شاد لفون حاير بين عقلو وقلبو لكن فهاديك اللحظة احاسيسو غلباتو دوز لابيل وتسنى الرد فحين هي كانت متكية دموع فعينيها ولفون فايديها حالة لكونفيرساسيون ديالهم وكتقرى فيها كيف عادتها هاد الايام مرة ضحك ومرة تحسر وتبكي على غبائها حتى صونا لفون فايدها قلبها ضرب بالجهد لكن فاش شافت الرقم امريكي ناضت قدات البركة وعقدات حجبانها باستنكار للحظات وجاوبات بصوت بارد لكن فيه التغنغينة د البكا(عرفتوها)
يسرى:الو
ليث:(سمع صوتها وحس بيه ماشي هو هداك بقا ساكت كيتاكد حتى عاودات قالتها بنفس النبرة وقال)الو
يسرى:(الصمت مسعوقة بل ما متيقاش حيدات لفون من ودنيها ورداتو بسرعة وقالت بفرحة)ليث
قطع ليث الاتصال وحل الواتس خايف من ردة فعلها فاش تشوفو وتعرفو شكون ولكن صافي باغي كلشي يبان باغيها تعرفو شكون وتعرف باش كيحس باغيها تكون ديالو بدون مايخاف شي نهار تعرفو شكون وتخليه باغي يعرف راسو من رجليه..دوز لابيل فيديو ما تعطلش بزاف ولقا الرد جاو الاعين فبعضهم وكانت الصدمة من طرف يسرى وقالت
يسرى(عضات على شفايفها وقالت بنبرة ما مفهوماش خلاتو يهز عينيه فيها):ليث..(كملات وهي كتشوف فيه بحزن)مالك شنو عندك
ليث:(كانه تذكر شنو واقع ليه والاحاسيس لي خلاتو يكون ضعيف لاول مرة بتاسم)متشغليش بالك
يسرى:غتجي وتقولي كلشي مغنعقلش عليك(جمعات شفايفها زعمة مقلقة وهاد الطريقة خلاتو يبقا غير مبلق فيها عينيه ويضحك من الداخل)
مخيبوش احساسو وكانت يسرى قادرة تنسيه داك الهم والحزن لي كان مسيطر عليه بلحظات كانت يسرى اليد لي كان محتاجها تجرو وتهرجو من وسط داك الضلام لي حاط بيه...
بقا كيشوف فيها للحظات فسكون وعينيه فيهم لمعة خاصة شوفاتو خلاوها تحس بالتوتر والخجل حنحنات بخجل وقلبات عينيه لجهة تانية بعيدة عليه وقالت بسرعة مع بحة خاصة وصوت خافت بسبب الخجل
-يسرى:غنتسناك تجي عندي خايت ليك الراحة
قطعات الاتصال بالزربة وتلاحت فسريرها ناعسة على ضهرها على وجها ابتسامة نوعا ما غبية وهي كتشوف فالسقف وكترمش ببطئ شديد حتى طلقات غوتة بالفرحة وناضت كتنقز فوق السرير وتشطح بحال شي حمقة وتقول
-يسرى:كيبغيني كيبغيني ههه يس يس.....
-اما رياض بمجرد ما قطعات بقا كيضحك من قلبو متناسي الاحداث لي دازو هاد النهار تحرك بعدما سمع صوت الهيليكوبتر الخاصة بيه خرج من جهة البحيرة فاتجاه الهيليكوبتر ركب وقال الوجهة للربان
دار كاسك وجلس كيفكر فيسرى وعلاقتو بيها لي بدات غير بكذبة وانتقام صدقات فحب صادق فكر وفكر وخرج بنتيجة وحدة بتاسم وحط راسو على ضهر الكرسي لي جالس عليه ورجع جبد الفون كيختش فيه...بعد عدة ساعات كان فالمغرب نزل من العيليكوبتر ولقا رجالو كيتسناوه امام سيارة رياضية فضية اللون خدا الكونطاكت من عند الكارد لي حادر راسو للارض وركب مخلي وراه غير العجاج ونيشان لمنزل يسرى لي كانت كتفكر فالغد لي غيجي فيه وكفاش غدير تعامل معاه كانت ديك الساعة حوالي 4دصباح وقف لوطو اما فيلا المالكي هز لفون ببتسامة وهو خارج من سيارتو دوز رقم يسرى لي بمجرد مسمعات الرنة هزاتو بالزربة كان مصوني ليها فالواتس وطالع رقم امريكي جوبات بلهفة وقالت
يسرى:(قلبها تزادو نبضاتو صدمها كانت متوقعة مغيجي حتل الغد مكانتش متوقعة انو غيديرها ليها على قد فمها متناسية انها تحدات عاشق متيم بحبها وحطاتو امام مصداقية عشقو وحبو ليها شافت فالساعة ببتسامة وقالت)خمسة الدقايق ونكون عندك
رياض:كنتسناك
قطعات يسرى الخط والابتسامة على محياها ناضت مخربقة فرحانة وخيفة مرتاحة وفنفس الوقت متوترة لبسات بانطوفتها وتوجهات لدريسينغ لي وسط بيتها جبدات تجاكيط كوير سوداء متماشية مع لبيجامة لي لابسة سرحات شعرها بالزربة وخلاتو على راحتو بعدما غسلات وجها باش تصحصح ونزلات كتسلت من الدار شافت جيهة العساس لقاتو ناعس وحال فمو حبسات الضحكة على منضرو وقالت
يسرى:اودي يا ودي على العساس نتكشطو وميجيب خبار
ضحكات وخرجات لعند ليث لي كان حادر راسو كيشوف فرجلو لي كيلعب بيها وساهي حتى سمع صوت خطواتها وهز راسو شاف فيها بشوق اما هي طلعاتها حمرة الخجل والهالة لي حواليه خلاتها تحدر راسها بلهلا يطريه ليها اما هو بدون ولا كلمة جرها من يدها لحضنو هي تصدمات لانها متوقعاتوش يعنقها كانت متخايلة غيكون حشمان ولا يبرر ليها...الخ ولكن مطاحش فبالها يعنقها نهائيا اما كان تضارب فاحاسيسو داكشي لي داز ليوم صعيب رغم انو فرح باهلو لي مازال عيشين وقريب يشوفهم الا انو خوه والمعانات لي عاشها كان وقع اخر عليه كانت العافية شاعلة فصدرو حاس بتانيب ضميرو حاس بالدنب حاس براسو موسخ بزاف د الاحاسيس خلاتو يبغي حضنها خلاتو يبين ضعفو اتجاهها هي لي قدرات تاسر قلبو ببرائة وكل ما فيها من محاسن او مساوء بغاها بالخيب والزوين بغاها بدون ما يحس لكن اكيد والاهم هو انه حبو ليها صادق..كان خاشي وجهو فعنقها وايديه محاوطينها بقوة اما هي كانت مترددة واش تعنقو ولا لا لكن فالاخير استسلمات وبادلاتو العناق بكل قوتها كانت حاسة بشي حاجة ماشي هي هديك خلاتها تخاف معرفاتش مناش ولا علاش لكن تملك قلبها الخوف هاد ليث لي كتشوف قدامها ماشي هو ليث البارد المغرور دو الشخصية القوية ولي تخليك ترضخ ليه بدون اي مجهود منو بعداتو عليها بشوية وهو مازال مزير عليها ختى نطقات بصوت خفيف خلاه يهز عينيه الجوهريتتين فيها قالت بعدما لاحظات بريق عيناه لي كيوحيو بلي حابس دموعو
يسرى:(حطات يدها على وجهو وقالت بحنان)ليث مالك..شواقع ليك
ليث بقا واقف كيشوف فيها شدها من ايدها وجرها معاه لداخل السيارة بهدوء وهو كيشوف فعينيها)تيقي فيا
يسرى:(تشلل تفكيرها للحظات وهي كتشوف فيه بدون رد)
اما هو شاف فيها ساكتة قبل جنب فمها وبتاسم بتعب ديمارا لوطو متاجه نحو المجهول بعد حوالي ساعة ونصف كان خارج المدينة بعدة كيلومترات بالضبط وسط غابة بوسكورة داخل معاها ومركز مع الشجر حتى وصل لطريق مسرحة طل على يسرى لقاها مكمشة فيه وناعسة طبيعي لانها منعساتش ليل كلو بتاسم وكمل طريقو حتى وصل امام كوخ عصري زوين ووقف حل لباب سبق رجل لولة وحكمها بين يديه وخرج من لوطو دفع لباب برجلو حتى تخبط غمض عينيه وعض على لسانو خايفها تفيق الساعة معامن هو السيدة كتموت فالنعاس واخا تنخضيها متفيقش ليك شافها متزعتش وحل عينيه كيشوف فيها كتنضغ فنعاسها ضحك حتا بانت غمازت دقنو اكثر وتوجه للكوخ جبد السارو مم جيبو وهو كيتعصر باش ما تزلقش ليه من يدو وحل لباب دخل وسدو موراه مشا نيشان لبيت النعاس لي فالطابق التاني حطها فوق السرير وخيد ليها تجاكيط ديالها والبانطوفة وهو كذلك حيد تجاكيطتو وسبرديلتو والتيشورط لي لابس بقا غير بالسروال وتكا جنبها فالسرير بقا كيشوف فيها حتى حس بالنعاس بدى كيزور عينيه جرها عندو قبل جبينها وغمض عينيه نعس.....
#فمطار_محمد_الخامس(البيضاء)
نزل بهاء وموراه رجالو والتعب بين عليهم كاملين كانو سيفيل لي شافهم ما يقولش هدو خدامين فالمخابرات العسكرية غاديين وبهاء متراسهم كانت سيارة دات دفع رباعي سوداء ركبو فيها كاملين وتحركات فاتجاه المقر بمجرد ما وصلو مشاو نيشان للغرفة ديالهم لبسو الزي العسكري الخاص بفرقة القوات الخاصة هزو اسلحتهم قادو كل سلاح فمكانو الخاص بيه وخرجو تابعين بهاء الدين لي كان بملامح جدية باردة ونضرات حادة زادو الزي هيبة اكثر واصدقائو وراه جادبيتهم خاصة وااجدية لي هما فيها تخلي اي واحد يحتارمهم ولو يكون اعلى رتبة منهم وقفو كلهم وقفة عسكرية محضة الدبانة مكتزنزنش وبهاء كيف د يما متقدم حتا بانت ليهم الطائرة العسكرية لي جابو فيها العقرب نزلات فالمكان المخصص ليها وحتى واحد فيهم متحرك او تزعزع من بلاصتو بل تزاد معاهم الكلونيل وبعض الرجال اقل مرتبة ولكن اعلى مرتبة من بهاء نزلو جوج عساكر لابسين لبسة عسكرية وهازين سلاحهم لي عبارة عن كلاشينكوف والعقرب بيناتهم راسه في الاسفل مكبل اليدين والعسكريين جارينو معاهم داز من قدامهم وهما كيشوفو فيه بسخرية حتى وصل لقدام بهاء لي كان واقف بشموخ ورافع راسو للسماء ابتاسم وقال ليه
العقرب:سمح ليا اولدي نتا لي خرجتي خاسر فهادشي كامل سمحلي بزااف
جرو العسكري بالنتير اما بهاء كانو ورك ليه على الجرح لكن ما تحرك فيه والو بقا على نفس الوضعية من غير نضرتو الحادة ولي زادت حدتها على الاخر حتى ختافا من الانضار وقف قدامو الكولونيل مبتاسم وكلهم دارو التحية العسكرية تسمعات الضربة د رجلهم مع الارض بريتم واحد كانها ضربة وحدة والتحية العسكرية راسهم مرفوع وصدرهم منفوخ طالع رجليهم لاصقين مع بعضهم كانو جنود يفتاخر بيهم قدام كلشي ديما محمرين لو الوجه اي بلد يتمنى جنود بحالهم فجديتهم وفتفانيهم فالعمل بقاو على نفس الوضعية حتى سمعو الكولونيل كيقول بصوت قوي ذو هيبة"استريحو" عاد نزلو يديهم وداروها ورا ضهرهم وبعدو رجليهم على بعض وكيف ديما الراس فالسما والصدر مهزوز كانت وقفة مستقيمة
الكولونيل:(برضى وافتخار)تبارك الله عليكم كنت تيق فقدراتكم ورشحتكم نتوما من دون بزاف د الناس والحمد لله بفضل الله وبفضلكم محشمتونيش مع الجهات العليا وبينتو الكفاءة ديالكم وهادشي فمدة وجيزة اصعب مهمة ولي حارو فيها بزاف ديال الضباط والمخابرات قدرتو تحلوها فاقل من شهر..اليوم كنحس بالفخر كتر من كيف كنحس بيه وانا لابس البذلة العسكرية هزيتو راية البلاد ورفعتو روسنا وخليتو اعظم الدول تعترف بقوة قيادنا وضباطنا واكيد كفاآتنا كحماة للوطن
الكولونيل:(ربت على كتفو)هدا هو المضمون فيك سيادة القائد(رجع لنبرة الجدية)غتكلف بالتحقيق باش يتسد هاد الملف بمرة ونبغي قادر حتى هو يكون مع العقرب فاقرب وقت..
بهاء:(بنبرة رجولية)حاضر سيدي
دارو التحية للكولونيل ومشا بمجرد ما غبر تطلقو كتر ورجعو كيضحكو فرحانين بالانجاز لي دارو
عماد:مكين نعاس باقي تابعكم بزاف د الحويج منهم نتا(كيقصد بهاء)تكلف بداكشي لي قال ليك الكولونيل باش تزرب على هادشي ومن بعد تجيب قادر وتعرف كفاش توصل لجلنار بلي واليديها مازال عيشين
بهاء:(حط ايدو على عينو كيحركها بتعب)اووف اوك انا غنمشي احسن حاجة درت هي فاش سجلتو فيديو مغيكونش عندي بزاف والوتائق لي جمعت من دارو كافيين يغرقوه كتر متصور سو غيبقى غير قادر (شاف فيهم ببتسامة)وجدو راسكم لكتب كتاب خوكم هه
لي عاد كتكسل وناشطة كيف عادتها خرجات من الفراش مبتاسمة توجهات للدوش خدات دوش خفبف دارت بينوار عليها وخرجات نيشان لدريسينغ هزات الفون وبتاسمات من الاسم لي طلع ليها فالشاشة"وتيني" حلاتو بلهفة وقراتو والابتسامة على وجهها {صباح الخير المفدعسة ديالي توحشتك بزاف بزاف ولكن مبقا والو ونشوفك انا دخلت المغرب دبا عطيني يومين ونكون عندك..حبيبة متنسايش تمشي عند جدك وتقولي ليه بلي باغا بعد يومين يكون عقد زواجك من داك المكلخ كنبغيك بزاف ومتخافي من والو انا معاك بيزو فالشفايف باي..
اه عندي ليك جوج مفاجآت غيفرحوك احبيبة تهلاي فراسك ولبسي المستور نجي نلقاك لابسة شي حاجة ماشي هي هديك مغنتفاهمش معاك الله معاك والله يرضي عليك}بتاسمات بفرح وقلبها غيطير من بلاصتو بالفرحة قالت بهمس"كنبغيك ا كينغ كونغ ديالي" هزات ملابس شتوية انيقة واكيد مع مونطو طويل احتراما لكلام بهاءالدين دارت عطرها المفضل ولي كيعطيها جادبية خاصة وانوثة طاغية اكتفت بماسكارا فقط وخلات شعرها على راحتو ونزلات كتغني وفرحانة لقات الكل مجموعين على الطبلة كيفطرو هزو راسهم فيها بمجرد ما سمعو ضوتها وخطواتها بتاسمات ليها الجدة وقادر(الجد المزيف) وسيف الدين وزوجته كذلك من غير صابر والبنات وزوجتو لي كملو فطورهم بدون ما يعيرو ليها اي انتباه بركات فالمكان ديالها وبدات كتفطر معاهم فصمت حتى نطقات وهي كتاكل ببرود
جلنار:جدي قررت بعد غدا نكتب كتابي من فؤاد
الكل:(هز راسو فيها مصدوم وقال الجد)
الجد:(بفرحة)بصح ابنتي؟
جلنار:(وهي كتاكل بدون ما تهز عينيها فيه)اه اجدي(ناضت من الطبلة)علمو بلي بعد غدا يكون ضريب الصداق وخليت ليكم الراحة نهاركم مبروك
سلمات على سيف والجد والجدة وزوجتو وياسين ومشات بدون ما تحاشيها لخرين لي بقاو متبعينها بعينيهم حتى اختافات على الانضار وشاف صابر فباه
صابر:اذن الخطة غتمشي كيف بغينا
سيف:(شاف فيهم باستغراب)اشمن خطة اخويا؟
الجد:(بصرامة شاف فصابر وهو موجه كلامو لسيف)غير على ود واحد المناقصة دخلنا ليها
سيف:(بشك)ام مزيان الله يسر الامور(ناض حتى هو)خليت ليكم الراحة مع السلامة
مشا هو وناض قادر ومعاه صابر توجهو المكتب وسدو عليهم الباب وقادر كيشوف فيه بغضب
صابر:سمحلي الواليد نسيت
قادر:(بغضب)هادشي مخصكش تنسى فيه واش نتا غبي...
بقاو فنقاش بيناتهم حتى قلبو الموضوع اما جلنار فخرجات وهي كتصوني لبهاء لقات لفون ديالو طافي ورجعات تاصلات بيسرى لكن ما من مجيب شافت حتى عيات ركبات فسيارتها نيشان للشركة ديالها..
دازو ساعات وساعات جلنار غارقة فالشركة وبهاء غاطس فغرفة التحقيق مع الاشخاص لي متهمين ولي جبدهم العقرب اما الغالية ورياض فهما كذلك فالشركة وياسر وجوهرة جالسين فمطعم كياكلو ومرة مرة يتناغرو بحال المش مع الفار اما يسرى ورياض فمزال ناعسين من غير رياض لي كان عرقان وكيدور وجهو يمين وشمال بعنف وكيهتهت بكلمات غير مفهومة كيحرك ايديه ورجليه بسرعة حتى جات فيسرى ناضت مفزوعة كتشوف فجنابها حتى بان ليها رياض حداها خرجات عينيها لكن مخداتش الوقت باش تفكر شنو واقع ولا شنو كدير حداه من حالتو لي كانت كتخلع كانو فدوامة محاصراه وباغي يخرج منها حطات ايديها بسرعة على صدرو كتزعزع فيه والدموع تجمعو ليها فعينيها لانه فعلا كانت حالتو كتخوف حركاتو بشوية وقالت بسرعة وصوت مرتجف من الخوف
يسرى:ليث فيق احبيبي فيق(فنفس حالتو من غير العروق لي برزو فجبهتو)اهئ ليث فيق عفااك اهئ
كتحرك فصدرو وكتحاول تفيق فيه لكن بدون جدوى كانه فسبات مهما حاولت تفيقو مغيحسش بيك قربات ودنها لجهة فمو والدموع فعينيها كتحاول تفهم شنو كيقول وقدرات تفرز كانو كلمات مخربقين "خويا..لا..بعد..خويا..غنقتلك..لا متقيسوش" كانو كلمات متقاطعة مخربقين مقدراتش تفهم شنو المقصود بكلامو ورجعات كتفيق فيه حتى ناض مخطوف ماد ايده للفراغ وقال بثوت رهيب وهو كيلهث"خويااا" ..
"خويااا" خلاها تقفز وتشهق والدموع عاد تزادو معرفات شنو دير ولا كفاش تصرف دور راسو جيهتها وهو كيلهث تقول كان فالمراطون ولا خارج من شي كومبا جرها عندو وهي كتشهق بالبكا تكا وجرها عندو كيحاول يضبط انفاسو باش ينتاضمو دقات قلبو اما يسرى تخشات فيه كتشهق بالبكا والخوف قتلها عنقها مزير عليها وقال
ليث:(بصوت حنون)ششش موقع والو صافي
يسرى:(كتشهق)هاء خلعتيني هء بز بززاااف
ليث:(زاد خشاها فيه كتر وغمض عينيه وقال)مكين والو احياتي صافي مجرد كابوس وسالا
زيرات عليه بدورها وخشات وجهها فتنقو كتستنشق ريحتو اما هو عقلو غير مع الحلمة وخوه هز راسو وتنهد بعمق تنهيدة طويلة ونزل راسو لعند يسرى لي كانت مخشية فيه بتاسم وقال
ليث:الخوافة فيناهو هداك تخراج العينين ديالك هم
يسرى شافت فيه عوجات شفايفها وعينيها حمرين بالبكا رموشها فازغين ورجعات خشات وجها فعنقو معنقاه كان شكلها كيوت بهدوك الحركات سالات معاه ضحك لا بل قهقه وهو هاز راسو لسما وتفاحة ادم كطلع وتنزل هزات راسها كتشوف فيه ببتسامو خفيفة وعينيها كيلمعو باعجاب حتى نزل راسو لعندها شاف فيها وحط ايدو على خدها وقال "كنبغيك" بمجرد مقالها خلى نبضات قلبها يتسارعو قبل راسها بكل حب وبقاو حدا بعضهم فصمت حتا قاطعهم صوت الهاتف د ليث هزو لقا بهاء الدين جاوب
ليث:وي
بهاء:وجد راسك بعد يومين غتبان
ليث:(بعد لحظات صمت اوك ناض بعد من حدا يسرى)بغيت نشوف واليدية
بهاء:جي لمركز الشرطة لي كنا فيه داك النهار غتلقا سليم كيتسناك غيديك عندهم
ليث:(بفرح)اوك
قطع الخط ودار شاف فيسرى لي كانت مربعة رجليها وكتشوف فيه بل متبعة حركاتو حتى شاف فيها بديك الابتسامة لي خلاتها تبتاسم ليه تلقائيا وقال
ليث:حبيبة خاصنا نمشيو عندي شي شغل ضروري
يسرى:وخا
لبس تيشورط وسبادري شد فايدها وقال ببتسامة "مغتغسليش المعمشة هه" ضربات ايدو وناضت كتقلب بوحدها على دوش حتى لقاتو غسلات وجها وهزات بروس د سنان الخاصة بيه شافت فيه وهزات سينيال دارتو وبدات كتحك فسنانها اما ليث خرج عينيه مصدوم فيها للحضات حتى ترسمات ابتسامة على وجهو تسناها حتى سالات ومشا غسل وجهو وسنانو كذلك وجرها وراه هز تجاكيطتو وخرج شاد فايديها ركبو فالسيارة وديماراو فاتجاه منزل يسرى لي وصل ليه فضرف ساعة او اقل بسبب السرعة لي سايق بيها وقف ووقفات سيارة جلنار حتى هي بمجرد مشافت سيارتو عرفاتو خرجات عينيها بفرحة وخرجات من السيارة بسرعة وحتى هو خرج من السيارة
ليث:(باس خدها وقال بسرعة)هي تشرح ليك باي تهلاي فراسك(غادي لوطو وكيشوف فيسرى لي مخرجة فيه عينيها كتحلف عليه حتى دخل للسيارة غمزها وديمارا مشا بقات متبعاه لعين وهي كتسب فيه فخاطرها حتى غبر عاد دارت عند جلنار لي كانت واقفة وحاطة ايدها فجنبها كتشوف فيها بشر)
جلنار:كنسمع
يسرى:(جمعات شفايفها ناوية تبدى تغبن)
جلنار:بلاما تحاولي غير هضري وليتي بتذاكري من وراية يا بت الكلب
يسرى:هانتي انا نعاود ليك كلشي غير متسبقيش يديك ها عار الله انا مزاوكة فيك
جلنار:القضية فيها سبع بو البطين معندي مانقيس فيك حسابي معاه هو يالاه خوي المزيودة
يسرى:اه واخا اجي نطلعو بعدا
جلنار:يالاه زيدي قدامي
مشات يسرى قدامها كتحك ايديها مع بعضياتهم وتابعاها جلنار لي فهمات لبلان وكضحك عليها حتا وصلو لغرفتهم وبركات يسرى وجلنار لي واقفا على راسها بحال قباض رواح
يسرى:وبرمي اصحبتي والله الى وترتيني تقول مخرجة اسرار الدولة
جلنار:(جلسات)هضري
تنفسات يسرى بعمق وبدات كتسرسب لسها كفاش حتى قبلاتو فالفيس حتل هاد النهار وختماتها فاش شافت جلنار مصغرة عينيها فيها
يسرى:والله مخبيت عليك شي حاجة بالله
جلنار:هم تيقتك
_____________________________________________
عند ليث لي بلاصة قدام مركز الشرطة لقا سليم عند باب ولاية الامن سلم عليه وبعد اخد ورد من الحديث كل واحد توجه لسيارتو باتجاه القشلة د العسكر..هز لفون ديالو لي كان كيصوني لقا نيم د سليم جاوب باستغراب
ليث:وي
سليم:ليث كنعتادر منك مضطر نمشي لمركز الاستخبارات خرج لي بلان من الجنب
ليث:اوك معليش عطيني العنوان
سليم:غتمشي لقشلة لي ف*****
ليث:اوك الله معاك
كل واحد شد الاتجاه المعاكس كمل ليث على طريقو حتى وصل قدام القشلة خرج من سيارتو بكل هبة وقف على الحراس لي واقفين عند لباب وقال
ليث:(بصوت رجولي مهياب)عندي موعد مع القائد بهاءالدين الزراوي
الحارس:وخا سيدي صبر واحد دقيقة
ليث:(حرك راسو)
بعد دقائق قليلة جدا سمحو ليه يدخل ومعاه واحد من الحراس موجهو لفين كين بهاءالدين حتى وصلو دار التحية العسكرية احتراما له ولرتبته اما ليث فسلم عليه سلام رجولي وقال ببتسامة
ليث:جات معاك البذلة العسكرية هه
بهاء:(بثقة)انا لي جيت معاها هه
ليث:اللهم زده تواضعا ههه
بهاء:ااامين ههه
تمشاو مع بعض كيتكلمو ويهضرو حتى وصلو قدام باب واحد الغرفة وقف بهاء وشاف فيه وكذلك ليث لي جمع الضحكة وقال بتوتر
ليث:واش كينين هنا؟
بهاء:وي ولكن مازال مفاقو لازمهم الراحة خصوصا الاب ديالك
ليث:(فمو نشف دوز ليسانو على شفايفو وسرط ريقو)شنو وقع ليه
بهاء:قلة الاكل وصافي متخافش العقرب طلع عندو القلب وخا هكاك هه كان مهلي فيهم
ضحك بتهكم وكذلك ليث بتاسم ليه بتوتر وهو كيحك مؤخرة راسو نتابه ليه بهاءالدين وحط ايدو على كتف ليث وقال
بهاء:رولاكس برو كلشي غيكون مزيان..
ليث حرك راسو بالايجاب فحين بهاء فتح الباب وطل براسو بانو ليه بزوج فيقين لكن عليهم ستار فاصل بينهم مازال ما شافو بعضهم رجع شاف فليث وقال "فاقو"شاف غيه ليث بتردد وفلبة كيخبط بكل ما اوتي من قوة عادي وطبيعي جدا هدا اول لقاء بينو وبين اهلو اول مرة يشوفهم اول مرة يسنع صوتهم اول مرة غيكون قريب لواليديه الحقيقيين قدم الخطوة الاولى وعاود رجع بخطوات للخلف حتى تساطح مع بهاء لي كان حاضيه وكانه كان عارف بلي غيرجع
ليث:(بتوتر)اوفف مقدرتش ندخل مقدرتش
بهاء:(بتاسم)نتا ماشي ضعيف لهاد الدرجة باش تخاف دخل عند واليديك وتكون معاهم بالعكس نتا قوي بحال باباك وختك..متفكرش بزاف ودخل عندهم صدقني لو كنت مكانك مكنتش غنزيد نتعطل ولو لحظة وحدة بعيد عليهم
ليث:(شاف فيه مطولا وفهم قصدو ربت ليه على كتفو وقال)شكرا على كلشي
بهاء:(ضربو بلكمة لبطنو وهو كيضحك وقال)كولها
ليث بتاسم وبقا واقف للحظات عند لباب حتى دفعو بهاء الدين وسد وراه لباب ومشا اما ليث فكان مضهشر معارف لما يقدم ولا ميوخر شاف جيهة مو لقاها ناعسة اما باه فكان فاتح عينيه ومفيكسيهم على السقف بقا كيشوف فيه متغبطير فيه والو مازال نفس الجسم الرياضي الا انه تزاد حجما بفضل الرياضة لي كان كيدير فاش كان محبوس عند العفرب كيدوز بيها الوقت شعرو متخللو بعض الشيب واي مازاده الا وسامة والقليل من ااتجاعيد حول العينين حدرهم فاش سمع الباب تسد والتقت العينين كان ليث كيشوف فباه كان كيشوف نفسو فاش غيولي فنفس سنو اما رياض فكان كيشوف فيه مصدوم والدموع مجموعين فعينيه بقاو لعدة لحظات كل واحد كيشوف انعكاسو فلاخر ليث كيشوف شيخوختو ورياض كيشوف شبابو حتى نطق ليث بصوت مرتجف وخافت والدموع محجرين فعينيه
ليث:بابا
رياض غمض عينيه والدمعة نزلات ليه حط ايدو على عينيه كيخبي دموعو لكن مقدرش فصوت شهقاتو وصل حتل عند سعاد لي كانت كتستاعد باش تفيق وليث لي كانو كتافو كيتهزو فالبكا مشا عندو عنقو وقال ليه بنفس الطريقة
ليث:بابا
بمجرد مكملها سمعو شهقة دارو بجوج كيشوفو كانت سعاد واقفة عينيها خارجين فيهم وايدها على فمها كتحول انضارها بيناتهم بزوج بعدم استيعاب
ناض ليث ووراه رياض عينيه دامعين وشبه ابتسامة على وجهو قرب ليها جوج خطوات حتى وقف قدامها حط ايدو على خدها وقال بصوت هامس "عِشْقِي" قبل ما يكملها طاحت بين يديه فاقدة الوعي ش قرب ليث بسرعة كيضرب ليها فوجها بخوف وقال بصوت مرتجف وعينيه عامرين دموع "ماما" سمعو رياض وشاف فيه للحظات ورجع شاف فسعاد هزها بين يديه وحطها فوق السرير لي كان عليه خرج ليث بسرعة كيقلب على بهاء الدين لقاه واقف والصرامة على وجهو وقال بصوت مرتافع ضاهر فيه الخوف خلاهم كلهم يشوفو فيه
ليث(بخوف ضاهر):بهاء ماما طاحت معرفت مالها عفاك عوني مبغيتش نخسرها بعدما لقيتها الله يخليك
بهاء:(شاف حالتو وخاف)مالك شواقع
ليث:ماما معرفتش مالها
بهاء:(جرو وتم غادي بخطوات سراع كيقلب على الدكتور)كفاش معرفتيش شنو وقع
ليث:شافتني انا و(سكت للحظات جاتو تقيلة يقول بابا شاف فيه بهاء وهو يكمل بصوت تقيل ودقات قلبو كينبضو بسرعة)انا و بابا تصدمات وطاحت بين ايدين بابا
بهاء:(حط ايدو على كتف ليث وقال)ششش مالك اصحبي را موقع والو اكيد غتكون سخفات غير من الصدمة وصافي اجي ها هو الدكتور
تمشاو عند الدكتور لي كان مجمع مع بعض الممرضات و المجندين حتى وقف عليه بهاء حبس الضحكة والمجندين دارو التحية احتراما لبهاء الدين والممرضات نزلو راسهم وكيشوفو فليث وبهاء غير من لتحت بقنات عينيهم قال بهاء بصوت جدي رجولي
بهاء:المريضة سعاد غريب سخفات
الدكتور:علاش!!
بهاء:(بصرامة)كنضن خدمتك هادي...
دك:(بلع ريقو بتوتر وقال)اه وخا انا نمشي نشوف
تحرك طبيب بخطوات سراع وراه الممرضات وليث وبهاء حتى وصلو قدام الغرفة حلو لباب لقاو رياض شاد ليها فايديها وكيقبلها قبلات خفاف ويحطها على خدو ويعاود نفس الشيء كل مرة حتى سمع الباب تحل دور وجهو لجهة الباب بانو ليه الشباب والدكتور لي طلب منو يخرج بينما يعاين المريضة وقف كيشوف فليث لي كان حادر راسو حاس باحساس غريب معرفش يفسرو نهائيا حتى نطق رياض
رياض:(بهيبة)ولدي
ليث:(هز راسو فيه بدون رد)
رياض:جود مزال حي اولدي(مشا جيهتو عنقو عناق رجولي وبحنان ابوي قال بعدما نزلو دموعو)كنت عارف مازال حي كنت عارف
ليث:(بقا مفيكسي معرف باش تبلا مرة يهز ايدو باش يبدلو العناق مرة يعاود يردها فالاخير قرر يبادلو العناق ويخس بحضن ابوه وحنانو لي تحرم منو طول عمرو عنقو بكل جهدو لعدة دقائق حتى بعد رياض كيشوف فولدو بافتخار والابتسامة على وجهو وقال ليث)انا ماشي جود
حركو ليه راسهم بالايجاب ومشا الدكتور ودار شاف فيه رياض
رياض:خاص نعرف كلشي داكشي لي وقع
ليث:وخا
رياض:(ببتسامة وفرحة)الله يرضي عليك
بغا يدخل رياض وهو يوقفو بهاء الدين
بهاء:(بخجل)احم عمي اذا ممكن تخليني نظخل عندها انا اللول نشرح ليها شنو واقع باش متعاودش تصدم ولا تسخف عاود الى قدر الله
رياض:(شاف فيه باستغراب مع بعض الصرامة)وشكون نتا..وفين كتعرف مرتي!!
بغا يجاوب بهاء وهو يقاطعو ليث وقال
ليث:احم هدا بهاء الدين راجل بنتك جلنار وهو لي عونا حتى لقيناكم وكابر قدام عينين ماما
رياض:(بقل كيشوف فليث مسمع والو من غير بنتك بتاسم ابتسامة عريضة وقال)جلنار ..
لبث:اه ا بابا هو لي غادي يشرح ليها باش متطراش ليها شي حاجة(حرك رياض راسو ببتسامة)دخل اخويا حنا نتسناوك
حرك ليهم راسو بالايجاب دق وتسنا للحظات ودخل عند سعاد لي كانت متكية على السرير وجها صفر وساهية فالسقف عند بالها غير كتخايل وصافي لكن قلبها وعقلها مع الباب كتسنى شكون يدخل حتى بان ليها بهاء داخل بتاسمات بعفوية وقالت بهدوء بعدما تقادات فالبركة
سعاد:ولدي بهاء
بههااء:(قرب ليها بسرعة وهو كيقادها فبلاصتها وقال)خالتي رتاحي عفاك مازالك عيانة
سعاد:(كتشوف فالباب بلهفة)فين بنتي مرام (جلنار)فين هي توحشتها بزاف واش لباس عليها
بهاء:(حط ايدو على خدها بحنان)مرام (جلنار)لباس عليها ا خالتي غير تهناي وريحي بالك
سعاد:علاش مجاتش تشوفني فين هي دبا
بهاء:(ببتسامة)حيت مفخبارهاش بلي نتي كينة هنا ديرها ليها مفاجاة
سعاد:(كتشوف فيه بدون اي تعبير حتى شك انه وقعات ليها شي حاجة وخاف تسخف ليه حركها بشوية عاد يدات كترسم على وجها ابتسامة بشوية بشوية وقالت)اذن هدوك لي شفت صباح ماشي تخيلات
بهاء:(حرك راسو بالنفي)لا ماشي تهيئات هما مزال حيين وكيتسناو على برة باش يشوفوك
سعاد:(لاحت عليها الغطا وحيدات السيروم من ايدها بالزربة مجا فين يستوعب حتى كانت ناضت وقربات لباب ناض بالزربة ببباش يحبسها لكن كانت اسرع وحلات الباب لقات رياض وليث عند وجهها شافت فليث هو اللول وركزات فيه الشوفة عاد شافت فرياض عينيها تجمعو فيهم الدموع
رياض(بصوت رجولي حنين):عشقي
سعاد كتشوف فيهم والدموع فعينيها نازلين شلال جراتهم بزوج فحضنها مزيرة عليهم كانها خيفة تخسرهم عوتاني لبكا ولا شهيق ومن شهيق ولا نحيب
سعاد:اهئ اهئ كنت عارفة منتاحرتيش(شاداه من وجهو ومقابلة مع وجها كتبكي وكتهضر بهستيرية طلقات منو وشدات ولدها حضناتو حضن امومي خلاه يشهق ويزيد يتخشا فيها ويزير عليها)ولدي اهئ اهئ الحمد لله الحمد لله حفضتي ليا حبابي وكل معندي اهئ اهئ(هزات ليه راسو وعينيها حمرين وهو كذلك كانو عينيه حمرين بالدموع)ولدي لباس عليك ياك ا حبيبي ماداوكش هدوك اعداء الله مدارو ليك والو..نطق اولدي سمعني صوتك اهئ اهئ قول شي حاجة الله يرضي عليك اهئ اهئ
ليث:ماما
سعاد:(بمجرد ما سمعات صوتو كلمة ماما نفاجرت بالبكا)اهئ اهئ ولدييييي اهئ اهئ ياربييي الحمد لله الحمددلله نحمدك ونشكرك يا سيدي ربي حفضتي ليا كبدتي
ليث:(كيحاول يتحكم فراسو بعدها عليه حتا تقابلت معاه وبدا كيمسح ليها الدموع)لا الحبيبة لا صافي براكة من البكا حنا دبا مجموعين مكينش لي غيفرقنا صافي براكة من البكا هدا وقت الفرح والضحك ماشي وقت البكا صافي شششش
رياض:(ببتسامة جرها من حضن ولدها وقال برجولة)شفتك نسيتيني انا هاه
سعاد:(عنقاتو وغمضات عينيها)تنساك المووت ا بعلي
رياض:(خسر ملامح وجهو وقال)ياك كنقول ليك متبقايش تقوليهالي خصوصا قدام شي واحد
سعاد:(شافت فيه وقالت)زادك الشيب وسامتا ووقارا يا بعلي العزيز
رياض:(كان ضاحك حتى قالتها وجمع الضحكة دار لقا ليث وبهاء ملاسقين وكيشوفو فيهم وجاههم حمرين حابسين الضحكة)...
* بعلي:زوجي *
رياض:(كان ضاحك حتى قالتها وجمع الضحكة دار لقا ليث وبهاء ملاسقين وكيشوفو فيهم وجاههم حمرين حابسين الضحكة)غبرو عليا نتوما
بهاء شاف فليث وليث شاف فبهاء من بعد شافو فرياض وسعاد وطلقو الضحكة لا سمحولي ماشي ضحكو كنقصد هرنطو بزوج حيت بقوة مكانو حابسينها خرجات ديك الضحكة بحال التهرنيطة خلاو رياض غير كيشوف فيهم جنع حجبانو وشاف فسعاد لي كانت كضحك بشوية كيف عادتها وخاطة ايدها على فمها كان ناوي يقول ليها شي حاجة الساعة فاش شافها كضحك بديك الطريقة جابت ليه حتى هو الضحكة وصدق كيضحك معاهم نوضها وهو كيضحك وخشاها فحضنو قبل جبينها وقال فودنها
رياض:توحشتك بزاف عِشْقِي
سعاد اعتلت وجنتيها حمرة الخجل لكن هو ولا على بالو بدوك الجوج لي تخنقو بالضحك لدرجة ولاو كيكحو جرها ودخلها للغرفة لي كانت فيها وشاف فيهم
(خرج عند بهاء وليث وقال ليهم )سيرو قضيو شي حاجة لراسكم اه وديرو فبالكم باغي نخرج من هنا تلاحو
-دخل وسد الباب على وجاههم خلاهم غير كيشوفو سمعو الساروت دار عرفو القضية متعجبش شافو فبعضهم ومشاو فحال سبيلهم حتا نطق
-ليث:ايمتا غتلقي القبض على ديك التريكة
بهاء:بعد غدا انشاء الله
ليث:ام اوك..
عم الصمت بيناتهم كل واحد غرق فافكارو اما رياض فبمجرد ما دخل لقا سعاد متكية وكتشوف فيه ببتسامة مدات ايديها عندو شاف فيها للحظات وتوجه عندها تخشا جنبها فالسرير وتغطاو جرها لعندو وهي حطات راسها على صدرو محاوطاه بايديها مرة مرة كطلع تنهيدة من القلب وكتحمد رب العالمين لي عوضها على صبرها باجمل حاجة واخر حاجة كانت ممكن تفكر فيها ولا تخايلها اما رياض فكيلعب بشعرها وكذلك كيقبل راسها بكل حب..
يسرى:دبا والله لقيتيني غنبدل حويجث ونجي عندك وحق الله العظيم (شافتها كتشوف فيها ومصغرة عينيها)وحق سيدي ربي اقسم بالله العلي العظيم حتى كنت ناوية نمشي عندك وحق مولا
جلنار:(طلقات ضحكة عريضة وبعيون لامعة تلاحت على يسرى حتى طاحو بزوح فالارض)ييييي غتولي مرت خوياااا هههه
جلنار:(ناضت من فوقها كضحك)هههههه شكون كان يقول العافية والبنزين يتلاقاو شي نها(قاطعها صوت الفون جوبات بعدما حبسات الضحك وعقدات حجبانها)وي
فؤاد:حبيبة بصح داكشي لي قال جدك
جلنار:(عوجات فمها وبتاسمات باستهزاء)هم بصح
فؤاد:(بفرح)ههه شوفي انا عندكم فالفيلا جي باش نهضرو فهادشي
جلنار:انا بعيدة على الدار
فؤاد:ضروري تجي باش نهضرو الى بغيتي نجي نجيبك خاضنا نهضرو غدا غنديرو لاكت منقدرش نزيد نصبر كتر من هاكا
جلنار:(صدمها تبلع ليها اللسان)
فؤاد:الو..الوو جلنار!
جلنار:احم وي كنسمعك
فؤاد:جي دبا لدار
جلنار:واخا
قطع الخط وشافت فيسرى لي كانت ساكتة وحضياها بترقب كتسناها تهضر
جلنار:اووف صدمني وجه الكلب بفف
يسرى:فاش صدمك
جلنار:المهم نوضي وفالطريق نعاود ليك شنو كين
يسرى:اوك صبري نبدل ونمشيو
حركات ليها جلنار راسها بالايجاب وهي كدوز الرقم د بهاء ولي كان طافي خبطاتو مع السرير وهي كتفكر فهاد الحريرة لي نزلات فوق راسها حتى جات يسرى متانقة بلباس كاجوال مريح هزات جوالها لي كان كيصوني ولقات ليث جوبات والابتسامة على وجها بصوت حنين
يسرى:الو
ليث:بب صافا
يسرى:وي الحمد لله ونتا
جلنار:(قالت قبل ميجاوبها)ليث هدا ياك
يسرى:وي هو
جلنار:اري نهضر معاه
يسرى:هننن وخليني غير نسول فيه بعدا حرام عليك
جلنار:(شافت فيها بمعنى "من نيتك" وقالت بحزم)اري لهنا نهضر معاه را مسالت حياة او موت
يسرى:(ميقات فيها وقالت)شدي التابعة قال حياة او موت قال
جلنار:(عاودات ليه شنو قال ليها بهاء وشنو قال فؤاد)ودبا انا حصلت وخاصني نهضر مع بهاء واش عارف فين كين خاصني نهضر معاه ضروري
ليث:وي عارف صبري جوج دقيق نعاود نصوني ليك
جلنار:اوك
قطعات لفون وزفرات براحة وركبات فالسيارة هي ويسرى فصمت وديمارات فاتجاه فيلا بن عمرو حتى صونا الفون دارت السبيكر سمعات صوتو لي توحشاتو مقالت والو من غير تسمع ليه وهي مبتاسمة
بهاء:(عارفها كتسمعو وقال بعدما بعد من حدا ليث)كديريها بلعاني الشويطينة..توحشتيني لهاد الدرجة هم
جلنار:(وساعت ابتسامتها وهي سايقة لوطو مركزة معاه كتر من طريق وقالت)كتر متخايل ا كينغ كونغ
بهاءالدين:ناري ونشدك اش ندير ليك على هاد كينغ كونغ
جلنار:احم يسرى كتسلم عليك
بهاء:(ضحك حتى تسدو عينيه وقال)يسلم عليها الخير..مالك فاضحانا
جلنار:(كانها عاد تفكرات شنو كيتسناها وقفات جنب الطريق وقالت بغباء)غدا غنتزوج هنن
بهاء:(عض على شفايفو من نبرتها الحنينة الطفولية)حيدي السبيكر
بعدات منها بسرعة ونزلات مخلياها مخرجة عينيها فيها اما يسرى فنزلات دارت ليها باي باي بايدها وهي كتبتاسم بشر سلمات على بهاء من البعيد ومشات عند ليث لي كان فاللوطو لداخل
ركبات حداه وديمارا قالب الطريق وبهاء ركب فبلاصت جلنار بعدما تحولات لبلاصة يسرى وهو كيضحك
جلنار:(وهي عاضة على شفايفها وقالت بصوت مرتجف وقلبها كيخبط)توحشتك بزاف
بهاء:(شاف فيها للحظات وهو يجرها عندو حطها فوقو قرب وجها عندو وحط شفايفو على شفايفها وانغامسو فقبلة شعلات النار فاجسادهم خلاتهم يطالبو بالمزيد بعدات عليه جلنار وهي كتصوط شاف فيها عينيه معسلين وقال بصوت مبحوح
بهاء:محتاجك بزاف ا مرام
شافت فيه وحالتها لا تقل عن حالتو كيف كنعرفو شهوة المراة اقوى من شهوة الرجل باضعاف المرات وقالت وهي كتعصر
جلنار:(شافت فيه وهي مخرجة عينيها وقالت)من ايمتا وعلاش مقلتيهاش ليا
بهاء:قبل ما يوقع الحادث ديال الحريق ماماك جات عندي وقالت ليا شنو وقع معاها امناتني عليك وقتارحت عليها نتزوجك وهي وافقات نتي سنيتي على ورقة زواجنا بلاما تعرفي
جلنار:علاش خبيتي عليا😪
بهاء:(حط ايدو على خدها)حيت فهديك الوقت كنتي على سبة وكانت عندك عقلية فشكل وكنتي قاصحة اكيد كنتي غتنويها عوجة وتفارقي معايا كنت ناوب نديرو ميثاق جديد بيناتنا بلاما تعرفي بلاخر ولكن شاء القدر انو تعرفي..(قبل جبينها)نتي مرتي ولو مكانش بيناتنا هاد الميتاق معمرني كنت نقرب ليك ولا نديفيرجيك كنت غنبقا معاك ونحميك حتى نتزوجو كنبغيك اروحي
الميتاق معمرني كنت نقرب ليك ولا نديفيرجيك كنت غنبقا معاك ونحميك حتى نتزوجو كنبغيك اروحي بقات كتشوف فيه وتلاحت عليه عنقاتو رغم انو متيقاتش كلام جدها الا انه كان واحد الشوية د الشك لانو كيف قال الى مكانش الميثاق فكلشي حرام فحرام وخا يكون الحب وتكون المودة والرحمة الا ان رضى الله مكينش وهو عارف هادشي عارف بينو وبين الله وعارف لي عليه ولي ليه كان وفي ليها طول عمرو وصابر حتى يدير معاها الحلال ميمكنش يجي نهار ويضرب كلشي فالصفر ويتوجه لشيء لي حرمو الله..قاطع عناقهم صوت الهاتف د جلنار لي هزو بهاء وشاف السمية د فؤاد وعقد حجبانو حركها وقال ليها جوبي بعدما دوز لابيل و دار السبيكر تسمع صوتو هو الاول خلا بهاء يجمع قبضة يدو بغضب
فؤاد:روحي فينك من قبيلة وحنا كنتسناوك
جلنار:(بعدما دار ليها بهاء اشارة باش تجاوبو)انا مع يسرى ياك لباس
فؤاد:حبيبة نسيتي بلي حنا مجموعين فداركم باش ناقشو ضريب الصداق
جلنار:(شافت فبهاء لي عينيه ولاو كيف نقطة الدم وعرق برز فجبهتو بسبب العصاب لي ركبو)احم انا قلت ليكم بعد يومين ماشي غدا
فؤاد:انا مبقيتش قاد نصبر احبيبة باغي نكون معاك
بغات تجاوبو وهي تقفز من سمعات بهاء ضرب يدو مع الفولا د اللوطو شافت فيه مقدراتش تهضر وهو كتشوفو غيطرطق قالت ليه بالزربة بعدما سمعات صوت فؤاد
فؤاد:شنو هادشي جلنار فينك
جلنار:اخر كلام عندي بعد يومين ومغنجيش هاد النهار (بغات تقطع وهو بحبسها بهاء قرب لودنها بعدما حبس الصوت وقال ليها)
بهاء(بنبرة خاصة خلعاتها):قولي ليه اوك غدا غديرو لاكت(بغات تعتارض وهو يخرج فيها عينيه طلق الصوت وحرك ليها راسو بطريقة خلاتها تنفد بدون
قطعات الخط بلاما تسناه يجاوب وشافت فبهاء لي كيشوف فيها وراسم ابتسامة على وجهو دخلات ليها الشك ولكن معلقات بوالو قال
بهاء:فين غنمشيو!!
جلنار:(بعد لحظات صمت)لدارنا
شاف فيها وقبل جبينها بكل حب وقال "وخا الالة هي لي متعاود" ديمارا فاتجاه منزلهم القديم مسافة ااطريق وكان تما بلاصة قدام الزنقة لي مازال هي هي متبدل فيها والو ناسها مزال كيف عادتهم قدام البيبان مجموعين وشادين تقرقيب الناب
ديمارا فاتجاه منزلهم القديم مسافة ااطريق وكان تما بلاصة قدام الزنقة لي مازال هي هي متبدل فيها والو ناسها مزال كيف عادتهم قدام البيبان مجموعين وشادين تقرقيب الناب الشباب على الحيوط متكيين وحاضيين هادي غادة وهادي جاية هدا خدم هدا بيطالي الحاصول ونا فيه لي فيه شي لولة فيه عمرها تحيد منو رجعات جلنار لبلاصتها وخرج بهاء هو الاول دور عينيه فالدرب لي مازال كيفما خلاه الاعين عليه وملشي كيشوف فيه معقلوش عليه لانو تبدل 180درجة ولا واحد اخر شكلا والهيبة لي محيطة بيه خلات بنادم ميزعمش عليه خرجات جلنار موراه ولي بسرعة تعرفو عليها الجيران لانها مرة مرة كانت كتجي للدار وقفات عليها وحدة من الجارات القدام ولي كانت صحبة مها ببتسامة عانقاتها جلنار بضحكة بريئة
الجارة:بنتي مرام لباس عليك..
جلنار:الحمد لله اخالتي ونتي كلشي مزيان كيف راهم البنات واحد خالتي السعدية وسامية مشفتيهمش
الجارة:الحمد لله ابنتي هاد الساعة يسول فيك الخير..سامية راه مع مها مقابلاها
جلنار:(شافت فبه وبتاسمات)اه هو خالتي..عرفتي شنو اجي معانا نمشيو عند خالتي حيت غنبقاو هنا كنهضرو وخاصني نشوفها ضروري(ضارت عند بهاء)بهائي خاص نمشيو نشوفو خالتي السعدية
بهاء:(قرب سلم على السعدية وسول فاحوالها)علاش مالها
جلنار:(دموع تجمعو فعينيها من صغرها كانت كتعزها كانت معتابراها مها التانية)مريضة بزاف اهئ اهئ
مشات السعدية سابقة وهما وراها حتى قربو وقال ليها بهاء
بهاء: سيري نتي انا غنتقدى شي حاجة ونجي اوك
جلنار:وخا رد البال لراسك كنبغيك
بهاء:(قبل جبينها)حتى انا كنبغيك
#عند_رياض_والغالية
واقفين قدام البحر كل واحد فين كيشوف رياض كيصوط وعاقد حجبانو وهي كتشوف فالبحر ودموع فعينيها ما حسات الا برياض جارها من ايدها وعينيه خارجين فيها مزير على ايدها:
رياض:من نهار قبلتي تكوني حبيبتي ونتي ديالي بوحدي حدرتك وقلت ليك بعدي وديري حدود بين جنس الرجال(غوت حتى قفزها)قلتها ولا لا
جلنار:(عنقاتها جنب بايد والتانية شادة فيها البنت كتلعب وتماطا لبهاء)سمحولي احبيبتي غير الوقت والضروف حتى نديرو شي وقيت ونعاود ليك
سامية:(جراتها من ايدها وقالت)هي دبا نوضي
جلنار:(عطات البنت لبهاء مبتاسمة حيت كانت كتماطا ليه خداها من عندها متردد وبدا كيلعب معاها وكيشوف فيها مبتاسم)وخا هه
ناضت وعينيها على بهاء لي كان كيلعب مع مرام الصغيرة لي سماوها تيمنا بجلنار ومعزتها عندهم حتى دخلو لكوزينة لي كانت بعيدة شوية على الصالون دخلوو ومشات سامية لتلاجة كتجبد لي غطيب العشا
سامية:ايوا بداي الالة هاني كنسمع
بركات جلنار فالمرسي مقابلة معاها وبدات كتعاود ليها من نهار فاقت من الغيبوبة حتل دبا وشحال بقات غيبوبة منسات حتى حاجة
سامية:اوعدي هادشي كلو داز عليكم بزوج
جلنار:مكتاب الله وصافي الحمد لله على كل حال
سامية:الحمد لله بعدا من لي بهاء صدق راجلك ومغلطتيش معاه طلع راجل
جلنار(ببتسامة):بهاء من يوم يومو راجل ربي عوضني بيه
سامية: الله يخليه ليك
جلنار:اميييين(كتشم فريحة طياب)اممممم هادشي باين بنين قرب يطيب!!!
سامية:(ضحكات حتى تسدو عييينيها)يكماا كتوحمي ا صكعة ههه
جلنار:منين اختي ساط فيا الريح وغتنفخ لي الكرش ههه
سامية:ههه ايوا منعرف ليك
جلنار(بخجل):لا لا سنين مقرب ليا غير كوني هانيا
سامية:اوعدي الراجل مسكييين حرمتيه من حقو غيكون عالم بيه غير لي خلقو
جلنار:علاش مالو راه كيف العود غير كيطوطح
سامية:(صغرات عينيها)واش كيجيك عادي ميبغيش يقرب ليك!!!
جلنار:وي عادي
سامية:لا نتي بزاف نوضي من قدامي
جلنار:(لوات شفابفها وقالت)علاش بغيتي نمشي
سامية:(جرات كرسي بعدما طفات على البوطة)شوفي الراجل ميقدرش يصبر هاد المدة كلها بدون ما ي(سكتات)فهمتيني ياك
جلنار:لا اش غنفهم ونتي اصلا مقلتي والو!!!
سامية:هوووف تي مال مك مكلخة كنقصد يجامعك تشاركو الفراش ينعس معاك اووف تي منين نزل عليك هاد الكلاخ كله
جلنار:(خدودها توردو بخجل وقالت)مفهمتش حيت معمرني هضرت فهادشي مع شي واحد
سامية:ايوا ودوك النصائح لي كنتي تعطيني نهار عرسي منين جبتيهم
جلنار:غير باش ترتاخي ومتخافيش وعلى حد علمي النفسية كتلعب دور فكلشي
سامية:(ضربات على جبهتها وقالت)بما انك زرقة فهادشي سمعيني وحلي ودنيك معايا مزيان نتي دبا مراة مزوجة وعندك مسؤوليات اتجاه راجلك اولهم انك تعطيه حقو الشرعي وعمرك تقولي لا الا فحالة المرض اولا تكوني عيانة ولا تكوني حائض
جلنار:هيه مالني روبو!!!
سامية:الاعذار لي عندك بينين هدشي الشرع لي قالو ماشي انا والى حرمتيه من حقو ونتي قادرة كتبات تلعن فيك الملائكة تبغي تبقا تلعن فيك الملائكة ليل كلو؟؟؟(حركات جلنار راسها بلا)ايوا سمعي الهضرة وكتجي المرحلة التانية هي خصك تسمعي كلامو ولي قالو ليك وافقي عليه والى مقتانعتيش بشي حاجة جلسي معاه على الطابلة وهضري معاه تناقشو بجوج حطي ليه داكشي لي عندك وحاولي تقنعيه وهو اكيد غادي يبغي راحتك(حركات ليها راسها بالايجاب)كوني نتي مو وصاحبو وكلشي ديما تيقي فيه ومتخليش شي واحد يدخل بيناتكم مشاكيلكم حلوهم بزوج عمرك دخلي شي طرف اخر يفاصل بيناتكم وعمرك تهجري فراشك الى هجرو هو ديري اي حاجة وباتي حداه الله يجعلك تخليه حتا ينعس وتخشاي حداه اما شيء لاخر ماكلتو حويجو داكشي عندكم لي يدرو هه ولكن نتي مرة مؤة طيبي ليه شي شهيوة كتعجبو متكونيش معجازة ووجدي ليه حويجو خاص يكون عندك
قبل ما تكمل كلامها سمعات الغوات والسبان فالزنقة خرجات كتجري من الكوزينة خيفة حيت عرفات الصوت ديالمن مهو خمس سنين وهو كيتهدد على بهاء من ديك القتلة لي عطاه وبسبابها دخل لسبيطار منساهاش وباغي يرد دقتو واعتبارو باقا كية جلنار فقلبو والشمتة لي تشمت مازال تكدي فيه ومغيبرد يا يكون قاتل يا مقتول بهاء مدا ما جاب بارك كيضحك هو والسعدية وايوب لي كيدوز الجغمة بزز هز عينيه فسامية لي وجها تخطف منو اللون كيهضرو غيؤ بالعينين وجلنار وراها مخلوعة ومفاهماش شنو واقع قالت باستغراب وهي كتشوف بهاء شاد فايدو مرام الصغيرة وكيهضر مع السعدية ممسوقش لغوات لي برة بحكم الخي شعبي فعادي يكونو بخال هاد الاشكال لكن الضحكة تمسحات وهز حاجب ومخلي لاخر طالق ودنيه كيتاكد من سميتو واش هي لي سمع ولا غير جاب ليه الله
ايوب:(بالزربة قال قبل ما يهضر بهاء)هاد البرهوش مبقا يحشم من حد من نهار تحول واحد البرهوش حتا هو سميتو بحالك بهاء وهما فشد ليا نقطع ليك كل ليلة نعسو على الكسيطة
بهاء:(وقف فاش سمع الصوت وفاش شاف ايوب وسامية لي مخلوعين واش غيخفى عليه معالم الخوف راه خدمتو هاديك مد لايوب بنتو وقال)هاد الصوت كنعرفو مزيان
ايوب:جلس اصحبي را ماشي عليك
بهاء:(شاف فايوب بنضرة زعزعاتو وقال بصوت جِدي)حيد ا ايوب من قدامي
جلنار:(وقفات قدامو كتشوف فايوب وسامية بخوف)شنو واقع شكون هدا
سامية:ختي مرام هداك فؤاد لي كيغوت الله يخليك حبسي بهاء را ليوم واحد فيهم يمشي لحبس ولاخر لقبر
بهاء:(شاف فيها وفهم شنو واقع مشا طل كيبان ليه فؤاد هاز جنوي كبير د الدبيحة ومعاه تلاتة د الشباب ضحك باستهزاء ورجع غادي نازل عندهم وقفات قدامو جلنار)حيدي من قدامي
جلنار:(شدات فايدو)عفاك ا بهاء الله يخلي ليك معز عليك متديهاش فيه وخلينا هانيين عفاك اهئ اهئ مبقيتش قادة على المشاكيل
بهاء:(قبل جبينها وقال بصوت هادئ)مغيوقع والو غير رتاحي
جلنار:عفاك ا بهاء وغلاوتي عندك متنزلش
السعدية:هعار الله اولدي الى مجلس خليه يغوت حتا يعيا ويمشي فحالو
شاف فسامية لي كترجاه بعينيها وايوب لي كيشوف فيه رجع شاف فالسعدية لي كتبكي هي وجلنار تحط فوسط العافية جلس فوق السداري كيصوط جر جلنار بركها فوق فخضو كيمسح ليها دموعها بحال البنت الصغيرة وكيسكت فيها عاقد حجبانو كيسمع فؤاد كيغوت ويسب من السمطة لتحت قال لجلنار
بهاء:جيبي ليا كاس د الما
جلنار:وخا
ناضت مشات لكوزينة هي وسامية حتى سمعات فؤاد كيسب فام بهاءالدين رجعات كتجري للصالة لي هلات فيها بهاء ما لقاتوش عرفاتو نزل ليه بغات تبعو وهو يوقفها ايوب..
إبنة الجار الجزء 13
محتوى القصة
التنقل بين الأجزاء