فؤاد:(وقف قدام بهاء لي واقف وقفة عسكرية ويديه فجيابو وشبه ابتسامة على وجهو)واخيرا تجمعنا ا بهاءالدين خمس سنين وانا كنتسنى فيك تبان
بهاء:(بصوت رجولي واثق)هم انا قدامك دبا
فؤاد:(كيشوف فيه مضهشر لانو مبينش عليه الخوف بتاتا)جا وقت الحساب
بهاء:(حيد تجاكيط لي عليه والساعة لي فايدو وشاف فيه وقال باستهزاء واضح)مكانش كيحسابلي نهار غتبغي تحاسب غتخبا ورا هاد جوج(كينعت فهادوك لي معاه وعينيه على فؤاد)عواد د الكبريت
الشاب١:معجبناكش اولد ******
قبل ما يكمل كلامو كان بهاء واقف قدامو هاز حاجب ومخلي التاني ايديه على شكل لكمة وجهو خال من اي تعبير كيشوف فيه بكل ثقة فالنفس محسش بيه ايمتا هز ايدو وعطاه بلكة طيرات ليه سنانو لقداميين بالدعقة هز الجنوي بغا يخشيها فبهاء خوى ليها ومرام غوتات من الشرجم بالدعقة كتبكي وتشهق روحها بغات تخرج هز راسو فالشرجم عقد حجبانو وصعر د بصح غوت حتى خرجو عروقو"دخليييي" مبغاتش تدخل هو بالو معاها غفلو واحد من هادوك لي مع فؤاد جرحو فضهرو مدار حتى ردة فعل المل شهق فاش شاف الدم وخاف حتى واحد مقدر يدخل بهاء شاف فايوب بمعنى دخلها فهمو وجرها بزز دخلها وهي كتغوت وتنطر بغات تسطى مشات كتجري لفون هزاتو عيطات لخوها كتشهق النفس مقاداش تخرجها
جلنار:ضربوه اهئ اهئ ضربوه لضهرو بجنوي اهىئ جي عفاك
ليث:(بسرعة)فينك هضري
جلنار:(كتشهق)انا فالحي
ليث مزادش معاها الهضرة قطع وزاد فالسرعة كان عاد حط يسرى وغادي لاوطيل حتى صونات ليه معرف باش تبلا غادي فالطريق بسرعة تخطف النفس لي داز من حداه يبقى يشوف كين لي كيدعي معاه ربي يلطف وكين لي كقول "شوف هاد براهش دهاد الجيل ساخين بعمرهم" الملام كتير ومل واحد وطريقة تعبيرو فهاد الاثناء كان بهاء...
الكلام كتير ومل واحد وطريقة تعبيرو فهاد الاثناء كان بهاء مقاتل مع فؤاد ورباعتو كان كيتقاتل معاهم باحترافية مبالغ فيها خلا كلشي مصدوم فيه رغم الجروح لي تجرح فالجسد ديالو الا انه مازال متماسك علاش لا وهو اصلا دوز العذاب الاليم فين يبان هادشي قدام داكشي لي دوزو عليه باش يجهزوه للتعديب الجسدي والنفسي ماشي ساهل تكون قائد #فالمخابرات_العسكرية فحين جلنار كتضرب فراسها تبكي وتغوت بغات تسطى وروحها تخرج كطل وكلها كترجف الكل هز راسو فالفران لي تخبس ولي دار الصوت كان ليث لي وقف فهاد الاثناء بهاء تهز لسماء وضرب فؤاد لصدرو حتى طاح لارض كيكحب الدم وقف ليث حدا بهاء وقال
ليث:بنتي لي قضيتي الغراض متحتاجش
بهاء:تعطلتي اصحبي هاد ختك مدارت فيها ميصلح هه
كملو هضرتهم ومل واحد فيهم شد واحد حتى تهدو وولاو يطلبو ويرغبو باش يطلقوهم لكن معامن هما جاو برجليهم والقوة لي كيتعناو بيها بمجرد ما حيد ليهم بهاء المضا ولا كيف القطوط جندخهم مويان مخلا فيهم غير لي نسا
بهاء:عيط على البوليس
ليث:(كيشوف فيهم مليوحين فالارض خدا لفون ودوز الاتصال)هي لي متعاود
ممانتش خمسة دقايق كانو البوليس واقفين بمجرد سمعو اسم بهاءالدين الزراوي لانو كيف معروف ميحضرو البوليس حتا تفرتك الجوقة والمجرم يهرب عاد يتمو جاين..بغاو يهزوهم ملقاو ميهزو شخشخهم بهاء الدين وكمل عليهم ليث عيطو لاسعاف يديهم لسبيطار ومن بعد ياخدوهم لولاية الامن ولي كيتسناهم الجحيم تما..وقفو الضباط قدام بهاء ودارو ليه التحية العسكرية خلاو كلشي حال فمو فبهاء والكلام كثر
الشرطي:سيادة القائد خاصك تمشي لمشفى ضروري كلك مجروح
بهاء:(دار باش يمشي يطلع لعند جلنار بعدما خدا تجاكيط من عند ليث لبسها)لا ميحتاجش
بمجرد مدار بانت ليه جلنار واقفة وجهها حمر وعينيها كذلك شعرها مشعكك لانها كانت كتنتفو فاش بغات تنزل ومخلاهاش ايوب تمشا عندها عاض على شفايفو وهو كيشوف فبها كفاش كتغزل بالخوف وكتشهق النغس محبوسة فيها زاد فخطاويه فاش شافها نزلات للارض وشدات على صدرها بالم حتى وصل عندها نزل على ركابيه بخوف
بهاء:حبيبتي مالك شنو كيضرك
-كتزير على صدرها بالم مقدراتش تجاوبو حتى غمضات عينيها خرجو عينيه وبدا كيضرب ليها فوجها ضربات خفاف متتاليين حتا وقفو عليه الممرضين لي كانو فالاسعاف دفعوه وبداو فتشخيصها اما بهاء فاش دفعوه متحركش بقا مصدوم فاش سمع الممرض كيقول ليهم يجيبو الناقلة وكيقول "سربيو المريضة جاتها جلطة قلبية"..
ليث قرب بسرعة حداها كيسول شنو واقع والممرضين كيحاولو يهزوها لنقالة اما بهاءالدين رجع للواقع والدمووععع فعينيه دفعهم كاملين عليها وبدا كيضرب فيها بشوية
ليث:(جرو عندو)خليهم يهزوها كل ما تعطلات كل ما زاد الخطر عليها
بهاء شاف فيه ممستوعبش هادشي لي وقع كامل بقا فسكون حتى بدا كيترخى وعينيه كيتسدو قرب ليه ليث مخلوع حط ودنو على فم بهاء الدين لي كان كيحاول يقول شي حاجة ولي هي"الى وقعات ليها شي حاجة غنموت وراها" ليث شاف فيه مصدوم كيقلب فيه حتا لقا تحتو ضاية ديال الدم هز راسو مخلوع كيغوت على الممرضين جاو كيجريو هزوه فالنقالة كان مازال فوعيو حطوه جنب جلنار لي كانت مغيبة شد ليها فايدها وهو كيشوف فيها اخر الكلمات لي خرجو من فمو قبل ما يغيب "كنبغيك وسمحيلي" تحركات الاسعاف ودورية الشرطة وراها وليث معاهم فسيارى الاسعاف اما سامية بغات تسطى بالبكا معنقها ايوب كيسكت فيها
ايوب:صافي سكتي براكة من البكا انا غنمشي لسبيطار معاهم ونتي بقاي مع البنت وماماك (قبل جبينها)
سامية:لا ديني معاك اهئ اهئ بغيت نمشي
ايوب:صافي هضرت
سامية:(دفعاتو وهي كتبكي)غنمشي هي غنمشي
مشات لبيت نعاس هزات جلابة ديالها ورمات فولار على راسها وقفات قدامو اما السعدية مفراسها ميتعاود شادة البنت قدامها وكدعي مع بهاء الدين بانت ليها سامية وايوب خارجين مزروبين
مشات هي تبعات ايوب لي نزل وكيتسناها على موطورو المتواضع [c90 فالابيض] ركبات موراه ومشاو تابعين سيارة الاسعاف لي كانت مازال حاصلة فالجوقة فرااس الدرب والبوليس كيبعدو فيهم حتا دازو وتبعهم ايوب بموطورو مسافة الطريق وكانو فكلينيك العائلة "بن عمرو" تلقاو ليهم المسعفين والدكاترة فالباب دخلو بهاء لغرفة العمليات ومرام لغرفة الانعاش ليث وقف على الدكتور لي هو صديق العائلة حل عينيه على وسعهم فاش شافو واقف قدامو..
وقف بعدما مد ليه ايوب ايدو كروشاها معاه ووقف حس بالفون كيصوني جبدو شاف رقم غريب دوز لابيل وحطو على ودنو قبل ما يهضر سمع صوت ابوي خايف عرفو باه كان كيهضر بالزربة وخايف
ليث:بابا(رياض سكت كيسمع لليث)جلنار بخير مواقع ليها والو
رياض:ولدي الله يخليك قولي اش كين راني باك وكلشي بين من صوتك
ليث:(وقف قبالت الزاج كيشوف فجلنار لي كانو ديرين ليها عدة اجهزة على صدرها وايدها وكان واحد الجهاز بحال اللقاط فاصبع السبابة وجها مسقوط فيه الدم تنهد وقال)جاتها جلطة قلبية حالتها مستقرة ومكين عليها حتى شي خطر خاصها غير الراحة
رياض:(حط ايدو على عينيه)بغيت نشوفها وحتا ماماك
ليث:(سكت عدة لحظات)اوك غنصيفط ليكم رجال وجيو معاهم متخرجوش بوحدكم
رياض:وخا اولدي الله يرضي عليك
ليث:امين
قطع مع الاب ديالو مباشرة دوز الاتصال لواحد من رجالو طلب منو يمشي لقشلة ويجيب رياض وسعاد...فهاد الاثناء بهاء بدا كيحل عينيه كان متكي على جنبو بدا كيتحرك باش يشوف راسو فين حس بالالم فسائر انحاء الجزء العلوي من جسمو تبت للحظات كيتفكر شنو وقع ورجع ليه الشريط كلو ناض قافز من السرير غمض عينيه بالم لكن قاوم وناض من السرير كينتر السيروم لي معلقين ليه دخلات الممرضة وخرجات عينيها فيه
بهاء:(شاف فيها شوفة قاصحة وقال بنبرة حادة)حيدي من قدامي
الممرضة:الله يخليك اسيدي را غيتحلو ليك الغراز و يتعفن ليك الجرح صبر غير بينما عيطت للدكتور المشرف على حالتك
بهاء:(بنفس النبرة)ديني عند مرتي
الممرضة:خا
بهاء:(بامر وملامح وجهو الشرسة كتبين بلي غتزيد كلمة غيدير فيها يدو)تحركي
الممرضة:(قفزات من صوتو وخلعوها شوفاتو)ووو.ووااخخا سيدي
خرجات سابقاه وهو وراها لابس سروال تجينز ديالو ورجليه فيهم غير تقاشر بيضين الفاصمة على صدرو وكتفو وفجنبو وضهرو كذلك كان كلو مطبع لي داز من حداه كيبقا يشوف فيهه بالخصوص الممرضات لي شافوه فاش جا مع جلنار وكان شاد ليها فايدها رغم انو كان فاقد الوعي بزاف منهم اعجبن به نضرا لشخصيتو وجمالو الشرقي كل خطوة كيخطيها كامو متبعينها عدة بنات وكيهامسو عليه ... شافو ايوب جاي مشا عندو كيجري شدو من ايدو.
شافو ايوب جاي مشا عندو كيجري شدو من ايدو
ايوب:اش كدير اصحبي واش حماقيتي
بهاء:(كيقلب بعينيه على الغرفة د جلنار)فين مرام
ايوب:(كيشوف فيه بقلة حيلة ومصدوم من كمية الحب لي هاز ليها)اجي معايا
تمشاو بجوج حتا وصلو قدام الزاج فين لي فغرفة جلنار وقف قبالتو كيشوف فيها للحظات كيتسارا بعينيه عليها عاد كانت الحيوية كتشع منها والابتسامة على وجها عاد كانت كتنقز وضحك فين مشا هادشي كله فلحظات معدودة الفرح كله تقلب قرح طلق من ايوب لي شادو من ايدو حطها على جنبو الايسر لي فيه الطعنة حل لباب ودخل عندها كانت جابة جوهرة باش طل عليها وبان ليها بهاء غادي يحل لباب ويدخل
جوهرة:(كتغوت وكتزرب فالخطاوي)ايييه اشريف فين غادي داخل
بهاء مدارش عندها حل لباب وسدو موراه وليث شد جوهرة وقال ليها
ليث:خليه يدخل عندها
جوهرة:ميمكنش راه حالتها
ليث:(شدها من ايدها وهو عاقد حجبانو)مكينش شي واحد غيخاف عليها قدو سو خليك بعيدة
جوهرة:(شافت فيه ونترات ايدها توجهات للنافدة لي كطل على غرفة جلنار لقاتو كيبوس ليها فايدها وفراسها تخشا حداها وعنقها عندو بقات واقفة كتشوف فيهم ترسمات ابتسامة على محياها وهي كتشوف الخوف فعينيه وكفاش كل مرة كيحل عينيه يشوف فيها كانه كيتاكد من انها حداه يقبل راسها يرجع يغمض عينيه حتى داتو الغمضة دارت شافت فليث لي واقف فجنبها)راجلها!!
ليث:(حرك راسو بالايجاب)
جوهرة:(ببتسامة وعينيها كيلمعو)بينا كيبغيها بزاف
ليث:الصمت
جوهرة:(شافت فيه وهي شادة الفون فايدها)بالاذن
حرك ليث راسو بالايجاب وهو خاشي ايديه فجيابو فاتو بعدة خطوات وجوبات وهي مبتاسمة
جوهرة:الو ياسر
ياسر:الحب فين غبورك توحشتك
جوهرة:غير العمل هووف
ياسر:قلت ليك جلسي مكتسمعيش
جوهرة:(بتاسمات وقالت)كتبغيني ا ياسر
ياسر:لا مكنبغيكش(عقدات حجبانها وناوية على خزيت يالاه غديماري وهو يقول ليها)اش كيبان ليك البهلة را كنموت عليك
جوهرة:(وصورت بهاء والخوف لي فعينيه)الى وقعات ليا شي حاجة
ياسر:(قاطعها قبل ما تكمل وهو عاقد حجبانو ومستغرب)شش سكتي اش هاد الهضرة وهاد الفال
جوهرة:سولتك
ياسر(بانفعال):متسولينيش هادشي غير فكرة توقع ليك شي حاجة كتخنقني وكنخس بقلبي غيوقف شش صافي سكتي...
جوهرة:(بانت ليها واحد الممرضة وعيطات ليها)ليوم شفت واحد الزوج كيبغيو بعضياتهم بزااااف مكرهتش حتا انا نعيش بحال قصة حبهم المهم انا غنسول على شي حاجة ونعاود نتاصل بيك كنبغيك بيزو باي
(قطعات عليه ومهلاتوش يهضر حيد لفون مستغرب منها ومن كلامها اما هي فسولات الممرضة)بغيت نسولك جوج مرضى جاو ليوم (كتشوف فواحد الورقة قدامها وقالت)اممم الاسم جلنار بن عمرو وبهاءالدين الزراوي
الممرضة:اااه هداك البوغوص هه(خنزرات فيها)احم اه جاو صباح
جوهرة:شنو وقع ليهم حتا وصلو لهنا
الممرضة:على حسب مقال الضابط لي مكلف بيهم السيد بهاءالدين ضارب مع شي واحد فالحومة ومرتو بقوة الخوف عليه جاتها جلطة عرفتي ا دكتورة عمرني شفت شي جوج بحالهم تخايلي كان مغيب وشاد ليها فايدها بزز باش بعدناهم كان مزير عليها لي شافو هكاك ميقولش مغيب وففاش ناض حيد كلشي ومشا عندها بدون ما يرتاح حاولت نحبسو لكن شاف فيا شي شوفات طيحو ليا الما فالركابي مزدتش معاه الهضرة ومشيت معاه حتى وريتو الغرفة ديالها(تنهدات) مخافش على الغراز ولا على صحتو قد مكان خيف عليييها الله يخليهم لبعضياتهم قصة حبهم نادرة بزااف بالخصوص فهاد الوقت..المهم نخليك دبا خاصني نمشي نطل على واحد المريض
جوهرة حركات ليها راسها باش تمشي وبقات واقفة للحظات كتفكر ورجعات لغرفة جلنار وقفات قدام الزاج كتشوف فيهم لقات جلنار بدات كتفيق حلات عينيها كتشوف حواليها حتى تفكرات شنو وقع بغات تنوض وهي تحس بايدين محاوطينها عرففاتو هو بمجرد ما لمسات ايدو دموع تجمعو فعينيها دارت تقابلات معاه وهو ناعس باستو فشفايفو ودموع نزلو ليها شلال كدوز ايدها على الجروح لي فيه وتبكي وكل مرة تبوسو فجيهة حتا تحبس فيها النفس بالبكا غافلة على عيون جوهرة لي دمعو بمجرد مشافتها كيف كتقلب فيه والشهقات لي كتحبسهم بايدها تحركات باش دخل فاش شافتها كتبكي وهي حالتها مكتسمحش ليهاة نهائيا بشي مجهود دخلات بلااما دق لقاتها حطات راسو على صدرها وكتحك ليه فشعرو بحال الدري الصغير هزات راسها فجوهرة ودارت ليها حركة بايدها باش تمشي حتل من بعد وترجع وجوهرة قالت ليها بالاشارة تحبس الدموع ومتبكيش وتهدن راسها حركات ليها جلنار راسها بالايجاب بتاسمات ليها جوهرة وخرجات من الغرفة...
خرجات من الغرفة
اما ليث فكان امام باب الكلينيك واقف كيتسنا رياض وسعاد يجيو حتا بانت ليه سيارة دفع رباعي سوداء ووراها ميرسيدس بينز بيضاء مشا عند باه ومو مبتاسم سلم عليهم وسعاد غير كتبكي وتقول
سعاد:ليث فين مرام فين بنتي شنو وقع ليها اهئ اهئ
ليث:والو ا الواليدة غير شوية ستريس وصافي راها بيخير
سعاد:(شدات فيه)ديني عندها اولدي الله يرضي عليك
ليث:(حك مؤخرة راسو بتوتر)احم الواليدة دبا جلنار معارفاكمش واش حيين والى شافتكم تقدر تصدم ولا توقع ليها شي حاجة غتصبرو حتى تنعس الى كانت فيقة ودخلو شوفوها غير بينما رتاحت وخرجات من الكلينيك ولا قالها ليها بهاءالدين حيت هو لي غيعرف يوصل ليها المقصود بدون متصدم
سعاد:(دموعها كينزلو)اهئ اهئ خاصني نتخبا باش نشوف بنتي اهئ اهئ دعيتكم لله ياخد فيكم الحق الله ينتاقم منكم اهئ اهئ
رياض:هادشي كامل غيتعوض فكري لبنتنا وصحتها لي الى مشات متعوضش وخا احياتي
سعاد:وخا اهئ اهئ
ليث:اجيو معايا
دخل ليث وتبعوه هما فحين رجال ليث طوقو الكلينيك وجوج رجال مسلحين تابعينهم ملور حتا وصلو حدا غرفة جلنار وكانت ديك الساعة خاارجة من عندها جوهرة سلم عليها ليث برسمية وقال
جوهرة:وي نقزاتها تبارك الله عليها بون خليت ليكم الراحة ليلتكم مبروكة
سعاد ورياض:شكرا
اما بهاء حل عينيه فاش حس بشي حاجة كتخبط حداه ناض مفزوع شاف جلنار كتخبط حداه كتهز وتحط رجع لور مشوكي عقلو مبلوكي مقادر يدير والو غير كيشوف فيها دخلو الاطباء كيجريو بغاو يخرجوه وهو يدفعهم الدموع نزلو من عينيه دخل ليث وايوب وسامية كيجريو شافو هداك المنضر قلبهم تهز عليها كلشي خاف وكيطلبو الله ينجيها ويحفضها اما بهاء فكان بحال الجماد غير كيشوف ويقول فخاطرو"ياربي تحفضها ياربي خودني انا وخليها هي ياربي تنجيها ياربي"بقا كيقولها ويعاودها
الدكتور:(بالغوات)جيبي ليا جهاز الانعاش القلبي دبا سربي كنفقدو المريضة
بهاء:(مشا وقف قبالت الحيط كيضرب فراسو معاه حتى داز الدم من جبهتو وهو كيدعي والدموع كينزلو ليه)ياااربي ياااربي خودني انا وخليها هي ياربي حفضها ياربي....
لعد عدة دقائق من انعاش القلب تسمعات طييييييييييط والخط استقام والدكتور
الدكتور:(غطا ليها وجها)للاسف ظرنا مفجهدنا باش نقدوها لكن الاجل ديالها كان اليوم البركة فراسكم
الكل شهق وسامية عنقات ايوب كتبكي وتعدد ليث واقف مخرج عينيه ايوب كيقول "ان لله وان اليه راجعون" والدموع فعينيه معدا بهاءالدين لي توقف على الحركة فجاة..
الحياة ماشي دائما كتنصفنا وتعوضتا على المعانات لي عشناها المحضوض فقط هو من يخرج منها سالما صحيح هي مدرسة لكن قاسية جدا دروسها ماشي غير عبرة بللل تجارب لي كيترسخو فاالدهن ديالنا..الموت مممن يكون رحمة لينا وراحة لينا
بقا جامد فبلاصتو غير عينيه لي كيضورو على الاشهاص لي فالغرفة ودنيها تصمكو مبقا كيسمع والو للحظات حتى بدا كلشي كيبعد وكيدخل فدوامة من الضلام الهضرة كترات والتعازي فودنيه كتسمع صوت الصدمات الكهربائية فودنيه الاصوات تشابكو ودخلو فبعضهم خلاوه يشهق وينوض مفزوع حتى طاح من فوق السرير كلو عرقان دموع فعينيه وكينهج خلا جلنار تقفز معاه نتضت عندو كتجري بعدما حيدات السيروم بالنترة ومشات عندو نزلات على ركابيها كتقلب فيه مخلوعة غير شافها جرها عندو عنقها بجهدو كامل دموعو نزلو بحال الدري الصغير يبكي ويقول مبكيت وهي خيفة ومفاهمة والو بغا تبعد باش تشوف فيه والو مخلاهاش تحرك من بين يديه خشا وجهو فعنقها كيشهق ويبكي كتافو كيتهزو بقوة البكا ضل على نفس الوضعية لعدة لحضات دموعو نبغاوش يحبسو خيالها وهي ممدة على السرير ودكتور كينعش قلبها ولونها الشاحب واللحظة فاش غطا ليها وجها بين عينيه مبغاتش تحيد من بالو عاود هز راسو وشد ليها وجها بين يديه قابلو مع وجهو وهو
بهاءالدين:مازال حية الحمد لله اهئ اهئ
جلنار:(زيرات عليه)ششش هنا حداك موقع والو غير حلم خايب ومشا(عنقاتو)شش صافي حبيبي انا معاك
بهاء:(كيشهق بالبكا)كنت غنموت اهئ اهئ جاب لي الله كنعيش داكشي لحظة بلحظة اهئ الحمد لله سمحيلي احياتي سمحيلي انا سباب حتى وصلتي لهنا اهئ اهئ
جلنار:(بقات ساكتة حتى تخشات فيه وقبلات عنقو وقالت وهي حابسة البكا)انا معاك ا ولد قلبي معاك موقع لي والو ششش تهدن احبيبي تهدن انا معاك
بهاء:(بدا كيتهدن شوية بشوية شاف فيها وجهو وعينيه حمرين)سمحيلي كون سمعت كلامك مكناش نوصلو لهادشي كلو
جلنار:(حيدات شعر لي لثق على جبهتو وقالت ببتسامة)قدَّر الله وماشاء فعل..كوقع والو وزيدون حبيبي البطل شخشختي ليه لافيشور د وجهو عجبتيني فيهم مخليتي فبهم غير لي نسيتي اشمن لي نسيتي اصلا نتا منسيتي والو حتى عضم صحيح مخليتيهش هه
بهاء:(كيشوف فيها بحب والحلم مازال بين عينيه)الى وقعات ليك شي حاجة كنقيم ليك مانزيدش دقيقة وراك (جرها لحضنو عنقها)كنبغيك بزااف
جلنار:(زادت تخشات فحضنو)حتا انا ا روحي كنموت فيك
(بعداتو شوية وهي مبتاسمة وقالت وكتمسح ليه الدموع وهو كيشوف فيها متبع حركاتها)شوف ليك البكاي لي شافك دبا ميقولش هو لي كان كيشلض ليا بنادم...
ميقولش هو لي كان كيشلض ليا بنادم..
بهاء:(ببتسامة)ياك الالة
جلنار:(كتنوض وجاراه معاها)ااه ا سيدي هه
بهاء:اجي لهنا المفدعسة اجي
جلنار:فين غنجي اويلي هه
بهاء:(حط ايدو جنبو)هنا باغي نبقى غير معنقك اجي
جلنار:(كتنعت جيهة النافدة)شوف لهيه
بهاء:(شاف جهة النافدة وزفر)اووف هاد خوك ملقا ايمتا يجي غير دبا!!
بهاء:(شدها من شفايفها وقال)اش كنقول لوالديك انا على هاد زين سميات لي كل مرة مختارعة ليا وحدة؟؟
جلنار:(غمضات عين وخلات التانية)اي اي صافي منعاودش الميمة احح انن قصحتيني احح
بهاء:(كيضحك)هههه باقا تعاودي
جلنار:لا والله منعاود اححح بهائي وعتيني هنن دموع دموع غينزلو
بهاء:(طلقها فاش شاف عينيها غرغرو)ايوا هكاك يالاه خمدي انا غنمشي نجيب ليك متجغدي (هز ايدو بتحدير)متحركيش من هنا انا كنقولك
جلنار:(عوجات شفايفها)هم وخا
بهاء:اوك(تمشا ودار كيشوف فيها)جلنار(هزات راسها فيه)تخايلي يكون واليديك مازال حيين!!
تخايلي يكون واليديك مازال حيين!!
جلنار:(تجمعو فعينسها الدموع وقالت بنبرة حزينة مع ابتسامة باهتة)ياريت كنت غنكون اسعد وحدة فهاد الدنيا لو نشوفههم دبا قدامي غنعنقهم بكل جهدي ونشكي ليهم على كل مداز عليا بلا بيهم نبكي فحضنهم ونضحك غنعوض اي حاجة كانت ناقصاني بلا بيهم غنشكيك ليهم ونطرطق ليك المرارة ونهرب لعندهم نغضب ونمشي لعندهم ونخليك بوحدك كيف الحنش لمقطوع راسو ههه المهم بزاف (مسحات الدمعة لس نزلات من عسنيها وشافت فيهم)توحشت ماما بزااف ا بهاء
بهاء:(قرب عندها عنقها)كلشي تقاد احبيبة ولي جاي كلو افراح ومسرات
قبل شفايفها وخرج من عندها اما هي كلام بهاء فتح عليها جرح واليديها هديك الضحكة تمسخات وترسم بلاصتها الحزن نزلو دموعها وهي كتفكر ماماها وحنانها عليها تمنات يكون ملام بهاء صحيح وترجع تشوف ماماها وتعنقها تحس بدفئ حضنها وتسمع ضحكتها...اما بهاء فخرج عكس داك الشخص لي كان واقف قدام جلنار بمجرد ما سد لباب عقد حجبانو شاف
بهاء:عيط لدكتورة لي مكلفة بجلنار تقاد ليها السيروم وميدخل عندها جنس الدكر هنا علمتك..عطيني لكونطاكت ديالك
-عطاه ليه بدون مايزيد حتى كلمة حيت غير من الشوفة فيه تعرف شنو ناوي ولا مجال باش يتراجع..خداه من عندو ودار غادي باش يخرجمن الكلينيك داز من حدا رياض وسعاد بحال التور عينيه مغمضين بقاو كيشوفو فيه باستغراب ملي ما ردش عليهم السلام
سعاد:(شافت فليث)مال بهاءالدين
ليث:مشا يقضي شي حاجة ويجي
رياض:(شاف فيه بمعنى شنو كين)
ليث:(دار ليه اشارة بمعنى حتل من بعد)المهم انا غنمشي نعيط لدكتورة لي مكلفة بجلنار ونرجع سيرو رتاحو حتل غدا
سعاد:لا انا مغنتحركش من هنا حتى نشوف بنتي
شاف فيها ليث بقلة حيلة ومشا فطريقو لعند جوهرة...
شد فران سيك قددام ولاية الامن خلا كلشي كيشوف فيه نزل بهيبة وهو عاقد حجبانو سد باب السيارة بعنف حتا مشات وجات السيارة وتمشا بخطوات سراع دخل مع باب الولاية وهو كيقلب بعينيه حتا بان ليه سليم خارج طاوي كمام الشوميز جامع حجبانو وكيهضر بجدية مع واحد من الضباط محس حتى وقف عليه بهاءالدين شاف فيه وقال
سليم:بهاء اش كدير هنا هبلتي جروحك مازال جداد ؟
بهاء:(بدون ميعير سؤالو اهتمام)فين فؤاد
سليم:بهاء
بهاء:(شاف فيه عاقد حبانو وقال بنبرة امر)فين كين فؤاد
سليم:(تنهد وقال)اجي معايا
مشا سليم متقدم وتابعو بهاء حتى وصلو لدروج كياديو لاكاف وتما فين كين الحجز كان المكان بارد بزاف الحيوط فيهم اثار البرودة ومقشرين وقف سليم قدام قدام واحد الزنزانة كان فؤاد معلق من رجليه وراسو لتحت وهدوك لي كانو معاه حداه بنفس الطريقة لحمهم كلو زرق بالعصا لي كلاو من عند البوليس ومن عند سليم لي حتا هو مخلاش من حقو
بهاء:(بمعالم ممحية)نزلو
فؤاد:(هز راسو بزز فاش سمع صوتو وقال وه كينهج وكيتالم بقا ليه شوية ويبكي)بهاء خويا انا مزاوك فيك سمحليا ووجه العشرة لي كانت بيناتنا الله يرحم ليك الواليدين اخويا
بهاء:(كيشوف فالشرطي لي كينزل فيه وقال)نتا درتي بحساب شي عشرة!! ولاجورة؟؟ معارفش راسك معامن طحتي جيتي برجليك للموت ومغنرحمكش صدقني
فؤاد:(دموع نزلو ليه كلو كيترعد بالخوف)ها عار الله اخويا عمر وجهي تشوفو مازال دوز ليا غير هادي(قرب بغا يبوس ليه كتفو وهو يحبسو سليم دفعو حتى طاح للارض)سمح ليا اخويا
بهاء:(نزل عندو وهو متاخد وضعية القرفصاء"مقرض")كون جات غير عليا انا غندوزها ليك وعادي كان شيئا لم يكن ولكن مسيتيني فالغالي كنت غنخسر كلشي كنت غنخسر روحي والحاجة لي مخلياني واقف قدامك دبا..
فؤاد:كنت معمي اخويا مكنتش فوعيي والله العظيم حقدت عليك وحسيت بالشمتة مكنتش عارف اش كندير الله يرحم الغالية اخويا
الشرطي:(دخل عطا التحية لبهاء وسلبم والضابط لي معاهم)سيدي واحد السيد سميتو عزيز الصمادي كيسول على فؤاد(شاف فيه تصدم من حالتو وحلات ليه الهضرة)
الضابط:(بصوت غليض)كمل كلامك
الشرطي:احم كيسول على احوال فؤاد الصمادي وباغي يشوف سيادتكم
الضابط:اوك سير
بهاء:(شاف ففؤاد لي دموع تخلطو ليه مع الدم وحالتو كيف ولات ايدو لي بينا مهرسة هس ورجلو لي غير كيجرها وقال)صبر نمشي معاك(شاف ففؤاد وقال وهو شادو من فكو)ساهل نعدبك و نقتلك وندير فيك كتر من هادشي نخليك ترجاني باش نقتلك ومنديرهاش ولكن لا انا ماشي ولد الحرام نهلي باك ومك يتعدبو وراك هاد المرة دازت على وجه باك لي وقف معايا فواحد الوقت..ديرها حلقة فودنك نهار تبان قدامي مرة تانية غنسا كلشي ولحمك نفسخو على عضمك ونتا كتشوف..
فؤاد:(حدر راسو بعدما طلقو بهاء بالجهالة وناض غادي بحالو)خويا بهاء(وقف عاطي بالضهر)سمح ليا الله يرحم الغالية
بهاء:فوت ساحتي ا فؤاد مباغيش نشوف وجهك تاني
مشا وخلا وراه فؤاد كيشوف فالارض باقا فيه ديك الخلعة لي ركب فيه بمجرد مشافو وكفاش كان كيهضر جاه شخص تاني مكيعرفوش نهائيا حمد الله وشكرو فسرو لي دازت غير على هكا ومغرقوش وعلى حسب مشاف فبهاء مبقاش هداك الدري الدرويش لي ميكساب ميعلام ولا كلشي كيضرب ليه الف حساب ومعارف عليه والو لا خدمتو لا حتى حاجة عند بالو تحكم عليه وصافي حتى سمع بالصدفة الجيران كيقولو بلي بهاءالدين رجع وشادين النميمة سول واحد من الرجال ودلو على مكانو مشا جاب هدوك لي كانو معاه عطاهم 20 درهم لواحد باش يشريو الكارو وجاو معاه..قاطع تفكيرو صوت الشرطي
الشرطي:هيييه نوض نديوك لسبيطار
فؤاد:(بقلة حيلة)مقادرش نوض رجلي كضرني بزاف
الشرطي:(قرب ليه شدو من دراعو حتى غوت ضحك باستهزاء وقال)واحد دار فيكم هاد الحالة كلها هه
فؤاد:(الصمت)
الشرطي:(عاود شدو من ايدو الصحيحة وعاونو حتى وقف)زيد زيد عندك الزهر طحتي فايد سيادة القائد وطلع كيعرفك اما نهارك مطلع فيه شمس وعادي اذا بقيتي كتنفس فوق الارض
فؤاد:(الصمت)
تماو خارجين بخطوات تقال وفؤاد كيعكز على الشرطي ..
تماو خارجين بخطوات تقال وفؤاد كيعكز على الشرطي حتى طلعو لفوق وبفاو هدوك لتحت بان ليه باه واقف ومعاه بهاءالدين مبتاسم وكيهضر معاه شاف فالشرطي وقال
فؤاد:عفاك ديني لعند الواليد
الشرطي:الاوامر خاصني نطبقهم
فؤاد:ياك غنخرج من هنا!
الشرطي:وي ولكن غتمشي لسبيطار ماشي عند باك
فؤاد:مفهمتش واش غندخل لحبس؟
الشرطي:الاوامر ديال سي بهاء كتقول نديروك لسبيطار حتا تعافا ومن بعد سير الى بغيتي
فؤاد(كيتنطر):اش كتخربق نتا ديني عند الواليد
الشرطي:(بتاسم باستهزاء)زيد زيد غي ضحكنا معاك ندمتينا
مشا معاه وفؤاد غير كيصوط حتا وصلو عندهم وقف نده لباه لي شاف فيه مخيب ملامح وجهو
عزيز:جيتي امسخوط الوالدين كون غير بيتوك نيت باش تحشم
عزيز:كنتسناوك اولدي نتا ومرام متغيبش علينا والله يجازيك بالخير على مدرتي معانا ومدخلتيش هاد الصكع يتكلاصا وخا يستاهل
بهاء:(شاف فيه ببتسامة وقال وهو كيشوف ففؤاد شوفات د القتيلة)داز على وجهك اعمي وعلى وجه الحاجة وراه تعلم درس وفهم كلشي
عزيز حرك راسو برضى وهو مبتاسم من ديما وسي عزيز حقاني مكيعجبوش الضلم ولو ما رغباتو مراتو مكانش غيعتبها لعندو حيت حضر لكلشي وشاف كلشي وكان من طرف بهاءالدين لو قالو ليه را مات ديك الساع غيقول ليهم الله يرحمو ويسد الموضوع رغم حنانو وعطفو الا انه قاسي فبحال هاد الحويج ومكيتعاتقش..خرج من المخفر بهاءالدين نيشان للحي عند عمي المعطي لي كان فمكانو المخصص ليه وقف من بعيد كيتامل فهداك الطربورطور والمعطي لي كبر وصار شيخ عجوز ضهرو محدور بقوة تمارة لي كيضرب بتاسم وهو كيتفكر دكرياتو شحال خدم معاه وشحال كان كيعطيه فاش كان يسالي الخدمة كان هدتك المبلغ بسيط قرابة 55درهم فالاسبوع ولكن عندو واحد الوقع عليه كان كياخدو بفرح كبير كيمشي عند مول الحانوت ياخد الزيت والسكر والدقيق على قد فلوسو ومول الحانوت كان كيوفي ليه الفلوس ويزيد من عندو لانو عارف الحالة الاجتماعية ديالو غير كيجمعهم ليه ويهز ديك البلاستيكة يتقاتل معاها ختا كيوصلها لدار ويدهلها على مو كانت غير ديك الشوفة واللمعة لي فعيون الغالية كتهليه يحس بلي دار انجاز عظيم من صغرو وهو مقاتل مع الزمان وخا مخلات مدارت معاه الميمة باش يديها غير فقرايتو وميهز هم لحتا حاجة لكن نفسو عزيزة ومكانش يحمل يشوف مو تخرج تخدم فالديور ولا تعدب فشي حاجة كان كيعاون بلي قدر عليه وفوق طاقتو وهادشي كلو كان فعمرو حوالي العشر سنوات حتل اثني عشر سنة كان مرضي ميمتو من صغرو وحتى فكبرو بقا مرضي توجه
خرج من السيارة الفارهة لي كان عليها ولي خلات العينين يتوجهو صوبها وتثير الانتباه وتوجه ببتسامة لعند با المعطي لي كان جابدو على لسانو ولين خايف عليه لان الدراري لي مجموعين كلهم حضرو لمضاربة ديالو مع فؤاد
المعطي:وليني ولد لحرام هدا..فين هي الرجلة بالخواف لاخر الله يلقيها ليه..ولدي بهاء راجل وميستاهلش مسيكين هادشي لي طرا ليه
بهاء:(بتاسم بفرح وهو كيسمع كلامو حتى نطق بصوتو الرجولي المهياب)السلام عليكم
الكل:(مصدومين من شوفتو عند بالهم باقي فالسبيطار)وعليكم السلام
با المعطي:مرحبا بولدي مرحبا..عمرك طويل عاد كنا جابدينك..كيف بقيتي اولدي شوية قالو ليا الدراري على شنو ظار ليك داك ولد الخرام ديال فؤاد
بهاء:(باس ليه راسو بتواضع)هنا ابا المعطي كيف كتشوف بيخير وعلى خير
با المعطي:(عنقو بدورو وقال بعينيه الدامعين)توحشناك اولدي غبرتي علينا
بهاء:(ببتسامة وتواضع كبير واحترام اكبر)غير الوقت والعمل هما لي غبروني
......:سمعنا بلي تشديتي اخا بهاء
بهاء:(شاف فيه بملامح ممحية)وخرجت برائة الحمد لله
.....:ايوا الحمد لله على سلامتك ا خا بهاء
بهاء:(حرك راسو بامتنان مصطنع ورجع شاف فبا المعطي)صيب لي الحاج شي 5
با المعطي:ايه نتا اللول اولدي
......:وحنا ا با المعطي معجبناكش من الصباح وحنا تسناو
بهاء:بنادم مضهشر من عند الله..(با المعطي عيط ليه)المهم نتقاشعو من بعد خاصني نمشي
عادل:ومتغبرش اصحبي
بهاء:ههه هنا بت نبت معاك غير تسنا هه
عادل:وعليها
تسالمو سلام رجولي ودار لجهة با النعطي من ورا الطريبوطور خدا السندويشات جبد داكشي لس فجيبو كامل وعطاه ليه شاف فيه با المعطي باستغراب وقال
با المعطي:(بصوت منخفض)اش هادشي اولدي
بهاء:(قبل ليه راسو وقال بامتنان)خيرك سابق اعمي خليت ليك الراحة
مشا قبل ما يجاوبو ركب فسيارتو الفاهرة وخلا العينين تابعينو والشباب كيهضر موراه كل واحد اش كيقول
.....:شوف ليك بهاءالدين هو لي ضحكات ليه الدنيا كان ميكساب ميعلام ها هو ولا كلشي يضرب ليه الحساب وا البوليس كيخاف منو
......:العالم الله هاد الغبرة لي غبر اش كان كيديؤ فيها
.....:كون راه ولا بزناز ولا خدام فشي مافيا
......:من نيتك ابنادم خدام مع مافيا وغيخافو منو البوليس
.....:انا كنت فالوقت لي جاو البوليس ودارو ليه التحية را ميكون غير خدام مع صحاب الوقت
با المعطي:ايوا الله يخليها فيكم قاعدة هداك لي نتوما شادين فيه النميمة فالوقت لي كنتو نتوما شادين لحيوط وتابعين هادي غادا وهادي جايا وكتسلكطو السيد را كيخدم ويضرب تمارة..بهاءالدين من صغرو حار عزيز على كلشي مخلق وكيحتارم الناس مرضي وربي مخيبوش..ديرو غير شوية النفس وكونو بحالو....
كلشي سكت وحدر راسو اما با المعطي بقا كيدعي معاه ويقرا شوية القران مخافتا عليه من العين والحسد بصوت خفيف كيسمعو غير هو.....اما بهاء فشد طريق بعدما خدا العصير وداكشي لي كيعجبها من شكلاط وسقاطة مكانش بزاف د الوقت حتى وقف قدام الكلينيك خرج من السيارة وهز البلاستيكات معاه وتم داخل بهيبة مخلي الاعين تابعاه حتى وصل لجهة الغرفة لقا ليث بارك ومعاه سعاد ورياض سلم عليهم ببتسامة
بهاء:(باحترام)السلام عليكم
رياض وسعاد:وعليكم السلام
ليث:(كيشوف فبه)اش تما
بهاء:(هز راسو فيه بمعنى شنو)
لبث:شتك راجع فرحان ناشط
بهاء:(ببتسامة)والو غير تلاقيت مع شي ناس عزاز وصافي
سعاد:(بحزن)ولدي ايمتا غندخل نشوف بنتي
بهاء:(حط داكشي فالجنب وقرد قدامها شد فايدسها وقال ببتسامة)غير تاكل ودخلي عندها ا خالتي وهضري معاها وديري لي بغيتي
سعاد:(خرجات عينيها وشهقات رياض غمض عينيه بقلة حيلة وبهاء شاف فيه بحدة ورجع شاف فسعاد لي دموع تجمعو فعينيها)شنو واقع لبنتي اهئ اهئ شمو مخبين عليا
بهاء:(زير على يديها وقال)خالتي مرام بالف خير مبيها والو راه غير ناعسة كترتاح وصافي نتي اكتر وحدة كتعرفيها حتا حاجة متقدي فيها تمرض دقيقة وتنوض دردك علينا هه
سعاد:(ببتسامة وهي كتفكر طفولتها)عندك الحق بنتي قوية ماشي بالساهل الطيح(شافت ليه فعينيه)غنشوفها ليوم ياك اولدي
بهاء:امين اخالتي(ناض من حداها وشاف فليث بنضرة حادة وقال)هاك اخالتي كولو شي حاجة انا غندخل لمرام تاكل
سعاد:معنديش الشهية بغيت غير نشوف بنتي
بهاء:ضروري اخالتي را الدم مكيضورش فوجهك
رياض:بهاء عندو الحق كولي شي حاجة
بهاء:(ناض هز بلاستيك لي فيها داكشي ديال جلنار ودخل عندها لقاها فيقة وكتقلب فالتلفزة لي قبالتها بملل بتاسم وقال)المفدعسة اش كديري
جلنار:(بتاسمات فاش سمعات صوتو دورات وجها بسرعة عندو وقالت)قتلني الملل هنا بغيت نخرج
بهاء:(هز حاجب وهلا التاني)بلاما تحاولي غير رتاحي نوضي نعاونك تغسلي باش تاكلي
جلنار:(ميقات فيه)مالني مقطوعة بعد مني
ناضت غضبانة وكتنطر خلاتو غير كيشوف فيها حيد تجاكيط لي لابس وجلس على السرير كيتسنا فيها حتى تخرج شد جهاز التحكم ودار القران نقص شوية من الصوت وجلنار عاد جاية كتمختر وكتمسح وجها بالفوطة شاف فيها مبتاسم بركات حداه وجها مقلوب لجهة التانية وقالت
جلنار:(غضبانة زعما)جبتي ليا داكشي علاش وصيتك!!
بهاء:(مبتاسم)ام اجي تاكلي
جلنار:(شافت فيه وقالت)عطيني
بهاء:(كيشوف فيها)لا
جلنار:(دلات شفايفها وجمعات حجبانها)علاش
بهاء:كيس مي ونعطيك
جلنار:هنن وعطيني
بهاء:وا عطيني بعدا
جلنار:(عقدات حجبانها ناضت كتحبو عندو جامعة شفايفها حتى قربات عندو وباستو بوسة ديال الفقصة):مممواحححح يالاه ارا ليا ناكل
بهاء:(جرها فوقو وقال)توحشتك العفريتة(عض على شفايفو وقال)نهار نشدك ميفكني منك فكاك(طاح على فمها كيبوس ويعاود وهي كدفع فيها)
جلنار:(كدفع فيه)هنن..اننن وو..وااا وبعد ازمر القران خدام ونتا كتبوس
بهاء:(بعد كينهج)كنبوس غير مرتي حلالي مكنديرش الحرام المهم كولي عندي ليك واحد المفاجاة(غمزها)
جلنار:(بحماس)بصح شنو هي قولي
بهاء:لا كولي بعدا ومن بعد تعرفيها..الى قلتها دبا مبقاتش مفاجاة
جلنار:هم وخا
شدات سوندويتش وخدات العصير بدات كتاكل وتبنن وهو متبع ليها العين كيشوف فبها وحاضي كلشي فيها كفاش كدوز لسانها على شفايفها كفاش كتبنن ابسط الحويج فيها كيجننوه كيبغي ياكلها كتخلي قلبيو يفرفر كتحرك شهوتو ورجولتو بابسط الحويج شوفتها حداه كافية وموفية..شاف شعرها مضايقها مد يديه دارو ليها ورا ودنها بحنان وهو هايم فيها اما هي عقلها غير مع الصوندويتش لي كتحماق عليه من صغرها كلات اللول والتاني ومكرهاتش تزيد قلبات البلاستيكة بلهفة وقالت ببرائة طفولية وهي كتشووفف فبهاء لي عقلو غيخرج
بهاء:(قبل شفايفها)غنعيط غير على هدوك الناس لي باغين يشوفوك
جلنار:هم واخا
بتاسم ليها وبادلاتو الابتسامة حل لباب وهي متبعة ليه العين واحساسها مخربق قلبها كيضرب بالجهد والفرحة متسللة لقلبها رغم انها مستغربة ومتوترة من الحضور د هاد الناس لي معارفاهمش اصلا فالاخير قالت فبالها"تقدر تكون غير خالتي السعدية وسامية وايوب" دخل ليث بتاسمات ليه يالاه غتهضر وهو يقول ليها بهاء
بعد من الباب ودفعو حتا تحل كامل وعينين جلنار لاسقين فالباب....
بقات كتشوف وكتسنى هاد الناس لي قال ليها عليهم بهاءالدين دقات قللبها ممنتاضمينش سراع حاسة باحساس فشكل حطات ايدها على قلبها وبهاء كيشوف فيها قرب عندها وشد فايدها
بهاء:روحي صافا؟
جلنار مجوباتوش كتفات بتحريك راسها وعينيها على الباب مفيكسين حتى شافت اخر حاجة ممكن تفكر فيها ولا يستوعبها العقل خرجات عينيها كتشوف فيهم بدون متنطق ولا حرف وبهاء مزير عليها الكل مترقب ردة فعلها اما هي بقات فسكون لثواني حيدات ايدها من ايد بهاء وبدات كتحك فعينيها وكتعاود تشوف جهة الباب فبن واقفة سعاد دموعها على خدها وحاطة ايدها على فمها ووراها رياض بعيونو الدامعة حاط ايدو على كتاف سعاد عاونات نفس الخركة لعدة مرات شافت فليث لي كيشوف فيها مبتاسم وعودات شافت فبهاء لي عاقد حجبانو ومترقب تحركاتها قالت بصوت مرتجف
جلنار:(شدات فتيشورط ديالو وقالت بصوت مرتجف وعينيها فيهم الدموع)واش بصح داكشي لي كنشوف ولا حماقيت
بهاء:(بتاسم ليها وقال)سيري شوفي وتاكدي
جلنار:(شافت فيه وفابتسامتو وناضت من على السرير فاتجاه سعاد ورياض وقفات قدامهم مترددة للحظات قصيرة وهزات ايدها حطاتها على وجه مها لي بمحرد حسات بلمساتها شهقات والدموع زادو نزلو اكثر واكثر اما جلنار عينيها عمرو دموع شيء لي صعب عليها الرؤية مشات حدا رياض بحكم هو طويل عليها نزل شوية وحطات ايدها على خدو وقالت بصوت هامس قبل ماتنفاجر بالبكا
جلنار:بابا اهئ اهئ ماماااا اهئ(شافت فليث وبهاء)عفاكم قولو ليا مكنحلمش(رجعات كتشوف فمها وباها)اهئ اهئ بابا ماماا فين كنتو علاش خليتوني بوحدي اهئ حرام عليكم اهئ اهئ حرمتوني منكم ومن شوفتكم اهئ اهئ ماما(تلاحت عنقاتها حتى كانو غيطيحو فالارض كالاهم رياض لي كان ورا سعاد لي كتبكي وتشهق مقادراش تهضر)توحشتك بزااف اهئ اهئ كنت غنتسطى بلا بيك اهئ اهئ ماما الحبيبة الغالية على قلبي اهئ اهئ كنت ناقصة بلا بيك الغالية اهئ اهئ(بعدات كتشوف فوجه مها بخوف وقالت)فين كنتي هاد الوقت كلو شنو وقع ليك
سعاد:(باست ليها عينيها بزوج وقالت بصوت مرتجف وهي كتحبس الشهقة)انا بيخير ابنتي ماشي لخاطري خليتك كنت مخطوفة (شهقة)وغير بهاء هو لي عتقنا ابنتي
جلنار:(خرجات عينيها وقالت وهي كتقلب فيها بخوف)شنو دارو ليك اهئ اهئ سمحيلي ا ماما مقدرتش نحميك سمحيلي اهئ اهئ كون سمعت كلامك ومخرجتش كنتي غتبقاي حداية وميوقع والو اهئ اهئ
سعاد:(حابسة دموعها باش متزيدش تكمل على بنتها وهي مريضة)ششش شوفي غيا براكة من البكا مكتاب الله وكيتصرف شوفي الخاجة الايجابية من هادشي صدق حتى باباك حي وعندك خوك لي كنتي من ديما كتحلمي بيه وشحال طلبتيني نجيب ليك خوك ها هما عائلتك حداك كلنا مجموعين مع بعضنا الحمد لله على كل حال ابنتي صافي سكتي من البكا ونساي الماضي كلشي فات احبيبتي
جلنار:(عنقات مها وشافت فباها كذلك مدات ايدها ليه نزل عندها وعنقهم بزوج)الحمد لله الحمد لله هذا من فضل ربي لك الحمد والشكر يارحمان(سكتات كتشوف للحظة وبعدات كتشوف فالباب مبتاسمة شافت فبهاء لي كان غير ساكت وعاقد.حجبانو كيبان بارد قدامهم لكن الداخل ديالو عالم بيه غير الله كيبكي الدم والحزن ختارق قلبو كانت ميمتو كل ماعندو فالدنيا ولكن بغاها الله وداها وقالت بعدما قلبها تزير بشوفتو هكاك)فين الميمة!!!
إبنة الجار الجزء 14
محتوى القصة
التنقل بين الأجزاء