضحكة واصلة لفين وفين لي شافها يقول الله يستر 
💬يسرى:ناري فتلتيني بالضحك منين كتجيب هاد شي
💬ليث:عادي ا بيب ماشي شي حاجة..قولي ليا نتي كفاش دوزتي طفولتك
💬يسرى:انا كنت عكس هاكا تمام منطوية على نفسي وهادئة عمرني كونت صداقات كنت كنفضل نبقا بوحدي مكنتش مشاغبة وطفولتي دازت شبه منعدمة وساهلة بالنسبة لواليدية
💬ليث:هممم هديك القباحة د الصغر خزنتيها لكبرك وفجرتيها
💬يسرى:ههه داكشي 
💬ليث:كنتي عاودتي ليا على صحبتك الانتيم وقلتي كتر من ختك كفاش هه
💬يسرى:كتقصد جلنار هديك راها توام روحي ماشي غير صديقتي الانتيم هي اول صديقة واهر صديقة شخصيتها منااافية تماما لشخصيتي وهي لي علماتني القباحة والضسارة كانت نقطة تغيير جدري فحياتي عامتاً وبصراحة ونعم الصديقة عمرني نلقا فحالها 
💬ليث:(باعجاب)الله يخليها ليك
💬يسرى:امين..واخا عندها واحد خوها مكنحملش فيه الشعرة ايخ تقيل على القلب جن جنوني هو غير كنشوفو مكنكرهش نطير عليه بشي نتفة فاعلة تاركة حاس براسو مكيتنفسش تقول غيحرر لينا الصحراء...
💬ليث:(قاطعها وهو عاقد حجبانو)وقلبك عامر من جيهتو
💬يسرى:بزااااف لهلا يوريك 
💬ليث:اش دار ليك 
💬يسرى:ولد الهم كانت صاحبتي مريضة مسكينة وفينما كنمشي نشوفها يجري عليا ولا يعيرني ولكن متخافش مكنخلبش من جهدي كنعرق لوالديه القرد لاخر😠
💬ليث:(مصدوم)باقا هازة فقلبك هادشي كامل
يسرى:وعلا مالو هدتك راه واحد المسموم انا نقولك نتا مكتعرفوش سولني عليه انا...

💬ليث:(بقا شاد لفون فايدو مشوكي معرف ميقول الى عرفاتو هو نفسو لي كيدوي معاه غضرب بيه الطر وتشوهو واخر بامو يولي عناب عض على لسانو بغضب من نفسو اولا ومن هاد المجحومة لي صلطها عليه الله وقال)اوك والى تلاقيتو شي نهار شنو غيكون رد فعلك
💬يسرى:(بدون تردد)انا وهو مستحيل 
💬ليث:يقدر تكوني واخدة عليه فكرة غلط 
💬يسرى:نوو انا وياه بحال ليصونص مع العافية فينما كنتلاقاو كنتمموها بالمضاربة..اجي شفتك كدافع عليه كفاش قضيتك
💬ليث:لا غير قلت وجهة نضري وصافي حيت اي واحد كنكونو غالطين فيه فالاول ولكن مع العشرة كيكون انسان مزيان
💬يسرى:يقدرو يكونو غاع الناس مزيانين الا داك المفدعس راس التيمومة انا نقولك
💬ليث:(طلع ليه الخز لراسو وغير كيصوط)اوك نتي تعرفي المهم بسلامة عندي شي شغل نقضيه
💬يسرى:باسى)صافي غتخليني مسخيتش بيك
ليث:(هز حتجب ونزل لاخر وكتب ليها)هي كتبغيني العفريتة ومخبية عليا هم(كانو باغي يرد غرورو ويحافض على ماء وجهو)
يسرى:(تزنغات فبلاصتها وحطات لفون جنبها)ناري ناري عاق بيا اويلي وفين نعطي وجهي..شتي هانتي شوهتي راسك براسك ناااااري ناري افف جوبيه جوبيه ولكن اش غنقول ليه هننن اش هاد الوحلة ياربي(عاود هزات لفون وقالت)💬همم نووو ما تيقش فراسك بزاف اصلا عندي مون اموغ
ليث:(تقرص وقاد البركة)اها وشكون هدا علاش عمرك جبدتيه؟من ايمتا كتعرفيه؟؟
💬يسرى:(بتاسمت بشر وقالت)علاش هاد الاسئلة كاملة..ياكما كتبغيني ومخبي!!!!!
ليث خرج عينيه مصدوم اش هادشي دورات لو السمطة على ضهرو ومعطلاتوش قال بينو وبين نفسو بصوت مسموع:ولكن عندها الحق انا مالي!!!!
💬نو غير حيت ستغربت النهار كلو كدزي معايا وفالليل كذلك داكشي علاش
يسرى:اه غير حيت مخاصمين داكشي علاش
💬ليث:(صبر تقادا وقال بغضب)شنااهوااا كتنسيه بيا ولا شنو اش هاد تبرهيش ا يسرى عرفتي شنو غديري سيري الله معاك انا لي برهوش نيت دير فيك راسي بسلامة
خرجات يسرى عينيها وهي
كتستوعب اشنو وقع وقالت بهتاف بعدما لقاتو بلوكاها..
يسرى:(شداها البكية)والا ماشي داكشي لي قصدت ناري بلوكاني هننن(هزات لفون كتقلب ليكون ديبلوكاها لقاتو فعلا بلوكاها) ناري مشا بصح وناري زماني مشا..(قلباتها بكا دبصح)اهئ اهئ دبا انا اش غندير اهئ مكنتش قاصدة والله اهئ تفوو وليت كنبغيه كفاش عطيت لراسي لحق يدير هاد الزبلة ونتعلق بواحد مكنعرفوش وعمرني شفتو اهئ اهئ 

خشات وجها فالمخدة وعطاتها لبكا اما ليث فخبط الفون مع الحيط بعصبية وناض عاقد حجبانو مشا للدوش غسل وجهو بالزعفة وقال وهو كيشوف وجهو فالمراية
ليث:اخر يامك تجي برهوشة تنسي بيك ز***(شتيمة) تفوو على صباح كيف دير يخخ 
خرج من الدوش وهو غير معصب يهز ويخبط حتا لبس وخرج فاتجاه شركتو 
#نمشيو_عند_ياسر_وجوهرة
ياسر واقف فهاديك الشتا دير ايديه فجيابو وخاشي وجهو فالكاشكول عاقد حجبانو حتا بانت ليه خارجة من الكلينيك وبين عليها مناعساش حتى هي طالع ليها الدم غادة حادرة راسها وكتزرب بخطاويها حتا تصاطحات مع ياسر هزات راسها معولة على خزيت لكن غير شوفة ياسر بردات ليها الما فركابي وخلاتها توتر
جوهرة:(بتوتر حكات ودنيها وقالت)احم سمح لي مشفتكش 
ياسر:(جرها من ايدها بلا حتا كلمة وهي كتنطر منو لاحها فلوطو وسد عليها حتى مشا لجيهتو وركب حتا هاو وسد لوطو متخركش من حدا لكلينسك ودار عندها عينسه خارجين فيها)واش كنبان ليك انا عندي الكرون تخليني كنتسنا فيك تحت شتا مالك الالة اش غتعطيني كاع من هادشي ولي خلقك خلق غيرك وحسن منك كاع طيحت براسي وبكرامتي باش نرضي سيادتكم ونتي عاد مزايدة فيه اش كيحسابليك راسك راك غير بنادم من لحم ودم بحالنا بحالك والى جيت عندك دبا ماشي جيت باغي جوابك نوو جيت عندك باش نقوليك انا لي مبقيتش باغيك وعمرك غتبقاي تشوفي هاد الوجه وحتا الى لقاتنا الصدفة غندير راسي عمرني شفتك ولا عرفتك و دبا سيري لخدمتك الله يعونك
جوهرة:(دموع تجمعو فعينيها مكانتش متوقعة هاد ردة الفعل العنيفة منو جرحها بكلامو ودموعها طاحو كتسناه يشوف فيعا اما هو مشافش جيهتها مرة بقات على نفس حالتها ودموعها نازلين بصمت حتى طلعات شهقة مقهورة على غفلة منها خلاتو يدور عاقد حجبانو وقالت وهي كتشهق بالبكا)انا مقصدتش نخليك كتسنا اهئ اهئ
ياسر:(بغضب)حطيت عليك الباطل انا وقيلة شتا كاملة دازت عليا ونتي شنووو فين كنتي ها ياك قلت ليك غنتسناك قلتها ولا مقلتهاش 
جوهرة:(هزات راسها ونزلاتو ودموعها نازلين)ماشي بايدي جاوني جوج عمليات على غفلة وكان ضروري نديرهم كانو عندي حالات ايغجون مايمكنش ناجلها ولا غيفارقو الحياة
ياسر:(بداو كيطلقو حجبانو وعض على شفايفو نادم على الكلام لي قال)جوهرة سمحيلي مقصدتش
جوهرة:ماشي مشكيل وتقدر تمشي عند غيري الله يهنيك...
دارت بغات تحل الباب وهو يجرها لحضنو وقال
ياسر:سمحيلي احياتي مقصدتش كنت معصب لحظة غضب وفاتت سمحيلي عارف راسي غلطت ولكن مكنتش حاس براسي شنو كنقول
جوهرة:(تنطرات منو وقالت بالبكا)حتا انا مقلت ليك والو وتفهمتك عندك الحق اصلا حتى لو كانت بيناتنا شي علاقة لا انا ولا نتا نقدرو نكملو مع بعضنا 
خرجات من لوطو بالزربة غادة متوجها لكلينيك حتى هو خرج من لوطو وزاد بضع خطوات وقال بثوت مرتافع خلا كلشي كيشوف فيه بالخصوص كان قريب لكلينيك وعائلات المرضى كتار الخارج كتر من الداخل 
ياسر:(بصوت مرتافع)جوهااااررراااا (ضارت عندو مخرجة عينيها وقال)كنبغيييييييييييك اقسم بالله كنبغييييييييك(قرب ليها حتا وصل عندها عي هازة فيه راسها مصدومة لانو طول منها حط ايدو على خدها وقال)
سمحيلي احياتي 
جوهرة:(الصمت)
ياسر:(بقا للحظات كيشوف ليها فعينيها الجاحضتين ونزل كيقبل ثغرها بكل حب وشوق مغمض عينيه اما هي سرات مع جسمها رعشة غريبة عليها خلاتها تسد عينيها وتستمتع بالقبلة كانت رومنسية بامتياز وحتى الجو زادها رومنسية مفيقهم غير ضربة فياسر بعكاز وضربة فراس جوهرة هز ياسر راسو شاعل نسا بلي راه وسط الناس فالزنقة حدر عينسه كانت مرا كبيرة فالسن هازة عليهم عكاز وقالت 
العجوز:الله يقل حياكم ما بقيتو تحشمو ما بقيتو تراعيو 
جوهرة حدرات راسها كتحك فيه والخجل زاد الطين بلة وكون لقات الارض تحل وتخشا وسطها اما ياسر قال بخجل زادو رجولة
ياسر:احم سمحيلي الميمة 
العجوز:(عزجات فمها وقالت)جيل قيمش ميحشم ما يريمش..

ياسر:الحاجة سمحيلينا مقصدناش
العجوز:(هازة العكاز كتشالي بيه)تا اش سيؤ تقول وانا شفتك بعيني جريتي دريا وبركتي تمطمط فيها(شافت فجوهرة لي ولات حمرة بقوة الحشمة ومكرهاتش تهرب من ديك البلاصة حابسها غير ياسر بالشدة لي شاد فيها)ونتي شيط عليك فمك بالحق لومة ماشي عليك على دوك الواليدين لي غير بزل ولوح لزناقي
جوهرة:(شافت فيها مثدومة من كلامها ومسات ليها الوتر الحساس خرجات عينيه وتنترات من ايد ياسر وقالت)حتارمتك على قبل كبر سنك ومدويتش معاك حتارمي حتى نتي نفسك متخلينيش نهرج على طوعي كتر من هاكا
العجوز:(بتمياق)ايوا الله يعطيك العز اما الدل راكي فيه يا المدلولة
ياسر:(بصرااخ وغضب)الحاجة بدلي ساعة بخرى متخلينيش نحط عليك يدي ونولي دري صغير 
جوهرة:(بالغوات)حتى تكوني نتي مربية عاد دوي على الاداب وزيدون نتي مالك على حالتك اش حرق شطاطتك فينا انا وراجلي ونتي اش دخل حمارك لاسبوع الفرس (قربا ليها وجها حتى بعدات العجوز جوج خطوات لور اما جوهرة كانت على اتم الاستعداد لقصف جبهتها)
العجوز:ايوا هدا هو الاحترام لي رباوك عليه وليديك
جوهرة:(غوتات حتى عروقها خرجو)ما تجبديش واليديا على فمك كتسمعي..واليديا الله يرحمهم حون كانو عندي مكنتيش غتقولي هاكا ولا غتشوفي فيا هاد الشوفة ديالك(الدموع طاحو من عينيها بحرقة)
العجوز:(بندم)سمحيليا ابنيتي الله يرضي عليك 
ياسر:(عض على شفايفو بغضب وجرها عندو عنقها اما هي كتنخصص تنهد)سيري الحاجة الله يعرضك السلامة
العجوز:(حدرات راسها)سمحوليا
مشات العجوز وخلات قلب جوهرة مكسور وكتبكي بدل الدموع دم فقدان الاهل اصعب احساس بالخصوص اذا كنتي معاقلش عليهم مرة جرها للوطو كيؤاضي ويسكت فيها وهي والو كتنخصص تبكي وتقول ما بكات حتى غوت عليها ياسر 
ياسر:جوهرة صافي من البكاااا 
جوهرة:(حبسات البكية والتنخصيصة كطلع بزز وقالت وهي كتشوف فيه شوفات منكسرين والحزن مالي عينيها)توحشتهم بزاف
ياسر:(ما لقا ما يقول من غير يعنقها عندو)
#عند_رياض_الغالية
رياض كان فالبيرو ديالو ومركز فالخدمة ديالو ايد على البيسي وعينيه على الملف لي قدامو ما هزش راسو حتا تكوانسا طرطق عنقو وجبد يديه وكتافو بتعب حط ضهرو على الكرسي وتنهد تفكر الغالية وعلاقتهم لي تحسناات كتر وكتر قرب لحاسوبو الشخصي ودخل لوجيسييل المراقبة لي موصولة مع الكامرات لي مركب فمكتب الغالية بمجرد ما حل الخانة بانت ليه الغالية كضحك من قلبها وقدامها واحد من الموضفين واخد راحتو معاها تلاشات الابتسامة ورجعات بلاصتها تغوبيشة ونضرة حادة بقا كيشوف ومتبع حركاتهم بزوج حتى طفح بيه الكيل وناض من المكتب ديالو فاتجاه مكتب الغالية لي كانت مجيبا لدنيا خبار وكتقهقه مع الموضف ومشاركة معاه اطراف الحديث حتا تحل لباب بعنف خلا الغالية تقفز بالخوف والموضف يضور يشوف شكون بمجرد ما لمح رياض جمع الوقفة وقال صباح الخير سيادة المدير
رياض:(بغضب)هادي بلاصة د الخدمة ماشي جردة تكركرو ليا فيها ضحككم كيتسمع منين ومنين
الغالية:(كتشوف فيه ببرائة)
الموضف:(وقف باحترام وقدم اعتدارو بخوف مخافة يخسر وضيفتو)سمحلي اسيدي مغتبقاش تعاود
رياض:(شاف بحدة فيه ورجع شاف فالغالية شوفة خلاتها تحدر عينيها بلهلا يطريه ليها ورجع شاف فالموضف وقال بحدة)يالاه خدمتك اش مازال كتسنى
الموضف:(بخوف)اه واخا سيدي 
حدر راسو ومشا خلا وراه رياض لي واقف وقفتو المعهودة والصرامة طاغية عليه نضرة حادة عمرها شافتو بهاد الشخصية لاول مرة غتشوف رياض الغامض رياض الصارم لي شفناه اول مرة برك فبلاصتها وهي واقفة كتشوف فيه من لتحت لتحت وقال بصرامة مع برود فنبرة صوتو
رياض:اش هادشي كنشوف هنا ميس الغالية..

الغالية هزات فيه عينيها وعاودت حدراتهم بسرعة فاش شافت عينيه عليها وشوفاتو الحادة لي زادو وتروها وخلاو دقات قلبها يتزادو مقدراتش تهضر 
رياض:(ببرود)اش هاد الفعايل؟
الغالية:(بتوتر)احم مسيو رياض انا مقصدتش والله هو لي جا عندي وبدا كيضحك معايا 
رياض:نفهم من كلامك لي ضحك معاك ضحكي ليه
الغالية:(قاطعاتو بسرعة بقا ليها شوية وتبكي بالخوف لي ركبها والتوتر لي نهشها)لا لا انا مكنتش باغية والله غير حشمت وصافي 
رياض:(وقف وتقدم لعندها تنهد)الغالية مباغيش نوريك وجه اخر نتي عندي عزيزة وراك عارفة غلاوتك عندي متخلينيش نتصرف ولا نقول شي حاجة مباغيهاش
الغالية:(حركات راسها بالايجاب)سمحليا منبقاش نعاود
رياض:(دوز ايدو على شعرها الطويل وقال)وهادا منبقاش نشوفو مطلوق
الغالية:واخا لي بغيتي
رياض:(بتاسم برضى وقال)خليت ليك الراحة ومتبقايش ضحكي مع شي واحد من غيري 
الغالية:واخا
شاف فيها ببتسامة ساحرة خلاتها دوب فيه وخرج اما هي بمجرد ما فات الباب شدات فقلبها وجلسات كتلهت وكتقول 
الغالية:ياربي اش هادشي اووف ناري باغي يسكت ليا القلب...
رياض مشا لبيرو كيضحك مشا نيشان برك كيشوف فالحاسوب دبالو حاضيها ميت بالضحك على تصرفاتها.....
#نمشيو_لامريكا
كان بهاء الدين كيلبس الفيست ديالو ناوي يخرج حتا سمع الدقان فالباب قالبصوت رجواي ببحة صباحية:دخل
كانت الخادمة 
الخادمة:(وهي منزلة راسها للارض ويديها قدامها وحدة فوق وحدة)تفضل معايا ا سيدي الى كنتي جاهز
بهاءالدين:اوك
خرجات الخادمة وهو تابعها وكيشوف فجنابو حتا وصلو لقاع الفيلا كانت مائدة طويلة ملكية بامتياز فوقها مل ما تشهاه النفس وعلى راسها العقرب وبجنبو المساعد الاول ديالو ولي محاملش بهاءالدين 
العقرب:(ببتسامة)صباح الخير البطل بنتيلي نقزتيها
بهاء:صباح النور بوس..ولفت هه
العقرب:(باعجاب)وي بين هه بانو ليا عدة ندبات فصدرك وكتافك واثار رصاصات 
بهاء:(بفخر لانو هدوك كانو نتائج اذاء الواجب)وي هادوك نتائج خدمتي
العقرب:بين انك وفي فاذاء خدمتك
بهاء:(وهو كيقصد خدمتو كقائد)اكيد الوفاء كيجري فالدم
العقرب:متاكد مغلطتش باختيارك كايدي ليمنى
هز بهاء والمساعد مصدومين بالخصوص المساعد لي بلاصتو ولات فخطر محدق وممكن يتنحى منو فاي وقت ممكن اما بهاء صدمتو كانت ناتجة عن الفرحة لي مقدرش يخبيها وبانت على محياه مكانش متوقع انو داكشي لي باغيه غيوصل ليه بهاد السرعة ولكن واخا هكاك لابد من الحيطة والحدر 
بهاء:وانا لي الشرف بوس..كون متاكد غنفديك بروحي
العقرب حرك راسو بالايجاب وهو مبتاسم وقال:بداو بسم الله
بهاء:(فنفسو:على نتا كتعرف الله يا عدو الله)بسم الله
الكل فطرو وحتى واحد مدوى مع لاخر احتراما لاداب الطعام حتى سالاو وقال بهاء الدين وهو كينوض:بوس انا غنمشي للشركة لي كنت خدام فيها ندفع استقالتي وندوز لداري الى حتاجيتيني تاصل بيا
العقرب:(بامكانك تبقى معانا حتى تحس براسك مزيان
بهاء:نو مكنرتاحش فشي بلاصة من غير داري والحمد لله راني مزيان كيف كتشوف ماشي شي حاجة
العقرب:اوك براحتك 
ناض كل واحد مشا فحال سبيلو بهاء مشا للشركة كيف قال قدم استقالة وخرج كيصفر وكيدور فعينيه وكان شكو فمحلو رجال العقرب تابعينو شد طاكسي وعطاه عنوان دارو ولي كانت فشارع معروف بتجار المخدرات والمافيات الصغار منين ما داز كيلقيو عليه التحية وهو كل مرة يبتاسم ويسلم على واحد وكين لي كيقشب معاه حتى وصل لعمارة لي ساكن فيها ولي كان مبنى مهترئ طلع فالدروج بالجرى كيدندن ويصفر حل لباب ودخل بسرعة لغرفة ديالو ولي كانت وسطها غرفة سرية كانو فيها اعضاء الفرقة ديالو بمجرد ما فات الباب لقاهم واقفين كيتسناو فيه 
سليم(بخوف):خويا لباس كيف بقيتي
بهاء:(شاف فيهم كاملين وقال ببتسامة)الحمد لله لباس مكين لاش تشطنو عليا معندي والو(عماد الدين كان حادر راسو قرب ليه بهاء وحط ايدو على كتفو)عماد موقع والو هادوك اوامر ونتا نفدتيهم انا كنتحمل مسؤوليتي على اي حاجة وزيدون هانتا كتشوفني واقف كيف العود قدامك مطرى والو هز راسك 
عماد:(شاف فيه)سمح ليا مون كوموندو
بهاء:(ربت على كتفو)انا مفتاخر بيك اعماد وترجل معانا اصحبي 
عماد:(بتاسم وقاد الوقفة)اوك شاف
بهاء بتاسم ووقف قدامهم وقال:جايب ليكم البشارة وليت لايد اليمنى العقرب 
اسماعيل:نوووو وييي كيف درتي ليها
بهاء:(بغرور)اش كتعرفو على عاااشق 
عمادالدين:اش غنعرفو عليه من غير الدهاء هه
بهاء وي ولكن كين مشكل بسيط وهو انهم مازال متيقين فيا رجالو كانو تابعيني ولكن لحد الساعة كلشي تحت السيطرة (تىن ترن عطاه سليم الفون وجاوب كان ليث)الو ليث وي شي جديد
ليث:اه ا بهاء ولكن غتصدم بداكشي لي عرفت
بهاء:(عقد حجبانو وقال)شنو كين
ليث:جدي وعمي صابر عندهم يد مع العقرب..

بهاء:(خرج عينيه بصدمة وقلبو ضرب بعنف وقال)مرام
ليث:احم ما تخافش عليها ولكن كين حاجة خرى
بهاء:(بسرعة)شنو كين دوي
ليث:(بلع ريقو)باغي يزوجها لفؤاد
بهاء:نعااام
ليث:وي هادشي لي كين قالت ليهم بلي مزوجا ولكن معندها حتى دليل لي يثبت كلامها
بهاء:(بغضب)اععع اش هادشي ياربي مكنتش دير ليه حساااب....
ليث:تهدن اكيد كين شي حل
بهاء:اشمن حل وهي بوحدها وصطهم
ليث:متنساش انا معاها ومغنخلي حتا حتجة تاديها 
بهاء:ماشي على داكشي انا عارف مرام مغتجلسش تشوف فيهم ومغتبغيش تخصر لخاطر لجدها اكيد غدير شي حاجة
ليث:اش عندها مادير اصحبي..مغدير والو 
بهاء:هديك انا لي كنعرفها..شوف غتقول ليها توافق ولكن متحددش نهار العقد ومتبين والو انا فاول فرصة غنكون تما وغنحاول نسد هادشي فاسرع وقت 
ليث:واش عارف اش كتقول ابنادم راها مرتك هاديك
بهاء:(تنهد بقلة حيلة)عارف هدا هو الحل لي غيخليها بامان وهي بيناتهم 
ليث:نتا تعرف بون الى كان شي جديد انا فالخدمة خليت ليكم الراحة
قطع ليث وخلا بهاءالدين معلق قلبو مع مرتو هز راسو كيتنفس بسرعة وقال
بهاء: انا غنرجع لعندهم نشوف اش غندير نلقا الملفات والدلائل لي يتبتو عليه التهمة ونتهناو من هاد الكابوس
عمادالدين:(حبسو)صبر اصحبي الزربة مغتنفعك فوالو خلي حتا يتاصلو بيك هما ومغيكون غير الخير
برك بهاءالدين شاد راسو والدنيا ضيرا بيه معارف ما يدير 
بهاء:(بقلة ضبر وخوف)عطيني لفون الرقم السري
سليم:(كانه عرف اش بغاه)لاش بغيتيه
بهاء:بغيت نعيط لمرام
سليم:اش كتخور اصحبي واش عارف شنو كدير
بهاء:(شاف فيه بصرامة وقال)كلمة وحدة قلتها 
اسماعيل:(غمز سليم)
سليم:مشا جبدو من الخزنة وعطاه ليه)هاك اسيدي
شدو بهاء وبسرعة دوز نيم د مرام لي كانت فدارهم القديمة كدور فجميع انحائها حتى ستقرات فوق السرير لي كان جامعهم تكات كتشوف فالسقف وقالت..:توحشتك بزاف ا بهاء
غمضات عينيها وهي كتسترجع دكرياتها معاه لعدة دقائق حتى سمعات لفون كيصوني هزاتو بانت ليها "ابيل ماسكي" قطعات وحطاتو حداها عاود صونا فالبلاصة هزاتو وقطعات غمضات عينيها كتفكر دكرياتها وهي مبتاسمة لكن سرعان ما تحولات لعصبية هزات لفون لي ما سكتش وجاوبت بعصبية:واش معندكم متا يدار تصدعو عباد الله ما تعرفو بنادم ناعس ماعرفوه مزوج ...
بهاء:(وقلبو كينبض بسرعة نطق بنبرة حنينة خلات الدراري غير كيشوفو فبعضهم)المفدعسة ديالي 
جلنار:(كانت كتغوت وتهلل حتى سمعات صوتو وسكتات كتاكد)
بهاء:روحي 
جلنار:(بفرحة)بهاءالدين
بهاء:روح بهاءالدين لباس عليك كلشي مزيان
جلنار:الحمد لله ونتا لباس عليك؟؟؟كلشي بيخير؟؟ صحتك مزيانة
بهاء:(شاف فايدو وقال)الحمد لله بيخير
جلنار:(بحزن)توحشتك ا بهاءالدين
بهاء:حتا انا توحشتك 
جلنار:محتاجاك معايا ا بهاء تحطيت فموقف ختيب مع جدي 
بهاء:(بجدية)عاودي ليا شنو وقع من لول
جلنار:************* وهادشي لي وقع
بهاء:(ضرب الحيط بلكمة)والله فيهم لبقات غندمهم واحد واحد غير بلاتي..سمعيني اش غنقولك
جلنار:ام كنسمعك ا بهائي
بهاء:(عض على شفايفو لانه عارف فاش كنقول جلنار بهائي كتكون محتاجة ليه بزاف وضيعة بين افكارها)حياتي انا معاك واخا..هانتي غتمشي عند جدك(وهو كيورك على الحروف وكمل عادي)غتقولي ليه موافقة تزوجي بداك الشماتة
جلنار:(شهقات بصدمة)اش كتقول ا بهاء صافي مبقي
بهاء:(قاطعها بالزربة)سكتي وسمعيني حتل الاخير
جلنار:واخا
بهاء:غتوافقي تزوجي ولكن ما تحدديش ايمتا العقد خليها علاقة مفتوحة شوفي كفاش ديري تقنعيهم وانا غنكون تما فاقرب وبت نحبس هاد التخربيق كامل (وقال بتحدير وخوف)عنداك ا مرام يقرب ليك ولا يحط يدو عليك
جلنار:(ببتسامة)نقطع يدو قبل ما يوصلها ليا
بهاء:الله يرضي عليك منخافش عليك 
جلنار:امين
بهاء:المهم احبيلة انا غنقطع دبا خايني نرجع لخدمة تهلاي فراسك وردي لبال
جلنار:صافي غتقطع
بهاء:ماشي بايدي غير صبري احبيلة ما بقا قد ما فات
جلنار:واخا الاه معاك ورد لبال لراسك وبلاما ترجع ليا بشي خبشة هانا كنعلمك مغنتفاهموش راني شفت كلشي داك النهار غير مبغيت نقول ليك والو
بهاء:(ساف فايدو المضمدة)احم واخا يالاه خليت ليك الراحة خاصني نمشي
جلنار:كنبغيك
بهاء:حتا انا كنبغيك في امان الله
قطعو وجلنار بتاسمات غمضات عينيها باستسلام لنوم اما بهاء فبمجرد ما قطع دعا الله يحميها ويحفضها ودار باش بعطي لسليم لفون لقاهم كيشوفو فيه ومترقبينو اما هو عقد حجبانو وقال بصرامة عكس كيف كان كيدوي مع جلنار باش ما يشدوش فبها ويحرقو دمو كتر ما هو محروق:مالنا علاش كتشوفو فيا هكاك كملو خدمتكم تابعكم العرام د الخدمة يالاه كل واحد خدمتو(شاف فسليم)سليم نتا غتختارق نضام القصر وغتجسس عليه من الكميرات لي عندو فالدار راه ديرهم فكل قنت واكيد غيكون ديرهم حتا فالبيرو
سليم:اوك شاف
دار سليم قابل الكومبيوتر وبدا فالعمل ديالو اما بهاء فصونا ليه لفون وكان العقرب بسرعة قال ليهم وهو شاد لفون:شششش منسمع حتا واحد(حركو ليه راسهم)الو بوس
العقررب:جي لهاد العنوان غتلقاني كنتسناك
بهاء:اوك بوس
قطع الخط وشاف فصحابو باستغراب العقرب
عماد:اش بغاك

بهاء:(باستغراب)معرفتش
خدا مسدس من عند عماد دارو فخصرو لور فحين سليم قاد ليه كام على شكل صدفة ركبها ليه فالشوميز ومايك صغير قد العدسة (بحال هديك لعدسة لي كيديرو بيها صحاب الباك النقلة هه)وخرج فاتجاه العنوان لي عطاه العقرب وعقلو خدام واكيد موجد راسو لاي حاجة 
سائق الطاكسي:هنا اسيدي
بهاءالدين:وي غير هنا(شاف الكونتور وعطاه)
خرج من الطاكسي دور عينيه على المكان كان عامر بالناس كان على شكل سوق اسبوعي تمشا وهو مستغرب وعاقد حجبانو حتى سمع لفون ككيصوني وجاوب 
بهاء:الو
العقرب:غيجي عندك واحد من الرجال وتبعو
بهاء:(عقد حجبانو وهو مفاهمش اش واقع ولاش هادشي كامل)اوك
قطع بهاء الخط فوجه العقرب لي هز حاجبو من جراتو وفالاخير ترسمات ابتسامة على وجهو..اما بهاء بقا واقف للحظات حتى وقف عليه راجل جسم رياضي طول من بهاء وقال بصوت خشن "تبعني" تمشا الكارد وتبعو بهاء وهو كيدور عينيه ومحاملش الوضع حتى وصلو دار مهجورة كانت فشارع مهمش فيه غير المشردين والكريمينالز دور عينيه باهتمام على المكان واكيد عيون سليم وعماد الدين واسماعيل مترقبين وكيسجلو اي حاجة وقف الكارد وقال بصوت خشن(طبعا الكلام بالانجلش من غير فاش كيكونو الشباب مع بعضهم)"دخل" تقدم بهاء بدون ما يعطي اي رد نزلو فالدروج لاسفل المبنى كانه كاف بمجرد ما فات الباب شم ريحة خيبة تهز النفس كح بعدما خصر وجهو وقال وهو شبه متاكد انه هاد الريحة د الموتى..
بهاء:كح كح اش هاد الريحة
الكارد:(وهو كيتمشى عادي كانه مولف المكان والرائحة)زيد وسكت حتل عند البوس وغتفهم كلشي 
معاودهاش معاه بهاء الدين كمل طريقو وهو ساد نيفو كان بحالا داخل لغار او سرداب فيه ضوء احمر هو لي مضوي.. كان المكان مخيف ويبت الرعب فالدات لكن مع ذلك ما زعزعش ولو درة من بهاء لانه مولف وخدمتو كتحتم عليه يكون بذون مشاعر..
الكارد:دخل البوس كيتسناك...

دخل هديك الغرفة ولي مكانتش غرفة عادية لا كانت مختبر بمعدات طبية والحيوط فيهم الدم وقارورات فيهم اعضاء بشرية مستفين بعشوائية حل عينيه على اخرهم مكره شاف البوس وهو كينتاشل اعضاء جثة ممكن تكون د انثى فمقتبل العمر او مراهقة تصمكو ودنيه فحين البوس كان كيعيط ليه وهو مبتاسم كانه مستمتع بداكشي لي كيدير اما بهاء كان كانه جثة مكيمسعش لي حواليه الوقت توقف وعقلو تبلوكا فاش قرب لجثة وكانت طفلة مواصلاش ل 15 سنة حتى حركو الكارد لي كان وراه وهز راسو فالبوس 
بهاء:(بانفعال)اش هادشي..اش كدير!!
العقرب:(ببتسامة باردة كانه وحش متجسد بصفة انسان)هادي خدمتنا وخدمتك حتا نتا 
بهاء:مقلتيش ليا هادشي ا العقرب مكنتش عارف كتاجر فالاعضاء البشرية
العقرب:نتا قبلتي وراك دبا مسير ماشي مخير (مد ليه سكين طبي للجراحة)
بهاء:(كيشوف فيه)لاش هادشي..
العقرب:غتبدا خدمتك من هاد الاحظة
بهاء كان مقادرش يصدق هادشي لي طاح فيه ولاول مرة من نهار بدا خدمتو ما حس بهاد الاحساس لي كيختارق قلبو وينهش كيانو وانسانيتو كان كيضن بلي داكشي لي داز منو من عذاب وعقوبات...الخ معمرو غادي يكون انسان عادي بحال كيف كان ولكن فهاد اللحظة لي كيعيشها حط داكشي كامل لي عاشو كوم وهادشي كوم تاني كينونيتو والانسانية مازال حاضرة فيه ومكرهش يهز المسدس ويتيري فيهم كاملين وهو كيضور عينيه فيهم كانو بملامح ممحية ومضاعر عليهم اي تعاطف من غيرو هو شاف فالعقرب لي غمز الكارد وحط ليه فردي على راسو من لور
العقرب:(بتهديد وهو ماد ليه السكين)اش ضهر ليك
بهاء:(بلع ريقو والعرق فجبهتو مكانش خيف من الموت قد مكان خيف من شنو غيوقع من بعد هادشي وضميرو لي غيبقى يانبو شد من عندو لموس ويدو كترجف وعينيه كيهربهم من على البنت الصغيرة ولي كان صدرها وبطنها محلولين واعضائها الداخلية كلها بينا زفر باستسلام وهو كيقول بصوت خافت كيسمعو غير هو)ياربي تسمح ليا ياربي عوني (حتى سمع صوت اسماعيل كيدوي)
اسماعيل:بهاء طفي المشاعر والضمير نتا فمهمة وخاصك تنفدها ماشي نتا لي يدك ترجف اصلا البنت ميتة..فكر شحال غتنقد من روح ومن طفل وطفلة اذا درتيها وتم القبض عليه حنا معاك كلنا باش يطيح هاد عدو الله 
بهاء دار كيشوف فهديك الطفلة وكيتاسف لحالها زفر بقوة حط الموس على القلب ويدو كترتاعش رغم محاولاتو باش يتبت راسو لكن بدون جدوى فالاخير ستسلم تحت اصرار اسماعيل وقوة نفسو وزال مشاعر الانسانية ودوز الموس بعشوائية لكن بدون ما يمس القلب وفهديك الوقت لي كان كيقوم باستئصال القلب كان حاس براسو كيستئصل قلبو من بلاصتو حتا كمل هزو وحطو فقنينة فيها سائل كانه ماء حطو تما وسد عليه العقرب لي كان مبتاسم برضى وقال 
العقرب:انا نكمل فبلاصتك حتى تولف ههه
بهاء بسرعة لاح السكين ومشا غسل يدو وتقابل معاه باش يبان وهو كينفد جريمتو الشنعاء بكل برودة دم والابتسامة على محياه ملامحو كتبين مدى استمتاعو والرضى على الجراحة لي كيقوم بيها كمل بعد ساعة ونصف من استئصال كل الاعضاء غمض بهاء عينيه بغضب قاتل من العقرب وحالف انه غيعيشو نفس العداب الجسدي والنفسي كذلك
الغقرب:(وهو كيحيد ليكات خوضر)اوووف واخيرا سالينا(شاف فبهاء لي كان كيشوف فبه بنضرات حادة)صابر كيف جاتك المدمة معانا
بهاء:الصمت
الغقرب:مع الوقت غتولف ويواي يجيك كلشي عادي (شاف فرجالو)خودو هادو لعند موسى يتكلف بيهم ..

دازت اسبوع على داك النهار وبهاء مرض فين ما كيحط راسو كيتفكر شنو دار وملامح البنت لي كانت بريئة ومعندها حتى دنب ضميرو مخلاهش يرتاح وكل مرة كيخيل ليه نفس المشهد كينوض قافز ويقرى شوية القران عاد كيرجع ينعس..ولكن الايجابي فهاد الشي هو انهم قدرو يجمعو بزاف د المعلومات منها شركاء العقرب والممولين ليه والعقرب معارف والو بالعكس فرحان ببهاء وكيتباها بيه قدام الشركاء ديالو فحين بهاء كيحفر ليه وكيتسنى غير ايمتى يضرب ضربتو ولكن فالقريب ويمكن هاد النهار علاش لا...بهاء هو الفرقة ديالو وبعض عناصر الشرطة ومعاهم ليث كانو كيوجدو نفسهم لاتمام المهمة 
بهاء:(وهو كيلبس الواقي)واجدين
الكل:واجدين 
بهاء:راكم عارفين شنو ديرو
اسماعيل:كون هاني شاف 
بهاء:الله يكون معانا
الكل:امين
الكل تاكد من سلاحو والمل واجد لهاد الليلة لي كيتسناوها من سنين ركبو فطرافيك كبيرة وبهاء وليث ركبو فسيارة هامر مدرعة مضادة للرصاص الكل كيدعي فخاطرو ربي يكون معاهم وينصرهم على هاد عدو الله حتى وصلو للقصر لي كانت حراستو قليلة وهادشي كان عارفو بهاء طبعا تولاو قتلهم جوج من الرجال بسهولة واقتاحمو اسوار الفيلا تفرقو ومل واحد مشا لبلاصة كيقلب ويجمع الملفات وكين لي كيقلب فالغرف دام البحث لعدة ساعات بدون جدوى برك بهاء بخيبة امل 
بهاء:فين غيكون مشا وانا عارف بلي غيكون غير بوحدو ليوم اش هاد الزهر
اسماعيل:(واقف حداه)اكيد كين شي حاجة ماشي هي هاديك 
عماد الدين:واش متاكد من المعلومات ا بهاء
بهاء:اه متاكد هادشي لي قال ليا 
ليث:بلاتي انا عارف فين غيكون
الكل شافو فيه بترقب
ليث:تبعوني
مشا ليث متقدم وسلاحو فايدو عاقد حجبانو خرج من لباب لوراني د الفيلا وتمشا لمدة طويلة واكيد وراه الشباب ورجال الشرطة حتا وصل لكوخ من الخشب منضرو زوين ولي كان وسط غابة كطل على البحر وقف ليث وبهاء وكذلك الرجال
بهاء:متاكد غيكون هنا
ليث:(ببتسامة شر)فينما يغبر عليك العقرب عرفو كين هنا 
سليم:وءالحراسة
ليث:(باستهزاء) واقيلة نسيتو بلي راني ولدو ..تسناوني هنا
خشا المسدس ورا ضهرو وحيد الواقي ومشا ليث بدون ما يتسنى شي واحد يرد عليه شي واحد حتا وصل لباب الالكوخ سلم على الرجال 
ليث:(بنبرة امر)سيرو لفيلا وخليوني مع بابا بوحدنا منبغيش نشوف شي واحد كيدور هنا ولا مغيعجبكم حال
الكارد:حاضر سيدي
ركبو فجيب سوداء ومشاو فحين بهاء بتاسم وقال 
بهاء:(ضار عندهم)حاوطو الكوخ من جميع الجوانب منبغيش شي خطأ
الكل:(دارو التحية وقالو بصوت موحد)حاضر مون كوموندو 
الكل تاهب للهجوم تسناو حوالي العشر دقائق وتحركو باتجاه الكوخ وطبقو اوامر بهاء الدين لي متسناش بزاف وفرع الباب لقا العقرب ففطوي جلدي بارك وواقف عليه ليث بحال عزرين شاد موس فايدو وكيدوي بصوت بارد كيزرع الخوف فالنفوس ونضرة غريبة مابين الحدة والتلاعب

ليث:(وهو كيلعب بالسكين بطريقة مميزة نتقدرش توقع شنو غيدير)
العقرب:(بلع ريقو بخوف وقال بارتجاف)اسد ولدي اش كدير(شاف فبهاء الدين كيستنجد بيه لكن سرعان ما عرف بلي نهايتو جات بمجرد ما شاف البادج د الشرطة حول انضارو لليث مرعوب لانو عارفو وهو لي صنع وحش خبيت صنعو بايدو وهو لي غيكون سبب نهايتو)
ليث:نووو مسيو والادريسي معاك ليث بن عمرو لي غيجيب اخرتك 
العقرب:(الصمت)
ليث:(باستهزاء وهو كيشوف فبهاءالدين)لقد اكل القط لسانه ههه
ضحك بهاء بسخرية وهو كيطوي الكمام د الشوميز وتقد عندو وقال:
بهاء:ليوم غادي يشهد عليك التاريخ ونتا كنشوف اسوء من داكشي لي كديرو لدوك الابرياء بدم بارد(شاف فالباقين)تقدرو تخرجو كاملين
العقرب:(حرك راسو بترجي وقال)ولدي اسد صابر مديروش هكا انا عتابرتكم ولادي ونقدتكم من المستنقع لي كنتو فيه
اسد:المستنقع هو لي عايش فيه نتا اولد**** وزيدون شكون صابر؟؟
بهاء:(ببرود)كيقصد بهاءالدين عامر لي قتل ليه مو حرقا ودخلو الحبس مدة 24سنة نافدة 
العقرب:ككفففاااااششش ببببهههااء
بهاء:(بنضرة حادة خلات قلبو يرجف)الكموندو بهاء الدين 
ليث:بما انو كلشي بان وتوضح خلينا دبا نبينو شي حقائق مخبيها عليا ونعرفو شكون بالضبط لي قتل بابا و ماما اما نتا معروف غير وسيلة
العقرب:(دقات قلبو فتزايد وعارف انه بمجرد غياخدو داكشي لي بغاو نيشان للحبس سوو ميقدرش يغامر وخبا الخوف وقال)نعقدو اتفاق الى بغيتي نقول ليك الحقيقة كاملة 
بهاء:(باستهزاء)وشنو هو هاد الاتفاق
العقرب:نحكي ليكم كلشي فالمقابل ما تمس مني حتا حاجة وناخد مدة مخففة لاقصى درجة فالحبس
ليث:(شاف فبهاء)هاء من نيتو هدا(ورجع شاف فالعقرب لي كان كيدور عينيه بينهم بقلق وخوف)اشوف اسيي غدوي بزز بالخاطر لي بغيتي وزيدون داكشي د الاتفاقات ماشي معايا الى كانو هما غيديرو معاك هادشي انا را مغنرحمكش غير هضر لان فكلا الحالتين غنتار منك لموت واليديا وعلى بشاعة المنضر لي خليتيني نشوف فيها خويا صغير وهو كيتعدب (بغضب ونبرة تهديد)مغندوزهاش ليك واخا يبقى فيا غير عرق يضرب 
بهاء:(وهو كيقرب)زيدني عليك حتا انا مناويش نخليه يخرج على رجليه من هنا (شاف فيه بحدة وقال بصرامة)نطق قبل ما نحط فيك ايدي 
العقرب:(بلع ريقو البولة قربات تهبط ليه وهو كيشوف جوج من الد اعدائو ولي عمرو ضرب ليهم الحساب شي نهار يتجمعو بزوج ولا غيعاود يسمع سميت بهاءالدين ومركز اكثر مع ليث لانو عارفو اش كيسوى وشنو العداب لي ممكن يدوز عليه ناسي بهاءالدين لي خدمتو حتمات عليه يتعلم فنون التعديب سواء النفسي او الجسدي وقال)اوك غنعاود ليكم كلشي ولكن مديرو ليا والو 
ليث:(شد لموس قطع بيه السروال من جهة العضلة وقال وهو حاط راس السكين الحاد على العضلة وقال ببرود وصوت كانه فحيح افعى)عرفتي الى مدويتيش دبا هاد الموس غندوزو على العضلة والى دوزتو على العضلو ودع هاد الفخض 
العقرب:(غمض عينيه بمجرد ما مزق السروال وبدا كيرجف اما ليث لي رجع اسد د زمان اسد لي مكيرحمش ولي معندوش درة شفقةعندو كيف الموت كيف الحياة وقانونو فالحياة يا قاتل يا مقتول قال بسرعة)انا معارف والو اش بغيتو عندي 
ليث:(وهو كيوجد يغرس الموس)اوك نتا لي ختاريتي
بهاء:(قاطعو بسرعة)حبس حبس انا عارف اش غندير معاه وغيقول داكشي لي عندو بالخاطر
(بعد ليث وهو كيشوف) جيب ليا شي حاجة تكون كبيرة وغارقة فيها الما ودير فيه تلج الى كان (شاف فاسماعيل وسليم وعماد الدين لي متبعين بسكون)دراري خرجو 
اسماعيل:لا مون كموندو مغنخرجوش وحنا معاك فاي حاجة درتيها ولكن الايهام بالغرق ماشي حل الى ساقو الخبار القياد ديالنا مغيعجبهمش الحال
بهاء:داكشي علاش كنقول ليكم خرجو خرجو من هنا ومنعو اي واحد يبغي يدخل..

عماد:ولكن منقد
بهاء:(بصرامة)دويت
حركو راسهم بالايجاب وخرجو هما كيدعيو الله يخرج هادشي بيخير وعلى خير لان بهاء الدين كيعرض حياتو المهنية للخطر والى عرفوه لاعلى منه رتبة ختارق القوانين مغتبقاش غير حياتو المهنية لي مهدد غتولي هناك عقوبات حبسية لي غتكون وخيمة هادشي عارفو لكن الانتقام عمى ليه عينيه وهو كيتفكر مو ونعار دخل للسجن والمواقف لي تعرض ليهم فيه والبنت لي جبرو ينتزع قلبعا من جسدها وعذاب الضمير لانبو هاد المدة كلها وطير النوم من عينيه..جاب ليث داكشي لي وصاه عليه بهاء وحطو فحين العقرب متبع اش كيديرو بترقب وخوف من اشنو كيتسناه مشا عندو بهاء وهزو من قرفادتو بغضب وجرو معاه بخطوات سريعة وبدون اي سابق انذار غطس ليه راسو فالمتء المثلج لي شلل الاعصاب ديال دماغو بشدة البرودة بقا خاشي ليه راسو وهو كيشوف فالساعة اما العقرب ولا كيتركل باغي يخرج راسو دازت ٢دقايق وجبدو من الما عاقد حجبانو لاحو فالارض كيتنفس بسرعة وصعوبة 
لبث(بغضب):قول اش عندك 
العقرب غير كيتنفس مقادرش يحرك اعضائو لان عقلو جمد بشدة البرودة والعصاب تشللات مؤقتا:(الصمت)
بهاء:خليه شوية اعصابو مشلولين هاد الساعة
بعد لحظاات حرك ايدو حطها على صدرو وقال ليه بهاء
بهاء:(ببرود)شنو دبا غدوي!!!
العقرب:(الصمت ومغمض عينيه كيرد انفاسو)
بهاء:اوك
شدو بنفس الطريقة وخشا ليه راسو والعقرب كيفركل بايديه ورجليه لان هاد المرة بداو الهواجس كيفوتو على شكل صور بين عينيه صورهم ليه اللاوعي ديالو كيحس براسو كيغرق فشي بلاصة متجمدة والخوف من الموت بدا كيتسلل لكيانو بنفس الطريقة كيشوف فالوقت حتا دازت اكثر من دقيقتين وجبدو هاد المرة كان وجهو ازرق وشفايفو كذلك مكيتحركش لعدة دقائق عاد بداو اطرافو كيطلقو برك قدامو بهاء على اطراف رجليه حاط ايد على فخدو والايد التانية شاد بيها العقرب من دقنو بعنف وقال تحت سنانو..
بهاء:غتنطق ولا نستعملو معاك ما اكثر
العقرب:(الصمت مازال كيرد انفاسو)
بهاء:(شاف فليث)برك حدا هدا انا جاي
ليث وقف قدام العقرب وهو كيشمت فيه اما بهاء فخرج عند سليم وقال
بهاء:جيب ليا الصاعق الكهربائي
سليم:(بلع ريقو وقال)اش بغيتيه
بهاء:(بحدة وغضب)سليييم
سليم:(تنهد لانو فهاد اللحظة واخا تجي القوات الجوية والبرية مغيرجعش ابدا)اوك شاف
مشا سليم عند واحد من رجال الشرطة الامريكية خداه من عندو وعطاه ليه بمجرد ما خداه دخل بسرعة وسد الباب بالساروت لي كان فيه ودار القفل شاف ليث لي كان واقف عليه والابتسامة على وجهو وتوجه عندهم نزل على شكل قرفصاء وقال بحدة 
بهاء:عندك جوج اختيارات يا دوي يا نستعمل معاك طاريييقة تانية
العقرب:(كيدوي بصوت خافت)معندي منقول ليكم س
بهاء:(قبل ما يكمل كلامو حط الصاعق على ناضرو وخفض ليفولط)دبا غنشوفو واش غتهضر ولا لا 
صعقو كهربائيا وبما انو كان فازغ والاعصاف مشللة تقريبا فكان كيحس بالم لا يصدق كان العروق د راسو شاعلة فيهم العافية طلق صرخة خلات لي فالخارج ينتافضو ويبغيو يدخلو لكن لقاو رجال بهاء الدين فالباب 
الشرطي:اش واقع لداخل
اسماعيل:(حط ايدو على صدر الشرطي وقال)ممنوع يدخل شي واحد
الشرطي:(وهو كيسمع صوت الغوات)خاصنا ندخلو نشوفو شنو واقع هادشي خارج على القانون
اسماعيل:(شاف فدراري وحركو ليه راسهم بالايجاب وكلهم جبدو الشارات ديالهم)كنضن دبا كلشي واضح بيناتنا
الشرطي:(دار ليه التخية وقال باحترام)امرك شاف
دارو عاطيين بالضهر والشباب واقفين وقفة جبال حتى حاجة متزعزعهم وهناوكيضرورو عينيهم فلمكان احتياطا من اي هجوم مباغت
#في_الداخل
العقرب كينهج وهو كيقول بترجي ودموع طاحو ليه 
العقرب:صافي انا غنقول كلشي صافي مبقيتش قادر اهئ 
بهاء:(خدم كاميرا وقابلها معاه )تكلم
العقرب:قبل ما يتزاد باك ا اسد(قاطعو ليث)
ليث:اسمي ليث ليث ما تبقاش تقول ليا اسد
العقرب:(كينهج حرك راسو وكمل علا كلامو) كانت جداك صديقة ديالي وكنا عاد باديين فالمافيا تعرفت عليها على اساس صائدة جوائز كانت كتصطاد غير ليبورجوا ومنهم جدك لي طيحاتو فشباكها وهادشي كان بامر مني لكن للاسف خرجات من ايدي حيت ولات كتبغيه ومبقاتش قادرة تكذب عليه كنت كنهددها بلي غنفضحها قدامو وكانت كتخاف لدرجة الموت حيت كانت متيمة بحبو ومتقدرش تزيد خطوة بلا بيه بقات كتنفد داكشي لي كنقول ليها وكانت كل مرة كتجيب ليا الفلوس واي حاجة غالية حتل واحد النهار طلبت منها تجيب ليا مستندات الشركة والاراضي وفنفس النهار تكشف كلشي وجدكم عرف كلشي هي سامح ليخا لانو كان معمي بحبها وانا صيفطني للحبس لكن مطولتش بزاف وخرجت..خرجت بدون نا يصيق ليا شي واحد الخبار سمعت بلي حاملة وكان باك فكرت وفكرت ومالقيتش ما حسن من اني نقتل منصور بن عمرو خطفتو...

خطفتو وعدبتو مزيان حتى ولا هو كيقولي قتلني ولكن لا مقتلتوش بالعكس كنت مستمتع بتعديبو والحاجة لي بانت ليا هي اني نخليه عندي وباش ما يتجبدش نحل عليا قررت اني ناخد واحد من رجالي الاوفياء ولي بالصدفة كتاشفت بلي كيبغي جداك قبل ما تعرف على منصور خبرتو بلي غادي يكون مع لي كيلغي ولكن ماشي بوجهو بوجه راجلها وافق بدون ما يفكر زوج مرات..وبهادشي قلبت الوجوه وجه منصور زرعتو ل قادر ووجه قادر زرعتو لمنصور وبهاكا نتاحل شخصيتو وحتى واحد ما حس بشي حاجة كمل حياتو معاها عادي جا صابر وسيف الدين
اسد:(خرج عينيه مصدوووم)وعمامي عارفين
العقرب:(حرك راسو بالنفي)لا معارفين والو 
بهاء:(شنق عليه)واش عارف قداش الدنب لي رتاكبتي خليتي مرى تعاشر راجل غريب عليها وينتج عليهم جوج ولاد من الحرام ولي دبا ولاو رجال وعندهم عائلة 
ليث:(كيتغدد عليه وقال تحت سنانو وهو كيجر بهاء لي زرب على العقرب بدماغ خلا عقلو يرتاجج)خليه يكمل بشاعة افعالو (طلقو بهاء وكمل العقرب وهو شاد نيفو لي كينزف)
العقرب:رياض كبر بيناتهم بدون ما يحس بالنقص كان كيعاملو بحال ولدو حيت هو ولد ماماه لي كانت كتموت عليه تمسها فعينيها وما تمسهاش فولدها رياض..كبر رياض وولا راجل تبارك الله توضف فحالك(كيشوف فبهاء لي غير عاقد حجبانو) كان حتى هو رائد فالعسكر وعميد ف DST ولا كيشكل تهديد ليا ولكن مع ذلك كنت دير بوجه مو لي كانت فواحد النهار كتربطني بيها صداقة حتل النهار لي قتل لي ولدي من داك النهار وانا كنحفر ليه ومتبع اخبارو وزارع رجالي بين رجالو كانت خبارو كتوصلني اول خطوة درت هي شريت طبيب لي دخلات عندو ماماك فاش جاها نزيف ووهمتو بموتك(كيقصد اسد)ولحسن الحظ رياض مشك فوالو 
ليث:وكفاش درتي حتى خطفتيني اكيد هادشي كان غيبان مع المدة وطبيب لي كانت متبعة عندو كان غادي يقول ليها 
العقرب:(حرك راسو وهو بالكاد باش كيدوي)حتى هو شريتو ومالقيتش صعوبة فاش ولداتكم خليت ليهم جود وخديتك نتا باش نتاقم من باك فالوقت المناسب ونرد ليه كية ولدي اضعاف فاش يشوف ولدو عدوه ولكن لي مكنتش ضارب ليه الحساب هو الشبه لي كان بيناتكم كنتو بحال شي شخص كيشوف فالمراية مكينش الفرق بينكم وضطريت نخبيك عليه دازت خمس سنين من نهار خطفتك تيقني ربيت عليك الكبدة عوضت ولدي لي مات بيك..(تنهد وهو كيشوف فليث لي غير عاض فالصبر وقال)سمحلي اولدي مكنتش باغي نوصل لهادشي معاك 
ليث:(بغضب عارم وقال بصراخ)ما تقولش ليااا ولدييي..كفاش درتي حتى جبتي خووويااا لعندك ودرتي فيه ديك الحاااالة قدام عينيا
العقرب:(بلع ريقو وهو كيشوف فليث لي ضلامو عينيه وبهاء لي متكي على ضهر الكنبة مربع يديه وعاقد حجبانو متبع معاه بتركيز)كان خارج من المدرسة وباباك كان دير ليه سائق خاص بيه كيديه ويجيبو وبعد المرات كانت سعاد كتمشي معاه حتل داك النهار لي قررت نصيفط رجال ويخطفوه وهو راجع للدار السائق قتلوه والولد جابوه سعاد مكانتش معاه جابوه ليا هنا(حبس الهضرة كيتفكر اش دوز على جود ولاول مرة غينتابو الندم اول مرة غادي يحس بمدى الحقارة ديالو متوقع انه تقدر تكون هادي نهايتو وميخرجش من هاد الدار حي ولا عالاقل كيف قالو على رجليه شاف فليث وبهاء لي مترقبينو وكمل بعدما حدر عينيه للارض)حطيتو فغرفة باردة عامرة بالفئران والحشرات كنت كنسمع غواتو كل نهار وكنت مانع عليه الماكلة حتل النهار لي غرني الشيطان وطاحت عليا فكرة نخليك كتشوف خوك فهاديك الحال(قبل ما يكمل جاتو لكمة قوية لوجهو من عند ليث لي كان باغي يزيدو كينهج وعينيه حمرين لكن بهاء حابسو وكيهدن فيه)
بهاء:(مكروازي ليث)ليث خليك بعقلك اصاحبي 
ليث:(كيتجبد باش يوصل ليه)خليني نقتلووو
بهاء:(بصراخ)غتخلينا نكملو ولا غنخرجك(طلق منو بعد ما شافو كيترخى وقال للعقرب)غتعاود لينا بالتفصيل اش درتي للدري وشحال كان فعمرو اي تفصيل غتقولو(شاف فليث)تقدر تخرج الى كنتي متقدرش تسمع هادشي
ليث:(بعد من تما بضعف باش ما يسمعش وما يرجعش للماضي)
العقرب:(الدموع تخلطو مع الدم وكمل)جود بن عمرو خطفتو وهو عندو خمس سنين حتاجزتو فغرفة تحت الارض باردة وفيها الفئران والحشرات حرمت عليه الماكلة وكنت نعطيه الماء مرة فالنهار حتى كيفقد الوعي عاد كنعطيه ياكل ويشرب دوز عندي 3ايام وليت كل نهار ندخل ليه راجل يغتاصبو وهو مازال صغير(نزلو دموعو بندم وهو كيتذكر الحادثة كانه رجع بالزمن للوراء وكيعيش من اول وجديد)اهئ اهئ حتل النهار لي غادي يغرني الشيطان ونجيب اسد يحضر لعداب خوه وقررت نريحو من العداب لي كيعيش فيه بركت اسد لي كانت عندو خمس سنين ومعارف والو بالرغم من اني ولفتو هادشي حتى ولا كيجيه عادي الا اننه مفاهمش شنو كيوقع غتاصبو خوه قدام عينيه حتى ولا كلو دمايات جرحوه(بدا كيشهق بالبكا اما بهاء الدين تجمعو فعينيه الدموع من شدة المنضر اما ليث فكان مدرق ورا واحد الحيط بارك على شكل قرفصاء وحاط يديه مربعهم فوق رجليه وكيبكي بعنف وكيشهق شهقات مكتومة حتى كيتهزو كتافو...)شوهو الجسم ديالو بجروح خيبين وحرقوه كان صوتو كيتقب الودنين صوت بكاه وصوت الرغيب ديالو اهئ اهئ ولحتو فالغابة الغابة نفسها لي غنقتل فيها باه...

بهاء:بغيتك تحكي ليا كلشي ومتنسا والو
العقرب:لحت جود بن عمرو فديك الغابة وكيف كتعرف جاو البوليس وكلشي عرف شنو وقع ليه وحتى انا صافي كنت غنهز اسد ونمشي لشي بلاد تانية ونكملو فيها حياتنا ونزيد نكبر المافيا ديالي لكن جا عندي قادر وطلب مني نقتل رياض حيت ولا كيشكل خطر عليه وولا كيدقق فبزاف د الحويج حاولت نهددو بزاف د المرات ولكن والو لي فبالو فبالو ضطريت اني نقتلو ولكن تسنيت حتا تزادت عندو البنت وشافها (هز راسو فبهاء لي كان حاقد وباغي يصفيها ليه)تقدر تقول تحركات الانسانية لي دفنتها فاش قررت ندخل لهاد المجال ويمكن احسن حاجة درتها فحياتي هي هادي عفاك عيط لاسد بغيتو 
ليث:(وقف عينيه حمرين بين بلي كان كيبكي)اش بغيتي نصفيها ليك
العقرب:لا بغيت نصلح داكشي لي هرست فيك صدقني عتابرتك ولدي عمرك كامل ونتا معايا ربيتك انا وتكلفت بيك انا سهرت معاك فمرضك ووقفتك على رجليك اول كلمة نطقتي كانت ليا انا قلتي ليا بابا شديت فايديك وعاونتك توقف على رجليك بعد كل طيحة انا لي مسحت ليك دموعك فاش كنتي تبكي..(باسى)اه انا خيب ومكنسواش وشيطان ونستاهل اكثر من هادشي لي انا فيه دبا ولكن ندمت اقسم بالله ندمت سمحلي اولدي 
ليث:واش يحساب ليك غنسامحك بعد هاد الكلام 
العقرب:(حرك راسو بالنفي وقال)عارف مغتسامحنيش وغتعاقبني ابشع عقاب متنساش انا لي ربيتك
بهاء:(قاطعو بحدة)كمل 
العقرب:كان رياض فحالة خيبا واخا تزادت عندو جلنار وفرح بيعا الا ان حرقة موت ولدو بقات كتنهش فيه بقا كيقلب عليا نهار وليل ولا كيتعاطى للكحول وبهاكا كان ساهل نجيبو عندي دقيت ليه واحد المحلول كيخلي القلب يتوقف لمدة بين ما تحقن بالمضاد وكيرجع ليه النبض عادي ديتو لنفس الغابة كييف سبقق ليا قلت وعلقوه الرجال فالشجرة على اساس انو انتحار تاصلت بالشرطة باش يجيو بسرعة وفعلا ما تاخروش والاسعاف لي جات كانو فيها رجالي طبيب ديالي الخاص بيا كان كيتسناهم فالمشفى دارو التحقيق وتبين مع المدة انه انتحار لكن سعاد كانت كتقول العكس....داو رياض للمشفى ونزلوه لغرفة الاموات وجات شافتو سعاد تاكدو منو عطاوها شهادة الوفاة ودفناتو لكن الشخص لي دفنوه مكانش رياض كان شخص اخر جابوه فحادث سيارة متشرد هو لي تدفن اما رياض فمزال عايش بمجرد ما عطاو شهادة الوفاة وتاكدنا بلي كلشي داز على ما يرام حقناه بالمضاد وصعقناه حتى رجع لو النبض عادي خرجتو من المشفى جبتو معايا لامريكا 
ليث:(بسرعة وقف قدامو شانق عليه)فين هو بابا فين ديرو
العقرب:(شاف فيه بنضرة مبهمة كان حاس بالغيرة من رياض بقا فيه الحال علاش يقول لرياض بابا فحين كان هو لي كيسمعها وقال)في الحفض والصون
بهاء:(بصرامة رغم الفرحة لي تسللات لقلبو بمعرفة ان رياض ممكن يكون مازال عايش)بما انك نتاا لي مشيتي لامريكا..شكون حاول يقتل سسعاد وبنتها 
العقرب:قادر هو لي صيفط شي واحد باش يقتلها معرفتش شكون كان باغي ياخد املاك رياض 
بهاء:(بغصة)كفاش حتى لقيتوهم بعد هاد السنين كلها وعلاش حرقتو دارنا وقتلتو مي 
العقرب:لي عارف هو قادر جا عندي وعطاني مبلغ خيالي وصيفت رجالي حرقو داركم بعدما تاكدو من وجود سعاد تما 
ليث:(بلع ريقو وقال كانه باغي ما يخصرش فرحتو)واش قتلتوها(كمل بامل)ولا مخبيها فشي بلاصة حتا هي...

العقرب:(شاف فيه وعض على شفايفو وقال بحزن)اه ولكن النرا التانية مقدرتش نعتقها كانت شدات العافية فالدار كاملة وعلى ما اظن كانت عندها الضيقة الدخان خنقها(شاف فبهاء الدين لي عينيه حمارو)سمحلي ما لقيتش كيف ندير
بهاء:(وهو عافط على قلبو ومقوي راسو قال بصرامة وجدية)كمل كلامك وما تبقاش تشوف غيا ولا غنصفيها لوالدين مك
العقرب:(حدر عينيه)هزوها الرجال بعدما غيبات وجابوها عندي كنت معجب بيها معرفتش شنو جدبني ليها من اول مرة شفتها فالسبيطار وكنت باغيها ديالي بوحدي حطيتها فاوطيل ومعاها ممرضة خاصة كتعطيها مخدر 
ليث:(شنق عليه)مخدر ديالاش
العقرب:كح كح غير كح باش تنسا الماضي كح كح مغياديهاش هي غادي يمسح غير ذاكرتها باش نقدر نتقرب منها انا 
بهاء:فين كينين عائلة بن عمرو
العقرب:مصطفى كين فالمغرب هو ورياض وسعاد كينا هنا
بهاء:(شاف فليث)عطيني شي ورقة وستيلو(مشا كيقلب حتا لقا كتاب بعنوان "اغنى رجل في بابل" هز ستيلو كان حداه وعطاه لبهاء لي حلو على الصفحة الاخيرة لي كانت بيضاء)كتب ليا العناوين هنا(خدا ستيلو وهو كيرجف وكتبهم ليه خداهم من عندو كيشوف فيهم عقد حجبانو وعطاهم لليث)ديهم لسليم قولو يتكلف 
ليث:(خداهم من عندو)اوك 
بهاء:(بعد ما مشا ليث سد وراه الباب بالقفل وخللاه كيدق لان دبا بدا خدمتو ولي كتشمل معلومات سرية تحدر عندو حتى تقابل وجهو مع وجه العقرب وقال ببرودة)ام دبا مزيان بما اننا عرفنا شنو واقع بالتفصيل دبا غتقول ليا الاسماء 
العقرب:(حرك راسو بالنفي)منقدرش
بهاء:(عطاه بلكمة قوية للوجه وقال ببرود عكس شنو كيدور فالداخل ديالو)لا غتقدر..نبداو فشكون هاد الخونة لي كانو فالكتيبة د رياض
العقرب:راك معارفش شنو يقدرو يديرو راه
بهاء:(جبد المسدس كيقاد فيه ووجهو لفخدو)عطيني الاسماء
العقرب:الصمت 
بهاء:اوك نتا لي ختاريتي(حط المسدس وهز السكين لي كان عند ليث قطع ليه تيشورط لي كان لابس وحطو ليه عند لحمة صدرو)اش ضهر ليك تدوي ولا نطير مها
العقرب:(حبس انفاسو للحظات وقال)منقدرش
بهاء:(دوز لموس حتا طارت من بلاصتها خلاتو يغوت حتا تسمع صوتو عند لي برا ولي متحرك فيهم حتا واحد ولا تزعزعات منو ولو شعرة وحدة وقال ببتسامة ماكرة)ودبا!!!
العقرب:(راسووو فالارض وكينهج وملتاوم الصمت)غيصفيوها ليا وليك ولعائلتك كلها
بهاء:(بحدة قبل ما يوجه ليه كود لوجهو هرس ليه نيفو لي ولا كلو ديز بالدم)الميمة لي كانت قتلتيها..دبا دوي ولا انا لي غنصفيها ليك 
العقرب:(كينهج ودموع تخلطو فوجهو والخناين المهم الحالة حالة الله ما فيه ما يتشاف)اهئ اهئ كنترجاك رحمني را منقدرش 
بهاء:(كيشوف فيه مصغر عينيه وقال)اذن وجد راسك للعذاب 
العقرب:بهاء دير بوجه جلنار 
بهاء:(قبل ما يكمل اش باغي يقول كان ضاربو ببوكس اقوى من لي سبقوه وقال بغضب)متجبدش سميت مرتي على فمك ولا غنقتلك 
العقرب:الصمت
بهاء:هكاك..دبا قول ليا شكون هما الخونة لي كانو متواطئين معاك 
العقرب:الصمت
بهاء:(دوز الموس على صدر العقرب وقال بتهديد وملامح وجهو تدل على الجدية وانه ممكن يديرها)اش ضهر ليك نشق صدرك ونجبد قلبك كيف جبرتيني نجبد قلب هديك البنت ونطلع روحك..ولا نعدبك احسن الموت البطيئ افضل بدل ما نحيد قلبك نجبد الاعضاء لخرين ونتا كتشوف اش ضهر ليك 
العقرب:(دقات قلبو تسارعو لخوف شديد من بهاء الدين)
بهاء(مشافش فيه زرع لموس داخل كرشو وفتحها شوية وصراخ العقرب مالي المكان قال بترجي وهو كيتنفس بعنف)
العقرب:غنقول غنقول
بهاء:كنتسنى
العقرب:(بلع ريقو وقال)...

العقرب:رشاد صقر وياسين بن موسى(عقلتو عليهم هما صحاب رياض لي كانو معاه فاش تخطفات سعاد من طرف ال DST)
بهاء:(قال بحدة)كمل شكون اخر
العقرب:غير هادو
بهاء:(بحكم انه قاري علم النفس ومتضلع فيه بلمح البصر قلعو كيكدب وقال)زيد شكون اخر بلاما تخليني نزيد فلادوز 
العقرب:الصمت(وهو مغمض عينيه كيتسنى الدقة)
بهاء:اوك براحتك(مشا هز قرعة د البلاستيك وهز بريكة وشعل فيها العافية حتى بدات كتقطر)قول 
العقرب:الصمت(مغمض عينيه)
بهاء:حل عينيك
العقرب:(ساد عينيه)
بهاء:(بنبرة حادة وبصوت مرتفع)حل عينيك
العقرب:(حلهم كيرجف)
بهاء:قول ليا الاسماء تيقني قد ما عاونتينا غتخفف على راسك الحكم
العقرب:(واعدني غتحميوني)
بهاء:(حرك راسو بدون ما يجاوب)
العقرب:الرائد زياد الزراوي والقائد محمد الوافي
بهاء:(تصدم)شكون..الى كنتي كتكدب غير ترحم على روحك 
العقرب:مكنكدبش زياد حتا هو كان باغي يتهنى من رياض باش ياخد منصب الكولونيل
بهاء:(رجع خطوات لور مصدوم)مستحيل(بقا للحظات ساكت حتى سترجع رباطة جاشو)دبا قول ليا شكون متورط معاك فالمافيا وشكون كيمولك وشكون كيتعامل معاك وكيشري من عندك السللح والاعضاء كلشي بغيتك تحكيه ليا
العقرب:بزاف د الناس رجال اعمال ومنهم ريوس صحاح كرئساء دول 
بهاء:ما نبقاش نسول بزاف عطيني الاسماء واي حاجة كتعلق بيهم كتعرفها
العقرب:نبدا ليك برجال الاعمال عبد رحيم اليازيدي ومصطفى بركات خالد العَربي....الخ 
بقا العقرب كقول ليه الاسماء ولي كان بهاء مصدوم فيهم لانه في يوم كان حارس شخصي لاغلبيتهم وعادشي بطلب من اصحاب الرتب العليا ولي كان البعض منهم من ضمن اللائحة السوداء لي غطيح ريوس كبار فالبلاد وفبلادات هرين ورجال اعمال هازين اقتصاد البلاد على ضهر الابرياء بعد ساعات من التحقيق ربط ليه يديه وراه وخرج برا لقا رجالو على نفس وقفتهم من صباح وفتاهب وليث بارك فالدروج قدام الباب بمجرد ما تحل ناض معصب
ليث:اش هاد تبرهيش اصحبي 
بهاء:(بتعب)تقدر دخل دير فيه لي بغيتي ولكن خليه حي وما تخليش الامارة 
ليث:(ببتسامة)اوك 
خرج بهاء ودخل ليث وسد وراه الباب طرطق يديه وقال باستمتاع
ليث:دبا جاات نوبتي نوبت اسد لي مفقلبوش الرحمة ...

العقرب:(كان حادر راسو وضميرو كيانبو حتى سمع صوت ليث)ولدي
ليث:(بخبث)ماشي ولدك وغنتبت ليك دبا
العقرب:(عرفو علاش ناوي)دير غير بوجه التربية لي ربيتك والسهير لي سهرت عليك وواليديك لي حميتهم على قبلك حيت كنت عارف غيجي واحد النهار لي غيتفضح كلشي مبغيتش نكون شرير فعينيك عكس الناس لخرين اولدي الله وكيغفر لعبادو الى تابو توبة نصوحة فشكون حنا لي بشر وكنعاقبو بعضنا صحيح اني غلطت بزاف والماضي ديالي كلو خيب وكحل ولكن كنحلف ليك بلي ندمت وكنطلب من الله يسمح ليا 
-بقا كيدوي وكيبكي ونوعا ما اتر فليث لي بقا كيشوف فيه وعاقد حجبانو وحتى هو ما ينكرش شحال عانا معاه فالصغر وشحال من مرة مرض وكان فجنبو كلشي مفكرو وكلشي فبالو قال ليه
-‏ليث:لي غنقولك هو اني سامحتك على وجه داكشي لي دوزت معاك فالصغر وعلى وجه انك خليتي اهلي عايشين..(عطاه بالضهر وتمشى بضع خطوات وظار قاليه)مسح دموعك وطلب الله يغفر ليك على الجرائم لي رتاكبتي 
-‏هز راسو فيه وهو راسم شبه ابتسامة ابوية قال بحنان مخلط مع حزن عميق:متنسانيش اولدي 
-‏ليث:شاف فيه للحظات وخرج مع الباب بدون ما يدوي مع شي واحد خلا الكل كيشوف فيه باستغراب كانو متوقعين يخرج عكس هاد الوجه المتجهم ولي بينة الخيرة فملامح وجهو والحزن مهما يكن الانسان قوي ومتسلط ومفقلبوش الرحمة القسوة اكيد كينة نقطة بيضة فقلبو اكيد كين نور وسط هديك الضلمة لي فقلبو واكيد كين الحنان والحب...الخ اكثر الاشخاص كيكونو حنان هما لي كيكونو خيبين فافعالهم واقوالهم لكن بمجرد كيعرف شنو باغي ولا كيلقا لي يفهمو كيولي بحال شي دري صغير وكينتج فائض في الانسانية 
-‏دخلو رجال الشرطة كبلو العقرب ولا نقولو الادريسي لانو فهاد الساعة كان الانسان الضعيف ولي كينهشو تانيب الضمير دارو بيناتهم وخرجوه لسيارات الشرطة لي حلت بالمكان دار كيشوف وراه وحواليه كيقلب على ليث باغي يشوفو لاخر مرة لكن مالقاهش لقا وراه غير بهاءالدين لي كان عاقد حجبانو والصرامة على وجهو ووراه الكتيبة ديالو هازين سلاحهم سدو ابواب السيارات ومشاو للسجن نيشان باش من تما غيدوز فالمحكمة...اما الرجال فربتو على كتف بهاء بتعب وحتى هو كان اكثر منهم تنهد وتمشا لسيارة دفع رباعي عسكرية ركب فيها هو ورجالو وتوجهو نيشان للهيليكوبتر لي كانت كتسناهم باش تردهم للمغرب...
-‏اما ليث فكان باغي غير يرتاح معرفش شنو يدير توجه لواحد البحير وسط الغابة كان كيمشي ليها هو والعقرب فاش كان صغير برك اونفاص ليها ورجليه محاوطهم بايديه بزوج كيشوف فالفراغ لعدة دقائق جبد لفون كيشوف فيه بحيرة وهو داخل لرقم يسرى..

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.